Indholdsfortegnelse for 8 May 2025 i Huisgenoot

1 ‘BOELIES SE KWETS WOORDE MY DRYFKRAG’ Hy het nog altyd ’n dik vel gehad, vertel die sanger Eloff. Maar oplaas het aanlyn boelies se aanmerkings hom laat besluit om gesonder te leef Hy het nog altyd vir my mooi gelyk. Maar om minder te weeg sal goed wees vir hom. So goed gedoen, Eloff. Ons is trots op jou. Moenie jou steur aan boelies nie, ek sou graag elkeen van húlle se lyfies wou sien. MARIANNE Jy was nog altyd ’n fenomenale jong man met hope talent. Boelies kry ’n mens oral. Dis juis omdat hulle jaloers is op jou talent dat hulle sulke aanmerkings oor jou wil maak. Oorgewig of ondergewig, sing net jou hart uit. JOAN So gatvol van mense wat net na die uiter like kyk. Soos…

HIER sit hy voor jou – bene gekruis, arms gevou. Hy’s 46, ’n man met ’n soort afwagting in sy oë. Sy kuif lê skuins agteroor, langs hom staan ’n beker louwarm koffie. Wat wil jy weet? vra Hykie Berg, sy oë op skrefies. Klaarblyklik ook ’n man wat nie doekies omdraai nie. Hoe’t sy oggend gelyk? Vanoggend, nes elke ander oggend, het begin met dieselfde ding waarmee al sy oggende begin, sê hy. ’n Soort mantra, ’n frase wat hom help om die draak in die donker te verslaan. As hy eers wakker is, sê hy vir homself: “Net vir vandag gaan ek nie gebruik nie.” Gebruik? Dagga, sê hy. Kokaïen. Heroïen. Crack. Drank. Mense. Noem op. “Jy word wakker, en al wat jy kan doen, is om te…

GEROOKTE VARK-SCHNITZELSKYFIES met SOET-SUUR SOUS GENOEG VIR 4 MENSE/BEREIDING: 30 MIN./GAARMAAK: 20 MIN. Ek gebruik liggies gerookte varkfilet om hierdie minischnitzels mee te maak. Japannese panko-broodkrummels gee dit ’n bros tekstuur. ◗ 1 gerookte varkfilet, in skyfies gesny◗ 125 ml (½ k) mielieblom, gegeur met sout en peper◗ 2 eiers, geklits◗ sowat 250 ml (1 k) panko-broodkrummels◗ olie◗ 1 ui, in skyfies gesny◗ 2 knoffelhuisies, fyngedruk◗ 10 ml (2 t) vars gemmerwortel, gerasper◗ 1 rooi of groen soetrissie, in klein blokkies gesny◗ 2 wortels, geskil en in julienne-repies gesny◗ halwe pynappel, geskil en in klein blokkies gesny◗ 2 klein sagte sitrusvrugte (soos mandaryne), gehalveer◗ 45-60 ml (3-4 e) bruinsuiker◗ 125 ml (½ k) lemoensap◗ fyngerasperde skil van 1 suurlemoen◗ 80 ml (⅓ k) sushirysasyn◗ 30 ml (2 e) sojasous sout…

BUL 20 APRIL – 20 MEI Jou manier van kommunikeer kom op die 10de in die kollig wanneer Mercurius in jou teken inbeweeg. Hoewel jy nie vinnig opgewonde raak nie, kan daar teen die 12de ’n meningsverskil met jou baas wees wat spanning meebring. Hoe jy dit hanteer, gaan jou baie leer oor hoe jy konflik met mense in die algemeen en een tot een hanteer. Verwag dat emosies driftig gaan wees. TWEELING 21 MEI – 20 JUN Jou heersende planeet, Mercurius, skuif op die 10de na die Bul. Dit gaan die deel van jou horoskoop binne wat gaan oor rus en jou kragte opbou. Neem kennis hiervan en dink mooi oor wat jy nou nodig het. Die volmaan op die 12de beklemtoon dat jy meer tyd alleen moet deurbring.…

In die komediedrama NORTH OF NORTH vertolk Anna Lambe die rol van Siaja, ’n jong ma wat haarself probeer herontdek in haar piepklein Arktiese gemeenskap, ’n fiktiewe dorpie genaamd Ice Cove in Nunavut, Kanada, nadat sy en haar man uitmekaar is. Hierdie reeks is hoogs kykbaar en kan maklik oor ’n naweek kafgedraf word. Dit skram nie weg van ernstige kwessies wat die Inuïet-gemeenskappe in die gesig staar nie, terwyl dit ook lekker kleurvol is. Die dorpie bestaan ​uit heldergeverfde geboue, en die karakters se klere is ’n pragtig ontwerpte mengsel van modern en tradisioneel. En die kans dat hierdie soort kledingstukke in die komende winter hoogmode gaan wees, is baie goed! “Ons doel was om dit kultureel reg te kry om mooi én modern te wees, en om aan…

GROOT BLOKRAAI NO 2595 KOMPETISIEVRAAG Watter dans is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Siembamba deur Madelein Rust (H&R, R310). Mindie Rochebrandt is swanger met haar en Marius se eersgeborene – erfgenaam van die Rochebrandt-fortuin. Maar ná die aaklige voorval by haar ooievaarstee, waarheen háár mense nie genooi is nie, besef Mindie sy moet ’n streep trek. Sy het genoeg gehad van Marius en sy buie. Sodra sy geboorte geskenk het, gaan sy sak en pak trek en met haar kind ’n nuwe lewe op De Rust begin. Enkele dae later bel Mindie se ma,…

TWEE REEKSE, EEN STER Om tegelyk in twee van die jaar se grootste plaaslike dramas te wees, wil nogal gedoen wees. Dié 20-jarige akteur is nou te sien in Niggies en gaan einde Mei in die nuwe kykNETreeks Nuusmakers saam met die groot name van Brendon Daniels en Arno Greef te sien wees. NUUSMAKERS In dié reeks, wat 27 Mei begin, speel hy Daniel Joubert, die seun van ’n bekende nuusaanbieder genaamd Adri, gespeel deur Rolanda Marais. “Daniel het twee jaar in Texas deurgebring op ’n sportbeurs. Ná ’n kniebesering kom hy terug huis toe. En toe iets traumaties in hulle gesin plaasvind, beïnvloed dit Daniël se verhouding met die mense rondom hom.” Om Rolanda as sy TV-ma te hê, is ’n massiewe voorreg, sê hy. “Dit was ’n knyp-my-oomblik.…

HART wat jaag, sweet wat drup – sy gooi ’n vuishou, nog een en nog een. Boks, jujitsu en gedurige oefening is nie dinge waarvan Bella Ramsey hou nie, maar as jy die stryd teen ’n zombie-apokalips moet lei, móét jy fiks word. Twee maande lank het die Britse aktrise ’n strawwe oefenprogram deurstaan om weer die rol van die vurige tiener Ellie Williams aan te pak in die tweede seisoen van die trefferreeks The Last of Us. Maar al die geswoeg en sweet was toe die maklike deel van haar stryd teen die besmette kreature in die storie se nagmerriewêreld van swamme en monsters. Wat baie moeiliker was, was om die aanlyn afknouery te hanteer wat losgebars het nadat die eerste episode uitgesaai is. Die 21-jarige, wat onlangs onthul…

Huisgenoot is op soek na Mej. Tiener 2025 – ’n rolmodel vir ’n nuwe generasie. Daar is weer groot pryse op die spel. Waarvoor wag jy? Skryf nou in! IS JY OF JOU TIENER TUSSEN 14 EN 18 JAAR OUD? Inskrywings is oop. Kry solank jou selfoonkamera gereed. HOE WERK 1. Besoek huisgenoot.com en gaan na ons spesiale inskrywingswebblad. Laai ’n foto van jouself op en vul die inskrywingsvorm in. 2. Maak ’n kreatiewe TikTok-video waarin jy meer oor jouself vertel. Volg en tag @Huisgenoot en gebruik #HGMejTiener2025 sodat ons jou video kan vind. 3. Inskrywings sluit op 9 Mei 2025 om 17:00. Skandeer die kode om die webtuiste te besoek.…

IN DIE jaar 1966 het uurglasfigure en kurwes regeer. Toe verskyn ’n skaam tiener met ’n stokkieslyf op die toneel en “Twiggymania” breek uit. Vir die 16-jarige Lesley Hornby was haar skielike ikoonstatus oorweldigend: “Ek was dan nog op skool! En meisies soos ek het nie modelle geword nie.” Maar die wêreld het anders besluit. Lesley is op 19 September 1949 in Londen gebore. As kind het sy haar klere self gemaak, want sy was versot op naaldwerk en die gesin het dit nie breed gehad nie. Op skool het sy hare gewas in ’n salon vir sakgeld. Op ’n dag wil die eienaar ’n nuwe, kort kapsel op die proef stel en oefen sommer op Lesley se hare. ’n Foto word geneem en teen die muur van die salon…

Wanneer en waar was jy op jou gelukkigste? Seker kleutertyd. En vroeër soos ronddryf in vrugwater. Later op verhoë. Wat sou jy anders doen as jy jou lewe kon oorhê? Beter beplanning. Regte musikante is mos nie ekonome nie. Wat is die ding wat jy die meeste in mense bewonder? ’n Innemende glimlag en eerlikheid. Wie sou jy die graagste vir ete wou nooi en wat sou jy vir ete maak? Bob Dylan, maar ek weet nie wat hy graag sou wou eet nie. Dalk ’n galjoen braai, en kreef en perlemoen, anders straks ’n staanribbetjie in die kaggel. Wie is of was die liefde van jou lewe? Daar is meer as een liefde in ’n leeftyd. Nie net minnaresse of eggenotes nie, maar ook ouers, familie, vriende en…

HY WAS eintlik al ’n ruk lank siek, en tog was dit ’n skok toe hy dood is. Maar dit was gepas, dalk, dat sy laaste groet gekom het op Paasnaweek. Pous Franciskus het nog die Sondag die Paasseëning by die Sint Petrusplein in die Vatikaanstad gelewer nadat hy 38 dae lank in die hospitaal was. En net die dag tevore het hy met die Amerikaanse visepresident, JD Vance, vergader en vir hom drie sjokolade-eiers vir sy kinders gegee. Hy wás verswak weens dubbele longontsteking, en sy dokters was bekommerd. Maar hy was op sy pos vir die heilige dae, soos die kudde van sy Katolieke Kerk hom al so lank ken. En toe kom die nuus: Die pous het op 88 ’n beroerte gehad wat tot ’n koma en…

KRY DIT HIER ACKERMANS 0860-900-100; ALDOSHOES.CO.ZA; EXACT 0860-834-834; LOVISA 010-143-780; MANGO SHOP.MANGO.COM/ZA; OLD KHAKI 0860-333-329; PEP 0860-737-000; TRUWORTHS 021-460-2300; WOOLWORTHS 0860-022-002; ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. KRY DIT HIER @HOME BASH.COM; AVON MY.AVON.CO.ZA; CLICKS 0860-254-257, CLICKS.CO.ZA; DIS-CHEM 0860-347-243, DISCHEM.CO.ZA; DUNNS 0860-007-350, DUNNS.CO.ZA; TAKEALOT.COM; WOOLWORTHS 0860-022-022, WOOLWORTHS.CO.ZA; ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. KRY DIT HIER @HOME BASH.COM, 0861-111-761; CHECKERS.CO.ZA 0800-010-709; NIFTYGIFTS.CO.ZA HELP@NIFTYGIFTS.CO.ZA; SHOP.BABYLONSTOREN.COM 021-300-3919; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE…

REEKS SANTA CLARITA DIET As jy graag wil lag eerder as wegkruip terwyl die bloed en binnegoed spat, is hierdie een vir jou. Dis bietjie offbeat en eintlik net groot pret. Sou jy kon raai dat zombies (wat graag mense eet) reken ore is die “uieringe” van die lyf? Dis blykbaar lekker sout en krakerig. Die rolverdeling is heerlik, met Drew Barrymore as Sheila wat skielik baie naar word, ’n “orgaan” opgooi en ontdek sy is ’n zombie. Haar mede-eiendomsagent-eggenoot, Joel (Timothy Olyphant), probeer haar ondersteun met haar nuwe “dieet” terwyl hy ook hard soek na ’n kuur vir sy vrou. En tussen die tande-in-die-nekslaan-en-verskeur ontmoet kykers ook hulle tienerdogter, Abby (Liv Hewson), wat ten spyte van haar ongewone gesin baie heilsaam grootgemaak word. Moenie van die nerd Eric (Skyler…

VIR SEKER VARS Dawie sit al ’n uur lank en wag op sy visgereg. Toe die kelner weer verskonings kom maak, vra hy omgekrap: “Sê my, watter soort aas gebruik julle?” San Marchand SOETE BUIT “Ek het al met baie misdadigers te doen gekry, maar dié een vat die koek,” sê konstabel Koos kopskuddend. “Hoe so?” wil sy sersant weet. Koos: “Hy het by die tuisnywerheid ingebreek!” Denise, Pretoria DUBBELDOOR Marie: “Ek verstaan nie wat wetenskaplikes doen wanneer hulle iets kloon nie.” Sarie: “Dit maak twee van ons.” Louise Noeth KAALBAS Twee sambrele loop oor die straat. Skielik sien een ’n kierie en skree: “Kyk, ’n nudis!” Heidie Venter VRA IS VRY “Het Meneer nie honderd randjies vir ’n arm man nie?” vra die bedelaar vir die voetganger. “Wat, so…

VIR baie kinders in die wêreld is liggaamlike opvoeding ’n belangrike deel van skoolgaan. Maar het jy al gewonder hoekom jy dit doen? Of hoekom ons in hierdie klasse rondhardloop, strek, spring en klim, of leer oor oefeninge soos joga en pilates? Basies is dit omdat jou liggaam gemaak is om te beweeg. → DIE BELANGRIKHEID VAN BEWEGING Net soos masjiene onderhou moet word deur geolie en gediens te word, moet jy na jou liggaam ook omsien sodat dit vir baie lank sterk bly. Op ’n manier is jy ’n menslike masjien, en om fiks te bly is een manier hoe jy jou liggaam kan gesond hou. Verskillende soorte beweging kan jou op verskillende maniere gesond en sterk hou. Wanneer jy oefen – wat net nog ’n manier is om…

‘DIT HET BAIE MENSE BYMEKAAR-GEBRING EN DIT WAS DIE WARE DOEL, OM DIVERSITEIT TE VIER EN MENSE TE VERENIG’ DIT word met goeie rede die gevaarlikste bergpas in die land genoem. Soos ’n slang kronkel die klipperige grondpad die steil hang van die Drakensberg uit tot bo. Ver onder lê die wrakke van voertuie wat oor die afgrond gestort het. In die winter maak sneeu en ys dit soms onbegaanbaar. Die kruin, waar die pad na Lesotho begin afdaal, is 2 800 m bo seevlak – die hoogste in Suid-Afrika. Om die Sanipas te tem is hoog op die wenslys van veral 4x4-geesdriftiges. Maar Sam da Fonseca (29), Dominic Ritchie (28) en Matt van der Berg (37) is nie jou gewone petrolkoppe nie. Geen kragtige, peperduur 4x4 vir hulle nie,…

‘ONS SING SAAM, ONS LAG SAAM, ONS HET VET PRET SAAM. EK DINK DIE MENSE OM ONS KAN REGTIG SIEN DAT ONS TWEE NET GELUKKIG IS’ HULLE noem dit ’n intieme geleentheid. ’n Bosveldtroue net anderkant die Krugerwildtuin met so 50 gaste, nét naaste familie en vriende. O, en ’n troppie nuuskierige leeus wat die egpaar se fotosessie kom afloer het. Nadat die gewese Mnr. Suid-Afrika Tiaan Massyn en sy bruid, Zelné, onlangs hulle troubeloftes afgelê het, het hulle gou weggebreek vir ’n fotosessie met sonsondergang in die Makalali Privaat Wildreservaat op Hoedspruit. Dis daar wat hulle die groepie ongenooide gaste opgemerk het. “Ons het regs gekyk en toe lê daar ’n trop leeus,” sê Tiaan. “Die veldgids het gesê ons moet maar glimlag, ons foto’s klaar neem en dat…

Hier by die werk is daar groot opgewondenheid oor een van daai genetiese toetse. Iemand het uitgevind hulle het nogal baie Chinese herkoms, iemand anders het’n hele Duitse stamboom ontdek. Daar’s een mens met’n “geneties identiese profiel” van iemand wat heel onskuldig in Amsterdam bly.’n Tweeling, maar ook nie. Dis natuurlik die heel maklikste vergelyking om te sê taal werk ook soos genetiese herkoms. Dis trouens so ’n boeiende vergelyking dat ek sou sê dit werk albei kante toe. As jy evolusie wil verklaar, kan jy dit aan die hand van taalontwikkeling doen; en as jy taal wil verklaar, kan jy oor bene en bloed praat. Taal tel stukkies genetika op, verander hulle, vorm hulle vir die werk wat gedoen moet word; en evolusie tel gene op, hou die stukkies…

EK IS nie ’n taalaktivis of kampvegter nie. Maar my liefde vir Afrikaans is eindeloos, soos dié tussen ’n ouer en ’n kind behoort te wees. Afrikaans is immers my moedertaal. Die taal van my hart, soos Amanda Strydom sing. My eerste woord was glo “lig”. Ek het op vierjarige ouderdom leer lees (dankie, Ma!) en in gr. 1 die Trompie-reeks verslind. My gunstelingsin uit Trompie is wanneer hy probeer verduidelik wat in sy broeksak skuil: “ ’n Dooie padda, ’n stukkie tou . . . seunsgoed, jy weet?” In gr. 3 het my juffrou een van my opstelle opgefrommel en gegil: “Moenie jou André P. Brink-maniere in my klas kom uithaal nie!” Ek het nie geweet van wie sy praat nie en eers jare later besef dit was eintlik…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. VEk is besig om mal te word van die moeg en vaak. As student moes ek soms deurnag om my werk onder die knie te kry en het ek aangeleer om baie min te slaap. Ongelukkig het die slaap nooit teruggekeer nie, al is dit nou reeds 20 jaar later. Ek is tien jaar getroud, waarvan ek die afgelope vyf jaar in my eie kamer slaap. My wakkerlêery het my man erg…

DIE AKTRISE ANTOINETTE LOUW “Dis die eerste keer in my loopbaan wat ek te doen het met sulke sekstonele. Ek was ongelooflik senuweeagtig daaroor, en om eerlik te wees, bang. Heeltemal uit my gemaksone. Dit was een van die baie redes waarom ek die Retta-rol aanvaar het. Die storie is soveel meer as bogenoemde. Dit gaan oor bevryding en die ontdekking – en aanvaarding – van jou ware self. Shame, Retta. Ons sou nooit vriende gewees het in die regte lewe nie, sy’s heeltemal te uptight en leef heeltemal te veel in ’n boksie. Ek’s glad nie so nie. ’n Lekkerte van die verfilming was my ontmoeting met Hilda Cronje, wat Retta se vriendin, Leigh, speel. Dit het in ’n ware vriendskap ontwikkel – dis goud werd. Nog ’n pluspunt…

SY BRON van inspirasie is die musiek van gewilde boybands soos die Jonas Brothers en One Direction. Vermeng dit met die klanke van die Amerikaanse popsensasies Benson Boone en Role Model, dan kry jy Ben Rodrigues, Suid-Afrika se nuutste popster. Sy liedjie “Was It Real” het dié 20-jarige van Kaapstad binne ’n jaar uiters gewild gemaak. Dit spog tans met 50 000 strome per dag, en meer as 18 miljoen strome in totaal. Die sukses van die liedjie het sy lewe as ’n onafhanklike musikant soos handomkeer verander. “As ek dink aan waar ek ’n jaar gelede was met my musiekloopbaan teenoor hoe alles nou verander het, is ek dankbaar,” sê hy. “Die sukses van ‘Was It Real’ het baie deure vir my oopgemaak en dis ’n wonderlike gevoel.” In…

TEMAS BINNE SA sporthelde Dricus, Sacha en Jo-Ané Plekname vol syfers  Dié rygoed is SA se gunstelinge Die lekker van verlief wees Popsterre van die 2000’s Kom tot rus in Kirstenbosch Wiskundiges deur die eeue Vreemde name vir kinders en plante…

1 Watter land het die meeste vulkane ter wêreld? 2 Wat word Frankryk se nasionale dag genoem wat op 14 Julie gevier word? 3 Watter fliek handel oor ’n keiserpikkewyn wat hou van dans? 4 Watter stad is die tuiste van die wêreld se oudste marathon? 5 Watter sport speel Kurt-Lee Arendse vir Suid-Afrika? ANTWOORDE: 1 Indonesië 2 Bastille-dag  3 Happy Feet 4 Boston, Massachusetts 5 Rugby BRONNE NEWS.BERKELEY.EDU, EDITION.CNN.COM, BBC.CO.UK, ENCA.COM, THEGUARDIAN.COM, BRITANNICA.COM, SCHMIDTOCEAN.ORG, INSIDECLIMATENEWS.ORG…

DIT het begin as ’n klein uitslag onder haar linkeroog toe sy twaalf was. Eers was sy nie juis bekommerd nie. Haar dokter het vir haar gesê dis ’n omloop en dit sal gou opklaar as sy die salf aansmeer wat hy vir haar voorgeskryf het. Die uitslag het nie weggegaan nie. Oor die volgende paar jare het Gillian Kgotla ander dokters besoek in haar grootwordstad, Francistown, in Botswana. Maar niemand kon ’n antwoord kry nie. Tot haar afgryse het haar gelaatstrekke begin verander. Dit het gelyk of die een kant van haar gesig wegsmelt en haar linkeroog het ingekalwe. Vir ’n tienermeisie was dit angswekkend. “Elke dag het ek ’n nuwe simptoom gehad en dit het elke deel van my lewe verander,” sê Gillian (30) in ’n videooproep uit…

NIEMAND het dit sien kom nie – en aanvanklik kon niemand dit glo nie. Was dit dalk ’n laat gekkedaggrap om die koms van April te vier? Achy Breaky Bliksem, sou jy kon sê. Maar sowaar: Elizabeth Hurley (59) en Billy Ray Cyrus (63) is ’n paartjie. Die beeldskone Britse aktrise en die Amerikaanse countrysanger het op Paassondag met ’n oordadige aanlyn liefdesboodskap verklaar hulle het mekaar gevind. Sy’t ’n hoed op die kop op die eerste foto wat hulle gedeel het, en hy groen haasoortjies. Die Paashaas met lang hare en ’n arm vol tatoes soen die skoonheid op die wang, en haar vlegsels en blokkieshemp wys sy’s ’n vrou wat weet watter genre gepas is vir ’n groot Insta-oomblik in Nashville, Tennessee. Liz het daarna nog ’n klompie…

TIKTok, TikTok. Die uurglas loop leegendie inskrywings vir Huisgenoot se Mej. Tiener- kompetisie sluit binnekort. Ja, Huisgenoot is vanjaar weer op soek na ’n rolmodel vir ’n nuwe generasie. Verlede jaar het Carli Oosthuizen van Senekal in die Vrystaat met die titel en groot pryse weggestap. Daarmee saam was daar voorblaaie op Huisgenoot, ’n gasaanbiedersrol op telelevisie en soveel meer. “As Mej. Tiener het ek soveel dinge geleer. Die hoogtepunt was om te sien hoe ek as mens groei en hoe ek uit my gemaksone klim, veral met die TV-opnames in die Kaap. Dit het regtig my lewe verander,” het Carli vroeër aan Huisgenoot gesê. Nou soek ons na haar opvolger. As jy ’n tienermeisie tussen 14 en 18 jaar oud is, kan jý dalk volgende wees. Vanjaar se wenner…