Indholdsfortegnelse for 27-Jan-17 i Landbouweekblad

TESOURIE TOB NOG Koringboere is bekommerd omdat die Nasionale Tesourie so lank sloer om die nuwe veranderlike formule vir die invoertarief op koring af te handel. Die Tesourie sê in ’n verklaring dié hersiening sal “baie vroeg” in die huidige kwartaal afgehandel wees. Mnr. Andries Theron, ondervoorsitter van Graan SA, sê die gebrek aan duidelikheid veroorsaak dat die koringmark nie verhandel nie. “Die nuwe tarief moet voor planttyd ingestel wees sodat ons kan weet hoeveel ons kan plant. Vanjaar se oes gaan prysgedrewe wees,” sê hy. OUTA GROM VIR TINA Die Organisasie teen Belastingmisbruik sê in ’n brief me. Tina Joemat-Pettersson, die Minister van Energie, moet die periode vir openbare kommentaar op die voorgestelde nasionale strategie vir energiedoeltreffendheid verleng. Dié dokument is op 23 Desember vrygestel, en Outa meen 30…

Die pluimveebedryf werk hard om ’n 30%-invoertariefverhoging op hoendervleis, ’n stapelvoedsel in baie huishoudings, in te stel om 5 000 werkgeleenthede te red. Dr. Neva Makgetla, ’n senior navorser van die konsultantegroep Trade & Industrial Policy Strategies, sê so ’n tarief is egter heeltemal onredelik. Hoender is een van die min basiese kossoorte wat nie oor die afgelope 15 jaar groot reële prysstygings getoon het nie. Van 2002 tot 2015 het hoenderpryse saam met inflasie gestyg, terwyl kospryse in geheel met 28% meer as inflasie gestyg het. Stygende invoer het gehelp om pluimveepryse laag te hou, wat hoender meer toeganklik maak vir arm huishoudings. Hoender-invoer het gestyg van 7% van alle gebruik in 2002 tot 18% in 2015. Aangesien die meeste ingevoerde, bevrore hoenderstukke in lae-inkomste-gemeenskappe verkoop word, is die…

BOERE KAN APPÈLLEER TEEN GRONDUITSPRAAK ’n Beslissing van die Grondeisehof dat die staat minder as markwaarde mag betaal vir ’n stuk grond wat aan ’n huurarbeider toegeken is, gaan teengestaan word nadat verlof aan twee boere van Mpumalanga toegestaan is om daarteen te appèlleer. MAARTEN KRUGER skryf: My innige simpatie met die boere, maar ek glo nie hulle gaan veel bereik nie, afgesien daarvan om die prokureurs en advokate ryk te maak. Ek sê al die afgelope 22 jaar, sedert die herverdelingsproses begin het, in kommentaar dat die manier waarop ’n plaas se prys bepaal word, herbeskou moet word. Die banke, kopers en die Regering kyk net na die potensiële opbrengs van die grond. Die waarde van die geboue en ander infrastruktuur tel nie en, soos in dié geval, ook…

BRASILIË kan nou meer as net varkvleis be-stem vir wors na Suid-Afrika uitvoer. Tot nou kon Brasilië land slegs varkvleis wat verder verwerk sou word – gewoonlik tot wors, na Suid-Afrika uitvoer, aldus die Brasiliaanse ambassade in Pretoria. Sedert 11 Januarie is die Suid-Afrikaanse mark, ná ’n paar jaar se onderhandelinge, egter oopgestel. Varkprodukte uit Brasilië is nou op die Departement van Landbou, Bosbou en Visserye se onbeperkte lys. PRYSE Mnr. Jacobus Hoffman, projekbestuurder van die Suid-Afrikaanse Varkvleisprodusente-organisasie (Savpo), sê die organisasie besef terdeë Suid-Afrika leef nie in isolasie nie. “In die algemeen het varkvleisinvoer, of dit nou van Brasilië of enige ander plek kom, ’n regstreekse invloed op ons bedryf, veral gegewe die erge droogte wat ons die afgelope 24 maande beleef het en die uiters hoë voerpryse. As…

‘Bystand sal uiteraard nie verleen word indien dit nie herstelvermoë sal verseker nie.’ SOWAT nege maande nadat die Land Bank R400 miljoen se konsessielenings aan droogtegeteisterde boere beskikbaar gestel het, het relatief min boere nog daarvoor aansoek gedoen. Mnr. Bennie van Rooy, finansiële hoof van die bank, het boere wat nog belang stel, aangemoedig om so gou moontlik aansoek te doen. Daar was onlangs gerugte dat die geld net tot einde Desember beskikbaar was, maar Van Rooy sê dis tot einde Maart beskikbaar. Dié datum kan ook verleng word deur ’n addendum tot die bank se ooreenkoms met die Nywerheidsontwikkelingskorporasie (IDC), wat die geld aan die bank leen. Mnr. Mandla Mpangase, IDC-woordvoerder, sê ’n verlenging kan einde Maart op grond van die vraag na die geld oorweeg word. Tans voorsien…

DIE SAADMAATSKAPPY Monsanto het vanjaar meer projekte in sy navorsingspyplyn as ooit tevore. Veertien projekte kan vanjaar vorder tot ’n fase van kommersiële beskikbaarheid, en meer as 35 nuwe projekte word van stapel gestuur om die gevolge van klimaatsverandering teen te werk. Die navorsing behels onder meer ’n unieke swambehandeling vir mieliesaad om die plant in sy vroeë groeifase te help beskerm, nuwegenerasie-tegnologie vir beskerming teen insekte en onkruid, en navorsing om die welstand van bye as die bestuiwers van gewasse te beskerm. Dr. Robert Fraley, hoof van tegnologie by Monsanto, het op die maatskappy se jaarlikse navorsing-en-ontwikkelingsvooruitskouing gesê die navorsing help om nuwe oplossings te vind vir boerderybestuur. “Daar moet in ’n groeiende vraag voorsien word, terwyl boerderypraktyke aangepas moet word om bioverskeidenheid en hulpbronne, soos grond en water,…

1 VERWERKING | Clover belê in olyfolie-maatskappy Die suiwel-en-koeldrankmaatskappy Clover het ’n 51%-belang in Olive Pride bekom. Olive Pride is ’n vervaardiger en invoerder van olyfolie, balsamiese asyn en verwante produkte. Die nuwe entiteit sal Clover Pride heet. AECI sal die oorblywende 49% besit. Olive Pride het tot nou aan Southern Canned Products (SCP) behoort — ’n volfiliaal van AECI, ’n vervaardiger van plofstowwe en spesialiteitschemikalieë. Clover gaan alle dienste aan Clover Pride lewer, waaronder bevoorrading, verkope, bemarking en verspreiding. Mnr. Johann Vorster, uitvoerende hoof van Clover, sê die Olive Pride-handelsmerk het baie raakpunte met Clover, “soos deurlopende hoë gehalte, wonderlike smaak en voortgesette vernuwing en ontwikkeling”. Luidens die verklaring is Olive Pride die markleier as dit by olyfolie kom, met ’n aandeel van 37,5% gegrond op volume. Sy produkte…

CHINA vra dat Suid-Afrika sekere regulatoriese verbeteringe in werking stel voordat hy Suid-Afrika se versoek om beesvleis daarheen uit te voer, verder oorweeg. ’n Afvaardiging van die Chinese algemene administrasie vir gehaltetoesig, inspeksie en kwarantyn (AQSIQ) het Suid-Afrika van 9 tot 18 Januarie besoek as deel van Suid-Afrika se voorneme om beesvleis daarheen te kan uitvoer, het die Departement van Landbou, Bosbou en Visserye in ’n verklaring gesê. Die Chinese afvaardiging het sekere voerkrale, slagplase, beesvleisverwerkingsaanlegte, koue opbergingsgeriewe en toegangspunte tot die land besoek om die Suid-Afrikaanse beesvleisproduksiestelsel te beoordeel. Die afvaardiging, gelei deur mnr. Zhao Zenglian, adjunkdirekteurgeneraal van die AQSIQ, was oorhoofs tevrede met die Suid-Afrikaanse stelsel, maar het verdere regulatoriese verbeterings geopper. Die doel van die Chinese besoek was deels om samewerking rakende sanitêre en fitosanitêre kwessies te…

DIE jongste Nasie in Gesprek- televisiereeks trek ’n nuwe baadjie aan op die Afrikaanse DStv-kanaal kykNET. In dié reeks besoek die span die platteland en leer hoe die landbou tot gemeenskappe bydra. Kenners gesels dan verder oor belangrike kwessies in verskeie landboubedrywe. Wees op die uitkyk uit vir die episode oor die skaapbedryf wat op Woensdag 25 Januarie om 17:30 die eerste keer uitgesaai word (heruitsendings volg). Nasie in Gesprek is ’n gespreksforum wat deur Senwes in die lewe geroep is. Verskeie vennote in die landbou ondersteun die inisiatief. Die eerste gesprekke is vier jaar gelede op die Nampo-Oesdag aangebied. Ateljeegaste en gesprekspanele gee verdere insig oor die kwessies wat voedsel- en veselproduksie beïnvloed en hoe dit die verbruiker raak. SINVOLLE GESPREKKE Theo Vorster van Galileo Capital, Rozanne McKenzie, omroeper…

Die beleid moet eerder wees om boerderye in die onderste kategorieë met ondersteunende beleid te help om na die boonste kategorieë op te beweeg. Die beleidsdebat oor plaasgroottes en grondplafonne gaan vanjaar voortduur, terwyl baie boere hulself afvra waar om hulself te posisioneer, veral ná die impak van die groot droogte van die afgelope paar jaar. Die droogte het baie middelslag- en kleiner boerderye finansieel erg geknou, en die nadelige uitwerking daarvan gaan nog in die volgende paar jaar op die platteland gesien word. Talle boere het doodgewoon ál hul reserwes uitgeput om aan die gang te bly, en die finansiële herstelproses gaan moeilik en lank wees. Daar is moeilike opsies wat oorweeg moet word vir die pad vorentoe. Die besluit oor om die boerdery te verander of selfs die…

Die wêreld het kleiner geraak. Boere ding nie meer met hul bure mee nie, maar met die res van die wêreld. Hoewel kontantgewasse aan die wêreldmarkte gekoppel is, speel die binnelandse vraag ’n groot rol. Pryse word bepaal deur die binnelandse vraag en kontant in die hand van die verbruiker. Met koste wat bly styg en die wisselvalligheid van pryse sal veral besproeiingsboere hul visie vir die toekoms moet verander. Een opsie wat Noord-Kaapse boere kan oorweeg, is die aanplant van pekanneutbome. Pekanneute is in dié provinsie ’n goeie alternatief vir kontantgewasse onder besproeiing. Omdat die prys van pekanneute in Amerikaanse dollar bepaal word, kan boere dié gewas gebruik om hul risiko te versprei. Hoewel pekanneutbome goed aanpas oor groot dele van Suid-Afrika, toon ’n klimaatstudie dat Vaalharts en die…

Hoewel wolproduksie van ’n hoogtepunt van meer as 100 miljoen kilogram in die 1960’s tot minder as 45 miljoen kilogram in 2002 gedaal het, is daar tans ’n opwaartse trajek en het produksie op nagenoeg 50 miljoen kilogram gestabiliseer, sê mnr. Leon de Beer (foto), hoofbestuurder van die Nasionale Wolkwekersvereniging (NWKV). “ ’n Deel van die styging was te danke aan ’n toename in produksie in die voormalige Transkei en Ciskei waar die NWKV die afgelope 17 jaar baie gedoen het om kuddeverbetering teweeg te bring. Dit het gelei tot ’n produksietoename en meer wol wat na die formele mark gevloei het. Boere kon dus die vrugte van ’n hoër inkomste pluk. Waar daar in 1997 slegs 220 000 kg wol ter waarde van R1,5 miljoen uit dié gebiede op…

Die Weeg en Wen-opbrengskompetisie is in die afgelope somer die eerste keer onder leiding van die saadmaatskappy DuPont Pioneer in Suid-Afrika aangebied om amptelike opbrengsrekords aan te teken. Die kompetisie word aangebied met die samewerking van John Deere, Syngenta, Sanlam, Senter 360, FNB, die Proteïennavorsingstigting en Landbouweekblad. ’n Deelnemende boer moet ’n blok mielies of sojabone inskryf en dan die beste deel daarvan uitwys sodat 2 ha deur die organiseerders geoes kan word. Die kompetisie word hierdie somer weer aangebied en boere word aangemoedig om by www.weegenwen.co.za in te skryf. In Amerika waar ’n soortgelyke kompetisie al jare lank aangebied word, het opbrengste aansienlik gestyg. Die wêreldrekord vir mielies van 33,395 ton/ha word deur mnr. David Hula van die deelstaat Virginia gehou, terwyl die rekord vir sojabone verlede jaar deur…

Suid-Afrikaanse boere het in die laaste dekade genetiese raad uit talle oorde ontvang. Elke stoetveilingkatalogus verskaf ook nou beraamde teelwaardes vir ’n hele reeks kenmerke. Ná meer as 20 jaar in die bedryf verstom dit my steeds dat ’n groot aantal stoet- en kommersiële boere nog met die mees basiese konsepte van diereteelt sukkel. Dit sluit in ’n begrip van watter deel van ’n dier se prestasie aan gene toegeskryf kan word, asook hoe diere met moderne genetiese evaluasies in verskillende omgewings vergelyk kan word. ’n Bekende stoetteler het onlangs in ’n artikel oor die genetiese vordering van sy kudde genoem dat die genetiese neiging vir sy kudde in sekere jare laer was weens droogtes. As die byhou van aantekeninge korrek geskied, kan die genetiese neiging van ’n kudde nié…

1 Senior kampioenhings, Great Ideas. Eienaar: Mnr. Adam Brenner (sel 083 448 2194), Brenner-stal, Kaapstad. Vertoner: Mnr. Faizel Brenner. 2 Senior kampioenmerrie, My Desire. Eienaar: Mnr. Waleed Dirk (sel 082 556 9673), Dirk Broers-stal, Philippi. Vertoner: Mnr. Denzel Jefte. 3 Grootkampioen (enkeltuig), Matrix. Eienaar en vertoner: Mnr. Waleed Dirk, Dirk Broersstal, Philippi. 4 Grootkampioen (siertuig), Black Prince. Eienaars: O. Davids en Seuns en mnr. Noogh en me. Darewesa Gani (sel 081 511 2709), Wiggins-stal, Porterville. Vertoner: Mnr. Jacques Wiggins. 5 Grootkampioene (dubbeltuig), Super Star en She is a Star. Eienaar: Baron en Seuns (tel. 021 633 7544), Baron-stal, Kaapstad. Vertoner: Mnr. Nazeem Baron. 6 Kampioen (enkeltuig, twee jaar oud), My Style. Eienaar: Mnr. Waleed Dirk, Dirk Broersstal, Philippi. Vertoner: Mnr. Frank Robert. 7 Junior kampioen (enkeltuig, drie jaar oud), Cheetah’s…

Die Baddafordpadstal het ontstaan in die dae toe daar nog ’n smal spoorlyn was om sitrus wat langs die Katrivier verbou is, te vervoer na die pakhuis op Fort Beaufort, sowat 10 km verder op die R67, vertel me. Jane Roberts (56), eienaar van die padstal. Die Roberts-familie, pionierboere in die vallei, het in die 1950’s vanuit ’n piepklein houtstalletjie vars lemoensap aan verbygangers verkoop. Teen die 1970’s het sake verander toe die R67 gebou is. Met die skerp toename in verkeer het hulle besluit om ook tuisgebak en konfyt – wat deur die vroue op die plaas gemaak is – in die padstal te verkoop. Jane en man, mnr. Jonathan Roberts, is in 1981 getroud, waarna Jane ’n kwekery en teetuin by die padstal ingerig het. PLAASATMOSFEER Fort Beaufort…

Daar gebeur so dikwels dinge wat jou diep skok en dan kom die vraag by jou op: Was dit God wat dit oor my laat kom het? Soms gebeur daar iets wat ’n tergende vraag by ’n mens ontlok: Was dit werklik God se bedoeling dat dit só moet gebeur? En as dit nie is nie, wie se bedoeling was dit dan? Wie het besluit om die knoppie te druk wat die proses aan die gang moes sit? Dié vraag het my meermale onkant gevang, en nie net ten opsigte van my eie ervaring nie, maar ook oor dié van ander gelowiges wat antwoorde gesoek het. Laat ek maar eerlik erken: Ek was swak in my poging om antwoorde te gee. So dikwels gebeur daar dinge wat jou diep skok…

‘Die jagbedryf met al sy fasette van waardetoevoeging, moet tot elke prys beskerm en gerespekteer word.’ DIE verklaring van 12 wildsoorte as landrasse ingevolge die Diereverbeteringswet (Wet 62 van 1998) het gunstige reaksie onder wildboere ontlok, maar word minder gunstig deur die jagbedryf en bewaringsgesindes bejeën. Die verklaring deur mnr. Joel Mamabolo, die registrateur van Diereverbetering, maak die stigting van telersgenootskappe vir die wildbedryf moontlik. ’n Telersgenootskap is reeds vir die bontebok gestig met die Wildtelersvereniging (WPA) as sy registrerende owerheid. Die ander verklaarde wild – swart-en blouwildebees, blouduiker, bontebok, gemsbok, rooibok, oorbietjie, rooihartebees, bastergemsbok, swartwitpens, springbok en tsessebe – is in ’n proses om die stigting van telersgenootskappe te oorweeg. Dié wild is in die Staatskoerant van 10 Junie 2016 verklaar. As telersgenootskappe vir dié diere gestig word, kan…

Mnr. Paul Truter (middel) van die plaas Papkuilsfontein het die skild vir die hoogste koringopbrengs en ’n globale posisioneringstelsel van mnr. André Rabe (links) van Moov ontvang. Saam met hulle is mnr. Neels Welman, hoofbestuurder van Wes-Kaap Graanprodusente Edms. Bpk. op Malmesbury. Van links is mnre. Louw Burger en André Lund van Momentum-korttermynversekering, Jan Bester, boer van Malmesbury, en Bouwer Raal van Wesgraan. Mnr. Dirk Lesch (links) van die plaas Elim het die prys vir die beste bruto marge oor vyf jaar by koring ontvang. Mnr. Dickie Hewitt van die plaas Boesmansfontein het die trofee oorhandig. Van links is mnre. Jacques de Jager, Franco Marais, Johan Pepler en Coenie Westraadt, almal van BASF, en Tobie Klerck van Screeners. Die wenner van die Yarawisseltrofee vir die beste bruto marge per ton…

DANKSY goeie reënneerslae en vooruitsigte op laer voerpryse, behoort die prys wat verbruikers vir eiers betaal, oor die volgende paar maande sywaarts te beweeg, meen dr. Charlotte Nkuna, uitvoerende bestuurslid van die Suid-Afrikaanse Pluimveevereniging (Sapa). Die jongste syfers tot einde September verlede jaar toon dat boere gemiddeld R13,10 per dosyn vir alle eiers gekry het. Vir gegradeerde eiers was die prys R14,20/dosyn en vir vrylopende hoenders s’n R27,08/dosyn. Nkuna sê talle produsente was genoodsaak om hul lêhoenders vroeër te laat slag vanweë die lae winsmarge. Dit het die voorsiening laat afplat, met die gevolg dat die prys van eiers teen Desember duurder as in September was. Aangesien eiers ’n rakleeftyd van net sowat twee maande het, voer Suid-Afrika nie eiers in nie. Eiers word wél na naburige lande, soos Mosambiek…

GAUTENG NIGEL NOOITGEDACHT (388) 107 ha, aan Tiespro 97 (Edms.) Bpk., van Goldenspot Trading 434, R3 800 000. PETIT (28) 7 624 ha, aan H.T.K. Mojapelo, van Z.W. Jantjies, R347 500. PRETORIA DOORNRANDJE (386) 61 ha, aan Sebastiao Farms (Edms.) Bpk., van W.M. Kunitz, R16 000 000. HONINGNESTKRANS (269) 58 ha, aan I.M. van der Westhuizen, van Masezo Farm, R381 818. KLIPPAN (21) 21 ha, aan M.M. Phasha en N.A. Phasha, van G.L. van Aswegen en G.F. van Aswegen, R750 000. KNOPPIESFONTEIN (549) 135 ha, aan C.A.J. en L.J.G. Burger, van Witpoort-trust, R1 885 500. SPRINGBOKVLAKTE (41) 23 ha, aan G.G. en T. Jack, van P.J. Armstrong, R1 650 000. TRIGAARDSPOORT (451) 70 ha, aan B.P.E. Nortje, van M.M. Pieterse, R750 000. KWAZULU-NATAL BALLITO AMERSHAM (15249) 168 ha, aan Heleza…

Die veilingstyd is weer in volle gang en Landbouweekblad het afslaers wat by hom adverteer, gevra om ’n paar veilings uit te lig wat in Februarie aandag behoort te trek. BKB LOUWID het drie veilings wat uitstaan, naamlik dié van mnre. Freddie en Mark Schmidt op 9 Februarie en mnr. Jaco Maritz op 16 Februarie, albei naby Memel, en die veiling van Fortress Bonsmaras op 21 Februarie naby Frankfort. Dit is die Schmidts se 35ste produksieveiling en hulle verkoop hul totale Brafordstoetery (162 beeste), asook 600 Bovelders en 360 Dohne-Merino’s. Maritz bied 290 gekeurde Bovelders, 650 SA Vleismerino-ooie en 30 veldramme aan. Op Fortress se 17de produksieveiling sal 509 puik diere (meestal kommersiële koeie) te koop wees. KLK LANDBOU BPK. het drie stoetveeveilings in Februarie, maar een wat sekerlik aandag…

FEBRUARIE HEIDELBERG (WK) 9-11, Heidelberg (WK)- landbouskou. Perde-, beeste- en skaapkampioenskap, algemene program. Hannelie de Lange. E-pos: hdelange@ssk.co.za; tel. 028 514 8710, sel 082 393 2056. WILLOWMORE 9-10, Willowmore-skou. Boerbok, Angorabok, Merino, Dorper, jeugskou, biertuin, uitstallings, skoudans. Kobus Lötter, tel. 044 956 1009, sel 082 432 2393. VICTORIA-WES 9-11, Victoria-Wes-skou. Sel 082 940 8231. Stalletjies: Alicia. E-pos: mailto:vicweslandbou@gmail.com vicweslandbou@gmail.com; sel 079 469 6443. RIVERSDAL 15-18, Riversdal-skou. Betsie van Noordwyk. E-pos: skou@riversdaler.co.za; tel. 028 713 1215; sel 072 015 9671. WILLISTON 23-25, Williston-skou. Belinda Els. E-pos: willistonskou3@gmail.com; tel. 053 391 3005, sel 082 613 3137. MAART SWELLENDAM 2-4, Swellendam-skou en damesoggend. Voorsitter: Anton Olivier, anton.olivier@momentum.co.za of sel 083 700 3580. Media en stalletjiebesprekings: Miriam Basson, miriam basson@gmail.com of sel 082 788 6544. Sekretaresse: Suzaan Smit, skou borge@gmail.com of sel 072 309…

200 000 ton Die Zimbabwiese Meulenaarsvereniging (GMAZ) voorspel dat dié land se winterproduksiegebiede vanjaar meer as 200 000 ton koring kan lewer. Die organisasie sê die opbrengs sal deels uit die regering se sogenoemde Command Agriculture-skema kom en deels van private produsente wat op kontrak boer. Zimbabwe gebruik jaarliks van 400 000 ton tot 450 000 ton koring. — The Chronicle 2,76 miljoen ton Australië verloor jaarliks 2,76 miljoen ton van sy graanoes weens probleme met onkruid. Wat totale opbrengsverlies betref, is raaigras, ramenas en wildehawer die duurste onkruide om te bestry. Onkruiddoders is die algemeenste manier om onkruide te probeer bekamp. Boere behaal ook sukses met geïntegreerde onkruidbestuurspraktyke. — Grain Research and Development Corporation 88 miljoen ton ’n Geraamde 88 miljoen ton kos word jaarliks in die Europese Unie…

‘Dit was ’n besonder frustrerende en moeilike tyd.’ DR. JOHAN VAN ROOYEN, spesialis-veearts by die Landbou-Ontwikkelingsinstituut Grootfontein, oor die uitgerekte tugstappe teen hom. Bl. 18 ‘Daardie druiwe is kapoet.’ MNR. HENNING BURGER, wingerdboukundige bestuurder by Orange River Cellars, oor die skade wat die onlangse swaar reën aan die rosyntjiedruiwe-oes aangerig het. Bl. 17 ’(Boere) moet letterlik daagliks in die lande en in die veld kom.’ DR. GERHARD VERDOORN, plaagkenner, oor die risiko van kommandowurm en sprinkane wat tans heers. Bl. 14 ‘Bystand sal uiteraard nie verleen word indien dit nie herstelvermoë sal verseker nie.’ MNR. JOHAN PIENAAR, adjunk- uitvoerende direkteur van Agri SA, oor die lenings wat die Land Bank as droogtehulp beskikbaar het. Bl. 16 ‘As Brasiliaanse varkvleis teen laer pryse aangebied word, sal dit ’n regstreekse invloed op…

OPVOUBARE MOTORHEK ’n Opvoubare motorhek is deur mnr. Sarel Coetzee, ’n treinkondukteur van Bloemfontein, ontwerp. As ’n mens diere wil laat deurgaan, vou jy die motorhek soos ’n vleisbraairooster op en swaai dit oop. Verder dien dit dieselfde doel as ’n gewone motorhek. Coetzee het nog net proefmodelle van die motorhek gebou. Hy het die ontwerp reeds gepatenteer en sal moontlik binnekort met die bou daarvan begin. Die hek sal met hoekpale en al gekoop moet word, want die meganisme wat die hek so veelsydig maak, is binne-in die twee hoekpale ingebou. Die meganisme bestaan uit silindervormige hefbome wat met behulp van vere op en af beweeg. Die hek self bestaan uit twee ewe groot roosters met ’n skarnierende verbinding. Vir motorverkeer lê die dubbele rooster kromrug oop met die…

DR. JOHAN VAN ROOYEN, ’n spesialis-veearts by die Landbou-ontwikkelingsinstituut Grootfontein, keer op 23 Januarie terug werk toe ná ’n skorsing van ses maande en ’n uitmergelende dissiplinêre proses waarteen hy tans appèlleer. Van Rooyen is verlede Julie geskors hangende verskeie dissiplinêre klagtes. Hy is vir die duur van sy skorsing verbied om enige werk te doen, wat konsternasie veroorsaak het in die plaaslike boerderygemeenskap. Hy is intussen skuldig bevind aan vyf klagtes en is drie geskrewe waarskuwings opgelê. Sy posvlak is ook verlaag, ofskoon dit nie duidelik is wat sy nuwe pos sal wees nie. “Dit was ’n besonder frustrerende en moeilike tyd,” sê Van Rooyen, wat nege vakke per semester by Grootfontein aanbied. Sy skorsing hou skynbaar verband met ’n magstryd tussen die vakbonde Public Servants Association (PSA) en…

Eskom se beoogde kragonderbrekings kan katastrofiese gevolge vir ’n landboubesigheid inhou, sê mnr. Chris Schutte, uitvoerende hoof van Astral Foods. Eskom sou beurtkrag, en later algehele kragonthouding, op 23 Januarie in die Lekwa-munisipaliteit (Standerton) begin. Schutte sê Astral is Lekwa se grootste kliënt en maak staat op die ononderbroke voorsiening van krag en water. “In ’n hoenderboerdery moet voer, water en ventilasie te alle tye vir die voëls beskikbaar wees. “Die hoenderverwerkingsaanleg, wat groot hoeveelhede krag gebruik, het deurlopende kragvoorsiening vir sy bedrywighede nodig. “Dit is ’n aaneenlopende siklus en elektrisiteit hou die masjinerie en verkoeling aan die gang,” sê Schutte in ’n verklaring. Astral se Eskom-rekening is tans ten volle betaal. Schutte sê Astral, met sy Goldi-verwerkingsaanleg, die Meadow Feeds-meule – die grootste in Afrika – en die meeste…

DIE pluimveebedryf is optimisties dat hy saam met die Regering ’n oplossing vir sy benarde situasie kan vind. Mnr. Kevin Lovell, uitvoerende hoof van die Suid-Afrikaanse Pluimveevereniging (SAPV), sê die eerste vergadering op 17 Januarie tussen die bedryf en die staat het goed verloop. “Albei partye kon hul interpretasie van die situasie gee,” sê Lovell. Verteenwoordigers van onder meer die Departement van Handel en Nywerheid en van Landbou, Bosbou en Visserye het die vergadering bygewoon. Die vergadering is deur ’n groot groep mense bygewoon en ’n kleiner groep is aangewys om binnekort weer te vergader en die proses verder te voer. Lovell sê die partye het ooreengekom dat oplossings gevind moet word wat prakties is en strook met die reëls van die Wêreldhandelsorganisasie. Die vergadering volg nadat afleggings en moontlike…

DIE handelsooreenkoms tussen die Suider-Afrikaanse Doeaneunie (Sadu) en die Suid-Amerikaanse Mercosurblok, wat verlede Oktober in werking getree het, kan vanweë laer voerkoste veral vir die plaaslike pluimveebedryf voordelig wees, skryf mnr. Tinashe Kapuya, hoof van internasionale handels-en-beleggingsinligting by Agbiz. Mercosur is die Suid-Amerikaanse handelsblok waartoe Argentinië, Brasilië, Paraguay en Uruguay behoort. Die proses om die ooreenkoms te beklink en in werking te stel, het langer as ’n dekade geduur. Onderhandelinge het in 2004 begin en die ooreenkoms is in 2008 en 2009 deur albei partye onderteken. Daarna moes al die betrokke parlemente dit goedkeur en Sadu moes sy administratiewe prosesse afhandel, soos die toewysing van kwotas tussen sy lidlande. Die ooreenkoms het uiteindelik op 21 Oktober verlede jaar in werking getree, terugwerkend tot 1 April. LANDBOU Die ooreenkoms se belang…

OPTIMISME oor gunstige weervooruitsigte het in die tweede en derde week van Januarie die oorhand gekry. Dit het daartoe gelei dat nuweseisoen-mieliepryse gedaal het om teen die derde week van Januarie op vlakke te verhandel wat die totale produksiekoste van mielies begin ewenaar. Produsenteweerstand begin in ’n groot mate intree sodra pryse hierdie vlakke bereik. Dit is te vroeg in die produksiejaar om die finale oes se randwaarde in die silo te bepaal, en opvolgreën is in groot dele van die land nodig. Produsente sal dus geleenthede benut as pryse styg. Dit sluit in: • ’n Toename in onsekerheid oor opvolgreën in Februarie. Grondvog in dele van die produksiegebiede is nog nie voldoende aangevul nie. • ’n Onverwagte verswakking in die wisselkoers. • Aanduidings dat die invoerteiken van 2,7 miljoen…

Iemand het gevra of die berekening van ’n aanwas-eis by dood bereken kan word teen die netto waarde van die boedel, dus nadat boedelbelasting en ander verpligtinge bereken is. Ek was ietwat verbaas oor die vraag, maar het besef dit is ’n algemene siening wat die ronde doen. Vir praktiese doeleindes werk ons met twee boedels. Meer korrek, twee berekeninge, maar omdat albei verwys na boedel, hou ek by twee boedels. Daar is een waarvolgens die aanwas-eis bereken word en een waarvan ons die aanspreeklikheid vir boedelbelasting wil bereken. Ons kyk eers na die aanwas. Die Wet op Huweliksgoedere (Wet 88 van 1984) bepaal dat by die beëindiging van ’n huwelik onderhewig aan die aanwasbedeling deur óf egskeiding óf dood, sal die een wie se boedel geen groei of ’n…

Pas terug van ’n vergadering van die Internasionale Woltekstielorganisie in Italië is mnr. Louis de Beer (46), uitvoerende hoof van Cape Wools, optimisties dat Suid-Afrikaanse wolboere die geleentheid sal benut om produksie met tot 25 miljoen kilogram oor die volgende dekade op te stoot. Wolpryse het immers sedert die opening van die 2016-’17-seisoen reeds verskeie kere nuwe hoogtepunte getoets. “En dit was nie net weens die verswakking van die rand nie – die prys in Amerikaanse dollar het ook gestyg.” Hy sê daar is sowat twee jaar gelede besluit op die mikpunt om produksie uit te brei ten einde groter samehorigheid tussen ál die belanghebbendes in die bedryf te bewerkstellig. “Hoewel elkeen uit eie reg suksesvol is, was daar ’n gebrek aan ’n gemeenskaplike visie. Cape Wools is die taak…

Sedert mnr. Bernard Rabé meer as tien jaar gelede na presisieboerdery en kort daarna na geenbewerking oorgeslaan het, pas alles in dié familieboerdery by Fochville soos ’n legkaart in mekaar. Nie net is die opbrengs van al sy gewasse hoër nie, maar die koste van duurder toerusting word binne twee tot drie jaar verhaal. Bernard, wat die eerste prys vir die hoogste mielie-opbrengs op droëland in die westelike produksiegebied van Suid-Afrika in DuPont Pioneer se eerste Weeg en Wen-opbrengskompetisie gewen het, boer saam met ’n span op die plaas Tweefontein by Fochville in Gauteng. Sy hoofgewas is wit mielies, wat hy met sojabone en sonneblomme afwissel. Hy verbou sy gewasse in ’n stelsel van geenbewerking; alles onder droëlandverbouing. Bernard dien in die bestuur van die familie-onderneming Rabé-boerdery, wat benewens akkerbou…

dit is Donderdagmiddag en ek raak angstig. My been begin wip, my oog trek skeef en my mond raak droog – amper soos ’n student s’n ná ’n koshuisdans. Ek kan nie meer uitstel nie; ons moet Rheebok toe om vir Jeronkie en Marna te gaan kuier. As ons nie nóú ry nie, gaan ons laat wees. En as ons laat is, gaan ons baba nie betyds bad nie en as sy nie betyds bad nie, gaan sy nie betyds gevoed word nie en as sy nie betyds gevoed word nie, gaan niemand slaap nie! En as niemand slaap nie, gaan ons nie weer see toe genooi word nie of sekere ander mense gaan koudgesit word deur die idee om kinders te kry. Plaasmense het ook soms ’n bietjie see…

Toe ons seuns sterk stuurmanne word, het Pa geglo ons moet “voetgoed” aanhê. Oupa Joos was die omgewing se velskoenmaker en hy het sommer in ’n voormiddag gou ’n paar bokoorleerskoene gemaak. Die ou mense het dourie jare die groot bokkapaters se velle sag gebrei en met bas gelooi. Bas was ’n rooi vrug wat wintertyd soos ’n patat onder die grond uitgegrawe is. Pa het later jare ook vir ons kinders velskoene gemaak, maar hy was nie so bekwaam soos Oupa nie. Hulle het die velskoene op ’n houtlees gemaak, maar Oupa het net jou voete met sy oë gemeet en dit was gewoonlik pasmaat. Dit was winter en Pa het besluit om vir my ook ’n paar velskoentjies te maak, want ek was die wintervakansie die boklammers se…

Mnre. Ian Waddilove van Meadow in KwaZulu-Natal, Matthew Waddilove, James Wilmot, Ulrich Meyer en Douglas Allan, almal studente by Saasveld. Mnre. Colin Bellew en Johan Dippenaar van Vitam International. Mnre. Cliff Harrington van Meadow, Frank Ferreira van Nova en Richard Barclay van Coastal Farm Nutrition. Mnre. Tinie Gericke van Gericke Boerdery, Groot-Brakrivier, Andreé Barnard van Nitrophoska Kunsmis en Reinier Schuin van Blanco. Mnre. Jaco Kellerman van Barenbrug, Ben van Greuen van Van Greunen Boerdery en George Kuyler, nasionale ondervoorsitter van die Melkprodusente-organisasie, van Skimmelkrans Boerdery. Mnr. Julian Abrahams van die Wes-Kaapse departement van landbou, mee. Alfreda Mars en Catherine Carolus van die plaas Middelpos, Moorreesburg, en mnr. Adriaan de Bruyn van Saron.…

1 Kampioen in die enkeltuig (ope), Bismarck. Eienaar: Boeta Smit en Seuns (tel. 027 217 1360), Lutzville. Vertoner: Mnr. Pieter Wagenaar. 2 Kampioenpaar karperde (ope), Majoor en Duke. Eienaar en vertoner: Mnr. Marius Kemp (sel 072 735 5656), Okonjima-stal, Durbanville. 3 Kampioen-vierspan (ope), Mia, Vicky, Bernice en Bianca. Eienaar en vertoner: Mnr. Uys Steenkamp (tel. 027 341 2167), Noordhoek-stoetery, Calvinia. 4 Grootkampioen in die driegang (ope), Opkyk Rocket, en die kampioen-kinderruiter onder 18 jaar, Kayla Radyn. Eienaar: Me. Karen Woermann (sel +264 811 291 777) Mount Royal-stal, Stormsvlei. Afrigter: Me. Beretha Swart. 5 Kampioen in die driegang (plesierperd, ope), Opkyk Rocket. Eienaar: Me. Karen Woermann, Mount Royal-stal, Stormsvlei. Vertoner: Mnr. Abdul Jacobs. 6 Kampioen in die siertuig (ope), Bullet. Eienaar: Mnr. Pieter Agenbagh (sel 083 616 1036), Kaniklani-stal, Lutzville. Vertoner:…

VAN die Kaliforniese woestyn tot Suid-Afrika se Namakwaland floreer ’n groeiende dadelbedryf danksy die wêreldwye toenemende verbruikersneiging in die rigting van gesonder kos. Die bekende ZZ2-boerdery, wat onlangs dié bedryf betree het, beoog om van Maart af sy eerste dadeloes in groot volumes te begin pluk. Hulle het die laaste paar jaar op groot skaal palmboorde in die Karas-gebied in Namibië se suide aangeplant. Die Karsten-groep is Suid-Afrika se grootste dadelprodusent – aan die ander kant van die Laer Oranjerivier in die Klein-Pella-gebied. ZZ2 wil vanjaar se oes meestal plaaslik op varsproduktemarkte verkoop. Die Karsten-groep bemark plaaslik én in die uitvoermark. Dié groep bedryf onder meer verpakkingsaanlegte in Egipte. Intussen word uit Kalifornië berig hoeveel miljoene dollar dadels deesdae daar geoes word. Die Coachella-vallei voorsien nagenoeg 95% van alle dadels…

Die droogte in die bokhaarproduksiegebied en die insinking in bokhaarpryse in die afgelope seisoen het die prys van Angoraramme op die amptelike veilings van die Angoraramtelersgenootskap benadeel. Mnr. Petrie Maré, bestuurder van die genootskap, sê op die twee veilings in November wat op Graaff-Reinet en Somerset-Oos gehou was, het die gemiddelde prys van kudderamme van R7 000 tot R5 000 gedaal. Uitsoek-kudderamme het gemiddeld R10 000 behaal, terwyl die prys van stoetramme van R25 000 tot gemiddeld R20 000 teruggesak het. “Hoewel daar intussen tot 50 mm reën in die Karoo geval het, sal pryse steeds onder druk wees. Ons verwag ’n gemiddelde prys van tot R6 000 vir die veldramme. Met die uitstekende bokhaarpryse in die afgelope drie jaar het die pryse van ramme baie hoog op veilings geraak.…

ALGEMEEN 24-28 JANUARIE: Sentraalbinnelandse Boerbokskou en -veiling. Afridome, Parys. Eric Dugtig, sel 079 498 7427; Retha Calitz, sel 083 462 3482; Gerald Calitz, sel 083 502 0227. E-pos: sentraalbin nelandboerbokklub1@gmail.com 26 JANUARIE: Veldramveiling. Graaff-Reinet. Angora-stoettelersvereniging. E-pos: samga@angoras.co.za 28-30 APRIL: Suid-Afrikaanse Kaasfees. Sandringham, Stellenbosch. Agri-Expo. E-pos: admin@agriexpo.co.za; web: www.cheesefestival.co.za; tel 021 975 4440. KURSUSSE 30 JANUARIE-1 FEBRUARIE: Kunsmatige inseminasie (skape/ bokke). George. Di Rothman. Web: www.rltsafrica.com; sel 082 772 1208. 31 JANUARIE-1 FEBRUARIE: Vervaardiging van jogurt and maas. LNR, Irene. Annetjie Loubser. E-pos: aloubser@arc.agric. za; tel. 012 672 9153. 1-3 FEBRUARIE: Trekkerinstandhouding. Protea-opleidingsentrum, mobiele kursusse. Isaac Schoeman. E-pos: protea@kingsley.co.za; tel. 021 836 8025, sel 082 670 1636. 2-3 FEBRUARIE: Fynproewersampioenverbouing, klein skaal. Kaapstad. (Ook via rekenaargesteunde onderrig.) Dr. Adriaan Smit, e-pos: info@mushroom academy.com; web: www.mushroomacademy.com; sel 082 749 8553. 6 FEBRUARIE:…

’n Liefde vir my land en landgenote en wat ek hoop as ’n sin vir menslikheid beskryf kan word, motiveer en inspireer my om die suiwelsektor te transformeer en te hervorm. Vanuit hierdie posisie kyk ek na die donkerte anderkant die afgrond. Die gebrek aan leierskap, optrede en begrip waarmee ons samelewing deurtrek is, walg my. Verder word ek ook verontrus wanneer ek die toksiese narsissisme sien wat klaarblyklik van so ’n breë spektrum mense besit geneem het. Ek noem dit die wat-kan-ek-daaruit-kry?-sindroom. Dit is ’n siekte wat die hart van Suid-Afrika binnegedring het en waarmee ’n mens gekonfontreer word as jy ernstige sake probeer oplos. Ons het ’n Regering wat blykbaar toenemend onontvanklik is vir die behoeftes van die mense wat hy veronderstel is om te dien. Maar ons…

MNR. BERNARD RABE van Fochville het die hoogste droëland-mielie-opbrengs (11,11 ton per ha) in die westelike produksiegebiede in DuPont Pioneer se Wen en Weeg-kompetisie behaal. Lees meer op bl. 40. VERTEL ONS VAN JOU GESIN. Ek en my vrou, Nadya, het twee seuns, Nardus en Carel. HET JY ’N STOKPERDJIE? Veldmotorfietswedrenne. Naweke ry ons die plaas plat. MNR. RYK VAN VELDEN van Rouxville meen die Nguni kan sy plek in die breë beesboerdery-opset volstaan as dié ras reg aangewend word. Lees die artikel op bl. 44. VERTEL ONS VAN JOU GESIN. Ek is getroud met Barbara, en ons het twee seuns. WAAR HET JY GESTUDEER? Ek het myself as onderwyser bekwaam en my loopbaan in Kimberley afgesluit.…

AANBEVOLE MIDDELS Dié plaagdoders sal kommandowurms laat vrek sonder om ’n noemenswaardige gevaar vir trekvoëls, soos witooievaars, sprinkaanvoëls, klein swartsprinkaanvoëls en kraanvoëls, in te hou: • Cypermethrin EC (reg.nr. L4644, Wet 36 van 1947). • Decis Forte (L6563). • Decis (L1741). • Fury 10EW (L6696). • Alpha-thrin 100SC (L7262) • Concord (L7143). • Qwemifast (L7211). • Ripcord EL (L4953). • Ripcord 200 EC (L5603). Hierdie middels is almal geregistreer vir die bestryding van kommandowurms op veld en weiding. Daar is ook ander geregistreerde middels, maar hulle bevat metomiel en chloorpirifos, wat baie gevaarlik vir voëls is. DIT sal verbasend wees as plae van kommandowurm en/of sprinkane nié vanjaar in Suid-Afrika uitbreek nie, maar daar is genoeg middels beskikbaar om dit sonder omgewingskade doeltreffend te bestry, sê die plaagkenner dr. Gerhard…

VOLHOUBARE landbou is net moontlik as beleidmakers gesamentlik kyk na grond, water en energie en nie dié drie in isolasie van mekaar beskou nie. Die T20-taakmag, waarby die bekende Stellenbosse landbou-ekonoom prof. Nick Vink ingesluit is, is ’n netwerk van dinkskrums uit die G20-lande. Die taakmag meen nuwe beleid oor volhoubare water- en grondgebruik is nodig as voedselsekerheid vir almal bewerkstellig wil word. Landbouministers sou van 20 tot 22 Januarie in Berlyn bymekaarkom vir die Groen Week. In ’n beleidsvoorstel wat die T20 daarvoor voorberei het, beklemtoon hulle hoe belangrik dit is dat grond, water en energie nie in afsondering van mekaar beskou moet word nie. Gronden watergebruik is in baie streke van die wêreld, ook die G20-lan-de, nie volhoubaar nie. MENSEWELSTAND “Hoewel daar vooruitgang gemaak word om honger in…

HOEWEL boere in groot dele van die droogte-geteisterde Noord-Kaap verheug is oor die onlangse reën, het dit rosyntjieboere in die Benede-Oranjerivierstreek vir die tweede agtereenvolgende jaar hard getref en hul hoop op ’n rekordoes laat taan. Op sommige plekke oos van Upington het dit sedert Nuwejaar al 200 mm gereën. Kultivars soos sultanas was toe in die finale stadium van rypheid. “Daardie druiwe is kapoet. Party boere byt nog vas en hoop hulle kan iets oes, maar baie boere het besluit om dit eerder na die kelders toe aan te ry vir versapping. “Wat winsgewendheid betref, kan jy dit nie vergelyk met droogdruiwe nie, maar hulle het besluit om eerder die paar sent te vat pleks van niks,” sê mnr. Henning Burger, wingerdboukundige bestuurder by Orange River Cellars. Boere moet…

’N MEDISYNEMAATSKAPPY wat daarin spesialiseer om doelgerigte dieremedisyne saam te stel, waarsku dat regulasies wat die invoer van sekere bestanddele in verdowingsmengsels beperk, verreikende gevolge vir die wildbedryf kan inhou. Mnr. Johan Oosthuyse, uitvoerende hoof van V-Tech in Midrand, sê die regulasies wat in 2013 ingestel is om aan die internasionale vereistes vir die hantering van sekere middels te voldoen, maak dit byna onmoontlik om die bestanddele wat hulle vir doeltreffende verdowingsmengsels no-dig het, in te voer. Oosthuyse meen dit kan ’n nadelige ekonomiese impak op die hele wildbedryf hê en waarsku dat wildboere en wildvangers uit desperaatheid nou terugkeer na verouderde vangmetodes, soos nette. Hy sê tot en met 2013 kon veeartse en medisynemaatskappye, soos V-Tech, doelgerigte mengsels maak wat diere doeltreffend kon neutraliseer sodat hulle veilig gevang, hanteer…

DIE Noordwes-regering beoog om binnekort met ’n projek te begin om donkievleis na China uit te voer. Mnr. Brian Setswambung, provinsiale hoof van kommunikasie in Noordwes, sê dié projek volg nadat mnr. Supra Mahumapelo, premier van Noordwes, en lede van die provinsiale raad verlede September na Beijing en Sjanghai gereis het om met potensiële beleggers te skakel. Hy sê die projek is in ’n beplanningsfase. Die departement van landelike, omgewings- en landbou-ontwikkeling in Noordwes is betrokke by navorsing om die lewensvatbaarheid van die projek te ondersoek. Die departement beoog om volgende maand te vergader met opkomende boere wat belang stel daarin om donkies te lewer. Verder ondersoek die departement ook die moontlikheid om ’n abattoir op te rig om die donkies te slag en te verwerk voordat die vleis en…

Veeboere se ekonomiese oorlewingsvermoë is onder druk en uitvoer kan hul winsgewendheid bevorder. Suid-Afrika se kommersiële bees- en skaapvleisbedryf is internasionaal mededingend. Boon-op ondersteun die wisselkoers plaaslike uitvoerders. Die plaaslike voerkraalbedryf voer rooivleis na 42 lande uit. Dit sluit in Afrikalande, Frankryk, Italië, Indië en Singapoer. Rooivleisboere het egter nog nie daarin geslaag om die lonendste markte te ontgin nie. Dit behoort ’n doelwit vir die bedryf te wees, sê die RPO. Rooivleisboere sal egter nuut en vernuwend moet dink, ’n mark moet identifiseer en seker maak dat hulle die behoeftes van die verbruikers in daardie mark verstaan. In die lonendste uitvoermarkte word produsentepryse van R64 tot R82 per kilogram beesvleis behaal, terwyl die produsenteprys van lamsvleis in Amerika R126/kg is. VRAAG Die vooruitsigte vir die vraag na rooivleis is…

Die prys van wol het in die afgelope vier jaar dermate verbeter dat daar ál meer boere is wat weer met hamels boer, sê mnr. Tink Strydom (45) van Hartebeesfontein-Merino’s by Barkly-Oos. Hy sê selfs boere wat ’n generasie lank nie met wolskape geboer het nie, klim weer in. “Ek kry weekliks navrae van boere wat teelmateriaal soek. Daar is ook sakemanne wat belangstelling toon. “Met beespryse wat in die afgelope paar jaar sywaarts beweeg het, is daar boere wat weer hul skaapkomponent verhoog. Waar voorheen met beeste in die bergveld geboer is, is dit met die huidige wolprys baie lonender om met hamels te boer. Hoewel roofdiere, diefstal en duur arbeid ’n rol in die oorskakeling na grootvee gespeel het, kan ons vandag met beter planne dié struikelblokke oorbrug.”…

WAT IS DIE BESTE BOERDERYBESLUIT WAT JY AL GENEEM HET? Om my op saaiboerdery toe te spits. WAT IS DIE BESTE RAAD WAT JY OOIT GEKRY HET? Konsentreer op dit waarvan jy hou en die res pas in mekaar. WAT IS DIE GROOTSTE FOUT WAT JY IN JOU BOERDERY GEMAAK HET? Te veel vertakkings wat alles van jou tyd en aandag in beslag neem. WIE WAS JOU MENTOR? My pa, Ben, het my geleer van hard werk en slim werk. WAT IS JOU GROOTSTE UITDAGINGS IN BOERDERY? Om dit wat op papier met begrotings werk, in die praktyk toe te pas. EN DIE GROOTSTE GELEENTHEDE? Daar is altyd beter produkte en tegnologie beskikbaar wat ondersoek en aangepas kan word om produktiewer te wees. WATTER TEGNOLOGIE IS ONMISBAAR IN JOU BOERDERY?…

WAT IS DIE BESTE BOERDERYBESLUIT WAT JY AL GENEEM HET? Om met die beesras te boer waarvoor ek lief is – die afgelope 16 jaar die Nguni. WAT IS DIE BESTE RAAD WAT JY AL GEKRY HET? Moenie ’n veeplaas se belangrikste hulpbron, sy weiding, laat oorbewei nie. Boer saam met die natuur deur by die drakragnorme te hou. In die distrik Rouxville is dit 6 ha/GVE, maar ek handhaaf 7 ha/GVE. WAT IS DIE GROOTSTE FOUT WAT JY IN JOU BOERDERY GEMAAK HET? Om tussen verskillende beesrasse rond te val om ’n beter kontantvloei te bewerkstellig. WIE WAS JOU MENTOR? Mnr. Anton Muller van Stoltzkraal in die distrik Rouxville, wat my baie raad oor die Nguni gegee het. Ook my pa, Dirk, wat voor my op die plaas gewoon…

DIEREVOEDING HENDRIK VAN PLETZEN STOEKMIELIES AS VOER VIR SKAPE EN BEESTE Ek het mielies geplant en soek meer inligting. Wat is die beste tyd om mielies te sny en te stoek om die beste voedingswaarde te kry? Wat is die voedingswaarde van stoekmielies en watter opbrengs kan ek per hektaar verwag? Help ook asseblief met ’n voersamestelling wat stoekmielies bevat om bulkalwers en lammers mee te voer. Die beste tyd om stoekmielies te sny en in tuithope te pak, is in die kuilvoerstadium, dit wil sê in die hardedeegstadium wanneer die mielieplante ongeveer 65% vog bevat. (Stoekmielies is heel mielieplante wat afgesny en in gerwe op die land gepak word om droog te word en later gemaal te word.) Stoekmielies bevat 8-8,5% ruproteïen met totaal verteerbare voedingstofwaardes (TVV) van 54-60%.…

Suurlemoen-enklapperwafels met grenadellasous Hierdie geurige wafels is ideaal om as nagereg voor te sit. As jy wil, kan jy die grenadellasous vervang met geklopte room waarby jy ’n paar lepels tuisgemaakte suurlemoensmeer (lemon curd) ingevou het. Die geroosterde amandels lyk nie net mooi nie, maar gee ook ekstra geur en tekstuur. Wafels 2 ekstragroot eiers, geskei 125 ml melk 50 ml gesmelte botter 180 ml bruismeel 60 ml klapper 15 ml strooisuiker Fyngerasperde skil van 1 suurlemoen Grenadellasous 125 ml kondensmelk 30 ml vars suurlemoensap (gebruik die suurlemoen waarvan die skil afgerasper is) Pulp van 3 ryp grenadellas Geklopte room (opsioneel) en geroosterde amandels, om mee voor te sit Klits die eiergele, melk en gesmelte botter saam. In ’n aparte bak, meng die meel, klapper, strooisuiker en suurlemoenskil. Voeg die…

SPEEL SAAM Vingerpaadjie: Op die plaas deur Ballon Media. Uitgewer: Human & Rousseau. Prys: R135. Dié prettige boekies help kinders om hul fyn motoriese vaardighede te ontwikkel deurdat hulle self hul vingers al langs vingerpaadjies van oulike plaasfiguurtjies kan laat gly. Dit help met hand-oog-koördinasie en bied voel-en-vat-kanse waarop veral jonger kinders dol is. • Vir kinders tussen 0 en 6 jaar oud. LEER IETS Sneeuwitjie en Kwaaitjie die dwerg deur Steve Smallman. Uitgewer: Human & Rousseau. Prys: R95. Sneeuwitjie kruip met die hulp van die sewe dwergies weg vir die nare koningin, maar een van die dwergies, Kwaaitjie, is glad nie so gaaf soos die ander nie. Sneeuwitjie help hom dan om nie so knorrig te wees nie en om sy humeur te beteuel. Die…

Landbou-ingenieurs en kundiges wat oor tegniese aspekte van voedselveiligheid en -bewaring navorsing doen, het by Spier buite Stellenbosch byeengekom vir ’n internasionale konferensie om ingenieurswese en tegnologiese vernuwing te bespreek wat globale voedselsekerheid kan bevorder. Onderwerpe het ingesluit die behoefte aan aanpassing by klimaatsverandering en maniere om tegnologie op ’n groter skaal te gebruik.…

Nadat die prys van petrol op 4 Januarie met 50c/l gestyg het en diesel met 39c/l, kan verbruikers begin Februarie ’n verdere terugslag verwag. Gegrond op ’n vooruitskatting van die middel van die maand se syfers het mnr. Dawie Maree, hoof van landbou-inligting en bemarking by FNB, gesê hy verwag ’n styging van tot 50c/l in die petrolprys en vir diesel ’n styging van sowat 40c/l. Op 11 Januarie was die onderverhaling vir petrol reeds 45c/l en vir diesel 39c/l. Hy het gesê ru-olie het toe verhandel in die omgewing van $56/vat en dat dit redelik stabiel blyk te wees. “Baie hang af van wat die wisselkoers gaan doen. Dit het die laaste paar weke tussen R13,40 en R13,60 teenoor die Amerikaanse dollar verhandel. As die rand verstewig, kan dit…