Indholdsfortegnelse for 04-Aug-17 i Landbouweekblad

DIE GHWARRIES IS GAAR Namate die knellende droogte in die winterreëngebiede boere ál harder ry, is verdorde landerye en leë damme nie meer ’n ongewone gesig nie. Iets wat mnr. Gert Lerm (62) van die plaas Warmwater naby die Calitzdorp-spa egter in sy 62 jaar op aarde nog nooit gesien het nie, is ’n droogte wat so straf is dat selfs die geharde ghwarriebome wat die hele Klein-Karoo vol staan, begin vrek. Hy verwag dat ’n paar honderd bome teen September daarmee heen gaan wees. Hy het einde verlede jaar agtergekom die bome begin verkleur. Teen Maart was hulle erg vaal, en teen Mei was hulle morsdood. “Ons het al droogte ervaar, maar hierdie is ’n ongekende droogte,” sê hy. JAPIE GROBLER Mnr. Japie Grobler, voormalige hoof van Nampo en…

DIE leier van ’n Zimbabwiese boereunie het wit Suid-Afrikaanse boere gewaarsku hulle moet instem tot ’n ooreenkoms om grond met die swart meerderheid te deel voordat hulle soos boere in Zimbabwe op gewelddadige wyse van hul eiendom verwyder word. Ofskoon pres. Jacob Zuma onderneem het dat enige grondhervorming rasioneel en binne die wet sal geskied, is daar kommer dat populisme kan lei tot ’n situasie soortgelyk aan dié in Zimbabwe in die vroeë 2000’s. “Ons was arrogant. Ons het gedink hulle sal nooit die grond vat nie omdat ons te belangrik was vir die ekonomie,” het mnr. Peter Steyl, voorsitter van Zimbabwe se kommersiële boere-unie, gesê. “Jy dink dit sal nooit met jou gebeur nie, tot gewapende mense by jou voordeur opdaag. Dan raak dit vinnig ’n werklikheid. “Boere in…

■ In die artikel “Kleurvariante se fut ’nog nie uit’ ” (L BW , 28 Julie, bl. 44) is verkeerdelik berig dat mnre. Nico en Werner van Tonder verlede jaar as vennote uit die Soetvelde Farms getree het. Hulle is nog albei aktiewe vennote in Soetvelde Farms. ■ Die verkeerde byskrif het by die foto van die Monosem Twin-Row, ’n dubbelry-graanplanter, verskyn (L BW , 30 Junie, bl. 55). Die byskrif moet lees: Met Monosem se nuwe Twin-Row-tegnologie kan geenbewerkingsboere nou hoër plantbevolkings in dubbelrye plant. Elke Monosem Twin-Row-planter het verskeie eenhede (“karretjies”), wat deur Monotec van Kaapstad vervaardig en versprei word. Op elke “karretjie” is twee planteenhede (“plantbakkies”), wat verseker dat daar ’n spasie van 21 cm tussen die twee rye saad is. Die twee “plantbakkies” word deur die…

‘Die rede waarom die klag na sekondêre diefstal verander is, is vir ons duister.’ TEN SPYTE van ’n bedrogsaak teen mnr. Orton King (foto), uitvoerende direkteur van die Megagroep, ’n siviele saak teen Agri Mega en grootskaalse afleggings by dié maatskappy, is alles glo op koers vir die 25ste Agri Megaweek om in September op Bredasdorp gehou te word. King is in Mei in hegtenis geneem ná ’n lid van Agri Mega se direksie ’n klag van bedrog van R2,3 miljoen aanhangig gemaak het. Dit is intussen verander na ’n klag van sekondêre diefstal. Mnr. Alan Winde, minister van ekonomiese geleenthede in die Wes-Kaap, het ook bevestig dat die provinsiale departement van landbou ’n siviele saak teen Agri Mega NPC (’n onderneming sonder winsoogmerk) gemaak het op grond van kontraktuele…

KONTANTGEWASSE en weidings in die suidelike deel van die Wes-Kaap lyk nie goed nie. Dit kan toegeskryf word aan min somerreën in die voorseisoen en baie laat winterreën. “Dinge lyk nie besonder rooskleurig nie,” sê mnr. Henk de Beer, hoofbestuurder van bedrywe by Sentraal-Suid Koöperasie (SSK) op Swellendam. Dié toestande word vererger deur lae koringen garspryse. De Beer sê met die droogte bly SSK se gewilde wisselbouproewedag, wat die afgelope 15 jaar op die Jouberts se plaas buite Riversdal aangebied word, ook in die slag. “Die proewe lyk nie goed nie en is só laat dat min daarvan op die beplande datum van 23 Augustus van veel waarde gaan wees. Ons het dus besluit om vanjaar af te stel. Dit is baie jammer, maar ons glo dis die beste in…

DIE VOERKRAALBEDRYF trek tans swaar weens ’n reusevraag na speenkalwers. Volgens mnr. Hein Volgraaff, hoof van BKB in die Wes-Kaap, is dié situasie toe te skryf aan ’n sameloop van omstandighede. “Die droogte in die noorde van die land, wat boere gedwing het om van baie teeldiere ontslae te raak, is gebreek. Nou begin boere weer diere koop om hul kuddes op te bou. Voeg daarby die goeie mielie-oes wat die mieliepryse laat daal, en dit veroorsaak dat daar groter mededinging is tussen voerkraaleienaars – wat bereid is om meer vir diere te betaal omdat dit goedkoper is om hulle mielies te voer – en boere wat hul kuddes opbou.” Hy sê op 25 Julie is speenkalwers teen sowat R30/kg tot R31/kg lewende gewig verkoop. Redelike vet koeie is vir…

Die African Farmers’ Association (Afasa) het sy misnoeë oor die skorsing van mnr. Mike Mlengana, direkteur-generaal van Landbou, Bosbou en Visserye, uitgespreek. Mlengana, ’n voormalige voorsitter van Afasa, se skorsing verlede maand het gevolg op die skorsing van mnr. Mdu Shabane, direkteurgeneraal van die Departement van Landelike Ontwikkeling en Grondhervorming, verlede Desember. “Ons is baie besorg daaroor,” sê mnr. Aggrey Mahanjana, sekretarisgeneraal van Afasa. “Die twee belangrikste departemente vir boere-ontwikkeling en –steun is nou sonder leierskap. “Dit kan nie ’n goeie ding wees nie omdat dit by daardie departemente die bestuur en lewering van dienste ontwrig.”…

SUID -AFRIK A is onlangs in die 26ste plek uit 127 lande geplaas in ’n wêreldwye beoordeling van lande se beskerming van eiendomsregte in daardie lande. Die uitslag van vanjaar se Internasionale Eiendomsreg-indeks (IPRI) is in Julie in Buenos Aires bekend gemaak. Dié op-name het 98% van die wêreld se bruto binnelandse produk (BBP) en 93% van die wêreldbevolking betrek. Die enigste lande wat uitgesluit is, is lande waaroor nie voldoende inligting beskikbaar was nie (waarvan Swaziland een was). Dr. Sary Levy-Carciente, ’n ekonoom van Venezuela en die hoofsamesteller van die indeks namens die Eiendomsregte-alliansie (PRA), sê die indeks is ’n barometer om die status van eiendomsreg wêreldwyd te meet. Dit bestaan uit drie onderafdelings: Die wetlike en politieke omgewing (LP) in ’n land, die stand van fisieke eindomsregte (PPR)…

“BEWARINGSL ANDBOU in ’n gemengde boerdery” is vanjaar die tema van die KwaZulu-Natalse geenbewerkingklub se jaarlikse bewaringslandboukonferensie buite Bergville. Die konferensie word oudergewoonte by die Drakensville-oord gehou, vanjaar van 5-7 September. Verskeie vooraanstaande sprekers gaan by dié geleentheid praat. Dr. Warren Parker, voorsitter van Nieu-Seeland se bewaringsowerheid en vroeër uitvoerende hoof van dié land se navorsingsinstituut vir bosbou, is die genooide spreker uit die buiteland. Hy is ook lewenslange lid van die SA Large Herds-vereniging, wat hy al telkens toegespreek het. Hy het ook poste aan die Universiteit van Queensland, die Crown-instituut vir landbounavorsing en die Massey-universiteit beklee. Nog ’n spreker is dr. Neil Miles, senior grondwetenskaplike by die SA Suikervereniging, wat ook jare lank by die Landboukollege Cedara gewerk het om ’n grondontledingsprogram te ontwikkel waarop baie Suid-Afrikaanse boere…

Die DA se voortgesette ondersoeke na infrastruktuurbesteding het skokkende misbruik van belastinggeld aan die lig gebring. Limpopo se departement van landbou het in antwoorde in die provinsiale wetgewer te kenne gegee R46 miljoen is in die afgelope vyf jaar aan 971 km se geëlektrifiseerde heinings bestee. Dit is gelykstaande aan gemiddeld R47 000 per km, maar dié bedrag gee nie die skaal van die vermorsing weer nie. Die duurste projek om weidingsgebiede te omhein, was ’n rooivleisprojek by Modimolle. Daar is R5,6 miljoen begroot om ’n 4 km lange heining van 1,42 m hoog op te rig. Dit beteken dit kos die belastingbetaler R1,48 miljoen per km. Kontrakteurs in die gebied reken dat die koste vir die heining ongeveer R26 000 per km behoort te wees. Volgens die departement is…

Beleggings gaan nie net oor die kies van ’n regte fonds nie. Trouens, dít is amptelik die maklikste gedeelte. Die belangrikste is om ’n spesifieke plan saam te stel en die tweede stap is om die regte produkte te kies om binne daardie plan in te pas. Eers dán word die regte beleggingsfonds gekies. Ek kyk vandeesweek na die vereistes vir ’n goeie beleggingsplan. In volgende rubrieke sal ek kyk na die verskillende produkte wat oorweeg kan word en hoe om die regte beleggingsfonds te kies. Wanneer dit by beleggings kom, is daar nie een regte antwoord nie. Dit hang alles af van waarheen jy op pad is en wat jy met die belegging wil bereik. Ongelukkig wil ’n mens graag meer doen as wat jy kan bekostig om te…

KORTOM ■ Die kommersiële landbou moet ’n kernrol vervul om voedselsekerheid in Afrika te verseker aangesien die staat nie ekonomiese groeiplanne kan deurvoer nie. ■ Buiten dat die landbousektor 900 000 werkgeleenthede skep, is die bydrae tot valutaverdienste aansienlik, met sitrus, wyn, druiwe en appels as die sleutelbedrywe. ■ Grondhervorming word deurlopend onbeholpe bestuur en die grondbeginsels oor volhoubare, kommersiële landbou word nie gesnap nie. Honger, wanvoeding en hongersnood bedreig vrede en stabiliteit in Suid-Afrika. In dié opsig het die kommersiële landbou- en sakesektor ’n deurslaggewende rol om te speel, naamlik om te vergoed vir die staat se mislukking om sy eie strategieë oor maatskaplike beskerming en ekonomiese groei doeltreffend toe te pas. Hoewel huishoudelike toegang tot voedsel in Suid-Afrika verbeter het, het die algemene huishoudingopname (AHO) deur Statistieke Suid-Afrika in…

Vir dr. Liesel Foster se M-graad het sy op haar plaas gekyk na watter faktore die grootste invloed op ’n vers se vatbaarheid vir hittestres gehad het, en spesifiek wat die belang van ras, haarkleur en haartipe is. Kleur, haartipe, huiddikte, bosluistellings, gewigstoename, asemhalingstempo en kondisietelling is as parameters vir die navorsing gebruik. Sy het altesaam 60 verse, tien elk Afrikaners, Bonsmaras, Brafords, Charolais, Drakensbergers en Simmentalers, se reaksie op hitte gemeet aan die hand van rektale temperature. Dertien keer was daar ’n betekenisvolle verskil in rektale temperatuur tussen die verskillende rasse. Huiddikte by die Afrikaners en Bonsmaras, en haartipe by die Charolais het ’n betekenisvolle invloed op hierdie verse se rektale temperature gehad. Haarkleur, haartipe, huiddikte, bosluistellings, gewigstoename, asemhalingstempo en kondisietelling het geen beduidende invloed op die rektale temperature…

Die goggas in die grond het skielik ’n goudpot geword vir mnr. Cordré Smith, groente-en-vrugteboer van die Erfdeel-boerdery tussen Ceres en Touwsrivier. Met die hulp van bakterieë kon hy die sout in die brakgrond op sy plaas naby Touwsrivier onskadelik maak en die pampoenoes van 29 ton per hektaar verlede jaar die afgelope somer meer as verdubbel tot 60 ton per hektaar. Cordré het al meer as vier jaar gelede die eerste keer gesien hoe magtig die mikroskopiese wesens is toe hy uit nood ’n boord appels, wat lamgelê was deur die appelherplantsiekte, binne een seisoen met biologiese behandeling gesond gekry het. Die biologiese middels wat Cordré gebruik, word deur BacTech, ’n Suid-Afrikaanse maatskappy, vervaardig. BIOLOGIE G’N FOEFIE NIE Die familie Smith het ’n ruk gelede die plaas Tiervlakte net…

My buurvrou het die eiendom langs myne geërf. Sy het sedertdien ’n skuur teen die serwituutpad — wat oor die 100 jaar oud is en my grond bedien — gebou. Sy het ’n stuk van die pad wat langs die skuur verbygaan, uitgegrou en verbreed om ongelyke grond te vul. Ons moes deur die gat sukkel met ons voertuie. In ’n brief het ek haar gemaan dat sy die padoppervlak sonder my wete of toestemming verander het en my ongesteurde gebruik van die reg van weg nadelig beïnvloed het. Ek het haar versoek om die pad te herstel en dat ek haar aanspreeklik hou vir die instandhouding van die pad tot die grond weer stabiel is. Sy het intussen grond ingegooi en ons moet dit nou plat ry. Die pad…

Clementinestroopkoek Die geur van hierdie koek is eenvoudig onverbeterlik. Beslag ■ 200 g sagte botter ■ 250 ml strooisuiker ■ 5 Clementines, skil dun afgerasper ■ 375 ml bruismeel ■ 2 ml sout ■ 3 ekstragroot eiers Stroop ■ 250 ml vars Clementine-sap ■ 250 ml suiker Voorverhit die oond tot 160 °C en smeer ’n 24 cm-losboomkoekpan. Verroom die botter, strooisuiker en fyngerasperde skil van die Clementines saam. (Hou die vrugte eenkant om later te gebruik.) Voeg die bruismeel, sout en eiers by en klits tot net gemeng. Skep die beslag in die pan, smeer gelyk en bak vir 40-50 minute, of tot deurgaar. Terwyl die koek bak, druk die Clementines se sap uit. (As die sap minder as 250 ml is, vul dit op met water of suurlemoensap…

Benodigdhede ■ Vuurhoutjieboksies ■ Vilt of lap ■ Skêr ■ ’n Plat strookmagneet ■ Roomysstokkies ■ Gom of gomgeweer met gomstokkies ■ Akrielverf en verfkwas ■ Krale UITSTALKASSIE ■ Plak die sye van die vuurhoutjieboksies se binneste laaitjies teen mekaar vas met gom sodat dit soos ’n uitstalkassie lyk. ■ Verf die boksies in ’n kleur waarvan jy hou en laat dit droog word. ■ Plak die magneet aan die agterkant van die kassie vas — nou kan jy jou mooi goedjies teen die yskas uitstal! JUWELEKISSIE ■ Trek ’n vuurhoutjieboksie oor met mooi vilt of lap. ■ Jy kan ook die binnekant van die boksie met vilt of lap uitvoer. ■ Plak mooi krale of versierings op die bokant van die boksie. ■ Steek jou oorbelle, ’n briefie of…

Ek staan alleen vir sover as wat God my staande hou. Toe ek vra hoe dit gaan, antwoord hy sonder huiwering: “Soos jy kan sien – kwesbaar en bouvallig.” Hy was reeds bejaard en liggaamlik sigbaar afgetakel. Kwesbaar was dalk nie ’n slegte beskrywing nie. Ons gesprek het geëindig met die opmerking dat die ouderdom nie vir sissies is nie. Ek kon dit nie uit my gedagtes kry nie. In ’n oomblik van bepeinsing het ek myself afgevra: “Wanneer is ’n mens kwesbaar en wanneer is jy op jou kwesbaarste? Is bejaardheid sinoniem met kwesbaarheid? Is almal buite dié kategorie, wat deur die kalender bepaal word, gevrywaar teen kwesbaarheid?” Die antwoord was nie so moeilik nie. Wat van ’n babatjie wat so afhanklik is vir al sy behoeftes? En wat…

OLYFOLIE DING NOU OM TOPTIEN PLEKKE MEE Plaaslike olyfolies sal vanjaar teen mekaar meeding om as een van die land se tien bestes bekroon te word in die Absa Toptien-olyfoliekompetisie. Voorheen het dié eer slegs vyf olies te beurt geval. “Die gehalte van olyfolie wat plaaslik gemaak word, verbeter voortdurend. Daar is ook ’n toe-name in die aantal inskrywings vir die SA Olive-pryse. Verbruikers se vraag na puik olyfolie, sowel as hul lojaliteit aan plaaslike verskaffers, het ons oortuig om die platform uit te brei en erkenning aan die toptien olyfolies te gee,” sê mnr. Willie Zastron, provinsiale hoof van besigheidsbankdienste by Absa. Suid-Afrikaanse olyfolie het die afgelope paar jaar op internasionale olyfolie-kompetisies gereeld beter gevaar as olyfolie van ander lande, soos Italië en Spanje. SPOGREGTE Volgens mnr. Nick Wilkinson,…

MARKNEIGINGS PRYSE STYG MEESTAL IN DIÉ PROVINSIES Die volgende ontleding van grondverkope in Suid-Afrika is van transaksies vir grond wat groter is as 10 ha in Mpumalanga, die Noord-Kaap en Noordwes vanaf Junie verlede jaar tot Mei vanjaar. In Mpumalanga was daar ’n dalende neiging in net een van die ses distrikte. Altesame 458 transaksies het 108 440 ha teen R2,665 miljard behels. Daarvan was 86 (19%) ooreenkomste van kleur, wat 29 092 ha (26,8%) teen R728 miljoen behels het. Die meeste transaksies (34%) is vir grond kleiner as 50 ha. In die Noord-Kaap is 291 transaksies in 21 distrikte beklink. Dit het 644 675 ha teen R2,373 miljard behels. Daarvan was 25 transaksies van kleur (9%), wat 70 972 ha (11%) teen R376 miljoen (15,8% van die totale waarde)…

11 jaar Voerkrale in Amerika het in Junie die meeste beeste aangekoop in 11 jaar, deels weens ’n knellende droogte in die noordelike deelstate. Volgens die Amerikaanse departement van landbou het voerkrale in Junie 1,77 miljoen stuks vee in voerkrale, teenoor 1,525 miljoen stuks ’n jaar vantevore. Die verwagte aankope was 1,618 miljoen stuks. In 2006 is 1,95 miljoen beeste aangekoop. – Successful Farming 3% In 2016 het aanplantings van GM gewasse wêreldwyd met sowat 3% toegeneem nadat dit in 2015 met 1% gedaal het. Volgens skat-tings van die International Service for the Acquisition of Agri-Biotech Applications (ISAAA) was daar in 2014 181,5 miljoen ha onder GM gewasse, 179,7 miljoen ha in 2015 en 185 miljoen ha in 2016. Amerika, Brasilië, Argentinië, Kanada en Indië saam 91% van die aanplantings.…

‘Ons kan nie heeltemal houtgerus wees nie.’ MNR. JAN HENDRIK VENTER, plantgesondheid by die Departement van Landbou, Bosbou en Visserye, oor die moontlikheid van kommandowurm in koring. Bl. 15 ‘Dinge lyk nie besonder rooskleurig nie.’ MNR. HENK DE BEER, hoofbestuurder van bedrywe by Sentraal-Suid Koöperasie (SSK) op Swellendam. Bl. 17 ‘Laat val die klem op dít wat julle die beste doen, pleks daarvan om aanspraak te maak daarop dat julle alles kan doen.’ ME. LAUREN BUZZEO, Amerikaanse wynskrywer, wat meen Suid-Afrika moet sy bemarkingsfokus op die wynkultivar Chenin blanc plaas. Bl. 20 ‘Hoeveel duisende rande het dit nie gekos om al daardie mense af te vlieg en die ondersoeke te doen nie, en dit het nog niks opgelewer nie.’ DR. JOHAN VAN ROOYEN, staatsveearts en dosent by Grootfontein, oor maande…

WILDSVLEIS: NUWE REËLS VIR SLAG OP PLAAS Wildbedryf SA (WRSA) verwag eersdaags nuwe regulasies oor abattoirs wat dit vir wildboere moontlik sal maak om wild wettig vir menslike gebruik op hul plase te oes en te slag. M. KRUGER skryf: Dr. Peter Oberem (voorsitter van WRSA) moet miskien aan diegene van ons wat nie op verlede week se groot wildindaba was nie, vertel hoe hulle beoog om die wildmark weer om te draai. My persoonlike mening is dat die huidige situasie geskep is deur waninligting wat deur die jagtersverenigings oor skaars wild versprei is. Die rede daarvoor was dat dié spesies net te duur was vir ons jagters of beroepsjagters. Hulle was egter nie bereid om te wag tot ons deur die teelfase is en die pryse weer begin daal…

DR. LIESEL FOSTER boer met Drakensbergerbeeste op die plaas Quaggafontein tussen Zastron en Sterkspruit op 4 500 ha eie grond en nagenoeg net soveel huurgrond. Sy was ’n finalis in Voermol se Beesboer van die Jaar-kompetisie vir 2016. Sy het drie jaar lank navorsing op haar plaas gedoen om te bewys dat die insluiting van natuurlike proteïene in ’n winterlek nie ekonomies regverdigbaar is nie. Lees meer op bl. 36. JY BOER OP DIE FAMILIEPLAAS? Ja, my oupagrootjie het aanvanklik hier begin boer. Die huis op Quaggafontein is in 1912 gebou. Ons woon steeds in die oorspronklike plaashuis met staalplafonne en sonder enige aanbouings. JY HET TWEE SEUNS, NÈ? Ja, Jack is ses jaar oud en William is 2 en ’n half. WAARMEE HOU JY JOUSELF BESIG AFGESIEN VAN BOER?…

Kanse verskraal steeds dat ’n El Niño-verskynsel binne die volgende maande gaan herleef, wys die jongste klimaatvooruitskouingsmodelle. Teen middel Julie was seeoppervlaktemperature in die tropiese deel van die Stille Oseaan wat op die stand van ’n El Niño of La Niña dui, in ’n neutrale fase. Seetemperature was wel aan die oostekant naby die drempel aan ’n amptelike El Niño, maar atmosferiese toestande daar was ook steeds neutraal, sê die Internasionale Instituut vir Klimaat en Gemeenskap (IRI). Dié voorspellers se gevolgtrekking is dat die neutrale stand van sake deur hul herfs (Suid-Afrika se lente) behoort voort te duur. Die kans op die ontwikkeling van ’n amptelike El Niño word op 35% tot 40% gestel. Die reënval-voorspelling vir die laat winter (van Julie tot Augustus) is nog onseker, veral oor die…

ONDANKS die laagste graanontvangste in amper 15 jaar het die landboumaatskappy NWK, met sy hoofkantoor op Lichtenburg en midde-in die somersaaistreek wat die hardste deur die afgelope rekorddroogte getref is, steeds ’n nabelaste wins van R52 miljoen behaal vir die boekjaar tot 30 April. Die groep sê hy het die afgelope seisoen net 300 000 ton mielies en 39 000 ton sonneblomme ontvang, teenoor die vorige jaar se 559 000 ton mielies en 87 000 ton sonneblomme. Hy benadruk dat die jongste resultaat nie NWK se werklike potensiaal weerspieël nie, en dat ’n goeie reënjaar sal verseker dat hy weer tot sy reg kom. Die groep moes in die afgelope jaar ’n bykomende R11 miljoen op sy bates in ondernemings in die res van Afrika afskryf, asook R20 miljoen op…

‘Laat val die klem op dít wat julle die beste doen.’ CHENIN blanc is Suid-Afrika se beste kans om Amerikaanse wynliefhebbers se aandag te trek. Me. Lauren Buzzeo, die nuwe besturende redakteur van die Amerikaanse wyntydskrif Wine Enthusiast, meen die plaaslike wynbedryf behoort in Nieu-Seeland en Argentinië se voetspore te volg en sy wynbemarkingsboodskap aan een kultivar – Chenin blanc – te koppel. Die Kiwi’s het dit suksesvol reggekry met Sauvignon blanc, terwyl Argentinië en Malbec bykans sinoniem is. Buzzeo, wat al sedert 2010 oor die Suid-Afrikaanse wynbedryf skryf, het in Julie die Standard Bank/Chenin blanc Top 10-uit-daging help beoordeel. “Dis makliker vir Amerikaners om Suid-Afrika te sien as die land van oorsprong van hierdie verbasend verfrissende, kosvriendelike wyn as om hulle te vertel die land se sterk punt is…

DR . Johan van Rooyen is terug in die klaskamer by die Landbou-ontwikkelingsinstituut Grootfontein. Die Departement van Landbou, Bosbou en Visserye se tugsaak teen dié gerespekteerde staatsveearts en senior dosent het byna ’n jaar lank voortgesleep. Van Rooyen is op 21 Julie verlede jaar geskors te midde van ’n dispuut tussen die vakbonde die PSA en Nehawu op die kampus. Die dispuut het te doen met ’n ondersoek oor die bestuur van veetroppe en -kuddes op Grootfontein. Van Rooyen is die voorsitter van die PSA op die kampus. ‘MORS VAN GELD’ Hy is sedert 6 Julie terug in sy pos nadat hy ’n skorsing van effektief drie maande uitgedien het. Die saak het egter byna ’n jaar geduur om tot ’n punt te kom, en intussen moes studente by die…

Die JSE se vleisbeeskarkaskontrak is op 14 Desember 2015 bekend gestel. Die besluit was destyds om verkoopspryse te gebruik om die kontrak mee af te sluit wanneer dit verstryk. Dit is die pryse waarteen abattoirs vleis aan die groothandel en vleisverwerkers verkoop, en het die vyfde kwart uitgesluit. Die JSE wou abattoirs se verkoopspryse gebruik om groter deelname van handelaars te verkry. Die JSE wou ook instrumente waarmee prysrisiko’s bestuur kan word, aan die handel bekend stel. Kleinhandelaars gebruik egter nie dié instrumente nie, om die volgende redes: ■ Vleisverwerkers koop nie heel beeskarkasse nie. ■ Abattoirs bemark ál meer voor- en agterkwarte, asook vleissnitte omdat kliënte nie meer heel karkasse bestel nie. ■ Sagtewarestelsels optimaliseer deesdae ’n abattoir se winsgewendheid. Die pryse van individuele vleissnitte pleks van heel karkasse…

WETENSK APLIKES aan die Universiteit van Cambridge, Brittanje, meen hulle het ’n manier gevind om die pynvlakke van skape en ander diere te meet. Dit kan glo help om dieresorg te bevorder. Die wetenskaplikes het ’n tegniek ontwikkel waarvolgens ’n masjien deur middel van kunsmatige intelligensie die vlakke van pyn wat ’n skaap ervaar, meet deur sy gesigsuitdrukking te ontleed. Die tegniek word genoem “Sheep Pain Facial Expression Scale” (SP F E). Volgens dr. Peter Robinson, leier van die ondersoekspan, het hulle voortgebou op jare lange navorsing met mense. Volgens hom vind daar daar vyf veranderings in ’n skaap se gesig plaas wanneer hy pyn ervaar. Die wange trek styf, die ore vou vorentoe, die lippe trek af en terug, die neusgate maak ’n V-vorm en die oë vernou. “Heelwat…

Met elke tree wat ons as mense op die grondoppervlak gee, word ons gedra en ondersteun deur derduisende organismes en biljoene mikro-organismes wat besig is om lewensbelangrike funksies in die fabriek van die lewe te verrig. Al ooit gewonder waar daardie kenmerkende reuk van “vars grond” in die begin van die reëntyd vandaan kom? Dit is afkomstig van geosmin, ’n skadelose chemiese middel wat deur ’n spesifieke groep grondbewonende bakterieë (aktinomisete) vervaardig word. Wat vir ons “dooie” grond is, is in werklikheid gevul met lewe. Tekens van gesonde grond is ongetwyfeld die teenwoordigheid van organismes, soos erdwurms, honderdpote, duisendpote en selfs miere en termiete. Hierdie organismes kan wél met die blote oog gesien word, maar die grootste gedeelte van die organismes kan weens hul grootte glad nie, of baie moeilik,…

Waarop skoei julle jul sukses? Ons besigheid is gebou op vier pilare. Dit is uitnemende klantediens, volhoubare winsgewendheid, groei en ontwikkeling, en gemeenskapsbetrokkenheid. Ons probeer die besigheid op al die gebiede bou, en ek glo veral wat gemeenskapsbetrokkenheid betref, het ons dit reggekry. Deur ons bemagtigingsaksie, waar ons by boerderye betrokke geraak het, het ons baie nuwe besigheid gekry. Dié geleenthede het gekom deur vertroue. Verlede jaar het jul omset met 7,4% gestyg en in die jongste boekjaar met nog 15%. Netto wins het met onderskeidelik 60% en 26% geklim. Dis die tipe groei waarvan ander maatskappye net kan droom en dis nou al die vierde jaar in ’n ry dat Die Kooperasie dit regkry. Watter eienskappe vuur hierdie groei aan? Ja, dit is goeie resultate en ons is baie…

Dr. Johan Kruger, ’n mikrobioloog van Newcastle in KwaZulu-Natal, het reeds 33 jaar gelede die navorsingsinstituut BacTech gestig met die oog daarop om biologiese antwoorde te kry vir siektes en plae in die landbou. In die laboratorium op Newcastle isoleer en berei Johan en sy kollegas mikrobes voor wat in Suid-Afrikaanse gronde voorkom en doeltreffend in die landbousektor aangewend word. Die funksies van die mikro-organismes wissel van die vervaardiging van antibiotika tot stikstofbinding. “BacTech is nie ’n kommersiële produsent van biologiese middels nie, maar ’n navorsingsorganisasie. Indien produsente kan baat vind by produkte wat uit ons navorsing voortgespruit het, sal ons dit aan hulle verskaf, maar ons vervaardig nie ’n voorraad van elke produk en smous dan soveel as wat ons kan aan boere nie,” verduidelik hy. Geen van BacTech…

VRUGTEPLUKKER LIGTE, STEWIGE LERE VIR ELKE BOORD Corner Star Africa vervaardig aluminiumprodukte in Johannesburg en maak onder meer StepUp-lere wat vrugteplukkers se produktiwiteit verhoog en instandhouding en staantyd in die boord verminder. Die lere is lig, maar stewig. Lugvaart-aluminium-allooi word gebruik om die lere ekstrasterk en met meer buigsaamheid te maak. Elke leer het ’n opsionele breë basis vir bykomende stabiliteit en kan met veiligheid tot 150 kg dra. Na gelang van die kliënt se behoefte kan die leer met of sonder ’n wye basis en rugpaal gemaak word. Die lere word in verskillende lengtes gemaak met die oog op bome van verskillende hoogtes. Die trappe is wyd en breed om dit vir die plukkers gerieflik en stabiel te maak. Alle trappe is ewe groot. Die leer se trappe word…

1 Beste jong haan en beste Swart Australorp op die skou. Eienaar: Mnr. Frans Koch (sel 082 620 1313), Dundee. 2 Beste jong haan en beste Plymouth Rock op die skou. Eienaar: Mev. Gaylyn Bettol (sel 083 251 7550), Wakkerstroom. 3 Beste jong hen en beste Rhode Island Red op die skou. Eienaars: Mnr. Tim en mev. Elbe Nixon (sel 079 893 8610), Hilton. 4 Beste jong hen en beste Sussex op die skou. Eienaar: Mev. Lindi Walker (sel 072 419 0291), Ixopo. 5 Beste haan en beste Ou Engelse Veghoender op die skou. Eienaar: Mnr. Miles van Deventer (sel 082 849 1568), Baynesfield. 6 Beste haan en beste Pekin op die skou. Eienaars: Mnr. Tim en mev. Elbe Nixon, Hilton.…

Radium Engineering se strewe na uitnemendheid behels elke vlak van vervaardiging en diens. Dit sluit in die voorkoms en afwerking van werktuie, vanaf bou-, sweis- en verfwerk tot die finale afronding. Die ontwerp van Radium se produkte word ook goed deurgetrap voordat die finale werktuig op die mark verskyn. ’n Boer wil darem ook ’n mooi werktuig besit wat hy met trots op die lande agter sy trekker kan haak. Baie aandag word daarom geskenk aan die voorkoms, ergonomiese ontwerp en estetika van die masjinerie. Werktuie moet natuurlik ook funksioneel wees en Radium lê groot klem op die tegnologie, doeltreffendheid, gemak van gebruik, onderhoud en gebruiksduur van sy produkte. Naverkopediens en ondersteuning aan sy kliënte word sterk beklemtoon. OU WAARDES, NUWE IDEES Met die derde geslag van die familie Roest…

Die goukoppelstelsel van hoëdigtheidpoliëtileen is nou getoets en aangepas vir toestande in Afrika. Dié produk kan met trots sy regmatige plek inneem in die watervoorsienings- en besproeiingsmark. Die stelsel is reeds in die meeste lande in Suider-Afrika beskikbaar. Groot, bekende suikerrietplase in Mosambiek, Tanzanië en Zambië is reeds van die grootste gebruikers. Die eenvoudige, bekostigbare, semi-permanente of verskuifbare besproeiingsoplossing vir kleinen kommersiële boere word elke dag op al hoe meer plase gebruik. Boere kan die stelsel maklik aanpas en skuif danksy die ligte gewig. Diefstal is ook iets van die verlede omdat die plastiek geen skrootwaarde het nie. Afriq Water se passtukke is van helder oranje polipropileen gemaak, wat weerstand teen ultravioletstrale bevorder. Danksy die helder kleur is dit ook makliker om die passtukke tussen plantegroei te sien en om…

Waar kom jou belangstelling in byeboerdery vandaan? Seker uit my liefde vir die natuur en die veld, en as ’n mens in dieselfde asem ’n paar rand kan maak, is dit mos ’n goeie ding! Ek is nou al sowat 20 jaar lank besig met die bye. Vertel meer van jou boerdery? Ons boer in die Baviaanskloof met groentesaad, vee en heuning. Ek het sowat 400 korwe, waarvan ek multiflora- (’n verskeidenheid plante, soos vygies, struike, wildepruime, ghwarries en aalwyne) en fynbosheuning maak. Ons is ’n bietjie afgeleë om korwe aan boere te verhuur vir bestuiwingsdoeleindes, maar ek help hier en daar ’n vriend. Hoeveel heuning lewer ’n swerm? Bye is baie afhanklik van reën en heuningproduksie hang daarom af van reënval. ’n Swerm se produksie kan wissel van niks,…

JA VIR CHARDONNAY! Verbruikers het tot onlangs nog hul neus opgetrek vir die oorgehoute Chardonnays wat in die mode was, maar nou is dit een van die snelgroeiendste wynkategorieë in Suid-Afrika. Volgens die Suid-Afrikaanse wynbedryfsgids vir 2016-’17 is plaaslik meer as 7 060 ha Chardonnay gevestig, wat dit die vierde mees aangeplante witwynkultivar in die land maak. Chardonnay het tot April vanjaar die hoogste grootmaatprys van R6,48/liter behaal vir witwynkultivars wat plaaslik verkoop word, aldus Sawis. Mnr. Johann de Wet, hoof- uitvoerende beampte van De Wetshof op Robertson, wie se wingerd uit sowat 70% Chardonnay bestaan, sê veral ongehoute Chardonnays loop voor in die wed-loop. “Ons het nog baie werk om te doen, want Suid-Afrika lewer sowat 13 miljoen liter Sauvignon blanc, maar net 4,5 miljoen liter Chardonnay.” Hy sê…

Hoewel die internasionale prys van alle kunsmis tans onder erge druk is, gaan die laer prys nie deursyfer na Suid-Afrikaanse boere nie. Daarvoor kan die afgradering van die uitleenstatus, wat nou in die rommelmandjie is, die skuld kry. Dr. Pieter Haumann, uitvoerende hoof van Fertasa, meen egter dat die twee faktore in ewewig geplaas sal word en dat die prys van kunsmis nie juis sal styg nie. “Heelwat kalium is ingevoer voor die afgradering na rommelstatus (toe die rand nog sterker was), maar die meeste kunsmis is daarna ingevoer. Ons voorsien dus dat die pryse die volgende ses maande lank sywaarts sal beweeg,” sê hy. Fertasa het saam met Graan SA en die Departement van Landbou, Bosbou en Visserye ’n gehalte-inspeksieprogram begin om seker te maak die gehalte van kunsmis…

GAUTENG CARLETONVILLE RIETFONTEIN (189) 20 ha, aan Pharma Spec Consulting Laboratories, van W.G. Ward, R2 750 000. NIGEL MODDERFONTEIN (562) 299 ha, aan Disspuit Boerdery, van Batavia Trading 27, R2 850 000. PRETORIA BOEKENHOUTSKLOOFDRIFT (286) 21 ha, aan K.C. en V.A.G. Austin, van R.D. en T.J. Stop-forth, R1 100 000. HONINGNESTKRANS (269) 34 ha, aan Programme Critique (Edms.) Bpk., van J.R. Breitenbach, R2 200 000.JR (417) 21 ha, aan Zamathombeni-familietrust, van C.B.B. Smit, R1 000 000. ONSPOED (500) 78 ha, aan Joubert & Heyns Eiendomme (Edms.) Bpk., van C. en J.G.F. Kokt, R1 800 000. STRYDFONTEIN (307) 28 ha, aan Proco Management, van W.G. Beetge, R13 512 200. STRYDFONTEIN (307) 28 ha, aan Stad Tshwane metropolitaanse munisipaliteit, van Proco Management (Edms.) Bpk., R19 410 894. KWAZULU-NATAL LOUWSBURG BEDROG EN ONRECHT…

NEIGINGS TULI GROOT VRAAG NA DIÉ BEESTE Die afgelope twee jaar was daar ’n groot vraag na Tuliteelmateriaal uit Suid-Afrika se buurlande. Verlede jaar is vyf stoetbulle en tien stoetverse na Namibië uitgevoer, terwyl meer as honderd vroulike diere na Zimbabwe uitgevoer is. Op onlangse Tuli-veilings is nóg vier stoetbulle en bykans 30 vroulike diere deur ’n teler van Zimbabwe gekoop. Verlede jaar is ’n stoetbul uit die Alfa en Omega-stoetery van mnr. Alwyn Marx, Burgersdorp, teen R100 000 aan ’n teler van Namibië verkoop. Daar is ook deurentyd ’n vraag na Tulibulle uit Botswana. Volgens mnr. Charl van Rooyen, rasraadgewer van die Tuli-genootskap, word die aanpasbaarheid, poenskopeienskap en gehardheid van dié ras hoog aangeslaan deur beesboere van Suid-Afrika se buurlande, asook deur ekstensiewe beesboere en opkomende boere. Op die…

KANTOORBESLUITE Alles is snaaks, solank dit met iemand anders gebeur, het die Amerikaanse cowboy en satirikus Will Rogers droogweg hier in die vroeë 1900’s opgemerk. Met die WhatsAppboodskap wat ek die ander dag van ’n boerepêl gekry het, weet ek presies wat hy bedoel het: ’n Foto van ’n rol toiletpapier, met die prys van R4,20 per 110 g, en langsaan ’n mieliekop wat R0,16 vir 110 g kos. Terwyl dit natuurlik nie heeltemal akkuraat is nie, som dit die huidige situasie op die mieliemark taamlik goed op. Dit is wel miskien ’n bietjie meer kleurvol as wat die Oesskattingskomitee dit sou uitbeeld. Net ’n eenvoudige, rowwe boeresom wys watter waarheid in hierdie ietwat verdagte humor steek. Verlede jaar, teen ’n gemiddelde mielieprys van ongeveer R4 500 per ton, was…

DIE DEPARTEMENT van Landbou, Bosbou en Visserye, Graan SA en die SA Nasionale Saadorganisasie (Sansor) beskou berigte wat hulle oor Amerikaanse kommandowurm by koring uit Zimbabwe ontvang, in ’n baie ernstige lig. “Dit is nog nie amptelik bevestig nie en dit is nog redelik koud in die Kaap, maar ons kan nie te versigtig wees nie,” sê mnr. Jan Hendrik Venter, bestuurder van vroeëwaarskuwingstelsels vir plantgesondheid by die Departement van Landbou, Bosbou en Visserye. Die departement, Graan SA en Sansor werk aan ’n waarnemingsprojek vir Amerikaanse kommandowurm in die koringgebiede van die Wes-Kaap. Intussen beveel Venter aan dat boere die inligtingstukke op die departement van landbou se webblad www.daff.gov.za lees en hul gesaaides dophou. “Dit is moeilik. Ons het in Suid-Afrika nie ’n konsep om van te werk nie. “Boere…

’N VERLAGING in die rentekoers, al is dit hoe klein, is goeie nuus vir die landbousektor. “Die landbou is ’n bedryf met hoë insetkoste en enige kontantvloei-inspuiting danksy die rentekoersvermindering kan die hoeveelheid benodigde krediet beperk,” sê mnr. Daniel Terblanche, ’n mededirekteur van Deloitte. Die Reserwebank het die rentekoers op 20 Julie met 25 basispunte verlaag, maar gewaarsku dat as inflasievooruitsigte versleg, hy nie sal huiwer om sy besluit om te keer nie. Mnr. Paul Makube, senior landbou-ekonoom van FNB, sê die koersverlaging sal druk op boere en landboubesighede verlig en winsgewendheid verbeter. Ook mnr. Wandile Sihlobo, landbou-ekonoom van Agbiz, sê met die landbou se skuldvlak van meer as R140 miljard sal enige verlaging ’n bietjie asemhalingsruimte skep. Anders as in die res van die ekonomie het landbousakelui se vertroue…

1 KENIA| Plan met huurgrond vir jonges Die Keniaanse regering beoog ’n grondhuurmodel wat dit makliker sal maak vir jong mense om grond te huur. Volgens mnr. Willy Bett, Kenia se minister van landbou, wil die regering 340 miljoen Keniaanse sjieling (KS; sowat R24,7 miljoen) vir dié plan bewillig. “Grondhuur in Kenia het die afgelope dekade nagenoeg KS10 000 per akker (sowat R1 256) beloop vir groot- én kleinboere. Dit het gelei tot hoë produksiekoste en lae beleggingsvlakke deur boere,” het Bett op ’n landboubesigheidskonferensie in Nairobi gesê. Die skema sal gesamentlik deur die nasionale en provinsiale regerings bestuur word, met die samewerking van tradisionele leiers. — The Star (Kenia) 2 ZIMBABWE | Staat staan vas oor mielieprys Mnr. Patrick Chinamasa, Zimbabwe se minister van finansies, gaan die mielieprys hou…

EEN VAN die ergste droogtes in meer as 100 jaar en skommelende kommoditeitspryse kon OVK nie verhinder om in die afgelope boekjaar sy bruto omset met 9,98% tot R8,65 miljard te verbeter nie. Die voorbelaste groepwins van die maatskappy het met 4,81% tot R189,7 miljoen gestyg. Die direksie beveel aan dat ’n dividend van 60 sent per aandeel uitbetaal word. Dit is 5 sent meer as verlede jaar. Mnr. Gilly Scheepers (foto), voorsitter van die direksie, sê in sy jaarverslag dat die prestasie behaal kon word omdat OVK een van die mees gediversifiseerde landboubesighede in die land met ’n groot geografiese teenwoordigheid is. “Danksy ’n sterk balansstaat kon heelwat boere wat finansiële teëspoed ervaar het, bygestaan word deur middel van verskeie meganismes, soos konsolidasie en oorbruggingsfinansiering. “’n Lojaliteitskorting van R18,9…

DIESELFDE stam van die hoogs aansteeklike voëlgriep wat sedert Junie op vier kommersiële Suid-Afrikaanse hoenderplase uitgebreek het, is nou ook in wilde voëls in die land gevind. Volgens die internasionale organisasie vir dieregesondheid (OIE) se voëlgriepwebblad het Suid-Afrika nege vrektes weens die H5N8-stam onder geelbekeende, kolganse en swartkeelgeelvinke aangemeld. Dit was in die munisipale gebiede van Lekwa (Standerton) in Mpumalanga en van Tshwane (Pretoria) en Emfuleni (Vanderbijlpark) in Gauteng. Volgens prof. Celia Abolnik, hoof van pluimveegesondheid aan die Universiteit van Pretoria, is dit die eerste keer dat dié stam onder wilde voëls in Suider-Afrika gevind word. “Dit dui moontlik daarop dat die virus ná ’n uitbreking in Januarie in Uganda deur watervoëls oorgedra is, wat nie noodwendig trekvoëls is nie,” sê sy. RISIKO Dr. Ziyanda Majokweni, direkteur van die Bestuursagentskap…

DIE sesde uitgawe van Standard Bank Agribesigheid se gewilde boerderyhandboek Finance and Farm Management is onlangs bekend gestel. Die hommeltuig op die voorblad is ’n aanduiding van die mate waarin die boek se inhoud moes verander om by te bly by veranderinge in die landbou sedert 1981, toe die boek die eerste keer verskyn het. Volgens prof. André Louw, hoogleraar in landboubesigheid aan die Universiteit van Pretoria en mederedakteur saam met dr. Mariette Geyser, behels die inhoud teorie én die praktyk. Ander bydraers tot die boek is dr. Danie Jordaan, mnre. Struan Garland en Tinashe Kapuya, en mee. Marlene Louw, Ane du Toit en Lindie Stroebel. Nuwe hoofstukke handel onder meer oor breë swart ekonomiese bemagtiging, die betreding van Afrika-markte, die bestuur van waarde- en aanbodkettings en bronne van finansiering.…

DIE Australiese wolmark het stewig vertoon op die eerste veiling van 2017-’18. Dít ondanks ’n verstewiging van die Australiese dollar teenoor die Amerikaanse dollar en ’n heelwat groter aanbod as wat aanvanklik aangedui is. Daar was ’n goeie vraag na veral wol van 17,5 mikron en fyner, maar ook na die mediumtipes van 19 mikron en sterker. Die Chinese verwerkers het straf gebie, terwyl die vraag van kopers van die ander belangrike markte ewe sterk was. Volgens mnr. Lionel Plunkett, senior markontleder van Australian Wool Innovation, was dié goeie vertoning ’n aanduiding dat die mark na verwagting in die nuwe seisoen sy stewige vertoning sal voortsit. Australië se Rural Bank sê in sy jongste jaarverslag dat wolpryse na verwagting sterk sal bly hoewel wolproduksie vir die eerste keer in dekades…

KORTOM ■ Ál meer boere oorweeg dit om waarde tot hul eie produkte toe te voeg en hopelik meer wins te maak. ■ Só ’n proses moet baie omsigtig benader word. ■ Te midde van strawwe mededinging in die kleinhandel is toegang tot die mark een van die moeilikste aspekte wat boere moet oorweeg. Die siening begin weer posvat dat boere groot wins kan maak deur plaasprodukte wat hulle verbou, self op die plaas te verwerk tot voedselprodukte en dit regstreeks aan verbruikers te lewer. Dit is veral terwyl lae graan-, oliesaad-, aartappel- en ander groentepryse heers, soos nou. Te midde van lae mieliepryse (soos tans) is die gewilde plan vir graanboere om ’n eie voerkraal te begin en hul mielies deur middel van hul vee te bemark. Landbou-organisasies moedig…

Sowat vyf jaar gelede het mnre. Rossouw Cillié van Laastedrif Boerdery en Robert Zulch van Wakkerstroom, Ceres, genoeg gehad van die pieperige appelboompies wat hulle by kwekerye gekry het om te plant. Dié boompies het eers ná ’n paar jaar begin vrugte dra. Hulle het na ander oplossings gesoek as die “sweepbome” (boompies met net ’n leierloot, sonder sytakke) en ’n paar somme begin maak met ouer en duurder “geveerde” bome. “Hoewel dit oorsee byna standaardpraktyk was, was hul geveerde bome ’n nuwigheid vir Suid-Afrika,” sê mnr. Hammies Hamman, tegniese adviseur by Ceres Fruit Growers. Op ’n onlangse Hortgro Science-velddag op Klein Vlakte, een van Laastedrif se plase in die Bo-Swaarmoed-omgewing naby Ceres, het Hammies gewys hoe winsgewend dié veertjiebome (jong boompies met goed ontwikkelde sytakke) mettertyd is. Die boerdery…

Moet ek vir my volle toekenning (“kwota”) betaal, al is my waterkwota verminder? Solank die toekenning binne die kwalifiserende periode toegeken was, word ’n bestaande, wettige gebruik voortgesit. Die betaling van die skematariewe is ’n voorbeeld van so ’n verpligting en word ook kragtens die wet ingestel. Skematariewe word vooraf vasgestel en dan volgens elke persoon se toekenning verdeel. Een jaar van droogte of waterbeperking bring ongelukkig nie vir die lede verligting nie, want die bedryfskoste (soos salarisse en onderhoudskoste) is ’n lopende uitgawe. Die watergebruikersvereniging is afhanklik van ’n vaste begrotingsinkomste wat geskoei is op die volle kwotas. Indien daar egter jaar ná jaar nooit water is nie, is die situasie anders. Ek is bewus van ’n staatswaterskema waar die dam in die skema jaar ná jaar droog was.…

Galcon het op die Nampo-Oesdag uitgestal en groot belangstelling gewek by boere wat die noodsaaklikheid van presiese beheer oor besproeiingswater insien. Mnr. Mike Yaniv, internasionale verkoopsbestuurder by Galcon, het uit Israel gekom om die skou te besoek. Hy sê Gal-con se tegnologie vergemaklik die beheer van besproeiingstelsels, sowel as die toediening van kunsmis en middels vir plantbeskerming saam met water. Plaaslik werk die maatskappy saam met Agriplas en Vredendal Irrigation om sy produkte te versprei en te installeer. “Galcon se besproeiingskontroleerders werk op ’n eenvoudige manier wat maklik is om te verstaan. Die gesofistikeerde tegnologie agter dié webgebaseerde besproeiingsbeheer kan deesdae ook vanaf jou slimfoon of rekenaar gebruik word, solank jy net internettoegang het,” sê Mike. Hierdie tegnologie word reeds goed in Suid-Afrikaanse wingerde gebruik. Galcon se G.S.I. Vigne-stelsel maak…

Waarom is jou konfyt en ingelegde produkte so gewild? Ek kook nog soos die oumense dit gedoen het – tradisionele produkte. Dis nie meer so algemeen nie, maar baie gewild. Ek gebruik ook nie pektien (wat konfyt laat verdik) in my konfyt nie. Ek vervaardig sowat 80 produkte (konfyte, marmelades, jellies, blatjangs en kerrieprodukte) wat ek landwyd verkoop. Die Kaapse spesialiteitsprodukte, soos boeremeisies en Kaapse jongens, is baie geliefd. Waar het jy die kuns aangeleer? Ek het veertien jaar gelede die onderneming by Gerrit Swanepoel gekoop omdat ek in finansiële nood was. Gerrit het my touwys gemaak om konfyt te maak. Ek het ’n onwrikbare wil gehad om vas te byt en sukses te behaal. Ek het met die gebottelde produkte in die kookhuis – vroeër die melkstal – op…

Pioneer Foods se winsgewendheid vir die ses maande tot einde Maart is geknou deur ’n ongunstige verkrygingsposisie vir mielies. Die groep het in ’n verklaring gesê die posisie is verlede jaar ingeneem om seker te maak hy het genoeg voorraad. “Die besluit was op versigtige oorweging van die beskikbare inligting op daardie tydstip gegrond.” Die groep se internasionale afdeling is erg geraak deur ’n rosyntjietekort, uitvoer na Afrika en ’n sterker rand. Minder koeldranke is uitgevoer en marges was laer weens wisselkoersverswakking in sleutelmarkte. Rosyntjies het histories ’n groot bydrae tot die winsgewendheid van die internasionale afdeling gelewer, maar die oes was kleiner en die rand relatief sterker. Die groep sê Nigerië is nog vir hom’n klein mark, maar dit het ’n gunstige bydrae gelewer. Sy inkomste het in die…

BOEREDAE 9 AUGUSTUS: Gauteng-suiweldag. Belnori-boetiekkaasmakery, Bapsfontein (Gauteng). Sprekers sluit in Benita Bekker van Bloemfontein, Kobus Mulder van Kaapstad, Leon Kruger van die LNR Irene, dr. Brylene Chitsunge en dr. Chris van Dijk. Daar sal ook demonstrasies van hoefsny en onthoorning wees. Verskaffers van onder meer dierevoer en -medisyne, benodigdhede vir kaasmakery en sonkragverhitting sal stalletjies hê. Besprekings noodsaaklik. E-pos: Belnori220@gmail.com; tel. 082 377 5698. 11-12 AUGUSTUS: Wes-Kaapse Veteraantrekker-en-enjinklub se ekspo. Villiersdorp. Hennie Richter, e-pos: sekr.wk@telkomsa.net 16 AUGUSTUS: LNR-boeredag oor aanpassings in boerdery, Armoedsvlakte-bultoetsstasie, Vryburg. Melville Ferreira, e-pos: FerreiraM@arc.agric.za; sel 084 506 0068. 17-19 AUGUSTUS: Sentrale Boerbok-veiling en -ekspo. Afridome, Parys. Caroll-Ann Mienie, sel 079 477 4416; e-pos: admin@afridome.co.za 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Sprekers: Hendrik van Pletzen (Genetiese vooruitgang danksy gehalteramme en die ekonomie),…