Indholdsfortegnelse for May/June 2022 i Idees

Selfs hier waar ek in my tuiskantoor sit en werk aan mooi, kreatiewe tydskrifte, kan ek nie miskyk hoe die wêreld om my verander nie. Wie kan? Terwyl Covid-19 soveel mense van hul geliefdes, hul werk en hul besighede beroof het, lyk dit asof dié wat reeds werkloos en haweloos was voordat nuwe teenspoed getref het, deesdae net soveel meer sigbaar is. Die enigste goeie ding is dat dit ons dwing om te sien wat om ons aangaan. Nader aan die huis kom ons dit ook agter aan ons verkope soos wat lesers op ander noodsaaklikhede moet fokus of elke sent spaar uit vrees vir waar die brandstofprys gaan draai en die impak daarvan op lewenskoste. Om dus oor Kerstyd te kon sien hoe die buurt ’n mooi lang tafel…

Ouma, ma en tante het destyds mos fluks babasteweltjies gebrei. En daar was altyd die allerfynste jakkies in pienk, blou en wit vir nuwe pienkvoetjies – alles geskenk aan die kerkbasaar om vir minderbevoorregtes geld in te samel. Op sy dag het Johannes Kerkorrel ons almal opnuut herinner aan die swaarkry in Hillbrow. Huilmooi lirieke, dit sny steeds diep. En gee, gee, gee. Gee, gee, geeJou sente, jou drome, jou klere vol gateGee jou hart vir HillbrowJa, gee jou hart vir Hillbrow Soos ’n vriendin graag die Joodse dagboekskrywer Anne Frank aanhaal: ‘Gee het niemand nog arm gemaak nie.’ Die ruimhartige Sharon Reynolds, ’n afgetredene van Edenvale in Johannesburg, stem saam. Sy werk vir die liefdadigheidsorganisasie met die mooi naam Beacon of Hope. ‘Ek wou nog altyd liefdadigheidswerk doen. Ons…

MOEILIKHEIDSGRAAD: maklik GROOTTE Omtrent 7 x 7 cm. JY BENODIG African Expressions Harmony, 8 of meer kleure van jou keuse, omtrent 5 g breidraad per vierkant (die kleure wat vir die voorbeelde gebruik is, is: 2552, 2281, 2052, 2127, 2131, 2011, 2126 en 2119) 4,5 mm-breipenne stopnaald om mee aan mekaar te werk en breidraadpunte in te werk AFKORTINGS aw – aweregs her – herhaal r – regs RK – regte kant st(e) – steek(steke) VK – verkeerde kant SO BREIJY Brei een van elk van die volgende blokpatrone in elke kleur (5 blokke per kleur). Wanneer ’n blok klaar gebrei is, laat ’n breidraadpunt van minstens 20 cm om die blokke aan mekaar te werk. BLOK 1 REKSTEEK Stel 14 ste op. Rye 1-24: R al die ste. Heg…

MOEILIKHEIDSGRAAD: maklik tot gemiddeld TYD: 3 weke GROOTTE Klein (medium, groot). Mediumgrootte is 50 cm wyd en 40 cm lank. JY BENODIG breidrade en kleure wat gebruik is: African Expressions in Desire Vinnis in swart Scheepjes in Sapling, Cake, Wild Strawberry en Murderous Mint African Expressions Neon in Coral, Yellow en Pink Loopy #6 | The 170 DK: 100% Superfine Merino: Goddess Collection x 1 Eris: Vanilla with Neon Speckles Adventure #3 Chloe: Mint Green Malabrigo | Rios DK: 100% Superwash Merino Yarn x 1 Hollyhoc Nurturing Fibres | SuperTwist Sock Yarn: Merino Wool x 1 Lavender Miss La Motte | Twist Sock: 100% Superwash Merino x 1 Frosted Plum Adele’s Mohair | Magic Ball: Up-cycled Yarns x 1 Strawberry Shortcake The Alpaca Yarn Co | Mariquita Handdyed: Baby Alpaca…

MOEILIKHEIDSGRAAD: maklik TYD: omtrent 6 uur VOLTOOIDEMATES Wydte: omtrek 54 cm Lengte: 24 cm JY BENODIG 1 x 100 g-bol dik breidraad in elke kleur (ons het Elle Gold Chunky, kleur Mist, as die hoofkleur gebruik en Elle Gold Chunky, kleur Ivory, as die tweede kleur) 5,5 mm-breipenne stopnaald karton om die pompom te maak SPANNING 13 ste x 17 rye = 10 x 10 cm met 5,5 mmpenne in koussteek gebrei. AFKORTINGS aw – aweregs her – herhaal r – regs RK – regte kant r2tes – brei twee steke regs tesame st(e) – steek(steke) VK – verkeerde kant SO BREI JY Stel 80 ste op met jou hoofkleur breidraad. Ry 1: R tot einde. Ry 2: Aw tot einde. Ry 3: Las die tweede kleur breidraad aan die…

Rugsak MOEILIKHEIDSGRAAD: gemiddeld TYD: 8 uur JY BENODIG patrone op bladsye 89-91 materiaal van jou keuse (sien die eerste nota hiernaas) bypassende masjiengare 164 cm band vir die rugsak 2 D-skakels 8 ogies vetergatpons 1 m tou om die sak mee toe te bind knoop skerp skêr NOTAS • Ons het drie soorte materiaal met verskillende kleure en teksture gebruik. Die breedte van die materiaal wat jy koop, sal bepaal hoeveel jy nodig het. Ons materiaal was 150 cm breed en dus was ’n halwe meter van elk genoeg. • Die borduurwerk word gedoen op pante B en G. • Al die patroondele sluit ’n 1 cmnaattoelating in. • Volg die patroonaanwysings om te sien hoeveel pante van elk benodig word. SO MAAK JY 1 Stik pante B en C…

VAN AFDROOGDOEK TOT TAFELDOEK MOEILIKHEIDSGRAAD: gemiddeld TYD: halfdag Dié tafeldoek, gemaak van lap wat eens vir skottelgoed afdroog gebruik is, gaan beslis die kollig aan tafel steel. Gebruik ’n bestaande tafeldoek om die grootte te verkry en kies ’n verskeidenheid nuwe en vintage-teedoeke uit. Lê die teedoeke met die regte kant na bo op die tafeldoek neer, sodat jy jou ontwerp kan bepaal en sien waar jy sykante moet afknip. Speld die doeke aan mekaar vas en maak seker jy laat dit oorvleuel soos jy werk. Haal die doeke van die tafeldoek af en stik dit aan mekaar vas om jou unieke nuwe tafellinne te skep. KUSSINGSLOPE MOEILIKHEIDSGRAAD: gemiddeld TYD: ’n paar uur Meng en pas individuele teedoeke in interessante patrone en ontwerpe om dié kussingslope te maak. Jy het…

BETERSKAPSBOKS VIR 'N KIND Kinders is baie sterk en dapper, maar niemand is mal daaroor om in die hospitaal oor te bly nie, veral nie as jou ma en pa nie by jou kan wees nie. Hier is ’n paar voorstelle oor dinge wat jy kan insluit in ’n geskenkboks vir ’n kind wat moet hospitaal toe. ∗ ’n Sagte, vertroostende kombers wat hulle veilig sal laat voel. ∗ ’n Gestopte sagte speelding wat hulle kan vertroetel as hulle weerloos en alleen voel. ∗ Benodigdhede om mee te teken of in te kleur – só trek jy hulle aandag af, hou hulle besig en voed hulle kreatiewe kant. ∗ Speletjies om saam met die ander kinders te speel. ∗ Boublokke. ∗ Boeke om te lees. ∗ Lekker peuselgoed. ∗ Borrels…

Sy eerste kunswerk was ’n fiets, toe volg ’n Volksie, daarna ’n motorfiets … Albert Kamupíra se gedagtes loop ver terug na sy tuisdorp, Harare, waar sy broer hom draadkuns leer doen het. ‘Ons het afval-draad opgetel net waar ons kon,’ vertel hy. Vandag is sy ‘kantoor’ die hawe. Hy luister na die branders wat breek, ruik die see, voel die son op hom bak, sien selfs hoe die robbe in die water baljaar. Sy kuns, daar in die buitelug, lok plaaslike en oorsese toeriste. Onlangs het ek en ’n Amerikaanse vriendin ’n draai in Kalkbaai gaan maak. Sy is met ’n groot sak van Albert se ware weg. Ek het een van sy visse gekoop. ‘Mense koop graag my pikkewyne. En dis so maklik om te maak,’ lag hy.…

There was a little girl, Who had a little curl, Right in the middle of her forehead. When she was good, She was very, very good, But when she was bad she was horrid. Uit ’n kindergediggie deur Henry Wadsworth Longfellow Hoeveel keer het dié gediggie se woorde deur my kop geflits as ek, letterlik, hande in die hare staan oor my natuurlike krulhare met ’n wil van hul eie? As my hare ‘bad’ is, voel ek ‘horrid’. Toe ek nog in Johannesburg gewoon het, was krulle en kroese beperk tot reënweer en humiditeit. Andersins is dit blinkreguit geblaas. Noudat ek by die kus woon, moet ek vrede maak met my krulle. Dit bly ’n stryd. Ná ’n leeftyd van alles probeer om my hare reguit te maak – van…

WENBRIEF VAKANSIE OP PAPIER Die lewe jaag met ’n mens teen ’n hoë spoed op jou laaste dag af. Iewers het die mensdom besluit dat hoe hoër die spoed is, hoe suksesvoller sal jy wees, en iemand soos ek wat rooimiere het val graag vir hierdie hoë-spoed-lokval. Ek spring in daardie karretjie en trap die vet plat – totdat ek een oggend met lyfseer en griepsimptome wakker word, nie omdat ek siek is nie, maar omdat my lyf nie die pas kan hanteer nie. Vanoggend was tipies een van daardie hoë-spoed-oggende. Dinge het so vinnig gebeur dat ek nie eens ’n koppie koffie kon inwerk nie. Halfpad na my eindbestemming toe (dis toe al 60 km van my huis af en nog halfagt die oggend) kom daar ’n boodskap deur…

NUUT IN JOU WÊRELD Decorex Africa is die gesaghebbende platform vir die dekor-, binneontwerpen leefstylbedryf met ’n lang geskiedenis van wêreldklas-uitstallers wat besoekers bekend stel aan die jongste leefstyltendense en ontwerphoogtepunte wat ’n mens nie durf misloop nie. Vanjaar word Decorex Africa totaal herverbeel met ’n vars handelsmerkidentiteit en verbeterde virtuele funksie wat die digitale en fisieke kombineer. ’n Reeks eendagberade wat deel vorm van die hoofprogram word ook beplan waar die plaaslike ontwerpgemeenskap kan ontmoet en inligting uitruil. Decorex Africa en 100% Design South Africa word aangebied by die Kaapstadse Internasionale Konferensiesentrum (Kiks) van 16 tot 19 Junie en by die Sandtonkonferensiesentrum in Johannesburg van 28 tot 31 Julie. Besoek decorex.co.za. HERPLAVLEI JOU VEL Min dinge kan ’n mens se vel so laat straal soos ’n goeie afskilferbehandeling. Die…

GESONDE GROENTESOP Borrie is ’n gewilde staatmaker wat aardse geur en ’n lieflike skelgeel kleur aan kos gee. Dit hou ook verskeie gesondheidsvoordele in omdat dit ryk is aan antioksidante wat help om inflammasie in die liggaam te verminder. Dié heilsame sop is propvol geur en sal jou immuunstelsel ’n hupstoot gee gedurende die koue wintermaande. Genoeg vir: 4-6 Bereidingstyd: 20 minute Gaarmaaktyd: 1 uur ♥ 45 ml canola-olie♥ 1 ui, gekap♥ 3 selderystele, gekap♥ 2 knoffelhuisies, fyngedruk♥ 10 ml fyngerasperde vars gemmer♥ 30 ml gerasperde vars borrie of 15 ml fyn droë borrie♥ 5-10 ml fyn droë brandrissie (opsioneel)♥ 1 kg botterskorsie of pampoen, in blokkies gesny♥ 1 blik (400 g) kekerertjies, gedreineer♥ 125 ml rooi lensies♥ 1 liter aangemaakte of tuisgekookte groenteaftreksel♥ 1 blik (400 ml) klappermelk♥ 1…

(tensy anders vermeld) Komberse van Inspired, op die Doornboom-plaas langs die N2, Heidelberg, Wes-Kaap. Kontak Sally Pretorius by 076 972 0701.…

MOEILIKHEIDSGRAAD: maklik (medium as jy nog nie die las soos jy hekel-metode gedoen het nie) TYD: so ’n week en ’n half GROOTTE Die voltooide serp is 22 x 150 cm. JY BENODIG ♥ verskillende breidrade, maar die hoofkleure is: – Scheepjes Ombré, Murderous Mint – hou punt aan buitekant en punt aan binnekant bymekaar vir ’n besonderse bont groen – African Expressions Soul, Neon Coral vir gebruik vir die las soos jy hekel – Greta 45 Loopy #6 Chloe, Mint Green – Scheepjes Colour Cake, Wild Strawberry – begin met die punt aan die buitekant – African Expressions, Freedom 5024 x 2 ♥ die ander kleure is: – minibolletjies Nurturing Fibres, Durable, Scheepjes en Vinnis – African Expressions, Desire en swart Vinnis saam gebruik – African Expressions Soul, Neon…

MOEILIKHEIDSGRAAD: maklik, beginnersvriendelik TYD: ’n paar dae JY BENODIG 1 bol elk Vinnis-katoen in Lime 509, Raspberry 559, Violet 585, Turquoise 564, Lavender 551 en Sunshine 535 3,5 mm-hekelpen 4-6 knope stopnaald steekmerkers AFKORTINGS beg – begin gls – glipsteek her – herhaal kb – kortbeen ks – kettingsteek lb – langbeen rdte – rondte sp – spasie st(e) – steek(steke) vlg – volgende LET WEL Ons het ’n 3,5 mm-hekelpen gebruik sodat die blokkies effens kleiner is; sodoende pas die blokkies mooi oor die warmwaterbottel. As jy dink jou panele is te groot wanneer dit aan mekaar gewerk is, hekel net 1 rdte in kb rondom en kyk na jou grootte voordat jy afheg. SO HEKEL JY BASIESE OUMABLOKKIE Ks 3 aan die beg tel as ’n st. Maak…

MOEILIKHEIDSGRAAD: avontuurlike beginner/gemiddeld TYD: 12-15 uur JY BENODIG 1 bol African Expressions Harmony in elk van die volgende kleure: A – 2029 (Sand), B – 2281 (Watermelon), C – 2126 (Teal Blue), D – 2131 (Cherry Red), E – 2132 (Plum) en F – 2011 (Fresh) Nurturing Fibres Eco Lush in Lime Fibra Natura Papyrus – 229-26 (swart) hekelpenne in die volgende diktes: 3 mm, 3,5 mm en 4 mm stopnaald vir vaswerk en om die breidraadpunte in te werk 2 x 9 mm-speelgoedoë poliësterspeelgoedstopsel steekmerker bamboesvleispen, omtrent 15 cm SPANNING Spanning is nie belangrik vir dié projek nie, maar hoe stywer die hekelwerk van Rosa se lyf is, hoe beter. As jy dus geneig is om los te hekel, gebruik dan eerder dunner hekelpenne. AFKORTINGS (VSA HEKELTERME) agl –…

MOEILIKHEIDSGRAAD: gemiddeld (verg baie tyd en geduld) TYD: ’n volle week JY BENODIG papierpatrone (volgens die diagram wat jy uitkies en op skaal vergroot en uitgemeet, onthou die naattoelatings) kwiltmateriale in die kleure, patrone en skakerings van jou keuse 4 m ongebleikte linnemateriaal (kaliko) vir die binnevoering 2 m effekleurige materiaal vir die buite-agterkant (soos buldenim of suède) 1,5 m katoen in ’n teenstellende kleur vir die omboorsel en drasak 4 m watteersel (die dik soort) katoengare in ’n neutrale kleur om die blokke mee vas te stik en die slaapsak aan mekaar te stik dik stoffeergare in ’n teenstellende kleur handnaald met ’n groot oog en skerp punt vir die handkwiltwerk 3 m-ritssluiter dubbelglyertjies 1,2 m koord 1 stoppertjie materiaalskêr of rolsnyer lang kwiltspelde merkpen SO MAAK JY 1…

BOEK-BORDUURBOKS Ons het op ’n vintage-borduurboek met die lieflikste omslag en binneblaaie afgekom en dadelik besluit in sy nuwe gedaante moet dit ’n bêreboks vir borduurbenodigdhede word. MOEILIKHEIDSGRAAD: uitdagend TYD: 2 uur Begin deur die blaaie van die boek (die boekblok) versigtig te verwyder en met ’n skerp handwerkmes die agterblad van die rugkant los te sny. Hou wel die voorblad vas aan die rug. Soek ’n houtboksie wat naastenby dieselfde grootte as die boek is en gebruik ’n gomgeweer om die rugkant van die boek teen die kant van die boks vas te plak sodat die voorblad die deksel vorm. Gebruik van die blaaie uit die boek om die boks mooi uit te voer aan die binnekant. Sny die agterblad in vier lengtes wat binne die boks sal pas…

MOEILIKHEIDSGRAAD: gemiddeld TYD: 2 uur Maak die bord deur ’n houtblad met swartbordverf te verf waarop julle met bordkryt of plakpapiertjies notas kan skryf. Die idee is om lysies te maak van jul name, die liefdadigheidsorganisasies waaroor julle sterk voel, maniere waarop julle kan help, en die dae en maande van die jaar. Ontwerp die bord sodat almal aktief kan deelneem en sodat dit ook aanpasbaar is. Dit werk só. STAP 1 AAN WIE SKE NK JULLE: Besluit watter organisasies julle na aan die hart lê en skryf die name op aparte papiertjies. Dis ’n goeie idee om by die organisasies te hoor wat hulle die nodigste het. STAP 2 WAT SKE NK JULLE: Onthou, ’n ‘skenking’ kan ook in die vorm van jou tyd en vaardighede wees. So jy…

KERK MOEILIKHEIDSGRAAD: gemiddeld TYD: halfdag JY BENODIG draad (dit moet lekker stewig wees, maar steeds maklik genoeg om mee te werk) langbektang sykniptang (side cutters) swart spuitverf papier maskeerband klokkie SO MAAK JY 1 Teken ’n basiese kerkvorm op ’n stuk papier en buig jou draad daarvolgens – plak dit met maskeerband op die papier vas soos jy vorder. Buig twee sulke vorms – een vir die voorkant en een vir die agterkant van die kerk. 2 Knip nou nege lengtes draad af wat almal ewe lank is om die dak van die kerk te maak. Gebruik die draadlengtes om die twee kerkvorms aan mekaar vas te maak – een vir die spits van die dak en vier elk eweredig gespasieer oor die twee dakpanele. Knip nog twee sulke lengtes…

Maak: 1 groot focaccia Genoeg vir: 12-16 Bereidingstyd: 30 minute, plus rystyd Oondtemperatuur: 180 ºC JY BENODIG ♥ 3 koppies (750 ml) koekmeel ♥ 2,5 ml fyn sout ♥ 5 ml (halwe pakkie) kitsgis ♥ 50 ml olyfolie, plus ekstra vir oordrup ♥ 350-450 ml warm water BOLAAG ♥ 4 babapreie, in die lengte middeldeur gesny en vir 1 minuut in ’n vuurwarm pan gerooster ♥ dun aspersies ♥ kalamata-olywe, ontpit en middeldeur gesny ♥ fetakaas, gekrummel ♥ kruie ♥ growwe sout Meng die meel, sout en gis saam in ’n groot mengbak. Maak ’n holte in die middel en voeg die olyfolie by. Voeg driekwart van die warm water by en meng die meel van die kante af in. Voeg nog ’n bietjie water by, indien nodig, om ’n…

MOEILIKHEIDSGRAAD: gevorderde beginner GROOTTE Omtrent 9 x 9 cm geblok. JY BENODIG African Expressions Harmony, omtrent 8 g breidraad per vierkant (die kleure wat vir die voorbeelde gebruik is, is: 2552, 2281, 2052, 2127, 2131, 2011, 2126 en 2119) 4,5 mm-hekelpen stopnaald of ’n dunner hekelpen om mee te las en die breidraadpunte in te werk AFKORTINGS beg – begin gls – glipsteek hlb – halwe langbeen kb – kortbeen ks – kettingsteek lb – langbeen rdte – rondte sp – spasie vlg – volgende LET WEL Knip breidraad af = knip breidraad af en trek die punt deur die laaste skuifknoop om vas te heg. BLOK 1 Maak ’n wonderring. Rdte 1: Hekel in wonderring ks3 en 11lb, gls in 3e ks om te las. Knip breidraad af. Rdte…

MOEILIKHEIDSGRAAD: maklik – basiese brei- en hekelsteke word gebruik, gemiddeld as jy nie vertroud is met die las soos jy hekel-metode nie TYD: ’n week GROOTTE Die voltooide serp is 145 x 30 cm. JY BENODIG vintage-skinkbordlap van 30 x 43 cm breidrade en kleure wat gebruik is: Be Inspired, Floofie, Lilac Our Tribe, Old Bewick Loopy #6 | Eris: Vanilla with Neon Speckles en Cloe: Mint Green en Adventure #3 Miss La Motte | Twist Sock, Frosted Plum The Alpaca Yarn Co | Mariquita Handdyed: Baby Alpaca & Tencel Yarn, Spring Peepers # 554 Loopy #6 | Blended Delight: Merino, Silk, Mohair & Polyamide Sock Yarn, Experiment 101 Scheepjes, Organic Cotton, Sapling ’n verskeidenheid kleure minibolletjies breidraad van Scheepjes en Durable Cowgirlblues, Aran, Lilac Scheepjes, Colour Cake, Wild Strawberry,…

MOEILIKHEIDSGRAAD: maklik TYD: omtrent 8 uur VOLTOOIDEMATES Wydte: 12 cm Lengte: 23 cm JY BENODIG 1 x 100 g-bol dubbelbreidraad in elke kleur (ons het Elle Gold Double Knit in Blossom vir die hoofkleur gebruik, Silver vir die tweede kleur, en Glamour vir die borduurwerk) 3,5 mm- en 4 mm-breipenne stopnaald SPANNING 19 ste x 24 rye = 10 x 10 cm met 4 mmpenne in koussteek gebrei. AFKORTINGS aw – aweregs her – herhaal r – regs RK – regte kant st(e) – steek(steke) VK – verkeerde kant SO BREI JY Stel 42 ste op met 3,5 mm-penne en tweede kleur. Ry 1: Brei in dubbelrifst (r 2, aw 2) tot einde van ry. Ry 2: Aw 2, r 2 tot einde van ry. Rye 3-7: Her rye 1…

MOEILIKHEIDSGRAAD: maklik TYD: 2 dae JY BENODIG patrone op bladsy 86 materiaal – kaliko of katoen werk goed bypassende masjiengare borduurgare in pienk 602, 347; groen 906, 905; blou 334; geel 743; en swart 310 borduurnaald borduurring poliësterspeelgoedstopsel kleremakerspen SO MAAK JY 1 Gebruik jou kleremakerspen en trek die blomontwerp op bladsy 86 op jou materiaal vir die voorpant af en knip dit uit – onthou om naattoelatings van 1 cm reg rondom by te tel. As die materiaal baie dun is, kan jy tussenvoering aan die agterkant vasstryk om dit stewiger te maak. Span die materiaal in jou borduurring. 2 Borduur met ses draadjies borduurgare en die volgende steke: vir die groot blom ’n reguitsteek om die blomblare op te vul, vir die roos en mondjie stamsteek, vir die…

GESONDE HAWER-MOUTKOEKIES As ’n soetlus jou oorval, is dié heilsame hawermout-en-klapperkoekies net die regte doepa – en dit bevat ook nie ’n ton suiker nie. Dis boonop ’n gawe opsie om vir iemand present te gee. Maak: omtrent 80 Bereidingstyd: 30 minute Oondtemperatuur: 180 ºC Baktyd: 8-10 minute ♥ 4 x 250 ml (400 g) hawermout♥ 180 ml (60 g) droë klapper♥ 250 ml (230 g) bakmargarien of botter, saggemaak♥ 250 ml (350 g) gouestroop♥ 250 ml (140 g) koekmeel♥ 10 ml bakpoeier♥ 10 ml vanieljegeursel♥ 1 ml sout♥ 80 g melksjokolade, gekap 1 Pols al die bestanddele, behalwe die sjokolade, saam in ’n voedselverwerker. Pols dit nog ’n paar keer indien jy die hawermout fyner verkies. As jy nie ’n voedselverwerker het nie, kan jy eenvoudig alles in ’n…

VIR ’N JAA RLIKSE INTEKENING VA N R433,50 ONTVA NG JY ALOMDIEANDER MAA ND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKE L 087 353 1291 (MAANDAG TOT VRYDAG 8 VM. TOT 4.30 NM.). * E-POS JOU NAAM EN KON TAKBESONDER HEDE AA N IDEES@ONTHEDOT.CO.ZA.** * WHAT SAPP JOU BES ONDE RHEDE NA 087 353 1292. OF TEKEN JAARL IKS OP DIE DIGITALE TYDSKR IF IN TEEN SLEGS R360 OF KOOP ’N ENKELE DIGITALE EKSEMPL AAR TEEN R65: * GAAN NA MAG SCART BY WWW.CATALYZMO.CO.ZA. VIR NAVRAE OOR JOU INTEKEN ING STUUR ’N E-PO S AAN DIE MAGSCART -SPAN BY SUBS@CATALYZMO.CO.ZA OF SKAKEL +27 21 045 1401. * GAA N NA ZINIO BY WWW.ZINIO.COM/ZA/IDEAS VIR JOU DIGITALE INTEKENING. OF * LAAI DIE…

Dis winter en tyd vir leegmaak en weggee. Dit klink dalk soos ’n teenstrydigheid, maar dit is ’n kragtige tonikum teen die koue. Die wind en die reën jaag ons binnetoe, dis ’n tyd vir opgaar en opkrul onder baie komberse … en tog raak ek benoud by die gedagte aan binnenshuis verkeer, van korter dae en langer nagte tussen die mure van my huis. Elke jaar neem die seisoen my verwarde hart op ’n reis van selfverkenning. Ek is ’n buitemens en verlang na die somerdae vol aktiwiteite, om net rond te wandel in die vroegoggendlig en laataand se kleurespel. Aan die ander kant is daar die heerlikheid van snoesige truie, kaggelvure en pruttende bredies op die stoof. Dit is romanties, maar daar is ook iets anders: Die gevoel…

(@hanneskoegelenberg) @TINYDOLLHOUSE_ZA Johannesburg Die talentvolle Karen Kelly maak die allermooiste pophuise gevul met miniatuur-meubelstukke en -bykomstighede wat enige dogtertjie se hart sal steel. Op haar pragtige Instagramblad deel sy haar nuutste skeppings wat ook te koop is in haar aanlynwinkel. @DAISIEJO Iewers in die Karoo As ’n mens praat van klere wat kuns is, dan hang Daisie Jo se handgemaakte klere heel voor. Elke stuk is ’n unieke skepping wat tydsaam met die hand geverf en geborduur word. Gaan loer na haar uitsonderlike ontwerpe op haar Instagramblad – jy sal so verlief wees soos ons. @CHIARATURILLI Kaapstad Min mense in hierdie wêreld het soveel passie vir die lewe en lekker kos soos Chiara Turilli. Haar Instagramblad getuig van haar liefde vir haar Italiaanse familie en kosmaak. Hulle het onlangs ’n deli,…