Indholdsfortegnelse for 21-Apr-17 i Landbouweekblad

‘Daar is geen versekering dat die grond wat as ‘oorskot’ gesien word, op sigself ’n lewensvatbare eenheid sal wees nie.’ MNR. THEO BOSHOFF, regsadviseur by Agbiz, oor grondplafonne. Bl. 24 ‘Dis soos boomklim – dis maklik en vinnig om uit te val, maar dit verg moeite en tyd om weer bo te kom.’ MNR. DAWIE MAREE, hoof van landbou-inligting en bemarking by FNB, oor Suid-Afrika se herstelvooruitsigte na die onlangse krediet-afgraderings. Bl. 20 ‘Die skade wat stinkbesies aanrig, sal verdubbel as vlermuispopulasies in dié boorde sou verdwyn.’ PROF. PETER TAYLOR, studieleier oor die voordele van vlermuise op makadamiaboerdery. Bl. 21 ‘Jy moet jou wild kan oes en die plek waar jy dit oes, is in die jagveld.’ MNR. ERNST JANOVSKY, ekonoom, oor volhoubare wildboerdery. Bl. 19 ‘Boere sal moet dink…

ARTIKELS & RUBRIEKE ■ GWK se presisieplan stoot boere se oeste op ■ Mieliewonderwerk op Malmesbury ■ Kuilvoer kan voerkoste verlaag ■ Teel van wenbul kan leeftyd duur ■ Onderstepoort se plan vir meer veeartse ■ Nog Elitekoei-finaliste SPESIAAL ■ Bloemskou, Aftreeoorde GESIN ■ Van die appelboord na jou bord GEWASVERBOUING ’n Lae voerrekening is meer werd as ’n militêre voertuig in die Guptas se tuin. Danksy ’n spilpuntprojek oor 420 ha voorsien mnr. Neels Neethling van Malmesbury in 80% van sy melkery se voerbehoeftes — én bespaar 30% op sy voerrekening. Die Andrags van Agrico vertel hoe hulle die projek energie- en kostedoeltreffend gemaak het. FOTO: ANTON ALBERTS Media24 Weeklikse Tydskrifte Hoofbestuurder Minette Ferreira Uitgewer Theuns Venter Administrasie Johan Terblanche Kategoriebestuurder Armand Kasselman Intekenare Elmarie Eygelaar Hoof Media24 Drukmedia…

BOER skryf: Rommelstatus is ’n bedekte seën. Finansiering vir die kernkragprojek gaan nou buite bereik van Eskom wees. Dit gaan Suid-Afrika red van skuld van R1 000 miljard. SEKELBOS skryf: JZ voel vere vir rommelstatus. Ons boere moet net sien hoe ons ons grond gaan behou terwyl hy aan bewind bly. Ek het gehoop hy word vandeesmaand uitgeskop, maar dit lyk my hy gaan tot minstens 2019 met ons wees. Politieke partye, soos die DA, is ons enigste hoop. Ons paar boere is te min; ons het geen poltieke mag nie. Stedelinge spreek hulle nie juis teen plaasgrype uit nie. Hulle voel veilig en ons kan nie eintlik op hulle staatmaak nie. LOUIS MEINTJES skryf: Sekelbos, politiek gaan nie boere se oplossing wees nie. Die werklikheid is dat enige politieke…

STAATSPROGRAMME teen voedselonsekerheid in Suid-Afrika is met sowat R2 miljard onderbegroot, luidens ’n verslag van die Tesourie. Die studie het bevind te min is begroot vir inisiatiewe soos skoolvoedingskemas, steunprogramme vir klein- en opkomende boere en herkapitalisering om werklik effektief te wees. Ofskoon Suid-Afrika as ’n land met voedselsekerheid beskou word, is sowat 14,1 miljoen (26%) landsburgers blootgestel aan honger en wanvoeding. Die Parlement se portefeuljekomitees vir landbou, bosbou en visserye en vir gesondheid, sowel as die gekose komitee vir grond en minerale hulpbronne, het ’n gesamentlike verslag daaroor by die Parlement ingedien. Volgens mnr. Bonga Msomi, waarnemende adjunkdirekteurgeneraal van voedselsekerheid by die Departement van Landbou, Bosbou en Visserye, het KwaZulu-Natal die meeste mense (3,48 miljoen of 33% van die provinsie se bevolking) met onvoldoende toegang tot voedsel. Dit word…

‘As handel gewettig is, sal stropers prysgewys nie met wettige verkopers kan meeding nie.’ “ EK wil deur ál my renosterhorings gaan en dié wat van bemarkbare grootte is, sê maar meer as 5 kg, uitsoek en te koop beskikbaar stel,” sê mnr. Piet Warren, wildboer en renosterteler van Limpopo. Dit kom nadat die Grondwethof onlangs beslis het die moratorium op die plaaslike handel in renosterhoring moet ter syde gestel word. Dit beteken dit sal eersdaags wettig wees om horings wat deur wettige eienaars geoes en opgeberg is, te verkoop. Die horings of produkte wat daarvan gemaak is, mag egter net in Suid-Afrika verhandel word, maar die koper en die nuwe eienaar sal daardie horing of produk mag uitvoer. Die private renostereienaarsvereniging (Proa) is reeds besig om verskillende handelsmodelle vir…

’N AKTIVISTEGROEP is in die Karoo gevestig om die impak van die SKA-projek (Square Kilometre Array) op die landbou en die breër landelike gemeenskap in die streek te pak. Mnr. Niel Coetzee, ’n skaapboer van die distrik Carnarvon, sê verskeie belanghebbendes wil deur die Verenigde Karoo-beskermingsgroep hul stem dik maak oor grond en onteiening, sowel as die impak wat die radioteleskoop op kommunikasie sal hê. Volgens mnr. Lorenzo Raynard, SKA-woordvoerder, sal die projek slegs 118 000 ha, of 32 plase, koop. Daar sal met boere onderhandel word om serwitute te registreer vir die spiraalarms wat buite die projek se kern gevestig word. Die SKA het die versekering gegee dat geen verdere grond, buiten die nodige serwitute, vir die projek geoormerk sal word nie. ONSEKER Tog vrees sommige boere steeds dat…

VERLEDE jaar is sitrusvrugte ter waarde van sowat 1,67 miljard Amerikaanse dollar en tafeldruiwe ter waarde van sowat $435 miljoen uitgevoer. Uitvoer van dié twee bedrywe het die afgelope vier jaar met onderskeidelik 7% en 2% gegroei, skryf me. Willemien Viljoen (foto), ’n navorser verbonde aan die Tralac-sentrum vir handelsreg in Stellenbosch. Die bedrywe is vir Suid-Afrika belangrik ten opsigte van uitvoer en werkgeleenthede en het die potensiaal om verder te groei. Die meeste van die uitvoer gaan nog na tradisionele markte in die Europese Unie en Brittanje, maar die hoeveelhede wat na die Asiatiese en Midde-Oosterse markte gaan, toon groei, sê sy. Plaaslike produsente en uitvoerders kyk volgens haar na moontlike uitbreidingsgeleenthede in Rusland – in 2015 die wêreld se grootste sitrusinvoerder – asook Kanada, Portugal en Bulgarye. Van…

BEGUNSTIGDES van grondhervorming sal wéér tweede kom as grondplafonne vir landbougrond ingestel word, meen mnr. Theo Boshoff, bestuurder van regsinligting by Agbiz. Die wetsontwerp op die regulering van grondbesit, wat perke op plaasgroottes voorskryf en buitelanders se besit van landbougrond met ’n langtermynhuurstelsel vervang, is tot 17 Mei oop vir openbare kommentaar. Boshoff sê die staat wil basies met die wetsontwerp self bepaal hoeveel hektaar grond ’n groot, medium- en kleinboer mag besit en die eienaar dwing om enige oorskot grond aan die staat beskikbaar te stel vir herverdeling. “Met die eerste oogopslag lyk dit na ’n eerbare idee dat die staat van die rykes gaan vat en aan die armes gaan gee. Maar as ’n mens eers begin dink aan die praktiese gevolge van hierdie wetsontwerp, besef jy dat…

Pres. Jacob Zuma is skynbaar nou dapper genoeg om sy eie faksie se belange te dien bo dié van Suid-Afrika en sy mense. Dus was die jongste kabinetskommeling nie net ’n groot skok vir die markte nie, maar dit is dadelik gevolg deur kredietagentskappe se afgradering van Suid-Afrika tot rommelstatus. Die aanduidings is dat die skommeling ’n skok vir regdenkende ANC-leiers was, maar nou skuif hulle net weer agter Zuma in. Die aanstelling van Zuma se lakeie (wat min ervaring het en hulself as onbevoeg vir ander leiersposisies bewys het) in die kabinet, waar bevoegdheid nie die maatstaf is nie, is nou ’n feit. Dit is namate Zuma homself vermoedlik ingrawe op pad na nuwe vlakke van knoeiery en korrupsie. Natuurlik het dit ’n skok-effek gehad. Die debatte in die…

Ntataise, die landelike trust wat hom al die afgelope 35 jaar vanaf sy hoofkwartier op die Evans-familieplaas Huntersvlei buite Viljoenskroon vir die onderrig van voorskoolse kinders beywer, se jongste projek is ’n oudiovisuele aktiwiteitsreeks. Dit sluit 17 kort video’s van 3-4 minute elk in, wat voorskoolse onderwysers en versorgers in van die mees afgeleë plattelandse gebiede tot stedelike gebiede ’n visuele demonstrasie van goedkoop opvoedkundige speelaktiwiteite gee. Op elkeen word verduidelik hoe om die speletjies vir kinders in ’n kleuterskool, speelgroep of tuis aan te bied. Dit kan met ’n slimfoon of rekenaar deur YouTube gekyk word. Ntataise, wat deur me. Jane Evans gestig is, het oor die jare heen ’n landwye netwerk op die been gebring wat hom op die opleiding van voorskoolse onderwysers en versorgers toespits. Me. Puleng…

Die afgelope 15 jaar was daar groot omwentelings in die tradisionele markte waar Suid-Afrika gewoonlik vrugte verkoop het. Mnre. Pieter, Gys du Toit en me. Tanith Freeman sonder dié veranderinge uit: ■ Opberging. Volgens Tanith het Europa se opbergingstegnologie dermate verbeter dat die mark vir 12 maande van die jaar die produkte wat daar verbou word, kan voorsien. Die tegnologie het meegebring dat produkte baie langer opgeberg kan word. Die behoefte om appels in die Suidelike Halfrond te koop (tydens die noordelike markte se afseisoen), het dus afgeneem. ■ Koop plaaslik. Die appelbedryf word veral geraak deur die Britte se geneigdheid om meer Britse produkte te koop. ■ Konsolidasie. Europese supermarkte wil nie meer by ’n aantal verskillende boere koop nie, maar hulle verkies om met ’n vertikaal geïntegreerde maatskappy…

WAT IS DIE BESTE BOERDERYBESLUIT WAT JY AL GENEEM HET? Om in die teelbedryf met verskillende wildsoorte te diversifiseer en voorsiening te maak vir boogjag op 450 ha en geweerjag op 9 000 ha. WAT IS DIE BESTE RAAD WAT JY AL GEKRY HET? Lê maandeliks klem op die koste en winsgewendheid van jou boerdery. EN DIE GROOTSTE BOERDERYFOUT? Om nie genoegsame voorsiening vir voer in die maer jare te maak nie. WIE WAS JOU MENTOR? My buurman, Piet du Toit, het ’n groot invloed op my gehad om die boerdery uit te brei en geleenthede te benut. WAT IS JOU GROOTSTE BOERDERYUITDAGINGS? Om volhoubaar genoeg voer en weiding vir my diere te voorsien en om volhoubaar met die beste teelmateriaal te teel. EN DIE GROOTSTE GELEENTHEDE? Daar is ongelooflike…

Die konsep van ’n ekonomiese eenheid word dikwels binne ’n landboukonteks sonder verduideliking gebruik – asook die begrippe kommersiële, opkomende en bestaansboere. Die begrip “ekonomiese eenheid” verg immers nie verduideliking nie, want almal wéét dat die grootte van ekonomiese eenhede mettertyd toeneem as gevolg van die kosteknyptang; dat daar minder as 35 000 kommersiële boere oor is en dat hierdie getal jaarliks krimp; en dat nagenoeg 2 miljoen huishoudings van die landbou afhanklik is vir die produksie van bykomende voedsel en inkomste. Hoewel hierdie stellings breedweg korrek is, moet die onderliggende aannames wat hulle onderskraag, krities beoordeel word omdat hulle ons terughou binne die gronden landboubeleiddebat. SKAALVOORDELE NIE UITGEMAAKTE SAAK Die afname in die getal kommersiële boere en die toename in plaasgrootte word dikwels aan die bestaan van skaalvoordele in…

K2-kultivars word geselekteer op grond van aanpasbaarheid, stabiliteit, siekteverdraagsaamheid en opbrengs. Vier is vanjaar kommersieel beskikbaar. Hierdie kultivars kom van Nidera in Argentinië in Suid-Amerika. Dit is beter aangepas by Suid-Afrikaanse toestande as Noord-Amerikaanse kultivars omdat Suid-Afrika en Argentinië op dieselfde breedtegraad is. Drie kultivars is vir die Hoëveldgebiede van Mpumalanga, die Oos-Vrystaat en KwaZulu-Natal geïdentifiseer: ■ NS 5009 R is ’n vinnige kultivar met goeie opbrengste in sy groeiklas. Dit presteer veral goed in die koeler Hoëveldstreke, het ’n goeie staanvermoë en is geskik vir vroeë aanplantings. Dit is die grootste verkoper in Argentinië. ■ NS 5909 R is ’n mediumkultivar wat uitstekend presteer in koeler en in warmer gebiede.NS 5909 R is die grootste verkoper in Brasilië. Die kultivar het stabiele opbrengste en spring nie maklik oop nie.…

Gestopte hoenderdye Ek maak graag hoender op dié manier gaar. Deur vulsel onder die vel te stop, sorg jy dat die geure dwarsdeur die vleis trek en dat die vel bros bak. ■ 6-8 groot hoenderdye met vel en been ■ 2 wiele fetakaas, fyn gekrummel ■ 100 g ontpitte, groen olywe, fyn gekap ■ 5 ml tiemieblaartjies, baie fyn gekap ■ Fyngerasperde skil en sap van 1 suurlemoen ■ Olyfolie ■ Sout en vars gemaalde swartpeper na smaak ■ Vars pietersielie, om af te rond Voorverhit die oond tot 190 °C. Maak die vel van die hoender liggies los sonder om dit heeltemal af te trek – dit moet ’n sakkie vorm. Meng die fetakaas, olywe, tiemie en suurlemoenskil goed saam en skep ’n lepel daarvan tussen die vel…

TOPSKRYWER SE DERTIENDE ROMAN Misverstand deur Marita van der Vyver. Uitgewer: Penguin Random House. Prys: R250. Dis altyd opwindend wanneer ’n nuwe boek uit Marita van der Vyver se pen verskyn. Dié keer is haar hoofkarakter ’n man, Willem Prins, wat eens drome gehad het om ’n groot en belangrike roman te skryf. ’n Boek wat Willem Prins se naam deur die geskiedenis sal laat weergalm. Maar, helaas, hier in sy laat middeljare, moet hy erken dat sy lewe maar louwarm was en dat sy literêre ambisisies nie veel meer gaan oplewer as die erotiese boekies wat hy onder ’n skuilnaam skryf nie. Hy gryp dus die kans aan om ’n paar dae in Frankryk deur te bring vir die flouerige bekendstelling van die vertaling van een van…

‘Jy weet, die ouderdom kry nie onbeperk uitstel nie.’ D it was moeilik om hom nie raak te sien nie. Hy was tog ’n bietjie anders as die gewone mense wat deur die park gestap het. Sy beste jare was sigbaar verby, daar waar hy rustig met sy vyf honde gewandel het. Elke hond, aan sy eie leiband, het ewe rustig gevolg, so in die trant wat die digter Jan F.E. Celliers van sy osse geskryf het – geduldig, gedienstig, gedweë. Drie honde het aan sy regterkant en twee aan sy linkerkant geloop. Op ’n dag het my nuuskierigheid my gedwing om ’n geselsie aan te knoop: “Goeie môre, meneer, ek sien jy loop gereeld met die honde. Is almal joune?” Hy antwoord vriendelik in Afrikaans, maar met ’n sterk…

Die plaaslike produksie van neute begin veld wen, veral teenoor die tradisionele kontantgewasse, soos mielies en sonneblomme. Mnr. Alfons Visser, boer van die Vaalharts-besproeiingskema en een van die grootste plaaslike belanghebbendes, sê gunstige produksietoestande en mededingendheid maak neute ’n aantreklike alternatief vir kontantgewasse. Boere moet die ruimte vir uitbreiding benut, meen hy. Volgens hom kom besproeiingsboere tot die besef dat die tradisionele kontantgewasse onmededingend is en moet hulle boomgewasse in hul langtermynbesluite oorweeg. Volgens mnr. Wessel Lemmer, ’n senior ekonoom by Absa-Agribesigheid, het Suid-Afrika verlede jaar 28 049 ton ongedopte neute uitgevoer. Die meeste was makadamianeute (52%) en pekanneute (47%). Volgens hom kan die vervanging van neutinvoer deur plaaslike produksie ’n moontlikheid wees mits die neute suksesvol plaaslik verbou word. Suid-Afrika het verlede jaar meer as 6 000 ton gedopte…

Die volgende ontleding van grondverkope in Suid-Afrika is van transaksies vir grond wat groter is as 10 ha in Mpumalanga, die Noord-Kaap en Noordwes vanaf Februarie verlede jaar tot Januarie vanjaar. In Mpumalanga was daar ’n dalende neiging in twee van die ses distrikte. Altesame 439 transaksies het 140 041 ha teen R2,868 miljard behels. Daarvan was 79 (18%) ooreenkomste van kleur, wat 29 586 ha (21,1%) teen R606 miljoen behels het. Al hoe meer transaksies (30%) is vir grond groter as 300 ha. In die Noord-Kaap is 271 transaksies in 21 distrikte gesluit. Dit het 546 775 ha teen R1,971 miljard behels. Daarvan was 26 transaksies van kleur (9,6%), wat 53 088 ha (9,7%) teen R308 miljoen (15,6% van die totale waarde) verteenwoordig. Altesame 66% van die transaksies was…

ALGEMEEN 28-30 APRIL: Suid-Afrikaanse Kaasfees. Sandringham, Stellenbosch. Agri-Expo. E-pos: admin@agriexpo.co.za; web: www.cheese festival.co.za; tel. 021 975 4440. 16-18 MEI: Energy Revolution Africa. Tegnologie-werksessies, uitstallings, verskaffers van hernubare energie. Web: www.african-utility-week.com/era BOEREDAE 11 MEI: Voermol-boeredag by die nasionale Skaapboer van die Jaar, Julian Southey. Manor Holme, Middelburg (Oos-Kaap). Shelley Cornish. E-pos: shelley.cornish@tongaat.com, tel. 032 439 5854. 17-18 MEI: Winterskool: Hoe begin ek oor ná ’n droogte? Nasionale Weidingsforum. Boereverenigingsaal, Helmeringhausen. Lizelle Murray. E-pos: murrayzel@gmail.com; tel. 00264 63 283 309. 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Neline Pienaar. E-pos: Bennieneline@eleo.co.za; sel 082 440 4492. Met die samewerking van die boerevereniging van die Afrikaanse Hoërskool Kroonstad (Rooiskool). KURSUSSE 24-26 APRIL: Driedaagse kursus in bewaringslandbou: Groentetuine, kruie, kompos, dekgewasse, voed jou familie. Foundations for Farming – Gateway to Africa,…

4% Die markaanwyser vir sybokhaar het danksy die swakker rand met 4% verbeter tot R192,68/kg op die jongste veiling. Bykans die hele aanbod van 113 435 kg is verkoop. Mnr. Theronnie van der Merwe van Murraysburg het die beste prys van R415/kg vir ’n baal somer-kleinbokkiehaar van 25 mikron behaal. Die omset was net meer as R21,53 miljoen. –THEUNS BOTHA 18 000 Werkskepping in die land het met 18 000 gestyg tussen die derde en vierde kwartale van 2016. Handel, sakedienste en vervaardiging het die grootste stygings getoon – onderskeidelik 3,3%, 1,6% en 1,1%. Daar was dalings in gemeenskapsdienste, mynwerk en vervoer. Op ’n jaargrondslag was daar 90 000 meer poste, ’n toename van 0,9%. Die vervoer- en mynsektor het dalings van 3,2% en 0,9% getoon. 26 miljoen Meer as…

Die aanname dat grond van swart mense gesteel is, is verkeerd, sê mnr. Mosiuoa Lekota, hoof van die Congress of the People. “Ons moenie ons mense onder die wanindruk laat dat elke wit mens grond besit nie. Die eienaars van dié grond het dit gekoop. En hulle is verplig om dit aan die Regering terug te gee as iemand ’n titelakte vorendag bring wat sê: ‘Hierdie is my grond.’ “Afrikane het nie voor die koms van wit Europeërs titelaktes gehad nie; dis ingestel onder koloniale bewind. Grondtitel was vir almal beskikbaar. Dis hoekom nasate van Indiërs wat as kontrakwerkers Suid-Afrika toe gekom het, grond besit. “As jy enige grond van wit mense afvat, vir watter swart mense sal jy dit gee? En wie sal nié grond ontvang nie nie? Want…

Syngenta-transaksie vorder goed Mexiko en China het verlede week die jongste lande geword wat die beoogde oorname van die landboumaatskappy Syngenta deur China se ChemChina goedgekeur het. Die aanbod vir Syngenta is $43 miljard (sowat R600 miljard) en die transaksie sal waarskynlik binne die volgende paar maande beklink word. Dit volg nadat die beoogde transaksie ook vroeër vandeesmaand deur die Europese Kommissie en die Amerikaanse Federale Handelskommissie goedgekeur is. Suid-Afrika se Mededingingskommissie het die voorgestelde oorname al in Oktober 2016 goedgekeur op voorwaarde dat Syngenta se aanleg by Brits vir ’n bepaalde tyd nie uit Noordwes verskuif mag word nie. Die kommissie is bekommerd dat die samesmelting kan veroorsaak dat alle produkte ingevoer word ten koste van Syngenta se plaaslike vervaardigingsaanleg, wat tot werksverliese kan lei. In Suid-Afrika word ChemChina…

SPEENKALFKONTRAK OP DIE HORISON ’n Speenkalfkontrak soortgelyk aan die bestaande beesvleiskontrak maak heel moontlik voor einde vanjaar sy verskyning op die Johannesburgse Effektebeurs (JSE). Die Rooivleisabattoirvereniging (RMAA) sê luidens sy nuusbrief verskeie markdeelnemers meen dit sal handelsaktiwiteite op die beesvleiskontrak ’n hupstoot gee omdat die twee produkte mekaar komplementeer. Dr. Dirk Strydom, bestuurder van graanekonomie en -bemarking by Graan SA en een van die navorsers wie se werk tot die stiging van die oorspronklike beeskarkaskontrak gelei het, sê die nuwe produk sal vir produsente én voerkrale van nut wees. “Die beesvleiskontrak vind meer na die einde van die waardeketting plaas, terwyl die speenkalfkontrak weer aan die begin plaasvind. Deur albei instrumente te gebruik, kan die mark doeltreffender wees. “Dit sal rooivleisprodusente help om makliker bemarkingsbesluite te neem, soos om te…

NA AS appels is sitrus die gewildste vrugtesoort in Rusland, met ’n verbruik van meer as 11 kg per persoon per jaar. Volgens mnr. Michail Fateef (foto), ’n konsultant oor die Russiese mark vir die Suider-Afrikaanse Sitruskwekersvereniging, is veral Valencias en nawels (telling 56-72) wat in 1 kg-sakkies teen $1 verkoop word, gesog. Fateef het op die onlangse sitrusberaad in die Baai gesê omdat sitrus weens klimaatstoestande nie in Rusland gekweek kan word nie, is die land heeltemal afhanklik van invoer. Rusland is die wêreld se grootste invoerder van mandaryne (730 000 ton), die naasgrootste invoerder van lemoene (480 000 ton) en pomelo’s (120 000 ton), en naas Amerika en die Europese Unie (EU), die grootste invoerder van suurlemoene (190 000 ton). Turkye is Rusland se grootste verskaffer (lemoene, mandaryne,…

Ongeveer 96% van alle boerderye in Suid-Afrika is familieboerderye. Egskeiding in die geval van die stigter of eienaar van die familieboerdery of ’n familielid wat in die boerdery werk, kan ’n nadelige uitwerking op die boerdery hê indien dit nie reg hanteer word nie. Gegewe die persentasie huwelike wat in egskeiding eindig, is die kans goed dat ’n beduidende persentasie van familieboerderye daardeur geraak kan word. Dit is belangrik om die invloed van jou huweliksbedeling op jou persoonlike boedel te verstaan. Jou kinders moet dit ook verstaan vóór hulle trou. SOORTE HUWELIKE Mense wat binne gemeenskap van goedere getroud is, besit die bates en laste gelykop, soos dit ontstaan tydens en ná die sluiting van die huwelik. Albei partye het dus ’n onverdeelde aandeel in die gemeenskaplike boedel. Geen formele…

Van waar tog die bohaai dat ’n dieet met vleis en ander diereprodukte sleg vir moeder aarde en haar klimaat is? Om lewende hawe sleg te sê, is gelykstaande daaraan om veeboerdery se noodwendige rol in die volhoubare toekoms van die planeet te ontken. Só sê dr. Shirley Tarawali, assistent-direkteur-generaal van die internasionale navorsingsinstituut vir lewende hawe (ILRI). Sy sê daar is hope redenasies te voer vir die omgewingsvriendelike eet van vleis, melk en eiers. Shirley lig ’n paar feite uit: ■ Vleis en melk word internasionaal op wyd uiteenlopende maniere gelewer. Die manier waarop skape en beeste in Amerikaanse voerkrale afgerond word, is ’n heel ander wêreld as waarin in Afrika suid van die Sahara met diere geboer word. Vir elkeen van hierdie produksiepraktyke is daar, gegewe die plaaslike…

Dié tyd van die jaar is dit gebruiklik dat melkkopers hul boere se melkprys voor die winter verhoog. Begin Maart moes Woodlands Dairy in die Oos-Kaap egter sy beoogde verhoging van 40c/liter terugtrek nadat die kleinhandel geweier het om só ’n verhoging aan verbruikers deur te gee. Boere elders hou nou asem op om te sien wat ander melkkopers gaan doen. In Woodlands se omgewing trek boere swaar weens die droogte. In die noorde het somerreën geval, maar boere ervaar finansiële druk weens ’n jaar of langer se grootskaalse en duur voeraankope. Nou het hulle ook te kampe met ’n toename in siektes en ’n gevolglike daling in produksie. VERLIESE ’NET TE GROOT’ ’n Boer van Noordwes wat ter wille van sy verhouding met sy koper anoniem wou bly, sê…

Die Bloemskou tree vanjaar weer as gasheer op vir Vleissentraal en SA Stamboek se Elite-bulgroeitoetsklas. Om seker te maak net die heel beste bulle ding teen mekaar mee, is hulle gemeet en geëvalueer ten opsigte van ekonomies belangrike eienskappe, soos groeivermoë en voeromsettingsdoeltreffendheid, en ook deur die onderskeie telersgenootskappe vir funksionele doeltreffendheid ondersoek. Agttien telersgenootskappe het hul beste bulle ingeskryf. Hierdie kompetisie val saam met SA Stamboek se jaarlikse Elite-teeltsimposium, wat vanjaar vir die vyfde keer in Bloemfontein aangebied word. Die wenner uit die onderstaande bulle word later vanjaar aangew ys. DIE ONDERSTAANDE BULLE NEEM DEEL ROOI ANGUS RCM 14/0066. Eienaar: Mnr. RC Malherbe. Die Roechama-stoetery word op die plaas Graslaagte in die distrik Hertzogville aangehou, waar mnr. Gert Malherbe en sy twee seuns, RC en André, ’n gemengde boerdery…

DUURSAAM HAAL BOSSIES UIT SONDER OM JOU RUG TE BREEK ’n Nuttige bossie-uithaler, vervaardig uit duursame staal en met ’n afgewerkte lem, bied ’n beter werking en gebruiksduur as bestaande gereedskap, soos skoffels wat ombuig wanneer ’n klip raakgekap word. Die totale lengte van die bossie-uithaler van 720 mm beteken ’n mens se rug word gespaar. Die handvatsel is lekker breed en bied ’n stewige greep. Die lem is van werktuigstaal vervaardig en sal dus nie ombuig as dit in harde grond gebruik word nie. Prys: R126 (BTW ingesluit). NAVRAE: Mnr. Hermanus Brits, sel 082 687 6125. ALLES-IN-EEN VEELSYDIGE MASJIEN VERVANG VERSKEIE GEREEDSKAPSTUKKE Die Multiplaz 3500 is ’n kompakte sny-ensweismasjien wat ’n wye verskeidenheid materiale, soos metale (insluitende hoë-allooi en vlekvrye staal), keramiekteëls, kwartsglas, bakstene, beton en ontvlambare materiale, kan…

Verskeie intensiewe melkboerderye kom indieSuid-Kaapvoor, maar vleisbeeste is nie volop nie. Grond is duur en droëlandweidings, wat vir vleisproduksie benut word, is uitgewas deur baie reën. Die gehalte van dié weiding is dus van ’n swakker gehalte. Mnr. Manie Grobler, spesialislandbouraadgewer by die Wes-Kaapse departement van landbou, het saam met kollegas en die personeel van die Nelson Mandela Metropolitaanse Universiteit se George-kampus ’n studie gedoen oor die lewensvatbaarheid van vleisbeesproduksie in die Suid-Kaap. Talle nuwe grondeienaars kom van buite die streek. Van dié eenhede is te klein om die infrastruktuur vir melkerye te vestig, maar vleisbeeste is ’n oplossing vir oulande. Hulle kan dié weiding benut en rooivleis van ’n goeie gehalte lewer. Dié weidings moet egter korrek be-nut en strategies aangevul word. Die meeste vleisbeesboere in die Suid-Kaap lewer…

Die slakprobleem in die vrugte-, wingerd- en graanbedryf het só toegeneem dat planne nodig was om dié probleem doeltreffend te bekamp. Gevolglik het Orchard Agrikem SlugPro bekend gestel. SlugPro is ’n gratis program wat slakke monitor om boere te help om ’n slakplaag in bedwang te bring. Dit samel inligting in wat bepaal waar slakaas geplaas moet word. Monitering is noodsaaklik om die soort slak en die bevolkingsdruk te bepaal. Lande en boorde met groot slakbevolkings kan nie met die gewone hoeveelheid slakpille per hektaar behandel word nie. Te min pille lei tot die ondoeltreffende bestryding van slakke. Te groot toedienings lei weer tot onnodige koste. Monitering is dus die enigste manier om die grootte van die slakbevolking en die gewenste toediening per hektaar te bepaal. Verskillende hoeveelhede slakstasies word…

Bekostigbare, veilige en doeltreffende middels is vir boere ’n belangrike verdedigingstrategie teen die bedreiging wat die kosteknyptang inhou. Die ontwikkeling van nuwe middels gebeur egter nie oornag nie. Die proses om ’n nuwe middel te ontwikkel, begin met die identifisering en toetsing van 140 000 stowwe en eindig met slegs een aktiewe bestanddeel wat jare later in ’n kommersiële produk op die rak beland. Hierdie lang, noukeurige proses verseker dat slegs die beste en doeltreffendste produkte in die boer se arsenaal beland teen siektes, soos Alternaria helianthi by sonneblom en sojaboonroes. Met sy ervaring van meer as 150 jaar kan die boer gerus wees dat BASF nie kortpaaie kies in die ontwikkeling van nuwe produkte nie. Tydens die afgelope landwye droogte is dit weer beklemtoon hoe belangrik die volhoubare, plaaslike…

Dit is ’n interessante storie hoe melkbokke deel geraak het van jul boerdery. Vertel asb. Jan Wiese, die eienaar, het grootgeword met melkbokke, wat hulle gebruik het om Merino-en Dorper-hanslammers groot te maak. Sy pa, Hentie, het destyds aan elkeen van die seuns ’n paar ooie gegee. Binne ’n klompie jare was daar te veel melk. Hulle het toe besluit om kaas te maak omdat daar ’n tekort aan bokmelkprodukte was. Ons het sewe jaar gelede ’n fabriek gebou en sedertdien saam met die bedryf gegroei. Is die Karoo nie te warm of te koud vir melkbokke nie? Die bokke is goed aangepas omdat hulle hier gebore word. Die droë klimaat keer ook sekere siektes. Boonop bevat ons water baie minerale, wat goed is vir die diere. Met watter tipe…

Omdat almal moes vlug, is die swaar gewonde Hildebrand in die donker in ’n ystervarkgat weggesteek. Mnr. Barry en mev. Anet Burger en hul seun Chrisjan boer die afgelope tien jaar op Kraalbosdam, 6 km noord van Darling, een van die oudste plase in die distrik. Die plaas, met die datum 1742 op een van die geboue uitgekerf, het voorheen geslagte lank aan die familie Loedolff behoort. Barry en Anet is gebore Natallers wat Kraalbosdam se geskiedenis koester. “Die geskiedenis is baie belangrik vir ons,” vertel dié egpaar, wat die outentieke plaashuis gerestoureer het voor hulle die perdestal met sy klei-en-klipvloer en oregondennehoutwerk in ’n kerkie met loodglasvensters omskep het. Later het hulle ’n onthaallokaal in die destydse waenhuis met sy swaar geelhoutbalke ingerig. Hulle het ook oregondennehout uit die…

INTERNASIONAAL: Die prys het met 1,9%, of $2,70/t, tot $143,30/t (R1 967/t) teenoor die vorige week gestyg. Op ’n jaargrondslag is dit 2%, of $2,80/t (R38,43/t), hoër. Verwagte pryse: Mei – $141,49/t (R1 942/t), Julie – $144,32/t (R1 981/t), September – $147,32/t (R2 022/t), Desember – $151,02/t (R2 073/t). PLAASLIK: Die Safex-prys van wit mielies het met 5,6% tot R2 080/t teenoor die vorige week gestyg. Die prys van geel mielies het met 4,9% tot R2 150/t gestyg. Op ’n jaargrondslag is wit mielies 55,4%, of R2 587/t, laer, terwyl geel mielies 31,3%, of R980/t, laer is. Verwagte witmieliepryse: Mei – R2 035/t, Julie – R1 993/t, September – R2 052/t, Desember – R2 125/t. Verwagte geelmieliepryse: Mei – R2 101/t, Julie – R2 100/t, September – R2 142/t, Desember…

Goeie oesvooruitsigte het trekkerverkope in Maart ’n stewige hupstoot gegee. Trekkerverkope van 515 eenhede is byna 19% meer as die 434 eenhede wat verlede Maart verkoop is. Met die mielie-oes wat nou geraam word op 14,3 miljoen ton, sal die oes waarskynlik die grootste sedert 1981 wees. Hoewel gewaspryse onderdruk word weens die uitstekende oesvooruitsigte, kon boere voorraad wat vroeër bekom is teen die rand wat toe sterker was, nou teen goeie pryse koop. Daar word verwag dat die korttermynvooruitsigte vir die verkope van landboumasjinerie waarskynlik goed sal bly. Stroperverkope lyk ook goed met 23 eenhede, ongeveer 64% meer as die 14 eenhede wat die vorige Maart verkoop is. Stroperverkope vir die jaar tot dusver is byna 12% hoër as die ooreenstemmende tyd verlede jaar. Ekonome waarsku egter dat die…

Dit is verstommend hoe vinnig dinge deesdae verander. Net die ander dag nog het die mielieprys vanweë ’n histories groot oes gedaal, en toe, skielik, binne ’n paar dae, begin hy weer styg. Al wat nodig was om dinge taamlik vinnig deurmekaar te krap, was pres. Jacob Zuma wat onbeskaamd daarop aangedring het dat hy aansienlik meer wil vat as wat hy reeds vat. Bankaandele het begin val en binne dae is R80 miljard se waarde uitgewis. Die rand het aansienlik verswak (maar darem nie gedisintegreer nie), terwyl Suid-Afrika se groot staatskuld oornag baie duurder geraak het ná twee taai dwarsklappe van die graderingsagentskappe. Nou styg die mielieprys weer, en goed geplaaste uitvoerbedrywe, soos die neutbedryf, gaan skep. Die groter prentjie is egter taamlik mistroostig. Produksiemiddele, wat meestal ingevoer word…

MNR. JULIAN SOUTHEY van die plaas Manor Holme tussen Middelburg en Steynsburg in die Karoo, dra tans die kroon as Voermol se Skaapboer van die Jaar. Die boerdery bestaan uit 4 000 Merino’s en lewer ’n skoonwol-opbrengs van 70%. Volhoubare veldbestuur en die vermoë om aanpasbaar te wees, het hulle gehelp om die afgelope droogte te oorleef. Lees meer op bl. 38. VERTEL ONS VAN JOU GESIN. Ek het my vrou, Trish, op Grahamstad by die Rhodesuniversiteit ontmoet. Sy is ’n gevestigde kunstenaar. Ek boer saam met my twee seuns. Rob het ’n diploma in meganiese ingenieurswese aan die voormalige Port Elizabethse Technikon behaal en Stuart die graad B.Com. aan Rhodes. Ons dogter, Jacqui, het B.Com. (Rekeningkunde) aan Rhodes gestudeer. Sy en haar man, Jakkie Nel, boer ook met Merino’s…

DIE werklike nadelige gevolge van die kabinetskommeling en afgradering tot rommelstatus lê tans nog verskuil agter hoër pryse vir uitvoerprodukte weens die swakker rand, maar die pad na herstel gaan lank en moeisaam wees. Dít was die boodskap van landboukenners en ekonome ná Standard & Poor’s (S&P) én Fitch Suid-Afrika tot sub-beleggingsgraad afgegradeer het. Mnr. Alec Hogg, redakteur van die webblad BizNews.com, sê anders as met Nenegate, waar die ekonomie relatief vinnig herstel het ná mnr. Pravin Gordhan se heraanstelling, is dié situasie soos ’n lekplek in ’n band waaruit die lug stadig maar seker bly ontsnap. Die markwaarde van die 17 aandele binne die JSE se Top 40, wat die vatbaarste is vir rentekoersverhogings, het bly verswak. In twee weke het dit R188 miljard (10%) verloor. Staatseffekte, wat meestal…

Talle grondeise wat vanaf 1994 tot 1998 ingedien is, is nou nog nie afgehandel nie. Dit is glo omdat eisers nie kan bekostig om dispute oor die eise in die hof te laat besleg nie. Nou wil die Parlement se portefeuljekomitee vir justisie hê die Suid-Afrikaanse Regshulpraad se grondeenheid moet heringestel word sodat die hof gouer dispute oor grondeise kan aanhoor. Dr. Mathole Motshekga, komiteevoorsitter, stel voor dat regshulpgeld eerder aan die Regshulpraad toevertrou word as om dit in private hande te plaas. Die Grondwet maak voorsiening dat die staat misdaadsake kan finansier, maar nie siviele sake, veral grondeise, nie. Boonop meen die komitee die proses vir die finansiering van grondeise wat die Wet op die Herstel van Grondregte voorskryf, is onnodig omslagtig. BALANS Die stadige pas van die herstel…

K A AP Agri, Zaad en Agrivision was die voorosse wat Zeder die afgelope boekjaar gehelp het om die wa deur die finansiële drif te trek. Zeder, wat hoofsaaklik in die landbou-, voedsel- en drankbedryf belê, het verlede Maandag sy resultate bekend gemaak vir die boekjaar wat op 28 Februarie tot ’n einde gekom het. Die belangrikste aanwyser van dié beleggingshouermaatskappy se waarde en prestasie, die somvan-die-dele-per-aandeel, het in die afgelope boekjaar met 23,1% gestyg tot R8,53 per aandeel. Die som van die dele bestaan uit die gekwoteerde markprys van alle JSE-genoteerde beleggings en markverwante waardasies van ongenoteerde beleggings. Veral Pioneer Foods, Cape-span en Quantum het in die afgelope boekjaar op moeilike handelswaters gevaar. Die sterre in die Zeder-stal was Kaap Agri, Zaad en Agrivision. Zeder se totale onderliggende beleggingsportefeulje…

TOT die helfte van die vlaktewild in die Oos-Kaap het waarskynlik weens die ergste droogte in 100 jaar gevrek, meen mnr. Johan (Stappie) Staphorst, uitvoerende hoof van die Oos-Kaapse Wildbestuursgenootskap (ECGMA). Staphorst sê ofskoon daar nie amptelike statistieke van die vrektes is nie, het lede van die organisasie grootskaalse verliese aangemeld. “Die wildboere wat die ergste geraak is, is dié wat ekstensief met wild boer. Alle diersoorte, insluitende koedoes, springbokke, gemsbokke, blouwildebeeste en selfs geharde rooibokke het gevrek.” Boere wat intensief met wild boer, is in ’n mindere mate geraak aangesien hulle as voorsorgmaatreël die diere kon voer. “Die westelike dele van die provinsie vanaf Uitenhage tot by Willowmore is die ergste geraak. Geen koedoes sal in die komende seisoen in die distrik Steytlerville gejag mag word nie.” Staphorst sê…

‘Die skade wat stinkbesies aanrig, sal verdubbel as vlermuisbevolkings in dié boorde verdwyn.’ VLERMUISK ASTE naby makadamiaboorde kan miljoene rande se verliese weens mot- en stinkbesieskade beperk, wys navorsers aan die Universiteit van Venda se werk op ses plase in die Levubu-omgewing in Limpopo. Prof. Peter Taylor, wat aan die stuur van die navorsingsprojek staan, sê stinkbesieskade kos die Suid-Afrikaanse makadamiabedryf jaarliks R50 miljoen tot R100 miljoen. Mnr. Graeme Whyte van die Green Farm Nut Co., een van Suid-Afrika se grootste verwerkings- en uitvoermaatskappye vir makadamianeute, sê tot 80% van boere in Limpopo en Mpumalanga se neutskade word deur stinkbesies veroorsaak. Boonop sien die maatskappy dat ál meer beskadigde neute by aanlegte in KwaZulu-Natal gelewer word. “Dit wys dat die stinkbesiebevolking ook daar aan die groei is.” Whyte sê die…

1 ZAMBIË| 20 000 ‘spookboere’ kry geld by staat Boere pak die skuld vir wydverspreide bedrog in die regering se hulpprogram vir boerderybenodighede (farmer input support programme) op voorligtingsbeamptes. Dit kom ná uitbetalings aan nagenoeg 20 000 “spookboere” aan die lig gekom het. Die nasionale kleinboerevereniging sê meeste van die begunstigdes in dié program is nié kleinboere nie, maar net mense wat klein lappies grond besit. Dié program steun meer as 1,6 miljoen kleinboere, en die koste daarvan het die afgelope twee jaar van 1,8 miljard kwacha tot 2,3 miljard kwacha toegeneem. – African Farming 2 NAMIBIË| Goeie mielie-oes kom ondanks wurmplaag Daar word verwag dat Namibiese mielieboere tot 69 000 ton mielies kan oes ten spyte van die uitbreking van die herfs-kommandowurm vroeg in Januarie. Die land se akkerbou-raad…

Die kleur van Suid-Afrika se nasionale beeskudde gaan toenemend rooi raak vanweë die Bonsmara se oorheersende moederlynkudde en dié ras se uiteenlopende teelmateriaal van goeie gehalte. Só is op die jaarlikse Rooi Dag van die Bonsmara-telergenootskap op Parys voorspel. Mnr. Kiewiet Ferreira, voorsitter van Bonsmara SA, sê veral die Bonsmara se vroulike diere behaal die afgelope tyd hoë pryse. “ ’n Verhoging van tot 50% in die prys van rooi beeste – en in die besonder die Bonsmara se vroulike diere – word in die kuddeboufase ná die droogte behaal. “Speenkalfpryse het die afgelope sewe jaar gestagneer en ons ras is aan die voorpunt van dié herlewing in die vraag na rooi diere.” Een van sy stoetkoeie met ’n kalf het op die nasionale veiling van vroulike diere die hoogste…

’n Studie is op die Outeniqua-navorsingsplaas by George aan die gang om te bepaal of Jerseykoeie wat met vleisbeesbulle gekruis word, kalwers met beter groeipotensiaal lewer sodat hulle in vleisbeesstelsels kan meeding. Die eerste groeifase – die melkfase – is pas afgehandel. Vier bulrasse is gebruik, naamlik Angus, Brangus, Tuli en Limousin. Kalwers is op 67 dae gespeen. Die verskil in groei tussen kalwers van die verskillende bulrasse is in hierdie stadium nie betekenisvol nie. Die bulkalwers het wel heelwat beter as die verse gevaar en die kruiskalwers het ’n voordeel bo die rasegte Jerseys. Die navorsers wil bepaal wat die groeipotensiaal en karkasgehalte van die kruiskalwers is, en hoe hierdie kruise gebruik kan word in die ontwikkeling van vleisbeesstelsels in die Suid-Kaap. In die melkfase het die kalwers binne…

‘Ons glo in ’n holistiese veldbestuurmodel en beoefen ’n veelkampstelsel waar diere vir kort tye wei.’ Volhoubare veldbestuur en die vermoë om aanpasbaar te wees. Dít was mnr. Julian Southey, ’n vierdegeslag-Merinoboer en 2016 se Nasionale Skaapboer van die Jaar, se gróót redding tydens die afgelope droogte. ’n Onverskrokke houding het ook gehelp dat die boerdery nie eens deur ’n slenkdalkrisis in 2010 gekniehalter kon word nie, wat 80% van hul herfslammers uitgewis het. “Ons het ons lammers sedert die vorige uitbreking in 1974 teen slenkdalkoors ingeënt, en toe ná 2003 gedink ons kan maar ophou. Dit was ’n duur les.” Pleks van paniekerig reageer, het dié plan-maker eerder grensverskuiwende immunisasieprogramme met behulp van ’n veearts op Grootfontein ontwikkel. Hulle het ook ’n versnelde lamtyd ingestel om die agterstand in…

GRONDGHOEROE LOURENS DE JAGER GEWASSE VIR KLEIGROND, BEESTE Op ons plaas tussen Klerksdorp en Potchefstroom in Noordwes is ’n groot stuk vlei met grys kleigrond. Watter gewas kan ek in die nat kleigrond plant? Is daar enigiets wat ’n mens in vlei-kleigrond kan plant wat beeste sal vreet? Vleigebiede moet versigtig hanteer en beskerm word omdat dié gebiede ’n gevoelige ekostelsel en biodiversiteit het. Die grys kleigrond laat my aflei die grondsoort is moontlik Katspruit (Ortiese A op G-horison). Die grys kleur word veroorsaak deur anaërobiese toestande. Die grond is dus vir lang tye met water versadig en suurstof word uit die grond gedruk. Die term “versuipte grond” het so ontstaan. Dit is gewoonlik grond met ’n lae potensiaal omdat dit vinnig tussen uiters nat en droog wissel. Kleigrond se…

AgriCAD verskaf sedert 2010 vernuwende werktuie aan kommersiële boere. Die landsilo is ’n voorbeeld van so ’n produk. AgriCAD se MB500- en MB700-landsilo’s (in Engels bekend as motherbins) bied ’n bekostigbare oplossing vir die grootmaathantering van graan tydens strooptyd. Dit maak ook die bestuur van plaaslaaikontrakte makliker. Graan word in die landsilo ingestroop en vragmotors word gelaai teen ’n hoë uittaptempo van meer as 5 ton per minuut. Mnr. Chris Botha van Wolmaransstad in Noordwes sê hy is baie tevrede met die MB700. “Die landsilo verlig die druk van die stroper om graan regstreeks in vragmotors in te gooi. Die stroper kan hom nou slegs op die stroopaksie toespits.” Mnr. Dawid Steyn van Soutpan in die Vrystaat besit twee landsilo’s. Hy sê hy maak goeie vordering omdat hy deurentyd die…

Eduard Gerber was ’n dorpskind wat sy hele lewe lank net wou boer. Nadat hy eers vir ’n ruk grond gehuur het, het die plaas waarop hulle vandag woon, in die mark gekom. Met fyn finansiële beplanning het hy sy groot droom om op sy eie plaas te boer verwesenlik toe hy Uitzicht kon koop. Vandag boer hy met mielies, sojabone, suikerbone en beeste. “Dis maar die reuk van vars grond in die oggende as die son opkom en die skoon lug wat my aantrek,” vertel Eduard, terwyl sy ma, Mintro Gerber, beaam dat sy hom in geen ander beroep kan sien nie. En agter die perfeksionistiese planmaker-boer staan sy ewe dinamiese vrou, Mari, wat saam met Eduard se ma, Mintro, ’n spysenieringsonderneming bedryf. Terwyl Mintro lief is vir kook…

Byt vas en gee dit kans, jy gaan dalk in ’n baie kort tyd ’n pynvrye rit geniet. In al die jare wat ek al fietsry, het ek nog niemand teëgekom wat nie een of ander tyd met laerugpyn sukkel nie. Mense aanvaar later dis deel van hul daaglikse of weeklikse rit om te ly onder die tipe pyn. Daar is verskeie wanopvattings oor waarom bergfietsryers met laerugpyn sukkel. Ryers kry gereeld die verkeerde advies oor hoe hulle op die fiets behoort te sit om rugpyn hok te slaan. Een stukkie advies wat gereeld rondgegooi word, is dat ryers regopper op die fiets moet sit, met ander woorde die saal en die handvatsels is op min of meer dieselfde hoogte sodat die rug in ’n regop posisie is. As jy…

Goeie tamaties het die afgelope maand bogemiddeld op die markvloer presteer, sê mnr. Deon van Zyl, besturende direkteur van RSA Markagente. Hy sê die reën vroeër in die groeityd het plante benadeel en veroorsaak dat daar vroeër as gewoonlik geoes is. Dit het tot ‘n daling in lewering en oplewing in die prys gelei. Van Zyl sê ’n hoër produksie word in die winterproduksiegebiede verwag wat nou ‘n aanvang neem. “Pryse sal dus afneem namate die vraag die aanbod oorskry, waarskynlik binne die volgende twee weke. Die invloed van Paasnaweek met markte wat gesluit is, kan ook ’n invloed hê op voorsiening en moontlik afwaartse druk op pryse plaas.” Hy sê die politieke klimaat met stakings en betogings het ook die aanvraag op markte beïnvloed met ’n gevolglike nadelige impak…

GAUTENG CARLETONVILLE BUFFELSHOEK (471) 35 ha, aan Nightingale-familietrust, van B.K. Meyer, R700 000. BUFFELSHOEK (471) 235 ha, aan Adverto Trading 104, van Byford Inv, R3 524 502. EIKENHOF (323) 101 ha, aan Lanodex Trade & Inv 3 (Edms.) Bpk., van Gold Rush Trading 62, R27 000 000. KOPJESKRAAL (517) 34 ha, aan Z.Z. Khumalo, van Country OX BK, R1 400 000. NATURE’S SANCTUARY (701) 522 ha, aan Wild Footprint Safaris (Edms.) Bpk., van Bothafamilietrust, R8 000 000. TWEEFONTEIN (523) 888 ha, aan Willemse-trust, van Ingwetrust, R13 000 000. HAASKRAAL (460) 128 ha, aan Link Seed, van Bracell Celliersfamilietrust, R10 189 000. WONDERFONTEIN (103) 67 ha, aan F. Nanni, van S. Nanni, R850 000. DERDEPOORT GANSPAN (39) 415 ha, aan Kruger-familietrust, van Core Place BK, R2 550 000. PRETORIA BEYNESPOORT (335)…

MERINO RAMPRYSE OP REKORDVLAKKE Die prys van ramme het op Merino SA se amptelike veilings die hoogte ingeskiet. Op die 40 produksieveilings wat vanaf Januarie tot einde Maart gehou is, is altesame 2 472 ramme teen gemiddeld R8 907 stuk verkoop. Dit is 28,6% hoër as op die ooreenstemmende veilings ’n jaar gelede. Mnr. Danie Vorster, bestuurder van Merino SA, sê op 11 van die 40 veilings was die gemiddelde prys meer as R10 000 stuk met ’n hoogste prys van R140 000. Die totale omset op die veilings was net meer as R22 miljoen. “Dit is een van die beste seisoene as in ag geneem word dat wolpryse in die ooreenstemmende tyd met gemiddeld 18% en vleispryse met sowat 15% gestyg het. Die goeie reën en boere wat weer…

APRIL CLANWILLIAM 20-22, Clanwilliam-ekspo.SA Vlaamperd-streekskou. Perde: Heinie Nieuwoudt, heinie.nieuwoudt@sfp advice.co.za, sel 073 969 2272. Kleinvee: Damara, Dorper, Boerbok, SA Vleismerino: Joubert van der Merwe, hjvdm@mylan.co.za, sel 027 482 2833. Stalletjies: Jevon Kotze, kotzejevon@gmail.com, sel 071 752 1255. Sekretaris en vermaak: Renier Zeelie, clanwilliamexpo@gmail.com; web: www.clan williamskou.webs.com; sel 084 452 3012. LICHTENBURG 26-29, Eeufeesskou. Beeste: Simmentaler (nasionaal), Brahman en Limousin (streek) en ander rasse. Kleinvee: verskeie rasse. Derick. E-pos: derick@xourel.co.za; sel 079 602 5376. BLOEMFONTEIN 27 -7 Mei, Bloemskou. Nasionale kampioenskappe: SA Saalperd, Miniatuurperd, Friesperd, Merino Classic, Merinolandskaap, Ayrshire, Santa Gertrudis, Angus. Vir alle rasse, provinsiale en streekskampioenskappe, skoue, vertonings en veilings, besoek www.bloemskou.co.za of skakel 051 4489 894/5/6. MEI BLOEMFONTEIN 1-4, Boerbok-wêreldkampioenskap. Boerboktelersvereniging, Bloemfontein. Marizelle Kruger. E-pos: marizellekrugersa@gmail.com CARNARVON 12-13, Carnarvon se landbou-en-vliegekspo. Kleinvee, slaglammers, vliegtuie. Hennie Jordaan, sel 083 485 0464.…