Indholdsfortegnelse for 26-May-17 i Landbouweekblad

DIE Mededingingskommissie het onlangs ’n aantal markondersoeke van stapel gestuur wat probeer vasstel wat (indien enigiets) mededinging verhinder en wat daaromtrent gedoen kan word. Dit kom na wetswysigings dit moontlik gemaak het vir die kommissie om sy eie ondersoeke te inisieer pleks van om klagtes op te volg. Onder dié ondersoeke was een oor die mark vir vloeibare petroleumgas, private gesondheidsorg en die kleinhandel-kruideniersmark, wat geskoei is op ’n ondersoek na bankkoste in 2008. Dit is ’n taamlik lukrake lys sektore en dis onduidelik in watter mate enigeen van dié markte hierdeur meer mededingend gemaak is, of gemaak sal word. Die proses self is miskien die belangrikste deel van die ondersoek omdat voorleggings en openbare verhore die werking van dié bedrywe blootstel aan openbare ondersoek. Dit kom egter teen ’n…

Dis die tyd van die jaar om die landbou se temperatuur te meet, daar op die stowwerige Nampo-Oesdag-terrein. By die werktuiguitstallings vertel die manne dat Suid-Afrika se boere vanjaar darem weer bereid is om die tjekboek oop te maak. Dít ondanks die skade aan mielies in die weste en die vrotsige prys. Vanjaar se aansienlik beter oeste help darem om koppe reg te kry. Met meer as 60 vliegtuie en 30 helikopters wat staanplek tussen die mielielande kry, wil dit op die oppervlak voorkom of die landbou begin kop optel. By die Nasie in Gesprek-besprekings in die Donkerhoeksaal is die grondkwessie oudergewoonte druk bespreek. Terwyl dieselfde onderwerpe weer deurgetrap word, wonder ’n mens wanneer die dag gaan aanbreek wanneer ons, soos boere elders in die wêreld, weer ons volle aandag…

MNR. CHRISTI VAN DEN HEEVER , vrugteboer van die plaas Romansrivier by Wolseley, het die hoeveelheid besproeiing op sy plaas tot ver onder die bedryfsgemiddelde verminder deur indringerplante te verwyder, noukeuriger te meet en ’n paar praktiese boordplanne te maak. Lees die artikel op bl. 38. VERTEL ONS VAN JOU GESIN. Ek en my vrou, Marlandi, het mekaar as studente ontmoet en is agt jaar gelede getroud. Sy werk met oudits en finansies by haar pa se boerdery, Doornkraal, in die Witzenbergvallei. Ons het twee dogtertjies, Mia (5) en Cara (3). WAAR HET JY GESTUDEER? Ek het landboubestuur deur die Kaapse Universiteit van Tegnologie op Wellington gestudeer. Ek het aan die Hoër Landbouskool Augsberg gematrikuleer. Dit is waar daar ’n nuwe wêreld vir my oopgegaan het. Ek was in graad…

SITRUSBOERE in die Sondagsriviervallei, Patensie en Citrusdal staar meer as R600 miljoen se verliese in die gesig ná ongekende vrugteval sedert die begin van die oestyd. Dit raak in dié stadium hoofsaaklik Nawel-kultivars. In individuele boorde by Kirkwood en Addo beloop verliese tot 80%. Mnr. Hannes de Waal, besturende direkteur van die Sondagsrivier-sitrusmaatskappy (SRCC), sê werksaamhede in hul pakhuis word ernstig geraak, aangesien ’n derde van die vrugte wat hulle verpak Nawels is. Die laaste aangetekende geval van vrugteval in die Oos-Kaap was in 1939 in die Katriviervallei, in ’n Washington-nawelboord van ene Vincent Wagner. De Waal sê hulle het die hulp van mnr. Jakkie Stander van Sitrusnavorsing Internasionaal op Stellenbosch ingeroep om die oorsake te bepaal. Sy verslag het tot die slotsom gekom dat dit ’n nadraai van El…

DIE eThekwini-munisipaliteit het die sukkelende hoenderprodusent RCL Foods R15 miljoen aangebied vir sy Uitkomst- en Doornrug-hoenderplase, wat op die mark is nadat die maatskappy besluit het om sy bedrywighede af te skaal. Die munisipaliteit wil vrylopende, inheemse pluimvee vir die plaaslike en streeksmark op dié plase lewer, en sê die besluit is geneem om afgedankte werkers van RCL by te staan. Die genoteerde hoenderprodusent het onlangs 1 350 werkers uit diens gestel, en 13 van sy 25 plase in die Hammarsdale- en Camperdown-omgewing is tans op die mark. Die eThekwini-stadsraad het op ’n vergadering op 28 April gestem ten gunste van die koop, kragtens ’n nuwe “Radikale Agrariese Sosiaal-ekonomiese Transformasieprogram”. Mnr. Thulani Nzama, waarnemende hoof van die munisipaliteit se eenheid vir sakesteun, toerisme en markte, sê die munisipaliteit steun verskeie…

Die waarheid van die algemene siening dat plantvet “gesonde vet” is, terwyl dié van diere sleg is, is nie so seker as wat baie mense dink nie. Die onverwerkte bevindings van ’n navorsingstudie van byna 50 jaar gelede het onlangs in die mediese joernaal BMJ verskyn. Daarin skryf dr. Lenner Veerman, senior navorser aan die Universiteit van Queensland in Australië, dat alles wat mense oor die poli-onversadigde vet in groente en die versadigde vet in diere glo, kan in der waarheid ’n leuen wees. Die voorheen onbekende bevindings kom van die grootste studie in sy soort. Dit is van 1968 tot 1972 in Minnesota, Amerika, gedoen en 9 423 mense het daaraan deelgeneem. Dit is onderneem om die opvatting te toets dat die poli-onversadigde vette in groenteprodukte op lang termyn…

KORTOM ■ Die kommersiële produksie van graan in Rusland vorm die grondslag van ’n redelik sterk intensiewe veebedryf. ■ Rusland voer reeds groot hoeveelhede graan en oliesade uit. Na verwagting sal hy binnekort ook varkvleis en suiwelprodukte begin uitvoer. ■ Vanweë aardverwarming kan van die ysstreke van Rusland geskik raak vir die verbouing van graan, wat daartoe kan lei dat Rusland selfs Amerika as graanuitvoerland verbysteek. Talle Suid-Afrikaners het grootgeword met die opvatting dat Rusland die Rooi Gevaar is waar alle grond en produksiemiddele aan die staat behoort het. Landbougrond was staatsplase wat elkeen ’n plan gehad het wat bepaal het waarmee en hoe geboer moes word. Dié plan is in Moskou deur amptenare opgestel. Dit was die sogenoemde bevelekonomie waar jy nie toegelaat is om self te dink nie…

Gebreke in die onderrig by plaaslike landboukolleges en krisistye vir Suid-Afrikaanse universiteite, asook ontwikkeling in die veld van aanlynopleiding, het ’n gaping geskep vir die stigting van Agricolleges International, ’n rekenaarwolkgebaseerde instelling wat aanlynopleiding in die landbou wil verskaf. Die maatskappy se planne is op Donderdag 11 Mei amptelik in Kaapstad bekend gestel. Volgens mnr. Howard Blight, voorsitter en stigter van Agricolleges International, word ’n eenjaarlandboudiploma beoog sodra die nodige akkreditasie van die staat verkry is. Die maatskappy is reeds besig met die proses. “Ons wil hoop gee aan duisende studente wat andersins nie tersiêre onderrig sou kon bekom nie, deels weens die probleme by ons landboukolleges, maar ook as gevolg van ’n gebrek aan bekostigbaarheid.” Volgens Howard sal die koste van Agricolleges se diploma vanaf R29 000 per jaar…

PLAASINLIGTING LIGGING: Wolseley, Wes-Kaap NAAM: Romansrivier GROOTTE: 148 ha boorde EIENAARSKAP: Graaff Fruit VERTAKKINGS: Pere, nektariens, perskes, pruime GRONDTIPES: Klei, sand, klip GEMIDDELDE REËNVAL: 400-500 mm per jaar KORTOM ■ Dié Wes-Kaapse plaas roei indringerplante uit en verhoog sy waterdoeltreffendheid met bestuurspraktyke. ■ Só kon hulle besproeiing verminder tot nagenoeg 5 000 m3/ha. Sy kindertyd in Namakwaland het mnr. Christi van den Heever vertroud gemaak met droogte, en hom ook ’n diep respek gegee vir hoe kosbaar water is. Dít dryf dié oorhoofse bestuurder van die Romansrivier-boerdery, deel van die Graaff Fruit-groep, om soveel water as moontlik op te vang en elke druppel te rek op sy vrugteplaas naby Wolseley. Só kon hy dit regkry om besproeiing te verminder tot minder as 5 000 m³/ha, teenoor die bedryfsgemiddelde van sowat…

Dr. Hendrik Smith, bewaringslandboukoördineerder van Graan SA, verduidelik watter praktyke bewaringsboere kan volg om ’n grondversuringsprobleem op te los: ■ Kalkregstellings word so goed as moontlik vóór die tyd gedoen en ingewerk, waarná grondversteuring tot ’n minimum beperk word. ■ Mik daarna om elke jaar 750-1 500 kg kalk per hektaar op die grondoppervlak toe te dien. Strooi dit uit net voordat ’n multispesiedekgewas gevestig word. ■ Meng waar nodig kalk en gips in die regte verhouding om ’n sinergistiese effek te kry. ■ Maak op bewaringslandboubeginsels staat, veral dekgewasse met sterk wortelstelsels en -afskeidings, en verbeterde grondstruktuur en wortelkanale, om die kalk in die grondprofiel te versprei. ■ Maak staat op grondmikrobes en erdwurms, asook die opbou van grondkoolstof om kalk in die grondprofiel te sirkuleer. NAVRAE: Dr. Hendrik…

KORTOM ■ Die bestryding van onkruide is ’n noodsaaklike boerderypraktyk om ’n hoë opbrengs moontlik te maak. ■ Boere moet onkruiddoders met mekaar afwissel om weerstand teen die middels te voorkom. ■ Toediening van vooropkomsonkruiddoder raak toenemend belangrik om onkruiddruk te beperk. Die Proteïennavorsingstigting (PNS) droom oor groot oeste en baie sojabone wat tot voedsel vir mense en dierevoer verwerk word. Sekere maatreëls moet egter getref word, anders sal hierdie droom nie verwesenlik word nie. Dit sluit veral die bestryding van onkruide in. Dié kwessie was op ’n vergadering van die sojaboon- en sonneblomwerkgroep en die sojaboon- en sojavoedselforum in Woodmead, Johannesburg, in die kollig. Dr. Jan Dreyer, komiteelid van die sojaboonwerkgroep, het dit as “die stille oesdief” bestempel. Die PNS mik na ’n miljoen hektaar sojaboonaanplantings in Suid-Afrika, wat…

Die proses van organiese sertifisering is nie goedkoop nie, maar as jy die nasorgdiens in ag neem wat die sertifiseringsagentskap Ecocert aan hulle lewer, is dit goeie waarde vir geld, sê mev. Sonja Esterhuizen. Om die eindpaal te haal, moes daar vir drie sertifiserings dwarsdeur die waardeketting betaal word: Vir die boerdery, die abattoir en die slaghuis. Die boerdery het vir al drie betaal. Hulle glo dit was deur en deur die moeite en geld werd. “Hulle raak jou vennoot, en steun jou deurlopend. En daar is nie ’n geldwaarde te plaas op al die mense waarmee hulle jou in aanraking bring nie.” Dr. Marianna Smith van Ecocert sê die koste van hierdie soort sertifisering is vertroulik. Die Esterhuizens het wel hul sakemodel só gestruktureer dat hulle vir die boerdery,…

Volgens Ecocert se regulasies moet ’n organiese landbouproduk aan die volgende kriteria voldoen: ■ Die gebruik van chemiese bemesting of sintetiese produkte is in die produksieproses vermy. Dit is in grond verbou wat organies is en bemes is met natuurlike minerale wat nie skadelik vir grondlewe is nie. ■ Diere se weiding en voer moet heeltemal organies wees. Die diere mag nie intensief bestuur word nie, en moet toegang tot ope lug en soveel leefruimte as moontlik hê. ■ Verwerkte produkte moet uit organiese plaasprodukte gemaak word. Bygevoegde nie-landboubestanddele moet op ’n lys wees wat in die Europese Unie se regulasies of die Amerikaanse nasionale program vir organiese produkte goedgekeur is.…

Vleiskopers het tydens die Royal-skou die kans om van Suid-Afrika se beste vleis te koop. Die karkaskompetisie en -veiling op die Royal-skou is een van die gewildste geleenthede op die landboukalender vir plaaslike bees- en skaapvleisprodusente. Landbouweekblad is die trotse mediaborg van dié geleentheid. Dit is ’n gulde koopgeleentheid vir kopers – tipies slagters of restauranteienaars – wat ’n premie sal betaal vir die beste karkas. Die vleis word tydens die Royal-skou aangewys as die beste wat Suid-Afrika bied. Die gewildheid van die geleentheid herinner aan ’n veiling vir versamelaarswyne. Die kompetisie spog met vele rekords, onder meer vir die duurste skaapkarkas wat nog in Suid-Afrika verkoop is. Mnr. Mark Gietsman het in 2007 geskiedenis gemaak toe een van sy Ile de France-lammers vir die eerste keer op die skou…

Die Britse topsjef Gordon Ramsay voel sterk oor gesonde kindervoeding, maar as ’n besige pa van vier ewe besige kinders verstaan hy ook dat ouers nie altyd tyd het om ure voor die stoof te staan nie. Hy ken boonop kinders se grille en giere. Dis daarom dat Checkers sy hulp ingeroep het om ’n reeks eetgereed kindermaaltye vir winkels in die groep te ontwikkel. Die maaltye in die Oh My Goodness!- reeks is deur Gordon en sy dogter Matilda ontwikkel. Dit is deur meer as 200 puntenerige kinders en besige ma’s getoets voordat dit die stempel van goedkeuring gekry het. Die maaltye bevat geen MSG, bygevoegde suiker, sout of kunsmatige kleur-, geur-, en preserveermiddels nie. Tans is daar vyf maaltydopsies in die reeks om van te kies: ■ Beefy…

As ek by die venster uitkyk, sien ek ’n “groen droogte”. Die gras en die mielies is groen, maar die damme is leeg en ons wag nog vir die Reënmaker, ons Here Jesus Christus, om die reën te stuur wat die damme vir die winter sal vul. Toe dink ek aan daardie pragtige Skrifgedeelte in Jesaja 30:18 wat lui: “Tog is die Here gretig om julle genadig te wees en wil Hy Hom oor julle ontferm.” Dit gebeur baie dat dit voel of die Here tot op die laaste oomblik wag voor Hy ons red, maar ek kan jou verseker, my liewe medeboer, dat Hy vir jou uitkoms sal bring en dat Hy nooit sal faal nie. Die Apostel Paulus was in die tronk en sou die volgende dag tereggestel…

Alles dui daarop dat die styging van 20% in skaapvleispryse sedert verlede jaar op mediumtermyn volhoubaar sal wees. Daar kan steeds nie in die plaaslike vraag voorsien word nie. Suid-Afrika was genoodsaak om verlede jaar 11 000 ton skaapvleis (9,1% van sy behoefte) in te voer, sê mnr. Gerhard Schutte, hoofbestuurder van die Rooivleisprodusente-organisasie (RPO). Hy sê slegs 1 300 ton (1,2% van die produksie van 106 316 ton) is verlede jaar uitgevoer. “Die uitvoerpotensiaal van skaapvleis is kleiner vergeleke met dié van beesvleis. Tot 18% van die nasionale ooikudde is weens die droogte van 2015-’16 geslag. Die formele slagsyfer het van 5,66 miljoen eenhede in 2015 tot 5,31 miljoen verlede jaar gedaal. Ofskoon sommige boere ná goeie reën weer in ’n kuddeboufase is, ondervind talle steeds kontantvloeiprobleme en is…

GAUTENG NIGEL STEENKOOLSPRUIT (302) 355 ha, aan S.E.C.P.A. Somphalali, van I.D. de Lange, R6 027 000. PRETORIA JR (417) 381 ha, aan Lomutrust, van H.F. van der Walt, R500 000. KAMEELFONTEIN (297) 22 ha, aan T.D. Adlem, van Adindatrust, R1 000 000. RIETVLEI (518) 190 ha, aan Raumix Aggregates (Edms.) Bpk., van Verlesha Inv (Edms.) Bpk., R2 500 000. TWEEDRAGT (516) 21 ha, aan Sylmicar Residence-trust, van M.B. Lavenson en S. Lavenson, R1 750 000. KWAZULU-NATAL BALLITO FU (17200) 100 ha, aan Nodunga-gemeenskapseiendomsvereniging, van N.P. Ncwane, R3 763 000. LADYSMITH DIE KOM (16222) 152 ha, aan J.A. Talanda, van Henk Zaaltrust, R1 062 684. WATERFALL (2160) 103 ha, aan J.A. Talanda, van Henk Zaal-trust, R1 025 986. NEWCASTLE SCHUINS HOOGTE (2250) 200 ha, aan Gustav Mullerfamilietrust, van J. Oosthuizen, R2…

WAGYUKOEI BEHAAL SA REKORDPRYS ’n Suid-Afrikaanse rekordprys van R470 000 is vir ’n rasegte Wagyukoei betaal op die jaarlikse veiling van mnr. Brian Angus van Wood-view Wagyu, Arlington. Mnr. Lourens du Plessis van Thabazimbi het die rekordprys betaal. Du Plessis het ook drie ander koeie teen R440 000, R410 000 en R395 000 stuk gekoop én ’n bul teen R210 000. Volgens Angus is Du Plessis ná die aankope nou een van die grootste Wagyutelers in Suid-Afrika. Rasegte, vroulike diere is teen gemiddeld R225 625 stuk verkoop, terwyl bulle gemiddeld R141 250 stuk behaal het. Die hoogste prys vir ’n F3 -kruising vroulike dier was R110 000, wat deur mnr. AK Peer van Kaapstad betaal is. Die gemiddelde prys van F3 -kruisings was R100 000. Angus sê die diere behaal…

‘Dit is ’n doodsvonnis om net vir iemand 20 koeie te gee en te sê hy moet begin melk.’ DR. CHRIS VAN DIJK, uitvoerende hoof van die MPO, oor transformasie. Bl. 23 ‘ ’n Mens kan nie in ’n plaas belê wat nie joune is nie.’ MNR. MIKE MLENGANA, direkteur-generaal van landbou, bosbou en visserye, oor belegging en transformasie in die landbou. Bl. 17 ‘Elke belanghebbende in die waardeketting moet verbind wees tot produkte van wêreldgehalte.’ MNR. WESSEL LEMMER, Absa-ekonoom, oor sukses in die katoenbedryf. Bl. 26 ‘Suid-Afrika het méér sulke praktyk-gerigte uitvoerende hoof-de nodig.’ MNR. PATRICK SEKWATLAKWATLA van Sernick, oor mnr. TP Nchocho van die Land Bank. Bl. 15 ‘Wetgewers maak altyd die fout om te dink dat wette gehoorsaam sal word.’ PROF. HAROON BHORAT van die Universiteit van…

DANKBAAR VIR WAT HULLE HET Ek lees van megaboere – hulle wat alles op groot skaal doen – en wonder hoe oorleef ons op die min hektare en water tot ons beskikking. In Landbouweekblad van 5 Mei 2017 lees ek van R25 miljoen vir 59 opkomende boere vir hul speenkalfboerdery (“Land Bank se SEB-miljarde kan kommersiële boere óók help”). En Mthatha se aartappelboere het R3,3 miljoen ontvang waarmee aartappels verbou is teen ’n koste van dubbel die markprys (“Mthatha se aartappelboere mik hoog”). Waarmee gaan hulle die volgende oes plant as die huidige een teen 50% van die produksiekoste verkoop? Weer met ’n bydrae van ’n ontwikkelingskorporasie? Ek lees van die skade wat die droogte aangerig het aan veral die meer as 20 000 kleinboere in die suikerbedryf en oor…

R100 000 VIR BEWYS VAN ‘GESTEELDE GROND’ Die TLU SA het ’n beloning van R100 000 uitgeloof vir enigiemand wat bo redelike twyfel kan bewys dat enige kommersiële boer sy grond gesteel het. PIET PLANTER skryf: Fantasties. Dinamiese denkrigting! Nog meer daarvan, asseblief. KRYN skryf: Jul geld sal veilig wees. Uitstekende idee, dankie. Ek is lankal moeg vir die beskuldiging “julle boere het die grond gesteel”. JACK DE KLERK skryf: Laat plaas die advertensie vir die beloning op The Citizen en Sowetan se voorblad. DIRK CALITZ skryf: Ek vergroot die beloning met ’n ekstra R1 000. DEON DE WAAL skryf: As ek die geskiedenis reg verstaan, is wit én swart mense immigrante in Suid-Afrika. WILLY WATSON skryf: Hoekom nie ’n miljoen rand nie? Dan kan ’n klomp mense besig gehou…

DIE Duitse trekker- en stropervervaardiger Fendt se aankoms in Suid-Afrika saam met die besluit van New Holland se eienaar, CNH Industrial, om voortaan sy eie bemarking hier te behartig, beteken dat mededinging in die landboumasjineriemark ál strawwer gaan word. Gerugte het op Nampo die ronde gedoen dat New Holland sy Suid-Afrikaanse bedrywighede gaan beëindig. Mnr. Frederico Bellotto, bedryfsdirekteur by CNH Industrial vir Suider-Afrika, het in ’n eksklusiewe onderhoud met Landbouweekblad gesê die maatskappy het “geen belang” daarby om New Holland van die plaaslike landboumark te onttrek nie. “New Holland se markaandeel ten opsigte van trekker- en stroperverkope in Suid-Afrika is onrusbarend laag. Sy markaandeel in trekkerverkope is sowat 17% en in stroperverkope minder as 9%. In teenstelling daarmee is sy markaandeel in party Afrikalande amper 50%, terwyl hy een van…

 DIE impak van die afgelope droogte op die wildbedryf word dalk onderskat – en daar lê ’n strawwe winter voor as dit nie reën nie, meen mnr. Neil Dodds, voorsitter van die Oos-Kaapse Wildbestuursgenootskap. ‘Wildboerdery is anders in die Oos-Kaap.’ Dodds het by ’n onlangse byeenkoms van die Karoo Middelande Wild-studiegroep op sy plaas Meerlust, buite Jansenville in die suidoostelike Karoo, uiteengesit hoe hoë voerkoste en kontantvloeiprobleme die groei van die wildbedryf in dié provinsie kan strem namate boerderysake ná die droogte herstel. “Wildboerdery is anders in die Oos-Kaap,” het hy gesê. “In die noorde is daar meer groot sakemanne wat in wild en wildsplase belê het. Hulle is nie so afhanklik van boerdery-inkomste soos baie van ons nie.” Omdat beeste ’n vinniger omset gee as wild, kan die veekomponent…

DIE suiwelbedryf se grootste probleem is nie die dalende getal melkboere nie. Só sê mnr. Melt Loubser, uitvoerende hoof van Faircape Dairy en voorsitter van die Suid-Afrikaanse Melkprosesseerdersorganisasie (Sampro). Hy was op die jaarlikse simposium van die Suid-Afrikaanse Vereniging vir Suiweltegnologie buite Pretoria krities oor mense wat die tydperk toe die bedryf gereguleer was, “romantiseer”. “Die Regering het reg deur die waardeketting ingemeng. Ons het hardhandige beheerrade gehad. Daar was min of geen stimulus vir entrepreneursbedrywighede nie en die bedryf was hoogs gekonsentreerd.” Loubser sê in die gereguleerde tydperk was fabrieke op die vreemdste plekke geleë, dikwels met die doel om werk te skep en omdat dit nie nodig was om mededingend te wees nie. Hy onthou ’n regter wat in 1993 tydens ’n groot hofsaak gevra het wat die…

’N NASIONALE minimum loon is nie genoeg om kwesbare werkers in die landbou te beskerm of hul omstandighede te verbeter nie. Daar behoort ook ’n maatskaplike plan vir die landbou te wees, het prof. Haroon Bhorat van die Universiteit van Kaapstad op ’n werksessie oor armoede en werkskepping in Kaapstad gesê. Navorsing deur hom en sy studente toon dat die instelling van ’n minimum loon in die landbou tot onbedoelde gevolge, soos die grootskaalse aflegging van werkers, gelei het. “As ons ’n minimum loon instel om werkers te beskerm moet ons ook aan werkskepping of die behoud van werkgeleenthede dink,” sê Bhorat. “Met ’n maatskaplike plan wat byvoorbeeld gesubsidieerde behuising of dienste insluit, haal jy die las van die minimum loon af.” Hy sê die probleem met die formulering van…

Die produksie van katoen in Suid-Afrika kan vanjaar styg van 50 457 bale (van 200 kg elk) tot 73 359 bale (sien TABEL ). Suid-Afrika verwerk jaarliks byna 23 000 ton katoen. Weens die droogte het die eindvoorraad katoenlint by wewers met 30% tot 2 823 ton gedaal. Plaaslike katoenpryse het op ’n jaargrondslag met 14% gestyg. Ten spyte van die belowende herstel in produksie, moet Suid-Afrika steeds katoen invoer om in die plaaslike vraag te voorsien. Die produksie en verbruik van Suid-Afrikaanse katoenvesel het in die laat 1980’s ’n hoogtepunt bereik toe Suid-Afrika jaarliks nagenoeg 75 000 ton katoen vir binnelandse verbruik gelewer het. Katoenproduksie het ná die bloeitydperk van 63 000 ton tot die huidige 25 650 ton gedaal. Belanghebbendes in die katoenwaardeketting probeer om produksie te verhoog.…

KORTOM In die reeks oor plaasveiligheid die volgende paar weke kyk Landbouweekblad na die volgende: ■ Spesifieke kenmerke, soos heinings, ligte en ander tegnologie. ■ Die regte honde vir ’n veilige plaaswerf. ■ ’n Doeltreffende inligtingsnetwerk op jou plaas. Boosdoeners kry in talle gevalle sonder veel moeite toegang tot plaashuise deur middel van oop deure of vensters met geen diefwering. Die elemente wat in die vorige artikel bespreek is, soos heinings, videokameras en alarmstelsels, sal baie help om jou teen ’n aanval te beskerm. Dit sal egter ’n minimale effek hê indien deure en vensters nie beveilig word nie. Plaasbewoners is in sulke situasies magteloos om hulle teen geweld en misdaad te verweer. Toegangsbeheer is uiters belangrik, of dit nou toegang tot jou plaas óf jou woonhuis is. Volg gerus…

WIE IS JOU MENTOR? Mnr. Mac McKenzie is die afgelope twee jaar ons oorhoofse bestuurder by Graaff Fruit. Hy het my gehelp om leemtes in my bestuurstyl te identifiseer en mense, soos me. Anida de Villiers van Anida Training in Ceres, oor my pad gebring. Ek het verskeie kursusse gedoen oor byvoorbeeld mensebestuur. ’n Landbouer het altyd mense nodig en as jy hulle nie reg hanteer nie, gaan jy nie hul potensiaal ontsluit nie. Boerdery is nie ’n individuele sport nie, maar ’n spansport, daarom neem ek nie alleen besluite nie. Jy moet ook die mense se harte kan voel en hoor as hulle praat. WAT MAAK JOU OPGEWONDE OOR DIE LANDBOU? Ek het ’n passie om graad 11-leerders te wys waaroor die landbou gaan. Om te boer beteken nie…

Die Sonop-gebied, naby Bethlehem in die Oos-Vrystaat, is een van die gebiede waar lae suur grond 30-35 cm onder die grond in die jongste jare produksie toenemend begin inkort het. Die landboukundige dr. Jan Strydom sê die Sonop-boerevereniging het verlede jaar besluit om verskillende landboupraktyke op proefpersele te toets nadat hulle drie jaar lank gesukkel het om opbrengste te verhoog. Grondkarterings van die persele het die suurheidsprobleem duidelik uitgewys. Hulle het besluit om 300 kg mikrofyn korrelkalk uit te strooi en tot op 18 cm in te ploeg. Dit was nie diep genoeg om die suur laag te breek nie, en hulle het toe op dieselfde grond nog ’n bewerking met ’n beitelploeg gedoen. Daaropvolgende profielgatontledings het gewys dat die kalk steeds bo-op die grond lê, klaarblyklik weens die beitelploegbewerking,…

As ’n droogte en omstandighede jou dwing om te voer en organiese voer is nie bekombaar nie, kan daardie diere wat byvoeding nodig het, soos lammerooie, bloot vir ’n tydperk uit die program gehaal word. Sodra die krisis verby is, kan hulle weer in ’n proses van omskakeling na organiese status gesit word, of as konvensionele vee verkoop word. Sonja sê die byhou van aantekeninge en deursigtigheid is in so ’n geval baie belangrik. Ecocert moet ook alles goedkeur en deurlopend op die hoogte van sake gehou word. Een groot uitgangspunt van die standaarde-stelsel is dat daar na die diere se welsyn omgesien moet word. Die inspekteurs sal jou plaas eerder van sy sertifisering ontneem as jy nie voer nie omdat die diere ly, verduidelik Sonja.…

VELDRY-LIGTE LED-LIGSTAAF VIR BAKKIES Met die SI 505-ligstaaf van 126 W met 42 LED-liggies wat op die voorste buffer van ’n plaasbakkie gemonteer word, is asof die nag dag word. Dit verskaf ’n verblindende 8 820 lumen. Die afmetings is 506 mm x 107 mm. Dit het twee monteerplate wat aan die buffer of sierrooster vasgeskroef kan word. Die gebruiksduur van die LED-ligte beloop 50 000 uur. Die ligstaaf is te kry in wit of swart en het ’n waarborg van ’n jaar. Dit is egter net geskik vir veldry (off-road) en mag nie op openbare paaie gebruik word nie. PRYS: R3 024. NAVRAE: Melville Manley, Midas Walmer, e-pos: melville@lgmidas.co.za, tel. 041 581 3466. MAAK PAAIE MAKLIK BOU EN SKRAAP SELF PLAASPAAIE Mnr. Jannie Myburgh, ’n boer van Ermelo wat…

Die plaas Omdraai, op die Lesothogrens naby Ficksburg, is al 50 jaar in Bonnie Ackerman se familie. Bonnie boer sedert 2005 self op Omdraai. “Ek het eers met melkbeeste geboer, maar opgehou toe die melkprys so begin verswak het. “Ons boer nou met ’n Rooi Poenskop-stoetery, Vleismerino’s en Merino-landskape,” vertel dié raakvat-vrou. Al gooi sy wal oor haar kookvernuf, vertel haar kinders en man van die heerlike oondgebraaide lamsboud, herderspastei en die lekker slaaie wat sy in haar plaaskombuis optower. Ook wanneer daar troues en onthale op Omdraai gehou word, hanteer Bonnie die spyseniering self en kook dan vir tot 300 gaste. Dan maak Bonnie graag die soort kos wat eie is aan die kontrei – watertand-plaaskos. KERRIELAMSTJOPS 8grootlamslendetjops Sout en vars gemaalde swartpeper Olie, vir braai Kerriesous 2…

Om met frambose te boer, behels intensiewe bestuur. Die vrug is uiters sag, wat dit baie moeilik maak om te oes. Elke vrug word met die hand gekies en gepluk. Arbeid is dus ’n belangrike deel van die boerdery, sê ’n Suid-Afrikaanse kenner van die bedryf wat verkies het om anoniem te bly. Volgens hom is ’n groot deel van die beginkoste van ’n framboosboerdery die oprigting van beskutting. Daarna sluit die uitgawes kunsmis en landbouchemiese stowwe in. Frambose is, soos ander bessiesoorte, baie vatbaar vir plae, soos die rooispinnekopmyt en bolwurm, en vereis dus ’n geïntegreerde plaagbestrydingstelsel. In die laaste twee jaar het Amerikaanse bolwurm groot probleme veroorsaak. ’n Ander meer onlangse probleem was skommelinge in die wisselkoers. Brexit het veroorsaak dat die rand baie teen die pond versterk…

100 Die 100ste Kaapse Wynmeester het onlangs graad gevang. Dié gerekende en veeleisende program bestaan al 33 jaar. Vier nuwe meesters is op 5 Mei deur die Kaapse Wynakademie aangewys en deur die Instituut van Kaapse Wynmeesters ontvang: mnre. Brendan Butler van Mount Vernon, Anton Swarts van Spier, Francois Cillié van Stark-Condé & Man Family Wines en Ivan Oertle van Grande Provence. — Lucille Botha 1,91m. ton Die finale kommersiële koringoes vir die 2016-seisoen is 1,910 miljoen ton. Dit is 0,02% meer as die finale skatting van 1 909 540 ton wat die Oesskattingskomitee in Februarie bekend gemaak het. Vir moutgars is die oes op 355 000 ton herbereken, oftewel 0,26% hoër as die finale skatting. Die kanola-oes was 105 000 ton, wat 0,44% laer is as die finale skatting.…

Vergeet van die Regering en sy beloftes; sluit eerder vennootskappe met gewillige, kommersiële boere, was die boodskap van mnr. Nick Serfontein van die Sernicklandbougroep aan voornemende swart boere. Hy was op die Nampo-Oesdag lid van ’n paneel wat die Land Bank se nuwe finansieringsmodel vir die versnelde ontwikkeling van boere bespreek het. Dit kom daarop neer dat die Land Bank met groot kommersiële boerderye hande vat om meer hefboomfinansiering te bewerkstellig vir vennootskapsooreenkomste met swart boere wat toegang tot grond het, maar nie noodwendig tot die nodige finansiering vir produksie nie. Sernick bedryf so ’n projek en het die afgelope tyd aansienlik in opleiding vir voornemende swart boere belê. Die groep het onder meer ’n opleidingsentrum opgerig. Sy swart boerevennote het deur Sernick tot die res van die waardeketting toegang,…

HOE meer transformasieprojekte die private sektor vrywillig op sy eie kan aanpak, hoe groter sal die druk op die Regering word om hul manier van doen te aanvaar. Só het mnr. Pierre Venter van die Bankvereniging van Suid-Afrika (Basa) op een van twee Nasie in Gesprek-sessies op die Nampo-Oesdag oor grondkwessies gesê. Sprekers was dit eens dat grondhervorming nodig is en verskeie het benadruk begunstigdes moet titelaktes vir grond kry. Mnr. Johannes Möller, voorsitter van Agri SA, het gesê die grondbedeling van 1994 het deur politieke inmenging tot stand gekom en nie deur markkragte nie. Laasgenoemde sal dus nie transformasie laat gebeur nie. Venter gesê banke is bekommerd oor politieke uitsprake dat grond sonder vergoeding onteien gaan word. Hy het gesê R145 miljard se banklenings is ter sprake, waarvan R112…

’N Franse kunsmismaatskappy het na vore getree om tot die redding van die beleërde Profert te kom. Profert was in ’n stadium Suid-Afrika se derde grootste kunsmismaatskappy, en sy ondergang word nou al die afgelope twee jaar wyd voorspel. Die Land Bank, wat saam met ’n Chinese maatskappy een van twee aandeelhouers in Profert is, moes verlede jaar na bewering noodgedwonge minstens R1,2miljard bestee om die maatskappy aan die gang te hou. Sedertdien is hard en wyd na ’n koper gesoek om die Profert-boot weer te help vaar. Die Franse maatskappy Roullier het toe kort voor druktyd aangekondig dat hy beoog om Profert oor te neem. ’n Reeks transaksies moet nog gefinaliseer word, en die Mededingingskommissie moet ook nog die jawoord gee, lui ’n verklaring. Roullier doen in 50 lande…

Hof gee skietgoed teen rondloperdiere Boere hoop dat daar in die toekoms beter beheer sal wees oor vee en ander diere in munisipale gebiede nadat Agri Oos-Kaap ’n hofbevel in dié verband bekom het teen die Ndlambe-munisipaliteit (Alexandria). Regter Tilana Macebe van die Grahamstad-hooggeregshof het onder meer beveel dat alle diere op die meentgrond van die Ndlambe-munisipaliteit brand- of tatoeëermerke kry en oorplaatjies wat na die eienaar teruggespoor kan word. Die aanhou van diere moet ook aan die Departement van Landbou, Bosbou en Visserye se amptelike drakragnorme voldoen. Alle vee op meentgrond moet teen dieresiektes behandel en heinings moet behoorlik in stand gehou word. Munisipaliteite moet ook prosedures instel sodat rondloperdiere maklik aangemeld kan word. In sy betoog het Agri Oos-Kaap gesê die onbeheerde instroming van diere in woongebiede en…

1 ZAMBIË| Uitvoer mag hervat Zambië het sy mielie-uitvoerverbod opgehef ná die opbrengs vir die 2016-’17-oesjaar tot 3,61 miljoen ton gestyg het. Daarteenoor was die opbrengs die vorige oesjaar altesame 2,87 miljoen ton. Me. Dora Siliya, Zambië se minister van landbou, het aan die staatsbeheerde radiostasie ZNBC gesê die land het amper 570 000 ton mielies van verlede jaar in reserwe. Omdat Zambië dus genoeg voorraad het om sy mense te voed, kan die land nou weer mielies uitvoer. Die uitvoerverbod is tydens verlede jaar se droogte ingestel. Die land hou jaarliks ’n mieliesurplus van sowat 500 000 ton ter wille van voedselsekerheid. — Reuters 2 KENIA | Mielievoorraad uitgeput Hoë kospryse weens ’n nypende mielietekort sal waarskynlik tot Julie voortduur, sê die Keniaanse meulenaarsvereniging. ’n Pak mieliemeel van 2…

 DIE Noorweegse wynmonopolie Vinmonopolet het aangekondig dat wyninvoer uit Suid-Afrika nie “in dié stadium” gestaak gaan word nie. ‘Sommige mense sou duidelik nie weer Suid-Afrikaanse wyn koop nie, maar hulle was ver in die minderheid.’ Dit volg ná ’n ouditeur en tolk namens Vinmonopolet van 13 Maart tot 8 April altesame 22 plase in Stellenbosch, Paarl en Robertson besoek het om die aantygings te ondersoek wat in die Deense dokumentêr Bitter Grapes – slaver y in the vine yards gemaak word. Dié dokumentêr het internasionaal opslae gemaak nadat dit werktoestande in die plaaslike bedryf aan die lig gebring het. Dit is onder meer in Swede, Denemarke en Noorweë uitgesaai. “Baie verbruikers het ons met groot besorgdheid gekontak nadat die Bitter Grapes-dokumentêr op 1 November in Noorweë uitgesaai is. Sommige mense…

Die Nelson Mandela Metropolitaanse Universiteit (NMMU) ontleed tans veeverliese weens roofdiere in Suid-Afrika deur die sentrum vir bewaringsekologie in Afrika. Ongeveer R2,5 miljoen is vir die ondersoek beskikbaar gestel. Die proses, bekend as PredSA, het verlede Mei begin en dit sal na verwagting 18 tot 24 maande duur om te voltooi. Die Departement van Omgewingsake, die Departement van Landbou, Bosbou en Visserye, Cape Wools en Sybokhaar SA is vennote van die universiteit in dié ondersoek. MAATREËLS Roofdierbestuur het voorheen klem gelê op maniere om die probleemdier uit ’n spesifieke gebied te verwyder – ’n situasie wat tans voortduur. Nuwe navorsing toon egter dat nie alle roofdiere probleemdiere is nie. Territoriale, individuele diere kan as ’n katalisator optree om potensiële probleemdiere weg te hou. Die openbare mening teen dodelike maatreëls het…

Vroeg in my lewe het ek besluit ek wil nie vervelig wees nie. Deurmekaar, ja, dalk ingewikkeld, maar nooit vervelig nie. Die afgelope 30 jaar het ek egter geleer dat wanneer dit by beleggings kom, jy eerder vervelig as sexy moet kies. Baie mense glo hoe meer sexy ’n belegging gestruktureer is, hoe beter sal die opbrengs wees. Met onsekerheid wat al hoe meer algemeen is, raak die beleggings wat groot beloftes aan jou maak ál aantrekliker. Ongelukkig is die kool dikwels nie die sous werd nie. ’n Aantal produkte het op die mark verskyn met vernuwende maniere waarop die bestuursgeld gehef word en dit lyk of dit goedkoop kan wees. Ons ondersoeke het egter aangedui die meeste daarvan is veel duurder as die gewone produkte – sonder enige voordeel.…

’n Skandeerder waarmee ’n boer op die land ’n grondtoets kan doen en binne minute die uitslag kry, is pas op die GFIA-skou vir vernuwende produkte in die landbou in Utrecht, Nederland, bekend gestel. Die Nederlandse onderneming Dutch Sprouts se handgedraagde grondskandeerder, SoilCares, is met sensors toegerus wat spektrometerdata en ’n spektrale beeld uit ’n grondmonster lewer. Die spektra op die beeld stel die skandeerder in staat om gedetailleerde inligting oor die stand van die belangrikste voedingstowwe, organiese komponente, tekstuur en pH in die grond te “sien”. Dít word met bestaande grondtoetsuitslae op ’n internasionale databasis gekalibreer. Só word die grondstatus binne minute bepaal, en kry die boer ’n verslag op sy slimfoon. Daarmee saam verskaf SoilCares ook ’n stel aanbevelings. Dutch Sprouts werk saam met Talend, ’n groot-data-integrasiemaatskappy, om…

LIGGING Vrystaat en Noordwes KORTOM ■ Grondversuring, wat keer dat wortels diep groei, is deesdae ’n algemene probleem in die somersaaigebiede waar boere al hoe minder en vlakker bewerk. ■ ’n Vrystaatse landboukundige het ’n tandwerktuig ontwerp waarmee verseker word dat kalk op die regte diepte in die grond beland om ’n suur keerlaag op te hef. ■ Twee kenners van geenbewerking gee ook raad. Die Vrystaatse landboukundige dr. Jan Strydom sê versuring vorm ’n chemiese keerlaag in saailande. Hy het die afgelope twee seisoene telkemale in profielgate min of meer op 30 cm-gronddiepte suur lae teëgekom. Telkens het hy gesien hoe dit wortelgroei op dié laag laat afstomp of dwars laat draai het sodat dieper vog nie benut kon word nie. Die gronde se effektiewe worteldiepte (tot waar wortels…

Geenbewerkingsboere moenie emosioneel raak oor dié praktyk en volstrek weier om grond weer te bewerk as ’n ondergrondse versuringsprobleem ontstaan nie. Só meen mnr. Guy Thibaud, geenbewerkingskenner en spesialisnavorser van die KwaZulu-Natalse departement van landbou en omgewingsake. Hy verwys na die bekende geenbewerkingsboer mnr. Egon Zunckel van Bergville, wat noodgedwonge weer kalk ordentlik moes inwerk om ’n suur laag op te hef nadat hy jare lank geenbewerking beoefen het. “Egon sê altyd dis soos om jou grond in die hospitaal te sit as dit siek is. Daar is nie ’n ander keuse nie.” Guy verduidelik dat die neutraliserende uitwerking wat kalk op grondsuurheid het, eerder die resultaat van ’n fisiologiese proses genaamd alkaliniteitoordrag is. “Die kalk op die oppervlak neutraliseer salpetersuur op die grondoppervlak. Die resultaat is kalsiumnitraat, wat in…

Eers was daar verlede jaar uiteindelik eksklusiewe naamregte vir Karoolam op die uitvoermark. Nou is daar ook internasionaal organies-gesertifiseerde Karoo-skaapvleis, danksy die Esterhuizen-familieboerdery van Elandsfontein by Britstown. Dié Merino-plaas, waar die Esterhuizens al drie geslagte lank boer, het onlangs die eerste Suid-Afrikaanse skaapboerdery geword om volgens gerespekteerde internasionale standaarde deur die agentskap Ecocert as organies gesertifiseer te word. Dit volg kort op die hakke van Karoolam se verkryging van eksklusiewe naamregte kragtens die Europese Unie se bemarkingswetgewing verlede Oktober. Dr. Sarah Erasmus aan die Universiteit van Stellenbosch het wetenskaplik bewys dat Karoolam ’n unieke smaak en samestelling het danksy die geurige Karoobossies wat skape daar vreet. Karoolam geniet nou dieselfde uitverkore amptelike status as rooibos, Parmaham en Franse sjampanje op die wêreldmark. Die Esterhuizens bemark hul skaapvleis met die Smartt…

Vir die Esterhuizens se skaapvleis om as organies gesertifiseer te word, moes Boer and Butcher én die abattoir op Victoria-Wes, waar die skape geslag word, ook sertifisering kry. Dit is nou gereed, en mnr. Willie en me. Sonja Esterhuizen hoop ander boere in hul omgewing sal ook die opsie van organiese boerdery en die benutting van hierdie geriewe begin oorweeg. Hulle hoop Britstown sal dalk eendag as Suid-Afrika se “hoofstad” van organiese skaapboerdery beskou word. Die stelsel wat hulle in gedagte het, is die groepsertifisering vir ’n paar boerderye (group growers certification), wat behels dat ’n groep boere met dieselfde sertifisering onder een handelsmerk bemark. Dieselfde gesertifiseerde abattoir en netwerk van slaghuise word gebruik. Die Boer and Butcher ontwikkel ook deesdae resepte met net organiese bestanddele. Dit bevat hul vleis,…

Mnre. Walter Diembeck van Hamburg en Günter Krause van Werl is stoere Duitse geesdriftiges wat saam met ’n groep Britte en Swede Sandstone besoek het. Günter, die voorsitter van die Duitse vereniging vir spoorweggeskiedenis, beskryf die groep se verknogtheid aan erfgoed en treine as “malligheid”, maar sal vir geen geld ter wêreld die moeite ontsien om die versameling te beleef nie. Hy het veral uitgesien om ’n klein stoomlokomotief uit die Eerste Wêreldoorlog, waaroor hy al ’n boek geskryf het, te besigtig. Walter het Suider-Afrika se spoornetwerk in die stoomtyd tydens ’n besoek sowat 45 jaar gelede al beleef. Nou, ná sy aftrede, besoek hy en sy medelede van die vereniging geskiedkundige treingebeurtenisse. Mnr. Paul Gordon is ’n boorling van Kaapstad wat al die pad Vrystaat toe…

KOOP SKAPE VERSIGTIG Wat moet ’n mens alles in ag neem wanneer jy skape op veilings koop? Die koop van vee op veilings gaan gewoonlik gepaard met opgewondenheid en verwagtinge van veeverbetering. Die mededinging met ander kopers is opwindend. Boere bespreek die diere, besigtig die vee en kry hopelik die regte diere teen die regte prys. As hulle die beste teeldiere wil bekom, kyk kopers eers na die katalogus vir toepaslike teelinligting, soos mikrons, skoonvaggewig, gemiddelde daaglikse gewigstoename, tweelinge en teelwaardes voor hulle na die ramme en ooie kyk. Die kuddeprestasiesyfers van die verkoper se diere behoort ook ondersoek te word. Soms kry die koper egter later ’n onaangename verrassing met sluimerende siektes wat onwetend deur middel van skynbaar gesonde diere by die nuwe kudde ingebring word. Geen boer wat…

Die Royal-skou in Pietermaritzburg is vanjaar vir die 167ste keer ’n vertoonvenster vir die landbou in Kwa-Zulu-Natal. Die skou duur tien dae (26 Mei tot 4 Junie) en bied hope inkopie- en vermaakgeleenthede vir die hele gesin, onder meer ’n speelpark en verskeie musiekkonserte. In hart en siel is dit egter ’n landbouskou. Die skou het oor die afgelope anderhalwe eeu tot een van Suid-Afrika se belangrikste landbouskoue gegroei. Die landbouprogram lê veral klem op die veebedryf, maar daar is genoeg werktuie van verskillende maatskappye sodat besoekers ’n wye verskeidenheid landboumasjinerie kan sien. LEER OOR LANDBOU KwaZulu-Natal se grootste vertoning van boutoerusting en -materiaal, asook hanteringstoerusting is te sien. Dit behels ’n verskeidenheid van meer as 400 kommersiële, industriële en dienssektor-uitstallings. Soos gewoonlik sal talle beeste, skape, bokke, hase en…

Tuna-monsterburgers  ’n Mens eet met jou oë – en dit is veral waar vir kinders. Kos wat hul belangstelling prikkel en vir hulle mooi lyk, sal altyd voorkeur kry. Jy hoef nie ure te spandeer om huiskos “kindervriendelik” voor te sit nie. ’n Eenvoudige garnering, soos hierdie monster-ogies van gevulde olywe op peuselstokkies, kan binne minute gemaak word. Tunakoekies 2 x 170 g-blikkies tuna, goed gedreineer 1 ui, fyngerasper 2 gaar aartappels, goed fyngedruk 125 ml vars bruinbroodkrummels 125 ml fyngerasperde mozzarellakaas 1 eier, geklits Sout, vars gemaalde swartpeper en suurlemoensap na smaak Olie, vir braai Burgers 6 hamburgerrolletjies Botter of mayonnaise, vir smeer Blaarslaai 2 tamaties, in dun skyfies gesny 12 olywe met pimento gevul 12 peuselstokkies Meng die tuna, ui, aartappel, broodkrummels, kaas en eier goed saam. Geur…

Ná die skerp styging in brandstofpryse in die begin van die maand kan verbruikers uitsien na ’n mate van verligting in Junie. Mnr. Wandile Sihlobo, ekonoom by die landbousakekamer Agbiz, sê danksy ’n daling in die prys van Brent-ruolie het dit teen die middel van die maand gelyk of daar op 7 Junie ’n daling van 23 sent per liter in die prys van petrol en ’n daling van sowat 19 sent per liter in die dieselprys kan wees. “Die ander faktor wat ’n rol kan speel, is die wisselkoers, maar daar was nie ’n beduidende verandering in die koers nie. “Die prys van Brent-ruolie het van gemiddeld $54 per vat in April tot gemiddeld $49 per vat gedaal.” Hoewel dit nie ’n groot daling in brandstofpryse is nie, behoort…

Die volgende ontleding van grondverkope in Suid-Afrika is van transaksies in die Oos-Kaap vanaf Maart verlede jaar tot Februarie vanjaar vir grond wat groter as 10 ha is. In dié tyd is 340 ooreenkomste in 34 distrikte gesluit, wat 194 807 ha teen R1,999 miljard behels het. By 52,9% van die distrikte is dalende prysneigings waargeneem – ’n duidelike weerspieëling van die invloed van die moeilike landboutoestande in dié provinsie. Uit die totale ooreenkomste was 57 transaksies van kleur, 16,8% van die totaal. Dié soort transaksies sluit in verhandelings tussen individue (42), regeringsaankope van landbougrond (5) en grond verkry vir munisipale gebiede (10). In dié transaksies is 30 779 ha, oftewel 15,8%, ter sprake teen R322 miljoen. Uit die totaal was 80 (24%) transaksies vir grond kleiner as 50 ha,…

WOL GOEIE PRYSE STEUN ONDERNEMING Die wêreldmark is betreklik optimisties oor wol as kledingstof en die omgewingsvriendelike eienskappe van dié vesel teenoor mededingende kledingvesel wen veld. Dit was die gewaarwording van mnr. Isak Staats, hoof van wol en bokhaar by BKB, op sy besoek aan die afgelope kongres van die Internasionale Woltekstielorganisasie (IWTO) in Brittanje. “Dit is ‘n produk met goeie ‘groen’ eienskappe en baie van die bespreking het oor die bemarking daarvan gegaan,” sê hy. “BKB beleef tot dusver ‘n goeie jaar met die huidige gunstige wolpryse wat die onderneming ondersteun,” sê Staats. Van die besprekingspunte het oor die navorsing van wol gehandel asook wol se gebruik as mediese behandeling van veltoestande. Volgens Staats geniet die Suid-Afrikaanse skeersel goeie navraag oor die land se liggingvoordeel ten opsigte van Europa,…

ALGEMEEN 27 – 28 MEI: Jaarlikse Oesfees by Leriba-hotel, Centurion. Meer as 100 wynplase neem deel. E-pos: marketing@leriba.co.za; tel. 012 660 3300. BOEREDAE 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Sprekers: Hendrik van Pletzen (Genetiese vooruitgang danksy gehalteramme en die ekonomie), dr. Faffa Malan (Johne se siekte, weerstandige inwendige parasiete en rooiluise, ramsiekte, vrotpootjie, absesse, skaapbrandsiekte). SAVM nooi veral vroue wat tot die landbou toe-tree, jongboerstudiegroepe, skoleboereverenigings en kommersiële en stoettelers van alle skaaprasse. Neline Pienaar. E-pos: Bennieneline@eleo.co.za; sel 082 440 4492. Met die samewerking van die boerevereniging van die Afrikaanse Hoërskool Kroonstad (Rooiskool). KURSUSSE 25-26 MEI: BLUP vir kommersiële boere. Diereproduksie-instituut, LNR, Irene. E-pos: Aloubser@arc. agric.za, PhashaT@arc.agric.za 29 MEI-2 JUNIE: KI, dragtigheidswaarneming (beeste), kalfgrootmaak. Krugersdorp. Lily. Web: www.rltsafrica.com; sel 078 546 7985. 29 MEI-2 JUNIE:…