Indholdsfortegnelse for 27 February 2025 i Huisgenoot

1 ‘ONS HET WEER HOOP NÁ DIE SWAARKRY’ Huisgenoot het die sanger Dewald Wasserfall en sy vrou, Anel, in Nederland opgespoor, nadat hulle alles in Suid-Afrika verloor het in die pandemie Ek is so bly vir julle en hoop julle sal gelukkig wees daar. Jy is ’n great sanger en sal beslis ook daar ’n sukses van jou loopbaan maak. Jy sal vir seker gemis word hier, ek love jou musiek. CHARLOTTE My kinders is ook in Nederland. Hulle is nie kwaad of ongelukkig oor Suid-Afrika nie. Hulle is lief vir hulle land, dit gaan net oor werk. Hulle sal terugkeer as hier geleenthede is. Hulle het ook uitdagings daar, soos medies. MARISKA Dit is so hartseer om julle te verloor. Ek is bly julle kon daar regkom, al is dit…

SY EERSTE VROU, JUSTINE WILSON Getroud van 2000-2008 Justine, nou 52, en Elon het mekaar ontmoet toe hulle studente aan Queen’s University in Ontario was. Sy’s ’n skrywer, bekend vir romans soos Bloodangel. Sy het al beweer dat Elon haar in hul huwelik “beheer” het. Op hul troue het hy vir haar gesê: “Ek is die alfa in hierdie verhouding,” het sy in 2010 in ’n rubriek vir Marie Claire geskryf. Sy’t beskryf hoe sy mening altyd swaarder geweeg het as hare en hoe hy haar gereeld op haar tekortkominge gewys het. Hulle het saam ses kinders: ◼ Nevada Alexander is gebore in Mei 2002, maar op tien weke aan wiegiedood oorlede. ◼ Die tweeling Griffin en Xavier, nou bekend as Vivian (20), is daarna deur in vitro-bevrugting gebore. Griffin…

1 HOE WERK DIT? ’n Lewenspolis kan op twee maniere gesedeer word: ◗ Regstreekse sessie Die sessionaris (die instansie of persoon aan wie jy die polis sedeer) kry volle polisregte. Hy kan dit vroeg beëindig, daarteen leen, of aan iemand anders sedeer. ◗ Kollaterale sekuriteit-sedering Wanneer die polis sekuriteit vir ’n lening is. Die skuldeiser kry ’n voorkeureis op die polisopbrengs. Wanneer die versekerde sterf, kan die skuldeiser die verskuldigde bedrag uit die polisuitbetaling verhaal. 2 WAT VAN UIT BETALING AAN MY BOEDEL OF BEGUNSTIGDES? Die sessionaris word eerste uitbetaal. Die balans van die polis se sterftevoordeel word dan aan die poliseienaar se boedel of begunstigdes betaal. Versekeraars stel voor dat jy die dekkingsbedrag verhoog. So kan jy voorkom dat jou begunstigdes onderverseker word. 3 WANNEERTREE DIT IN WERKING? Sodra…

TOT drie weke, vier dae, vyf ure en elf minute gelede het ek nooit die voorreg gehad om te kan pick and choose met wie ek my eerste soen wil deel nie. Ek is 17 (amper 18) en ’n Penelope-meisie vir enigeen wat Bridgerton aanbid. Ek is nooit as “mooi” of “sexy” beskou nie. Miskien “oulik” as die lig reg val. Die grapmaker, beslis. My opsies vir my eerste soen was maar ’n kort lys: 1. Die ek-doen-jou-’n-guns-soort ouens. Ook bekend as die my-standaarde-is-eintlik-hoërmaar-my-hoë-standaarde-stel-nie-belangnie-soort ouens. 2. Die lelikes en roues: Hoekom dink almal dis al wat ek verdien? Rou en lelik – pick ’n struggle. Ek wil nie ’n ou hê wat albei is nie. 3. Die ek’s-’n-goeie-ou-nee-rêrig-ek-is. Spoiler alert: Baie min van hulle is. Dit het my bestie uitgevind…

MET die tweede seisoen van Sally Andrew se RECIPES FOR LOVE AND MURDER word mens herinner aan die flieks en reekse waar kos en geweld gekombineer word. In hierdie reeks is dit met resepte – en die slim metode om ’n resep te plaas waar die leser elke keer daardeur moet lees en sintuiglik die voltooide dis voor haar sien. Op televisie is dit ’n bietjie makliker – mens sien hoe sy die kos maak en dit help haar om rustig te raak en logies deur die moordraaisel te werk. Nie alle kos-moord-kombinasies is egter so onskuldig nie. By die openingsmusiek van DEXTER word daar in nabyskote gewys hoe hy ontbyt maak, van hoe hy die vleis opsny en botter in die pan gooi, tot waar hy deur ’n lemoen…

IN HAAR borrelgompienk rok wat sy spesiaal laat ontwerp en maak het vir haar nuwe liedjie, “Hoog tyd”, lyk die Afrikaanse sangeres CHARLIZE BERG of sy op sagte pienk wolke sweef. Die opgewekte popliedjie met sy ritmiese klanke het sy self geskryf. Van al die liedjies wat Charlize (32) al geskryf het, sê sy dié liedjie het die maklikste na haar gekom. “Ek het die skrywerskant van my meer ontdek toe ek die lied geskryf het,” sê sy. “Ek het in die kombuis gestaan terwyl ek besig was om kos te maak vir my kinders, en toe ervaar ek dat ek my foon moet uithaal en ’n opname van my gedagtes maak rondom ‘Hoog tyd’. “Dit het uit my gevloei so asof dit bestem was vir my.” Die boodskap agter…

GROOT BLOKRAAI NO 2585 KOMPETISIEVRAAG Watter rookding is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Siembamba deur Madelein Rust (H&R, R310). Desember 2022, Bloemfontein. Mindie verwag advokaat Marius se eersgeborene, erfgenaam van die Rochebrandt-fortuin. Ná ’n onsmaaklike voorval by haar ooievaarstee, waarheen háár mense nie genooi is nie, besef Mindie sy moet ’n streep trek. Van Marius en sy buie het sy genoeg gehad. Ná die geboorte gaan sy met haar kind ’n nuwe lewe op De Rust begin. Dae later bel Mindie se ma ontsteld omdat Mandelien, Mindie se tweelingsuster wat ook swanger is,…

Die Webby-pryse is die toonaangewende internasionale pryse wat uitnemendheid op die internet vereer. Hier’s drie van 2024 se beste Webby-podcasts vir kinders en familie wat ons baie geniet om na te luister. Dis beskikbaar op Spotify, Apple Music of waar ook al jy na podcasts luister. Dit kan jou dalk eendag help met ’n skooltaak of net lekker inligting gee oor interessante dinge of plekke. CULTURE KIDS Kry jou verbeelding se paspoort reg, want jy gaan op ’n reis reg oor die wêreld. Elke episode is kort, jy leer baie, en dis glad nie vervelig nie. G’n wonder dis tans die Webby’s se beste podcast vir kinders nie. Dit probeer jou ’n “multicultured mindset” leer. En aan die begin van elke episode “klim jy op die culture train” wat jou…

ALICE Smith was vyf maande swanger toe sy een aand voel iets is nie reg nie. Sy het ’n aanlyn jogaklas gedoen en vroeg gaan slaap, maar die volgende dag is sy dokter toe. Tot daardie aand het haar swangerskap seepglad verloop. Sy was 37, gesond en het ’n tweeling verwag: ’n seun en ’n dogter. ’n Ultraklank ’n paar weke vroeër het gewys alles is piekfyn. In die wagkamer van die Homertonhospitaal in Londen het Alice ’n pyn in haar lae rug begin voel. Toe die kliniese assistent haar ondersoek, het dié haar vertel sy’s in kraam. Die gemiddelde swangerskap duur 40 weke, maar Alice was net 23 weke en vier dae swanger. As die babas dit nie sou maak nie – wat die waarskynlikste uitkoms was – sou…

SY IS al’n “godin wat die aarde bewandel” genoem. ’n Weergalose fenomeen van die sang-en toneelwêreld. Maar eers het baie deure vir die ster van flieks soos The Way We Were en Yentl toegeklap. “Ek moes hoor ek’s te lelik,” het Barbra Streisand in’n seldsame onderhoud in 2023 gesê. Plateverkope van meer as 157 miljoen. Altesaam 57 goue en 51 platinumplate. ’n Trofeekas met twee Oscars, tien Grammys, vyf Golden Globes, vier Peabodies en ’n rits erepryse. Maar steeds daardie beheptheid met haar voorkoms. “Ek het gehoor ek lyk soos ’n vriendelike miervreter of ontstoke hamster. Dat ek my neus en tande moet laat regmaak.” Maar sy het plastiese snykunde verwerp. Haar suiwer talent en harde werk het geseëvier. Barbra is op 24 April 1942 in Brooklyn, New York, gebore.…

Wanneer en waar was jy op jou gelukkigste? In die natuur. Vroegoggend is my gunstelingtyd. Wat sou jy anders doen as jy jou lewe kon oorhê? Niks. Wat is die ding wat jy die meeste in mense bewonder? Deursettingsvermoë. Wie sou jy die graagste vir ete wou nooi en wat sou jy vir ete maak? My oorlede boetie. Braaivleis. Wat kan jy nie verduur nie? As mense mekaar nie met respek behandel nie. Wat is jou diepste put van ellende? Mishandeling van mense en diere. Wie is of was die liefde van jou lewe? My man, natuurlik! Wie of wat sou jy in jou volgende lewe wou wees? Steeds myself, dalk net ’n verbeterde weergawe met die lesse wat ek reeds geleer het in my argief. Wie is tans jou…

SCHNITZELS met MANGO-SALSA GENOEG VIR 4 MENSE / BEREIDING: 20 MIN. / VERKOEL: 30 MIN. / GAARMAAK: 15-20 MIN. SCHNITZELS ◗ 200 g waterbeskuitjies (Cream Crackers), grof gebreek◗ 15 ml (1 e) droë gemengde kruie◗ 10 ml (2 t) sout◗ 5 ml (1 t) witpeper◗ 5 ml (1 t) paprika◗ 5 ml (1 t) brandrissievlokkies (opsioneel)◗ 5 ml (1 t) knoffelpoeier◗ 2 eiers, geklits◗ 60 ml (¼ k) melk◗ 4 hoenderborsfilette sout en varsgemaalde peper SALSA ◗ 1 groot mango, geskil, ontpit en in klein blokkies gesny◗ ½ pynappel, geskil en in blokkies gesny◗ ½ rooi soetrissie, ontpit en in klein blokkies gesny◗ 2 stingeluie, fyngekap◗ ’n groot hand vol vars koljanderblare, grofgekap◗ ’n skeut suurlemoen- of lemmetjiesap AFRONDING ◗ olie, vir vlakbraai◗ lemmetjie-of suurlemoenwiggies 1 Schnitzels Maal die beskuitjies…

1 WATTER KLEURE OORHEERS JOU KLEREKAS? A Sterk, helder kleure B Neutrale en aardse tone C Donker, dramatiese kleure D Pastelle en wit 2 WAT IS JOU GUNSTELING-VAKANSIEBESTEMMING? A ’n Besige, energieke stad B Die rustige platteland C ’n Vakansie in die berge D ’n Oulike kusdorpie 3 WATTER PATROON LAAT JOU TWEE KEER KYK? A Geometriese vorms B Blompatrone C Geen patroon nie D Strepe 4 WATTER TIPE KUNSWERK IS JOU GUNSTELING? A Abstrakte werke B Klassieke skilderye C 3D kuns D Fotografie 5 HOE VERKIES JY OM JOU DAG TE BEGIN? A Met oefening B ’n Rustige meditasiesessie C Met ’n lekker ontbyt by die huis of elders D ’n Wandeling in die natuur 6 EEN DING WAT JY DIE GRAAGSTE IN JOU SITKAMER WIL HÊ? A ’n…

VIR baie mense is die idee van aftrede en ’n pensioen waarop jy kan leef finansieel nie haalbaar nie. Oorweeg jy dit om ’n nuwe besigheid te begin vir ’n inkomste? Die goeie nuus is jou jare se ondervinding en vaardighede kan die grondslag wees vir ’n suksesvolle onderneming. Of dit nou as ’n mentor, konsultant, tutor of entrepreneur is. Maar hoe kies jy die regte rigting? Hoe vermy jy finansiële slaggate? En hoe bly jy relevant in ’n vinnig veranderende wêreld? Hier’s kennersraad oor hoe jy met selfvertroue hierdie nuwe hoofstuk kan aanpak. HOE KIES JY DIE REGTE RIGTING? Geen towerformule bestaan om met ’n goeie en winsgewende sakeidee vorendag te kom nie, sê Koos Nel, ’n besigheidstrateeg. “Jou beste manier om die regte onderneming te kies is om…

ALL THAT I AM: A COLLECTION OF SOUTH AFRICAN POEMS & SONGS BYEENGEBRING DEUR REFILOE MOAHLOLI. ILLUSTRASIES: KATLEGO KEOKGALE Pan Macmillan, R279* Hier is ’n klein skatkis wat in elke skoolbiblioteek en elke kind se kamer hoort. Dis wat hierin is: » Versies en liedjies in die elf amptelike gesproke tale van die land. » Elkeen word vergesel van ’n Engelse vertaling. » Sewentien skrywers het deelgeneem, onder andere Jaco Jacobs, Cliffordene Norton, Sindiwe Magona en Gcina Mhlophe. » Dis byeengebring deur die geliefde kinderboekskrywer Refiloe Moahloli. » Die bekroonde illustreerder Katlego Keokgale se sketse dra by tot dié plesier van die boek. » Hulle noem die boek ’n visuele fees wat die diverse Suid-Afrikaanse kultuur laat lewe. ◗ GOUELOKKIES EN DIE DRIE BERE – OPWIPSPROKIE ◗ DIE DRIE VARKIES…

REEKS MAGPIE MURDERS Hierdie reeks van ses episodes is ’n raaisel binne ’n raaisel deurdat dit twee storielyne het: die moord op die fiktiewe skrywer Alan Conway (Conleth Hill), en die boekeredakteur Susan Ryeland (Lesley Manville) se onvermoeide soektog na die vermiste laaste hoofstuk in Alan se roman. Toe Susan die nuutste Atticus Pünd-roman deur Alan met die titel Magpie Murders begin lees, kom sy agter die laaste hoofstuk ontbreek. Haar baas, Charles Clover (Michael Maloney), vertel haar Alan is dood en wys haar ’n brief van Alan wat dui op self moord. Susan gaan na Alan se tuisdorp op soek na die hoofstuk en raak toenemend oortuig hy is eintlik vermoor. Sy begin ondersoek instel en vind uit Alan het die misdaadgenre, waaraan al sy sukses toegeskryf word, eintlik…

1 Wat noem ’n mens dit wanneer die maan tussen die son en Aarde kom? 2 Watter stad is bekend vir die antieke tempel die Parthenon? 3 Watter fliekreeks gaan oor die avonture van kaptein Jack Sparrow? 4 Oor watter gevierde Nederlandse skilder se oor is al baie geskryf? 5 Wat is die grootste en diepste oseaan ter wêreld? ANTWOORDE 1 Sonsverduistering of soneklips.  2 Athene in Griekeland. 3 Pirates of the Caribbean.  4 Vincent van Goghisná ’n argumentmet sy kunstenaarvriend Paul Gaguin’n deel van sy oor kwyt. 5 Die Stille Oseaan. BRONNE ESA.INT, KRIEGER.JHU.EDU, PNAS.ORG, BBC, NPR.ORG, THEGUARDIAN.COM, BRITANNICA.COM, LIVESCIENCE.COM, CNN, DOGONEWS.COM, SMITHSONIANMAG.COM, HISTORY.COM, YOUTUBE…

EEKHORINGS is klein diertjies wat lyk soos ’n kruis tussen ’n hasie en ’n muis met klein spitsgesiggies en bossiesterte. Jy sal eekhorings dikwels sien rondhardloop in parke, tuine en woude waar hulle van boomtakke af spring of neute vir die winter begrawe. Ons almal kan saamstem dat eekhorings oulik is, maar is hulle soms meer moeilikheid as wat hulle nuttig is? Kom ons vind uit! → WAT IS EEKHORINGS? Eekhorings is omnivore en knaagdiere, wat beteken dat hulle plante en insekte eet. Hulle behoort aan dieselfde dierfamilie as rotte, muise, hamsters en ystervarke. Daar is meer as 200 spesies eekhorings, en hulle word byna oral aangetref, behalwe in Australië, Nieu-Seeland en Antarktika. Eekhorings is bekend daarvoor dat hulle ongelooflike klimmers is, maar hulle skarrel ook baie op die grond…

NET ’n paar maande gelede het sy in die bed gelê en vir haar man gesê sy kan voel hoe sy elke dag ’n bietjie meer doodgaan. Sy’t drie maande van chemoterapie en 28 dae van bestraling gehad – en die behandeling het nie gewerk nie. Kolorektale kanker het na haar uterus, bekken, ruggraat en lewer versprei, en dokters het vir haar gesê sy moet haar sake agtermekaarkry. “Ek was in pyn, ek was gedehidreer, ek het geen eetlus gehad nie. Ek het diarree gehad, chemo-sere oral oor my lippe, mond en neus, my vel was gebars en het afgedop, en ek het selfs my vingerafdrukke verloor. Ek het ernstige brandwonde van die bestraling gehad en ek het 15 kg binne ’n maand verloor,” sê Ina Requilet. Kyk jy nou…

IN ’N wêreld waar rompies al hoe korter word en halse al hoe laer, was dit dalk net ’n kwessie van tyd tot iemand so te sê poedelnakend op die rooi tapyt sou opdaag. En in ’n restaurant. En op straat. Dis van die plekke waar die 30-jarige Bianca Censori nou al in haar naakte glorie gesien is. En hoewel sy sou sê tegnies paradeer sy darem nie káál nie – sy dra wel klere – is dié “klere” in baie gevalle geheel en al deurskynend sodat niks, maar niks, aan die verbeelding oorgelaat word nie. Wie, vra mense, is dié vrou wie se lewe al byna soos pornografie lyk, dikwels met haar man, die rapper Kanye West, volledig geklee aan haar sy? So was daar byvoorbeeld die keer ’n…

Let op wat jou vriende gemaklik voor jou sê oor jou ander vriende. “Sarel is wonderlik en als, maar sy galgehumor sal ’n geraamte laat bloos.” My vriend, dit beteken jy is ’n sprankie hoop in ’n donker wêreld. “Hel, daai Koos loop soos ’n dronk pikkewyn.” Hoera, dit beteken jy loop nie soos ’n dronk pikkewyn nie! “Bernina lag soos ’n stoomtrein.” Verligting! Jy wat daardie opmerking hoor, lag nie soos ’n spoorwegstasie nie. “Ou Ben-Gert ruik altyd soos ’n nat dadelfabriek.” Jou vriende voel gemaklik om dit voor jou te sê, want jy, daarenteen, ruik soos ’n appelplaas. Dinge lyk blink vir jou. Maar hou jou ore oop. Hoor jy iemand sê: “Shanté is die skerpste mens wat ek ken”? Is jy Shanté? Wel, ek het slegte nuus.…

SELFS hier in die koelte van Gerda-Marié de Beer se lapa is die Roodepoortse voormiddag drukkend warm en bedompig. Maar daaraan skeel die groepie familie en vriende hulle min, want hulle vang alte lekker op met mekaar se dinge. Kort-kort draai die gesprek terug na die 59-jarige Annetjie de Wit. Want al is sy vir nou uit die oog, is sy die rede waarom die 30-stuks genooides hier in die agtertuin bymekaar is. Om van die televisiespan nie eens te praat nie. Want dié lapa is vandag die eindbestemming van Annetjie se ses maande lange reis terug na ’n lewe waar sy dit weer in die openbare oog sal wil waag. En die opgewondenheid is tasbaar. Hoe gaan die “nuwe Annetjie” lyk, wonder hulle. Is die Annetjie met die gesig…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. Februarie is die maand van liefde. Tog sê mense dikwels dat ware liefde en die manier van verlief raak voor die internet en maatsoek-apps uitgesterf het. Dié week deel lesers hul stories oor hoe hulle mekaar ontmoet het en of hul liefdesbootjie steeds koersvas vaar. HETTA Ons was ’n groep vriende wat elke week saam gekuier en gedans het. Niemand was romanties met mekaar verbind nie. Een van die meisies bring toe…

DINK VOORUIT As jy beplan, floreer jy, sê die finansiële beplanner Kim Potgieter. Sit tyd opsy vir dinkskrums. Moenie met net een moontlike sake-idee vorendag kom nie – dink ’n dosyn of meer uit en kies dan die een wat vir jou reg is. WEES REALISTIES Jy moet baie faktore oorweeg voor jy besluit om met ’n nuwe onderneming te begin: hoeveel tyd jy daaraan wil bestee, hoe en waar die werk gedoen moet word, hoe groot die uitdaging en die verantwoordelikhede is waarvoor jy kans sien en die kompleksiteit van jou mark, om ’n paar te noem. Wees realisties oor die opsies wat jy het en waartoe jy jou kan verbind. KRY HULP Moenie oorweldig voel deur die dinge wat jy nie weet nie, sê die lewensafrigter Lynda Smith.…

VISSE 19 FEBRUARIE – 20 MAART Of jy daarvan hou of nie, jy’s in die kollig wanneer ’n nuwemaan op die 2de in jou sterreteken opkom. Dis ’n bedrywige dag, want die liefdesdiva beweeg agteruit en die moedswillige Mercurius span met jou planeet, Neptunus, saam. Jy sukkel dalk om kop bo water te hou. Doen jou bes al voel jy jy wil van alles weghol. Probeer om nie voor gelddruk te swig nie, want dit sal tot swak besluitneming lei. RAM 21 MRT – 19 APR Net toe jy gedink het die lewe is weer dooddollies, kom krap nog ’n agterstevoor planeet dinge deurmekaar. Die liefdesdiva, Venus, begin nou in jou teken agteruit beweeg. Dit beteken liefdesake kan vir die volgende ruk moeiliker as gewoonlik wees, en daar’s waarskynlik nie…

RECIPES FOR LOVE AND MURDER Vertel ons hoe jy verfilming op die dorp Prins Albert in die Karoo ervaar het. Prins Albert is ’n pragtige dorp. Dit was lekker om vir seisoen 2 daarheen terug te keer. Die mense is vriendelik en die landskap skouspelagtig. Ek het baie gestap, elke straatjie en ook die omliggende paaie verken. Ek het al die restaurante se kos geproe, en ons het TONY KGOROGE, wat speurder Khaya Meyer speel, se verjaardag by die Bush Pub gevier! Die hoender speel ’n groot rol in Tannie Maria se lewe. Wat beteken hy werklik vir haar? Het jy troetel-diere by die huis? Morag die hoender was Tannie Maria se beste vriend en vertroueling voor sy met Hattie (Jennifer Steyn) en Jessie (KYLIE FISHER) bevriend geraak het.…

GLASS ONION: A KNIVES OUT MYSTERY 2022 FLIEK OP NETFLIX ’n Sterbelaaide opvolg op Knives Out met die speurder Benoit Blanc (DANIEL CRAIG). ’n Miljardêr nooi sy vriende na sy privaat Griekse eiland. Toe iemand vermoor word, moet Benoit die saak oplos. THE SINNER 2017-2021 REEKS OP NETFLIX Speurder Ambrose, gespeel deur BILL PULLMAN, maak gebruik van ongewone taktiek en ’n diep vermoë tot empatie om sy sake op te los. Sy toewyding en ongewone band met misdadigers word gedryf deur sy donker verlede. A SIMPLE FAVOR 2018 FLIEK OP AMAZON PRIME Stephanie is ’n enkelma wat bevriend raak met Emily (BLAKE LIVELY), ’n geheimsinnige vrou wat ’n kind by dieselfde laerskool het. Toe Emily vermis raak, neem Stephanie dit op haar om ondersoek in te stel. THE GIRL FROM…

1 000 X MOOI Wat het die duisendpootmannetjie vir die wyfie gesê? “Jy’t ’n mooi paar bene, jy’t ’n mooi paar bene, jy’t ’n mooi paar bene . . .” San Marchand FEESTYDBABELAS Ek sal vir ’n paar dae nie op Facebook kan wees nie. Die bure het weer nie hulle Wi-Fi-rekening betaal nie, dis nou elke Januarie se ding! Wollie, Pretoria VERMORSTE WERKTYD ’n Hacker het by my bankrekening ingekom en vir my ’n nota gelos: “Spaar asseblief meer geld, dit was ’n totale mors van my tyd.” Denise, Pretoria GOU GEFIEKS My sielkundige het my baie gehelp. Eers was ek bang om die telefoon te antwoord wanneer dit lui. Nou antwoord ek die telefoon of dit lui of nie. Johan H, Gonubie MOOI GEDEK “Gaan jy jou vrou…

SYFERSTORIES $15 miljoen Soveel (R276 miljoen) is ’n kunswerk werd wat ’n versamelaar vir $50 op ’n garageverkoping in Minnesota gekoop het. Hy’t die olieverfskildery van ’n visserman aan die kunsnavorsingsfirma LMI verkoop. LMI het nou ná ontleding van doekvesels, verfpigment en die handtekening asook genetiese toetse bepaal die skildery, getiteld Elimar, is geskilder deur ene Vincent van Gogh. 5 000 Soveel buitebande word vir die bou van ’n kindersentrum in Kaapstad gebruik. “Goal50” is ’n spanprojek van die organisasies GCU en Uthando (“liefde”) wat geld ingesamel het, en die Natural Building Collective, wat kenners is van volhoubare bouwerk. Omtrent alles in die gebou is herwinde materiaal, insluitend hul “ekobakstene” – plastiekbottels vol saamgeperste plastiek – en “ekosement” – ’n mengsel van sand, strooi en klei. 12 800 jaar Só…

IN OUPA SE JAART Gee hom enige ruimte en hy maak dit ’n dansvloer. G’n wonder die jong, professionele danser is vanjaar benoem vir kykNET se Fiësta-prys vir beste opkomende kunstenaar nie. Die 24-jarige danser van Malmesbury se liefde vir dans het al op agt begin. “Ek het gesien hoe my broer en neefs bymekaargekom het voor in my oupa se jaart en net begin dans en nuwe dansmoves uitvind. Later het ek deel van die span geword,” sê hy. Dit was ook sy eerste dansklasse. Op skool het hy die basiese vaardighede van dans geleer en in 2021 sy eerste dansprogram bygewoon. GEEN MORS VAN TALENTE In sy jong dae was die passie vir dans altyd daar. “Maar nooit het ek geweet ek gaan verlief raak op dans nie,…

HAAR storie is een van swaarkry – en van ’n tweede kans danksy haar ma se liefde. Lizelle du Plessis was nog nie eens ’n tiener nie toe hoor sy sy het diabetes. Haar een been en ’n groottoon van die ander voet is geamputeer nadat ernstige komplikasies ingetree het. Toe kom nog ’n slag – Lizelle kry nierversaking, en die dokters sê sy het ’n oorplanting nodig. Maar toe is die skenker wat haar lewe sou red nie ver nie. Sy was immers nog altyd daar, die een wat Lizelle die liefste het. Haar eie ma. Anne-Marie Smith se nier is onlangs in haar dogter oorgeplant. Sy het die dogter aan wie sy die lewe geskenk het wéér lewe gegee – dié keer met ’n tweede kans. Lizelle is…

VER(TROU)E DIS DRAMA EN VERRAAD, LIEFDE EN OORLEWING IN DIÉ BLITSIE. WATTER EEN GAAN WEN? JY KAN IN VYF MINUTE UITVIND ’NSKOOT weergalm deur die ateljee. Voor jy jou oë kan uitvee, sak die bruidegom op die grond neer. “Oukei, ons het die skoot,” sê Jarrid Geduld, die regisseur. Jarrid en die span skiet vandag aan een van Netwerk24 se blitssepies, Ver(trou)e. Dié sepie gaan oor Marise (Lara Hattingh), ’n jong vrou wie se droomtroudag in ’n nagmerrie verander toe haar familie se donkerste geheime uitborrel. Marise se vervreemde pa, Kemp (Morné Visser), is ’n misdadiger en ontwrig haar lewe toe hy ’n skokkende geheim oor haar identiteit onthul. Op haar troudag moet sy kies tussen haar aanstaande, Marius (Dijan Botha), en haar pa se dreigemente – maar ’n eenvoudige…

PRINS Harry het weer van oor tot oor gestraal toe sy jaarlikse sporttoernooi vir beseerde militêre personeel en veterane onlangs gehou is. Meer as 500 deelnemers uit 23 lande het deelgeneem aan die Invictus-spele wat vanjaar in Vancouver en Whistler in Kanada aangebied is. Die spele was besonder spesiaal vir die hertog en hertogin van Sussex. Harry en Meghan het destyds hulle eerste openbare verskyning as ’n paartjie by die toernooi in 2017 in Toronto gemaak. “Dis wonderlik om my vrou hier te hê om my te ondersteun. Ek hou daarvan dat sy aan my sy is,” het Harry (40) gesê. “Dis so ’n belangrike deel van hierdie hele avontuur.” Meghan (43) het die toernooi net vir ’n paar dae bygewoon, maar die twee het die meeste van hulle tyd…