Huisgenoot 11 December 2025

1 WIE’S JOU TANNIE? ÉK IS! Sy’t nooit van die aanspreekvorm ‘tannie’ gehou nie, vertel ’n briefskrywer, al is sy self so grootgemaak. Maar algaande het sy besef jong mense doen dit uit respek en nou hou sy daarvan ’n Oom is mos jou pa of ma se broer, en ’n tannie is jou ma of pa se suster. Vroeër jare het die boere mekaar ook gewoonlik “neef” genoem. Maar ons doen dit lankal nie meer so nie. ADRIAAN Noem my maar outyds, maar ek geniet dit ook om “tannie” genoem te word. Dit gee my so ’n warm gevoel. Dit gaan bloot oor respek. Iets wat nie alle kinders meer teenoor ouer mense of onderwysers betoon nie. CHRISTINE Die tye het darem nou verander. Meneer en mevrou word ook…

TOE ’n Nederlandse platejoggie hulle debuutliedjie in 1975 hoor, het hy eers gedink dis ’n Britse groep. Maar luisteraarsversoeke het aanhou instroom en gou was “Mississippi” die grootste treffer ooit uit die land van polders, windmeulens en tulpe. Anderkant die Noordsee het die pruilmonde van die BBC om duistere redes besluit die liedjie is nie geskik vir húlle luisterpubliek nie. Maar toe die verbod in 1976 gelig word, oorheers dit Britse trefferslyste vir vier weke. Hulle was die singende sussies Toni, Betty en Marianne Veldpaus Kowalzyck, oftewel Nederland se eerste vrouegroep, Pussycat. Baie kritici was smalend oor hulle countryklanke, maar aanhangers reg oor Europa, Brittanje, Japan, Australië, Nieu-Seeland en SuidAfrika was mal oor hulle. “Mississippi” alleen se verkope was 5 miljoen. Die susters is op Limburg gebore. Met die aanmoediging…

Dis doodnormaal vir ons om van ’n “drie” in rugby te praat al tel hulle vyf. Sou ons van ’n “vyf” gepraat het as ons nou skielik rugby ontdek het? Sou ons ’n vyf moes versewe? Wie weet. ’n “Try” in Engels het oorspronklik niks met die woord “drie” te doen gehad nie. In die 19de eeu het jy nie punte gekry net omdat jy die bal agter die doellyn druk nie. Wat jy gekry het, was ’n “try at goal” – ’n kans om te skop, waarna die punte eers toegeken is. Jy het letterlik “probeer” score. Eers in 1886 het jy een punt vir jou “drie” gekry. Die verdoelskop daarna was drie punte. Maar teen 1893 het die drie vir die eerste keer drie punte geword en die…

TOE my man in 2016 skielik dood is, het ek nie gedink ek sal ooit weer liefde vind nie. My man was my skoolliefde en beste vriend – hy was my alles. Wie sou in elk geval in ’n ma met drie kinders belangstel? Ek was uiteindelik nege jaar lank ’n weduwee en het altyd gesê as ek ooit weer ’n man vat, moet hy reguit uit die hemel kom. En Simson hét. Verlede jaar besluit ek om die water te toets. Ek het die maatsoek-app Koer afgelaai, eintlik net uit pure nuuskierigheid, maar gou besef daar is ’n paar lékker vreemde mense op die app. Toe delete ek dit weer. Maar op ’n aand ’n paar weke later is ek verveeld en besluit toe om dit maar tog weer…

Wanneer en waar was jy op jou gelukkigste? Eenkeer, toe ek alleen in Amsterdam was, het ek 02:00 die oggend nog op ’n fiets rondgery. Die kalmte daarvan om te weet ek was daar op ’n plek aan die ander kant van die wêreld waar niemand my ken nie . . . Dit het vir my ’n ander tipe vrede gebring – ’n soort stilte wat jou nie bang maak nie, maar herinner jy’s mens. Wat is die ding wat jy die meeste in mense bewonder? Eerlikheid selfs wanneer dit ongemaklik is. Wie sou jy die graagste vir ete wou nooi en wat sou jy maak? My oorlede ma. Ek sou sommer net iets simpel gemaak het en dit geniet om by haar te wees. Wat is jou diepste put van…

HAAR lewe lank het sy oor die liefde gesing en daarin bly glo, selfs nadat haar eerste drie huwelike in die skeihof geëindig het. Maar toe sy ná ’n lang en gelukkige vierde huwelik ’n weduwee word, het Min Shaw gedink dit sou haar nooit beskore wees om weer iemand se liefling te word nie. “Ek was 82 jaar oud en ek het aanvaar ek gaan my laaste dae op aarde rustig klaarmaak,” vertel die sangeres oor haar alleenjare. Min het sy toe geweet dat sy op ’n Kaapse somerdag weer ’n bruid sou wees. “Want hier staan ek nou, 91 jaar oud, en verlief soos ’n skoolmeisietjie!” koer sy kort ná haar groot dag oor die foon uit Mauritius waar sy en haar geliefde wittebrood hou. Wie is die…