Indholdsfortegnelse for May/June 2019 i Idees

Reis was nog altyd een van die groot plesiere in my lewe. Of dit nou ’n dag lange (en deesdae al hoe duurder) tog na ’n ver land behels of ’n langpadrit deur die Karoo, reis maak my gelukkig. Dis die uitsien vooraf (blykbaar vir baie mense die beste deel), die reëlings, die pak, die reis én die bestemming – alles vorm deel van ’n pakket wat eenvoudig my hart laat sing. As ek boonop vir ’n opwindende einddoel kan reis – nog beter. So is ek in middel Februarie, met lae klere byderhand om my uit die Kaapse somer die Europese winter in te neem, Duitsland toe. Ná lang onderhandelings het die eerste van twee toetsuitgawes van Idees op 20 Februarie daar op die rakke verskyn, en watter tipe…

Handwerk Modern quilting – Michael Caputo (Cico Books, R260) Tallose nuwe en toegewyde liefhebbers van kwiltwerk is deesdae op soek na moderne, innoverende maniere om hul vaardigheid in dié antieke handwerkvorm te oefen en toe te pas. Indien jy nog ’n beginner is, wys dié boek jou hoe om iets eenvoudigs soos ’n sitplekkussing of plekmatjies aan te pak. Vir diegene wat vir ’n meer uitdagende projek gereed is, is daar volgrootte kwilte waar jy jou kreatiwiteit kan uitleef met die keuse van materiale en kleure. Dan die skrywer se spesialiteit: ’n kwilt wat aan die verkeerde kant net so asemrowend is soos aan die regte kant. Die boek bied al die patrone wat jy nodig het, met ’n afdeling oor tegnieke asook stap-virstap-illustrasies om jou deur die proses te…

Van buite af lyk Graham en Elsabé Crawford se Groenpunt- huis anders as die buurhuise in die plaveisteenstraat. Langs die ou drieverdieping-skakelhuise staan die eenvlak-huis met sy interessante houtdetail en koel tuin mooi uit. En dis presies wat die paartjie se aandag getrek het toe hulle destyds van hul gehuurde woonstel ’n ent op teen die bult afgestap het winkels toe. Hulle wou ’n huis op een vlak hê waar hulle as gesin na aan mekaar kon wees. Toe reeds was die huis binne oop om ruimte te skep, maar dit was koud en sielloos, vertel Elsabé, ’n plaasdogter uit die Langkloof wat hou van huise met persoonlikheid. En huise waarop die eienaar se stempel afgedruk is. ‘My ma is immers die lappiekoningin van Avontuur! Daar is niks wat sy…

Gordyn MOEILIKHEIDSGRAAD: redelik maklik TYD: 1 dag JY BENODIG ♥ borduurpatrone op bladsy 50 ♥ linnemateriaal (venstergrootte) ♥ voeringmateriaal (venstergrootte) ♥ Stitch-n-Tear (volgens die grootte van jou ontwerp) ♥ masjiengare in die kleure van jou keuse ♥ uitwisbare merkpen ♥ algemene naaldwerkbenodigdhede SO MAAK JY 1 Meet die grootte van die venster en tel 1 cm aan die lang sye by, asook vir die soom aan die onderrand. Tel omtrent 6 cm aan die borand by om dit om te vou. 2 Knip ’n paneel volgens die mates uit die linne sowel as die voeringmateriaal. 3 Besluit hoe groot die blaarontwerpe moet wees en vergroot die ontwerpe tot die verlangde grootte. 4 Dra die blaarontwerpe met die uitwisbare pen op die linnepaneel oor. 5 Knip die Stitch-n-Tear die grootte van…

MOEILIKHEIDSGRAA D: maklik TYD: 1 uur JY BENODIG ♥ vars gesaagde skyf rou hout (40-50 mm dik) ♥ 10 mm-dikte tou (2 x 3 m) ♥ swart metaalsteunstuk en muurskroewe ♥ kleurlose spuitlak ♥ 60-grint-skuurpapier ♥ elektriese skuurder ♥ boor met 10 mm-houtboorpunt ♥ potlood, maatband en skêr TAFEL Skuur die houtskyf met die 60-grintskuurpapier tot die oppervlak glad is. Meet en merk op die geskuurde houtskyf drie kolletjies met ’n potlood, 200 mm van mekaar, om ’n driehoek te vorm. Pas dié lengte aan vir die grootte van jou houtskyf. Klamp die houtskyf aan jou werkbank vas en boor ’n gat by elk van dié merke. Gebruik afvalhout tussen die klamp se voet en die houtskyf om die oppervlak te beskerm. Vee die oppervlak met ’n lap af en…

IN MOOI PAPIER Kopieer die prent op die oorkantste bladsy in die verlangde grootte op gewone wit papier. Draai ’n bottel blatjang of ’n flessie atjar daarin toe en plak dit met ’n stukkie washi-kleeflint toe. IN ’N PIESANGBLAAR Sny ’n piesangblaar met jou handwerkmes in die verlangde grootte en draai jou geskenk daarin toe. Plak dit met ’n stukkie maskeerband toe en rond die pakkie af met ruwe tou. IN TJIPSPAPIER Spoel ’n leë pakkie tjips goed uit en spuitverf dit in ’n kleur van jou keuse. Sit jou geskenk in die sakkie en plak die bokant toe met alkantplakband. Rond die pakkie af met ’n takkie kerrieblare. MET ’N ETIKET Kopieer die etikette op bladsy 81 in die verlangde grootte op karton en knip dit uit. Pons ’n…

MOEILIKHEIDSGRAAD: maklik TYD: 2 uur JY BENODIG Dom ino’s ♥ 2 x 69 mm x 22 mm x 2,4 m dennehout, reg rondom geskaaf (PAR of planed all round) ♥ kinderveilige verf (3-6 kleure) ♥kleurlose verseëlaar ♥ klein verfroller ♥ ronde spons (10 mm in deursnee) Boks ♥ 1 x 94 mm x 22 mm x 1,8 m dennehout (PAR) ♥ 12 x 4 mm x 40 mm houtskroewe ♥ houtlym ♥ skuurpapier ♥ uitsnysaag ♥ boor met 3 mm-houtboorpunt ♥ klamp ♥ maatband, potlood en liniaal Meet en merk 28 dele van 140 mm en een deel van 580 mm op die dennehoutlatte van 69 mm x 22 mm x 2,4 m. Meet dan twee lengtes van 580 mm en twee van 110 mm op die dennehoutlatte van 94…

Poncho MOEILIKHEIDSGRAAD: gevorderd TYD: 4-5 dae GROOTTE: Lengte 47 cm. JY BENODIG ♥ Vinnis Colours Nikkim DK (50 g-bolle): – 4 bolle in Dark Purple – 2 bolle elk in Blue-Red, Natural en Burnt Orange – 1 bol elk in Sunshine, Blue Canard en Pink ♥ 3 mm-hekelpen ♥ naald met groot genoeg oog HEKELAFKORT INGS beg – begin dies – dieselfde dsl – dubbelslagsteek gs – glipsteek h/af – heg af her – herhaal kb – kortbeen ks – kettingsteek lb – langbeen rdte – rondte sp – spasie st – steek tr – trossie vlg – volgende STEEKVERD UIDELIKINGS DUBBELSLAGSTEEK 1 Slaan die draad twee maal oor die pen. 2 Steek die pen in die volgende steek. 3 Slaan die draad oor die pen en trek die pen…

MOEILIKHEIDSGRAAD: vir bekwame naaldwerkers TYD: 2 naweke GROOTTE: Pas grootte 10. JY BENODIG ♥ patroon op bladsye 116-117 ♥ 3,2 m mediumdikte seildoek, 150 cm breed ♥ 1 drukknoop, 18 mm breed ♥ 2 stringe wit borduurgare ♥ tapisserienaald SO MAAK JY LET WEL: 1,5 cm-naattoelatings ingesluit. 1 Knip al die patroondele uit, sowel as twee ekstra dele vir die lyfband van 11 x 190 cm. Sit die lyfbanddele op mekaar met die regte kante teen mekaar en stik een kort sy en albei lang sye toe. Dop dit na die regte kant om en werk die kort sy met die hand toe. Pars dit plat. 2 Vou die borand van die sakdele na die verkeerde kant om en stik dit. 3 Pars die naattoelatings van die sakdele na die…

DIEPE DANKBAARHEID Hou ’n dagboek en skryf aan die einde van elke dag neer waaroor jy alles dankbaar is. TROOSKOS Moenie stres oor kosmaak nie. Geniet ’n slag kaas en wyn as ligte maaltyd, of probeer vir ’n verandering jou ontbytkos vir aandete. Daar is ook niks fout met ’n koppie tee en ’n sny roosterbrood met konfyt nie! HAPPIES EN SOETGOED Sit bakkies met gesonde snoepgoed uit in jou huis. Of vergeet vir ’n verandering van gesonde kos en bederf jouself met ’n sny koek – die toppunt van hygge. GELUK IN DIE OOMBLIK Skakel alles af wat gedurig jou aandag eis – van fone tot die televisie en ander toestelle. Luister eerder na musiek wat jou laat ontspan of speel ’n klassieke bordspeletjie. DIE KLEIN PLESIERTJIES Haal ’n…

Ek was mal oor verestoffers toe ek klein was. Veral dié met die lang stokke vir hoog bykom en die bont vere om jou werk mooier te maak. Ons het ’n paar daarvan gehad, die meeste daarvan myne. Maar deesdae vergeet ek om af te stof. Veral as ek baie werk het. En as die middel van die jaar nader kom en my ‘te-besigwees’ maak dat ek vergeet hoe my Januarie-drome lyk, dan weet ek dit is tyd om my drome weer af te stof. Om te onthou wat ek wou doen en leer en word. Net nou die dag vra my niggie haar voorskoolse dogtertjie: ‘Wat wil jý word wanneer jy eendag groot is?’ Waarop sy antwoord: ‘’n Vulkaanklimmer, ’n polisie-slangvanger en ’n regte, egte feetjie…’ In haar dogtertjie-onskuld…

@WOODLUCKER Minneapolis, VSA @SAMMYSHEPPARD_ART Mosselbaai, Suid-Afrika @ME_AND_SIMONE Nederland…

Ons leef in ’n tyd dat die kosmetiese bedryf en wetenskap toenemend in sinergie met die natuur raak. Dit is nie net suiwer organiese en natuurlike kosprodukte wat in aanvraag is nie – in die kosmeseutiese en dermaseutiese laboratoriums is die trend dat ál meer botaniese bestanddele hulle pad na die proefbuise vind vir deurbraakformules in velsorg. Die wetenskap en die natuur kan inderdaad produktief saamleef. Dit is moeilik om suiwer natuurlike formulerings te maak omdat die bestanddele nie ’n lang raklewe het nie, daarom is die tendens om natuurlike produkte te kombineer met wetenskaplike, aktiewe bestanddele wat resultate lewer. Groot internasionale kosmetiekhuise soos Clarins, Team Dr Joseph en Sisley (wat hulle produkte as phytoceuticals bestempel) het voltyds wetenskaplikes in die velde, die woude, seë, woestyne en afgeleë plekke waar…

MOEILIKHEIDSGRAAD: gemiddeld tot moeilik TYD: 4 dae plus JY BENODIG ♥ tegniese tekeninge op bladsye 64-65 MATERIAAL ♥ hout (in dié geval jelutong en mahonie) – 310 mm x 310 mm x 22 mm jelutong (deel 1) – 440 mm x 40 mm x 22 mm jelutong (dele 3 en 4) – 4 x 438 mm x 22 mm x 22 mm jelutong (deel 5) – 25 x 20 mm x 20 mm x 4 mm mahonie (deel 2) – 4 x 34 mm x 22 mm x 22 mm mahonie (deel 6) – 310 mm x 310 mm x 22 mm jelutong (deel 1) – 440 mm x 40 mm x 22 mm jelutong (dele 3 en 4) – 4 x 438 mm x 22 mm x 22 mm…

OONDGEBAKTE DONUTS Maak: 10 donuts (7 cm in deursnee) Oondtemperatuur: 180 ºC ♥ 250 ml bruismeel ♥ 2,5 ml bakpoeier ♥ 80 ml strooisuiker ♥ 1 groot eier ♥ 50 ml gesmelte botter ♥ 80 ml karringmelk Geurvariasies ♥ 20 ml suurlemoen- of lemmetjiesap (hou die skil vir versiering) ♥ 2,5 ml fyn kaneel ♥ 5 ml karamelgeursel Glaseersel ♥ 350 ml versiersuiker, gesif ♥ omtrent 50 ml vars room of melk ♥ jelkoskleursel Versierings ♥ eetbare blomme ♥ koekstrooisels, klein lekkertjies, eetbare goudstof en bladgoud Verhit die oond tot 180 ºC. Maak die donutbeslag aan deur die meel, bakpoeier en strooisuiker saam te sif. Klits die eier, gesmelte botter, karringmelk en suurlemoensap (of enige ander geurvariasie) saam en gebruik dan ’n draadklitser om die nat en droë bestanddele behoorlik…

verf WWW.TJHOKOPAINT.CO.ZA Toe ons hierdie werkplek takel, was patroon, tekstuur en kleur boaan ons wenslysie. Ons wou ’n inspirerende ruimte skep waar nuwe idees gemaklik en gereeld kan vloei. Met Tjhoko se veelsydige reeks produkte en wonderlike kleurpalet was dit nie moeilik om die kreatiewe ruimte te skep wat ons in gedagte gehad het nie. • Die muur is geverf in Simon Says, ’n opwindende mosterdgeel kleur. • Ou laaie met verskillende deurknoppe dien as rakke bo die tafel. Op die laaie is verskeie verf- en stensiltegnieke ingespan met onder meer Stencil of Paris, Tjhoko se stensilpleister. Jy kan Stencil of Paris in sy oorspronklike wit kleur los óf jy kan bo-oor die pleister verf wanneer dit droog is – soos wat ons op die teal en wynrooi laaie gedoen…

Ek het eenkeer ’n man ontmoet wat ‘optelgoed’ oral in sy huis uitgestal het – pouvere, interessante stukke hout – en die gewoonte gehad het om sy naam en die datum van die vonds op elke item te skryf. Met ’n swart merkpen. Dit moet sekerlik die mees basiese manier wees om te sê: ‘Dit is myne’. Eienaarskap is belangrik vir ons, veral as iets onvervangbaar of kosbaar is, en om ons stempel op ons eiendom te sit lig daardie eienaarskap uit. Die tradisie om linnegoed te merk het omtrent 800 jaar gelede begin. In daardie begindae is dit met ’n soort ru-ink gedoen; borduurwerk was net vir die koninklikes en adel in Engeland en Europa. Hoewel dit die oudste vorm van tekstielversiering ter wêreld is, het pragen- praal-wette in…

TULPLIG MOEILIKHEIDSGRAAD: redelik uitdagend TYD: halfdag JY BENODIG ♥ oorskietmateriaal vir die blomblare ♥ materiaalstrook van 3 x 30 cm in dieselfde kleur as die blomblare ♥ gegalvaniseerde staaldraad (0,75 mm dik) ♥ draadkniptang ♥ kouelym ♥ verfkwas met harde hare ♥ elektriese koord en gloeilamp 1 Teken ’n blomblaarpatroon en gebruik dit as riglyn om die draad in die vorm van ’n blomblaar te buig en af te knip. Gebruik dieselfde patroon om twee stukke materiaal vir elke blomblaar te knip, maar voeg 1 cm reg rondom by vir nate sodat dit die draadraam mooi sal bedek. 2 Verdun 250 ml kouelym met 60 ml water en verf dit oor die verkeerde kant van albei stukke blomblaarmateriaal. 3 Plaas die draadblomblaar op die gombesmeerde kant van ’n stuk blomblaarlap…

Pompommussie MOEILIKHEIDSGRAAD: vaardige beginner TYD: 3-4 uur GROOTTE: medium VAARDIGHEDE BENODIG: Brei op ’n sirkelpen, aweregs, vermindering (r2tes), wonderlusbreiwerk (magic loop knitting), langstert-aanheg. (As jy nog nie met ’n sirkelbreipen gebrei of wonderlusbreiwerk gedoen het nie, is dit die regte projek om mee te begin – daar is baie praktiese aanwysings op YouTube.) JY BENODIG ♥ breidraad vir mus: 60 g breidraad net dikker as dubbeldraad – Stellar Fiberworks Belle Worsted (170 m/100 g) in Drop My Anchor (liggrys, kleur A) en in The Black Pearl Sea (donkergrys, kleur B) ♥ breidraad vir pompom: Fibra Natura Papyrus in 229-26 (swart) ♥ 35 cm-lengte sirkelbreipen: 5 mm (of 100 cm-lengte sirkelbreipen vir wonderlusbreiwerk) ♥ stopnaald SPANNING 18 ste oor 10 cm in koussteek. AFKORTIN GS aw – aweregs her – herhaal…

WENBRIEF BLOKKIE VIR BLOKKIE Ek is betrokke by ImagineKnit, ’n gemeenskapsinisiatief waar vroue kreatief en produktief kan wees, nuwe vaardighede leer en bemagtig word. Die vroue brei blokkies waarvan ons die mooiste, unieke kwilte maak waaruit hulle dan ’n inkomste kan verdien. Die kwilte is elkeen omtrent 145 x 130 cm groot – dit maak die perfekte oorgooideken vir ’n sofa of stoel; ’n snoesige kombers vir ’n enkelbed of ’n tekstuurlaag vir ’n groter bed. Dit word van volkome masjienwasbare breidraad gemaak. Kyk gerus op ons Facebookblad, @ImagineKnitHandcraftWithHeart, na ons mooi kwilte. Antoinette Loggenberg DUBBEL SO MOOI Toe ons die strandsakpatroon in julle November/Desember-uitgawe sien, het ons daar en dan besluit ons moet elkeen een vir onsself hekel. Dis wonderlik hoe kleur so ’n groot verskil kan maak om…

Kruie: Grasuie, knoffelgrasuie, lourierblare, marjolein, ment, origanum, pietersielie, roket, roosmaryn, salie, sitroengras, tiemie, vinkel. Groente: Aartappels, artisjokke, aspersies, beet, blaarslaai, blomkool, broccoli, brusselse spruite, ertjies, groenbone, jerusalemartisjokke, komkommer, kool, krulkool, lemoenpampoentjies, murgpampoentjies, pampoen, patats, preie, radyse, rape, sampioene, seldery, skorsies, soetrissies, spinasie, tamaties, uie, witwortels, wortels. Vrugte: Appelliefies, appels, avokado’s, koejawels, lemmetjies, lemoene, nartjies, papajas, pere, piesangs, pomelo’s, pynappel, suurlemoene. Blomme: Affodille, angeliere, aronskelke, asters, barbertonse madeliefies, goudroede, gousblomme, Ierse klokkies, inkalelies, irisse, kangaroepote, konfettiblomme, kreefkloue, krisante, leeubekkies, nerinas, Oosterse lelies, orgideë, papierblomme, pronkertjies, pronkridderspore, (sekere) protea- en fynbosspesies (insluitend speldekussings, heide en erikas), ridderspore, rose, seehuls, sintjanskruid, sintjosefslelies, soetemaling, sonneblomme, strelitzias, tjiekerientjees, tulpe, veronicas, vilette.…

Eendag op ’n reëndag Kikker die eerste reënerige herfsdag op met hierdie English Country Gardenreënjas van rosehipdesign. co.za. Dit kos wel R990, maar dit is heeltemal waterdig en jy gaan soos ’n elegante blomtuin lyk! ONSKULDIGE DRANKIES Drankies wat geen (of baie min) alkohol bevat nie, word al hoe gewilder omdat verbruikers toenemend hulle gesondheid en welstand eerste stel. As jy jou gewig dophou of net ’n laealkohol- alternatief soek, is Van Loveren se Almost Zero die perfekte keuse. Dié tintelvars, smaaklike sauvignon blanc spog met appel-, lietsjie- en ligte sitrusgeure en bevat 75% minder kilojoules as ’n normale glas wyn. Almost Zero kos R65 per bottel en is beskikbaar by handelaars landwyd. GESONDE VEL = MOOI VEL Debbie Wolfendale, wat reeds meer as 30 jaar in die kosmetiekbedryf werk…

BLOMKOEKIES MOEILIKHEIDSGRAAD: gemiddeld TYD: 1 uur Gebruik ’n basiese soetkoekieresep om ’n baksel ronde koekies te maak. Wag totdat die koekies heeltemal afgekoel het voor jy die eetbare blomme byvoeg. Gesiggies, viooltjies en gousblomme is almal goeie keuses en ’n mens kry dit deesdae selfs in pakkies by supermarkte te koop. Was en droog die blomme, indien nodig, en laat dit op kombuispapier droog word voordat jy die steeltjies afsny. Klits een eierwit met ’n eetlepel water (ons het hibiskustee gebruik om ’n pienk kleur te kry). Plaas ’n blom op elke koekie en verf dit liggies met die eierwas. Sif versiersuiker oor en sit dit vir ’n paar minute in die oond om die eierwit te laat stol. DROË RUIKERS MOEILIKHEIDSGRAAD: maklik TYD: 2-3 weke Hang ’n ruiker van…

Die son kom al hoe later op en ons beweeg almal ’n bietjie stadiger met die seisoene wat wissel van herfs na vroegwinter. Dit voel of my vel nog die soel somer onthou en segmente daarvan wil vashou, maar die suurlemoengeel son val al hoe stiller oor die tuin en maak ruimte vir rustig word. Herfs se oorgang winter toe is vir my soos die regmaak vir slaap. Dit is ’n metafoor vir rus. Hoe ek ook al wens ek kan myself soos ’n selfoon se battery herlaai en nuwe krag kry, leer hierdie tyd van die jaar my dat dit nie die natuur se wens is nie. Daar is iets so mooi en heilsaam aan die ritme van seisoene. Beleef jy dit ook so? Die kilheid in die lug,…

TIKKAMASALA-VARK Hierdie is die perfekte onthaalgereg, maar wees gewaarsku: Almal gaan ’n tweede skeppie vra! As jou gaste dié doeksagte blokkies varkvleis in ’n ryk, romerige kerriesous proe, sal hulle dink hulle eet in ’n regte Indiese restaurant! Genoeg vir: 4-6 Bereidingstyd: 40 minute, plus marineertyd Gaarmaaktyd: omtrent 1 uur ♥ 30 ml suurlemoensap ♥ 30 ml tikkamasala-speserysmeer (sien resep hieronder, of koop jou eie) ♥ 10 ml sonneblomolie ♥ 800 g varkfilet ♥ vars koljanderblare, vir garnering ♥ basmatirys, naanbrood of roti’s, om voor te sit SOUS ♥ 30 ml sonneblomolie ♥ 1 groot ui, gekap ♥ 2 knoffelhuisies, fyngedruk ♥ 15 ml fyngerasperde vars gemmer ♥ 45 ml tikkamasalasmeer ♥ 125 ml (halwe blik) tamatiepuree ♥ 2-4 vars brandrissies, in die lengte middeldeur gesny (opsioneel) ♥ 2 kaneelstokkies…

GEVERFDE TAFELDOEK Laat Ma die blom- en blaarpatrone op die tafeldoek aftrek, dan kan die kinders inspring om die verfwerk te doen. Gebruik ’n wit tafeldoek, verkieslik van linne, sodat die verf goed kan kleef. MOEILIKHEIDSGRAAD: maklik TYD: naweekprojek JY BENODIG ♥ wit tafeldoek ♥ patrone op bladsy 87 ♥ materiaalverf in die kleure van jou keuse ♥ kunskwassies ♥ potlood SO MAAK JY 1 Kry ’n lekker groot oppervlak om op te werk, soos ’n eetkamertafel. Bedek die tafel met ’n oopgevoude kartonboks, sodat die verf nie sal deurslaan en die tafel vlek nie. (Moenie koerantpapier gebruik nie, want die ink sal smeer.) 2 Kopieer ons patrone op bladsy 87 in die verlangde grootte en knip al die blom- en blaarvorms los uit, sodat jy met een vorm op…

MOEILIKHEIDSGRAAD: redelik maklik TYD: omtrent 1-2 uur, na gelang van hoe bedrewe jy is, plus droogtyd JY BENODIG ♥ waterverf-paletstel (die meeste skryfbehoeftewinkels verkoop goedkoop verfstelle wat perfek is vir beginners) ♥ waterverfpapier (120 gsm/200 gsm) ♥ ekstra papier waarop jy met kleure en verfhale kan eksperimenteer ♥ middelslag-waterverfkwassie met sagte hare ♥ wit keramiekbord waarop jy kleure kan meng ♥ fles met water ♥ sagte tekenpotlood Teken ’n hand op jou waterverfpapier. Die maklikste is om jou eie na te trek. Teken die gidslyne vir al die detail liggies in potlood (soos op die foto). Gebruik die lyne as gids om die hand, naels en armbande te verf. Verf die roos en blare. Gebruik die diagram met die stappe en die aanwysings op bladsy 94 om jou te help…

Die wydte van die weefraam het die breedte van die materiaal beperk en dit was algemeen om twee stukke te las om ’n bedlaken te maak. As sy verloof was, sou sy haar toekomstige man se voorletter voor haar eie een sit. In ’n meer oordadige monogram sou sy eerste sy voorletter, dan die eerste letter van sy van en dan haar eie voorletter sit. Die eerste letter van die van sou gewoonlik die grootste en mees versierde een van die drie wees. As sy nog nie verloof was nie, sou sy net haar eie voorletter borduur en plek laat vir die onbekende bruidegom s’n. Met die Industriële Revolusie het masjiengeweefde tekstiel gekom wat baie meer bekostigbaar vir ’n groter aantal mense was. Die opkomende middelklas het, in navolging van…

LAP-EN-DRAAD-LANTERNS MOEILIKHEIDSGRAAD: gemiddeld TYD: naweekprojek JY BENODIG ♥ stukke oorskietmateriaal van jou keuse ♥ bypassende masjiengare ♥ bypassende lint ♥ gegalvaniseerde staaldraad (sowat 1,2 mm dik) ♥ gegalvaniseerde staalbinddraad (0,71 mm dik) ♥ skerpneustang en draadkniptang ♥ materiaalgom ♥ klein, skerp skêrtjie ♥ naald, gare en spelde NO TA: Die dikker draad word gebruik om die hoofraamwerk van die lanterns mee te vorm, en die dun draad om die dele aan mekaar vas te bind. SO MAAK JY 1 Al drie lanterns word uit drie of vier draadsirkels van verskillende groottes gevorm, so begin heel eerste daarmee. Dink hoe jy jou basiese lanternvorm wil hê, gebruik die draadkniptang om die dikker draad in verskillende lengtes te knip en buig dan elke stuk in ’n sirkelvorm. Draai die punte van die…

Losweg vertaal kom die woord ‘hygge’ (jy spreek dit ‘hoe-gha’ uit) neer op ’n gevoel van gemak, samesyn en welstand. Dié leefstylkonsep word dikwels as een die hoofredes gegee waarom die inwoners van Denemarke bekend staan as die gelukkigste nasie op aarde. Hygge behels ’n magdom goed – van die regte beligting tot ’n gesellige hygge-byeenkoms. Hier is ons minigids om net só ’n warm, gesellige atmosfeer in jou eie huis te skep en die goeie dinge in die lewe saam met goeie mense te geniet. TROETELSAG Gebruik genoeg los matte, wollerige strooikussings en sagte oorgooidekens om ’n knus uitspanplek in jou huis te skep. Trek gemaklike klere en warm sokkies aan en krul op jou rusbank op onder ’n kombers. HEILSAME HANDWERK Leer brei of hekel, en as jy…