Indholdsfortegnelse for 4-Mar-16 i Landbouweekblad

‘Ons wil nie nou bedrae bekend maak nie, want dit kan die verkeerde tipe klante lok — as ’n mens dit só kan noem.’ Mnr. Pravin Gordhan, Minister van Finansies, oor staatshulp aan droogtegeteisterde boere. Bl. 15 ‘Boere word dikwels daarvan beskuldig dat hulle nie behoorlik beplan het vir rampdroogtes nie, al het hulle die tyd gehad. Daarop sal ek antwoord dat die huidige droogte van só ’n intensiteit en omvang is dat dit ver bo die beplanningsvermoë van enige boer was. Mnr. Johannes Möller, voorsitter van Agri SA, in die droogtetaakspan se verslag. Bl. 22 ‘Die hele maatskaplike oplossing vir mense wat nie kos kan bekostig nie, is iets waarna die staat moet kyk. Die landbou neem nie primêr verantwoordelikheid vir bekostigbaarheid nie; ons moet sorg dat hier kos…

DIE grootste hap van die Departement van Landelike Ontwikkeling en Grondhervorming se begroting vir die mediumtermynbestedingsraamwerk sal vir restitusie gaan. Die departement se totale begroting vir die bestedingsraamwerk is R31,7 miljard waarvan R3,2 miljard in die boekjaar 2016’ 17 vir restitusie begroot is en R3,5 miljard vir die daaropvolgende boekjaar. Grondeise is in Julie 2014 tot 2019 heropen. Die departement het teen Desember verlede jaar reeds 120 000 nuwe eise ontvang. Die verwagting is dat sowat 397 000 eise oor dié tydperk ingedien sal word. Om bestaande grondeise op mediumtermyn af te handel, is R10 miljard begroot, wat 31% van die departement se begroting uitmaak. Me. Ruth Hall van die Universiteit van WesKaap se Instituut vir Armoede, Gronden Agrariese studies, meen dié bedrae is hopeloos te min (sien “Die Ander…

DIE tabakbedryf het mnr. Pravin Gordhan, Minister van Finansies, bedank dat hy met die verhoging wat hy aangekondig het, die belastinglas op tabakprodukte op 52% gehou het. ’n Verhoging van 6% tot 8,5% is aangekondig in die aksynsbelasting op alkoholiese drank en tabakprodukte. Die belasting op ’n pakkie sigarette styg met 82c van R12,42 tot R13,24. Mnr. Francois van der Merwe, voorsitter van die Tabakinstituut van Suider-Afrika (Tisa), sê hulle het waardering daarvoor dat die Tesourie besef daar moet ’n balans wees tussen die vlak van belasting en die bedreiging van ’n groeiende, onwettige tabakbedryf. Die wettige tabakbedryf sal vanjaar R12 miljard tot die staatskas bydra.…

Weens die swak rand kon Suid-Afrikaanse boere nie voordeel trek uit skerp dalings in internasionale kunsmispryse die afgelope jaar nie. Mnr. Corné Louw, senior ekonoom van Graan SA, sê die plaaslike MAP-pryse het byvoorbeeld met gemiddeld 8,8% gestyg namate die rand met amper 42% verswak het, terwyl die internasionale MAP-prys in dollarwaarde met 12% gedaal het. Die gemiddelde ureumprys het plaaslik met 1,1% gestyg, terwyl die internasionale prys in dollarwaarde met amper 38% geval het. En kaliumchloried kos gemiddeld 7,6% duurder as ’n jaar gelede, terwyl die internasionale prys 16,1% goedkoper is. Louw waarsku dat die wisselkoers Suid-Afrika se boere vanjaar nog kan seermaak wat produksiekoste betref.…

DIE Suid-Afrikaanse Pluimveevereniging (SAPV) oorweeg stappe oor die “swak besluite” oor die vereistes vir Salmonella en voëlgriep waaraan Amerikaanse hoenderboere moet voldoen. Dit kom terwyl Amerikaanse hoenderstukke aan die been – wat vir die eerste keer in 15 jaar sonder teenstortingstariewe na Suid-Afrika ingevoer mag word – teen druktyd in Suid-Afrika begin aankom het. “Die SAPV bekyk die invloed wat die baie swak ooreenkoms (tussen Suid-Afrika en Amerika) oor Salmonella en voëlgriep op die Suid-Afrikaanse bedryf en menslike gesondheid het,” sê mnr. Kevin Lovell, uitvoerende hoof van die SAPV. “Ons sal dan besluit oor stappe om dit reg te stel.” Die twee lande se hoenderbedrywe het in Junie ooreengekom Amerikaanse boere mag jaarliks 65 000 ton hoenderstukke aan die been sonder teenstortingstariewe na Suid-Afrika uitvoer. Suid-Afrikaanse en Amerikaanse staatsveeartse het…

DIE kommoditeitsmark JSE Bpk. se nuwe termynkontrakte vir beeskarkasse kan groter deursigtigheid en likiditeit in die beesvleismark te weeg bring, sê mnr. Ernst Janovsky, hoof van Absa AgriBesigheid se sentrum vir uitnemendheid. Dié kontrakte is op 28 Januarie amptelik bekend gestel. Absa versamel en versprei gereelde prysinligting oor beesvleis. Janovsky sê die termynkon- trakte kan belanghebbendes en pryse betrek wat nie tans by sy prysinligting ingesluit is nie. Met die klein aantal voerkrale en kettinggroepe op die beesvleismark sal die termynkontrakte groter likiditeit kan bring. Die termynkontrakte skep verder ’n papiermark wat dit vir belanghebbendes, soos voerkrale en boere, moontlik maak om vleis vooruit te verkoop en dus hulself te verskans en beter beplanning te doen. Janovsky sê vir die sukses van die kontrakte sal dit belangrik wees dat die…

KORTOM ■ Die Suid-Afrikaanse ekonomie het ’n laagtepunt bereik en beweeg in ’n resessie in. ■ Die Regering het staatsbesteding baie vinniger laat groei as die ekonomie toe kommoditeitspryse hoog was en die land beleggings gelok het. Nou vloei geld uit die land. ■ Aanpassings aan strukturele, fiskale en monitêre beleid is noodsaaklik. Die ekonomiese vooruitsigte vir vanjaar is nie goed nie. Die verkeerde beleid van die Zuma-Regering het Suid-Afrika nou die onderste punt laat bereik. Die Wêreldbank het ook in ’n voorlegging aan die Parlement verlede maand gesê beleidsonsekerheid is een van die groot struikelblokke op Suid-Afrika se pad na ekonomiese herstel en dat ’n verdere kredietafgradering moeilik vermy sal kan word. Die wonderlike ding van markte is dat hulle altyd neig om terug te beweeg na balans, ongeag…

Voor mense min of meer 10 000 jaar gelede met skape begin boer en vir bepaalde eienskappe begin selekteer het, het die ramme van alle wilde skaaprasse horings gehad. Argeologiese bewyse toon dat daar vroeg in die proses van die mak maak van diere oor groot geografiese gebiede meerhoring-agtigheid by skape voorgekom het. Dié verskynsel is egter deesdae skaars onder die moderne rasse. Rasse wat wél daarvoor bekend is, is skape van Ysland, die Hebride (Skotland), Manx Loghtan- (van die eiland Man) en Jacob-skape (van onsekere oorsprong), asook plaaslike Damaras, skryf dr. Ockert Greyvenstein en sy mede-navorsers in hul artikel in die vaktydskrif Animal Genetics. Dié vetstert-ras is inheems aan die suidweste van Afrika, en het heel moontlik min of meer in die 16de eeu saam met die een of…

Ek het in Februarie tien dae lank verskillende finansiëledienstemaatskappye in Londen besoek om te sien of ons hier aan die suidpunt van Afrika iets by die Engelse kan leer oor hoe hulle diens lewer aan hul kliënte. Soos gewoonlik was Londen koud, grys en nat. Dit is egter nie ’n verrassing nie, want in Londen reën dit gemiddeld 164 dae van die jaar. Dit beteken jy gaan elke tweede dag natreën en dat Suid-Afrika se krieketspelers ’n groter kans het om dáár deur die reën gered te word. In sonnige Johannesburg, daarteenoor, reën dit gemiddeld net 72 dae van die jaar. Selfs in Januarie, wat die natste maand is, reën dit gemiddeld net elf dae. Groot was my verbasing derhalwe toe my goeie vriende Google en Wikipedia sê Johannesburg kry…

“ ’n Mens moet gehoor gee aan die vroeë waarskuwings, en as jy dit sien, moet jy nie onnodige risiko’s loop nie en voorbedag wees op droogte,” is mnr. Pietie van Jaarsveld se raad aan boere in droogtetye. Volgens Pietie is daar sekere tekens in die natuur waarop ’n boer moet let sodat hy vir droër jare kan beplan. “Droogte is onvermydelik in ons omgewing. ’n Mens moet statistieke hê om jou te help beplan en betyds die gevaarligte uit te wys sodat jy vinnig kan reageer.” Daarvoor is sy eie statistieke, wat hy al sedert 1969 byhou, onontbeerlik. Hy meet die reënval op sewe verskillende plekke op sy grond en ook in verskillende tipes veld. “Dit help siklusse aandui.” As hy na sy reënvalsyfers oor die afgelope vier dekades…

PLAASINLIGTING LIGGING: Stampriet, Namibië NAAM: Hartebeestloop EIENAARSKAP: Familietrust VERTAKKINGS: Bonsmarastoetery,osboerdery, vlakte-enskaarswild,biltongjagensaaiery GRONDTIPE: Sandgrond VELDTIPE: Kalahari-duineveld GEMIDDELDE REËNVAL:220mmperjaar KORTOM ■ Seleksie vir ’n hoë uitslagpersentasie verseker ’n ekstra inkomste van bykans R1 000 per os wat aan Meatco verkoop word. ■ Alle beeste se bekkens word gemeet ter wille van seleksie vir kalfgemak. ■ ’n Boerewinsindeks word opgestel wat gerig is op vleisbeeseienskappe waarmee ’n boer optimale wins kan behaal. Boerdery is vandag meer ongenaakbaar as ooit tevore weens droogtes wat gereelder voorkom, produksiekoste wat gaandeweg styg en mededinging tussen boere en lande om slegs die beste produkte te lewer. In Namibië is dit ook die geval, veral in die dorre Kalahari waar dr. Joggie Briedenhann met Bonsmarabeeste en wild boer. Hy is ’n ortodontis in Windhoek, maar boer op groot…

Nadat buitengewoon baie pruimbome die laaste paar jaar gevrek het of besig was om te vrek, het die Suid-Afrikaanse Steenvrugte-produsentevereniging Hortgro Science einde verlede jaar gevra om ’n opname onder steenvrugboere in die Wes-Kaap te doen. Prof. Wiehann Steyn, programbestuurder vir oesproduksie by Hortgro Science, sê hulle het terugvoer van 14 boorde ontvang. Tien daarvan was in die Franschhoek-Simondium-gebied en vier in die Paarl-Wellington-omgewing. Al die boorde was dus in die Bergriviervallei. Die boordskade was meestal 20% en laer, maar in twee aangrensende persele by Franschhoek was die skade 50% tot 80%. Wiehann sê dis moeilik om te bepaal hoeveel boorde werklik geraak word, want vermoedelik is daar heelwat met vrektes waaroor geen terugvoer ontvang is nie. “Ons aanvaar wel dat daar ’n abnormale aantal pruimboomsterftes en terugsterwing die afgelope…

LIGGING Cradock, Oos-Kaap KAAPSE BOERPERDE SAALPERDE EN WALLIESE PONIES…

LIGGING Melkbosstrand, Wes-Kaap BESKRYF JOU ONDERNEMING. Sandra Wilhelmina-keramiek is keramiekware wat met die hand geverf en geglasuur word. Ek lê klem op gebruiksartikels, soos bakkies, bekers en ander produkte wat jy in die kombuis of tydens ’n onthaal kan gebruik. HOE HET DIT ONTSTAAN? Ek het lank in die filmbedryf gewerk, maar ná my dogter, Sandra-Mae, se geboorte in 2000 het ek besluit om die bedryf te verlaat weens die wispulturige werksure. Ek het ’n kunsvlytwinkel op Melkbosstrand gekoop waar ek porseleinpoppe en -feetjies begin maak het. Mettertyd het die maak van keramiekware begin. Dit het egter ál moeiliker geraak met ’n kleuter in die winkel. Daarom het ek die winkel verkoop. Ek het egter nooit die keramiekbedryf verlaat nie en dit deurentyd as ’n stokperdjie beoefen. Ná ’n terugslag…

DIE droogte van die afgelope tyd wat steeds produksietoestande in groot dele van Suid-Afrika strem, eis ook sy tol van die katoenbedryf. Katoen SA se eerste skatting vir die produksiejaar 2015-’16 dui op ’n totale katoenoes van 56 266 bale vesel – ’n daling van 41% teenoor die vorige jaar. Mnr. Hennie Bruwer, hoofbestuurder van Katoen SA, sê Suid-Afrika se hektare droëland toon ’n afname van 80%, hoofsaaklik weens die droogte. Sedert die 1960’s het die land se jaarlikse katoenproduksie geleidelik toegeneem tot ’n hoogtepunt van bykans 400 000 bale katoenvesel van 200 kg elk in 1989-’90. Die daaropvolgende hoogtepunt was ’n raming van bykans 100 000 bale verlede jaar voor die droogte se dalende produksie-uitwerking op katoen duidelik geword het. Katoen SA se plaaslike beraming vir 2015-’16 is 55…

Internasionaal: Die prys van mielies het met 0,2%, oftewel $0,28/t (R4,36/t), gestyg tot $142,73/t (R2 221/t). Op ’n jaargrondslag is dit 6,4%, oftewel $9,78/t (R152,16/t), laer. Verwagte pryse: Maart – $145,03/t (R2 256/t), Mei – $146,61/t (R2 281/t), Julie – $148,26/t (R2 307/t), September – $150,15/t (R2 336/t). Plaaslik: Die Safex-prys vir wit mielies het met 0,8%, oftewel R41/t, gedaal tot R4 889/t. Die prys van geel mielies het met 8,1%, oftewel R307/t, gedaal tot R3 490/t. Op ’n jaargrondslag is dit 81,4%, oftewel R2 194/t, hoër vir wit mielies, terwyl geel mielies 44,9%, oftewel R1 082/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 0,3%, oftewel $0,57/t (R8,87/t), gestyg tot $169,72/t (R2 641/t). Op ’n jaargrondslag is dit 13,1%, oftewel…

Gemengde welslae is op die eerste ramveilings van Merino SA behaal, maar ná goeie reën oor baie dele het die vraag en veilingspryse toegeneem. Op die 14 veilings in Januarie is altesame 820 ramme verkoop teen gemiddeld R7 042 stuk. Die hoogste prys was R50 000. Die prys van wol het in Januarie die hoogte ingeskiet vanweë die swakker rand. Op 9 Februarie het dit rondom die vlak van R160/kg (skoonwol) beweeg. Dit is sowat 45% hoër as ’n jaar gelede. As wydverspreide reën val, kan die stygende wolprys ’n gunstige uitwerking op Merino SA se ramveilingspryse hê. BARKLY-OOS / MERINO / R28 000 Die hoogste prys van R28 000 op die produksieveiling van die Bergplaas-stoetery van mnr. Stefan en me. Dassie Nel op hul plaas Prospect, Barkly-Oos, was R28…

15,5% Daar sal toenemend meer voedsel plaaslik geproduseer moet word om in die groeiende vraag te voorsien, waarsku mnr. Bertie Hamman, senior bestuurder vir sekondêre landbou by Standard Bank. Die bevolking het in 10 jaar met 15,5% gegroei. Binne vyf jaar was daar ’n beduidende verskuiwing na hoër LSM-vlakke. Daar is 56% minder marginale verbruikers, 57% meer ontluikende verbruikers en 57% meer gevestigde verbruikers. — Standard Bank 90 Zimbabwe se regering het na bewering uitsettingsbevele aan minstens 90 begunstigdes gestuur wat plase ingevolgde die omstrede grondhervormingsprogram ontvang het. Die mense wat plase suidwes van Harare ontvang het, moet dit binne drie maande ontruim. Geen redes is gegee waarom hulle afgesit word nie. Intussen was daar ook berigte dat die regering sommige wit kommersiële boere vir “strategiese boerderye” wil behou. —…

Het mnr. Pravin Gordhan, Minister van Finansies, genoeg gedoen om die kredietgraderingsagentskappe tevrede te stel? Was hy duidelik genoeg oor Suid-Afrika se vooruitsigte vir ekonomiese groei? Gaan staatsbesteding genoeg ingeperk en die chaos by staatsbeheerde ondernemings daadwerklik aangepak word? Die begrotingstekort is wel skerp ingeperk, met byvoorbeeld maatskaplike besteding wat onder inflasie gehou sal word. Belasting is ook nie uitermatig verhoog nie in ’n poging om verbruikersbesteding nie te knou nie. Maar die radikale voorstelle oor hoe die ekonomie hervorm sal word om ekonomiese groei op lang termyn te verseker, het ontbreek. Ten minste lyk dit of die staat anders oor die ekonomie dink as net ’n paar maande gelede. Die private sektor word nou as ’n noodsaaklike vennoot beskou. Die reaksie van die kredietgraderingsagentskappe op Gordhan se toespraak was…

MNR. DIEDERIK VAN PLETZEN boer op die plaas Kranskop, Jamestown, met Merinoskape en vleisbeeste. Op bl. 42 vertel hy hoe medeboere hom en sy gesin ondersteun het nadat die helfte van sy veld verlede jaar afgebrand het, gevolg deur dié somer se droogte. VERTEL ONS VAN JOU FAMILIE. Ek is met Sandra getroud en ons het vier kinders. Hulle is Andri (20), DJ (15), Petro-Mari (12) en Janco (11). Ek is die jongste van vier kinders. My broer, Jannie, boer langs my. Hendrik is tegniese bestuurder by Voermol en my suster, Elsabe, bly in Bloemfontein. WAAR HET JY SKOOLGEGAAN? Hoërskool Sentraal in Bloemfontein. Ná my diensplig by 1 SAI in Bloemfontein het ek ’n werktuigkundige kursus van ses maande aan die Bloemfonteinse Technikon voltooi voor ek in Julie 1986 saam…

DIE georganiseerde landbou het na afloop van verlede week se begrotingsrede sy kommer uitgespreek dat die Regering nie die erns van die droogte besef nie. Mnre. Omri van Zyl, uitvoerende hoof van Agri SA, en Louis Meintjes, voorsitter van TLU SA, het gesê die droogte moes ’n voorrangkwessie binne die begroting gewees het. Ondanks mnr. Pravin Gordhan, Minister van Finansies, se versekering in ’n onderhoud met die SABC ná sy begrotingsrede dat daar genoeg geld vir die droogte in die stelsel beskikbaar is, sê Van Zyl daar kon teen dié tyd al baie meer hulp vir die boere gewees het. Gordhan het gesê ’n interministeriële komitee bepaal behoeftes en aanpassings kan ook in Oktober se mediumtermyn-begroting gemaak word. “Ons wil nie nou bedrae bekend maak nie, want dit kan die…

VELDBRANDE Wegholbrande of ongeluksvure kan die huidige benarde toestande in ramptoestande verander. Gebiede waar die veld gebrand het, verkeer prakties reeds in ’n uiterste droogte. Maak doeltreffende brandbane, veral langs paaie en rondom woonkwartiere en ashope. Paaie is nie goeie vuurbreke nie, want die padoppervlak is glad en kole word maklik deur die wind oorgewaai. Vuur sprei ook deur stormwaterpype. Veldbrande onderdruk grasproduksie vir sowat twee groeitye. Die veld moet dus minstens een groeityd ná ongeluksbrande en minstens een groeityd voor ’n beplande brand rus. BESTUURSPRAKTYKE Die produksie en reproduksie van beeste is gewoonlik swakker tydens droogtes en diere word makliker siek. Die omvang hang af van hoe ernstig die droogte is. Lakterende koeie, laat dragtige verse en speenkalwers is die kwesbaarste vanweë hul hoër voedingsbehoeftes. ’n Goeie begrip van…

DIE reën vir vanjaar was laat en gesaaides is laat geplant. Die meeste boere het ook veel later as gewoonlik hul graan begin verskans. Dus is die oorspronklike sluitingsdatum van die BVG-verskansingskompetisie uitgestel. Een oogmerk met dié kompetisie is juis om dit so na aan die werklikheid as moontlik te maak. Die oorspronklike sluitingsdatum was 19 Februarie vanjaar, maar weens die laat jaar is besluit om dit tot 12 Maart uit te stel. Daar is dus nog ’n kans om daarvoor in te skryf. KOMPETISIE Die doel van die kompetisie is om boere en belangstellendes meer vertroud te maak met die gebruik van afgeleide instrumente op die Johannesburgse Sekuriteitebeurs (JSE) om risiko’s mee te bestuur. Die prysgeld is R45 000. Die borge is BVG, BKB GrainCo, Landbou.com en die JSE.…

WAT IS DIE PMA? Dit is ’n internasionale handelsorganisasie wat die varsprodukte-waardeketting verteenwoordig. Dit het 2 500 lede in 40 lande, waarvan 53 Suid-Afrikaanse maatskappye is en 13 internasionale maatskappye met ’n teenwoordigheid in Suid-Afrika. JOU POS IS NUUT -WAT BEHELS DIT? Om ’n bemiddelaar te wees om die PMA in Suid- en uiteindelik Suider-Afrika te laat groei tot ’n selfonderhoudende entiteit. WAT IS DIE SEKTOR SE GROOTSTE UITDAGINGS? Die grootste is die gebrek aan een gesamentlike visie vir die toekoms. Daar is nie vertroue tussen belanghebbendes, rasse en klasse nie. Die volgende uitdaging is grondhervorming – nie die begrip nie, maar die manier hoe dit as politieke speelkaart gebruik word. Dit skep onrealistiese verwagtinge en onsekerheid wat voorkom kon word as die oorspronklike plan net toegepas was soos dit…

DIE Kommissie vir Internasionale Handelsadministrasie (ITAC) ondersoek die invoer van hoenderstukke aan die been uit die Europese Unie (EU). Dit volg op ’n aansoek deur die Suid-Afrikaanse Pluimveevereniging (SAPV) dat maatreëls ingestel moet word om die plaaslike bedryf daarteen te beskerm. Mnr. Kevin Lovell, uitvoerende hoof van die SAPV, sê sedert die vryehandelsooreenkoms met die EU in werking getree het, het die EU se aandeel in die hoeveelheid ingevoerde hoenderstukke aan die been van minder as 1% tot tussen 80% en 90% gestyg. Die ooreenkoms vir handel, ontwikkeling en samewerking (TDCA) tussen Suid-Afrika en die EU maak voorsiening vir beskermingsmaatreëls indien die invoer van landbouprodukte van een party “ ’n ernstige versteuring” in die mark van die ander party veroorsaak of dreig om te veroorsaak. Die SAPV sê só ’n…

AGOA, oftewel die Amerikaanse wet op groei en geleenthede, bied aan Suid-Afrika en ander Afrikalande miljarde rande se tariefvoordele, ingevolge waarvan bepaalde produkte mededingend na Amerika uitgevoer kan word. Wêreldhandel is egter besig om te verander, sê me. Florie Liser, Amerika se assistent-handelsverteenwoordiger belas met Afrika. Lande en streke sluit toenemend met mekaar handelsooreenkomste wat wye voordele vir die lande bied. Teen dié agtergrond krimp Agoa se voordele. Só het Amerika onlangs die Trans-Pacific Partnership (TPP) met 11 ander lande gesluit, en die land onderhandel tans met die Europese Unie (EU) oor die Transatlantic Trade and Investment Partnership (TTIP). Volgens Liser verteenwoordig dié twee ooreenkomste saam 70% van wêreldhandel. Dit kan Suid-Afrikaanse produkte, ondanks hul Agoa-voordele, hul vergelykende voordele op die Amerikaanse mark laat verloor. Amerikaanse sakelui meen egter terselfdertyd…

VAN hoë tegniese toerusting, beter hommeltuie en wildbewaarders wat leuenverklikkertoetse moet ondergaan, is van die Regering se planne om renosterstropery te bekamp. Die Parlement se portefeuljekomitee vir polisie het eerstehands van die Suid-Afrikaanse Polisiediens, Sanparke en die Valke gehoor hoe renosterstropery beveg word. Lt.genl. Khehla Sithole van die Valke het gesê dat Denel genader is om te sien of beter hommeltuie vir teenstropingsoptrede beskikbaar gestel kan word. Dit kom nadat hommeltuie wat voorheen in die Krugerwildtuin getoets is, nie goeie resultate gelewer het nie. Afgevaardigdes sal nou in Kenia gaan kyk na die tegnologie wat daar gebruik word om dié land se diere teen stropers te beskerm. Die hommeltuigprojek wat Kenia begin het, het goeie resultate opgelewer toe dit in ’n groot bewaringsgebied ingestel is en stropery in die gebied…

’n Suid-Afrikaanse planteteler wat deesdae in Amerika werk, se nuuskierigheid oor vierhoring-Damara-skape het daartoe gelei dat ’n belangrike genetiese raaisel oor hierdie verskynsel nou ontrafel is. Dr. Ockert Greyvenstein se belangstelling is al 13 jaar gelede as voorgraadse student aan Tukkies geprikkel toe hy ’n kort promosie-artikel (“Damaras met vier horings gewilde trofeë”) in Landbouweekblad van 3 Oktober 2003 gelees het oor hoe gesog die vierhoring-Damaras onder trofeejagters is. Hy het dit só interessant gevind dat hy kort daarna ’n ram en ’n paar ooie vir homself aangeskaf het en met die troppie op sy ouers se kleinhoewe buite Rayton begin boer het. Hy het intussen na Amerika verhuis, waar hy verder in genetika gestudeer het en tans as sierplantteler vir ’n saadmaatskappy werk. Sy Damaras tuis het egter vir…

As dit nie reën nie, kan boere nie plant nie en is daar vir niemand kos op die tafel nie. Die huidige droogte is seker een van die droogste die afgelope 30 tot 40 jaar en dat die oesverwagting skraal sal wees, is, soos Langenhoven gesê het, ’n feit soos ’n koei. Op 27 Januarie het die Oesskattingskomitee sy eerste oppervlakteskatting gedoen en verras met ’n oesskatting vir die 2015-’16-oesjaar. Dit word met aanplantings die afgelope 35 jaar vergelyk en die komitee kyk na moontlike oesverwagtings. Daar is al gemeld dat plantverbetering en vernuwing in boerderytegnieke daartoe gelei het dat meer mielies per oppervlakte geoes word. Dit het gelei tot ’n afname in die oppervlaktes aangeplant, soos in GRAFIEK 1 getoon. ÁL MINDER MIELIES AANGEPLANT In die 1980’s was daar…

Boomvrektes het vrugteboere nog altyd hoofbrekens besorg, maar sedert 2012-’13 vrek buitengewoon groot dele van boorde – selfs hele boorde. Franschhoek, Simondium, die Paarl, Wellington, Ceres en Worcester loop die ergste deur. Die probleem het só ernstig geword dat ’n spesiale inligtingsdag by Simondium buite Stellenbosch deur Hortgro Science vir bekommerde steenvrugboere gehou is. Die vrugtekundige prof. Piet Stassen sê die terugsterwing van steenvrugbome kan toegeskryf word aan ’n kombinasie van faktore wat stremmend op bome inwerk. “As bome stres ervaar, is hulle baie gevoelig vir die verspreiding van besmettings wat vrektes teweeg kan bring.” Volgens Piet behoort daar geen vrektes voor te kom indien alles tydens die vestiging van ’n nuwe boord reg gedoen is nie. “As daar wel mettertyd 6% tot hoogstens 10% vrektes in ’n ‘gesonde’ boord…

R159 000 BTW INGESLUIT HOUTKAPPER ONTBOS JOU PLAAS MET DIÉ TOERUSTING Basta met bosverdigting. Razorback Bush Clearing Equipment bied nou ’n stelsel aan waarmee ’n gebied ontbos, die takke bymekaargemaak en die hout gesny kan word. Die Razorshear-snytoestel (op die foto) het ’n snywydte van 1,5 m. Dit kan voor aan enige glystuurlaaigraaf met ’n werkverrigting van 30 kW, soos ’n Bobcat, of ’n trekker met ’n hidrostatiese ratkas gekoppel word. Die toestel kan bome met ’n deursnee van tot 15 cm baasraak met ’n snyverrigting wat tien keer vinniger is as ’n kettingsaag. Dit kan ook in die grond in sny en in ’n klipperige gebied werk. Mnr. Donovan Ritchie van Razorback voer ook die Branson 5825H in, ’n trekker van 37 kW met ’n hidrostatiese ratkas. ’n Bykomende…

KOMBUISWENK Die tert is heerlik as nagereg. Bedien dit dan louwarm met ’n skeppie goeie vanieljeroomys, geklopte room of ’n lepel brandewynvla bo-oor. Sjokoladepeertert Sjokolade pas wonderlik by herfs- en wintervrugte. Die lekker tert is so min moeite om te maak, jy hoef nie eens deeg aan te maak en uit te rol nie! ■ 2 pakkies (100 g elk) gemaalde amandels ■ 60 ml kakao ■ 125 ml strooisuiker ■ 125 g sagte botter ■ 3 ekstragroot eiers ■ 10 ml vanieljegeursel ■ 30 ml brandewyn ■ 3 kleinerige, ryp pere Voorverhit die oond tot 180 °C en smeer ’n 23 cm-tertbord met botter of spuit met kleefwerende kossproei. Sit die amandels, kakao, strooisuiker en botter in ’n mengbak en klits dit goed tot geroom. Voeg die eiers, vanieljegeursel…

’N BRIEFIE MET ’N BOODSKAP DS. KOBUS VAN DER WESTHUYZEN Die brief van Paulus aan Filemon is waarskynlik een van die kortste geskrifte wat in die Bybel opgeneem is. Dit bied ’n mooi voorbeeld van regstellende aksie – ’n handeling wat só voortreflik plaasvind dat dit dien as ’n boodskap wat tot vandag toe sy trefkrag behou. Dié kort briefie vertel die verhaal van ’n slaaf, Onesimus, wat sy eienaar in die steek gelaat het. Hy’t weggeloop nadat hy dalk eers gesteel het. In Rome moes hy weer ’n oortreding begaan het, want as ons weer hoor, is hy in die tronk. En dis waar iets sou gebeur wat sy hele lewe sou verander. Hy ontmoet Paulus, wat ook ’n gevangene is (om ’n heeltemal ander rede). Dit moes Onesimus…

SKERP DALINGS IN SIGOREIBEDRYF DIE voortslepende droogte is besig om die hart uit die plaaslike sigoreibedryf te ruk. Mnr. Loddie Greyling, landboukundige van Sigorei Suid-Afrika, sê die bedryf het ondanks goeie reën in November verlede jaar ’n ongekende afswaai bereik. Alle geroosterde sigoreiprodukte in Suid-Afrika word binne ’n radius van 200 km van Alexandria in die plaaslike munisipaliteit Ndlambe in die Oos-Kaap verbou. Die sigoreibedryf beslaan ’n groot gebied vanaf Patensie in die weste tot by Peddie in die ooste en Kookhuis in die noorde. Altesame 96% van die geroosterde sigorei word deur Sigorei Suid-Afrika aan koffiemaatskappye bemark. Greyling meen indien genoeg reën gedurende Maart val, sal oeste in ’n mate verbeter. Landbouweekblad het verlede jaar berig dat die Suid-Afrikaanse sigorei-oes nagenoeg 18 000 ton sou beloop. Vanjaar is die…

GAUTENG CARLETONVILLE MODDERFONTEIN (445), 262 ha, aan A.C. en H.J. Theron, van P.F. van Coller, R300 000. KATDOORNBOSCH (138), 172 ha, aan Potch-landboudienste BK, van Elite Bouine-beleggings (Edms.) Bpk., R1 896 070. OORBIETJESFONTEIN (569), 287 ha, aan M.M.J. Bekker, van A.M.P. en W.H. Barnard, R3 500 000. NIGEL RIETVALEI (195), 73 ha, aan Era Bricks (Edms.) Bpk., van W.J. Hoffman, R7 980 000. (R109 315/ha) PRETORIA HARTBEESTFONTEIN (240), 21 ha, aan E.C. en W.B. Louw, van H.A. en L. Kreulitsch, R1 450 000. (R69 047/ha) LEEUWFONTEIN (299), 16 ha, aan Jacaranda-familietrust, van L.J. van der Merwe, R1 400 000. (R87 500/ha) DOORNRANDJE (386), 114 ha, aan Drift Supersand (Edms.) Bpk., van Group Fivekonstruksie (Edms.) Bpk., R8 500 000. (R74 561/ha) KAMEELZYNKRAAL (547), 88 ha, aan R.C. & L. Uys-trust, van…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, e-pos: lbw@landbou.com. ALGEMEEN 1 SEPTEMBER 2015-29 FEBRUARIE: Gabriëlskloof se kosblik-ervaring. Gabriëlskloof-landgoed, Botrivier. Tel. 028 284 9865 of e-pos: restaurant@gabriels.kloof.co.za. 2 MAART: Broodsnyersplaasboerevereniging se Groendag. Plaas Roodepoort van Sancorboerdery. 10:00. R50 hekgeld ten bate van Agri SA-Rampfonds. Sel 082 490 8912, e-pos: jannie schoeman.sancor@gmail.com. 16 MAART: Bonsmara-genootskap SA se Rooi Geleentheid. Afridome, Parys. Tel. 051 448 6084; e-pos: marketing@bonsmara.co.za. 18-19 MAART: Plaaskultuurfees, demonstrasies van antieke landboutoerusting, bees- en skaapstoetery-uitstalling. Clocolan. Valencia, sel 082 775 1675, e-pos: vpieterse@vodamail.co.za. 30 APRIL-2 MEI: Agri-Expo Kaasfees, Sandringham, Porchia Adams, tel. 021 975 4440, sel 082 441 2510. Agri-Expo, tel. 021 975 4440; e-pos: admin@agriexpo.co.za; Yolandi de Wet, sel 082…

Min. Pravin Gordhan het verlede week bevestig dat grondhervorming steeds ’n bysaak gaan wees vergeleke met ander Regeringsprogramme. Die beskikbare geld wat beskikbaar is vir grondhervorming – die koop van grond, die besoldiging van amptenare, die aanstel van konsultante, die betaling van mentors, die bou van infrastruktuur en talle ander bedrywighede – maak maar 0,4% van die nasionale begroting uit. Selfs sonder om inflasie in te reken, is dit duidelik dat daar in die afgelope ses jaar ’n dramatiese daling in toekennings vir grondhervorming was en dat die piepklein toename in geld vir restitusie sedert verlede jaar glad nie ’n herstel is nie. By nadere ondersoek is dit duidelik dat baie van vanjaar se 8,2% groei vir restitusie sal gaan vir meer personeel in die reeds oorlaaide Kommissie vir die…

WINGERD ’nEgSuid-Afrikaanseopleistelselwatbedinkisop’n14uurlange terugvlugvanAustralië,hetditvirdieontwerperdaarvan,mnr.Hannes ErasmusvanRobertson,moontlikgemaakomvollediggemeganiseerd metwingerdteboer.Hannesbehaalpuikopbrengsteensydruiwese gehalteisuitstekend. ARTIKELS & RUBRIEKE ■ Groot reën bring uitkoms ■ ’n Nuwe ‘Era’ vir wynopleistelsels ■ ‘Verskans jou teen boerderyrisiko’s’ ■ Beplan, beplan en beplan weer ■ Piet Karsten soos pa vir sy werkers ■ Só begin jy boer met vee ■ Nuwe werktuie gee hooimaak woema ■ Boereplan: Jan Knaphand bou plaas vol werktuie GESIN ■ Boerekos: Songebakte, soet genot…

“Help ons om grond in die kommunale gronde vir die produksie van mielies in te span,” het mnr. Jannie de Villiers, uitvoerende hoof van Graan Suid-Afrika, in die Parlement gepleit. Hieronder is van die kommentaar op die berig: SAAIBOER skryf: Graan SA, ek dink u stelling dat daar genoeg kos ingevoer sal word, is baie braaf en dalk nie die volle waarheid nie. U werk nog op die vorige maand se syfers. Het u gesien hoe het mielies wat laas maand nog goed gelyk het, verlede week begin vrek? Kommunale grond en bestaansboere gaan nie ’n bloue duit tot voedselsekerheid bydrae nie. Indien u dit glo, is u absoluut oningelig. Die probleem met hoofmanne is dat hulle in die ANC se hand gehou word, hulle kry geld van die staat…

KLEM OP VERWERKING, NOP EN BETER GRENSE VERWELKOM Voorste landbou-ekonome het by Absa Agri-Besigheid se bespreking van die begrotingstoespraak ’n nuwe rigting vir die ekonomie en meer vennootskappe tussen die staat- en private sektor verwelkom. Dr. Langa Simela en mnr. Wessel Lemmer, albei van Absa AgriBesigheid, dr. John Purchase van die sakekamer Agbiz en prof. Ferdi Meyer van die Buro vir Voedsel- en Landboubeleid (BFAP), het die volgende uitgelig. Voedselverwerking Gordhan het ’n paar keer daarna verwys en Meyer het gesê dit is die eerste keer wat soveel klem op voedselverwerking geplaas is. Volgens Purchase besef die Departement van Handel en Nywerheid nou hoe belangrik voedselverwerking is. “Ons sal voortdurend met hulle daaroor gesprek voer. Dit is nodig om die planne nou ’n werklikheid te maak.” Droogte Mnr. Pravin Gordhan,…

IN droogtegebiede raak kontantvloei vir veral veeboere nou ’n probleem. Dit word vererger deur die feit dat voer, veral ruvoer, ál skaarser en duurder raak. Mnr. Dawie Maree, hoof van inligting en bemarking by FNB Landbou, raai boere aan om so gou moontlik met hul banke kontak te maak om planne daarvoor te beraam. “Banke en ander instellings is nie onwillig om boere waar nodig te help nie. “Banke kan na onder meer herstrukturering en/of die konsolidasie van skuld kyk, asook na moontlike kapitaalmoratoriums. “Elke situasie sal natuurlik verskil en die planne moet pasgemaak word sodat dit vir die boer die moeite werd sal wees. “Dit moet ook binne die toepaslike regulatoriese omgewing aangepas kan word,” sê Maree. BEGROTING In ander bedrywe as die veebedryf is kontantvloeiprobleme nog nie so…

TEN spyte van neerslae wat die afgelope weke uitgesak het, glo ontleders daar is nog bulkrag in die Suid-Afrikaanse graan- en oliesaadmarkte vanweë ’n steeds voortslepende droogte oor groot dele van die produksiegebied. Alle grane op die JSE se Safex-beurs is drasties duurder as ’n jaar gelede. Wit mielies se naaste maand-kontrakprys was teen verlede week steeds amper dubbeld so hoog as in Februarie laas jaar. Kort op dié gewas se hakke was die sorghumprys, wat by die 70% hoër was, en in die derde plek die sonneblomsaadprys (52% hoër). Geel mielies was 47% duurder, sojabone ’n derde op sedert ’n jaar gelede, en die koringprys amper ’n kwart hoër. Bykans al die Safex-pryse het die afgelope maand afwaarts of sywaarts beweeg namate al hoe meer berigte van reën die…

1 NAMIBIË |Goedkoop bees, duur hoender Hoewel Namibiërs minder as Suid-Afrikaners betaal vir beesvleis, lamsvleis en ingemaakte vis, betaal hulle meer vir suiwelprodukte, mieliemeel, eiers, pasta, varkvleis, koekmeel en hoendervleis. Vir hoender betaal hulle omtrent 30% meer as Suid-Afrikaanse verbruikers. Die Namibiese handelsforum (NTF) hou sedert 2013 boek van kleinhandelspryse vir plaaslik vervaardigde produkte wat ’n mate van regeringsteun geniet om die doeltreffendheid van dié steun te bepaal. Volgens die NTF word die hoë prys van hoender toegeskryf aan die feit dat dié land ’n netto invoerder van voer is en dit 60% van die produksiekoste behels. Die suiwelbedryf is ook onder druk omdat die speelveld tussen Namibië en Suid-Afrika, volgens die NTF, nie gelyk is nie. Namibië laat nie groeistimulante en middels wat melkproduksie stimuleer, toe nie, terwyl dit…

MNR. Danie de Wet, een van die pioniers in die plaaslike wynbedryf, is die ontvanger van ’n gesogte prys, wat gepaardgaan met die pars van die eerste druiwe in 1659 in Suid-Afrika. De Wet van Dewetshof, Robertson, is op die Wynoes-herdenking by Groot-Constantia in Kaapstad vereer met die 1659-erepenning vir sy bydrae tot die wynbedryf in Suid-Afrika. Dié geleentheid is ’n jaarlikse instelling en vind plaas op die herdenking van die eerste pars van wyndruiwe wat Jan van Riebeeck op 2 Februarie 1659 aangeteken het. Die eerbewys is aan De Wet toegeken juis op Groot-Constantia, die landgoed waar Van Riebeeck die eerste druiwe in Suid-Afrika geoes het. De Wet is een van die pioniers in die wynbedryf in Suid-Afrika en op dié luisterryke geleentheid by Groot-Constantia het die wynbedryf hulde…

SUID-AFRIKA voer sowat 75% van sy houtprodukte, houtpulp en papier uit na lande, soos Japan, China en ander Oosterse lande. Die waarde van Suid-Afrika se totale uitvoer het verlede jaar ’n rekord R26,3 miljard beloop, terwyl die land ook ’n rekord van R21,5 miljard se totale invoer aangeteken het. Die handelsbalans vir die totale houtbedryf het dus ’n positiewe R4,8 miljard beloop (sien GRAFIEK 1 ). Die in- en uitvoer van houtprodukte het met verloop van tyd beperkte groei getoon, terwyl die uitvoer van houtpulp en papier ’n skerp toename vanaf R5,7 miljard in 2005 tot R19,9 miljard verlede jaar aangeteken het (sien GRAFIEK 2 ). Bedrywe, soos die houtbedryf, verdien dus goeie buitelandse valuta en bevorder ’n sterker rand. NEIGINGS Die toekomstige wêreldvraag na hout neem toe en val…

GEBORE TELER Sy oupa het hom al voor skool van bestuiwing geleer, en sy pa, John, is ’n genetikus wat in sy grootwordjare op hul kleinhoewe met honde geteel het. Genetika (erflikheidsleer) is dus nog altyd dr. Ockert Greyvenstein se passie. Benewens die honde was daar ook ’n groot tuin, en sy eerste Damaras het hy al op hoërskool aangeskaf. Hy sê daar is steeds ’n klein troppie op die hoewe, en sy skape is sy eerste stilhouplek as hy tuis gaan kuier Ockert het ná grade in biotegnologie en genetika aan die Universiteit van Pretoria verder in Amerika gaan studeer. Hy het aanvanklik aan die Universiteit van Cornell gewerk en toe sy doktorsgraad aan die Texas A&M-universiteit behaal. Deesdae werk hy as ’n teler vir die maatskappy Ball Horticulture.…

Wêreldwyd heers dramatiese ongelykheid tussen lande wat die skadelikste kweekhuisgasse produseer en dié wat die kwesbaarste vir klimaatsverandering is. Suid-Afrika en sy buurlande is perfekte voorbeelde van dié bevinding deur navorsers van Australië se Universiteit van Queensland en Wildlife Conservation Society. Hul ondersoek wys die lande wat die meeste kweekhuisgasse vrystel, is – ironies genoeg – die minste uitgelewer aan die gevolge van klimaatsverandering, soosálmeernatuurrampe,veranderende habitatte en gesondheidsgevare. Amerika loop ’n lae risiko om teen 2030 deur klimaatsveranderinggeraakteword,hoeweldit eenvandiegrootbesoedelaarsis,enin2010die ekwivalent van 6,254 megaton koolstofdioksied (mtCO2e) in die atmosfeer vrygelaat het. Hierteenoor word Suid-Afrika se risiko om deur klimaatsverandering geraak te word, matig, hoewel ons net 459 mtCO2e vrylaat. Ons bure se risiko’s weens klimaatsverandering gaan ál groter word, meen die navorsers. Die risiko’s vir Zimbabwe, wat net 58 mtCO2e kweekhuisgasse…

WAT WAS JOU BESTE BESLUIT OOIT? Om dadelik ná my diensplig te kom boer. Dít wat ek by my pa geleer het, kon geen universiteit my bied nie. WAT SOU JY ANDERS WOU DOEN? Ek sou vroeër ’n bepaalde soort Merino wou kies – een wat vir my die meeste geld in die sak bring hier waar ek boer. JY IS GAANDE OOR BLUP. HOE HET DIT JOU GEHELP? Ons was van die eerstes om daarmee te begin en dit het ons baie gehelp met die seleksie van produktiewer diere. Akkurate inligting is van onskatbare waarde as dit reg aangewend word. Ongelukkig slaan die meeste kommersiële boere dit nie baie hoog aan nie. EN WAT VAN GENOMIKA? Dit is die volgende stap, maar ek meen daar is nog baie werk…

Prof. Piet Stassen sê soortgelyke boomvrektes kom ook in ander lande voor. In Suid-Carolina in Amerika kom die “perske-kortleeftydsindroom” voor. Perskebome verwelk en vrek skielik net nadat die bome geblom het, sowat drie jaar nadat dit geplant is. ’n Kombinasie van toestande veroorsaak dit, waaronder koueskade, bakteriese kanker (Pseudomonas), stamkankers (Cytospora), ringaalwurm, herplanting en sandgrond. Bakteriese kankerkompleks kom veral in die Amerikaanse deelstaat Kalifornië, Frankryk en Nieu-Seeland voor, waar knop-, loot- en takterugsterwing van jaar twee tot jaar ses voorkom. Onder die bas kom ’n rooi of bruin verkleuring voor. Suiers groei uit die wortels en ’n suur sapreuk word afgeskei. Gifstowwe word afgeskei. Veral perske- en amandelhibriedes is vatbaar vir die siekte. “Bakteriese kanker is dus wêreldwyd ’n probleem wat boomvrektes kan veroorsaak,” sê Piet. Swamsiektes word ook al…

DWARS 5. Geitjie (5) 7. Denkbeeldige lyn wat plekke met gelyke lugdruk by die see verbind (7) 8. Barlewiet (5) 9. Skrywer, . . . Levin (3) 10. Fop (3) 11. Aanvoerder (5) 12. Vrug van jenewerstruik (13) 15. Adellike titel (5) 16. Toeganklik (3) 18. Gistende druiwesap (3) 20. Woede (5) 22. Reuse-dier (7) 23. Gesagsimbool (5) AF 1. Karibiese land (5) 2. Planteryk (5) 3. Mitiese monster (5) 4. Fransmadam (13) 5. Veroorloof (3) 6. Gril (7) 11. Ongevulde (3) 13. Kunsmatige verdowing (7) 14. Gegiste druiwesap (3) 17. Diep nadink (5) 18. Kat se skreeu (5) 19 Sitroen (5) 21 Weiering (3) OPLOSSING DWARS: 5. Gekko; 7. Isobaar; 8. Nepal; 9. Ira; 10. Kul; 11. Leier; 12. Jenewerbessie; 15. Baron; 16 Oop; 18. Mos; 20. Toorn; 22.…

KOOLPRYS-LOPIE KAN FUT VERLOOR DIE prys van kool kan in die komende weke effens verder styg, maar dan sywaarts beweeg, meen die markontleders van Absa en FNB se landbouafdelings. Soos die pryse van bykans alle gewasse, soos wortels, uie, aartappels en tamaties, het dié groente se prys sedert Oktober verlede jaar ook skerp gestyg namate die rekorddroogte sy wurggreep bykans landwyd verstewig het. Terwyl dit in Oktober nog van R2 000/t tot R3 000/t verhandel het, het dit in die middelsomer die R4 560vlak verbygesteek. Teen middel Februarie was die prys van kool rondom R4 600/t. Dit is amper 60% duurder as in die ooreenstemmende tyd ’n jaar gelede. Die volumes wat toe gelewer is, was net meer as 15% minder as dié van die jaar vantevore. Mnr. Paul Makube,…

Mnr. Paul Joubert, senior ekonomiese navorser by die Solidariteit-navorsingsinstituut (SNI), het voorspel dat petrolpryse op 2 Maart stewig sal daal, maar die dieselprys sal styg. Gegrond op die oorverhaling ’n week gelede het hy bereken dat die petrolprys op 2 Maart met sowat 70c/ℓ kan daal en die groothandelsprys van diesel met sowat 17c/ℓ kan styg. “Die rand was in Februarie gemiddeld ietwat sterker (R15,90) teenoor die dollar as in Januarie (R16,35) en die internasionale prys van grootmaatpetrol was ook laer. Internasionaal het grootmaat-diesel egter van Januarie tot Februarie duurder geword. Joubert sê die kleinhandelsprys van petrol en die groothandelsprys van diesel word maandeliks in Suid-Afrika aangepas na gelang van die vorige maand se internasionale pryse in dollar, wat dan in rand omgeskakel word. Die prys van olie speel nie…

NEIGINGS BEEFMASTER BASTERKRAG, GEHARDHEID LAAT BEEFMASTER GEDY ’nKoeimetkalfwatR107000behaalhet, telonderdieBeefmastersseuitstekendeprestasiesdie afgelopeveilingtyd. DiékoeiisopdieBosBlanco-veilingvandiebekendebeesteler-broersBurnieenDennis StaalvanKroonstadverkoop. Altesame13stoetbulleisookop diéveilingverkoop,waarvandie duursteR81000wasendiegemiddeldebulprysnetminderas R30000stuk. DierasseduurstebuldieafgelopeseisoenhetR270 000behaal. Ditwaseenvan59stoetbullewatopWOBeefmasterby Vredeseveilingaangebiedis.Hul gemiddeldebulpryswasnetonderR60000. Mnr.ConnievanVuuren,voorsittervandietelersgenootskap, skryfhulgoeieveilingprysete middevandieergedroogteaan dierassegehardheidopdieveld engewildheidvirkruistelingtoe. Hysêverledejaarwasbaie goedvirdieBeefmasters.Diebul vanR270000isjuisnieaan’n stoettelerverkoopnie,maaraan ’nkommersiëlebeesboerwat speenkalwersteel. Tallevandiekoeiebehaalsulkegoeiepryseomdathullesaam metgoeiebulkalwersverkoop word,sêhy. VEILING VA N DIE WEEK BLOEMFONTEIN / DORMER / R47 500 Dié twee Dormerramme is op die nasionale veiling van die Dormer-telersgenootskap in Bloemfontein teen die hoogste prys van R47 500 stuk verkoop. Van links is mnre. Jan Mostert, afslaer, Johan Barnard, verkoper, van Lindley en me. Colene Grevelink, koper, van Petrusburg. Die koper van die ander ram was die Prime Trade-boerdery van Makwassie. Albei ramme het aan Barnard behoort. Altesame 48 ramme is teen gemiddeld R20 729 stuk verkoop – ’n besonderse prys in die droogtetyd. Altesame 27 ooie met lammers is teen gemiddeld…

MAART CARNARVON 3-5, Carnarvon-landbouskou, Slaglammers lewend en geslag, (Saalperd, Boerperd); Merino-veldskou; Dorper-veldskou; Melk- en Vleisbokskou; jeugskou; kraampies, e-pos: carnarvonskou@gmail.com; sel 083 485 0464, tel. 053 381 3808. SWELLENDAM 3-5, Swellendam-skou, (Vlaamse perd; Suid-Kaap Jersey), WP- kwalifiserende jeugskou . Elna Lamprecht, sel 082 495 5335, e-pos: swellendam.skou@gmail.com. ERMELO 3-5, Hoëveld-landboufees, Ermelo. Bernadine, sel 071 691 7747 hoeveldskou@gmail.com; perde, Jannie Jacobsz, sel 082 820 4706; perdespring en boeresport, Oubaas de Jager, sel 082 557 0200; beeste, Moolie Mentz, sel 083 229 2500; skape, Kobus de Jager, sel 083 320 8924; pluimvee, Chené Potgieter, sel 076 787 0954; skoukantoor, Maylene Novella of Berdine Botha, tel. 017 819 7202. HERTZOGVILLE 10-12, Hertzogvillelandboufees. Saalperd, Friesperd, Sarel Bornman, sel 072 268 3919; Angus, Brangus, Dexter, Brahman, R.C. Malherbe, sel 084 851 8262; Dorper, Vleismerino, Suffolk, Boerbok,…