Indholdsfortegnelse for 3-Jun-16 i Landbouweekblad

Desember se aankondiging van DuPont en Dow Chemical se samesmelting het gelyk soos ’n puik voorbeeld van Amerikaanse bestuurders se najaging van aandeelhouerwaarde en monopolieë. Nou – ná die staatsbeheerde ChemChina $43 miljard aangebied het vir Syngenta en ook Bayer se onlangse aanbod vir Monsanto – blyk dit Dow-DuPont is deel van ’n wêreldwye vlaag konsolidasie in landbousaad- en -chemiese bedryf. Drie neigings verduidelik dié bewegings – die omset van landbouproduksie, wat teen 2% gegroei het in 2014, het met 10% gedaal in 2015. Weens lae oespryse bestee boere minder geld. Tweedens glo maatskappye dit sal op lang termyn winsgewender wees om bondels produkte aan boere te verkoop. Die derde neiging is eie aan Syngenta: die Chinese regering wil sy plase moderniseer en die intellektuele eiendom, soos saadpatente, besit. Soos…

ARTIKELS & RUBRIEKE ■ Stellenbosser se kalfsvleis het mark gaande ■ Hein Koegelenberg: ‘Verspreiding is koning’ ■ Theo de Jager se hart is in ’n boom ■ Nuwe trekkers op Nampo ■ Boereplan: Beton-byebunker fnuik vandale GESIN ■ Karoo-knoffel: Van neus-optrek tot pure lekkerkry WERKTUIE Diewêreldsejongstetrekkertegnologiewasopdievyftigste Nampo-OesdagbyBothavilletesien.Nuwelingevandiegrootste vervaardigersénminderbekendetrekkerswastesien,maarditwas dierusperbandtrekkerswatdiemeesteaandaggetrekhet.DieNew HollandT8.435opdiefotokosvanafR6, 156miljoen.FOTO:CNH…

MNR. JOHAN VAN RENSBURG, veeboer van die plaas Spitskop naby Cradock, kan danksy ’n kombinasie van sonkrag en drupbesproeiing lusern verbou, wat nie voorheen die geval was nie. Lees die artikel op bl. 34. VERTEL ONS VAN JOU GESIN. Ek is getroud met Anne-Rita en ons het drie meisiekinders, Jana (17), Anneke (14) en Mienke (7). HET JY ’N STOKPERDJIE? Al die mans in ons familie is lief vir gewere. Ons steur ons nie juis aan die balsportsoorte nie, dis net skiet, skiet, skiet! Dié stokperdjie het gegroei tot ’n geweersmid-onderneming wat my taamlik besig hou. Ek is betrokke by knaldempers, maak gewere akkuraat en maak pasmaak-gewere. WAAR HOU JULLE GRAAG VAKANSIE? Ek is baie lief vir Namibië en probeer elke derde of vierde jaar minstens twee weke daar deurbring.…

DAAR is skynbaar geen beperking op die tariewe waarmee water-owerhede verbruikers mag penaliseer wanneer hulle in droogtetye nie gehoor gee aan waterbeperkings nie. Dit blyk uit ’n voorlegging van die Departement van Water en Sanitasie oor die watertariewe vir die boekjaar 2016-’17 aan die Parlement se portefeuljekomitee oor water. Dié spesiale droogtetarief word vervat in die hersiene watertariewe wat in November 2015 in die Staatskoerant gepubliseer is. Die dokument sê voorts dat wanneer so ’n tarief ingestel word, dit van so ’n aard moet wees dat dit verbruikers sal aanmoedig om hul verbruik vinnig tot ’n volhoubare droogtevlak te verminder. ’n Voorbeeld daarvan is om boetes op te lê wanneer sekere volumes oorskry word, of ’n vasgestelde bykomende tarief vir wanneer meer water gebruik word as wat die voorgeskrewe waterbeperking…

Die Land Bank het ’n voorstel vir ’n oesversekeringsubsidieprogram aan die Regering voorgelê, het mnr. Mpumi Tyikwe, hoof van die bank se versekeringsafdeling, op die Nampo-Oesdag gesê. Die voorstel is in die vorm van ’n vennootskap tussen die openbare en private sektor, en behels ’n soort verpoelingooreenkoms tussen verskillende versekeringsmaatskappye. “Dit sal ’n redelike tyd duur as die Regering besluit om dit te aanvaar, en dan is dit ook nog die groot vraag of dit sal gebeur,” het hy gewaarsku. Die voorstel behels wisselende vlakke van subsidiëring vir boere op verskillende skale, asook vir verskillende gewasse. Gewasse, soos mielies, wat ’n groot rol in die nasionale ekonomie speel, behoort byvoorbeeld meer gesubsidieer te word, lui die voorstel. Tyikwe het gesê ’n taakspan ontleed tans die voorgestelde program se finansiële impak…

Verskans teen slegte weer Boere kan hulself nou met ’n afgeleide instrument teen te min reën en ongunstige temperature verskans. Mnr. Hans Smit, risiko-ontleder van BVG, sê hul weerindeksafgeleides (WIA) vir graan-, groente-, vrugte- en veeboere werk soos gewone afgeleide instrumente en word onder die handelsnaam WeatherInDe (Weather Index Derivatives) bemark. ’n Weer-opsie word op dieselfde wyse as ’n graan-opsie saamgestel, maar in dié geval moet die koper besluit of dit vir reënval of temperatuur geskryf moet word. Die uitbetaling van die opsie word bepaal deur die meting van klimaatsomstandighede, hetsy reënval of temperatuur. As ’n Vrystaatse mielieboer byvoorbeeld van 1 Oktober tot 30 November 100 mm reën nodig het om genoeg vog te kan hê om te plant, kan hy ’n reënval-opsie koop wat volgens sy behoeftes opgestel is.…

’N PROGRAM wat boere in staat stel om hul heeltydse werkers te laat oplei wanneer hulle weens die droogte nie meer die salarisse kan bybring nie, sukkel weens administratiewe haakplekke om op dreef te kom. Die program word deur die Kommissie vir Versoening, Bemiddeling en Arbitrasie (KVBA) bestuur en is reeds in 2009 in die lewe geroep. Volgens Agri SA is daar egter weens vertragings en omslagtige aansoekprosedures min belangstelling onder boere. Me. Nashira Abrahams, kommissaris vir geskilbestuur by die KVBA, sê meer as 300 navrae oor die program is van die droogtegeteisterde Weskus, Klein-Karoo en Sentraal-Karoo ontvang. Sy sê die KVBA probeer tans om die skema se omkeertyd meer vaartbelyn te maak. Aansoeke moet onder meer deur die KVBA, Agri-Seta en die Departement van Arbeid verwerk word en kan…

Die Appèlhof het ’n vorige hofbevinding beaam dat die Departement van Omgewingsake nié sy moratorium op die handel in renosterhoring mag herinstel nie. Die Noord-Gautengse Hooggeregshof het in November gelas dat die moratorium ter syde gestel word. Me. Edna Molewa, Minister van Omgewingsake, het in Januarie aansoek gedoen om verlof tot appèl, maar haar aansoek is van die hand gewys. Sy het haar toe tot die Appèlhof gewend. Dit is nog nie duidelik of die Regering in die Grondwethof gaan appelleer nie. Intussen is renosterhandel in Suid-Afrika nou wettig. “Dit is waarskynlik nou moontlik vir ’n Oosterse maatskappy om ’n vervaardigingsaanleg in Suid-Afrika te kom oprig, wettig geoeste renosterhorings te koop en die medisyne wat hy vervaardig, na die Verre-Ooste uit te voer,” sê mnr. Pelham Jones, voorsitter van die…

Dit is sekerlik die meeste families se ideaal dat die sakebates wat in een geslag opgebou is, as boustene vir die opvolgende geslagte kan dien. Ongelukkig dui slegs sowat 10% van familieboere in Suid-Afrika aan dat hul gereeld familievergaderings hou om die onderneming en die rol van elke familielid te bespreek. Dit beteken waarskynlik ook dat daar bitter min familieboerderye is wat ’n breë sakeplan het wat as rigtingwyser kan dien vir waarheen die onderneming op pad is oor ’n vyfjaartydperk. Natuurlik is daar verskeie verskonings waarom ’n familie wat boer, nie saam langtermynplanne maak nie. Een daarvan is dat daar reeds te veel verskille en spanning in die familie is. Daar is baie hartseerverhale oor ’n pa (stoere alleeneienaar) wat tot sterwe kom sonder dat voorbereiding gedoen en die…

cvanrooy@landbou.com PLAASINLIGTING LIGGING: Hochfeld, Namibië NAAM: Keizen GROOTTE: 5500haeie grondplus5000hahuurgrond EIENAARSKAP: Maatskappy VERTAKKINGS: Braunvieh-beesteenSABoerperde GRONDTIPE: Sanderigewitgrond,rooileemgronden swartturfgrond VELDTIPE: Soetveld GEMIDDELDE REËNVAL:360mmperjaar KORTOM ■ Dit is winsgewender om dragtige verse van die plaas af te verkoop as om hulle van die hand te sit sonder dat hulle eers by die bul geloop het. ■ Bul- en osverkope en bemarking van dragtige verse skep drie afsonderlike bronne van inkomste. ■ Noukeurige seleksie vir vrugbaarheid is belangrik in só ’n boerderystelsel. Dit het die bykomende voordeel dat prestasietoetsing oor die volle meetbare leeftyd van alle diere gedoen word. Sommige diere word nie reeds ná speen uitgeskot nie. Menige Namibiese boer maak osse vir die slagmark groot. Ander lewer speenkalwers. Mnr. Lourens en mev. Henriëtte Le Grange integreer egter eerder ’n osboerdery met die…

Die netwerke tonnels wat erdwurms ondergronds grawe, kan van 4 000 km tot 5 000 km per hektaar beloop, en tot so diep as 2 m tot 3 m onder die grondoppervlak strek, lui ’n artikel daaroor deur die Sweedse landboutoerustingmaatskappy Väderstadt. Hierdie tonnels dien as “snelweë” waarlangs wortels in die grond af kan groei. In net ’n paar jaar verskuif erdwurms tientalle tonne grond per hektaar in hul uitskeidings na die oppervlak. Die uitwerking van grondbewerking op die wurms is ’n gereelde debat. Dit vernietig nie net hul tonnelstrukture nie, maar in een studie is gevind dat ploegwerk 10% van die totale ondergrondse massa erdwurms na die oppervlak gebring het. Daar het voëls byna ’n derde van die wurms gevreet en omtrent twee derdes kon weer ondergronds ontsnap. In…

donsievanwyk@yahoo.com PLAASINLIGTING LIGGING: Haga-Haga, Oos-Kaap NAAM:KembaliFarms GROOTTE:8500ha(indie Oos-Kaap) VERTAKKINGS: Veeensuikerriet(Haga-Haga), melkery(Humansdorp),suikerrietenpiesangs (Hibberdene,KwaZulu-Natal),vervoerbesigheiden verspreidingsdepot,Brangusstoetery,voerkraal, veevoerproduksie,makadamias,bloekom-en dennebome. EIENAARSKAP:Familietrust GEMIDDELDE REËNVAL:950mmperjaar VELTIPE:Suurkusbosveld GRONDTIPES: GlenRosa,Mayer(Haga-Haga) KORTOM ■ Suikerriet floreer tot sover suid as Oos-Londen in die Oos-Kaap. ■ Kuilvoer se energiekoste is met suikerriet drasties verminder. ■ Onproduktiewe suurveld is met kikoejoe vervang. Dit was ’n grondeis wat die bekende suikerrietboer van Hibberdene in KwaZulu-Natal, mnr. Revell Saint, suidwaarts laat kyk het, na die Oos-Kaap, om weer grond te koop. “Hierdie gebied het ’n gematigde klimaat en goeie reënval, en ek wou iets anders doen,” onthou Revell. “Buitendien, die Oos-Kaap het meer vreedsaam gelyk. Hier is nie veel grondeise nie.” Hy het toe ’n stuk onproduktiewe, beboste suur kusbosveld by Haga-Haga naby Oos-Londen gekoop. Vandag, ses jaar later, is groot dele ontbos en beplant…

Outydse ertjiesop met beesskenkel Skenkel (shin) is ’n uiters geurige en bekostigbare beesvleissnit en is fantasties vir voedsame wintersoppe. ■ 30 ml olie ■ 750 g beesskenkelstukke ■ 2 uie, grof gekap ■ Water ■ 1 pakkie (500 g) droë-ertjies ■ Sout en vars gemaalde swartpeper na smaak ■ 30 ml fyn gekapte, vars pietersielie Verhit die olie in ’n groot soppot en braai die skenkels en uie saam daarin bruin. Voeg genoeg water by om die vleis goed te bedek en verhit tot kookpunt, maar moenie in hierdie stadium die sop met sout geur nie. Prut vir drie uur (vul die water gereeld aan sodat die vleis deurgaans met water bedek is) tot die vleis van die bene begin afval. Skep die vleis uit en laat afkoel. Voeg die…

Ek en Petro, ’n skoolhouvriendin, sit op die wye plaashuisstoep en tee drink. “Vriendin, ek dink daardie kinders probeer jou aandag trek,” onderbreek sy ons geselsies. Ek gaan nader. Die drie opgeskote swart meisies beduie, glimlag en gooi ’n taal waarvan ek net mooi niks verstaan nie. “Die kalkoen . . .” maak ek tog uit en snap dadelik. Pa het hulle natuurlik opgekommandeer om die kalkoentjiekuikens te kom kosgee, want ek vergeet gereeld van hulle daar in die hoenderhok. In my skooljuffroustem met meegaande mimiek omsingel ek hulle: “Gaan sny lusern in die tuin, dan vat julle die byl – kap, kap – by die rondawel saam met die plankie, dan gaan kap julle die lusern by die hoenderhok op die plankie en gee dit vir die kalkoentjies.” Saterdagaand…

DWARS 5. Stekelrige onkruid (5) 7. Gratis (7) 8. Insek (5) 9. Belasting op deurtog (3) 10. Gehoor-orgaan (3) 11. Lewenskragtig (5) 12. Jagspinnekop (13) 15. Geheime Italiaanse organisasie (5) 16. Verlos (3) 18. Luim (3) 20. Es (5) 22. Doelwit (7) 23. Alpynse sangstyl (5) AF 1. Muskeljaatkat (5) 2. Oester-juweel (5) 3. Hoofstad Egipte (5) 4. Koperas (13) 5. Meer (3) 6. Kunsvaardigheid (7) 11. Skerp, gehoor (3) 13. Papbroek (7) 14. Kuuroord (3) 17. Leerstelling (5) 18. Afskynsel (5) 19. Binnedring (5) 21. Laagte (3) OPLOSSING DWARS: 5. Netel; 7. Verniet; 8. Gogga; 9. Tol; 10. Oor; 11. Flink; 12. Wolfspinnekop; 15. Mafia; 16. Red; 18. Bui; 20. Haard; 22. Oogmerk; 23. Jodel. AF: 1. Sivet; 2. Pêrel; 3. Kaïro; 4. Ystervitrioel; 5. Nog; 6. Tegniek; 11.…

DIE kleinhandelverkope van suiwelprodukte het in 2015 goed gegroei vergeleke met die vorige jaar. Kleinhandelspryse was egter meestal laer of stygings was laer as die inflasiekoers, sê mnr. Alwyn Kraamwinkel, uitvoerende hoof van die Suid-Afrikaanse Melkprosesseerdersorganisasie (Sampro). Hy skryf die styging in verkope toe aan groter erkenning van die waarde van suiwelprodukte. Afwaartse druk op pryse is onder meer veroorsaak deur rekord hoë produksie van onverwerkte melk en suiwelprodukte van middel 2014 tot Oktober 2015. Die produsenteprysindeks van onverwerkte melk en dié van suiwelprodukte het van middel 2014 tot Desember 2015 gedaal, maar laer produksie vanaf November 2015 het bygedra dat die twee indekse vanaf Januarie 2016 weer begin styg het, sê Kraamwinkel. In die internasionale mark was suiwelprodukte en onverwerkte melk se pryse uiters laag. Rekordvlakke suiwelprodukte is in…

HOEWEL die droogte nie ’n noemenswaardige impak op groenteproduksie gehad het nie, het dit ’n skerp styging in groentepryse teweeggebring en daarom is daar nou ’n gesonde aanvraag na groentesaad, sê me. Susan Allen, voorsitter van die Suid-Afrikaanse Nasionale Saadorganisasie (Sansor). Allen sê die meeste groenteboere het deur die droogte toegang tot water gehad en daarom was groenteproduksie tussen November verlede jaar en Februarie vanjaar slegs 10% slegter daaraan toe as dieselfde tyd ’n jaar vantevore. “Hoewel die afname in produksie betreklik klein was, het groentepryse met meer as 54% gestyg,” sê Allen. Sy skryf dit toe aan geringe tekorte aan die meeste groentesoorte. Gewoonlik sal ons ’n tekort op een lyn hê, maar nie op almal nie. Ek dink dit het veroorsaak dat verbruikers meer van die beskikbare groente…

123 000 ton Suid-Afrika sal gemiddeld 123 000 ton graan per week moet invoer om in sy behoeftes te voorsien, sê mnr. Wandile Sihlobo, ekonoom van die landbousakekamer Agbiz; asook gemiddeld 22 000 ton wit mielies, 51 000 ton geel mielies en 50 000 ton koring. “As die pas nie versnel nie, kan logisiteke bottelnekke later ontstaan,” sê hy. – NICO VAN BURICK $43,3 mjd Organiese boerdery in Amerika het laas jaar $43,3 miljard (sowat R676,3 miljard) verdien – die hoogste tot nog toe. Die Amerikaanse departement van landbou (USDA) het in dié tyd $261 miljoen (byna R4 miljard) aan navorsing in die bedryf bestee. Die USDA het tot nou toe 21 900 organiese bedrywe in die land gesertifiseer en meer as 31 000 in 120 lande wêreldwyd. – USDA…

‘Dit is waarskynlik nou moontlik vir ’n Oosterse maatskappy om ’n vervaardigingsaanleg in Suid-Afrika te kom oprig, wettig geoeste renosterhorings te koop, en die medisyne wat hy maak, na die Verre-Ooste uit te voer.’ Mnr. Pelham Jones, hoof van die Private Renostereienaarsvereniging. Bl.24 ‘Net omdat alle boere nou voer vir hul vee benodig, buit dié instansies boere uit. Dis ’n skande.’ MNR. JJ VAN DE VELDE, KZN-boer, oor sommige voermaatskappye se pryse. Bl. 16 ‘Ek sou nie kapitaalwinsbelasting moes betaal as julle nie my grond moet koop nie.’ MNR. JOHAN MANS, Noord-Kaapse boer, wat sy grond moes verkoop om plek te maak vir die SKA-radioteleskoop. Bl. 22 ‘Boere is besigheidsmense; hulle word deur wins gedryf. Hulle sál gaan na waar hulle goeie wins kan maak.’ DR. THEO DE JAGER, voorsitter…

Ek skryf na aanleiding van verskeie berigte oor weervoorspellings deur prof. Peet Pienaar en die onlange profielartikel oor hom (“Prof. Peet, boere se weerhaan”, LBW, 8 April). Ek besef Pienaar is baie gewild onder boere en ek respekteer hom as ’n mens met ooglopend baie talente en belangstellings. Maar ek voel verplig as landbouweerkundige om ’n paar punte te maak wat boere in ag moet neem voor hulle hulle op sy voorspellings en raad verlaat. Ek glo vir ’n weervoorspelling om nuttig te wees vir landbouers, moet dit drie elemente dek, naamlik waar, wanneer en wat. En die voorspelling moet akkurater wees as ’n raaiskoot. Besluitneming gegrond op die voorspelling moet lei tot beter boerdery-uitkomste as besluitneming gegrond op langtermyngemiddeldes of raaiskote. Hoewel weervoorspelling nie ’n presiese wetenskap is nie,…

GLIFOSAAT IS ‘VEILIG’, SÊ VERDOORN Geen geldige navorsing bestaan in Amerika, Europa of in Suid-Afrika wat sê glifosaat hoort nie op die mark nie, sê dr. Gerhard Verdoorn, gifstofkenner en direkteur van die Griffon-gifinligtingsentrum. “Op geen manier kan ’n vinger na glifosaat gewys word as ’n middel wat die mens, dier of omgewing skade kan berokken as dit volgens die voorskrifte gebruik word nie.” KOBUS VISAGIE skryf: Laat Verdoorn ’n oplossing glifosaat drink as dit so veilig is. Prof. (Árpád) Puszta is as navorser onthef nadat hy negatiewe resultate oor die uitwerking van glifosaat op muise gepubliseer het. Gaan op die internet en doen navorsing oor glifosaat, en kyk hoe uiters giftig en nadelig dit is. Dit gaan hier net om geld vir Monsanto. REEP VERLOREN skryf: Ek het 40…

1 ANGOLA | Piesangs op pad na EU Angola se eerste besending piesangs in 42 jaar is op pad Portugal toe nadat die Europese Unie (EU) sy verbod op die invoer van piesangs uit Angola opgehef het. Daar is groot hoop dat piesangboerdery dié land se ekonomie ’n hupstoot kan gee te midde van die swakker olieprys en ’n diamantbedryf wat deur bewerings van korrupsie en sogenoemde bloeddiamante geskaad is. Angola voer 90% van sy kos in, teen ’n koste van $5 miljard. Sy landbousektor het verlede jaar met net 0,2% gegroei en net ’n derde van die potensiële landbougrond word bewerk. Danksy Chinese lenings probeer die Angolese regering sedert 2005 om die land se landboubedryf te laat herleef. In Caxito, sowat 60 km noord van die hoofstad Luanda, het…

Afasa soek antwoorde oor ‘een huishouding, een hektaar’ Die African Farmers’ Association of South Africa (Afasa) is bekommerd dat mnr. Gugile Nkwinti, Minister van Landelike Ontwikkeling en Grondhervorming, se “een huishouding, een hektaar”-projek bestaande en reeds produktiewe plase wat met regeringsteun tot stand gebring is, kan benadeel. Dié projek, waarvolgens ’n huishouding een hektaar grond by die Regering kry op ’n gebruik-of-verloor-grondslag, word sedert verlede jaar in provinsies toegepas. Dit het ten doel om ’n beter klas swart, kleinboere op kommunale grond en bewoners van staatsgrond te skep. Mnr. Aggrey Mahanjana, sekretaris-generaal van Afasa, sê hulle verstaan die eerbare bedoeling van die beleid, maar soek die versekering dat produktiewe, kommersiële plase in swart besit – of wat vir swart boere geoormerk is – nie omgeskakel word in boerderye van een…

Drie leeus is in minder as ’n maand vergiftig, skynbaar vir moetie, sê me. Carla van der Vyfer, uitvoerende hoof van die Suid-Afrikaanse Roofdiervereniging (SAPA). Twee wit leeus is onlangs naby Lephalale (Ellisras) vergiftig en hul koppe en pote is afgekap. ’n Mannetjie en wyfie is ook naby Bela-Bela vergiftig. “Die leeubedryf het liggaamsdele wat oorbly nadat trofeë gemaak is, nog altyd goedkoop beskikbaar gestel vir die plaaslike en Chinese tradisionele medisynemarkte. Dit lyk of stropers nou met ons pryse wil meeding.”…

Wat is die posisie met kapitaalwinsbelasting en ’n spesiale trust? Só vra ’n leser met ’n gestremde dogter. Volgens die leser is sekere besluite om belastingredes geneem. As ek tussen die reëls lees, is dit om belasting te vermy, maar ek brei uit soos ek aangaan. Die leser, sy vrou en sy dogter is begunstigdes van ’n trust. Die trust besit die woonhuis en beleggings, wat op advies na die trust oorgedra is. Dit is dalk gedoen om die belastingvoordele van ’n spesiale trust te benut. Ons kyk nou eers kortliks na wat ’n spesiale trust is en wat die belastingvoordele behels. Daar is twee soorte spesiale trusts. Die eerste is uitsluitlik tot voordeel vir mense met ’n gestremheid wat nie in staat is om geldsake te hanteer nie. Meer…

’n Nuttige aanlynrekenaar is by die voorligtingsafdeling van Washington-staatsuniversiteit in Amerika ontwikkel waarmee vinnig uitgewerk kan word hoeveel ammoniumsulfaat in ’n glifosaat-spuittenk by “harde” water gevoeg moet word om die onkruiddoder se doeltreffendheid te verseker. Watergehalte kan ’n groot invloed op glifosaat se doeltreffendheid hê, sê die universiteit in ’n verklaring. Opgeloste katione, soos kalsium, sink, magnesium, yster en mangaan, bind met die glifosaat en verminder die doeltreffendheid daarvan. Ammoniumsulfaat bind met hierdie katione om onoplosbare sulfate te vorm wat nie met die glifosaat sal reageer nie. Die aanlyn-rekenaar gebruik ’n formule wat aan die Staatsuniversiteit van Noord-Dakota ontwikkel is. Dit gee ’n antwoord in pond ammoniumsulfaat wat per 100 gelling water gemeng moet word voordat die glifosaat bygevoeg word. Kry die AMS-rekenaar op http://smallgrains.wsu.edu. NAVRAE: Mnr. Wayne Thompson (wayne.…

Watergehalte is baie belangrik by drupstelsels, veral om verstopping te keer en die gebruiksduur van die drupstelsel te verleng. Op mnr. Johan van Rensburg se plaas Spitskop is die watergehalte baie goed, maar een van die boorgate het kruidwater (daar kom swaweldioksied voor wat vir die kenmerkende vroteierreuk verantwoordelik is). Dit hou ’n risiko vir verstopping in. “Jy wil nie yster in die water hê nie en ons het gelukkig ook nie. Ons het wel ’n bietjie kalk, maar as ek die water regstreeks uit die boorgat in die stelsel pomp, vind daar nie ’n oksidasieproses plaas nie en is verstopping nie ’n probleem nie.” Op die kruidwaterboorgat is gereelde onderhoud van die filtreringstelsel noodsaaklik. “Ek moet omtrent een keer in twee weke die filters uithaal en skoonmaak.” Daarvoor het…

Die onkruid Cynodon dactylon het verskillende algemene name of volksname na gelang van waar in die wêreld dit voorkom. Bermudagras is só ’n naam, terwyl Suid-Afrika en Australië in die volksmond van kweekgras (couch grass) praat. Vele kultivars van kweekgras word plaaslik en in die buiteland aangeplant en is steeds deel van telingsprogramme vir onder meer baan- of turfgras (sportterreine, grasperke), weiding, grondstabilisering (grondwalle van kanale) en die rehabilitering van mensversteurde gebiede (mynhope, padwerke). In die meeste gewasstelsels van Suid-Afrika se somer- en winterreënstreke, en in baie ander lande ter wêreld, word kweekgras as ’n uiters skadelike onkruidsoort ervaar – dit verskyn ook hoog op die wêreld se toptienlys van ekonomies belangrike onkruide. Kweekgras is ’n uiters sterk mededinger om water en voedingselemente. Daarby skei dit in ’n proses genaamd…

So ry ek en my wederhelf een Vrydagmiddag bietjie Jeffreysbaai toe om vir die senior Oelofses te gaan kuier. Ek het sommer geweet dat daar die naweek lekker gekuier gaan word, want my susters was ook by die huis vir die skoolvakansie. Daar was ’n paar ander jolige pelle in die omtrek wat almal hul honger en dors wou kom les op dié gesellige dorp. Toe ek met ’n koelboks vol Karoolamstjoppies en ander proteïenkos by die agterdeur instap, laat hoor een hoeka dat daar ’n span kuiermense vir die aand genooi is. Maar dit sal darem jammer wees om al die Karootjops so op een slag op te braai. Ons het besluit om eerder iets te doen met die geelbek wat die oggend gevang is en die sak swartmossels…

Altesaam 21 jaar gelede het mnr. Jacques en mev. Maretta Theron van die plaas Misthoek saam met die plaaslike landbougenootskap besluit hulle moet iets doen om hul dorp op die map te sit. Murraysburg se jagkompetisie was só suksesvol dat dit vandag net so deel is van die dorp se karakter en tradisies as die boomryke strate, geroemde kweperlanings en historiese kerkgebou met sy unieke blaasbalk-orrel (een van net drie in die land). Die jagters kom van alle uithoeke en sluit hoëprofiel-sakemanne in. Sommige spanne woon elke jaar die kompetisie by. Al 30 spanne word in en om die dorp gehuisves en in goeie Karoo-styl getrakteer, wat ’n goeie inkomste vir ’n streek met baie jagplase bring. Die jagters se inskrywingsgelde gaan egter nét so vir instandhouding van die dorp…

As ’n mens terugkyk op die geskiedenis – die sekulêre én gewyde geskiedenis – tref dit jou hoeveel persone en beskawings ten gronde gegaan het weens ’n losbandige leefstyl. Die geskiedskrywer Edward Gibbon se historiese verhandeling The History of the Decline and Fall of the Roman Empire bevestig dit met skokkende feite. Mense het gevra vir meer seks en speletjies en hulle verbeel hulle dis eintlik die lewe, maar dié soort leefstyl het gelei tot die ondergang van die eens magtige Romeinse Ryk. Die Bybelse geskiedenis skets ook ’n droewige prentjie hoe losbandigheid tot selfvernietiging gelei het. In sy tweede brief aan Timotheus skryf Paulus van ’n lewenstyl waar mense “meer liefde vir genot sal hê as liefde vir God” (2 Tim. 3:4). Ons Skepper en Verlosser roep ons op…

DIE vak landboutegnologie bied nou vele nuwe geleenthede vir leerders met leergestremdhede by die Belvedere-skool vir handvaardighede in Gauteng. Dié skool bied sedert begin vanjaar die vak aan vir leerders in graad 10 en graad 11. Volgens mnr. Hannes du Plessis, die skoolhoof, floreer die leerders in handwerkvakke. Die skool, wat ingerig is vir die spesiale behoeftes van die leerders, bied tans verdere opleiding en onderwys (VOO) vir leerders van graad 10 tot graad 12 aan. Die vakke se inhoud is dieselfde as dié van die nasionale sertifikaat, maar leerders hoef net vyf pleks van sewe vakke te neem. Die skool kan dus nie tegniese vakke aanbied nie. Die leerders by die skool bestee die helfte van hul tyd in die klas en die ander helfte in sentrums waar hulle…

Internasionaal: Die prys van mielies het met 4,3%, of $6,39/t (R100,31/t) tot $154,51/t (R2 425/t) gestyg. Op ’n jaargrondslag is dit 7,8%, of $11,18/t (R175,50/t) hoër. Plaaslik: Die Safex-prys vir wit mielies het met 2,3%, oftewel R1 10/t, gestyg tot R4 950/t. Die prys van geel mielies het met 7,8%, oftewel R265/t, gestyg tot R3 649/t. Op ’n jaargrondslag is dit 74,7%, oftewel R2 1 16/t, hoër vir wit mielies, terwyl geel mielies 49,5%, oftewel R1 209/t, hoër is as in die ooreenstemmende tyd verlede jaar. Verwagte witmieliepryse: Junie – R4 943/t, Julie – R4 955/t, September – R5 019/t, Desember – R5 041/t. Verwagte geelmieliepryse: Junie – R3 629/t, Julie – R3 639/t, September – R3 695/t, Desember – R3 739/t. Internasionaal: Die gemiddelde prys van koring het met…

GAUTENG CARLETONVILLE FAROASFONTEIN (372) 49 ha, aan Prime Molecular Technologies Africa (Edms.) Bpk., van Sunshine Street Inv 3 (Edms.) Bpk., R5 000 000. MCKAY (602) 12 ha, aan AlbertBarnard-familietrust,van P. Weideman, R6 250 000. MODDERFONTEIN (445) 262 ha, aan Rent-It Consulting (Edms.) Bpk., van A.C. Theron en H.J. Theron, R3 669 542. NIGEL RIETKUIL (249) 171 ha, aan M.A. Schalekamp-trust, van J.G.P. Schalekamp, R8 250 000. ZOEKFONTEIN (468) 127 ha, aan Danzel-familietrust, van Autumn Storm Inv 371 (Edms.) Bpk., R501 503. PRETORIA BOSCHKOP (543) 85 ha, aan J Con Beleggings BK, van J.P. Conradie-boerdery BK, R1 500 000. INDERMINNE (113) 21 ha, aan J.A. Hallowell en V.M. Hallowell, van S.Z. Tolo en T.C. Tolo, R520 000. KWAZULU-NATAL LADYSMITH EENDVOGEL VLEY (1264) 27 ha, aan Krantzkor-boerderye Proprietary Limited, van S.A.R., R450…

BRANDFORT / SA VLEISMERINO / R14 000 Die duurste SA Vleismerinoram (nr. 4080 JRT) op dr. Johann Terblanche (links) van die plaas Avontuur se derde produksieveiling van diere uit sy stoetery Trip T op Brandfort is teen R14 000 verkoop. Die kopers was mnre. Danie Broekman & Seun van Davel. By Terblanche is mnre. JP le Roux (middel) van CMW / OVK wat namens die koper opgetree het en André van Zyl, afslaer. Altesame 18 ramme is teen gemiddeld R4 550 stuk verkoop, terwyl stoetooie gemiddeld R3 023 stuk behaal het. Dragtige kudde-ooie is teen gemiddeld R2 074 stuk verkoop en 40 droë kudde-ooie teen gemiddeld R1 500 stuk. OVK / CMW het die veiling aangebied. AMABELE / DOHNE-MERINO / R20 000 Dié Dohne-Merinoram is teen die hoogste prys van…

BOEREDAE JUNIE: Wildinligtingsdag. WRSA, Botlierskop, SuidKaap. Tisha Steyn, tel. 044 272 3221, sel 084 581 9512. Epos: tishasteyn 20@gmail.com. 4 JUNIE: Wildinligtingsdag. WRSA,TheBarns,Mosselbaai. Voorafbespreking is noodsaaklik. Wanda Coetzee, tel.0123356994. Epos: pa@wrsa.co.za. 2 JULIE: Inligtingsdag:Vleisbeeskuddeseleksie. FoxintheHills (tussenParysenPotchefstroom). JeanvanderMerwe,sel082719 7521. Epos: jean@blackhills.co.za. Web:www.blackhills.co.za. 27 JULIE: Dr.JasperCoetzee: Nuwebeginselsinpresisieskaapboerdery. NoordVrystaatSAVM, RooiSkool,Kroonstad. NelinePienaar, sel0824404492. Epos: Bennieneline@eleo.co.za.Ofsel 0832792375,sel 082 440 4492. KURSUSSE 16-17 JUNIE: Snuffel vir wildesampioene by Delheim, Stellenbosch. Voorafbespreking is noodsaaklik, geen groepsbesprekings word aanvaar nie. Tel. 021 888 4607, sel 079 735 3257. 16-17 JUNIE: Boerbokke, junior en senior. SentraalBinnelandBoerbokklub, Hoopstad. Retha Calitz, sel 082 928 0700. 20-22 JUNIE: KI. Krugersdorp. Di Rothman, sel 082 772 1208, Andy, sel 082 770 0480, Lilly, sel 078 546 7985 . Web: www.rltsafrica.com. 23 JUNIE: Dragtigheidswaarneming, beeste.Krugersdorp.Di Rothman,sel0827721208,Andy, sel0827700480,Lilly,sel078546 7985. Web:www.rltsafrica.com. 23 JUNIE:Fynproewersampioenverbouing, kleinskaal,OosLonden.( Alternatiewelikvia rekenaargesteundeonderrig.)…

Uiteindelik besluit geld maar of dinge gaan werk of nie. Voor jy jou bekommer oor al die nuwe grondeise, wonder eerder waar die geld vandaan gaan kom, veral in die lig daarvan dat 92% van alle grondeisers in die eerste rondte ’n kontantuitbetaling bo grond verkies het. Of neem in ag dat mnr. Gugile Nkwinti, Minister van Landelike Ontwikkeling en Grondhervorming, ál die grond wat bo die grondplafonne lê, by boere wil koop. Dink aan die landbouparke en die miljarde rande wat die staat beoog om daaraan te bestee. Dit gaan nie gebeur nie. Dit is onbekostigbaar. Geld sal ook die wette wat grondeienaarskap wil kortwiek, in die bek ruk. Ons praat van die geld van banke wat boere se skuld dra en dus eintlik hul plase besit. Die finansiëledienstebedryf…

BROKKIES ■ Eiers is in 1914 die eerste keer uit Suid-Afrika uitgevoer. Die totale uitvoer daardie jaar was 1 927 kiste van 30 dosyn elk. In die daaropvolgende 25 jaar het die uitvoer geleidelik toegeneem tot 103 000 kiste eiers in 1939. Europa sal altyd ’n afsetgebied wees omdat eiers in Europa skaars is as dit in Suid-Afrika volop is. ■ Walvisbaai en Port Nolloth is die droogste plekke in die Unie van Suid-Afrika met ’n jaarlikse reënval van onderskeidelik ’n driekwart duim (19 mm) en 2,17 duim (55 mm). Die hoogste jaarlikse reënval van byna 200 duim (sowat 5 000 mm) kom voor in die bergagtige dele van Bergrivierhoek en Wemmershoek in die Wes-Kaap. ■ “Belê sover moontlik in die opvoeding van u kinders, hetsy hulle gaan boer of…

’n Laer prys vir Amerikaanse harderooi-winterkoring kan die koringtarief in Junie van R1 224/t tot R1 600/t laat toeneem. Mnr. Jannie de Villiers, uitvoerende hoofbestuurder van Graan SA, het op 24 Mei gesê as die koringtarief volgende week “sneller” (iets wat gebeur wat die produsenteorganisasie noop om aansoek te doen om die tarief te laat verhoog), sal Graan SA die kommissie vir internasionale handelsadministrasie (Itac) en die departement van Handel en Nywerheid in kennis stel dat ’n aanpassing gemaak moet word. “Itac of die Departement van Handel en Nywerheid en die Suid-Afrikaanse Inkomstediens moet dit dan afkondig.” De Villiers sê die meganisme wat deur die Minister van Handel en Nywerheid goedgekeur is, is om ’n “vloerprys” vir koringboere daar te stel as wêreldpryse tot vlakke daal wat dit vir koringboere…

DIE vere waai opnuut tussen hoendervleis-invoerders en plaaslike hoendervleisprodusente, dié keer oor vleis uit Europa. Die Assosiasie van Vleisinvoerders en -uitvoerders van Suid-Afrika (AMIE) het ’n veldtog begin waarin hy sê ingevoerde hoendervleis help om hoender bekostigbaar te hou, maar dat plaaslike produsente die Regering probeer oortuig om dit deur invoertariewe duurder te maak. Die veldtog behels advertensieborde, gedrukte advertensies en ’n video genaamd Outrageous Chicken op sosiale media. Laasgenoemde is binne 12 uur sowat 10 000 keer gekyk. Die veldtog is in reaksie op die Suid-Afrikaanse Pluimveevereniging (SAPV) se aansoek by die Internasionale Kommissie vir Handelsadministrasie (Itac) om beskermende invoermaatreëls teen EU-hoendervleis, wat danksy ’n vryehandelsooreenkoms sonder tariewe Suid-Afrika binnekom. Itac het sy ondersoek daaroor in Februarie begin. Mnr. David Wolpert, uitvoerende hoof van AMIE, sê in ’n mediaverklaring…

HOËR pryse vir mynboukommoditeite kan ook die landbou ’n onregstreekse hupstoot gee deur nuwe stukrag aan beoogde infrastruktuurprojekte gee. Mnr. John McIntosh, hoof van die ouditfirma KPMG se adviesdiens in Europa, die MiddeOoste en Afrika, sê ofskoon Afrika goeie grond, arbeid en klimaat vir landbou het, is dit ’n groot kwessie om produkte by hawens te kry. McIntosh het in Johannesburg op ’n KPMGmediasessie oor landbouneigings gesê miljarde rande is in 2013 vir die ontwikkeling van infrastruktuur op Afrika toegewys, met mynboukommoditeite as dryfveer. Met die daling in pryse van dié kommoditeite is projekte op die lange baan geskuif, maar hy verwag wanneer pryse styg, sal hulle weer aan die gang kom. Opbergingsgeriewe en logistiek is nóg kwessies vir die landbou in Afrika. McIntosh sê SuidAfrika kan in dié opsig…

BOERE wat geraak word deur die SKA-radioteleskoop het steeds baie vrae, al is daar nou meer gereelde kommunikasie tussen Karooboere en amptenare van SKA Suid-Afrika. Op ’n vergadering wat Agri Kareeberg, die landbouvereniging van Carnarvon, op dié dorp tussen boere en hoëvlak-amptenare van SKA SA gereël het, het boere veral vrae oor roofdierbestryding, kommunikasie, die lot van plaaswerkers op plase wat verkoop moet word, belastingimplikasies en plaasveiligheid gehad. Mnr. Fanie Dippenaar het versoek dat die SKA hul personeel wat toegang tot plase moet hê, se identiteitsnommers by die polisie ingee of “by die koöperasies opsit”. “Ons kan nie die reg tot toegang by ons plase afteken nie. Sal julle bereid wees om mense te identifiseer?” Dr. Rob Adam, projekdirekteur van SKA SA, sê enige werker van die SKA wat die…

Die Wysigingswetsontwerp op Onteiening is verlede week met enkele veranderinge deur die Nasionale Raad vir Provinsies (NRP) goedgekeur. Die omstrede definisie van eiendom, wat volgens die DA én Agri SA te breed is, het egter onveranderd gebly. Die NRP het twee wysigings gemaak aan klousule 19(2), wat handel oor munisipale erfbelasting en ander heffings uit die vergoedingsgeld van die onteiende eienaar. ’n Munisipale bestuurder het nou 30 dae pleks van 20 om die onteieningsgesag in kennis te stel van uitstaande erfbelasting van die eiendom wat onteien word. Die onteieningsgesag het nou 20 dae pleks van 10 om van vergoedingsgeld gebruik te maak om uitstaande eiendomsbelasting te betaal mits die eienaar van die eiendom wat onteien word, nie ’n dispuut verklaar rakende die uitstaande bedrag wat betaalbaar is nie. Die komitee…

Sylvania Platinum se Volspruit-mynmaatskappy gaan appelleer teen die provinsiale regering van Limpopo se besluit om toestemming vir ’n myn in die Nyl-vloedvlakte naby Mokopane te weerhou. Mnr. Albert Jordaan, projekbestuurder by Volspruit, meen die probleem met hul aansoek het ingetree toe die persoon wat die aansoek die eerste keer afgekeur het, bevorder is en haar opvolger nie behoorlik ingelig is oor die aansoekproses nie. “Met die afkeuring van ons eerste aansoek was daar enkele punte waarmee die departement nie tevrede was nie. Ons het daardie punte in ons heraansoek gehanteer, net om te hoor niks van die werk waarmee die vorige persoon tevrede was, is nou goed genoeg nie.” Sylvania moet teen 3 Junie sy appèl indien, waarna betrokke partye ’n maand het om kommentaar daarop te lewer.…

DIE wêreldprys van harde rooi winterkoring (HRW) het sedert twee jaar gelede deurlopend gedaal. Koringpryse het sedert Mei 2014 van $366/ton tot $196/ton op Dinsdag 24 Mei 2016 gedaal. Met die verwysingsprysvlak van $294/ton het dit tot koringtariewe gelei wat mettertyd toegeneem het namate die wêreldprys vir koring bly daal het. Die verwysingsprysvlak word deur die koringtariefformule bepaal. Die formule maak ook voorsiening vir subsidies wat boere verdien in lande waaruit koring ingevoer word. Koringtariewe was ook van toepassing net nadat die koringtariefformule (en die verwysingsprys) op 30 April 2010 tot $215/ton aangepas is. Die formule is destyds hersien omdat die produksie van plaaslike koring nie met die prys van ingevoerde koring kon meeding nie. Sodra ’n land meer koring begin invoer as wat plaaslik verbou word, verloor die land…

Daar is twee maniere om voer aan beeste te verskaf: Die een is om die voer na die beeste te bring en die ander om die beeste na die voer te bring. As holistiese boer verkies mnr. Ben Bartlett van Log Cabin Livestock in die Amerikaanse deelstaat Michigan die tweede opsie. Ben het op ’n boeredag van mnr. Wayne Knight naby Mokopane sy ervaring in veldbestuur met SuidAfrikaanse boere bespreek. Hy en sy vrou, Denise, boer op 256 ha. Die helfte is bosbougebied op moerasgrond en die ander helfte kan vir weiding gebruik word. Hulle huur nog 200 ha weiding op kleinhoewes in die omgewing. Ben is ’n afgetrede dosent van die Universiteit van Michigan en Denise is ’n afgetrede bibliotekaresse. Hulle doen al hul plaaswerk self, maar neem soms…

Mnr. Werner Booyens, tegniese adviseur by Netafim, sê drupbesproeiing is aanvanklik bogronds geïnstalleer, maar later is bewys dit is net so suksesvol as dit ondergronds geïnstalleer word. In Suid-Afrika word veral suikerriet, pekanneute en lusern met ondergrondse drupstelsels besproei. Waar dit ondergronds werk, kan dit gewoonlik net so goed bogronds werk. Veral in boorde of lande waar baie gery word of beweging (soos beweiding of oespraktyke) plaasvind, werk ’n ondergrondse stelsel egter beter. Die filtrasiegraad van ondergrondse drupstelsels is hoër (sowat 100 mikron versus 130 mikron vir ’n bogrondse stelsel). “Jy moet weet met watter water jy werk. In die Karoo is daar dikwels ’n kalkneerslag, wat so ’n proppie vorm by ’n bogrondse stelsel en die drupper verstop, maar dit gebeur nie met ’n ondergrondse stelsel nie.” Die ondergrondse…

Die pakket ultravinnige, vinnige, mediumvinnige en mediumgeel mieliebasters van Pannar vorm ’n gedugte pakket vir goeie risikoverspreiding op lang termyn. Mnr. Peet van der Walt, advertensiebestuurder by Pannar, sê deur die integrasie van topprodukte en vernuwende gewasvoorsorg en nasorg bied Pannar ’n volledige risikobestuurspakket. Dit sluit onder meer die Yieldboostswamdoderspuitprogramme in vir die bekamping van blaarsiektes. Waar konvensionele en glifosaatverdraagsame basters verbou word, bied die Yieldbooststronkboorderspuitprogram uitmuntende beheer. In die ultravinnige pakket bied PAN 6126 en sy konvensionele spanmaat PAN 3Q240 baie goeie prestasie. PAN 6126 is veral geskik vir warm besproeiingstreke en presteer net so goed soos die BTen BRbasters as stronkboorder doeltreffend bekamp word. PAN 3Q240 is goed aangepas vir al die plaaslike produksiestreke onder besproeiing. In die BioGene®reeks bied BG 3292, BG 3492B, BG 3592R en BG…

DORPERS 1 Junior en grootkampioenram. Eienaar: Mnr. Gideon du Plessis (links, sel 083 570 7870), Saron-stoetery, Magaliesburg. Hanteerder: Mnr. Kaine Moalusi. Du Plessis het ook reserwe junior en reserwegrootkampioen-ooi vertoon. 2 Junior en grootkampioen-ooi. Eienaar: Mnr. Cobus Erasmus (naasregs, sel 083 461 0950), Rasmori-stoetery, Klerksdorp. Ook op die foto is, van links, GJ en Amoret Erasmus en mnr. Iziak Mantwe, die hanteerder. 3 Reserwe junior en reserwegrootkampioenram. Eienaar: Mnr. Quinton Scorgie (links, sel 083 326 7163) Samuel-stoetery, Rustenburg. Hanteerder: Mnr. Andrew Mangope. WIT DORPERS 4 Senior en grootkampioenram. Eienaars: Mnre. Henk (links, sel 082 495 2979) en Hendrick Greef, Henk Greeff-stoetery, Koster. Langs Henk is sy seun, Emjee. Regs is mnr. Andre Leepele (hanteerder). Die Greeffs het ook die junior en reserwegrootkampioenram, die junior en grootkampioen-ooi en die reserwe junior…

Watter produkte maak jy? Z4You is my reeks klere wat ek self ontwerp en vervaardig en op plattelandse dorpe verkoop. Ek maak ook op bestelling klere vir mense, veral vir spesiale geleenthede. Hoe het die onderneming ontstaan? Ek was nog altyd dol oor naaldwerk en dit was ook my gunsteling-skoolvak. Ek het maar altyd vir almal klere, gordyne en selfs trourokke en strooimeisierokke gemaak. Ek kon nie meer na-ure alles doen nie en het in 2010 besluit om my onderneming te begin. Dit vul die boerdery-inkomste aan en help gate vul. Wat maak jou klere uniek? Elke Z4You-stuk is uniek, want dis my eie ontwerpe en daar is geen duplisering nie. Dis ook nêrens anders te koop nie. Waar verkoop jy die klere? Ek stal op skoue, vroue-oggende en feeste…

Was dit nie vir die pragtige geelhoutbalke nie, het die vervalle sinkdakhuisie met stene van modder en vloere wat al die fases van plaasvloere toon, so byna-byna in slopers se visier beland. Mnr. Peet Erasmus was die vorige eienaar van die eiendom in Outeniqualaan net buite Hoekwil, naby George, waar die honderd jaar oue sooihuisie staan. Hy het die opknappingsproses noukeurig volgens die Raad vir Nasionale Gedenkwaardighede aangepak nadat sy dogter en skoonseun, Elmari en Henk Booysen, die kosbare geelhoutbalke en -plafonne in die huis opgemerk het. “Ek het my vrou, Dora, destyds gevra waar wil sy woon. Toe sy antwoord ‘in die hemel’, het ons begin soek en 25 jaar gelede die grond (3,5 ha) buite Hoekwil gekoop. Ons woonhuis is só gebou dat ons see toe én na…

Deur Anina Roux & Samantha McKendrick © xword@xword.co.za Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 21 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

NAGENOEG 250 plaaswerkers van Limpopo, Mpumalanga, Noordwes en Gauteng pak deesdae hul werk met nuwe kennis aan nadat hulle ’n werkeropleidingsdag van die wildbedryf by Castle de Wild naby Modimolle bygewoon het. By die opleidingsdag wat deur Wildbedryf SA se Naboomspruitbedryfskamer aangebied is, is gratis slypskole vir plaaswerkers aangebied in brandbestryding, die span en onderhou van elektriese heinings, chemiese bos- en onkruidbeheer, trofeeslag, pypwerk en die herstel van plastiekwatertenks en plaasveiligheid. Dit is die derde opleidingsdag wat hierdie bedryfskamer van WRSA aanbied en werkergetalle wat die dag bywoon het elke slag byna verdubbel. ’n Volgende kursus word vir September beplan, sê me. Ellalien Davey van WRSA, Naboomspruit. Mnr. Corrie Roodt, ook van WRSA, Naboomspruit, sê om so ’n dag gratis vir boere se werkers aan te bied sou onmoontlik wees…

BOERE in subtropiese landbougebiede sal eersdaags soet draakvrug-of pitya-kultivars vir kommersiële verbouing by een van Limpopo se bekende kwekerye kan koop. Hoewel dié vrug reeds hier en daar op winkelrakke te sien is, is die kommersiële verbouing daarvan in Suid-Afrika nog in sy kinderskoene – hoofsaaklik vanweë ’n gebrek aan die regte plantmateriaal. Mnr. Guy Whitney, ’n sitrusboer van Tzaneen met jare lange ondervinding in die bemarking van subtropiese vrugte op die internasionale mark, beveel aan dat boere dié besonderse vrug oorweeg. “Pitaya is een van die sogenoemde supervrugte en is vinnig besig om vastrapplek op die internasionale vrugtemark te kry. In Asië neem die vrug se gewildheid besonder vinnig toe. Talle boere in Kalifornië is voornemens om die vrug op groot skaal aan te plant sodra die droogte daar…

Die Regering se beoogde verbod op buitelandse besit van landbougrond sal na verwagting veral in die wynbedryf ’n invloed hê. Verteenwoordigers van die eiendomsagentskappe Seeff en Pam Golding sê die buitelandse kopers waarmee hulle te doen kry, stel hoofsaaklik in wynlandgoedere en wild- en leefstylplase belang. Dr. Andrew Golding, uitvoerende hoof van die Pam Golding-eiendomsgroep, sê luidens ’n onlangse Moneyweb-artikel besit buitelanders tot 2007 minder as 5% van landbougrond. Mnr.AndréMalan,Seeff-agentvirlandbougrondin dieWynlandenBoland,raambuitelandersbesittussen 25%en30% vanwynlandgoedereinomgewingvan Stellenbosch,FranschhoekenWellington-Paarl. Hulle neig volgens hom om eerder wynlandgoedere as wyndruifplase te koop. “Die opbrengs is beter en hulle voer ’n groot deel van die wyn na hul tuislande uit. “Só verdien hulle vir Suid-Afrika waardevolle buitelandse valuta en word werkgeleenthede vir halfgeskoolde en geskoolde mense behou. “Oor die algemeen speel buitelandse beleggers ’n belangrike rol in die…

RAS VAAR PUIK – ONGEAG DROOGTE DIElandseekonomieseinkorting endiedroogtehet’nstremmendeuitwerkingopallesektorevan dieveebedryfgehad.Telersis byvoorbeeldgedwingomsekere vanhulteellyneteherevalueeren vanswakteelmateriaalontslae teraak. Mnr.JohnBoulle,rasdirekteurvandieAngus-telersgenootskap, sêdiedroogtehetdie meestevleisboeregedwingom dieteellewevansommigebulle instoeteryeeninkommersiëlekuddesteverleng. Angusbullevan10tot12jaaroudwatas vrugbaargesertifiseeris,isvirdie 2016-dektydbehou. ToghetAnguskoeieindieOos-Kaaptenspytevandiedroogte 50%vanhulliggaamsgewiggespeenen’ndragtigheidsvlakvan 93%opgelewer. ’nGesienestoettelerwatdie veilingsopbrengsvandienageslagvansommigevansysesjarigekoeieberekenhet, wasaangenaamverrasdateenvansy top-rooiAnguskoeiealmeeras R450000inhaarleeftydverdien het.Ditsluitindieverkoopvan haarnageslagmetembrio-oorplanting. VolgensBoullewildiegenootskapnuwemarkteonderopkomendeboereontgin. InLimpopo endieNoord-Kaapisdaar’ngoeie vraagnaswartAngusbulleby Nguni-moederlynevirdieproduksievanspeenkalwers.…

MEI PIETERMARITZBURG 30 Mei–1 Junie, (Streek, KwaZuluNatal: SA Boerperd). Petro Grové, sel 082 551 3221. Grové, sel 082 551 3221. PARYS 27 Junie–2 Julie, (Nasionaal: SA Boerperd) Afridome, Parys. Petro Grové, sel 082 551 3221; CarollAnn Mienie, sel 079 477 4416. Web: www.afridome.co.za. JULIE PARYS 6, Beefmaster, CarollAnn Mienie, sel 079 477 4416, Afridomeskouterrein. Web: www.afridome.co.za. 1517, Boran. CarollAnn Mienie, sel 079 477 4416, Afridomeskouterrein, web: www.afridome.co.za. AUGUSTUS PRETORIA 5–9, (Streek, Gauteng: SA Boerperd) Petro Grové, sel 082 551 3221. BREDASDORP 2021, Megaparkbinnenshuise plesier, Ryperdskou. Mariska Marais, sel 072 535 8158, epos: megaeques traincentre@gmail.com. PRETORIA 2428, Jakarandaskou, Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371.…