Indholdsfortegnelse for December 2016 i Idees

Mense gebruik graag die uitdrukking dat iets soos kindergeboorte is – ongeag jou vaste voorneme om dit nooit weer te herhaal nie, vergeet jy mettertyd daarvan en voor jy jou oë uitvee, doen jy dit weer. Vir my was die twee jaar sedert my vorige Kers-huismooimaaksessie saam met my peetkind Anelle nog nie heeltemal ver genoeg in die verlede om te vergeet nie en ek het sommer vroeg al laat weet: Kom ons hou dit dié keer eenvoudig en kuier net rustig saam. En om dit so maklik as moontlik te hou, voeg ek toe by die tema vanjaar is sommer net wit. Wel, fout nommer een was om die woord ‘tema’ te gebruik. Vir ’n kan-niestilsit-nie-selfdoenfanatikus is hierdie woord soos ’n rooi lap vir ’n bul. Of wit lap…

TEMPURA-GARNALE MET ’N SUURROOM-EN-GRASUI-DOOPSOUS Genoeg vir: 4-6 Bereidingstyd: 45 minute Gaarmaaktyd: omtrent 10 minute ♥ 1 kg heel koningingrootte garnale ♥ sonneblomolie, vir diepbraai ♥ lemmetjieof suurlemoenwiggies, om voor te sit BESLAG ♥ 150 g koekmeel, plus ekstra vir oorsif ♥ 150 g mielieblom ♥ 1 groot eier, liggies geklits ♥ 500 ml yskoue sodawater SOUS ♥ 100 ml topgehalte mayonnaise ♥ 100 ml suurroom ♥ 25 ml gesnipperde grasuie ♥ 15 ml vars lemmetjiesap (of 10 ml suurlemoensap) ♥ 5 ml soet rissiesous 1 Verwyder die koppe en doppe van die garnale, maar los die sterte aan. Gebruik ’n klein, skerp messie om die garnale op die rugkant oop te sny en verwyder die dermpie. 2 Spoel die garnale af en druk dit droog. Skud dit in meel sodat…

FEESTELIKE SLAAI Genoeg vir: 4-6 Bereidingstyd: 40 minute Gaarmaaktyd: 30 minute Oondtemperatuur: 200 ºC ♥ 2 rooi soetrissies ♥ olyfolie ♥ 300 ml baguette of ander korserige brood, in blokkies gesny ♥ 3 baba-sierblaarslaaikoppe (gem) ♥ ’n klein bakkie baba-rosatamaties, middeldeur gesny ♥ ’n hand vol ontpitte groen olywe ♥ 30 g bronkorsblare of ertjieranke ♥ 100 g fetakaas SLAAISOUS ♥ 15 ml dijonmosterd ♥ 1 knoffelhuisie, fyngedruk ♥ 30 ml wit balsemiekasyn ♥ ’n hand vol vars basilieblare, fyngesnipper ♥ 90 ml ekstrasuiwer olyfolie Sny die soetrissies middeldeur en verwyder die pitte. Plaas die soetrissies op ’n bakplaat, drup ’n bietjie olyfolie oor, draai dit om en bedek die ander kant ook met olie. Sit dit met die gesnyde kant na bo in die verhitte oond en bak dit…

JY BENODIG ♥ wit lugdroogklei en rolstok ♥ koekiedrukkers in verskillende vorms en groottes ♥ dun draad ♥ tangetjie om draad te buig ♥ tangetjie om draad te knip ♥ swart handwerkverf en dun kwassie ♥ swart-en-wit lint en washi-kleeflint ♥ gomgeweer ♥ waspapier Kry al jou benodigdhede bymekaar en maak eers die klei-ornamente sodat dit kans het om behoorlik uit te droog. Knie ’n stukkie lugdroogklei, vorm dit in ’n bolletjie en rol dit omtrent 3 mm dik op waspapier uit. Druk met die koekiedrukkers vorms uit die klei. Laat die kleivorms verkieslik oornag droog word. Maak nou die draadkrans. Knip ’n stuk draad, buig dit in ’n sirkelvorm en draai die punte om mekaar vas. Buig dit in ’n hartvorm. Herhaal die proses om nog twee draadharte te…

JY BENODIG ♥ polistireenskuimbord, in die verlangde grootte gesny ♥ papierkoppies (ons het espressokoppies gebruik) ♥ mooi papier vir die omhulsels ♥ geskenkpapier om die bord mee oor te trek ♥ alkantplakband ♥ kleeflint ♥ handwerkmes en snymat ♥ spelde 1 Kies papier vir die omhulsels en ’n mooi lettertipe vir die nommers. Skandeer die papier op jou rekenaar in, plaas die nommers 1-25 in die verlangde grootte op die papier en druk dit uit. Ons het twee nommers per A4-blad ingepas. LET WEL As jy nie ’n ontwerpprogram het nie, kan jy net die nommers uitdruk, uitknip en op jou omhulselpapier plak. Knip ’n ekstra papierkoppie oop en plak dit liggies met kleeflint bo-oor jou ontwerp vas. Maak seker die nommer is mooi in die middel. Trek die buitelyn…

OORDRUKDIERTJIES Maak nog ’n paar diertjieversierings uit jou oorskietlap – dié slag met ’n oordruktegniek. JY BENODIG ♥ dierprente op die oorkantste bladsy ♥ aanstryk-oordrukpapier ♥ wit materiaal ♥ bypassende masjiengare ♥ goue koord ♥ poliësterspeelgoedstopsel ♥ materiaalmerker Volg die vervaardiger se aanwysings en kopieer die dierprente onderaan die oorkantste bladsy op ’n vel aanstryk-oordrukpapier. Knip die diervorms uit (moenie te na aan die rand knip nie!) en stryk dit op die regte kant van die materiaal vir die voorkant van die versiering vas. Neem jou materiaalmerker en merk die stiklyne aan die verkeerde kant van die materiaal met die oorgedrukte prent. Sit die materiaal vir die agterkant onder die materiaal waarop die stiklyne gemerk is, sodat die regte kante teen mekaar is. Stik die diervorms al met die stiklyne…

JY BENODIG ♥ ’n groot vel stewige karton vir die hoofdeel van die boom (ons het A0-grootte gebruik) ♥ ekstra karton vir die bodem ♥ krinkelpapier in die kleur(e) van jou keuse (ons het ons boom wit met net ’n goue randjie aan die onderkant gemaak) ♥ bypassende lint ♥ verpakkingskleefband ♥ alkantplakband ♥ handwerkmes en snymat Trek ’n halfsirkel oor die breedte van die vel karton. Die maklikste manier is om ’n stuk tou van omtrent die helfte van die breedte van die karton te knip, ’n spyker aan die een punt en ’n potlood aan die ander punt vas te maak en die halfsirkel vanaf die middelpunt van die onderrand van die karton te trek. Sny die halfsirkel uit en sny dan omtrent ’n agste-segment van die halfsirkel…

PLAT PAPIERSTROOK-BAL JY BENODIG ♥ papier van jou keuse ♥ juweelversierings ♥ bloemistedraad ♥ groen bloemistekleeflint ♥ tangetjie om draad te buig ♥ tangetjie om draad te knip ♥ gaatjiepons ♥ handwerkmes en snymat ♥ staalliniaal ♥ toutjies vir ophang Sny stroke papier van omtrent 2 x 15 cm. Ons het ’n A3-vel papier in die lengte af in stroke van 2 cm gesny en toe elke strook middeldeur gesny om dit makliker te maak. Jy het 20 stroke vir elke bal nodig. Pons gaatjies aan die punte op min of meer dieselfde plek. Steek ’n lengte bloemistedraad deur die juweelversiering en buig die punt van die draad sodat die versiersing nie uitval nie. Draai groen bloemistekleeflint om die hele lengte van die draad. Druk die papierstroke deur hul boonste…

POMPOM-SNOETE JY BENODIG ♥ pienk of rooi breidraad ♥ vurk (hoe langer die tande is, hoe groter kan jy die tossel maak) Druk die punt van die breidraad deur die twee middelste tande van die vurk en draai die breidraad lekker vol om die vurk. Knip die breidraad af en knoop die punte om die middel vas. Haal die breidraad versigtig van die vurk af en knip die lusse weerskante van die middel los. Knip al die punte netjies gelyk om die pompom in ’n mooi bolletjie te vorm. HORINGS EN AANMEKAARSIT JY BENODIG ♥ bruin kartonbokse en/of kardoessakke ♥ bruin karton ♥ horinkiepatroon op bladsy 94 ♥ klaargemaakte pompoms ♥ gomgeweer ♥ maskeerband ♥ handwerkmes en snymat Kopieer die horinkiepatroon op bladsy 94 in die verlangde grootte op gewone…

SPEKULAAS-PLEKNAAMKOEKIES MAAK: 10 toebroodjiekoekies BEREIDINGSTYD: 30 minute, plus yskastyd BAKTYD: 10-12 minute OONDTEMPERATUUR: 170 °C ♥ 125 g sagte ongesoute botter ♥ 130 g Huletts sunsweet Brown sugar ♥ 5 ml Huletts molasses ♥ 5 ml fyn kaneel ♥ 2,5 ml elk fyn kaneel, gemengde speserye, neutmuskaat en naeltjies ♥ ’n groot knypie elk fyn kardemom, witpeper en sout ♥ 225 g koekmeel ♥ 5 ml bakpoeier SUURLEMOEN-EN-WITSJOKOLADEGANACHE ♥ 240 g witsjokolade, gekap ♥ 60 ml vars room ♥ gerasperde skil van 1 klein suurlemoen 1 room die botter en bruinsuiker saam tot dit lig en romerig is. Voeg die melasse en al die speserye by en klits dit goed. 2 Voeg die meel en bakpoeier by en meng dit goed tot ’n sagte deeg vorm wat jy met jou…

TEKEN DEUR MYSUBS WINSKOPIE IN OP ONS DIGITALE UITGAWE EN KRY 30% AFSLAG + ’N GRATIS EKSEMPLAAR VAN KOS-IDEES ! Vir ’n jaarlikse intekening van R476,70 ontvang jy elke maand jou Idees in gedrukte formaat. Vir navrae oor digitale intekeninge, bel 0861 697 827 of stuur ’n e-pos na support@mysubs.co.za. TEKEN IN OP DIE GEDRUKTE TYDSKIRF: skakel 087 740 1025, Maandae tot Vrydae, 8 vm. tot 5 nm. Vir ideas, skakel 087 740 1027. teken in deur ons mobi-tuiste, idees.co.za. stuur jou naam en kontakbesonderhede per e-pos na ideesinteken@media24.com. SMS ‘inteken idees’ na 32361. sMs’e kos R1 elk. Bepalings en voorwaardes Dié aanbod geld net tot 18 Desember 2016 en is net vir mense wat in Suid-Afrika woon. Skakel +27 21 065 0033 vir tariewe in ander lande. • Intekenare…

GEREELDE MARKTE • FRESH2U-BOEREMARK Maak ’n draai by dié mark in Modderfontein, Gauteng, wat op die eerste en laaste Saterdag van die maand van 8 vm. tot 2 nm. gehou word. Vir die feestyd is hulle ook op 3 en 10 Desember oop. By die meer as 80 stalletjies kan jy enigiets van ontbyte, vars produkte en handgemaakte kase tot keramiek, plante en dekor koop. Die kleingoed kan ook kuns- en handwerkprojekte probeer. Soek ‘Fresh2U Farmer’s Market’ op Facebook. • CENTURION FAMILY MARKET Vat ’n piekniekkombers saam of voer die eende terwyl die kinders die treinritte, springkasteel en sandkuns geniet. Die mark spog met sjiek artisan-kos en uitgesoekte plaaslik vervaardigde handwerk. Loer in van 10 vm. tot 3 nm. op die eerste en derde Sondag van die maand. Gedurende die…

IETS MOOIS VIR DIE KAGGEL Hou die kleingoed gelukkig met prettige Kersversierings soos dié Kersvader-Adventkalender (R229,99) en takbok met serp (R399,99), albei beskikbaar by MRP Home-winkels landwyd. BLOMVARS Charlotte Rhys se groot reeks produkte –van lyfsorg-, bad- en mansprodukte tot geursproei vir die huis – is die ideale Kersgeskenke. Dié bottel Atmosphere-kamersproei in die geur Spring Flowers kos R211,50 en is beskikbaar by Charlotte Rhys-winkels of aanlyn by charlotterhys.co.za. Vrolike styl Kikker jou klerekas op met die spatsels helder kleur en vrolike patrone wat deel vorm van Lou Harvey se somerreeks. Dit sluit in dié nuwe JoJo-handsakke van R869 elk asook ’n veelsydige grimeersak met kurwes, ’n grimeersak met twee ritssluiters en ’n Long Tom-koelsak – net mooi betyds vir al frescosomeretes en kuiersessies in die son. • Doen aanlyn…

LAMSBOUD GEBAK IN SOUTDeeG   Genoeg vir: 6-8 Bereidingstyd: 45 minute, plus marineertyd Gaarmaaktyd: 1 uur 40 minute Oondtemperatuur: 200 ºC ♥ ’n lamsboud van omtrent 2 kg ♥ 30 g vars roosmaryn, gekap ♥ 30 g pietersielie, gekap ♥ 6 knoffelhuisies, fyngedruk ♥ 50 ml olyfolie DEEG ♥ 750 g witbroodmeel ♥ 250 g sout ♥ 1 groot eier, geskei 1 Meng die kruie, knoffel en olyfolie saam. Gebruik ’n klein, skerp messie om snytjies oraloor in die vleis te maak. Vryf die kruiemengsel oor die vleis en druk die knoffel in die snytjies wat jy gemaak het. Laat dit vir minstens 2 uur eenkant marineer, of bedek dit en laat dit oornag in die yskas marineer. 2 SOUTDEEG Meng die meel en sout saam in ’n mengbak en…

SJOKOLADE-EN-BESSIE-TRIFLE Genoeg vir: 8 Bereidingstyd: 1½ uur, plus yskastyd Baktyd: 30 minute Oondtemperatuur: 160 ºC SPONSKOEK ♥ 3 groot eiers, geskei ♥ 95 g (110 ml) strooisuiker ♥ 7 ml suurlemoensap ♥ 75 g (140 ml) koekmeel ♥ 500 ml room, om aan mekaar te sit ♥ 200 g frambose, om aan mekaar te sit JELLIELAAG ♥ 25 ml gelatienpoeier ♥ 375 ml bosbessiesap ♥ 120 ml soet sjerrie ♥ 220 g (230 ml) strooisuiker ♥ 200 g aarbeie, skoongemaak en gesny VLA ♥ 800 ml melk ♥ 6 groot eiergele ♥ 75 g (85 ml) strooisuiker ♥ 35 ml mielieblom ♥ 200 g donkersjokolade, in stukkies gebreek SPONSKOEK Klits die eierwitte tot dit stywe punte vorm. Begin dan 60 g (70 ml) van die strooisuiker bietjies-bietjies byklits. Klits laastens…

JY BENODIG ♥ koord met feëliggies (opsioneel) ♥ kappiepatroon op bladsy 94 ♥ gekleurde karton ♥ gekleurde koord ♥gaatjiepons ♥ alkantplakband ♥ handwerkmes en snymat ♥ liniaal Kopieer die kappiepatroon op bladsy 94 in die verlangde grootte op jou gekleurde karton (ons het twee kappies per A4-blad ingepas), sny dit uit en vou dit op die voulyne. Vou die vyf segmente liggies inwaarts bokant die voulyne en vou die flappies op die punte uitwaarts. Draai die papier om sodat die regte kant (die kant wat uiteindelik die buitekant van die kappie gaan vorm) na jou toe wys. Plak stukkies alkantplakband op die sykantste flappie sowel as op die flappies op die vyf segmente vas, maar moet nog nie die filmlagie op die plakband aftrek nie. Draai die papier weer om…

JY BENODIG ♥ mos (beskikbaar by bloemisteverskaffers en kwekerye) ♥ polistireenskuimster en -bolletjies (beskikbaar by bloemisteverskaffers of handwerkwinkels) ♥ houtlym ♥ handwerkkwas Verf ’n dik laag houtlym op die voorkant en al om die rande van die polistireenskuimster. Plak die mos lekker dig op die ster vas. Skud elke nou en dan die los stukkies liggies af en herhaal die proses tot die ster oraloor met mos bedek is. Laat dit goed droog word. Bedek die polistireenbolletjies volgens dieselfde metode met mos. Sit die mosbolletjies in klein terracottapotjies en stileer dit saam met die mos-ster.…

Die vakansieseisoen is hier en dit beteken lang, lui somerdae met ons geliefkoosde nasionale tydverdryf: kuier om die braaivleisvuur. Met BERNINA as jou getroue vennoot kan jy seker maak jou braaikampioen is gepas aangetrek vir die geleentheid. Jy kan ook braaibykomstighede maak wat van ’n gewone braai iets stylvols sal maak. SLIM BRAAI-IDEES Maak vir die man in jou lewe ’n braaivoorskoot met die spesiale 3D-letterfunksie wat in jou BERNINA-borduursagteware is. Met hierdie funksie kan jy speelse ontwerpe skep wat as versierings en selfs as sakke op die voorskoot kan dien. Nog ’n idee is ’n nuttige gereedskapshouer waarmee jy al jou braaitoerusting op een plek kan hou. Gebruik die BERNINA Walking-voet om seilmateriaal te stik en so ’n pragtige oortreksel vir die houer te maak. Die Walking-voet kan ook…

JY BENODIG ♥ ou Kersballe ♥ swart-en-wit illustrasies van jou keuse ♥ wit spuitverf ♥ modge podge ♥ handwerkkwas Verwyder die doppies met die lussies aan die bokant van die Kersballe en hou dit eenkant. Werk op ’n plastiekvel of koerantpapier en spuitverf die Kersballe wit. Spuit ’n hele paar lae – elke laag net liggies sodat dit nie ‘trane’ vorm nie – tot die balle spier-wit is. Laat elke laag goed droog word voor jy die volgende laag aanspuit. Kopieer jou illustrasies in die verlangde grootte op gewone wit rekenaarpapier en knip dit al om die rand uit. Verf ’n laag modge podge oor die gespuitverfde Kersballe en oor die agterkant van die uitgeknipte illustrasies. Plak die illustrasies op die balle vas en vryf die lugborrels uit. Seël die…

JY BENODIG ♥ lugdroogklei en rolstok ♥ koekiedrukkers ♥ roosservette ♥ bladgoud ♥ alfabet-letterstempels ♥ modge podge ♥ handwerkkwas ♥ klein, skerp skêrtjie ♥ haartangetjie ♥ sosatiestokkie ♥ waspapier ♥ toutjies vir ophang Knie ’n stukkie lugdroogklei, vorm dit in ’n bolletjie en rol dit 3-5 mm dik op waspapier uit. Druk met jou koekiedrukkers vorms uit die klei. Maak die rande van die kleivorms glad met jou vinger terwyl die klei nog nat is. Gebruik die letterstempels om ’n Kersboodskap op van die vorms te stempel, en gebruik ’n sosatiestokkie om ’n gaatjie aan die bokant van elke vorm te maak sodat jy die versierings later met toutjies aan die boom kan hang. Laat dit heeltemal droog word. Wanneer die klei droog is, kan jy met die découpagewerk begin.…

JY BENODIG ♥ servette (maak seker jy gebruik vierkantige servette, anders gaan die vouery nie mooi uitwerk nie en jou servetboom slordig lyk) ♥ bypassende lint of kant ♥ pêrelkopspelde WENK Ons het ons servette uit rooi-en-wit geruite materiaal gemaak en die rande net omgekap sodat geen dik soomrande wys nie. Vou die servet horisontaal in die helfte. Maak die vou lekker skerp en maak seker die hoeke lê mooi opmekaar. Vou die servet op dieselfde manier vertikaal in die helfte om ’n netjiese vierkant te vorm. Draai dit in ’n ruitvorm met die oop punte wat ondertoe wys. Vou nou die vier los punte aan die onderkant een vir een boontoe. Vou elke opeenvolgende laag effens vlakker as die vorige laag om gepunte lae te vorm, soos op die…

JOU NEK Jou nek en jou hande is die grootste klikbekke – hulle verraai jou ouderdom nog lank voor jou gesig die spore van die dekades vertoon. Die rede is dat daar min oliekliere en elastien in die dun velweefsel op die rugkant van jou hande en die fyn nekvel is. Voeg daarby dat baie vroue te suinig is om duur serums en produkte aan hulle hande, nek en décolletage smeer, en spaarsamigheid kos jou uiteindelik ’n fortuin wanneer jy ’n skilpadnek en aardige ou heksekloue wil takel. Deesdae steek daar ook ’n nuwe verskynsel kop uit: die onaansienlike, plooierige kondisie bekend as ‘tech-neck’ – die lelike resultaat van ons verslawing aan tegnologie. Blameer jou slimfoon, tablet en skootrekenaar vir die ooglopende vinnige aanwas van horisontale plooie (jaarringe) in jou…

GROENTE: Aartappels, artisjokke, blaarslaai, eiervrug, groenbone, knoffel, komkommers, mielies, murgpampoentjies, pampoen, patat, pietersielie, radyse, sampioene, skorsies, soetrissies, spinasie, tamaties, uie, wortels. KRUIE: Basilie, dille, grasuie, lourierblaar, marjolein, ment, origanum, roosmaryn, salie, tiemie, vinkel. VRUGTE: Kersies, lietsjies, mango’s, nektariens, papaja, perskes, piesangs, pruime, pynappel, rabarber, spanspek, suurlemoene, vye, waatlemoen. BLOMME BESKIKBAAR IN DESEMBER: Agapante, amarante, angeliere, anthuriums, barbertonse madeliefies, calla-lelies, hanekamme, inkalelies, keelkruid, krisante, laventel, Oosterse lelies, oranjebolle, (sekere) protea- en fynbossoorte, ridderspore, rose, seehuls, sewejaartjies, sonneblomme, swaardlelies, tjienkerientjees, uieblomme.…

‘Ons het getrou vir ’n huis,’ vertel Amanda Swanepoel en sy en Francois lag uit hulle maag. ‘Die plataanbome wat hier so oor die pad groei, het my só na Stellenbosch laat verlang dat ek aanmekaar moes terugkom. En toe verras Francois my en sit ’n aanbod in Ons moes toe blits-… vinnig trou om te kan intrek! ‘Om dinge nóg doller te maak het ons ’n redelike groot berekeningsfout gemaak en hou toe net R3 000 van ons troubegroting oor. Met die gevolg dat ons sommer in die dominee se huis getrou het, net ons ouers gaan groet het en toe saam met die pelle gaan partytjie hou het.’ Die huis is die spookhuis genoem, vertel hulle. Dit was omtrent heeltemal toegegroei. Gelukkig is die twee nie bang vir…

Gesmoorde varknek met kaneel en heuningpere Hierdie heerlike gereg kan voor die tyd gemaak word – jy hoef dit dan net vinnig te herverhit voordat jy dit voorsit. Genoeg vir: 6-8 Bereidingstyd: 45 minute Gaarmaaktyd: 2 uur 15 minute Oondtemperatuur: 150o C JY BENODIG ♥ 2 kg varknek ♥ 30 ml olyfolie ♥ 2 uie, gekap ♥ 1 kaneelstokkie ♥ 10 ml fyngerasperde vars gemmer ♥ 500 ml hoenderaftreksel ♥ 250 ml peer- of appelsap ♥ vars salie, plus ekstra vir garnering ♥ 3-4 ferm maar ryp pere, middeldeur gesny en pitte verwyder ♥ 60 ml heuning ♥ 15 ml mielieblom ♥ oondgeroosterde wortels en rys of couscous, om voor te sit 1 Gebruik tou om die varknek op verskeie plekke vas te bind sodat die vorm netjies bly. 2…

JY BENODIG ♥ vlerkpatroon ♥ koffiefiltreerpapiertjies ♥ wit papier ♥ stewige karton ♥ gomgeweer ♥ gomstiffie ♥ kunsblom en lint Kopieer die vlerkpatroon (links) in die verlangde grootte op wit papier en knip dit uit. Trek die papierpatroon op karton na en knip dit ook uit. Hou die papierpatroon eers eenkant. Plak nou die kartonvlerk met jou gomstiffie op nog ’n vel wit papier vas en knip dit uit, maar laat reg rondom ’n rand van omtrent 1 cm. Knip inknippies 1 cm uitmekaar in die rand, vou dit om die rand van die vlerk en plak dit vas. Plak nou die papierpatroon wat jy eenkant gehou het, bo-op vas sodat die vlerk mooi netjies afgewerk is. Plooi nou die koffiefiltreerpapiertjies tussen jou vingers en begin die vlerk met die…

JY BENODIG ♥ boksiepatroon op bladsy 94 ♥ dierprente op bladsy 71 ♥ 140 gsm wit papier ♥ alkantplakband ♥ handwerkmes en snymat ♥ liniaal Skandeer die boksiepatroon en dierprente in en verdeel die diere in kopen lyfdele. Werk met twee bokse per A4-blad en sit die eerste kopdeel op die eerste sykant van die een boks en die lyfdeel op die ooreenstemmende sykant van die ander boks. Plaas die volgende kop- en lyfdeel net so op die bokse se derde sykant. Herhaal die proses tot jy 25 bokse het. Versier die tweede sykante soos verkies en nommer die vierde sykante van 1 tot 25. LET WEL As jy nie ’n ontwerpprogram het nie, kan jy net die patroon en prente kopieer en verder knip, vou en plak. Sny al…

BORDUURDIERTJIES Versier diervorms met maklike borduurwerk wat wys watter dier dit is. JY BENODIG ♥ dierpatrone op bladsy 71 ♥ wit materiaal ♥ aanstryk-tussenvoering ♥ stringborduurgare in rooi, grys en swart ♥ borduurnaald ♥ bypassende masjiengare ♥ goue koord ♥ poliësterspeelgoedstopsel ♥ materiaalmerker WENK As jy nie ’n ligkas het om op te werk nie, kan jy die dierpatrone met die materiaal bo-oor met maskeerband teen ’n venster vasplak en só die buitelyne natrek. Stryk tussenvoering vas aan die verkeerde kant van ’n stuk wit materiaal wat groot genoeg is vir die dierpatrone op bladsy 71. Gebruik die materiaalmerker om die patrone na te trek op die regte kant van die materiaal wat met die tussenvoering verstewig is. Borduur die diere met drie draadjies stringborduurgare in die kleure soos op…

JY BENODIG ♥ stewige groot bruinpapiersak ♥ goue spuitverf ♥ geskenkkaartjie-ontwerp op bladsy 72 ♥ mediumgewig-karton ♥ goue lint of koord ♥ handwerkpons Beskerm die oppervlak waarop jy gaan werk (jy kan ’n swartsak of koerantpapier hiervoor gebruik) en sit die bruinpapiersak daarop neer. Spuitverf die sak liggies met die goue spuitverf en laat dit droog word. Spuit nog een of twee lae tot die kleur mooi solied is. Draai die sak om wanneer dit droog is en spuitverf die ander kant net so. Vou die borand van die sak om sodra dit heeltemal droog is. Oppas dat die sak nie skeur nie. Kopieer die geskenkkaartjie-ontwerp op bladsy 72 in die verlangde grootte op mediumgewig-karton en knip dit uit. Pons ’n gaatjie aan die bokant van die kaartjie en ryg…

JY BENODIG ♥ Scrabble-blokkies ♥ oogskroefies ♥ boor met houtboorpunt ♥ gomgeweer ♥ rooi-en-wit bakkerstou SLIM IDEE Probeer ’n woord of boodskap skryf waar die rye letters ’n klokkie- of Kersboomvorm vorm. Skryf ’n woord of kort boodskap met die Scrabble-blokkies en gebruik jou gomgeweer om die blokkies aan mekaar vas te plak. Boor ’n gaatjie aan die bokant van die ornament en draai ’n oogskroefie daarin. Ryg ’n stukkie rooi-en-wit bakkerstou deur die skroefie se ogie en knoop die ornament vas aan jou boom.…

JY BENODIG ♥ klapperpatroon op bladsy 94 ♥ mooi papier (jy kan ons kruissteekpapier op bladsy 86 gebruik) ♥ mediumgewig-karton ♥ alkantplakband ♥ handwerkmes en snymat ♥ staalliniaal ♥ bypassende lint Kies jou papier en kopieer dit op mediumgewig-karton. Kopieer dan die klapperpatroon op bladsy 94 in die verlangde grootte aan die agterkant van die karton. Ons het net mooi twee klappers op elke A3-vel karton ingepas. Gebruik jou handwerkmes en staalliniaal en sny die klapperontwerp al langs die snylyne uit. Vou die ontwerp op al die voulyne. Gebruik die staalliniaal om die voue lekker skerp te maak Die kepies moet agtertoe uitstaan. Só sal dit van die agterkant van die papier af lyk. Draai die papier na die regte kant toe om en plak stukkies alkantplakband aan die een…

MOEILIKHEIDSGRAAD: maklik TYD: 2 uur JY BENODIG ♥ koekiedeegresep en resep vir die witsjokoladeganache op die oorkantste bladsy ♥ 100 g fondant ♥ skulprand-koekiedrukker ♥ spuitsak ♥ eetbare goudpoeier ♥ pienk jel- of waterbasis-koskleursel ♥ swart jelkoskleursel ♥ kleurlose alkohol (of gebruik water) ♥ verfkwassies ♥ mielieblom ♥ waspapier Volg die resep op die oorkantste bladsy om die koekiedeeg te meng en uit te rol tot dit 3-4 mm dik is. Gebruik die koekiedrukker om die deeg in vierkante en dan in kleiner reghoeke uit te druk. Gebruik die afvalstukkies vir die basisse. Jy het 20 reghoeke vir die kante nodig en 10 basisse. Maak die ganache (resep op die oorkantste bladsy) en skep dit in ’n spuitsak. as die ganache te dik is, kan jy dit vir 5 sekondes…

Skryf aan Idees en stuur jou brief per e-pos na ideesred@media24.com met ‘Jul idees’ in die onderwerpveld. ONTHOU asseblief om jou kontakbesonderhede by te sit. LET WEL Indien jou brief navrae bevat, moet jy asseblief jou telefoonnommer verskaf. ’n Fees elke maand Dis vir my ’n groot voorreg om ’n IDEES-leser te wees. Dis ’n fees om klokslag elke maand die tydskrif in die hande te kan hou en te sê: ‘Dis myne, my eiendom’ en dan agteroor te sit en jou gereed te kry vir jou maandelikse leessessie waar hoor en sien kan vergaan en jy net oë het vir jou tydskrif. IDEES is ’n uitsonderlike tydskrif, want saam met die projekte word die klasse ook gegee en die moeilikheidsgraad bepaal. Is dit nou nie wonderlik nie? Ek sal…

My gesin het dit jare gelede goedgedink om my in te teken op julle tydskrif as ’n verjaardaggeskenk - en jaar ná jaar vra hulle of daar nie iets anders is wat ek wil hê nie. Die kyk wat ek hulle gee, is genoeg om hulle te oortuig dat ek sielsgelukkig is met hulle destydse keuse. Ek het grootgeword in ’n familie waar handwerk deel van die huishouding was. By my ma het ek geleer brei en naaldwerk doen, by my ouma en tannies hekelwerk. Borduurwerk was ook vir my heerlik omdat ek in ’n klooster was tot op 12. Sedert my onlangse vroeë aftrede is ek in die sewende hemel met brei-, hekel-, borduur- en naaldwerk. Ek is net soos ’n kind wat vyf pakke lekkers tegelyk gekry het…