Indholdsfortegnelse for November/December 2022 i Idees

Hierdie was ’n tawwe jaar. Ek dink nie ek hoef veel meer daaroor te sê nie. Ons almal weet mos. Maar dan het elke jaar genadiglik daardie silwer randjie aan die einde. Party mense verkies dit goud, ander rooi, want daardie randjie is die Kersseisoen! En vanjaar voel dit omtrent vir my na ’n kwessie van ‘dankie tog, dis amper Kersfees’. Iets om na uit te sien, iets om kinderlik opgewonde oor te raak, ’n rede om ons kreatiwiteit af te stof en te wys. Maar dit is steeds ’n moeilike jaar en daarom het ons besluit om hierdie Kersfeesuitgawe so ’n bietjie anders te takel. Baie inspirasie sonder die gevoel van ‘hoe op aarde gaan ek alles klaarkry’. Ons wou dit boonop vol idees maak met goed wat die…

As jy lus voel vir iets anders as die tradisionele Kersfeeskos, kan jy gerus dié verskeidenheid geregte oorweeg wat ’n mens saam voorsit as ’n ontspanne ‘meng-enpas’-feesmaal. Vra jou gaste om elkeen twee of drie van die geregte te maak en saam te bring sodat almal tot die feestafel bydra. In sommige lande word 13 verskillende geregte voorgesit wat Jesus en die 12 dissipels gedenk. STEAKSTOKKIES MET ROMESCOSOUS Genoeg vir: 6-8 Bereidingstyd: omtrent 45 minute Gaarmaaktyd: 10 minute ♥ 1 kg beessteak (kruisskyf of lendeskyf)♥ olyfolie en geurmiddels♥ 60 ml sagte botter♥ 2 knoffelhuisies, fyngedruk♥ ’n hand vol geroosterde amandel vlokkies, om voor te sit ROMESCOSOUS ♥ 50 g geblansjeerde amandels♥ ’n sny korserige brood van 3 cm dik, in stukke gebreek♥ 2 groot geroosterde rooi soetrissies, skil verwyder (of…

WENBRIEF IDEES IN DIE TYD VAN TOEPS Ek het hierdie week julle Julie/Augustus 2022-uitgawe gekoop, spesifiek vir die ‘Stik ’n vrolike jassie’-idee. Vir ’n paar weke sit die idee om my eie baadjie te maak nou al in my kop, so ek het gevoel hierdie is ’n teken. Die vorige Idees wat ek gekoop het, was die Julie/Augustus 2021-uitgawe ‒ dus presies ’n jaar gelede. Is hierdie ’n patroon van my? Kyk ek onbewustelik net in die winter na Idees? Ek weet nie, maar dis interessant. Een bewustelike keuse wat ek wel gemaak het, is om nie gereeld na die tydskrifte in die winkels te kyk nie, want finansies knyp. Nou vra ek myself af, hoe is dit dat die finansies hierdie maand dan uitwerk, maar nie in die vorige…

’Ehuis moet ’n rariteitekas ‒ ’n cabinet of curiosities ‒ hê,’ sê Otto de Jager terwyl hy beduie na ’n ou leerbeursie met die voorletters van sy pa en oupa daarop gebosseleer. Die kuriositeitskabinet is ook die tuiste van familiefoto’s, kerse en ou lint ‒ ’n ware trofeekas gevul met kosbare familiegoed, maar ook eenvoudig ’n mooi uitstalplek vir alles wat veilig en stofvry bewaar moet word. Die kas pryk op die trapoorloop van die Victoriaanse skakelhuis waar Otto, wat in Johannesburg woon en werk, een week per maand deurbring. ‘Die hele idee was om nie heeltyd in hotelle oor te bly nie,’ sê hy oor die huis wat hy dertien jaar gelede gekoop het, ‘deels as belegging en deels as leefstylbesluit’. Hy erken laggend hy was besope toe die…

DULCE DE LECHE Verhit die oond tot 220 ºC. Maak die dulce de leche deur 2 blikke (385 g elk) kondensmelk te skink in ’n oondvaste bak wat 1,5 liter kan hou. Druk ’n vel kleefvrye bakpapier bo-op. Draai die bak baie dig toe in aluminiumfoelie en plaas dit in ’n groter, dieper oondroosterbak. Vul die groter bak met kookwater tot dit omtrent twee derdes teen die kant van die kleiner bak opkom. Bak dit vir 2 uur in die verhitte oond tot dit in ’n goue karamel verander het. Skep dit uit in ’n groter bak en klits dit om ’n gladde karamel te verseker. Verdeel die mengsel tussen twee gesteriliseerde glasflesse wat elkeen 250 ml (1 koppie) kan hou (blaai na bladsy 46 om te sien hoe om…

JY BENODIG ♥ 9 wit kardoessakkies ♥ handwerkgom ♥ skerp handwerkskêr ♥ tou ♥ skuifspeld Plaas al die kardoessakkies voor jou met die oop kante na bo. Smeer nou ’n streep gom in die middel af en aan die onderkant van die eerste sakkie en plak ’n tweede sakkie bo-op. Smeer weer gom en herhaal die hele proses tot al die sakkies in ’n stapeltjie op mekaar is. Teken nou die patroon hierbo op die boonste sakkie en knip dit uit die stapeltjie sakkies. Jy kan ook ander patrone probeer om verskillende sneeuvlokkievorms te maak. Trek die sakkies versigtig uitmekaar en plak die eerste sakkie op die laaste sakkie vas om ’n sneeuvlokkie te vorm. Gebruik ’n skuifspeld om ’n stuk tou daaraan vas te maak en hang jou sneeuvlokkie…

ADVENTKALENDER JY BENODIG ♥ gemmerbrooddeeg en harde versiersel (resepte hieronder) ♥ spuitsak ♥ nr. 1-klein ronde versierspuit ♥ merker met eetbare ink (opsioneel) ♥ groot bakplaat (soos ’n beskuitpan) ♥ bakpapier ♥ koekroller GEMMERBROODDEEG ♥ 150 g botter of bakmargarien ♥ 125 g bruinsuiker ♥ 160 g gouestroop ♥ 10 g melasse ♥ 375 g koekmeel ♥ 7 ml koeksoda ♥ 12,5 ml fyn gemmer ♥ 3 ml gemengde speserye Smelt die botter, suiker, stroop en melasse oor matige hitte saam. Sif die droë bestanddele saam, maak ’n holte in die middel en giet die bottermengsel daarin. Meng alles goed saam met ’n houtlepel, laat dit effens afkoel en knie dit dan liggies met jou hande. HARDE VERSIERSEL ♥ 1 groot eierwit ♥ 300 g gesifte versiersuiker ♥ 20 ml…

VIR ’N JAARLIKSE INTEKENING VAN R484,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKEL 087 353 1291 (Maandag tot Vrydag 8 vm. tot 4.30 nm.). * E-POS JOU NAAM EN KONTAKBESONDERHEDE AAN idees@onthedot.co.za.** * WHATSAPP JOU BESONDERHEDE NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R420 OF KOOP ’N ENKELE DIGITALE EKSEMPLAAR TEEN R75: * GAAN NA MAGSCART BY www.catalyzmo.co.za. VIR NAVRAE OOR JOU INTEKENING STUUR ’N E-POS AAN DIE MAGSCART-SPAN BY subs@catalyzmo.co.za OF SKAKEL +27 21 045 1401. * GAAN NA ZINIO BY www.zinio.com/za/Ideas vir jou digitale intekening. OF * LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE (sien hier oorkant).…

JY BENODIG ♥ teeligkersies ♥ Kerswenssirkels op die oorkantste bladsy ♥ handwerkskêr ♥ gaatjiepons of tandestokkie SO MAAK JY 1 Kopieer die Kerswenssirkels op die oorkantste bladsy in die verlangde grootte op gewone wit rekenaarpapier en knip dit uit. Druk met ’n gaatjiepons of tandestokkie ’n gaatjie deur die middel van elke papiersirkel. 2 Haal die teeligkersies uit hul silwer bakkies en trek die kerspitte uit. 3 Ryg nou elke kersie se kerspit deur die gaatjie in een van die papiersirkels (die Kerswenskant moet boontoe wys), en dan deur die kersie. Sit die kersie terug in sy bakkie en steek dit aan!…

IDEES VIR KLAPPERGESKENKIES Bederf jou mense en vul hulle klappers met iets wat jy spesiaal uitgesoek het. Lekkers is natuurlik altyd welkom! * Seuntjies: Plastiekdiertjies, albasters, klein boublokkies. * Dogtertjies: Legkaart, speelgrimering, speelkaarte. * Tieners: Lugtyd, tegnologie-geskenkbewys, film vir hul retro-kitskamera. * Vroue: Mini-naaldwerkstelletjie, spesiale tee of geursout, boekgeskenkbewys. * Mans: Koffie, oulike sokkies, klein multiwerktuig-mes, kampkopliggie of -flitsliggie. KLAPPERS Maak jou eie klapperpapier deur ’n blommotief op jou tafeldoek te skandeer en op wit A4-velle rekenaarpapier uit te druk, of gebruik ons papier met kruissteekrose op bladsy 101. JY BENODIG ♥ A4-velle blompapier♥ wit materiaal van jou keuse♥ bypassende lint♥ alkantkleeflint♥ gomgeweer SO MAAK JY 1 Vou elke vel blompapier in ’n keëlvorm, plak die kante met alkantkleeflint toe en sny die keël gelyk aan die bokant. 2 Knip…

JY BENODIG ♥ papierpatrone hierbo ♥ gemmerbrooddeeg (resep op bladsy 110) ♥ 2 hoeveelhede harde versiersel (resep op bladsy 110) ♥ spuitsak ♥ groot blomblaar-versierspuit ♥ nr. 1-klein ronde versierspuit ♥ bakpapier ♥ koekroller 1 Knip die patrone hierbo volgens die regte mates uit bakpapier. 2 Rol ’n derde van die deeg 3-4 mm dik uit op ’n stuk bakpapier. Gebruik die patrone om die voor-en agterpanele uit die deeg te sny en verwyder die oortollige deeg. Moenie die deegpanele van die papier af lig nie, maar dra dit met papier en al oor na ’n bakplaat sodat die panele nie hulle vorm verloor nie. Sny die deur uit een van die panele, maar moet dit nog nie verwyder nie. Rol nog ’n derde van die deeg uit vir die…