Indholdsfortegnelse for 20 November 2025 i Huisgenoot

JY’T MY hart op daai Kovsieskoshuisdans in 1996 gesteel. Daardie aand het ek geweet: Jy is die res van my lewe. Ek’t gedroom dat ons saam sou oud word. Ek met ’n bril wat op die punt van my neus hang en jy langs my op jou leunstoel, jou hare grys, jou lippe rooi. Jy sou steeds beeldskoon gewees het. Ons sou Boedapest toe gereis het en nog stempels in ons paspoort gekry het, want reis en avontuur was deel van ons DNA. Maar in Februarie vanjaar het my hart in skerwe gebreek. Jy’s op ’n gewone Donderdagoggend in ons kamer langs my dood toe ’n bloedklont deur jou longe geskiet het. Weg was jy, die een wat my humor verstaan het, my menswees liefgehad en alles wat mooi was…

SHAUN STEYN het die Land Cruiser se pedaal diep ingetrap, maar selfs met die spoednaald op 190 km/h het dit gevoel of Noordwes se vlaktes maar net nie wil verbyskuif nie. Op Kelly se skoot het hulle 20 maande oue dogtertjie, Jana, onophoudelik gehuil. Die bloed het oor ma en dogter bly loop, ondanks die trui wat hulle om haar koppie gewoel het om die vreeslike wond te bedek. Terwyl die myle traag verbysleep, het die jong boer homself kasty omdat hy met die bakkie oor hulle baba gery het. En met sy hande styf om die stuurwiel geklem net gebid sy sou bly lewe. “Nou voel dit alles vir ons soos ’n koorsdroom,” sê Kelly oor daardie verskriklike fratsongeluk en jaagtog twee maande gelede. “Dit voel onwerklik dat so…

‘OP DIE TOU IS JY ALLEEN MET JOU GEDAGTES. AS JY DIT NIE REGULEER NIE, GAAN JOU VOETE BEGIN BEWE EN JOU TREË MOEILIK RAAK’ DIE grond lê 300 meter onder hom. Die tou strek meer as ’n kilometer oor die oop kloof by Waterval-Boven in Mpumalanga. Leighton Otto (31) staan stil, tuur oor die afgrond, sy hartklop amper soos bomme wat ontplof in sy bors. Die ligte wind speel met sy hoed en laat sy hemp fladder. Sy jeans beweeg saam met die bries, en sy kaal voete voel elke knoop in die tou. Hy weet die tou is sterk – dit kan twee ton maklik hou. Hy’t dit self gespan, tot by die kleinste veiligheidsdraad. Agter hom staan 19 toulopers, stil en angstig. Elkeen is bewus van die…

WENK Delikate en deursigtige materiale skep ’n dromerige voorkoms vir ’n aandjie uit saam met vriende. WENK Kies helder kleure vir ’n ontspanne, speelse voorkoms of borduurwerk vir subtiele sjarme. WENK Laat jou kortbroek meer stylvol lyk met ’n bedrukte serp om jou middel geknoop. Dis ’n maklike manier om kleur en patroon by jou voorkoms te voeg. WENK Sag ontmoet gestruktureerd in dié moeitelose sjiek kombinasie. ’n Leerromp met veterdetail gee struktuur, terwyl die moulose gebreide top met detail by die skouers dit vroulik hou. KRY DIT HIER ACKERMANS 0860-900-100, COTTON ON 087-550-4383, FOSCHINI 0860-834-834, H&M 021-408-7600, LOVISAJEWELLERY.CO.ZA, MR PRICE 031-310-8000, THE FIX 0860-834-834, WOOLWORTHS 021-415-3411. HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU…

’n Kar het jou geliefde hond getref en hier sit jy nou in die dierehospitaal, waar hulle desperaat probeer om sy lewe te red. Jou mediese rekening styg met elke minuut wat verbytik en jy weet nie hoe jy dit gaan betaal nie. Dis ’n nagmerrie-situasie wat mense laat wonder of dit ’n goeie idee is om troeteldierversekering te hê. Ons het met Sarah Nicholson, bedryfsbestuurder by die finansiële instelling JustMoney, gepraat om meer uit te vind. WAT IS DIT? Dis ’n soort versekering wat ontwerp is om veeartsuitgawes te dek vir wanneer jou troeteldier siek word of seerkry. Dit werk soos ’n mediese fonds vir mense: Polishouers betaal ’n maandelikse of jaarlikse premie in ruil vir dekking van kwalifiserende veeartskoste. Dit is hoofsaaklik gemik op kat-en hondeienaars, maar sommige…

Toe die Afrika-olifant Shankar in die ouderdom van 29 in September vanjaar in Indië dood is, was daar wydverspreide hartseer onder diereliefhebbers en aktiviste. Die oorsaak van sy dood is nou eindelik bepaal. Volgens ’n outopsie is Shankar dood aan ’n virus wat diere se brein en hart affekteer (Encepha lomyocarditis virus). Dit versprei deur middel van knaagdier-uitskeiding en urine. Daar is ongelukkig nie ’n geneesmiddel daarvoor nie. Daar was ook al voorheen ’n uitbreking daarvan in Suid-Afrika in die 1970’s. Dit versprei veral onder olifante in aanhouding.…

HIERDIE WEEK IN DIE GESKIEDENIS 16 NOVEMBER 1974 – DIE ARECIBO-BOODSKAP WORD GESTUUR Op dié dag is ’n radioboodskap die ruimte ingestuur vanaf die Arecibo-radioteleskoop in Puerto Rico. Dit was die eerste keer dat die mensdom doelbewus ’n boodskap na die buitenste ruim gestuur het om te kyk of dit iewers ontvang word. Niemand het natuurlik geantwoord nie, en die navorsers het ook nie eintlik verwag dat iemand – of iets – sou nie. En nog te meer, die sterbondel waarheen dit gestuur is, M13, is 25 000 ligjare van die Aarde af. Dit beteken dat die boodskap ongeveer 25 000 jaar sal vat om dit te bereik. “Dit was ’n simboliese gebeurtenis, om te wys dat ons dit kan doen,” het Donald Campbell van die Cornell-universiteit destyds gesê. Die…

Dis amper GAME OVER vir die eindeksamen, en die lang Desembervakansie lê en wag! Ons het by Diepe waters se jong ster CARLA SCHÖNFELDT gaan hoor oor hoe om aan te hou tot by die eksamen-eindstreep. Sy't vanjaar omtrent ’n goeie jaar gehad. Nie net is sy skitterend in haar rol as Hanneli Viljoen nie, sy was ook ’n uitblinker in haar matriekjaar, die onderhoofmeisie asook netbalkaptein by die Hoërskool Stoffberg op Brakpan. Sy’t ook goue erekleure vir openbare toesprake, redenaars, en netbal ontvang. Sy’t erekleure vir toneel en vir atletiek gekry. En sy’t trofeë vir netbalspeler van die jaar, beste Afrikaanse redenaar, aktrise en kultuurleerder van die jaar gewen. Indrukwekkend is nie eens die woord nie. Dit als terwyl sy kykers van Diepe waters ook vanjaar vermaak het. WAARNA…

DIS ’n koue aand in Los Angeles. ’n Groot parkeerterrein is met water natgespuit sodat dit glinster, en dit word teen groot koste verlig. Selfs in die verste hoeke is daar kunstige skaduwees en ligstrepe. Jy’s ’n 23-jarige televisieakteur in ’n sitkom, in ’n tyd toe dit nog middelmatig was, met ’n komiese storielyn en ’n vrolike temaliedjie. Nou is jy onverwags ingesleep in ’n fliek wat deur die groot Steven Spielberg vervaardig word. Jy’s verstom oor die beligting, die toerusting en die gratis kos. Jy dra ’n moulose pofbaadjie oor verskeie lae hemde en speel iemand met die naam Marty McFly, onbewus daarvan dat die rol jou ’n onuitwisbare deel van die popkultuur van die 1980’s gaan maak. Die kameras rol, die agterkant van ’n vragmotor maak oop en…

EEN kykie in die spieël is nie meer genoeg nie. Dave Richards moet kyk en wéér kyk om te glo wat hy sien. Vir so lank was die gesig wat vir hom teruggestaar het ’n halwe een. Elke keer het dit hom herinner aan die verskriklike fietsongeluk wat die een kant van sy gesig verwoes het. Maar nou lyk hy weer heel, als danksy ’n prostetiese “paneel” wat merkwaardig baie soos die ware jakob lyk. Dit was ’n moeisame proses om hier uit te kom. Die prostese moes perfek by sy hare, vel-en oogkleur pas en die kontoere van sy gesig volg, en Dave het vier jaar daarvoor gewag. Maar elke blik van homself in die spieël bevestig dit: Die resultaat was dit alles werd. Dokters en wetenskaplikes by die…

CHANTAL PRINCE van die St George’s Grammar School in Mowbray se vingers vlieg oor die sleutelbord terwyl sy tik-tiktik. Dan kyk sy van nader en draai haar rekenaarskerm om. Sy’t gekry waarna sy gesoek het. Op die skerm is ’n foto van jong kinders wat vir die kamera glimlag. Chantal wys na een van die gesiggies: ’n klein seuntjie met ’n wit hemp, kuif oor sy voorkop en ’n bietjie van ’n ongemaklike glimlag. Hy is kleiner as sy maats en sit voor, sonder ’n das soos die ander kinders. “Dit is Zohran Mamdani,” sê sy. “Daar’s 400 kinders op die foto, maar ons het dit opgeblaas sodat ons vir Zohran kan sien.” Dis dieselfde Zohran Mamdani wat nou die verkose burgemeester van New York is – die eerste Moslem…

HOOR jy die afgelope ruk van meer vroue by wie aandaggebrek-hiperaktiwiteitsteuring (ADHD) later in hul lewe gediagnoseer word? Dis nie jou verbeelding nie, daar ís ’n toename in dié diagnoses, veral tussen 30 en 40. Dit gebeur byvoorbeeld dat ’n ma besig is om behandeling vir haar kind met die toestand te soek en sy dan soortgelyke simptome in haarself raaksien. “Dis asof die legkaartdele inmekaarpas wanneer ’n ma van 35 besef sy sukkel ook al sedert sy so oud was soos haar kind nou is met dieselfde kwessies,” sê dr. Aneshree Moodley, ’n spesialispsigiater van Kaapstad. Ons het by kenners aangeklop oor dié tendens en hoekom die toestand dikwels verkeerd gediagnoseer of misgekyk is by vroue. In ’n neutedop ADHD is ’n neurologiese toestand waar die breinpaadjies onderbreek word,…

BLOOD FREE DISNEY+ Hierdie spanningsreeks speel af in die toekoms waar die wêreld oorheers word deur AI en goedkoop, sintetiese vleis. Yun Ja-yu (Han Hyo-joo) is die hoof van hierdie sintetiesevleiskoninkryk, beskerm deur ’n supersterk lyfwag, Woo Chae-woon (JU JI-HOON). Hulle word saamgedwing toe politieke strominge begin inmeng met haar sakeryk, met romantiese en tragiese gevolge. MARRY MY HUSBAND PRIME VIDEO Kang Ji-won (PARK MIN-YOUNG) kom tuis ná kankerbehandeling en vang haar man, Min-hwan (LEE YI-KYUNG), in die bed saam met haar vriendin Jung Soo-min (Song Ha-yoon). ’n Geveg breek uit en Min-hwan stoot Ji-won dat sy haar doodval – maar sy word wakker tien jaar vroeër. Ji-won besef dat sy ’n tweede kans op die lewe het, en besluit om seker te maak haar noodlottige einde gebeur nie. MOVING…

DRAMA SPANNING IN DIE HOF As regisseur van JUROR #2 bring Clint Eastwood konflik na die hofsaal in ’n spanningsvolle misdaadriller met ’n boeiende kinkel. Die storie volg Justin Kemp (Nicholas Hoult), ’n voorbeeldige gesinsman wat gekies word om in die jurie van ’n hoëprofiel-moordverhoor te dien. Maar soos die saak ontvou, besef Justin dat hy direk verbind kan word met die misdaad. Hy staan voor ’n onmoontlike keuse, vasgevang tussen die waarheid en sy eie toekoms, terwyl die gewig van geregtigheid in die weegskaal hang. Met geheime, leuens en morele dilemmas bou die drama op na ’n naelbyt-uitspraak. Juror #2 is ’n intelligente riller wat jou diep sal laat nadink en laat wonder hoe ver jy sou gaan wanneer jou vryheid op die spel is. ›› JUROR #2 IS…

KONINGS, koninginne, presidente en ander wêreldleiers het onlangs die opening van die Groot Egiptiese Museum in Giza bygewoon. Die planne vir die museum is al in 1992 aangekondig, maar bouwerk het eers in 2005 begin. Twee dekades later is dit nou oop vir die publiek. Die vertragings was as gevolg van politieke onstabiliteit in die land asook die pandemie. Die openingseremonie het vuurwerke en ’n hommeltuigvertoning ingesluit. Die museum is naby die piramides van Giza en die Groot Sfinks geleë. Die Egiptiese president, Abdel Fattah el-Sisi, sê hy hoop “die museum sal ’n platform vir dialoog, ’n bestemming vir kennis, ’n forum vir die mensdom en ’n baken vir almal wat die lewe liefhet en in die waarde van die mens glo, wees”. Wat kan mens daar sien? Die museum…

WETENSKAPLIKES van die Universiteit van Helsinki in Finland dink hulle het moontlik ’n ongewone maar slim oplossing gekry vir Antarktika se klimaatsprobleme. Hulle het ontdek dat pikkewyne se ontlasting, bekend as ghwano, help om wolke te vorm. Die pikkewynkolonies daar produseer ’n groot hoeveelheid ghwano en die stikstof daarin is wat help met die wolkvorming. Dit is moontlik dat die wolke dan of ’n verkoelende uitwerking kan hê, of hitte kan vasvang en dan weer vir warmer weer sorg. Hulle wil nou meer navorsing doen om vas te stel presies wat gebeur, sodat hulle vir seker kan weet of dit wel kan help.…

DAAR is plekke op aarde wat so spesiaal en asemrowend is dat hulle amptelik as die wêreld se natuurwonders gelys word. Die Komodo-eilande is deel van Indonesië – ’n groot land met meer as 17 000 eilande wat tussen Asië en Australië strek. Hulle lê waar die Indiese en die Stille Oseaan bymekaar kom. Dis soos ’n kruispad in die see, en daarom is daar baie seelewe. Die landskap is ook indrukwekkend. Die Komodo-eilande lê tussen die groter Indonesiese eilande Sumbawa en Flores. Hulle maak deel uit van die Komodo Nasionale Park, ’n Unesco-wêrelderfenisgebied en een van die nuwe sewe natuurwonders van die wêreld. Die park sluit in die drie hoofeilande, Komodo, Rinca en Padar, asook baie kleiner eilande. Komodo-eiland is die tweede grootste eiland en is waar die park…

VAN ver af lyk dit soos ’n visie van die toekoms. Maleisië se Forest City is die ene moderne torings, breë brûe en groen palmbome net waar jy kyk. Maar kom ’n bietjie nader, en luister mooi. Dis doodstil, amper spookagtig stil – en dié stilte vertel ’n ander storie. Dit was bedoel om ’n lewende paradys te wees vir die mense wat hier woon, maar nou het dit een van die wêreld se duurste spookstede geword. “Dis soos om deur ’n videospeletjie te stap voor enigiemand aanmeld,” beskryf Ben Morris, ’n Britse YouTuber wat die verlate strate verken het, die stad. Woonstelblokke staan leeg, die sypaadjies is vol krake, en swak beligte hysbakke vat jou tot by die een spokerige gang ná die ander. TikTokkers maak video’s van hulleself…

SY WAS die goue meisie van TV voor sy meer as drie dekades gelede van ons skerms verdwyn het om in Hollywood te gaan naam maak. Gelukkig was dit toe nie die laaste sien van Suanne Braun nie. Die rooikop-aktrise en voormalige M-Net-aanbieder is die laaste tyd weer ’n bekende gesig op die kleinskerm – in alles van Kaos en The Princess Switch op Netflix tot die Mystery Island-flieks op DStv. En op 57 is sy nog net so beeldskoon soos toe sy as Petro “Vlam” Richter in Konings, die gewilde TV-reeks van die 1990’s, verskyn het. “Hallo, dit lyk so lekker warm daar by julle,” groet ’n glimlaggende Suanne in vlot Afrikaans uit ’n koue Hampshire in Engeland, waar sy en haar man, Chris Garner, die afgelope vier jaar…

DIS nie maklik om in die kollig met ’n nuweverhouding te begin nie. Om terselfdertyd egter ’n verbrokkelde verhouding af te sluit maak dit net nog moeiliker. Toe SYDNEY SWEENEY (28) onlangs afgeneem is waar sy op die voorste sitplek van haar eksverloofde, JONATHAN DAVINO, se kar inskuif, was haar nuwe liefde, SCOOTER BRAUN (44), nêrens te sien nie. Volgens bronne was die ontmoeting met Jonathan (42) allesbehalwe vriendskaplik. Die Euphoria-ster het die aand saam met vriende by ’n kuierplek in New York uitgehang. Sy is later gesien waar sy in ’n taxi klim wat haar ’n paar blokke verder afgelaai het. Daar is sy afgeneem waar sy in Jonathan se kar klim. Hy’t met haar na haar huis toe gery, maar toe hulle daar aankom, was hulle besig om…

TOE Eden in 2015 aankondig dis als verby, het die titel van hulle laaste album ’n profetiese klankie gehad: Nooit oud raak nie. En toe ís dit ook so. Want hier is hulle nou, ’n dekade later, en die drie mans van die sanggroep doen die ding weer net so lekker soos destyds – die keer net mét hulle hemde aan. Want hulle kan steeds sing, kan steeds dans, kan hulle aanhangers steeds laat swymel, maar vir kaalbolyf op die verhoog pronk sien hulle darem nie meer heeltemal kans nie. “Glad nie!” sê Sean Else en lag. “Ons is nou in ’n ander fase van ons lewe, in ons 40’s en 50’s, maar ons sal altyd daai goeie dae hê om op terug te kyk.” Daardie goeie dae was die…

BRONNE: BUZZABOUTBEES.NET, GARDENIA.NET, PZA.SANBI.ORG, HOMESANDGARDENS.COM, NATURESWAYBIRDS.COM, SWANSONSNURSERY.COM, THEPIONEERWOMAN.COM…

1 WAT IS DIE FOOI PER MAAND PRESIES? Daar’s gewoonlik ’n eenmalige heffing om ’n nuwe simkaart te aktiveer en met die netwerk te verbind. Maandelikse administrasiefooie is algemeen. Jou pakket sal waarskynlik ook data-en lugtydkoste insluit. En natuurlik BTW. As jy die totale kwotasiebedrag het, kan jy dit met ander verskaffers se aanbiedinge vir dieselfde foon vergelyk. 2 WAT IS DIE KONTRAKTYD EN WAT GEBEUR WANNEER DIT EINDIG? Foonkontrakte duur tipies 24 maande. Volgens wet moet jou diensverskaffer jou inlig voor dit eindig, maar baie mense ignoreer hierdie kennisgewing. Dit kan hoër maandelikse koste beteken, veral wanneer promosiepakkette eindig. 3 WAT GEBEUR AS EK DIE KONTRAK KANSELLEER? Ingevolge die Verbruikers-beskermingswet moet jy 20 werksdae kennis gee, hoewel sommige diensverskaffers tot 30 dae vereis. Dink mooi of vroeë kansellasie wys is, want dit…

IEWERS tussen Kaapstad en die Slangrivier het Eva na die geel kanolalande om haar gekyk en geweet dit was tyd. Vir stilhou. Ophou hardloop. Rooi appels pluk en groot gulsige happe vat. Die soet deur haar lyf laat spoel. Toe sy uitklim, waai ’n sterk wind teen haar vas. Die deur se toeklap boemerang in die stilte. Eva kyk na die grondpad voor haar. Dit kronkel sleepsels om die draai. Klippies knars onder haar stewels. Sy tel spoed op. Soet geel nektar stuif in haar neus op. ’n Glimlag kruip agter haar ribbes uit. Wie het poeiertjies of blare of towersampioene nodig as jy hoog kan raak hierop? Haar asem jaag. Op die bult stroop sy die baadjie af. Knoop dit om haar middel. ’n Tarentaalveer wink. Sy trek…

REEKS BOOTS IN EPISODE 1 van hierdie militêre dramedie lyk dit of die reeks van agt episodes baie komedie gaan oplewer, maar heel gou raak die komedie minder en die drama aansienlik meer. Dis algemeen bekend dat weermagopleiding uiters straf en veeleisend is, maar is dit regtig nodig om die uiterstes soos dié uit te beeld? Elke kyker moet maar self daaroor besluit – die manne wat sulke opleiding ervaar het, sal beter kan oordeel. Die gay tiener Cameron Cope (Miles Heizer), wat op skool geboelie is en voel sy gesin sien hom nie raak nie, skryf in vir ’n boot camp by die Marinierskorps onder die aanmoediging van sy enigste vriend, Ray McAffey (Liam Oh). Cameron is eers huiwerig omdat gay ouens nie juis welkom is in daardie omgewing…

EILAND WIGHT ‘VERLORE’ SPINNEKOP MAAK ENTOMOLOË OPGEWONDE ’n Spinnekop wat meer as 40 jaar laas in Engeland gesien is, is in ’n natuurreservaat gevind wat slegs per boot besoek kan word. Entomoloë het gedink dat Aulonia albi mana, ’n lid van die wolfspinnekopfamilie, uitgesterf het. Mark Telfer en Graeme Lyons het dit gevind in die Newtown-natuurreservaat op die Eiland Wight, aan die suidkus van Brittanje. Graeme sê hy het al 559 spinnekopspesies reg oor Brittanje gesien, maar hierdie is vir hom die mees opwindende vonds. BOTSWANA MYN LEWER NOG ’N INDRUKWEKKENDE VONDS Tien jaar nadat ’n diamant van 1 111 karaat in die Karowe-myn in Botswana ontdek is, is daar ’n skaars halfpienk diamant in dieselfde myn ontgin. Die halfpienk, half kleurlose edelsteen weeg 37,41 karaat. Natuurlike pienk diamante is…

SYFERSTORIES 2007 1 278,8 kilogram 60…

AGTEROS kom ook in die kraal. Sy was die laaste een wat dit moes doen – en nou het sy! Jisoo was die laaste Blackpink-lid wat nog nie ’n sololiedjie op die Billboard Hot 100-trefferlys gehad het nie. Maar sy het dit onlangs gedoen met haar duet saam met Zayn Malik, “Eyes Closed”. Die liedjie het sy debuut op no. 72 gemaak en is al klaar meer as 76 miljoen keer op YouTube geluister. Blackpink is nou die eerste K-popgroep wat net uit vroue bestaan waarvan al die lede individueel die Hot 100 gehaal het. “Dis iets baie spesiaal waaraan ons gewerk het en dis uiteindelik hier,” skryf Jisoo, gebore Kim Ji-soo, oor die liedjie. “Ek hoop die liedjie raak julle harte. Moenie vergeet dat als waardeur ons is die…

HIERDIE reuseakkedisse leef al miljoene jare, maar wetenskaplikes het hulle eers sowat 100 jaar gelede begin bestudeer. Wilde komododrake kom net voor op Indonesië se Klein-Soendaeilande. Hulle lyk sommer baie dreigend met hul breë, plat kop, geboë bene en reuse, gespierde stert. Hulle beweeg wiegend, swaai hul kop van kant tot kant en piets hul tong gereeld in en uit. HET JY GEWEET? As komododrake bedreig voel, gooi hulle op om hulleself ligter te maak sodat hulle vinniger kan wegkom. OUDERDOM In die wildernis kan hulle tot 30 JAAR oud word. GROOTTE Komododrake is die grootste en swaarste akkedisse. Kleintjies word deur ander komododrake, voëls en slange gevang. EIERS EN KLEINTJIES Al is daar geen mannetjies in die omgewing nie, kan wyfies steeds eiers lê. Net seuns kan dan uitbroei! Aantal…

MOENIE dat Charlotte Chopin jou hoor kla jy is te oud om oefening te doen nie. Sy was 50 toe sy joga ontdek het, en sy het nog nie weer opgehou nie. Vandag, op die ouderdom van 102, bedryf dié Franse ouma ’n ateljee waar sy mense laat rek, strek en sweet. In ’n ou polisiekantoor op die dorpie Léré, wat sy in ’n ateljee omskep het, gee sy drie klasse per week vir studente van uiteenlopende ouderdomme. Ja, oukei, sy het wel een of twee toegewings aan die ouderdom gemaak. Sy staan byvoorbeeld nie meer op haar kop nie. Maar sy kan nog maklik aan haar tone raak, en met haar “upward facing dog” is daar geen fout te vind nie. Charlotte het in 2022 roem verwerf toe sy…

’NSWART BMW ry wild deur die donker strate, die paparazzi agterna. In ’n stadium maak die kar ’n onverskillige U-draai wat die bande laat skree. ’n Video van die rit versprei soos ’n veldbrand en maak mense opnuut bekommerd oor iemand wat al behoorlik deur die meule is: Britney Spears. Dis nie sy agter die stuur nie, net iemand wat soos sy lyk, het Britney probeer keer. Maar niemand het haar regtig geglo nie. Dit lyk dan juis asof sy weer buite beheer is nadat haar eksman Kevin Federline se opspraakwekkende boek, You Thought You Knew, onlangs verskyn het. Daarin lig hy die sluier oor sy jare saam met die popsangeres – en wat hy vertel, is skokkend én hartverskeurend. Hy beskuldig Britney, met wie hy van 2004 tot 2007…

1 MEGHAN SPEEL WEER TONEEL Dis agt jaar sedert MEGHAN, DIE HERTO-GIN VAN SUSSEX, laas toneelgespeel het, maar sy gaan nou in ’n nuwe romkom gesig wys. Meghan (44) is onlangs op die stel van die rolprent Close Personal Friends raakgesien, waarin sy ’n klein rolletjie as haarself sal speel. Die fliek sal om die karakters van Lily Collins, Jack Quaid, Brie Larson en Henry Golding draai. Meghan se rol is dalk klein, maar ons is seker sy sal ’n groot indruk op die skerm maak. 2 SAM LAAT OP 12 VET UITSUIG Die sanger SAM SMITH het onlangs vertel hy het op twaalf jaar sy vet laat uitsuig nadat hy by die skool geboelie is. Volgens Sam (33), wat as niebinêr identifiseer, het sy ouers vir die prosedure toestemming gegee…