Indholdsfortegnelse for 22-Apr-16 i Landbouweekblad

JAGLUIPERDS VERKIES WILDSVLEIS Navorsing wat pas gepubliseer is, laat blyk dat jagluiperds nie veediewe is nie. Dié bedreigde groot katte is ongewild onder veeboere en het ’n reputasie dat hulle skape en springbokke vang. Die Burger berig die jagluiperdkenner dr. Lorraine Boast van die Universiteit van Kaapstad het jagluiperds se mis ontleed en gevind dat hulle waterbokke bo springbokke verkies, en dat hulle liefs wild vreet, selfs in gebiede waar meer vee as wild is. SÊJOUSÊ Landbouweekblad wil weet watter kwessies boere op plaasvlak pla. Dit volg nadat mnr. Louis Meintjies, voorsitter van die TLU SA, ’n ruk gelede sy wens uitgespreek het vir ’n landwye opname oor watter kwessies boere op plaasvlak pla. ’n Opname onder lede van die TLU SA is gebruik om ons aanlynvraelys op te stel.…

Dit is goeie nuus dat die Tesourie die Departement van Handel en Nywerheid gevra het om die formules waarmee die koringtarief vasgestel word, te hersien. Dié formules het weinig verander sedert hulle in 1999 ingestel is, en hulle is waarskynlik nie meer gepas nie. Trouens, die koringsektor is al jare lank staties, en – tariewe ten spyt – het boere koring verruil vir winsgewender gewasse, soos soja of mielies. Gevolglik voer Suid-Afrika nou amper twee derdes van sy koring in, teenoor sowat 30% in 1999. As Suid-Afrika dus ernstig is oor voedselsekerheid, sal ons dit dalk moet heroorweeg of die tariewe hul doel dien en, indien nie, watter ander steun aan boere gebied kan word. Die groot vraag wat die tariefhersiening moet beantwoord, is wat dit ’n boer kos om…

ARTIKELS & RUBRIEKE ■ Leeftydproduksie is vir melkboer die kern ■ Wildboer met sy hart in die jagveld ■ Nóg Elitekoei-finaliste ■ Beste bulle ding om titel mee ■ Slim planne nodig om raaigras te tem ■ Boereplan: Bankskroef op wiele GESIN ■ Boerekos: Johnny onthou WILD Hoelangermnr.LukieSteenkampindiewildbedryfbetrokkewas,hoe meerhethybesefdatweidingvandeurslaggewendebelangisomindié mededingendeveldteoorleef.Metsyswartwitpenstroppefinansierhy ’nhelepaarwildebeesteelprojekteenhybesteeeweveelenergieaan diebewaringenverbeteringvangewonevlaktewild.…

KAAPSE VLAKTE FLOREER Met die puik groente en blomme wat op die Kaapse Vlakte gekweek word, het die grondprys van dié oënskynlik onvrugbare sandwêreld by Kaapstad die hoogte in geskiet en behaal dit tot R3 000 per morg (sowat R2 500/ha). Op die oog af is die Vlakte met Port Jackson- en rooikransbome oortrek. Tussen die bosse en sandduine kweek ’n handjie vol boere egter van die mooiste groente en blomme. Aanvanklik is hoofsaaklik blomme vir die Kaapse mark gekweek. Groente en blomme is veral aan smouse gelewer en die mark was nogal wisselvallig. Met die voltooiing van die nuwe Kaapse munisipale mark is die wisselvallige bemarking van groente grootliks uitgeskakel. Vir die Vlakte-boere is dit gevolglik nou betalender om groente te verbou. Die boere maak die meeste geld uit…

DIE eerste besending mielies uit Amerika is reeds op pad na Suid-Afrika, maar regulatoriese probleme met die invoer van sekere geneties gemodifiseerde (GM) mieliesoorte uit dié land is nog nie opgelos nie. Die Departement van Landbou, Bosbou en Visserye kan ook nie sê hoe lank dit gaan duur om dié probleem uit die weg te ruim nie. Dr. Julian Jaftha, hoofdirekteur vir plantproduksie en -gesondheid, sê daar word verwag dat die meeste van die mielies van Amerika ingevoer sal word, “maar daar is regulatoriese beperkinge wat nog gehanteer en opgelos moet word”. “Dit gaan oor verskille tussen wat Suid-Afrika goedgekeur het teenoor wat Amerika goedgekeur het. Ons is nie gesinchroniseer nie en daarom kan mielies nie ingevoer word nie,” het Japhta gesê. Hy het vrae oor die invoer van die…

■ ‘Ons heffings is wettig’ – Eskom ESKOM ontken dat enige van sy heffings onwettig is. Dít volg nadat mnr. Ted Blom, ’n voormalige werknemer van Eskom en raadgewer, in ’n vorige uitgawe van Landbouweekblad aangevoer het dat van Eskom se die heffings op boere se kragrekeninge onwettig is omdat dit nie aan ’n openbare deelnameproses onderworpe was nie. Mnr. Deon Conradie, senior bestuurder vir elektrisiteitspryse by Eskom, sê die Nasionale Energiereguleerder (Nersa) moet jaarliks Eskom se tariefstruktuur goedkeur. “Die ‘Skedule van die Eskom Standaardtariewe’ en enige ander spesifieke strukturele veranderinge, moet elke jaar deur Nersa goedgekeur word. Dié skedule sluit al die huidige heffings in en word goedgekeur ingevolge die Nasionale Energiereguleringswet (Wet 40 van 2004). As daar struktuurveranderinge is, moet dit ’n openbare deelnameproses volg voor dit deur…

SUID-AFRIKAANSE boere wat organiese suurlemoene vir die Europese mark verbou in ’n streek waar daar swartvlek voorkom, het besluit om ’n potensiële inkomste van R50 miljoen te laat vaar deur nie vanjaar organiese sitrus na dié winsgewende mark uit te voer nie. Dit volg op die Suid-Afrikaanse Sitruskwekersvereniging (SKV) se noukeurige ontleding van EU-lidlande se dossiere oor die 15 besendings sitrus waaronder daar verlede jaar vrugte gevind is wat met swartvlek besmet was. “Vier onderskeppings was op organies verboude sitrus, wat net een persent van ons uitvoer na Europa verteenwoordig,” sê mnr. Deon Joubert, spesiale gesant vir marktoegang en EU-sake by die SKV. Hy glo ’n deel van die potensiele inkomsteverlies wat dié organiese boere in die gesig staar, sal verhaal kan word deur hul produkte in ander lande, soos…

DIE Rooivleisprodusente-organisasie (RPO) is hoopvol oor die voorgenome hersiene dieregesondheidsregulasies vir die invoer van lewendehawe met buurlande wat na verwagting teen Julie vanjaar in werking sal tree. Dr. Pieter Prinsloo, die organisasie se nasionale ondervoorsitter, sê Suid-Afrika moet, soos sy bure, aan internasionale dieregesondheidsregulasies in die verhandeling van lewendehawe voldoen. Prinsloo het op ’n streeksaamtrek van die RPO en die Nasionale Wolkwekersvereniging (NWKV) op Zastron gesê mnr. Senzeni Zokwana, Minister van Landbou, Bosbou en Visserye, gaan volgende maand met bedryfsleiers vergader, waarna ’n memorandum van verstandhouding op presidensiële vlak onderteken sal word. Hy sê die departement en die RPO is eensgesind oor die uitreiking van beheerpermitte om die verspreiding van dieresiektes te voorkom. “Die bewering dat siektes, soos brucellose, nie in Namibië voorkom nie, is onwaar,” sê hy. “Ons doelwit…

AFRIKA – veral Zambië, Ethiopië en Tanzanië – en Kanada is goeie moontlikhede vir rooivleisboere wat oorsee wil uitbrei, sê mnr. Pierre Vercueil, die voorsitter van Noordwes-Agri. “Dit is uit en uit ’n sakebesluit wanneer jy dit oorweeg om jou boerdery oorsee te neem,” het Vercueil op ’n rooivleisboeredag op Christiana gesê. Hy het boere aangeraai om alle moontlikhede deeglik te ondersoek. “Jy moet eerstens besluit of jy na ’n Eerstewêreldof Derdewêreldland wil uitbrei. Albei opsies het voor- en nadele,” het Vercueil gesê. Hy meen daar wag groot geleenthede vir Suid-Afrikaanse boere elders in Afrika, al skrik Derdewêreldlande baie beleggers af. Hy sê Afrikalande wat polities stabiel is, en waar ’n nuwe regering onder ’n nuwe party nie tot grootskaalse veranderinge sal lei nie, bied aantreklike beleggingsmoontlikhede. HUURPAG “Vir baie…

BID, glo en doen – in daardie volgorde. Dít was die raad van ’n Langkloofboer op ’n Eersterivier-stranddienskamp in my jong dae toe ek hom oor sy sukses uitvra. Doen wat jy in geloof vra sodat jy geseën kan word. Ek het ’n paar ervare boerevriende uitgevra oor die doen-gedeelte en wat hul raad is aan medeboere wat ’n sukses van hul boerdery wil maak. Dié boere, wat elk meer as 40 jaar in hul eie boerdery betrokke is, het raad aan jonger boere wat weens die droogte onder druk gebuk gaan. LASTE Moenie ’n irrasionele besluit neem om byvoorbeeld ’n strandhuis te koop of nie-boerdery-verwante skuld aan te gaan nie. Dit is moeiliker om te spaar en daardie geld te gebruik om ’n strandhuis te koop. Waarom gaan jy…

Tans is daar sowat 28 handelsmerke vir veldvleis by die Suid-Afrikaanse Vleisbedryfmaatskappy geregistreer. Min het enige impak gemaak. Op ’n vraag oor hoe die Veldvleisvereniging van Suid-Afrika (GFASA) daarna sal streef om wel ’n impak te maak, sê mnr. Adrian Cloete: “Wat ons weet, is dat daar ’n toenemende aantal kleinhandelaars, groot en klein, is wat kennis geneem het van die opkoms van die kieskeurige verbruiker wat op veldvleis aandring. As daar tot 28 handelsmerke in hierdie verband is, bevestig dit die aanvraag. “Ons bevorder nie ’n spesifieke ras of handelsmerk of kleinhandelaar nie. Ons bevorder veld- en vryloopvleis in die algemeen. Ons impak sal afhang van die aantal boere wat glo in volhoubare produksiestelsels, tesame met die aantal Suid-Afrikaanse verbruikers wat begin vra vir veld- en vryloopvleis, asook die…

WAT IS JOU BESTE BOERDERYBESLUIT NOG? Om van ongewilde vrugtekultivars ontslae te raak, boorde met ’n lae produksie uit te haal, en tyd en geld te bestee aan hoë produksie en aanplantings. WAT IS DIE BESTE RAAD WAT JY NOG GEKRY HET? Die beste les is om te leer vrae vra. “Daar is nie so iets soos ’n swak vraag nie.” WAT IS JOU GROOTSTE PROBLEME? Vrugteboerdery is baie arbeidsintensief, en om my werksmag gelukkig, gemotiveerd en produktief te hou, is ’n daaglikse kwessie. EN DIE GROOTSTE GELEENTHEDE? Ek het onlangs ’n plakker gesien wat lui: GEEN BOERE = GEEN KOS. Daar is baie monde om te voed en dit skep ’n groot geleentheid vir ons as produsente.…

PLAASINLIGTING LIGGING: Ventersburg, Vrystaat NAAM: FUZ-BonsmarasopdieplaasHayfield GROOTTE: 4125ha EIENAARSKAP: Familieboerdery VERTAKKINGS: Sowat800kommersiëleenstoet-Bonsmaras,2000kommersiëleMerino’s;verbou 100hamieliesen100havoer GRONDTIPE: Sand/leem VELDTIPE: Rooigras;soetveldmetrantjiesenspruite GEMIDDELDE REËNVAL:550mmperjaar Die FUZ-Bonsmara-stoetery van mnr. Neels de Villiers het 27 jaar gelede uit 450 kommersiële basiskoeie en verse ontstaan en is in 2005 as ’n volwaardige stoetery geregistreer. Vandag spog Neels en sy seun, Rikus, met die koei wat dié ras in die Elite-kompetisie verteenwoordig. FUZ 040102 is ’n 12-jarige koei wat ná haar eerste kalf op bykans driejarige ouderdom jaarliks altesame nege kalwers grootgemaak het. Die retensie van haar nageslag is ook hoog, met agt gekeurde bul- en verskalwers wat in die stoetery opgeneem is. Sy het ook die nodige vroulike eienskappe met ’n wigvormige bouvorm en uierontwikkeling. Neels se ideale koei is ’n mediumraam-dier wat in die distrik Ventersburg se…

Die belangrikste aanbevelings van die n a s i o n a l e k u l t i -v a r w e r k g r o e p e n resultate van koringkultivar-evaluasie in die Wes-Kaap is die byvoeging van die nuwe kultivars SST 096 en SST 0127 tot die lys van amptelik aanbevole kultivars, die verwydering van die ouer kultivars Kwartel en Kariega van die aanbevelingslys en die feit dat twee nuwe kultivars, SST 0117 en SST 0147, vir die eerste jaar in die nasionale program met ouer kultivars vergelyk is. Met die veranderinge in die produksiepatroon oor die afgelope jare in die noordelike graanproduserende gebiede, lewer Wes-Kaapse boere sowat die helfte van die totale koringproduksie in Suid-Afrika. In ’n omgewing van stygende invoer van koring…

LIGGING Queenstown…

NIGERIË Die daling in oliepryse het ’n aansienlike impak op Nigerië se staatsinkomste gehad. Dit het egter ook die land die geleentheid gegee om na ander sektore te diversifiseer. Die Nigeriese naira sal vanjaar na verwagting waarde teen die Amerikaanse dollar verloor. KAKAO is Nigerië se belangrikste uitvoerproduk wat nie olieverwant is nie. Kakaopryse het verlede jaar met amper 20% gestyg en sal vanjaar na verwagting daal, maar steeds hoog bly. Met voortgesette steun van die regering sal Nigeriese produsente steeds voordeel trek uit kakaokultivars wat hoër opbrengste lewer, asook beter toegang tot kunsmis en plaagdoders. Groter belegging in afdelings met toegevoegde waarde in die kakaobedryf, soos maal en verwerking, sal help om volhoubaarheid op lang termyn te verseker. In Nigerië maak die koste van voer vir PLUIMVEEPRODUKSIE tot 70%…

Die prys van brassicas is steeds hoog en rolspelers in die bedryf voorspel dat die tekorte sal voortduur. Volgens mnr. Karl Gatmann, ’n boer van Kranskop in KwaZulu-Natal, is die huidige prys hoër as die normale hoë prys van brassicas dié tyd van die jaar. “Die droogte het alle brassica-boere in Suid-Afrika gedwing om minder te plant. Ek voorspel dus nie dat ons die tekorte vinnig sal uitwis nie.” Volgens Gatmann verkoop topbroccoli en -blomkool tans teen R8/kop en kopkool teen R10/kop. Hy meen dié pryse kan oor die volgende twee maande effens daal, maar voorspel dat nie een van dié drie sommer teen laer as R6/kop sal verkoop nie. Volgens mnr. Shaun Biggs, besturende direkteur van Sutherland Seedlings in KwaZulu-Natal, was die verkope van saailinge tussen Februarie en Maart…

HOLSTEIN GEHALTE BRING GOEIE PRYSE Holsteinkoeie,droogénindie melk,hetop’nveilingnaby Bronkhorstspruitgemiddeld R12060stukbehaal.Mnr.Gert Jordaan,veilingskoördineerder vanBKBLouwid,sêdiéhoëgemiddeldeprysisbehaaldanksy diegoeietoestandvandiebeestevanmnre. AndriesOelofseen Seun,vorigeeienaar. Jordaansêditwas’nveiling vankommersiëlemelkbeesteen niegeregistreerdebeestenie. Altesame127top-Holsteins isopgeveilweensdiebeëindiging vandiebetrokkemelkboerdery. Jordaansêmnr.CassieGrobler vanPretoriahetdiehoogsteprys vanR19000betaalvir’nkoeiwat varsindiemelkis. BKBhetoponlangsemelkbeesveilingsgoeieprysebehaal, selfsalismelkboereondergroot druk. “Kleinermelkboereervaardie produksiekoste-knyptangveel ergerasgrotermelkboere.Hulle vindditalhoemoeilikeromhul melkboerderyelewensvatbaarte bedryf.Grotermelkboeregeniet skaalvoordelewatdiekansom ‘oorlewing’verhoog.” Jordaansêteelmateriaalspeel ’ngrootrolinboereseaankoopbesluit.“ Genetiesmeerderwaardigedierebehaalhoërpryseop veilingsaangesiendaarvirspesifiekeeienskappe, sooshoërmelkproduksieenvrugbaarheid, geselekteerword.”…

18% Die koringprys maak 18% van die broodprys uit, volgens mnr. Jannie de Villiers, uitvoerende hoof van Graan SA. Hy het te kenne gegee broodpryse gaan heel waarskynlik in die nabye toekoms styg – nie weens die onlangse styging in invoertariewe nie, maar weens die stygende elektrisiteits- en brandstofprys. Hy sê invoertariewe is ingestel om Suid-Afrikaanse boere te beskerm nadat koringpryse wêreldwyd gedaal het. – eNCA 4 918 Die aantal boere wat tot nou toe baat gevind het by Agri SA se droogtefonds beloop 4 918. Hiervan is 678 kleinboere en 4 240 kommersiële boere. Altesaam 320 vragmotors is ingespan om die afgelope drie maande 10 000 bale voer en 10 000 sakke voerkorrels by boereverenigings af te laai. Mnr. Christo van der Rheede, adjunk-uitvoerende direkteur van Agri SA, waarsku…

‘As iemand sê dat die Suid-Afrikaanse grondhervormingslandskap na ’n 99 jaar-huurpagstelsel gaan verander, maar dat alle probleme met grondhervorming onmiddellik van die tafel gevee word, sou ek dit met albei hande aangryp.’ Mnr. Pierre Vercueil, voorsitter van Noordwes-Agri. Bl. 21 ‘Die gekompliseerde aard van kragopwekking en -voorsiening het veroorsaak dat daar items op ’n rekening verskyn wat ingewikkeld is en waarvan die benamings misverstaan kan word.’ Mnr. Deon Conradie, Eskom se senior bestuurder vir elektrisiteitspryse. Bl. 19 ‘Zimbabwe het toenemend afhanklik geword van invoerheffings en ander belasting as inkomstebron.’ Mnr. Taapano Paradza van XA International Trade Advisers. Bl. 15 ‘Ons verwag nie dat daar nie beskerming vir koringprodusente moet wees nie, maar ons moet die uitwerking op voedselsekerheid oorweeg.’ Mnr. Boikanyo Mokgatle, uitvoerende direkteur van die Meulenaarskamer. Bl. 18 ‘Ons…

PRODUSEER MIELIES TEEN UITVOERPARITEIT? Winsgewende mielieproduksie teen uitvoerpariteit is ’n goeie ideaal, maar is met huidige koste en internasionale pryse nie haalbaar vir die meeste boere in Suid-Afrika nie, skryf Johann Strauss, ’n navorser by BVG Commodities. Johan skryf: Die artikel “Graanboere moet wisselkoers troef” (LBW, 1 April) is ’n goeie artikel wat die probleme in die huidige situasie uitlig. Die voorheen beplande minder hektare mielies moet dalk weer oorweeg word. Ons sal iets moet doen (wat dit is, weet ek nie), maar ons kan nie net blindelings teruggaan na 13 miljoen ton oeste teen verliese vir die produsent nie. Ek hoop Graan SA lees die artikels en doen iets opbouend om die boere in ’n beter situasie te plaas as om net goedkoop kos en voedselsekerheid te proklameer. Ek…

DIE polisie ondersoek ’n skelmstreek waarin boere na bewering “droogtehulp” van R270 000 namens die nasionale Departement van Landbou, Bosbou en Visserye beloof word, op voorwaarde dat hulle R20 000 aan die skelm betaal. Mnr. Steve Galane, woordvoerder van die departement, sê dit lyk of die verdagte uit Johannesburg werk. Die departement werk saam met die polisie en hoop om later meer besonderhede bekend te maak. Mnr. Christo van der Rheede, adjunk- uitvoerende direkteur van Agri SA, sê hulle is nog nie bewus van enige boer wat deur die slenterstreek gevang is nie. “Ons het wel alle boere gewaarsku om met hul provinsiale kantore of met Agri SA se hoofkantoor in verbinding te tree as hulle onseker is oor droogteskemas wat deur wie ook al aan hulle opgedis word. Ons…

“VERBRUIKERS bepaal wat julle gaan produseer.” Dit is mnr. Marco van Leeuwen, direkteur verantwoordelik vir kommersiële sake van die Nederlandse groentesaadmaatskappy Rijk Zwaan, se boodskap aan groenteboere. Rijk Zwaan-saad is al 25 jaar in Suid-Afrika beskikbaar, maar is voorheen deur ander ondernemings hier versprei. Die maatskappy, wat 8% van die wêreldwye saadmark besit en saad in 120 lande verkoop, het nou ’n filiaal in Suid-Afrika. Van Leeuwen het op ’n geleentheid waar Rijk Zwaan se groter betrokkenheid in Suid-Afrika bekend gestel is, gesê die maatskappy skenk baie aandag aan die spoedige teling van kultivars om op hoogte te bly van voedselneigings. “Ons stel elke jaar 150 nuwe kultivars aan die mark bekend.” Van Leeuwen sê die groentebedryf moet die eet van groente bevorder omdat dit andersins deur ander produkte vervang…

DIE verstewiging van die rand met 7% sedert die laaste veiling het meegebring dat alle soorte bokhaar op die vierde veiling van die somer teruggesak het. Die gemiddelde markaanwyser van R240,15/kg was 5% laer as dié op die veiling in Maart. Laasgenoemde is nietemin 27% bo die vlak van ’n jaar gelede. Die hoogste prys van R370/kg is betaal vir een baal kleinbokkiehaar van mnr. John de Jager van Aberdeen. Die veilingsomset vir die 195 460 kg wat verkoop is, het ’n rekord R47 miljoen beloop. Die grootste kopers was die binnelandse verwerkers Samil en Stucken. Die volgende veiling is vir 10 Mei geskeduleer.…

1 MALAW I | Mielietekort ’n nasionale ramp Mnr. Peter Mutharika, president van Malawi, het verlede week ’n nasionale ramp verklaar weens ’n mielietekort van meer as ’n miljoen ton. Die land benodig na raming 3,2 miljoen ton mielies, maar boere kon weens die droogte slegs ’n driekwart daarvan lewer. Meer as 2,8 miljoen Malawiërs was reeds verlede jaar vir voedselsekerheid van die staat en die Verenigde Nasies afhanklik. Mutharika het gesê die voedselkrisis is veroorsaak weens oorstromings verlede jaar, gevolg deur vanjaar se rampdroogte, wat tot wydverspreide misoeste gelei het. “In die huidige omstandighede is dit duidelik dat ons ’n voedseltekort ervaar, wat ’n groot aantal landsburgers gaan raak,” het Mutharika tydens die aankondiging in Blantyre gesê. Hy het ook ’n beroep op internasionale hulporganisasies gedoen om te help.…

AANDEELHOUERS van Zeder het rede om te glimlag nadat dié beleggingsmaatskappy aangekondig het sy jaarlikse dividend het met 64% gestyg tot 9c per aandeel. Verlede jaar was dit 5,5 c. Die maatskappy se herhalende wesensverdienste het met 20% tot 42,4c per aandeel gestyg. ’n Daling van 21% in Pioneer Foods se aandeelprys het druk geplaas op Zeder se som-van-diedele (SVDD) per aandeel. Zeder se belang van 27,2% in Pioneer Foods is sy grootste belegging en verteenwoordig meer as 60% van sy portefeulje. Die SVDD (dus die markprys van sy JSE-genoteerde beleggings en die markverwante waardasies van sy ongenoteerde beleggings) het op 29 Februarie met 13% tot R8,03 gedaal. ’n Maand later het dit ietwat verbeter tot R8,37 per aandeel. Mnr. Norman Celliers, uitvoerende hoof van Zeder, sê hulle het die…

Talle debatte vind tans plaas oor die risiko’s in die landbou en versekeraars wat voorstel dat daar ’n regeringsondersteunde versekeringskema vir die landbou ingestel moet word. Dit is nie ’n nuwe idee nie en die versekeringsbedryf het dit al ’n jaar of twee gelede met die Tesourie bespreek. In vorige (goeie) jare was die Tesourie nie juis ontvanklik vir die idee nie. Noudat kospryse begin weghol en basiese landbouprodukte op groot skaal ingevoer moet word – terwyl daar nie juis ekstra buitelandse valuta beskikbaar is nie – sal sekerlik nuwe aandag aan die idee geskenk word. Dit is ’n goeie idee om nou voorstelle te maak vir ondersteuningskemas vir die landbou wat verby die huidige krisis kyk. Finansiers begin reeds klem lê op die finansiering van die nuwe produksiesiklus ná…

MNR. NELIUS VAN DER WESTHUIZEN WAT WAS JOU BESTE BOERDERYBESLUIT? Die besluit om byvoeding as hulpmiddel te gebruik om produksie en winsgewendheid in die skaapboerdery te verhoog. WATTER RAAD HET JY VIR MEDEBOERE? Elke veeboer moet weet wat sy netto boerderywins per hektaar en per kleinveeeenheid is. Die Nasionale Wolkwekersvereniging (NWKV) bied ’n uitstekende ontledingsdiens aan. Dit gee jou ’n goeie aanduiding van jou sterk en swak punte. WIE WAS JOU MENTOR? My pa en my broer, albei genaamd Eben. My broer het saam met Pa begin boer en hy het my weer met my aankoms op die plaas onder hande geneem. Toe was my pa al afgetree. Ek het sy denkvermoë, deeglikheid, dissipline en liefde vir die veld bewonder WAT IS DIE GROOTSTE BOERDERYFOUT WAT JY GEMAAK HET? Om…

Boere praat gedurig oor hoe om beeste van die veld af te bemark as ’n tweede stroom bykomend tot voerkrale. ’n Beesbloktoets met ’n verskil is in Julie 2014 op Queenstown gedoen om die kwessie te belig. Dit was nuut in SuidAfrika. Op Dinsdag 8 Julie 2014 het beesvleisboere van Queenstown en omgewing, waaronder Tarkastad, Cathcart en Dordrecht tel, met meer as 60 jong osse, ouer osse en koeie van alle ouderdomme en rasse by die Meat Tradersslagplaas op Queenstown aangekom om aan ’n bloktoets met ’n verskil deel te neem. Een van die hoofdoelwitte van die bloktoets, wat deur Queenstown se kommersiële landbouunie met die samewerking van die OosKaapse RPO georganiseer is, was om optimale rooivleisproduksie op die veld te bevorder. Nóg ’n sleuteloogmerk was om te wys dat…

Ek was ’n ruk gelede betrokke by ’n gesprek waartydens ’n groep Amerikaners antwoorde gesoek het oor die grootste struikelblokke vir winsgewende vleisbeesboerdery. Een van die groot speke in die wiel wat hierdie vrae uitlok, is dat die koste van produksiemiddele, soos arbeid, brandstof, middels, lek en vervoer, vinniger as vleispryse verhoog. Die eeue oue som van “wins = inkomste – uitgawes” wil net nie meer so maklik klop nie. Dan is dit ook waar dat dit vir enige bedryf uiters belangrik is dat genoeg dinamiese jong mense betrokke wil raak. Almal wat betrokke raak, het nie noodwendig ’n pa wat hom of haar kan touwys maak oor die moets en moenies, asook die struikelblokke en probleme van ’n boerderyomgewing nie. Verder is daar beslis unieke verskille tussen boerderyvertakkings en…

PLAASINLIGTING LIGGING: Theunissen, Vrystaat NAAM: Grootkuil GROOTTE: 5000ha EIENAARSKAP: Familieboerdery VERTAKKINGS: Gemengdeboerderymet220 produserendekoeiein’nAfrikanerstoeteryopsowat 2500haweidingenbesproeiingsgewasseop400ha, en200hagroenvoervirwinterweiding. GROND: AvalonenHutton VELDTIPE: Soetgrasweidingenvleiveldlangsdie Vetrivieropdieplaas GEMIDDELDE REËNVAL: 500mmperjaar Die Grootkuil-stoetery, een van Suid-Afrika se oudste beeskuddes wat sedert 1951 deur die Cronjé-familie bedryf word, het die vierde agtereenvolgende jaar die Afrikanerras se voorste Elite-koei opgelewer. Mnr. Pierre-André Cronjé bestuur tans die kudde en hy en sy broer, Gerhard, behartig die familie se gemengde boerdery in die distrik Theunissen. Deur jare se toegewyde teling en die noukeurige byhou van produksie-aantekeninge kon hulle die Grootkuil-Afrikaners se prestasie tot die huidige topvlak vasteel. Die ideale Grootkuil-koei het bespieringseienskappe, goeie spene en loopvermoë. Pierre-André verkies ’n wigvormige bou. Koeie se reproduksieprestasie is van groot belang. TWEE KALFTYE PER JAAR Naas voortgesette prestasie-aantekening, skryf Pierre-André die stoetery se besonderse vrugbaarheid…

PLAASINLIGTING LIGGING: Stampriet,Namibië NAAM: Hartebeestloop EIENAARSKAP: Privaat VERTAKKINGS: Bonsmara-stoetery VELDTIPE: Kalahari-duineveld RANTSOEN: Indiesomerslegsfosfaatensoutenin diewinterproteïenlekvanVoermeesterNamibië GEMIDDELDE REËNVAL:180mmtot 200mmperjaar Die wetenskap van veeteelt en veral BLUP-teelwaardes word gebruik om die eienskappe wat die omgewing kan onderhou, optimaal te kry. Net so word die kennis van die omgewingstoestande gebruik om die eienskappe wat nie deur die omgewing bevorder word nie, te beperk, sê dr. Joggie Briedenhann, eienaar van die Hartebeestloop-boerdery. Hy boer ongeveer 20 km suidoos van Stampriet in Namibië in die pragtige, maar ongenaakbare Kalahari-duineveld. Die hoofstroom-boerdery is 500 Bonsmara-stoetkoeie. Seleksie vir vrugbaarheid en uitstekende reproduksievermoë is eie aan die kudde en word streng toegepas. Hartebeestloop Bonsmaras was in 2013, 2014 en verlede jaar die Landbounavorsingsraad se Nasionale Vleisbeesverbeteringskudde van die Jaar (onderskeidelik die wenner buite Suid-Afrika en die wenner uit Suid-Namibië).…

1 Senior kampioenhings, Elton. Eienaar: Mnr. Oubaas Lesch (sel 083 384 6456), Wiggins-stal, Porterville. Vertoner: Mnr. John Sheep. 2 Senior kampioenmerrie, Violet. Eienaar: Mnr. Patat Basson (sel 076 473 7536), Desuhante-stal, Malmesbury. Vertoner: Mnr. Marius Kemp. 3 Junior kampioenhings, Boetie. Eienaar en vertoner: Mnr. Piet Lourens (sel 083 778 8096), SASSU-stal, Porterville. 4 Junior kampioenmerrie, Trixie. Eienaar en vertoner: Mnr. Martin Eksteen (sel 082 566 1297), Rosinberg-stoetery, Caledon. 5 Vul van die Jaar (jonger as 12 maande), Lona. Eienaar: Uys-gesin (sel 082 564 7067) Heidelberg (Wes-Kaap). Van links is me. Wilna Kwasha, vertoner, mnre. Simon Butcher, borg, en Jurie Uys. 6 Grootkampioenspan van agt. Eienaar: Mnr. Boeta Smit en Seuns (tel. 027 217 1360), Enkelvlei-stoetery, Lutzville. Vertoners: Mnre. Boeta Smit en sy seun, Willem. 7 Grootkampioene in die vierspan, Brandus,…

s uid-Afrika is vanjaar deur ’n bielie van ’n droogte getref. Wat baie mense egter nie weet nie, is dat baie dorpe al tot vier jaar lank in ’n waterkrisis gedompel is. Dis weens swak bestuur, redeneer baie, maar ek los dié tema maar vir die politici. Ek kan jou maar net vertel wat ek sien en hoe dit voel. Ek het myself ’n tydjie gelede weer terugbevind in die onderwys. Sonder water is dit nogal ’n sirkus met kindertjies van drie jaar tot ses jaar oud. ’n Kleuter se skooldag sluit in handjies was (baie), gereelde besoeke aan die badkamer (soms te laat), baie oepsies, verf, opruim en skoonmaak (die vloer ook). Dink weer oor hierdie prentjie sonder water. Die onderwysers maak staat op die gemeenskap en ouers om…

LIGGING Parys…

DIE Suid-Afrikaanse sitrusbedryf maak gereed vir vanjaar se uitvoertyd, maar ’n aantal sitrusboere het besluit om uit die Europese markte te bly. Dit beteken dat die Suid-Afrikaanse uitvoer van suurlemoene ’n kleiner risiko loop om weens swartvlek afgekeur te word. Die Sitrusprodusenteorganisasie het die afgelope drie jaar in noue samewerking met die Europese owerhede gewerk om die aantal voorvalle van swartvlek in sitrusuitvoer te verminder. Die gevalle van swartvlekbesmetting op uitgevoerde vrugte het van 35 gevalle in 2013 tot 15 verlede jaar gedaal nadat die Sitrusprodusenteorganisasie besluit het om die suurlemoenuitvoer halfpad deur die oestyd te staak. Die sitrusboere het nou dié keuse gemaak voor die uitvoertyd begin. “Dit hou groot finansiële gevolge vir dié boere in, maar dit is ’n teken van hul verbintenis tot die langtermynwelvaart van die…

Voermaatskappye se koste vir produksiemiddele het weens die droogte geweldig verhoog. Mnr. Andy Crocker, besturende direkteur van Meadow Voere, sê die prys van mielies was in Desember meer as 58% hoër as ’n jaar gelede. Nie voermaatskappye óf boere kan sulke verhogings absorbeer nie en die verbruiker gaan uiteindelik die koste moet dra, terwyl verbruikers self onder groot druk is, sê hy. Crocker sê die voersituasie gaan nie gou verander nie omdat die huidige oes tot April aanstaande jaar moet hou en daar groot onsekerhede oor die grootte van die volgende oes is. Sowat 50% tot 70% van enkelmaagdiere se voer bestaan uit mielies en 50% tot 60% van herkouers s’n, sê Crocker. Hy sê hoewel sojapryse die laaste ses maande van verlede jaar “taamlik plat” was, het dit in…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, e-pos: lbw@landbou.com. ALGEMEEN 30 APRIL: Warmbad-Bosveldfees: “Leef groen en wees veilig.” Groen boerepatentkompetisie en uitstalling van elektriese motors. Marius Bacon, sel 083 297 6135, e-pos: nhk@telkomsa.com, web: http://hkw.co.za/bosveldfees. 30 APRIL-2 MEI: Agri-Expokaasfees, Sandringham, Porchia Adams, tel. 021 975 4440, sel 082 441 2510. Agri-Expo, tel. 021 975 4440; e-pos: admin@agriexpo. co.za; Yolandi de Wet,sel082 772 7519.Web: www.cheesefestival. co.za. BOEREDAE 19 APRIL:VrystaatLandbou, Streek10,Virginia,10:00,tel.051 4444609. 20 APRIL: Skyfplanterdag,BewaringslandbouWes-Kaap(BLWK). DeVlei,Caledon.Dr.Johann Strauss,tel.0829073109,e-pos: JohannSt@elsenburg.com. 28 APRIL: VrystaatLandbou, Streek5,Harrismith.11:00,tel.051 4444609. 27 JULIE: Noord-VrystaatSAVM, RooiSkool,Kroonstad.Dr.Jasper Coetzee:Nuwebeginselsinpresisie-skaapboerdery.ToegangR100. NelinePienaar,sel0824404492, e-pos:Bennieneline@eleo.co.za, ofsel0832792375,sel 082 440 4492. KURSUSSE 18–20 APRIL: KI,beeste,Bloemfontein. Di Rothman, sel 082 772 1208, Andy, sel 082 770 0480, Lilly, sel 078 546…

Dit gee ’n mens ’n nuwe waardering vir wat Suid-Afrikaanse boere in uiters moeilike omstandighede vermag wanneer jy die gunstige landbou-omgewing van Chisamba, ’n klein dorpie 70 km noord van Lusaka, die hoofstad van Zambië, ervaar. Reusemahonie-, -wildevye- en klipharde swarthoutbome getuig van die vrugbare grond en die gemiddelde reënval van 850 mm per jaar. Dit maak dit een van Zambië se voorste kommersiële landbougebiede. Zambië is ook die enigste land in Afrika wat selfvoorsienend is wat koring en soja betref. Ondanks ’n strawwe droogte gaan kommersiële boere daar steeds 3 ton tot 4 ton soja per hektaar oes. Maar eerste indrukke kan misleidend wees. In Zambië word grondpryse kwaai opgestoot deur die beleggings van reuse- primêre landboubesighede, soos die Britse Silverlands en die Duitse Amatheon, terwyl Suid-Afrikaanse megaboere, wat…

MNR. NELIUS VAN DER WESTHUIZEN van die plaas Juriesfontein naby Loxton is verlede jaar as Voermol se Skaapboer van die Jaar aangewys. Met die natuurlike hulpbronne tot sy beskikking en ’n versnelde lamstelsel het hy ’n tradisionele ekstensiewe veeboerdery meer intensief bedryf. Lees die artikel op bl. 34. VERTEL ONS VAN JOU GESIN. Ek is die afgelope agt jaar getroud met Tia, ’n plaasmeisie van die naasliggende distrik Fraserburg, waar haar ouers, Christo en Elsabé Carr, boer. Ek het op Juriesfontein grootgeword saam met my broer, Ebei, en twee susters. WAAR HOU JULLE VAKANSIE? Vakansie hou is ’n weelde, omdat die skape ons baie besig hou. As ons ’n blaaskans neem, is dit na ons familie op Stellenbosch en die Wes-Kaap, en Tia besoek meer gereeld haar ouers, wat sowat…

SUID-AFRIKA dreig met vergeldingstappe weens onregmatige doeanebelasting op ingevoerde produkte (insluitend landbouprodukte) wat Zimbabwe se inkomstediens (ZIMRA) oor ’n tydperk ingestel het. Die handelsadviesdiens XA International Trade Advisers sê die belastings is in talle gevalle strydig met vryhandelsooreenkomste binne die Suider-Afrikaanse Ontwikkkelingsgemeenskap (SAOG). Dit sluit in belasting op vars en bevrore hoender, jogurt, geprosesseerde kaas, aartappels, tamaties, uie, wortels, bevrore en gemengde groente, piesangs en appels. Afgesien van die normale invoerheffings wat op dié produkte geld, word daar sedert 2012 ook bykomende belasting van tot 25% van die waarde toegevoeg. Mnr. Elisha Tshuma van die handelsregsentrum TRALAC demonstreer die omvang van die onderskeie belastings – doeanebelasting, BTW en bykomende belasting – soos volg: Veronderstel die waarde van ’n inge-voerde produk is $4 000 en die invoertarief is 40%, dan is…

DIE Buhle Farmers’ Academy by Delmas, wat opkomende en kleinboere oplei, gaan ’n satellietkampus by Piet Retief in Mpumalanga kry. Besonderhede oor die gesamentlike projek van Buhle, Mondi se maatskaplike ontwikkelingsafdeling Mondi Zimele (MZ) en Monsanto Suid-Afrika is onlangs in Centurion bekend gemaak. Monsanto het ook in 2000 die plaas en ontwikkelingsgeld vir die opleidingsentrum by Delmas geskenk. Mnr. Neil de Smidt, direkteur van Buhle, sê nagenoeg 63% van die studente wat volledige kursusse voltooi, vestig hulself as volhoubare boere. Die nuwe opleidingsentrum kan die aantal nuwe boere verdubbel. Sowat 500 studente studeer jaarliks aan Buhle, waarvan die meerderheid korter kursusse volg. Daar is besluit op die Piet Retief-omgewing vir die nuwe kampus omdat daar beperkte werksgeleenthede is. Daar word voorsien dat die projek in die volgende vier jaar 1…

‘N HAARWURM (Haemonchus contortus) wat skape besmet, eis sy tol onder wildboere se swartwitpense, sê dr. Peter Oberem, voorsitter van Wildbedryf SA. Dis veral ’n probleem in somerreëngebiede en waar swartwitpense in klein kampies aangehou word. Dit is moeilik om te bevestig hoeveel swartwitpense weens haarwurmbesmetting vrek, maar dit is ’n groot probleem onder wildtelers. Bewaringsgesindes meen wildboere ontneem die wild van hul natuurlike weerstand teen parasiete en siektes deur hulle in klein kampies aan te hou en daar te pamperlang. Oberem sê egter hoewel swartwitpense selfs in die natuur deur ’n spesifieke haarwurm geparasiteer word, is dit nie dié wurmsoort wat die probleme veroorsaak nie. Haemonchus contortus, die sondaar onder skape, het oor die jare weerstand opgebou teen baie teenbesmettingsmiddels en boere moet nou met hul veeartse saamwerk om…

’N VADERFIGUUR wat heeltyds in ’n gemeenskap van kleinboere woon en hulle help om hul boerderymetodes te verbeter, is die model wat die landboumaatskappy Afgri ondersteun. Dié maatskappy het bedrywighede in 19 Afrikalande en het 29 soortgelyke projekte geidentifiseer, waarvan twee in Suid-Afrika is, het mnr. Chris Venter, uitvoerende hoof, op ’n mediakonferensie gesê. Dit staan as Abba-projekte bekend. “Abba” is die Aramese woord vir “vader”. “Ons steun word bepaal deur die betrokkenheid van so ’n persoon,” het Venter gesê. “Ons kyk na mense en gemeenskappe wat reeds self met ’n projek begin het, maar nie die nodige administratiewe ondersteuning of geld het nie.” ZAMBIË Die eerste Abba-projek is in 2012 in Wes-Zambië begin. Ses boere wat op 2,5 ha begin boer het, boer nou op 6 ha en beoog…

Die grootste probleem met die afhandeling van boedels is ’n kontanttekort. Dit kan broer teen broer laat baklei en naasbestaandes in finansiële ellende dompel, selfs al oorskry jou bates jou laste op papier. Kontant in jou boedel is nie net vir die eksekuteur se vergoeding nodig nie. Op dié punt: Ek verwys na die toegelate eksekuteursfooi, nie die nadelige finansiële gevolge van ’n onbeholpe mens wat dink hy weet wat hy doen nie. Kry gerus maar professionele hulp om jou finale sake af te handel. Daar is baie ander uitgawes wat betaal moet word. Mediese koste is een wat nie misgekyk moet word nie. Gesinslede is lief vir mekaar (altans, die meeste van ons is) en jy kan verstaan dat mense geen koste sal ontsien om ’n sieke of iemand…

Is dit skaakmat vir die koringbedryf met pogings om die bedryf te laat herleef en te keer dat koringproduksie landuit gedryf word? Die verloop van ’n Agri Megaweek-debat oor ’n omkeerstrategie met die potensiaal om die hele koringbedryf te bevoordeel, het in September die indruk by buitestanders geskep dat ’n oplossing tussen belanghebbendes in die bedryf op hande was. “Ons aan die binnekant het ook hoop gehad,” merk mnr. Koos Blanckenberg, ’n boer van Durbanville, op. “Die hartseer van die hele ding is dat ons 16 maande lank gepraat het, maar uiteindelik nie een van die voorstelle (lees die kassie “Voorstelle” op bl. 39) goedgekeur kon kry nie.” Die gedagte om saam te soek na maniere om die koringbedryf te laat herleef deur oplossings wat die volgehoue daling in koringproduksie…

Onder die eerste lede van die Veldvleisvereniging van Suid-Afrika (GFASA) was mnr. Llewellyn Maclean en dr. Pieter Prinsloo, boere van Queenstown. Llewellyn is ’n Beefmaster-boer en ekoloog en Pieter ’n veeboer, tandarts en ondervoorsitter van die Rooivleisprodusenteorganisasie (RPO). Hy boer saam met sy seun, mnr. Koot Prinsloo. Hulle is vennote in die Daybreaker Beef Off Grass-handelsmerk en verkoop sedert verlede jaar hul beesvleis aan boetiekslagters in Kaapstad en Johannesburg. Ander boere uit die distrik verskaf ook nou beeste aan hulle. “Die GFASA is ’n boergedrewe vereniging en daarom hou ons daarvan. Ons het heelwat gegroei sedert ons begin het om vleis aan boetiekslagters te verskaf. “Die model wat ons volg, is om die dier na ons plaaslike slagplaas te neem, wat ook by die GFASA geregistreer is. Hulle slag die…

PLAASINLIGTING LIGGING: Uniondale,Wes-Kaap NAAM: Ongelegen GROOTTE: 1750ha EIENAARSKAP: Familieboerdery VERTAKKINGS: Angusstoetery met70beeste;vrugteverbouing: appels,pereenperskes GRONDTIPE: Klipperigesand-leem VELDTIPE: Fynbos GEMIDDELDE REËNVAL:650mmperjaar KORTOM ■ Besproeiing op ’n vrugteplaas in die Langkloof is in die verlede ure lank onderbreek deur paddas en varswaterkrappe wat die filtreerstelsel in damme verstop het. ■ Die invoeging van ’n ovaalvormige vlekvryestaalsif teen ’n hoek van 45 grade en ’n T-koppelstuk in die pyplyn het die probleem opgelos. ■ Die watervloei en -druk is steeds sterk genoeg, en paddas en krappe wat teen die pyp vasgespoel word, veroorsaak nie meer verstoppings nie. Die jong ondernemer het met ’n eenvoudige oplossing vorendag gekom vir die verstopping van die plaas se filtreerstelsel wat hom al hoofbrekens gegee het. Mnr. Thinus Loock vertel dat sy pa, Matie, al lank las gehad het…

PLAASINLIGTING LIGGING: Stella,Noordwes NAAM: Kalkpan EIENAARSKAP: Privaat VERTAKKINGS: Ankole,SantaGertrudisen Romagnola GRONDTIPE: AvalonenHutton(sandleem) VELDTIPE: Soetveld GEMIDDELDE REËNVAL:400mm-450mmperjaar Die Ankole se gewildheid in Suid-Afrika lê in sy majestueuse horings. Horinglengte is egter nie al waarvoor mnr. Dail van Rensburg in sy stoetery selekteer nie; vrugbaarheid staan voorop soos in sy twee ander stoeterye. Daar is dus geen genade vir koeie wat nie dragtig raak nie, behalwe in ’n ernstige droogte. Andersins word nie-dragtige vroulike diere uit die kudde verwyder, sê Dail, wat op die plaas Kalkpan by Delareyville en op plase by Stella in Noordwes boer. Nie eens stoetkalwers word ontsien wanneer Dail sy streng seleksie toepas nie, want vrugbaarheid is uiters belangrik vir vooruitgang en wins. Daarmee saam moet ’n speenkalf vinnig groei en swaar speen, met ’n gesonde balans tussen…

BETONMENGER WATER-TOT-SEMENTVERHOUDING WORD VINNIG BEPAAL Die Duitse maatskappy Ludwig Moisture Control het ’n nuwe draagbare toestel ontwikkel wat die water-tot-sement-verhouding in ’n betonmengsel vinnig kan bepaal. Die FL-Mobi Mic Profi-Check kan gebruik word om ’n spesifieke mengsel se voginhoud en temperatuur te bepaal voor, tydens en ná die beton gemeng is. Boere kan dit nuttig vind vir die oprig van skure en pakhuise, of wanneer vloere gegooi word. Die toestel is veral nuttig wanneer daar volgens spesifikasies gebou word. Die FL-Mobi Mic Profi-Check word van vlekvrye staal gemaak en die vogmeter, wat direk in die mengsel geplaas word, word deur ’n keramiekdeklaag beskerm. Die toestel vorm deel van ’n omvangryke reeks betonproduksietegnologieë, verkrygbaar by PMSA, die grootse vervaardiger van betonprodukte in Afrika. Prys: Op aanvraag. NAVRAE: Mnr. Quintin Booysen, PMSA…

Kerriemengsel As jy een keer kerrie gemaak het met jou eie kerriemengsel, sal jy nie sommer weer ’n lepel kerriepoeier uit ’n boksie gebruik nie. As jy nie gereeld kerrie maak nie, halveer die resep of maak selfs net ’n kwart daarvan. As speserye te lank staan, verloor dit die vars geur. ■ 100 ml koljandersaad ■ 50 ml borrie ■ 45 ml vars gemaalde swartpeper ■ 45 ml mosterdpoeier ■ 45 ml rooipeper ■ 45 ml fyn gemmer ■ 45 ml gemaalde kardemom ■ 45 ml fyn kaneel ■ 60 ml fyn komyn ■ 5 ml brandrissiepoeier of gevlokte, droë brandrissies Rooster die koljandersaad in ’n droë pan, laat afkoel en stamp fyn. Meng met die res van die speserye. Bêre in ’n donker, lugdigte houer op ’n koel,…

Prof. Erik Holm werk aan ’n boek, Ons Ossewaens, wat deur Protea uitgegee gaan word. Dit sal ’n katalogus met foto’s van Suid-Afrika se oorblywende waens insluit. Die reaksie uit Landbouweekblad-lesers se geledere oor ossewaens was oorweldigend, en die skrywer moedig mense steeds aan hom om van waens — wrakke én goed bewaarde waens — te laat weet. Hy is ook op soek na foto’s van die waens (skuins van voor en agter), die lengte van die wa, die asmerke en datum (dit is bo-op die as as jy die wiel afhaal en die ghries wegkrap). Stuur ook sommer die GPS-koördinaat van waar die wa staan. Holm sal van tyd tot tyd ’n uittreksel uit die boek in LBW laat publiseer. Kontak hom by e-pos: erikholm1945@gmail.com as jy van ’n…

TWEE BENE OM MEE TE LOOP DS. KOBUS VAN DER WESTHUYZEN ’n Gesonde en gelukkige samelewing beweeg op twee bene, naamlik waarheid en liefde (2 Johannes 1, verse 4 en 6). Pilare laat ’n mens dink aan iets staties wat bly staan waar dit ook al geplant of gegiet is. Met gespierde bene is dit anders. Hulle kan flink beweeg en reguit loop. In Johannes se tweede brief aan ’n gemeente wat hy as die “uitverkore vrou” aanspreek, beklemtoom hy wat die doel en betekenis van hierdie bene is. Dis die hartklop van ’n voortreflike gemeente. Om in die waarheid te handel, moet vir ’n kind van die Here ononderhandelbaar wees. As die leuen ’n mens gevange hou, sal die waarheid hom vry maak. Die leuen kan soms ’n vinnige…

Mense se persepsie is dat Volkswagen waarde vir geld is. Dit kom jy agter as jy een van dié vervaardigers se paneelwaentjies (die Caddy-reeks) of kombi-gebaseerde vragvoertuie (soos die Caravelle, Kombi of Transporter) tweedehands probeer aanskaf – dis skaars en jy betaal! Hoewel die pryse van die pas vrygestelde weergawes dus nogal styf lyk, kan jy seker wees ’n Volkswagen behou sy tweedehandse waarde goed. Boere met kleiner besighede op hul plaas, soos ’n padstal, ’n donsboerdery of ’n konfytfabriek, sal belang stel in die nuwe weergawes. CADDY: Die Caddy is in sy wese nog dieselfde voertuig wat in 2010 bekend gestel is, maar met ’n mooier gesiggie. Die enjins is dieselfde as voorheen – ’n 1,6 literpetrolenjin wat 81 kW uitskop, in die Panel Van en die Crew Bus…

LIGGING Pretoria…

Internasionaal: Die prys van mielies het met 2,3%, oftewel $3,37/t (R50,64/t), gedaal tot $140,50/t (R2 1 1 1/t). Op ’n jaargrondslag is dit 6,4%, oftewel $9,61/t (R144,42/t), laer. Verwagte pryse: Mei – $140,94/t (R2 1 18/t), Julie – $141,96/t (R2 133/t), September – $143,06/t (R2 150/t), Desember – $145,43/t (R2 186/t). Plaaslik: Die Safex-prys vir wit mielies het met 0,7%, oftewel R34/t, gestyg tot R4 667/t. Die prys van geel mielies het met 3,2%, oftewel R96/t, gestyg tot R3 130/t. Op ’n jaargrondslag is dit 80,1%, oftewel R2 076/t, hoër vir wit mielies, terwyl geel mielies 31,5%, oftewel R750/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 0,5%, oftewel $0,89/t (R13,37/t), gedaal tot $172,27/t (R2 589/t). Op ’n jaargrondslag is dit…

GAUTENG CARLETONVILLE JACHTFONTEIN (344), 81 ha, aan Awesome Distributors BK, van Ivoryshelf Trading BK, R381 500. NANESCOL (582), 11 ha, aan M.L. Buchling, van A.F. en A.M. Ferreira, R430 000. NANESCOL (582), 11 ha, aan Jomel-trust, van M.L. Buchling, R450 000. ELANDSFONTEIN (561), 84 ha, aan G. Mekhoe, van TerrahAlarmsBK, R1100000. KLIPDRIFT (422), 46 ha, aan C. en D.J. Bloem, van M.W. Mienie, R1 400 000. KOPJESKRAAL (517), 20 ha, aan C.S. en R.H. Dicks, van Pedretti-familietrust, R1 200 000. NIGEL VLAKFONTEIN (558), 15 ha, aan M.J. Matekane en N.E. Ngcombolo, van N.P. en N.A. Mahlamba, R265 000. ZANDHOEK (451), 38 ha, aan N.P. Munthali, van L. en W.A. Beukes, R375 000. WELVERDIEND (379), 13 ha, aan Moeg Gesukkel (Edms.) Bpk., van A.S. en J.C. Kok, R700 000. HOLGATFONTEIN (326),…

’n Allemintige bedrag van R5,8 miljoen is vir ’n Zambiese swartwitpensbul op die Kings & Queens-wildveiling in die Castle de Wildt-komplek op Modimolle betaal. Die bul is deur me. Tina de Jager van Valley Venture by Vryburg aan mnr. Anton Taljaard (ook van Vryburg) verkoop. Sy het ook twee ander bulle teen onderskeidelik R4 miljoen en R2 miljoen verkoop, ’n dragtige koei met ’n verskalf teen R1,8 miljoen, ’n dragtige koei teen R900 000 en dragtige verse teen onderskeidelik R1,1 miljoen, R1 miljoen en R900 000. Nog voorbeelde van goeie pryse is R650 000 vir ’n njalabul, R1 miljoen vir ’n saalrug-rooibokram en R1 miljoen vir ’n wit rooibokram. Wild van R63 460 000 is op die veiling verkoop wat deur Vleissentraal behartig is. KOPPIES / MERINOLANDSKAAP / R12 000…

APRIL LICHTENBURG 21 , Sentraal-Binneland-Boerbokklub, Boerbok, Lichtenburg. Retha Calitz, sel 082 928 0700. PARYS 22, Drakensberger, Afridome-skouterrein. Caroll-Ann Mienie, sel 079 477 4416; web: www.afridome.co.za. UPINGTON 28-30, Upington-ekspo, (Nasionaal: Van Rooy; streek: Meatmaster), Boerboel-streekskou, jeugskou, krokodiltentoonstelling; (Noord-Kaap: Arabierperd). Navrae: Stiaan von Wieligh, sel 082 844 6604. MEI BLOEMFONTEIN 2–5, (Streek: SA Boerperd, Vrystaat). Petro Grové, sel 082 551 3221. PARYS 25-26, Brangus, Afridomeskouterrein. Parys. Caroll-Ann Mienie, sel 079 477 4416; web: www.afridome.co.za. PIETERMARITZBURG 30 Mei–1 Junie, (Streek, Kwa-Zulu-Natal: SA Boerperd). Petro Grové, sel 082 551 3221. JUNIE PARYS 27 Junie–2 Julie, (Nasionaal: SA Boerperd); Afridome, Parys, Petro Grové, sel 082 551 3221; Caroll-Ann Mienie, sel 079 477 4416; web: www.afridome.co.za. JULIE PARYS 6, Beefmaster, Caroll-Ann Mienie, sel 079 477 4416, Afridome-skouterrein, web: www.afridome.co.za. 15-17, Boran, Caroll-Ann Mienie, sel 079 477…