Indholdsfortegnelse for 7 November 2024 i Huisgenoot

1 ‘EK’S RUSTIG IN MY 50’S’ Met daai keps, tatoes, kortbroeke en matelose energie op die verhoog lyk Snotkop nog soos ’n tiener, maar sy wilde dae is verby Dit wil nou gedoen word! Sjoe, Snotkop, vir iemand in jou 50’s lyk jy darem baie goed. Ek het nooit kon dink jy is al verby 50 jaar oud nie, ek het gedink jy is nog in jou 30’s! Geniet dit. LUCINDA Mooi man. Lyk my dis waar wat hulle sê: mans vat baie langer as ons vroue om groot te word! Bly om dit te hoor en bly jy hou jouself nog besig met al jou kunstige goed. Doet so voort! MATHILDA Dan is jy seker die land se oudste tiener! Maar dit wys jou net weer: die manier om Vader…

‘EK MOES MY KOP AFSNY VAN DIE TROUE EN NET GEFOKUS BLY OP DIE SPELE’ SY WAS die één bruid wat twee maande voor haar troue skaars die tyd kon afknyp om planne vir haar groot dag te maak. “Ek kan nie nou aan die troue dink nie, Mamma,” was Jo-Ané van Dyk se antwoord elke keer wanneer haar ma, Marjo, daar in Parys, Frankryk, haar iets daaroor wou vra. “Ek moes my kop afsny van die troue en net gefokus bly op die Spele,” sê die Suid-Afrikaanse spiesgooikampioen. “Maar gelukkig was my ma ons redder en het sy aan al die fyner detail gedink,” sê sy en glimlag vir haar wederhelf, Johan du Plessis. Dis ’n geval van end goed, alles goed. Want Jo-Ané kon met ’n silwermedalje van…

DIE Desembervakansie is om die draai en oral is mense aan die werk aan hulle strandlywe. Party gim, ander draf. Om te oefen is altyd ’n goeie idee, want dis goed vir jou gees en lyf. Maar wat as jy nie van die oneweredige lemoenskiltekstuur op jou vel ontslae kan raak nie? WAT IS SELLULIET? Selluliet is die ingeduikte en onegalige vel wat op die oppervlak van verskeie dele van die lyf verskyn. Dit kom na raming by tot 90% van vroue voor, sê dr. Jennifer Chwalek, ’n dermatoloog in New York. Dit kan nie voorkom word nie – en die risiko verhoog met ouderdom weens ’n slegte leefstyl. Dit is skadeloos, maar gewoonlik ongewens. WAT VEROORSAAK DIT? Baie mense glo selluliet word net deur te veel vet in die…

KAN JY GLO? Die brul van ’n volwasse leeumannetjie kan tot 8 km ver gehoor word. HET JY GEWEET? Sebras is eintlik swart met wit strepe en nie wit met swart strepe nie. HOE OM TE BESTEL BEL 021-406-4962 E-POS koop@huisgenoot.com Gaan na www.media24shop.com…

SOMS moet ouers moeilike besluite neem. Soms is daardie besluite nie so moeilik nie. Toe my kinders klein was en nie die afstandbeheerder van die televisie kon werk nie, sou ék besluit wat hulle kyk, en afsit wanneer dit genoeg was. Ek het my eie voorkeure gehad, en het moeite gedoen om Afrikaanse reekse aan te skaf. Ons het HEIDI se DVD-stel gekoop, NILS HOLGERSON en ook BRAKANJAN en PINOCCHIO, alles oorgeklankte animasiereekse. My kinders het OSCAR & KNERSUS vreesaanjaend gevind, terwyl die DVD van DOFFEL, BABBEL EN BEKKIE, een van my gunstelinge as kind, nie aanklank gevind het nie. TROMPIE en DIE SWART KAT was ook wel treffers. Mettertyd het hulle die skottelkanale verkies en dit self aangesit. Met ’n besoek uit die buiteland van my broer en sy…

» Die musiekspel THE MAGIC BOX is ’n ekstravaganza van musiekteater vir die hele gesin, met kleurryke kostuums, talentvolle kunstenaars, majestueuse stelontwerp en meer as 75 Disney-liedjies. The Magic Box is by Kaapstad se Kunstekaap tot 10 November op die planke, waarna dit van 22 November tot 5 Januarie na Johannesburg se Teatro by Montecasino skuif. Kaartjies by disneythemagicbox.com. » Die plaaslike produksie van die bekroonde en gewilde musiekspel DEAR EVAN HANSEN is iets wat jy nie kan misloop nie. Dis destyds gewild gemaak deur die akteur Ben Platt (van Pitch Perfect-faam) wat die titelrol in Broadway-produksies vertolk het. Die verhaal delf in die uitdagings van jeugkultuur, die impak van sosiale media en die soeke na menslike verhoudings. Dit het verskeie Tony-, Grammyen Olivier-pryse gekry, en jy kan die rolprent,…

SPEKSKIET Mens kry drie soorte leuens. Klein leuens, groot leuens – en politiek. San Marchand STYLVOL Die vierjarige Jannie gaan saam met sy oupa haarkapper toe. “Hoe moet ek jou hare sny, Jannie?” vra die vriendelike haarkapper en knipoog vir die oupa. “Net soos my oupa s’n, Oom, met die gat in die middel!” Anton, Bellville VADER TYD Jy weet jy word bles as jy meer tandepasta as sjampoe gebruik. Johanna Rademeyer VRA IS VRY “Dit lyk my ons nuwe bure is maar taamlik arm,” sê Santie vir haar man. “Hoe weet jy dit?” vra hy verbaas. “Elke keer wat ek iets by hulle wil leen, dan het hulle dit nie.” San Marchand VRA MAAR NET As jy skoon is wanneer jy uit die stort klim, waarom word handdoeke dan…

1 Watter een van dié besienswaardighede is die hoogste: die Empire State-gebou of die Golden Gate-brug? 2 Is die videospeletjie Pac-Man Japannese sleng vir jou “mond oop-en toemaak” of vir “iemand wat baie eet”? 3 Waardeur word die noorderlig, oftewel aurora borealis, veroorsaak? Metaangas, ligafgewende insekte of sonaktiwiteit? 4 Wat noem ’n mens die gekleurde deel van die oog? 5 Wat’s die naam van die onsigbare lyn wat die Aarde in die Noordelike en Suidelike Halfrond verdeel? ANTWOORDE 1 Empire State-gebou 2 Mond oop-en toemaak 3 Sonaktiwiteit 4 Iris 5 Ewenaar BRONNE NASA.GOV, THEGUARDIAN.COM, BRITANNICA.COM, NEWS.HARVARD.EDU, LIVESCIENCE.COM, CNN, BBC, BRITANNICA.COM, KIDSNEWS.COM.AU, HISTORY.COM, YOUTUBE, HISTORYINPIECES.COM, UN.ORG…

MET hulle skerp gevreetjies, klein oortjies en die swart kolle om hulle oë is hulle seker van die oulikste diertjies in die natuur. Meerkatte is baie sosiaal en woon in troppe in die grasvelde en woestyne van veral Suid-Afrika, Botswana en Namibië en is bekend vir hoe hulle as ’n span saamwerk. ’n Trop kan so min as drie lede hê en so baie as 50. Meerkatte kan mak gemaak word, maar hulle kan kwaai ook wees, hoor! Een trop meerkatte kan ’n mededingende trop se babatjies aanval, en die trop se dominante wyfie (maat van die dominante mannetjie) maak soms ook ander wyfies se babas dood. Dié gevaarlike kant van meerkatte verander egter nie daaraan dat hulle mense van oor die wêreld heen betower nie. HET JY GEWEET? Meerkatte…

1 LeBRON EN BRONNY MAAK GESKIEDENIS Die basketbalspelers LeBRON EN BRONNY JAMES het onlangs geskiedenis gemaak deur die eerste pa en seun te word wat saam in die NBA speel, wat nog te sê van dieselfde span. “Om die eerste keer op te stap en saam met my pa te begin was ’n onvergeetlike oomblik,” het Bronny (20) opgewonde gesê. LeBron (39) was net so uit sy nate. Hy’t beklemtoon familie kom altyd eerste, en om saam met sy seun te speel is ’n oomblik wat hy vir altyd sal koester. 2 DIE BECKHAMS SE REUSEHUIS DAVID en VICTORIA BECKHAM (50) het kontant betaal vir ’n tamaai strandhuis in Miami. Daar’s gesien hoe David (49) die eiendom met ’n uitsig oor Biscayne Bay gaan besigtig. Die luukse woning het hulle R1,27…

CHUCK NORRIS stap nog so toe ’n ratelslang hom pik. Ná vyf dae van verskriklike pyn sterf die slang … Of: Hoekom slaap Chuck Norris altyd met sy bedlampie aan? Want die donker is bang vir hom. Daar is geen einde aan die grappies en memes oor hoe taai dié aksieheld van die fliek-en televisiewêreld nou eintlik is nie. En ’n tawwe tienie is hy gewis, want weg van die kameras af het hy ’n spul karate-kampioenskappe gewen, sy eie vegstyl ontwikkel en Hollywood se beroemdes skoppe en kaphoue geleer. Die legendariese Bruce Lee was sy oefenmaat en vriend. Geen wonder hulle sê Guiness World Records is eintlik Chuck se dagboek nie. Maar in sy jeug was hy alsbe-halwe ’n breker. Carlos Ray Norris is op 10 Maart 1940 in…

Wat is geluk vir jou? Om gemaklik in jou vel te voel en trots te wees waar jy tans is. Mense droom soms te veel vooruit en mis die punt. Wanneer en waar was jy op jou gelukkigste? Beslis op die gholfbaan met my hole-in-one. Waarmee hou jy jou die graagste besig? Gholf, padeltennis, boks en familie. Wat verveel jou? Enigiets wat nie met passie verduidelik of aangebied word nie. En natuurlik verkeer. Waaroor is jy spyt? Dat ek nie vroeër opgehou drink het nie. Maar alles gebeur op sy tyd. Hoe sal die mense wat jou goed ken jou beskryf? Seker as happy-go-lucky. Wat beïndruk jou van ander mense? Mense wat hard werk. Ek het baie respek vir ’n self-made man. Watter eienskap bewonder jy in ’n man? Ballsense.…

JALAPEÑO-&-FETA-POFFERTJIES met SPEK LEWER 24 GROOT POFFERTJIES / BEREIDING: 30 MIN. / GAARMAAK: 30-35 MIN. ’n Choux-southappie met ekstra skop! ◗ 1 x klaarbereide choux-deeg (sien resep langsaan) VULSEL ◗ 250 g laevet-gladde maaskaas◗ 2 wiele feta, fyngekrummel◗ 2 jalapeño’s, fyngekap (saad verwyder, indien verkies)◗ 4 stingeluie, fyngekap◗ 5 ml (1 t) suurlemoensap◗ sout, na smaak◗ 125 ml (½ k) room AFRONDING ◗ 2-3 jalapeño’s, in dun skyfies gesny◗ 100 g spekrepies, bros gebraai◗ vars basilie-of koljanderblare Voer ’n paar groot bakplate met bakpapier uit of bespuit goed met kossproei. Hou ’n spuitsak met ’n sterof ronde spuitpunt byderhand. Voorverhit die oond tot 180 °C. 1 Skep die klaarbereide choux-deeg in die spuitsak. Spuit die deeg in gholfbalgrootte-klonte op die bereide bakplaat. Druk die punte van die poffers liggies platter…

SKERPIOEN 23 OKTOBER – 21 NOVEMBER Jy het van nature ’n sterk wil en word gewoonlik nie maklik oorreed om van jou geld afstand te doen nie. Maar wees versigtig op die 9de wanneer ’n gewetenlose persoon jou ’n gat in die kop kan praat. Moet ook nie jouself saboteer deur te dink dat die dobbelgodin aan jou kant is nie. Die meeste mense boer net vooruit deur hard te werk en geleidelik aan hulle rykdom te bou. BOOGSKUTTER 22 NOV – 20 DES Hoewel ’n familielid jou dalk hierdie week uitput, moet jy deernis en simpatie toon, veral rondom die 9de. As dit nie werk nie, sal jy rondom die 12de weet wat om volgende te doen. Soms werk dit net beter om reguit te wees, tesame met die…

BOEKE BORRELGOM DEUR JANA DU PLESSIS MÜLLER Human & Rousseau, R189* “Borrelgom gaan oor die soeke na identiteit en om te wil behoort. Ook oor verlies en wat ’n jong mens te doen staan as die gemaksone-mat onder jou uitgeruk word. “Dit gaan ook oor Jesus se onbeskryflike liefde, veral vir díé wat alleen en gebroke is.” So sê die skrywer Jana du Plessis Müller, ’n vryskutkopieskrywer, joernalis en digitale bemarker. Ek wil by haar weet of ’n meestersgraad in skeppende skryfwerk mens regtig help om fiksie te skryf. “Dit het my beslis gehelp om wyer en dieper te lees, en enige skrywer weet lees, is een van die kragtigste sleutels tot skryf. “Ek het gedurende my studies veral geleer om anders te dink oor lees en oor woorde. Hulle…

WERKLIKHEID WELCOME TO WREXHAM Hierdie gewilde reeks is ’n ware Aspoester-verhaal wat jou nie net meer leer oor die omvang van ’n sokkerklub nie, maar ook gaan lus maak om ’n piepklein dorpie in Wallis te besoek. Welcome to Wrexham volg ROB McELHENNEY, wat naam gemaak het in die komediereeks It’s Always Sunny in Philadelphia. Hy besluit in die pandemie om die Walliese klubsokkerspan Wrexham A.F.C. te koop. Die span, wat vir ’n geruime tyd nie goed op die veld of van die veld af gelyk het nie, het soos die perfekte belegging gelyk as ’n onderneming waarin nuwe lewe geblaas kan word. Die reeks, wat oor 18 episodes strek, fokus nie net op die sokkerklub nie, maar ook op die dorp waar die klub is. Om die bal aan…

GROOT BLOKRAAI WEN ’N BOEK LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. № 2 569 KOMPETISIEVRAAG Watter kledingstuk is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser ’n Ewige kroon deur Demi-Leigh Tebow (Lux Verbi, R320). In ’n Ewige kroon getuig Demi-Leigh Tebow, voormalige Mej. Heelal en Mej. Suid-Afrika, hoe gevaarlik dit kan wees as ons ons identiteit aan ons prestasies koppel. Ontdek wie jy geskape is om te wees, en leer hoe jy jou platform – hoe groot of klein ook al – kan gebruik om ’n blywende impak te maak. In dié boek neem Demi ons saam op haar reis na selfvertroue – van waar…

BILLIE EILISH Album: Hit Me Hard and Soft  HOEKOM ONS HAAR <3 Daar is niemand soos sy in die musiekbedryf nie. ’n Unieke fluweelstem met diep lirieke waarmee baie van ons ons kan vereenselwig. Ons gaan dit nou net sê en klaar: “Birds of a Feather” ís die liedjie van die jaar. As jy dieselfde voel, kan ons enige tyd musiek-besties wees. Hierdie liedjie is in Mei uitgereik en al klaar deel van vanjaar se miljardklub. Dis al meer as 1,2 miljard keer op Spotify geluister. Die nuwe album is beslis een van die mooiste, beste albums van die jaar. En ons is mal oor iemand wat ander vrouekunstenaars ondersteun. Sy is onlangs gevra – hoekom sal net die joernalis weet – of sy bedreig voel deur die sukses van…

‘VANJAAR IS DIE JAAR WAT RUIMTETOERISME REGTIG AFSKOP’ NADAT ons opstote op Mars gedoen en reusetreë oor die maan gegee het, ervaar ons die gewigloosheid van die ruimte. Daar dryf ek ’n oomblik lank, verstom en onseker, voor ek terug grond toe val. “Grond” in hierdie geval is ’n kussing op die vloer van ’n Airbus A310. Nasa-ruimtevaarders het dié soort vliegtuig altyd die “vomit comet” genoem. Ons vlieg oor die Atlantiese kus van Frankryk. Kapt. Eric Delesalle vlieg in boë wat gewigloosheid naboots vir hierdie vrag kamstige ruimtevaarders. Ek lê stil terwyl hy vir die volgende boog regmaak. “Tien,” sê ’n stem oor die interkom. Die vliegtuig klim en ’n gewig byna dubbel dié van swaartekrag kom sit op my bors. “Veertig.” Elke syfer is die hoek waarteen die…

DIS vinkel en koljander, want die ma en dogter is voorwaar die een net soos die ander. Die jong Danielle Retief het so vier jaar gelede onder kykers bekend geword as Nikki Basson in 7de Laan. Deesdae speel sy ’n ambisieuse lugwaardin in Banana Air op kykNET. Maar van ons ouer lesers sal Danielle se ma onthou. Sy is Karin Retief, ’n gesoute aktrise wat in 1987 bekend geword het vir haar rol as Carina Human in die TVreeks Ballade vir ’n enkeling. Danielle spot dat haar ma twee maande swanger was met haar toe sy in die reeks gespeel het, wat haar al destyds ’n aktrise gemaak het. “My ma is een van my beste vriende, en ek leer letterlik elke dag by haar,” sê Danielle. “Een groot ding…

LEANNE MANAS Die ankeraanbieder van Morning Live sê op 50 voel sy nie ’n dag ouer nie, en dat sy glo haar denke het meer as ooit gegroei, terwyl haar hart van dankbaarheid oorloop. Sy sê dis vir haar ’n voorreg om vyf dekades op aarde te wees. Hier deel sy vyf lewenslesse: 1 Omhels jou onvolmaakthede. Wanneer jy ouer word, raak jy gemakliker met jouself. Ek leer dit nou meer as ooit. Ek het ’n punt bereik waar ek myself aanvaar – al my glorie, gebreke en alles tussenin. Wanneer jy jonger is, bekommer jy jou oor jou voorkoms en om in te pas. Ek het nou besef selfaanvaarding is belangriker. 2 Koester egte verhoudings. My familie en vriende is my lewe. Hulle was daar deur die goeie en slegte tye,…

Die ruimte is net hier bokant ons koppe. Die Internasionale Ruimtestasie is net 408 km van hier af wanneer hy oorvlieg. Dis die afstand van Johannesburg tot in Louis Trichardt, of, as dit sal help, 74 182 standaardkameelperde in ’n tou by binnelandse sake. Dit klink nie na baie nie, maar vir gewone mense kon dit netsowel die middelpunt van die son wees. Kyk ons vertaalde storie op bl. 78 oor miljoenêrs wat speelspeel na hulle superluukse ruimtekamp in Frankryk toe gaan. Wat is verder van ons af: die ruimte of die La Corniche-hotel in Pyla-sur-Mer? Die taal in daardie artikel het sy eie kinkels. In baie gevalle moet ’n mens in Afrikaans liewer vaag wees, hiperspesifieke details uitlaat en die ellelange Engelse sinne in happiegroottes afklits. Dis ongelooflik hoe…

VIR sy eie veiligheid het hy homself in sy huis toegesluit, die vensters vermy en op ’n matras geslaap. Daar was doodsdreigemente. Hy was bang. In dié tyd het die man wat hy ondersoek het rojaal geleef. Hy het ’n uitspattige troue met bekendes as gaste gehou, in ’n spoggerige huurhuis gewoon, selfs as onafhanklike kandidaat in vanjaar se verkiesing gestaan. Louis Liebenberg het lékker gelewe. Die man wat bewerings oor die dwelmsmous moes ondersoek? Sý lewe was hel. “Hulle het my vier keer probeer uithaal,” beweer adv. Vaughn Victor, wat as ondersoeker aangestel is om die likwidasie van Louis se maatskappye af te handel. Die eerste aanslag op sy lewe was in Mei 2023, sê Vaughn. Die tweede keer kon hy ook vryspring. “Die derde keer het hulle my…

Prettig & speels ME&B Betina Swart en Kelly-Grace Gibberd sê hulle reekse is gebou rondom die idee dat mode toeganklik en prettig moet wees. Dit kan gesien word in die vloeiende materiale, helder kleure en prettige patrone wat hulle gebruik. Hulle het veelsydige basiese items asook uitstaanstukke wat ’n ontspanne flair by jou voorkoms sal voeg. Vleiend & veelsydig GAYA COLLECTION Hierdie onderneming met vroue aan die stuur het in die hart van Kaapstad ontstaan. Hulle skep die afgelope vyf jaar sjiek, veelsydige klere met die fokus op onderbeklemtoonde elegansie. Die stukke sal maklik by die res van jou klere inpas, reg vir uitstappies, kantoor of ’n aand uit. Kies jou kern M GREY Hierdie plaaslike span bied kledingstukke wat ontwerp is om ’n samehangende kern te vorm. Elke stuk…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. IS MY HUWELIK NOG GESOND? V My man van die afgelope 23 jaar is ’n engel. Ons breek gereeld weg, ek kry altyd blomme en hy koop alles wat my hart begeer. Hy is die saggeaarde een van ons twee en ’n wonderlike pa. Ons is ongelooflik lief vir mekaar. Hy sê 100 keer op ’n dag dat hy lief is vir my, en ek vertrou hom met my lewe. As jonggetroudes het…

1 JOU KREDIET-TELLING IS TE LAAG Jou kredietrekord (en dus telling) wys jou finansiële verantwoordelikheid. As dit te laag is, sal jy waarskynlik nie ’n lening getrou afbetaal nie. Doen dít:Trek jou kredietrekord. Jy kan dit aanlyn doen en is geregtig op een gratis kredietrekord per jaar van kredietburo’s soos transunion.co.za en experian.co.za. Laat foutiewe inligting regstel en vereffen enige agterstallige skuld. 2 KAN JY NOG SKULD BEKOSTIG? Finansierders let op die volgende: ◗ Te veel finansiële verpligtinge: Finansierders sal al jou finansiële verpligtinge nagaan – nie net skuld nie. As hulle sien jou inkomste dek skaars jou uitgawes, kan hulle jou aansoek afkeur of ’n kleiner lening bied. Doen dít: Die finansierder sal besonderhede van jou finansiële verpligtinge vra. Wees eerlik. As jy nie die maandelikse paaiement kan dek nie,…

TYLA SY HET die musiekwêreld getref soos ’n Springbokvoorryspeler met haar debuutliedjie, “Water”. Voor sy haar oë kon uitvee, was sy ’n globale musiekster. TYLA LAURA SEETHAL, of net Tyla, is ’n 22-jarige Suid-Afrikaanse juweel wat Afrikaklanke, van Afrobeats tot amapiano, op die wêreldverhoog geplaas het. Sy verwys in haar musiek na haarself as die “pretty girl from Joburg” en het onlangs ’n deluxe weergawe van haar eerste album, Tyla+, uitgereik. Dit bevat drie splinternuwe snitte met hulle wortels diep ingegrawe in Afrikamusiek en sy invloede. “Shake AH” is ’n sterk amapianoliedjie waar sy saam met drie plaas-like kunstenaars – Tony Duardo, Optimist en Maestro – sing. “Push 2 Start” en “Back to You” is ook ’n kombinasie van pop, R&B en Afrobeats. Tyla was so opgewonde oor die uitreiking…

In 2025 is Afrikaans al ’n eeu lank ’n amptelike taal. Ter viering van dié groot verjaardag het die Federasie van Afrikaanse Kultuurverenigings (FAK) besluit om spesiale geleenthede en vertonings op te rig in Suid-Afrika sowel as in die buiteland. Die sanger STEFAN JANSEN, wat ’n groot liefhebber is van storievertelling in musiek en graag Afrikaanse volksmusiek sing, is deel van die buitelandse been van die 100 jaar vieringe en ’n kranige ambassadeur van die taal. “My liefde vir musiek het geblom toe ek op 16 my eerste kitaar as geskenk van my pa gekry het,” sê Stefan. “Ek was nie ’n uitblinker op die sportveld nie. Maar ek het ’n groot passie vir musiek ontwikkel.” Ná skool het Stefan (36) eers sy regsgraad verwerf en ’n paar jaar as…

BIOME is groot diere-of plantgemeenskappe wat natuurlik in verskillende dele van die wêreld voorkom. Omdat verskillende gebiede unieke eienskappe het wat betref die klimaat, soos hoe warm of koud dit raak, die landskap se vorm en soort grond, en die fauna en flora – diere en plante – sal jy verskillende biome reg oor die wêreld vind. Hier in Suid-Afrika is ons gelukkig om nege onmiskenbare biome te hê: fynbos, woestyn, sukkulente Karoo met vetplante, die Nama-Karoo, woud, die Indiese Oseaan-kusgordel, struikgewasse en ruigtes, savannes en gematigde grasvlaktes. Vandag kyk ons na die graslandbiome. WAT MAAK DIT ’N GRASVLAKTE? Soos jy kan raai, is ’n grasvlakte ’n groot, oop gebied vol gras. Bome en groot struike sal hier en daar wydverspreid voorkom, maar dit sal die uitsondering wees. Behalwe Antarktika…

AS EK moet raai, sal ek sê ek het seker al so 70 mense se lewe gered. Een wat ek altyd sal onthou, is ’n 19-jarige seun van Hanoverpark wat by Kogelbaai by die Caves in ’n riptide beland het. Hy het somehow om my nek vasgehou, en ek het afgegaan onder die water. Ek moes hom een vinnige shot gee om my te los. Ons het gelukkig op ’n sandbank beland. Hy’t my om my lyf gegryp toe hy besef ek het sy lewe gered. Ek sal nooit daardie warmte vergeet nie. Die warmte van appreciation. Daardie warmte voel ek elke keer as ek hier instap. Toe ek as seun hier instap, het die atmosfeer en karakter van die plek dadelik ’n groot indruk op my gemaak. Ek het nog…

SELFS op ’n afstand herken ’n mens die man met die kaalgeskeerde kop. “Bullet”, is hy in sy storm-en-drang-jare genoem – die man wat oor die wêreld se rugbyvelde genael het asof hy uit ’n geweerloop losgetrek het. Dieselfde breker wat dikwels ook van die veld af in ’n skrum van pure drama in sy persoonlike lewe skouers en koppe met alles en almal gestamp het. Hier, soos die kaalkopman aankom, volg die reuk van Paco Rabanne se naskeermiddel Invictus hom waar hy gaan. Hy was immers ’n lid van die 1995-Wêreldbeker-wengroep, die een wat met die dagbreek van Suid-Afrika se demokrasie soveel hoop na die land gebring het. Toe Huisgenoot James Dalton vroeër gevra het of ons kan gesels, het hy laat weet hy wil dit in ’n koffierestaurant…

“Wat ek van my karakter hou, is dat hy ’n opregte ou is wat deur die lewe gereis het en nou eenvoud kies,” sê Anton. “Meer as enigiets hou ek van sy kwesbaarheid, sy behulpsaamheid en sy vermoë om homself bloot te stel.” Anton is opgewonde oor sy rol en reken hy kan baie leer by sy karakter, Mawethu, wat sy werk as sjef vir rykes en beroemdes vir die rustige bekoring van sy tuisdorp, Knysna, verruil. “Ek dink ons almal kan probeer om ’n bietjie meer soos hierdie ou te wees.” Anton, wie se karakter liefde vind by Prin-cess, gespeel deur die aktrise Renate Stuurman, het intussen ook in die regte lewe weer liefde gevind ná ’n openbare skeiding van die mediapersoonlikheid Boity Thulo. Deesdae pronk hy gereeld saam…

‘Hulle is saam. Hulle doen moeite om dit weg te steek, maar dis algemene kennis’– ’N BRON HULLE steek dit glo al maande weg, maar nou is hulle geheim op die lappe. Gerugte van ’n romanse tussen HUGH JACKMAN en ’n Amerikaanse aktrise wat saam met hom op Broadway gespeel het, blyk meer as net gerugte te wees nadat dit uitgekom het sy en haar man is uitmekaar. SUTTON FOSTER (49) het verlede maand in New York aansoek gedoen om van haar man, Ted Griffin (53), te skei. Dit het gelei tot bespiegelinge dat die vriendskap eintlik ’n verhouding is tussen haar en die Australiese ster. Sedert Hugh (56) in September verlede jaar van Deborra-Lee Furness (68) geskei is, is sy naam nog aan niemand gekoppel nie. Hy en Deb…

DIE aktrise EVA MENDES het bewys dat 50 net ’n syfer is. Sy sê sy voel gereeld “vreeslik sexy” – en dis deels danksy haar aantreklike man, Ryan Gosling (43). “Dis net fantasties hoe my man na my kyk,” het die aktrise aan die Britse koerant The Times gesê. “Nie almal hou dalk daarvan nie, maar baie van hoe ek voel, is ’n weerspieëling van wat hy my gee.” Die ma van twee het ook gesê sy’t nooit aan haarself gedink as mooi nie, maar eerder as sexy, en nadat sy in Maart vanjaar 50 geword het, omhels sy die nuwe hoofstuk in haar lewe. “Dis net dat daardie syfer mal klink,” sê sy. “In my binneste voel ek soos ’n meisie, maar ek is beslis nie meer ’n meisie…