Indholdsfortegnelse for January/February 2022 i Idees

KONTAK MY BY • terena@ideasfactory.co.za • instagram.com/terenaleroux Ek span nou seker die wa voor die osse, maar ek voel ek moet in hiérdie brief iets sê en nie eers volgende keer nie. Volgende keer sal ek báie sê, maar hier wil ek net noem: Toe ek vyf jaar gelede ons Nuwejaarsbrief geskryf het, was dit om julle te groet. Seker die ergste brief wat ek nog ooit moes skryf, trane in die oë en my vingers bewerig op die sleutelbord. En hier sit ek nou nog, vyf jaar se briewe later, en gesels steeds met julle, dié keer met ’n ligte hart en hand. Dankie aan almal van julle! Dalk daarom dat hierdie uitgawe vir my so ’n lekker mengsel van kreatiwiteit, positiwiteit en aandagtigheid daarin het. Soms gebeur daar…

COUSCOUS-SOMERSLAAI Couscous is vinnig om te maak en jy kan die geure verander volgens die bestanddele wat jy in die yskas beskikbaar het. Ons het sneeu-ertjies en aarbeie gebruik, maar jy kan ook blokkies komkommer, tuinertjies, soetrissies, babamielies of kersietamaties probeer en enige soort bessie of skyfies perske of nektarien. Die suurlemoenslaaisous sorg vir ’n vars surigheid. Gebruik gewone couscous, of soek die groter soort – sogenaamde pêrelcouscous of Israeliese couscous – in die gesondheidsafdeling van jou plaaslike supermark. Genoeg vir: 4-6 Bereidingstyd: 30 minute, plus afkoeltyd Gaarmaaktyd: 10 minute ♥ 30 ml olyfolie♥ ½ ui, fyngekap♥ 1 knoffelhuisie, fyngedruk♥ 250 g pêrelcouscous♥ 375 ml groenteaftreksel SLAAI ♥ 1 bakkie sneeu-ertjies, geblansjeer♥ 250 g aarbeie, blare en stele verwyder en in skyfies gesny♥ 50 g granaatpitte♥ 100 g fetakaas, gekrummel♥…

HOEKOM KRABBEL? Dis wetenskaplik bewys dat dit jou kan help fokus tydens lang vergaderings by die werk. Die herhaaldelike gekrabbel van pen op papier verlangsaam jou breinprosesse en jou selfbeheermeganismes skop in, wat jou weer help om beter te konsentreer – en dít help jou om die inligting wat jy hoor beter vas te lê. Dis ook ’n wonderlike manier om jou kop skoon te kry en angstigheid te besweer. Maar bowenal is dit net lekker om ’n aktiwiteit in jou dag in te pas wat jy vrylik, sonder enige plan of presiese einddoel, kan verrig. Teken ’n binnenshuise tuin met vase vol blomme en hangplante wat somer en winter blom en geen versorging benodig nie. Kies ’n ontwerp wat jy kan kopieer en teken dit met ’n swart merkpen…

Ons het Fébé en Mishka Marais die eerste keer ontdek op Instagram, waar hulle as @febe_and_mishka_in_wonderland dikwels vir selfs Alice ore aansit. Want in en om hul eie huis en tuin op Onrusrivier naby Hermanus stileer hulle tower-tonele, trek aan vir die okkasie en maak, bak en meng dan die mooiste en lekkerste goed wat die man van die huis, Ian, met groot vreugde help vasvang. Een kyk na hul reeks foto’s en video’s en jy weet al – hierdie is nie jou alledaagse gesinnetjie nie. My eie seun sien dadelik die kunstige tatoeëerwerk op Fébé se goedversorgde hande raak en besluit hy hou van ons lesers. Ons stilis Hannes se fyn oog bewonder die gekoördineerde klere en niemand kan Fébé se interessante bob miskyk nie. En vir die negejarige…

MOEILIKHEIDSGRAAD: gemiddeld (en verg geduld) TYD: omtrent 4 dae vir die kussing GROOTTE Die voltooide kussing is omtrent 45 x 42 cm. JY BENODIG ♥ papierpatrone (sien bladsy 100; gebruik 180 g-papier wat dikker is as gewone tikpapier)♥ kwiltmateriaal in vyf verskillende skakerings, of meer, indien verkies♥ omtrent 50 cm bypassende materiaal vir die agterkant♥ skakerings van Mettler-gare vir die vaswerk van die kruisies (of gebruik Apliquick Invisible Thread)♥ kartelband of boorsel in die kleur van jou keuse vir die afronding (opsioneel)♥ rolsnyer en rolsnymat♥ materiaalgompen (ons het Prym s’n gebruik)♥ kwiltliniaal van 12 x 6 duim vir die sny van die stroke en die voltooiing van die vierkant aan die einde van die projek NOTA: Kwiltwerk word tradisioneel in duim gedoen. SO MAAK JY 1 Sny die materiaal met…

GESKENKE MET ’N GROEN HART Waarom bederf jy nie vanjaar jouself of jou geliefdes met somerbykomstighede wat ook Moeder Natuur se belange op die hart dra nie? Die Wêreldnatuurfonds (WWF SA) verkoop ’n reeks plaaslik vervaardigde, volhoubare produkte waarmee jy hulle bewaringsinisiatiewe ondersteun en wat jou terselfdertyd aanmoedig om Suid-Afrika se natuurskoon te geniet. Al die produkte in die WWF SA-aanlynwinkel is op etiese of volhoubare gronde gekies en word van herwinde of herwinbare materiale gemaak. Dit sluit in stylvolle strandsakke, T-hemde van herwinde plastiek, silikoonstrooitjieswatjyooren oor kan gebruik asook kleurvolle herbruikbare waterbottels soos dié. Koop dit by shop.wwfsa.org.za. KOSGIERE VIR 2022 Groente en gesonder koskeuses bly ’n groot kostendens in die nuwe jaar. Ook om kos te eet wat goed is vir jou, maar meer volhoubaar en beter vir…

SLIM IDEE: Rond jou kroeg af deur ’n gekleurde LED-lig aan die binnekant vas te sit. Niemand sal die kroeg kan miskyk nie! BEDKASSIE MOEILIKHEIDSGRAAD: redelik maklik TYD: halfdag JY BENODIG ♥ bedkassie (of ’n ander meubelstuk) ♥ spuitverf in die kleure van jou keuse ♥ papierontwerp van jou keuse ♥ A1-velle wit papier ♥ modge podge ♥ handwerkkwas ♥ handwerkmes en snymat ♥ staalliniaal ♥ breë lint ♥ drukspykers SO MAAK JY 1 Berei eers die kassie voor: Trek enige laaie uit en skroef die laaien/of deurknoppe af. Skuur die kassie liggies af indien nodig (dis sodat die papier beter kan kleef) en vee dit met ’n klam lap af. 2 Werk op ’n drupmat en spuitverf die kassie se pote in die kleure van jou keuse. Laat dit…

Maak: 1 flan (23 cm in deursnee) Genoeg vir: 12 Bereidingstyd: 1 uur plus afkoeltyd (maak die flan die dag voor jy dit wil voorsit) Oondtemperatuur: 180 ºC Vla ♥ 1 vanieljepeul (of gebruik 5 ml vanielje-ekstrak; sien stap 3)♥ 750 ml volroommelk♥ 5 groot eiergele, plus 1 groot heel eier♥ 250 g strooisuiker♥ 125 ml room (of nog melk, indien verkies)♥ 60 g mielieblom Kors ♥ 250 g koekmeel♥ 20 ml strooisuiker♥ 125 g botter♥ 50 ml yskoue water♥ 1 groot eiergeel (As jy kortpad wil vat, kan jy die tertdeeg met 2 rolle gekoopte broskorsdeeg vervang.) Vla Sny die vanieljepeul in die lengte middeldeur, skraap die saadjies uit en gooi die saadjies, peule en die melk in ’n middelslagkastrol. Klits die eiergele, heel eier en strooisuiker saam tot dit…

So lees ek toe woorde raak van George Bernard Shaw wat my over-the-top kandelaar regverdig. ‘If you cannot get rid of the family skeleton, you might as well let it dance.’ Hoog teen my berghuis se plafon skitter deesdae ’n nalatenskap van my ma se lewe. ’n Oorweldigende kandelaar met blou, geel, rooi en groen stukkies glas, geset met ou borsspelde en halssnoere. Dit blink in towerfasette as die oggendson dit vang en gee my oneindig baie plesier. Vir ander, ou kostuumjuwele, vir my, ligspieëlinge van ’n merkwaardige vrou se lewe. Dit maak op vir die leemte van die daaglikse oproep na my ma wat ek nie meer kan maak nie. My ma het vyftig borsspelde gehad! Veelkleurige blink stene en pragtige markasiet. Dit het die boesem van haar wol-,…

MOEILIKHEIDSGRAAD: gemiddeld TYD: omtrent ’n week GROOTTES Klein (medium, groot). JY BENODIG 3 bolle (50 g elk) Kismet Raeesah-100%-katoenbreidraad in die kleur 58 (hoofkleur) 1 bol (50 g) Kismet Raeesha-100%-katoenbreidraad elk in die kleure 33 en 66 1 bol (50 g) Elle Premier Cotton-4-draad in oranje 2,25 mm-hekelpen (of die verkose dikte) om ’n baie stywe spanning te verkry bra-keëlinsetsel van jou keuse borduurnaald vir die breidraad masjiengare in dieselfde kleur as die hoofkleur as jy die bra-keël wil vaswerk AFKORTINGS beg – begin gls – glipsteek her – herhaal hlb – halwe langbeen kb – kortbeen ks – kettingsteek lb – langbeen rdte – rondte sp – spasie st(e) – steek(steke) tes – tesame vermeer – vermeerder vlg – volgende LET WEL: Die keëls van die bra kan in…

Naaldwerk was nie altyd ’n nood-saaklike deel van my lewe nie. Al het my talentvolle ma my van jongs af geleer hoe om te brei, hekel en borduur, moet ek erken ek het daardie jare baie meer in skryf, teken en bak belanggestel. Dit was eers toe ek in die vroeë jare negentig Londen toe is dat die menigte kruissteektydskrifte en -boeke my aandag getrek het. En in my tipiese holderstebolder styl het ek sommer dadelik weggeval en stukke begin ontwerp. Ná my terugkeer na Suid-Afrika het ek steeds ontwerpwerk vir internasionale tydskrifte en boekuitgewers gedoen en ’n ruk lank my eie ontwerponderneming besit. Maar ’n paar jaar gelede het ek besluit om ’n slag op my ander belangstellings te fokus. Ek het ’n kookboek geskryf en geïllustreer en kursusse…

Die somer lê diep en dig om ons enkels, ek ruik nog sonskerm in die lug en soet waatlemoen… maar dis Januarie, Februarie is om die draai, die nuwe jaar is hier. Soos die skerp somerson ons uit die salige sluimer van rus en Desember roep, so roep die eerste kalenderdae van 2022 ons om van nuuts te begin. En ek sukkel, soos elke jaar, om my kop reg ingestel te kry. Ek verlang, ek verlang na die vakansie! Die leemte wat Desember binne ons laat, het dalk te doen met die skielike oorgang: Een dag skiet ons nog sjampanjeproppe en swem in die see, die volgende dag is ons terug by die werk, ons netjiese klere ongemaklik om ons bruingebrande lywe. Met bene wat hunker na lang ente stap…

'Beweeg in die rigting van verligting’ is een van daar-die riglyne vir die lewendes ‘Beweeg wat ek nog altyd baie nuttig gevind het. Ek is redelik seker (dog nie 100% nie) ek kan dit terugvoer na Abraham Hicks en ’n praatjie waarna ek meer as ’n dekade gelede geluister het. Ek is vas oortuig dié raad het my oor die jare ongelooflik baie gehelp. Kan jy nie tussen twee besluite kies nie? Dink watter een voel meer soos ’n verligting – en beweeg dan in daar-die rigting. Maar hierdie wyse raad het my heeltemal in die steek gelaat toe my ma in 2019 skielik dood is. In die dertien dae tussen haar diagnose (vier verskillende soorte kanker) en haar dood het ek verward rondgetas na verligting, waarvan daar net mooi…

@HONEYBEADESIGNHIVE TORONTO, KANADA Die tekstielkunstenaar Rebecca Caulford staan voor in die koor wanneer dit by herwinning en upcycling kom. Sy gebruik slegs vintage-en oorskietlap vir haar kleurryke uitrustings wat jy by honeybea.ca kan bestel. Jy sal ook inspirasie vir die lieflikste hekelwerk op haar Instagramblad vind. @THEWANDERINGJOURNAL_ PHILIPPYNE ’n Nuwe jaar bring vars oë en ’n nuwe manier om na die wêreld om jou te kyk. Watter beter manier om jou gedagtes skeppend te boekstaaf en te orden as in ’n kreatiewe joernaal? Gaan loer gerus na The Wandering Journal se Instagramblad vir inspirasie om jou eie een te begin. @KOBA_ILLUSTRATION KAAPSTAD, SUID-AFRIKA Die plaaslike illustreerder en animasiekunstenaar Kobie Nieuwoudt inspireer ons met haar ontwerpe en video’s. Haar illustrasies met hulle kenmerkende tong-in-die-kies styl word ook gedruk op produkte soos…

’N KLEIN (MAAR KLEURVOLLE!) BEGIN Vir jare, dekades, koop ek al Idees. Eintlik al toe haar naam nog dit was. Ek verwonder my aan die talente wat my mede-Evas het – die naaldwerk, die handwerk, eenvoudig net om die idees te hê. Dit is absoluut verstommend. En heimlik is ek so ’n bietjie jaloers in my binneste. Ek het darem al baie van die resepte probeer en lees die tydskrif van hoek tot kant. So beland die September/Oktober 2021-uitgawe in my trollie. En ek dink, goeie aarde, wat gaan ek met al hierdie bont kleure doen? My smaak is darem baie vaal, my kleredrag kakie en groen, selfs die verre noorde waar ek woon en sy wild is maar redelik vaal. Maar ek gaan baie beslis nie ’n uitgawe misloop…

VIR ’N JAARLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKEL 087 353 1291 (MAANDAG TOT VRYDAG 8 VM. TOT 4.30 NM.). * E-POS JOU NAAM EN KONTAKBESONDERHEDE AAN IDEES@ONTHEDOT.CO.ZA.** * WHATSAPP JOU BESONDERHEDE NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R360 OF KOOP ’N ENKELE DIGITALE EKSEMPLAAR TEEN R65: * GAAN NA MAGS CART BY www.catalyzmo.co.za. VIR NAVRAE OOR JOU INTEKEN ING STUUR ’N E-POS AAN DIE MAGS CART-SPAN BY subs@catalyzmo.co.za OF SKAKEL +27 21 045 1401. * GAAN NA ZINIO BY www.zinio.com/za/ideas vir jou digitale intekening. OF * LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE…

‘Omtrent ses jaar gelede het ’n ou vriend uit my ‘O kinderdae ons vir Sondagmiddagete genooi. Dit was laat agtermiddag, ons het langs ’n tafel onder die bome uitgespan, die gasheer het pas ’n groot beker limonade voor ons neergesit en die kinders het gaan perdry terwyl die son stadig oor die see sak. Dit was die absoluut volmaakte prentjie en ek het na my vrou, Angela, oorgeleun en gesê: “Dís mos waaroor die lewe gaan,”’ vertel Justin Gomes. Justin, die eienaar van ’n advertensieagentskap, sê uit daardie Sondagmiddag van landelike vreedsaamheid is hul droom gebore: ’n plek waar hulle selfvolhoubaar die soort lewe kon leef wat hulle nog altyd wou, naby genoeg aan hul drie kinders se skole. Met sy groot kostuin, perdekampe en -stalle en ’n joga-ateljee…

MOEILIKHEIDSGRAAD: medium TYD: 2-3 dae JY BENODIG MATERIAAL diagram op bladsy 46 laaghout (ons het berkehout-laaghout gebruik) – 500 mm x 330 mm x 3,5 mm dik (dele 1 en 3) jelutong (of enige ander ligte hout) – 250 mm x 330 mm x 40 mm dik (deel 2) versinkgeelkoperhoutskroewe, 3 mm x 12 mm houtlym (ultra) skuurpapier: 80-, 150-en 220-grint ’n string van 100 warmwit LED-feetjieliggies (deel 4) GEREEDSKAP staan-of handboor 6,5 mm-en 2 mm-boorpunte versinkboorpunt draagbare uitsnysaag, bandsaag of kurwesaag gleufskroewedraaier (klein) SO MAAK JY KAKTUSDELE 1 Sien die diagram van die dele op bladsy 46 vir die afmetings. Of skandeer die diagram in en druk dit op ’n skaal van 200% uit. 2 Lym dele 1 en 3 op die berkehout-laaghout vas; lym deel 2 op die 40…

DEUR VIR LAAIRAAM MOEILIKHEIDSGRAAD: uitdagend TYD: 2-3 uur JY BENODIG vintage-laai 2 x kort halfrondes met albei eindpunte teen ’n hoek van 45 grade gesaag (die lengte en breedte volgens die grootte van die laai) 2 x langer halfrondes met die eindpunte teen ’n hoek van 45 grade gesaag (die lengte en breedte volgens die grootte van die laai) 2 skarniere 8 skroewe (effens korter as die dikte van jou halfrondes) skroewe om die deur aan die laai te heg kleeffotohoekies deursigtige asetaat (dieselfde grootte as jou laai) elektriese skroewedraaier of boor kramgeweer WENK: As jy nie die eindpunte van die halfrondes akkuraat op 45 grade kan saag nie, vra jou plaaslike ysterwarewinkel om jou te help. HET JY GEWEET? ’n Halfronde is ’n smal stuk hout wat halfrond aan…

MOEILIKHEIDSGRAAD: gemiddeld TYD: 3-4 dae GROOTTE Medium (omtrent 56 cm rondom). JY BENODIG 2 bolle (50 g elk) Vinnis Nikkim-katoenhekelgare in die kleur Natural 1 bol (50 g) Vinnis Nikkim-katoenhekelgare elk in Sunshine, Orange en Avocado 3,75 mm-hekelpen tapisserienaald AFKORTINGS beg – begin do – draad oor gls – glipsteek her – herhaal hlb – halwe langbeen kb – kortbeen ks – kettingsteek lb – langbeen rdte – rondte sp – spasie st(e) – steek(steke) vlg – volgende WR – wonderring LET WEL: Hekel 7 oumablokkies, elk omtrent 8 x 8 cm, vir die hoed se band. Moenie te los hekel nie. STEKE GEBRUIK 3-bobbelsteek (3-bob): Do, steek pen in st, trek lus op, do, trek deur 2 lusse op pen, (do, steek pen in dieselfde st, trek lus op,…

Dié klein hartvormige stuk (en wyse uil!) herinner ons dat ons hart ons altyd in die regte rigting stuur as ons net daarna sou luister en daardie eerste stap neem. VOLTOOIDE GROOTTE Omtrent 12,7 x 13,3 cm. JY BENODIG ♥ borduurontwerp op bladsy 107♥ 25 x 25 cm 28-telling-Wichelt Jobelan-kruissteekmateriaal in Antique White (oor 2 drade gewerk) met steektelling71 wydte x 75 hoogte♥ dun skuimkernbord (foam core board)♥ stringborduurgare♥ borduurnaald♥ borduurring♥ katoenstopsel, dun watteersel of sagte vilt♥ sowat 17,8 x 17,8 cm laslap-of geblomde materiaal♥ satynlint, minstens 0,8 cm breed, in ’n kleur van jou keuse♥ materiaalgom♥ hoedespelde of spelde met kralekoppe SO MAAK JY 1 Knip die kruissteekmateriaal sodat dit minstens 20,3 x 20,3 cm is, vou dit in die helfte en tel uit van die middelpunt af om by…