Indholdsfortegnelse for 10 April 2025 i Huisgenoot

1 DOZI OP 61: ‘EK HET MYSELF WEER GEVIND’ Ná een liefdesteleurstelling te veel het hy ophou soek. Hy fokus nou op homself en dit maak hom gelukkiger. En hy’s steeds op die waterkar, sê hy Ek is bly vir jou, Dozi. Ek het baie jare gelede in ’n kroeg in Bloemfontein na jou geluister. “Ou ryperd” was my lied. Jare later, by ’n vulstasie op Mooirivier, het ons weer gegroet. Ek hoop jou binneste het bedaar. JACKIE Jy lyk vir my nou weer so gelukkig in jouself. Weet net, eendag gaan daar nog ’n wonderlike vrou oor jou pad kom. En die dag wanneer dit gebeur, is die dag wanneer jy sal weet jou soektog na haar is eindelik verby. RIEKIE Dozi, jy is en was nog altyd so vrien delik.…

DIE huis in ’n stil straat in Brackenfell lyk soos enige ander. Tot die voordeur oopgaan en ’n loslit blondine met ’n rasperstem groet: “Hei, ja!” Dis Tasché, net so reguit soos altyd. In 2019 het sy The Voice gewen, ’n 19-jarige met groot drome en ’n stem wat mense laat luister. Vandag is sy ’n gevestigde kunstenaar, ’n lid van BlackByrd, en ’n solosangeres met liedjies soos “Sal jy vir my wag” en “Pappa-probleme”. Maar die grootse ding in haar lewe is nie musiek nie. Dis liefde. Drie jaar gelede het sy met Jo-Lene Benade getrou, haar ander helfte, haar anker. “Ons is nie skaam oor ons liefde nie,” het die twee in die inperking soos ’n spreekkoor in die video-onderhoud gesê. Nou is daar weer ’n pestilensie wat…

HAAR lewe is verlede jaar op sy kop gekeer toe sy een Vrydagmiddag ’n onverwagte oproep uit die Kaap kry. Kort voor haar hokkie-oefening het die 18-jarige Carli Oosthuizen van Senekal gehoor sy is Huisgenoot se eerste Mej. Tiener in byna 30 jaar. Carli se hokkieafrigter en Afrikaanse onderwyser het haar aan die begin van die jaar aangemoedig om in te skryf vir die kompetisie, en sy het besluit om die kans te waag. Sy’t haar jonger broer, Bruwér, gevra om kameraman te wees, op die kompetisieblad op huisgenoot.com ingeskryf, haar inskrywingsvideo op TikTok gelaai en gewag. Eers was sy in die top-30. Toe in die toptien. En toe begin die stemme vir haar instroom. En toe, sowaar, kry die donkerkop van die Vrystaat die nuus: Sy’t gewen! Sedertdien het…

DIE Instagram-“shelfie” is ’n groeiende tendens waar skoonheidsredakteurs en beïnvloeders die produkte op hulle rak tuis deel. Van velsorgheldinne tot moethê-grimeerprodukte en goed wat wondere vir jou hare doen, hier is van my gunstelinge (party oud en ander nuut) en hoekom dit ook op jou rak hoort. Squalane Cleanser R210 vir 50 ml, The Ordinary Baie reinigers laat my vel droog en styf voel, maar dié een van The Ordinary bevog nie net my vel nie, dit gee my gelaat ’n mooi, stralende voorkoms. Omdat dit ’n oliebasis het, trek dit ook makliker in my vel in. Dit breek dan die olies in my grimeerprodukte doeltreffend af en los dit op sodat ek dit kan afspoel. C E Ferulic® R3 100 vir 30 ml, SkinCeuticals Baie mense verwag dat ek…

RAM 21 MAART – 19 APRIL Mercurius verander van teken en beweeg op die 16de in die Ram in. Dit behoort jou eindelose geestelike energie en idees te gee. Dit kan ook daartoe lei dat jy nie sal bang wees om jou sê te sê nie, maar wees versigtig om nie op iemand se tone te trap nie. ’n Liefdesverhouding is nog in ’n ontwikkelingsfase, so neem die leiding van die volmaan op die 13de. BUL 20 APR – 20 MEI Jy het heelwat om na uit te sien. Jou lewe keer terug na normaal noudat jou planeet, Venus, nie meer agteruitbeweeg nie. Jy sal moet opmaak daarvoor as jy jou vriende die afgelope ruk afgeskeep het. Neem ’n blaaskans wanneer dit volmaan is op die 13de om na te…

MUSIEK FRANCOIS VAN COKE ‘EK HET jou meer lief as die ruimte.” Dié liefdesverklaring wat die Afrikaanse rocker Francois van Coke gereeld aan sy agtjarige dogter sê wanneer hy haar fraai gesiggie sien, dien as die inspirasie vir sy vyfde album, Die ruimte, wat hy aan die einde van Maart uitgereik het. “Vir my is die ruimte so half ’n misterieuse, onbekende ding, maar vir my stel dit ook oneindige moontlikhede voor. “Die album gaan basies oor die wêreld rondom ons. Die baklei. Die onsekerheid. Die verlede. Die toekoms. Die lelik en die mooi en hoe al die dinge jou vorm.” Met 11 liedjies bars die album uit sy nate en spog dit met Francois se ikoniese rockklanke verweef met verskeie ander invloede. Daar is selfs ’n bietjie country in…

Op 45 wonder die sanger Elvis Blue of hy nie soms ’n middeljarekrisis beleef nie. “Toe ek jonger was het ek gehoop my lewe sou baie meer uitgesorteer wees op 45,” sê hy. “Daar’s tye wat ek steeds onseker is en deurmekaar is oor die toekoms. En toe skryf ek sommer ’n liedjie daaroor, want ons almal soek partymaal bietjie rigting in die lewe.” So is sy nuutste liedjie, “Ware Noord”, gebore wat tans op aanhangers se speellyste pronk. Die koorgedeelte van die liedjie met sy opgewekte inleiding en ryk kitaar-en tromklanke – al voel ek nie meer lus nie, as daar niks van my oor is nie, soek ek net na jou, jy is my rigting en my hoop – is soos ’n kreet vir die siel. “Dit het…

STRAATSLIM Wat is rooi en sleg vir jou tande? ’n Vlieënde baksteen. Daantjie OOGKLAPPE ’n Seuntjie sê grootoog vir sy pa: “Het Pa geweet daar is lande waar jy nie weet wie jou vrou is tot nadat julle getroud is nie?” Pa: “Ja, my kind. Eintlik is dit oral die geval.” Louise Noeth SOFAPATAT Sannie: “Ek’s so onfiks, ek kan nie eens tot by my hek stap sonder om te blaas nie.” Martie: “Dis nog niks. Ek’s so onfiks, as ek ’n tennisbeskuitjie eet, rek ek my kuitspier.” Heidi Mellema POSITIEWE UITKYK Koos aan sy pel Jan op Nuwejaarsdag: “Jy weet mos hoe ek altyd sê ek vrees die jaar wat voorlê? Wel, vanjaar gaan ek net een dag op ’n slag vrees.” Wollie, Pretoria TYDSBESTUUR Die maatskappybaas het die…

HULLE WIKKEL-WIKKEL STEEDS Hulle trefferliedjie, “Wikkel Wikkel”, is nou al ’n ruk oud. Maar dis steeds ’n gunsteling vir baie mense. RJay en LK wikkel-wikkel nou nog met hulle musiek en talente. Die musikante van Wellington het selfs onlangs by die jaarlikse Netwerk24 Smaakmaker-toekennings in die musiekafdeling met Huisgenoot en Son gewen. “Die trane het vlak gelê,” sê RJay. “Dis iets wat ek al van kleintyd af gedroom het, om erkenning te kry vir wat ons doen.” ’N DEKADE VAN LEKKER MUSIEK Die erkenning het op die regte tyd gekom, sê LK. “Die prys beteken só baie vir ons. Dié jaar het nie goed begin nie. Daar was tye wat dit swaar gegaan het met ons in die musiekbedryf. “Toe kom dit en gee ons daai hoop om weer uit…

DIE 31-jarige Aimee Lou Wood is geen nuweling in die vermaakbedryf nie. In Netflix se Sex Education het sy ’n aspirantbakker gespeel. In die biografiese rolprent The Electrical Life of Louis Wain speel sy een van die kunstenaar se dogters. En in die komediereeks Daddy Issues is sy ’n swanger vrou wat met haar pas geskeide pa oor die weg moet kom. Maar as jy die afgelope tyd naby die internet was, het jy seker al gesien haar naam duik oral op. En dis danksy haar nuwe rol in die derde seisoen van The White Lotus. Sien, as kind is Aimee gespot oor haar voortande. Maar The White Lotus het dié eiesoortige kenmerk van haar opgeraap en in die kollig gesit. Wat eens vir haar soveel onsekerheid veroorsaak het,…

NOEM hulle sommerdie plaaslike vermaakbedryf se drie musketiers. Hulle is dalk nie heeltemal so ondeund nie, maar hulle is áltyd saam – dié keer in die Groot Appel. Die aktrise MARGUE-RITE VAN EEDEN, die televisiepersoonlikheid MARCIEL HOPKINS-LOURENS en die vervaardiger JEANDRÉ HAMMOND kuier in New York. “Ons het gedink New York is so magies, wonderlik en pret, en dis ’n lekker laaste kuier voor Marciel se baba kom,” sê Marguerite. Marciel verwag ’n seuntjie. Die mannetjie sal na verwagting in Junie gebore word. Die drie vriende ken mekaar al ’n stewige paar jare en kuier gereeld saam. Marguerite en Jeandré is al van 2018 af beste vriende, en Jeandré en Marciel het mekaar leer ken nadat hulle destyds albei aan die Universiteit Stellenbosch se dramadepartement studeer het. Marguerite en Marciel…

HAAR ballades is wêreldwyd die klankbaan vir romanse, en nou is aanhangers verheug dat MARIAH CAREY ook iemand gevind het wat vir háár kan sing. Die sangeres is onlangs afgeneem waar sy dolverlief lyk langs die nuwe man in haar lewe, die rapper en vervaardiger ANDERSON. PAAK. Hulle is gesien waar hulle hande vashou ná ’n romantiese aand uit waar hulle aandete in die Birds Street Cafe in Wes-Hollywood gehad het. Volgens bronne het Anderson (39), wat lid is van die duo Silk Sonic saam met Bruno Mars, verlief geraak op Mariah (56) toe hulle verlede jaar saamgewerk het. Albei het glo die skoot hoog deur. Mariah hou daarvan dat hy so sjarmant en musikaal is, en sy voel uitgedaag en geïnspireer om nuwe projekte saam met hom aan te…

Nadat Guillaume le Conquérant in 1066 Engeland oorgeneem het, was Frans 300 jaar lank die amptelike taal van hulle eiland. Engels het gechill. Hy’t lang wandelings deur die platteland gevat. Hy’t geëksperimenteer in die kombuis (en in die slaapkamer). Hy’t geskilder en pottebakkery gedoen. In ’n neutedop: Engels het sy boudspiere ontspan. Die gevolg? Hy’t die borstrok van Germaanse tale afgeskud. Jip, hy’t opgehou om allerhande woorde vas te skryf aan mekaar. Want, genade tog, hoe moeilik is dit nie! Samestellings: Huisgenoot leser. Samestellende samestellings:  Huisgenootleserafslag. Afstandkoppels: Huisgenoot-lesersgunsteling- bekostigbare familiemotor. Ons sien mos elke dag hoe Afrikaanse mense skryf, en ons kan rapporteer: As ons hier by die tydskrif nie die woorde op aandag laat staan in netjiese rye nie, sal hulle in hulle civvies voor julle opdaag. Ongekunsteld, onbevange en…

Wanneer en waar was jy op jou gelukkigste? Wanneer ek in my man se oë kan sien hoe lief hy my en ons babadogtertjie het. Wat is die ding wat jy die meeste in mense bewonder? Hulle vertroue in die Here se plan met hulle lewe. Wat kan jy nie verduur nie? ’n Pessimistiese mens. Wat is jou diepste put van ellende? Geduld. Ek het laaste in die ry gestaan toe God geduld uitgedeel het. Wie is of was die liefde van jou lewe? Dewald Botha, my man. Wie of wat sou jy in jou volgende lewe wou wees? ’n Vlieg teen die muur, lol! Ek is ’n baie nuuskierige mens. Maar nee, ek sou nie eintlik iemand of iets anders wou wees nie. Ek leer steeds myself ken met…

PATAT-LATKES met BOKMELKKAAS, SPINASIE & EIER GENOEG VIR 4 MENSE/BEREIDING EN GAARMAAK: 30 MIN. Latkes, gewoonlik van aartappel, vorm ’n lekker basis vir alles van eiers en hoender tot groente. As jy patats gebruik, bevat dit ook prebiotika wat die goeie bakterieë in jou liggaam voed – én dis heerlik. ◗ ’n spatsel witasyn◗ 4 groot eiers◗ 15 ml (1 e) ghee◗ 250 g Engelse spinasie, grofgekap◗ sap van ½ suurlemoen◗ sout en swartpeper, na smaak◗ brandrissiesous, vir voorsit◗ mikrokruie, vir garnering (opsioneel) PATAT-LATKES ◗ 350 g patat (sowat 1 middelslag-patat)◗ ½ klein rooi-ui, in dun skywe gesny◗ sout en swartpeper◗ 1 groot eier, liggies geklits◗ ghee, vir braai BOKMELKKAAS-ROOM ◗ 150 g sagte bokmelkkaas◗ 60 ml (¼ k) klapperroom◗ 22,5 ml (1½ e) vars uitgedrukte suurlemoensap◗ 1 klein knoffelhuisie,…

BLOMME aan Sussara. Nota by – Jammer, besig vir die volgende paar maande. Wilmi kners op haar tande. Om blomme te stuur met dié presiese boodskap is Riekert-flippen-van-Staden se gewilde manier om ontslae te raak van ’n girl wat na trouringe begin kyk. Sekondes later weer ’n boodskap. kaartjie na Jhb 17:00 vandag. Onthou, dis net tydelik, het haar ouers gesê. ’n Werk as sekretaresse, dis fun. Fun? Níks is fun vandat daai ellendige vent sy grysgroen oë en siniese smile op haar gerig het nie. Haar foon bliep weer. Waar is jy? Sy ignoreer dit. Die afgelope twee jaar het sy in Oxford gewoon en gewerk terwyl sy haar M-graad voltooi het. Haar idee vir ’n doktorale tesis het reeds die groen lig gekry toe haar ouers bel. Hulle gaan…

EEN van die beste dinge wat stroomdienste soos Netflix meegebring het, is die toegang wat ’n mens kry tot flieks en reekse uit ander lande en in ander tale. ’n Mens dink nie altyd dis so ’n groot ding nie, maar wanneer jy eers begin kyk het aan byvoorbeeld Skandinawiese reekse of iets uit Australië, dan begin jy al hoe meer soek vir reekse van daar af. Een van die bekendste reekse uit ander lande is natuurlik SQUID GAME uit Korea wat legendariese kykergetalle getrek het. Met die inperking het ons ook graag ingeskakel op die Spaanse MONEY HEIST met sy klomp nuwe gesigte en onvoorspelbare storielyn. ’n Reeks wat my diep geraak het en wat ek slegs vir sekere mense sal aanbeveel, is die ongelooflike DARK uit Duitsland. Dis ’n…

GROOT BLOKRAAI NO 2591 KOMPETISIEVRAAG Watter weerverskynsel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Is jy orraait, Elizabeth? deur Rozaan de Wet Boer (Tafelberg, R350). Is jy orraait, Elizabeth? is die verhaal van drie uiteenlopende vroue wat elkeen pynlike ervarings beleef, maar deur hul vriendskap gedra word. Elizabeth se lewe is nou vervleg met haar man se praktyk waar sy daagliks met broosheid te doen kry. Sy sukkel aanvanklik om te aanvaar dat hulle ’n seun met Downsindroom het, maar mettertyd draai haar bestaan al meer om hom, en sy leer by hom die betekenis van…

Die Venus de Milo is ’n standbeeld van marmer wat in die Louvre in Parys uitgestal word. Die standbeeld is op 8 April 1820 in stukke op die Griekse eiland Melos gevind. Die Venus se arms is nooit gevind toe die res ontdek is nie. Kenners dink dat die standbeeld die godin Aphrodite uitbeeld. ’n Inskrywing wat nie saam met die standbeeld uitgestal word nie, meld dat dit deur ene Alexandros geskep is. Die man wat dit ontdek het, Olivier Voutier, was ’n Franse vlootoffisier wat baie belanggestel het in antieke Griekeland. Toe die skip waarop hy gedien het Melos aandoen, het hy en twee kollegas met grawe gaan kyk of hulle iets interessants kon opspoor. Die drie het verskeie marmervoorwerpe gekry voor Olivier gesien het hoe ’n Griekse boer…

REEKS WOLF KING NETFLIX In hierdie epiese fantasie-avontuurreeks word Drew Ferran mondig. En hy ontdek dat hy die laaste van ’n lang reeks weerwolwe is. En só word hy die regmatige maar onwillige heerser van ’n land wat deur Werelords beheer word. Drew moet veg om die tirannie van die Lion Lords af te skaf en die troon terug te eis. Die reeks is gebaseer op die Wereworld-boekereeks deur Curtis Jobling. BOEK BEN EN DIE GROOT WEDSTRYD ZULÉKA SMIT Ben geniet deesdae skoolgaan. Maar die rugby is dalk ook ’n groot rede vir sy opgewondenheid. Hy’s selfs die kaptein van die skoolspan. Hulle heel eerste rugbywedstryd het hulle senuwees op 100%, want ’n mens maak mos maar foute. Gaan hulle die ander span kan klop of teen mekaar vashardloop en…

HY HET dit self gesê: “Love is in the air.” En daarmee het die wêreld se bekendste gholfspeler en die voormalige skoondogter van die Amerikaanse president die sportwêreld se nuutste glanspaartjie geword. Vir dié wat nie in Tiger Woods se binnekring is nie, was die nuus oor sy verhouding nogal ’n verrassing. Die 49-jarige hou sy persoonlike lewe al lank ver onder die radar nadat ’n klomp skandale sy reputasie vertrap en sy loopbaan skade berokken het. En soos ’n mens kan verwag, het Tiger sy nuwe verhouding met Vanessa Trump (47) maande lank geheim gehou. Maar gerugte het begin broei, en ’n vriend sê hy het besef hy sou dit in ’n stadium openbaar moet maak as hy sy eie lewensverhaal wil beheer. “Hy was nie juis mal daaroor…

DAAR toring sy uit bo die ganse New York – meer as 15 verdiepings hoog, ons eie Demi Lee Moore. Die sangeres sê sy kon kwalik haar oë glo toe sy op sosiale media ’n foto van haarself op ’n reklamebord in die besige Times Square sien. “Dit is werklik ’n knypmy-oomblik. Ek kan dit self nie glo nie.” Die advertensie is deel van Spotify se Equal Africa-program wat die kollig plaas op vrouekunstenaars van Afrika. Die program stel hul musiek wêreldwyd ten toon deur saamgestelde speellyste, spesiale inhoud en vennootskappe. Die sangeres was die eerste Suid-Afrikaanse – en Afrikaanse – kunstenaar wat by die program aangesluit het en in Times Square pryk. “Ek het nooit gedink hierdie Suid-Afrikaanse meisie sal op ’n billboard in New York wees nie,”…

VAN NUWE LIEFDE . . . Kyk ’n mens na die foto’s van die Amerikaanse aktrise SHAILENE WOODLEY en die Franse akteur LUCAS BRAVO saam in Parys, verstaan jy hoekom hulle dit die stad van liefde noem. Dié twee het onlangs geen geheim van hulle romanse gemaak toe sy by hom in die Franse hoofstad gaan kuier het nie. Hulle is afgeneem terwyl hulle hand aan hand deur die strate van Parys stap, met Lucas (37) wat Shailene (33) meer as een keer styf teen hom vasgedruk het. Shailene was op haar eie sedert sy in 2022 haar verlowing aan die Amerikaanse voetbalster Aaron Rodgers verbreek het, terwyl Lucas nog altyd privaat was oor sy liefdeslewe. DIE GROOT HOOP Die internet se gunstelingakteur, PEDRO PASCAL, en televisie se ewige liefling,…

O SO VROULIK VOORKOMS 1 VOORKOMS 2 HOU DIT KLASSIEK VOORKOMS 3 VOORKOMS 4 ROMERIGE KLEURE VOORKOMS 5 VOORKOMS 6 PASTELPRAG VOORKOMS 7 VOORKOMS 8 KRY DIT HIER ACKERMANS 0860-900-100; COTTON ON 087-550-4383; FOREVER NEW 0860-018-014; FOSCHINI 0860-834-834; H&M 0860-690-707; IDENTITY 021-460-2400; LOVISA 010-143-0780; MR PRICE 031-310-8000; RUBI 087-550-4383; SHOE CITY 0860-900-200; SUPERBALIST.CO.ZA; THE FIX 0860-834-834; TRUWORTHS 087-285-9401; WOOLWORTHS 0860-022-002; ZARA 0800-668-420 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Ons was nou net by Kersfees en Nuwejaar, maar tyd vlieg so vinnig dat ons sowaar voor die deur van Paasfees staan. Ek bly al meer as 20 jaar oor Paasfees tuis. Ons laaste keer op die pad, in die donker, was só stresvol dat ek myself belowe het nooit weer nie. Hier is wat ’n paar van ons lesers te sê het oor die langnaweek. Hulle gee ook ’n bietjie raad wat dalk kan help. ◗ BIBI Ek onthou dat ons van kleins af altyd treingery het van Pretoria na Mosselbaai. Dit op sigself was groot pret. Dan was daar ook die heerlike kos in die eetwa en tafels wat gedek was met skitterblink silwerware. Ons beddens was met vars linne opgemaak en vroeg in die oggend het die…

SOUTH AFRICAN INDIGENOUS GARDEN PLANTS: THE GARDENER’S GUIDE DEUR ELSA POOLEY, GEOFF NICHOLS, ANDRE HANKEY Struik Nature, R850 Dié boek moet met ’n waarskuwing kom – iets in die lyn van “buitengewoon swaar” en “ ’n tuinboek soos geen ander nie”. Anders gebeur met jou wat byna met my gebeur het: Ek het van verstommenis so lank my asem opgehou dat ek byna flou geval het. Ek oordryf natuurlik, maar dié is ’n boek in die oortreffende trap, so vergewe my. Kortliks ◗ Die boek is 29,5 x 23,5 x 4,5 cm en weeg meer as waarvoor my koekskaal kapasiteit het. ◗ Sowat 2 400 inheemse plante word hierin genoem, wat die boek ’n waardevolle gids maak om die plante te kies wat gebruik kan word in die regte tuin…

DIE VERHAAL VAN RACHELTJIE DE BEER Of Racheltjie de Beer se heldeverhaal ’n mite is of nie, dit bly deel van ons Afrikaanse storie-erfenis. In hierdie fliek word dit effens anders vertel as hoe jou ouma dit vertel het, maar die somberheid en toneelspel pas perfek by die verhaal. Uiteraard eindig die fliek met die twaalfjarige Racheltjie (Zonika de Vries) wat haar vyfjarige boetie, Jamie (Johannes Jordaan), in haar klere toewikkel, waarna sy voor ’n uitgeholde miershoop of ’n ou Voortrekkerbakoond gaan lê om sy lewe in ’n storm te red. Tog ruk die einde jou steeds toe haar pa, Herman (Stian Bam), wie se eie stryd ons deur die fliek volg, op die toneel afkom. Moenie dat jou kennis van die einde jou afsit nie. Die stryd tussen natuur…

ONS heelal is nog steeds aan die groei, vinniger en vinniger soos wat tyd verloop. Wetenskaplikes sê dit gebeur as gevolg van iets bekend as donker energie. Maar nou’s daar nuwe navorsing wat daarop dui dat donker energie besig is om “swakker te word”. As die bevindinge waar is, kan dit groot veranderinge beteken vir hoe ons tyd en die ruimte verstaan. Toe wetenskaplikes in Amerika en Australië in 1998 die energie die eerste keer ontdek het, het hulle nie geweet wat presies dit was nie en het hulle dit donker energie genoem om dié onbekendheid te weerspieël. Die ontdekking van donker energie het aan twee Amerikaanse en ’n Australiese astrofisikus die Nobel- prys vir fisika besorg. Al weet hulle nie presies wat dit is nie, kan sterrekundiges donker energie…

ONS kan baie leer uit fossiele van dinosourusbeendere wat gevind word. Wat nog interessanter is, is dat dinosourusvoetspore aan navorsers kan wys wat die oerdiere gedoen het terwyl hulle gelewe het. Sedert 2008 bestudeer die Cape South Coast Ichnology-projek voetspore in die Wes-Kaap. Die Wes-Kaap het rotse uit die Mesosoïkum, die geologiese tydperk waartydens die dinosourusse ontstaan het en weer uitgesterf het. Die navorsers het 370 plekke bestudeer waar die voetspore gevind is. Dit dek ’n gebied van 350 kilometer langs die kus af, van Waenhuiskrans in die weste tot by die Robberg-skiereiland by Plettenbergbaai aan die Tuinroete. Sommige van die voetspore is op sanderige kanale gevind, ander op die bodem van getypoele.…

1 Wat is die enigste vrug wat sade aan die buitekant het? 2 Hoeveel kante het ’n heksagoon? 3 Wat is die hoofstad van Swede? 4 Watter superheld het ’n skild met ’n ster op? 5 Wat is die grootste eiland in die wêreld? Antwoorde: 1 Aar bei 2 Ses 3 Stockholm 4 Captain America  5 Groenland BRONNE: NATIONAL GEOGRAPHIC, CNN, THE CONVERSATION, THE GUARDIAN, NETWERK24, BBC…

HET JY GEWEET? Van die eerste fabrieke in die wêreld is in die Industriële Revolusie in die laat 18de eeu begin. Voor dit het mense meestal dinge by die huis of in ’n klein werkwinkel met die hand gemaak. Vandag is daar ’n nuwe revolusie – AI, of kunsmatige intelligensie, neem baie werke oor en veroorsaak ’n verskuiwing in hoe dinge vervaardig word. OF DIT die kos is wat ons eet, die klere wat ons dra, of die karre wat ons ouers ry – dis alles dinge wat gemaak moet word. Die proses van dinge maak word produksie genoem. Produksie steun op vier belangrike bestanddele vir sukses: arbeid, kapitaal, grond en entrepreneurskap. Dit word die faktore van produksie genoem, en elkeen speel ’n belangrike rol daarin om ondernemings en…