Landbouweekblad 19 June 2015

SA NET-NET BO ROMMELSTATUS Suid-Afrika is twee trappies bo rommelstatus. Dit blyk uit Fitch Ratings, een van die drie grootste en gesaghebbendste kredietgradeerders ter wêreld, se aankondiging dat Suid-Afrika se buitelandse langtermyn-skuld onveranderd op BBB gehou is. Volgens dié kredietgradeerder is daar ’n verskeidenheid faktore wat Suid-Afrika se gradering benadeel. Die voortslepende kragkrisis sal teen die land tel omdat dit groei ondermyn. Fitch is ook bekommerd oor die loononderhandelinge in die goud- en steenkoolsektor; die wysigingswet op minerale hulpbronne; visumregulasies; die debat oor ’n nasionale minimum loon; voorgestelde wysigings aan die arbeidswette en grondhervormings en die swak rand wat inflasiedruk op die ekonomie plaas. –Netwerk24 DIEWE BUIT 600 SKAPE Dit is nie net in Suid-Afrika waar boere gebuk gaan onder veediefstal nie. In Lincolnshire, Engeland, het veediewe 200 skape en…

R193 MILJARD Die private sektor se belegging in die opwekking van hernubare krag staan nou op R193 miljard nadat me. Tina Joemat-Pettersson, Minister van Energie, pas nog 13 projekte vir wind- en son-energie aangekondig het. Suid-Afrika se projekte vir hernubare energie groei die vinnigste ter wêreld. Altesame 92 projekte is al goedgekeur met die potensiaal om 6 327 MW tot die netwerk toe te voeg. – Business Day 23% Suid-Afrika is onder die topvyf lande ter wêreld in die onwettige handel in sigarette. Die Tabakinstituut van Suider-Afrika (TISA) raam dat tot 23% (meer as 5 miljard sigarette) van die land se totale verbruik van sigarette verlede jaar onwettig was. Sedert 2010 het die staat sowat R24 miljard aan belastinginkomste daardeur verloor. Wêreldwyd word 330 tot 660 miljard sigarette jaarliks in…

KATSWINK. Veeartseny-studente sal in Julie weer die geleentheid kry om ’n leersame ervaring in Suid-Afrika op te doen by die tweejaarlikse internasionale simposium oor wildlewe in Suider-Afrika. Die simposium dien as ’n platform waar ’n verskeidenheid van die wêreld se voorste kenners studente toespreek oor onderwerpe soos natuurlewebestuur en die rol van die veearts by wild. Benewens die waardevolle inligting wat die sprekers bied, kry studente ook praktiese ondervinding. “Dit is belangrik dat die student eerstehands kennis maak met wild, want dit sal lei tot professionele en gespesialiseerde sorg. Dit verseker ook dat studente geesdriftig raak oor die toekoms van wild, wat sal bydra tot die bewaring van Suid-Afrikaanse én internasionale natuurlewe vir geslagte lank,” sê mnr. Kyle Piears, ondervoorsitter van Symco, ’n nie-winsgewende organisasie van studente verbonde aan die…

In pres. Robert Mugabe se tyd is my land verkrag, skryf Wilf Mbanga, die stigter en redakteur van die koerant The Zimbabwean in ’n kommentaarstuk in Beeld. Mbanga, wat in Brittanje woon nadat hy in sy eie land tot vyand van die mense verklaar is, sê die grondhervormingsplan waaroor Mugabe so toegejuig is, het die lewe van meer as 350 000 plaaswerkers en hul gesinne verwoes. Hulle is onteien en sonder ’n dak oor die kop gelaat. Die plase van miljoene Amerikaanse dollar waarop sowat 3 miljoen beeste was, waarvan 287 000 ha onder besproeiing was, waarop 10 000 plaasdamme en 25 000 trekkers was, is als vernietig. Meer as 90% van alle Zimbabwiërs voer ’n sukkelbestaan; 70% met minder as 35 Amerikaanse sent per dag. Mbanga sê as Mugabe…

‘Dit beperk die impak tot op ’n vlak waar ons dit kan bestuur.’ Mnr. Ben Vorster van Laeveld Sitrus in Letsitele oor die Tzaneen-munisipaliteit se tegemoetkoming van boere met beurtkrag. Bl. 18 ‘Die skade kon groter gewees het.’ Mnr. Kevin Lovell, uitvoerende hoof van die Suid-Afrikaanse Pluimveevereniging (SAPV), oor die ooreenkoms met die Amerikaanse pluimveebedryf. Bl. 16. ‘Die reën het net-net betyds gekom sodat ons dalk nog ’n goeie jaar kan hê.’ Mnr. Leon Groenewald van die Rietkuil-boerdery by Riviersonderend, oor die onlangse goeie reën in die Wes-Kaap. Bl. 17 ‘Elke dag ontvang ek nege voorgeslagte se ervaring en kennis.’ Mnr. Carl van der Merwe, die Wes-Kaap se Jongboer van die Jaar en tiende generasie wat boer op die Boplaas-landgoed by Ceres . Bl. 91 ‘Die groeifase vir produktepryse is…

Vanjaar was ’n moeilike jaar om ’n Suid-Afrikaanse rugby-ondersteuner te wees. Soos dinge nou staan, is die Stormers sekerlik die enigste plaaslike span wat nog ’n kans staan om die Super 15 se uitkloprondtes te haal. Ten minste was daar darem die Lions wat sonder enige groot name ’n paar rugbyreuse afgeslag het en heel aanskoulike rugby gespeel het. Hul kanniedood-houding het ’n mens darem weer die idee gegee dat daar tog iets spesiaals in ons rugby steek. Dis die gebrek aan daardie iets spesiaals – noem dit maar uitnemendheid – wat jou soms ’n bietjie onderkry in hierdie land van ons. Dis nie dat ons nie weet wat die probleme is, maar dis asof ons nie kan help om eerder om hulle te trippel as om net in te…