Indholdsfortegnelse for 5 June 2025 i Huisgenoot

1 ‘HY VERTEL AL SY MAATJIES DIE STORIE’ ’n Maand nadat ’n krokodil Johandré Blom (7) se arm afgeskeur het, is hy uit die hospitaal, tuis op Hartbeespoort en so vol lewe soos altyd Sterkte, ek is supertrots op jou. ’n Vriend was drie toe sy arm afgeruk is deur ’n masjien op hulle plaas. Hy was ’n ongelooflike mens. Hy kon dans tot die son opkom en was ’n onderwyser wat lewens verander het. MARISA Baie sterkte aan jou, Grootman. En mag jy sommer baie vinnig weer jou ou self wees. Probeer net om altyd positief en dankbaar te bly, maak nie saak wat nie. Want die Here sal altyd by jou wees. NIEKIE Jy is een dapper jong mannetjie! Daar gaan soms moeiliker en uitdagender oomblikke op jou pad…

1 DIEP DONKER NAELS Dis tyd om jou manikuur te laat aanpas by die seisoen se donkerder gevoel. Hoewel swart, woudgroen en ryk bruin baie gewild is, steel dieprooi die kollig – osbloed, merlot, boergonje en maroen. Dié skakerings is veelsydig en pas by enige uitrusting. Dit straal elegansie uit – of dit aan die hele nael gebruik word of as ’n aksent aan die vingerpunte. Kies ’n vierkantigovaal naelvorm en gee dit ’n glansryke afwerking. KRY DIE VOORKOMS ● Voorbereiding Begin met skoon naels, verwyder enige ou politoer en vorm jou naels. ● Wend ’n basislaag aan Dit help beskerm jou naels en sorg dat die politoer kleef. ● Verf met kleur Wend jou gunsteling-dieprooi skakering in ’n dun, egalige laag oor die hele naelbed aan. ● Herhaal Voeg…

V Ek weet ek is nie die enigste mens in die land wat goed keelvol is vir ’n plaaslike dorpsraad nie. Maar ek is goed keelvol! Ons eens mooi, skoon, funksionerende dorp het totaal verval. Met die baie reëns wat ons laatsomer ontvang het, het dinge net erger geword. Die slaggate is groter en meer, gras en bossies groei nou sommer in die teerpad. Strepe op die pad word glad nie meer geverf nie. Gesteelde stoptekens word nie vervang nie en lelike ongelukke het al gebeur as gevolg daarvan. Huise wat leeg staan, word betrek deur werkloses en die verval van hierdie geboue is hartseer. Dit is asof niemand meer omgee of verantwoordelikheid wil aanvaar nie. Ek maak baie moeilik vrede daarmee. A Jy voel soos ons almal voel. My…

KWAAILAPPIES DEUR RONEL VAN OORT Lapa, R178* Die taal wat eens kombuishollands genoem is, vandag steeds deur oningeligte Nederlanders ’n “kindertaaltje” genoem word, en nie te lank gelede nie selfs deur ’n minister ’n uitlandse taal genoem is, vier vanjaar sy 100ste verjaardag as amptelike taal. Hoe verduidelik mens dat Afrikaans nie ’n dialek van ’n Europese taal is nie, maar ’n volwaardige inheemse taal, vra ek vir dr. Ronel van Oort. Die skrywer van Kwaailappies is die ideale mens om die vraag te beantwoord, aangesien haar PhD handel oor die inklusiewe ontwik-kelingsgeskiedenis van Afrikaans. “Hoewel Afrikaans nog in sy kinderskoene staan in vergelyking met Nederlands, beskik die taal reeds sedert die 20ste eeu oor wêreldklas-letterkunde. “Afrikaanse letterkunde word in verskeie wêreldtale vertaal, waardeer en bekroon. Bowendien het Afrikaans, as…

STAM- PRAATJIES TER WILLE VAN OORLEWING Dis weer tyd vir die gewilde kompetisiereeks SURVIVOR se 47ste seisoen wat in die wildernis van Fidji afspeel. Die aanbieder, Jeff Probst, verwelkom 18 splinternuwe deelnemers wat verdeel word in drie stamme – Gata, Lavo enTuku – vir 26 intense dae van kompetisie. Van die heel eerste modderige uitdaging tot by ’n dramatiese Tribal Council – die nuutste seisoen mors geen tyd om van spelers ontslae te raak nie. In die eerste episode skarrel die stamme om saam te werk terwyl hulle ook meeding om noodsaaklike oor-lewingstoerusting te wen in ’n uitmergelende hindernisbaan. Die stam wat wen, kry kritieke gereedskap vir oorlewing, terwyl die verloorders ’n heel ander pad moet stap om hulle eie voorrade te kry. Vroeë alliansies vorm, geheime dryf na die…

1 Wat is die naam van die harde materiaal wat in renosters se horings is? 2 Op hoeveel heuwels is Rome gebou? 3 Watter land het onlangs die Eurovision-kompetisie gewen? 4 Wat is die hoofstad van Kanada? 5 Wat is die naam van Simba se oom in The Lion King? Antwoorde 1. Keratien 2. 7 3. Oostenryk 4. Ottawa 5. Scar BRONNE WWW.INC.COM, NATIONTHAILAND.COM, AMOLF.NL, NEWSFORKIDS.NET, ETYMONLINE.COM, BBC.COM, FORBES.COM, HLS.HARVARD.EDU, INDEPENDENT.CO.U…

SUIKERBOSSIE, ’k wil jou hê . . . Die meeste van ons ken hierdie gemoedelike liriek, en die woord “suikerbos” laat ’n mens dink aan helder blomme in die proteafamilie. So Afrikaans as kan kom. Die liedjie “Suikerbossie” is veral bekend gemaak deur David de Lange. Hy het dit in 1936 uitgereik, en met verkope van meer as 200 000 is dit een van die grootste treffers in Afrikaanse musiek. Min mense weet egter dat hierdie geliefde liedjie, wat ook in die FAK-sangbundel opgeneem is, dalk meer as een betekenis het. Tydens ’n onderhoud vir ons kykNETreeks oor die stories van Afrikaans het die sanger en liedjieskrywer David Kra- mer, wat passievol oor inheemse musiek is, vertel dié suikerbossie in die liedjie is nie die blom waaraan ons dink nie.…

HY WAS klein en sonder ’n pa in die armoedige Harlembuurt van New York. “Toe begin my ma met ’n polisieman uitgaan. Hy was die eerste man vir wie ek lief was. So, ek wou soos hy wees.” Sy droom sou waar word, maar nie soos hy gedink het nie. Henry Enrique Estrada, van Puerto Ricaanse herkoms, is op 16 Maart 1949 gebore. Hy was bitter jonk toe sy pa weens ’n ernstige dwelmprobleem uit sy lewe verdwyn het. Sy ma, Carmen, het naaldwerk gedoen om die pot aan die kook te hou. Smiddae ná skool het Erik skoene blink gevryf vir ’n geldjie. Op hoërskool het ’n meisie hom saamgesleep dramaklub toe en skielik het hy ’n nuwe droom gehad. “My ma het gehuil toe ek sê ek wil…

Wanneer en waar was jy op jou gelukkigste? As ek in ’n toneel is en ek word so ingesluk dat ek vir ’n oomblik van myself en die regte wêreld vergeet. Wat sou jy anders doen as jy jou lewe kon oorhê? Seker vroeër minder bang wees vir verandering. Wat is die ding wat jy die meeste in mense bewonder? ’n Gesonde ego. Wie sou jy die graagste vir ete wou nooi en wat sou jy vir ete maak? God. Ek sou ’n varktjoppie maak. Wat kan jy nie verduur nie? Onbevoegdheid. Wat is jou diepste put van ellende? Ghosting. Wie is of was die liefde van jou lewe? Definitief God, en my oorlede kat, MacGyver. Wie of wat sou jy in jou volgende lewe wou wees? ’n Black Label. Wie…

KRAGSOP vir BÊRE LEWER SOWAT 6-8 PORSIES / BEREIDING: 15 MIN. / GAARMAAK: 12-14 UUR Maak jou eie kragsop in ’n prutpot. Hierdie sop is goed vir die gesondheid, vol van die proteïen kollageen, en kan selfs lei tot beter dermgesondheid. Ek gebruik sakpas beesvleisbene, hoendernekkies en verskeie groente vir dié kragsop. ◗ 1 kg beesvleisbene◗ 2-3 bees-OF skaapskenkelstukke◗ 500 g hoendernekkies sout en varsgemaalde peper◗ 15 ml (1 e) olie◗ 2 uie, in kwarte gesny (met die skil aan)◗ 2 preie, skoongewas en in stukke gesny (opsioneel)◗ 2 stele seldery, in stukke gesny◗ 2-4 wortels, koppe afgesny en in stukke gesny◗ ½ knoffelbol, gekneus◗ 15 ml (1 e) olie◗ 2 lourierblare◗ 4 swartpeperkorrels◗ 6 x 250 ml (6 k) kookwater◗ 2 x potjies of blokkies hoender-of beesvleisaftreksel AFRONDING ◗…

GROOTTE Pas vir borsmaat: 4-5 (6-7; 8-9; 10-11) jaar en (72-77; 82-87; 92-97; 102-107; 112-117; 122-127; 132-137; 142-147) cm Werklike rondommaat van trui: Borsmaat: 65 (69; 73; 78; 83; 91; 102; 113; 123; 131; 141; 150) cm Lengte tot by skouer: 42 (48; 52; 56; 58; 60; 62; 66; 66; 68; 70; 70) cm Moulengte: 29 (33; 37; 41; 42; 45; 46; 46; 47; 48; 48; 48) cm LET WEL Die aanwysings word vir die kleinste grootte gegee, met die groter groottes tussen hakies. Waar net een getal gegee word, verwys dit na al die groottes. BENODIGDHEDE ■ Elle Seasons DK (100 g-bolle): 3 (4; 4; 4; 5; 5; 6; 7; 7; 8; 8; 9) bolle in die kleur van jou keuse (ons het Sandy Beach 720 gebruik) ■ 5…

FINANSIËLE beplanning hoef nie ingewikkeld of net vir die rykes onder ons te wees nie. Of jy nou in jou 20’s is en pas begin werk het, of in jou 60’s en aan aftrede begin dink – dit is nooit te vroeg of te laat om jou geld slim te bestuur nie. “Mense dink dikwels finansiële beplanning is net vir ouer mense of vir dié met baie geld,” sê Leonie O’Connell, ’n finansiële raadgewer by Momentum. “Maar dit gaan oor veel meer – van ’n begroting en skuldbeheer tot beleggings en beskerming.” Volgens Francois Viviers, hoof van bemarking en kommunikasie by Capitec, is doelgerigte beplanning die sleutel. “Baie mense kies om dinge maar te laat gebeur soos dit kom, maar as jy nie ’n goeie plan het nie, gaan jy…

TWEELING 21 MEI – 20 JUNIE Jy kan nie anders as om aandag te trek rondom die 8ste nie. Mercurius span dan saam met Jupiter vir ’n kragtige kombinasie. Dis goeie nuus vir jou liefdeslewe ook – vier julle suksesse. Hierna skuif albei planete op die 9de in jou geldgebied in. Dalk hou die geluk aan! KREEF 21 Jun – 21 Jul Jy kan ’n besige week verwag, dalk nie in die regte lewe nie, miskien op ’n meer geestelike vlak. Jupiter, die groot gelukbringer, beweeg op die 9de in jou teken in. Jupiter is die planeet van geleenthede, groei en reis, so jy kry ’n jaar om daaruit voordeel te trek. Laat jouself toe om groot te droom en planne te maak vir die toekoms. LEEU 22 Jul –…

As jy so beroemd en talentvol is, klap die skindertonge graag oor alles van jóú persoonlike lewe tot dié van jou gesin. En die 32-jarige MILEY CYRUS weet dit maar alte goed. As dit nie nare stories oor haar ma en sussie is nie, gaan dit oor die rusie en vervreemding tussen haar en haar pa, die countrysanger Billy Ray Cyrus. Die beste antwoord is dan maar om jou te verdiep in jou talente, en dis presies wat Miley gedoen het. Haar negende ateljeealbum, Something Beautiful, uitgereik aan die einde van Mei, spog met ’n hele paar liedjies waarop jy lekker gaan saamsing, asook ’n paar tranetrekkers. Sy hoop die algemene impak van die album is genesend, sê sy. “Dis vir my belangrik dat elke liedjie hierdie helende klankeienskappe het.…

FONDASIEFASE Hoe berei jy jong visse vir die lewe voor? Jy laat hulle in ’n skool swem. Johanna Rademeyer WOORDKEUR Om Afrikaans Honderd te vier, kies elke ou mos sy geliefkoosde woord. My woord is “vitterig”. Maar my vrou stem nie saam nie, sy sê sy’s net ferm. Anton, Bellville TOEVAL Ek het my vrou in ’n kroeg vir enkellopendes ontmoet. Ek was regtig verbaas, ek het gedink sy sit by die huis met die kinders. Denise, Pretoria ENIGSTE LIEFDE Gladde Gawie stap by die winkel in. “Het julle enige Valentynskaartjies wat sê: ‘Jy is my eerste en enigste liefde’?” vra hy. Winkelassistent: “Ja, natuurlik, kan ek vir jou een kry?” Gawie: “Nee, gee my vier!” Johanna Rademeyer VRYGEWIG Seun: “Pa, hier’s ’n ou by die voordeur wat sê hy…

DIE plek? Die strate vanParys. Die geleentheid? ’n Henneparty. Maar nie sommer enigiemand s’n nie – dis ’n miljardêr se verloofde dié. En die gevolg? Ontwerpersklere vir elke uitstappie, genoeg blieng om jou blind te laat, en ’n kredietkaart wat hárd moes werk. Lauren Sánchez, die 55-jarige donkerkop wat Jeff Bezos op 61 weer so verlief laat voel soos ’n tienerseun, het Parys behoorlik op horings geneem toe sy en haar vriendinne die laaste dae van haar ongetroude lewe groet. Ag, en was dit nie lekker nie. Hulle het uitgespan in ’n spa. Gevaar op die Seine. Aangesit vir foie gras. Die borrels laat skiet. En, natuurlik, kort-kort iets anders gaan aantrek. ’n Mens moet mos op jou beste lyk as die wêreld vir jou troue wag. Wat kos so…

HULLE het lankalbesluit hulle sou nie sommer huis koop nie, be-halwe as hulle ’n plek sien wat hulle name uitroep. As mens lewe van konsert tot konsert, is jy in elk geval meestal op die pad, sê ESTÉ en LOURENS RABE van die groep Raaf, en dan moet “huis” darem ’n báie spesiale plek wees. Toe sien hulle dié Spaanse huis op Riebeek-Kasteel met sy ou houtdeure, groot vensters, ’n enorme stoep en ’n tuin wat enigiemand se knieë sou lam maak. “Ons tree die afgelope paar jaar gereeld op Riebeek-Kasteel op. En elke keer as ons daar wakker word en deur die dorp ry, dink ons aan hoe ’n inspirerende vallei hierdie is,” sê Esté. Hulle het geweet dis Die Een. “Ons het ’n aanbod gemaak, maar nie die…

HULLE hegte vriendskap strek oor meer as ’n dekade en was propvol glansryke kuiers, Super Bowlverskynings en luukse vakansies saam. Ja, BLAKE LIVELY en TAY-LOR SWIFT was onafskeidbaar. Maar dis nou alles iets van die verlede. Die twee het ’n dramatiese uitval gehad nadat Taylor (35) ingesleep is by Blake se morsige regstryd met haar It Ends with Us-medester Justin Baldoni. Die saak maak al maande lank opslae sedert Blake (37) in Desember vir Justin gedagvaar het vir seksuele teistering op die stel van die fliek, waarvan hy ook die regisseur was. Sy beskuldig hom verder dat hy toe ’n smeerveldtog gevoer het om haar reputasie te beskadig. In Januarie het Justin ’n teenklag ingedien en Blake beskuldig dat sy hom ondermyn het deur kreatiewe beheer oor die fliek te…

Ons dink lowkey die kinders van vandag yeet alles uit die taal uit. Ons vind dit cringe, maar hulle dink dit slay. So kom ek vertel jou van die 1830’s in Boston, Massachusetts. Vir een of ander rede was ’n voorliefde vir afkortings in swang: OFM vir “our first men”, GT vir “gone to Texas”, SP vir “small potatoes”. Jy kon dinge sê soos: “OFM have GT for SP.” Hoekom jy sou wou, weet net jy alleen. Uit hierdie trend het ’n ding ontstaan waar komiese spelfoute vir die Bostoniete besonder boeiend was. All right was “oll wright”. Hilarz. En so het een toe posgevat waarmee ons vandag nog sit: “Oll Korrect” het OK geword. OK is die wêreld se mees geleende woord. Hy’s ook die planeet se mees gesproke…

TOE sy in November 2023 in ’n rooi swembroek op Huisgenoot se voorblad verskyn het, het sy al begin droom van ’n baba. Sy’t in daardie tyd gereeld geoefen en gesond geëet, want sy’t toe al gewerk met ’n plan. “Ek oefen met fokus en ’n bewustheid om die sterkste weergawe van myself te wees omdat ek dink dit maak ’n swangerskap makliker,” het Marciel Hopkins-Lourens toe vertel. En hier’s sy nou – ’n jaar en ’n half later, 32 jaar oud, en 36 weke swanger. Hoogswanger, sou mens kon sê, want sy verwag haar babaseuntjie einde Junie. Maar ’n swanger Marciel is steeds ’n Marciel vol sports. En toe Huisgenoot haar vra om sommer wéér in ’n swembroek te verskyn – dié keer om te wys hoe lieflik die…

1 BEELDSKOON BOHEEMS Hierdie styl van ’n vrygees gaan oor vloeiende en valletjierige materiale, gemaklike en sagte silhoeëtte, en getekstureerde goue bykomstighede. Denim is nou ook gewild in hierdie styl. WENK Vir dié vrygeesstyl, dra denim saam met vloeiende lae en detail soos serpe en kant. 2 SWIERIGE SESTIGS Die ’60’s-styl met sy minirokke, satyn-onderrokkies en skoon silhoeëtte maak ’n groot terugkeer. Vir bykomstighede, kies handsakke met ’n sterk struktuur, plat of Mary Janeskoene en glans-afwerkings. WENK Knope, borsspelde en ’n stukkie kunspels sal enige sexy ’60’s-voorkoms volmaak afrond. 3 COUNTRY Dié styl behels gemaklike, praktiese klere, met die klem op denim en suède, kledingstukke in ’n Wilde Weste-styl en, natuurlik, cowboystewels! ’n Model geklee in net denim en leer se cowboystyl is in die kol by die Paryse Modeweek.…

V Sowat twee jaar gelede het ons toevallig in dieselfde straat ingetrek as ’n skoolvriendin van my. Dié nuwe buurvrou het my betrek by haar vriendekring wat uit ander vroue in ons straat bestaan. Ons is nou ’n groep van ses en doen dinge saam soos om te gaan fliek, uit te eet wanneer iemand verjaar, of saam te kuier wanneer ons mans sport gaan kyk. Ons kuiers is meestal in die week aangesien ons groep bestaan uit huisvroue en afgetredenes. Maar nou het my ou skoolvriendin ’n uitval met een van die ander vroue gehad en is sy nie meer deel van die groep nie. Niemand weet waaroor dit eintlik gegaan het nie, maar hulle twee groet mekaar nie eens nie. My skoolvriendin plaas my nou gereeld in ’n…

1 FOKUS OP DIE LANGER TERMYN Dink verder as vandag. Hoe gaan die geldkeuses wat jy nou maak jou welvaart oor vyf of tien jaar beïnvloed? Spaar eerder jou geld as om dit te blaas op iets wat jy nie nodig het nie – al begin jy klein. Hoe langer jy spaar, hoe meer groei jou geld danksy saamgestelde rente. Voorbeeld Jy belê maandeliks R250 teen ’n jaarlikse opbrengs van 7%. Oor 20 jaar het jy R120 000. Beter as al daai wegneemkos, of hoe? 2 VOLHARD! Selfdissipline is die sleutel. Selfs klein maar gereelde bydraes groei mettertyd aansienlik. Buiten die voordeel van saamgestelde rente word langtermynbeleggers ook taamlik teen markskommelinge beskerm. 3 VRA HULP Finansiële beplanners kan jou met spaardoelwitte help sonder dat jy ’n polis koop. Sommige vra…

WAAROM wil sommige mense graag die verloop of veral einde van ’n fliek of reeks vir jou ruïneer? Dis amper psigopaties van aard, die behoefte om die grootste skok van die afgelope episode sommer dadelik oor almal se koppe in die oopplankantoor uit te basuin. En jy, wat dit graag vanaand wil kyk sonder al die advertensies, lyk soos ’n loser wanneer die trane in jou oggendkoffie begin drup. Of nog erger. Om dit aanlyn te plaas sonder waarskuwing – dit staan bekend as ’n spoiler en word dikwels in rooi aangedui of met **sterretjies**, soos in **spoiler alert** of so-iets. Net verlede week toe ek op ’n baie bekende webwerf is om inligting vir die vermaakblaaie te kry, staan daar, in massiewe letters, een van die grootste spoilers van…

GROOT BLOKRAAI NO 2599 KOMPETISIEVRAAG Watter vis is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN PHAROS PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Spreekwoorde en ander segswyses deur Anton F. Prinsloo, Leon de Stadler en Amanda de Stadler (Pharos, R220). Op elke nuwe blaadjie wat omgeslaan word, is daar vir nuuskierige agies interessante brokkies en stories oor hoe van Afrikaans se bekendste én minder bekende spreekwoorde en segswyses ontstaan het, asook ’n Afrikaanse verklaring en ’n Engelse ekwivalent óf ’n Engelse verklaring vir elke spreekwoord en segswyse. Met 10 765 spreekwoorde en segswyses, waarvan 1400 nuut is, is Spreekwoorde en ander segswyses ’n handige naslaanwerk vir…

‘EK IS gebore in Johannesburg. Ek het so te sê my hele lewe hier in Parktown deurgebring. Ek bly langs die huis waar ek grootgeword het. Dit was wonderlik. Dit was natuurlik baie anders as vandag. Ons het as kinders baie meer vryheid gehad. Ons kon loop waarheen ons wil en in die strate speel. Ons het die grotte aan die suidelike kant van die Westcliff-koppe gaan verken en die kliprante van die Northcliff-watertoring uitgeklim. My pa was ’n geoloog en my ma ’n bibliotekaresse. Ons huis was vol boeke, en as iemand iets interessants gelees het, sou hy of sy dit vir die res van die gesin kom voorlees. Dit was ook vir my ouers belangrik dat ons moet weet waar ons vandaan kom. My oupa was van Italië.…

DAAR verskyn hy op Moedersdag op ’n foto wat almal laat gons – oorkant hom staan sy meisie, en in haar arms hou sy ’n piepklein babaseuntjie. Wág, sê almal toe gelyk. Is dit Refentse se bulletjie dié? En hoe op aarde het ons dit gemis? Jy kan nie mis wat jy nie weet nie, spot Refentse in die weke sedert hy die nuus bekendgemaak het. Maar hy en sy meisie, Tané Joubert, se seuntjie is nou onlangs gebore, en ja, hy wil dit nou van die berge af skree. Hulle seuntjie heet Arloh Combrink Mohale Morake. “Arloh beteken ‘fortified hill’, Combrink is my oupagrootjie se naam, en Mohale beteken oorwinnaar in Sotho,” sê Refentse. Al is dinge tuis maar dol, geniet hy dit om vir eers by die huis…

HULLE groot dag het in die hartjie van die Paarl in die middel van die herfs afgespeel. En as jy die Boland ken, sou jy weet dit beteken waarskynlik bibberweer. Maar nie op die dag toe BRANCO DU PREEZ en LAYKIN RUDOLPH getrou het nie. Vir hulle trougeskenk het die wolke op hulle troudag oopgetrek en die kwik tot ’n vuurwarm 34 °C gestyg. En toe’s daar partytjie gehou. “Ons wou iets intiem en betekenisvol hê, so ons het dit klein gehou – ongeveer 60 van ons naaste familie en vriende, plus ’n paar kinders wat rondgehardloop het,” sê Laykin. “Dit was alles waaroor ons gedroom het: warm, persoonlik en baie spesiaal.” Vir die groot dag het Branco ’n groen pak – “iets anders en dapper” – gedra. Toe hy…