Indholdsfortegnelse for 29-Sep-17 i Landbouweekblad

‘Maar daar was geen deurslaggewende bewys dat die behandeling gewerk het nie.’ MNR. LOUIS MEINTJES, voorsitter van TLU SA, nadat hy apparate wat kwansuis met klank plae weghou en plante beter laat groei, gebruik het. Bl. 19 ‘Ons glo die prys sal sywaarts bly beweeg omdat hy reeds op ’n hoë vlak is, maar hy sal nie afkom nie.’ MNR. GERHARD SCHUTTE, uitvoerende hoof van die Rooivleisprodusente-organisasie, oor die speenkalfprys. Bl. 17 ‘Dit behels dat jy die ruiter waardeer, en nie die perd nie.’ REGTER ANTONIE GILDEN-HUYS, grondkenner, oor die beginsel dat vergoeding vir grond op mark- sowel as produksiewaarde bepaal word. Bl. 20 ‘Daar is aanduidings dat enkele boere reeds met hul finansiers oor planne vir die volgende twaalf maande begin praat het.’ DR. JOHN PURCHASE, uitvoerende hoof van…

Al langer as 60 jaar is Opsitkers ’n instelling in Landbouweekblad . Met die internet en Opsitkers op Landbou.com  het die stroom geskrewe inskrywings minder geraak, maar ons plaas steeds graag ál die geskrewe briewe. ARRIE, LIMPOPO: 18-jarige ou, boer, ongetroud, 1,74 m, 74 kg, met groen oë en bruin hare. Gereformeerde Kerk. Hou van die natuur, musiek, kosmaak, TV-speletjies en fliek. Verlang asters, 16 tot 20, met soortgelyke belangstellings. ANGELIER, O-KP: Hou van uitstappies, tuinmaak, kos kook en alles wat mooi is. Mans, 70-80 en wat nie drink nie, kan skryf. Sy is 76, pensioentrekker, nooit getroud nie, NGK, 1,5 m, 80 kg, met donker oë en wit hare. MAANLIGROOS, VS, skryf: Oom Manie, ek is ’n 29-ja-rige vrou wat vroulik én ’n rabbedoe…

 ’N SWARTBEMAGTIGINGS-TRANSAKSIEmoet ’n resultaat van die samesmelting tussen die Suid-Afrikaanse en Franse bemestingsmaatskappye Profert en Roullier wees, het die Mededingingskommissie beslis. ’Profert was eens die derde grootste kunsmismaatskappy in Suid-Afrika.’ Roullier dryf in Suid-Afrika as Vitas handel. Die kommissie, wat onlangs Vitas se oorname van Profert met voorwaardes goedgekeur het, het onder meer beslis dat die Land Bank, een van Profert se grootste finansiers, 19% van die aandele in Vitas moet opneem. Die Land Bank het aangedui dat hy beoog om binne ’n tydperk van vyf jaar van dié aandele ontslae te raak. Vitas het dan die voorkeur-reg om dit te bekom. Die kommissie se voorwaarde is egter dat daardie aandele deel van ’n swart ekonomiese bemagtigingstransaksie moet vorm, om voorheen benadeelde mense ’n beter kans te gee om tot…

MET die bemarkingsjaar vir koring wat vandeesweek tot ’n einde kom, dui die jongste beskikbare syfers daarop dat graanhandelaars agter geraak het met koring-invoer, wat die land se oordragvoorraad laer as wenslik sal hou totdat die nuwe oes begin inkom. Volgens die Suid-Afrikaanse Graaninligtingsdiens (Sagis) is net 835 000 ton van die verwagte 980 000 ton vir die bemarkingsjaar teen 15 September ingevoer. Dit beteken in die laaste twee weke moet 145 000 ton ingevoer word om ’n sesweekoordragvoorraad moontlik te maak. “Die lae verwagte oordragvoorraad tesame met die Wes-Kaapse oes wat laat is, kan moontlik ’n effense aanbodknyptang in die mark veroorsaak,” sê mnr. Luan van der Walt, ekonoom by Graan SA. “Die huidige koringvoorraadvlakke is laag en volgens die jongste Sagis-syfers was die voorraadvlakke van opgebergde koring einde…

Skenkings word steeds verlang vir boere in die gebied van Barkly-Oos, waar 42 000 ha weens brande verwoes is. Mnr. Jannie van Zyl van OVK in Barkly-Oos sê hulle het tot dusver baie hulp gekry, maar nóg is nodig omdat 35 000 stuks kleinvee gevoer moet word. “Die mense was goed vir ons. Hulle stuur veevoer, bale en mielies van oral oor Suid-Afrika heen.” Enkele beeste en 160 skape is in voorverlede naweek se brand dood, wat vermoedelik veroorsaak is deur as van ’n huisvuur. Groot skade is ook aan infrastruktuur aangerig. Pale, drade en waterpype is vernietig. Van Zyl sê die brandskade word tans bereken en hulle behoort oor sowat drie weke meer duidelikheid oor die skade te hê. Om te help, tree in verbinding met me. Bella Viedge…

Kommunale eiendomsreg is volgens oudregter Antonie Gildenhuys een van die redes vir die mislukking van grondhervorming tot dusver. “Jy kan nie tien base op ’n plaas hê nie,” sê hy. In Israel word die kibboetsstelsel weens interne struwelinge uitgefaseer en in verskeie ander lande het dit ook misluk. Grondhervorming word verder benadeel deur onbekwame amptenare en korrupsie, en ’n gebrek aan toewyding deur begunstigdes. As grond byvoorbeeld aan ’n gemeenskap met 100 lede toegeken is, van wie 90 in die stad werk, sal die 10 wat boer nie tot voordeel van die ander 90 wil werk nie. Die verskynsel van “elitekaping” veroorsaak ook mislukking. Dit is waar leiers van ’n gemeenskap vir hulself groot salarisse toewys, daar baie struweling oor leierskap is en uiteindelik niks op die grond gebeur nie.…

DIE nasionale Dieregesondheidsforum het in die laaste vyf jaar uitstekende werk gedoen om die vennootskap tussen die rooivleisbedryf en die Departement van Landbou, Bosbou en Visserye te bewerkstellig, sê dr. Pieter Vervoort, voorsitter van die forum. Die nasionale Dieregesondheidsforum kan talle suksesverhale vertel. In 2013 het die forum die departement gehelp om die uitbreking van bek-en-klouseer in Mpumalanga en KwaZulu-Natal te bestry. ’n Jaar later, in 2014, het die forum ’n belangrike rol gespeel in die proses waarvolgens die internasionale organisasie vir dieregesondheid (OIE) Suid-Afrika as ’n gebied wat vry van bek-en-klouseer is, verklaar het. Die forum het in 2015 en 2016 met die ondersteuning van die veebedryf toegesien dat verskeie vraelyste ten opsigte van uitvoer voltooi is. Hy was ook behulpsaam met die inspeksiebesoeke van verskeie lande wat Suid-Afrika…

“Boer met skape, moenie net skape aanhou nie,” meen dr. Jasper Coetzee, bekende skaapvoeding en -bestuurspesialiskonsultant van Stellenbosch. Die voortdurende stygende produksiekoste dwing skaapboere om die biologiese doeltreffendheid en produktiwiteit drasties te verhoog, terwyl presisieskaapboerdery op alle fasette voorrang sal moet geniet. “Boere is nog nie naby aan wat fisiologies en biologies met skape moontlik is nie.” Jasper sê nuwe tegnologie kan skaapboerdery na die volgende vlak voer en skaapboere se winste met tot gemiddeld 20% verhoog. En hoewel presisieboerdery dikwels in die kollig is, het dit nog nie werklik posgevat nie. Diegene wat reeds oorgeskakel het, het ook nog nie volledig die skuif gemaak nie. Volgens Jasper is presisieskaapboerdery nie die oplossing vir swak bestuur of boerderypraktyke nie. “Dit is ook nie die beste manier om ’n hoogs winsgewende…

Meer mielieboere wil die magiese kerf van 20 ton per hektaar bereik en oorskry, maar dit gaan gepaard met ’n paar aspekte wat regstreekse gevolge op die reaksie van die mielieplant het. Mieliebasters het deesdae die potensiaal om tot 30 ton per hektaar te lewer, maar dit is moeilik haalbaar weens beperkende omgewingsfaktore. Die ultravinnige geel mieliebasters is die beste geskik vir hoë opbrengste. Hulle het ’n goeie staanvermoë teen ’n besonder hoë plantestand van tot 110 000 plante per hektaar. Daarmee saam handhaaf sekere basters ’n stabiele kopgrootte, hulle is enkelkoppig, lewer ’n hoë skepelmassa en kan water en bemesting optimaal in hoëpotensiaaltoestande benut. In die koeler oostelike dele, soos Standerton en Vrede, kon boere oor die jongste paar jaar hul gemiddelde opbrengste aansienlik verhoog deur Pannar se reeks…

Landboutegnologie het vooruitgang ten doel – vinniger, beter, verder – om meer te produseer met minder water, beter chemiese middels en op minder grond. Daarvoor word allerlei chemiese, biologiese, meganiese en toenemend rekenaartegnologie ingespan. Maar kan die alternatief – ’n boerderystelsel wat poog om “kleiner” en “minder” te bevorder – ook as tegnologie beskou word? Wat ís tegnologie? Die woord tegnologie is ’n samestelling van twee Griekse woorde: technis, wat verwys na ’n kuns of vaardigheid, en logos, wat “woord” of “gedagte” beteken. “Tegnologie” verwys dus nie net na nuwe trekkers, GMO’s of groot data nie, maar ook na idees, kennis en intellektuele eiendom. Volgens hierdie definisie is kennis-intensiewe boerderystelsels dus ook ’n vorm van menslike tegnologie. Een voorbeeld van só ’n kennis-intensiewe stelsel staan bekend as “ekologiese boerdery”. Die…

Al wat van daardie sterte oorgebly het, was ’n blink streep oor my gesig! Die eerste keer toe ek skaapstertjies geëet het, was ek nog nie eens op skool nie en kon ek nog saam met my pa rondry. Ons het op die veepos Twee-water, sowat 20 km buite Jansenville, gaan werk. Dinge het duidelik nie uitgewerk soos dit moes nie en ons moes baie langer daar bly as beplan. Toe ek lostrek met “Ek is honger, hoe lank gaan ons nog besig wees? Wanneer gaan ons huis toe?” het my pa, sonder om ’n oog te knip of sy kop te krap, net daar ’n paar lammers se sterte afgemaak. Hy het gesê dis wat die cowboys in die flieks altyd eet. Vir ’n laaitie wat sy dae in…

Die multinasionale drank-en-broumaatskappy Anheuser-Busch In­Bev SA/NV (AB InBev) en die Universiteit Stellenbosch (US) gaan saam navorsing doen oor bestanddele van bier, soos gars, kassawe en sorghum. Ingevolge die samewerkingsooreenkoms sal AB InBev R6 miljoen skenk sodat landboukundiges en voedselwetenskaplikes van die US oor die volgende drie jaar kwessies kan ondersoek wat verband hou met garsproduksie. Verskillende toetse sal ontwikkel word om vroeë fases van ontkieming in garssade te identifiseer, asook spesifieke garsdefekte. Dié parameters het almal ’n invloed op die uiteindelike gehalte van die gars wat gebruik word om mout te lewer, en ook die volume daarvan wat beskikbaar is vir gebruik. “Ons hoop dat die navorsing ons sal kan help om aanbevelings te formuleer om die opbergingspotensiaal van gars wat aan vroeë fases van ontkieming blootgestel was, te voorspel.…

4% ’n Styging van 4% in die prys van Brent-ruolie in Augustus sal die binnelandse brandstofprys die derde maand in ’n ry laat styg tot die hoogste vlak in drie jaar. Die prys van diesel kan met 33c/liter styg tot R12,03/liter. Die petrolprys sal na verwagting styg van R13,72/liter tot R14,07/liter. Die styging kan druk op boere plaas omdat dit saamval met die nuwe planttyd. — Agbiz 1,9x Suid-Afrika het in die eerste sewe maande van vanjaar amper dubbel soveel suiwelprodukte ingevoer as verlede jaar – 57 800 ton teenoor 30 362 ton in 2016. Oor dieselfde tydperk het Suid-Afrika 43 000 ton meer suiwelprodukte uitgevoer – 101 800 ton teenoor verlede jaar se 71 000 ton. Vroeër is berig die meeste van die hoër invoer was langlewemelk uit Pole.…

Suid-Afrika se elektrisiteitsnetwerk kan met middelmatige ekstra uitgawes plooibaar genoeg gemaak word sodat dit van nou tot 2030 geskik is vir die wisselende beskikbaarheid van hernubare energie. Dié gevolgtrekking van ’n onlangse studie deur internasionale ingenieurskonsultante wat deur die Deutsche Gesellschaft für Internationale Zusammenarbeit gefinansier is, weerspreek bewerings deur voormalige Eskom-bestuurders dat die land se energie-basislading nie in ’n wesenlike mate op hernubare energie kan staatmaak nie omdat die bronne daarvan – son en wind – onvoorspelbaar is. Verskeie ander lande het dit reggekry om beduidende hoeveelhede son- en windenergie in hul kragnetwerke te voer. Die studie het ook ondersoek of bestaande en beoogde kragsentrales in hierdie vereistes vir groter plooibaarheid sal kan voorsien. Verder is in die studie die koste van dié groter aanpasbaarheid bepaal. Die skrywers sê ná…

GROND GAAN ÁL MEER IN DIE SPERVUUR KOM Namate die ekonomie swakker presteer en die Regering nie daarin slaag om voordele uit die ekonomie aan sy kiesers oor te dra nie, gaan grond al hoe meer in die spervuur kom, sê prof. André Duvenage. Duvenage se raad aan die TLU SA op die organisasie se kongres was om versigtig te gaan dink oor die pad vorentoe en onder meer te kyk wat elders in Afrika gebeur het. M. KRUGER skryf: Dankie hiervoor, prof. Ek probeer al jare lank presies sê wat u hier gesê het, en elke keer word ek deur die bestuur van die TLU SA aangeval. Ek sal graag wil hoor wat dink hulle van ’n geleerde man, soos u, se stand-punt en raad. SAAIBOER skryf: M. Kruger,…

BOERE wat hul pluimvee voorkomend van kant moes maak en eiers moes vernietig om die verspreiding van die hoogs aansteeklike H5N8-virus te bekamp, sal staatsvergoeding kry, sê mnr. Senzeni Zokwana, Minister van Landbou, Bosbou en Visserye. Meer as 700 000 pluimvee moes al van kant gemaak en miljoene eiers vernietig word sedert die virus in Julie uitgebreek het. Dit kom nou reeds in ses van die land se provinsies, Mpumalanga, Gauteng, die Wes-Kaap, Noordwes, KwaZulu-Natal en die Oos-Kaap, voor. Die jongste uitbreking was by ’n lêhenhuis van Sovereign Foods in Uitenhage. Streng kwarantynmaatreëls is ingestel oral waar daar uitbrekings was – by hoenderplase, volstruisplase, werfhoenders, asook by wildevoëls en voëls wat as troeteldiere aangehou word. Zokwana het in antwoord op ’n parlementêre vraag gesê dat “die departement nie vergoeding sal…

WES- K APENA ARS kon in Julie en Augustus Clover-melk koop wat spesifiek aangedui het dat dit van plase in dié provinsie kom. Clover se primêre melkprodukte word deur die nuwe maatskappy Dairy Farmers of South Africa (DFSA) bemark, wat die onverwerkte melk vir dié asook Clover se waardetoegevoede produkte by boere aankoop. Mnr. Jacques Botha, uitvoerende hoof van DFSA, sê DF SA en Clover het die spesiale Wes-Kaapse etiket net vir tweeliterbottels Clover-volroommelk gebruik, en net vir die betrokke twee maande. Die doel was “om verbruikers van die Wes-Kaap daarvan bewus te maak dat hoewel DFSA ’n nasionale verspreider van suiwelprodukte is, ons steeds daartoe verbind is om die plaaslike melkprodusente te ondersteun deur hul melk vir ons produkte in die Wes-Kaapse mark te gebruik. “Dit verlaag uiteraard ook…

1 NIGERIË | GM mielies skelm ingevoer ’n Aantal skepe met GM mielies aan boord is in Lagos onderskep en owerhede wil die eienaars van die skepe in hegtenis neem. Dit was teen druktyd nog onseker hoeveel skepe ter sprake was, maar die vermoede is die mielies sou as nie-geneties gemodifiseer bemark word. Volgens dr. Rufus Ebegba, Nigerië se direkteur-generaal vir bioveiligheid, moet enige GM produkte eers deur plaaslike owerhede veilig bevind word vir menslike gebruik. Mense wat sulke produkte onwettig invoer, kan volgens Ebegba tronkstraf van vyf jaar, of ’n boete van N5,5 miljoen (R203 000), opgelê word. Intussen het prof. Turner Isoun, ’n voormalige minister van wetenskap en tegnologie, gesê die staat moet eerder sy aandag vestig op die ontwikkeling van bioveiligheid en GM gewasse. — The Guardian…

BOERE is steeds aan die praat oor die geldigheid van aansprake deur pseudo-wetenskaplikes dat frekwensies, klankgolwe en energiepakkies – wat deur die meeste kenners as blote boereverneukery afgemaak word – oplossings vir hul alledaagse boerdery-probleme kan bied. Nadat Landbouweekblad die afgelope twee weke daaroor be-rig het, het talle boere na vore gekom om hul mening te gee. Die meeste sê hulle kon geen gunstige resultate sien nie. Selfs mnr. Louis Meintjes, voorsitter van TLU SA, was al ’n proefkonyn vir ván hierdie tegnologieë. Hy is in April deur 2Cure Agrionics genader wat sy diens onder TLU-lede wou bemark, maar Meintjes het gesê hy wou eers sien of dit kan werk. “Ek is altyd te vinde vir oplossings waar ’n mens chemikalieë en gifstowwe kan vermy, maar daar was geen deurslaggewende…

 DIE Suid-Afrikaanse Suikervereniging (Sasa) se hofaansoek om mnr. Malusi Gigaba, Minister van Finansies, te dwing om vinniger oor die aanpassing van die suikerinvoertarief te besluit, het misluk. ‘Miskien kan die partye meganismes ontwikkel om besluitneming te bespoedig.’ Regter Neil Tuchten het in die hooggeregshof in Pretoria bevind die hof kan nie ’n tydsduur aan die minister voorskryf waarbinne hy ’n besluit moet neem nie. Sasa het aangevoer die Minister van Finansies se magte oor die aanpassing van die suikerinvoertarief is basies dié van ’n registrateur, en die minister moet dus net die wettigheid van so ’n versoek van dr. Rob Davies, die Minister van Handel en Nywerheid, bestudeer. Die Tesourie het egter in hofstukke aangevoer wanneer hy ’n aanbeveling van die Kommissie vir Internasionale Handelsadministrasie (Itac) en ’n versoek van…

Ons kyk vandeesweek na wanneer ’n trust se kontrak tot stand kom en wanneer die trustees die trust in werking mag stel. Die Suid-Afrikaanse kontraktereg speel ’n rol in die oprigting van trusts. In enige kontrak maak een party ’n aanbod en ’n ander party aanvaar dit. ’n Kontrak kom tot stand, skriftelik of mondelings. Die wet vereis dat sekere kontrakte slegs geldig is as dit skriftelik gedoen word, soos met ’n trust. Die partye kan natuurlike of regspersone (maatskappye) wees wat deur natuurlike persone verteenwoordig word. Die direksie verleen deur middel van ’n resolusie toestemming aan ’n regspersoon se verteenwoordiger om namens die maatskappy op te tree. DIE KONTRAK ’n Mondelingse ooreenkoms tussen twee of meer partye aangaande ’n aanbod kan daar en dan aanvaar word. ’n Kontrak kom…

Dr. Jasper Coetzee, skaapkonsultant van Stellenbosch, vertel meer van tegnologie wat reeds beskikbaar is, asook wat boere binnekort te wagte kan wees: ■ Elektroniese skale wat skape outomaties weeg en sorteer deur hulle in drie tot sewe verskillende groepe uit te keer. ■ Elektroniese oorplaatjies wat inligting insamel sonder dat dit nodig is om skape self te hanteer. Hierdie inligting word gebruik om bestuurs- en seleksiebesluite te neem. ■ Die skandering van ooie met net twee mense en vaslegging van die dragtigheidstatus met behulp van elektroniese oorplaatjies. Ooie met elektroniese oorplaatjies word later – soos tydens enting of dosering – outomaties deur uitkeerhekke van die elektroniese skale in groepe vol-gens dragtigheidstatus geskei en geweeg. ■ Waterpompe kan met ’n afstandbeheerde stelsel aan- en afgeskakel word. Die watervlakke van watertenks en…

Hoe het jou onderneming ontstaan? Ek het voorheen klere vir vroue gemaak, maar die besigheid het eintlik ontstaan toe die tafeldruif-uitvoermark hier in ons omgewing begin vlamvat het. Van die tafeldruifboere het my gevra of ek vir hulle pakskuurwerkers beskermende klere kan maak. Dit was in 1998 en ek het op die stoep van ons huis begin, met ’n paar rand wat ek by my man geleen het. Ons was destyds drie vroue en vandag neem ons 31 mense heeltyds in diens. Dis maar goed ek het nie geweet wat voorlê nie, want ek dink nie ek sou dan ooit op die perd geklim het nie! Watter tipe klere maak julle deesdae? Ons sal maak of koop wat ’n kliënt ook al soek en dit weer verkoop. Ons vervaardig klere…

Jesus het opgestaan en die branders laat bedaar en die wind stilgemaak. Op 22 April het ek in Bloemfontein met my eie oë die grootste wonderwerk in my hele lewe as Christen saam met Jesus gesien. In minder as ses weke nadat Jesus Christus aan my geopenbaar het om ’n gebedsbyeenkoms te hou en dit “Dit is Tyd” te noem, het Hy vir my gesê ’n miljoen mense gaan vir Suid-Afrika bid. ’n Boer het vir my ’n video gestuur waarin hy sê: “Roep ons, oom Angus, en ons sal kom en saam bid.” Dis presies wat ons gedoen het en God het sy woord gehou en ons het dalk die grootste gebedsbyeenkoms van Christenmense tot nog toe aanskou. Ons het beraam dat die byeenkoms sowat R40 miljoen sou kos…

LIGGING 1 - Lichtenburg 2 - Pretoria…

Die verbruik van koejawels neem die afgelope vyf jaar toe, maar tans is daar ’n effense daling in die vraag. “Die produksieneiging in die noorde van die land is afwaarts, terwyl aanplantings in die Wes-Kaap groei. In die Wes-Kaap het aanplantings vanaf 2015 se 511 ha tot 653 ha verlede jaar toegeneem,” sê mnr. Wiehan Victor van die Inmaakvrugte-produsentebedryf, wat ook die koejawelbedryf bestuur. Die 2017-oesjaar is in November afgehandel. Die Wes-Kaap verwag ’n oes wat tot 10% kleiner is weens die droogte. Na verwagting sal 24 000 ton in dié provinsie geoes word. Onsekerheid bestaan oor die oes in die noorde. Victor sê koejawels word hoofsaaklik in die Wes-Kaap (60%), en die res in Mpumalanga, Noordwes en Limpopo verbou. In die noorde daal produksie weens verwelksiekte. Verskillende kultivars is…

GAUTENG NIGEL GROENKUIL (318) 295 ha, aan V.P. Moore, van F.A. Basson, R500 000. GROENKUIL (318) 295 ha, aan Nievan-trust, van V.P. Moore, R6 200 000. VOGELFONTEIN (376) 40 ha, aan E. en R.H. Bresser, van B. en H.C.M. Viljoen, R1 100 000. KWAZULU-NATAL JOZINI LOT H 122 (13561) 34 ha, aan Meyer Pines-boerdery, van Michelle de Beer-familietrust, R3 420 000. KOKSTAD BUILD-FONTEIN (164) 403 ha en BUILD-FONTEIN (164) 375 ha, aan die Regering van die RSA, van B.S. Braithwaite, R9 500 000. KRUIS SPRUIT (248) 151 ha, aan A.J. Schoeman, van Sure Agri Marketing, R3 000 000. PIETERMARITZBURG CLUNY PARK (14809) 49 ha, aan Monsy’s-familietrust, van Redlex 157 (Edms.) Bpk., R3 000 000. MBONA (13856) 20 ha, aan Quinlands, van A.C. en B. Tills, R2 280 000. LIMPOPO ALLDAYS…

DORPER MIN BELANGSTELLING OP MEGAWEEK-VEILING Die Dorperveiling wat op die Agri Megaweek op Bredasdorp aangebied is, het effens teleurgestel omdat daar min kopers was. Minder as die helfte van die diere wat aangebied is, is verkoop. Boere van so ver as Sutherland en Bitterfontein, noord van Vredendal, het na die veiling gekom. Mnr. Marinus Blom van Sutherland, een van die verkopers, was egter nie te veel teleurgesteld nie. “Ek het minder diere verkoop as wat ek wou, maar ek het twee ramme teen R10 000 stuk verkoop, en dit is die prys wat ek vir hulle wou hê,” het hy gesê. Die duurste diere op die veiling was twee ramme wat deur mnr. Noppies Roux, eienaar van die Dorperstoetery Cihara naby Koekenaap, geteel is en teen R12 500 stuk aan…

KYK NA DIE TELBORD 57-0. Dié telling sê iets oor Suid-Afrika, en dit maak seer. Nes ons moet toegee dat die All Blacks al ’n geruime tyd lank strate beter as ons is, skiet ons land ook ver tekort en bereik ons nie ons potensiaal nie. In daardie besef lê egter ook iets gunstigs opgesluit: As ’n mens eers besef hoe vrotsig jy werklik is, kan jy begin om jou tekortkominge te oorkom. Ongelukkig gaan dit nie so eenvoudig wees as om net die afrigter af te dank om weer op Dunedin te wen nie. Ons verjaag al jare lank afrigters, en dit is nie asof dinge juis verbeter nie. Soos die legendariese Springbok-voorspeler Boy Louw op ’n kol in sy kleurvolle Engels aan ’n verloorspan gesê het: “Looks at…

DORPER, SUPER — TWEE NUWE SLAGSKAAPRASSE Twee nuwe vleisskaaprasse wat by die Landboukollege Grootfontein by Middelburg geteel is en goed in die Suid-Afrikaanse klimaat en op natuurlike veld behoort te vaar, gaan waarskynlik binnekort geregistreer word. Mnr. D.J. Engela, skaap-enwolnavorsingsbeampte by Grootfontein, sê die skape sal waarskynlik Dorper en Super heet. Die Dorper is uit die Dorset Horn en Persie geteel en die Super uit die Southdown en Persie. Grootfontein het in 1937 begin met ’n reeks proewe om ’n nuwe, verbeterde en winsgewender slagskaap te ontwikkel. Met die samewerking van boere is geharde en aangepaste plaaslike skaaprasse met verskillende Britse rasse gekruis en getoets. Die doel was om die inheemse tipes se gewenste eienskappe, soos gehardheid, te behou en om die ongewenste eienskappe, soos swak bouvorm, swak groeitempo en…

HOEWEL dit nog te vroeg is om te kan bepaal hoe erg die droogte in die Kaapse gebiede produsente se finansies kan raak, is die landbousakekamer Agbiz se verwagting dat boere in die algemeen onder finansiële druk sal wees. Dr. John Purchase, uitvoerende hoof van Agbiz, sê nog heelwat kan gebeur. “In sekere gebiede kan reën binne die volgende tien dae nog aansienlike uitkoms bied,” het hy op 19 September gesê. Met die 2015-’16-droogte in die somerreëngebied het Agbiz ’n volledige opname gedoen onder banke en landbou-ondernemings wat finansiering bied. Hy kon daarvolgens ’n geheelbeeld van boere se finansiële posisie gee. In die winterreënstreek, wat nou in die greep van ’n droogte is, is dit nog te vroeg om dieselfde te doen. Daar is ook heelwat variasie in substreke in…

ONDANKS uitbrekings van hoogs aansteeklike voëlgriep in Europa het Suid-Afrika in die eerste helfte van vanjaar altesame net 5% minder pluimveevleis as in die eerste helfte van verlede jaar ingevoer. Volgens die Suid-Afrikaanse Pluimveevereniging (SAPV) was die 273 745 ton wat van Januarie tot Junie vanjaar ingevoer is, egter 24% hoër as die vyfjaargemiddelde vir dié tydperk. In verlede Desember het pluimvee-invoer met 32,2% gedaal weens die verbod op invoer vanaf lande met voëlgriep. In Januarie en Februarie het dit egter weer met 8,2% en 4,9% gestyg en in Maart tot 65 658 ton opgeskiet namate Amerikaanse invoer die verbode Europese produkte vervang het. In April, Mei en Junie is onderskeidelik 41 876 ton, 47 173 ton en 42 451 ton ingevoer. In Julie het invoer met 4,6% tot 44…

SES plase in Mpumalanga en een in Limpopo gaan moontlik onteien word nadat die eienaars geweier het om die grondwaardeerder-generaal se waardasie van hul grond te aanvaar. Die grondwaardeerder-generaal het die gesamentlike waarde van dié sewe plase op net meer as R57,2 miljoen bereken. In Mpumalanga is twee plase in die distriksmunisipaliteit Gert Sibande, twee in Enhlanzeni en twee in Nkangala. Die Limpopo-plaas is in die distriksmunisipaliteit Vhembe geleë. Mnr. Mabuse Ratlhagane, kommunikasiehoof van die grondeisekommissie, het kort voor druktyd aangedui dat die departement besig was om die kennisgewings vir die moontlike onteiening aan die eienaars uit te reik. Landbouweekblad het in sy uitgawe van 15 September berig dat dít die eerste onteienings sal wees waarvoor Suid-Afrika se nuut geskepte kantoor van die grondwaardeerder-generaal die waardasie gedoen het. Me. Nomfundo…

’n Minister kan nie vir enige hof sê hoe hy die Grondwet moet interpreteer nie. BOERE kan hulle op die internasionale gelykheidsbeginsel beroep om op volle vergoeding aan te dring wanneer hul plase onteien word, sê oudregter Antonie Gildenhuys. Die beginsel is net ná die Franse Revolusie ontwikkel. Dit behels dat daar ’n gelykheid in die dra van openbare laste moet wees, het hy op Agri Noordwes se jaarkongres gesê. Volgens hom moet daar ’n billike balans wees tussen die belang van die gemeenskap, wat in Suid-Afrika grondhervorming insluit, en die belang van die huidige eienaar, wat nie weens die verkryging van sy grond armer moet wees nie. “As die boer nie volle vergoeding kry nie, subsidieer hy eintlik die aankoop van die eiendom, want die staat betaal dan minder.…

ETLIK E haakplekke oor belasting-terugbetalings is nog onopgelos ná ’n onlangse vergadering wat Graan SA en Agri SA met die Suid-Afrikaanse Inkomstediens (SAID) belê het. Die klem was veral op die vertraagde uitbetaling van dieselkortings, onsekerheid oor die logboek wat saam met dié eise ingedien moet word en onduidelike kommunikasie van die SAID. Graan SA sê in ’n onlangse nuusbrief hy het lede se besware oor vertragings met die uitbetaling van eise aan die SAID oorgedra, waarop die instelling beklemtoon het dit is belangrik dat boere alle relevante inligting indien. Waar boere vertragings met uitbetalings ervaar, moet hulle die inbelsentrum bel en die gesprek se verwysingsnommer aanteken. Die inbelsentrum moet ook regstreeks met die belastingbetaler, of ’n persoon wat gemagtig is om namens die belastingbetaler op te tree, kommunikeer. Graan…

 DIT sal baie goedkoper wees om te keer dat bek-en-klouseer in Suid-Afrika uitbreek as wat dit sal wees om dié siekte te bestry, het die Rooivleisbedryfsforum in ’n ondersoek bevind. Die geskatte verlies aan uitvoerverdienste in die rooivleisbedryf kan tot R4,6 miljard behels. Dié bedrag is gegrond op die uitvoerwaardes van 2016 én as ’n verbod op Suid-Afrikaanse veeprodukte vir ’n tyd van 12 maande geld. Die geskatte verlies aan uitvoerverdienste in die rooivleisbedryf kan tot R4,6 miljard behels. Volgens die forum kan die gepaardgaande verlies in markaandeel die rooivleisbedryf veral duur te staan kom. Die ekonomiese impak van bek-en-klouseer kan gemeet word in die lig van verlore uitvoerverdienste; verbruikers wat besluit om nie produkte te koop wat met vee verband hou nie; skade aan die plaaslike produksievermoë; en ’n…

Die netto inkomste van die landbousektor het in die tweede kwartaal van vanjaar heelwat verbeter teenoor die tweede kwartaal verlede jaar, meestal as gevolg van ’n aansienlike verbetering in die somergraanoeste. Die Departement van Landbou, Bosbou en Visserye stel ’n kwartaallikse oorsig oor die landbou-ekonomie saam waarin enkele sleutelsyfers publiseer word. Luidens die jongste oorsig was die landbou se netto inkomste vir die jaar tot 30 Junie (2016-’17) sowat 21,8% beter as in die ooreenstemmende tydperk in 2015-’16. Dit het op R110,9 miljard te staan gekom. Daarteenoor het die omset, oftewel bruto verkope, in 2016-’17 met slegs 10,3% gestyg tot R267 miljard. Die landbou se totale skuld is einde Junie geraam op R151,3 miljard, wat sowat 5% meer is op die ooreenstemmende tyd verlede jaar. Die lae styging ná die…

‘Die laer mielieprys sal die intensiewe veebedryf se winsgewendheid herstel, met die gevolg dat die vraag na geel mielies vir dierevoeding oor die volgende dekade vinniger as wit mielies sal herstel.’ Ná verlede seisoen se rampdroogte, misoeste en gevolglike hemelhoë mieliepryse wat die graanboere se harte bly gemaak het, maar die mense in die veebedryf aan hoër insetkoste laat wurg het, is die situasie hierdie seisoen dramaties omgekeer danksy milde reëns in die somerreëngebiede. Die ongeluk by die geluk was egter dat die mielieprys vanjaar na benede getuimel het, wat die mielieboere nou weer onder nie-winsgewende produksie laat steier. Volgens die Buro vir Voedsel- en Landboubeleid (BFAP) se vooruitskouing vir 2017 tot 2026 het vanjaar se rekordmielie-oes ’n behóórlike gefladder in die duiwehok veroorsaak. Dit het eensklaps van die kleinste…

Min organisasies kan sê hulle het die kerf van 120 bestaansjare verbygesteek. As ’n mens gaan kyk na die monumente langs TLU SA se pad tot in 2017 besef ’n mens opnuut dat landbouleiers ’n besonderse bydrae gelewer het tot voordeel van die landbouer van Suid-Afrika. Die dryfkrag agter die momentum wat TLU SA deurlopend ervaar het, kan aan verskeie faktore toegeskryf word: ■ Deur al die jare het TLU SA sy diepe afhanklikheid van God Drie-enig bely soos geopenbaar in die Bybel. Dit word ook steeds so in TLU SA se grondwet aangedui. Op dié fondament is hierdie huis deurlopend gebou. ■ Landbouleiers is daarop toegespits om die saak van die boer voorop te stel en te beding vir wat vir die boer die beste is. ■ Die beginsels…

Pannekoeke gevul met bobotie Pannekoek ■ 650 ml koekmeel ■ 2 ml sout ■ 4 eiers ■ 250 ml melk ■ 500 ml water ■ 60 ml olie Bobotievulsel ■ 45 ml olie ■ 1 ui, fyn gekap ■ 1 groot wortel, fyn gerasper ■ 30 ml matige kerriepoeier ■ 1 kg beesmaalvleis ■ 10 ml borrie ■ 30 ml appelkooskonfyt ■ 60 ml heel amandels, gerooster en fyn gekap ■ 60 ml pitlose rosyne ■ 30 ml vars suurlemoensap ■ Sout en vars gemaalde swartpeper Bolaag ■ 125 ml melk ■ 125 ml room ■ 3 ekstragroot eiers ■ Sout en vars gemaalde swartpeper na smaak Pannekoek: Klits al die bestanddele saam tot ’n gladde beslag, so dik soos vars room. Laat staan vir 30 minute. Voeg ’n bietjie…

‘Pionierswonings is gebou met plaaslike materiaal en in ’n besonder nederige styl.’ Met sy dik mure, groen hortjies en pragtige klipmuur rondom die werf is die huis waarin die Trekkerleier Andries Pretorius van 1818 tot 1838 gewoon het, steeds ’n spogwoning. “As hy (Pretorius) vandag na Letskraal sou terugkeer, sal hy min verrassings teëkom, want hier het nie veel verander nie. Daar is wel twee vertrekke aangebou, maar verder bly die kern van die opstal feitlik dieselfde,” sê Johan Minnaar, eienaar van Letskraal buite Graaff-Reinet. Dit is waarskynlik in dié huis se voorkamer waar Sarel Cilliers by Pretorius gepleit het om die Trekkers in Natal te gaan help. Daar was ’n leierskrisis onder die Voortrekkers ná die moord op Piet Retief, Gerrit Maritz se afsterwe weens siekte en die feit…

INTERNASIONAAL: Die Chicagoprys het met 0,2%, of $0,25/t, tot $134,61/t (R1 761/t) teenoor die vorige week gedaal. Op ‘n jaargrondslag is dit 4,8%, of $6,16/t (R80,60/t), hoër. Verwagte pryse: Okt. – $139,60/t (R1 827/t), Des. – $144,56/t (R1 891/t), Mrt. – $147,87/t (R1 935/t), Mei – $150,47/t (R1 969/t). PLAASLIK: Die Safexprys van wit mielies het met 2,8%, of R50/t, tot R1 861/t teenoor die vorige week gestyg. Die prys van geel mielies het met 1,9%, of R36/t, tot R1 972/t gestyg. Op ‘n jaargrondslag is wit mielies 51,7%, of R1 989/t, laer, terwyl geel mielies 37,4%, of R1 178/t, laer is. Verwagte witmieliepryse: Okt. – R1 875/t, Des. – R1 941/t, Mrt. – R1 981/t, Mei – R2 006/t. Verwagte geelmieliepryse: Okt. – R1 970/t, Des. – R2 053/t,…

Dit lyk of die derde opeenvolgende verhoging in brandstofpryse in Oktober op verbruikers wag en of dit dan steeds nie die einde van die slegte nuus gaan wees nie. Mnr. Dawie Maree, hoof van landbou-inligting en bemarking by FNB, sê teen middel September was die onderverhaling op brandstof onderskeidelik tussen 31c/liter en 35c/liter vir petrol en 32c/liter vir diesel. Die skerp styging in die internasionale produkpryse, gekoppel aan die prys van ruolie, was verantwoordelik vir hierdie onderverhaling. Die beter as verwagte vertoning van die wisselkoers vir die eerste twee weke van September het ’n nóg groter verhoging teengewerk. “Hierdie skerp styging in brandstofpryse is nie goeie nuus vir graanboere wat aan die vooraand van ’n nuwe planttyd staan nie. Dieselkoste is een van die belangrikste uitgawes vir graanboere. Met die…

Die volgende ontleding van grondverkope in Suid-Afrika is van transaksies vir grond van meer as 10 ha in die Wes-Kaap vanaf Julie verlede jaar tot Junie vanjaar. Altesame 622 ooreenkomste is in 27 distrikte gesluit, wat 313 470 ha teen R6,090 miljard behels het. In 11 (40,7%) van die distrikte is dalende prysneigings waargeneem, hoofsaaklik in die wynland, die suide en die oostelike deel van die provinsie. Daar was 43 transaksies van kleur – 6,9% van die totaal. Dié soort transaksie sluit in verhandelings tussen individue (28), regeringsaankope van landbougrond (4) en grond wat vir stedelike ontwikkeling verkry is (2). Dié proses het 13 075 ha (4,2% van die totaal) teen R415 miljoen (6,8% van die totale waarde) behels. Uit die totaal was 204 (32%) transaksies vir grond van minder…

BOEREDAE 20-21 OKTOBER: Hamlet-kunsen-kultuurfees en Agridag. Prince Alfred Hamlet. Nica du Toit. E-pos: marketing@hkkf.co.za 25 NOVEMBER: Vaalwaterboeredag. Bergfietswedren, kindervermaak, skietkompetisie, vee- en eiendomsveiling, kaas-enwynproe, eetkompetisie, kosstalletjies, boeresport, biertent, vlugbal en meer. Eiendomsveiling en vermaak: Natalie du Toit, sel 083 591 0597. Veeveiling en kos: Annie Vermaak, sel 060 974 7482. 3 OKTOBER: Suidwes se Jongboertjie-dag (vir 10-18 jariges). Wolmaransstad-skouterrein. Deon Badenhorst, sel 082 881 7461. EKSPO’S EN ANDER 5 OKTOBER: Agbiz-inligtingsessie vir landboubesighede. Jennifer Roets, e-pos jennifer@agbiz.co.za 12-14 OKTOBER: Agri-Expo Livestock 2017: Die Groot Plaasproe — van bok tot bier. Sandringham, Stellenbosch. E-pos: admin@agriexpo.co.za; webwerf: www.live stock.org.za; tel. 021 975 4440. 26-28 OKTOBER: Foundations for Farming se jaarlikse vergadering. Almal welkom. Gateway to Africa, Beulahpark, Gauteng. Neill Jackson. E-pos: neill@founda tionsforfarming.org; sel 082 407 6774. 28 OKTOBER: Kelrn-bergfiets Classic, Barkly-Wes.…