Indholdsfortegnelse for 9 January 2025 i Huisgenoot

1 ‘HULLE SAL VIR EWIG 19 EN 16 WEES’ Dit was hulle derde Kersfees sonder hulle dogters, Lize en Janke, wat saam in ’n ongeluk gesterf het. Louisa en Johan Coetzer praat oor hulle seer Baie sterkte. Ek belowe, as ’n mens eers rustigheid en vrede gekry het, onthou jy net die mooi dae. Dan is die hartseer vergete. Maar dit vat tyd. My dogter is 30 jaar gelede vermoor. En ek het nou eindelik vrede. Dis moontlik. WANDA Ek het hierdie twee mense by Clarens se gholfbaan ontmoet. Wat ’n ongelooflike egpaar! Hulle het ons bemoedig, al het hulle dit nodiger gehad as ons. Weet net julle is gedurig in my gedagtes, ek sal julle nooit vergeet nie. MAGRIET Hulle was sulke ongelooflike jong mense met groot drome. Ons…

VERGELYK ’n bietjie die Ferdinand Rabie van destyds met die een van vandag. In 2001 het ons hom leer ken as die wenner van ons eerste Big Brother. Lief vir vloek en dop steek, raserig en berug vir dáái draai wat hy in die tuin gaan maak het. En wat het ons nou? ’n Man wat soggens halfvyf opstaan, teen halfsewe by die werk is, trekker ry op ’n mielieland, saans negeuur huiswaarts keer en dan – ná ’n paar minute se TV-kyk – aan die slaap raak. Hardwerkend, sober, pligsgetrou. Ferdinand, is dit jy? Jip, sê hy oor die foon vir ons uit Michigan in Amerika. Hy sit in sy “pickup” op ’n plaas, neem gou ’n blaaskans om met ons te gesels. Agter sy nuwe leefstyl lê die…

KOM ons wees nou maar eerlik. Dit maak nie saak hoe oud jy is of hoeveel keer jy dit al gedoen het nie – om op ’n eerste afspraak te gaan kan senutergend wees. Hier is raad om die ervaring gemaklik en lekker te maak. HIER IS WENKE ◗ Wees stiptelik. Arriveer betyds om respek vir die ander persoon se tyd te toon. Dit stel ook ’n positiewe toon vir die afspraak. ◗ Jy lyk dalk spiekeries, maar jou gedrag is ewe belangrik. As jy senuweeagtig voel, moet jy onthou jou maat is waarskynlik net so senuagtig soos jy. As jy angstig begin voel, haal stadig en diep asem om te kalmeer. ◗ Manne, wees ’n ware heer. Dit klink dalk outyds, maar die klein dingetjies sal haar baie beïndruk:…

PLATSAK MAAK ’N PLAN DEUR ANNEKE LANGNER Best Books, R145* WAT “Dan sien ek hom: platgedruk onder die kombers. Net die punt van sy neus steek uit. Twee akkerbruin oë loer nuuskierig na my. Dan steek die Jack Russel sy kop uit. ’n Wit snoet. Twee groot koperbruin vlekke rondom sy oë. ’n Sterk gesig. Klein genoeg om op my skoot te tel, maar groot genoeg om mee rugby te speel.” Dit was die dag toe Ethan / Platsak vir Leo ontmoet het by die DBV se hokke vir weggooihonde. Natuurlik word hulle beste maats – tot die aand toe sy ouers aankondig: “Ons gaan Nieu-Seeland toe trek.” “Is Pa dan nou mal? Ek kan nie net alles los en weggaan nie. Wat van my rugby?” En wat van Leo?…

EN DAAR het my entoesiasme vir YELLOWSTONE eindelik in die hek geduik. So opwindend soos wat die eerste paar seisoene was, so onkykbaar was die laaste een. Dalk het dit iets met die beroemdheid van die skrywer, Taylor Sheridan, te doen, want dis asof sy persoonlikheid hinderlik deel van die reeks geword het – ten koste van die storielyn. Die sagte plekkie wat hy het vir die tradisies van cowboy-wees en beesboerdery was van die begin af duidelik, maar dit het intussen uitgerafel in lang tonele van beeste of perde wat in stadige aksie hardloop, terwyl iemand in byna elke episode sê dat hierdie leefstyl oor tien jaar nie meer gaan bestaan nie. Ja? So asof die deursnee-Amerikaner daartoe toegang gehad het. Kyk, daar is baie oor Taylor Sheridan geskryf…

SPELLBOUND NETFLIX Ellian is ’n koppige klein prinses wat op ’n gevaarlike reis gaan om haar gesin en koninkryk te red nadat ’n geheimsinnige towenaar haar ouers, die koning en koningin van Lumbria, in groot monsters verander het. THE BAD GUYS NETFLIX Om seker te maak dat hulle nie tronk toe gaan nie, gee ’n bende dieremisdadigers voor dat hulle gerehabiliteer is. Maar kan mr. Wolf, mr. Snake, mr. Piranha, mr. Shark en miss Tarantula dit regkry om werklik goeie lede van die diereryk te word? 10 LIVES SHOWMAX ’n Bedorwe kat geniet die lekker lewe en aanvaar alles as vanselfsprekend saam met sy eienaar, Rose, ’n goedhartige student. Wanneer hy egter sy negende lewe verloor, tree die noodlot in en plaas hom op ’n reis wat hom vir altyd…

TEIKENMARK Toe Lorinda se uitgewer-baas haar die soveelste verslankingsboek gee om te redigeer, vra sy: “Is daar nie al te veel boeke oor hierdie onderwerp nie, hoe gaan ons dit verkoop kry?” “Moenie bekommerd wees nie,” antwoord hy. “Hierdie onderwerp lok die groot publiek.” Wollie, P retoria STOP DIE LORRIE Om jou gewig oor die vakansietyd te bestuur, verg net ’n bietjie beplanning. Ek het byvoorbeeld Maandag die batterye uit my badkamerskaal gehaal. Denise, P retoria KOPKRAPPERS Wat kry jy as jy ’n aartappel en ’n rekenaar kruis? Mikroskyfies. As die klerewinkels aanpaskamers het, hoekom het die drankwinkels nie proekamers nie? Wat is sinonieme? Woorde wat jy gebruik in die plek van dié wat jy nie kan spel nie. San Marchand SLAAPSTORIES “My vrou se tande is nes die sterre,”…

‘EK HET ’N GEWELDIGE DRYFKRAG, ELKE LIEWE AAND, OM MYSELF AAN MYSELF TE BEWYS’ BRUCE Springsteen se optrede in Barcelona se Olimpiese Stadion in April 2023 was ’n lewensveranderende oomblik. En dit was nie net omdat Michelle Obama die tamboeryn gespeel het nie. Die openingsaand van Bruce en die E Street Band se eerste Europese toer in ses jaar was een van daardie seldsame geleenthede waar alles net bymekaargekom het. Daar was die geesdrif van die skare, die interaksie tussen die groeplede, die energie van ’n 73-jarige man wat die res van die groep – wat net soos hy in jare aangestap het – op die verhoog lei met meesleurende weergawes van “Born to Run”, “Born in the USA” en soveel ander odes aan die Amerikaanse leefstyl in al sy…

DIS ’n Bosveldtoneel so reg uit die kwas van Pierneef. Diep uit die kliprante van die Waterberge kom die gekoggel van kees se kind. ’n Piet-my-vrou smeek die hemele om water. Vanuit die suide kom grougrys wolke aangemarsjeer. Doringbome staan oor die geil veld besaai soos oopgevoude strandsambrele. Tussen die digbegroeide tambotiegras is daar ’n roering. Jy moet jou oë so half op skrefies trek om deur die digte bosse te sien, maar die logge renosterlyfies is onmisbaar. Op kort beentjies kom die twee kalfies aangewaggel. Oortjies gespits met sterte wat in ’n halfmaan krul. Sommer hier langs jou kom eet Mpho en Mathlatse gulsig aan hooibale. Hulle is slegs ’n armlengte van ons af. Suid-Afrika se mees bedreigde en gestroopte dier. So heilsaam soos wat die prentjie van die…

DIE arme Paris Jackson het werklikwaar meer as haar aandeel van smart in die lewe gehad. Eers was daar die dood van haar eksentrieke pa, die popkoning Michael Jackson, toe sy nog jonk was. Toe al die stories wat uitgekom het oor sy beweerde seksmisdade. Sy het haar biologiese ma eers leer ken toe sy ’n tiener was, sy het met ’n psigiatriese siekte gesukkel, was op ’n kol aan dwelms verslaaf en het haarself gesny. Dis ’n groot klomp swaarkry vir so ’n fyn jong vrou om op haar skouers te moet dra. En daarom is baie mense opreg verlig om uit te vind dat sy darem uiteindelik ’n groot vreugde in haar lewe gevind het. Paris, wie se blou oë altyd lyk asof dit ’n diep hartseer bevat,…

AMY KLEINHANS-CURD Die beeldskone Amy Kleinhans-Curd se 25-jarige seun, Thomas Curd, volg in sy ma se voetspore – ’n mens sou kon sê in die letterlike sin. Thomas, ’n beroepsmodel wat al vir internasionale handelsmerke gewerk het, is sy ma se hart se punt. “Ons verhouding is soos ’n mooi dans van openhartigheid en eerlikheid. Tom is my prins. Hy is ’n beginselvaste jong man met integriteit en ek is so trots op hom.” Amy, wat ’n ewe nou band met haar dogters, Phillipa en Georgia het, sê sy sien so baie van haarself in haar seun. “Ons verhouding is gebou op pure liefde en respek. Ek is mal oor sy drang na onafhanklikheid. Ons lag, debatteer en het ’n passie vir oefening en die buitelewe.” Benewens sy modelwerk is…

AANHANGERS van die reeks The Bear ken AYO EDEBIRI as die ambisieuse geen-nonsens-souschef Sydney Adamu wat JEREMY ALLEN WHITE se karakter, Carmy, heeltyd op sy tone hou. In die werklike lewe het Ayo (29) ook murg in haar pype en druk sy haar stempel af op die vermaakbedryf. Benewens ’n talentvolle aktrise is sy ook ’n goeie skrywer, komediant en stemkunstenaar. Hier is van die dinge, van haar skerp humorsin tot haar beste mode-oomblikke, wat mense versot maak op haar. BESKERMEND OOR JEREMY Hoewel die res van die wêreld in vervoering was oor Jeremy se Calvin Klein-veldtog, het Ayo verkies om eerder nie daarna te kyk nie. Sy’s bly vir hom, het sy by die Golden Globes gesê oor Jeremy wat in sy onderklere afgeneem is. “I just, I’m happy…

Die anderdag was ons redakteur in Knysna. “Op Knysna,” sê die hoofsub. “Knysna is ’n dorp.” “Niemand sê ‘op Knysna’ nie,” sê die redakteur. Ons redakteur is gewoonlik ’n vredeliewende mens; daarom gaan die hoofsub voort: “Ons sê in ’n stad, maar op ’n dorp. Hoekom is julle so stil?” Dis waar. Dis ’n fossiel uit Nederlands, die dialek van Zeeland om spesifiek te wees. Zeeland is die nederste provinsie van Nederland, opgebou uit die water uit. En daar kan jy dit met jou oë sien: Die dorpe staan bokant die velde uit, opgebou sodat die see dit nie terugvat nie. Die enigste “op” in Zeeland is dorpe. Stede? Hulle het mure rondom. In ’n stad beteken jy’s binnekant sy mure. In en op het niks met die inwonertal of…

Wanneer en waar was jy op jou gelukkigste? Toe ek vir ons ons eerste TV kon koop nadat ek in die 1990’s begin werk het, en toe ek in 2023 die eerste Silwerskermprys vir beste aanbieder van ’n gespreksprogram gewen het. Wat sou jy anders doen as jy jou lewe kon oorhê? Beter met geld werk. Wat bewonder jy die meeste in ander mense? Beleefdheid. Wie sou jy die graagste vir ete wou nooi en wat sou jy maak? Die ontslape Amerikaanse skrywer James Baldwin, die Deense skrywer Peter Høeg en die Khoisan- ikoon Autshumato. Ystervark en skaapkop. Wat kan jy nie verduur nie? Onbeskoftheid. Wat is jou diepste put van ellende? Om mense arm te sien. Wie is of was die liefde van jou lewe? My oorlede ma, Sounie.…

DALK is dit sy geld, dalk sy waardige titel, of dalk die glansgedagte dat hy die kleinboet van niemand minder nie as prinses Diana is. Om die een of ander rede het Charles Spencer blykbaar geen vervelige oomblik as dit by sy liefdeslewe kom nie. Drie huwelike, verskeie vuurwarm verhoudings, sewe kinders, en dis nog nie die einde nie. Die egskeidingskontrak vir sy mislukte derde huwelik is nog nie eens geteken nie, en graaf Spencer bevind homself weer in die middel van ’n smerige drama met die vroue in sy lewe. Op 60 sou ’n mens verwag ’n man moet dalk al na ’n rustiger lewe begin streef, veral as jy soos Charles in jou eie herehuis – die magiese Althorp, waar hy en Diana grootgeword het en wat hy…

SJOKOLADE-SAADSTAFIES LEWER 8-10 STAFIES / BEREIDING: 10 MIN. / BAK: 40 MIN. ◗ 50 g heel amandels ◗125 ml (½ k) hawermout of klapper ◗125 ml (½ k) pampoenpitte en sonneblomsade ◗45 ml (3 e) chiasaad ◗’n knippie seesout ◗45 ml (3 e) heuning ◗30 ml (2 e) klapperolie ◗1 plak (80 g) donker-sjokolade, gesmelt ◗amandels en sade om oor te sprinkel Voorverhit die oond tot 170 °C. Voer ’n klein langwerpige bakplaat met bakpapier uit en bespuit baie goed met kossproei. 1 Meng die amandels, hawermout of klapper, sade en sout.2 Verhit die heuning en olie saam tot die olie gesmelt is. Voeg by die neutmengsel en meng goed.3 Skep in die voorbereide bakplaat en druk stewig vas. Bak 40 min.4 Haal uit die oond en laat effens afkoel…

Maar om jou sonbruin in jou eie hande te neem, kan maklik tragies eindig. Ons het wenke wat jou mooi eweredig gesonbaai sal laat lyk VOORBRANDWERK Die sleutel tot ’n soomlose sonbrand sonder strepe lê in noukeurige voorereiding SKILFER AF ’n Goeie afskilfering sal ontslae raak van jou vorige sonbruinpoging asook ander velprodukte en dooie vel wat opgebou het. Die skoonheidskenner wat verantwoordelik is vir Margot Robbie se Barbieblos, Jules Van Hep, volg ’n roetine van twee weke aan en een week af. Tussenin beveel hy aan jy doen ’n ligte afskilfering aan enige vlekke van die ou sonbrand wat nog vasklou. En sodra die bolaag af is, begin jy weer, mooi eweredig dié keer. BEVOGTIG Die model Ashley Graham reken dis haar vogroom wat verseker dat haar sonbruin langer…

STEENBOK 21 DESEMBER– 20 JANUARIE Met Mars wat jou tart en vir ’n rukkie terug is in jou liefdeshoroskoop, kan jy aanvaar dat die liefde en verhoudings uitdagend sal wees. Pleks daarvan om jou te staal, probeer ’n sagter benadering en kyk wat gebeur. Met die volmaan op die 14de kan jy baie emosie van die ander party verwag. Vat dinge soos dit kom, maar wys tog van jou gevoelens en laat jou skanse sak ter wille van die verhouding. WATERDRAER 21 JAN – 18 FEB Die lewe is dié week vir jou meer in ewewig. Dit lyk asof jy en jou maat beter oor die weg kom ten spyte van die vele uitdagings om jou. Julle albei moet insette lewer oor die huis- en gesinslewe, so mik vir ’n…

Waar kom jou liefde vir musiek vandaan? Ek weet nie. Dit het my nog altyd aangeraak en gefassineer. Daagliks bring ’n liedjie trane na my oë. Daar is defining oomblikke waar musiek my net merkwaardig getref het van toe ek klein was, voor kleuterskool selfs. Ek onthou hoe ek “Wake Me Up Before You Go-Go” van Wham! oor en oor wou luister op vier- . . . vyfjarige ouderdom. Met plate was dit moeilik om dieselfde song oor en oor te luister. Ek het ’n foto van my in doeke wat probeer bykom om die naald te skuif. Heavy retro. Heavy playlist-hogger. Deur my bestaan is musiek gekoppel aan fases van my lewe. Ek het ’n helder herinnering aan Paul Simon se “Graceland” wat my tot trane van ekstase dryf,…

GROOT BLOKRAAI WEN ’N BOEK VAN LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. № 2578 KOMPETISIEVRAAG Watter dier is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser ’n Ewige kroon deur Demi-Leigh Tebow (Lux Verbi, R320). In ’n Ewige kroon vertel die voormalige Mej. Heelal en Mej. Suid-Afrika Demi-Leigh Tebow hoe gevaarlik dit is om ons identiteit aan ons prestasies te koppel. Haar boodskap aan die leser is om te ontdek wie jy geskape is om te wees, en hoe jy jou platform kan gebruik om ’n verskil in die wêreld en in ander mense se lewens te maak. Demi-Leigh, wat deesdae saam met haar man, Tim, in…

1 Wat is die grootste stad in Suid-Afrika gemeet aan bevolking? 2 Wat versamel bye om heuning te maak? 3 Wie het Nelson Mandela as staatspresident opgevolg? 4 Wat word ’n groep sterre genoem wat ’n herkenbare patroon in die naghemel vorm? 5 Watter Duitse stad is deur ’n muur verdeel wat ’n simbool van die Koue Oorlog geword het? ANTWOORDE 1 Johannesburg. Die bevolking van die metro word op 6,3 miljoen geraam. 2 Nektar uit blomme 3 Thabo Mbeki 4 ’n Konstellasie 5 Berlyn BRONNE SCIENCE.ORG, NEWS.BERKELEY.EDU, THEGUARDIAN.COM, BRITANNICA.COM, LIVESCIENCE.COM, CNN, BBC, DOGONEWS.COM, SMITHSONIANMAG.COM, KIDSNEWS.COM.AU, HISTORY.COM, YOUTUBE…

‘EK HET BESEF WATTER SEKURITEIT ’N KLEIN GEMEENSKAP VIR ONS GESIN KAN BIED’ ‘VOOR ek 34 jaar terug Robertson toe getrek het, was ek ’n regte Joburg-meisie. Grootgeword in ’n Engelse huis waar albei ouers gewerk het. Maar toe raak ek verlief op Johan Potgieter, skrywer en joernalis. Hy was van die Noord-Kaap en het ’n liefde gehad vir klein dorpies. Robertson was een van hulle. Voor hy my ontmoet het, het hy al klaar deur Robertson gereis en verlief geraak op die plek. Soveel dat hy ’n huis daar gekoop het om naweke heen te ontsnap. Dit was toe die plek wat ek my tuiste ook moes noem toe ons in 1991 getrou en eindelik soontoe getrek het. Ek was nog swanger met my seun Sebastian, en ek het…

HELDER oordag op straat in Amerika se besigste stad het hy ’n wapen uitgepluk en ’n ander man geskiet. In die rug. Dood. Die slagoffer was ’n gesinsman, die pa van twee kinders wat daarna Kersfees sonder hulle pa moes deurbring. So gestel, sal enigiemand saamstem die misdaad was ’n gruwel. Moord is moord. Nou hoe dan nou dat daar so baie Amerikaners is wat na dese oor die vermeende skieter swymel? Op die internet noem mense hom ’n “hot assassin” en kwyl oor sy sespak en aantreklike gelaat. Maar dis nie net sy voorkoms wat maak dat Luigi Mangione ’n bisarre soort status gekry het nie. Daar’s mense wat meen hy het ’n ryk skelm platgetrek uit woede oor die frustrasie van sy sukkelende landgenote, en dat hy daarom…

SY WAS ’n baanbreker en ’n tydlose skoonheid. Op die langpad was jou kar se kassetspeler oopketel wanneer sy haar groot treffer sing: Ooh, baby, do you know what that’s worth? Ooh, heaven is a place on earth . . . Maar weg van die kollig het Belinda Carlisle lank na haar eie plekkie van geluk gesoek. Haar kinderjare was haglik en haar ontvlugting was drank en dwelms. Haar verslawing het drie dekades geduur. Belinda is op 19 Augustus 1958 in Los Angeles uit ’n gedoemde huwelik gebore. Haar pa was ’n middeljarige petroljoggie, haar ma pas klaar met skool. Hulle rusies was gewelddadig. “Eenkeer het my pa my bene getrek en my ma my arms. Dit het gevoel of ek in twee skeur,” skryf sy in haar boek Lips…

DIE Springbokke se teenstanders voel sweerlik partykeer of hulle dubbel sien. Want gaan die een breker van die veld af, kom daar net nog een in sy plek op. So asof hulle klone is. Dis ook half hoe ’n mens voel wanneer jy Rassie Erasmus se mooi tweelingdogters, Nikki en Carli, van naderby ontmoet. Dubbel die skoonheid, dubbel die borrelende energie. En ook dubbel die talent, want albei is kranige netbalspelers. Die twee, nou 20 jaar oud, het al voorheen die kalklig met hulle beroemde pa gedeel. Hulle was daar met die Bokke se Wêreldbekeroorwinnings in Japan in 2019 en in Frankryk in 2023. En natuurlik het hulle ook met die goue Webb Ellisbeker poseer. “Soentjies vir die Webbi,” het Nikki nog by een Instagram-foto geskryf. Op skool was die…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. Dit is sowaar 2025! Dit voel vir my asof die afgelope jaar hopeloos te vinnig gevlieg het. Ek het een baie goeie ervaring gehad en een baie slegte een. Oor laasgenoemde wy ek liefs nie uit nie. Op die goeie front: Ek het dit reggekry om byna 40 kg af te skud sonder enige foefies of ’n spesiale dieet. Net gesonde eetgewoontes. My lewe lank was ek oorgewig. Weens gewigs- en liggaamsmatebeperkings…

1 HOE WERK DIT? Ponzi’s maak nie geld nie. Vroeë beleggers word deur die skelms uitbetaal om als geloofwaardig te laat lyk. Wanneer latere beleggers hul geld begin vra, begin die liegstories. Soos: Los jou geld nog langer in die skema en jy sal meer uitkry. Sodra die lidmaatskap opdroog, stort als in duie en is dit koebaai met jou geld. 2 HOE VERSKIL DIT VAN ’N PIRAMIDE? Piramideskemalede weet hulle word regstreeks bevoordeel as hulle self nuwe lede werf, anders kry hulle geen beleggingsopbrengste nie. Ponzi-beleggers word nie gevra om aktief nuwe lede te werf nie, hulle glo hul wins word op ander maniere verdien. Albei skemas kom weg daarmee solank daar nuwe beleggers aansluit. 3 BELOFTES VAN HOË OPBRENGS, LAE RISIKO Ponziskemas belowe hoër opbrengste as wat jy…

SYFERSTORIES 143 km Die hoogte wat die vuurpyl bereik het waarmee studente van die Universiteit van Suidelike Kalifornie die ruimtehoogte-rekord vir amateurvuurpylontwerpers met 27 km verbeter het. Hul “Aftershock II” het 5 800 km/h gehaal nadat hulle dit uit die Nevadawoestyn gelanseer het. “Ons is net studente met huiswerk en skottelgoed, maar ons het ’n vuurpyl die ruimte ingestuur. Dit was die coolste ding,” het die projekleier Jayna Rybner gejubel. 3 000 Met soveel Rubik’s Cubes het Henil Soni (11) ’n reusemosaiek van koningin Elizabeth II geskep en so die wereldrekord vir die grootste mosaiek met die blokke verpletter. Henil, al op vyf ’n Rubik-boffin, het dit binne ’n uur by sy skool in Essex vermag. Hy’t voorheen ook mosaiekportrette van die Britse premier Rishi Sunak en die Indiese premier…

HY IS ’n besige klein mannetjie – dis moeite om hom te kry om ’n oomblik lank stil te sit. Dan trek-trek hy aan die hangertjie om sy ma se nek, dan skuifel hy ongemaklik rond in sy sitplek, loer na sy sussie en vryf nuuskierig oor haar kop. Dis nogal ’n toertjie om die hele gesin reg te kry vir ’n gesinsfoto. Maar Carien Botha (37) weet al hoe om met ’n woelwater te werk. En as die geskarrel te lank aangaan, kom die geheime wapen na vore: “Ek gaan vir Kersvader bel,” sê sy dan, en knipoog vir ons. “Nee, nee, nee,” hoor jy ’n klein stemmetjie. En skielik sit hy tjoepstil. Gelukkig weet die aktrise dat Sion, stout of nie, ’n geskenk van Kersvader sal kry. “Hy…