Indholdsfortegnelse for 25 December 2025 i Huisgenoot

1 ‘ONS GROOTSTE AVONTUUR NÓG’ Vir die paartjie Nicole en Hennie Bosman van kykNET se Wanderlus is hulle babadogter, Heidi, die beste geskenk en reismaat waarvoor hulle kon vra Baie geluk aan die twee van julle met julle pragtige dog-tertjie. Geniet elke vreugdevolle oomblik van julle ouerskap en om haar te sien opgroei. Dit is die grootste geskenk wat ’n mens ooit sou kon kry. DEO VOLENTE Dis net wow, Nicole en Hennie. Baie geluk, dis die Kersgeskenk wat ’n leeftyd gaan hou en ’n baie spesiale nuwe reismaat vir julle. Ons eie kinders het op die langpad en kampeervakansies grootgeword. SAKKIE Baie geluk met julle pragtige klein Heidi. Ek kan nie wag om julle kleinding saam met haar mamma en pappa op Wanderlus se reispaaie te sien nie. Ek geniet…

TOETS JOU KENNIS 1 Vir watter Engelse sokkerklub het die oudkaptein van Bafana Bafana Lucas Radebe gespeel? 2 In watter trefferfliek het Tim Robbins die rol van Andy Dufresne vertolk? 3 Van watter land is Bakoe die hoofstad? 4 Watter alkoholsoort het jy nodig om ’n mojito te maak? 5 Mount Rushmore beeld vier Amerikaanse presidente uit: George Washington, Thomas Jefferson, Theodore Roosevelt en wie nog? ANTWOORDE 1. Leeds United 2. The Shawshank Redemption 3. Azerbeidjan 4. Wit rum 5. Abraham Lincoln…

‘HY HET ONS LEWE KOM INKLEUR OP DIE MOOISTE MANIER’ EERS was hulle net medeakteurs wat vriende en toe bure geword het. Sewe Kersfeeste sou kom en gaan voor Mila Guy en Bennie Fourie eindelik verliefdes en verloofdes geword het, en toe’s hulle teen die volgende feestyd salig gelukkig en getroud. Maar vir die bekende akteurspaar is Kersfees vanjaar soos geen ander nie, want vir die eerste keer vier hulle dit saam met klein Karoo, hul vrolike blouoogseuntjie van elf maande. En dít beteken die liggies aan die boom en elke toegedraaide geskenk is vanjaar selfs meer spesiaal as tevore, want dis hul kleinman se heel eerste keer. “Dis regtig wonderlik om ’n babaseuntjie te hê, want kinders help jou só om hier te wees en die lewe weer te…

Geroosterde HOENDER gestop met APPELKOOS-&-TIEMIE-botter GENOEG VIR 4-6 MENSE / BEREIDING: 20 MIN. / STAAN: 1 UUR / GAARMAAK: 2 UUR 30 MIN. Ek dompel eers die hoender in ’n soutoplossing om te verseker dit bly heerlik sappig in die oond. PIEKEL ◗ 1 L water◗ 45 ml (3 e) sout◗ 15 ml (1 e) bruinsuiker◗ 1 groot heel hoender VIR ROOSTER ◗ 125 g botter, teen kamertemperatuur◗ 6 droë appelkose, fyngekap◗ 15 ml (1 e) vars OF 5 ml (1 t) droë tiemie◗ 1 knoffelhuisie, fyngerasper varsgemaalde peper◗ 1 ui, in wiggies gesny◗ ’n paar takkies vars tiemie (opsioneel)◗ 15 ml (1 e) olyfolie sout, na smaak◗ 30 ml (2 e) heuning Bespuit ’n oondbak (groot genoeg vir die hoender om in te pas) met kossproei. Hou vleistou byderhand.…

STEENBOK 21 DESEMBER – 20 JANUARIE Of jy nou daarvan hou of nie, jy is tans die ster van die kosmos, met Venus én Mars wat jou teken versier. Dit kan verklaar waarom jy so besonder romanties voel – en hoekom dan nou nie, dis immers jou verjaardagmaand. Al verloop alles volgens plan, is daar tog een haakplekkie teen die 30ste wat jy sal moet hanteer. Doen dit vinnig, beslissend en ferm. WATERDRAER 21 JAN – 18 FEB Wees versigtig dat jou pogings om jou vriende oor die feestyd gelukkig te hou, jou nie meer geld kos as wat jy beplan het nie. As jy aan die ander kant besef ’n vriend kry swaar en jy kan ’n verskil maak, dra gerus by. Die tyd is reg om jou benadering…

SWEETIE DEUR NATANIËL Human & Rousseau, R255* Hoekom noem mense alles iets anders, wil Nataniël weet. Soos Wiekissie wat aan die huil gaan toe Danie sê hy is ’n vet kind. “Hoekom huil jy? Hy het reg gesê. Jy is ’n vet kind.” Of mense wat vir hom sê sy jas is Dolce & Gabbana. “Nee, dis ek. Ek laat borduur ’n mou met goud. Oo, sê hulle, dis Versace. Nee, dis ek. Ek sing ’n sagte lied. Oo, sê hulle, dis Enya. Nee, dis ek.” Sweetie is ’n nuwe versameling van 31 van sy stories – vyf in Engels en 26 in Afrikaans. Van die stukke kom uit sy verhoogproduksies van die afgelope twee jaar. Daar is die loodgieter vir wie jy eers die kombuis moet verlaat sodat hy…

AS ’N groot aanhanger van THE OFFICE – die temaliedjie is my selfoon se luitoon – het ek gemengde gevoelens oor die Afrikaanse weergawe, DIE KANTOOR, wat op pad is. Soos die persverklarings en mediaberigte verbykom, is daar ’n hele paar dinge wat my bekommerd maak. Die woord cringe word mildelik gebruik, so asof dit ’n nuwe ding is in Afrikaanse televisie. Vir my is die meeste Afrikaanse programme, van dramas tot die nuusbulletin, cringe, sonder om eens hard te probeer. So wat gaan doelbewuste cringe oplewer? Verder sukkel die oorsese weergawes nie met oordrewe toneelspel nie. Dit strook nie met van die akteurs en aktrises wat gekies is vir die Afrikaanse rolverdeling nie – die meeste van hulle overact al vir jare. Hoe gaan die vervaardigers dit vermy as…

MUSIEK GREATEST HITS CHRISTMAS LEANN RIMES Die Amerikaanse countrysangeres LeAnn Rimes (43), bekend vir haar treffers “Can’t Fight the Moonlight” en “I Need You”, is mal oor hierdie tyd van die jaar. “Daar’s iets besonders aan die tyd, die ligte, die stilte, die nostalgie, die manier hoe dit jou uitnooi om dinge rustiger te vat, om weer verbindings te maak met wie jy is en om te onthou om te fokus op wat werklik saak maak,” sê sy. Met dié inspirerende woorde het LeAnn besluit om ’n Kersalbum uit te reik en so is Greatest Hits Christmas gebore. Dis ’n versameling van LeAnn se gunsteling-Kersliedjies. “Sommige van hierdie liedjies sing ek al vandat ek ’n klein dogtertjie was. Sommige van hierdie liedjies bring die groot kind in my na vore.…

SWITSERLAND In Mei is die dorpie Blatten deur ’n grondstorting uitgewis. Die 300 mense wat daar gewoon het, is gelukkig al ’n week vroeër ontruim. NIGERIË Nederland het in Junie vanjaar 119 standbeelde aan Nigerië teruggegee wat tydens die koloniale tydperk uit die land geneem is. Dit was een van vele kere vanjaar dat Europese lande artefakte aan lande in Afrika terugbesorg het. MADAGASKAR Pres. Andry Rajoelina moes in Oktober landuit vlug ná betogings deur Gen Z, jong mense wat tussen 1997 en 2012 gebore is, oor water- en kragtekorte, korrupsie en swak bestuur. Soortgelyke betogings het ook in Nepal en Marokko plaasgevind. BRASILIË Die Verenigde Nasies se klimaatskonferensie het vanjaar in Belém in Brasilië plaasgevind. Aktiviste wou hê dat ’n ooreenkoms bereik moet word oor die vermindering van fossielbrandstowwe,…

LIAM BOSMAN, KHAKI FEVER, EEN KEER OM DIE SON Hoe lyk Desember saam met jou familie? Desember is nooit soos die vorige een nie. Ek’s soms by die familie en soms nie – hoe ouer almal word, hoe meer sprei ons uit. Mens moet die konstante familietyd geniet terwyl jy kan, en so veel as moontlik ook. Enige snaakse of vreemde feestydtradisies? Ons het ’n klein Kersvader-beeldjie by die kombuistafel. Dis gebore uit laziness, maar nou is hy ons symbol. Drie items op jou Kersfeeswenslys? Dié jaar soek ek net ’n Elandré-Kersfeesalbum – as hy nou asseblief een sal maak – en dalk nuwe Crocs en ’n kamptent. As iemand wil donate, maak kontak. Jou gunstelingding om op Kersdag te eet? Enigiets wat ’n kwaai Afrikaanse tannie maak. Ek doen soms…

NHAAR lewe was die liefde nog altyd soos ’n dartelende vlinder wat sy maar net nie gevang kon kry nie. Probeer hét sy al, vat maar haar woord daarvoor. Soos Liane Heyl self sê: “It’s not for a lack of trying, darling.” Sy’t al oral gesoek, sê Liane. En daarmee bedoel sy: óral. In die kerk, in kuierplekke en in winkels, deur vriendinne en selfs in ’n parkie en ’n dieretuin. O, en sy’t al kêrels daar gevind ook. In die parkie naby haar huis het sy die “stunningste, stunningste, stunningste” man ontmoet, maar met hom was daar eindelik – en helaas – nie genoeg aantrekkingskrag nie. Dieselfde was waar vir die man van die winkel, die dieretuin en ook vir dié wat vriendinne aan haar voorgestel het. “Daar was…

SHILOH JOLIE (19) Die fassinasie met Shiloh het begin die dag toe die nuus bekend geword het dat haar ouers, Brad Pitt (61) en Angelina Jolie (50), ’n baba verwag. Media van oor die wêreld heen het op Afrika toegesak toe sy in Swakopmund in Namibië gebore is. Ons het dopgehou hoe Shiloh van ’n engelgesiggie-baba verander het in ’n jong vrou wat haar eie identiteit bepaal. As die dogter van twee van die beroemdste akteurs in die wêreld kies sy om uit die kollig te bly en haar eie drome as danseres na te jaag. NORTH WEST (12) Toe North in 2012 gebore is, was daar geen twyfel dat sy ’n groot persoonlikheid sou hê met Kim Kardashian (45) en die rapper Kanye West (48) as ouers nie. Sy is…

AS ’N vroeggebore baba sou sy altyd klein van statuur wees, maar haar stem en persoonlikheid het haar die bynaam “Little Miss Dynamite” besorg. En deel van haar ryke nalatenskap is die suksesvolste Kersliedjie ooit. Brenda Mae Tarpley is op 11 Desember 1944 in Atlanta gebore. Haar ouers was arm en het rondgeswerf agter konstruksie-en fabriekswerke aan. Die vier Tarpley-kinders moes in een bed slaap. Hulle speelgoed en klere was als tuisgemaak. Maar Brenda het ’n gawe gehad. “Sy’t saam met die radio gesing nog voor sy behoorlik kon praat,” sê Barbara Hall, vervaardiger van die dokkie Brenda Lee: Rockin’ Around. Op vyf het sy haar eerste talentkompetisie gewen. Toe haar pa in ’n ongeluk by die werk sterf, het die negejarige Brenda begin sing om die gesin te help…

‘DIS Kersfees, daardie seisoen wanneer die wêreld toegedraai word in liggies en goue tinsel. In die winkels speel Kersmusiek en die mense stap haastig, maar met ’n soort verwagting in hul oë. Maar selfs met die warm glans van liggies oral, kan ’n mens se hart dié tyd van die jaar seerder as ooit wees. Toe ek vandag tussen rooi, goue en silwer ornamente stap, sien ek ’n pappa wat sy dogtertjie optel sodat sy by die boonste rak kan uitkom. Haar handjies vou sag om ’n engeltjie, en haar glimlag is só vol verwondering. Haar ogies glinster. En toe gebeur dit – die trek in my keel, die brandgevoel agter my oë, die trane, ongenooid, onkeerbaar. Ek draai om en stap buitentoe. Ek asem diep in, maar die pyn…

Goue aksente Metaalkleure bring sonwarm glans na van Kersfees-tot Oujaarspartytjies. Wees op die uitkyk vir goue metaalaksente, subtiele kralewerk en ryk karamelkleure om die lig – en almal se aandag – te vang. Goue patrone As soliede goud te veel voel, kies materiale met elegante geblomde of geometriese patrone in goud daarop gedruk of geweef vir bietjie ekstra sprankel. Feestelik in rooi Van diep, luukse rooi tot vrolike helder rooi – dis dramaties, selfversekerd en vra dat jy bykomstighede minimaal hou. Monochroom Dis die maklikste manier om stylvol te lyk sonder moeite. Klassieke swart-enwit hou dit eenvoudig, sjiek en altyd foto-gereed. KRY DIT HIER ACKERMANS ACKERMANS.CO.ZA; ALDO ALDOSHOES.CO.ZA; BASH.COM; DESRAY DESRAY.CO.ZA; FOREVER NEW FOREVERNEW.CO.ZA; H&M 0860-690-707, SUPERBALIST.COM; IDENTITY IDENTITY.CO.ZA; IPANEMA IPANEMAFOOTWEAR.CO.ZA; LOVISA LOVISAJEWELLERY.CO.ZA; MR PRICE MRP.COM; OLD KHAKI OLDKHAKI.CO.ZA; POETRY…

WAAR IS MANS SE MANIERE DEESDAE? V My man is twee jaar gelede in ’n motorongeluk oorlede. Ons was tien jaar lank baie gelukkig getroud en het geen kinders gehad nie. Ek is nou in my 30’s en het myself goed versorg. Ek het ook ’n baie goeie werk, besit my eie huis en motor. Die eensaamheid het my begin vang en onlangs het my vriendinne my gehelp om weer op ’n vriendskaplike wyse te begin uitgaan. Maar o wee, ek weet nie so mooi van die hedendaagse manier van dinge doen nie. Die eerste man het opgedaag en op sy toeter gelê om te laat weet hy het gearriveer. Kom mans nie meer tot by die voordeur nie? Iemand anders het by die restaurant gewag, blykbaar moet ’n vrou…

1 IN ’N NEUTEDOP Jy neem ’n lewensversekeringspolis namens iemand anders uit en betaal self die maandelikse premies. As die begunstigde ontvang jy die uitbetaling as die versekerde persoon sterf. Maar jy sal moet kan bewys jy ly finansiële verlies weens die afsterwe. Doen jy dit nie, kan die polis nietig verklaar en jy krimineel aangekla word. 2 WAT IS DIE VEREISTES? ◗ Daar moet ’n versekerbare belang wees. Dus, dit moet ’n negatiewe finansiële of emosionele uitwerking op jou as begunstigde hê as die versekerde persoon sterf. Slegs emosionele verlies is gewoonlik nie genoeg nie, maan Sue Torr van Crue Invest, tensy dit tot finansiële gevolge lei. ◗ Die versekerde persoon moet skriftelik toestemming vir die polis gee. Jy kan nie iemand anders se lewe in die geheim verseker nie.…

Hoe het Thabo Bester ontsnap? Wat het geword van Joshlin Smith? Was Willem Kruger se dood regtig ’n ongeluk? Hoe kón Uyslen Nel en Marius van der Westhuizen hul kinders vermoor? Hoekom was die noodlot so wreed teenoor Karin Kortjé? Hoe het Andrea Venter se moordenaar so lank op vrye voet gebly? Hoe het Martin Brits se ma dit reggekry om hom te vergewe? Hoe het Alison Botha soveel wreedheid oorleef? Hoekom is Marike de Klerk nie nóg ’n kans op geluk gegun nie? Kyk ook die VIA-reeks & luister die podcast. Tien volledige rillerverhale soos jy dit nog nooit tevore gelees het nie. BESTEL DIT SO: AANLYN media24shop.com BEL 021-406-4962 E-POS koop@huisgenoot.com…

TAYLOR SWIFT: THE ERAS TOUR (TAYLOR’S VERSION) DISNEY+ Hierdie opname van Taylor Swift se konsert weerspieël haar musiekloopbaan as sangeres en liedjieskrywer, en dek verskeie musiekgenres, soos country, pop, rock en folk, namate haar loopbaan vlam gevat en ontwikkel het. Elke era word chronologies in die konsert uitgebeeld as ’n nostalgiese belewenis van haar albums, kompleet met skouspelagtige dekor en kostuums. Meer as 40 liedjies is in tien temas verdeel om die stemming van elk van haar albums oor te dra. Die kersie op die koek? Die lirieke van elke liedjie verskyn op die skerm. Die Eras-toer het op 17 Maart 2023 in Glendale, Arizona, begin, waarna 149 konserte in 51 stede op vyf vastelande aangebied is, met die laaste een op 8 Desember 2024 in Vancouver, Kanada. Wees egter…

1 Watter Disney-karakter het vanjaar in ’n liveaction-fliek verskyn? 2 Watter vitamien kry ons deur sonlig? 3 Hoeveel bene is daar in ’n volwasse mens se liggaam? 4 Wat kan ’n jagluiperd nie doen nie wat ander wilde katte soos tiere wel kan doen? 5 Lusaka is die hoofstad van watter Afrika-land? 6 Watter Disneyprinses woon in Skotland? 7 In watter land groei die meeste Kersfeesbome? 8 Wat was die eerste Kersliedjie wat in die ruimte gespeel is? 9 In watter fliek/boek is Ebenezer Scrooge ’n karakter? 10 Die eerste land wat 1 Januarie vier, is Kiribati. In watter oseaan is die eiland? Antwoorde 1. Stitch in Lilo & Stitch 2. Vitamien D 3. 206 4. Brul 5. Zambië 6. Merida in Brave 7. Die Verenigde State van Amerika 8. “Jingle Bells” 9. A Christmas Carol 10. Stille Oseaan…

ONS vergeet soms dat ons gunstelingsterre deel vorm van ’n familie. En dis altyd interessant om te sien hoe gelaatstrekke tussen familielede ooreenstem. Kyk of jy kan raai aan watter bekendes hierdie mense verwant is. Flieks soos Sinners, Creed en Black Panther het van Jamila (43) se broer ’n sekssimbool gemaak. Maar sy sien hom steeds as haar kleinboet met wie sy dieselfde oulike kuiltjies deel. Terwyl hy een van Hollywood se voorste akteurs geword het, het sy haar eie merk gemaak as ’n Emmy-bekroonde vervaardiger. Dylan se broer was van jongs af ’n tienersensasie wat sy dans-en sangtalent in een van Disney se gewildste musiekblyspele gewys het. Nes sy broer het Dylan (33) ’n gawe vir vermaak. Hy het onlangs aan die Amerikaanse Dancing with the Stars deelgeneem en…

“Stille nag”? Meer soos ’n gomrivier van verkeer om by die mall uit te kom. Orals jingle die bells. Boney M. en Mariah Carey. Kom alle getroudes. Kersfees is hier. Krismis. En dis minder van ’n anglisisme as wat Tannie Poppie waarskynlik dink. Kerstmis kom uit Hollands. Jesus was Ihesus Kerst van 1100 tot 1500. Kerstmis is hoe dit in die Kaap geland het. Ons het die fees in Kersfees gesit, maar Krismis bly staan. Cristes mæsse was dit in Oudengels, ’n term wat in die liturgie van die Ryn-Frankiese liturgie ontstaan het (ek wou “liturgie” twee keer gebruik) en van daar af Engeland toe gereis het. Waarskynlik per slee. Terloops, Kers skryf ons met ’n hoofletter. Kersete, Kersliedjies, Kersoggendbabelas, Kerskuiergaste. Dis die enigste manier om die verskil tussen kers…

Wanneer en waar was jy op jou gelukkigste? As kind op die plaas met my perd, my tent, my visstok en ’n .22. Wat is die ding wat jy die meeste in mense bewonder? Meegevoel en omgee vir ander se pyn. Wie sou jy die graagste vir ete wou nooi en wat sou jy vir ete maak? Gordon Ramsay. ’n Skaapskenkelpot, met skaapstertjies as voorgereg, en ’n lekker dubbelbrandewyn-en-coke. Wat kan jy nie verduur nie? Luiheid, traagheid, disrespek en besluiteloosheid. Wie is of was die liefde van jou lewe? My vrou, my vier seuns en my brak, Diesel. Wie of wat sou jy in jou volgende lewe wou wees? Myself, maar net op die plaas as ’n boer. Soos in my kinderdae. Wie is tans jou celeb crush? Ek het…

DIE lewe kon beswaarlik mooier gewees het toe Bronson Friedman in 2021 op een knie neergesak het om die jawoord te vra. Hy en Megan het immers reeds geweet hulle is vir mekaar bedoel. En kort tevore het hulle eersteling, baba Mackenzie, haar intrek in hulle huis en harte geneem. Op hulle troudag sou haar ouers hulle gelukkige samesyn amptelik maak. Maar toe knars alles wreed tot stilstand. Mackenzie was skaars vier maande oud toe haar lyfie op ’n dag van die koors begin gloei. Ná ’n warrelwind van doktersbesoeke kom die nuus – hulle baba het bloedkanker, akute miëloïede leukemie om presies te wees. Dit was die begin van maande en jare van bittere onsekerheid. Chemoterapie kon Mackenzie se lewe red, maar sou haar brose lyfie die strawwe behandeling…

SORGELOSE somerdae is hier, en ons is reg om elke sonnige minuut te geniet. Maar al is jou dae ontspanne, moet jou skoonheidsroetine nie heeltemal vakansie hou nie. Jou somerglans gaan nie oor ’n groot verandering nie – dit gaan oor slim aanpassings wat jou goed laat voel. Of jy nou by die swembad is, park toe gaan of uitgaan vir skemerkelkies, hierdie maklike stappe sal jou help om jou vel en hare te beskerm, te versorg en die hele seisoen te laat straal. VEL Gaan ligter en hou dit koel Skakel oor na ligter teksture Jou somerglans begin met vars velsorg wat jou vel laat asemhaal. Begin met ’n sagte, voedsame reiniger wat onsuiwerhede verwyder sonder om jou vel uit te droog. Ruil dan ryk rome vir jel-of watergebaseerde…

VOLG DIÉ WENKE OM ENIGE HAAKPLEKKE OP JULLE STRANDDAG TE KEER: ◗ Smeer gereeld sonbrandroom aan, maar tref ook voorsorg vir ingeval die son jou in elk geval brand. Iets met aalwyn as bestanddeel werk uitstekend om sonbrand of ’n geïrriteerde vel te streel. Vat strelende room of jel wat aalwyn bevat saam met jou strand toe. Jy kan dit in jou koelboks sit. Appelasyn wat met water gemeng is, maak ook ’n uitstekende spuitmiddel vir vel wat gebrand het. ◗ Draai jou stuurwiel onderstebo tot dit sluit wanneer jy by die strand parkeer. Sodoende sal die onderkant van die wiel warm word en nie die boonste deel nie. Jou hande sal dus nie brand wanneer jy huis toe ry nie. ◗ Dra ’n sak van maasstof saam vir strandspeelgoed.…

SY IS dood. Mors-morsdood. Van skaamte. Hoe gaan sy hierdie mense ooit weer in die oë kan kyk? Die ander ma’s gaan nie meer oor Anelia se man en sy ontvangsdame se kuiertjies skinder nie. Suretha se jogabroekies wat min aan die verbeelding oorlaat, gaan ook nie juis meer ’n besprekingspunt wees nie. Nie ná vanaand nie. Hazel Delport voel elke oog in die saal op haar. Sy krimp in haar stoel, loer onderlangs na Johnny. Hy sit met die breedste glimlag denkbaar, skynbaar salig onbewus van die ramp op die verhoog. Het haar man werklik nie ’n idee nie? Of het hy hierdie doelbewus gedoen om haar in die verleentheid te stel? Wel, hulle sal moet trek. Hul name en van verander en in die verste uithoek van die…

FLIEK TEATERS THE HOUSEMAID VANAF 19 DES. ’n Vrou met ’n moeilike verlede word die huisbediende van ’n welgestelde gesin, maar hulle oënskynlik perfekte lewe ontrafel toe sy ontdek dat die huishouding donker geheime wegsteek. Met AMANDA SEY-FRIED en Sydney Sweeney. SHREK THE THIRD VANAF 19 DES. Deel van Ster-Kinekor se Throwback Cinema. Ná die dood van die koning is Shrek en Fiona volgende in die ry om oor die koninkryk te heers, maar Shrek wil eerder na sy moeras terugkeer en in vrede en stilte leef. AVATAR: FIRE AND ASH VANAF 19 DES. Die derde aflewering van James Cameron se Avatar fliekreeks (daar word vyf beplan) wys hoe Jake (Sam Worthington) en Neytiri (ZOE SALDAÑA) se familie te staan kom teen ’n nuwe, aggressiewe Na’vi-stam genaamd die Ash People.…

BLUFSPEL Sarel het weer gans te laat in die kroeg gekuier. “Weet jy, dit maak nie saak hoe saggies ek by die deur insluip nie, my vrou word altyd wakker en trap my uit,” kla hy. “Maak soos ek,” sê sy pel. “Ek maak ’n groot lawaai wanneer ek instap en begin haar dan passievol soen.” “En werk dit?” vra Sarel. “Ja, beslis. Sy hou net aan voorgee sy slaap!” Louise Noeth GEEN INFO Gawie: “Weet jy, ál ons huis se ruite het gebreek toe een van daai lugmagvliegtuie deur die klankgrens gebars het met gister se lugskou.” Piet: “Genugtig, jy gaan seker ’n versekeringseis insit om vir die skade te eis?” Gawie: “Nee, man, ek sou graag wou, maar ek kon nie die nommerplaat betyds neergeskryf kry nie.” Johan…

Médecins Sans Frontières, ook bekend as Dokters Sonder Grense, is ’n internasionale hulpverlenings-organisasie wat bekend is vir hulle werk in lande waar daar konflik en endemiese siektes is. Die organisasie is op dié dag in 1971 gestig deur ’n groep dokters en joernaliste. Hulle het dit gedoen omdat daar oorlog en hongersnood in Biafra in Nigerië was. Hulle wou ’n organisasie stig wat vinnig en doeltreffend noodhulp kon verleen, maar wat onafhanklik is van enige land of wêreldliggaam soos die Verenigde Nasies. Een van die dokters was Bernard Kouchner, ’n Fransman wat later die minister van gesondheid en minister van Europese en buitelandse sake geword het. Hy was ’n dokter vir die Rooi Kruis in Biafra. Daar was ook ’n groep dokters onder leiding van Raymond Borel wat hulp verleen…

1 ADRI-JO WATERBOER Adri het vanjaar haar debuut in Kelders van geheime gemaak en onmiddellik die kykers aangegryp. Haar aangebore talent om ’n rol geloofwaardig en met intensiteit te speel, het gelei tot haar hoofrol in die Woordfees-teaterproduksie Joshlin: Meer as ’n naam. Vir hierdie rol het sy selfs vanjaar ’n benoeming vir beste opkomende kunstenaar ontvang. WAAROP WAS JY DIÉ JAAR DIE TROTSSTE? Ek’s verskriklik trots op myself dat ek so baie geleer het dié jaar. Dit was ’n rocky jaar, maar ek’t baie geleer. Ek’s trots dat ek weer kon deel wees van die Woordfees en uit dit ’n benoeming kon kry. Ek’t baie by daai produksie geleer. JOU GROOTSTE WENS VIR 2026? Dat ek weer op die planke kan wees. Ek wens ek kan weer soos 'n…

TOE ek 18 jaar oud was, het my suster, toe 13, ’n hospitaal besoek as deel van ’n uitreik. Sy het ’n klein dogtertjie van drie maande oud gesien wat by geboorte by die hospitaal gelos is, en dit het haar hart gebreek. Sy het ons ouers daarvan vertel, en hulle het vinnig planne gemaak om die dogtertjie in pleegsorg te neem. Die baba was vir ’n rukkie by ons, en is toe met haar ouma en oupa herenig. Ons was bly, maar hartseer. Toe sê die maatskaplike werker wat hulle gehelp het, so daar is hierdie seuntjie. . . Dis hoe my ouers die eerste van vyf kinders aangeneem het. Ons was al reeds ses biologiese kinders. Ek het die seuntjie oral saam met my geneem op ons plaas…

GERMANDT GELDENHUYS As die seun van ’n AGS-pastoor het die Binnelanders-akteur as kind in ’n hele paar pastorieë gebly, maar hy kan nie onthou dat hulle ooit ’n Kersdag by die huis gevier het nie. “My ouers was baie lief vir kamp, so ons het elke Desember die karavaan gehaak en iewers gaan vakansie hou,” vertel Germandt. Daarom is Kersdienste in hul gemeente twee of drie weke voor Kersdag gehou. “My werk as die oudste pastoriekind was om die transparante en die projektor te hanteer wanneer die gemeente sing. My pa het my so af en toe gevra om ’n solo-Kersliedjie te sing.” STEPHANIE BAARTMAN Dié aktrise het grootgeword in Bellville, waar haar pa, Stephanus, ’n pastoor in die Pinkster Protestante Kerk was. Omdat hy op Kersdag moes preek, is…