Indholdsfortegnelse for 5 December 2024 i Huisgenoot

1 LIEFDE ONDANKS DIE OUDERDOMSVERSKIL Dit pla haar nie dat haar man, Niel, nege jaar jonger as sy is nie, sê Gizela Sharim in ons liefdesrubriek. Sy’t met haar beste vriend getrou My man is sewe jaar jonger as ek, en glo my maar, ons doen alles saam. Daar is geen gevoel of houding tussen ons dat die een ouer of jonger as die ander is nie. Ons het respek vir mekaar. ELIZE My man is 14 jaar jonger as ek! Ons kry gereeld daardie backlash van mense wat wil eiers lê. Maar ek sê altyd: Rather a young man’s darling than an old man’s slave. Ons is gelukkig en dis wat saak maak. DESIRE My man is ook ’n hele 8 jaar jonger as ek. En ons is al 16…

Kendra hier langsaan het nou heeltemal my aandag afgetrek. Ek wou skryf oor die woord “muskus”. ’n Mens verwag dis die Afrikaanse weergawe van “musk” – en dit ís as jy in die woordeboek kyk. Maar op ons skoonheidblaaie, waar dit soms oor parfuum gaan, sit die woord muskus nie regtig ewe aangenaam op die oor as die woord musk nie. Dis ’n lastige verskynsel dat die Afrikaans en Engels sulke uiteenlopende gevoelens aanwakker. Musk is aards en wild, ’n sprankie lewe, ’n vonk van weerlig op ’n Bosveldnag. Kendra Wilkinson is musk. Maar muskus? Dalk is Hugh Hefner muskus: ’n opgestopte bokkop teen ’n kraalmuur. Steeds Bosveld, maar anders. Die punt, voor Kendra my aandag afgetrek het, is dat woorde altyd hulle eie geur het, en daardie klank vertaal…

DIE donderweer raas in die uitspansel bokant die Vrystaatse vlaktes, maar dis nie die enigste ding wat vandag hier brom nie. Brendan Peyper, sanger, boerseun en – so lees ’n mens die laaste ruk – ywerige soener van die verkeerde vroue, kom in sy Toyota Land Cruiser aangery. Klim in, nooi hy. Die nuuskierige gesiggies van twee Jack Russell-brakkies, Meisie en Trompie, loer ook uit die bakkie se binneruim. Sodra jy inklim, is Meisie op jou skoot en Trompie langs jou om jou gesig papnat te lek. Waar sou hy dié streek geleer het? “Hy steel ’n soentjie, nes sy pappa,” sê Brendan en glimlag ondeund. Daardie onweerstaanbare glimlag, weet jy sommer dadelik, is een van die redes dat hy die laaste ruk so in die moeilikheid is. Brendan is…

LIMONCELLO-TIRAMISU GENOEG VIR 6 / BEREIDING: 30 MIN. / VERKOEL: SOWAT 2 UUR ◗ 250 g vingerkoekies◗ suurlemoenskyfies, vir versiering LIMONCELLO-SOUS ◗ 70 g strooisuiker gerasperde skil van◗ 1 suurlemoen◗ 20 ml (4 t) limoncello TIRAMISU-ROOM ◗ 500 g mascarpone◗ 50 g versiersuiker◗ 200 ml dubbeldik room, verkoel◗ gerasperde skil en sap van 1 suurlemoen◗ 10 ml (2 t) limoncello 1 Limoncello-sous Meng die suiker, 400 ml water en die suurlemoenskil in ’n klein kastrol en bring oor lae tot matige hitte tot kookpunt. Haal die sous van die plaat af en skink dit in ’n plat, vlak bakkie. Laat dit heeltemal afkoel voor jy die limoncello byroer, en hou eenkant.2 Tiramisu-room Plaas die mascarpone en versiersuiker in ’n bak en klits 1 min. met ’n elektriese klitser. Hou aan klits…

KRY DIT HIER @HOME BASH.COM; CHECKERS.CO.ZA, 0800-010-709; CRAZYSTORE.CO.ZA, 086-111-1281; MONEXTERIORS.COM, INFO@MONEXTERIORS.COM; MRPHOME.COM, 064-584-1000 (WHATSAPP); NIFTYGIFTS.CO.ZA, HELP@NIFTYGIFTS.CO.ZA; SHOP.BABYLONSTOREN.COM, 021-300-3919; THECHRISTMASCO.CO.ZA, HELLO@THECHRISTMASCO.CO.ZA; WOOLWORTHS.CO.ZA, 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Hierdie oefeninge kan help om die gevolge van dooieboudsindroom teen te werk. Dit sal ideaal wees om dit daagliks te doen, maar drie keer per week is beter as om dit glad nie te doen nie, sê Chantelle. Gee aandag aan jou vorm om dit doeltreffend te doen en die risiko vir beserings te verminder, sê Nicole. As jy onseker is oor jou tegniek of pyn voel, klop by ’n biokinetikus of fisioterapeut aan vir hulp. BRUGOEFENING Lê op jou rug op die grond met jou knieë gebuig en jou voete heupwydte uitmekaar. Plaas jou arms langs jou sye. Trek jou kern-en boudspiere saam en lig dan jou heupe van die vloer af op. Hou dié posisie vir vyf sekondes. Laat sak jou boude stadig grond toe en ontspan. Herhaal…

BOOGSKUTTER 22 NOVEMBER – 20 DESEMBER Dinge kan skeefloop. Hopelik laat jou humorsin jou nie in die steek nie, want jy sal die goeters wat nou gebeur nie kan opmaak nie. Al dink jy en jou lewensmaat julle is op dieselfde bladsy, is dit dalk nie so nie en kan julle groot misverstande hê. Reisplanne moet verander en selfs laat vaar word. Probeer die lewe maar een dag op ’n slag vat. STEENBOK 21 DES – 20 JAN Geld is vir jou baie belangrik, maar ’n paar diep waarhede kan dié week uitkom. Kyk wat gebeur en probeer om nie paniekerig te raak deur meer skuld aan te gaan nie, want dan sal jy net van die wal af in die sloot spring. Jy is te prakties om te dink…

GOOD WILL HUNTING (1997) APPLE TV Volg die reis van ’n behoeftige geniale jong man gespeel deur MATT DAMON en hoe sy verhouding met ’n sielkundige, gespeel deur ROBIN WILLIAMS, hom help om sy verlede te konfronteer. ’n Gunsteling, en Matt Damon en Ben Affleck se deurbraak. ANTWONE FISHER (2002) DISNEY+ Die fliek, gegrond op ’n ware verhaal, volg ’n jong vlootman, gespeel deur DEREK LUKE, wat op ’n besonderse reis gaan met die hulp van ’n vlootpsigiater om sy moeilike verlede te konfronteer. Denzel Washington as die psigiater is op sy beste, ook as regisseur. THE PRINCE OF TIDES (1991) APPLE TV Enigeen wat al gewonder het oor die transformerende krag van terapie, behoort dié fliek te kyk. Dis baie ontstellend. ’n Man (NICK NOLTE) wat met trauma sukkel,…

ASTRONOMIE UIT DIE GRIEKS astron (ster) en nomos (wet), oftewel “die wette van die sterre”. Astronomie is die wetenskaplike studie van die ruimte, wat sterre, planete en ander hemelligame insluit. ’n Sinoniem is sterrekunde, hoewel die wetenskap op alle hemelligame betrekking het. SYFERSTORIES 2 200 Vir soveel pond (R50 000) is ’n sny van koningin Elizabeth II en prins Philip se troukoek op ’n veiling in Engeland aan ’n Chinese bieër verkoop. Dis in ’n boksie onder ’n bed gevind, 77 jaar nadat die 2,7 m hoë koek aan 2 000 gaste uitgedeel is. Elizabeth het dit aan Marion Polson, haar huishoudster in Skotland, gegee. Marion se kinders het dit ná haar dood ontdek. 73 km Gary Kristensen het só ver op die Columbiarivier in Washington geroei vir die wêreldrekord vir…

1 Van watter land is Ankara die hoofstad? 2 Watter TV-reeks speel by die maatskappy Dunder Mifflin af? 3 Watter twee lande in Asië het in 1947 onafhanklikheid van Brittanje gekry? 4 Watter land in Suid-Amerika is bekend vir ceviche, ’n gereg van gemarineerde rou vis? 5 Watter losskakel van die Stormers het in Junie vanjaar sy Bokdebuut in ’n toets teen Wallis gemaak? ANTWOORDE 1. Turkye 2. The Office 3. Indië en Pakistan 4. Peru 5. Sacha Feinberg - Mngomezulu…

EK HETvir hom ’n love letter geskryf nog voor ek hom geken het. Dit was eintlik namens my vriendin. Ons was albei toe nog in gr. 8 op hoërskool. Sy het my vertel van dié outjie op wie sy so verlief was. Sy naam, het sy vertel, was Terence. My vriendin het gevra ek moet haar help om ’n briefie vir hom te skryf. Ek het, maar daar het toe nooit ’n verhouding tussen hulle twee ontstaan nie. Jare later gaan studeer ek toe, en ek ontmoetTerence weer in daai tyd. Ek was 19 en hy 22. Daar was geen love at first sight van my kant nie. Die vlinders het eers gekom toe ekop’ndagvirsyniggieinDe Doorns gaan kuier het. Ek het hom daar raakgeloop. Hy het ’n wit kortmouhemp gedra,…

◼ Sy studentestuk Hallo South Africa / Hallo Suid-Afrika, wat in 1986 op die Grahamstadse Kunstefees gedebuteer het. “Dit het my oornag roem gegee.” ◼ Om die geldwenprogram Doen met ’n miljoen op kyk-NET aan te bied. ◼ In die 1990’s het hy in The London Palladium en De Kleine Komedie in Amsterdam voor grootliks Afrikaanse gehore opgetree. ◼ Toe hy Björn Ulvaeus van Abba kon ontmoet. ◼ Sy optelhonde, Halfrieda en Kent, wat ook deel was van sy vertonings. ◼ “My band met my ma. Ons het oor enigiets gepraat.” ◼ “Maar my grootste hoogtepunt is my boekprys wat ek in gr. 1 gekry het vir skrif. Die boek wat ek gewen het, het gegaan oor ’n kuiken of iets met die naam Kokkie.”…

WANNEER sy aan haar kinderdae terugdink, skuif speletjies en partytjies in die agtergrond in. Een baie donker beeld bly haar by, die soort ding wat baie mense net in nagmerries beleef. Sy was vyf jaar oud. Sy was op pad na haar bedjie toe. “Ek onthou ons het op die plaas gebly in Lephalale. Ek wou gaan slaap.” Wat sy nie geweet het nie, was dat sy haar bed ingewag is deur iets wat haar lewe sou verander. ’n Mosambiekse spoegkobra het hom tussen haar lakens tuisgemaak, en sy het bo-op die slang gaan lê. “Die eerste pik was op my elmboog en die tweede pik was op my middelvinger.” Dit kon maklik die einde van haar lewe gewees het, want dié soort kobra is een van Afrika se giftigste…

Uurglas-figuur As jy ’n uurglasfiguur het, het jy gebalanseerde proporsies – jou bors-en heupmaat is min of meer dieselfde, en jy het ’n goed gedefinieerde middel. Kies swemdrag wat jou kurwes beklemtoon, soos dié wat aandag trek na jou dunner middel, of jy nou bikini’s, eenstukke of tankini’s verkies. Appel-figuur As jou bolyf breër is as jou onderlyf, kies swemdrag wat balans skep en aandag trek na jou bene of skouers, van sjiek eenstukke tot modieuse hoëmiddelbikini’s en tankini’s. Vierkant-figuur Skep die illusie van kurwes met sterk patrone, tekstuur en strategiese uitsnydings. Peer-figuur As jou heupe breër is as jou skouers of borskas, moet jy jou proporsies balanseer en jou kurwes beklemtoon met dié swemdragstyle. KRY DIT HIER ACKERMANS.CO.ZA; BEACHCULT.CO.ZA; DUNNS.CO.ZA; GRANADILLASWIM.COM; H&M 0860-690-707; MR PRICE 031-310-8000; OLD KHAKI 0860-444-429;…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY VRIENDIN SE DEURMEKAAR LIEFDESLEWE V My vriendin het verlief geraak op ’n man wat oorsee werk. Hy het vir drie maande huis toe gekom en haar toe genooi om saam met hom by sy ouers te bly. Dit het ’n enorme probleem geword. Sy ouers het haar verwerp en nare dinge oor haar gesê. Hy het heeltyd vir haar in die bresse getree, maar die oomblik toe hy terugkeer na sy werk,…

1 ALGEMENE KNELPUNTE Julle beginsels is dalk soortgelyk, maar julle geskiedenis van besteding, spaargewoontes en skuld verskil. Dit beïnvloed hoe elkeen van julle oor geld dink en beplan. Finansiële verpligtinge uit vorige verhoudings behels gewoonlik onderhoud vir kinders of jou eks. Hierdie verantwoordelikhede moet nagekom word, maar dit moenie ’n twispunt wees nie. 2 BEPLAN JUL FINANSIES DOELTREFFEND Wees eerlik en kommunikeer! So kan julle ooreenkom oor julle finansiële doelwitte, en beplan – hetsy vir ’n vakansie of ’n nuwe motor. Praat oor jul skuld, bestedingsgewoontes en onderhoudsverpligtinge. Om dinge te verbloem kan onverwagte finansiële probleme en konflik veroorsaak. Wees geduldig met mekaar oor julle emosionele bagasie oor geld. Vergader oor julle finansies, planne en begroting soos julle behoeftes verander. Wees positief en buigsaam, nie aanvallend nie. As julle sukkel daarmee…

DIE mediese dramareeks was maar nog altyd ’n groot gunsteling. Dit het in die 1970’s hoofstroom geraak met reekse soos M*A*S*H, wat afspeel in ’n oorlogshospitaal, en in die 1980’s met ST. ELSEWHERE, waarin Mark Harmon en Denzel Washington nog destyds naam gemaak het as jong (en natuurlik aantreklike) dokters. Die 1990’s het natuurlik CHICAGO HOPE en ER gehad, en die 2000’s GREY’S ANATOMY. Moet ook nie die humor vergeet nie – SCRUBS het ’n wonderlike punt daarvan gemaak om te spot met die oordramatiese aanslag van hierdie soort reekse. Omdat almal gewoonlik hierna gekyk het – niks soos ’n bietjie bloed en drama om kykers vasgenael te hou nie – het dit ook dikwels sterre gemaak van diegene wat daarin gespeel het. Dink nou maar net aan Julianna Margulies…

‘DIT was ’n blink idee van my pa, Louis,” sê die sangeres Irene-Louise van Wyk oor haar nuutste liedjie, “Jan asseblief”, wat onlangs uitgereik is. “Hy het opgelet hoe lekker die gehoor saamgesing het vroeër vanjaar by die Krone-konsert toe die oorspronklike liedjie, ‘Jan asseblief tog squeeze my’ van Chris Blignault, uitgevoer is. Hy het voorgestel dat ek die koorgedeelte van die lied vat en dit in ’n nuutskepping gebruik.” Irene-Louise en haar span het dadelik aan die werk gespring. Hulle het die liedjieskrywer Emil Paul genader om verse vir die lied te skryf wat by die koorgedeelte sou pas. Emil is deesdae op almal in die musiekbedryf se lippe. Hy het vanjaar “Rooi” vir die sangeres Liza Nel geskryf, asook die groot treffer van Demi Lee Moore “Hart breek”,…

LEESVERWEER Klaas vind die televisie baie opvoedkundig. Sodra iemand in die huis dit aanskakel, gaan hy biblioteek toe en lees ’n boek. San Marchand TROOS Hoekom is getroude vroue vetter as enkellopendes? Enkellopende vroue kom by die huis, kyk wat in die yskas is en gaan bed toe. Getroude vroue kom by die huis, sien wat in die bed is en gaan yskas toe. Louise Noeth AANPASTYD Die baas roep ou Pottie na sy kantoor en begin: “Jy is een van die waardevolste werknemers in hierdie maatskappy. Ek weet nie wat ons sonder jou sal doen nie.” Pottie: “Dankie, Meneer, ek is baie bly om dit te hoor, maar hoekom roep u my dan in?” Baas: “Want ons gaan môre begin uitvind hoe ons sonder jou oor die weg gaan…

ENGELAND MARY, MARY, WAAR IS JY? Die Engelse doelwagter Mary Earps het die eerste vrouesokkerspeler geword wat met ’n wasbeeld by Madame Tussauds in Londen spog. Die wasmuseum se kunsateljeespan het ná ’n peiling oor watter “Lioness” die eer verdien, honderde afmetings van haar geneem om haar beeld so lewensgetrou moontlik te maak. Mary se beeld is onlangs onthul, en sy’s oorbluf: “Dis ongelooflik om my familie en vriende se reaksie te sien. Hulle kon nie glo hoe akkuraat die gelaatstrekke is nie. En ek ook nie! My ouma is veral verstom. Ek’s so bly sy kan dié oomblik met my deel.” ITALIË BLIKKE ‘EGTE LUG’ VAN VAKANSIEPARADYS TE KOOP Reisigers pak gereeld hul tasse met aandenkings soos yskasmagnete en poskaarte om hulle aan ’n vakansie te herinner. Maar mense…

1 Watter beroemde Britse koningin het van 1837 tot 1901 regeer? 2 Wat is die grootste subtropiese woestyn wêreldwyd? 3 Hoeveel tande het ’n volwassene? 4 Wat is die hoofstad van Japan? 5 Watter fiktiewe Belgiese speurder is ’n hoofkarakter in Agatha Christie se speurverhale? ANTWOORDE 1 Koningin Victoria 2 Sahara. Die Antarktiese woestyn (poolys en toendra) is die koudste en grootste woestyn algeheel. 3 32 4 Tokio 5 Hercule Poirot BRONNE THEGUARDIAN.COM, BRITANNICA.COM, LIVESCIENCE.COM, CNN, BBC, BRITANNICA.COM, NEWS.HARVARD.EDU, KIDSNEWS.COM.AU, DOGONEWS.COM, YOUTUBESMITHSONIAN.COM, THECONVERSATION.COM, EARTH.COM…

DIE Nobelpryse is van die belangrikste en wêreldwyd mees erkende pryse wat ’n mens kan wen. Wenners van dié gesogte pryse word vereer omdat hulle ’n belangrike bydrae tot die mensdom lewer in hulle vakgebied. Alfred Nobel, die man wat dié pryse moontlik gemaak het, het ook ’n merkbare bydrae gelewer in sy studieveld, hoewel jy dalk verras sal wees wanneer jy hoor wat presies dit was. ALFRED SE VROEË LEWE Alfred Bernhard Nobel is in 1833 in Stockholm, Swede, gebore. Sy pa, Immanuel, was ’n ingenieur en uitvinder wat nie baie geld gehad het gedurende Albert se vroeë lewe nie. Immanuel en sy vrou, Andriette, het agt kinders gehad, maar net Alfred en sy drie broers het hulle kinderdae oorleef. Wetenskap, ingenieurswese en ’n slag om dinge te ontdek…

VERBEEL jou dit reën beskuit. Dis hoe dit moes gevoel het in die RSGateljees die afgelope twee maande. Dié stasie het mos in September luisteraars genooi om 24 stukke van hulle tuisgebakte beskuit in te stuur sodat bekendes en omroepers dit op die lug kan beoordeel en die land se bobaasbeskuitbakker kan vind. Toe word hulle oorval: 1 510 mense het ingeskryf en ’n verstommende 36 000 stukkies beskuit is by die radiostasie afgelewer. Soos ’n mens sal kan dink, het dié kilogramme en kilogramme beskuit allerlei interessante variasies ingesluit. Maar tussen hulle was daar een wat jou mond laat water as jy bloot die beskrywing daarvan hoor: ’n muesli-bosbessie-ensjokoladebeskuit gegrond op ’n geheime familieresep. In ’n land waar omtrent almal mal is oor beskuit, het dié beskuit van Marthlé…

AS vry-in-die-bondel ’n gesig gehad het, dan was dit Leonardo DiCaprio. Dié man is al so berug vir die mooi vroue (dikwels modelle) wat hy die een ná die ander deurdraf, dat dit al ’n ope grap in Hollywood geword het. En dié ou bok verkies jong blare. Die mense fluister hy het ’n reël dat hy sy meisies los sodra hulle 25 raak. Dit is hoekom die skindertonge omtrént begin gons het toe Leo se jongste meisie – hou vas jou hart! – ’n hele 26 jaar oud raak en hy haar nie los nie. Kan dit beteken die man is regtig verlief? So verlief dat hy selfs bereid is om met ’n vrou van 26 uit te gaan? wonder sommige mense sarkasties. In sy jong dae was Leo…

DAAR is min waarvoor STEFFI BRINK bang is. Om uit ’n vliegtuig te spring? Klaar gedoen. Op rotse rondklouter? Maklik. Diepseeduik? In haar slaap. Nee wat, deur dié fiksheidsmodel en voormalige Mej. Namibië se are bruis pure adrenalien. Dit is juis haar en haar akteurman, Clint Brink, se gemeenskaplike liefde vir avontuur wat hulle huwelik so laat blom, sê Steffi. “Op ons eerste huweliksherdenking het ek en hy saam uit ’n vliegtuig gespring. Dit was ’n wonderlike ervaring.” En ’n mens kan sowaar gelyk ’n skoonheidskoningin én ’n avontuurjunkie wees, sê sy. En dis waar. Kyk ’n mens so na die talle foto’s wat sy gereeld op sosiale media deel, is sy in party opgetof in die mooiste balrokke, met hare wat in golwe oor haar skouers hang en hakke…

6 REDES HOEKOM EK MAL IS OOR HOM ◼ Ek hou van alles van hom, maar veral dat hy my met liefde en respek hanteer. ◼ Hy maak elke oggend vir my koffie. ◼ Ek hou baie van sy oë en hande. ◼ By hom kan ek net myself wees en hy bring die beste in my na vore. ◼ Ek’s mal daaroor hoe hy met almal oor die weg kom en moeite doen om my mense te leer ken. ◼ Hy maak flou grappies en lag harder daarvoor as enigiemand anders. 5 SAAMDOENDINGE ◼ Ons het albei groen vingers. “Ek is baie lief vir plante, en vandat ons in ons nuwe huisie ingetrek het, geniet ons dit om saam tuin te maak. Nou het die gogga Cobus ook gebyt,” sê Nykie.…

HULLE is al ligjare boesempelle en het destyds albei rolle in die sepie Getroud met rugby vertolk – ZETSKE VAN PLETZEN as Julia en CHRISTEL VAN DEN BERGH as Renate. Hulle het ’n gedeelde liefde vir baie dinge, maar veral vir toneelspel. Nou wil dié aktrises ander help met hulle aanlyn akteurskursus Close Up Acting. “Die bedryf kan wreed wees, dit kan jou insluk en dan weer uitspoeg,” sê Christel. Op ’n dag gesels hulle twee oor die fyner nuanses van die bedryf, sommer oor dinge wat hulle wens hulle het vroeër geweet. En net daar besluit hulle: Waarom nie ’n kursus begin wat jong akteurs kan help met hulle vaardighede voor die kamera nie? Iets wat hulle ook kan voorberei op wat voorlê. “Ons wou iets skep wat deure…

Net meer as ’n maand nadat die One Direction-sanger LIAM PAYNE dood is toe hy in Argentinië van ’n hotel se balkon af geval het, kon sy geliefdes uiteindelik van hom afskeid neem. Sy familie en beroemde vriende het in Amersham buite Londen byeengekom vir ’n privaat plegtigheid om sy lewe te vier. In ’n roerende toneel het sy ouers gewag dat hulle seun se kis op ’n perdekar by die kerk aankom. Op pad soontoe het die kar verby rangskikkings van rose gery – ’n huldeblyk aan van die dinge waarvoor Liam (30) in die lewe die liefste was. ’n Ruiker wat die woord “Daddy” uitgespel het, was ’n hartseer herinnering daaraan dat sy sewejarige seun, Bear, nou sonder ’n pa sal grootword.…

DIT was die donker kant van die Amerikaanse droom. ’n Seksistiese, chauvinistiese Disneyland waar die stokou Playboy-baas die septer oor sy empire van goedbedeelde jong vroue swaai. Kendra Leigh Wilkinson was net 18 toe Hugh Hefner, 60 jaar ouer as sy, haar foto op ’n faksmasjien sien en uitroep: “Ek wil háár hê!” En met sterre in haar oë en drome van roem aanvaar sy toe die uitnodiging om by die Playboy Mansion in te trek as deel van die pornokoning (toe 78) se harem. Sy Beverly Hills-pretpaleis vir mans – kompleet met dieretuine, ’n kunsmatige waterval en grotmeer – was ook die stel van die werklikheidsreeks The Girls of the Playboy Mansion, wat deur miljoene kykers opgeslurp is. In die reeks word Hefner, meestal in sy blink pajamas, as…

Wie sou jy die graagste vir ete wou nooi en wat sou jy vir ete maak? My pa. Wors, mieliebrood en tamatie. Wat kan jy nie verduur nie? Stadige rekenaars. Watter ding in jou huis het die vreemdste storie oor waar jy dit gekry het? ’n Boksie duwweltjies wat onder my plakkies vasgesit het ná ’n kort wandeling op ’n Karooplaas. Wat is die kosbaarste ding wat jy nog het uit jou grootwordjare? Positiwiteit. Wat is jou versteekte talent? Kosmaak. Wat is die stukkie raad wat jou ma of pa jou geleer het waarby jy sweer? Moet nooit jou goeie naam verloor nie. Dis moeilik om dit terug te kry. Wat is die beste verrassing wat jy al gekry het? My twee seuns. Wat is die woord of frase wat…

A.M. HOLDER Die dao van Daan van der Walt deur Lodewyk G. du Plessis is soos ’n bildungsroman vir ’n afgetrede boer. Soms gebeur die groot oog-oopmaak-oomblikke nadat iemand se lewe reeds agter hulle is. En dis oukei. Dis pragtig. ’n Brawe, teer, komplekse storie oor verskille, versoening, en verstaan. Beautiful World, Where Are You deur Sally Rooney wys hoe selfs ons intieme verhoudings deur groter dinge soos kapitalisme en die media aangeraak word. Ek was meegevoer deur die twee jong Ierse vroue wat nerdy raak oor kuns en hulle liefdeslewens probeer uitsorteer. JULIO AGRELLA Jeanette Ferreira se Die melkweg en die miskruier is ’n dubbelloop-haelgeweer van ’n verhaal! ’n Besoek van Sabine aan haar komvandaan tydens die covid-pandemie ruk ou wonde en geskiedenisse oop. Dis ’n verhaal van die vergrype…

WAARNA LUISTER JY IN JOU KAR? Die countrysangeres Kelsea Ballerini se nuwe album, Patterns, is op repeat. WATTER BOEK LÊ LANGS JOU BED? How to Stop Worrying and Start Living deur Dale Carnegie. WATTER LIEDJIE SAL JY BY ’N KARAOKE SING? ’n Mens kan nooit verkeerd gaan met ’n Shania Twain-liedjie nie, en ek love ook om “The Climb” van Miley Cyrus te doen. WATTER REEKS OF FLIEK HET JY ON-LANGS GEKYK WAARVAN JY GEHOU HET? Ek het die reeks Nobody Wants This op Netflix onlangs baie geniet. WAT IS JOU GUNSTELING KLEDING-STUK? Enigiets pienk.…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. № 2 573 KOMPETISIEVRAAG Watter vrug is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Capitec: Stryd met die grotes deur TJ Strydom (Tafelberg, R320). Hoe bou jy ’n bank van nuuts af? Wat verg dit om die vier gevestigde bankreuse die stryd aan te sê, en dan boonop die loef af te steek? In dié boek vertel TJ Strydom die boeiende storie van Capitec, die grootste sakesuksesverhaal in ons land se demokratiese era. Die Stellenbosse snuiter ontwrig die bedryf deur die magtige Absa, Standard Bank, FNB en Nedbank, almal met luukse hoofkantore in Johannesburg,…

AS IEMAND al ooit rede gehad het om homself jammer te kry, dan is dit Iain Ward. Dis asof daar geen einde aan die slegte nuus was nie. Eers hoor hy hy het ’n gewas op sy brein. Dan dat dit kwaadaardig is. En eindelik, ná toetse, dat dit terminaal is en hy vyf jaar het om te lewe. Maar dié Ier het vasgeskop. Hy’t ’n baie eenvoudige besluit geneem. Hy gaan harder lewe as ooit vantevore. Hy gaan reis en oefen en marathons hardloop. Baaaie marathons. Vandat hy gehoor het hy het kanker, het Iain al 15 marathons voltooi, vyf van hulle net vanjaar. Die gevolg is dat hy ’n sensasie op sosiale media geword het. Sy aanhangers noem hom die “King of Chemo”. Selfs toe hy bestraling en…

GISELE BÜNDCHEN Die supermodel was 20 en die akteur 25 toe hulle uitgegaan het. Hulle was vyf jaar saam voor hulle paaie geskei het. “Ons was net nie bedoel om kêrel en meisie te wees nie,” het sy ná die tyd gesê. BAR REFAELI Leo het dié model van Israel die hof gemaak toe sy 20 was en hy 31. Hulle was vyf jaar lank aan en af saam, maar is in 2011 finaal uitmekaar. BLAKE LIVELY Die twee het in 2011 ’n paar maande uitgegaan nadat hulle mekaar op die Cannes-rolprentfees ontmoet het. Sy was 23 en hy 36. ERIN HEATHERTON Die Victoria’s Secret-onderkleremodel was volgende: Sy het van 2011 tot 2012 tien maande met Leo uitgegaan toe sy 23 was en hy 37. TONI GARRN Leo was 39…

Kyk ook die VIA-reeks & luister die podcast. Ons herleef die volledige stories van Amanda du Toit, Mariëtte Bosch, Werner de Jager, die Lottermoorde, Morné Harmse, Christopher Panayiotou, Omar Sabadia, Marié Krebs, Rosemary Ndlovu en Manda Reyneke. AANLYN media24shop.com of huisgenootwinkel.com BEL 021-406-4962 E-POS koop@huisgenoot.com…