Indholdsfortegnelse for 21-Jul-17 i Landbouweekblad

‘Ek het gesê ons kan nie die aanstelling maak as dit nie op tender uitgegaan het nie.’ MNR. MIKE MLENGANA, geskorste direkteur-generaal van Landbou, Bosbou en Visserye, oor die redes vir sy skorsing. Bl. 14 ‘Jy kan spaargeld hê, maar as die reën nie kom nie, is dit soos ’n bodemlose put waar jy jou geld gooi.’ MNR. WERNER TEUBES, boer van Tesselaarsdal, wat onverwags skenkings ontvang het om sy boerdery te red nadat hy sy stoetkudde te koop aangebied het. Bl. 16 ‘ Die enigste sê wat ek gehad het, was om dalk vir 10 minute op ’n Cloververgadering in Lichtenburg te kon praat.’ MNR. JOHAN STRYDOM, melkboer van Noordwes, oor die groter inspraak wat melkboere in hul besigheid met die melkmaatskappy Clover sal hê noudat melkboere in ‘n…

‘Ons meen ons wetlike regte word weer geskend kort nadat die hof bevind het dat die moratorium onwettig was.’ RENOSTEREIENA ARS meen die Departement van Omgewingsake probeer hulle daarvan weerhou om ’n veiling van renosterhorings aan te bied, ten spyte van die Grondwethof se bevinding dat die 2009-moratorium op plaaslike handel ongeldig was. Mnr. John Hume van Male-lane, wat sowat 1 500 renosters besit, wil op 21 Augustus ’n veiling aanbied waarop nagenoeg 500 kg renosterhoring opgeveil sal word. “Die departement stel egter nou allerhande voorwaardes waarvoor daar geen wetlike basis is nie vir die veiling,” sê mnr. Pelham Jones, voorsitter van die private renostereienaarsvereniging (PROA). “Ons het met die departement vergader en probeer om ’n werkbare oplossing te kry vir wat ons as onregverdige en onrealistiese permitvereistes beskou. Ons…

Met ’n reusebelegging van R7 miljoen in ’n hidroponiese aanleg om witlof te verbou en markgereed te kry, het mnr. Fanie van der Merwe van Bronaar Plase in Ceres in die Wes-Kaap ’n kraakvars voordeel met dié groentesoort in Suid-Afrika. Hy is tans die enigste boer in Suid-Afrika wat witlof verbou en hy lewer reeds heeljaar vars produkte aan uitsoek-restaurante en kettingwinkels. Hoewel witlof reeds voorheen in Suid-Afrika verbou is en ook ingevoer is, is Fanie se geriewe die eerste wat 12 maande van die jaar witlof kan voorsien. Hy verwag dat die vraag daarna só sal groei dat hy vier keer meer as tans sal kan verbou. Fanie, besturende direkteur van Bronaar Plase, sê: “Ons is opgewonde om mense oor Suid-Afrika heen die geleentheid te gee om die veelsydige…

Boere én hul gades benodig goeie finansiële beplanning. Ons kyk na ’n paar risiko’s. Aftreebeplanning bestaan uit die opbou van geld voor aftrede en ’n inkomste ná aftrede. Uittree-annuïteite word as ’n spaarfonds gebruik wat op 55-jarige ouderdom beskikbaar word om ’n inkomste ná aftrede te verskaf. Oorweeg die volgende faktore om vas te stel wat die bydrae tot ’n uittree-annuïteit moet wees: ■ Hoeveel geld is beskikbaar om vir die doel by te dra? ■ Hoeveel jare is oor tot die persoon se aftree-ouderdom? ■ Tot op watter ouderdom moet geld beskikbaar wees? Bydraes aan ’n uittree-annuïteit kom in aanmerking vir ’n belastingaftrekking tot ’n maksimum van 27,5% van jou bruto vergoeding of belasbare inkomste (welke die hoogste is) tot ’n jaarlikse limiet van R350 000. By aftrede kan…

Die gebied tussen George en Uniondale waar die plaas Meulrivier geleë is, is dalk afgeleë, maar mnr. Gert Joubert meen dit is ’n voordeel. “Dis ’n gemeenskap waarin boere nog na mekaar omsien. Aangesien daar nie ’n dorp naby is nie, is ons afhanklik van mekaar. Die sosiale samehang is fantasties. Ons is ’n hegte gemeenskap en ruil raad en kennis uit. “Agri Bo-Kammanassie, ons landbouvereniging, is besonder aktief. Ons vergader vyf keer per jaar en kry dan inligting oor onder meer wetgewing en veiligheid. Vergaderings word goed bygewoon, en ten minste 30 lede daag gewoonlik op.” Gert sê die landbouvereniging hou geldsinsamelings deur byvoorbeeld ’n driekampbyeenkoms te hou, met perdry, hardloop en fietsry, en soms hou hulle ’n skuurdans. “Die hele familie word betrek en ons kuier lekker saam.…

Skaapvrektes weens Phalaris aquatica (Toowoomba-kanariegras) is onlangs in die Wes-Kaap aangemeld. Is nog inligting oor die vergiftiging beskikbaar? Die Engelse term staggers staan in Afrikaans bekend as stootsiekte. Phalaris-vergiftiging of staggers is ’n progressiewe neurologiese abnormaliteit by skape en beeste wat veroorsaak word deur die meerjarige gras Phalaris aquatica (Toowoomba-kanariegras) en die eenjarige gras P. minor (kanariegras). Vergiftiging in Suid-Afrika is in die Wes-Kaap en Mpumalanga aangemeld. Die gras ontsnap dikwels uit aangeplante weiding. In die Swartland veroorsaak dit veral probleme op afgeoeste lande of versteurde grond langs paaie. Vergiftiging vind plaas as die grasse die areas oorheers en diere dit dan vreet. Nuwe groei is veral giftig. Die vermoede is dat die gifstowwe in die gras drie triptamien-alkaloïede is wat struktuurgewys dieselfde as serotonien is. Hierdie gifstowwe veroorsaak senuweesimptome…

Gepiekelde kruiekomkommers 2grootkomkommersof5 klein komkommers Piekelvloeistof 750 ml wit druiweasyn 500 ml suiker 12 ml growwe sout 2 vars lourierblare 5 ml elk dillesaad, gemengde droë kruie, wit mosterdsaad en swart peperkorrels Sny die komkommers in dun skyfies en pak dit in ’n groot, gesteriliseerde glasfles. Verhit die res van die bestanddele in ’n kastrol tot die suiker gesmelt is. Verhit verder tot kookpunt en laat kook vinnig vir 1 minuut. Giet die warm vloeistof oor die komkommers in die fles. Verseël met ’n gesteriliseerde deksel en laat afkoel tot kamertemperatuur. Laat staan vir minstens drie dae voor jy die piekels gebruik. Lewer 750 ml piekels. Gepreserveerde sitrus 800glemoeneenClementines 500 ml water 250 ml witwynasyn 500 ml suiker 2 kaneelstokke 5 elk heel steranys, naeltjies en wonderpeperkorrels (pimento)…

SPEURVERHAAL MET SKOOT HUMOR Rooi haring deur Schalk Schoombie. Uitgewer: Human & Rousseau. Prys: R290 In Engels verwys die uitdrukking red herring na ’n leidraad of brokkie inligting wat opsetlik wil mislei of iemand weglei van die waarheid. Wanneer die glanssjef Hartman Swiegers se bevrore lyk in die instap-yskas en boonop op die openingsaand van sy eksklusiewe restaurant, Tydloos, gevind word, begin die soektog na die moordenaar. Was dit een van die gaste? Sy vervreemde broer Darius met wie hy vroeër die aand ’n onderonsie gehad het? Dalk Jimmy Brown, vir wie Hartman die middag woedend uit sy kombuis gejaag het? Of het die snipperige Latoya Jones, wie se resensiepen gif drup, iets met die moord uit te waai? Al leidraad is die twee stukkies opgerolde vis wat…

SORGHUM BYT VAS Suid-Afrikaanse sorghumboere het danksy oorlêstelsels en goeie reën die afgelope seisoen rekordopbrengste geoes. Hoewel die nasionale aanplantingsyfer op 42 350 ha van die laagste in die geskiedenis was, is die verwagte gemiddelde opbrengs net onder 3,6 ton/ha, wat ’n nasionale rekord sal wees. Mnr. Willem Groothof, voorsitter van Graan SA se sorghum-werkgroep, bevestig dat hoër as verwagte opbrengste vanjaar geoes word. Hy sê hulle sien uit na nuwe geneties gemodifiseerde (GM) kultivars wat beter opbrengste sal kan lewer, en binnekort beskikbaar behoort te wees. Dít sluit kultivars vir die meel- en moutmark in. Sorghum word wyd op die Springbokvlakte in Limpopo as kontantgewas en as deel van hul tradisionele wisselboustelsel geplant, en ook op plekke in die res van die somersaaigebied op veral lande waar mielies nie…

GAUTENG CARLETONVILLE ZEEKOEFONTEIN (573) 93 ha, aan Zeekoefontein-familietrust, van J.R. Strydom, R2 170 000. DERDEPOORT HOYLIESDALE (163) 943 ha, aan Kanivest 3177 (Edms.) Bpk., van Water Reus (Edms.) Bpk., R4 903 423. HAASKRAAL (490) 195 ha, aan J.A. van der Linde, van E. Bezuidenhout en J. Bezuidenhout, R3 600 000. HONINGKLIP (178) 54 ha, aan Kgabane International Trading (Edms.) Bpk., van Move-On-Up 87 (Edms.) Bpk., R3 200 000.KP (150) 257 ha, aan Awal Baru Boerdery (Edms.) Bpk., van Marjo-Anto Boerdery, R2 700 000. NIGEL BOSCHMANSFONTEIN (523) 184 ha en HARTBEEST-FONTEIN (522) 776 ha, aan Highland Night Inv 56 (Edms.) Bpk., van Imvusa Trading 2296, R10 540 122. DRIEFONTEIN (85) 22 ha, aan Ekurhuleni metropolitaanse munisipaliteit, van Living Africa 2 (Edms.) Bpk., R36 432 391. DRIEFONTEIN (85) 23 ha, aan Ekurhuleni…

BOEREDAE 22 JULIE: Swartland-ploegdag, aangebied deur die Wes-Kaapse Veteraantrekker-en-enjinklub. Môreson. Hennie Richter, e-pos: sekr.wk@telkomsa.net 9 AUGUSTUS: Gauteng-suiweldag. Belnori-boetiekkaasmakery, Bapsfontein (Gauteng). Sprekers sluit in Benita Bekker van Bloemfontein, Kobus Mulder van Kaapstad, Leon Kruger van die LNR Irene, dr. Brylene Chitsunge en dr. Chris van Dijk. Daar sal ook demonstrasies van hoefsny en onthoorning wees. Verskaffers van onder meer dierevoer en -medisyne, benodigdhede vir kaasmakery en sonkragverhitting sal stalletjies hê. Besprekings noodsaaklik. E-pos: Belnori220@gmail.com; tel. 082 377 5698. 11-12 AUGUSTUS: Wes-Kaapse Veteraantrekker-en-enjinklub se ekspo. Villiersdorp. Hennie Richter, e-pos: sekr.wk@telkomsa.net 17-19 AUGUSTUS: Sentrale Boerbok-veiling en -ekspo. Afridome, Parys. Caroll-Ann Mienie, sel 079 477 4416; e-pos: admin@afridome.co.za. 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Sprekers: Hendrik van Pletzen (Genetiese vooruitgang danksy gehalteramme en die ekonomie), dr. Faffa Malan (Johne…

R40 miljard Die verliese aan mielies weens die herfskommandowurmplaag kan vanjaar tot $3 miljard of R40 miljard beloop, volgens die Centre for Agricultural and Biosciences International. Tot dusver is 300 000 ha mielies vernietig. In Kenia is amper 104 000 ha mielies vernietig, 90 000 ha in Zambië, 17 000 ha in Malawi, 130 000 ha in Zimbabwe en meer as 40% van Uganda se aanplantings. — Business Daily Africa R16 000 Vyf semenstrooitjies van die top-Italiaanse Chianinabul Lio di Maria Bianca is vir R16 000 elk verkoop op O-La-La Chianinas se produksieveiling by Badplaas. ’n Beesembrio is op dieselfde veiling vir R50 000 verkoop. O-La-La is die enigste teler wat nog semen het van dié bul, wat in 2005 gekies is as die Chianina-rasverteenwoordiger op daardie jaar se wêreldkongres…

ONDANKS Katar se uitsonderlik hoë persoonlike inkomste van $130 000 per kop per jaar, het dit ’n opvallende swakheid – die klein woestynskiereiland voer nagenoeg 90% van sy kos in. Nou, met die blokkade wat die land se bure ingestel het weens bewerings dat hy militante steun, het die blokkade die potensiaal geskep vir voedseltekorte, kosinflasie en onrus. Ernstige tekorte is tot dusver net afgeweer deur haastige ooreenkomste met Iran en Turkye, wat kos per lug en skip aanry. Katar is ’n voorbeeld van ’n nasie wat potensieel oorgerus gemaak is deur sy welvaart. Hoekom jou eie kos verbou as jy dit eenvoudig kan inkoop? Die land het ook ’n groot kosvermorsingsprobleem, wat vererger word deur ’n kultuur van sosiale uitspattigheid. Dit blyk of die land tot dusver min aandag…

PLAASVEILIGHEID: WANNEER MAG JY SKIET? Mnr. Butch van Blerk, direkteur van Bill Tolken Hendrikse Ingelyf en gereelde bydraer tot die Kundiges-afdeling op Landbou.com, beantwoord vrae oor regmatige doodslag as deel van Landbouweekblad se veiligheidsreeks. THOMAS skryf: Wat dit so uiters moeilik maak, is dat dit tien teen een te laat is teen die tyd dat jy bepaal het of jou lewe in der waarheid bedreig word. Sou dit help as dit wettig was om ’n hengse groot teken met ’n lig teen jou hek te sit wat duidelik sê dat enige ongemagtigde oortreder geskiet sal word? Gegewe die hordes mense wat vermoor word, is dit absoluut belaglik van die gereg om te verwag dat ’n redelike persoon veral in die nag moet vasstel wie of hoe groot ’n inbreker is…

TWEE multinasionale graanhandelaars het na bewering R400 miljoen tot R450 miljoen aan belastingvrystellings in hul sakke gesteek omdat die Regering nie wakker genoeg was om ’n skuiwergat in die toepassing van invoerkwotas vir koring uit die Europese Unie raak te sien nie. Die bedoeling van die vrystellings was dat Suid-Afrikaanse verbruikers minder sou hoef te betaal vir koring wat goedkoop ingevoer word. Die voordeel het egter reguit na die maatskappye gegaan weens ’n reëling dat die kwota kragtens dié ooreenkoms toegestaan word aan die eerste party wat daarvoor aansoek doen. Die kwytskelding is toegestaan kragtens die ekonomiese vennootskapsooreenkoms (EPA), wat die Suider-Afrikaanse Doeane-unie verlede jaar met die Europese Unie (EU) gesluit het. Daar is ingestem dat die EU 300 000 ton koring tariefvry na Suider-Afrika kon uitvoer. Daarvan is 248…

1 EGIPTE| Katoenbedryf bult sy spiere Egipte wil vanjaar sy katoenuitvoer verdubbel nadat die oesvolume en -gehalte in die nadraai van die Arabiese Lente dramaties gedaal het. In die produksiejaar 2017-’18 word beoog om sowat 1,4 miljoen bale katoen van 160 kg elk te lewer, teenoor sowat 700 000 bale in die huidige seisoen, waarvan alles vir uitvoer bestem is. Aanplantings vir 2017-’18 beloop 89 000 ha, teenoor 52 600 ha in die huidige seisoen. Weens swak regulering het die gehalte van Egiptiese katoen sedert 20 1 1 kwaai begin daal. Verlede jaar het die regering die plant van alle katoen behalwe dié van die heel beste gehalte verbied om die produk se reputasie te beskerm. Vervalsings het ook die wêreldwye vraag na egte Egiptiese katoen opgestoot. — Saudi Gazette…

Die polisie het ’n stokkie gesteek voor die spoedige opklaar van onsekerheid oor wat word van vuurwapens waarvan die lisensies verval het nadat hy kennis gegee het dat hy gaan appelleer teen ’n uitspraak wat dele van die Wet op die Beheer van Vuurwapens (Wet 60 van 2000) ongeldig verklaar. Regter Ronel Tolmay van die Noord-Gautengse Hooggeregshof het op 4 Julie in ’n sterk bewoorde uitspraak beveel dat dele van die wet wat handel oor lisensiehernuwing en die omstandighede waarin ’n vuurwapen aan die staat verbeur moet word, herskryf word omdat dit geen voorsiening maak vir die hernuwing van ’n lisensie ná die vervaldatum nie. Dit het vermoedelik duisende vuurwapeneienaars oorgekom wat bloot vergeet het om betyds hul lisensies te hernu. Geen verdere aksie sou moontlik gewees het ná die…

Lae pryse en ’n ooraanbod tamaties op nasionale varsproduktemarkte gaan waarskynlik tot aanstaande jaar ’n wurm in tamatieboere se slaai wees. Mnr. Clive Garrett, bemarkingsbestuurder by die boerdery ZZ2, sê dié winter se warmer weer, ’n gebrek aan ryp, beter produktiwiteit en nuwe toetreders tot die bedryf is alles redes vir die huidige ooraanbod. Volgens mnr. Deon van Zyl, uitvoerende hoof van RSA Markagente, is veral produsente in sekere streke, soos Brits en in die Bosveld, tans in ’n bonustydperk. “Normaalweg het die ryp en koue hulle reeds teen Mei of Junie uit die tamatiemark gehaal, maar hulle oes steeds. Die produsente wat nie in die laatsomer en vroeë winter gelewer het nie en nou eers op die mark kom, gaan die swaarste trek.” Volgens Garrett moet tamaties van ’n…

’N ONMISKENBARE verband bestaan tussen hoër belasting vir grond en die waardevermindering van grond, waarsku Besigheidseenheid Suid-Afrika (Busa) in sy kommentaar op ’n plan vir nóg welvaartbelasting. Die landbou-sakekamer Agbiz beaam dié siening. As ’n bykomende belasting op grond ingestel word en dit bring waardevermindering mee, soos wat in ander lande gebeur het, sal dit die kollaterale waarde van die lener bedreig en waarskynlik die risiko vir lenings aan die landbousektor verhoog, sê mnr. Theo Boshoff, bestuurder van regsintelligensie by Agbiz. In die geval van landbougrond sal bykomende belasting produksiekoste verhoog, wat weer sal meebring dat die verbruiker meer sal moet betaal vir kos wat daarop geproduseer is. “Só ’n resultaat kan nie beskou word as ’n bydrae om ongelykheid te verminder nie, want dit is altyd die armes wat…

Die verskil tussen meer of minder wins word deur tydige prysbesluite bepaal. Jy moet weet wanneer die prysgeleentheid kan voordoen en of dié prysvlak jou winsdoelwitte pas of nie. Jy moet ’n bogemiddelde prys behaal wat tot bogemiddelde winste kan lei, en dan beter vaar as die helfte van jou medeprodusente. Niemand wil ondergemiddelde pryse behaal nie en dit bly ’n probleem om ’n goed ingeligte besluit oor pryse te neem in die lig van onsekere beleids- en ekonomiese omstandighede. KREDIETAGENTSKAPPE Weet op watter aspekte kredietagentskappe klem lê, want dit kan jou ’n idee gee van wanneer geleenthede vir besluite oor pryse kan voordoen. Kredietagentskappe kyk byvoorbeeld of Suid-Afrika se beleidsonsekerheid kan toeneem of verminder. Hulle neem ook toekomstige ekonomiese groei in ag. As Suid-Afrika weens beleidsonsekerheid tot rommelstatus afgegradeer…

Eeue lank al is die mens lief vir ’n stukkie vleis. Die soort vleis en die voorbereiding het oor die jare van land tot land verander, maar vleis as ’n wesenlike deel van die mens se dieet het gebly. Vandag nog is dit hoog op die spyskaart van mense oor die hele wêreld heen. Maar waar kom die vleis vandaan, wie lewer die meeste en wie eet die meeste? In die artikel word gekyk na die lande wat die meeste produseer en die meeste verbruik, en hoe Suid-Afrika daarmee vergelyk. BEESVLEIS Beesvleis sluit vir die doel van die artikel bees- en kalfsvleis in. Amerika is die grootste beesvleisproduserende land en produksie het verlede jaar 11,39 miljoen ton beloop. Dit is die enigste land wat meer as 10 miljoen ton produseer…

As jy ’n boerderybesigheid het en ook ’n aandeel van 80% in ’n trust (wat landbougrond bevat), sal dit beter wees om die trust se grond te verhuur aan my eie besigheid (met die trust se goedkeuring) of sal ek meer baat vind deur op die grond te boer deur die trust en net 80% wins te neem? My persoonlike voorkeur is om die vaste bates (plaas) in die trust te hou en die bedryfsdeel (goed met wiele en pote) in ’n beslote korporasie of maatskappy. Hierdie entiteit behartig die boerdery en huur die grond by die trust. Die nuwe artikel (7C) is van 1 Maart 2016 af by die Inkomstebelastingwet (Wet 58 van 1962) ingesluit. Dié artikel is van toepassing as ’n natuurlike persoon of verbonde maatskappy ’n lening…

Vet fietse met hul breë bande het ’n jaar of twee gelede die wêreld met mening getref, maar die aanvanklike groei was nie volhoubaar nie. Ek kan nie met sekerheid sê waarom dit nie behoorlik vlamgevat het nie, maar die swak wêreldekonomie het beslis ’n rol gespeel. Pad- en bergfietsryers het eerder gehou by wat hulle het, pleks daarvan om ’n derde perd aan te skaf. Dis darem nie alles verlore nie, want ’n klein, maar gesonde en avontuurlustige vetfietsgemeenskap het tog posgevat en dié fietsryers is veral entoesiasties oor toere waar die vetties hul staal kan wys. Die georganiseerde fietsvakansies wissel van kort dagtoere tot meer gespesialiseerde toere wat jou uithouvermoë toets. Sommige toerbestuurders verhuur ook vet fietse sodat jy steeds ’n aandeel in die pret kan hê sonder…

KLEIN BYEBOERE KAN PRODUKSIE BEVORDER Boere moet aangemoedig word om op onbewerkte grond byevriendelike gewasse, soos lusern, vir heuningproduksie te verbou. Suid-Afrika behoort ook reservate met kos vir bye in byevriendelike gebiede te vestig, sê mnr. Mike Miles, voorsitter van die Suid-Afrikaanse Byebedryfsorganisasie (Sabio). Terwyl die vraag na kommersiële bestuiwingsdienste groei, taan die plaaslike heuningbedryf. “Daar is groeiende belangstelling in die aanhou van bye as ’n stokperdjie en in kleinskaalse bye-ondernemings,” sê Mike. “Stokperdjie-byeboere dra nie tot plaaslike heuningproduksie by nie, maar as die getal klein byeboere (diegene met 200-500 byekorwe) groei, sal dit wel tot groter heuningproduksie lei.” Heuning behoort volgens Miles as ’n nismark beskou te word en die potensiaal vir uitvoer moet ondersoek word. Die byebedryf se grootste probleem is die tekort aan goeie kos. Klimaatsverandering speel…

Sy ondervinding in finansiële dienste het mnr. Allan Immelman (56) gehelp om baie vinnig ’n beter begrip te kry van wat dit beteken om winsgewend te boer. Hy het in 2013 die plaas Petrusstroom by Howick in KwaZulu-Natal gekoop en vanjaar heeltyds begin boer. Saam met die plaas het Allan ook die bestaande beeskudde gekoop. Die kudde met 106 koeie bestaan uit ’n eenvoudige heen en weer kruising van die Sussex en die Bonsmara. “Ons het die plaas gekoop omdat dit op ’n bewese sakemodel geskoei is. Die voordeel is dat ek daarop kan klem lê om die bestaande kudde te verbeter en jonger diere kan inbring, terwyl die ander takke van die boerdery voortgaan.” TEELPROGRAM Allan wil jonger beeste by die kudde infaseer, maar hy wil die kudde se…

Die Sussexstoetery Eversar se teeldiere kom uit die beste beskikbare teelmateriaal in Suid-Afrika en het uitmuntende eienskappe. Bulle word geselekteer vir bespiering, ’n gladde haarkleed en groeivermoë. Ná speen ondergaan alle bulle ’n fase Dtoets op die veld. “Ons doel is nie maksimum groei nie, maar om swak groeiers uit te skakel. Ná die fase D-toets bly die bulle op die veld met net ’n lek,” sê mnr. Chris Nel van Eversar. “Die bulle word dan weer op die veld afgerond vir ons jaarlikse produksieveiling in September. Hulle word dus nooit in ’n kraal afgerond nie. Hulle is gewoond aan stap, is fiks en maklik aanpasbaar.” Vroulike diere word geselekteer vir ’n gladde haarkleed, melkproduksie, vrugbaarheid en aanpasbaarheid. Koeie wat nie elke jaar dragtig is en ’n goeie kalf speen…

ALL BLACK GERT Ek het met ’n eienaardige tevredenheid gesit en kyk hoe die All Blacks die toetsreeks teen die Britse en Ierse Leeus moes deel. Dit was eienaardig omdat ek nog nooit baie tyd vir die bleek Engelse kapokhaantjies gehad nie (die Iere is darem beter — hulle was minstens aan ons kant in die Anglo-Boereoorlog), maar ook omdat bewondering vir die All Blacks se geniale rugby ’n natuurlike reaksie is. My tevredenheid met die gelykop uitslag was deels ook danksy die wete dat ek nie weer vir Gert Miggel sou moes probeer vermy nie. Ons gebou se joviale hoof van parkering is ’n vurige All Blackondersteuner (en ’n Stormer). Vroegoggend gesels hy graag rugby. Op triestige, donker, Kaapse Maandagoggende loop ek gewoonlik draaie om Gert nadat die Springbokke…

Die swart Anguskoei Black Mamba Nelene van die naweekboer MNR. JACO SMIT van Moorreesburg is pas aangewys as bronswenner in die internasionale Angus Miss World-kompetisie in Texas, Amerika. Lees op bl. 36 meer oor sy boerdery op geleende en huurgrond. VERTEL VAN JOU GESIN. Ek het ’n 5-jarige seuntjie, Theo, vir wie ek eintlik maar boer, want hy is my alles. Hopelik neem hy eendag die stoetery tot nuwe hoogtes. WAT IS JOU STOKPERDJIES? Visvang, kamp en beesteling. WAAR HOU JY VAKANSIE? Op Dwarskersbos, waar my siel rus. WAT LEES JY GRAAG? Landbouweekblad, enige boek oor die landbou, beeste en visvang, en die Bybel. WATTER SPORTSPANNE ONDERSTEUN JY? Ek ondersteun die Stormers en die Cheetahs, asook die Moorreesburg Tiere. Ek was ’n groot Springbokondersteuner, maar deesdae bid ek eerder vir…

‘Ek het uitgevind dit gaan aan die einde van die dag nie oor wat gelewer word nie, maar in watter mate jy ’n politikus tevrede kan stel.’ SY weiering om dokumente te onderteken rakende dienste waarvoor daar nie tenders gevra is nie, asook ’n voortdurende koppestampery oor kwessies binne die afdeling visserye, sit waarskynlik agter die skorsing van mnr. Mike Mlengana, direkteur-genraal (DG) van die Departement van Landbou, Bosbou en Visserye. Luidens ’n verklaring van die departement het mnr. Senzeni Zokwana, Minister van Landbou, Bosbou en Visserye, Mlengana geskors as ’n “voorsorgmaatreël” hangende ’n interne ondersoek. Die ministerie wou nie uitbrei oor wat dié ondersoek behels nie. Landbouweekblad het egter vasgestel dat ’n ondersoek na Mlengana gelas is omdat “sy werkprestasie nie na wense is nie”. Mlengana, wat verlede Julie…

HOEWEL boere dankbaar is vir die reën wat op 9 Julie oor groot dele van die droogtegeteisterde Wes-Kaap geval het, was dit veels te min om ’n noemenswaardige verskil aan damvlakke en grondvog te maak. Mnr. John Slabbert, koringboer van Skilpadvlei naby Moorreesburg, het 5,5 mm reën gemeet. “Elke week val daar bietjiesbietjies reën. Die koring het later opgekom en die seisoen is later. Die grond lyk groen, maar dis nie lekker nat nie.” Tog probeer hy optimisties bly en glo goeie reën is op pad. Mnr. Francois Eksteen, skaapen-koringboer van Piketberg, sê hy is moedeloos, want weiding is min en die ruvoer is op. Eksteen het verlede naweek 8,5 mm en 9 mm op sy twee plase gemeet. “Ons het opvolgreën nodig. Die grond is nie goed nat nie.…

DIE Departement van Landelike Ontwikkeling en Grondhervorming gaan twee sleutelfunksies aan die Presidensie afstaan. Nasorg vir grondhervorming én die toepassing van die Wet op Ruimtelike Beplanning en Grondgebruikbestuur (Spluma) gaan op aanbeveling van die Presidensie se departement van monitering en evaluering oorgedra word. Dit volg kort ná die aankondiging dat die herkapitaliseringsprogram na die Departement van Landbou, Bosbou en Visserye gaan skuif. Boonop het die Kommissie vir die Herstel van Grondregte verlede jaar begin om groter outonomiteit te bewerkstellig deur vir die boekjaar einde 2017 sy eerste losstaande jaarlikse prestasieplan in te dien. GELDMORS Die skuif van die herkapitaliseringsprogram volg ná bevind is die reddingsplan vir sukkelende grondhervormingsplase regverdig nie naastenby die geld wat daar ingeploeg word nie. Dis vaag, oorambisieus en verhoog boonop swart boere se afhanklikheid van staatsgeld.…

‘Suid-Afrika het ’n reuseprobleem ten opsigte van multirisiko-oesversekering. Dit raak min of meer onvolhoubaar.’ DIE hoë koste en beperkte beskikbaarheid van multirisiko-oesversekering kan uiteindelik ook die beskikbaarheid van produksiefinansiering raak, waarsku mnr. Dawie Maree, hoof van inligting en bemarking by FNB Landbou. Oesversekering is ’n belangrike instrument vir risikobestuur, en boere kan nie sonder risikobestuur produksiefinansiering kry nie, veral as hulle nie genoegsame sekuriteit, soos grond, het nie. Maree het op die Farmer’s Weekly Agribusiness Africa-konferensie gepraat tydens ’n sessie waarin Suid-Afrika se gereedheid vir ’n volgende droogte bespreek is. Die oesversekeringsprodukte wat tans in die land beskikbaar is, is uitgebreide versekering teen hael en multirisiko-oesversekering, maar 80% van die premies is afkomstig van versekering teen hael, het Maree gesê. In die laaste elf jaar het ses jare negatiewe resultate…

WILDBEDRYF SA (WRSA) verwag dat daar eersdaags nuwe regulasies oor abattoirs aangekondig sal word wat dit vir wildboere moontlik sal maak om wild wettig vir menslike gebruik op hul plase te oes en te slag. Ingevolge bestaande wetgewing moet daar altyd by elke abattoir ’n vleisinspekteur van die Departement van Landbou, Bosbou en Visserye aan diens wees. Dit maak dit byna onmoontlik vir klein, mobiele abattoirs wat net vir ’n paar dae op ’n wildsplaas werk, om wettig te funksioneer. Dr. Peter Oberem, voorsitter van WRSA, het verduidelik dat die departement nou bereid is om boere toe te laat om van hul werkers as karkas-inspekteurs op te lei. Sulke inspekteurs kan dan die eerste reeks inspeksies tydens die slagproses waarneem, voordat vleis na groter verwerkingsaanlegte verskuif word waar dit die…

GWK is in rou ná die afsterwe van mnr. Johann (Bok) Klopper (40), groepfinansiële direkteur van GWK die afgelope vyf jaar. Hy is 7 Julie in die St. George’s-hos pitaal in Port Elizabeth oorlede aan beserings wat hy in ’n rooftog op 1 Julie opgedoen het. “Ons sal Bok onthou as ons kollega wat altyd tyd gehad het vir ’n grappie of geselsie. Hy was ’n GWK-man in murg en been,” sê mnr. Llewellyn Brooks, groepbesturende direkteur. Klopper het 15 jaar vir GWK gewerk en was net 35 toe hy as groep- finansiële direkteur aangestel is. Voorheen was hy hoof van finansiering en hoof van die interne oudit-afdeling. Brooks sê Klopper het ’n “reuse-rol” in GWK se groei gespeel en mense tot verskillende groot deurbrake vir die maatskappy gelei. Hy…

Die nuwe, hersiene koringinvoertarief wat op 23 Junie in die Staatskoerant afgekondig is, het tot gevolg gehad dat die Safex-koringprys binne twee dae met sowat R400/ ton gedaal het tot digby R3 800/ton. Die invoertarief is ingevolge die nuwe formule verlaag van R1 190,20/ton tot sowat R947,20/ton. Na verwagting sal die tarief binnekort verder verlaag word tot R483,76/ton. Die beskerming wat koringboere met die invoertarief van die staat kry, het dus afgeneem van R1 591,40/ton in Julie verlede jaar tot die verwagte R483,76/ton. Die Safex-koringpryse het getuimel en is tans sowat R1 000/ton laer as in die vorige produksietyd. Dit is natuurlik ’n ander vraag of die laer koringpryse daartoe gaan lei dat broodpryse daal. Terloops, broodverkope daal in sekere streke, wat aan die resessie toegeskryf word. KAN BOERE MEEDING?…

Verbruikers wat nie meer suiwelprodukte wil koop nie en eerder plaasvervangers, soos soja-, amandel- of rysmelk verkies, plaas die toekoms van die melkbedryf in die weegskaal. Dr. Jude Capper is ’n Britse dierewetenskaplike en volhoubaarheidskonsultant wat die produktiwiteit van vee- en voedselstelsels ondersoek. Volgens haar berus die volhoubaarheid van enige bedryf op ekonomiese lewensvatbaarheid, maatskaplike aanvaarbaarheid en omgewingsverantwoordelikhede. “Die ekonomiese sy is belangrik, maar die maatskaplike komponent is dalk die grootste bedreiging waardeur die suiwelbedryf in die gesig gestaar word. As verbruikers nie suiwelprodukte wil koop nie, gaan ons binne ’n paar jaar nie meer ’n suiwelbedryf hê nie,” het sy op die Durbanville-boerevereniging se algemene jaarvergadering gesê. Vir sowat 65% van verbruikers is dit belangrik om te weet waar hul kos vandaan kom. “Dis goed as verbruikers die regte…

Op 4 Oktober 1957 het ’n metaalvoorwerp van skaars 58 cm in deursnee ’n internasionale krisis ontketen. Uit ’n tegnologiese oogpunt was hierdie voorwerp niks besonders nie omdat dit bloot radio-impulse op ’n spesifieke golflengte uitgesaai het. Wat dit egter uitsonderlik gemaak het, is dat dit die eerste mensgemaakte voorwerp in die ruimte was. Hoewel die Russiese Spoetnik in ’n wentelbaan van 1 450 km bo die aardoppervlak was, kon dit met die blote oog waargeneem word en kon amateur-tweerigtingradio-operateurs op die satelliet se frekwensie inskakel. Ondanks die Spoetnik se eenvoud was die impak van dié satelliet kolossaal omdat dit die ruimtewedloop veroorsaak het wat uiteindelik tot die eerste maanlanding sou lei. Boonop was dit die voorloper van die satelliettegnologie waarvan ons vandag so afhanklik is. Die gebruik van satelliettegnologie…

Mnr. Jaco Smit is ’n gekwalifiseerde junior Angus-beoordelaar op skoue en dien sedert 2014 op die SA Nasionale Angusraad. Hy was in 2014 die Angus-persoonlikheid van die Jaar, en is in 2015 aangewys as die Nasionale Jong Angusteler van die Jaar. In 2015 het een van sy diere die vierde plek in die SA Stamboek Elitekoeikompetisie in die Wes-Kaap beklee, en verlede jaar die tweede plek. Naas sy werkverpligtinge en boerdery doen Jaco ook konsultasiewerk en help Angusboere met bestuursprobleme, en verkoop en koop Angusbeeste landwyd namens ander telers.…

WATTER TEGNOLOGIE IS ONONTBEERLIK IN JOU BOERDERY? DFM-vogmeters en probe schedule- sagteware. Vanjaar was ’n besonder droë jaar in die Langkloof en ons moes ons water baie noukeurig bestuur om die oeste deur te kry. Met hierdie tegnologie weet ek te alle tye presies wat die grondvogstatus is. Waar ek ook al is, kan ek met die selfoon sien presies wat in elke boord aangaan en ek kan vinnig regstellings maak indien ’n spesifieke boord droog is. WAT MAAK JOU WERK LEKKER? Ek kan in die natuur werk en sien hoe die bome groei ná alles wat ons gedoen het. Ek kan sien hoe die bome reageer as hulle reg behandel is. Dit is ook lekker om te sien hoe die plaas se mense ontwikkel namate die plaas ontwikkel en…

WATTER TEGNOLOGIE IS ONMISBAAR IN JOU BOERDERY? Ons grassnyer, voermengskuur en voermenger. Dit stel ons in staat om ons ou gras te benut, maar ook om die gehalte van ons diere se rantsoene te bepaal. Die voer wat ons self meng, bring ’n groot besparing mee wat geld beskikbaar maak vir ander belangrike aspekte, soos die genetiese toetsing van al ons diere. Gras bly die grondslag van alle voer. Ons vul die res van die mengsel aan na gelang van seisoenale behoeftes. WIE IS JOU LANDBOUMENTORS? Professors Scott, Booysen en Tainton — my drie professors by die Universiteit van Natal en ook prof. Jan Bonsma. WAT IS JOU RAAD AAN ANDER WILDBOERE? Lees prof. Bonsma se boek: Om te meet is om te weet. WAT IS DIE GROOTSTE FOUT WAT…

Korkom-produsente het in 2014 besluit om hul eie navorsingsprojek van stapel te stuur om oplossings vir probleme met die swam Fusarium oxysporum forma specialis cepae te vind. “Tans is daar geen doeltreffende bestuurstrategie teen Fusarium by uie nie,” sê mnr. Retief du Toit, plaasbestuurder van ZZ2 se Loch Lynne-boerdery in die Koue-Bokkeveld en voorsitter van Korkom se navorsingskomitee. Dié swam is die grootste oorsaak van verliese vir boere in die streek. Die navorsing is in Januarie 2015 aangepak onder leiding van prof. Adéle McLeod van die Universiteit Stellenbosch. Die projek word deur ’n vennootskap tussen die openbare en private sektor gefinansier. “Die Post Harvest Innovation Programme is ’n vennootskap tussen die Varsprodukte-uitvoerdersforum en die Wes-Kaapse departement van wetenskap en tegnologie. ’n Bedrag van R162 000 is tans al bewillig, met…

BESPROEIING FILTERS VAN VLEKVRYE STAAL Die Sigma-reeks is die jongste toevoeging tot Amiad Filtration Systems se besproeiingfilters, wat plaaslik deur Agriplas versprei word. Dit volg op hul Filtomat-reeks, wat landwyd gebruik word. Sigma is geskoei op die beginsel van ’n onbeweegbare skeidingsvlak tussen inkomende en uitkomende water . In die Sigma-filters is dit ’n vlekvr yestaal-skerm. Daar is drie in-en uitlaatgroottes: 100 mm, 150 mm en 200 mm. Vloeitempo’s wissel van 80 m3 tot so hoog as 220 m3 per uur, en die maksimum werksdruk is 1 000 kPa. Die filtrasie-deurlaatbaarheid strek van 80-300 mikron. PRYS : Besoek www .agriplas.co.za vir die pryslys. Navrae: E-pos: sales @agriplas.co.za, tel. 021 917 7177, 013 755 3510 of 011 908 2204. HAMERMEUL MAAL WATTELBOME VIR VEEVOER As die onlangse droogte jou oortuig het…

Geloof moet uit en uit op God en sy plan gerig wees. As ek vooraf geweet het wat om te verwag van die besoeker met sy moeilike vrae, sou ek dalk in die versoeking gekom het om hom elders heen te verwys. Maar hier was ek nou onverwags vasgekeer. Die man voor my was welgekleed en intelligent. Hy het ’n probleem gehad wat hom al ’n ruk lank pla en hy wou dit met my bespreek. Reguit, en sonder omhaal van woorde, het hy vertel: “My probleem is dat ek nie geloof het in my geloof nie. Of beter gestel: Ek vind my geloof so jammerlik swak.” Hy het vinnig voortgegaan: “Ek beskou myself as ’n gelowige. Ek het so grootgeword en tot op hierdie oomblik kan ek nie verstaan…

INTERNASIONAAL: Die mielieprys op die Chicago-graanbeurs het met 5,2% tot $148,67/t teenoor die vorige week gestyg. Op ’n jaargrondslag is dit 9,7%, of $13,16/t, hoër. Verwagte pryse: Aug. – $153,54/t (R2 052/t), Sept. – $157,63/t (R2 106/t), Des. – $162,59/t (R2 173/t), Mrt. – $166,13/t (R2 220/t). PLAASLIK: Die Safexprys van wit mielies het met 8,7% tot R1 856/t teenoor die vorige week gestyg. Die prys van geel mielies het met 7,5% tot R1 975/t gestyg. Op ’n jaargrondslag is die prys van wit mielies 60%, of R2 780/t, laer, terwyl die prys van geel mielies 41,4%, of R1 398/t, laer is as verlede jaar. Verwagte witmieliepryse: Aug. – R1 866/t, Sept. – R1 905/t, Des. – R1 982/t, Mrt. – R2 030/t. Verwagte geelmieliepryse: Aug. – R1 995/t, Sept.…

CMW verwag een van sy beste jare nóg in sy veeverhandelingsafdeling nadat die prys van slagvee die hoogte ingeskiet het. Mei én Junie het reeds ’n rekordomset opgelewer, sê mnr. Chris Troskie, hoof van die veebemarkingsafdeling by die maatskappy. Die tekort aan slagvee, veral weens die droogte, en boere wat hul kuddes opbou, is bydraende faktore tot die uitstekende vleispryse. Die prys van speenkalwers het begin Julie teen gemiddeld R34/kg (lewend) verhandel. Op ’n produksieveiling op Barkly-Oos is dragtige Dohne-Merino-ooie teen gemiddeld R2 700 stuk verkoop. In dieselfde distrik het koeie met kalwers tot soveel as R20 000 per paar op ’n veiling behaal. Die gemiddelde prys in ander dele van Suid-Afrika is sowat R15 000. “Die kopers is hoofsaaklik graanboere wat oortuig is dat hulle meer geld in hul…