Indholdsfortegnelse for 17-Feb-17 i Landbouweekblad

VAATJIEVANSEMENT Mnr. JD Pretorius, keldermeester van Steenberg Vineyards in die Constantia-gebied, het vanjaar twee nuwelinge in die kelder verwelkom — me. Mahalia Kotjane, ’n protégé van die Kaapse Wynmakersgilde, en Ernie, die kelder se eerste eiervormige gistingstenk van beton. Die Eon-tenk is ’n Suid-Afrikaanse uitvinding en laat lug binne tydens die gistingsproses — nes klassieke houtvate. Pretorius sê die wyn bly langer met die gismoer in kontak en beskerm die delikate geurprofiel van hul koelklimaatdruiwe. Kotjane, van Vosloosrus, is in 2015 in die Protégé-program opgeneem. Sy wil een van die land se voorste wynmakers word. MEER SKIETGOED Sedert inspeksies op varsproduktemarkte ingestel is, het die Landbouprodukte-agenteraad (Apac) nou meer data tot sy beskikking om op klagtes te reageer en probleme op te los. “Met die Prokon-inspeksieverslae is daar nou bewyse…

Staan Afrika regtig midde-in ’n landbourevolusie? ’n Studie van die Universiteit van Adelaide in Australië bevraagteken die storie dat kleinboere voor die voet nuwe tegnieke, soos bewaringsbewerking, benut en só hul opbrengste verhoog. Uit 6 500 boere wat in vyf Afrikalande uitgevra is, kon die navorsers net 22 vind wat volwaardige bewaringsbewerking beoefen. Die meeste boere het dié tegnieke op ’n klein skaal en in ’n gewysigde vorm beoefen. Baie boere het dit byvoorbeeld net op een landery gedoen omdat hulle nie kon bekostig om dit op hul hele plaas in werking te stel nie. Heelwat boere in die studie het met bewaringsbewerking begin, maar toe weer opgehou daarmee. Byna drie uit elke vier Malawiese boere wat minimumbewerking beoefen het, het opgehou om dit te doen, byna een uit twee…

BOERDERYPROBLEME IN BETSJOEANALAND Wat boerdery in Betsjoeanaland (nou Botswana) betref, is die groot vraag watter rigting ingeslaan moet word. Só sê mnr. K.E.W. Penzhorn, hoofstreekbeampte van die afdeling grond- en veldbewaring in die Vrystaat, wat onlangs van ’n inspeksietoer in dié Britse protektoraat teruggekeer het. Wolskape is aan die verdwyn in Betsjoeanaland, terwyl vleis- en Karakoelskape veld wen. Kommer heers oor Karakoelboerdery, aangesien dié skape ontsaglike skade aan die weiveld in die aanliggende Suidwes (Namibië) aangerig het. Boere in Betsjoeanaland is geheel en al van die natuurlike weiveld afhanklik. Goeie veldbestuur is dus van die uiterste belang. Die meeste plase in die gebied is nie met jakkalswerende draad toegekamp nie. Skaapboere op onomheinde plase moet noodwendig hul vee laat oppas, wat veroorsaak dat die veld uitgetrap en verniel word. Daar…

’N UITBREKING van hondsdolheid het al minstens 21 beeskalwers in die gebied tussen Bloemhof en Schweizer-Reneke in Noordwes geëis. Hulle is nou in die proses om al hul beeste teen die siekte in te ent, sê mnr. Cassie Maree van die plaas London. Hy het tien kalwers verloor. Sy buurman het elf verloor. Hulle vermoed die virus is deur ’n jakkals of ’n rooimeerkat oorgedra. Die vrektes by Maree het sowat drie weke gelede begin. Longontsteking is aanvanklik vermoed, maar die vrektes het aangehou. Hy het toe self met ’n kalf se kop na die Onderstepoort-instituut vir Veeartsenykunde gery om die siekte te laat identifiseer. Hy sê die siek kalwers het almal die eerste dag ophou suip. Die tweede dag het hulle begin bulk en skuim om die bekke gekry.…

SUID -AFRIK A se Mangokwekersvereniging sê vanjaar se oes was in die algemeen aansienlik beter as die een van 2015-’16 wat erg deur hael beskadig is en ook onder die droogte deurgeloop het. Die oes én die vrugte was vanjaar groter as verlede jaar. Om alles te kroon, is minder siektes as vorige jare aangemeld. Die gehalte was dus beter, met hoër uitpakpersentasies. Met die wisselvallige klimaat in groot dele van Suid-Afrika, was vroeë kultivars, soos Tommy Atkins, op sommige plekke vanjaar twee weke vroeër gereed om gepluk te word as ander jare. Omdat produsente in Malelane en Hoedspruit dié kultivar toe gelyktydig geoes het, was daar soms ’n ooraanbod van mango’s. Heelwat vrugte wat andersins op die winkelrak sou beland, moes na versappingsaanlegte gestuur word. Boonop het internasionale kopers…

DIT is nutteloos om die herfs-kommandowurm te probeer bekamp as die larwes reeds mieliekoppe binnegedring het, want daar is hulle beskut teen chemiese middels, waarsku ’n tussentydse gids met bekampingsriglyne vir dié soort kommandowurm. Die Departement van Landbou, Bosbou en Visserye het die gids met die hulp van verskeie kenners saamgestel, kort voor daar taksonomies bevestig is dat die wurmplaag wat boere van Limpopo tot Noordwes en die Vrystaat teister, wel die vernietigende herfs-kommandowurm is. Die departement wys in die gids daarop dat geen chemiese middels nog in Suid-Afrika vir die bestryding van dié soort geregistreer is nie. Die raad aan boere is om middels te pro-beer wat vir die bestryding van ander Lepidoptera-soorte by mielies geregistreer is. DIÉ MIDDELS WERK Die aktiewe bestanddeel indoksakarb is getoets en het gewerk.…

Suid-Afrika se finale kwota vir die uitvoer van leeubeendere sal teen Maart bekend wees nadat die Departement van Omgewingsake kommentaar ingewin het oor sy voorstel dat dit op 800 geraamtes vasgestel word. Dié kwota is gegrond op vorige jare se handelsdata oor die handel in leeubeendere en jagtrofees. Die departement het verlede jaar op die COP 17-beraad van die konvensie oor handel in bedreigde spesies (Cites) onderneem dat geen beendere van wilde leeus uitgevoer sal word nie en dat Suid-Afrika ’n kwota sal vasstel vir die uitvoer van leeus wat in aanhouding geteel word. Handel in laasgenoemde word gesien as ’n metode om onwettige handel in te beperk. Van 2008 tot 2011 is 1 160 geraamtes, wat sowat 10,8 ton geweeg het, wettig uitgevoer. TEENKANTING Volgens Traffic, ’n organisasie wat…

‘Dieselfde liggaamsdele word in ál die voorvalle op dieselfde manier verwyder.’ DIT is sedert minder leeus in Suid-Afrika gejag word dat leeus links en regs vergiftig word deur stropers wat net hul koppe en pote verwyder. Só sê me. Carla van der Vyver, uitvoerende hoof van die Suid-Afrikaanse Roofdiertelersvereniging (Sapa). Die Amerikaanse agentskap vir vis- en natuurlewe het in Oktober verlede jaar ’n verbod aangekondig op die invoer van leeutrofeë en produkte van leeus wat in aanhouding geteel is. Die agentskap sê dit is omdat daar nie bewys kan word dat die jag van leeus wat in aanhouding geteel is, tot die bewaring van vrylopende, wilde leeus bydra nie. Teen Mei verlede jaar is daar reeds drie voorvalle aangemeld van leeus wat vergiftig is voor hul koppe en pote afgesny…

Boere moet begin besluit oor die nuwe wintergraan-produksiejaar te midde van die mielieprys wat skerp daal in afwagting op ’n taamlik goeie oes. Die dilemma met mielies, byvoorbeeld, is dat die prys kan wissel tussen die invoerprys (tans sowat R3 000/ton met Randfontein as grondslag) en die uitvoerprys van sowat R2 000/ton. Alles hang af van hoe groot die Suid-Afrikaanse oes is. Die mielieboer moet dus probeer om sy opbrengs en kostestruktuur só te kry dat hy in ’n goeie jaar (uitvoerjaar) teen die laer prys, maar met ’n goeie opbrengs, sy uitgawes kan dek. Boonop is die prys taamlik wisselvallig oor verskillende jare heen, na gelang van die oesgrootte Die koringboer se situasie is effens anders, met Suid-Afrika wat die afgelope sowat twee dekades ’n netto invoerder van koring…

DIE bruto produksiewaarde van die landbou het in die afgelope dekade aanhou groei. Dit is danksy nuwe produksietegnologie (inligting, presisieboerdery, bewaringstegnieke en genetiese en biologiese boerderymetodes) dat die produksie én die gehalte van produkte verhoog het. Tesame met hoër kommoditeitspryse het die bruto produksiewaarde en netto inkomste wat uit boerdery verdien word, die styging in produksiekoste oorskry. Die styging in netto boerdery-inkomste bepaal produsente se vermoë om geleende kapitaal terug te betaal. Landboukommoditeitspryse het dus meer gestyg in verhouding tot produksievolumes. Die verwagting is dat produsente se netto boerdery-inkomste mettertyd verder sal styg. Die toename in bruto produksiewaarde sal die impak van die droogte op produsente mettertyd versag. Suid-Afrika het ’n vryemarkstelsel, en die land se oopdeurbeleid dra ook by dat prysvorming nie in ’n vakuum gebeur nie, maar deur…

Die nuus het al drie dae voor die tragedie gekom: Daar’s ’n brand agter Spogtersgat, maar die suidoos waai, hy dryf hom weswaarts, weg van ons af. Dit was die Sondag. Teen die Dinsdag was die vuur al weer amper vergete, die enigste tekens daarvan ligte rookwolke ver agter die lae berg oorkant die rivier waarteen ons plaas grens, en nou en dan melding op die radio van die brand tussen Stilbaai en Riversdal. Maar dié aand, ná kykNET-nuus, wys die weervoorspelling hoe ’n laagdruksel om die Kaap en af na die Suid-Kaap gaan beweeg, met baie warm toestande. Dit dring egter nie tot ons deur nie: In die Suid-Kaap bring ’n laagdruksel eers noordwestewind, en dan swaai hy om na suidwes. Ons plaas, Windsor, aan die Goukourivier tussen Riversdal…

WIE WAS JOU MENTOR? My pa, Erich, en mnr. Francois Sieberhagen, my koshuispa op die Puk. Hy is ses jaar ouer as ek en het ’n optimistiese uitkyk op die lewe. JY BOER NIE HEELTYDS NIE, NÈ? Ek het sowat drie jaar gelede kom boer en is nou in beheer van die geldsake. Ek is tans die alleenverspreider van die Australiese Goldsuite-kunsmisprodukte in Afrika. WAT SOU JY ANDERS WOU DOEN? Ek was lank in die korporatiewe wêreld en moes dalk vroeër meer op die landbou gekonsentreer en meer praktiese ervaring opgedoen het. JY HET WYD GEREIS. HOE SIEN JY SUID-AFRIKA SE TOEKOMS? Ek is baie optimisties. Ons het ’n uitstekende infrastruktuur en ’n groot verskeidenheid waardevolle hulpbronne. Die Regering sal die land in die toekoms beter bestuur as in die…

SOUTVERGIFTIGING BY DIERE Kan ’n dier te veel sout inkry en vrek? Wanneer vreet ’n dier te veel sout, of behoort ’n dier te weet wanneer hy te veel sout ingeneem het en self ophou vreet? Soutvergiftiging kom gewoonlik by diere voor wat vir lank nie sout ingekry het nie of nie toe-gang tot soutbevattende lekke gehad het nie. Sulke diere ontwikkel ’n southonger. As hulle dan skielik toegang tot sout kry, is hulle soms geneig om soveel te vreet dat hulle vergiftig raak, veral as daar nie vars of genoeg drink-water is nie. Soutvergiftiging kan ook voorkom deur die drink van water wat te veel sout bevat of deur die vreet van plante wat op grond met ’n baie hoë soutinhoud groei. Sout word dikwels as ’n ad lib-lek…

Romerige piekniek-pastaslaai ’n Koue aandete met min moeite wat vullend en propvol geur is. Ek hou daarvan om eier by die slaai te voeg. Sodoende verhoog jy die proteïeninhoud van die ete en hou jy dit terselfdertyd ekonomies. Halwepakpastavanjou keuse, gekook, gedreineer en afgekoel 1 rooi ui, baie fyn kap Halwe komkommer, gehalveer, pitte uitgeskraap en in klein blokkies gesny 200 g kersietamaties, gehalveer 1 blik (420 g) botterbone, gedreineer en afgespoel 250 ml bevrore ertjies en mielies, gaar gestoom en afgekoel 2 wiele fetakaas, in blokkies gesny 2 avokado’s, in blokkies gesny 4 hardgekookte eiers, afgedop en grof gekap Sous 200mlgoeiemayonnaise Sap van halwe suurlemoen 200 ml natuurlike jogurt 60 ml melk Sout, vars gemaalde swartpeper en ’n knippie suiker Meng die pasta, ui, komkommer, kersietamaties, bone,…

Dikwels is daar op plase grond wat nie gebruik word nie, daar is werkers wat nie werk het nie en selfs boere het op sommige tye van die jaar ’n bietjie ekstra tyd beskikbaar. Me. Jacqui Taylor is ’n plaaskind van Elgin wat nou op Stellenbosch woon en ’n suksesvolle loopbaan in bemarking volg. Sy het gaan nadink oor hoe dié drie aspekte ’n bydrae kan lewer tot die welstand van die platteland en sommer ook die maatskaplik-ekonomiese probleme daar kan verlig. Die oplossing was voor die hand liggend, sê sy: Landboutoerisme. “Italië het die suksesvolste landboutoerismebedryf ter wêreld. Dit het ontstaan omdat boerderye gesukkel het om kop bo water te hou. Boere het hulle na landboutoerisme gewend om meer winsgewend te wees. As mense na Toskane reis en in…

“Die kombinasie van toerisme en die uniekheid en verskeidenheid van die Suid-Afrikaanse landbou, kan vir plaaslike boere landboutoerismegeleenthede bied om hul inkomste te verhoog en die lewensvatbaarheid van hul bedrywighede te verbeter,” sê mnr. James Vos, die DA se skaduminister van toerisme. Tans werk een uit elke 22 werkende mense in Suid-Afrika in die toerismebedryf. Dit is 4,5% van die werkmag. Plaaslike reisigers het in 2015 sowat R140,9 miljard tot die ekonomie bygedra. Toerisme dra R3,10 uit elke R100 tot die ekonomie by. Landboutoerisme kan help om buite spitstye inkomste na die plaas te bring. Dit bied ook voordele vir die breër plaasgemeenskap en kan ’n uitstekende manier wees om die publiek meer oor die belangrikheid van die landbou en sy bydrae tot die land se ekonomie te leer.…

Terwyl ek skryf, lyk dit of die droogte gebreek is. Ons het pragtige, sagte, deurdringende reën op die plaas by Greytown gehad. Ek dink ons het die ergste droogte in menseheugenis gehad, beslis in die KwaZulu-Natalse Middelland, maar God is getrou en elke droogte eindig met reën. Ons moet die Woord toepas waar dit in Mattheus 6:33 geskryf staan: “Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee.” Boere het swaar gekry weens die elemente, die verswakking van die ekonomie, politiek, korrupsie, ensovoorts. Die Here sê egter as ons eerste tot Hom bid en vir Sy regverdigheid vra, sal hierdie dinge vir ons beskore wees. Ons moet Jesus Christus eerste op ons plase en in…

OP die 358ste herdenking van die eerste pars in Suid-Afrika het dr. Ernest Messina, voorsitter van Groot Constantia, dit die wynbedryf op die hart gedruk om ’n agent vir verandering te raak en die bedryf te help vorm tot iets waarop alle Suid-Afrikaners trots kan wees. Jan van Riebeeck het op 2 Februarie 1659 in sy dagboek geskryf: “Prys die Heer, vandag is daar vir die eerste keer wyn gemaak van Kaapse druiwe.” Die afgelope ses jaar word daar op dié dag ’n herdenkingsgeleentheid gehou op Groot Constantia, waar die eerste oes ingesamel is. Die nuwe oes word terselfdertyd ingeseën. Messina meen landgenote buite die wynbedryf moet bewus gemaak word van die omvangryke historiese, maatskaplike en ekonomiese invloed wat die bedryf het. “Die wynbedryf soos ons dit ken, was nie…

Die varsappelkoosbedryf kon danksy die uitstekende prestasie van die kultivar Charisma ’n toe-name van 14% in produksie vir die huidige seisoen teenoor die vorige seisoen aanteken. Mnr. Jacques du Preez, bestuurder van handel en markte by Hortgro, sê die opbrengs van die vars- en uitvoerbedryf gaan moontlik die kerf van 3 800 ton (800 000 x 4,75 kgkartonhouers) haal. “Vrugset was beter as verwag, hoewel sekere gebiede in die Klein-Karoo weens ’n bonormaal warm week vroeër die seisoen skade gely het. “Die droogte bly ’n probleem. Boere het nog genoeg water om te besproei, maar maatreëls vir goeie besproeiingskedulering en doeltreffende watergebruik sal toegepas moet word om seker te maak dat ná-oesbesproeiing reg gedoen kan word met die oog op die voorbereiding vir die 2017-’18-seisoen. “Een van die grootste bekommernisse…

GAUTENG CARLETONVILLE KLIPKOP (530) 21 ha, aan T.Z. Sehlabaka, van M.S. Voigt, R600 000. STERKFONTEIN (173) 111 ha, aan Jacques W Bruwer Brokers (Edms.) Bpk., van P.J.B. van der Gryp, R2 964 000. PRETORIA BOSCHKOP (543) 26 ha, aan Tin TankInv26BK,vanW.D.R.Malan, R1 450 000. OOG VAN BOEKENHOUTSKLOOF OF TWEEFONTEIN (288)64ha,aanVandenBergfamilietrust, van H.A. van Dyk, R2 180 000. WATERKLOOF(428)49ha, aan Abland, van City Lake Marina, R130 000 000. WATERKLOOF(428)49ha,aan Stone Arch Development Co, van Abland, R130 000 000. DERDEPOORT (326) 50 ha, aan Golden Quilt Inv 147, van Era Stene (Edms.) Bpk., R19 950 000. ELANDSFONTEIN (412) 49 ha, aan Demeter Wings (Edms.) Bpk., van Gert van Wyk Ondernemings (Edms.) Bpk., R4 800 000. KLIPDRIFT (121) 21 ha, aan C. Fourie, van M. Fourie, R690 000. KNOPJESLAAGTE (385) 21 ha, aan…

CRADOCK / MERINO / R62 000 Die Merinoram Kilowatt (seun van Voltage en kleinseun van Electric) is teen die hoogste prys van R62 000 op die tiende produksieveiling van Jordaan Genetics, Cradock, verkoop. Kilowatt het op die dag van die veiling 114 kg geweeg met 22,1 mikron wol (ses en ’n half maande se groei en 85 mm lank). By die ram is, van links, mnre. Japs Jordaan (hanteerder) en Japie Jordaan, verkopers, Gert Jordaan, streeksbestuurder van BKB, Phillie Schoombee, afslaer, Stefaans Naudé, sy vrou, Melani, Henri Naudé (hurkend) van BKB en Peet Naudé. Altesame 77 ramme is teen gemiddeld R10 142 stuk verkoop. Die veiling het goed vertoon teenoor verlede jaar se veiling waartydens 82 ramme gemiddeld R10 500 stuk behaal het, met ’n hoogste prys van R50 000.…

ALGEMEEN 22 FEBRUARIE: Monsanto-inligtingsdag. Fouriesburg. Magda du Toit. E-pos: magda.du.toit@monsanto.com 1 MAART: Monsanto-inligtingsdag. Licthenburg, Rietgat. E-pos: magda.du.toit@monsanto.com 28-30 APRIL: Suid-Afrikaanse Kaasfees. Sandringham, Stellenbosch. Agri-Expo. E-pos: admin@agriexpo.co.za; web: www.cheesefestival.co.za; tel. 021 975 4440. KURSUSSE 18-19 FEBRUARIE: Gesondheid en veiligheid by hortologie. Protea-opleidingsentrum, mobiele kursusse. Isaac Schoeman, E-pos: protea@kingsley.co.za; tel. 021 836 8025, sel 082 670 1636. 22-23 FEBRUARIE: Inleidende kursus in veld- en weidingsbestuur. LNR, Irene. Annetjie Loubser. E-pos: aloubser@arc.agric. za; tel. 012 672 9153. 13–15 MAART: Kunsmatige inseminasie, beeste. Krugersdorp. Di Rothman, Web: www.rltsafrica.com; sel 082 772 1208. 16 MAART: Dragtigheidswaarneming, beeste. Krugersdorp. Di Rothman, Web: www.rltsafrica.com; sel 082 772 1208. 17 MAART: Kalfgrootmaak. Krugersdorp. Di Rothman, Web: www.rltsafrica.com; sel 082 772 1208. 22 – 24 MAART: Driedaagse kursus in bewaringslandbou. Foundations for Farming – Gateway to Africa, Beulah-park, Gauteng.…

…

83,2% Groot kosmaatskappye het verlede jaar 83,2% van hul totale vervaardigingsvermoë gebruik, teenoor 82,8% in 2015 en 82,6% in 2014. Die grootste rede vir die ondergebruik was ’n swakker vraag. In 2015 het onvoldoende vraag 11 persentasiepunte uit kosfabrieke se benutting van hul vermoë gesny en 10,1 verlede jaar. Koeldrankfabrieke is nie so erg geraak nie. — Statistieke SA 478 Daar is in Januarie 478 trekkers in Suid-Afrika verkoop. Dit lyk dalk pap vergeleke met die 580 wat in Januarie verlede jaar verkoop is, maar in Desember verlede jaar is net 349 verkoop. In Januarie is 16 stropers verkoop, en net 7 in Desember. Dié neiging is seisoenaal, maar kan ook wees vanweë laat aanplantings in die westelike saaigebiede. — Agbiz/ SA Landboumasjinerievereniging 60 000 TON Sowat 60 000 ton…

‘As jy eers nie water het nie, maak jy vinnig ’n plan.’ MNR. CALLA DU TOIT, vrugteboer in die Witzenbergvallei, oor hoe vrugteboere hul watergebruik aangepas het by die droë toestande. Bl. 24 ‘Ons is bekommerd oor die effek op boere en sal alles in ons vermoë doen om hul skade te beperk.’ MNR. SENZENI ZOKWANA, Minister van Landbou, Bosbou en Visserye, oor die herfs-kommandowurmplaag. Bl. 14 ‘Hoendermis het net onbekombaar geword.’ MNR. KOBUS SWART, tegniese raadgewer by Eco-Pellets, die Wes-Kaapse vervaardiger van hoendermiskorrels. Bl. 18 ‘Ons kan ons bedrywe net regkry as ons die regte inligting het en die regte besluite neem.’ DR. DIRK STRYDOM, bestuurder vir graanekonomie en -be-marking by Graan SA, oor die behoefte aan die rapportering van in- en uitvoer. Bl. 16 ‘Dieselfde liggaamsdele word in…

MNR. DRIES VISSER van Dries Visser Pure-bred Game by Thabazimbi se safari-onderneming is wêreldbekend as jagbestemming, veral onder Amerikaanse boogjagters. Dries meen die Suid-Afrikaanse wildbedryf sal sy sokkies moet optrek wat die jagmark betref. Lees die artikel op bl. 42. VERTEL ONS VAN JOU GESIN. Dit is ek en Maleen, en dan my kinders, Thalia, Mandie en Dries jr. Dries is heeltyds by die wildboerdery betrokke en hanteer ook die hele jagvertakking. Die dogters is ook by die boerdery betrokke, maar woon nie op die plaas nie. Mandie bedryf haar eie wildhandelsonderneming. WAAR HOU JULLE VAKANSIE? By Hentiesbaai in Namibië. Ons het ’n huis daar. As ons daar aankom, skop ek my skoene uit en word ek weer mens. Ons is lief vir visvang. WAT IS JOU GUNSTELINGSPORT EN WATTER…

HOEWEL die impak van die blaarmyner Tuta absoluta in Suid-Afrika tot dusver beperk en gelokaliseer was, het dit reeds die groentebedryf meer skade berokken as skade aan gewasse. Produsente van tamaties, aartappels, soetrissies en eiervrugte wat na Botswana uitvoer, moes vir nagenoeg ’n maand hul produkte plaaslik probeer verkoop. Botswana het sy grense gesluit vir dié produkte uit vrees dat die verwoestende plaag daarheen kan versprei. Suid-Afrika voer maandeliks tot 200 000 sakkies aartappels na Botswana uit. Dr. André Jooste, uitvoerende hoof van Aartappels SA, sê daar is geen wetenskaplike bewys dat die plaag sy lewensiklus in aartappelknolle kan voltooi nie, of dat eiers, larwes of volwasse T. absoluta-motte deur aartappelknolle gedra word of na groeiende plante oorgedra kan word nie. “Aartappels SA het reeds vroeg in Januarie die verliese…

1 ZAMBIË| Goedkoper mieliemeel Die Zambiese regering het ’n ooreenkoms gesluit met die land se voedselreserweagentskap (FRA), die meulenaarsvereniging (MAZ) en die graanhandelaarsvereniging (GTAZ) sodat mieliemeel goedkoper aan die publiek verkoop kan word. Kragtens die ooreenkoms sal die FRA mielies aankoop teen 2 650 kwacha (R3 552) per ton en dit aan meulenaars verkoop teen 2 200 kwacha (R2 949). Me. Dora Siliya, minister van landbou, het gesê die FRA en GTAZ het saam 570 000 ton mielies beskikbaar, wat die bevolking sal kan onderhou tot die volgende produksiejaar. Sy het bygevoeg die langtermynoplossing vir ’n onstabiele mielieprys was om ander gewasse, soos kassawe en manna, te bevorder sodat Zambiërs nie uitsluitlik van mielies afhanklik is nie. — African Farming 2 KENIA | Meer neem as gee uit China Sedert…

IN 8 Februarie se Staatskoerant gee me. Edna Molewa, die Minister van Omgewingsake, kennis dat sy regulasies wil instel wat die binnelandse handel in renosterhoring sal wettig. As sy goedkeuring daarvoor kan kry, sal dit wettig wees om horings wat wettige eienaars geoes en opgeberg het, te verkoop. Die horings of produkte wat daarvan gemaak is, mag egter net plaaslik verkoop word, maar die koper en nuwe eienaar mag dan die horing of produk uitvoer. “Dis die enigste manier om dié diere te red,” sê mnr. Sakkie Lourens, ’n oud-polisiekolonel, van die Heritage Protection Group. Dit is ’n reservistegroep wat spesialiseer in spoorsny en die ondersoek van landelike misdaad. “Ons ondersoek amper elke week nog een of twee voorvalle van stropery en ongeag hoeveel mense ons in hegtenis neem, hou…

Dat mnr. John Griffiths, ’n besproeiingsboer van Noordwes, ’n regte planmaker is, blyk duidelik uit ’n nuwe episode van Nasie in Gesprek. Nasie in Gesprek neem jou op ’n reis deur Suid-Afrika se pragtige platteland. Die program ondersoek verskeie landboubedrywe en volg die produkte van die plaashek tot die kombuistafel. In episode 8 op kykNET (DStv-kanaal 144; eerste uitsending op Woensdag, 15 Februarie om 17:30) kuier die span onder meer in die omgewing van Brits en Hartbeespoort. In dié gebied het die span John se plaas, Volspoed, besoek. Hy is Noordwes se Jongboer van die Jaar vir 2016. Onderhoude met bedryfskenners, soos me. Lindie Stroebel, bestuurder van die Produce Marketing Association (PMA) in Suider-Afrika, werp lig op die probleme en suksesse van die plaaslike en internasionale varsproduktemarkte. Kykers kry ook…

Daar is ’n lig aan die einde van die tonnel in die mensdom se al hoe desperater stryd teen “superkieme” se toenemende weerstand teen antibiotika. Die nuwe wapen, wat binne die volgende drie jaar gereed kan wees vir mediese proewe by mense, is ’n soort molekuul wat ’n weerstandige bakterium se vermoë om ’n antibiotikum te vernietig, neutraliseer. Navorsers aan die Oregon-staatsuniversiteit in Amerika het dié molekuul ontdek. Hul bevindings verskyn in die vaktydskrif Journal of Antimicrobial Chemotherapy. Weerstandigheid teen antibiotika neem internasionaal krisisafmetings aan, ook in die landbou. Dit lewer mens en dier toenemend uit aan “superkieme”, bakterieë waarteen geen soort antibiotika meer werk nie. Daarby stel dit ekostelsels wêreldwyd in gevaar. Die internasionale organisasie vir dieregesondheid (OIE), waarvan Suid-Afrika lid is, het onlangs ’n nuwe internasionale strategie teen…

Die hedendaagse jong boer is hoogs geskool en ver meer op tegnologie en besigheid ingestel as sy ouer eweknieë. Hy wil byvoorbeeld die opbrengs op elke belegging wat hy maak, vooraf weet. Só sê me. Jan Johnson van die Amerikaanse maatskappy Millennium Research. Die maatskappy is met ’n omvattende, diepgaande opname oor Amerika se geslag jong boere besig. Die aanvaarding van nuwe tegnologie is baie belangrik vir jong boere, het die resultate van die studie, wat ’n jaar gelede begin is, tot dusver gewys. Altesaam 91% van die respondente besit selfaangedrewe trekkers en stropers, en 94% skakel via hul slimfone op die internet in.…

Daar is sowat 50 pekanneutkultivars om van te kies, maar doen vooraf goeie huiswerk oor watter by ’n bepaalde omgewing sal aanpas en goeie kruisbestuiwing verseker. Die Cloetes het welslae behaal met die onderstaande kultivars. • Wichita. Dié kultivar is goed aangepas in die meeste verbouingstreke, lewer ’n hoë opbrengs van meer as 2 ton/ha, kom vroeg in produksie (binne vier jaar tot vyf jaar) en het ’n hoë uitdoppersentasie (meer as 60). Onder die nadele is dat die bome swak mikke, swak weerstand teen skurfsiekte en ’n hoë sinkbehoefte het. • Western Schley. Dié kultivar lewer ’n opbrengs van sowat 1,8 ton/ha en het goeie weerstand teen sinktekorte, ’n goeie raamwerk met sterk mikke en ’n hoë verdraagsaamheid teen koue. Die uitdoppersentasie beloop sowat 58. Omdat dit swak weerstand…

WAT IS DIE GROOTSTE FOUT WAT JY AL GEMAAK HET? Ek het te laat begin boer en dit ook heeltemal te konserwatief benader. WAT IS DIE BESTE RAAD WAT JY AL ONTVANG HET? Om die korporatiewe wêreld te verlaat en te gaan boer. WATTER TEGNOLOGIE BESKOU JY AS ONONTBEERLIK OP DIE PLAAS? My siviele ingenieurskwalifikasie en kennis, 40 jaar se sake-ervaring en die klem op detail.…

Vyfsterverblyf is nie al waaroor landboutoerisme gaan nie, sê me. Jacqui Taylor, stigter van die Suid-Afrikaanse vereniging vir landboutoerisme (ASAA). Hier is haar raad aan boere wat die toerismebedryf wil betree. • Landboutoeriste wil egte plaas- en landbou-ervarings hê. Hulle hou daarvan om die boer self te ontmoet en oorsese besoekers wil sien hoe boerdery in Suid-Afrika lyk. • Plaastoeriste is nuuskierig oor waar hul kos vandaan kom. Hulle wil graag met iemand gesels wat byvoorbeeld kan verduidelik hoe lank dit duur voor ’n appelboom begin dra. • Die toeriste-trekpleisters op plase kan vir verskillende markte aangepas word. Die rugsakreisigers het dikwels hul eie tente en is alte geneë om in die oop veld onder die sterre te slaap. Lopende water is nie eens vir hulle ’n vereiste nie, maar…

Die Suid-Afrikaanse vereniging vir landboutoerisme (ASAA) raai boere aan om die volgende beginsels in ag te neem voor hulle landboutoerisme-geleenthede aanpak, want landboutoerisme is ook ’n gulde geleentheid vir die landbou om sy eie beeld te poets: • Ontwikkel biodiversiteitsinisiatiewe op plase. • Bevorder entrepreneurskap onder jou plaaswerkers. • Maak besoekers bewus van die omgewing. • Bevorder geslagsgelykheid onder plaaswerkers. • Moedig toeriste en besoekers aan om slegs plaaslike produkte en kos te koop.…

DOELGERIGTE belegging in ses verskillende vorme van kapitaal, naamlik sakekapitaal, infrastruktuur, maatskaplike kapitaal, vertrouekapitaal, intellektuele kapitaal en finansiële institusies, kan Afrika help om die 17 doelwitte vir volhoubare ontwikkeling te bereik. Prof. Jeffrey Sachs van die Universiteit van Columbia in Amerika, ’n voormalige spesiale raadgewer vir sekretaris-generaals van die Verenigde Nasies (soos mnre. Kofi Annan en Ban Ki-Moon), is ’n uitgesproke kritikus van mnr. Donald Trump, die nuwe Amerikaanse president. Sachs het op die wêreldforum vir volhoubaarheid in Kaapstad gesê Afrika behoort Asië se voorbeeld te volg en be-legging in die verskillende vorme van kapitaal te verdubbel. Die 17 doelwitte sluit in die beëindiging van armoede en hongersnood, die verbetering van opvoeding en gesondheid, die bekamping van klimaatsverandering en die oprigting van stede wat meer volhoubaar is. Hy het gesê…

Oos-Vrystaatse kersieboere hou die huidige gunstige produksietoestande in die sentrale binneland met afwagting dop in die aanloop tot die kersietyd wat eers teen die helfte van Oktober begin. Dit is nog te vroeg om voorspellings te waag oor hoe die gebied se produksie gaan verloop ná die wisselvallige sukses wat die boere in die omgewing van Ficksburg verlede jaar ondervind het. Me. René Scheepers van die Ionia-kersieplaas noord van die dorp sê faktore wat die kersies beïnvloed, is onder meer reën op die regte tyd en die nodige koue-eenhede vir vrugontwikkeling. Ionia het verlede jaar tot begin Oktober koue en ryp ondervind. Aangesien sy kersieboorde nie besproeiing het om ryp met sproeireën te voorkom nie, moes die plaaswerkers sowat drie weke lank vroegoggend vuur in die boorde maak. “Daarsonder sou…

Elke plaas in Suid-Afrika is in die praktyk ’n unieke sake-eenheid in die ewe unieke hande van ’n boer. Miskien is dit hoekom boere maklik sê: “Die reën het net tot by my buurman se grensdraad geval — hier by my is nie ’n druppel nie.” Wat vir die een werk, is nie noodwendig ’n ander se wenresep nie. Ongeag die grootte of aard van die boerdery, weet almal egter een ding: Saam sit boere kos op mense se tafel. Só gaan dit deur slegte en goeie tye. Afgesien van ons geloofsbegronding kan Suid-Afrikaners deesdae van weinig seker wees, dalk net dat dit eers slegter sal gaan voor dinge hopelik sal verbeter. Op staatkundige gebied word daar meer ge-struggle as geregeer. Die nadelige gevolge daarvan wat na die burgery oorspoel,…

‘WEG MET HOENDER UIT EU!’ Werknemers en belanghebbendes in die Suid-Afrikaanse pluimveebedryf het onlangs aan ’n optog deelgeneem om te eis dat die Europese Unie (EU) die “onwettige storting” van hoenderstukke aan die been in Suid-Afrika staak. Sowat 600 tot 700 mense het na die EU se Pretoria-kantoor gestap tydens die protesoptrede wat deur die SA Pluimveevereniging en die die Food and Allied Workers’ Union (Fawu) gereël is. DAAN ERASMUS skryf: Ek verkies Duitse hoender. Daar is byna geen pekelwater ingespuit nie. Met Suid-Afrikaanse hoender wat tot 40% pekelwater in het, het my simpatie met Suid-Afrikaanse produsente ’n knou gekry. Ek wil graag plaaslike produkte ondersteun, maar dan moet die produsente die verbruiker ondersteun. BUTCH skryf: Dit is waar dat hoenderprodusente nie nog langer as ses maande sal kan oorleef…

 DIE uitheemse herfs-kommandowurm, wat mielies en ander gewasse vernietig en vir die eerste keer in Suid-Afrika voorkom, het die afgelope week ál wyer versprei. Vyf nuwe plaagdoders daarteen is ook goedgekeur. ‘Hopelik sal ons koue, Hoëveldse winter die siklus vernietig, maar ons weet nie wat in die meer tropiese dele op ons wag nie.’ Dr. Gerhard Verdoorn, plaagkenner, het teen druktyd gesê die wurms het die afgelope week versprei na onder meer die Loskopvallei, die omgewing tussen Pretoria-Noord en Cullinan, Wit-bank, Ogies en Carolina. Die plaag is ook by Dwaalboom in sorghum en sojabone aangetref en tussen Thabazimbi en die Botswana-grens in soetrissie en spinasie. Hy sê vyf nuwe middels is die afgelope week in noodregistrasies goedgekeur. Mnr. Senzeni Zokwana, Minister van Landbou, Bosbou en Visserye, het Agri SA en…

’N OBJEKTIEWE ontleding van die faktore wat tot die krisis in die Suid-Afrikaanse hoenderbedryf bydra, is noodsaaklik om ’n oorhoofse strategie te kan opstel om die bedryf te red, sê me. Willemien Viljoen, navorser by die handelsregsentrum Tralac. Daar was al soveel beskuldigings oor en weer tussen al die belanghebbendes in die bedryf dat daar volgens haar groot onsekerheid en verskille is oor die ware probleme in die bedryf en wat die oplossing vir ’n volhoubare toekoms op langer termyn is. Die bedryf het al verskeie kere by die Kommissie vir Internasionale Handelsadministrasie (Itac) aansoek gedoen om beskerming teen die invoer van hoendervleis van oor die hele wêreld, hetsy vir invoer-, teenstortings- of beskermingstariewe. “Die groeiende versoek om beskerming deur plaaslike produsente, die Suid-Afrikaanse Pluimveeprodusentevereniging en vakbonde het gelei tot…

‘Uiteindelik is Amerika steeds die grootste uitvoermark ter wêreld en die verhouding tussen Amerika en Suid-Afrika is vir albei lande wedersyds voordelig.’ TOT dusver het pres. Donald Trump nog geen ferm standpunt oor die Amerikaanse wet op groei en geleenthede in Afrika (Agoa) ingeneem nie, sê mnr. Christopher Wood, ’n ekonoom by die nie-regeringorganisasie Trade and Industrial Policy Strategies (Tips). Die wet is in 2015 vir nog tien jaar hernieu – iets wat volgens Wood op sigself ’n wesenlik gunstige ontwikkeling is – en bied aan bepaalde lande in Afrika suid van die Sahara voorkeurhandelstariewe op die Amerikaanse mark. Suid-Afrika se motorbedryf trek groot voordeel daaruit, en vir die landbou is daar ook groot moontlikhede. Een van die min kere dat Agoa van Trump se kant af geopper is, is…

VOORLOPIGE resultate oor ’n nuwe hartwaterentstof wat vee teen ál die stamme van dié siekte kan beskerm, lyk belowend genoeg om die entstof binnekort kommersieel te toets. Die entstof is deur die Landbounavorsingsraad se Onderstepoort-instituut vir Veeartsenykunde (OVI) uit ’n spesiale weefselkultuur ontwikkel. Dr. Abdalla Latif, navorsingshoof van die OVI, sê praktiese toetse met die entstof op drie verskillende Angoraplase in die Oos-Kaap het reeds die veiligheid daarvan bewys. “Die entstof is veilig vir gebruik by week oue bokkies, dragtige ooie en jaarlinge. Ons kon dus tot die gevolgtrekking kom dat die verswakte entstof aan entstofstandaarde voldoen, aangesien dit veilig is om te gebruik, geen antibiotika saam met die entstof gebruik hoef te word nie, dit betreklik goedkoop is en binnerspiers toegedien kan word.” Die lewende hartwaterentstof wat sowat 50…

Met nog net ’n paar dae van die boekjaar wat oor is, is dit tyd om te besluit of ons die jaarlikse bydrae tot ons uittree-annuïteit wil maak. En vanjaar kan ons werklik daaruit voordeel trek. Die vraag is egter nou meer ingewikkeld, want is dit nie beter om eerder tot die belastingvrye beleggingsplan by te dra nie? Party mense vra ook hoekom ’n mens in Februarie hierdie beleggings moet maak. Met die wêreld wat tans so deurmekaar is, moet ons aanvaar dat opbrengste gedurende die volgende drie tot vyf jaar nie wonderlik gaan wees nie. Koste word derhalwe belangrik om die maksimum opbrengs uit beleggings te verseker. ’n Groot koste op beleggings is belasting – op rente en huurinkomste vat dit reeds 41% van jou opbrengs. Kapitaalwinsbelasting is tans…

’n Nuwe biblioteek en soekenjin met meer as 1 000 artikels en verslae oor grondgesondheid en die jongste inligting daaroor is nou aanlyn beskikbaar. Die Soil Health Institute, ’n organisasie sonder winsoogmerk wat ten doel het om navorsing en belegging in grondgesondheid internasionaal te koördineer en te bevorder, het dié hulpmiddel, sy Soil Health Research Tool, onlangs bekend gestel. Die instituut, met sy hoofkantoor in die Amerikaanse deelstaat Noord-Carolina, het sy eerste jaarvergadering in Julie verlede jaar gehou. Dr. Steven Shafer, hoof van wetenskap by die instituut, sê die nuwe aanlynbiblioteek bied nie net gratis toegang tot die jongste, bygewerkte inligting oor grondgesondheid nie, maar ook oor dekgewasse, die bekamping van erosie en ander bestuurspraktyke. Enigeen — van boere tot navorsers en ontleders — kan toegang kry tot die reeds…

’n Span Britse navorsers wat maniere soek om stikstofbinding uit die atmosfeer ook na ander gewasse as peulplante oor te dra, het ’n belangrike deurbraak gemaak. Hulle het ’n sleutelproteïen geïdentifiseer wat kalsium in plantselle laat beweeg. Sodanige beweging stuur ’n sein vanaf die plant na stikstofbindende bakterieë in die omgewing. Hierdie sein is op sy beurt die sneller wat die knoppies op die plantwortels laat ontwikkel waarin die bakterieë gehuisves kan word. Die span, van die John Innes-navorsingsentrum in Norwich, het vroeër ’n skenking van $10 miljoen van die Bill en Melinda Gates-stigting ontvang om hul navorsing te finansier. Dit is daarop gemik om geneties gemodifiseerde koring, mielies en rys te ontwikkel wat die vermoë het om stikstof uit die lug te bind sodat dit minder kunsmis nodig het.…

Die wildbedryf staan nou voor ’n kruispad en sal mooi moet besin oor hoe om die volhoubaarheid van wildboerdery op lang termyn te verseker. Só meen mnr. Dries Visser, ’n voorste wildboer. “Ons moet alles in die stryd werp om ekstensiewe jaggebiede daar te stel en die jagkliënte, wat ons buurlande van ons af weggelok het, terug te kry,” sê hy. Namibië se jagbedryf het byvoorbeeld die laaste klompie jare van 4 000 besoekers tot 18 000 per jaar gegroei, terwyl Suid-Afrika s’n van 9 000 tot 4 000 besoekers gekrimp het. “Sonder jagters het ons nie ’n bedryf nie en ons moet na ons jagondernemers begin omsien. Dis hulle wat die buitelandse jagters van alle uithoeke van die wêreld na Suid-Afrika toe bring,” sê Dries. ’N PIONIER VAN WILD…

Klimaatsvereistes. Pekanneutbome vaar goed in gebiede met kort, koue winters en lang, warm somers. Die gemiddelde maksimum temperatuur moet hoër as 28 °C in die somer wees en laer as 23 °C in die winter. Die gemiddelde minimum temperatuur in die somer moet hoër as 16 °C wees en in die winter laer as 8 °C. Lae temperature en selfs ryp van Junie tot Augustus word vir suksesvolle bot- en blomvorming vereis. Dit moenie van Oktober tot April ryp nie. Van Oktober tot April vereis die boom hoë temperature vir vruggroei. Volgens die temperatuurvereistes is Cradock is uiters geskik daarvoor. Grondvereistes. Bome groei die beste in vrugbare, goed gedreineerde en diep leemgrond met ’n los tot mediumtekstuur. Pekanneute hou nie van ’n vlak watertafel nie, aangesien dit worteldiepte beperk. Die…

NAVIGASIE KAARTE IN DIE PALM VAN JOU HAND Hoe werk jou slimfoon en Google Maps wanneer jy nie netwerkdekking het nie? En kan jou slimfoon outomaties tussen GPS en die Russiese posisioneringstelsel GLONASS skakel? Die nuwe Garmin GPSMAP276Cx het nog ’n hele klomp ander geheime wapens in sy arsenaal. Daar is byvoorbeeld ’n eksterne antenna wat ’n mens buite op die Cruiser of seiljag se dak kan monteer, en die Hotfix-funksie help dat dit satelliete vinniger opspoor. ’n Mens kan die kaart en jou posisie duidelik op die vyfduimskerm sien, selfs in sonlig. Daar is ook ’n drie-as-kompas indien jy laataand by jou bestemming aankom en wil sien waar die son gaan opkom voor jy jou tent opslaan. ’n Ingeboude barometriese altimeter dui ook aan hoe hoog jy bo seevlak…

Bou eers ’n stewige kliëntebasis voordat jy jou eie ryskool stig – ek het jare lank by ander stalle klasgegee voordat ek die skuif gemaak het. Hoe verloop ’n kind se eerste perdryles? Ons kyk eers na veiligheid ten opsigte van die perd – hoe om die perd se lyftaal te lees, hoekom jy nie reg agter hom loop nie, hoe om hom af te keer en te vang. Dan leer ons hulle hoe om ’n perd te borsel en op te saal, en gaan arena toe om te leer stap, stop en stuur. Ons is baie versigtig – as jou eerste les skeefloop, is dit ’n groot struikelblok. Watter beginsels is vir jou die belangrikste? As ’n perd nie doen wat jy vra nie, moenie dadelik die lat uitruk…

Een van me. Jacqui Taylor, stigter van die ASAA, se doelstellings is om dié liggaam finansieel lewensvatbaar te maak. Tans staan sy ma vir ’n groot deel van die finansiering. “Die ASAA sal nie met skenkings alleen kan voortbestaan nie en sal dus betaal moet word vir sy dienste.” Woolworths is reeds aan boord deur die MySchool-program, wat kaarthouers die geleentheid gee om ’n persentasie van hul aankope na die vereniging te kanaliseer. Sy is ook op soek na raadslede wat haar met die reusetaak kan help. Raadslede word egter nie betaal nie. Alle geld word gebruik om spesifieke projekte en die bemarking van landboutoerisme te finansier. “Die ideaal is om afgetrede sakemense te kry wat hulle vir die saak beywer. Ek kan jou nie sê hoeveel bevrediging ’n mens…

Jou liefde vir kos het tydens jou sorgvrye grootwordjare in die Karoo ontstaan. Is daar ’n gereg uit die kontrei wat jou altyd sal bybly? Brood en vet en goue stroop om vieruur die middag. Op Sondae, die reuk van skaapboud en groente. My ma het die lekkerste tamatiesop gemaak wat ek nog geëet het. Ek sukkel nou nog om daardie smaak reg te kry. Ek is amper daar, maar nog nie heeltemal nie. Jy was baie lief vir jou ma, vir wie julle “Moeder” genoem het. Die resepte in die boek word ook toegelig met “My ma het gesê”. Wat is die kosbaarste les wat jy by haar geleer het? Sy het my geleer om nooit ’n bed raak te sien nie. Met ander woorde as dinge verkeerd loop,…

DIE Wes-Kaapse departement van landbou is ’n Kuhn Neo-skyfplanter ryker. Terwyl die planter voorheen by die landbouwerktuigvervaardiger Rovic Leers geleen is, het dié maatskappy dit nou aan die departement geskenk vir navorsingsdoeleindes. Die planter sal die departement help om voort te bou op die navorsing van hoë gehalte wat plaaslik gedoen word, sê dr. Johann Strauss, wetenskaplike vir volhoubare gewasverbouingstelsels en bewaringslandbou in die direktoraat plantwetenskap by die Wes-Kaapse departement van landbou. NAVORSING Strauss is tans besig met die derde stel proewe in ’n 12-jaar-tydperk oor verskillende plant- en boerderytegnieke vir bewaringsboerdery. Dit behels wisselbouproewe. Hy het drie jaar gelede die gebruik van ’n skyfplanter as voorwaarde vir die voortsetting van die proef gestel. Talle kleingraanboere in die winterreëngebied gebruik tandplanters, al meen kenners hulle kan die voordele van bewaringsboerdery…

INTERNASIONAAL: Die prys van mielies het met 0,9%, of $1,33/t (R17,83/t), tot $142,92/t (R1 916/t) teenoor die vorige week gedaal. Op ’n jaargrondslag is dit 2,2%, of $3,13/t (R41,96/t), laer. Verwagte pryse: Maart – $144,56/t (R1 938/t), April – $147,39/t (R1 976/t), Mei – $150,15/t (R2 013/t), Julie – $152,59/t (R2 046/t). PLAASLIK: Die Safex-prys van wit mielies het met R16/t, tot R2 980/t teenoor die vorige week gestyg. Die prys van geel mielies het met 0,7%, of R21/t, tot R2 951/t gestyg. Op ’n jaargrondslag is die prys van wit mielies 39,9%, of R1 975/t, laer, terwyl die prys van geel mielies 25,2%, of R994/t, laer is. Verwagte witmieliepryse: Maart – R2 905/t, April – R2 637/t, Mei – R2 225/t, Julie – R2 115/t. Verwagte geelmieliepryse: Maart –…

Voerpryse sal tot in Mei vanjaar hoog bly – totdat die nuwe mielie-oes in volle gang is. Mnr. Andy Crocker, besturende direkteur van Meadow Feeds, sê Suid-Afrika sal vir die ou seisoen afhanklik bly van invoer. “Die nuwe seisoen se mielies verhandel reeds teen ’n beduidend laer prys vergeleke met die vorige seisoen.” In Desember verlede jaar was voerpryse 7% hoër as ’n jaar tevore nadat dit die hele jaar weens die droogte hoog was. Die droogte het die invoer van mielies genoodsaak en invoerpariteit die belangrikste bepaler van plaaslike pryse gemaak. Met die beter oesverwagting vir vanjaar behoort pryse na uitvoerpariteit te neig. “Terwyl die geelmielie-balansstaat na verwagting knap sal bly, het witmielie-aanplantings toegeneem. Dit behoort ’n invloed op pryse in die dierevoermark te hê.” Daar is wel kommer…

Die volgende ontleding van grondverkope in Suid-Afrika is van transaksies vir grond van meer as 20 ha in Limpopo, Gauteng en Noordwes vanaf Desember 2015 tot verlede November. Gunstige prysneigings is by die meeste van die grondtransaksies in dié provinsies waargeneem. Altesame 524 transaksies is in LIMPOPO gesluit. Dit het 198 497 ha teen R2,845 miljard behels. Sowat 35% van die transaksies was vir grond van meer as 300 ha. Daar was egter prysdalings in nege van die distrikte. In GAUTENG is 63 586 ha teen R5,98 miljard verhandel. Daarvan was ’n kwart (26%) ooreenkomste van kleur. Die meeste transaksies (63%) was vir grond van minder as 50 ha, met net 10% vir grond van meer as 300 ha. In NOORDWES is 600 transaksies in 15 distrikte beklink. Dit het…

Pedi-skaapramme het goeie pryse op die Limpopo-Pediskaap-studiegroep se jaarlikse veiling behaal. Mnr. Scott Atherstone, uittredende voorsitter van die studiegroep, sê die gemiddelde prys van net meer as R6 800 vir ramme is heelwat beter as ’n jaar gelede. Hy was onseker oor wat presies die goeie pryse veroorsaak het, maar sê daar was groot belangstelling in die veiling wat op 4 Februarie deur Vleissentraal Bosveld op Bela-Bela aangebied is. Atherstone het gesê die veiling het waarskynlik die grootste getal kopers in die geskiedenis van die studiegroep gelok. Volgens Vleissentraal Bosveld se syfers is altesame 147 diere teen ’n omset van R376 350 verkoop. Daaronder was 12 ramme, 14 ooie en 87 dragtige ooie. Volgens Vleissentraal Bosveld was ooie gemiddeld R2 329 stuk, dragtige ooie gemiddeld R2 193 stuk, ooie met…

FEBRUARIE RIVERSDAL 15-18, Riversdal-skou. Betsie van Noordwyk. E-pos: skou@riversdaler.co.za; tel. 028 713 1215; sel 072 015 9671. 15-18, SA Boerperdstreekskampioenskap. Petro Grové, sel 082 551 3221. Web: www.saboerperd.com WILLISTON 23-25, Williston-skou. Manne-oggend, damesoggend, perde, bokke, Boerbokke, Dorpers, jeugskou, kindervermaak, skoudans en vele meer. Belinda Els. E-pos: willistonskou3@gmail.com; tel. 053 391 3005, sel 082 613 3137. Stalletjiebesprekings: Erika, sel 079 549 7724. TARKASTAD 24-25, Tarkastad-skou. Saalen Boerperde, jeugskou, skeerkompetisie, klein- en grootvee, stalletjies. Corli Botha, Koekedoor-wenner, en die Broers as gaskunstenaars. Leon Goosen, sel 082 555 5530 of tel. 045 846 9161. MAART SWELLENDAM 2-4, Swellendam-skou en damesoggend. Voorsitter: Anton Olivier, anton.olivier@momentum.co.za of sel 083 700 3580. Media- en stalletjiebesprekings: Miriam Basson, miriam basson@gmail.com of sel 082 788 6544. Sekretaresse: Suzaan Smit, skou borge@gmail.com of sel 072 309 7531. Damesoggend: Moira Odendaal, moiraannel@absa.co.za…