Indholdsfortegnelse for 03-Mar-17 i Landbouweekblad

WOLWAGTERS Toe dié foto tussen Noupoort en Hanover geneem is, het hierdie twee alpakkas beskermend na hulle troppie skape beweeg en hulle dieper die veld in gelei. Soos Anatoliese herdershonde, donkies en selfs wildebeeste, sal alpakkas ’n trop skape aanneem en skadelike die-re of selfs mense verdryf wat dit té naby waag. Die plaaslike alpakkabedryf het in die afgelope tien jaar gegroei tot ’n volwaardige boerderyvertakking bestaande uit sowat 50 telers, boere en verwerkers van alpakkaprodukte. HOENDERVRIENDELIK Die pluimveeprodusent Astral het in die Noord-Gautengse hooggeregshof ’n skikking bereik met Eskom in sy regsgeding om te keer dat krag by sy Standerton-aanlegte afgesny word. Dit kom nadat die kragvoorsiener beurtkrag aangekondig het in die Lekwa-munisipaliteit weens laasgenoemde se uitstaande skuld. Kragtens die skikking onderneem Eskom om nie kragtoevoer na Lekwa te…

Mnr. Hage Geingob, president van Namibië, het ’n nuwe beweging, die Landless People’s Movement, uitgedaag om met voorstelle te kom wat aanvaarbaar sal wees binne die konteks van ’n vry en versoende Namibië pleks van om op “voorvaderlike grond” aan te dring. Hy het gewaarsku dat Namibiërs moet kennis neem van wat in Libië en Irak gebeur het waar mense “ordelike stelsels” ontwrig het in ’n poging om “beter” stelsels in te stel, maar tien jaar later is daar steeds net lyding. Hy sê as die grondkwessie nie reg behartig word nie, sal dit tot chaos in die land lei. Dit is skynbaar hoekom hy die tertafellegging van ’n nuwe wetsontwerp oor grondhervorming uitgestel het sodat deeglike konsultasie kon plaasvind. “Dit is noodsaaklik dat ons die grondkwessie met die uiterste…

LANGEBERG — BOERE SE EIE INMAAKFABRIEK Die bydrae wat die Langebergkoöperasie sedert sy stigting in 1938 as inmaakfabriek tot die ontwikkeling in sy bedieningsgebied gelewer het, kan moeilik oordryf word. Langeberg, met sy setel op Ashton, bedien die gebied van Robertson ooswaarts oor Swellendam, Riversdal, Mosselbaai tot by Knysna, en van daar agter die Langeberge terug oor Oudtshoorn, Ladismith en Barrydale tot in die Koo en Montagu. Dié streek se landboupotensiaal is in die verlede nooit na behore ontwikkel nie weens afgeleë markte, gebrekkige vervoergeriewe en wisselvallige produktepryse. Met die oog op ’n versekerde afset en bestendige pryse vir boere se vrugte en groente is Langeberg as die eerste — en tot dusver enigste — koöperatiewe inmaakfabriek in die land gestig. Die koöperasie het meer as 1 000 lede. Drie…

DIE wynbedryf gaan swaar sluk aan die hoër sondebelasting op wyn, vonkelwyn en brandewyn. ’n Belasting van 8,8% sal geld op wyn en vonkelwyn en 8,5% op spiritualieë. Altesaam 23 sent belasting sal op ’n bottel wyn (750 ml) gehef word, 70 sent op vonkelwyn en op gefortifiseerde wyn 26 sent. “In ’n tyd van ekonomiese druk waarin kleinhandelpryse vir wyn met minder as inflasie toeneem, sal wynboere en kelders dit moeilik vind om hierdie stygings te verwerk,” sê mnr. Rico Basson, besturende direkteur van Vin-Pro, wat sowat 3 500 wynboere en kelders verteenwoordig. Basson sê die bedryf het nou beleggings, beleidsekerheid en ondersteuning met behuising, water, grond en marktoegang nodig om vooruit te gaan. Hy is bekommerd oor die omvang van onwettige handel en die maatskaplik-ekonomiese impak van alkoholmisbruik.…

LEIERS van Agri SA en die SKA-radioteleskoopprojek in die Noord-Kaap het ’n memorandum van verstandhouding onderteken om te verseker dat plaaslike gemeenskappe van die Karoo baat vind by die projek. Volgens ’n persvrystelling van die SKA Suid-Afrika (SKA SA) sluit hy vennootskappe met gemeenskapsorganisasies om te verseker dat die verwagte impak van die projek gunstig bly. Mnr. Johannes Möller, voorsitter van Agri SA, het gesê hulle kan nie die projek keer nie, maar die memorandum lê riglyne neer vir wat gebeur nadat die SKA SA 118 000 hektaar grond van boere by Carnarvon, Vanwyksvlei en Williston gekoop het om die kern van die SKA-radioteleskoop te bou. “Ons wil probeer om die ekonomiese impak op die gebied te beperk. Dit volg op ons oorspronklike ooreenkoms met dr. Justin Jonas van die…

GRONDBONE | Aanplantings meer as dubbel Die oppervlakte onder grondbone in Suid-Afrika is vanjaar meer as dubbel soveel as in die 2015-’16-produksiejaar. Me. Marda Scheepers van die Nasionale Oesskattingskomitee het op die Suid-Afrikaanse Grondboneforum se vergadering in Rivonia, Johannesburg, gesê die aanplantings beloop ’n geskatte sowat 45 500 ha. Dit is 22 900 ha meer as verlede jaar se 22 600 ha. “Noordwes en die Vrystaat is die twee grootste provinsies wat grondbone betref, met aanplantings van onderskeidelik 23 000 ha en 14 000 ha. Daarna volg die Noord-Kaap en Limpopo met onderskeidelik 6 000 ha en 2 500 ha.” Volgens Scheepers is vanjaar se aanplanting 6,6% laer as die tienjaargemiddelde en 29,3% laer as die twintigjaargemiddelde. Dit is egter 1,1% beter as die vyfjaargemiddelde van 45 015 ha, wat…

KAAP Agri gaan binnekort “op die A-veld onder spreiligte speel” wanneer dié landboumaatskappy binne ’n paar maande op die JSE noteer. ’n Kennisgewing op Kaap Agri se webwerf het aandeelhouers ingelig dat die direksie Kaap Agri se bestuurspan opdrag gegee het om voort te gaan met die notering. Dit kom ná die groep se jaarvergadering. Aandeelhouers sal op hoogte gehou word van verwikkelinge. Mnr. Sean Walsh, besturende direkteur van Kaap Agri, sê notering is gereeld in die raad bespreek. “Jannie Mouton (PSGlegende) sê mos: As jy noteer, dan speel jy op die A-veld met die spreiligte op jou. Nou word dit ’n voldonge feit.” Kaap Agri het tot dusver sy verhandeling oor die toonbank gedoen. Zeder, PSG se landboubeleggingsarm, besit bykans 40% in Kaap Agri. Walsh sê hulle is opgewonde…

DIE Landbounavorsingsraad (LNR) wil met die hulp van tegnologie inligting oor die weer na veral kleinboere bring sodat hulle doeltreffender kan boer. Die Rain for Africa-projek (R4A) wil die regte inligting op die regte tydstip aan kleinen kommersiële boere deurgee. Luidens ’n inligtingstuk wat op ’n LNR-byeenkoms in Pretoria uitgereik is, is die doel om die weerinligting wat deurlopend by meer as 600 outomatiese weerstasies van die Suid-Afrikaanse Weerdiens (SAWD) ingesamel word, in nuttige landbou-inligting om te skakel en dit deur middel van gebruikersvriendelike selfoontoepassings aan boere te voorsien. Die mikpunt is om die projek binne die volgende drie jaar op dreef te kry en 125 000 kleinboere te bereik. Benewens die LNR en die SAWD is verskeie Nederlandse instellings reeds betrokke. BESTE TYD Die plan is om inligting aan…

KORTOM • Daar heers onduidelikheid oor hoe die nuwe minimum loon toegepas gaan word in die informele sektor, kleinskaalse boerderye en buitelandse winkels. • Hoewel die aanvanklike toegewings aan die landbou sal help, bly die styging in die minimum loon op lang termyn erg. Moontlike jaarlikse verhogings – na aan die inflasiekoers – is ook ’n kommer. • Grootskaalse meganisering kan in verskeie landboubedrywe verwag word. In Februarie is afgekondig dat ’n nuwe nasionale minimum loon van R20/uur voor 1 Mei 2018 in werking gaan tree. Die afkondiging is voorafgegaan deur navorsing deur die Nasionale Ekonomiese, Ontwikkelings- en Arbeidsraad (Nedlac) en onderhandelinge tussen die Regering en die sakesektor. Die loon is R20/uur en sowat R3 500 per maand vir ’n 40-uur-werksweek en R3 900 per maand vir ’n 45-uur-werksweek. Die…

Die Meat Naturally-projek, wat met regeringsfinansiering in die Noord- en Oos-Kaap bedryf word, het die afgelope drie jaar indrukwekkende resultate behaal. Daar is reeds indringerplante van 2 155 ha verwyder, 3 564 m3 skanskorwe in erosieslote opgerig en 101 461 ha weiveld verbeter. Daarbenewens is die geld gebruik om “ekowagters” op te lei en in diens te neem om indringerplante uit te roei, erosiebekampingswerk te doen, vee te bestuur en ekovriendelike roofdierbestuur toe te pas. Só het dr. Heidi-Jayne Hawkins van Conservation Suid-Afrika op die sesde wêreldforum oor volhoubaarheid in Kaapstad gesê. Die organisasie gebruik die weidingsgereedskapskis wat deur die vennootskapsprogram vir die Umzimvubu-opvanggebied ontwikkel is en bygewerk word met navorsing wat deurlopend aan die gang is. (Besoek www.umzimvubu.org/toolkits/rangeland om te sien wat dit behels.) Heidi-Jayne sê die projek het…

Rentevrye lenings word algemeen gebruik om bates na ’n trust oor te dra. Dit is algemene praktyk vir die stigter of ’n trustee van ’n trust om deur middel van ’n lening eiendom aan ’n trust te verkoop, of om die eiendom in die naam van die trust te koop. Dié eiendom is dan nie deel van die stigter of trustee se boedel nie en is dus nie onderhewig aan boedelbelasting nie. Hoewel die uitstaande leningsrekening ’n bate in die boedel van sodanige stigter of trustee is, kan die stigter of trustee dus die jaarlikse skenkingsbelastingkorting van R100 000 gebruik om die leningsrekening te verminder totdat dit uiteindelik geen waarde in die stigter of trustee se boedel het nie. Dié lenings is gewoonlik rentevry. Die Regering het dié praktyk ondersoek…

As hulle versoek word om ’n sonkragstelsel by ’n kliënt te installeer, kyk hulle na sy of haar Eskomrekening en meet ook die kraggebruik oor ’n tydperk. Die inligting word dan gebruik om ’n stelsel volgens die kliënt se behoefte te ontwerp en te installeer, sê mnr. Etienne du Plessis, tegniese direkteur van Peninsula Technical Solutions. By Moorreesburg Rollermeule het hulle 200 sonpanele geïnstalleer wat elk die potensiaal het om 255 watt te lewer. “As die son dit toelaat, kan die stelsel 51 kW per uur lewer. Aangesien die son gemiddeld van 11:00 tot 15:00 op sy skerpste is, sal die stelsel slegs dán 51 kW per uur kan lewer.” Die panele is gewaarborg vir tien jaar, terwyl die panele ná 25 jaar nie meer as 20% van hul lewering…

Waarom het julle met vye begin boer? Ons wyndruifvertakking is redelik gemeganiseer; die vye help dus met werkskepping. Vyetyd strek van einde Januarie tot Maart en ’n bietjie in April, as hier mense is wat andersins by die huis sou moes sit. In spitstyd neem ons 80 tot 100 mense in diens. Hoekom aard vye goed hier? Ons het ’n Mediterreense, maritieme klimaat met droë, warm somers en koue, nat winters. Vye hou nie van reën in die somer nie en kan bars of vrot. Die bome groei in swaar kleigronde met ’n goeie waterhouvermoë. Vye is baie lief vir water, wat goeie produksie en vruggrootte verseker. Watter kultivar plant julle? Ons plant ’n Mediterreense vy wat as Evita of die Parisian-vy bekend staan. Ons het ook nou ’n nuwe…

Benodigdhede • Maatband • Skêr • Kleefplastiek • Gekleurde papier • Ou kryte of potlode • Akriliese verf en verfkwas • Leë blikke of silindriese houers • Gomgeweer met gomstokkies of sterk kunsvlytgom • Felt, knope, lint, tou of versiering van jou keuse VERFKWASHOUER Papier kan gebruik word om die effek te skep van verf wat teen ’n blik afloop. • Meet die omtrek van die blik met maatband of tou om te sien watter grootte papier jy nodig het. • Trek kartellyne op die papier en knip uit op die lyn. Plak aan die bokant van die blik vas. PAPIERHOUER MET JOU GUNSTELING-TEKENING DAAROP • Meet die omtrek van die blik. • Las 2 bladsye met tekeninge aanmekaar, indien nodig, om rondom die blik te pas. • Knip die…

De holes zijn langer dan we gewend zijn in Nederland maar je speelt dan ook op ruim 1 500 meter hoogte dus vliegen de ballen ook verder. Lange par 4’s door het glooiende landschap, twee korte par 3’s omringd door water en een lange par 3,” skryf ’n besoekende Nederlander onlangs oor die Glendower-gholfbaan in Edenvale, Johannesburg. Hy kon bygevoeg het dat waterhindernisse goed ingespan word naby en om die setperke – veral op drie van die kort putjies en twee van die syfer vyfs. Hy kon ook gesê het dat elke ’n putjie ’n uitdaging bied en dat ’n ronde op hierdie topbaan, wat ook ’n natuurreservaat is, ’n eersteklas gholfondervinding is. Die Suid-Afrikaanse Ope word nie deesdae verniet daar gespeel nie. RYK GESKIEDENIS Die skoonveld bestaan uit kikoejoegras…

Adam Mostert tree eersdaags af en spot dat hy dit nou al die derde keer doen. Hy was voorheen hoofbestuurder van Sasol Kunsmis se droëkunsmisafdeling, hoofbestuurder van internasionale verkope (oplosmiddels) by Sasol in Duitsland en besturende direkteur van Sasol in die Midde-Ooste en die Golfstate in Doebai. Hy het die grade B.Sc. Agric. (akkerbou en grondkunde), honneurs en M.Sc. Agric. (albei in akkerbou) aan die Universiteit van die Vrystaat, honneurs in bedryfsadministrasie en ’n MBA (’n meestergraad) aan die Noordwes-Universiteit verwerf. Hy het ook ’n gevorderde bestuursprogram aan die Wharton-bestuurskool aan die Universiteit van Pennsilvanië in Amerika voltooi. “Ek hoop om nog by die kunsmisbedryf betrokke te bly – al is dit net op ’n konsultasiegrondslag. ’n Nuwe kunsmis-wetsontwerp moet volgende jaar aan die Parlement voorgelê word vir goedkeuring.…

Ondanks siektes en plae kan Suid-Afrikaanse mielieboere vanjaar ’n oes van minstens 11,9 miljoen ton lewer, meen ontleders. Die Internasionale Graanraad se jongste voorspelling is 12,9 miljoen ton. Graan SA se beste van drie scenario’s (’n nasionale opbrengs van gemiddeld 5,27t/ha) sal ’n oes van 13,44 miljoen ton oplewer. Die Oesskattingskomitee se voorlopige oppervlakteskatting wys dat ’n beraamde 2,55 miljoen ha beplant is – amper ’n derde meer as verlede jaar. Mnr. Wandile Sihlobo, ekonoom van die landbousakekamer Ag-biz, sê die mielies op die lande lyk in die algemeen goed. Dit ondersteun Agbiz se siening dat die oes ten minste 11,9 miljoen ton kan haal. Dit is 53% groter as verlede jaar se droogtegeknelde mielie-oes. Dit beteken dat Suid-Afrika vanjaar dalk weer ’n netto uitvoerder van mielies sal wees, want…

GAUTENG CARLETONVILLE IQ (108) 200 ha, aan Almenta 140, van Henroo Beleggings (Edms.) Bpk., R2 500 000. KIEL (128) 86 ha, aan JJ Wasserman-familietrust, van Daleen Kruger-trust, R976 446. OUDEDORP (376) 312 ha, aan T&L Zandfontein-trust, van Linda Serfontein-trust, R2 600 000. PRETORIA BOVENEIND GROENFONTEIN (126) 21 ha, aan Emerald Game Breeders (Edms.) Bpk., van Evans-familietrust, R690 000. HARTEBEESTFONTEIN (123) 21 ha, aan R.J. Brews, van J.P. Odendaal en K.T. Odendaal, R1 750 000. KWAZULU-NATAL LADYSMITH KRANSKLOOF (13091) 248 ha en ROOIPOORT (12905) 440 ha, aan Arnut Hill, van Tugela Game And Leisure (Edms.) Bpk., R11 300 000. PIETERMARITZBURG BREDAS FONTEIN (1130) 133 ha, aan Embo Emfenigemeenskapstrust, van T.P. Thorpe, R10 000 000. BREDAS FONTEIN (1130) 309 ha, aan Embo Emfenigemeenskapstrust, van Inkonka Developments (Edms.) Bpk., R7 000 000. CLEVELAND…

Planne om meer as 300 000 Dorperooie oor ’n tydperk van 30 maande na Rusland uit te voer, sal ’n groot hupstoot vir die sowat 400 plaaslike telers en kommersiële Dorperboere wees, sê mnr. Attie Westraad, rasdirekteur van die genootskap. As alles volgens plan verloop en die protokolle gereed is, behoort die eerste ooie voor einde vanjaar uitgevoer te word. Die prys wat boere sal kry, kan tot R2 500 vir ’n kuddeooi van 35 kg (eerste seleksie) wees. Westraad sê hoewel die hoë wolpryse en veral die droogte druk op die bedryf geplaas het, is besonder goeie pryse nietemin op die nasionale veiling in November verlede jaar op Upington behaal. Dorperramme (128) is teen gemiddeld R17 101 stuk en Wit Dorperramme (62) teen net minder as R11 825 stuk…

MAART SWELLENDAM 2-4, Swellendam-skou en damesoggend. Voorsitter: Anton Olivier, anton. olivier@momentum.co.za of sel 083 700 3580. Media- en stalletjiebesprekings: Miriam Basson, miriambasson@gmail.com of sel 082 788 6544. Sekretaresse: Suzaan Smit, skouborge@gmail.com of sel 072 309 7531. Damesoggend: Moira Odendaal, moiraannel@absa.co.za of sel 082 448 8166. ERMELO 2-4, Ermelo Hoëveldlandboufees. Perde: Talana Möller, sel 082 563 7737. Western mounted games: Oubaas de Jager, sel 082 557 0200. Beeste: DC Swart, sel 082 510 9454. Skape: Wouter Theron, sel 079 522 4417. Pluimvee: Chené Potgieter, sel 076 787 0954. Voorsitter: Willie Jacobsz, sel 082 804 1850. Skoukantoor: Tel. 017 819 7207. OTTOSDAL 7-9, Ottosdal-vriendskapskou. Beeste: Willem Weld-hagen, sel 082 863 6690. Skape: Wimpie Rossouw, sel 083 305 0090. Industriële uitstallers: John Tait, sel 082 572 3951. Stalletjies, vermaak en algemene navrae: Lizette Scholtz,…

40% Die graanmeulenaarsvereniging van Zimbabwe wil hê dié land se regering moet ’n 40%-invoertarief hef op mielies en mieliemeel omdat die land nie kan meeding met goedkoper GM mielies uit Suid-Afrika nie. Zimbabwe het sedert 2002 $7 miljard (R91,7 miljard) se mielies ingevoer nadat mielieproduksie in duie gestort het weens die land se rampspoedige grondhervormingsprogram. — Bloomberg 17% Die Londense Wine Investment Fund Ltd., ’n fonds wat in hoëwaarde-wyn belê, het verlede jaar ’n opbrengs van 17% getoon. Pryse is op hul hoogste vlakke sedert Oktober 2011. Sulke beleggingswyne is gewild sedert die Brexitreferendum, danksy ’n swakker Britse pond wat dit goedkoper maak vir oorsese beleggers om in sulke fondse te belê. Wyn is ’n gewilde belegging in onseker tye. — Reuters 79% Suid-Afrika het tot dusver in die huidige…

‘Pleks van belasting-aansporings om beleggings aan te moedig, word boere net meer belas.’ MNR. OMRI VAN ZYL, uitvoerende hoof van Agri SA, oor die nasionale Begroting. Bl. 14 ‘Ek is mos nie onnosel nie. Ek sal nie iets doen om die waarde van my plaas te verlaag nie.’ MNR. NOLLIE SMIT van die plaas La Rhine oor die effek van ’n sandmyn wat deur sy wynboerbure teengestaan word. Bl. 23 ‘As ’n luislang daar ’n werpsel rooikatwelpies of jakkalskleintjies kry, byt hy almal dood en sluk hulle in. As die ouers terugkom, is hulle ook op die spyskaart.’ MNR. MARIUS KOEKEMOER, Bosveldse slangkundige, oor hoekom boere nie luislange voor die voet moet doodmaak nie. Bl. 21 ‘Beleggers was tot nou huiwerig oor ’n bedryf wat onderhewig is aan klimaatsverandering en…

Die gewasboer MNR. EDWARD LEVERSAGE van Roedtan in Limpopo is aangewys as die TLU SA se Jongboer van die Jaar. Dié presisieboer het waardevolle lesse uit die droogte geleer. Lees die artikel op bl. 40. VERTEL ONS VAN JOU GESIN. Ek is getroud met Alda en ons het twee seuntjies, Dian (3) en Ewan (6 maande). WAAR HET JY GESTUDEER? Ek het my B.Com.Hons. in risikobestuur aan die Noordwes-Universiteit in Potchefstroom verwerf. HET JY ’N STOKPERDJIE? Ek lees graag en luister na boeke op Audible. Verder jag ek graag. Ek beoefen ook langafstandskiet en speel soms gholf. WAAR HOU JULLE VAKANSIE? Ons hou van strandvakansies. Ons hou ook van Kaapstad en die omliggende wynstreke. MNR. GERRIT ROOS van die plaas Leeubank by Belfast in Mpumalanga het in die afgelope produksiejaar…

DIE landbou word ’n belangrike bateklas vir beleggers, sê die uitvoerende hoof van Suid-Afrika se nuwe sekuriteitebeurs, die ZAR X. Mnr. Etienne Nel het dié opmerking gemaak met Senwes en Senwesbel se note-ring op die beurs op 20 Februarie – die eerste noterings daarop. Nel sê landboubesighede het vandag ’n kommersiële ingesteldheid wat daarop toegespits is om waarde vir aandeelhouers te skep. “Beleggers was tot nou huiwerig oor ’n bedryf wat onderhewig is aan klimaatsverandering en ander toestande wat moeilik is om te beheer en daarom nie ’n deurlopende opbrengs kan waarborg nie.” Hy sê voedselsekerheid is egter nou ’n wêreldwye bekommernis en belangrike ekonomieë, soos China, belê daarom in die landbou elders ter wêreld. Die landbou speel verder ’n groot rol in ekonomieë, veral as ’n werkskepper, maar ook…

OM WERKLIK reg aan restitusie te laat geskied, moet dit van ’n “vyfjaarprojek” na ’n tydlose program verander, meen mnr. Gugile Nkwinti (foto), Minister van Landelike Ontwikkeling en Grondhervorming. Hy sê restitusie se swak punt is die feit dat dit ’n projek is. Indien dit ’n program is, hoef dit nie gesien te word as “iets wat môre voltooi moet word” nie. SÓ het Nkwinti voortgebou op sy aankondiging ná die Staatsrede dat die Regering grond sonder vergoeding wil onteien. “As dit ’n lewenslange program van restitusie word wat grondregte aan ons mense herstel, kan daar op ’n regverdige manier gewerk word. As jy diskriminasie toepas, moet dit billike diskriminasie wees.” Dit is daarom ook belangrik dat die Nasionale Grondeisekommissie herontwerp en in ’n Artikel 9-instelling verander word, soos die…

DIE Noorweegse wynmonopolie Vinmonopolet besoek Suid-Afrika in die komende weke om hom te vergewis van werkers se lewenstoestande op wynplase. Dit kom ná die omstrede dokumentêr Bitter Grapes, wat verlede jaar uitgereik is en die bedryf se beeld groot skade berokken het. Mnr. Kristian Hogstad, woordvoerder van Vinmonopolet, sê die afvaardiging sal van 27 Februarie tot 3 Maart met vakbonde en bedryfsorganisasies vergader, en sal van 13 Maart tot 8 April plaasinspeksies doen. “Die evaluering van die Suid-Afrikaanse wynbedryf is nie nuut vir ons nie. Ons doen dit al sedert 2012 saam met ander Nordiese lande,” sê Hogstad. “Bitter Grapes het egter kwessies uitgewys waaraan ons aandag wil skenk. Omdat sommige boere in die dokumentêr nie kommentaar wou lewer nie, het dit die indruk gewek dat wynboere nie bereid is…

Die afgelope paar jaar was wildteling ’n baie winsgewende belegging. Oor ’n tydperk van vyf jaar (van 2007 tot 2012) het die gemiddelde verkooppryse van buffels met 540% en swartwitpense met 479% gestyg. Dit is mos nou ’n behoorlike opbrengs op ’n belegging! Die volgende episode van Nasie in Gesprek kyk onder meer na hoe wildtelers, wildplase, natuurbewaring en die jagbedryf mekaar aanvul. Skakel in op kykNET (DStv-kanaal 144) op Woensdag 1 Maart om 17:30. Heruitsendings volg op 2, 4, 5, 6 en 8 Maart. Die span kuier by mnre. Piet Warren, ’n wildboer en swartwitpensteler van Gravelotte in Limpopo en John Hume, die wêreld se grootste renosterboer. Die ateljeegas is mnr. Danie Minnaar, ’n wildteler. Chris Burgess, redakteur van Landbouweekblad, bied in elke episode sy perspektief en gesels oor…

As mense oor biodiversiteit praat, is dit meestal oor plantdiversiteit of biodiversiteit in die grond. Dit is egter net so belangrik by diere wat hul vermoë betref om by ongunstige toestande aan te pas en waar kuddes verbeter moet word. Só sê me. Annelin Molotsi, ’n doktorale student aan die Universiteit Stellenbosch. Sy meet die volhoubaarheid van klein skaapboerderye in die Wes-Kaap deur afset en benutting (veeverkope en -verbruik per jaar) en genetiese uiteenlopendheid (die mate van inteling) as aanduiders van onderskeidelik ekonomiese en omgewingsvolhoubaarheid te ondersoek. Sy het deelgeneem aan die sesde wêreldforum oor volhoubaarheid wat in Kaapstad gehou is. “Lae genetiese uiteenlopendheid, oftewel inteling, het ’n nadelige uitwerking op die reproduktiewe en oorlewingseienskappe van diere,” sê sy. Sy het bloed-DNS-monsters by skape in die verskillende distrikte versamel om…

’n Bio-afbreekbare klei wat uit nanogrootte deeltjies bestaan, kan ’n omgewingsvriendelike alternatief vir chemiese middels wees. ’n Span wetenskaplikes van die Universiteit van Queensland in Australië hoop om dié produk, BioClay, binne die volgende twee jaar tot drie jaar vir kommersiële produksie gereed te hê. Prof. Neena Mitter, spanleier, sê dié ontdekking behels ’n spuitmiddel van die klei wat gebruik word om dubbelstringe ribonukleïensuur (RNS) vry te stel. Dit beskerm plante dan teen spesifieke patogene organismes. Dit sal die nodigheid vir chemiese middels verminder sonder om die plante se genoom te verander. “Sodra BioClay toegedien word, ‘dink’ die plant dit word deur ’n siekte of ’n plaag aangeval en reageer deur homself teen daardie siekte of insek te beskerm. Dit werk dus soos ’n entstof.” ’n Enkele toediening beskerm die…

Die hele blok waarin die 2 ha sojabone aaneenlopend geoes is wat mnr. Gerrit Roos met strooptyd vir die organiseerders van die Weeg en Wen-opbrengskompetisie moes aandui, beslaan 15 ha. “Ons het nie soseer vir ’n wen gemik nie, maar om die hoogste opbrengs moontlik te behaal.” GRONDGEHALTE Net nadat die mielies geoes is (Julie/ Augustus), het hy 220 kg van die kunsmismengsel 0:1:2 van Omnia en 500 kg Growmax van Azbot (organiese bemesting) per hektaar breedwerpig uitgestrooi en dit met ’n skottelwerktuig ingewerk. In Augustus/September 2015 het Gerrit op dié blok, waarop die vorige twee jaar mielies was, 500 kg gips per hektaar toegedien. Kort voor planttyd het hy Roundup gespuit om die onkruid uit te knikker. ’n Week later het hy strookbewerking met ’n Orthman gedoen (al bewerking…

MAALMASJIEN PLAASLIKE ONTWERP Mnr. Brian McGrath het die Pan Mill, ’n veeldoelige sny-en-maalmasjien, ontwerp omdat hy op ’n eenvoudiger manier wou boer. Ná twee jaar van speel met verskillende ontwerpe, lemme en siwwe het hy ’n masjien gebou wat net die regte hoeveelheid kos vir jou vee maal en wat deur een mens bedryf kan word. Dit is veilig om te gebruik en maak min stof. Die masjien werk met ’n horisontale snymeganisme wat ’n sterk wind veroorsaak. Verskillende siwwe word vir verskillende eindprodukte gebruik. Die siwwe word met twee vlerkmoere vasgetrek, wat die omruil daarvan vergemaklik. Die lemme kan uitgehaal en skerpgemaak of vervang word. ’n Awegaar kan ook gebruik word om die produk mee in te voer. Twee of vier sakke word gelyktydig gevul. Dit kan gebruik word…

Elke keer wanneer’n kar nader kom, slinger Ampie die inkriminerende vis die veld in. Of dit nou uit desperaatheid of stoutigheid was, almal het ’n storie waar hulle op skool die stelsel pro-beer fnuik het. Byvoorbeeld, moedig die wiskunde-meneer aan om eerder oor sy voorliefde vir vegvliegtuie te praat as om huiswerk na te gaan, gebruik vroegoggend die strykyster op die spinasie wat jy eintlik ’n maand lank natuurlik vir huishoudkunde moes uitdroog, loop koes-koes agter die krismisrose weg wanneer jy die laaste periode stokkiesdraai . . . Selfs die voorbarigste klas sit egter bekommerd regop wanneer die skoolhoof se stem oor die luidsprekerboksie kom met: “Aandag, asseblief. Die volgende leerlinge nóú na my kantoor . . .” (En nie om prefekbalkies te gaan haal nie.) As brose graad agts…

Geluk is nie iets wat net deur uiterlike omstandighede bepaal word nie; dis iets binne jou. Vanoggend toe ek wakker word en vlugtig by die venster uitkyk, het dit my ’n sekonde geneem om te besef dat dit anders is as wat dit gister was. Gister was ek immers ongeveer duisend kilometer van waar ek nou is. Toe het ek wakker geword met kenmerkende plaasgeluide, soos skaaphonde wat blaffend die skape aanjaag, en twee neushoringvoëls wat soos klokslag teen my venster kom klop – asof hulle opdrag gekry het om my wakker te kom maak. Ek geniet dit. Dis altyd ’n aanpassing om so verskuif te word tussen waar ek graag wíl wees en waar my omstandighede my aansê om te wees, al is dit dan teen wil en dank.…

 TALLE uitbrekings van knopvelen drie-dae-stywesiekte, bloutong, Afrika- en Asiatiese rooiwater, hartwater en anaplasmose (galsiekte) is die afgelope tyd by veeartse dwarsoor Suid-Afrika aangemeld. Boere word gemaan om hul vee betyds in te ent. Vir nog inligting oor die siektes en toestande besoek www.landbou.com en klik op Indeks van Antwoorde. Dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), sê in sy Januarieverslag oor veesiektes daar is goeie entstowwe beskikbaar en dus geen rede hoekom boere deur sulke siektes geteister hoef te word nie. Hulle moet hul diere voorkomend inent om hulle teen die siektes te beskerm. Boere kan nou reeds begin beplan om hul vee voor die volgende reëntyd in te ent. Die jongste aanmeldings is vanweë die goeie reën wat oral voorgekom en veral muggie-, muskiet- en…

Die skerp verstewiging van die rand oor die afgelope jaar het die uitvoermark vir granate na die Europese Unie (EU) en Brittanje ’n gevoelige slag toegedien. Waar uitvoerders ’n jaar gelede nog R48/kg op die buitelandse mark gerealiseer het, kry hulle vanjaar ’n skrale R35/kg, sê mnr. Brent Geddes, hoof- uitvoerende beampte van die Pomona-boerdery naby Wellington. Geddes sê op die koop toe het die droogte die gehalte van die vrugte benadeel. “Hoewel die voorkoms van die vrugte, suikergehalte en smaak uitstekend is, is die vrugte merkbaar kleiner as verlede jaar. Sowat 35% van die oes sal versap moet word aangesien verbruikers nie die kleiner vrugte verkies nie.” Die plaaslike vraag na granate is betreklik klein. Dit word teen nagenoeg R72/kg by Woolworths verkoop. Pomona, wat sowat 12% van die…

Die volgende ontleding van grondverkope in Suid-Afrika is van transaksies vir grond wat groter as 20 ha is in die Wes-Kaap vanaf Desember 2015 tot November verlede jaar. In 11 van die distrikte is dalende prysneigings waargeneem, waarvan slegs twee in Karoo, met sommige in die wynland en westelike deel van die provinsie. Grondpryse in die provinsie het oorwegend gestyg. Altesame 481 ooreenkomste is in 27 distrikte gesluit wat 254 452 ha teen R4,828 miljard behels het. Daarvan was 19 transaksies van kleur, 4% van die totaal. Dié soort transaksie sluit in verhandelings tussen individue (11), regeringsaankope van landbougrond (3) en grond wat vir stedelike ontwikkeling verkry is (3). Dié proses het 17 365 ha (6,8% van die totaal) teen R196 miljoen (4,1% van die totale waarde) behels. Uit die…

Nadat my dogter op Stellenbosch gestudeer het, is sy Kanada toe om by ’n ski-oord in Whistler, Brits-Columbië, te gaan werk. Wat sy daar ervaar het, het my laat besef hoe onbeduidend die wêreld dink Suid-Afrika is. Wanneer sy gesê het sy is van Suid-Afrika, het mense al van bakens en bekendes, soos Kaapstad, Tafelberg, oud-pres. Nelson Mandela en die Springbok-rugbyspan gehoor. Maar as iemand nie eens van ’n plek genaamd Johannesburg weet nie, besef jy hul lewe draai om ander sake. Vreemd genoeg, as jy iemand vra of hulle al van die grasvlaktes in Noord-Amerika of Rusland gehoor het, het hulle gewoonlik al. Nog vreemder is as jy hulle vra of hulle bekend is met die term “Karoo”, en die meeste mense sê hulle is, al het hulle geen…

SWART KOPERS KOOP 17% VAN GROND IN SA ’n Omvattende ontleding van grondverkope in Suid-Afrika toon dat swart kopers sedert 2010 by 16,8% van die aantal grondverkooptransaksies betrokke was. Dié kopers het 17,1% van die grond gekoop. DIRK skryf: ’n Voltooide oudit van grondeienaarskap is seker dié belangrikste studie wat al in Suid-Afrika aangepak is. Knap gedaan, ons wag in spanning vir nog inligting. DUDLEY LEE skryf: Ek wens iemand wil Zuma en die EFF daadwerklik takel oor die hele grondkwessie. Dit gaan nie oor grond vir die armes nie, maar oor voordele vir die reeds bevoordeelde swartmense, dit wil sê Zuma en sy pelle. Die voormalig appèlregter Rex van Schalkwyk het in ’n baie insiggewende artikel die volgende geskryf: “The best source of objective evidence is probably to be…

’N KRIMPENDE staatsinkomste wat nie kan tred hou met vermorsing en korrupsie nie en ’n klem op die politiek pleks van die ekonomie is die grootste bekommernisse vir Suid-Afrika se kommersiële landbou ná mnr. Pravin Gordhan, Minister van Finansies, se begrotingsrede. Mnr. Omri van Zyl, uitvoerende hoof van Agri SA, sê die staat het R30 miljard se belasting minder ingesamel as waarvoor begroot is. “Die R28 miljard bykomende belasting wat in die nuwe belastingjaar gehef word, stop eintlik maar net ’n gat toe. Dit is ’n patroon wat hom waarskynlik sal herhaal.” Volgens hom is dit nie ’n oplossing om die ryk mense net meer te belas nie, want daardie belastingbetalers is in staat om hul lewens op ’n ander plek te gaan lei. Hy is ook bekommerd dat niks…

ONBESTEDE geld van die Regering se omvattende steunprogram vir die landbou (Casp) sal heraangewend word om boere te help om die herfskommandowurm te bestry, sê mnr. Senzeni Zokwana, Minister van Landbou, Bosbou en Visserye. Dié steun sal aan kleinén kommersiële boere toegestaan moet word, gegewe dat nie een van hulle daarvoor begroot het nie. “Ek glo dat in elk van die gebiede waar die plaag aangetref word, sal ons dit kan uitwis soos enige ander wurm, want ons weet watter soort wurm dit is en watter plaagdoder om te gebruik. “Die gebruik van plaagdoders sal afhang van boere se vermoë om dit te bekostig.” Limpopo het reeds R8 miljoen opsy gesit om boere te help om die plaag te bestry, het Zokwana aan Landbouweekblad gesê. Vertraagde bespeuring van die wurm…

‘Alle aanduidings is dat die heffing op ingevoerde koring heelwat laer gaan wees.’ MILJOENE rande is aan interaksie tussen betrokkenes in die koringbedryf bestee, maar min besluite is geneem en oor sekere goed kon hulle nie konsensus bereik nie, het mnr. Pieter Esterhuyzen van die konsultasiefirma Successions op die koringindaba op Elsenburg gesê. Verskillende belanghebbendes het teruggerapporteer oor drie jaar van onderhandelinge, “baie praat, min luister en baie baklei”. Die Koringforum is ná die afskaffing van die Koringraad in 1997 gestig om die rol te vervul van ’n staat wat hom toenemend aan die bedryf onttrek het. Daar was ’n gees van gesamentlike belang, dog Esterhuyzen meen daar is twyfel of die forum ’n toekoms het omdat die redes vir sy stigting moontlik nie meer geld nie. “Dalk is eie…

AS die hoenderbedryf weens die stortvloed van invoer ineenstort, kan die rimpeleffek wyd wees omdat verskeie bedrywe interafhanklik van die hoenderbedryf is. Mnr. Adriaan de Lange, Omnia Fertilizer se besturende direkteur vir Suid-Afrika, sê bedrywe wat ernstig deur die ondergang van die pluimveebedryf geraak sou kon word, is graanproduksie en -hantering, versekering, banke, landbouchemiese middels, kunsmis, verpakking, logistiek en verwerking. “Vir elke 700 kg hoendervleis op die rak, is 1 ton mielies no-dig om die hoender te voer. Die pluimveebedryf gebruik ’n beduidende deel van die land se mielie-oes. “Volgens die Dierevoervervaardigersvereniging is die pluimveebedryf die grootste verbruiker van plaaslik vervaardigde voer, met mielies wat 48% van dié verbruik in die laaste kwartaal van verlede jaar verteenwoordig,” sê hy. WERK ‘UITGEVOER’ “Namate die vraag na produkte en dienste verminder, sal…

’N SPRINGBOKRAM wat eerste op die ranglys ingevolge die Safari Club International-metode (SCI) gelys is en met ’n totale horingmate van 49 5/8” spog, is teen ’n rekordbedrag van R1,55 miljoen verkoop op die jaarlikse veiling van mev. Tina de Jager van Valley Venture-stoeterye in Vryburg. Die ram Hercules, geteel deur mnr. Julian Theron van Jules of the Karoo in die distrik Richmond, is aan mnr. Jacques Malan van die wildplaas Lumarie naby Bela-Bela verkoop. Dié rekordbedrag verbeter die R1,2 miljoen wat vir die ram Basjan in 2014 betaal is. Die mate van Hercules se linkerhoring was verlede Desember op die ouderdom van 3 jaar en 6 maande 175/ 8”. Sy regterhoring was 18 ¼”. Dit is die eerste ram met horings van 18” wat Jules of the Karoo laat…

Die versnelde veranderinge in landbou- en grondhervorming lyk minder opspraakwekkend as wat pres. Jacob Zuma dit in sy staatsrede gestel het, sê mnr. Theo Venter, politieke ontleder van die Noorwes-Universiteit se Besigheidskool. “Oor ’n driejaar-tydperk voorsien die begroting groei van 4,7% tot ongeveer R29,2 miljard (in 2019), maar die fynskrif van die begrotingsoorsig vertel ’n ander storie. Die groei in voorsiening vir restitusie is op 4,8% vasgepen, maar ondersteuning aan kleinboere groei met 8,1%.” Mnr. Nico Groenewald, hoof van Agribesigheid by Standard Bank, reken ’n klemverskuiwing van grondhervorming na die ondersteuning van klein- en bestaansboere is te bespeur. “Om kommersiële boere se onthalwe sal ons graag meer ondersteuning wil sien wat handelsbeleid betref,” sê hy.…

SUID -AFRIK A het een van die beste finansiële stelsels ter wêreld. Die Suid-Afrikaanse Inkomstediens is deel daarvan. Hy is uiters doeltreffend daarmee om belasting in te vorder en met nuwe inisiatiewe die land se belastinginkomste te verhoog. Dit is aan die ontvangkant. Maar wat gebeur aan die gee-kant? Regeringsdienste behoort net so doeltreffend gelewer te word as wat die insameling van be-lasting is. Ongelukkig is dit nie die geval nie. Ons het gewoond geraak daaraan dat groeiende staatsuitgawes deur nuwe en verhoogde belastings aangevul word. Dienste moet egter doeltreffend gelewer word sodat belastingverhogings nie die enigste manier is om die land se begroting te laat klop nie. Die onderstaande is voorbeelde van ontoereikende dienslewering in Suid-Afrika. LANDBOUNAVORSING Enkele provinsiale departemente van landbou lewer puik diens en selfs die private…

Hoewel China, die grootste invoerder van Suid-Afrikaanse vetwol, in die eerste ses maande van die seisoen 2016-’17 (Julie tot Desember) heelwat meer wol as in die ooreenstemmende tydperk verlede seisoen ingevoer het, het uitvoer na ander belangrike bestemmings gedaal. Vetwoluitvoer na China het op 15,7 miljoen kg te staan gekom – ’n styging van 1,6 miljoen kg in dié tyd. Verskepings na die Tsjeggiese Republiek het egter met bykans 15% afgeneem, terwyl Indië 40% minder vetwol ingevoer het. Uitvoer na Egipte het met 65% gedaal. Die algehele waarde van die wol wat in dié tydperk uitgevoer is, het R2,08 miljard beloop, teenoor R1,8 miljard die vorige seisoen. Die hoër waarde kan toegeskryf word aan die feit dat Italië en Duitsland aanmerklik meer verwerkte wol ingevoer het. Verwerkte wol behaal hoër…

Die Weeg en Wen-opbrengskompetisie is in die afgelope somer die eerste keer onder leiding van die saadmaatskappy DuPont Pioneer in Suid-Afrika aangebied om amptelike opbrengsrekords vir mielies en sojabone aan te teken. Die kompetisie word gehou met die samewerking van John Deere, Syngenta, Sanlam, Senter 360, FNB, die Proteïennavorsingstigting en Landbouweekblad as mediavennoot. Boere moet ’n blok mielies of sojabone inskryf en dan met oestyd aandui watter deel deur die organiseerders geoes moet word. Dan stroop die organiseerders presies 2 ha en die pitte word geweeg om die opbrengs te bepaal. Die kompetisie word hierdie somer weer aangebied en boere word aangemoedig om by www.weegenwen.co.za in te skryf.…

Al word die Suid-Afrikaanse meelmark deur drie of vier groot meulenaars en verspreiders oorheers, is daar plek vir ’n paar klein meulens wat hul plek behoorlik volstaan in dié mededingende bedryf. Mnre. Kobus Dippenaar van die plaas Swartberg en Jannie Smit van die plaas Tweevlei by Moorreesburg het in 1993 Moorreesburg Rollermeule op die plaas Kruisfontein buite Moorreesburg begin. Sedertdien het hulle heelwat veranderings aangebring om kliënte beter te bedien en koste te bespaar. Die jongste verandering is 200 sonpanele op die dakke van die meul en pakhuise. Dit behoort hul maandelikse kragrekening met sowat die helfte te verlaag. Kobus en Jannie sê hulle het personeel van die Kaapse sonkragmaatskappy Peninsula Technical Solutions verlede jaar by die skou op Moorreesburg ontmoet en begin ondersoek instel na sonkrag. “Ons gebruik Eskom…

VARKIES WORD LAM IN DIE AGTERLYF Twee van my twee week oue varkies lyk of hulle ’n lamheid kry as hulle staan en vreet. Dit lyk of hul ruggies net meegee. Hulle loop egter rond en speel; hulle bly nie op een plek lê nie. Wat kan ek doen? Ek is nie 100% seker of die varkies twee weke oud is en of hulle twee weke lank by jou op die plaas is nie. Die feit dat hulle ’n lamheid toon wanneer hulle vreet, laat my aflei dat hulle ouer as twee weke kan wees of dat hulle reeds aan kruipvoer blootgestel is. Jou vraag bied min inligting. Ek weet nie hoe die behuising lyk en of dit aangekoopte diere of selfgeteelde varkies is nie. Dan, die belangrikste: Watter voer…

Karwysaad-platbrood met bloukaas, vye en roket Sit hierdie lekker brood as deel van ’n somerete op die tafel of sit dit voor as peuselhappie. • 7 x 250 ml witbroodmeel • 10 ml sout • 10 ml suiker • 20 ml karwysaad • 1 pakkie (10 g) kitsgis • Ongeveer 750 ml louwarm water • 100 ml olyfolie • 10 swartvye, in kwarte gesny • 100 g bloukaas • Ekstra olyfolie • Seesout en vars gemaalde swartpeper • 60 ml heuning • 30 g roketblare • Ekstra vars vye, om af te rond Meng die meel, sout, suiker, karwysaad en gis in ’n groot bak. Meng die warm water en olyfolie saam en voeg 600 ml daarvan by die droë bestanddele. Maak aan tot ’n sagte deeg (voeg nog van…

In Die Wonderwêreld van die Groot Vyf maak lesertjies van sewe jaar en ouer nie net kennis met die vyf indrukwekkendste diere in Afrika nie. Hulle ontmoet ook die Vyf Kleintjies wie se Engelse name met dié van die Vyf Grotes ooreenstem. Die Vyf Kleintjies is die olifantmuis, die mierleeu, die buffelwewer, die bergskilpad (leopard tortoise) en die renosterkewer. Die boek, vol pragtige foto’s en bedrywighede (ontsyfer die woorde, ’n safari-speletjie en blokraaie), beloof groot pret. Danksy vinnige feite, vasvra-kompetisies en interessante inligting wat kleurryk aangebied word, sal slimkoppe sommer baie leer ook. Na dese sal hulle byvoorbeeld weet hoeveel kos ’n olifant in ’n dag kan vreet of hoe lank ’n buffel se horings kan word. Jaco Jacobs en Fanie Viljoen is albei bekende kinderboekskrywers en hul styl en…

LIGGING: Korfu, Griekeland Ons woon in Pikoulatika, ’n landelike nedersetting eerder as ’n dorpie. Al boerdery wat ek egter opmerk, is olyfbome, dikwels op hoewes waar daar nie ’n huis is nie. Só kuier-kuier het ons sommer in ’n japtrap nog ’n klomp Korfiote leer ken – en met ’n hele paar gawe tradisies kennis gemaak. Dis ons tweede Kersfees op Korfu. Toe ons ’n klompie jare gelede saam met vriende hier gekuier het, was die eiland één groot liggiefees. Maar weens Griekeland se ekonomiese krisis is slegs ’n klein deel van Korfudorp dié keer met liggies versier. Destyds het ons viertal as toeriste ons eie beskeie Kersmaal – gebakte skaapboud, hoender, rys en aartappels – in ’n woonstel in Perama voorberei en geniet. Hierdie keer was dit ’n eg…

DIE toepassing van presisieboerdery gaan in die toekoms ’n baie groter rol in die landbou speel om genoeg kos vir die miljarde mense op aarde te produseer. Die strewe moet wees om méér voedsel op die krimpende, beskikbare landbougrond te produseer, sê mnr. Adam Mostert. Mostert het pas uitgetree as hoof- uitvoerende beampte van Fertasa, die misstofvereniging van Suider-Afrika. Hy sê daar is wêreldwyd ook ’n toenemende bewustheid van die belangrikheid om die omgewing te beskerm. Dit behels onder meer die doeltreffende gebruik van kunsmisprodukte, veral stikstof. As nitrate in water beland deur byvoorbeeld uit te loog na ondergrondse waterbronne en uiteindelik na damme en riviere, kan dit mense benadeel as dit teen ’n hoë konsentrasie in drinkwater voorkom. “Dit word voorkom deur die regte hoeveelhede kunsmis met die regte…

INTERNASIONAAL: Die prys van die naaste maandkontrak vir mielies het met 2,1%, of $3,06/t (R40,10/t), tot $147,71/t (R1 936/t) teenoor die vorige week gestyg. Op ’n jaargrondslag is dit 3,5%, of $4,98/t (R65,27/t), hoër. Verwagte pryse: Maart – $144,95/t (R1 900/t), April – $147,79/t (R1 937/t), Mei – $150,54/t (R1 973/t), Julie – $152,83/t (R2 003/t). PLAASLIK: Die Safex-prys van wit mielies het met R19/t tot R2 940/t teenoor die vorige week gestyg. Die prys van geel mielies het met 2,6%, of R76/t, tot R2 805/t gedaal. Op ’n jaargrondslag is die prys van wit mielies 39,9% laer, terwyl die prys van geel mielies 19,6% laer is. Verwagte witmieliepryse: Maart – R2 910/t, April – R2 635/t, Mei – R2 125/t. Verwagte geelmieliepryse: Maart – R2 778/t, April – R2…

Ondanks goeie reën oor groot dele van die land het kleinveeboere se inkomste in die afgelope jaar onder groter druk gekom. Die koste van voer, veelekke, veemiddels, probleemdierbestryding en arbeid het in die meeste gevalle met méér as die inflasiekoers gestyg. Mnr. Sagrys Slabbert, bestuurder van wol en bokhaar (sentrale streek) by BKB, sê hoewel wolboere danksy die goeie wolprys in ’n beter posisie as sybokhaar- en vleisskaapboere is, veg talle kleinveeboere om finansiële oorlewing. “Dit is veral diegene met grond- en koöperasieskuld wat neerslagtig voel. In sekere dele van die land het produksie met tot 40% getuimel. Waar net met vroulike diere geboer word, is die uitwerking van die droogte selfs erger aangesien voer ten duurste aangeskaf moes word net om ’n lam te speen.” Slabbert sê laer speenpersentasies…

ALGEMEEN 2 MAART: Monsanto-inligtingsdag. Bethal. E-pos: magda. du.toit@monsanto.com 11 MAART: Durbanville-plaasfees. Diemersdal-wynlandgoed. E-pos: plaasfees@bergsigdv.co.za 23 MAART: Monsanto-inligtingsdag. Bothaville. E-pos: magda. du.toit@monsanto.com 24-25 MAART: Namibiese Landbou-unie se landbou-braaikompetisie. Uhlenhorst-boerevereniging, Bitterwasser Lodge, Uhlenhorst. Hoekus van Niekerk. E-pos: hoecon@afol.com.na; sel 00264 81 294 4676. 24-25 MAART : Groot Pampoenfees. Heidelberg. www.pumpkin festival.co.za 28-30 APRIL: Suid-Afrikaanse Kaasfees. Sandringham, Stellenbosch. Agri-Expo. E-pos: admin@agriexpo.co.za; web: www.cheesefestival.co.za; tel. 021 975 4440. BOEREDAE 9 MAART: Droëboonprodusente-organisasie se inligting-en-gewasdag. Gideon Anderson, Zonnebloem-boerdery, Middelburg (Mpumalanga). E-pos: info@beans.co.za 11 MAART: Onderstepoort-boeredag (Brahman). Lizemari Terblanche. E-pos: lizemari.ter@gmail.com; tel 072 380 0846. 14 MAART: Inligtingsdag en volstruisveiling. Oudtshoorn-navorsingsplaas. Tel. 044 203 9404, 044 203 9420. 23 MAART: Voermol-boeredag by die nasionale Beesboer van die Jaar, Heinrich Bruwer. Lovedale, Vryburg. Amanda Bruwer, e-pos: bruwerpumps@lantic.net; sel 082 979 4452; of Gawie Coetzer, e-pos: gawiec@vodamail.co.za; sel0827743874.…