Indholdsfortegnelse for 3 July 2025 i Huisgenoot

1 ‘PYN IS MY VRIEND, MAAR EK BLY HOOP’ Op 74 het Leon Schuster – bo by sy dogters Shelley en Leandé – pas sy vierde rugoperasie gehad. Sy rug bak nou poetse op hóm, sê hy Leon, baie sterkte vir jou. Baie dankie vir wat jy vir ons gedoen het in die flieken musiekbedryf. Jy is ’n ware ikoon vir ons. Ons sal aanhou om jou in ons gebede te dra. Baie, baie dankie weer, en mag jy gou gesond word. PIETER Baie sterkte aan jou, ons ou maat. Ek is juis nou besig om te herstel nadat ek onlangs my vierde rugoperasie gehad het. Gelukkig het ek nie eintlik meer pyn nie. Bly net glo. Ek wens jou baie, baie krag toe. RITA Ek het een rugoperasie gehad. In…

ONS het geweet die Mej. Tienerdeelnemers is slim, beeldskoon, positief oor die toekoms, interessant en kreatief. Maar toe ons met die tien finaliste begin gesels, is ons opnuut beïndruk en van voor af verras deur hul unieke stories. Hulle is borrelend, vol selfvertroue, mooi van binne en buite, en elkeen het iets sinvols om te sê. Ná die lang wag kan ons vanjaar die tien finaliste van Huisgenoot se kompetisie uiteindelik voorstel. Hulle kom van reg oor die land, van Pretoria tot Mosselbaai en Keimoes in die Noord-Kaap. Hulle is veelsydig. Verskilmakers. Hulle dans, doen drama, speel sport en is kranige redenaars. Hulle droom gróót. Nou is dit jou beurt om jou stem te laat tel. Besoek ons Mej. Tiener-stemblad op huisgenoot.com en stem vir jou gunsteling. Maar voor jy…

AS JOU naels deesdae makliker as gewoonlik breek, moenie dink jy’s die enigste een nie. Of dit nou weens droë weer, gereelde handewas of ’n liefde vir jelnaels is – bros, splinterende en dun naels is ’n algemene probleem. Maar al is dit nou hoe aanloklik om jou dun naels met jel of akriel toe te maak, wonder jy dalk hoe jy jou naels sterker kan maak en vaarwel sê vir gebreekte punte. Gelukkig kan jy jou naels weer lewe gee met die regte sorg en ’n bietjie geduld. Van voedende olies tot versterkende serums en skadevoorkomingstegnieke, met ’n paar eenvoudige veranderinge kan jy sterk, blink en natuurlike naels kry. Ons gee jou ’n klompie goeie wenke. HOEKOM NAELS BROS WORD “Ons naels bestaan uit lae keratien, ’n proteïen wat…

As jy ’n kat het, gaan jy waarskynlik die een of ander tyd met haarballe te doen kry – of dit nou is waar dit plek-plek op die vloer beland of as die arme troeteldier dit probeer uithoes. Hier is wat jy moet weet, en hoe om te weet of daar rede tot kommer is. HOE VORM HAARBALLE? Haarballe ontwikkel in jou kat se maag uit hare wat hulle insluk wanneer hulle hulself versorg. Dit gebeur omdat katte se tong honderde klein “dorings” het wat agtertoe wys. Hulle kan dus nie die hare uitspoeg nie en hulle kan dit ook nie uitskei nie. Dit kleef aan gal en kosdeeltjies en vorm dan ’n bal. WANNEER IS DIT ’N PROBLEEM? As jou kat af en toe ’n haarbal uithoes, is dit…

WILDE VERE DEUR HENDIE GROBBELAAR Lapa, R374* Wat ’n verrassing as die koerier ’n debuutroman aflewer en hier is dit ’n geslypte en heerlike liefdesverhaal. Toe ek egter met Hendie Grobbelaar begin gesels oor Wilde vere, blyk dit dis nie heeltemal uit die bloute dat sy so vlot skryf nie. “Tydens my korporatiewe leeftyd het ek onder meer nuusbriefartikels en toesprake geskryf. In 2015 beproef ek die wonderwêreld van kortverhale en besluit om ’n paar kursusse te doen, onder meer by SA Vryskutskrywers, The Talking Table op Lesbos met Marita van der Vyver, en ook die ATKV se skryfskool. Drie kortverhaalbundels, ’n paar tydskrifverhale, kortverhale in saamgestelde bundels, asook drie verhale in die US Woordfeesbundel volg. Ek geniet dit om vir skryfkompetisies in te skryf. In 2019 begin ek radiodramas…

HY’S die nuusmaker. Die in ou. Die akteur op ons skerms wat soos ’n vars briesie nuwe lewe in elke rol blaas wat hy aanpak. En hy doen dit tans in twee rolle. Hy is nou te sien in kykNET se Die nuusmakers en Showmax se nuwe reeks Breekpunt. Ons het by die 25-jarige akteur van die Kaap gaan hoor oor sy loopbaan en sy gunstelingdinge. DIE NUUSMAKERS In dié reeks is hy Willem Venter, ’n klankmenger in die nuuskantoor. “Willem neem die lewe nie te ernstig op nie – hy’s ontspanne, speels en bring dikwels ’n ligte, amper simpel energie na selfs die ernstigste situasies. Terwyl die res van die span dalk vasgevang is in spertye en drama, is hy meer bekommerd oor hoe om sy volgende DJ-optrede in…

‘EK HET die dood van familie van jongs af ervaar. Die eerste dood wat ek beleef het, was van my broer, Anthony. Hy sou van Kaapstad Durban toe ryloop om werk te soek toe hy in ’n tref-en-trap-voorval oorlede is. Hy was amper 25. Ek was 13. En toe, vier jaar later, het my suster Desiré meningitis gekry. Dit was die oorsaak van haar dood. Sy was ook amper 25. Ek onthou toe die kis in die grond afgaan, het my pa gehardloop en vier mans moes hom terughou, want hy het gehuil en geskree: “Moenie my los nie, moenie my los nie!” Die huiswerker wat jare lank vir haar gewerk het, en soos ’n moeder vir haar kinders was, het agter gestaan. Sy het ook geween. Al hierdie drama…

HULLE lê op ’n stoel net hier neffens hom, sy twee reismaats van die laaste paar weke. Vir ander mense hier in die koffieplek in Pretoria is dit net ’n stel aluminiumkrukke, maar vir Billy Cowley is dit ’n nuwe uitdaging. ’n Ongevraagde een, en angswekkend daarby. Tog bly dié krukke eintlik maar net die teken van nog ’n ding om te oorkom. En vir ’n uitdaging het hy wat Billy is nog nooit geskrik nie. Daar was al baie daarvan in sy lewe – kleines en grotes, sommige senutergend en ander lagwekkend. Vir almal het hy gewys wie’s baas. Vyf jaar terug het Billy 420 g Marmite binne ’n minuut verorber om ’n nuwe Guinness-wêreldrekord op te stel. Dis byna twee groot houers Marmite. Twee jaar later, in 2022,…

DIT sou so maklik gewees het om vir homself jammerte voel. ’n Gebroke hart is mos ’n seer ding. En soms genoeg om ’n man plat te slaan. Maar hier’s hy vandag, kaalbolyf in die gim, met ’n ondeunde glimlag vir die kamera. O, en die vogtigheid wat jy hier aan sy gesig opmerk, is nié trane nie, dis die sweet van ’n man wat vier dae per week gefokus oefen, en deesdae amper onherkenbaar is. “Ek moes fiks word vir ’n nuwe fliek,” sê FRANCOIS JACOBS oor sy nuwe voorkoms. “ ’n Gesonde liggaam huisves ’n gesonde gees. Ek is gelukkig.” Die fliek is getiteld Khaki Fever en dit sal binnekort te sien wees, sê hy. Sy gesondheid en welstand het nou eerste plek ingeneem, sê Francois. En dit…

DIE kamera zoem in op die voete in die glinsterende rooi skoene. Dan kap sy haar hakke drie keer teen mekaar en sê die towerwoorde: “There’s no place like home!” En woeps, Dorothy is veilig terug in Kansas. Dis seker een van die bekendste tonele in die supergewilde musiekfliek The Wizard of Oz met Judy Garland in die hoofrol as Dorothy. Maar daar’s ’n kulkunsie hier – dis nie Judy se voete in die ikoniese “ruby slippers” nie. Sien, agter elke groot Hollywoodster is daar ’n dubbelganger. Mense soos Caren Marsh Doll, wat in die ver kameraskote gebruik is. Hulle lengte en donker hare was identies, “jy kon ons vir ’n tweeling aansien. Ek moes oor en oor op daai yellow brick road af huppel tot die kameraman en regisseur…

Wanneer en waar was jy op jou gelukkigste? Op Bloubergstrand, Kaapstad – een aand in 1971. Wat sou jy anders doen as jy jou lewe kon oorhê? Ek sou eerder ’n kursus in fotografie geloop het as tale en onderwys by UOVS studeer. Wat is die ding wat jy die meeste in mense bewonder? Die feit dat ons almal anders is. Wie sou jy die graagste vir ete wou nooi en wat sou jy vir ete maak? Ek sou graag Annette van Coller – my skoolliefde wat nooit eens van my beheptheid geweet het nie – wou oornooi vir ’n vegetariese gereg. Wat kan jy nie verduur nie? ’n Persoon wat ’n hoë dunk van homself het. Wie of wat sou jy in jou volgende lewe wou wees? ’n Goeie kontratenoor.…

SJOKOLADE-&-FRAMBOOS- BROWNIES GENOEG VIR 16 /BEREIDING EN BAK: 45 MIN. + AFKOEL ◗ 250 g botter, in blokkies gesny◗ 250 g donkersjokolade, gekap◗ 220 g (2½ k) strooisuiker◗ 5 eiers, liggies geklits◗ 5 ml (1 t) vanielje -ekstrak◗ 100 g (⅔ k) koekmeel, gesif◗ 50 g (⅓ k) bruismeel, gesif◗ 50 g (½ k) kakaopoeier, gesif◗ 50 g donkersjokolade, grofgekap◗ 50 g witsjokolade, grofgekap◗ 125 g vars of bevrore frambose VIR VOORSIT ◗ ekstra vars frambose (opsioneel) Voorverhit die oond tot 180 °C. Bespuit ’n reghoekige pan van 20 x 30 cm met kossproei. Voer die bodem en kante van die pan met waspapier uit, groot genoeg sodat die waspapier 5 cm oorhang. 1 Plaas die botter en sjokolade in ’n klein kastrol en roer oor baie lae hitte tot…

KRY DIT HIER @HOME BY BASH.COM; BLOCKANDCHISEL.CO.ZA 010-593-9308; DESIGNSTORE.CO.ZA HELLO@DESIGNSTORE.CO.ZA; HERTEXHAUS.CO.ZA 021-948-4764; KLIGHT.CO.ZA 021-552-4370; LIGHTINGWAREHOUSE.CO.ZA 011-201-2600; MRPHOME.COM 064-584-1000 (WHATSAPP) HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDE-LIK GEHOU KAN WORD NIE.…

JOU kollega is jou klankbord op kantoor. Julle deel geheime, lag vir ongemaklike oomblikke en blaas saam stoom af oor jul werkfrustrasies. Nou is jou kollega bevorder tot jou direkte bestuurder. Koffie in die kombuis maak plek vir formele gesprekke in die kantoor oor jou werksprestasie. Jy’s opgewonde, want jou goeie vriend of vriendin kry ’n pos waarvoor hy of sy hard gewerk het. Maar innerlik worstel jy met gevoelens oor wat dit gaan beteken vir jul vriendskap en hoe jul verhouding vorentoe gaan lyk. Hoe verseker jy dat jul vriendskap nie skade ly nie terwyl jy terselfdertyd die professionele grens tussen julle respekteer? Daniëlle Malan, ’n bedryfsielkundige van About Mind Consulting in Kaapstad, gee praktiese raad. ’N NUWE DINAMIKA Al is jy bly om jou kollega se onthalwe, kan…

KREEF 21 JUNIE – 21 JULIE Die lewe is dikwels vol onsekerheid wanneer buiteplanete van teken verander, soos wat hierdie week weer gebeur. Uranus is die derde planeet wat dit die afgelope vier maande doen, ná Neptunus en Saturnus. Herinner jouself daaraan dat jy vir die volgende jaar die voordelige Jupiter in jou teken het om dinge vir jou uit te sorteer. LEEU 22 JUL – 22 AUG Verwag die een of ander omwenteling in jou loopbaan wat ’n voorloper van groter dinge kan wees. Onthou om die hele prentjie te sien en nie net wat reg voor jou is nie. Op die 7de verlaat die planeet van skielike verandering, maar ook bevryding, jou loopbaanhoroskoop. Dit sal maklik wees om jouself te flous oor die finansiële implikasies – moenie. MAAGD 23…

DIE meeste kykers stem saam dat THE BEAR se derde seisoen bietjie platgeval het, maar dit maak mens nie minder opgewonde oor die volgende seisoen nie – die hoop op iets van die oorspronklike sjarme beskaam nooit. Die vierde seisoen is van DON-DERDAG 26 JUNIE OP DISNEY+. Baie van ons gunstelingkarakters is weer te sien in die tien episodes – soos Carmy (Jeremy Allen White), Sydney (Ayo Edebiri) en Richie (Ebon Moss-Bachrach), sowel as Tina (Liza Colón-Zayas), Natalie/Sugar (Abby Elliott), Marcus (Lionel Boyce) en Neil Fak (Matty Matheson). In die lokprent vir seisoen 4 maak Jamie Lee Curtis ook ’n verskyning – wat bevestig dat haar karakter, Donna Berzatto, vir seisoen 4 sal terugkeer. Waarskuwing: Spoilers vir seisoen 3 volg. Seisoen 3 sluit af met ’n onheilspellende “To be continued”-skerm,…

Die koppe draai wanneer sy op die rooi tapyt loop met haar kaalkop, versierde naels en eksentrieke uitrustings. Maar wanneer sy haar mond oopmaak, bly almal stil, want dis haar stem wat die grootste indruk maak. CYNTHIA ERIVO (38) is inderdaad indrukwekkend. In Junie het sy haar tweede ateljeealbum uitgereik. I Forgive You met sy 20 liedjies is ’n projek waarin Cynthia haar hart oopmaak. Destyds in 2021 het haar debuutalbum, Ch. 1 Vs. 1, met sy volwasse kontemporêre gevoel dit nie reggekry om Cynthia so goed vas te vang soos hierdie een nie, reken sy. “Dit het nooit heeltemal gevoel asof dit myne is nie.” Sy vertel hoe sy destyds saam met ’n groep wonderlike vervaardigers en skrywers gewerk het wat baie nuwe idees en klanke verskaf het –…

WANBALANS Jy weet jy word oud wanneer dit langer neem om te rus as om moeg te word. Wollie, Pretoria LOOPBAANSKUIF My lewe was altyd so cool en opwindend. Toe word ek die ouer van ’n tiener. Nou is ek net ’n taxibestuurder en ’n kitsbank. L. Saayman MAATSOEKSPEL “Dit lyk my nie my dogter wil iets van trou weet nie,” sê Hendrik moedeloos. “Wees net geduldig,” antwoord sy ou vriend Sarel. “Die verkeerde ou sal wel een van die dae opdaag.” San Marchand HORENDE DOOF “Het jy ooit daaraan gedink om my te verlaat?” wil die vrou vir die soveelste keer van haar man weet. “Nee, maar ek het al baie daaraan gedink om te maak of ek doof is,” antwoord hy met ’n groot sug. Heidi NIKS IS…

DIS Saterdagoggend, drie dae ná my middag saam met Ita O’Brien, die inti-miteitskoördineerder wat die sekstonele in gewilde TV-reekse soos Normal People, I May Destroy You en Sex Education gechoreografeer het. Gewoonlik sou ek rustig tee drink en koerant lees, maar nou sit ek en kyk diep in my vrou se oë. As jy ’n goeie intieme verhouding wil hê, sê Ita, moet jy die voetwerk doen. Jy moet met jou fisieke self en jou innerlike emosionele landskap kontak maak. Jy moet oop wees, jy moet teenwoordig wees, al daai goed. Jy kan nie net jou klere uittrek en hoop alles gaan reg verloop nie. Wat beteken dit prakties? Op hierdie oomblik beteken dit ek kyk in Harriet se oë en sy kyk in myne. Dis klaar nogal baie om…

IEWERS in die verte kwaak die paddas onsigbaar in die stilte van die Everglades. Teen middernag is dit asof die sterre ’n bietjie helderder in die hemelruim skitter. Dis net die sagte dreuning van ’n voertuig wat jou in die vleilande in Florida geselskap hou. Agter op ’n oop bakkie staan ’n blonde vrou, haar geoefende oog hou die moerasse rondom haar dop terwyl dit teen 10 km/h op die stikdonker pad dreun. Dan val die spreiligte agter aan die bakkie op ’n beweging. “Slang!” skree sy. Die bestuurder trap rem. In ’n oogwink spring die vrou, Amy Siewe, van die bakkie af. Die volgende oomblik staan sy met ’n dik Birmaanse luislang in die hand. ’n Skoot gaan af. Die spartelende luislang raak stil in haar hande. En só…

AL WAT hy kon uitkry, was “wow”. En toe volg ’n lang stilte. Minute lank het die dokter se woorde in die lug gehang en toe eindelik ingesink. Toe omhels die omroeper en sanger CHAD SAAIMAN en sy vrou, SAVANNAH, mekaar. Hulle het pas gehoor hulle verwag ’n tweeling, sê Chad, en was stomgeslaan. “Daar’s nie regtig ’n groot geskiedenis van tweelinge in ons families nie, so dit was nogal ’n verrassing,” sê Chad. “Daarna was dit ’n mengsel van verskillende emosies: vreugde, opwinding en onsekerheid oor die toekoms.” Die paartjie het die nuus vroeër vanjaar met hulle eerste besoek aan die ginekoloog gehoor. Terwyl hulle na die ultraklankskerm gekyk het, het die ginekoloog die bom laat val: “Dit lyk of daar twee swangerskapsakke is . . .” Nou, nadat…

BRONNE: INSTAGRAM.COM, PEOPLE.COM, EONLINE.COM, USATODAY.COM…

Sedert hulle in 2023 saam gesien is, het TIMOTHÉE CHALAMET en KYLIE JENNER se romanse die publiek se belangstelling geprikkel. Die twee het eers skaam vir mekaar gekoer, en ons het hulle die eerste keer by ’n konsert van Beyoncé sien soen. Deesdae vry hulle die wêreld aan die brand – van sportgeleenthede tot prysaande. WANG TEEN WANG Al soen hulle nie hier nie, is die vonk tussen hulle vuurwarm by die 2025-Vanity Fair-Oscar-partytjie. WATTER TENNIS? Kylie en Timothée steel ’n oomblik by die eindstryd van die Amerikaanse Ope tussen Novak Djokovic en Daniil Medvedev in 2023 in New York. DUBBELSPEL Die twee het skaars tennis gekyk by die BNP Paribas-ope by die Indian Wells Tennis Garden in Kalifornië. SOENE LANGS DIE BAAN Hulle het styf teen mekaar gesit by…

Ons herleef die volledige stories van Joost van der Westuizen, Hansie Cronjé, Jimmy Abbott, Tertius Bosch, Corrie Sanders, James Small, Caster Semenya, Jacques Freitag, Ruben Kruger en Oscar Pistorius. BESTEL DIT SO: AANLYN media24shop.com of huisgenootwinkel.com BEL 021-406-4962 E-POS koop@huisgenoot.com…

Die Engelse woord “gymnasium” het ontstaan uit die Griekse term “gymnasion” – ’n plek vir oefening en afrigting. Dié het weer gekom van die Grieks “gymnazo”, afgelei van die woord “gymnos” vir naak. In antieke Griekeland het atlete mos nie doekies omgedraai nie. In daai tyd was al die deelnemers aan die Olimpiese Spele mans, en hulle’t sonder ’n draad klere meegeding. As’t ware kaal genael. Algaande het Afrikaans die woord gimnasium ook begin in-span as ’n saal vir oefening doen – deesdae meestal informeel afgekort tot gim. Dis nou ’n plek waar mans én vroue spiere bult en litte roer. Asems jaag en sweet spat. Dis kragoefeninge, rek-en-strek, en aërobies raak. Iewers skree ’n sammajoor bevele uit: Een, twee, drie, vier . . . é-é-é-n tien! Die musiek dawer…

DIS nog donker buite wanneer hy soggens opstaan. Klokslag om vieruur lui sy wekker, en dan is dit koffie, tande borsel en gesig was. As hy in Gauteng is vir werk, gaan hy gim toe. As hy op Ballito is, by die huis, val hy in by sy boksklub of gaan swem lengtes. Teen sesuur is hy terug, betyds om die kinders skool toe te vat. Hy gaan laai die drietjies af: die 13-jarige Sion, twaalfjarige Leben en negejarige Armani. Vanmiddag, ná skool, gaan haal hy hulle weer. “Ek is ’n roetinemens,” sê hy. Eintlik doodgewoon. Nes enige ander betrokke pa. Nes enige ander man wat sy lewe op koers probeer hou. Almal ken hom as “Bobby”, maar hy’s eintlik maar net Pieter. En al kan Pieter nie sy voete…

V Irma, ek hoop jy het vir my raad. Ek is tot die dood toe moeg. Liggaam-en sielsmoeg. Ek het lank studeer en deeglik beplan aan my toekoms. Met genade het ek tien jaar gelede die werk gekry wat ek nog altyd wou hê. Dit is by ’n baie groot maatskappy en ek werk hard, maar geniet wat ek doen. Wel, dit was die geval tot so ’n jaar gelede. Die afdeling waar ek werk, het drasties begin verander. Die een ná die ander kollega het begin emigreer, en bestuur het besluit om die werk te verdeel eerder as om hulle te vervang. Die werk word net meer en meer en ek gaan nou gereeld laat saans huis toe. Omdat ek weier om my standaarde te verlaag en met projekte…

’NHEERLIKE minireeks om te kyk is SIRENS, tans op Netflix. Om-dat ek nie so ’n groot aanhanger is van Julianne Moore nie – ek weet, ek weet, maar daar is iets aan haar waterige oë wat nie vir my werk nie – het ek nie eintlik beplan om dit te kyk nie. Maar daar is niks wat ’n paar dae in die bed met verkoue nie kan regkry nie. Die ster van die reeks is definitief Meghann Fahy. Sy was ook onlangs te sien in THE WHITE LOTUS en THE PERFECT COUPLE, en ten spyte daarvan dat sy regtig beeldskoon is – maar nie op daardie “Sy’s mooi maar sy weet dit”-manier nie – is dit haar menslikheid en intelligensie wat jou eerste opval. En in hierdie rol skitter sy…

Hy is deesdae een van die groot name in countrymusiek. Drie van sy liedjies, “What I Want” saam met Tate McRae, “Just in Case” en “I’m the Problem”, van sy nuutste album, I’m the Problem, pronk tans onder die toptien van Billboard se Hot 100-trefferlys. Wanneer ’n mens hierdie ou van nader bekyk, lyk dit nie of daar iets is wat MORGAN WALLEN se gewildheid gaan keer nie. Selfs nie eens ’n rassistiese opmerking in 2021, waarvoor hy plegtig om verskoning gevra het en sowat ’n jaar deur die bedryf gestraf is, het verkope sleg beïnvloed nie. Hy het vier vollengtealbums sedert 2018 uitgereik. “In hierdie stadium van my lewe weet ek nie wat die toekoms inhou nie, en as gevolg van alles wat gebeur het, waardeer ek dit,” sê…

GROOT BLOKRAAI NO 2603 KOMPETISIEVRAAG Watter beroep is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Draaie, swaaie en afdwaalpaaie: reisstories deur Corlia Fourie en Annelize van Rooyen (Queillerie, R320). Geniet dié bundel vol vermaaklike reisstories uit die pen van 46 skrywers, onder wie Marita van der Vyver, Kirby van der Merwe, Sophia Kapp, Jacques Pauw, Irma Joubert, Julian Jansen, Kerneels Breytenbach, Bettina Wyngaard en Frederik de Jager. Die skrywers vertel van ongewone gebeure op hul reise met snaakse, bittersoet of heuglike gevolge. Maar altyd is die ervarings verrykend. Reis saam van Fraserburg totTimboektoe. Doen aan in Amerika,…

1 DINSDAG-SEKS Dis daai soort seks in die middel van die week wat help om die band tussen jou en jou maat sterk te hou. Dit hoef nie ongelooflik opwindend te wees nie, maar is iets wat julle verbind en deel maak van die alledaagse roetine. “Dinsdag-seks”, ’n term wat van die psigoanalis dr. Orna Guralnik af kom, is eintlik baie belangrik, want dit help bou aan die emosionele band in ’n vaste verhouding. 2 KOMMUNIKASIE As jy ’n romantiese aand beplan – kerse aansteek, kos maak – maar dan nie eens agterkom dat jou maat uitgeput is ná ’n slegte dag by die werk nie, is dit van geen nut nie. Jy kan nie net iets aanbied en verwag die ander persoon moet dadelik reg wees nie. Dit gaan…