Indholdsfortegnelse for 2 January 2025 i Huisgenoot

1 ‘HY HET MY IN MY MENSWEES GESKUD’ Jan Bloukaas, of Jean du Plessis, se stryd teen kanker is verby. In sy dokkie, Net mens, gee Reynardt Hugo ons ’n intieme blik op die dapper jong sanger Dankie, Reynardt Hugo, dat jy jou weg gesien het om so ’n program te maak. Ons weet dit was moeilik, maar hy was enduit ’n inspirasie vir ons almal. Suid-Afrika treur oor ’n groot legende wat ons te vroeg verlaat het. ANNATJIE Rus in vrede, Jan Bloukaas. En dankie vir al jou liefde wat jy so mildelik tot op jou laaste onder die mensdom versprei het. Daar is nou ’n nuwe blom in die hemelse tuin. Sterkte aan jou geliefdes uit Namibië. MARA Die grootste ikoon ooit. As Jean nie jou hart geroer en…

SY HET altyd geweet hulle tyd saam sou beperk wees, maar dit het nie saak gemaak nie. Met elke nuwe aanslag van die siekte het hy haar weer gevra: “Wil jy nog bly? Sien jy nog kans?” Elke keer het sy weer gesê: “Ja.” Toe die einde aanbreek, was Jean du Plessis en Jana Davel net minder as ’n jaar saam. Hy was 25, sy 20. Báie dinge het gebeur voor die sanger Jan Bloukaas se onlangse dood. Maar hulle eerste ontmoeting voel nog vir haar soos gister, sê Jana, ’n student in die gasvryheidsbedryf van Somerset-Wes. Jean het haar vir koffie by sy ouerhuis in Kaapstad genooi. Sy kanker was nie ’n geheim nie. “Hy het my toe reeds gewaarsku hy stap ’n moeilike pad,” sê Jana. “Dis wat…

1 SPORTIEF Dié voorkoms is gemaklik en ewe maklik om saam te stel. Dis boonop perfek vir ’n aktiewe leefstyl én as alledaagse kleredrag. Jy kan jou sportiewe klere ook met meer formele items kombineer wat wys jy weet wat in die modewêreld aangaan. “Athleisure” is nie heeltemal nuut nie, maar dit gaan ook nêrens heen nie. Dit bly vanjaar ’n gewilde voorkoms. 2 TREFFENDE EKSTRAS Dit maak nie saak of jou uitrusting gedemp, helderkleurig of vol patrone is nie, laat treffende bykomstighede soos dramatiese, kleurvolle juweliersware en skoene, oorgroot handsakke en interessante hoede dit afrond. 3 LIEFLIKE LEER As Zendaya dit dra, is ons mal daaroor! Dis egter net so ’n wenner onder ander celebs en modeontwerpers vanweë die veelsydigheid van leer, of dit nou eg of nagemaak is.…

1 RYK IN KLEUR, PATROON EN TEKSTUUR Ons kan grotendeels koebaai sê vir koel witte en gryse. Dis tyd om warm en weelderige kleure te verwelkom. Dink burgundy en sjokoladebruin, donker wynkleure, intense blou en groen, terracotta, oker en juweelskakerings. Veral rooi is in, met binneversierders wat sê om net ’n tikkie van dié treffende kleur by ’n kamer te voeg alles meer samehangend laat lyk. Dis ook gewild om dieselfde kleur of patroon op die mure, stoffering, gordyne en die meeste bykomstighede in een ruimte te gebruik. 2 BUITEMUURS IS IN Daar is ’n geleidelike neiging om jou buitemuurse ontspanningsarea soveel liefde en aandag te gee as jou ruimte binne. Geniet jou buite-area ten volle deur dit ’n gemaklike, stylvolle plek te maak waar jy kan ontspan en onthaal,…

VOORGESTELDE DAAGLIKSE INNAME VAN VOEDSELGROEPE ❯ STYSEL (BROOD, PASTA, AARTAPPELS) 3-4 PORSIES ❯ GROENTE & VRUGTE 5 PORSIES ❯ PROTEÏENE 2-3 PORSIES ❯ MELKPRODUKTE 2-3 PORSIES ❯ VETTE 3 PORSIES DANKIE AAN DIE GEREGISTREERDE DIEETKUNDIGE SASKIA ZIETSMAN (VANESSA McEWAN DIETITIAN INC.) VIR HAAR HULP MET DIÉ ARTIKEL. EKSTRA BRONNE: HEARTHEALTHYONLINE.COM, IOL.CO.ZA/LIFESTYLE, HEALTH24.COM PROBEER OM ELKE DAG VOEDSEL UIT AL DIE VOEDSELGROEPE IN TE NEEM IN DIE REGTE HOEVEELHEDE OM JOU VERSADIG TE HOU. DIT IS BAIE MAKLIK AS JY JOU HANDE AS MATES INSPAN. TWEE HANDE WAT SAAM ’N BAKKIE VORM ❯ Slaai ❯ Niestyselagtige groente EEN HANDPALM WAT ’N BAKKIE VORM ❯ Roomys (1 porsie per week) VUIS ❯ Volgraanpasta ❯ Jogurt ❯ Lae-GIontbytgraan ❯ Styselagtige groente of vrugte ❯ Water (8 porsies per dag) HAND ❯ Hoender…

STEENBOK 21 DESEMBER – 20 JANUARIE Dinge bou dié week op tot ’n hoogtepunt. As dit iets met geld te doen het, kan jy jou maar regmaak vir konfrontasie. As jy voel dat jy ’n onreg aangedoen is, is dit tyd om vir jouself op te staan, asook vir ander in soortgelyke situasies as jy. Onthou watter krag woorde het. Dit tel in jou guns dat Mercurius op die 8ste in jou teken inbeweeg. WATERDRAER 21 JAN – 18 FEB Jou liefdeslewe is op die oomblik dalk wankelrig, veral as daar ’n gebrek aan kommunikasie is. Die liefdesdiva, Venus, verlaat jou teken, en dis dus nie ’n verrassing dat jy voel asof jy in die middel van ’n koue oorlog is nie. Jy wil baie graag op ’n vriend se…

CAPITEC – STRYD MET DIE GROTES DEUR TJ STRYDOM Tafelberg, R189* “In die vroeë 2000’s omskep ’n paar Bolandse entrepreneurs ’n nederige netwerk van mikrolenerye in wat vandag Suid-Afrika se grootste bank is, met sowat 22 miljoen kliënte.” Dis die storie van Capitec in ’n neutedop. As die boek net een ding doen, sal dit ook goed wees, naamlik om hoop te gee vir entrepreneurs – as jy ’n goeie idee beethet, hoef jy nie bang te wees om teen reuse op te staan nie. Meer nog: dat jy moet kan raaksien waar ’n dringende behoefte is en dit probeer bevredig. So was dit met die “unbanked” en sommer ook “unbankable” van Suid-Afrika: “die miljoene swart Suid-Afrikaners wat vir dekades van die formele bankwese uitgesluit is”. ’n Saadjie is geplant…

MY VOORNEME vir die nuwe jaar is definitief om ’n beter poging aan te wend om reekse klaar te kyk. Soos in om tot aan die heel einde van die reeks te kyk. Ek is baie goed daarmee om episode een te kyk. Ek dink ek het al die meeste reekse wat bestaan se eerste episode kafgedraf. As die reeks die moeite werd is, sal ek dit mos wil klaar kyk, maar ’n reeks waarvan die eerste episode jou nie dadelik intrek nie, gaan nie later beter word nie. Die eerste episode is maak of breek, reken ek. Die probleem is egter dat die eerste episode van enige reeks noodwendig meer opwindend is as ander reekse se tweede episode. Die opwinding van ’n splinternuwe ding het dikwels ’n groter aantrekkingskrag…

WERK WAT ’N OSCAR VERDIEN Dinge het mooi begin vir die 22-jarige akteur van Mitchells Plain. In 2019 het hy kykNET se toneelspelkompetisie gewen. Hy is in 2022 as die belowendste akteur by die Zabalaza-fees by die Baxter aangewys. In 2023 is hy weg met ’n Silwerskerm- prys vir beste byspeler in Old Righteous Blues. En dié fliek is ons amptelike inskrywing by die Oscars. DIE OSCARS! Joshwin is ook nou te sien as Allies in die nuwe verslawende reeks Spooksoeker op Showmax. ALLIES EN OUMA JUNE In dié reeks is Allies ’n 15-jarige wat uitvind sy vriend Warno, gespeel deur Rico Immelman, kan spoke sien en vang. “Allies se ouma het hom probeer weghou van die gevare, want sy het destyds ook in die spookbedryf gewerk en ken die…

JA, EENS op ’n tyd het sy dit geniet om haar naels te laat knip, sê sy. Sy het manikure gekry waar sy rustig kon ontspan terwyl iemand haar naels vyl, politoer en verf. En tog, iewers in 1997 het sy net eendag besluit sy gaan haar naels ’n slag langer laat groei. Hulle het langer geword, en langer, en langer, en langer. En hier is sy nou. Dis 27 jaar later en Diana Armstrong se naels is elkeen omtrent 1,3 m lank. As sy hulle nou sou knip, platstryk en punt-aan-punt iewers neersit, sou hulle ’n allemintige 12 m lank wees, so lank soos ’n bus. Sulke lang, aardige kloue maak ’n mens natuurlik onhandig. Diana kan nie eens meer haar eie naels versorg nie. Daarvoor het sy kleinkinders…

SKRYWERS skuil meestal maar agter die skerms. Anders as akteurs of sangers, kan hulle bitter bekend wees sonder dat baie mense weet hoe hulle lyk. Maar nie John van de Ruit nie. Op troues, in supermarkte, wanneer hy in die straat afstap, herken sy aanhangers hom. Hulle keer hom voor, knoop geselsies aan en sê selfs hy’t hulle lewe verander. Soms laat hulle hom bloos, veral wanneer iemand aanneem John en sy beroemde karakter, die skoolseun John “Spud” Milton, is een en dieselfde mens. Hulle skree soms “Spud! Spud!” of vra hom erg persoonlike vrae oor hoe dit met sy, uhm, puberteit gaan. Nogtans lag hy dit meestal af sonder om hom te vererg. Hy weet hoe dankbaar hy vir sy sukses moet wees. Dit gebeur baie selde dat ’n…

JY KAN nie glo so ’n slim, goedhartige kind word deur haar hopelose ouers verwaarloos nie. Erger nog, sy word ongenadiglik afgeknou deur haar ou suurknol van ’n skoolhoof, Miss Trunchbull. Maar Matilda se geheime wapen is haar brein. Met slegs oog-of handbewegings kan sy voorwerpe of mense deur die lug laat vlieg. Sy gebruik dit om haar ouers en die nare skoolhoof reg te sien. Daarna lewe sy gelukkig saam met haar aanneemma, die dierbare Miss Honey. Mara Wilson was net nege jaar oud toe sy in 1996 die titelrol in die fliek Matilda, gegrond op Roald Dahl se boek, vertolk het. Dit het van haar ’n kinderster gemaak. Maar skaars vier jaar later verdwyn sy uit die vermaakwêreld. “Jy kan nie ’n kinderster word sonder om skade op…

Wanneer was jy op jou gelukkigste? Huidiglik. Ek het als wat my hart begeer. Wat sou jy anders doen as jy jou lewe kon oorhê? Ek sou raad kry oor hoe om van ’n jong ouderdom af goed met geld te werk en dit te belê. Wat bewonder jy die meeste in mense? Hoe hulle gelukkig is in moeilike tye en steeds kan lag. Wie sou jy die graagste vir ete wou nooi en wat sou jy vir ete maak? My ouma. Ek sou bakhoender gemaak het. Wat kan jy nie verduur nie? As ek mense hoor eet. Of as mense oopmond eet. Wat is jou diepste put van ellende? Ek haat Sondae. ’n Hond in ’n fliek moet ook nooit doodgaan nie. En verwerping is die seerste seer. Wie…

1 PRAGTIGE PASTELLE Pastelkleure is ’n groot tendens vir 2025. Sagte skakerings soos laventel, mentgroen, babapienk en lugblou sal oogskadu, lipstiffie en naellak oorheers. Kombineer delikate oogskadu’s met bleek lippe vir ’n onderbeklemtoonde gevoel of kies pastelkleurige lipstiffie met ’n glansafronding vir ’n prettige spatsel kleur. Die geheim is om op een kenmerk te fokus – jou oë, lippe of naels – en die res van jou grimering lig te hou. 2 KLEUR VAN KERSIES Kersierooi maak weer ’n verskyning, maar met ’n moderne kinkel – ’n skitterblink afronding wat vars en lewendig voel. Die veelsydige kleur in skakerings van diep, amper swart kersiekleur tot helder maraschinorooi, sal vanjaar ’n sterk rolspeler in grimeerneigings wees. 3 MAAK OGIES Ooggrimering is vanjaar prettig en word kunstig aangewend sodat die oë die…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. HOE GEMAAK OM ’N PATENT TE REGISTREER? V Ek is nou 72. My lewe tot dusver was lank en vol genade. My jong dae is geslyt in ’n hut met ’n buitetoilet. Ons was ’n groot gesin. Deur genade het ons nog steeds beter geleef as ander en deur alles ons geloof behou, want sonder Hom is ons net mooi niks. Ek het geen opleiding ná skool gekry nie, dus het…

1 VERMY INKOPIE-TERAPIE Dis wanneer jy onnodig geld uitgee om jouself op te beur. Maar eintlik vererger dit jou omstandighede. Moenie iets koop wat jy reeds tuis het nie. Gaan eers kruidenierswinkel toe wanneer jou koskas leeg is. Dieselfde geld vir klere of ander gebruiksitems. Dit sal ook opgaargoed in jou huis verminder. 2 PROBEER BNPL PLEKS VAN KAARTSKULD Moet jy iets koop, maar dit gaan jou begroting laat sneuwel? BNPL – koop nou, be-taal later – versprei die onkoste oor bv. drie betalings, sonder rente en fooie – mits elke betaling betyds is. Die geld word outomaties van jou gekose debiet-of kredietkaart afgetrek. BNPL kan goedkoper as gewone kredietkaarttransaksies wees. Laasgenoemde bied slegs sowat 55 rentevrye dae – en net as jy nie agterstallig is met ander kaartbetalings nie. Kredietkaarte het…

THE BEATLES DIS die moeite werd om nader te skuif vir BEATLES ’64, ’n nuwe dokumentêre rolprent wat deur die beroemde regisseur Martin Scorsese vervaardig is. Die film kyk na die kulturele impak wat die Beatles op die VSA gehad het ná hulle besoek in Februarie 1964 toe hulle drie weke lank in Amerika was. Hulle geskiedkundige eerste optredes in The Ed Sullivan Show het ook toe plaasgevind. Die fliek sluit argiefmateriaal uit die Beatlemania-era in, en kyk ook na die persoonlike dinamika van die groep se lede in dié tyd. Die beeldmateriaal wat deur Albert en David Maysles geskiet is, is digitaal gerestoureer, en nuwe onderhoude is ook met die twee oorlewende lede, PAUL McCARTNEY en RINGO STARR, verfilm. Die dokkie begin deur te kyk na die vroeë-1960’s-bewind van…

JAGVELD Moenie iemand op sy baadjie takseer nie, lui die spreekwoord. Dis ook van toepassing op die heldin in hierdie aksieriller. Emma le Roux (Leandie du Randt) is ’n minsame onderwyseres wat uitsien na die vakansie op haar pa, Jacques (Tertius Meintjies), se plaas in die Karoo. Sy is ’n vredeliewende, fyngeboude meisie, en wanneer sy die pad na die plaas aanpak, is moeilikheid die laaste ding in haar gedagtes. Maar dié dag verloop dinge anders en sy raak gestrand langs die pad. Terwyl sy by haar kar wag, sien sy hoe ses skarminkels ’n polisieman doodmaak. Maar dié ses skurke, Bosman (Neels van Jaarsveld), die leier, Baz (Tim Theron), Jay (Bouwer Bosch), Boela (Edwin van der Walt), AJ (Danie Putter) en Piet (Luan Jacobs), sien haar ook raak, en…

BAL UIT DIE OOG Gehoor van ou Stefaans? Hy was jare lank so ’n yster van ’n rugbyspeler, maar toe verswak sy oë te veel. Deesdae is hy ’n skeidsregter. Wollie, Pretoria PROAKTIEF Ek het gesorg dat ek Oujaarsaand genoeg foute maak en opmors vir die hele 2025. Dan is die jaar se drama mos nou agter die rug. L. Saayman BITTERE NALATING Die bankrot boer verwissel die tydige met die ewige. Terwyl sy twee seuns wag dat die testament gelees word, stry hulle oor wie die meeste deur hulle pa voorgetrek is. Eindelik sê die prokureur vir die oudste broer: “Johan, jy kry die plaas.” Vererg swaai Johan om na sy jonger broer: “Sien, ek het mos gesê jy was altyd sy witbroodjie.” Johanna Rademeyer OPTIMIS “Dawie, hou jou…

FRANKRYK AMATEUR VIND VOLLEDIGE ‘TITANOSAURUS’-SKELET Damien Boschetto het met sy hond in ’n woud gaan stap toe hy ’n groot been uit ’n verweerde krans sien uitsteek. Hy’t gedink dis ’n dinosourusbeen en het argeoloë van die plaaslike museum daarvan vertel. Dit was inderdaad die heupbeen van ’n Titanosaurus, een van die grootste dinosourusse ooit. Argeoloë het toe baie maande lank meer as 70% van die skelet opgegrawe. Die bene van die agterkop af tot by die stert was steeds verbind, en daar was selfs nog bindweefsel. Net die dybene en skedel kort, maar die wetenskaplikes hoop om dit nog te vind. Sommige Titanosaurusse kon 30 m lank word en 90 ton weeg. AUSTRALIË ‘KOALADEURE’ OM OULIKE BEERTJIES TE RED Koalas, dalk dié land se gewildste diere, stel hulleself dikwels…

SUPERNOVA LATYN: NOVA – “NUUT” ’n Nova is wanneer ’n “nuwe” ster bespeur word wanneer dit skielik helderder word en stadig na sy oorspronklike toestand terugkeer. ’n Supernova verwys na die ontploffing van ’n baie groot ster wat tydelik tot ’n miljard keer die energie van die son kan afgee. Dis ’n kataklismiese gebeurtenis wat tot ’n ster se einde lei. SYFERSTORIES 700 miljoen Soveel euro (R13,3 miljard) het die restourasie van Frankryk se Notre Dame-katedraal uiteindelik gekos. Die Parys-landmerk is laas maand weer geopen nadat dit in 2019 deur vlamme verswelg is. Brandweerspanne moes nege uur lank spook om die brand te blus. Om die skade te herstel, het 2 000 ambagslui 1 300 kubieke meter klip vervang, 1 500 kerkbanke uit soliede eikehout gekerf en 8 000 orrelpype…

‘SOMS IS ’N MENS SE GROOTSTE SEER JOU GROOTSTE SEËNING’ DIS die groot Jesse Kriel wat besluit basta hiermee. Hy stap vinnig weg van sy jubelende spanmaats, reguit na waar veiligheidsbeamptes ’n seun keer om op die rugbyveld hier in Cardiff te kom. Jesse se gespierde bene skêr oor die afskorting langs die veld. Dan raap hy die seun aan die ander kant op en tel hom oor die afskorting tot in sy ma se arms. Sy is die ster van die oomblik, en haar seun ook. Hulle stap al ’n láng pad saam met die Springbokke, en al het die Bokke Wallis vandag vermorsel, behoort die oomblik aan háár. “Ons was albei in trane,” sê René Naylor (52) nou. Want toe die eindfluitjie in Cardiff blaas, was René se…

Woorde het soms ’n spesifieke tegniese gebruik en ’n ander betekenis in die volksmond. “Organiese” chemie handel oor als wat koolstof bevat. “Organiese” eiers by Woolworths is eiers wat vry rondloop in ’n gerieflike habitat. Die woord “teorie” het so ’n noukeurige betekenis. Dis nie “’n wilde raaiskoot” soos in alledaagse gebrabbel nie. Nee, ’n teorie is ’n padkaart. Dalk sit ons mettertyd nuwe dorpies op, dalk skuifel magnetiese noord ’n entjie, maar die kaart en die terrein is akkuraat. Einstein se relatiwiteit is so ’n teorie. Hy staan vas ná ’n eeu van toetsing. Hy’s ’n uitgemaakte saak. Niks sal ooit vinniger as lig gaan nie – nie eens met enige toekomstige tegnologie nie. Dit staan so in die teorie van relatiwiteit. Dis nie “net ’n teorie nie”; dis…

VIR baie mense was die feestyd ’n geleentheid om hulle afgestorwe geliefdes te onthou, die herinneringe van Kersfees en Nuwejaar toe hulle nog met ons was. Maar vir Chrissie Lewis was dié mooi herinneringe min – en die seer wat 2024 ingehou het, byna te veel. Nie net was dit die eerste Desember sedert haar broer, die hoogspringkampioen Jacques Freitag, vermoor is nie, hulle ma is ook dodelik siek. “Dit was ’n jaar uit die hel,” sê sy. Sy hét hom liefgehad, haar enigste broer. Ten spyte van sy dwelmgebruik, diefstal en stories oor misdadigheid. Vir sy foute was sy nie blind nie. In Junie is Jacques se lyk in ’n veld in Pretoria gevind. Hy is twee keer geskiet. Die moord op die 42-jarige eens geliefde hoogspringatleet was een…

Jy lê te lank in die son. Die geiser kan bars. Jou peuter kan die ketel met kookwater omtrek. Chemiese stowwe wat jy gebruik, kan op jou spat en brandwonde veroorsaak. Ongelukke gebeur in ’n oogwink en brandwonde is iets wat meer voorkom as wat jy dink. Hier is raad sodat jy vinnig kan besluit wanneer dit hospitaalsake is of nie. Om te begin, brandwonde kan ingedeel word volgens die oorsake: hitte, byvoorbeeld vuur, stoom of warm vloeistowwe; elektrisiteit; die son en chemiese stowwe. Die erns kan gemeet word aan die diepte van die wonde, uitgedruk in grade van 1 tot 4: 1ste graad: Die vel is rooi, gevoelig en gewoonlik klam. ’n Ligte koors, rusteloosheid en hoofpyn kan voorkom. 2de graad: Die vel is beskadig en blase kan voorkom.…

THE BEATLES: IN THE LIFE AMAZON PRIME Dié uur lange dokkie gaan oor die legendariese groep wat in die vroeë 1960’s die toneel getref en wêreldberoemd geraak het. Daar word gekyk na van die Hamburg-dae tot by hulle jare in die ateljee. THE BEATLES: GET BACK DISNEY+ In Januarie 1969 is die groep ateljee toe om liedjies vir hulle album Let It Be te skryf om dit in lewende lywe bekend te stel met ’n kameraspan wat alles opneem. Dié is ’n geredigeerde weergawe van wat hulle opgeneem het. HOW THE BEATLES CHANGED THE WORLD AMAZON PRIME ’n Kykie na die impak wat hierdie groep gehad het, eers in Brittanje en kort daarna wêreldwyd. Met vars, onthullende onderhoude en ’n magdom argiefmateriaal wat selde gesien word. THE BEATLES: LET IT…

TOP: INTERNASIONAAL Tussen die drie van hulle het hulle 17 Grammy-nominasies. As dit nie reeds vir jou ’n aanduiding gee van die kaliber van musikale talent nie, dan raai ons jou aan om na hulle musiek te gaan luister – spesifiek die treffers wat in 2024 uitgereik is. SABRINA CARPENTER, ’n blonde bombshell van Quakertown, Pennsilvanië, is nie ’n vreemdeling wanneer dit by die kollig kom nie. Vir jare was sy ’n aktrise vir die Disney-kinderkanaal, en sy het vyf albums tussen 2014 en 2022 uitgereik. Maar in 2024 het haar sesde album, Short n’ Sweet, met sy treffers “Espresso”, “Please Please Please” en “Taste” van Sabrina ’n globale superster gemaak. Nou pronk sy met ses Grammy-nominasies wat beste album en beste liedjie insluit. Dié wêreldroem is nog alles baie…

GROOT BLOKRAAI NO 2577 KOMPETISIEVRAAG Watter meubelstuk is ter sprake? As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N BOEK VAN LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. Dié week wen een leser Lekkergoed vir die lewe deur Susan Coetzer (Lux Verbi, R290). Ten spyte van ons beste pogings is dit opvallend dat ons geloof dikwels nie ’n merkbare verskil in ons lewe maak nie. Hoe kan ’n mens dan in ’n nuwe kragtige geloofsrat inbeweeg? Deur ’n ware konneksie met die Here te maak. In hierdie 250 dagstukkies deel Susan alledaagse stories uit haar lewe wat jou sal help om die Here se nabyheid te ervaar. Die boek is daarop gemik om…

Groot diere, insluitend buiswurms en slakke, is ontdek waar hulle onder die oppervlak van die baie diep seebodem lewe. Wetenskaplikes het voorheen gedink dié donker, onherbergsame omgewing is ongeskik vir lewe, tot hulle florerende mikrobes daar gevind het. En ’n nuwe studie wys daar woon selfs veel groter wesens in die baie diep see in hidrotermiese blaasgate onder die aardkors. Slegs 26% van die seebodem is in dié stadium verken en gekarteer, en dié ontdekking dui daarop dat die seebodem veel meer lewe huisves as wat eers gedink is – en dat daar heel moontlik baie onbekende spesies daar boer. Die hidrotermiese blaasgate is soortgelyk aan warmbronne wat op land gevind word. Hulle word gevorm wanneer seewater deur die seebodem sypel en verhit word deur magma. Minerale soos swael, koper,…

1 Waarvan is die ligjaar ’n maateenheid? 2 In watter jaar het die Tweede Wêreldoorlog geëindig? 3 Watter gas maak verreweg die grootste deel van die Aarde se atmosfeer uit? 4 Wat word die kleinste eenheid van die lewe genoem? 5 Wie was die eerste vrouepremier van Brittanje? ANTWOORDE 1 Afstand 2 1945 3 Stikstof 4 ’n Sel 5 Margaret Thatcher BRONNE ESO.ORG, THEGUARDIAN.COM, BRITANNICA.COM, LIVESCIENCE.COM, CNN, BBC, DOGONEWS.COM, SMITHSONIANMAG.COM, GOV.UK, ENDEAVOURVET.COM.AU, HISTORY.COM, YOUTUBE…

WANNEER ’n mens hoor ie mand word “die roos van die woestyn” genoem, roep dit seker by jou ’n prentjie op van ’n Midde-Oosterse skoonheid, dalk ’n edele en verleidelike prinses uit Die Arabiese nagte. Wel, nie dié roos nie. Asma al-Assad (49) het ook ’n ander bynaam wat agter haar rug gefluister word: “die presidentsvrou uit die hel”. Want hoewel dié voormalige Britse beleggingsbankier ’n mooi gesig het, het sy glo die hart van ’n monster. Sy het tot baie onlangs nog langs haar man, Basjar al-Assad (59), in Sirië die septer geswaai. Die Al-Assads is lankal berug as een van die bloeddorstigste regerende families. Hafez al-Assad het die land sedert 1971 as diktator regeer en is later opgevolg deur sy selfs wreder seun Basjar. In die burgeroorlog wat…

KERRIE-PERRY KYK-HIER-PERR PRET-Á-PERRY VERY PERRY…