Indholdsfortegnelse for 17 October 2024 i Huisgenoot

1 ‘DAAR WAS NET GEEN KONNEKSIE NIE’ Die reeks Boer soek ’n vrou se boer Jacques verklap als agter dáái besluit: ‘Uit respek wou ek niemand se tyd mors nie’ Hy weet beslis nog nie wat hy in die lewe wil hê nie. Hy soek nie regtig iemand nie en wil eintlik alleen wees. So hy moet eers sy lewe uitsorteer en kan dán begin om ’n vrou te soek. JEANE ◼ Die lewe is vol allerhande moeilike keuses. Uiteindelik is dit jou besluit, Jac! KAREN Ons het nogal van die begin af gesê hy gaan nie een van die meisies kies nie. Ons weet nie hoekom hy ingeskryf het nie. ELNA ◼ Dit was regtig die twee oulikste meisies wat hy gekies het. En dit lyk of hulle ’n lekker…

’N MENS kan dit nie regtig ontken nie. Baie mense verwag steeds van ’n manlike Hollywood-ster om ’n breë kakebeen, ’n staalblik in sy oë en ’n windmakerige stappie te hê. Met dit in ag genome, is dit verstommend dat Adam Pearson ’n rol in ’n fliek kon losslaan. Nie as die skurk nie, maar as een van die helde. Adam speel saam met ’n ander akteur – die meer konvensioneel mooi Sebastian Stan – in die fliek A Different Man. En Adam is in baie opsigte “different”. Mense giggel of gaap hom soms aan. Kinders wys soms in sy rigting. Sy gesig lyk soos ’n plastiekmasker wat aan die smelt is, knoppe en voue en velle. En dis nie grimering of rekwisiete wat hom so laat lyk nie. Adam…

Luiperd-patroon-romp ’n Mens kan luiperdpatroon as ’n neutrale kleur beskou omdat dit by ’n groot reeks kleure en style pas. VOORKOMS 1 VOORKOMS 2 VOORKOMS 3 Baadjie ’n Baadjie van gemengde linne kan enige uitrusting stylvol laat lyk, dag of nag. VOORKOMS 1 VOORKOMS 2 VOORKOMS 3 Gholfhemp ’n Praktiese en stylvolle opsie wat nie te styf of te los moet pas nie. Dis perfek vir ’n gemaklike maar gesofistikeerde styl. VOORKOMS 1 VOORKOMS 2 VOORKOMS 3 Broek van gemengde linne Dié broek pas by ’n ontspanne óf elegante styl. Informele bykomstighede kan dit gemaklik laat lyk, terwyl ’n hemp en netjiese bykomstighede ’n deftiger prentjie skep. VOORKOMS 1 VOORKOMS 2 VOORKOMS 3 KRY DIT HIER ACKERMANS 0860-900-100; BASH.COM; COTTON ON 087-550-4383; DUNNS.CO.ZA; EDGARS 031-010-0005; ESSILORLUXOTTICA.COM; EXACT 021-938-7096; FOSCHINI 021-938-7096;…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. EK MAG MY KLEINKINDERS NIE SIEN NIE V Ek het net een kind, ’n dogter. As enkelouer het ek haar alleen grootgemaak en gesorg dat sy ná skool studeer. Sy het drie jaar lank op die skepe gaan werk en daarna het ek al die koste gedra toe sy haar eie sakeonderneming begin het. Sy is getroud, twee seuns is gebore, en sy is daarna geskei. Met die inperking van 2020 het haar…

1 HOE BELÊ EK AANLYN? Kyk op jou bankapp onder “beleggings” of gaan na webtuistes soos easyequities.co.za en satrix.co.za. Sommige beleggings gee jou die opsie om ’n aandelemakelaar of finansiële raadgewer te gebruik. Jy benodig jou ID, adresbewys en ’n bankrekening om ’n beleggingsrekening te open. 2 WAARIN KAN EK BELÊ? Dit hang af watter finansiëledienstegroep jy kies. Jy kan aandele van individueel genoteerde maatskappye koop en verkoop of in beursverhandelde fondse (ETF’s) of effektetrusts belê. ETF’s en effektetrusts gee jou deur ’n enkele belegging toegang tot verskillende aandele en bateklasse. Kies die effektetrust of ETF volgens die risikovlak waarvoor jy kans sien. Hoe aggressiewer jy belê, hoe langer moet jy verkieslik belê, want jy moet die mark se op-en afswaaie kan deurstaan vir goeie opbrengste. Daar is opsies soos kriptogeldeenhede, maar…

MOEDERSTAD FRANCOIS VAN RENSBURG & HAZEL PRISCILLA Hulle is broer en suster, en gesoute radio-omroepers, en saam het hulle ter viering van hulle ma se 60ste verjaardag ’n spesiale lied opgeneem. “Moederstad” is Francois en Hazel se eerbetoon aan hulle ma en is vol diep klanke, amper soos dié van ’n ballade. Dis uit Hazel se pen: “’n Liefdesliedjie wat ’n baie spesifieke oomblik in tyd vasvang,” sê sy. En hulle warm stemme gaan jou beslis aangryp. AS EK KON KIES CORDELIA Die beeldskone Cordelia is bekend vir haar popliedjies “Eerste woorde” en “Anker” en is uiteindelik weer op ons radar met “As ek kon kies”. Die romantiese ballade deur die liedjieskrywer Ernie Bates is vol countryklanke en sal menige luisteraar se hartsnare streel. Cordelia leun deesdae meer oor na…

1 Hoekom dink jy bly Glam Guru so immergroen en gewild? Ek sou sê ons kykers hou van die Aspoester-verhaal waar enigeen totaal kan transformeer. En ons maak gebruik van wenke en produkte wat gewone mense kan bekom. 2 Wat is nuut in die komende seisoen? Mense vra al jare lank dat ons moet fokus op mans. In hierdie reeks het ons besluit dis presies wat ons gaan doen. Kykers het ook gesê hulle wil graag sien waar die kandidaat self hulle gesigbehandelings doen. Partykeer sal hulle ’n masker verkeerd aansit of skeef aanvee, dan help ons. Dis als deel van die pret. 3 Wat is die dinge wat ’n mens móét doen om jonk en mooi te lyk? Om ’n gebalanseerde leefstyl te hê dink ek is die geheim…

MORFOLOGIE UIT Grieks: “Morphe” beteken “vorm”. Morfologie is die studie van die bou en vorm van organismes. Die filosoof Johann Wolfgang von Goethe het die woord gebruik om vorms en veranderinge in die natuur en kuns te beskryf. SYFERSTORIES 128 Eben Etzebeth het op 28 September vanjaar die Springbok met die meeste toetsverskynings geword toe hy sy 128ste toets gespeel het. Die wedstryd was teen Argentinië in Mbombela. Die Springbokke het met hul oorwinning in die wedstryd die Rugbykampioenskap gewen. 130 Die ouderdom van Henry die tuatara. Daar word geglo dat hy die oudste lewende lid van dié reptielspesie is. Henry het drie oë en het al vir prins Harry ontmoet. Henry het tot op die ouderdom van 80 in die natuur in Nieu-Seeland gewoon voor hy na ’n museum…

DIE JAAGTOG MAAN TOE Die era van ruimtereise het afgeskop met ’n intense wedloop tussen die Verenigde State van Amerika en die Unie van Sosialistiese Sowjetrepublieke (USSR, of sommer kortweg die Sowjetunie) om eerste op die maan uit te kom. Albei lande wou wys hoe sterk en slim hulle is deur die eerste land in die ruimte te word. (Die USSR was destyds ’n samesmelting van Rusland en omliggende lande. Dit het in 1991 ontbind.) Kom ons kyk hoe die ruimtewedloop verloop het. Jy moet onderaan die blad begin lees. 17 JULIE 1975 Ná die dood in 1966 van hulle hoofingenieur, Sergei Koroljof, het die Russiese ruimteprogram stoom verloor. En in 1975 het die ruimtewedloop uiteindelik simbolies tot ’n einde gekom toe ’n Amerikaanse Apollo-en ’n Russiese Sojoes-tuig in die…

AS KIND in New York is sy geboelie omdat sy haar hare in ’n kleurpalet omtower het, iets vreemds in die uiters konserwatiewe samelewing van die 1950’s. Maar sy was vasbeslote om net haarsélf te wees – en sy sou die wêreld verower met haar musiek wat diversiteit vier eerder as verdoem. Die pad na roem was allesbehalwe maklik vir Cynthia Ann Stephanie Lauper (gebore 22 Junie 1953). Haar Katolieke ouers het geskei toe sy vyf was. Haar ontvlugting was musiek: “Ek kon enigiemand naboots: Barbra Streisand, die Beatles …” Op 17 het sy van die huis af weggeloop omdat haar stiefpa haar gemolesteer het. In haar skouersak? Yoko Ono se boek oor konseptuele feministiese kuns, Grapefruit. “Yoko het my geleer mens kan kuns in jou kop skep en anders…

Wat is geluk vir jou? Dit klink cheesy, maar ek is op my gelukkigste wanneer ek by my ouerhuis in PE is. Wanneer en waar was jy op jou gelukkigste? Die laaste Vrydag van die maand wat my ma my altyd Pizza Hut toe geneem het, of toe my pa my leer bestuur en ek dit die eerste keer reggekry het. Of die dag toe ek besef ek hou rêrig van op die verhoog wees. Ek was nog in die laerskool. Waarmee hou jy jou die graagste besig? Altyd twee dinge. Óf musiek óf enjins. Wat verveel jou? Eentonigheid. Wat sou jy anders doen as jy jou lewe kon oorhê? Ek kan nie aan ’n beter lewe dink as wat ek nou het nie. Hoe sal die mense wat jou…

SY HET nie gedink dis moontlik om so gelukkig te voel nie. Isabella Esterhuyse was jare lank een van die Springbokke se lojaalste ondersteuners, en hier stap sy op die rugbyveld in Mbombela hand aan hand met Siya Kolisi. Uit al die kinders in Suid-Afrika is die 10-jarige gekies as die Bok-gelukbringer in die wedstryd teen die Poemas wat in ’n stampvol stadion gespeel is. Dit was ’n droom wat waar geword het vir die meisie van Oos-Londen. Om saam met Siya die span op die veld te lei, die landslied saam met haar helde voor 40 000 toeskouers te sing en hulle aan te moedig in hul kragmeting teen die Argentyne. Dit het nie daar geëindig nie. Nadat die span die Rugbykampioenskap met ’n sege van 48-7 oor die…

DIT kan tog sekerlik nie wees nie. ’n Hele 118 jaar oud? Maar daar staan dit op haar identiteitskaart: Gebore 27 September 1906. Dis wat Margaret Maritz van Touwsrivier se dokument sê, en dís wat haar mense vier. ’n Burokratiese tikfout iewers in die verlede? Die reine waarheid? Wie sal dit vandag kan sê. Maar wat is die ouderdom tog behalwe ’n syfer – en Margaret ís iemand om te vier. Die langste wat ’n mens al volgens die amptelike rekordboeke kon leef, is 122 jaar en 164 dae. Dit was Jeanne Calment van Frankryk. Sy’s in 1997 dood. Aan die ander kant van die aardbol het die oudste man volgens opgetekende rekords geleef: Jiroemon Kimura van Japan, in 2013 dood op die hupse ouderdom van 116 jaar en 54…

OM DIE regte vorm vir jou naels te kies is net so belangrik as die perfekte kleur. Maar met soveel style wat deesdae beskikbaar is, kan dit nogal oorweldigend wees. Hierdie gids sit al die beste vorms vir jou naels asook die beste style vir jou naels se punte uiteen. Die regte vorm kan van ’n goeie manikuur ’n fantastiese een maak, ongeag van of jy ’n meer klassieke voorkoms verkies of ’n bietjie meer waaghalsig wil wees. Ovaal naels WAT DIT IS Ovaalvormige naels kan ’n medium tot lang vorm hê, met ronde kante en ’n sagte punt wat nouer aan die einde raak. Dit eindig met ’n sagte semisirkel om ’n elegante en slank voorkoms te verkry. BY WIE DIT PAS Ovaal naels verleng die naels in breedte…

DONKER WATER DEUR MARTIN STEYN Lapa Uitgewers, R330 Martin Steyn het vier krimi’s geskryf en toe skielik was daar niks. ’n Hele ses jaar het sy aanhangers niks nuuts uit sy pen te lese gekry nie. Wat het gebeur? “Dis ’n lang storie, so ek gaan dit Grosse Pointe Blank-styl beantwoord: bietjie uitgebrand ná Los prys, net met die polisieduikers begin praat toe covid uitbreek, manuskrip oor covid geskryf, maar teen die einde heeltemal belangstelling verloor, manuskrip geskryf wat as te erg vir die Afrikaanse mark beoordeel (veroordeel?) is, weer met die duikers begin praat en Donker water geskryf. Tussendeur was daar ’n bietjie eksistensiële wroeging ook.” En toe is Martin skielik terug, maar met ’n heel ander soort roman. Hy vertel: “Die oorspronklike weergawe van Swartval het ook ’n…

TO THE BONE (2017) NETFLIX ’n Jong vrou wat met anoreksie sukkel, ontmoet ’n onkonvensionele dokter wat haar uitdaag om haar toestand in die gesig te staar en die lewe te omhels. ’n Kragtoer deur Lily Collins. TOLKIEN (2019) DISNEY+ Die verhaal van die Lord of the Rings-skrywer, wie se romans geïnspireer is deur sy ma se stories, die liefde vir ’n weeskind, Edith (gespeel deur Lily), en die ontberinge van die Eerste Wêreldoorlog. INHERITANCE (2020) SHOWMAX ’n Ryk en magtige patriarg van ’n prominente familie sterf skielik en laat sy dogter, gespeel deur Lily, met ’n skokkende erfporsie wat dreig om die res van die gesin te vernietig. BRON: IMDB.COM…

Hy spog met meer as 2,7 miljoen strome op Apple Music. Hy het oor die 50 oorspronklike Afrikaanse liedjies beskikbaar om na te luister. Hy’s ’n kranige sanger, ’n sakeman, ’n agent, en bo alles ’n geliefde man vir sy vrou en pa vir sy kind. Ja, LEN MULLER skrik nie vir harde werk nie, en vandag pluk hy die vrugte van sy sukses en het hy ook ’n splinternuwe EP. Arende en engele met sy vyf liedjies is ’n spesiale projek, want dis deur sy gesin geïnspireer, sê hy. “My hele wêreld het verander die dag toe my seuntjie, Arend (3), gebore is. Dit het nuwe dinge vir my oopgemaak. My prioriteite het verander. Die liefde vir my vrou, Chanel, en Arend het intenser geword. En so het hulle…

KLANKGRENS Tant Sannie vlieg vir die eerste keer. “Ek hoor die vliegtuig is vinniger as klank,” sê sy vir haar kleinneef. En toe dié instemmend knik: “Ai, dis jammer, ek het dan so baie om oor te praat.” Anton, Bellville SO IS DIE LEWE MAAR ● Ek haat dit as iets verkeerd gaan met my foon en my persoonlike tegniese deskundige is nie beskikbaar nie – hy is vier en in die kleuterskool. ● Ek gaan slaap so laat saans en staan weer so vroeg op dat ek soms by myself in die gang verbyloop. ● Een kind maak van jou ’n ouer, twee maak van jou ’n skeidsregter. Wollie, Pretoria WIT LEUENTJIES Wanneer mense vir my sê hulle kinders is nooit stout nie, wonder ek altyd of hulle ook…

1 Wat is die naam van die superheldspan wat Iron Man, Captain America en Thor insluit? 2 Hoeveel kaarte is daar in ’n gewone pak speelkaarte? 3 Watter Afrikastad se bynaam is die Rooi Stad of die Okerstad? 4 Watter kleur is flaminke by geboorte? 5 Wat is die naam van Manchester United se stadion? ANTWOORDE 1 Die Avengers 2 52 3 Marrakesj 4 Wit of grys 5 Old Trafford BRONNE THEATLANTIC.COM, BRITANNICA.COM, NYCGOVPARKS.ORG, NIWA.CO.NZ, ETYMOLOGIEBANK.NL, EDITION.CNN.COM, DOGONEWS.COM, EXPEDITION.DISCOVERTITANIC.COM, BIAZA.ORG.UK, SCIENCEALERT.COM, WIONEWS.COM, NATURE.COM, TIMESOFINDIA.COM…

1 SY’S AL JARE IN DIE VERMAAK-BEDRYF. HAAR EERSTE TV-ROL WAS OP 11 IN WATTER REEKS? ◻ A Stranger Things. ◻ B Law and Order: SVU. ◻ C Friends. 2 SHORT N’ SWEET IS HAAR SESDE ALBUM. WAT IS DIE NAAM VAN HAAR EERSTE ALBUM? ◻ A Eyes Wide Open. ◻ B Emails I Can’t Send. ◻ C Singular: Act I. 3 SY HET GEOPEN VIR HAAR GROOTSTE ROLMODEL SE MUSIEKTOER. HULLE’S DEES-DAE GOEIE VRIENDE. WIE’S DIE STER? ◻ A Tinashe. ◻ B Taylor Swift. ◻ C Charli XCX. 4 SABRINA SE NUWE ALBUM IS SUKSESVOL TOT DIE DERDE MAG! “PLEASE PLEASE PLEASE,” “ESPRESSO” EN WATTER ANDER LIEDJIE VAN SHORT N’ SWEET IS TANS OP DIE BILLBOARD TOP-10? ◻ A Slim Pickins. ◻ B Good Graces. ◻ C Taste. ANTWOORDE: 1: B, 2: A, 3: B,…

HIER in Bethlehem in die Vrystaat sit die opwinding al van vroegdag af in die lug. Dit gaan ’n besonderse aand wees, en die afwagting raak ál meer namate die ure na vanaand ál minder raak. In die grimeerstoel sit die 18-jarige Carli Oosthuizen, Huisgenoot se Mej. Tienerwenner van 2024. Vandag is ’n dag wat dalk met dié kroning meeding as haar mees spesiale belewenis ooit: haar matriekafskeid. “Vandat ek weet wat die dag alles behels en die betekenis daaragter, droom ek daarvan,” sê Carli. Oor die jare heen het sy met allerlei idees gespeel oor hoe sy dié dag sou lyk: Hare gekrul in lokke. Dalk ’n blou rok met glinsterende stene wat nommerpas om haar figuur sit. Idees en prentjies wat uit tydskrifte gesny of op ’n Pinterest-bord…

DIE bekroonde akteur van The Bear JEREMY ALLEN WHITE is nie iemand wat lank op die rak sit nie. Nog voor ons mooi besef het hy en die Spaanse sangeres Rosalía (32) het uitgemaak, is hy gesien waar hy die aktrise MOLLY GORDON soen. Sy vertolk die rol van sy geliefde Claire in The Bear. Die twee is saam afgeneem in Los Angeles. Jeremy (33) het saam met Molly (28) na haar kar toe gestap voor hy haar omhels en innig tot siens gesoen het. Hulle is ook ’n paar dae tevore gewaar waar hulle saam na ’n huis gaan kyk het. Volgens bronne is daar ongetwyfeld van die kassie af ook ’n vonk tussen die twee, en sedert Jeremy se vorige verhouding geëindig het, het hulle nog nader aan mekaar…

Die ster van die rolprent Precious, GABOUREY SIDIBE, het op Instagram met haar ougat tweeling, Cooper en Maya, gespog. Gabby en haar man, Brandon Frankel, het hulle dogtertjie en seuntjie in April verwelkom. Die aktrise MANDY MOORE het onlangs aan haar derde kind en eerste dogtertjie geboorte gegee. Mandy en haar man, Taylor Goldsmith, het die kleinding die naam Louise gegee, of Lou vir kort. Die model EMILY RATAJKOWSKI se seuntjie, Sylvester (3), het die kollig gesteel toe sy hom na ’n vertoning by die Paryse Modeweek gevat het.…

LADY GAGA en JOAQUIN PHOENIX is albei bekend as eksentrieke persoonlikhede op en van die skerm af. En net soos in hulle nuwe rolprent, The Joker: Folie à Deux, is hulle ’n wenkombinasie op die rooi tapyt ook.…

Niemand sal met jou stry as jy sê perde is nie ’n bedreigde spesie nie. Kyk na die stokperdjies van ryk mense of die uitslae van die perde in die Citizen, en jy sal sien hulle is nie net vir boer of vervoer nie. In Mongolië, waar Genghis Khan sy ryk in die 12de eeu taamlik suksesvol te perd uitgebrei het, is daar vandag steeds meer perde as mense. Maar die perd is nie meer wat hy was nie. Sy bloeityd, foeitog, was in die Eerste Wêreldoorlog, toe tussen 6 en 8 miljoen van hulle saam met donkies en muile op die slagvelde moes sneuwel. Maar toe kom Henry Ford en die kar vervang die perd, en vandag het ons wêreldwyd minder as 60 miljoen wat nog met sagte snoete…

DIE sagte klank van branders vul die lug met ’n kalmerende ritme terwyl die vars seebriesie almal omvou. Die helder, blou lug smelt saam met die diepblou waters van die oseaan, ’n pragtige agtergrond vir die luukse troulokaal Seeplaas op Groot-Brakrivier. ’n Idilliese omgewing waar liefde en vreugde gevier word. Verna Arries het gehoop en gebid vir ’n perfekte dag, sonder enige reën of wind, en dit het sy gekry. Onder ’n helder hemel gaan sy en haar geliefde vandag hulle beloftes uitruil. Manie Libbok, die Bok-losskakel wat aan Suid-Afrika bekend is as ’n dinamiese speler op die veld, staan vol afwagting in die kapel. In sy stylvolle sandbruin pak, met sy rug na die ingang gedraai, probeer hy sy senuwees bedwing. Sy hande is klam en sy hart klop…

BEET-&-BOK- MELK-KAAS- GNOCCHI GENOEG VIR 4 / BEREIDING: 15 MIN. / GAARMAAK: 10 MIN. ◗ 500 g vars gnocchi◗ 100 g botter◗ 2 uie, fyngekap◗ 6 knoffelhuisies, fyngekap◗ 10 ml (2 t) klein kappertjiesade◗ 450 g beet, gesny◗ 150 g babaslaaiblare VIR VOORSIT ◗ 150 g bokmelkkaas◗ vars dille◗ suurlemoenwiggies 1 Kook die gnocchi volgens die aanwysing op die verpakking. Dreineer en hou eenkant.2 Smelt die botter oor matige hitte in ’n groot braaipan. Soteer die uie, knoffel en kappertjiesade 2-3 min. tot sag. Voeg die gnocchi by en braai 2-3 min. tot goudbruin.3 Verwyder van die hitte en meng die beet en slaaiblare deur.4 Vir voorsit Skep op ’n opdienbord en sit voor saam met gekrummelde bokmelkkaas, dille en suurlemoenwiggies. TERIYAKI-&-GEM-MER-FRIKKADELLE met NOEDELS GENOEG VIR 4 / BEREIDING: 10…

ONVRUGBAARHEID is gewoonlik iets wat met vroue verbind word, maar in werklikheid is dit toenemend ’n probleem wat by mans ook voorkom. “In ongeveer 60 persent van gevalle is manlike onvrugbaarheid die primêre rede waarom paartjies sukkel met swangerskap,” sê Lizanne van Waart, direkteur van die Wijnland-vrugbaarheidskliniek op Stellenbosch. Volgens navorsing in die wetenskapjoernaal BMC het manlike onvrugbaarheid van 1990 tot 2019 met 79% toegeneem. “Dis ’n groot toename aangesien die wêreldbevolking in dieselfde tyd net met 46% gegroei het,” sê die studie Hier is redes en oplossings wat jou kan help. WAT IS MANLIKE INFERTILITEIT? Manlike onvrugbaarheid is ’n man se onvermoë om ’n vrou swanger te maak in ’n tydperk van ses tot 12 maande, sê dr. Pieter Theron, ’n uroloog van Kaapstad. “Onvrugbaarheid raak ongeveer een uit…

WEEGSKAAL 23 SEPTEMBER – 22 OKTOBER Jou vermoë om ’n balans in jou lewe te handhaaf word op twee vlakke getoets. Dit begin met die volmaan op die 17de in jou teenoorgestelde teken, die Ram, en dit het met jou liefdeslewe te doen. Die tweede fase is op die 22ste wanneer iets in jou gesin gebeur waarvoor daar geen maklike antwoorde is nie. Jy sal krag put uit jou vermoë om te kommunikeer en alternatiewe antwoorde op ou vrae te kry. SKERPIOEN 23 OKT – 21 NOV Skerpioene is intense mense. Verwag dus so ’n bietjie meer hiervan op die 22ste weens die son en Pluto, jou heersende planeet, se posisie. Dit sal jou moontlik help om ’n besluit te neem oor ’n kwessie waaroor jy besluiteloos voel. Jou verstand…

Hulle loop aan op die rotse, kyk af waar die branders dit hamer en wit slierte boontoe slinger. Agter die branders vaar die ander boot van die NSRI. “Wat is daai daar?” Pyper gee ’n tree nader aan die rand van die rots en leun oor. “Wat?” Steytler gaan ook nader. “Daar is iets roois in die water daar, ek kan net nie mooi …” Pyper glip. Sy boude tref die rots skrams en hy skiet oor die rand. “Pyper!” Steytler spring nader, sak op sy knieë neer. “Alex!” Pyper klou aan die rotse. Hy strek en gryp ’n knoets met sy regterhand, maar ’n brander slaan hom in die rots vas en sy hand glip los. “Ek kan nie … dis te glad!” “Hou net vas!” Steytler lê op…

AS JY nog nie die reeks SHAKA ILEMBE gekyk het nie, kan jy gerus die moeite doen. Dit was in 2023 op M-Net en daar was ’n groot bohaai daaroor – die uitstekende toneelspel, die massiewe stelle, en veral die groot aantal gespierde mans. Daar was grappies oor hoe leeg die gims was wanneer gevegstonele verfilm is – six-packs sonder einde. Die reeks is steeds op Showmax te sien, en dis ’n hervertelling van die verhaal van koning Shaka. Jy het dalk gehou het van die “ou een”, die reeks SHAKA ZULU uit 1986 met Henry Cele in die hoofrol, maar dié reeks is selfs beter, want die teikenmark is anders. Dit het ses jaar gevat om te maak, met geskiedkundiges, akademici en afstammelinge van Shaka wat almal gehelp het…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. №2 566 KOMPETISIEVRAAG Watter land is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Het van Verlangekraal deur Leon van Nierop (Queillerie, R350). Het Heiberg. Die weggooikind wat Verlangekraal se naam sou verewig. Sy was een van baie siele wat onder Floors Heiberg se verroeste bywonersdak gewoon het. Nogtans het sy daarin geslaag om op akademiese en sportgebied te presteer. Sy het dit gewaag om in opstand te kom teen ’n skoolstelsel wat g’n rebelsheid of individualiteit sou duld nie. Net meneer Doep het tussen haar en meneer Erlank, die verderflike hoof, gestaan. Hierdie herbesoek…

Terug op die kassie Die akteur van Meyerton was ses jaar lank die geliefde Thomas in 7de Laan. Dit het hom in miljoene kykers se harte laat inkruip. Dit was vir Vian lekker om weer terug op stel te wees by Diepe waters. “Dit het heel natuurlik gevoel, maar met ekstra passie as gevolg van my tyd weg,” sê hy. Die 18-jarige wys sy talent as Shane Kriek in Diepe waters. “Shane is nie enige gewone swemmer nie. Hierdie komplekse karakter het ’n interessante verlede waaroor kykers binnekort meer sal uitvind,” belowe kykNET se bemarkingsmateriaal. Toe kom die oproep Al het hy nie juis voorheen elke dag die storielyn van Diepe waters gevolg nie, was hy goed bewus van dié gewilde TV-reeks waarin hy graag sou wou speel. “My agent…

EK’T op ’n plaas grootgeword. My ma-hulle het my in die oggend gesien my pappies klaar eet, en ek was uit daai huis. Dan sien hulle my eers vanaand as ek terugkom. Ek was bome op, berg in, slote af en riviere deur. Dit was in my natuur. Dis hoe ek grootgeword het op die plaas. In die natuur. Ek het geweet dis gekoppel aan emergency-rescue-werk, want ek’t dit op die televisie gesien. Destydse jare was daar iets op televisie wat genoem was Rescue 911. As dit op was, was ek voor die televisie. Ek het grootgeword op ’n plaas in Jonkershoekvallei. Skoolvakansies het ek my ma gehelp suurlemoene pluk. Akkers opgetel. Ons het twee grenadellabome gehad. Twee lukwartbome. Dit was my luxuries gewees. En as ek dit nie…

’N SKOEIE GOOT DAGLOEPA BETTIE Moenie toelaat dat daardie grys pruik en deftige serp jou flous nie – tannie Bettie is g’n gewone tannie nie, en op haar mond geval is sy ook nie. Die karakter waarmee Suidooster se DEAN SMITH sy aanhangers al jare lank op sosiale media vermaak, het dié jaar weer haar eie verhoogproduksie gekry. O, en Bettie het feesgangers laat ween van die lag. Dié keer het mense Bettie beleef soos nog nooit tevore nie: Sy is in hegtenis geneem, toegesluit en moes 21 minute saam met misdadigers in ’n sel deurbring. Maar dis nie Bettie wat bang was nie. Hulle was bang vir haar. “Ek’s nou al so gewoond aan Bettie dat dit nou al makliker is om in karakter te kom,” sê Dean. “Dit…