Indholdsfortegnelse for September/October 2020 i Idees

’N Nuwe seisoen bring altyd nuwe energie, ongeag of dit met son, reën, kaggelvure of die vooruitsig van rus gepaardgaan. Dis wat die lewe interessant hou – dié onafwendbare veranderinge. Wat ’n mens laat uithou wanneer dinge nie so gemaklik is nie omdat jy weet dit sal weldra verbygaan. Deur die eeue is die lente die tyd vir vensters oopgooi, van oorbodige goed ontslae raak en ’n goeie skoonmaaksessie. Dis in dié proses wat ons gewoonlik afkom op al ons oorskietwol, -borduurgare, -lap en ’n jaar (of meer) se stapel tydskrifte. Vir hierdie uitgawe was die gedagte om ’n stap in te bring vóór ons bloot alles in die skenkingsboks gooi. Om dalk te kyk hoe kreatief ons kan raak met daardie een bol groen, halwe bol pienk en twee…

Waar millenniërs die laaste dekade of wat ’n sogenaamde pajamakamer (pajama lounge) of huisgim begeer het as hulle eiendom wou koop of bou, lyk dit of die ellendes van 2020 en die coronavirus ons prioriteite oor hoe ons leef gaan herrangskik. Ontwerpkenners meen mense gaan in die toekoms ’n meer sober, eenvoudiger leefstyl omarm. Ons het nou die kans om te herdink en heroorweeg wat ons koop, hoe ons leef, werk en reis. ’n Heel nuwe stel gonswoorde kom meld hulle nou aan: Gemeenskap, afstandhouding, higiëne, omgee en aanpassing. Die jaar 2020 gaan ongetwyfeld in die geskiedenis aangeteken staan as die een waarin die planeet se pause-knoppie gedruk is en wat die mensdom tot stilstand geruk en in ons spore gestuit het. Nie net gaan ons fisiek gesonder wil leef,…

MOEILIKHEIDSGRAAD: maklik TYD: 50-60 uur TAFELDOEK As jy oorskietmateriaal en -breidraad van vorige projekte het, is hierdie net die projek vir jou! JY BENODIG borduurontwerp op bladsy 74 materiaal van jou keuse borduurgare in die kleure van jou keuse borduurnaald borduurring breidraad in die kleure van jou keuse vir die randstrook en tossels hekelpen bypassende masjiengare skerp skêr koolpapier pen of potlood spiritus (om enige getekende lyne te verwyder) SO MAAK JY 1 Trek die ontwerp op bladsy 74 met die metode van jou keuse op die materiaal af. Ons het ons ontwerp met koolpapier en ’n pen afgetrek. 2 Kies met watter kleure jy die verskillende elemente in die ontwerp wil borduur. 3 Wanneer die borduurwerk voltooi is, tel ’n 1 cm-naat by. 4 Werk komberssteek rondom en hekel…

Papierblomme kan gemaak word van gewone krinkelpapier (wat by die meeste skryfbehoeftewinkels te koop is), of industriële krinkelpapier of dik 120 gsm-waterverfpapier, wat by kunswinkels te kry is. Al dié media is effe rekbaar, wat jou sal help om die blomblare te manipuleer en vorm. Vir die peonie werk waterverfpapier die beste – dit verleen ook ’n lieflike tekstuur aan die blom. Plaas jou voltooide papierblom in ’n mooi glashouer wat met een van ons etikette op hierdie blaaie versier is. As jy wil, kan jy ’n skoenlapper of twee (sien bladsy 99) om jou blom laat fladder. MOEILIKHEIDSGRAAD: gemiddeld TYD: 1 uur JY BENODIG ♥ patrone op bladsy 96 ♥ 120 gsm-papier ♥ bloemistedraad ♥ bloemistekleeflint ♥ gomgeweer ♥ skêr Kopieer die patrone op bladsy 96 op 120 gsmpapier.…

Die lekkerte van hierdie projek is dat jy nie ’n prentjie in jou kop hoef te hê voor jy begin nie. Kry ’n stapel ou tydskrifte, knip eenvoudig prente uit waarvan jy hou en begin van daar af werk om jou komposisie te maak. Jou prente lei jou as’t ware na jou kunswerk. MOEILIKHEIDSGRAAD: maklik TYD: naweek (dit neem tyd om mooi prente te soek en uit te knip) JY BENODIG ♥ tydskrifprente ♥ plakboek- of patroonpapier ♥ karton vir die agtergrond WENK: As jy jou kunswerk wil raam, maak seker dit pas in jou raam ♥ handwerkgom ♥ skerp skêrtjie ♥ handwerkmes en snymat Begin blaai deur jou tydskrifte en knip mooi prente uit. Ons het eerste op die geverfde blomme, swarten-wit foto van die vroutjie en die bokkies…

Soos baie Suid-Afrikaanse vroue het ek ’n huishulp. En soos die meeste van ons het ek ook ’n heeltydse werk. Totdat ’n pandemie alles op sy kop kom draai het en ek skielik in ’n wêreld woon waar ek steeds werk, maar die huis, soos my seun graag sê, ‘nie homself gaan skoonmaak nie’. My daaglikse staproetine is boonop vervang met ’n bietjie joga en baie Jane Fonda-sessies in my sitkamer, wat my baie na aan die stowwerige waarheid van my wit houtvloere gebring het. En my laat besef het die enigste manier om deur die volgende maand of twee te kom is om entoesiasme te kweek vir die onvermydelike skoonmaaksessies. Hier’s lesse uit lockdown wat nou vir jou groot lente-skoonmaak kan help. DIE KOMBUIS Skottelgoedwas was nog altyd vir…

DIE AVO-TRADISIE Volgens die 2020 Flavor & Trend-voorskou van die Kanadese kosbemarkingsgroep THP in Toronto gaan top-restaurante vanjaar ál meer fokus op tradisionele bestanddele uit die oudste beskawings ter wêreld, veral Sentraal- en Suid-Amerika. Die Suid-Afrikaanse Avokadokwekersvereniging het dié voorspelling ter harte geneem en vier vanjaar die oerwortels van avokado’s met ’n ode aan hul land van herkoms, Mexiko. Die Asteke het geglo dié vrugte verskaf bonatuurlike magte aan almal wat dit eet, terwyl die Majakultuur dit die ‘vrugte van die gode’ genoem het en ook geglo het dit het magiese kragte. Dit maak eintlik nie saak of jy lus is vir nachos, taco’s, enchiladas of burritos nie – deur eenvoudig ’n avokadopeer by te voeg kan jy dadelik Mexiko próé. Guacamole span seker die kroon op die botterlekkerte van…

MOEILIKHEIDSGRAAD: gemiddeld TYD: ’n jaarprojek JY BENODIG materiaal van jou keuse watteersel borduurontwerpe van jou keuse borduurgare in die kleur van jou keuse borduurnaald borduurring breidraad in die kleur van jou keuse vir die gehekelde blokke en saamstel van die projek breidraad in die kleur van jou keuse vir die komberssteek hekelpen bypassende masjiengare materiaalskêr koolpapier pen of potlood spiritus (om enige getekende lyne te verwyder) SO MAAK JY 1 Beplan hoeveel geborduurde en gehekelde blokke jy vir jou projek nodig het. Daarvoor moet jy die grootte bepaal wat jy jou voltooide projek wil hê en daarvandaan kan jy uitwerk hoe groot elke blok moet wees. Dié projek is 2,2 x 2,2 m met 10 rye horisontaal en 10 rye vertikaal. Ons het 75 geborduurde blokke en 25 gehekelde blokke…

Tapping het ’n wêreldwye aanhang as ’n holistiese manier om jouself te genees of kalmeer. Dit was een van die beroemde Amerikaanse heler Louise Hay, skrywer van You Can Heal Your Life (1984), se gunstelingtegnieke. Die Argentyns gebore Nick Ortner beskryf Tapping (ook bekend as EFT of die Emotional Freedom Technique) in sy 2013-film The Tapping Solution as ’n kragtige holistiese helingstegniek. Dit bied bewese resultate om ’n hele spektrum van probleme te verlig en selfs uit te skakel. Tapping is gebaseer op die gekombineerde beginsels van Chinese drukpuntterapie (acupressure) en moderne psigologie. HOE DOEN JY DIT? Die basiese Tapping-tegniek laat jou fokus op ’n negatiewe emosie – ’n vrees, aaklige herinnering, ’n knaende probleem wat jy nie kan oplos nie of enigiets wat jou hinder. Terwyl jy konsentreer op…

JY BENODIG Vir die koek ♥ pasversierde koek (ons s’n is 15 cm in deursnee en ekstra hoog), met ’n bietjie versiersel geplak op ’n effe kleiner sirkelvormige karton-koekbasis en dan op ’n groter vierkantige koekbasis om dit makliker te maak om te hanteer ♥ omtrent 150 ml gemengde koekstrooisels ♥ ekstra wit botterversiersel ♥ jelkoskleursel in die kleure van jou keuse ♥ groot oop ster-spuitstuk ♥ spuitsak Vir die koekversierings ♥ swart-en-wit foto’s van die partytjiegaste, uitgedruk op mediumgewigkarton ♥ partytjiehoedpatrone op bladsy 68 ♥ tosseltjies of ander versierings ♥ koeklolliestokkies ♥ gomgeweer of ’n buisie silikoon Hou die versierde koek op die kartonbasis teen ’n effense hoek oor ’n groot skinkbord. Skep van die koekstrooisels in jou hand en druk dit liggies in die versiersel al langs die…

MOEILIKHEIDSGRAAD: gemiddeld TYD: 18 uur GROOTTE Pas vir skoengrootte 5-6 (hak tot toon = ± 24 cm, been = ± 26 cm). JY BENODIG Katia Merino Baby-breidraad (of ’n ander 4-draadbreidraad, soos African Expressions Soul) – 20 g elk: Red (4), Pistachio (14), Yellow (37), Rose (46), Dark Blue (51), Light Green (56), Dark Fuchsia (61) – 30 g Turquoise (74) 1 x 3 mm-breipen (vir aanheg) stel van 4 x 2,5 mm- knoplose breipenne naald om breidraadpunte weg te werk AFKORTI NGS AL – agterlus AW – aweregs B1, B2, B3, B4 – breipen1, breipen2, breipen3, breipen4 (dit dui die posisie van die breipen aan, nie die breipen self nie) ggr – glip, glip, regs (gl1rm, gl1rm, sit albei ste terug op linkerbreipen en R2tes deur AL) gl –…

MOEILIKHEIDSGRAAD: maklik TYD: so ’n halfdag per poppie JY BENODIG afvalstukkies lap en vilt bypassende masjiengare borduurgare in die kleure van jou keuse borduurnaald stukkies lint stopsel of watte SO MAAK JY 1 Soek mooi stukkies afvallap uit en meng en pas dit vir elke poppie wat jy wil maak. 2 Knip al die dele vir die poppie se kop, rok, arms, bene en ore uit. Jy kan jou poppies so groot maak soos jy wil, maar ons s’n is omtrent 30 cm lank. Onthou om naattoelatings van so 4 mm aan te knip. Veral die ore en ledemate is baie nou, dus moet die nate nie te breed wees nie. 3 Stik heel eerste die oordele twee-twee aan mekaar met die regte kante teen mekaar, maar hou die onderkante…

SPEELHUISIE VAN KARTON MOEILIKHEIDSGRAAD: uitdagend TYD: 1-2 dae JY BENODIG 1 groot toestelboks, vir die basiese huis kleiner bokse, vir die dak, deur, plantbak en ander kleiner details papier met mooi patrone handwerkverf in die kleur van jou keuse modge podge handwerkkwas gomgeweer handwerkmes en snymat staalliniaal SO MAAK JY 1 Vorm die basiese huisie: Sny die onderste flappe van die groot toestelboks met jou handwerkmes af en sny aan weerskante gewelvorms uit die boonste flappe. 2 Maak die dak deur ’n groot stuk karton in die helfte te vou – dit moet effens oorhel aan die kante van die huis. Sny teëls uit die afvalstukke en U-vorms uit die patroonpapier. Laat dit oorvleuel terwyl jy die teëls en U-vorms met jou gomgeweer op die gevoude dakgedeelte vasplak. Plaas die…

Party oggende kyk ek by die venster uit en weet nie hoe ek uit die bed gaan opstaan nie, of hoekom ek hoegenaamd moet nie. Al skyn die son allerlei helder kleure by die oop venster in, is dit in my gemoed vaal en donker, grys. Ander dae vlieg my oë oop en wil ek die voëls wat soos bosse vlerke rondfladder sommer dadelik van naderby gaan bekyk, oggende so mooi dat ek in verwondering staan oor al die seëninge wat die wêreld inhou. Dis ’n op en ’n af, my emosies – en daarmee saam my uitkyk op die lewe. Van donker dale tot ontsettende mooi, helder hoogtes. In hierdie vreemde tyd waarin ons ons weens die Covid-19-pandemie bevind, voel ek nie net fisiek ingeperk nie, maar soms ook…

Toe die uitnodiging kom om na die SophiaHelen-ontwerpateljee se splinternuwe lap- en muurpapierreeks te kom kyk, kyk ek twee keer na die e-posadres. Ek ken vir Paint & Décor in Durbanville en ek ken vir Jani, wat al ’n paar jaar lank vir Idees skryf, maar wie op aarde is SophiaHelen? Asof die meeste Suid-Afrikaners nie nog ’n naam in hul ID-boekie het nie! So ontdek ons Jani se ander naam is Sophia en Helen kom van Elna se doopnaam, Helena, en so goed die twee name saamwerk, so goed het ma en dogter ook gedoen toe hulle elke enkele ontwerp in hierdie reeks self geverf het. ‘Jani was bitter streng. Nie eens ’n blaartjie kon van die internet afge-trace word nie,’ lag Elna. ‘Ek het nie gedink ek sou…

MOEILIKHEIDSGRAAD: gemiddeld TYD: 2-3 dae JY BENODIG MATERIAAL tegniese tekeninge op die regterkantste bladsy hout (ons het boekenhout gebruik) – 1 000 mm x 130 mm x 28 mm dik vierkantige koepelkopbout met waster en vleuelmoer, 6 x 65 mm 4 m omvlegte lampkoord (ons het swart gebruik) 1 x 15 amp-3-tand-prop 1 x lamphouer ES M10 RSA020 1 x lamphouergeelkoperflens met 3 skroewe 1 x E27-amberglas-gloeilamp no. 710 1 x lampskakelaar om in koord te kom 4 x M3.5 x 30 mmspaanderbordskroewe 2 x 8 x 45 mm-spykers in anker 1 x glasproefbuis met randjie, 24 mm x 150 mm (50 ml) houtlym (ultra) kleurlose kontakkleefmiddel GEREEDSKAP staanboor of handboor – 2 mm-, 3 mm-, 4 mm-, 6 mm- en 8 mm-boorpunte plat boorpunte – 16 mm, 24 mm…

TAMATIESTRATA ’n Strata is ’n soutige Amerikaanse oondgebak wat gemaak word met stukke brood en ’n mengsel van eier, melk, kaas en jou gunsteling- geurige bestanddele. Dit is ideaal vir ontbyt, maar werk ewe goed as ligte middag- of aandete. Dié resep is propvol Italiaanse geure – jou gesin gaan hulle lippe aflek! Genoeg vir: 4 Bereidingstyd: 25 minute Gaarmaaktyd: 40 minute Oondtemperatuur: 170 ºC 1 klein dag oue Franse brood 30 ml olyfolie, plus ekstra vir smeer 2 blikke (410 g elk) gekapte tamaties met Italiaanse kruie 2 knoffelhuisies, fyngedruk 1 middelslag-rooiui, gesny 125 g sampioene, in stukke gesny ’n hand vol olywe, ontpit 1 klein bakkie kersietamaties, middeldeur gesny 100 g chorizowors, in dun skyfies gesny (of gebruik salami) 200 g mozzarella, gerasper 4 groot eiers 125 ml…

MOEILIKHEIDSGRAAD: gemiddeld TYD: naweek, droogtyd ingesluit GEVERFDE RUIKER BO DEUR Gebruik ons patroon op bladsy 69 om maklik self blomme op jou deur of muur te verf. Vir die meer ingewikkelde patroon bo die deur het ons koolpapier ingespan om die verskillende dele na trek. Verf die dele deur ’n dun kunskwassie en verf in die kleure van jou keuse te gebruik. Ons het Dala-handwerkverf gebruik, maar enige waterbasisverf, insluitend krytverf, sal werk. Werk versigtig van ’n kant af sodat die verf nie sal smeer nie. STENSILBLOMME OP DEUR Die eenvoudiger blompatroon op die deur kan jy op dieselfde manier as die ruiker met koolpapier natrek en self verf, of ’n stensil sny as dit vir jou makliker is. Sny die onderskeie dele stuk-stuk uit asetaat: die blare op hul…

Hierdie rustieke klein blokkiepatroon (sien bladsy 80) is die afgelope jaar dikwels in plasings op sosiale media gewaar en hoewel baie mense die oorspronklike ontwerper van die patroon probeer opspoor het, kon hulle dit nie regkry nie. Instagrammers het ook aan die wêreldwye soektog na die skepper deelgeneem. Die patroon kon teruggespoor word na ’n ou hekelboek wat in die vroeë 1980’s deur die mediahuis Allers in Swede uitgegee is en na ’n soortgelyke boek in Argentinië uit omtrent dieselfde tydperk, maar die oorspronklike ontwerper word glad nie genoem nie. Anisa het ons vierkant gehekel van die prent wat op Instagram was en om die pragtige blokke te las, het sy die patroon op die skakels op bladsy 81 gekry. Gaan kyk daarna en lees meer oor dié geheimsinnige skoonheid.…

Gebruik ’n verskeidenheid van bedrukte A3-velle papier (80 gsm) om hierdie mooi vase te vou, sny, plak en stik. Sit die papier eenvoudig oor ’n glasbottel gevul met water en jy het in ’n kits ’n unieke vaas vir jou gunstelingblomme. Jy kan enige prente van jou keuse of selfs gewone gekleurde papier gebruik om jou vaas te maak. Ons het ons portret- en blomstudies gratis afgelaai van die Rijksmuseum se webwerf: rijksmuseum.nl/en/photoservice. MOEILIKHEIDSGRAAD: gemiddeld tot uitdagend TYD: 1 uur en ’n bietjie geduld JY BENODIG ♥ A3-vel 80 gsm-papier (bedruk met die prent van jou keuse) ♥ handwerkmes en snymat ♥ metaalliniaal ♥ briewemes ♥ potlood ♥ alkantplakband Plaas die papier met die prentkant na onder op ’n plat werkoppervlak. Meet ewe groot spasies reg rondom die vel papier…

MOEILIKHEIDSGRAAD: gemiddeld TYD: so ’n halfdag, na gelang van hoe gedetailleerd jou projek is JY BENODIG ♥ foto van ’n geliefde ♥ kunsprente op hierdie blaaie ♥ wit mediumgewigkarton ♥ mooi papier of karton vir die agtergrond ♥ dik alkantplakband (die sponserige soort) ♥ polistireenblokkies ♥ handwerkgom ♥ handwerkmes en snymat Kopieer jou foto en die kunsprente op hierdie blaaie in die verlangde grootte op wit mediumgewigkarton en sny die verskillende dele versigtig met jou handwerkmessie uit. Beplan jou komposisie en plak alkantplakband op die agterkant van die dele wat jy gaan gebruik. Gebruik handwerkgom om polistireenblokkies te plak op die agterkant van dié dele wat jy wil hê meer moet uitstaan. Lê jou komposisie uit en plak al die dele op ’n mooi agtergrond vas.…

MOEILIKHEIDSGRAAD: gemiddeld tot moeilik TYD: 5-6 dae JY BENODIG MATERIAAL tegniese tekeninge hiernaas 1 x 12-liter-aluminiumstowepan 1 x halwe vel 18 mmdennehoutlaaghout 30 x m3,5 x 30 mmspaanderbordskroewe 12 x m4 x 25 mm-selfsnypankopskroewe (vlekvrye staal) 2 kannetjies wit onderlaag 3 kannetjies mat wit spuitverf 2 kannetjies songeel spuitverf 297 mm (deursnee) x 80 mmhoëdigtheidspons 297 mm (deursnee) x 102 mmlaedigtheidspons houtvuller houtlym (ultra) maskeerband Gereedska handboor 3 mm- en 3,5 mm-boorpunte versinkboorpunt growwe vyl draagbare uitsnysaag banksirkelsaag of draagbare sirkelsaag ystersaag of hoekslyper met saagskyf gleuf- en sterskroewedraaiers skuurpapier: 100-, 150- en 220-grint waterdigte skuurpapier: 100-, 150- en 220-grint handwerkmes SO MAAK JY SESHOEKIGE BASIS 1 Maak die sykante (deel 1 x 6) volgens die tegniese tekeninge vir presiese spesifikasies. Saag die vertikale rande van dele 1 teen ’n…

@HNNHTATTOO New York, VSA Hannah Kang is ’n Koreaanse tatoekunstenaar wat haar voete in New York gevind het. Met delikate lyne en ’n unieke waterverftegniek skep sy die mooiste blomtatoes. Ons wil net op die volgende vliegtuig na die Groot Appel klim! @ADENEFLOWERS Wolseley, Wes-Kaap Adene Nieuwoudt bedryf ’n plaas wat blomme en loof aan bloemiste en markte reg oor die Kaap versprei. Sy deel haar passie in kleur en geur op haar Instagramblad – ’n ware inspirasie vir enige blommeliefhebber. @NATTYTHREAD West Yorkshire, Engeland As jy hou van kleurryke hekelwerk, moet jy ’n draai op Alexandra Lund se Instagramblad maak. Die foto’s van haar speelse projekte sal jou nuwe energie gee om weer jou eie hekelpen en bolle wol uit te haal.…

* SKAK el 087 353 1307 (Maandag tot Vrydag 8 vm. tot 4.30 nm.). * E-POS JOU NAAM EN KON TAKBESONDER HEDE AAN subs@ideasfactory.co.za.** * SMS ‘INTEKEN IDEES ’ OF ‘SUBSCRIB E IDEAS’ NA 33153 (R1,50 per SMS).** MAGS AT HOME DIGITAL HET ONGELUKKIG GESLUIT. VIR NAVRAE OOR JOU INTEKENING, STUUR ASSEBLIEF ’N E-POS AAN MARWEYA SMAL by marweya@ideasfactory.co.za. AS JY’N DIGITALE EKSEMPLAAR WIL KOOP OF OP DIE DIGITALE TYDS KRIF WIL INTEKEN, GAAN NA www.zinio.com/za. KOOP ’N ENKELE DIGITALE EKSEMPLAAR TEEN R60 OF TEKEN OP DIE DIGITALE TYDS KRIF IN TEEN R330. OF * LAAI DIE IDEES-APP AF EN KOOP ONS DIGITALE EKSEMPLARE OP JOU FOON. (Lees meer oor ons app hier langsaan.) HET JY JOU DAAGLIKSE DOSIS KREATIEWE INSPIRASIE NODIG? MOET DAN NIE ONS NUUTSTE DIGITALE UITGAWES MISLOOP…