Indholdsfortegnelse for 26 December 2024 i Huisgenoot

1 ‘EK SIEN NIE WEER KANS NIE’ Sy’s al drie jaar ’n weduwee, nou gooi ’n man in haar aftreeoord vir haar flikkers. Sy sien nie kans vir ’n verhouding nie, skryf ’n leser vir Irma. Wat nou? Jy hoef mos nie ’n verhouding met hom te hê nie. Wees net vriende. Jy moet darem vriende hê. ’n Mens se oudag kan baie alleen raak. So met ’n kuiertjie hier en ’n geselsie daar is daar mos niks fout nie. MAGDA Toe my man sewe jaar gelede oorlede is, was dit vir my baie erg. Ek kan nie alleen wees nie. Drie jaar ná sy dood het ek die wonderlikste man ontmoet. Hy dra my op die hande – ek is so gelukkig. Ons geniet die lewe saam. NETTA Vertel hom…

Toe Jools Lebron in Chicago til geslaan het by ’n afslagsupermark, het sy nie gedink sy gaan ’n spoor los in die Engelse taal nie. In Augustus het sy ’n TikTok van 17 sekondes gelaai waar sy wys hoe sy haar make-up doen by die werk. “Very demure, very mindful,” sê sy en streel met ’n benaelde hand oor ’n goue hair extension. Allesbehalwe demure. Demure is Dictionary.com se woord van die jaar. Hulle kies nie woorde omdat hulle mooi, slim of nuut is nie. Hulle kies dit omdat dit van nil tot skril gegaan het en die internet afgebrand het in drie maande. Demure was ’n e-pidemie. In Australië, bless their cotton socks, het Macquarie ’n ander woord gepluk. Vir hulle was die jaar een van afgryse, ’n lang…

IN EN UIT DIE ARMS VAN DIE GEREG TERUG IN DIE BUITEWÊRELD Hoe sal hy lyk as hy die dag uit die tronk uit stap? Toe Oscar Pistorius op 6 Julie 2016 tronk toe gestuur is vir die moord van sy meisie, was dit vir meer as sewe jaar die laaste sien van die gevalle Paralimpiese atleet. Dié prentjies van hom was toe vasgebrand in ons kollektiewe geheue: sy triomfantelike treë op sy lemme op die atletiekbaan, sy versluierde kop en geboë skouers toe hy in sy grys kappietop gearresteer word ná die skietdood van Reeva Steenkamp, sy stompies en trane in die hof. En toe, ná sy verhoor van sewe maande, verdwyn hy agter tralies – eers dié van die Kgosi Mampuru-gevangenis in Pretoria, en toe van die Atteridgeville-tronk.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. ONS DOGTER MAAK ONS LEWE ONMOONTLIK V Vandat my dogter klein was, besteel sy ons. Sy het destyds vir sielkundige hulp gegaan, maar ongelukkig wou die sielkundige ons niks vertel oor wat aangaan nie, al was sy minderjarig. Dit het veroorsaak dat ons steeds in die duister is oor hoekom sy doen wat sy doen. As volwassene het sy by haar werkgewer gesteel. Daarna het sy by geldskieters begin leen. Sy…

1 HUWELIK BINNE GEMEENSKAP VAN GOEDERE Als wat julle saam besit, asook jul skuld voor die huwelik, word een gesamentlike boedel. ◗ As een skuldberading moet kry, word albei onder skuldhersiening geplaas, sê Wikus Olivier, geregistreerde skuldberader en besturende direkteur van Credit-Smart. Krediteure beskou julle as ’n enkele finansiële entiteit. Een word net so verantwoordelik gehou vir terugbetaling van skuld as die ander. Albei se inkomste word oorweeg vir die opstel van ’n terugbetalingsplan. ◗ As jy binne gemeenskap van goedere gaan trou met iemand wat reeds onder skuldhersiening is, sal jy ook daaronder geplaas word. Selfs al het jou toekomstige eggenoot die skuld voor jou troudag gehad. Nie een van julle sal verdere krediet of lenings kry alvorens die skuld gedelg is nie. ◗ Omdat albei onder skuldhersiening is, het…

DAMIANO DAVID HY WAS nog altyd ’n voorsanger wat die oog gevang het. Met sy ongelooflike stem wat kan wissel van stroopsoet tot ’n rasperige skreeu, was dit net ’n kwessie van tyd voor die rockgroep Måneskin se Damiano David ’n solo-loopbaan sou begin. Dit het hy dan nou ook gedoen met sy debuutliedjie, “Silverlines”. Die Italiaanse Eurovision-wenners van 2021 het wêreldberoemd geraak met liedjies soos die TikToktreffer “Beggin’ ” en die meer onlangse “The Loneliest”. Hulle het al drie ateljeealbums uitgereik en is ook in 2023 vir ’n Grammy benoem vir beste nuwelinge. Die groep se baskitaarspeler, Victoria De Angelis, het egter onlangs solo gegaan, en nou is dit Damiano se beurt. Op die vraag hoekom hy hierdie liedjie gekies het om sy solo-era af te skop, het Damiano…

HY REKEN dis ’n hoogtepunt. Die gewilde liedjieskrywer en sanger Majozi sê die jongste uitreiking van sy mees onlangse album sal jou beslis laat regop sit. In “Reason” sing hy saam met die rapper Early B, en dis van sy album A Great Exchange, wat in November 2023 verskyn het. Die energieke treffer is die finale uitreiking van die album en volgens Majozi die kersie op die koek. “A Great Exchange is ’n album van musikale samewerking en kreatiewe verkenning,” sê hy. Met die album het hy die geleentheid gehad om saam met verskeie kunstenaars te werk, van Mikaela Faye in “Afterglow” tot Mthandazo Gatya in “Mi Amor”. “Nadat ek al my dele vir die liedjie ‘Reason’ opgeneem het, het ek gevoel dit kort iets spesiaals, en ek kon nie…

AS ’N vreemdeling net voor Kersfees voor jou deur staan met ’n sak met al sy wêreldse besittings in en ’n skewe glimlag wat sê “Asseblief, laat my in”, sal die meeste mense ’n verskoning uitdink en die deur toemaak. Ons sal dalk ’n toebroodjie maak of kleingeld gee – daar is geen perke aan ons goedheid en welwillendheid nie. Maar ons liefdadigheid eindig by ons voordeur. Nie Rob en Dianne Parsons nie. Toe iemand op 23 Desember 1975 aan die deur van hulle huis aan die buitewyke van Cardiff, Wallis, klop, het Rob oopgemaak. Voor hom het ’n man van ongeveer 30 gestaan, sy hoekige ken was ongeskeer en sy klere vuil. Hy’t ’n sak in sy regterhand gehad en ’n hoender in sy linkerhand. “Weet julle nie wie…

‘DIE OU MENSE HET ALTYD GESÊ ONS BLY IN ANGOLA, MAAR ONS IS NIE VAN DAAR AF NIE. ONS IS VAN SUID-AFRIKA’ UIT die yl gesaaide bome skril die sonbesies teen die Noord-Kaapse son wat die kwik selfs in die skaduwee tot bo 35 °C opjaag. Vir ’n vreemde oog lyk die oondwarm landskap onherbergsaam vir mens en dier. Maar onder die arms van ’n peperboom sit Antonio Sabao op ’n tuinstoel. Hy grawe met sy kaal voete diep in die koeler sand in. ’n Transistorradio hang aan ’n boomtak, maar Antonio kry sy nuus by die rooi bodem van die Kalahari. Vir hom is die sand ’n boek wat verklap watter insekte of voëls, op vier bene of twee, hier geloop het. Wat hulle gedoen het en wanneer. Dan…

HÚLLE IS OOR EN UIT Die einde van Bennifer het mense waarskynlik vanjaar die meeste laat praat. Wat ’n sprokie moes gewees het nadat ’n liefdesvonk ná jare weer begin brand het, het in vlamme opgegaan twee jaar nadat hulle getroud is. JENNIFER LOPEZ het BEN AFFLECK in Augustus om ’n egskeiding gevra en dis ’n maand later gefinaliseer. Toe CHANNING TATUM en ZOË KRAVITZ in September hulle verlowing verbreek het, was hulle aanhangers diep ontsteld. Die twee het in 2021 begin uitgaan en Channing het die groot vraag in 2023 gevra. Hulle is uitmekaar ’n maand nadat Zoë se regisseursdebuut, Blink Twice, begin draai het. Channing vertolk ’n hoofrol in die fliek. OOK OP DIE ROTSE ■ BILLY RAY CYRUS het aansoek gedoen dat sy huwelik met die sangeres…

GABRIELLE UNION EN DWYANE WADE Die aktrise se glansende meerminstyl rok deur Michael Kors en haar man se ligpers Versace-pak by die Met Gala was ’n wenkombinasie. SOPHIA BUSH EN ASHLYN HARRIS Die paartjie, wat toe nog net vriende was, het by die Olimpiese partytjie in Parys opgedaag in ’n metaalkleur pak en “bubble”-rok deur Christian Siriano. EMILY BLUNT EN JOHN KRASINSKI Emily se romantiese pienk kantrok van Dolce & Gabbana en John, 2024 se Sexyste Man, se roomkleur pak het bekoor by die Vanity Fair-Oscarpartytjie. CASH WARREN EN JESSICA ALBA Die aktrise was asemrowend by die Baby2Baby Gala in ’n koraalpienk Zuhair Murad-rok, met haar man se klassieke swart pak wat dit afgerond het. AMAL EN GEORGE CLOONEY Amal in ’n swart fluweelrok van Versace en George in sy…

1 Wie het die rol van Hannibal Lecter vertolk in die fliek The Silence of the Lambs? 2 Wat was die naam van die verdrag wat ’n einde aan die Eerste Wêreldoorlog gebring het? 3 Wie het die wet van swaartekrag die eerste keer beskryf? 4 Wie is die bekende aanbieder en vervaardiger van die Amerikaanse Survivor-reeks? 5 Watter Rugbywêreldbekerrekord hou die Springbokskrumskakel Cobus Reinach? ANTWOORDE 1. Anthony Hopkins 2. Verdrag van Versailles 3. Isaac Newton 4. Jeff Probst 5. Die vinnigste driekuns nóg…

BLOK JOUSELF Bekoorlike blokkiespatrone is terug! Of jy dit as ’n rok, bloes of sjiek bykomstigheid dra, blokkies laat enige uitrusting vars lyk en is veral gewild as informele drag. Dra verskillende skakerings blokkies in een uitrusting vir ’n moderne aanslag. So skep jy ’n samehangende maar vrolike voorkoms. LIEFLIKE LUIPERD Die luiperdpatroon is elegant en veelsydig – dit kan in die dag of aand gedra word, informeel of sjiek. Dra dit by neutrale kleure soos swart, wit of beige, en wanneer jy patrone op patrone dra, speel met die grootte deur growwe en fyn patrone te kombineer om dit interessant te laat lyk. BLOM! Blompatrone is tydloos en voeg vroulikheid by enige kledingstuk. Van delikate patrone tot dié wat prominent en lewendig is, blomme bied eindelose moontlikhede om jou…

Elke ouer met ’n tiener in die huis ken dit – deure wat klap, stilstuipe en woedeuitbarstings wat van nêrens af kom nie. Om behoorlik met jou tiener te kommunikeer is op ’n gewone dag nie maklik nie. Hier’s wat die kenners sê oor goeie kommunikasie. DIE UITDAGINGS VAN KOMMUNIKASIE Die manier waarop die tipiese tienerseun en -meisie kommunikeer, verskil soms kenmerkend, sê Naomi van Wyk, ’n kliniese sielkundige van Stellenbosch. Hoewel daar altyd veranderlikes is en veralgemening die nuanses van verskillende persoonlikhede ondermyn, noem Naomi hierdie verskille: ◗ Tienerseuns slaan soms heeltemal toe en keer na binne. Hulle begin brom en kruip in hul kamers weg, tensy jy hulle met kos daar uitlok. Hulle onttrek en kommunikeer ál minder. ◗ Tienermeisies fokus hul aandag weer dikwels na buite. Hulle…

KAN julle onthou hoe obsessief almal begin televisie kyk het in covid? Dit was al waaroor mens gepraat het – behalwe nou waar mense hulle drank of sigarette kry, of hoe dit gaan met hulle pynappelbier. Die eerste vraag was gewoonlik: Wat kyk julle wat lekker is? En dan was daar reekse en flieks wat skielik aandag gekry het – wat eintlik seker misgekyk sou gewees het as dit nie vir covid was nie. Ek dink nogal reekse soos TIGER KING en MONEY HEIST sou enige ander tyd nie soveel aandag gekry het nie, terwyl selfs BRIDGERTON wat aan die einde van 2020 uitgereik is, dalk meer oë gevang het as wat dit andersins sou gekry het. Mense se verwagtinge van ’n goeie reeks het ook gestyg. Die reeks moes…

WAARNA LUISTER JY IN JOU KAR? Majozi: Aanbiddingsliedjies, gewoonlik van Hillsong. Early B: Om eerlik te wees luister ek baie na beats of backtracks in my kar … Of net die engine. WATTER BOEK LÊ LANGS JOU BED? Majozi: Tom Jackson se Live Music Method: All Roads Lead to the Stage. Early B: Die Bybel. WATTER REEKS OF FLIEK HET JY ONLANGS GEKYK WAARVAN JY GEHOU HET? Majozi: The Penguin op Showmax. Early B: Die dokkiereeks Power op Netflix is baie goed. WAT IS JOU GUNSTELING-KLEDINGSTUK? Majozi: My ouskoolse Springbokrugby-ondersteunerstrui. Early B: My swart leerbaadjie. WAT MAAK JOU TANS OPGEWONDE? Majozi: Jong opkomende kunstenaars wat die geleentheid kry om musiek te maak. Early B: Baie dinge, maar mooi vinnige karre kry my baie gou opgewonde.…

KANAALSWERF “Hansie, waar is die Engelse Kanaal?” vra die aardrykskundejuffrou. “Ek weet nie, Juffrou,” antwoord hy. “Ons het nie DStv nie.” San Marchand FOTORAAI Al ooit gewonder: As ’n kamera se lens sirkelvormig is, hoekom is die foto’s wat jy neem dan altyd reghoekig? Wollie, Pretoria OORTREFFENDE TRAP Gehoor van ou Gert? Hy is so lui, hy stel sy wekker sodat hy betyds kan wakker word om sy middagslapie te neem! Denise, Pretoria TAKTVOL “Het ek jou al van my oulike kleinkinders vertel?” vra die oupa aan die vreemdeling wat langs hom by ’n onthaal sit. “Nee,” sê die gas, “en glo my, ek waardeer dit ongelooflik baie!” Johan H, Gonubie SEISOENALE FOUT Ek is nou net mooi keelvol vir die kinders wat altyd my siel uittrek omdat ek kwansuis…

DENEMARKE ‘BURPELASTING’: BOERE MOET HOES VIR VEE SE WINDE Boere in Denemarke sal vanaf 2030 ’n belasting moet betaal vir hul diere se winde. Dis omdat vee se winde, veral koeie en veral hul “burps”, die kweekhuisgas metaan produseer, wat bydra tot aardverhitting en die klimaatskrisis. Dié besluit geld ook vir ander herkouende vee soos skape en bokke. Die “flatulensie-belasting” beteken boere sal omtrent R800 moet opdok per ton metaangas wat hul diere produseer. AMERIKA OSEAANVONDS: GLOEIENDE SEESLAK VAN DIE ‘MIDDERNAGSONE’ ’n Menigte vreemde wesens leef in die diep oseaan, en nog een is onlangs geïdentifiseer. Navorsers van die Monterey Bay Aquarium Research Institute beskryf dit as ’n soort seeslak: Bathydevius caudactylus. Hy vang kos met ’n groot kappie en swem met ’n spaanagtige stert met talle uitsteeksels. En hy…

1 Wat is die grootste staat van die VSA? 2 Watter twee primêre kleure maak saam groen? 3 Watter vasteland se punt is die naaste aan Antarktika? 4 Watter hemelliggaam word die oggendster en aandster genoem al is dit ’n planeet? 5 Wie was die uitvinder van die telefoon? ANTWOORDE 1 Alaska 2 Blou en geel 3 Suid-Amerika 4 Venus, die helderste planeet in ons naghemel en nader aan die son as die Aarde. 5 Alexander Graham Bell BRONNE UNIGE.CH, NEWS.YALE.EDU, LIFENIEBLAS.COM, PEERJ.COM, NYTIMES.COM, COSMOSMAGAZINE.COM, SMITHSONIANMAG.COM, THEGUARDIAN.COM, BRITANNICA.COM, LIVESCIENCE.COM, CNN, BBC, YOUTUBE…

ALLES gaan vir haar oor passie. Die rede vir haar dikwelse ontrouheid? Passie. As dit eers kwyn, pak sy haar tassies en verdwyn. Ta! “Ek verlaat mans voor hulle my verlaat. Ék besluit,” het die smeulende Franse filmster gesê in die tyd toe sy as een van die mooiste en begeerlikste vroue ooit be-skryf is. Vier huwelike en minstens 17 beroemde minnaars later kan jy nie anders as om haar te glo nie. Dit sou maklik wees om Brigitte Anne-Marie Bardot, gebore in Parys op 28 September 1934, as ’n blote prikkelpop te bestempel. Maar sy was veel meer as dit. Sy het die versmorende korset van ’n konserwatiewe Katolieke opvoeding uitgetrek en geweier dat die houe van ’n liefdelose pa haar breek. Sy het geleef soos sý wou. Op…

Wanneer en waar was jy op jou gelukkigste? Voor die kansel in Melville Kruiskerk op 23 Junie 2018 langs my vroutjie, Therina. Wat sou jy anders doen as jy jou lewe kon oorhê? Vroeër begin “gooi” as ek vir ’n opname sing – dus nie so soetjies wanneer ek eintlik hard moes sing nie. Wat is die ding wat jy die meeste in mense bewonder? Iemand wat werklik omgee en by sy standpunt bly. Wie sou jy die graagste vir ete wou nooi en wat sou jy vir ete maak? Madiba. Ek sou tjops, wors en sampioene braai. Dis al kos wat ek kan maak. Wat kan jy nie verduur nie? Arrogansie en bombasme. Wat is jou diepste put van ellende? As ek ’n nuwe liedjie op die verhoog moet…

Midde-Oosterse LAMSKOFTAS met MENTSOUS GENOEG VIR 4 MENSE / BEREIDING EN GAARMAAK: 30 MIN. Dis maklik om te maak, met ’n nuwe variasie vir die mentsous. Dit sal net so goed saam met lamstjoppies werk. ◗ 500 g lamsmaalvleis◗ 5 ml (1 t) fyn komyn◗ 5 ml (1 t) fyn koljander◗ 5 ml (1 t) droë ment◗ 1 knoffelhuisie, fyngedruk◗ sout en varsgemaalde swartpeper, na smaak◗ zatar, vir voorsit SOUS ◗ 35 g vars ment (’n groot hand vol)◗ 30 ml (2 e) granaatmelasse◗ sap van 1 suurlemoen 1 Meng die maalvleis met die kruie en knoffel, en geur goed. Vorm in lang frikkadelle met jou hande en ryg dit aan sosatiestokkies.2 Braai oor die kole vir sowat 5 min. per kant tot mooi bruin en gaar. Sprinkel die zatar…

STEENBOK 21 DESEMBER – 20 JANUARIE Jy brand om geld uit te gee, maar wik en weeg nog. Jou verantwoordelike kant sal nooit so ’n impulsiewe ding doen nie, maar jou onbesonne kant spoor jou aan. Net jy kan besluit watter kant wen. Die kompromie kan wees om die bedrag vas te stel wat jy bereid is om uit te gee. Dit, in plaas van ’n wilde waagstuk, sal jou bas red. ’n Nuwemaan in jou teken op die 31ste dui op ’n nuwe begin. WATERDRAER 21 JAN – 18 FEB Jy kan net nie genoeg tyd saam met jou vriende deurbring nie, en aangesien dit die feestyd is, kon jy nie ’n meer gepaste tyd vra om te kuier nie. Bederf hulle met jou teenwoordigheid, jou sin vir humor…

WILDEPRUIM DEUR ELMARÉ LOMBARD Naledi, R275 “Die misterie van eenvoud.” Dit is die opskrif van die eerste van die drie dele waarin Wildepruim opgedeel is, en dis presies eenvoud wat my laat lees en lees het aan die wonderbaarlike storie van Katrina en Ella. Hulle is twee meisiekinders wat in die Kamdebo grootword met ’n ewe groot liefde vir die veld, maar dis eers as grootmense dat hul paaie op ’n, sê maar toweragtige, manier en op ’n heel ander plek kruis. Ella se skatte is die gebreekte dop van ’n voëleier, die droë oorblyfsels van ’n toktokkie, ’n gladde wit klippie, ’n bossie geel knoppies van die karoobos … Katrina se hartseer is dat sy nie kan lees nie, want sy moet haar siek pa help oppas. Haar maters…

DALK was die skrywer Jan Rabie reg. Miskien is die lewe net “aanhou beweeg en geraas maak”. En tog sien ’n mens gereeld inspirerende mense wat berge verskuif en die wêreld ten goede verander. Hoe kry hulle dit reg om sulke betekenisvolle lewens te lei? Wat is die wysheid wat hulle motiveer? Ons het by ’n paar suksesvolle Suid-Afrikaners kers opgesteek om te hoor wat die beste raad is wat hulle al ontvang het en hoe dit hulle lewenspad gerig het. PIETER-DIRK UYS Akteur ALMAL GENIET DIE WONDERLIKE NIKS My jaar was altyd 365 dae. Toe kom covid- 19 met swaar werklikhede. Die vrees vir ’n virus sonder ’n naam. Daardie droë hoes in die supermark. Weer hande was terwyl jy “Happy Birthday to You” twee keer saggies sing om…

MANIE & VERNA Op die veld het Manie Libbok kort-kort vir ’n omgekrapte hoesie gesorg – hy korrel nie lekker nie, het mense gesê. Die Bok-losskakel het later darem ’n paar skoppe deur die pale gejaag. Maar nie een van dié skoppe maak dit tot op die telbord van sy grootste vreugde vanjaar nie – daarop is net een ding aangeteken: sy troue met Verna. Hulle het op 5 Oktober op Groot-Brakrivier getrou. MARGUERITE & ROY Die resep vir ’n suksesvolle romantiese fliek? Liefde, ja, drama en ’n goeie einde. Só het Marguerite van Eeden gedink. Maar haar liefdesverhaal is toe mooier as enige draaiboek: ’n oproep van ’n eiendomsagent uit Amerika, ’n vriendskap wat in romanse ontluik, ’n verhouding wat die 12 000 km tussen hulle laat krimp, die…

“Ek sal die risiko loop om bakteriële en virale infeksies op te doen, parasiete of gewone siektes, net om toekomstige spelers aan te moedig om aansoek te doen om aan Survivor deel te neem.”JEFF PROBST (63), DIE SURVIVOR-AANBIEDER, PRAAT MET ENTERTAINMENT WEEKLY OOR HOE GEESDRIFTIG HY OOR SY WERK IS “McDonald’s was my eerste en enigste werk. Ek is drie keer afgedank. Ek het die chicken nuggets geëet.”DANKIE TOG DIE SANGER PHARRELL WILLIAMS (51) KAN SING. HY HET AAN BBC RADIO GESÊ SY EERSTE WERK HET NIE SO GOED VERLOOP NIE “Dis nou nie dat ek myself wil slegsê nie, maar ek was nie ’n goeie aktrise nie.”EVA MENDES AAN DIE BRITSE SUNDAY TIMES OOR HAAR WIPPLANKVERHOUDING MET TONEELSPEL EN HOE SY HAAR ROL AS MA VERKIES “Jy het lank…