Indholdsfortegnelse for 10 October 2024 i Huisgenoot

1 ‘EK LEEF NOU MY HEEL BESTE LEWE’ Tannie Poppie van Vetkoekpaleis-faam, oftewel die aktrise Hélène Truter, het Hermanus vir ’n tropiese paradys aan die buitewyke van Durban verruil Jou huis is waar jou hart is. Enige plek is wat jy daarvan maak. Die klimaat hier is ongelooflik lekker in die winter, maar effens klammerig in die somer. Die mense is warm, nes die kerrie en die weer! Mag jy baie gelukkig wees hier. ERIKA Jip, maak nie saak waar jy woon nie, jou huis is waar jou hart is. Ná 15 jaar trek ek terug Kaap toe. Ek is opgewonde maar ook hartseer, want die Laeveld was goed vir ons. Nou is dit tyd om weer by my mense te wees. BERNIE Welkom hier by ons in die paradys, Hélène.…

EK HET 19 jaar saam met my man, Warren, gehad, maar toe kry hy verlede jaar ’n massiewe hartaanval. Net so … en toe is die liefde van my lewe weg. Hy was die pa van my kinders, my Warren. En skielik moes ek leer om sonder hom te lewe. Hoe moes ek cope? Ek was skielik eensaam en het toe by Helping Other People Elevate (Hope) gaan aansluit. Dis daar waar ek Gillmore die eerste keer ontmoet het. Ons het begin gesels, en ek het sy geselskap geniet. Maar dit het gevoel of ek vir Warren verneuk. Dit was swaar, want Warren is dood, en Gillmore is hier – Gillmore wat my “Prinses” noem. Ek onthou nog die aand toe ek geweet het hier kom ’n ding. Gillmore het…

‘EK WAS BAIE KWAAD EN SEER TOE MY PA OORLEDE IS’ HIER op die baan, in die oomblikke voor die skoot klap, is hy gefokus op elke asemteug. Sy kop is hier, by die wedloop wat die trajek van die res van sy lewe kan verander. Dis sekondes voor die groot oomblik, en Bayanda Walaza sak stadig af in die wegspringblok op die tartanbaan van die Stade de France in Frankryk. Dan klap die skoot en hy skiet soos blits uit die blokke om die eerste 100 m van ’n aflos te hardloop. Sy arms roei langs sy lyf, vinniger, vinniger, vinniger. Wat hy in daardie oomblikke gedink het, kan hy vandag nie onthou nie, sê Bayanda. Al wat hy geweet het, was dat hy, Shaun Maswanganyi, Bradley Nkoana en…

HARE is dalk tegnies dood, maar dit bevat baie emosie. Elkeen wat al ’n slegte dag met hulle hare gehad het, kan beaam dat ons buie gekoppel is aan die toestand van ons kroon. ’n Haarsny wat lelik skeefloop, sal jy altyd onthou. Maar niks kom by die aanskoue van bondels hare in die stort se drein nie. “Hare wat dunner word, is nie net fisiek nie, dit het ook ’n invloed op hoe my kliënte oor hulleself voel,” sê die haarstilis Ali Holmes. “Dis ’n sensitiewe kwessie en soms ’n verleentheid.” Maar nie noodwendig permanent nie. Om vas te stel hoekom jou hare wegkwyn is die eerste stap om ’n DIE ROL VAN HORMONE As jou estrogeenvlak hoog is, soos met swangerskap, groei jou hare welig. As dit afneem,…

‘DIS elke jaar met groot opwinding dat ons die geliefde Paulet Huis se deure oopgooi vir die nuwe groepe skrywers. En elke keer is dit op ’n ander manier inspirerend en gewoon lekker om die mense te leer ken, te sien hoe hulle ontwikkel, met mekaar gesels, die huis geniet en die omgewing waardeer. “Skryf is tog so sielsalig alleen, wat dit daarom genotvol maak om ’n klomp woordmense onder een dak te kan hê. Vanjaar gaan veral spesiaal wees met Zoë Wicomb daar – ek self wil graag aan haar voete sit.” So sê Theo Kemp, uitvoerende direkteur van die Jakes Gerwelstigting, oor die vyfde Kommadagga-slypskool wat vanjaar van 14 Oktober tot 3 November plaasvind. Soos altyd is dit in Paulet Huis, die Jakes Gerwel-stigting se bekoorlike “ander tuiste”…

EEN van die lekker dinge as jou kind geskiedenis as vak het, is dat hulle gereeld sekere gefokusde navrae het. En dis makliker om dinge te onthou wanneer dit deel is van ’n storie, eerder as net feite. Vanjaar het ons nogal deur die Tweede Wêreldoorlog gewerk. Ons het eers die dokumentêre reekse op Netflix gekyk – WWII IN COLOUR, waar bekende en minder bekende beeldmateriaal uit die oorlog deur tegnologie in kleurbeelde omskep word. Ek en my man was gefassineer, maar my kind het heel gou verveeld geraak. Ons het meer sukses gehad met BAND OF BROTHERS op Showmax, wat ’n goeie oorsig in storieformaat oor die oorlog gee. Dis opgevolg deur die uitstekende MASTERS OF THE AIR op Apple TV. Ek weet nie of dit die storielyn of…

ZEUS Die koning van die gode, gespeel deur JEFF GOLDBLUM, wat in prentjies ’n weerligstraal as sy eiesoortige wapen het. Kyk hoe dit in Kaos in sy klere ingewerk word en in kamers versteek is. Die reeks verwys ook na sy ontrouheid en hoe hy gereeld aardse vroue swanger gemaak het. HERA Hera (JANET McTEER) is die godin van vroulike seksualiteit en vrugbaarheid. Sy koester wrokke teen al die aardse vroue met wie Zeus kafoefel, en in die reeks sny sy mense se tonge uit, wat sy dan in ’n kamer bêre sodat niemand haar geheime kan uitlap nie. POSEIDON Die god van die see en aardbewegings, gespeel deur CLIFF CURTIS, is Zeus se broer (en dus ook Hera se broer), en word dikwels uitgebeeld met sy drietandvurk. Hy het…

VANDALISME Uit Frans: vandalisme Vandalisme kom van die naam van die Germaanse volk wat in 455 n.C. Rome verwoes het. Hulle was die “Vandale” van die Vandaalse Ryk in Noord-Afrika. “Vandalisme” beteken die vernietiging van iets vir geen ander rede nie as om dit te breek. SYFERSTORIES 8 Die ouderdom van die modeontwerper Max Alexander. Hy hou die wêreldrekord as die jongste loopplankontwerper. Max ontwerp al klere sedert hy vier jaar oud was. Sy ontwerpe is op die onlangse New Yorkse Modeweek vertoon. 100 Dis hoeveel doele die Noorweegse sokkerspeler Erling Haaland al vir Manchester City aangeteken het. Dit het hom 105 wedstryde geneem om dié mylpaal te bereik. Hy is die vinnigste speler wat 100 doele kon aanteken in ’n Europese liga. 1 111 Dis hoeveel dae die Russiese…

DAAR was waarskynlik niemand anders wat so ’n vroom en verontwaardigde gesigsuitdrukking met soveel sukses kon bemeester nie. Sy kon ’n grappie só droog voordra dat jy daaraan stik – en ’n kyk so bars gee, jy byt liefs op jou tong. Oor net drie maande sou sy 90 gewees het – waarskynlik een van die coolste 90-jariges op die planeet, geliefd onder aanhangers van geskiedkundige dramas sowel as Harry Potter. Maar op 27 September is die universeel geliefde aktrise Maggie Smith in ’n hospitaal dood, het haar familie in ’n verklaring bevestig. Haar vlymskerp sêgoed en koddige gesigsuitdrukkings, vir baie mense die hoogtepunt van Downton Abbey, sal voortaan net in miljoene mense se geheue voortleef. Die menigte jonger aanhangers wat haar as professor Minerva McGonagall in Harry Potter se…

NET ’n tawwe koekie sal deug as Superman se aanneemma hier op Aarde. Want ’n spul skynbaar onoorwinlike ruimtebooswigte wil hom knaend dood hê. As Martha Kent, die ma van Clark Kent in Superman Returns (2006), kon sy helaas nie vlieg, deur mure kyk of jou tot in ’n wentelbaan om die maan klap nie. Tog het die aktrise Eva Marie Saint blykbaar ’n superkrag van haar eie. Want op 4 Julie vanjaar het sy haar eeuwording tuis in Los Angeles gevier, omring deur vier geslagte van haar familie. En wraggies, sy lyk skaars ’n dag ouer as toe sy op 81 die man van die planeet Krypton se ma gespeel het: “Ek voel nie 100 jaar oud nie. Ek gaan stap gereeld in die buitelug, kyk graag na bofbalwedstryde…

Wanneer en waar was jy op jou gelukkigste? Op my troudag. Dit was in Cabo San Lucas in Mexiko. Watter troeteldiere het jy, en wat is hulle name? Ek het twee kokketiele gehad. Die een was Tammy Taylor en die ander een Pollie. Wat sou jy anders doen as jy jou lewe kon oorhê? ’n Graad kry. Hoe sal die mense wat jou goed ken jou beskryf? Vreeslik nice, oulik en gaaf. Wat is jou beste eienskap? Ek kan vinnig dinge uitfigure. En jou slegste eienskap? Ek sien altyd net die beste in mense. Wat is die een ding wat jy nooit sal dra nie? Low-rise jeans en Crocs. Watter gier hoop jy kom nooit weer terug nie? Duck-naels en denim op denim. Wat is die een stukkie raad wat…

Geskroeide- EIERVRUG-AGRODOLCE GENOEG VIR 4-6 MENSE / BEREIDING EN GAARMAAK: 25 MIN. ◗ 400 g pastaskulpe◗ 40 g okkerneutstukke, liggies gerooster◗ 10 g mentblare, gesny, vir voorsit VERROOMDE FETA-KAAS ◗ 150 g fetakaas◗ 150 g dubbeldik jogurt◗ 15 ml (1 e) suurlemoensap◗ 60 ml (4 e) koue water◗ ½ knoffelhuisie, gerasper◗ 30 ml (2 e) olyf-of okkerneutolie◗ 6 mentblare (opsioneel)◗ 5 ml (1 t) dadelmelasse EIERVRUG ◗ 600 g eiervrug, in 7 cm-skywe of lengtes gesny◗ matige olyfolie of neutrale olie, vir slaaisous◗ sout◗ 70 g ongesoute botter◗ 37,5 ml (2½ e) dadelmelasse◗ 30 ml (2 e) verouderde balsemieke asyn van goeie gehalte◗ 45 ml (3 e) olyfolie van goeie gehalte 1 Verroomde fetakaas Plaas al die bestanddele in ’n menger of voedselverwerker en verwerk of pols tot glad. Skud…

WEEGSKAAL 23 SEP – 22 OKT Dis baie ongewoon vir die Weegskaal om onbeskof of snedig voor te kom, maar let daarop dat Mars op die 14de die son van jou loopbaan af wegkaats. Dis dalk ’n aanduiding dat jy moet baklei vir wat jy in jou beroep wil hê – dat die tyd vir onderhandel verby is. Jy is nou in ’n rebelse bui en skok in die proses ander mense. SKERPIOEN 23 OKT – 21 NOV Jou ingesteldheid verander wanneer Mercurius hom in jou teken kom tuismaak. Jy sal meer gefokus wees, beter konsentreer en duidelikheid oor sekere probleme kry. Maar al is jou planne mooi agtermekaar, is dit nog nie tyd om oor te gaan tot aksie nie. Die gewag kan jou irriteer en jou frustrasie kan…

AMPIE DU PREEZ AMPIE du Preez is nie iemand vir tierlantyntjies nie. Hy praat reguit en sing uit sy hart uit, of dit nou ’n lekker kuierliedjie is, ’n duet saam met Die Heuwels Fantasties, of ’n ernstige ballade. Elkeen het ’n tyd en ’n plek. En die gevolg is, aldus Ampie, dat die betekenis agter sy liedjies oop is vir interpretasie. “Vir my beteken dit een ding en vir iemand anders iets heel verskillend. Die doel wat ek met my musiek wil bereik, is om die luisteraar die geleentheid te gee om dit hulle eie te maak. Ons almal gaan deur seisoene en fases in die lewe. En dit is net so waar wanneer dit by my musiek kom. Boonop maak ek ook net musiek wat ek self van…

DUBBELFOUT Hettie: “Liewe aarde, kyk daai lelike ou daar oorkant op die hoek!” Bettie: “Dis my man daai!” Hettie: “O gaats, jammer! Ek het nou ’n fout gemaak!” Bettie: “Toemaar, ek ook.” San Marchand VAKTAAL Ek het nou die dag probeer om ook ’n bietjie gholf te gaan speel. Maar hier in die derde sandput het ek besef dit gaan nie werk nie, ek het eenvoudig net nie die regte woordeskat vir die spel nie! Johan H, Gonubie SELEKTIEWE GEHOOR Die man sê vir sy vriend: “Ek hoor baie vroue kla dat hulle mans glad nie luister nie. Ek het myne nog nooit hoor kla nie.” Sy vriend: “Snaaks, ek ook nie.” E. Moelich BLINKSKOON Iemand het my vertel as daar lelike vlekke op die vloere is, moet ek wodka…

1 Van watter land kom die F1-renjaer Lando Norris? 2 Wat is Amerika se nasionale blom? 3 Watter skilder het die plafon van die Sistynse Kapel geverf? 4 Wat is die naam van die Hindoe-fees van ligte? 5 Wat is die amptelike taal van Brasilië? ANTWOORDE 1 Engeland 2 Die roos  3 Michelangelo 4 Divali 5 Portugees BRONNE THE GUARDIAN, CNN, BBC, KIDSNEWS.COM.AU, CBSNEWS.COM, ETYMONLINE.COM, NEWS.SKY.COM, UWATERLOO.CA, PEOPLE.COM, ALJAZEERA.COM…

Die groot probleem met wetenskapsfiksie in Afrikaans is die woorde. ’n Storie steun op geloofwaardigheid. Wanneer mense met mekaar praat, moet dit klink asof menslike monde sulke woorde kon sê. Dit moet natuurlik klink. Dit geld vir enige storie. Dialoog maak of breek. Dis ’n wonder dat Star Wars dit kon maak. Harrison Ford spot vandag nog oor daai lyn wat hy moes sê: “It’ll take a few moments to get the coordinates from the navi-computer.” Vir George Lucas het hy gesê: “You can type this stuff, but you can’t say it.” In Afrikaanse wetenskapsfiksie gaan jy wil hê mense moet met mekaar praat oor wetenskapdinge soos black holes, quasars, anti-gravity en quantum computing. Maar in Afrikaans? “Swartkolke”, “kwasars”, “teenswaartekrag” en “kwantum” … You can type those stuff, but you…

DIS seker die mees weerlose ding wat ’n mens kan doen: om op ’n operasietafel te gaan lê sodat iemand jou kopbeen kan oplig en aan jou brein peuter. Maar Wynand Strydom (69) het daarvan gedroom om sy goue jare te geniet, sy kleinkinders op te tel, sy passie vir klassieke karre uit te leef en saam met sy vrou koffie te drink. Hy moes die dapper ding doen: Hy moes ’n betroubare dokter toelaat om die gewas wat op sy brein groei te verwyder. Genadiglik het Wynand ’n goeie chirurg gehad wat op hom sou opereer. ’n Amerikaanse neurochirurg met internasionale ervaring. Of so het hy gedink. Wat tydens en ná sy operasie met Wynand gebeur het, is ’n nagmerrie. Vandag, vier maande nadat dr. Tristram Horton in die…

JY HOOR daardie sensuele rasperstem daar van doer anderkant die wynkelder af oor die kuierarea weerklink nog lank voor jy haar sien. Só ’n heserige stem kan mos net aan een mens behoort – en daardie mens, weet ons almal, is Brümilda van Rensburg. Tog, al loop daardie stem haar al jare lank vooruit, sien jy hier op die wynplaas by Franschhoek waar e.tv se telenovelle Kelders van geheime afspeel vandag steeds ’n groepie vroue wie se oë bly dwaal na die tafel waar Brümilda sit. So asof hulle wil sê: Daardie stem behoort aan iemand wat ons ken. Maar wie? Brümilda sien hulle ook, maar sê eers niks. Sy vee die hare uit haar groen oë wat selfs hier in die skadu van ’n lieflike ou boom skitter. “Kan…

Bleek Kleurvol Bleek Kleurvol KRY DIT HIER BASH.COM; CAPE UNION MART 0860-333-329; EXACT 0860-834-834; FOSCHINI 0860-834-834; H&M 0860-690-707; IDENTITY 021-460-2400; OLD KHAKI 0860-444-429; PICK N PAY CLOTHING 0860-303-030; POETRY 0860-555-529; RELAY JEANS 0860-834-834; THE FIX 0860-834-834; TRUWORTHS 087-285-9401; WOOLWORTHS 0860-022-002; YDE 021-460-2526 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANT-WOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY MAN SE EKS PRAAT SLEG VAN MY V Verlede week het ek en my man ons 10de huweliksherdenking gevier. Almal wat ons in ons harte koester, het saam met ons gekuier en feesgevier. My man was voorheen getroud en het twee seuns wat nou klaar is met skool. Die yskoue biere was vir hulle albei ’n bietjie te lekker en dit het gemaak dat hulle tonge los geraak het. So kom dit…

1 HEFFINGS Om die werklike koste van ’n persoonlike lening te bereken, moet jy die leenbedrag, rentekoers en fooie in ag neem. Aanvangsfooie mag gehef word. Ingevolge die Nasionale Kredietwet (NCA) is dit R165, plus 10% van enige bedrag meer as R1 000 – maar hoogstens R1 050. Dis eenmalig en gewoonlik vooruit betaalbaar. Sommige leningsverskaffers voeg dit by die totale maandelikse leningsbedrag wat jy betaal. In laasgenoemde geval betaal jy ook rente daarop. Die rentekoers op jou lening word wetlik beperk. Die maksimum is die repokoers – die rentekoers waarteen die Reserwebank geld aan banke leen – plus 21% per jaar. Tans is die repokoers 8% – dus mag die rentekoers op jou lening nie nou 29% oorskry nie. Hierdie berekening is vir persoonlike lenings, en dis anders vir byvoorbeeld…

WAARNA LUISTER JY IN JOU KAR? Moderne countrymusiek. WATTER KOS MAAK JY TUIS AS JY HAASTIG IS? ’n USN protein shake. WAAR HOU JY GRAAG VAKANSIE? Ons het buite Durban by Warner Beach ’n plekkie op die see wat ek jaarliks besoek. Verder is Sodwana ’n gunsteling, en as ek krag het, Mosambiek. Mosambiek laat my vry voel en dis so primitief daar met grondpaaie en kosstalletjies langs die pad. WAT IS JOU GUNSTELINGKLEDINGSTUK? Beslis my Diesel-jeans. Vir kerk, werk en sosiaal is dit nommer een op my lys. WAT MAAK JOU TANS OPGEWONDE? Om my kinders te sien grootword en elke nuwe fase te beleef. Dan natuurlik ook gholf, padel, boks en om net saam met vriende te sosialiseer.…

RAGNAROK NETFLIX Dié reeks met drie seisoene is ’n moderne vertelling van die Viking-apokalips. Dit fokus sterk op Noorse, Griekse en Romeinse mitologie van reuse. Dis nie so vol donker humor soos Kaos nie, maar die antieke mites gee die reeks dieselfde gevoel. THE SANDMAN NETFLIX Die enkele seisoen is so gewild dat seisoen 2 volgende jaar te sien gaan wees. Dis gegrond op Neil Gaiman se strokiesprente van mitiese karakters soos Lucifer en Calliope. Die hoofkarakter, bekend as The Endless, is onsterflik en geskoei op verskillende gode. BLOOD OF ZEUS NETFLIX Daar is reeds twee seisoene beskikbaar van dié animasiereeks wat eintlik vir volwassenes geskep is. Die storie speel af in antieke Griekeland, maar die verhaal se agtergrond en onderliggende storielyne sluit ook losweg ’n klomp ander mites en…

Die naaswenner van die tweede seisoen van Die kontrak, DODO NYOKA, het besluit om sy liefde vir countrymusiek ten volle in sy jongste enkelsnit, “Dancin’ in the Stars”, uit te leef. “Ek hou baie van countrymusiek en wou nog altyd ’n countryliedjie uitreik,” sê Dodo. Hy was wel onseker hoe sy aanhangers daarop sou reageer, maar dit was gou duidelik dat hy niks gehad het om oor bekommerd te wees nie. “Ek het nooit gedink mense sou daarin belangstel nie,” sê hy. “Tot ek ’n gedeelte van die liedjie in ’n Tik-Tok-video geplaas het, net vir die lekkerte.” Die video het dadelik soos ’n veldbrand versprei, met duisende kommentare van goedkeuring wat ingestroom het. Die lied met sy sielvolle klanke is uit Dodo se pen en dis sy eerste liedjie…

GROOT BLOKRAAI WEN ’N BOEK VAN LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. №2 565 KOMPETISIEVRAAG Watter hoofstad is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Blomme vir Berdine deur Helena Hugo (Lux Verbi, R250). Berdine en Melanie Botes veg vir die gemeenskap se herstel. Die kerkskool kort leerkragte, Huis Herfsblare soek ’n dokter en die kinders van Blikkiesdorp moet versorg word. Berdine neem hulle gereeld Kraankuil toe vir uitstappies in die veld. Dít is waar Dieter Daneel ook betrokke raak. Berdine hou van Dieter, al het hy volgens haar ma ’n donker verlede. Ná drie jaar weet die dorpsmense bitter min van hom. Tog is…

HEARTSTOPPER TOT AGATHA ALL ALONG Ons het Joe Locke in 2022 in Heartstopper op Netflix leer ken. Nou is hy amptelik deel van die Marvel-heelal. Hy’s in die Marvel-reeks Agatha All Along op Disney+, waar hy ’n karakter genaamd “Teen” speel. Jip, net Teen, want niemand kan sy naam hoor of sy lippe lees wanneer hy dit sê nie. Hierdie is wel ’n spoiler-free bladsy, so ons sal nie sê wie hy speel nie, maar enige WandaVision-kyker het ’n goeie kans om te weet watter karakter Joe is. MARVEL-DROOM WORD WAAR Hy’s al onder Marvel se towerspel vandat hy klein was. “Ek het nog altyd myself in iets van Marvel gesien, vandat ek ’n kind was,” sê die akteur, wat kom van die dorp Douglas op die Isle of Man…

JY MOES dit al gehoor het, dáárdie rympie wat so dikwels in die konteks van motivering met soveel bravade voorgedra word: Jy kan enigiets wees wat jy wil wees. Soms is dit waar, ja, maar ander kere is dit eintlik maar net ’n halwe waarheid. Die werklikheid is dat nie almal van ons noodwendig ’n som kan laat klop of ’n fondasie kan grawe nie. Vir Riley Norton was dit egter meer waar as vir die deursneemens. Dié hoofseun van Paul Roos Gimnasium op Stellenbosch is tans die tweedehoogste paaltjienemer vir Suid-Afrika se o.19-Protea-krieketspan. En dis nie al nie. Want Riley is ook ’n slot vir die o.18-Springbok-rugbyspan. Dit sorg nogal vir ’n uitdagende tameletjie, want êrens deur die loop van die jaar moes hy kies – dieselfde moeilike keuse…

Ná agt maande se harde werk aan kos-artikels en TV-programme soos MasterChef South Africa, Kokkedoor Vuur & Vlam en Gesels was hy gereed vir nuwe inspirasie en energie. Daarom het Herman Lensing en sy lewensmaat, Wilmer Müller, ’n tiendaevakansie geniet in Lissabon en Porto in Portugal. Daarna was hulle vier dae in Madrid, Spanje. Elke reis vul Herman se kosbiblioteek en verander sy perspektief op kos, sê hy. “Wanneer ons reis, moet ons nie die bekende soek nie, maar die onbekende ervaar.” Dis juis Portugal se unieke koskultuur wat hom geïnspireer het om dit as vakansiebestemming te kies. “Ek is gedurig op soek na nuwe inspirasie. Portugal se koskultuur is uniek en anders. Daar is ook reeds ’n sterk band tussen Suid-Afrika en Portugal as dit by kos kom.” Vir…

HY HET onlangs ’n pa geword, en sy sesde huweliksherdenking saam met sy vrou, HAILEY, gevier. ’n Mens sou dink JUSTIN BIEBER het baie om oor te glimlag. Maar die sanger onttrek hom ál meer, en wanneer hy wel in die openbaar verskyn, lyk hy afgemat en mistroostig. Toe Justin (30) en Hailey (27) onlangs ’n aandkerkdiens in Los Angeles bygewoon het, het sy uitgeteerde en verslonste voorkoms baie aandag getrek. “Dit lyk asof hy swaarkry,” het iemand op sosiale media gesê. “Ek sien nie geluk nie. Bid vir hom en wat hy deurmaak.” Sedert hulle troue in 2018 het die Biebers al ’n hele paar persoonlike probleme gehad. Dit het gelyk asof dit begin beter gaan toe hulle seun, Jack, in Augustus gebore is. Maar nou word Justin ingesleep…