Indholdsfortegnelse for September/October 2019 i Idees

As ek so om my rondkyk, kon ons beswaarlik ’n beter jaar gekies het om ’n strategie vir geluk soos ’n goue draad deur al ons uitgawes te laat loop. Te midde van die tuimeltreinrit waarop ons almal ons bevind, vind ek steeds baat by my aftiklysie vir die jaar, stelselmatige huis leegmaak en my voorneme om meer tyd in die natuur en saam met vriende en familie deur te bring – dit kos alles niks en hou ons boonop te besig om ons oor dinge te verknies. Tog voel dit vir my asof ons almal in hierdie stadium van 2019 ’n stywe drukkie nodig het. Ook ’n bietjie koestering én geduld wanneer ons af en toe nostalgies terugverlang na ’n tyd toe dinge eenvoudiger gevoel het. Watter beter manier…

IN ’N BOEK Verander ’n ou hardebandboek in ’n persoonlike fotoalbum. As jy nie só ’n boek het nie, kan jy rondsnuffel by tweedehandswinkels en vlooimarkte. Sny ’n reghoekige vorm uit die voorblad van die boek en plaas ’n foto in die reghoek. Gebruik fotohoekies om die foto’s in die res van die boek vas te plak. WENK: Soek ’n boek met ’n storie wat pas by die persoon wat die fotoalbum gaan gebruik. Mooi geraam TEEN DIE MUUR Skep ’n fokuspunt in jou leefkamer deur ’n groot verskeidenheid ornate prentrame van verskillende groottes teen een muur te hang. Los party rame leeg, vul ander met foto’s of prente en gebruik ’n paar as aansteekborde. As jy wil, kan jy ’n paar van die rame wit verf vir ’n meer…

(resep op bladsy 48) PAMPOENPANNEKOEKE Vir hierdie fantastiese soet bederf wat gewaarborg is om ’n nuwe gunsteling te word, het ons twee klassieke basaartreffers gekombineer: pannekoek met kaneelsuiker en pampoenpoffers. Maak: 20 Bereidingstyd: 15 minute Gaarmaaktyd: sowat 45 minute ♥ 250 ml gaar, fyngemaakte pampoen♥ 165 g (350 ml) koekmeel♥ 1 ml bakpoeier♥ 1 ml sout♥ 3 groot eiers, geklits♥ 250 ml volroommelk♥ 125 ml water♥ 60 ml gesmelte botter, afgekoel♥ sonneblomolie, vir panbraai♥ kaneelsuiker, om voor te sit♥ suurlemoen- of lemmetjiewiggies, om voor te sit 1 Klits al die pannekoekbestanddele saam tot dit ’n gladde beslag vorm. Laat dit vir 30 minute of langer eenkant rus. 2 Verhit ’n middelslag- kleefvrye pan oor matige hitte. Wag tot die pan warm is en voeg dan ’n klein bietjie olie by.…

Om die nostalgie van die parfuums van ouds te vier, en die opwinding van wat wag, vertel Liz Ferrett, parfuumkenner en stigter van die Fragrance Queen, wat haar gunsteling- goue oues asook huidige treffers is. Sy voorspel ook ’n paar wenparfuums en trends vir die toekoms. Goue oues BLOM- EN GOURMANDGEURE, ALDEHIEDE Chanel No. 5 (1921); Guerlain Shalimar (1925); Miss Dior (1947); Cacharel Anais Anais (1960); YSL Opium (1977); Calvin Klein Obsession (1985); Boucheron (1988); Lancôme Tresor (1990); Givenchy Amarige (1991); Thierry Mugler Angel (1992); Issey Miyake Eau d’Issey (1992); Calvin Klein se eerste uniseksparfuum, CK One (1994). PROBEER: Viktor & Rolf Flowerbomb EdP (50 ml R1 600) met wit blomme en patsjoelie; Thierry Mugler Angel EdT (40 ml R1 429), ’n gourmandgeur met vanielje, karamel, kakao en vrugte; YSL…

Dis lente. En die lug begin anders ruik. Plante diskrimineer nie, of jy in die stad woon of êrens op ’n klein dorpie op die platteland. Die lente staan blosend pienk in bloeisels in die strate en tuine. Bome rek hul lenige winterlywe uit en strek groen arms die blou lug in. Skielik pryk blomme soos krone op elke takkie om hulle plek in dié seisoen te vier - alles so kleurryk en vrolik! Die wêreld lyk pragtig… en tog knyp ek my ooglede teen die skerpheid van die son wat my wintervel so bleek laat lyk. My lyf, die bewys van die warmsjokolade en ryk, stomende geregte wat die koue draaglik moes maak, deins terug van die warmer dae. Ek wonder of ek die enigste een is wat voel…

MOEILIKHEIDSGRAAD: gemiddeld TYD: 3-4 dae GROOTTE Die top pas vir groot grootte, maar kan aangepas word deur nog ’n ry rondom te hekel (groter) of ’n dunner hekelpen te gebruik as jy ’n kleiner blok vir jou top wil hê. Die voltooide wydte is 51 cm. JY BENODIG 3 bolle Nurturing Fibres Eco Cotton in Vanilla 4,5 mm-hekelpen stopnaald materiaal vir die onderkant van die top bypassende masjiengare AFKORTINGS dsl - dubbelslagsteek gls - glipsteek her - herhaal hlb - halwe langbeen kb - kortbeen ks - kettingsteek lb - langbeen rdte - rondte st(e) - steek(steke) STEEKAANWYSING Dubbelslagsteektrossie: Draad oor 2 keer, steek pen in steek, draad oor, trek ’n lus op, draad oor en trek deur twee lusse, draad oor weer en trek deur twee lusse (jy het twee lusse…

MOEILIKHEIDSGRAAD: maklik TYD: naweek (sluit droogtyd in) JY BENODIG skinkbord gebreekte porseleinbordjies teëlsnyer teëlgom voegbry spons SO MAAK JY 1 Kies bordjies wat min of meer dieselfde dikte is, anders gaan die skinkbordblad oneweredig wees. Gebruik ’n teëlsnyer om die borde in blokkies te sny, maar hou die mooi binnekante heel sodat jy dit as middelpunt vir jou mosaïekwerk, wat jy in sirkels gaan doen, kan gebruik. 2 Pak die middelste dele op die skinkbordblad uit - ons het drie gebruik - en begin die mosaïekblokkies in sirkels om dit pak. Wissel die kleure af sodat jy sirkels in helderder en sagter kleure het. Eindig af met ’n kleur wat ’n mooi rand sal vorm. 3 Wanneer jy die sirkels klaar gepak het, kan jy die res van die skinkbordblad met mosaïekblokkies…

MOEILIKHEIDSGRAAD: gemiddeld TYD: naweek (maak sommer ’n paar op een slag) JY BENODIG herwinde hout (soos ou Oregonden-vloerplanke en laaibordplankies) smal houtstroke skarniere platkopspykers (tacks) hamer uitsnysaag staalliniaal potlood…

Ek kan nog die dag onthou wat ek in die Kaap aangekom het, drie-en-twintig jaar gelede. Alles het vreemd gevoel onder my voete. Ek het my eie skoene aangehad, maar was meteens ongemaklik daarin. Ek het nie geweet waarheen om te loop om ’n brood-en-melkwinkel te kry nie… of ’n dokter, kerk of vriendin om wie se kombuistafel ek kon sit. Die gras was droog en hard terwyl dit dié tyd van die jaar groen en sag moes wees, en die tuingrond leweloos wit en warm in plaas van donker, vrugbaar en nat van die reën. Ek was deurmekaar en onseker, kaalvoet loop het my te naby gebring aan die aarde wat nie meer myne was nie. Tot ’n nuwe vriendin by my voordeur opgedaag het met rolkoek en arms…

* VIR ’N JAARLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* * TEKEN OP ENIGE VAN DIÉ MANIERE IN: • SKAKEL 087 353 1307 (MAANDAG TOT VRYDAG 8 VM. TOT 4.30 NM). • STUUR JOU NAAM EN KONTAKBESONDERHEDE PER E-POS AAN SUBS@IDEASFACTORY.CO.ZA.** • SMS ‘INTEKEN IDEES’ NA 33153. (SMS’E KOS R1,50 ELK.)** * AS JY ’N DIGITALE EKSEMPLAAR WIL KOOP OF OP DIE DIGITALE TYDSKRIF WIL INTEKEN, GAAN NA WWW.MAGSATHOMEDIGITAL.CO.ZA. KOOP ’N ENKELE DIGITALE EKSEMPLAAR TEEN R60 OF TEKEN OP DIE DIGITALE TYDSKRIF IN VIR R330. VIR NAVRAE STUUR ASSEBLIEF ’N E-POS AAN DIGITALSUPPORT@MAGSATHOME.CO.ZA OF SKAKEL 087 405 2222. ONS IS OOK OP ZINIO (za.zinio.com) BEPALINGS EN VOORWAARDES * Jou intekengeld is vooruitbetaalbaar. • Die aanbod geld slegs tot 20 Oktober 2019…

creativecalendarideas@gmail.com September 20 September Skole sluit 20 September Sonneblomdag (sunflowerfund.org.za) 23 September Lente-sonkeerpunt 24 September Erfenisdag WES-KAAP 31 Augustus- 1 September Moenie die Sjokoladefees by The Woodmill op Stellenbosch, daagliks van 10 vm. tot 4 nm., misloop nie. Kaartjies kos R180 elk by webtickets.co.za en sluit ’n geskenksak in. 4-8 September Plaaslike en internasionale skrywers lê besoek af by die Open Book Festival by verskeie lokale in Kaapstad. Meer inligting: openbookfestival.co.za. 6-8 September Die Voorkamerfest-toneelfees word in 21 huise se voorkamers op Darling aangebied. Stuur e-pos na tasha@thedarlingtrust.org of bel 022 492 3384 vir meer inligting. 7 September Die Waterblommetjiefees word op vier verskillende landgoedere in en om die Paarl gehou. Besoek waterblommetjiefees.com. 21-22 September By die Vetplantfees op Calitzdorp kan jy jou verwonder aan inheemse en skaars vetplante, ’n…

(moonshineweb.eu) ٭ As jy ’n draai in Nederland gaan maak, kan jy oorbly in dié huis met sy drie bed-en-ontbyt-gastekamers. Die B&B lê net 15 minute per fiets van die Noordsee. ’n Leefkamer met ’n televisie en leestafel word gedeel, en in die tuin sal jy hierdie lieflike ‘tuinkamer’ met ’n buitekombuis ontdek waar jy eenvoudige maaltye kan berei. Vir meer inligting of besprekings, besoek catherinahoeve.nl.…

KOEKIEDEEG: Klits 200 g sagte botter en 200 g witsuiker saam. Klits 15 ml vanieljegeursel en ’n groot eier by tot alles deeglik gemeng is. Meng 420 g koekmeel en 5 ml bakpoeier in ’n aparte bak en voeg dit by die bottermengsel. Meng en knie dit liggies om ’n ferm deeg te vorm. Bedek die deeg met kleefplastiek en sit dit vir minstens 2 uur in die yskas. Die resep is genoeg vir 15-20 koekies (na gelang van die grootte koekiedrukker wat jy gebruik). Jy kan die afvalstukkies saamdruk en weer uitrol om nog koekies te maak. HARDE VERSIERSEL: Klits 2 groot eiergele en 1 ml kremetart liggies saam. Voeg 500-600 g gesifte versiersuiker by en klits dit tot alles gemeng en die versiersel dik, styf en wit is.…

Die eerste onthoukombers wat ek gesien het, was uit ou, saggewaste manshemde gemaak. Dit was net in ’n foto, maar ek was seker ’n mens kon die son en die man wat die hemde voorheen gedra het, daaraan ruik. Die maker het dit ’n roukombers genoem. Ook in die foto was daar ’n kussingsloop uit ou dasse - albei ’n manier om ’n gestorwe geliefde se kas leeg te maak, maar terselfdertyd ’n deel daarvan naby jou te hou. En om die familie die geleentheid te gee om kreatief hulle verlange te verwerk. Vroeër vanjaar het die jong New Yorkse ontwerper Shaina Garfield by die Design Indaba in Kaapstad gepraat oor die moderne tendens om begrafnisse meer persoonlik én meer omgewingsvriendelik te maak, deur letterlik terug te keer na ’n…

Retro-ouma-uitkloktop ’n Bietjie retro en sommer baie oulik. Net reg saam met haar uitrusting op ’n winderige lentedag. Belê in die pragtige Suid-Afrikaanse handgeverfde sokkiebreidraad wat te kry is om hierdie fraai uitkloktop te hekel. MOEILIKHEIDSGRAAD: maklik TYD: ’n dag of twee GROOTTE Pas vir ’n peuter van 12-24 maande oud. JY BENODIG ♥ HOOFKLEUR: 100 g Hedgehog Fibres Sock Yarn in Bee’s Knees (of wees op die uitkyk vir die lieflike handgekleurde breidrade van ons wonderlike Suid- Afrikaanse kleurders!) RESBIETJIES: A: Karoo Moon - ligpienk sokkiebreidraad B: Miss La Motte - geel sokkiebreidraad C: Quenti Alpaca - swart dubbelbreidraad D: Karoo Moon - mosterd merino lace ♥ 3,5 mm-hekelpen ♥ tapisserienaald AFKORTINGS beg - begin dies - dieselfde gls - glipsteek gr(e) - groep(e) her - herhaal hlb - halwe langbeen ks -…

JY BENODIG tatoe-ontwerpe op bladsy 130 (of gebruik jou eie ontwerpe) velle tatoepapier en -kleefplastiek* skerp skêrtjie lap * Die kleefplastiek is ingesluit by die tatoepapier. Ons het Silhouette se Printable Tattoo Paper (R155) aanlyn op Takelot.com gekoop.…

KEWPIE-POP Wie onthou nie dié ikoniese speelpop nie? Maak ’n gietvorm uit silikoon, dan kan jy soveel jou hart begeer van gips maak en met ’n moderne kinkel versier. MOEILIKHEIDSGRAAD: moeilik TYD: naweek (droogtyd ingesluit) JY BENODIG Kewpie-pop, of ’n ander pop van jou keuse modelleerklei silikoonmengsel (ons het AMT Amsil Silicone 25 deel A en B* gebruik) uitdopmiddel vir die gietvorms (ons het AMT Ease Release 25 SM470* gebruik) gipspoeier plastiekhouer waarin die pop net mooi pas (diep genoeg sodat haar kop nie bokant die rand sal uitsteek wanneer sy in die bed van klei lê nie) keramiek- of metaalbakkie om die silikoon in te meng maatbeker om die gips in te meng metaallepel kombuistou fyn skuurpapier MOEDER MARIA Met hierdie tegniek maak jy ook ’n replika van ’n bestaande beeldjie,…

MOEILIKHEIDSGRAAD: gemiddeld TYD: naweek JY BENODIG MATERIAAL diagramme op hierdie blaaie hout (ons het herdoelige SAdennehout gebruik) - 1 800 mm x 75 mm x 22 mm dik 242 mm x 6 mm-houttappen 2 x skroefhake (40 mm, c-soort) gegalvaniseerde ketting (ons het 5 mm x 21 mm gebruik) 18 x skutwasters (m5 x 25) selfsnyskroewe (10 x 13) houtlym (ultra) mat wit spuitverf 6 x terracotta-plantpotte (70 mm [h] x 80 mm [deursnee bokant]) 6 x flesdeksels (125 ml volume 50 mm [d]) GEREEDSKAP handboor staanboor (indien beskikbaar) 6 mm- en 2 mm-boorpunte versinkboorpunt handsaag versteksnyer (indien beskikbaar) kurwesaag gatsnyers - 54 mm (deel 1) - 76 mm (deel 2) skuurpapier: 100- en 150-grint houtklampe MAAK VAN DIE DELE 1 Maak deel 1 volgens die tegniese tekeninge vir presiese spesifikasies. Sny…

Groente: Aartappels, artisjokke, aspersies, beet, blaarslaai, blomkool, boerbone, broccoli, ertjies, groenbone, komkommer, kool, mielies, murgpampoentjies, pampoen, patats, preie, rabarber, radyse, rape, sampioene, seldery, skorsies, spinasie, spinasiebeet, sprietuie, tamaties, uie, waterblommetjies. Vrugte: Aarbeie, appelkose, appelliefies, avokado’s, kiwivrug, koejawels, lemmetjies, lemoene, moerbeie, nartjies, papajas, piesangs, pomelo’s, pynappel, suurlemoene. Kruie: Basilie, bonekruid, brandnetels, dille, dragon, gousblomme, grasuie, kappertjies, knoffel, knoffelgrasuie, laventel, lourierblare, marjolein, meerjarige basilie, ment, origanum, perdeblom, pietersielie, roket, roosmaryn, salie, sitroengras, surings, tiemie, vinkel. Blomme: Agapante, anemone, angeliere, anthuriums, Barbertonse dwergmadeliefies en madeliefies, (sekere) erikas, freesias, (sekere) fynbos, goudroede, hanekamme, (sekere) heide, inkalelies, irisse, kangaroepote, konfettibos, koringblomme, kreefkloue, krisante, leeubekkies, lisianthus, Oosterse lelies, orgideë, papierblomme, pronkridderspore, (sekere) proteas, ridderspore, rose, sewejaartjies, soetemaling, (sekere) speldekussings, stokrose, swaardlelies, tjienkerientjees, tulpe, watsonias.…

SLAAP SAG As jy hou van doeks tussen luukse bedlinne – wie dan nou nie?! – is Biggie Best jou volgende stop. Hulle nuutste lentereekse is nou beskikbaar, in draadtellings van 300 tot 600 en in Egiptiese katoen. Ons hou veral van die Washed Cottonduvetstelle, vanaf R1 300 vir dubbelbedgrootte met twee kussingslope. Besoek jou naaste Biggie Best-winkel, of gaan na biggiebest.co.za om joune aanlyn te bestel. ’N PLESIER, MY DIER Dis nie net ons wat goeie ontwerp kan waardeer nie. Jou kiets gaan hierdie krappale van soliede eikehout en sisaltou gate uit geniet. Die plaaslike meubelontwerper Birba het dit spesiaal vir katte gemaak, mooi genoeg om deel uit te maak van jou dekor. Die Ruby Cat Scratcher (links) kos R3 200 en die Franc Cat Scratcher Side Table R2…

verf TJHOKOPAINT.CO.ZA Vir die koms van die nuwe seisoen wou ons so ’n bietjie sentimentele inspirasie uit die verlede gaan haal om ’n piekniekruimte te skep wat almal met ope arms verwelkom. Neutrale skakerings van Tjhoko se warm grys en wit skakerings was perfek vir ons tafel. SÓ HET ONS DIE VOORKOMS GESKEP ٭ Die laaiborde (pallets) wat die basis van die tafel vorm, is in Stéffan geverf. ٭ Die kussings is gestensil. ٭ Die boeke is in Vinia Stone geverf en toe met Stencil of Paris gestensil. Die versierde boeke is toe as plekaanwysers ingespan deur die name van die gaste met bordkryt daarop te skryf. ٭ Ou staalplafonborde, wat die tafelblad vorm, is in Don’s Wash en Antique Brown Glaze geverf en daarna met Cloud White geborsel. ٭…

Wat gebeur met my as ek Cacharel se Anais Anais ruik? Ek onthou hoe my ma geruik het as ek vir universiteitsvakansies by die huis was. En ’n hele nostalgiese tafereel van ons huis, die kombuis, die gesin om die eetkamertafel en die welige tuin en groot grasperk vou voor my oop, meer as veertig jaar later. Skielik klink dit nie meer so soetsappig om te sê ‘Ruik die rose’ nie. Jou geestelike en fisieke welstand hang daarvan af, wys die wetenskap. Kortom, reuk is die kragtigste sneller van emosies en herinneringe. En dit blyk nou ook van gesondheid en lewensgehalte. Daar is ’n nuwe besef van hoe ons reuksin ons welstand raak en hoe belangrik dit is om reuk na waarde te skat, skryf Cassandra Cavanah en Beth McGroarty…

MOEILIKHEIDSGRAAD: gemiddeld TYD: 8-10 uur GROOTTE VAN VOLTOOIDE SAK: sowat 38 x 38 cm. JY BENODIG 50 g-bolle Vinnis Colours Nikkimkatoen DK in die volgende kleure: 2 x Ruby Grapefruit (542); 2 x Bright Green (592); 1 x Purple Blue (588); 1 x Royal Blue (532); 1 x Sunshine (535) 4 mm-hekelpen houthandvatsel (kan bestel word by AFKORTINGS AL - agterlus dies - dieselfde DO - draad oor driesl - drieslagsteek (do x 3) dsl - dubbelslagsteek (do x 2) gls - glipsteek her - herhaal hlb - halwe langbeen kb - kortbeen kb-vermeer - kortbeen-vermeerdering (2kb in dies st) ks - kettingsteek lb - langbeen rdte - rondte SAL - slegs agterlus sp - spasie st(e) - steek(steke) tes - tesame tr-st - trossiesteek VBlb - voorbeenlangbeen vermeer - vermeerder VL…

MOEILIKHEIDSGRAAD: maklik TYD: 1-2 uur JY BENODIG poskaartontwerpe op hierdie blaaie aanstryk-oordrukpapier vir ligte materiaal (opsioneel) wit katoenseilmateriaal voeringmateriaal bypassende masjiengare bypassende 20 cm-ritssluiter borduurgare in rooi, pienk, geel en goud borduurnaald SO MAAK JY 1 Druk die poskaartontwerpe op hierdie blaaie op die katoenseilmateriaal en versier dit met borduursteke voordat jy die potloodsakkie begin maak. Jy kan die ontwerpe self op die materiaal druk deur aanstryk-oordrukpapier (iron-on transfer paper) vir ligte materiaal te gebruik, óf jy kan dit professioneel (sien nota) laat doen. Om die blomontwerp te versier, werk klein Franse knopies met geel en pienk borduurgare in die middel van die blom. Vir die lugballon-ontwerp kan jy die ballonkoorde met goudkleurige gare en reguitsteek borduur en die hart met rooi en satynsteek. 2 Knip die versierde materiaal en die voering…