Indholdsfortegnelse for 14 November 2024 i Huisgenoot

1 ‘EK EN DOMINEE WAS INTIEM’ Suzette Jansen het in die kerk gesê sy en die dominee het ’n verhouding gehad. Haar bekentenis het haar vry gemaak, al ontken die dominee dit Daai dominee moet saam met haar bieg. Hy was in ’n mags- en vertrouensposisie en het dit misbruik. Ek sien die vrou word nou deur ander vroue veroordeel, terwyl hy beskerm word. Hy moes die regte ding gedoen het. LIZ Mense maak foute en het later berou. En dan voel hulle die waarheid moet uit. Opgekropte gevoelens was en is nooit goed vir jou geestesgesondheid nie. Dis jammer een of meer mense moet in die proses daaronder ly. ABE Dis hoekom ek nie kerk toe gaan nie. Skynheilige dominees wat vir ons preek oor die Woord terwyl hulle…

HY’S nou al wraggies alles genoem sedert die bom gebars het: ’n rokjagter, ’n man wat in die bondel vry, ’n hartebreker … Van alles was daar een belediging wat vir hom darem net te erg is. Iets wat hy sê net nie waar is nie. Dat hy ’n huwelik verwoes het. Hý? ’n Huwelik verwoes? Dis ’n leuen, sê Brendan Peyper (28). As hy dan nou aan iets móét skuldig wees, dra hy net skuld omdat hy ’n skouer van vriendskap aan ’n vriendin gebied het toe sy deur ’n “moeilike tyd” gegaan het. Ja, dié vriendin, ene Danelle Janse van Rensburg (32), was getroud. En ja, hulle het een keer gesoen. Maar dis dit. Nét die een keer. Régtig. “Daar was baie geleenthede wat ons sou kon soen,…

ONDERLAAG was eers die enigste keuse as jy ’n vlekkelose gelaat wou bereik. Maar deesdae bied veltint, BB-, CC- en DD-room en getinte bevogtiger nuwe maniere om die perfekte grondslag te skep. Ons help jou sin maak van die groot verskeidenheid van hierdie produkte wat beskikbaar is. VELTINT WAT IS DIT? Dis deursigtiger as getinte bevogtigers en het die tekstuur van ’n serum. BESTE VIR ’n amper onsigbare grimeervoorkoms. Dit smelt moeiteloos by die vel in vir ’n douagtige afronding sonder om aangeplak te lyk of in plooitjies saam te koek. VELSOORT Droë of ouer vel. Veltint is ligter en meer bevogtigend as tradisionele onderlaag. GEBRUIK DIT SÓ Wend dit met jou vingers oor jou bevogtiger aan vir ’n naatlose afronding. GETINTE BEVOGTIGER WAT IS DIT? Dié bevogtiger het ’n…

JOU kind se IK is dikwels iets waarteen ouers vaskyk, maar kenners meen daar is baie ander vorme van intelligensie wat net so of dikwels selfs belangriker is vir jou kind om eendag gelukkig te wees en sukses te behaal. Een daarvan is emosionele intelligensie en daar is maniere om dit vir kinders aan te leer. WAT IS EI? Hoe meer kennis jy oor al jou emosies het en hoe beter jy dit bestuur, hoe hoër is jou emosionele intelligensie (EI), sê Anschel Pieterson, ’n spelterapeut van Pretoria. ’n Hoë EI kan later in ’n kind se lewe positiewe gevolge hê. “Dit kan die kind byvoorbeeld leer om te dink voor hulle op ’n situasie reageer, om meer empatie met ander te hê, om hulself beter te verstaan, om emosies…

HAAS EN HARRIËT DEUR SUSAN COETZER Human & Rousseau, R275* Haas en Harriët gaan oor onvolmaakte ouerskap en die rimpeleffek wat trauma in jou kinderjare op jou volwasse lewe tot gevolg kan hê. Jare later is die letsels steeds nie uitgewis nie en is die pad na herstel ’n baie steil berg om uit te klim – en een wat nie noodwendig vergifnis as toegif bied nie. Só som Susan Coetzer haar jongste roman op. Agter dié amper saaklike woorde woed en woel ’n duisend emosies van haar volronde karakters: Mila oftewel Haas, haar man, Conrad, wat op ’n vreemde manier tot trou gekom het met haar, haar dogter, Tami, wat ook op ’n vreemde manier in haar lewe gekom het, en dan Harriët. Vir my was Harriët ’n verskriklike…

EEN van my gunstelingreekse van alle tye is THE AMERICANS, wat tans op Disney+ is. Ek het vooraf baie gehoor daarvan, en toe Disney beskikbaar raak, was dit die eerste reeks wat ek daarop gekyk het. Die rede hiervoor is natuurlik Keri Russell. My bewondering vir haar kom al jare lank aan, van die tienerreeks FELICITY met die bohaai en dalende kykertalle toe sy haar bos krulle kort gesny het, tot die keuse van onopvallende rolle in goeie flieks soos AUGUST RUSH en WAITRESS. Sy was net onmoontlik mooi, maar dan ook ’n baie goeie aktrise. Waarom sy nie lankal reeds ’n superster was nie, het my gefassineer. Die akteur wat saam met haar in THE AMERICANS gespeel het, was Matthew Rhys – nóg ’n gunsteling. Hy was almal se…

VLUG JAN BLOUKAAS ’n Mens kan nie help om die trane weg te vee wanneer jy na Jan Bloukaas se jongste liedjie, “Vlug”, luister nie. Dit vorm deel van sy album getiteld God kan, wat die jong musikant, tans aan die baklei teen terminale breinkanker, in November gaan uitreik. Deon Dee, sy musiekvervaardiger-vriend, sê: “Dis Jan se laaste wens om een laaste album te kan uitreik aan sy aanhangers, en om iets na te laat vir sy familie.” Die ritmiese liedjie is ’n mengel van genres wat wissel van Afrikaanse popmusiek tot elektroniese musiek waar Jan se suiwer stem sing oor ’n liefde wat hom op verskeie vlakke raak en waarvan hy sukkel om weg te vlug. VAT MY SAAM ANDRÉ & TIAAN Met sterk kitaarklanke sing die musikante André…

GROOT BLOKRAAI WEN ’N BOEK LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. № 2 570 KOMPETISIEVRAAG Watter gebak is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser ’n Droomhuis vir Kristie deur Elaine Marais (Lux Verbi, R270). ’n Vreemdeling by ’n familiebegrafnis keer Kristie se lewe heeltemal onderstebo. Haar daaglikse take by die argiteksfirma waar sy werk, ondergaan ook ’n wending: Erik is ’n moeilike kliënt maar ook die onweerstaanbare tipe. Dit maak sake moeilik vir Kristie, want sy is verloof aan Dirk. Toe Kristie se werklikheid in duie stort, vlug sy na die vakansieparadys Phuket in Thailand. Maar die eiland bring nie vir haar die gemoedsrus…

DIE Ierse maatskappy Field of Vision het ’n vindingryke handtoestel ontwerp waarmee siggestremde sokkerondersteuners ’n veel ryker ervaring in die paviljoen kan hê. Sulke aanhangers moes tot nou toe steun op kommentators en mense om vir hulle die aksie op die veld te beskryf. Maar met die innoverende onderneming se tabletgrootte-toestel sal hulle nie bloot die gebeure tussen die vier lyne kan hoor nie, maar ook kan voel. Dit werk so: Kameras wat in elke hoek van die stadion aangebring word, gebruik kunsmatige intelligensie om die gebeure op die veld na te spoor. Binne ’n breukdeel van ’n sekonde word die inligting dan aan die toestel op die aanhanger se skoot gestuur. Op die toestel is die vorm van ’n sokkerveld in reliëf aangebring. ’n Klein magnetiese ring lei dan…

DIT was haar droom om vir Grey’s Anatomy te skryf, en sy het dit bewaarheid toe sy die ontstellende besonderhede van haar eie gesondheidstryd vir die reeks verwerk het. Elisabeth Finch (46) het sewe jaar lank gehelp om die mediese drama se emosionele storielyne te skryf en baie hiervan is deur haar eie ervarings geïnspireer – of so het sy gesê. Sy het vertel sy’s ’n kankeroorlewende, en haar storie was so inspirerend dat een van Grey’s se aangrypendste storielyne daarop gegrond is. Mettertyd het Elisabeth se voorliefde om haar persoonlike trauma in ’n suksesvolle storielyn te omskep vir haar lof in die bedryf ingeoes en haar ’n stem op sosiale media gegee, terwyl sy ook ’n hegte vriendskap met die reeks se skepper, Shonda Rhimes, gevorm het. Sy het…

‘EK GAAN NIE DIESELFDE MENS WEES NIE. EK GAAN NOU NET ’N ANDER, POSITIEWE ZAK WEES’ DIE lewe het hom hárd geklap. Dit het gevoel asof hy elke denkbare probleem reg ná mekaar moes deurmaak. Sy verhouding van 17 jaar het gesneuwel. Hy het sy werk verloor. Hy het sak en pak na die oorkant van die land verhuis. En boonop was hy toe vyf maande lank bitterlik en raaiselagtig siek. Die mat was behoorlik onder die akteur Zak Hendrikz uitgeruk. Nou hoe dan, wonder ’n mens, dat hy nou geen teken toon van iemand wat onlangs nog so swaargekry het nie? Is dit net uitstekende toneelspel? Nee, tog nie. Hy lag maklik, sy blou oë skitter helder en hy loer kort-kort na Tafelberg. Amper asof hy nie kan glo…

DIS die 1970’s. In ’n voorstedelike motorhuis, die enkele gloeilamp pers geverf met naellak vir romantiese effek, skuifeldans hoërskoolkinders styf in mekaar se arms terwyl die hi-fi kreun: I am sailing, I am sailing. Home again, ’cross the sea, I am sailing stormy waters, to be near you, to be free. Vir tallose hormoongeteisterde tieners in Suid-Afrika en oor die wêreld heen was “Rod the Mod” se skuurpapierstem die klankbaan van hulle eerste liefde. Geen wonder hy het al meer as 170 miljoen albums verkoop nie. Hy word as een van die 50 suksesvolste popsterre ooit gereken. Tog was sir Roderick David Stewart, gebore op 10 Januarie 1945 in Highgate, Londen, se musiek ons byna nie beskore nie. As kind had hy twee liefdes: sy mondfluitjie en sokker. Op 15…

Wat is geluk vir jou? Dit is ’n ingesteldheid. Wanneer en waar was jy op jou gelukkigste? Toe ek in 2023 saam met my vriende Coldplay gaan kyk het in Amsterdam. Wat is die beste verrassing wat jy al gekry het? My eerste Cort-elektriese kitaar wat my pa in 2003 vir my gegee het vir Kersfees. Wat is die een ding wat jy wens jy al geweet het toe jy op hoërskool was? Dat die mense vir wie jy moes luister ook nie regtig geweet het wat hulle doen nie. Watter troeteldiere het jy, en wat is hulle name? Twee katte, Lente en Mattewis. Wat is jou gunsteling-huisitem? My LG Ultra wide-screen TV. Wat dink jy gebeur ná die dood? Een ding is vir seker: Jy hoef nie meer belasting…

Romerige STEURGARNAALPASTA GENOEG VIR 2 MENSE / BEREIDING EN GAARMAAK: 20 MIN ◗ 1,5 ml (⅓t) olyfolie◗ 1½ knoffelhuisie, fyngedruk◗ 1 klein ui, gekap◗ 125 ml (½ k) witwyn◗ 125 ml (½ k) hoenderaftreksel◗ 250 g volgraanlinguinepasta◗ 7,5 ml (1½ t) heuning◗ 250 ml (1 k) dubbeldik jogurt◗ 60 ml (¼ k) gekapte pietersielie, vir garnering STEURGARNALE ◗ 15 ml (1 e) olyfolie◗ 7,5 ml (1½ t) fyngedrukte knoffel◗ 400 g groot rou steurgarnale, skoongemaak◗ 22,5 ml (1½ e) suurlemoensap 1 Begin met die garnale: Verhit die olie in ’n kleefvrye pan. Voeg die knoffel en garnale by en braai tot die garnale pienk begin verkleur. Voeg die suurlemoensap by en laat kook tot die garnale gaar is. Haal uit die pan en hou eenkant. 2 Gebruik dieselfde pan en…

EK IS ’N SLAAF IN MY HUIS V Ek en my man is 12 jaar ge-gelukkig getroud. My eie twee seuns woon nog by ons. Die laaste ruk is ek egter moedeloos met dié drie manne. Niemand help my in die huis nie. Ek maak skoon, sorg vir kos – soms drie maaltye per dag oor naweke – en doen al die ander take. Ek werk voltyds en raak ook moeg, maar nie een van hulle dink so nie. Ons het ook tuisprojekte wat ons vir ’n ekstra inkomste doen, dus is my lewe baie vol. Ek het al opgehou om skoon te maak, maar niemand van hulle was eens gepla nie. Ek huil soms oor my situasie, want dit is ’n gesukkel. Weghardloop gaan nie help nie. Is hulle…

◗ Tensy jy met ’n taamlik ou kar ry, is dit nie nodig om eers “op te warm” voor jy laat wiel nie. Die meeste voertuie het brandstof-inspuiting vir optimale verrigting sodra jy dit aanskakel.◗ Moenie jou enjin uit rat haal om teen ’n bult af te vryloop nie, want dit maak dit moeiliker om jou kar in ’n noodgeval te beheer. As jy jou voet van die versneller haal pleks van die enjin uit rat, sal jy die minste brandstof teen ’n afdraande gebruik.◗ Moenie jou enjin inspan – dus rem en die koppelaar trap en bietjies-bietjies vorentoe wieg (“riding the clutch”) – om te keer dat jou kar agteruitloop wanneer jy teen ’n opdraande wag dat ’n rooi lig groen word nie. Jy mors brandstof en dis sleg…

SKERPIOEN 23 OKTOBER – 21 NOVEMBER As ’n waterteken is jy nie immuun teen uiterste emosies nie, en met die volmaan op die 15de kan jy die volle intensiteit van jou gevoelens ervaar. Dit kan met ’n liefdesverhouding verband hou of nie. Staal jouself nietemin vir die een of ander haakplek op dié front. Wees daarvan bewus dat mense dalk onbesonne en buite karakter optree, so probeer deernis met ander hê. BOOGSKUTTER 22 NOV – 20 DES Moenie dat omwentelings by die werk rondom die 15de jou onderkry nie, veral as dit onverwags is. Sien dit as ’n kans om jou manier van werk of jou houding te verander. Teen die 18de is jy in ’n positiewe bui, met jou oë op die toekoms en besig om planne te maak…

Ons het al oor hom geskryf. Hy’s besig om die trefferlyste so vinnig te klim dat jy whiplash gaan kry as jy dit dophou. Die liedjie wat almal ken, is “A Bar Song (Tipsy)” – ’n country-popliedjie met rapinvloede wat al 14 weke no. 1 op Billboard se Hot 100-trefferlys is. En daar word reeds gegis dat hy die een Grammybenoeming ná die ander gaan inryg. “Dis iets wat ek graag vir almal tuis sal wil bereik,” sê Shaboozey. “Om die toppunt van daardie berg te klim is vir my die simboliese erkenning vir al my harde werk en dat my musiek saak maak en ’n impak het.” Shaboozey het in Virginia net buite die stad Woodbridge grootgeword. Sy ouers het uit Nigerië na Amerika geëmigreer. Sy regte naam is…

PATOGEEN Uit die Grieks pathos (lyding) en genesis (oorsprong). Dit beteken siekteveroorsakend. ’n Patogeen (in die spreektaal ’n “kiem”) is dus ’n biologiese agent wat siektes in sy gasheer veroorsaak, byvoorbeeld virusse of bakterieë. SYFERSTORIES −67,7 Die rekordtemperatuur in Celsius wat op die Siberiese dorpie Oimjakon, die koudste bewoonde plek op Aarde, aangeteken is. Hoewel dié amptelike rekord lank gelede vasgelê is, is ’n gemiddelde wintertemperatuur rondom −50 °C hier alledaags. Daar was al nieamptelike temperatuurlesings van 70 grade benede vriespunt. 1,5 miljoen Tot soveel dollar (R26 miljoen) kan die Italiaanse kunstenaar Maurizio Cattelan se werk “Comedian” – ’n piesang wat met duct tape teen ’n muur geplak is – op 20 November op ’n veiling in New York haal. Vyf jaar gelede is dit vir $120 000 in Miami…

DIE natuurlike wêreld is ’n voortdurend veranderende, aanpasbare omgewing waar plante en diere hul gedrag en soms selfs hul voorkoms kan verander om te oorleef. In die plantwêreld is daar baie wonderlike voorbeelde van hoe plante aangepas het om dit vir hulle moontlik te maak om in die moeilikste omgewings te oorleef en te floreer. VLEISETENDE PLANTE Het jy geweet dat sommige plante eintlik insekte eet? Die venusvlieëvanger het die vermoë ontwikkel om op aanraking te vertrou, en hulle weet selfs hoe om te tel. Wanneer ’n vlieënde of kruipende insek op hulle oop blare beland, wat eintlik meer soos oop kake is, klap hulle net toe as hulle twee trillings binne ongeveer 20 sekondes voel. Die insek word dan deur die blare platgedruk en ensieme word vrygestel sodat vertering…

EK HET vir myself ’n reël gemaak. Ek mag huil tot ek by die Jean Avenueafrit kom en dan moet ek klaar gehuil wees. As ek by die huis kom, moet ek ma en vrou wees. Dis in die tyd toe ek vir die Christelike Maatskaplike Raad gewerk het as speelterapeut. Dis die vreeslikste gevalle van verwaarlosing en mishandeling. Daai gevalle het my soms gebreek en by my gespook. En tóg maak mens só ’n verskil in weerlose kinders se lewens. Daar was ’n geval van ’n dogtertjie jare gelede wat deur verskriklike traumatiese mishandeling was. Seksueel. Haar pleegouers het haar vir terapie gebring, en ons het ’n laaang pad saam gestap. Sy’t naderhand opgehou met terapie, maar dié dag is daar ’n toet by die hek. Dis sy met…

EK WAS baie jaloers op Danie Odendaal toe ek klein was. My ma het lewendig geraak by hom. Lewendiger, so het dit vir my gevoel, as by my. Hy was “Oom Danie”. My ma se vriend wat kom kuier wanneer my pa gaan visvang. “Oom Danie is hier,” sou my ma laatmiddag sê terwyl my pa iewers op ’n rots sit en wag vir ’n elf of galjoen om te byt. Dit sou my kwaad maak. Oom Danie is al weer hier. Oom Danie was nie ’n bedreiging vir my pa nie, dít het ek op die een of ander manier geweet, al was ek nog net vyf, ses, miskien sewe. My ma en pa het ander dinge gehad, maar Oom Danie was nie een van hulle nie. Maar hy…

SY WAS tuis by haar ouerhuis op Hermanus toe die oproep kom: Kom New York toe, het die stem aan die ander kant van die lyn gesê, jy het ’n gróót rol losgeslaan. Die rol, sou die aktrise Marié Botha toe hoor, is dié van Magpie in die HBO-reeks The Penguin. “Ek kon dit nie glo nie! Ek het dadelik my gunstelingliedjie, ‘Calm Down’ deur Rema, hardop gespeel en saam met my gesin deur die huis gedans,” sê sy. Sy was totaal in ongeloof, sê Marié. “Want dis nie elke dag dat jy hoor jy gaan ’n regte Batman-skurk speel nie!” Sy leef al meer as ’n dekade tussen New York en Suid-Afrika. Sy is die oudste van twee dogters en het in Johannesburg se noordelike voorstede grootgeword. Drama was…

HULLE is al beskryf as die perfekte paartjie, veral deur aanhangers. Die nuus dat CHANNING TATUM (44) en ZOË KRAVITZ (35) se paaie geskei het, het dus soos ’n veldbrand versprei. Die twee sterre, wat mekaar ontmoet het toe Zoë vir Channing ’n rol as die sjarmante skurk in haar regisseursdebuut, Blink Twice, gegee het, het glo aan die einde van Oktober hulle verhouding beëindig. Bronne het aan People bevestig dat Channing en Zoë hulle verlowing verbreek het drie jaar nadat hulle begin uitgaan het. “Die skeiding is vriendskaplik. Hulle het besef hulle is in verskillende fases in die lewe,” sê een. Skindertonge sê verder hulle blyplek het glo ’n probleem geword. Channing het baie tyd in Los Angeles deurgebring by sy 11-jarige dogter, Everly, wie se ma die aktrise…

Die oog – of ten minste die idee van ’n orgaan wat lig kan opvang en daarop reageer – het minstens 50 verskillende kere in die diereryk ontstaan, heeltemal onafhanklik van mekaar. Dit was net eenvoudig ’n blink idee as jy wou oorleef. Hierdie sameloop van evolusie kan keer op keer in die natuur gesien word. Dieselfde funksie ontwikkel in verskillende stambome. Die beginsel is eenvoudig: Soortgelyke probleme verg soortgelyke oplossings. Vat vlerke byvoorbeeld: Daar is regtig net een manier om te vlieg. Die voël en die vlermuis gebruik albei dieselfde ontwerp om swaartekrag te bowe te kom. In die water het soogdiere soos dolfyne vinne ontwikkel soos visse, want dis die vorm wat werk. En in Suid-Afrika het ons algemene frases direk uit Engels uit vertaal wanneer dit nodig…

HY WAS nog altyd ’n ouboet in die volle sin van die woord. Die een na wie hy kon draai vir raad en bemoediging. Die ouboet wat hom met sy eie lyf teen ’n rower se koeël beskerm het. En nou is dit sý beurt om vir sy ouboet in die bres te tree, sê Tinus Drotské, broer van die voormalige Springbokrugbyspeler Naka Drotské. “My broer se naam is deur die modder gesleep, en hy het nie ’n kans gehad om sy kant te stel nie.” Die haker van 1995 se Wêreldbekerwenspan het verlede maand twee nagte agter tralies deurgebring en in die beskuldigdebank van die landdroshof in Bloemfontein gestaan ná ’n vuisgeveg met sy buurman, Vivian de la Hunt. Die oud-Bok en sy buurman is albei aangekla van aanranding,…

IN DIE TUIN Dink aan ligte materiaal, vrolike kleure en speelse patrone wat die sjarme van ’n buitelugtroue weerspieël. Vermy skerp hakke en dra eerder stylvolle plat skoene of wig- of blokhakke. OP DIE STRAND Ligte materiaal wat asemhaal in helder kleure is lekker koel terwyl jy steeds sjiek lyk. Dra skoene wat jy maklik kan uitskop. SKEMERPARTYTJIE Skemerdrankies is gewoonlik semiformeel, so kry ’n balans tussen elegant en speels – perfek vir die somer. Dra interessante, opvallende bykomstighede daarby vir meer trefkrag. FORMEEL Dit vra ’n afgeronde voorkoms. Wees op die uitkyk vir elegante rokke in luukse materiaal soos sy of satyn, en treffende juweliersware en hoëhakskoene. Tydlose kleure soos swart, vlootblou, wynrooi, smaraggroen en metaalkleure is altyd goeie keuses. Wees oordeelkundig as jy wit kies. IN DIE TUIN…

1 KRY EK EEN LENING VAN BEGIN TOT EINDE? ’n Studielening word gewoonlik vir een akademiese jaar toegestaan. Dus moet jy elke jaar weer aansoek doen solank jy studeer. 2 HOEVEEL KAN EK LEEN? Dit hang af van wat jy of jou borg kan bekostig en hoeveel die kursus kos. Die bedrag vir bykomende uitgawes kan ’n vaste limiet hê, soos R60 000 per jaar vir verblyf, en R20 000 vir handboeke en studietoerusting. 3 WAT IS DIE RENTEKOERS? Gewoonlik die primakoers (teen druktyd 11,5%), plus 1% of 2%. Rentekoerse vir voltydse studente kan gekoppel word aan akademiese prestasie, dus kan hoë punte laer rentekoerse beteken. Deeltydse studente betaal gewoonlik vaste rentekoerse soos ooreengekom met hulle leningsaansoek. 4 WAT IS DIE LENINGSVEREISTES? ◗ Suid-Afrikaanse burgerskap.◗ Jou kursus moet by die…

BLUEY Hierdie animasiereeks oor ’n hondegesin is een van die heilsaamste kinderreekse wat jy en jou kind kan kyk. Dis prettig en die lesse in elke episode voel nie geforseerd en asof dit in jou kind se keel afgedruk word nie. Maar wees gewaarsku – Bluey se ouers is voortreflik wanneer dit by geduld en speletjies kom, so jou kind kan jou dalk net vra hoekom jy nie meer soos Bluey se ouers is nie (ware verhaal!). Bluey Christine Heeler – haar volle naam verwys na die hondesoort “heeler” – is in die eerste seisoene ses jaar oud. Sy weet net hoe om alledaagse gebeure in buitengewone avonture te verander. Haar sussie, Bingo Heeler (4), is ’n bondeltjie energie met net so ’n aktiewe verbeelding. Pa Bandit Heeler en ma…

HUISVLYT “Hoe gaan dit met die getroude lewe?” vra Gert sy pasgetroude maat, Sarel. “Nee, goed, maar Vroulief is net nie waffers in die kombuis nie,” antwoord Sarel. “Hoe dan so?” “Gisteraand het dit haar ’n uur geneem om ’n pot twee-minuut - noedels te maak!” Denise, Pretoria OPGELOS! Die man in die restaurant wink die blonde kelnerin nader en sê vies: “Hierdie hoenderfilet is so taai, ek kan dit nie met die mes sny nie!” “Geen probleem nie, Meneer,” sê sy vrolik. “Ek gaan haal gou ’n skerper mes.” Anton, Bellville PROGNOSE Die dokter het my net ses maande gegee om te lewe. Maar ek kon nie die rekening betaal nie, toe gee hy my nog ses maande. Denise, P retoria ETIKET Die juffrou vra vir haar klassie wat…

1 Wat noem ’n mens die proses waar ’n ruspe in ’n skoenlapper verander? 2 Wie was die eerste mens op die maan? 3 In watter Europese stad speel die animasiefliek Ratatouille af? 4 Watter Griekse figuur word die vader van geneeskunde genoem? 5 Waarvoor staan BRICS, ’n ekonomiese groepering van lande? 1 Metamorfose 2 Neil Armstrong 3 Parys 4 Hippokrates 5 Brasilië, Rusland, Indië, China, Suid-Afrika. Laasjaar het Egipte, Saoedi-Arabië, die Verenigde Arabiese Emirate, Ethiopië en Iran ook aangesluit. BRONNE AXIOMSPACE.COM, THEGUARDIAN.COM, BRITANNICA.COM, NHM.AC.UK, LIVE-SCIENCE.COM, CNN, BBC, BRITANNICA.COM, KIDSNEWS.COM.AU, HISTORY.COM, DAILY-MAIL.CO.UK, YOUTUBE…

PLANTE lyk dalk vreedsaam, maar party het ’n grillerige kant! Al ooit gehoor van ’n plant wat insekte eet, of een waaruit iets drup wat soos bloed lyk? Hierdie vreemde skepsels kan jou dalk bang maak – maar moenie bekommerd wees nie, hulle sal jou nie vang nie! Kyk om jou rond wanneer jy weer by ’n kwekery kom: Jy kan sommige van hierdie plante in ’n pot huis toe neem. VENUSVLIEËVANGER Biologiese naam: Dionaea muscipula Voorkoms: Noord-en Suid-Carolina, Amerika Hulle is grillerig, want … dis ’n vleisetende plant. Die boonste deel van hulle blare vorm reusekake wat toeklap op enige insek of spinnekop wat dit waag om daar te land. Hulle hou van miere, sprinkane en kewers, maar hulle gunstelinghappie is spinnekoppe. KOBRAPLANT Botaniese naam: Darlingtonia californica Ook bekend as: Kaliforniese kruikplant Voorkoms:…

EERS het sy haar pa vergiftig en die volgende dag haar ma met ’n hamer geslaan en met ’n mes doodgesteek. Toe steek sy vier jaar lank hulle oorskot in die huis weg waarin sy self ook gebly het terwyl sy stelselmatig hulle bankrekeninge geplunder het. Maar dit was nie net wat Virginia McCullough gedoen het wat miljoene mense verstom nie. Dit was ook haar optrede daarna. Dis Virginia (36) se glimlag saam met haar woorde toe die polisie verlede jaar by haar voordeur in Essex in Engeland opgedaag het, wat die hare in jou nek sal laat regop staan: “Cheer up, at least you got the bad guy.” Virginia was nie verras toe die polisie op haar drumpel staan nie. Sy’t haar volle samewerking gegee, en toe sy hulle…

HOE kies ’n mens tussen soveel talentvolle deelnemers? Daar is hope geesdrif en opgewondenheid. Daar is soveel kreatiwiteit, soveel potensiaal. Nee, goeiste, dis ’n moeilike, moeilike, byna onmoontlike taak. Vanjaar het die beoordelaars en Huisgenoot se paneel behoorlik kopgekrap oor die Eisteddfod-ster van die Jaar – daardie één deelnemer wat uitgestaan het en die blinkste ster onder al die sterre is. Maar hoekom dan nou net een kies as ons so sukkel? Nee wat, het ons vanjaar besluit, ons het twéé wenners. Ja, vanjaar spog ons met twee Eisteddfod-sterre – albei uit die poësie-afdeling. Hulle het verskillende aanslae – die een ’n bietjie meer ernstig en die ander weer lighartig en tong in die kies, maar elkeen uniek en spesiaal op hulle eie manier. Hulle stap elkeen weg met R5 000,…

AS KLEIN seuntjie het hy destyds rokke uit sypapier gemaak en daarvan gedroom om eendag klere vir die wêreld se bekendstes te ontwerp. Gert-Johan Coetzee was toe al versot op Barbie. Daarom, toe hy drie jaar gelede ’n modereeks saam met die Barbie-handelsnaam ontwerp het, het dit soos ’n volmaakte oomblik gevoel. Maar drie jaar later kom Barbie weer – en dié keer is die ontwerper deel van ’n elite groepie mense wat in ’n boek gaan vertel oor die impak wat Barbie op hulle lewe gehad het. “Net die feit dat ’n handjievol mense wêreldwyd gekies is om in die boek te wees, en dat dit wêreldwyd bekendgestel is, is vir my ongelooflik,” sê Gert-Johan. Ander gesigte in die boek is die juwelierswareontwerper Jenna Clifford, die Zimbabwiese beïnvloeder Kim…