Indholdsfortegnelse for 26 September 2024 i Huisgenoot

1 OP 104 ‘BINNELANDERS’ SE ‘SUPERFAN’ Sy’s al meer as twee dekades ’n lojale kyker. Toe gaan bedank die Binnelanders-span ouma Cora Zietsman op haar 104de verjaardag Ag dit is so sweet. Dis hoekom baie van deesdae se akteurs so geliefd is onder hul aanhangers. Hulle is so dikwels ’n wonderlike voorbeeld vir ons almal. Dankie ook aan Huisgenoot vir die berig, dit was so mooi om te lees en te weet. DEWALD Baie geluk aan jou met hierdie groot mylpaal, ouma Cora. En baie seënwense vorentoe op jou uitsonderlike lewenspad. Seënwense ook aan almal van die Binnelanders-span vir hierdie mooi gebaar op haar groot dag. ELIZE Hans Strydom, baie dankie vir jul liefde en omgee vir hierdie ouma. Daar wag ook eendag vir julle ’n beloning in die koninkryk van…

◼ Hy sê dis nie waar dat hy sê hy is die “tweede seun van God” nie. “Daar is ’n seun van God in elke wedergebore persoon as gevolg van Jesus Christus, die Seun van God, se werk aan die kruis. Ek is as ’n boodskapper aangestel om hierdie waarheid aan die kerk oor te dra.” ◼ Hy sê dis onwaar dat hy of die kerkleiers gemeentelede voorskryf of manipuleer. “Inspraak is nie vir my onthalwe nie, maar vir die mense wat glo in dissipelskap.” Oor die rol wat “inspraak” moontlik in gemeentelede se besluite kan speel, sê hy: “Inspraak is glad nie magsbeheer oor/in mense se lewens nie. Dis ’n geleentheid tot dissipelskap.” Hy sê kerkleiers dien as mentors en verskaf geestelike ondersteuning. ◼ Dis onwaar dat hy magsbehep…

ROMP JEANS BAADJIE KORTBROEK WENK Tans is ’n knielengtedenimbroek baie gewild. Dra dit saam met ’n eenvoudige T-hemp vir ’n informele styl en saam met hoëhakskoene en ’n bloes vir ’n deftiger uitrusting. KORTBROEK BAADJIE DENIM OP DENIM WENKE WEES KREATIEF MET DENIM ● Met ’n paar denimstaatmakers in jou kas is dit maklik om verskillende voorkomste te skep – van ontspanne tot stylvol – aangesien denim saam met byna enigiets werk.● Denim is ook veel sydig wanneer dit by bykomstighede kom. Dit lyk ewe goed saam met kleurvolle, prettige ekstras as by klassieke metaalkleure.● Die Americana-tendens is tans gewild. Jy kan die voorkoms kry deur growwe denim met sagter, vloeiende items te kombineer vir kontras.● Kombineer verskillende teksture met denim vir interessantheid. En as die denim reeds tekstuur…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY VAKANSIEPLANNE MAAK ALMAL KWAAD V Ek hoop jy kan my help. Wanneer my jaarlikse verlof in Desember aanbreek, is ek gewoonlik so oorwerk dat ek die hele maand tuisbly en probeer herstel. Dit het gevolglik oor die jare ’n gewoonte geword dat vriende en familie in die omgewing vra dat ek na hulle huise kyk en ook hulle diere versorg terwyl hulle elders vakansie hou. Die laaste ruk vra hulle nie eens…

SOMS wonder ek oor ons Afrikaanse mense se obsessie met kos. Op van tydskrifrakke tot televisiekanale word ons onverdunde fokus op die kulinêre kunste gevier en verstaan. Want daar word geëet. En gepraat oor eet. En gepraat oor eet terwyl jy eet. En later, wanneer jy moeg geëet en gepraat is, word daar gepraat oor hoe om op te hou eet. Kyk maar na iets soos KOM ONS BRAAI – ’n reeks waar deelnemers se katterige opmerkings groter aandag kry as die disse wat hulle voorsit. Soms is daar ’n celeb by – en dan kry die katterigheid ’n nuwe dimensie. Dis waar die sagte onderpensie van ons Afrikaanse mense se kosbeheptheid werklik sigbaar word: Alles is eintlik ’n kompetisie. Soos wat die kos ingeprop word, so stroom die kritiek…

HY HET onlangs skouers geskuur met twee groot name in die plaaslike rapbedryf in sy liedjies “Spitbraai” waarop Early B verskyn, en “Tittewyt” waar hy saam met JACK PAROW rap. Sedert sy kinderjare in Kaapstad was musiek en rap ’n groot passie en bron van ontvlugting wanneer die lewe net te moeilik geraak het. En vandag, ná baie jare se harde werk en klippe kou word die 34-jarige Riaan Leonardo Scholtz, oftewel MR HEINZ, eindelik vir sy musiek herken – en hy geniet elke oomblik daarvan. “Dis wonderlik om te sien hoe my loopbaan van 2013 af gegroei het toe ek die industrie met my debuut ‘Sien jy’ betree het,” sê hy. “Die raad en ondersteuning wat ek die afgelope ruk by Early B en Jack Parow gekry het, was…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. №2 563 KOMPETISIEVRAAG Watter gereg is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Gebooie deur Rudie van Rensburg (Queillerie, R350). ’n Reeksmoordenaar maai bekendes op ’n streep af. Kassie en Rooi moet die monster vastrek, maar dit is makliker gesê as gedaan. Die moordenaar se beplanning is onberispelik en hy laat skoon moordtonele agter. Boonop pantser deeglike navorsing hom teen foute wat ander reeksmoordenaars se doppies in die verlede geklink het. Kassie-hulle is met die rug teen die muur. Weens bisarre boodskappe by die lyke beland hulle telkens in ’n doodloopstraat. Daarby veroorsaak die…

‘Net voor ek die rol gekry het, het Talia Davis vir my gesê, moenie worry nie, jou tyd gaan kom. En daar is ek nou saam met haar op die skerm’ DIS POËTIES Toe hy in 2020 ’n werkie by die Suidoosterfees gekry het om botteltjies water vir die akteurs aan te dra, het hy nie gedink hy sal eendag soos daai einste akteurs voor die kamera werk nie. Vier jaar later is hy een van die nuwe akteurs in Skemergrond op kykNET&kie. Maar hy is darem al gewoond aan werk op stel, want die af-gelope drie jaar werk hy as ’n kamera-assistent en klankoperateur by Suidooster. Van 9 September af is hy deel van die nuwe Cloete-gesin in Skemergrond. Hy speel Shakiel, Brandon en Sylvia se broerskind. “My eerste…

HET jy al op apps of webtuistes na liefde gesoek? Dan het jy waarskynlik moeite gedoen om die mooiste, beste, mees vleiende foto van jouself te plaas. Jy wil tog die regte een se oog vang … Maar wag ’n bietjie – wat dan van daardie ou gesegde oor die liefde wat blind is? Is die innerlike dan nie belangriker as die uiterlike as dit kom by verhoudings wat hou nie? Dis presies die vraag wat RSG wil beantwoord met hulle nuwe maatsoekreeks, Liefde in die donker. In dié radioreeks gaan deelnemers “blind” oor die lug flankeer eerder as om te loer of hulle vir mekaar aantreklik is. Kan jy regtig dalk jou pasmaat vind sonder om daai een eers te sien? “Dit is juis die punt!” sê Lise Swart,…

AS TIENERANGS ’n gesig gehad het, dan was dit sy met haar donker oë, bleek vel en misterieuse aura. Dit was die laat 1980’s en vroeë 1990’s, en sy’t fliekkykers geboei met haar uitbeelding van ernstige maar tog so sensitiewe jong vroue. Maar net toe sy goed op pad was boontoe, het ’n skandaal haar hard laat val. Winona Ryder is vir winkeldiefstal in hegtenis geneem, en die Hollywood-agen te wat mekaar eers vertrap het om vir haar werk te gee, het skielik wye draaie om haar gestap. Dis 36 jaar later en sy’s terug op die silwerdoek – ouer en wyser, maar steeds enig in haar soort. Winona maak haar rolprentterugkeer in Beetlejuice Beetlejuice, die opvolg op die gewilde gruwelkomedie van 1988 wat haar loopbaan destyds lekker op dreef…

GLO ’n mens die wetenskap, is dit tegnies winter in Mauritius. Maar kyk jy so na foto’s van die omroeper RICKY SCHROEDER in die son, wil jy wraggies amper vra: Is dit dan hý wat die kwik so laat styg? Ricky, saam met BREYTON PAULSE, JOHNNY DAVIDS, ALWYN HOLLENBACH, Herman Watney en Neels van Jaarsveld, vertel hy en die span van Ysters op die landgoed maak die beste van hulle dae in Tamarina, Anahita en Île aux Cerfs. Die span bring lang ure op die gholfbaan deur, maar daar is mos altyd tyd vir snorkel en die strand waar die groep tuisgaan in die luukse Long Beach-oord. Dis nes die vorige kere weer ’n wonderlike ervaring, sê Ricky, ook bekend vir sy rugbydae by die Southern Kings. “Deur my rugbyloopbaan…

MET ’n kreet van “You miserable bitch!” hou sy haar lyf Pieter-Steph en duik haar aartsvyand tot binne-in die dam. Dan is dit net malende arms, bene en plasgeluide tussen die waterlelies … Want Krystle het nou net mooi genoeg gehad van Alexis. Watter sepie-aanhanger kan ooit dié vete tussen die twee divas van Dynasty vergeet? Joan Collins (Alexis) het altyd die bekgevegte gewen – sy was immers die feeks van die reeks – maar Linda Evans (Krystle) kon ook maar lelik handgemeen raak. En die tonele was ekstra opspraakwekkend, want dit was welbekend dat die twee aktrises ook weg van die stel af nie juis oor die weg gekom het nie. Oor dié gevegte sou Linda later sê: “I love to do stunts, but Joan absolutely hates physical fighting.…

Wat is geluk vir jou? Om content te voel met jouself. Die lewe is ’n mengsel van moeilik en mooi, en ons moet dit aanvaar en die klein goed en oomblikke waardeer. Die goed en die sleg is nie teenoorgesteldes nie, dit vloei saam. Wanneer en waar was jy op jou gelukkigste? Ek is gereeld op my gelukkigste. Soms is ek op dieselfde dag ook weer ongelukkig. Nie een van die twee is ooit permanent nie. Wat verveel jou? Small talk. Wat sou jy anders doen as jy jou lewe kon oorhê? Way vroeër in my lewe begin skateboard het. Hoe sal die mense wat jou goed ken jou beskryf? Perfectionist. Clown. Grapjas wat mal is oor humor, absurditeit en satire. Wat is jou beste eienskap? Ek is disciplined en…

AL GENIET ons die glanslose grimering en skoongesigvoorkoms van die afgelope ruk, spog bekendes nou met glinsterende ooglede, lippe en vel. En dit plaas metaalkleurige grimering weer in die kollig. Van skitterblink oogskadu tot treffende aksentprodukte, metaalkleure het beslis ’n aantrekkingskrag. En die lekkerte van die neiging is dat dit heeltemal aanpasbaar is en jy dit so subtiel of oordadig kan aanwend as wat jy wil. Of jy regmaak vir ’n spoggerige aand uit of sommer net ’n titsel blinkheid by jou alledaagse grimering wil voeg, hier is van die mees modieuse metaalvoorkomste en die beste wenke en produkte om weer glans by jou skoonheidsroetine in te bring. GOUE GLOED Die warm skynsel van goud laat jou gesig moeiteloos vars en stralend lyk. Dis belangrik om jou aksentprodukte strategies te…

THE SUPER CADRES Deur PIETER DU TOIT Jonathan Ball, R249* Hy het nog nie reaksie van die ANC op sy nuutste boek gehad nie, sê Pieter du Toit, maar hy verwag nie dat dit positief sal wees nie. Lees jy die ondertitel van The Super Cadres, is jy nie verbaas nie, want die kritiek is duidelik: ANC Misrule in the Age of Deployment. “Trevor Manuel (oudminister van finansies) het wel ’n boek aangevra, want hy wil dit blykbaar graag lees. Ek verwag dat ek goeie interaksie met hom sal hê hieroor,” sê hy. Pieter, wat ook die skrywer is van onder meer The Stellenbosch Mafia, skryf in The Super Cadres oor die ANC se obsessie met kaderontplooiing en totale beheer wat Suid-Afrika tot op die rand van ondergang gebring het.…

BULLSH*T: THE GAME SHOW As jy lekker wil lag en ook iets wil leer, is dit die program vir jou. Deelnemers probeer moeilike algemenekennisvrae beantwoord, maar wanneer jy nie die antwoord ken nie, is die oplossing eenvoudig: jok! Die vermaaklike HOWIE MANDELL (wat jy sal ken van America’s Got Talent) is die aanbieder en die perfekte toevoeging tot die reeks. Deelnemers klim die geldleer deur antwoorde te gee en die ander te probeer oorreed dat die antwoorde wat hulle wel gee korrek is, selfs al is dit heeltemal gefabriseer. Jy kan tot $1 miljoen wen as jy die ander deelnemers kan oorreed dat jy die slimste is. Maar jy gaan jou storie moet ken om te verduidelik hoekom jy dink ’n belaglike antwoord is wel die waarheid. CH£AT Dis ’n Britse speletjiesreeks…

ANIMASIE KNUCKLES Aanhangers van Sonic the Hedgehog kan juig! Die televisiereeks Knuckles is op pad met Idris Elba in die rol van die hoofkarakter wat ons die eerstekeerin Sonic the Hedgehog 2 ontmoet het. Die reeks volg op die fliek, met Knuckles wat op ’n skreeusnaakse reis van selfontdekking gaan toe hy instem om Wade (Adam Pally) as sy protégé op te lei en hom die beginsels van sy vegkuns te leer. As jy nie meer kan wag vir die volgende fliek om in Desember vanjaar uit te kom nie, kan hierdie reeks jou beslis tot dan vermaak. In die episode van 1 Oktober kom Knuckles en Wade in Reno, Nevada, aan vir ’n rolbalkampioenskap. PRETTIGE DINGE OOR KNUCKLES EN SONIC › Knuckles se rooi, geel en groen skoene is…

SUID-AFRIKANERS verwys graag na hulself as die Reënboognasie – ’n land van unieke diversiteit. Hierdie verskeidenheid kan gesien word in die mense, maar ook – die kleurvolste! – in die natuur rondom ons. Waar kleurvolle plante aangetref word, kan jy seker wees jy gaan van die meer as 850 voëlspesies vind wat ons gelukkig genoeg is om in Suid-Afrika te hê. VELE HABITATTE, VELE VOËLSPESIES Daar is nege geïdentifiseerde biome in Suid-Afrika. Biome is gebiede wat breedweg saamgegroepeer is omdat hulle klimaatspatrone soos temperatuur en reënval deel. Hierdie unieke verskeidenheid toestande is vanweë die grootte van die land (Suid-Afrika is die 25ste grootste land ter wêreld), en ook omdat ons meestal in die subtrope maar ook op die gematigde breedtegrade van die aarde lê. Dié geografiese faktore beteken dat ’n unieke…

HOEWEL Noor Siddiqui en haar man nie vrugbaarheidsprobleme het nie, het sy haar eierselle met haar man se sperm laat bevrug sodat sy die embrio’s kan vries. Daarna het sy die tegnologie van haar eie maatskappy, Orchid, gebruik om elke embrio te toets vir enige moontlike gesondheidsprobleme in die toekoms. Noor (29) het nog nie kinders nie, en is ook nie verwagtend nie, maar sy weet reeds baie oor haar toekomstige gesin. Sy gaan twee seuns en twee dogters hê, en net soos ander ouers wil sy graag hê al vier moet gesond wees. Maar anders as ander ouers, is sy byna gewaarborg dat sy sal kry wat sy wil hê. Ons praat nie bloot oor toetse om groot geboortdefekte of toestande soos downsindroom te identifiseer nie – wat Noor…

Alleenloper 1: JohnO Hy is van die Wes-Kaap, tussen 38 en 48 jaar oud en werk as ’n ingenieur. Bedags herstel en onderhou hy industriële masjiene. Maar saans soek hy “ ’n vrou om vas te hou, iemand wat ’n pad saam met my kan stap en my beste maatjie kan wees”. Sy ideale pasmaat is tussen 35 en 45 en hou van kos maak. Hyself is ook knap voor die kospotte, “enigiets van Oosterse tot Italiaanse geregte tot boerekos”. JohnO beskryf homself as ’n introvert. “Eintlik is ek ’n skaam ou. Ek stap gewoonlik weg van ’n groot groep mense, dan hou ek dinge maar so van ’n afstand dop.” Dié geskeide man het uit sy huwelik en vorige verhoudings geleer jy moet ’n maat met dieselfde waardes en…

ELROY ‘BUMPER’ GOUWS “Ons was so 40 jaar gelede op vakansie toe ons op ’n Saterdagmiddag deur die dorpie De Rust in die Klein-Karoo ry. Ons ry verby die sportsgronde en ek sien daar word rugby gespeel. Ek stop en neem sommer net foto’s, hoewel ek weet niemand sal dit gebruik nie. Onder meer neem ek ’n foto van ’n plaaslike speler, Elroy Bumper Gouws, wat die bal by ’n lynstaan ingooi. Jare later gebruik ek dit in my boek Portrait of Rugby. Eindelik is dit tydens die 2011-Wêrelbekertoernooi in Nieu-Seeland gekies vir ’n uitstalling in Auckland, saam met 120 ander foto’s van oor die wêreld. Duisende besoekers het dié foto as die naasbeste aangewys. Bumber Gouws, ’n polisieman, kon nie in dié vreugde deel nie, want hy is 10…

NET nou die dag nog was sy ’n doodgewone meisie op ’n doodgewone dorp met ’n doodgewone lewe, so gewoon soos die lewe maar vir ’n meisie van ’n Vrystaatse dorp aan die oewer van die Klipspruitrivier is. Daarmee skort niks. Maar dat dinge vir CARLI OOSTHUIZEN (17) verander het, is gewis. Want deesdae spog sy met ’n kroon, sy pronk op voorblaaie, skuur skouers met bekendes, en nou is sy boonop ’n TV-ster ook. Carli, wat in Mei as Huisgenoot se Mej. Tiener gekroon is, verskyn in die tweede seisoen van die VIA-kletsprogram Gesels, waarvan LEANDIE DU RANDT die aanbieder is. Die eerste episode is op 21 September uitgesaai en Carli help onder meer om kykers se vrae te beantwoord en raad te gee. “Dit was ’n groot belewenis!”…

GERUGTE dat die sangeres Rihanna en die model Naomi Campbell nie ooghare vir mekaar het nie, doen al jare lank die rondtes. Nou trek ’n video die aandag waarin dit lyk asof Riri (36) Naomi (54) blatant ignoreer by die onlangse Alaïa-vertoning by die New Yorkse Modeweek. Die sangeres het seker gemaak sy word raakgesien toe sy laat by die vertoning opdaag. En terwyl sy na haar sitplek gestap het, het sy stilgestaan om die voormalige redakteur van die Britse Vogue Edward Enninful te groet. Hy het langs Naomi gesit. Nadat sy Edward ’n drukkie en soentjies gegee het, het sy omgedraai en verby Naomi geloop, wat merkbaar vir haar geglimlag het. “Naomi Campbell en Rihanna haat mekaar werklik,” het ’n aanhanger aanlyn opgemerk. “Ek sou ook wegbly van Naomi,…

Laatmiddag het tannie Poelman altyd straataf gewaggel op soek na Abjater die kat. “****, ****!” het sy geskree, met dié dat sy nog vars van die boot af uit die Oostakker in Gent was. Die hele Vlaeberg was voor die bors gestuit. Maans van Tonder wat by nommer 18 net voor die hoek gebly het, het sy velskoene deurgestap na Dominee Tarentaal se tweeverdieping toe. Uit die straat uit sou hy skree: “Lafras! Lafras! Die vrou vloek die ywe geel!” Dominee Lafras, alombekend as Dominee Tarentaal, sou dan so onder sy baard deur ’n vloekgebed opsê en op sy stoep uitkom. “Broer, sy soek net haar kat.” “Wat sê jy, Dominee? Die Sedoos het nou lelik opgesteek!” Só sou Maans skrou. “Kat! Broer! Sy soek haar kat!” Die dominee het…

‘HY WAS VIR MY VERSKRIKLIK LELIK. MY VRIENDINNE SÊ ALTYD, LAURA, JY DATE DIE LELIKSTE MANS’ DIE foon hou nie op lui nie. In haar plaashuis op Ladismith staan Laura Erasmus hande in die hare. Almal soek geld by haar. Keer op keer dieselfde storie: Jou man skuld ons en hy betaal nie. Dis haar eks, wil sy teëstribbel, nie meer haar man nie. Sy’s ook klaar met hom, want hy’t haar ook belieg. Maar die mense wat haar bel, is erg vies. Hulle voel ingedoen oor jagtogte waarvoor hulle betaal het, maar wat nooit gematerialiseer het nie. Pieter Goosen soek R30 000. Shane Hardy is R14 000 armer. Marius Coetze is R33 000 kwyt. Hannes Oberholzer se beursie is R30 000 ligter. En dan is daar die jagteleskope. Mense…

BRUINRYS-QUINOA-SLAAI met SONDROË TAMATIES & BLOUBESSIES GENOEG VIR 4-6 MENSE / BEREIDING: 15 MIN. / GAARMAAK: 40 MIN. Quinoa saam met bruinrys is ’n volledige proteïen. Sondroë tamaties en bloubessies is heerlik saam. SLAAI ◗ 250 ml (1 k) bruinrys◗ 125 ml (½ k) quinoa, goed afgespoel◗ sout◗ 1 x 240 g-sakkie sondroë tamaties in vinaigrette, opgekap◗ 1 x 400 g-blik kekerertjies, gedreineer◗ 1 klein komkommer, gehalveer en ontpit en in klein blokkies gesny◗ 125 g bloubessies◗ 1 rooi-ui, geskil en in klein blokkies gesny◗ ’n hand vol boontjiespruite◗ ’n hand vol roketblare 1 Kook die rys en quinoa apart in soutwater tot net sag, onderskeidelik sowat 40 en 15 min. Dreineer, spoel af en meng.2 Roer die sondroë tamaties asook die vinaigrette deur die rysmengsel. Laat afkoel.3 Voeg die…

KRY DIT HIER @HOME BASH.COM; KLIGHT.CO.ZA 021-552-4370, MONEXTERIORS.COM 060-641-9905; MRPHOME.COM 064-584-1000 (WHATSAPP); WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

WEEGSKAAL 23 SEPTEMBER – 22 OKTOBER Dis ’n wonderlike week vir jou om na uit te sien. Eers beweeg Mercurius, die planeet van kommunikasie, op die 26ste in jou teken in, waarna dit die son ontmoet op die 30ste, wat jou in die kollig plaas. Voeg hierby die nuwemaan in die Weegskaal op die 2de en die verhoog is gereed vir jou as die huidige kosmiese gunsteling. Gebruik dit tot jou voordeel in jou loopbaan vir groter voordele en meer transaksies. SKERPIOEN 23 OKT – 21 NOV Dis ’n goeie tyd om ter voorbereiding van ’n nuwe lewensjaar wat met jou verjaardag begin orde in jou lewe te skep, die oue te laat gaan en plek te maak vir die nuwe. Dit is ’n goeie week om op praktiese take…

CHAPPELL ROAN IN ENKELE maande het haar musiek en sangloopbaan ontplof. Haar liedjies word op byna elke radiostasie gespeel. Op Spotify het sy meer as 43,5 miljoen luisteraars per maand, en haar nuutste liedjie, “Good Luck, Babe!”, staan stewig in die sewende posisie op Billboard se Hot 100-trefferlys. As jy nog nie haar naam ken nie, stel ons voor jy leer dit vinnig – CHAPPELL ROAN. Dié Amerikaanse popster is in 1998 as Kayleigh Rose Amstutz op die klein dorpie Willard in Missouri gebore. Sy’t die bedryf op 17 betree met haar debuut, “Die Young”. Die liedjie het die ore van Atlantic Records bereik en hulle het in 2017 vir haar ’n platekontrak aangebied. Maar in 2020 het hulle haar die deur gewys toe haar debuut-EP, School Nights, met die…

MIN WOORDE “Wat sê jy vir jou vrou as jy so laat by die huis kom?” vra Piet vir Koos. “Ag, ek sê net hallo, sy sê die res!” Emmie, Mosselbaai VLIETEND Die kêrel en sy meisie sit die aand op die stoep en kyk na die sterre. Skielik wys hy na die hemelruim. “Kyk, ’n verskietende ster! Maak ’n wens, my skat,” roep hy uit. “Ek wil trou,” laat sy dadelik hoor. Waarop hy antwoord: “O jammer, dit was eintlik ’n vliegtuig …” Charlotte Petersen WERD OM TE WEET ● Wat is die belangrikste ding om te onthou in ’n chemieklas? Moenie die lepel lek nie.● Moet nooit ’n loodgieter vertrou wat waterstewels dra nie.● As jy dit nie met ’n hamer kan regmaak nie, het jy ’n elektriese…

1 Wat is die hoofstad van Roemenië? 2 Wat is die naam van McDonald’s se gelukbringer? 3 Hoeveel medaljes het Suid -Afrika vanjaar op die Paralimpiese Spele gewen? 4 Wie is die president van Frankryk? 5 Wat is die hoofbestanddeel in sjokolade? ANTWOORDE 1 Boekarest  2 Ronald McDonald 3 Ses 4 Emmanuel Macron 5 Kakao BRONNE CNN, THE GUARDIAN, BBC NEWS, NETWERK24, MEDIA.GOODWOOD.COM, EURONEWS, TIME, TOUREIFFEL.PARIS, BRITANNICA.COM, WASHINGTONPOST.COM…

VERBEEL jou ’n voël met ’n stert wat so lank is dat dit lyk of daar ’n lint aan sy agterstewe vasgemaak is. Dis die Kaapse suikervoël! Hierdie grasieuse maar raserige v o ë l woon in die Kaapse fynbos en is baie lief vir die soet nektar van blomme, veral van proteas. Met hulle lang, geboë snawels lyk hulle ’n bietjie soos groot suikerbekkies met lang sterte. Die mannetjie se stert kan tot drie keer so lank soos sy lyf wees! Suikervoëls speel ’n baie belangrike rol in die ekologie, want hulle help om stuifmeel van die fynbos te versprei sodat dié spesiale blomme kan voortplant. WAAR WOON HULLE? Hulle kom hoofsaaklik in die Wes-Kaap voor, maar is tot in die Oos-Kaap te sien. Hulle woongebied strek van naby…

MENS kan dit op enige manier probeer skryf, maar dit bly klink soos een van daardie grappies waar ’n arme blondine die spit afbyt: Vyf skoonheidskoninginne kom die vertrek binnegestap en poseer vir ’n foto … Sien? Seker net ons. Dit moet wees, want toe vyf Mej. Suid-Afrika-skoonhede in Johannesburg bymekaargekom het, was dit allesbehalwe ’n grap. NATASHA JOUBERT, NDAVI NOKERI, MIA LE ROUX en MELINDA BAM was almal daar om die bekendstelling van DEMI-LEIGH TEBOW se boek, ’n Ewige kroon, by te woon. In die boek praat sy oor haar moeilike pad ná haar jaar as Mej. Heelal, ’n tyd waarin sy dikwels verward, alleen en rigtingloos gevoel het. Dit was ’n jaar waarin sy diep moes delf om haarself te vind. “Om Mej. Heelal te wees was ’n…