Landbouweekblad 08 May 2015

SA NIE NET ’N GEMORS Nie almal sien Suid-Afrika as ’n “gemors” of “gevaar” nie. Mnr. Lloyd Blankfein, die baas van die New Yorkse beleggingsbank Goldman Sachs, is optimisties en sê die land is op lang termyn uiters suksesvol en vaar beter as talle ander lande. Hy erken Suid-Afrika se probleme, maar wys dat ander lande dieselfde probleme het, of erger. Hy’t egter reguit gesê ’n land met ’n ekonomie so sterk en goed ontwikkel, soos dié van Suid-Afrika, móét ononderbroke kragvoorsiening hê. Beleggers gaan nie maatskappye begin of besighede bou as die krag so onvoorspelbaar is nie.” – Moneyweb Today BELARUS HELP GEORGIË Terwyl 22 Suid-Afrikaanse boere reg staan om saam met die TLU SA boerderymoontlikhede in Georgië te gaan ondersoek, het pres. Alexander Lukashenko van Belarus aan pres.…

38% Met die eerste ronde grondeise wat in 1998 gesluit het, is sowat die helfte van alle private kommersiële plase waarop suikerriet aangeplant word, geëis. Die SA Suikerrietkwekersvereniging, wat sowat 23 000 suikerboere verteenwoordig wat saam sowat 20 miljoen ton suikerriet produseer, sê 38% van hierdie grondeise is steeds nie afgehandel nie. – Engineering News $60 MJD. Die Internasionale Monetêre Fonds voorspel dat 6 van die wêreld se 10 snelgroeiendste ekonomieë in die volgende 10 jaar in Afrika sal wees. Die regstreekse buitelandse belegging is sowat $60 miljard (R726 miljard) per jaar. Daar is egter vier hindernisse: Swak toegang tot finansiële dienste, swak infrastruktuur, gebrekkige openbare besteding en politieke onrus in sommige lande. – Finweek 41 Die saadmaatskappy, Monsanto, is pas aangewys as een van die 100 beste maatskappye vanjaar…

OU TREINE STOOM WEER VOORT. Twee stoomtreine op pad na die stasiekompleks op die landgoed Sandstone noord van Ficksburg. Te danke aan goeie reën in die gebied in Maart was die plaas ’n lushof van sonneblomme en mielies vir die honderde buitelandse besoekers wat jaarliks die Sterre van Sandstonestoomfees bywoon. Vanjaar is ’n opedag ook vir plaaslike boesoekers gehou. Die lokomotief regs is die afgelope twee jaar uit die kloue van vandale gered. Die Xanthe, wat oorspronklik in 1915 deur die Avonside-maatskappy vir die Sezela-suikerplantasie in KwaZulu-Natal gebou is, is as wrakstukke van Krugersdorp en Randfontein met bakkies na Bloemfontein gekarwei waar dit tot sy volle glorie gerestoureer is. Dié model het sedert sy uitdienstreding in die 1960’s verskeie keer van hande verwissel voor dit op die skrootwerf beland het.…

Dis die droogste somer in die Swartland in 55 jaar. Dís die gevolgtrekking waartoe Kobus du Plessis van Wesgraan op Malmesbury gekom het ná hy ’n plaaslike boer se reënvalsyfers, wat tot 1959 strek, ontleed het. G’n wonder daar’s ’n sweempie mismoedigheid te bespeur onder Swartlandse saaiboere soos hulle stadigaan aan die gang kom met die plant van kanola en medics nie. Want hier in die vlak, klipperige grond van die Wes-Kaap lyk dinge vir buitestanders ná ’n gewone somer maar erg. Om nie te praat van ’n somer soos die pas afgelope een waartydens die hoogste temperature in honderd jaar aangeteken is nie. Dis nie net die reën wat boere pla nie. In die Wes-Kaap is daar geen wegkomkans van koring nie, al is die prys hoe teleurstellend. Wisselbou-opsies…

ARTIKELS & RUBRIEKE ■ Rekordjaar vir die wildbedryf ■ Limousin speel nou Superrugby ■ Selfs ’n Sprinkbok sukkel met SEB 3 ■ Nuwe koring in Wes-Kaap getoets ■ Boereplan: Mobiele bees-en-skaapkraal GESIN ■ Boerekos: Vyf trefferterte SPESIAAL ■ Boerevennoot, Dieregesondheid, Op Nampo GROOTVEE DisnienetSuperrugby-seisoenopdiesportveldnie.In’neerstevirdie SuidelikeHalfrondhetLimousin-telersgenootskappevanSuid-Afrika, Namibië, AustraliëenNieu-Seelandbesluitomálhuldatateverpoelvir ’nmeeromvangrykegenetieseevaluering.Dithouverskeievoordelein, soosvinnigergenetiesevordering.…

Posbus 1802, Kaapstad 8000; e-pos: lbw@landbou.com WENFOTO STUUR JOU BESTE FOTO IN EN WEN Vir die volgende vier weke wen die leser wat die wenfoto instuur, só ’n opvoubare braai ter waarde van R650. AFRIKANERBEES HET ’N PLEK ’n Rasegte Afrikaner-bulkalf kan nie ná speen 2 kg of meer per dag in ’n voerkraal groei nie. As dit waar was, soos prof. Frikkie Neser in Landbouweekblad van 17 April sê (“ ‘Onregverdige diskriminasie’ teen inheemse beesrasse”), sou die voerkrale graag Afrikaner-speenkalwers aangekoop het. In die naspeen-groeitoetse van die Landbounavorsingsraad waarby ek vir 37 jaar betrokke was, het Afrikaner-bulletjies selde meer as 1 500 g per dag gegroei. Die afgelope vyf jaar is 51 Afrikaner-bulletjies aan groeitoetse onderwerp, met ’n gemiddelde groei van 1 369 g per dag. Dit is vir…