Indholdsfortegnelse for 08-Sep-17 i Landbouweekblad

Die finansiële joernalis Tim Cohen vertel in Business Day hoe maklik hy drie jaar gelede vir hom een bitcoin gekoop het teen R10 000. Hy moes die geld in ’n Sloweense bank deponeer en ’n belastingklaringsertifikaat kry vir dié buitelandse “geldeenheid”. ’n Paar dae later was die geld op sy debietkaart. Al waaroor hy nou jammer is, is dat hy nie meer gekoop het nie. “Die swak publisiteit oor bitcoin is grotendeels verby. Inteendeel, banke en baie ander instellings val oor hul voete om die boustene van bitcoin op nuwe, vernuwende maniere te gebruik. Die voordeel van bitcoin is dat dit ’n oop lêer gebruik wat permanent elke transaksie opneem, wat dit onmiddellik en openlik verifieerbaar maak. Dit los nie die probleem op van bitcoins wat gesteel word nie, want…

BOERE MOET PARAATHEID VERBETER Ek ontvang gereeld ’n uitgawe van NWK se joernaal Arena in die pos en sien altyd daarna uit om te lees wat in die maatskappy gebeur in wie se diens ek baie jare gestaan het. Ek werk steeds in die landboubedryf en kry steeds met baie van Noordwes se boere te doen. Ek weet van hul swaarkry die afgelope jare met die droogtes en insetkoste wat die hoogte ingeskiet het. Vir my is veiligheid op plase egter die faktor wat die meeste aandag moet geniet. Boere moet alles in hul vermoë doen om hulself en hul geliefdes te beskerm. Veral die ouer boere is nie paraat genoeg nie en gee weinig of geen aandag aan veiligheid. Onlangs is ’n bejaarde egpaar wreed aangerand op hul plaas.…

SOWAT drie maande ná die Wes-Kaap tot rampgebied verklaar is, het die nasionale Regering noodrampverligting van R74,8 miljoen aan die provinsie toegeken. R40 miljoen is vir veevoer en die orige R34,8 miljoen vir munisipaliteite wat kwaai waternood het, het mnr. Des van Rooyen, die Minister van Plaaslike Regering en Tradisionele Sake, gesê. Kaapstad kry R20,8 miljoen, die Bitou-munisipaliteit, wat onder verwoestende brande deurgeloop het, kry R10,9 miljoen en die Theewaterskloof-munisipaliteit R3,1 miljoen. Die Wes-Kaapse regering vra al sedert Desember 2015 toestemming by die Regering om die provinsie tot rampgebied te verklaar. Van Rooyen sê die nasionale sentrum vir rampbestuur en sy provinsiale eweknie sal die besteding van die geld monitor om te verseker dit word reg bestee. Die geld vir die munisipaliteite is al op 21 Augustus oorgedra en die…

Die bietjie reën wat die afgelope Augustus geval het, het oesvooruitsigte in die suide van die Wes-Kaap verbeter. Boere van dié provinsie sê altyd die Regter besluit in September oor die oes. Reën in September en die eerste deel van Oktober is nog nodig om die potensiaal wat einde Augustus op die lande gestaan het, tot oestyd deur te sien. Mnr. RD Erasmus van die plaas Fonteinskloof by Caledon sê hulle het die winter minder reën gekry as waaraan hulle gewoond is, maar die reën het elke keer op die regte tyd gekom. “Hier staan goeie potensiaal op die land. September gaan uiters belangrik wees om die oes deur te help.” Erasmus sê sy “groter bekommernis” is wat volgende somer gaan gebeur as die damvlakke so laag is, veral vir…

LANDBOUVERWERKING en die landbouwaardeketting word in die nywerheidsontwikkelingskorporasie (IDC) se jongste jaarverslag uitgesonder as ’n voorrang-waardeketting waarop klem gelê moet word. Dit word toegeskryf aan die arbeidsintensiewe aard van dié sektor vergeleke met ander sektore. Die verslag lui dat vir elke R1 miljoen wat in die sektor belê word, word 6,6 werkgeleenthede geskep. Dit is in vergelyking met net 0,7werkgeleenthede per R1 miljoen in die chemiese en farmaseutiese bedrywe en 1,1 werkgeleenthede in die metaal- en mynbouwaardeketting. “Ons glo die landbouverwerkings- en landbou-waardeketting speel ’n belangrike rol in die ekonomie. Ons besef die noodsaaklikheid om dié waardekettings tot hul volle potensiaal te ontwikkel in die stryd teen hoë vlakke van werkloosheid in Suid-Afrika,” aldus die verslag. Vir die boekjaar 2018 is R203 miljoen vir projekte in die landbou-waardeketting goedgekeur uit…

Twee groot besprekingspunte het rooivleisprodusente in Suid-Afrika aan die praat. Die een groot vraag is hoe lank die groeisiklus in die veebedryf gaan voortduur met stygende pryse. Die tweede kwessie is of rooivleis nie te duur raak vir die verbruiker nie – veral omdat Suid-Afrika in ’n ekonomiese resessie is en werkloosheid toeneem. Dit hang saam met die vraag of boere eerder moet diversifiseer in veeboerdery – en die gepaardgaande diefstal en misdaad probeer bekamp – omdat dit deel kan wees van ’n langertermynverskuiwing na die produksie van vleis ten koste van graan. Daar is sekerlik menige perspektief op die vraag. Om die antwoord te kry, sal ’n mens moet kyk watter faktore die marksiklus vir rooivleis voortstu. DROOGTE, MIELIE-OES EN PRYSE Die aanloop tot die huidige stand van sake…

Verbruikers soek toenemend betroubare inligting oor voedselprodukte. “Eindverbruikers wil presies weet wat hulle gaan eet: Die produk se kenmerke, bestanddele, waar dit verbou is, of dit op ’n aanvaarbare manier verbou is, en of dit omgewingsvriendelik gedoen is,” sê mnr. Thomas Robbertse, uitvoerende hoof van die Suid-Afrikaanse naspeurbaarheidsgroep iQ Logistica. Hy sê die magsewewig verskuif al hoe meer van die aanbodkant na die verbruiker toe. Danksy die internet en sosiale media het verbruikers toegang tot meer inligting en ook ’n stem om byvoorbeeld ’n boodskap oor bederfde kos te versprei. Thomas sê mnr. Doug McMillon, president en uitvoerende hoof van die Amerikaanse kleinhandelreus Walmart, wat ’n beherende belang in die Suid-Afrikaans gebaseerde Massmart besit, het vroeër vanjaar gesê verbruikers gaan toenemend by handelaars koop wat naspeurbaarheid navolg. iQ Logistica het…

Ons het besef om die skape gereeld te skuif, veral wanneer die veld in ’n groeifase is, is die belangrikste. In dele van Namakwaland is dit al die derde lamtyd dat dit nie reën nie. Mnr. Albertus Roux van die plaas Rietfontein, buite Springbok in die Noord-Kaap, is baie bekommerd oor die gebied se reënvooruitsigte, maar is dankbaar dat hy in 1987 met kortrotasie-wisselweiding begin het. Hy het aanvanklik “oor sy voete geval” omdat hy nie genoeg geweet het nie, maar aangehou en verander en verbeter totdat hy die beste stelsel vir sy diverse grondtipes (sien plaasinligting) en plantegroei ontwikkel het. “Op my veld is nog genoeg hooi sodat die droë ooie met ’n lek aan die gang gehou kan word. Omdat dit my beleid is om in die droogte…

KORTOM ■ Die eerste landbouproduk is laat verlede jaar met behulp van blokkettingtegnologie verkoop. ■ Hierdie tegnologie skep ’n platform waarop almal in die waardeketting ingesluit kan word en deurentyd met mekaar in verbinding bly. ■ Hierdie platform verseker deursigtige, betroubare inligting, haal risiko en koste uit transaksies, verseker kopers se kredietwaardigheid en onmiddellike betalings aan boere. ■ Hoewel daar steeds baie probleme is wat uitgestryk moet word, is die potensiaal van hierdie tegnologie groot. Op 8 Desember verlede jaar het die Australiese maatskappy AgriDigital ’n nuwe era vir die verhandeling van landbouprodukte ingewy toe 23,6 ton koring die eerste landbouproduk tot nog toe geword het wat via ’n blokketting (blockchain), oftewel ’n kriptografiese platform, verhandel is. Vir boere is dit uitstekende nuus omdat ’n blokketting betroubare en deursigtige naspeurbaarheid…

Een van die grootste faktore wat Suid-Afrikaners keer om meer vars groente en vrugte te eet, is die prys daarvan. Die BFAP het gaan uitwerk dat dit sowat R280 per maand kos vir ’n mens om twee porsies vrugte en drie porsies groente per dag te eet. Die bedrag is gegrond op kleinhandelspryse in April vanjaar. ’n Kombinasie van appels, piesangs, lemoene, tamaties, kool en pampoen is as voorbeeld gebruik. “Dit is heel duidelik dat dit onmoontlik is vir ’n huishouding met vier mense wat R2 000 per maand verdien om R1 120 per maand aan vars produkte te bestee,” lui die verslag. “Dié voorbeeld wys hoe belangrik die regte beleidsingrype is om gesonde kos bekostigbaarder te maak, veral vir lae-inkomste-huishoudings in die land.” Die onlangse suikerbelasting kan egter voordelig…

SKIETLIG LAAT DAAR SOMMER HEELTYD LIG WEES Nugter weet wie besluit hoe lank die draad moet wees tussen ’n skietlig en die prop wat by ’n bakkie se aansteker moet inprop, maar dit is nooit lank genoeg nie. ’n Mens voel altyd of jy by Kleinsus in haar pophuis gaan “tee” drink – jy kan nie lekker regop staan nie. Die enigste raad is om self die draad langer te maak, maar dan is daar altyd ’n lelike lasplek. Sniper se nuwe Predator Dual Power-lig bring egter verligting en nou kan die man wat agterop die bakkie lig maak, lekker regop staan. Die draad is ’n bietjie langer en die lig het ’n ingeboude battery. ’n Kollig met ’n battery is natuurlik niks nuuts nie, maar die Predator is sy…

1 Grootkampioen (siertuig), Bokveld. Eienaar: Mnr. Herman Burger (sel 082 572 2826), Sluyswyk-stoetery, Malmesbury. Vertoner: Mnr. Abri Engelbrecht. 2 Grootkampioen (enkeltuig), Tolla. Eienaar en vertoner: Mnr. Eduard Mostert (sel 084 401 6177), Hananja-stoetery, Springbok. 3 Grootkampioene (dubbeltuig), Roy en Tiaan. Eienaar: Mnr. Hoffie van Blerk (sel 083 393 1607), Spansaam-stoetery, Malmesbury. Vertoner: Mnr. Bennie Kloppers. 4 Kampioen (stap en draf), Twee Palms Kiki. Eienaar: Me. Rika Prins (sel 083 398 0899), Twee Palms-stal, Vredendal. Vertoner: Me. Melanie Agenbag.…

JY IS EINTLIK ’N BOER; HOE HET JY DIE GELEENTHEID VIR ’N PADSTAL RAAKGESIEN? Ek werk by my pa as ’n bestuurder in ons intensiewe varkboerdery. Die droogte het verlede jaar begin knyp en ek het ’n kans gesoek om ’n ekstra inkomste te verdien. Ek het al van kleins af ’n passie vir sake en het besluit om my oom, Schalk Meintjies, te vra of ek ’n padstal op sy eiendom kan begin. HOEKOM JUIS BY FORT MISTAKE? Ek is geseën met ’n stroom motoriste wat daagliks by die padstal stilhou. Dis ook ’n gewilde stilhouplek vir vakansiegangers wat see (Durban) se kant toe of wildtuin toe ry. JOU PADSTAL HET ’N HEERLIKE AANBOD BOERDERYPRODUKTE. Ek verkoop van my ma se varkvleisprodukte. Sy het ’n slaghuis op die plaas…

Die grasveld-bioom is nie net van die grootste belang vir wol-, beesvleis- en melkproduksie nie. Dié bioom lewer ook die grootste deel van Suid-Afrika se mielie-oes, terwyl sorghum, koring en sonneblomme ook daar verbou word. Talle skaars voëlsoorte word ook daar aangetref. In Suid-Afrika kom die grasveld-bioom in die hooggeleë sentrale gedeeltes, asook in die binneland van KwaZulu-Natal en die Oos-Kaap voor. Grasvelde bestaan gewoonlik uit ’n enkellaag grasse en die omvang van bedekking hang af van reënval en die hoeveelheid beweiding. Ryp, brande en beweiding sorg dat gras oorheers en voorkom normaalweg die vestiging van bome, maar bolplante kom wydverspreid voor. BEDREIGINGS VIR GRASVELD Grasplante verdra beweiding, brande en selfs die sny daarvan. Oorbeweiding laat pionierplante, rankplante en eenjarige grasse egter vermeerder. Ontoepaslike boerderypraktyke, soos om die veld té…

INTERNASIONAAL: Die Chicagoprys het met 2,8%, of $3,95/t, tot $136,29/t (R1 793/t) teenoor die vorige week gedaal. Op ’n jaargrondslag is dit 5,1%, of $6,64/t (R87,34/t), hoër. Verwagte pryse: Okt. – $133,22/t (R1 752/t), Des. – $138,97/t (R1 828/t), Mrt. – $144,09/t (R1 895/t), Mei – $147,24/t (R1 937/t). PLAASLIK: Die Safexprys van wit mielies het met 0,6%, of R10/t, tot R1 805/t teenoor die vorige week gedaal. Die prys van geel mielies was onveranderd. Op ’n jaargrondslag is die prys van wit mielies 57,3%, of R2 420/t, laer, terwyl die prys van geel mielies 38,6%, of R1 222/t, laer is. Verwagte witmieliepryse: Okt. – R1 848/t, Des. – R1 896/t, Mrt. – R1 951/t, Mei – R1 984/t. Verwagte geelmieliepryse: Okt. – R1 990/t, Des. – R2 024/t, Mrt.…

Die prys van skaapramme het die afgelope jaar met die styging in wol- en vleispryse tred gehou, sê dr. Louis du Pisani, nasionale bestuurder van voorligting en opleiding by die Nasionale Wolkwekersvereniging. Hy sê ofskoon ramme slegs 3% van ’n nor-male kudde verteenwoordig, dit 50% tot die genetiese bevordering daarvan bydra. “Dit sou dus onwys wees om op ramkoste te snoep as kuddeverbetering jou doelwit is.” Die norm is om een ram vir elke 30 ooie aan te hou en die ramme net drie jaar te gebruik voordat hulle vervang word. “Indien ’n 100% besetting verkry word, sal ’n ram dus waar twee lamtye per jaar van toepassing is, in dié tydperk teoreties 180 lammers teel. Indien die koopprys van die ram byvoorbeeld R18 000 was, beteken dit dat elke…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com BOEREDAE 9 SEPTEMBER: Olifantsrivierveteraantrekker-en-enjinklub se ploegdag. Augsburg-gimnasium. 15 jaar-herdenking, donkie-huldeblyk. Tel. 021 913 1380. 13-16 SEPTEMBER: Agri Mega-week en nasionale Fynbos-ekspo. Megapark, Bredasdorp. Web: www.mega-events.co.za 14 SEPTEMBER: Swartlandse Kleingraanontwikkelingsgroep se boeredag en proewe-besigtiging. Langgewens-navorsingsplaas, Moorreesburg. E-pos: gertc@elsenburg.com 12-14 OKTOBER: Agri-Expo Livestock 2017: Die Groot Plaasproe — van bok tot bier. Sandringham, Stellenbosch. E-pos: admin@agriexpo.co.za; web: www.live stock.org.za; tel. 021 975 4440. 20-21 OKTOBER: Hamlet-kunsen-kultuurfees en Agridag. Prince Alfred Hamlet. Nica du Toit. E-pos: marketing@hkkf.co.za 25 NOVEMBER: Vaalwaterboeredag. Bergfietswedren, kindervermaak, skietkompetisie, vee- en eiendomsveiling, kaas- en wynproe, eetkompetisie, kosstalletjies, boeresport, biertent, vlugbal en meer. Eiendomsveiling en vermaak: Natalie du Toit, sel 083 591 0597. Veeveiling…

52% Die waarde van bottervet het in die afgelope jaar met 52% gestyg op die Nieu-Seelandse Global-DairyTrade-indeks. Die waarde van kaseïen, wat in kaasvervaardiging gebruik word, het egter met 6,9% gedaal, en die prys van vetvrye melkpoeier het met 11,5% gedaal. In Nieu-Seeland het die bottervetprys effens begin daal van ’n hoogtepunt van $6 044 per ton, maar in Europa het die prys verlede week $7 026 per ton bereik. — AgriMoney $50,60/t Suid-Afrikaanse mielieboere betaal gemiddeld $50,60 (sowat R658 teen R13/$) aan kunsmis vir elke ton mielies wat hulle verbou — die hoogste onder vyf lande in ’n Agbiz-opname (die ander lande is Argentinië, Brasilië, die Oekraïne en Amerika). In Argentinië is die gemiddelde prys $17,66, in Brasilië $32, in die Oekraïne $32,50 en in Amerika $34,66. In Argentinië…

‘As die organisasie hom tydens die droogte nét met beleid besig gehou het, sou 12 500 boere nie hulp ontvang het nie.’ MNR. OMRI VAN ZYL, uitvoerende direkteur van Agri SA, oor van die redes vir ’n nuwe, meer vaartbelynde bestuurstruktuur wat eersdaags op die organisasie se kongres bespreek gaan word. Bl. 18 ‘Hier staan goeie potensiaal op die land. September gaan deurslaggewend wees vir die oes.’ MNR. RD ERASMUS van die plaas Fonteinskloof by Cale-don oor sy koringoes. Bl. 20 ‘Of ons dit nou wil weet of nie, die surplus word ál groter en die druk ál meer om dit uit te voer.’ MNR. CORNÉ LOUW, senior ekonoom by Graan SA, oor die groot mielie-oes. Bl. 14 ‘Ons het reaksie van boere van reg oor Mpumalanga gekry wat saam…

VYF verdagtes wat vermoedelik by verskeie plaasaanvalle in die omgewing van Tzaneen betrokke was, is vroeg verlede week in hegtenis geneem in ’n gesamentlike polisie-operasie wat op inligting gegrond was. News24 berig twee van die vyf is tans op parool nadat hulle vonnisse vir gewapende roof uitgedien het. Die mans blyk lede te wees van ’n sindikaat wat in plaasaanvalle spesialiseer. Die polisie het ook 2 pistole, 14 gewere en 318 patrone in een van die verdagtes se agterplaas gevind. “Die blote feit dat die polisie na ’n sindikaat verwys, bevestig TLU SA se herhaalde siening dat plaasmoorde georganiseerde misdaad is en nie ‘normale misdaad’ nie, soos die polisie dikwels sê nie,” sê mnr. Henry Geldenhuys, die organisasie se adjunkvoorsitter en veiligheidswoordvoerder. Geldenhuys sê die feit dat twee van die…

’N VERWERKINGSAANLEG vir wol wat in kommunale gebiede geproduseer is, is nie lewensvatbaar nie, meen die Nasionale Wolkwekersvereniging (NWKV) in antwoord op kommunale wolboere se versoek dat só ’n aanleg nader aan hul boerderye opgerig word. ’n Wolwassery en kammery is baie duur om op te rig en wanneer dit in bedryf is, sal dit betreklik min werksgeleenthede skep, het mnr. Clarence Friskin, ondervoorsitter van die Suid-Afrikaanse Wol- en Bokhaarkopersvereniging (Sawamba), aangedui. Volgens Friskin het Suid-Afrika net twee verwerkingsaanlegte oor. Weens onbillike mededinging uit China, waar die regering verwerkers subsidieer, asook uit Indië en Oos-Europa met hul goedkoop arbeid, moes van die plaaslike verwerkers sluit of hul werksaamhede afskaal. “Daar is geen regverdiging om nog verwerkingsaanlegte op te rig as die bestaande twee nie eens teen volle vermoë werk nie…

1 ZAMBIË| Boere staan vas oor mielieprys Die Zambiese nasionale boereunie (ZNFU) hou vol hy sal aanhou om boere aan te raai om nie hul mielies te verkoop nie, ondanks dreigemente onlangs deur die staat se mieliekoper, die Food Reserve Agency (FRA), om boere hof toe te sleep daaroor. Mnr. Austin Shinachize, tweede adjunkvoorsitter van die ZNFU, sê geen dreigemente gaan boere weerhou daarvan om ’n goeie prys vir hul oes te kry nie omdat hulle geld moet maak vir verdere beleggings. “Ons as boere is die eienaars van die kommoditeit en ons is gereed om gedagvaar te word daarvoor dat ons weier om ons oes vir ’n hongerloon te verkoop. Die koper kan nie die prys voorskryf waarteen die mielies gekoop gaan word nie. Die produsent, die verkoper, moet,”…

 ONDANKS die sowat 20 mm reën wat middel Augustus in die opvanggebied van die Kougadam in die Gamtoosvallei uitgesak het, het die dam min daarby baat gevind en was dit op 28 Augustus net 14,73% vol. Dit is nie asof almal hier op ’n hoop gaan sit en wonder wat gaan gebeur nie. Mnr. Andrew Murray, hoofwaterbeheerbeampte van die Gamtoos-besproeiingsraad, sê omdat dit so droog is, was daar feitlik geen watervloei nie. Die laagste vlak sedert die dam gebou is, was 9,8% in 1992. Besproeiingsboere se kwotas is reeds met 60% ingekort. Die Loeriedam waaruit Port Elizabeth sowat 20% van sy waterbehoefte mag onttrek, was egter 74,4% vol. SLIM WATERPLANNE “Maar dit is nie asof almal hier op ’n hoop gaan sit en wonder wat gaan gebeur nie. Hoewel daar…

V YF nuwelinge het vanjaar hul buiging in Standard Bank se Chenin blanc Top 10-kompeti-sie gemaak. “Dit is ongewoon en baie opwindend. Dit is net so goed om te sien dat ’n spesifieke wyn, soos Perdeberg-wynmakery se The Dry Land Collection Courageous Barrel Fermented Chen-in blanc, al vir die vierde oesjaar agtereenvolgens ’n plek op die lys beklee,” sê me. Cathy van Zyl, voorsitter van die proepaneel. Spier se 21 Gables Chenin blanc is ook vir die vierde keer op dié gesogte lys. Nog ’n ou bekende is Stellenrust, wat vir die derde keer bekroon is. Stellenrust spog met twee wyne op vanjaar se Top 10, naamlik die 52 Barrel Fermented Chenin blanc 2016 en 51 Barrel Fermenter Chenin blanc, gemaak uit onderskeidelik ’n 52 jaar en 51 jaar oue…

Die belangrikste deel van ’n suksesvolle belegging is ’n finansiële plan. Net so belangrik is die keuse van die regte finansiële produk, naamlik of jy jou belegging binne ’n uittree-annuïteit, uitkeerpolis of belastingvrye belegging moet plaas. Die belegging bepaal nie die groei van die belegging nie, maar dit bepaal die belasting en die koste betaalbaar op die belegging. ’n Verkeerde besluit kan dus die groei beperk. Verskeie beleggingsprodukte is beskikbaar, elkeen met sy eie reëls. Jou finansiële plan sal aandui watter produk vir jou die voordeligste is. Aangesien die produk self nie die opbrengs lewer nie, moet jy twee vrae vra wanneer jy verskaffers se produkte vergelyk: ■ Wat is die koste van die produk? ■ Hoe groot is my keuse van onderliggende beleggingsfondse? Dit is verbasend hoe die koste…

In Suid-Afrika word bestuiwingsbestuur tot heuningbye beperk, maar ander byespesies kan ook in die nabye toekoms ’n rol in die landbou begin speel. Bye, waarskynlik die belangrikste bestuiwers van landbougewasse, is ook belangrik om biodiversiteit in natuurlike veld te handhaaf. ’n Mens kan egter nie van een soort bestuiwer verwag om dié rol te vervul vir al die verskillende gewasse se blomme, asook wildeblomplante nie. Benewens die sowat 1 000 verskillende byespesies is daar baie ander soorte bestuiwers, soos kewers, vlieë, voëls en motte. Landboukundiges weet lank reeds van die groter doeltreffendheid van alternatiewe bestuiwers op party gewasse, maar in Suid-Afrika is nog te min navorsing gedoen om dié bestuiwers te bestuur. Suid-Afrikaanse boere behoort meer bewus te wees van die waarde van nie-heuningbye as inheemse bestuiwers. ’n Groter bewustheid…

Kaapse koringboere moet vanjaar koes vir ’n driedubbele uitklophou van droogte, lae pryse en ’n laer tarief op ingevoerde koring. Mnr. Lombard van Jaarsveld, landboukundige by Overberg Agri op Moorreesburg, meen die koringjaar is op ’n naaldpunt gebalanseer. “Die eerste winterreën het eers op 7 Junie geval. Saam met ’n groot daling in grondtemperature het dit tot gevolg gehad dat die koring vier tot ses weke later as in ’n normale jaar is. Die plante het vanweë die laat reën en koue dus nog nie juis kans gehad om te groei nie.” Teen middel Augustus was die reënval 160 mm minder as die gemiddelde op lang termyn, maar intussen begin die seisoen verander en raak die dae langer. “Dit beteken die plante begin regmaak om in die saadproduksiefase in te…

WAT IS DIE SLIMSTE DING WAT JY IN JOU BOERDERY GEDOEN HET? Ek het nog nooit slim goed gedoen of iets uitgevind of ontwikkel nie. Ek kry die beste resultate as ek probleme oplos met die kennis van mense wat weet. WATTER TEGNOLOGIE IS ONONTBEERLIK? Ons woon en werk op ’n afgeleë plaas, daarom alles wat kommunikasie vergemaklik, soos selfone en die internet, omdat ons ons rekeninge op die internet kan betaal en banksake doen. Ons gebruik ook die internet ál meer om inligting te kry. Kameras by veesuipings om te sien watter roofdiere snags kom drink en deur kennis van roofdiere se bewegings te weet hoe om hulle te bekamp. Elektriese heinings en sonpompe om klein stukkies grond te besproei, vereis ’n eenmalige kapitaaluitgawe. BY WIE HET JY DIE…

KORTOM ■ Produsente moenie al hul geld op een kaart sit en hul kuddes of troppe aan net een dominante bul of ram blootstel nie. ■ Genomika maak dit makliker om vir genetiese siektes te toets. ■ Veeboere moet voortdurend nuwe teelmateriaal by hul kuddes inbring en hul teelprogram bestuur met genetiese diversiteit as mikpunt. Twee onlangse artikels in die media oor die voorkoms van genetiese siektes onder mense in Suid-Asië, asook in ’n spesifieke stad in Amerika, het my laat besef hoekom dit so belangrik is om oorerwing in klein bevolkings, of bevolkings waarin daar ’n ongelyke aantal manlike en vroulike diere is wat voortplant, te verstaan. Kyk byvoorbeeld na die wildbedryf, waar bevolkings klein is, of in die bees-, skaap- of melkbedryf, waar ’n enkele bul of ram…

BOER SÓ MET BOERBOKKE Hoe boer ’n mens in ’n vennootskap met Boerbokke? Verskeie faktore bepaal of jy ’n goeie of slegte bokboer is: Jy moet besluit of jy baie moeite gaan doen en geld maak, en of die bokke die hele plaas vol en by die buurman gaan wees en jy dus ’n swak bokboer gaan wees wat boonop sonde met die bure gaan hê. Dit is nie ’n goeie idee om saam met iemand te boer as daar nie oor goeie riglyne en reëls ooreengekom is nie. Dit kan maklik tot konflik lei as die ooreenkoms nie goed uiteengesit is en nagekom word nie. Dit is dus belangrik om goeie dissipline te handhaaf. Kyk baie mooi na jou heinings, want die bokke gaan op jou eiendom wei. Wat…

Laevet-hoenderkerrie Hierdie geurige kerrie met sy lekker sous proe allermins soos dieetkos, maar bevat baie min vet en maer proteïene. ■ 800 g hoenderborsies sonder vel of been Marinade ■ 2 knoffelhuisies, fyn gekap ■ 3 cm vars gemmer, geskil en fyn gerasper ■ 10 ml garam masala (vervang met kerriepoeier as jy nie masala het nie) ■ 5 ml komyn ■ 5 ml gemaalde koljander ■ 3 ml kaneel ■ 125 ml natuurlike laevetjogurt ■ 10 ml olyfolie ■ 1 ui, grof gekap ■ 1 blik (410 g) tamatiepuree ■ Water ■ 60-125 ml natuurlike laevetjogurt ■ Sout en vars gemaalde swartpeper na smaak ■ Vars suurlemoensap ■ Gesnipperde, vars rissies of vars koljanderblare, om voor te sit Sny die hoenderborsies in hapgrootte blokkies en sit dit in ’n…

Hy verdoem nie rykdom en verhef nie armoede tot ’n deug nie. Rykdom en armoede is begrippe wat waarskynlik so oud is soos die mensdom self. Die mooiste, sowel as die lelikste, kom in mense na vore wanneer rykdom en armoede ter sprake kom. Hoekom is daar so ’n skerp verdeling en verdeeldheid oor die hantering van hierdie saak? Wat is die rede dat daar van die vroegste tye af so ’n groot gaping ontstaan het? Is dit mensgemaak of ’n goddelike beskikking? Het God sommige mense ryk gemaak en ander arm met die grootste aantal mense so iewers tussenin? Dis interessant dat die Skepper van die mens ons nie soos elektroniese masjiene gemaak het, wat binne gegewe toestande outomaties aan- of afskakel nie. God gee vir ons in Sy…

“Dit is Suid-Afrika se beurt om voordeel uit ’n goeie wolprys te trek.” Dít is die reaksie van mnr. Harry Prinsloo, voorsitter van Agri SA se bedryfskamer. “As ek ’n bietjie selfsugtig kan wees: Dit is ons beurt dat dit vir ’n slag in die wolbedryf goed gaan,” sê hy. Volgens hom is die wolprys se styging te danke aan die volgehoue goeie werk van die Internasionale Woltekstielorganisasie (IWTO), waarvan Suid-Afrika ’n belangrike belanghebbende is. Die goeie vraag kan ook toegeskryf word aan die vraag na natuurlike vesel en die herontdekking van die goeie eienskappe van wol. “Ek dink ook Suid-Afrika se wol is in aanvraag vanweë die gehalte en die goeie klassering daarvan. Miskien ook die gevolg van ’n lang betrokkenheid van die Suid­Afrikaanse afvaardiging by die IWTO,” sê…

GAUTENG CARLETONVILLE HOUTKOP (43) 155 ha, aan Quantum Foods (Edms.) Bpk., van Pioneer Foods (Edms.) Bpk., R633 501 208. OUDEDORP (376) 61 ha en WIT-KOPPIESFONTEIN (392) 251 ha, aan JJ van Niekerk-trust, van FortesFortunaIviat (Edms.) Bpk., R4 300 000. DERDEPOORT HOLLAND (66) 616 ha, aan Green Mile Inv 178, van Thremerwe Boerdery, R4 412 000. NIGEL BLINKPOORT (396) 52 ha, aan Marsa Boerdery, van Danictrust, R1 250 000. PRETORIA KLIPDRIFT (90) 21 ha, aan L. van der Walt, van Charl Pretorius Inv (Edms.) Bpk., R809 225. ROODEPLAAT (293) 21 ha, aan Fortune Pending Inv 10, van G.J. Oosthuizen, R700 000. ROOIKOPJES (483) 31 ha, aan Adriaan Botma Construction, van A. Rehman, R1 200 000. KWAZULU-NATAL LADYSMITH DOORN SPRUIT (1163) 102 ha, aan Vickers And Sons Farming (Edms.) Bpk., van Aveleda-trust,…

SA BEÏNDRUK IN DIE VSA Die skaal is indrukwekkend, hier waar ’n groep van Suid-Afrika se beste saaiboere saam met Monsanto op toer is deur Amerika. In Illinois staan hulle in die skaduwee van John Deere S690-stropers en reuse-Brentrusperbandtapkarre by Chris Dowson se enorme saaiboerdery. Chris, sy twee seuns en ’n skoonseun saai op ongeveer 25 000 ha wat 100 myl noord, oos en wes en 40 myl suid strek. ’n Driekwart daarvan is mielies en ’n kwart sojabone. Chris besit ’n kwart van die grond en die res huur hy. Teen produksiekoste van ongeveer R15 000/ha en ’n gemiddelde opbrengs van 12 t/ha beloop sy wins rofweg hier bo R200 miljoen per jaar. Dit maak van hom een van die grootste, indien nie dié grootste nie, mielieboer in die…

PRIVATE GELD, SOOS BITCOIN, IS DIE TOEKOMS — DAWIE ROODT Geld en die wêreld van geld is besig om drasties te verander, en die publiek moet bewus wees van ander vorme van geld en hoe dit magsbasisse kan verander, het mnr. Dawie Roodt, hoofekonoom van die Efficient-groep, gesê. Hy het onder meer na bitcoin verwys. ALF skryf: Uitstekend gestel, Dawie. Mense moet hulself so spoedig moontlik van hierdie tegnologie vergewis. Vyf jaar gelede kon min mense en plekke ons help om bit-coins te koop, maar vandag is daar ’n magdom inligting. Wees egter baie versigtig en vergewis jouself eers mooi van hoe alles werk deur met ’n klein bedrag die water te toets. Kyk elke dag 15 minute na ’n YouTube-video oor die blokketting (blockchain). Die tyd sal leer watter…

AGRI LIMPOPO gaan Agri SA vra vir ’n jaar lange moratorium op die implementering van ingrypende veranderinge in laasgenoemde se bestuurstruktuur. ’n Mosie van AgriBosveld in dié verband is by Agri Limpopo se onlangse kongres op Modimolle aanvaar. Die organisasie wil hê die beoogde verandering van Agri SA se grondwet en die veranderde memorandum van inkorporasie van die voorgestelde veranderde korporatiewe struktuur moet vir minstens ’n jaar uitgestel word. In dié tyd wil Agri Limpopo antwoorde van Agri SA hê oor kwellinge oor dié hervormings: ■ Gaan ’n korporatiewe struktuur die besluitnemingsproses gunstig beïnvloed en hoe? ■ Hoe gaan die primêre landbou se belange verskans word in ’n direksie waarin korporatiewe lede ook dien? ■ Wat gaan die sentrums van uitnemendheid se status wees, en hoeveel uitvoerende gesag sal hulle…

Die strafsaak teen mnr. Orton King, uitvoerende direkteur van die Agri Mega-groep, is teruggetrek, het King op 29 Augustus in ’n WhatsAppboodskap aan ’n groot aantal kennisse gesê. “Dit is vir my besonder aangenaam om hiermee te bevestig dat die staat my regsadviseurs vandag in kennis gestel het dat die strafsaak teen my in persoon summier teruggetrek word en dat daar geen meriete vir vervolging was nie. “Dankie vir almal wat in my onskuld geglo het, asook vir diegene wat voorbidding gedoen het. Ek gaan voort met my pogings om die skade wat my gesin en die besighede in die Mega-groep as gevolg daarvan aangedoen is om te keer,” het hy geskryf. King is op 30 Mei op Bredasdorp in hegtenis geneem en is beskuldig van bedrog van R2,3 miljoen.…

’n Groot vraag uit China en die groot vraag na langvlies-Merinowol het bygedra tot die hoë wolpryse op die eerste veiling van die seisoen. Boere is aangenaam verras deur ’n prysstyging van 19%, sê mnr. Razeen Johaar, ’n wolkoper vir Standard Wool in Port Elizabeth. Hy verduidelik wol met geen of min plantmateriaal verdien ’n premie op veilings. Tans het baie van die wol wat handelaars voorsien, hoë vlakke van plantmateriaal, wat beteken daar is strawwe mededinging vir dié met min plantmateriaal. “Dit lyk asof die goeie prys dalk vir nog ’n tyd volgehou kan word, maar daar was reeds ’n afwaartse aanpassing van 1% by die tweede veiling van die seisoen,” sê hy. “Tussen die kopers dink ons die pryse sal rondom einde September begin afneem. Ons meen nie…

BOERE moet mooi dink voor hulle nuwe suurlemoenboorde vestig, al is daar boompies beskikbaar, sê mnr. Hannes de Waal, besturende direkteur van die Sondagsrivier Sitrusmaatskappy. Pryse het dié seisoen al gehalveer, en boonop word verwag dat ’n rekordoes van sowat 19 miljoen kartonhouers vanjaar uitgevoer word. Daar is kommer dat wêreldwye oorproduksie pryse verder kan laat daal. “Spaar jul geld of belê dit in ’n alternatiewe gewas. Hoewel lemmetjies as ’n alternatief vir suurlemoene beskou word, het boere in Mexiko dit reeds op groot skaal aangeplant.” Hy sê die mark vir suurlemoene is tans baie traag, veral omdat Argentinië en Spanje se lewering na normaal teruggekeer het en dié lande steeds nuwe boorde vestig. De Waal sê boere in die Sondagsriviervallei is beter as ander produksiegebiede in Suid-Afrika geposisioneer om…

Met die huidige beleidsonsekerheid oor landbougrond en die lae ekonomiese groeivooruitsigte, is dit bemoedigend dat landbougrond nie waarde verloor nie. Inteendeel, produsente identifiseer geleenthede en staar hulle nie blind teen retoriek oor die politiek en ekonomie nie. In sekere distrikte daal grondwaardes, maar oor ’n provinsie heen dui die netto resultaat steeds daarop dat grondwaardes toeneem. Hoewel die waarde van droëlandgrond gedaal het in sekere distrikte, soos in dele van die Vrystaat, sou dit verkeerd wees om te veralgemeen en te sê alle landbougrond daal. Dit is nie waar nie. In die voorlopige vergelyking van grondwaardes vir die derde kwartaal van vanjaar, gemeet teenoor grondwaardes in die derde kwartaal van verlede jaar, het ’n paar sake duidelik geword. Let daarop dat dit ’n ontleding van waardasies is wat deur werklike…

Die meeste van die steun wat regerings van lidlande van die Organisasie vir Ekonomiese Samewerking en Ontwikkeling (OESO) en die Europese Unie (EU) aan die landbou gee, is om pryse op plaaslike markte hoër as op internasionale markte te hou. Die OESO sê in vanjaar se verslag oor staatsteun aan die landbou 60% van die betrokke regerings se steun is daarvoor gebruik. Dié 30ste verslag het landboubeleid in 52 lande bekyk. Regeringsteun op plaasvlak het van 21% van produsente-ontvangste 20 jaar gelede tot 16% in die verslagtydperk van 2014-’16 gedaal. Hoewel steunvlakke in party OESO-lande gedaal het, het dit in party opkomende ekonomieë gestyg. Die OESO sê lande behoort voort te gaan om plaasbeleid van regstreekse steun aan die markprys vir landbouprodukte weg te stuur na programme wat volhoubare produktiwiteitsgroei…

Sy pa het nooit met blink motors gery nie – sy bulle was sy Mercedes-Benze. Só gesels mnr. James Kingwill van Coloniesplaats, Graaff-Reinet, oor sy pa, mnr. Billy Kingwill, van die 1960’s tot die 1990’s een van die voorste Herefordtelers in Suid-Afrika. Saam met mense soos mnre. Dirk Louw van Koffiefontein en Jim Mapham van Dordrecht was Billy een van die bekendste en karaktervolste Herefordtelers in die land. Mnr. Dirkie Louw van die Herefordstoetery Miquiline naby Koffiefontein was dikwels saam met sy pa, Dirk, en Billy op skoue en veilings. Dirkie sê daar is niemand meer in Suid-Afrika wat ’n bul en ’n koei bymekaar kan sit en vir seker weet dit gaan ’n kampioen wees nie. “Billy kon dit doen. Hy kon match; hy’t seleksie verstaan. My pa ook.…

Oor die afgelope 15 jaar stoei mnr. Fanie van der Merwe van Bronaar Plase in die Koue-Bokkeveld met witlof. “Ek is nog nie ’n miljoenêr danksy hierdie gesogte, bittersoet groente nie, maar die bedryf begin stadig maar seker kop optel.” Die lig in die groentetonnel is egter alles te danke aan die energie en geld wat Fanie eiehandig belê om hierdie bedryf in Suid-Afrika te vestig. Die Koue-Bokkeveld, waar Bronaar Plase gesetel is, is ’n vrugbare vrugte- en groenteproduksiegebied met ’n uitstekende klimaat vir gewasse, soos appels, pere en groente. Dit is dus verrassend dat Bronaar besluit het om bykans R7 miljoen te belê in ’n bedryf wat van ’n hidroponikastelsel afhanklik is en waarvoor daar tot in daardie stadium nog nie ’n groot mark bestaan het nie. DINK NUUT…

KORTOM ■ In ’n ongewone stap werk vier wynmakers saam onder een dak, met ’n interessante wisselwerking van tegniek en die gebruik van skaars druiwe. ■ Danksy die samewerkingsproses is hulle in staat om meer vir skaars druiwe te betaal sodat ou wingerde behoue kan bly. Parstyd is Gabriëlskloof se wynkelder naby Botrivier ’n miernes van bedrywighede. Dit is des te meer so as by die meeste ander kelders, want nie minder nie as vier wynmakers, elkeen met sy eie handelsmerk, noem dié kelder hul wynmaakhuis. Die wynbende is Peter-Allan Finlayson, wynmaker by Gabriëlskloof en Crystallum, Donovan Ackermann, Gabriëlskloof se wynmaker, Marlise Niemann van Momento en John Seccombe van Thorne & Daughters. Hulle is ’n prettige klompie bymekaar, wat na hulself as Meow verwys, oftewel die Movement of Extreme Overberg…

1 Opperste skoukampioen (vyfgang), Migmar Gustav. Eienaar en vertoner: Mnr. Gerhard van Rensburg (sel 083 357 7070), Migmar-Boerperdstoetery, Bethlehem. Die klas is geborg deur PSG Konsult. 2 Opperste kampioen (ope, enkeltuig), Jansie Daniqua. Eienaar: Jansie-stoetery (sel 082 490 1930), Ventersburg. Vertoner: Mnr. Brendon Swarts. Die klas is geborg deur Mortimer Toyota. 3 Kampioenryperd (ope, driegang), Take the Lead. Eienaar: Mnr. Hennie Erasmus (sel 061 303 8129), Henanke-stal, Clocolan. Vertoner: Mnr. Simon Diamond. FRIESPERD 4 Kampioen (driegang), Jansie Dina. Eienaar: Jansie-stoetery, Ventersburg. Vertoner: Mnr. Pitso Letsoenyo.…

Op die eerste van 35 beplande wolveilings vir die nuwe seisoen het deelnemers op 16 Augustus geesdrftig in Port Elizabeth gebie. “Wolpryse was by dié veiling amper 20% hoër as op die laaste veiling van die vorige seisoen,” sê mnr. Isak Staats, hoofbestuurder van wol en bokhaar by BKB. Die gemiddelde wolprys van R183,50 per kilogram skoonwol is 25% hoër as op die ooreenstemmende veiling van die vorige seisoen. Die seisoen se aanbod het met 13 865 bale begin waarvan 97,6% verkoop is. Die belangrikste handelaars op die veiling was Modiano wat 4 130 bale gekoop het, Standard Wool SA (3 598 bale), Lempriere SA (2 047 bale) en Tianyu SA (1 881 bale). VRAAG EN AANBOD “Die droogte het sekere boere gedwing om hul kuddes te verklein. Dit is…

Die Maxted-familie van Harvestfresh kweek al die afgelope 25 jaar lank ’n groot verskeidenheid tipes en kultivars blaarslaai op hul plase net ’n klipgooi van Johannesburg af. George Maxted, die eienaar, sê die boerdery kan regdeur die jaar blaarslaai lewer. Watter tipes blaarslaai verbou julle? Van die tradisionele soorte, soos crisp of iceberg, cos, romaine en groen- en rooiblaartipes, tot Batavia-blaarslaai, botterslaai, Lolla Bionda- en Lolla Rossa-tipes. Ons boer ook met kultivars met meervoudige blare, dié wat met een snit gesny kan word, babablaarslaai en die hele reeks Salanova-slaai. Julle is baie naby die stad geleë. Hoe help dit die boerdery? Ons plase lê 50 km suid van Johannesburg. Die grootste voordeel is dat Gauteng ons grootste mark is en ons is redelik naby aan al ons groot klante. Dit…

Op die plaas Diepvlei, waar die Brink-familie al sedert 1900 boer, moes die boer ’n plan maak met luiperds wat skape vang – en dié Brink-boer het ’n vanghok uit klip gebou. “As dit daardie jare moes gaan soos dit twee jaar gelede met my gegaan het – toe ’n luiperd 54 stuks van my dragtige ooie doodgebyt het – kan ek die bou van die hok verstaan. Hierdie hok is uit plat klippe van sandsteen gebou. Alle kleure mos het mettertyd daarop gegroei,” vertel Tienie Brink, reeds die vyfde geslag op Diepvlei, en die vierde geslag wat dieselfde naam dra. Die eerste oupa het Daantjie (Daniel) Brink geheet. “Dié hok is in my oupagrootjie se tyd gebou – die eerste Tienie Brink. Ons gebruik dit al vir baie jare…

Hoewel dit betreklik goed gaan in die meeste akwakultuurbedrywe, sukkel die kabeljoubedryf om kop bo water te hou. Die rooskleurige toekoms wat meer as ’n dekade gelede vir kabeljoutelers voorspel is, het nooit gerealiseer nie. Boonop voorspel die tekens in die bedryf geen beterskap nie. Volgens mnr. Etienne Hinrichsen, besturende direkteur van die maatskappy AquaEco, was die prys wat in destydse sakemodelle vir kabeljou voorspel is, heeltemal te hoog en die produksiekoste heeltemal te laag. “Tensy die markprys vir kabeljou drasties toeneem, is daar nie juis ’n toekoms vir kabeljouteling nie omdat die produksiekoste so hoog is. Ten spyte daarvan dat vis wat uit die see gevang word al hoe minder raak, is die vraag steeds nie op ’n volhoubare vlak vir aanwal-produksie nie. Daar is reeds aansoek gedoen om…

Die volgende ontleding van grondverkope in Suid-Afrika is van transaksies vir grond wat groter is as 10 ha in Mpumalanga, die Noord-Kaap en Noordwes vanaf Julie verlede jaar tot Junie vanjaar. In Mpumalanga was daar ’n dalende neiging in net een van die ses distrikte. Altesame 465 transaksies het 105 915 ha teen R2,563 miljard behels. Daarvan was 84 (18,1%) ooreenkomste van kleur, wat 28 347 ha (26,8%) teen R722 miljoen behels het. Die meeste transaksies (34%) was vir grond kleiner as 50 ha. In die Noord-Kaap is 289 transaksies in 21 distrikte beklink. Dit het 690 421 ha teen R2,406 miljard behels. Daarvan was 29 transaksies van kleur (10%), wat 125 439 ha (18,2%) teen R412 miljoen (17,1% van die algehele waarde) verteenwoordig. Altesame 71% van die transaksies was…

Brangus-veilings het die afgelope paar maande goeie pryse opgelewer. Op die eerste tien produksieveilings van die seisoen het bulle gemiddeld R42 000 stuk behaal, terwyl vroulike diere teen gemiddeld R14 000 stuk verkoop is, sê mnr. John Rafferty, die Brangus-rasdirekteur. Die hoogtepunt was die 32ste nasionale veiling op 10 Augustus op Harrismith waar 25 bulle teen gemiddeld R92 920 deur stoettelers gekoop is, terwyl kommersiële boere 36 bulle teen gemiddeld R40 166 aangeskaf het. Ander goeie gemiddelde pryse is op die nasionale veiling behaal: Verse R14 750 stuk, dragtige verse R26 380 stuk, dragtige koeie R20 330 stuk, koeie met kalwers R27 750, swart bulle R54 800 stuk en rooi bulle R62 410 stuk. Die bul BVN1222 is deur Red-field Brangus, Bothaville, vir die hoogste prys van R200 000 aan…