Indholdsfortegnelse for 4 September 2025 i Huisgenoot

1 HELP SÓ JOU KIND TEEN BOELIES Sowat 40% van SA kinders word op skool geboelie en op sosiale media tot een uit drie. Kenners verduidelik hoe ouers hulle kinders kan beskerm Boelies se gedrag stop nie op skool nie. Hulle word volwassenes en boelie dan verder in die werkplekke, huwelike, kerke en sosiale kringe. Leer jou kind om dit te hanteer, en staan saam op teen die boelies. ALICIA Dis nie so maklik vir kinders nie. Nie elke kind is sterk genoeg om op te staan teen boelies nie. Ek het ook al met vele ouers gepraat, en hulle sê kinders se klagtes oor boelies word dikwels deur die skool geïgnoreer. LINDY Dit ruk handuit. Boelies moet uitgewys, aanspreeklik gehou en vasgevat word. Kinders wat geboelie word, moet ondersteuning kry…

DÍS nou wat jy noem ’n glanspaar – in die ge-trouste, glinsterendste sin van die woord. Die hare, die klere, die skoene, die juwele, die horlosies, die partytjies. Die geld. Báie daarvan. Maar miskien nie meer nie. Lee-Ann Liebenberg en Nicky van der Walt is al lank wat ’n mens sou kon beskryf as ’n “it couple”. Sy, die beeldskone model. Hy, die sjarmante sakeman. Skatryk en suksesvol – met smaak wat soek na die duur dinge in die lewe. Hulle was nog nooit skaam om te spog met hulle styl nie. Selfs hul eersteling se babakamer is destyds ingerig met ’n wiegie van Dior en Ralph Lauren-papier teen die muur. Maar glans is iets wat kan verdof. En niemand se geld kom uit ’n bodemlose put nie. En tóg…

DIE juffrou staan voor ’n swartbord en sing. Sy spoeg die woorde byna uit – vurig en geesdriftig, half kwaai, asof sy op die interskolepaviljoen staan. Maar die woorde wat sy vandag vir haar leerders sing, gaan nie oor wiskunde of aardrykskunde nie. Nee, sy bulder: “These are my private parts. No one should touch them. No one should squeeze them. And if you touch my private parts, I will tell my mother, I will tell my father, I will tell my teacher.” Wanneer sy van die “private parts” sing, beduie die juffrou, Gelda Waterboer, na die betrokke liggaamsdeel. Wanneer sy sing “I will tell my mother”, lig sy haar wysvinger kwaai, soos net ’n onderwyser, goed geoefen in dissipline, kan doen. Dis niks vreeslik ongewoon wat hier in ’n…

ROKKE TOPS ROMPE KRY DIT HIER BASH.COM; EXACT 0860-834-834; FOREVER NEW 0860-018-014; H&M 0860-690-707; IDENTITY 021-460-2400; MANGO SHOP.MANGO.COM/ZA; PEP 0860-737-000; PICK N PAY CLOTHING 0860-303-030; POETRY 0860-333-329; SUPERBALIST.COM; TAKEALOT.COM; THE FIX 0860-834-834; TRUWORTHS 021-460-2300; YDE 021-460-2526; ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

VEk wil weet wat ek kan doen. Ek voel so vet en lelik vir my man. Hy sê ook elke dag vir my ek is baie vet en ek kan hom nie in die bed gelukkig maak nie. Hy sê sedert ek ’n operasie ondergaan het en ons kind gebore is, is ek niks werd nie. My lyf voel vir my ook nie reg nie en dit beïnvloed my eie gevoelens oor ons bedsake. As ek een dag minder eet, dan verorber ek die volgende dag alles voor my. Ek wil beter lyk en beter voel. A Dankie vir jou briefie. En jy is nie alleen nie. Duisende vroue ervaar presies dieselfde probleme nadat hulle ’n baba gehad het. Sommige vroue beleef ’n styging in hul libido, en ander ’n…

MAAGD 23 AUGUSTUS – 22 SEPTEMBER Jy verkies om die lewe in klein, hanteerbare stukkies te verwerk, maar hierdie week kan jy met iets onbekends of onverwags te doen kry. Uranus, die planeet van verandering, beweeg op die 6de agteruit in jou loopbaanhoroskoop – enigiets kan dus gebeur. Die volmaan op die 7de is ook in die Maagd, so jy is tans die middelpunt van aandag in die sterre. WEEGSKAAL 23 SEP – 22 OKT As jy lus voel om iets nuuts by die werk aan te pak of die grense te toets, mik daarvoor teen die 5de, wanneer jy dalk selfversekerd genoeg voel om dit te waag. Die volmaan op die 7de wys duidelik waar dinge by die werk uit balans is en moet aandag kry. ’n Internasionale invloed…

APPEL se nuwe liedjie kom uit sy hart. “Die boer hier binne my” is ’n eerlike stuk musiek wat diep resoneer met die tye waarin ons leef, sê hy. “Dis die hartklop van die hele album,” sê Appel oor Genesis, sy EP met vyf liedjies wat hy aan die begin van September uitreik. “Dis stil, eerlik en vol waarheid. Dit som presies op waar ek tans as mens, pa en kunstenaar is. Ek dink mense het in hierdie stadium minder behoefte aan geraas en meer aan egtheid. “Ek het die afgelope paar jaar lekker partytjiemusiek gemaak, soos ‘Foute’ en ‘Heito Potato’, maar ek hunker nou daarna om weer iets vir die siel te maak, en ek glo my gehoor soek dit ook.” Die inspirasie vir die liedjie het gekom van…

Soekavonture binne ■ kastele in Europa ■ die Drakensberge ■ skeepswrakke ■ Springbok-breiers ■ slangspesies van SA ■ geselsprogramme op die radio S Frank Opperman se karakters ■ balletproduksies en nog baie meer BESTEL DIT SÓ AANLYN media24shop.com of huisgenootwinkel.com BEL 021-406-4962 E-POS koop@huisgenoot.com Gaan na www.media24shop.com…

Op dié dag in 1997 het die entrepreneurs Reed Hastings en Marc Randolph Netflix, Inc. bekendgestel as ’n DVD-verhuringsdiens. Mense kon aanlyn gaan en besluit watter DVD hulle wou huur, en dis dan per pos aan hulle gestuur. Die heel eerste DVD wat hulle aan ’n kliënt gepos het, was Beetlejuice van Tim Burton. Die idee het glo ontstaan toe Reed ontsteld was oor hy $40 (R704 in vandag se geld) moes betaal omdat hy laat was om ’n DVD van Apollo 13 terug te neem. In teenstelling met ander winkels wat DVD’s verhuur het, het Reed en Marc besluit dat Netflix, Inc. geen laatfooie sou vra nie. In 1999 het hulle besluit om kliënte ’n maandelikse fooi te vra, en hulle kon dan enige DVD’s huur wat hulle wou…

TIK-tok-tik-tok . . . Dit verwys gewoonlik na tyd wat verbygaan, soos die sekondewyser op ’n horlosie. Dis ook hoekom die bekende app se naam TikTok is – dit dui op die kort, vinnige video’s waarvoor die platform bekend is. Maar het jy al ooit gewonder hoe tyd ontstaan het? En waarom tyd in ander dele van die wêreld anders is as by ons? Vandag kan ons sommer die tyd op ons horlosies en selfone lees, maar om tyd akkuraat aan te dui is oor duisende jare ontwikkel en verbeter. In kort: Kenners het die son, maan en sterre bestudeer om vandag se kalenders te ontwikkel. → KALENDERS Die mense van ou verlore beskawings het na die hemelliggame gekyk en gesien hoe dit deur die lug beweeg. Hulle het die…

‘SIT gerus. My vrou en my ma gaan nou hier wees. My ma, Gilly, gaan net inval om hallo te sê. Sy’s die een wat alles begin het, terug in 1999. Sy en my pa. Die oorspronklike kombuis waarin sy begin het, bestaan nog, maar daardie spesifieke stukkie land is verkoop. Ek bly nou so drie huise weg. Nog steeds op die oorspronklike plaas. Wanneer my ma kom, gaan sy net ’n klein rukkie kan bly, sy sukkel met haar geheue, al is sy fisies regtig gesond. Dis hartseer, maar jy sal sien as sy kom, sy is nog vol energie en passie. Sy kom nog steeds elke dag uit om hier bo by my broer koffie te drink saam met een van haar vriende. My broer self is ook…

’N GRUWELFLIEK wat jou tot in jou kleintoontjie laat ril, ’n jong Namibiër wat met haar fiets in ’n rugbypaal vasjaag en die verlate landskap van die dorre Karoo. By die 13de Silwerskermfees, wat van 20 tot 23 Augustus by The Bay Hotel in Kampsbaai in Kaapstad gehou is, het drie produksies veral die aandag getrek: die flieks Hen en My f*k, Mare lize! en die televisiereeks Nêrens, Noord-Kaap. Pryse is uitgedeel, sjampanje het gevloei en daar’s behoorlik partytjie gehou. En Huisgenoot was natuurlik daar. NICO SCHEEPERS Die sielkundige gruwel Hen, geskryf deur Nêrens, Noord-Kaap se Nico Scheepers, het in totaal agt pryse by die fees gewen. Sy grensverskuiwende werk aan genre, tegniek en aanslag het die gruwelfliek pryse besorg vir onder meer die beste draaiboek, kinematografie, klankontwerp en regie. Daarby…

Toe SOPHIE TURNER jare gelede heel onskuldig by ’n partytjie vir ’n medeakteur waai, het sy glad nie besef dit gaan die einde van sy verlowing beteken nie. Op Late Night with Seth Meyers het Sophie (29) vertel sy was in 2014 by ’n partytjie saam met ’n vriendin. Die vriendin het mal gegaan toe sy ’n bekende akteur raaksien. Sophie het die akteur self nie geken nie, maar toe haar vriendin vra sy moet net groet, het sy sommer van oorkant die vertrek vir hom gewaai. “En dit was dit,” het sy die gehoor vertel. “Later sien ek hierdie vrou kyk na my – sy’s ook ’n bekende aktrise. Ek dink toe: Ek móét vir haar gaan sê hoeveel sy vir my beteken.” Maar die aktrise was glad nie…

Die verfilming van die nuwe Harry Potter-TV-reeks is aan die gang, en dit lyk asof daar sommer regte toorkuns agter die skerms gebeur. In Londen het mense al ’n kykie gekry van die nuwe Harry, die 11-jarige akteur DOMINIC McLAUGHLIN, saam met Hagrid – wat gespeel gaan word deur Nick Frost (53) – toe hulle in die straat afstap. En vir dié wat gewonder het hoe Nick, wat self net 1,88 m lank is, skielik soos ’n reus gaan lyk: Dit was eintlik sy fliek-dubbelganger, die voormalige rugbyspeler MARTIN BAYFIELD (58). Martin, wat 2,08 m lank is, het ’n vetpak en ’n animatroniese kop gedra wat net soos Nick se gesig lyk. Die nuwe reeks gaan eers laat in 2027 uitgesaai word – met ’n heel nuwe rolverdeling.…

HY’S die ander dr. Crane. Niles, die jongste. Soos sy ouboet, Frasier, gespeel deur Kelsey Grammer, ’n sielkundige. Briljant maar neuroties, met ietwat van ’n minderwaardigheidskompleks. Vir elf jaar het die kassie se snobistiese broers miljoene kykers laat skaterlag. Eindeloos mededingend dog onafskeidbaar. Die slotepisode van Frasier, in Mei 2004, was soos om familie te groet. In 2023 begin ’n opvolgreeks, dié keer sonder Niles. En mense gis: Waar’s die ander dr. Crane? Volgens een hardnekkige gerug het David geweier om weer kleinboet te speel weens Kelsey se steun vir Donald Trump. David ontken dit: “Ek was net nie lus om weer Niles te wees nie.” Waar wás hy die afgelope twee dekades? Wel, hy is terug na sy groot liefde – die teater. Iets wat hy met Niles deel.…

Wanneeren waar was jy op jou gelukkigste? Toe ek verlede jaar saam met my vrou, Leigh, deur Europa getoer het. Ons was in Italië, Frankryk en België. Wat sou jy anders doen as jy jou lewe kon oorhê? Ek sou Bitcoin gekoop het toe dit in 2009 vir my aangebied is. Wat is die ding wat jy die meeste in mense bewonder? Goedhartigheid. Ek sê altyd my vrou se ware noord is “kindness”. Wat kan jy nie verduur nie? Spin doctoring of skinder. Wie is of was die liefde van jou lewe? My vrou, Leigh, 1 000%. Wie is tans jou celeb crush? Ek het nie juis ’n crush op ’n celeb nie, maar ek sal graag wil gholf speel saam met die wêreld se bestes. Wat is jou gunstelingwoord…

IN HAAR blou-en-wit trui sit sy voor die selfoonkamera. Sy begin praat. Dis nie ’n geoefende toespraak nie. Sy praat uit haar hart. “Skoonheid is regtig nie net dit wat jy aan die buitekant sien nie, dit gaan soveel dieper as dit,” sê Romi Crawford (18) in haar inskrywingsvideo vir Huisgenoot se Mej. Tiener-kompetisie. “Dis jou hart, jou energie, jou omgee, jou menswees. Dít is wat jou op die ou einde van die dag werklik mooi maak.” Haar onopgesmukte TikTok-video waarin sy ’n bietjie meer oor haarself vertel, het nie net die Huisgenoot-paneel se aandag getrek nie, dit het ook die publiek se aandag getrek én gehou. Want dit was duidelik, sy glo nie net die dinge wat sy sê nie. Sy straal dit uit. En toe Romi aangewys word…

V Die ma van my kleinkind gee vir my seun baie probleme. Hy en die ma is nie getroud nie, maar sedert sy swanger geraak het, was my seun daar vir haar. Hy het vir die bevalling betaal en was teenwoordig by die geboorte. My seun dra finansieel by en verskaf vervoer vir sy kind sowel as vir die ma en ouma. Die ma is egter baie vermakerig en glo sy hoef niks by te dra nie. As sy nie haar sin kry nie, maak sy my seun sleg. Die tweejarige kindjie bly naweke by my seun, maar net wanneer die ma so voel. My seun se naam is ook nie op die geboortesertifikaat aangebring nie, nou glo die ma net sy het regte oor die kind. My seun wil…

1 HOE WERK DIT? Sekere werkgewers het ooreen komste met banke en aftreefondse wat aftreefondslede toelaat om aftreespaargeld as sekuriteit vir ’n huislening te gebruik. Jy onttrek nie die geld uit jou pensioenfonds nie – jou fonds waarborg jou lening. Jou maandelikse terugbetalings word ook nie afgetrek van jou gespaarde aftreefondsgeld of van jou maandelikse pensioenbydrae nie. Die maandelikse huisleningbetaling word gewoonlik direk van jou salaris afgetrek en deur jou werkgewer aan die leningverskaffer oorbetaal. 2 JOU LENING-GROOTTE Die maksimum huisleningbedrag waarvoor jy kan aansoek doen, sal afhang van hoeveel jy in jou aftreefonds gespaar het, die fonds se reëls en hoeveel jy kan bekostig. ◗ Die leningwaarborgbedrag sal ’n persentasie wees. Byvoorbeeld 50% van die gesamentlike waarde van al drie komponente – die spaar-, gevestigde en aftreepot – van jou aftreefondsgeld.…

VEEL is al gemaak oor rolprentteaters wat swaarkry en mense wat nie meer die moeite doen om flieks te gaan kyk in ’n bioskoop nie. Wanneer die redes hiervoor bespreek word, word stroomdienste as die grootste sondebok uitgesonder. Mense is glo nie meer lus om uit hulle huise te gaan in die aande nie, hulle tegnologie (lees: grootte van hulle skerms en speakers) het sodanig verbeter dat die fliekteaters nie veel meer het om te bied nie, en dis baie gemakliker om jou kos te Uber Eats en in die gemak van jou eie huis voor die TV te eet, eerder as ’n boks popcorn, Coke en Whispers in die donker voor ’n grootskerm. En dit klink alles geldig. So toe my tienerseun my oortuig om saam met hom die…

WAARNA LUISTER JY IN JOU KAR? Ek het ’n gemengde speellys met musiek van Casting Crowns. Ek hou ook daarvan om na die nuutste ranglyste op stroomdienste te luister en te hoor waarvan die publiek hou. WATTER BOEK LÊ LANGS JOU BED? Ek hou van luisterboeke. Tans luister ek Inner Engineering deur Sadhguru, en White Hunters: The Golden Age of African Safaris deur Brian Herne. WATTER LIEDJIE SAL JY BY ’N KARAOKE SING? Ek sal dit nie sommer doen nie, want ek voel in daardie milieu is die aandag net op my, en ek hou nie van die aandag nie. Wanneer ek ’n show doen, is dit anders, want ek betrek die gehoor in my musiek. WATTER KOS MAAK JY AS JY HAASTIG IS? ’n Protein shake met grondboontjiebotter en…

EENVOUDIGE SOMME Een ding oor die getroude lewe, dit maak jou wiskunde baie makliker. Sê nou maar jy het R200 en jou vrou R150, dan het sy altesaam R350. Johanna Rademeyer ENIGE HULP IS WELKOM Gehoor van die aanlyn skurk wat die vergeetagtige ou tante bel en sê hy het al haar wagwoorde? “Dankie tog,” sê sy, “ek kry net gou ’n pen, dan skryf ek dit neer!” Emmie, Mosselbaai AL KNETTEREND Jy weet jy is oud wanneer dit klink of iemand springmielies maak wanneer jy soggens opstaan. Wollie, Pretoria HUWELIKSRAAD Bennie vra vir sy vriend: “Hannes, hoe kom jy en jou vrou dan altyd so goed oor die weg?” “Jong, dis eintlik baie maklik. Ek hou altyd my beursie oop en my mond toe.” San Marchand AAN DIE DUN…

VIR die eerste keer ooit het die tydskrif Time tien meisies gekies vir ’n Girls of the Year-lys. Time stel elke jaar die Time 100 saam, ’n lys van die mees invloedryke mense ter wêreld. Hulle wys ook elke jaar ’n Persoon van die Jaar aan. Koningin Elizabeth II, FW de Klerk, Nelson Mandela en Taylor Swift was al almal die Persoon van die Jaar. Dayana Sarkisova, ’n redakteur by Time, het besluit om die jaar se lys van meisies van die jaar saam te stel omdat sy wil hê haar eenjarige dogter moet eendag dapper, intelligent en gaaf wees. Sy het toe besluit om meisies te soek wat dié kenmerke het, maar wat ook stereotipes uitdaag en met oplossings vir probleme vorendag gekom het. Kornelia Wieczorek – Kornelia (17)…

1 Van watter land af het Paddington Bear na Engeland gereis? 2 Hoeveel snare het ’n standaardviool? 3 Wat noem ons die vrug in die foto? 4 Wat noem ons ’n reeks van drie boeke of flieks? 5 Wat eet koalas hoofsaaklik? ANTWOORDE: 1 Peru  2 Vier  3 Draakvrug  4 Trilogie  5 Bloekomblare BRONNE REUTERS.COM, TIME.COM, THEGUARDIAN.COM, EDITION.CNN.COM, CBSNEWS.COM, APNEWS.COM, BBC.COM, NETWERK24.COM, STUFF.CO.NZ…

OP HAAR dag was sy onstuitbaar. Sy het nege Grand Slam-titels gewen – sewe daarvan nog voor sy 19 geword het. Sy het boaan die wêreldranglys geboer en was in die eindstryd van omtrent elke toernooi waarin sy gespeel het. Toe gebeur die ondenkbare. In 1993 steek ’n man Monica Seles met ’n mes in die rug terwyl sy teen Steffi Graf speel. Hy was ’n Graf-aanhanger wat graag wou hê dié Duitser moes wen. Die aanval stuur skokgolwe deur die tenniswêreld en dwing Monica vir meer as twee jaar van die baan af. Ondanks dié emosionele trauma maak sy ’n merkwaardige terugkeer en wen selfs nog ’n Grand Slam. Ná haar aftrede in 2008 het sy nog vertoonwedstryde saam met tennislegendes soos John McEnroe en Chris Evert gespeel en…

In die vroeë 2010’s was hulle koninklikes van popmusiek: PERRIE EDWARDS van Little Mix en ZAYN MALIK van One Direction. Maar ná ’n uitmergelende tydjie, waarin Zayn (32) hul verlowing van twee jaar sommer per SMS beëindig het, moes Perrie (32) hard werk om die emosionele letsels van daardie toksiese verhouding te verwerk. Jare later, toe hy weer by haar uitkom nadat sy verhouding met Gigi Hadid (30) verbrokkel het, was Perrie in twee geskeur. Teen daardie tyd was sy al in ’n gesonde verhouding met die sokkerspeler Alex Oxlade-Chamberlain (32), en saam het hulle ’n seuntjie, Axel (3). Op die We Need to Talk-podcast het sy vertel hoe senuweeagtig sy was om vir Alex te sê haar eks het haar gekontak. “Ek onthou hoe ek paniekerig geraak en gedink…

In 1921 het die Tsjeggiese skrywer Karel Čapek ’n toneelstuk geskryf met die titel R.U.R. (Rossum se universele robotte). In die stuk het hy meganiese werkers geskep en hulle “roboti” genoem. Die woord kom van robota – “gedwonge arbeid” of “slawewerk”. Van daar af het “robot” die wêreld ingegaan as naam vir masjiene wat soos mense kan werk. In die 1920’s en 1930’s het die eerste elektriese verkeersligte in Suid-Afrika verskyn. In Engels het mense dit partykeer ’n “robot traffic signal” genoem, omdat dit ’n meganiese toestel was wat outomaties, sonder ’n menslike polisieman, die verkeer reguleer. In Brittanje en Amerika het die “robot”-deel gou verdwyn en almal het dit net “traffic light” begin noem. In Suid-Afrika het die “robot”-deel vasgeskop – en dis vandag nog net ons wat dit…

‘EK IS BEKOMMERD AS SY NIÉ MET ’N BLOUKOL BY DIE HUIS AANKOM NIE’ HIER’S vandag báie dinge om in vas te ry. My f*k, hier’s baie dinge. Kameras. Akteurs. Gaste. Palmbome. Dis die Cannes van Suid-Afrika, die fliekfees der fliekfeeste. Almal is hier, en hulle dra hulle mooiste klere. Kampsbaai se wit strand en golwe is op die agtergrond, The Bay Hotel op die voorgrond. En Marelize Horn is weer op ’n fiets. “Moenie ry nie, Marelize,” roep haar pa, Tiaan, senuweeagtig. “Help, asseblief, kry haar op gelyke grond,” pleit haar ma, Heidi. Haar sussie, Wilmari, lag net. Marelize kán mos nou fietsry. Sy’t mos geleer. Daar in Windhoek, toe sy die dag op ’n sportveld so groot soos die Heer se genade reguit op die rugbypale afgepyl het,…

AARBEIE Aarbeie het elke dag sowat ses uur sonlig nodig en goed gedreineerde, klam grond met ’n dik deklaag. Plant hulle in Maart en April en verwag heerlike vrugte tussen Augustus en Desember. BLOUBESSIES Hierdie geharde plante is ideaal vir heinings in tuine en houers. Hulle hou van effens suur grond en volson en moet elke dag natgemaak word. Bloubessies is bladwisselende struike wat vir tot 20 jaar lank kan vrugte dra. KAAPSE APPELLIEFIES Dié geharde, vinnig groeiende plant dra ’n oorvloed appelliefies aan bosse wat tot 1 m hoog kan groei. Hulle geniet volop son en ruimte en kan in die meeste soorte grond groei as dit goed natgemaak word. BOSBESSIES Bosbessieplante groei plat soos aarbeie en kan in effens suur grond in die tuin of in houers gekweek…

EENDAG IS TE VER DEUR JACO STRYDOM Lux Verbi, R235* “Jy kan nie vloek nie, nie kroek nie, nie rondslaap nie en nie dwelms gebruik of toegee aan groepsdruk of jou dronk drink nie, elke dag jou huiswerk doen. Seks, dwelms, goeie maniere, groepsdruk . . . Dis die dinge waaroor hulle met ons gepraat het toe ek jonk was. En glo my, ek het ’n paar van daai waarskuwings nodig gehad! Maar ek dink jongmense word te maklik onderskat. Hulle is meer ingelig en tot groter dinge in staat as wat grootmense wil erken.” So val Jaco Strydom weg in die inleiding tot Eendag is te ver. Hy is die leier van Echo-Jeugontwikkeling (’n organisasie met onder meer 13 huise vir jongmense in nood) en is deeltyds gekoppel aan…

Kyk ook die VIA-reeks & luister die podcast. Ons herleef die volledige stories van Joost van der Westuizen, Hansie Cronjé, Jimmy Abbott, Tertius Bosch, Corrie Sanders, James Small, Caster Semenya, Jacques Freitag, Ruben Kruger en Oscar Pistorius. BESTEL DIT SO: AANLYN media24shop.com of huisgenootwinkel.com BEL 021-406-4962 E-POS koop@huisgenoot.com…

FOTOBLOKRAAI NO 2358 KOMPETISIEVRAAG Watter insek is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N WOORDEBOEK VAN PHAROS Hierdie week wen een leser Klein Woordeboek/Little Dictionary (Pharos, R180). Hierdie tweetalige woordeboek (Afrikaans-Engels en Engels-Afrikaans) is ’n splinternuwe, kompakte naslaanwerk wat ontwerp is vir vinnige toegang tot hedendaagse taalgebruik. Taalleiding sluit lettergreepverdeling, woord-soorte, verbuigings en genommerde vertalings in, wat dit ’n praktiese en waardevolle hulpmiddel vir daaglikse gebruik maak. Wat hierdie woordeboek onderskei, is die insluiting van meer as 17 000 Afrikaanse en Engelse trefwoorde, asook sowat 10 000 afleidings wat die hedendaagse Suid-Afrika weerspieël. Dit is dus ’n moderne bron wat die dinamiese en ontwikkelende aard van taal vasvang. NEEM SO DEEL Vul die blokraai in en…

WAT sou Simon Leviev gedoen het as hy ingestap het by die besige eetplek in Londen waar ek saam met Cecilie Fjellhøy en Pernilla Sjöholm sit? “Hy sou sy broek natgemaak en weggehardloop het,” sê Pernilla. Leviev, beter bekend as die Tinder Swindler, het hom as ’n diamanterfgenaam voorgedoen en slagoffers oor die wêreld heen uit meer as $10 miljoen (R180 miljoen) bedrieg. Die gewilde Netflix-dokumentêr The Tinder Swindler van 2022 het die verwoesting in die vroue se lewe gewys – die verlammende skuld waaruit hulle steeds probeer ontsnap, en vir Cecilie die huwelik en babas wat Leviev haar beloof het en wat toe die hele tyd ’n bedrogspul was. Nou sê die vroue die bordjies is uiteindelik verhang. “Ek’t baie meer mag as wat hy het,” sê Pernilla (38)…

GEE haar asseblief tog liewer iets om te dóén as om te vra sy moet iets sê – en dan met so min moontlik drama, baie dankie. Dis hoe prinses Anne nog altyd was, en dis hoe sy die titel gekry het van die koninklike wat die hardste werk. Toe dit dus tyd word om haar 75ste verjaardag op 15 Augustus te vier, het koning Charles se enigste suster spesifiek gevra: Moet tog net nie ’n ophef maak nie. Sy het net een viering toegelaat – ’n geleentheid in Junie by Buckinghampaleis vir meer as 100 van haar liefdadigheidsorganisasies. Op haar groot dag self het sy blykbaar Skotland toe gevaar saam met haar man, adjunk-admiraal sir Timothy Laurence. Seilvaart is ’n gedeelde liefde. Maar sy kon nie die koninklike tradisie…

OMLANG ure en selfs maande weg van jou gesin te wees, kan moeilik wees vir rolprentsterre. Maar ADAM SANDLER het ’n plan beraam. Hy trek net ’n paar toutjies om te verseker hulle is op stel saam met hom. Dan hoef hy nooit te verlang nie. In sy nuwe rolprent, Happy Gilmore 2, het hy dit weer gedoen. Die aktrises wat sy dogter en haar dansinstrukteur speel, is eintlik sy regte dogter SUNNY (16) en sy vrou, JACKIE (50). Sy oudste dogter, SADIE (19), is ook in die fliek as ’n lid van Adam se karakter, Happy, se AA-groep. Oor die afgelope twee dekades het Adam (58) se vrou in meer as 20 rolprente verskyn waarin hy gespeel of wat hy vervaardig het. Die paartjie het mekaar ontmoet op die…