Indholdsfortegnelse for 27 March 2025 i Huisgenoot

1 ‘SY’T ALMAL SE LIGGIE HELDERDER LAAT SKYN’ Geliefdes het hulde gebring aan die aktrise Crystal-Donna Roberts ná haar dood weens borskanker. Sy word oorleef deur haar man en hul seuntjie Rus in vrede, Crystal-Donna. Jou spel in Arendsvlei was puik en jou glimlag aansteeklik. Mag jy daar bo in die hemel ook almal laat glimlag. Sterkte aan al die familie en vriende. Mag God julle vertroos. ELAINE Watter uitstekende en geliefde aktrise was sy nie. Mag haar siel nou in ewige vrede rus. Sterkte aan al haar familie, vriende en ook kollegas van Arendsvlei. Jy sal vir seker altyd onthou en gemis word, Crystal-Donna. JENNIFER Mag jy in vrede rus, Crystal-Donna Ro berts. Jy was my gunstelingaktrise, en ek het altyd gesê ek sou jou graag eenkeer wou ontmoet voor ek…

AS ’N mens iemand soek om jou geliefdes se aardse oorskot te hanteer, wil jy hê dit moet iemand betroubaar en deernisvol wees. Iemand soos Petrus Booysen, het Freda Fortune gedink. Freda is ’n bloemis van Brackenfell. Sedert 2022 loer Petrus Booysen, ’n begrafnisondernemer, gereeld by haar winkel in. Hy het nog altyd ’n goeie indruk op haar gemaak en gelyk soos iemand wat sy werk respekvol en deeglik doen. “Ek het van sy werketiek gehou,” sê sy. “Ek doen al 22 jaar lank hierdie werk en het al met baie begrafnisondernemers te doen gehad. Daar was iets spesiaals aan sy werk.” En dus, toe haar geliefde ma, Rachel Trussell, in Augustus verlede jaar in die ouderdom van 94 dood is, het Freda geglo Petrus se St Francis Funeral Services…

VAl my kinders is laat in hul 30’s getroud. Ek gaan uiteindelik ouma word. Hulle woon ’n halwe dag se ry van my af, boeties en sussies kuier oor en weer, maar kom min na my toe. Ek voel ek mis uit en met die baba gaan ek nog meer misloop. Verkoop en verhuis is al opsie. Hoe maak ek myself los van 50 jaar se herinneringe? A Herinneringe sal nooit weggaan nie. Jou 70’s is nie ver nie, die afstand kan dalk eendag te vermoeiend word om te ry. Praat met jou kinders, sê hoe jy voel. Ek is seker hulle sal inspring en die skuif vir jou so moeiteloos moontlik maak. Jy kan dan steeds ’n onafhanklike lewe hê, maar met almal binne bereik vir lekker kuiers en…

MEVROU SMIT SE REËLS VIR GOEIE GEDRAG DEUR ELIZABETH WASSERMAN Penguin, R330 Almal het deesdae borge, selfs mediese dokters wat praatjies lewer op YouTube-kanale, sê ek vir die skrywer Elizabeth Wasserman. Dink sy nie Birkenstock behoort haar te borg nie? Die rede vir dié ietwat vreemde vraag is dat mevrou Smit, die heldin van haar derde misdaadroman, nie sommer sonder dié gemaklike skoeisel in die openbaar gesien word nie. “Vir seker,” antwoord Elizabeth. “Vir wie kan ek my sandaalgrootte stuur?” Sy was pas uit Nieu-Seeland hier om Mevrou Smit se reëls vir goeie gedrag by die Stilbaaiboekefees te kom bekendstel voor sy die humoristiese krimi op ’n landwye toer geneem het. “Die aantal mense het my verras – soveel geesdriftige lesers en soveel ondersteuning! Ek het sommer nuwe moed geskep.…

WATSE WATERKRISIS? Vergeet van die Vaaldam. Ons het sulke goeie reën in Gauteng gehad die afgelope tyd, al ons slaggate is gemiddeld 80% vol. Wollie, Pretoria NUTSWENKE Hier is nou vir jou goeie raad. Die beste manier om van ’n geraas in jou motor ontslae te raak is om haar toe te laat om te bestuur. Johan H, Gonubie DOEN DIT SELF Willem is vrek suinig. Toe hy tandpyn begin kry, byt hy dus eers vas, maar later kan hy nie meer die pyn verduur nie. “Dok, hoeveel gaan jy my vra om die tand te trek?” wil hy weet toe hy oplaas in die tandarts se stoel sit. “Dit gaan R3 500 kos.” Willem frons vir ’n oomblik voor hy sê: “Ek het R300 in my beursie, kan Dok…

SY MAAK jou knieë lam, maar jy kon heelaand nie die moed bymekaarskraap om haar vir ’n dans te vra nie. Maar Pa se spertyd is op hande en dis nou of nooit. Jy gaan fluister vir jou tjomma wat die seven singles speel, en toe die eerste noot weerklink, staan jy reeds by haar stoel. En dan voer daai dralende rasperstem julle mee: Oh, let it be known you’re my heart, you’re my home, you’re the world that I wanna discover. In die jaar 1977 het Bonnie Tyler se eerste groot treffer, “More Than a Lover”, tienerhormone wêreldwyd deur die dak gejaag. Maar vir die Wallieser met die enorme blonde haredos sou sukses eers ná twee naamsveranderinge en ’n operasie kom. Sy is op 8 Junie 1951 as Gaynor…

Akteur Wanneer en waar was jy op jou gelukkigste? Saam met my vrou en my kinders op die plaas. Wat sou jy anders doen as jy jou lewe kon oorhê? Ek sou op ’n vroeër stadium slimmer met my geld wou werk. Wat is die ding wat jy die meeste in mense bewonder? Mense wat rustig kan wees en nie vinnig opgewerk raak nie. Wie sou jy die graagste vir ete wou nooi, en wat sou jy vir ete maak? Tom Brady en Michael Jordan. Ek sou vir hulle ’n braaibroodjie maak. Wat kan jy nie verduur nie? Mense wat tydsaam is en laat is. Dit jaag my bloeddruk baie op.  Wie is of was die liefde van jou lewe? Die aktrise Christel van den Bergh is die liefde van…

SAKPAS VISPASTEI GENOEG VIR 4 MENSE /BEREIDING: 15 MIN. /GAARMAAK: 35-40 MIN. ’n Vullende vispastei uit blikkies – ons gebruik ’n kombinasie van tuna en sardyne, maar jy kan kies om net een of die ander te gebruik. VULSEL ◗ 30 ml (2 e) olie◗ 1 ui, in skyfies gesny◗ 2-4 knoffelhuisies, gekap, of 5 ml (1 t) gekapte knoffel◗ 2 wortels, in blokkies gesny◗ 5 ml (1 t) droë gemengde kruie of droë tiemie◗ 250 ml (1 k) hoender- of groenteaftreksel◗ 30 ml (2 e) botter◗ 30 ml (2 e) meel◗ 125 ml (½ k) melk◗ 400 g sardyne in tamatiesous, gedreineer◗ 1 x 170 g-blikkie tuna, gedreineer◗ 2 groot aartappels, geskil, in blokkies gesny en gekook tot gaar◗ 2 patats, geskil, in blokkies gesny en gekook tot gaar◗…

KRY DIT HIER CHECKERS.CO.ZA 0800-010-709; CHOMMIES.COM, HELLO@CHOMMIES.COM; CRAZYSTORE.CO.ZA 0861-111-281; MRPHOME.COM 064-584-1000 (WHATSAPP); NIFTYGIFTS.CO.ZA, HELP@NIFTYGIFTS.CO.ZA; PETHEAVEN.CO.ZA 087-095-7468; PETSVILLE.CO.ZA 079-881-8110; SUPERBALIST.COM 087-362-7300; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWELONSALLESINONSVERMOË DOENOMKORREKTE PRYSETEVERSKAF, KANFOUTEVOORKOMWAARVOOR HUISGENOOT ENDIEVERSKAFFERSNIEVERANTWOORDELIK GEHOUKANWORDNIE.…

ONS hoor al lank jy is wat jy eet, maar eers onlangs het navorsing gewys hoe belangrik dermgesondheid vir ons algehele welstand is – van geestelike helderheid en jou bui tot jou energievlakke en gehalte van slaap. Tog verstaan baie mense nie die impak van spysvertering op hul gesondheid nie. Slegs een uit vyf weet wat die mikrobioom is, en omtrent die helfte weet nie wat die rol van prebiotika en probiotika is nie. Selfs sonder die wetenskap weet ons dat emosies ons maag beïnvloed. Dink maar aan die uitdrukking: “My maag is skoon op ’n knop getrek.” Ons brein kan duidelik seine na ons maag stuur, dus maak dit seker sin dat ons maag ook seine na ons brein kan stuur. HOE BELANGRIK IS DERMGESONDHEID? Die derm-mikrobioom verwys na…

RAM 21 MAART – 19 APRIL Misverstande tussen geliefdes, vriende en mense is steeds prominent, so probeer om nie energie te mors deur daarteen te veg nie. Met die nuwemaan op die 29ste, gevolg deur ’n buiteplaneet, Neptunus, wat uit die Visse uit in jou teken inbeweeg, kan jy verwag dat daar nog ’n hele ruk aan jou geskaaf gaan word. BUL 20 APR – 20 MEI Jou heersende planeet, Venus, is op sy terugwaartse reis, wat jou nog ’n kans gee om daardie vriend te vergewe wat jou dalk ’n onreg aangedoen het. Maar as jy voel dat jy die vriend al te veel kanse gegee het en dit tyd is om die vriendskap te ontbind, doen dit rustig, moenie ’n ophef maak nie en laat die tyd net…

KATE SE NUWE LOOPBAAN Sy is reeds bekend as Hollywoodaktrise en het al ’n verskeidenheid glansrolle vertolk. Tog het KATE HUDSON diep in haar binneste ’n ander passie – een wat sy vir lank weggesteek het: ’n liefde vir musiek en sang. Vrees en selftwyfel het haar daarvan weerhou om aan hierdie groot liefde van haar uiting te gee, al was een van haar bekendste rolle, Penny Lane in Almost Famous waarvoor sy vir ’n Oscar benoem is, eintlik baie naby aan die werklikheid. Maar toe breek covid uit, en tydens die inperking het sy besluit dis nou of nooit. “Ek het besef ek het ’n vrees gehad vir die verhoog,” sê Kate. “En toe dink ek: Weet jy, dis tyd dat jy ja sê vir dinge wat jou bang…

GROOT BLOKRAAI NO 2589 KOMPETISIEVRAAG Watter voël is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Keur 10 deur Helene de Kock (H&R, R290). Twee lekker liefdesverhale word hier in een boek aangebied. Plek van die bittermaan is die verhaal van ’n ongetroude enkelma wat stad toe vlug met haar seuntjie in die hoop om “anoniem” te wees. Maar vir die beeldskoneTessa Verwey is dit nie so maklik nie. Dis nie net moontlik om haar van die res van die wêreld af te sny nie, want in die losieshuis waar hulle tuisgaan, word sy voor hartverskeurende…

Dis bekend dat plante hulself op verskeie maniere teen bedreigings soos droogte of insekte beskerm. Sommige gee skerp reuke af, ander verander van kleur of vorm. Maar het jy geweet plante “praat” ook op hul eie manier? Volgens ’n studie maak hulle klanke wat ons nie kan hoor nie, omdat dit op ultrasoniese frekwensies plaasvind. Lilach Hadany, ’n professor in molekulêre biologie en plantekologie, en haar span het tamatie- en tabakplante vir hul navorsing gebruik. Hulle het sommige plante aan stres onderwerp deur hulle vir ’n paar dae nie water te gee nie of hul stingels te sny. Met spesiale mikrofone het die navorsers die klanke opgeneem en toe met ’n spesiale algoritme ontleed. Dit het geblyk dat ongestresde plante min of geen geluide maak nie. Daarteenoor het gestresde…

Op hierdie dag het dr. Jonas Salk, ’n Amerikaanse mediese navorser, aangekondig dat hy suksesvolle toetse met ’n entstof teen poliomiëlitis uitgevoer het. Polio is ’n hoogs aansteeklike siekte wat meestal jong kinders aantas. Dit val die senustelsel aan en kan tot verlamming en soms die dood lei. Dit bestaan al duisende jare wêreldwyd, maar is eers in 1840 formeel as ’n siektetoestand beskryf. Sedert die laat 1800’s het polio weens gereelde epidemies een van die mees gevreesde siektes ter wêreld geword. In dr. Salk se tuisland alleen is 58 000 polio-gevalle en 3 000 polio-sterftes in 1952 aangemeld. Teen die middel 1900’s is die poliovirus wêreldwyd aangetref en het dit jaarliks meer as ’n halfmiljoen mense verlam of laat sterf. Vir baie pasiënte wat dit oorleef het, het dit…

VANUIT die ruimte gesien, beweeg die Aarde se vastelande en massas blou water asof hulle op ’n mallemeule is wat nooit stop nie. Wanneer die Aarde draai, en die Stille Oseaan kom verby, is dit so groot dat dit lyk asof die hele aarde net uit oseaan bestaan omdat jy geen vasteland sien nie. Dis so groot dat al die vastelande van die wêreld saam daar sal kan inpas met ruimte vir nóg. Dit bedek meer as 160 miljoen vierkante kilometer en is die tuiste van wonderlike seelewe, eilande propvol verskillende kleurryke kulture, en talle diepseegeheime. Kom ons leer meer oor die groot Stille Oseaan. HOE GROOT IS GROOT? Die Stille Oseaan is verreweg die grootste oseaan. As jy met ’n vliegtuig oor die Stille Oseaan vlieg, sal dit jou meer…

VIR die ongereelde besoeker kan dit voel asof die plaas Naauwpoort tussen êrens en nêrens weggesteek lê. Eintlik is dit darem nie té oneindig ver buite Barkly-Oos nie. Maar ná 40 km oor berge en deur dale kom sit die grondpad in jou bene. Jy’s verlig wanneer jy oplaas buite Amy en Roché Cronjé se opstal stilhou en strammerig uitklim. “Het jy ook bo-oor ’n pofadder gery op pad na ons toe? Hulle lê en bak so in die son op die grondpad,” sêvra Amy (34) met ’n lag so helder soos die Oos-Kaapse bergwater. En jy weet dis nie die gedagte aan jou reisontberinge wat haar so gelukkig maak nie. Want op haar heup sit ’n blonde seuntjie. Klein Jack, haar wonderbaba van agt maande oud. Met ’n troppie…

VANUIT ’n venster op die vyfde verdieping dartel ’n stukkie papier stadig grond toe, liggies soos ’n veertjie op ’n bries. Daarop staan twee woorde: “HELP! Wendy!” Elke paar dae, so sal mense in die omgewing jou vertel, dwarrel so ’n briefie vanuit een van die vensters van die sorgsentrum. Dis ’n hulpkreet van iemand wat toegesluit is. Die Wendy wat die briefies skryf, is Wendy Williams, tot onlangs toe een van Amerika se beroemdste kletskoninginne, ’n vrou wat voor ateljeegehore met supersterre gesels het en eens in die reeks Real Housewives of Atlanta verskyn het. ’n Paar jaar terug het die wêreld regop gesit wanneer Wendy praat. Nie omdat sy die liefling van televisie was nie, maar omdat mense dikwels nie kon glo watter wilde dinge uit haar…

MIA LE ROUX Haar identiteit bo alles, as dowe vrou maar ook net as Mia, was vir haar die belangrikste, sê Mia, die huidige kroondraer. “Die dag wat jy by die kompetisie instap, wys wie jy is deur net jou teenwoordigheid. En kry ’n boekie. Skryf neer wanneer jy oomblikke van inspirasie kry.” Sy is trots op die verandering wat sy bring. “Vir die eerste keer sien ek kritiese gesprekke oor wat dit beteken om inklusief te wees.” TAMARYN GREEN Tamaryn, Mej. SA in 2018, se raad was eenvoudig: Ken jou storie, oefen hoe jy loop en werk daaraan om voor ’n gehoor te praat. Syself het voor haar deelname vir ’n kursus gegaan om voor mense te leer praat. “As jy op die verhoog stap, is daar nie plek…

IN DIE wispelturige wêreld van Hollywood los vriende jou soms – veral wanneer hulle hoër op teen die loopbaanleer begin opklim. Maar dis nie wat EMMA STONE doen nie, selfs met twee Oscars agter die blad. Die 36-jarige ster is bekend daarvoor dat sy haar vriende behou en hulle al die pad ondersteun. Toe JESSE EISEN-BERG (41) onlangs ’n prys vir sy rolprent A Real Pain by die Independent Spirit Awards ontvang het, het hy Emma daarvoor bedank en haar geprys dat sy hom altyd ondersteun en aangemoedig het om die fliek te maak. “Ek’t Emma ontmoet toe ons in 2009 in Zombieland saam was, en sedertdien skryf ek tydskrifartikeltjies en dingetjies op McSweeney’s, en sy’s die enigste mens – ek sluit my ma hier in – wat oor die…

’n Geliefde Afrikaanse dagblad in die Kaap skryf onlangs van ’n selfbestuurkar wat die kluts kwytgeraak het. Die Amerikaner se noodroep word vertaal: “Ek het my veiligheidsgordel aan. Ek kan nie uit die motor kom nie.” En dan voeg die vertaler by: “Is hierdie motor geknutsel?” En die dagblad druk in hakies agterna ’n behulpsame: (hacked). Geknutsel (hacked). Dis ’n misdaad teen die mensdom. Dat ons nou ons eie taal so moet blootlê met flitskaarte uit ’n ander taal uit. Kom ons parkeer op die oomblik die mistasting dat ons nie ’n kar net ’n kar mag noem nie. Kom ons kyk waar knutsel vandaan kom. Die woordeboek sê inderdaad “knutsel” is “hack”. Maar, liewe leser, dis hack in die betekenis van knoei, frommel, torring, vroetel. Dis wanneer jy in…

NET ure voor Crystal-Donna Roberts op 6 Maart dood is, het haar ma haar lippe sien beweeg. Hulle was in die huis wat Crystal, 40 jaar oud, met haar man, Schalk Cornelessen, gedeel het. Die aktrise was baie siek en erg verswak, en haar ma, Julia Roberts (63), het langs haar gewaak. Dis toe dat sy besef haar dogter is besig om iets te prewel. Sy het nader geleun. “If I could be in two places at the same time . . .” het sy die woorde saggies uit haar dogter se mond gehoor. “Crystal,” het haar ma verbaas opgemerk, “sal jy dan nou Judy Boucher sing.” Julia het die woorde herken as die sangeres se liedjie “Can’t Be with You Tonight”. Die res van die woorde gaan so:So please…

DIE gemak waarmee Bryan Schimmel en Clinton Fein met mekaar gesels, laat dit lyk asof hulle al jare lank beste vriende is. Albei is 60. Hier waar hulle nou gesels, is dit moeilik om te glo Clinton, ’n man wat sy hare weermagkort dra en sag en aandagtig praat, het Bryan op skool so erg geboelie dat Bryan vandag nog nagmerries kry. Dié einste Bryan wat jy hier voor jou sien, die kaalkopman met ’n bokbaard en bultende spiere, onthou hoe Clinton hom teen mure vasgestamp het. Hoe hy hom genadeloos gespot het omdat hy hakkel. Hoe hy hom gedurig ’n moffie genoem het. Ná skool het elkeen sy eie pad gegaan, maar toe hulle mekaar weer raakloop en oor die verlede begin gesels, het hulle besluit om saam ’n…

Bra’s met draad aan die onderkant is ’n staatmaker vir vroue op soek na gestruktureerde vorm met goeie ondersteuning. Dit lig die borste en werk goed saam met lospassende kledingstukke. Dié wat nie opgestop is nie gee jou ’n gladder en kleiner borsprofiel. Dié met halwe keëls of wat baie laag gesny is, is perfek vir rokke en tops met ’n lae hals. HUPSTOOT Die opstootbra gee volume en ondersteuning op strategiese plekke om jou borste te vorm en te lig. Dis ’n goeie keuse wanneer jy uitgaan en jou selfvertroue wil skop gee. Kies ’n baie laag gesnyde bra of een met kantdetail of ’n interessante kleur wat uitloer by laag gesnyde rokke of tops. Jy kan ook een kies met bandjies wat afhaal vir moulose rokke of tops.…

VEk is ’n weduwee en word vanjaar 60. Ouderdom pla my nie, maar tog het ek besluit om ekstra moeite met myself te doen. Ek het al die klere in my kas vervang sodat ek altyd stylvol en mooi lyk, my ou tjor is vervang met ’n 2025-model, en ek het in my gesondheid begin belê. Benewens dat ek meer gesond eet, het ek ook by ’n gimnasium aangesluit. Ja, dit was nogal vir my ’n ding toe ek die eerste keer by ’n gim aansluit. Maar ek was verniet bang, die lede is almal vriendelik en die personeel baie hulpvaardig. Onder hulle leiding is ek nou op ’n program wat my fiks maak en meer krag in my spiere sal verseker. Daar is net een probleem: So met die…

1 JOU VERDIENSTE Daar is drie belangrike begrippe: ◗ Bruto salaris Jou salaris voor enige aftrekkings soos belasting, aftreebydraes en versekeringspremies. Dit sluit bonusse, oortydbetaling en toelaes in. Dis egter nie wat in jou bankrekening beland nie. ◗ Netto salaris Die bedrag wat ná alle aftrekkings in jou rekening betaal word. Dis die bedrag waarmee jy vir maandelikse uitgawes begroot. ◗ Totale maatskappykoste Dis nie noodwendig op jou salarisstrokie nie, maar sal in jou dienskontrak wees. Dis die totale bedrag wat die werkgewer aan jou as werknemer bestee, met alle voordele en ekstras ingesluit, en voor aftrekkings. Jy kan jou werkgewer ’n uiteensetting vra oor hoe dit verband hou met die salaris wat op jou betaalstrokie aangedui word. 2 TIPIESE AFTREKKINGS Lees die fynskrif! ◗ Persoonlike inkomstebelasting Werkgewers betaal dit gewoonlik direk…

PAUL haak die laaste knoop van die bakkie se seil aan die bakwerk vas, loer in by die dubbelkajuit se venster na Janus en Tony wat reeds hul sit gekry het en grinnik. “Is dit hoe die naweek gaan lyk? Gaan als op my neerkom?” Marike staan luiweg teen die bakkie aangeleun, ’n ligte truitjie om haar skouers met die moue voor haar nek in ’n knoop vasgemaak. Sy is ’n bitterlike mooi meisie en, voel Paul vandat hulle begin uitgaan het, effens uit sy liga. Daarom was hy uit sy vel toe sy Maandag ná klas ingestem het om die naweek saam met hulle drie plaas toe te gaan. Eintlik is die situasie ’n bietjie meer gekompliseerd as dat sy bloot besluit het om saam te gaan. Haar pa…

DAAR is ’n rede waarom reekse oor ware misdade so gewild is. Dit gaan eintlik oor die vertel van stories – soos wat ons by Huisgenoot ook doen – en daar is darem min dinge so lekker soos ’n spanningsverhaal. Soms word hierdie ware misdade regtig met ’n klomp melodrama aangebied – daar is van die reekse, veral die Amerikaanse reekse soos THE FALL OF DIDDY, wat regtig bietjie erg is om na te kyk. Die formaat laat mens dink aan daardie advertensies wat laataande wys waar produkte verkoop word: maar wag, daar is nog iets. Die eintlike klimaks van die verhaal word so aanhoudend uitgestel dat dit uiteindelik glad nie so “shocking” of “unthinkable” is soos wat die vertellers heeltyd beweer nie. Uiteindelik vertel hulle nie meer ’n storie…

EERS was daar die Hubble-ruimteteleskoop, toe die heelwat meer gevorderde James Webb. En nou’s daar SPHEREx. Nasa het dié nuwe toevoeging tot sy ruimteteleskoop-vloot vroeër vandeesmaand op ’n Falcon 9 vanaf die Vandenberg Space Force Base in Kalifornië lanseer – en dis regtigwaar net so indrukwekkend as wat sy lang naam dit laat klink. “SPHEREx” staan vir “Spectro- Photometer for the History of the Universe, Epoch of Reionization and Ices Explorer.” Nasa sê SPHEREx behels ’n sending van twee jaar lank wat die hemelruim sal verken in sigbare en “naby-infrarooi” lig. Die teleskoop sal miljoene sterrestelsels “naby en ver” bekyk – sommige so ver dat hul lig 10 miljard jaar geneem het om die Aarde te bereik. En in ons eie Melkweg-sterrestelsel sal die SPHEREx-sending na water-en organiese molekules soek,…

ONS weet hoe ’n lekker sousie smaaklose kos kan transformeer. Blykbaar het sekere slimkoppe in die voëlryk dit ook agtergekom. Studies het reeds bewys dat kaketoes ingewikkelde probleme oplos, werktuie gebruik en menslike spraak naboots. Nou wys nuwe navorsing hulle het dalk ook ’n neus vir geur. Sekere kaketoes doop hul kos in souse – vermoedelik om die smaak te verbeter. ’n Navorsingspan van die Universiteit van Veeartsenykunde in Wene onder leiding van dr. Jeroen Zewald het toevallig opgemerk twee kaketoes doop hul ontbytkos in bloubessiejogurt. Hierdie waarneming het gelei tot ’n reeks eksperimente om te toets of dit doelbewuste smaakverryking is. In die studie het 18 kaketoes verskillende kosse gekry: pasta, aartappels, wortels en blomkool. Hulle het ook ’n keuse van drie doopsouse gehad: bloubessiesojajogurt, gewone sojajogurt en water.…

1 Watter planeet is die naaste aan die son? 2 Wat is die grootste eiland ter wêreld? 3 Wie het The Chronicles of Narnia geskryf? 4 Wie het die eerste ekspedisie gelei wat rondom die wêreld geseil het? 5 Watter akteur is bekend vir sy vertolking van Iron Man in die Marvel-flieks? ANTWOORDE 1 Mercurius 2 Groenland 3 CS Lewis 4 Die Portugese ontdekkingsr eisiger Ferdinand Magellaan, watonderweg dood is.  5 RobertDowney jr. BRONNE: NASA.GOV, BBC, VETMEDUNI.AC.AT, ENGLISH.TAU.AC.IL, NPR.ORG, THEGUARDIAN.COM, BRITANNICA.COM, NEWATLAS.COM, CNN, DOGONEWS.COM, SMITHSONIANMAG.COM, HISTORY.COM, YOUTUBE…

DIS vanoggend ’n gejaag om betyds te wees, maar ek is eintlik onseker waarom dit my nog verbaas. Gisteraand het my eenjarige besluit om eerder kopstane in haar kot te doen as om te slaap. Haar twee ouer sussies moes eintlik hulle netbalklere inpak, maar dit het natuurlik toe nie gebeur nie. Halfpad by die hek uit besef ons my middelkind het haar tekkies én haar huiswerk vergeet. O, en ek sal moet stilhou vir petrol ook, die tenk is leeg. Al wéér. As ’n ma van drie dogters probeer ek soms tyd maak vir myself, maar dit gebeur selde. En hier gaan ek nou, die kinders is by die skool afgelaai en ek en die kringe onder my oë is eindelik op pad na my eerste mini-makeover toe. “Kom…

Minki sê haar korter kapsel is nét reg vir iemand met ’n besige lewe soos sy. “Korter hare is lekker koel, dit maak vinnig droog en style lekker vinnig. Ek hoef nie vreeslik daaroor te dink nie. “Dis vir my lekker, want dit bly veelsydig. Ek kan dit óf in ’n slicked back look dra óf ek kan dit vorentoe dra met ’n effense kuifie. Selfs kant toe.” Sy’s g’n bang om die skêr in te lê nie, hare groei mos áltyd weer, sê Minki. “Ek dink vroue vat heeltemal te min kanse met hulle hare.” VANES-MARI sê sy het dit nog nooit in haar lewe gewaag om haar hare kort te knip nie. Dit was maar altyd lank – soms gekrul, soms in ’n poniestert, soms net los oor…

GLENN CLOSE se dogter, ANNIE STARKE, het Internasionale Vrouedag gevier deur ’n spesiale foto weer te neem. Op die oorspronklike een sit Glenn, toe swanger, langs haar ma, Bettine Close, wat met liefde na haar dogter se ronde maag kyk. Op die nuwe foto, byna 40 jaar later, wys die swanger Annie (37) haar eie ronde magie op presies dieselfde manier, met haar beroemde ma, Glenn (77), wat met ’n glimlag na haar kyk. Die foto is geneem kort voor Annie in Februarie haar eerste kind, Rory, in die wêreld verwelkom het. Toe RUMER WILLIS net sewe jaar oud was, het sy haar rolprentdebuut gemaak langs haar ma, DEMI MOORE, in die kultusfliek Striptease. Byna 30 jaar later is Rumer in dieselfde goue bikini afgeneem wat haar ma destyds in…