Indholdsfortegnelse for Autumn 2024 i Idees

KONTAK MY BY terena@ideasfactory.co.za instagram.com/terenaleroux Maandagaand sit ons klassie soos gewoonlik om die tafel, slaggereed om in Italiaans te gesels dat dit gons. Maar dié keer is dit effe anders. Ons nuwe onderwyseres uit die noordooste van Italië het daarop aangedring dat ons 'n ‘wys-en-vertel’ doen – elkeen moes iets saambring wat hy of sy in hul vrye tyd doen sodat sy ons 'n bietjie beter kan leer ken. Ek moet dalk wegspring deur te sê dat daar heelwat vrye tyd onder ons is, aangesien die klas hoofsaaklik 60-plussers is wat al afgetree het. Maar dis nie juis belangrik nie, want ek is redelik seker tien of twintig jaar gelede sou die prentjie baie dieselfde gelyk het. ‘n Mens hoor dikwels die uitdrukking ‘as jy iets gedoen wil hê, vra…

SOUT TOEBROODJIEKOEK Hierdie lieflike koek is niks anders nie as 'n reuse-toebroodjie gemaak van brood en lae geurige sout bestanddele. Dit is baie maklik om op te tower en gaan beslis die tonge laat klap. Genoeg vir: 10-12 Bereidingstyd: 45 minute, plus yskastyd ♥ 1 ronde ‘potbrood’-tipe brood ♥ 4 groot eiers, hardgekook ♥ 60 ml mayonnaise ♥ 3 sprietuie, dun gesny ♥ 2 houers (230 g elk) mediumvet-roomkaas (by kamertemperatuur) ♥ 45 ml fyngekapte gemarineerde sondroogtamaties ♥ sagte botter, om die brood te smeer ♥ 125 g dun hamskaafsels of gerookte salm ♥ 20 ml fyngesnipperde grasuie ♥ 150 g cheddarkaas, in skyfies gesny ♥ 30 ml Griekse jogurt ♥ 5 ml fyngerasperde suurlemoenskil (slegs as jy salm gebruik) VIR VERSIERING ♥ 150 g radyse, gewas en netjies gesny…

♥ vanieljekoekiedeeg (resep op bladsy 40) ♥ silikoonvorm van jou keuse ♥ ronde koekiedrukker ♥ koekroller 1 Maak die deeg aan volgens die vanieljekoekieresep op bladsy 40. Bedek die deegbol met kleefplastiek en sit dit vir minstens 1 uur in die yskas of tot dit ferm is. 2 Sprinkel meel op jou werkoppervlak en oor jou silikoonvorm sodat die deeg nie in die vorm sal vassit nie. Druk 'n stukkie deeg in jou silikoonvorm en gebruik 'n koekroller om die deeg plat oor die vorm te rol. 3 Haal die die deeg versigtig uit die vorm en gebruik 'n ronde koekiedrukker om 'n sirkel om die patroon uit te druk. 4 Bak die koekies volgens die resep op bladsy 40.…

kosklasse Genoeg vir: 8-10 Bereidingstyd: 1 uur Baktyd: 1 uur Oondtemperatuur: 180 ºC ♥ 240 g (250 ml) roomkaas ♥ 50 ml fetakaas (opsioneel) ♥ 10 ml gerasperde lemoenskil ♥ 110 g (125 ml) strooisuiker ♥ 500 g filodeeg ♥ 120 ml gesmelte botter ♥ 375 ml melk ♥ 5 ml fyn kardemom ♥ 5 ml fyn kaneel ♥ 3 groot eiers ♥ 15 ml koekmeel ♥ heuning, om oor te drup ♥ 50 g gekapte pistasieneute ♥ versiersuiker, om oor te sif ♥ repies suurlemoen- of lemoenskil, om voor te sit ♥ roomys, om voor te sit 1 Smeer en voer die bodem en kante van 'n 20 cm-koekpan uit met bakpapier. Meng die roomkaas, feta (indien jy dit gebruik), lemoenskil en 30 ml van die strooisuiker saam. 2…

ITALIAANSE MERINGUE ‘N PAAR DINGE OM TE ONTHOU: ❃ Die verhouding is eenvoudig: Weeg die eierwit, verdubbel die gewig vir die suiker en halveer dit vir die water. As jy dié verhouding onthou, kan jy enige hoeveelheid maak. ❃ Metaal- of glasbakke werk die beste. ❃ Vee die bak uit met 'n bietjie suurlemoensap om 100% seker te maak daar is geen olierigheid of vette wat sal veroorsaak dat die eierwit nie styfgeklits kan word nie. ❃ Eiers teen kamertemperatuur werk die beste. ❃ Deur die bestanddele te weeg verseker jy dat die verhouding van die bestanddele elke keer reg is. ❃ 'n Suikertermometer is die beste keuse om te verseker jou stroop bereik die regte temperatuur, maar jy kan die meringue ook daarsonder maak. JY BENODIG ♥ 180 g…

MOEILIKHEIDSGRAAD: maklik TYD: 'n paar minute (droogtyd uitgesluit) JY BENODIG ♥ lugdroogklei (genoeg vir die item wat jy wil maak, plus 'n bietjie ekstra) ♥ blomstensil (van plastiek) ♥ 2 velle asetaat (plastiekbakvelle sal ook werk) ♥ rolstok ♥ spuitbottel met water…

HEKELBLOKKIES ontwerp CORNEL STRYDOM AFKORTINGS (VIR BLOK 1 EN 2) beg – begin do – draad oor dsl – dubbelslagsteek gls – glipsteek ks – kettingsteek ks-sp – kettingsteekspasie lb – langbeen rdte – rondte st(e) – steek(steke) vlg – volgende BLOK 1 (IN VYF KLEURE) MOEILIKHEIDSGRAAD: gemiddeld TYD: 30 minute JY BENODIG ♥ dubbelbreidraad in vyf verskillende kleure ♥ 4 mm-hekelpen SPESIALE STEKE Pofsteek (pofst): (Do, steek pen in aangeduide sp, do, trek draad op tot die hoogte van 'n kb) 4 keer, do, trek deur al die lusse op pen, ks 1. V-steek (v-st): Lb in aangeduide sp, ks 2, lb in dieselfde sp, ks 1. Groter V-steek (groter v-st): Dsl in aangeduide sp, ks 3, dsl in dieselfde sp, ks 1. LET WEL: Onthou asseblief ks 1…

naaldwerkklasse MOEILIKHEIDSGRAAD: maklik TYD: 10 uur JY BENODIG ♥ 2 kussingslope ♥ borduurgare ♥ borduurnaald ♥ borduurring ♥ skerp skêr STEKE GEBRUIK 1 Die geel rose is boeljonknooprose. (In die September/Oktober 2022-uitgawe van Idees is daar 'n stap-virstapillustrasie vir die maak van boeljonknooprose op bladsy 91. Sien ook ons voorbeeldlap en borduursteke op bladsy 98-99 van hierdie uitgawe.) 2 Die stingels van die rose word in stamsteek geborduur. 3 Die blare is 'n variasie van lang- en kortsteke. SO BORDUURJY Span die gedeelte wat geborduur moet word, in jou borduurring en borduur die rose volgens die steke wat ons gebruik het. (As jy wil, kan jy gidslyne op die kussingsloop trek voor jy begin, maar ons het met die vrye hand geborduur.)…

naaldwerkklasse MOEILIKHEIDSGRAAD: gemiddeld TYD: omtrent 2 dae GROOTTES 35/37 (38/40; 41 /43) Voetlengte: 22 (24; 27) cm JY BENDODIG ♥ diagramme op bladsy 97 ♥ Drops Snow van Garnstudio (val onder breidraadgroep E): – 100 (100; 100) g van kleur 37 Aquamarine – 50 (50; 50) g elk van die kleure 01 Off White, 09 Old Pink, 24 Yellow, 29 Green Yellow ♥ 6 mm-knoplose breipenne LET WEL: As jy nog hulp benodig, besoek Drops Design aanlyn by garnstudio.com, tik patroonnommer DROPS 189-34 in en gaan na ‘Tips & Help’. Die breidraad wat vir die sokkies gebruik is, is Drops Snow, 'n dik breidraad van 100 persent wol, in 50 g-bolle van 50 m elk. As alternatief kan Drops Wish of enige dik breidraad wat vir jou die regte spanning…

Die drie vroue was eers halsstarrig met die groetery. Ignoreer ons en loop sommer in die middel van die pad af asof dit aan hulle behoort. Maar Mr Bright Shoes en ou Smiley was van die begin af vriendelik. Ook Howard met sy mank been en kierie. Laasgenoemde het die groetery so ernstig opgeneem, dat hy homself as my persoonlike mossel-dealer aangestel het. Elke oggend ná laaggety wag hy en sy sak mossels ons nou duskant die strand vir 'n saamrygeleentheid in. Eers het hy gemeen ek moet elke keer sy oes koop, maar ná onderhandelinge verstaan hy 'n mens kan ook net soveel mossels eet. Nou is hy meestal tevrede om net saam te ry. Maar Howard is allermins teruggetrokke. As hy die kans kry, herinner hy my tog…

@MARINMONTAGUT Ons is groot aanhangers van die Franse illustreerder en ontwerper Marin Montagut. Op sy Instagram-blad sal jy sien hoe hy sy liefde vir handwerk kombineer met dekorelemente en versamelstukke om 'n wonderwêreld van kuns en kleur te skep. @DANE.VERWEY_FLORAL Dané Verwey is 'n blomkunstenaar en stilis van die Paarl en haar lieflike blommerangskikkings is net so herkenbaar soos haar blospienk hare. Gaan loer gerus na haar blad om te sien hoe sy haar kreatiwiteit en passie vir blomme uitleef. @MASEGOMORGAN As jy hou van hekelwerk, is Masego Morgan se Instagram-blad beslis 'n besoek werd. Hierdie kreatiewe Suid-Afrikaner se speelse foto's en kleurvolle hekelwerk sal jou nuwe energie en inspirasie gee om weer jou eie hekelpenne uit te haal.…

kosklasse Maak: omtrent 20 Bereidingstyd: 60-90 minute Gaarmaaktyd: omtrent 45 minute ♥ 4 middelslag-aartappels, geskil en in blokkies gesny ♥ 100 ml bevrore ertjies ♥ 15 ml canola-olie ♥ 5 ml heel komynsaad ♥ 1 takkie vars kerrieblare (opsioneel) ♥ 5 ml fyngerasperde vars gemmer ♥ 2 knoffelhuisies, fyngedruk ♥ 1-2 groen brandrissies, pitte verwyder en fyngekap ♥ 1 ml rissiepoeier ♥ 5 ml garam masala ♥ 3 ml fyn komyn ♥ 3 ml fyn vinkel ♥ 1 ml fyn borrie ♥ 50 ml fyngekapte koljanderblare ♥ 5 ml suurlemoensap ♥ omtrent 250 g bevrore samoesadeeg, ontdooi ♥ 30 ml koekmeel ♥ olie vir diepbraai ♥ soet rissiesous, om voor te sit 1 VULSEL Kook die aartappelblokkies in 'n bietjie water in 'n kastrol tot dit sag is. Voeg die…

Genoeg vir: 8-10 Bereidingstyd: 45 minute, plus yskastyd Baktyd: 100 minute Oondtemperatuur: 190 ºC KORS ♥ 280 g (500 ml) koekmeel ♥ 1 ml sout ♥ 200 g (220 ml) koue botter, in blokkies gesny ♥ 1 groot eier ♥ 1 groot eiergeel ♥ omtrent 20 ml yswater ♥ 30 g vars salieblare VULSEL ♥ 40 ml botter ♥ 4 preie, dun gesny ♥ 5 groot eiers ♥ 250 ml room ♥ 50 ml Griekse jogurt ♥ 300 ml melk ♥ 25 ml koekmeel ♥ 5 ml sout ♥ 50 ml fyngekapte vars pietersielie ♥ 30 ml fyngekapte tiemie ♥ 1 blikkie aspersiestukke, goed gedreineer ♥ 200 ml gerasperde beleë cheddarkaas ♥ ekstra vars kruie, vir garnering 1 KORS Sif die meel en sout saam in 'n bak. Voeg die…

MOEILIKHEIDSGRAAD: gemiddeld TYD: 10-15 minute (droogtyd uitgesluit) JY BENODIG ♥ wit polimeerklei (ons het Fimo gebruik) ♥ silikoon-fondantvorm (ons het 'n roosvorm gebruik) ♥ spuitverf in die kleur van jou keuse ♥ rolstok…

handwerkklasse MOEILIKHEIDSGRAAD: maklik TYD: 'n paar minute JY BENODIG ♥ papier (tussen 260 gsm en 300 gsm) ♥ blomstensil of -stempel ♥ embosseerstel ♥ materiaal (dubbelgevou) of 'n snymat ♥ spuitbottel met water WENK: Vir die beste resultaat, laat die stensil of stempel op die papier tot dit heeltemal droog is.…

MOEILIKHEIDSGRAAD: gemiddeld TYD: 180-200 uur JY BENODIG ♥ Nurturing Fibres Eco-Fusion: 16 x 50 g-bolle Charcoal, 16 x 50 g-bolle Cobblestone en 17 x 50 g-bolle Anvil ♥ 3,5 mm-hekelpen ♥ naald om die breidraadpunte in te werk VOLTOOIDE GROOTTE 108 blokke = 150 x 200 cm Die grootte kan verskil vanweë die spanning, 'n ander breidraad of hekelpendikte. Dit kan maklik aangepas word deur minder of meer blokke te gebruik. AFKORTINGS ablb – agterbeen-langbeen gls – glipsteek her – herhaal hlb – halwe langbeen kb – kortbeen ks – kettingsteek ks-sp – kettingsteekspasie lb – langbeen rdte – rondte sal-hlb – slegs agterlus halwe langbeen st(e) – steek(steke) vlg – volgende wr – wonderring BELANGRIK! PATROONNOTAS • Wanneer van kleur verwissel word tussen rondtes, gebruik staansteek pleks van die kettingsteke…

MOEILIKHEIDSGRAAD: maklik TYD: 1-2 dae GROOTTE Medium JY BENODIG ♥ patroon op bladsy 93 ♥ flennielaken ♥ rek vir die middellyfskuif ♥ bypassende masjiengare ♥ bypassende katoenbreidraad (ons het Nurturing Fibres Eco Cotton in Sunglow gebruik) ♥ 4 mm-hekelpen ♥ groot borduurnaald SO MAAK JY 1 Vou jou laken in die helfte (regte kante teen mekaar) en knip twee patroondele uit. Merk die middelvoor, middelagter, middellyn en klein pyltjies. Met die regte kante teen mekaar, stik die binnebeennaat van elke patroondeel toe. Dop een pyp na die regte kant om en steek die pyp in die ander een, speld middelvoor en middelagter en stik dit aan mekaar vas. Kap alle rafelrande om. 2 Vou die soom aan die borand om om 'n skuif te vorm en stik dit vas, maar…

jou lewe ‘Die skou is 47,2 kilometer lank en het 5 000 uitstallers se harde werk en aptyt vir risiko geneem om bymekaar te sit,’ vertel die aantreklike Duitse organiseerder. En dit was min of meer hoeveel ek van die perskonferensie kon verstaan. Dis wat gebeur as jy teen groot spoed verby die toonbank met die vertalingsoorfone storm. Gelukkig het ek so 'n bietjie Duits onder die knie probeer kry voor my vertrek. Die boodskap was duidelik. Ek sou gedissiplineerd moes wees om soveel moontlik van die skou te kon sien. Die goeie ding van 'n handelskou is dat die publiek nie kan koop nie. Jy kan kyk en begeer en wens en foto's neem, maar jou begroting kry nie eens 'n duikie in nie. Tensy jy natuurlik vir jou…

KOS BUDGET AIR-FRYER COOKBOOK JENNY TSCHIESCHE (STRUIK, R340) As jy graag waar moontlik geld wil spaar, bied die lugbraaier waarlik kostedoeltreffende oplossings: heerlike gesinsmaaltye wat jy in minder tyd en teen laer temperature as in ‘n konvensionele oond maak. Kombineer dit met bekostigbare bestanddele en jy het 'n maklike manier om lekker en voedsame maaltye te berei wat jou geld op jou kragrekening én by die supermark sal bespaar. Jenny se resepte voorsien in 'n wye verskeidenheid van smake en behoeftes en sy deel idees om van bevrore af en met goedkoper vleissnitte, grane en peulgewasse te kook, asook hoe om groentegebaseerde geregte smaaklik te berei. Van gebraaide hoender tot perfekte soetgebak, maak die meeste van jou lugbraaier terwyl jy jou kostes so laag as moontlik hou. JOYFULL RADHI DEVLUKIA-SHETTY…

Maak: omtrent 30 koekies Bereidingstyd: 1 uur, plus yskastyd Baktyd: omtrent 15 minute per baksel Oondtemperatuur: 170 ºC ♥ 250 g (270 ml) sagte botter ♥ 140 g (160 ml) strooisuiker ♥ 2 groot eiergele ♥ 5 ml vanielje-ekstrak ♥ 360 g (660 ml) koekmeel 1 Klits die botter en suiker saam tot lig en donsig. Klits die eiergele en vanielje by. Voeg die meel by en roer dit om 'n sagte deeg te vorm. Bedek die deegbol met kleefplastiek en sit dit vir minstens 1 uur in die yskas of tot dit ferm is. Rol die deeg uit tussen twee velle kleefplastiek. 2 STEMPELKOEKIES Gebruik 'n houtstempel om 'n letter of nommer in die deeg af te druk. Gebruik 'n ronde koekiedrukker om 'n sirkel om die afdruk uit…

Maak: 12 Bereidingstyd: 1 uur Gaarmaaktyd: 20 minute Oondtemperatuur: 190 ºC ♥ 80 ml fyngekapte geroosterde amandels ♥ 50 ml suiker ♥ 2 ml fyn kaneel ♥ 6 klein, ryp pere ♥ 400 g gekoopte bevrore skilferkorsdeeg, ontdooi ♥ versiersuiker, om oor te sif ♥ heuning, om oor te drup 1 Meng die amandels, suiker en kaneel saam en sprei dit uit op 'n plat bord. Sny die pere in die helfte – behou die steeltjie. Gebruik 'n spanspeklepel om die pitte en kern te verwyder. Gebruik 'n klein, skerp messie om repies skil uit elke peer te sny en 'n mooi patroon te skep. Druk die hele onderkant van elke peerhelfte in die neutmengsel. 2 Maak seker die pasteideeg is baie koud. Haal dit uit die yskas en rol…

handwerkklasse MOEILIKHEIDSGRAAD: gemiddeld TYD: sowat 'n uur (droogtyd uitgesluit) JY BENODIG ♥ fyn bousand (genoeg om die houer wat jy gebruik te vul) ♥ houer vir die sand ♥ gipspoeier (of gebruik sement – volg die aanwysings op die verpakking) ♥ teëltipe stensilblokkie (jy kan enigiets gebruik wat 'n mooi afdruk sal maak)…

projek RONEL WAGENER MOEILIKHEIDSGRAAD: gevorderd (tydrowend) TYD: 3 dae JY BENODIG ♥ katoenbatis- (batiste) of linonmateriaal (lawn fabric) ♥ dik katoenbreidraad wat baie los gespin is ♥ tapisserienaald grootte 13 ♥ kwiltgare ♥ kwiltnaald ♥ borduurring van 15 cm in deursnee ♥ vingerhoed ♥ uitwisbare kwiltersmerkpen of potlood met 'n dun punt Steek die dik katoenbreidraad (wat die stopsel word) in jou tapisserienaald, met die punte van die breidraad ewe lank (presies dubbel). Druk die punt van die naald deur die weefseldrade van die agterste laag materiaal, by die rand van die blaar. Druk die naald versigtig tussen die twee lae materiaal in (sonder om dit aan die voorkant deur te steek) en steek dan die naald aan die ander kant van die blaar uit, weer deur die weefseldrade van…

MOEILIKHEIDSGRAAD: gemiddeld (avontuurlike beginner) TYD: 2 uur per blokkie JY BENODIG ♥ Vinnis Nikkim: 1 bol Princess Blue Bell 5521 (A) ♥ Elle Cotton DK: 3 bolle Dandelion 080 (B) en 3 bolle Yellow 083 (C) ♥ Nurturing Fibres Eco Cotton: 2 bolle Aventurine (D) ♥ 4 mm-hekelpen ♥ skêr ♥ stopnaald om die breidraadpunte in te werk VOLTOOIDE GROOTTE Sal pas op 'n kussingoortreksel van 45 x 45 cm. AFKORTINGS abhlb – agterbeen-halwe langbeen ablb – agterbeen-langbeen beg – begin do – draad oor dsl – dubbelslagsteek gls – glipsteek her – herhaal hlb – halwe langbeen kb – kortbeen ks – kettingsteek ks-sp – kettingsteekspasie lb – langbeen rdte – rondte RK – regte kant st(e) – steek(steke) VK – verkeerde kant vlg – volgende wr – wonderring…

naaldwerkklasse patrone MOEILIKHEIDSGRAAD: gemiddeld TYD: 2 dae JY BENODIG ♥ patroon op bladsy 92 ♥ verskillende stukke lap wat mooi kombineer ♥ vilt in verskillende kleure wat by jou lappe pas ♥ masjiengare ♥ stopsel ♥ plastiekogies ♥ hekelpen ♥ dik swart breidraad vir die stert ♥ geel breidraad vir die pote ♥ gomgeweer SO MAAK JY 1 Die donkie word van 'n klomp verskillende materiale gemaak. Besluit vooraf wat jy vir die lyf, kop, ore en pote wil gebruik en knip dan jou patrone volgens jou lapkeuse uit. 2 Begin deur al die los stukke met jou omkapmasjien af te werk, sodat die rande netjies is. Stik nou die kopgedeelte aan die lyfgedeelte vas vir beide pante. 3 Stik nou die pote toe met die verkeerde kant buite en dop…

ELSA KRÜGER ‘n Enkele rooi roos op 'n eenvoudige klipkruis, geanker in donker grond teen 'n agtergrond van groen gras. Al wat op die grafsteen gegraveer is, is Martha Pier. 'n Volgende Instagram-foto wys 'n vierkantige betonblok, ook met 'n rooi roos en net die name Gustav Schulz Walter Pier. En, onsigbaar, die vars spore van 'n nasaat uit Afrika wat haar brandende begeerte vervul het om die voetspore van haar voorsate te gaan naspeur. ‘Ek was nog altyd geboei deur die geskiedenis en die nalatenskap van voorvaders,’ vertel Carin Smith, kunsdirekteur en Idees se talentvolle stilis. ‘Ek en my ma tel alewig stukkies ou porselein op en wonder wat die storie daaragter is. Erfenis is vir ons twee belangrik. Ek lees baie geskiedenis en luister na podsendings. Dis 'n…

WENBRIEF ONS ‘STRAAT’ SE LIEFDESFEES Dit is al weer bykans Kersfees en ewe skielik is alles net te vinnig op my. Elke jaar vier ons ‘straat’ se mense – oftewel die Biddende Boere – 'n Liefdesfees wat eintlik 'n kombinasie is tussen Kersfees en verjaardae of vieringe wat misgeloop is, maar hoofsaaklik om ons liefde en ondersteuning vir mekaar te bevestig. Nes die vorige jaar bied ek die gedekte tafel aan vir ons geliefdes. En presies nes die vorige jaar het ek sekere staatmaakresepte wat so verskriklik opgedollie en duur lyk, maar alte maklik is om te berei vanuit my ou en behoue staatmaker-tydskrifte. Met tyd en beplanning heeltemal in sy peetjie begin ek solank die sjokolade-en-bosbessie-koekiekoek aanmekaarslaan (November/Desember 2022). Die koek vries fantasties. Saam met dit as nagereg maak…