Indholdsfortegnelse for 03-Nov-17 i Landbouweekblad

Die aantal vlieënde insekte het oor die afgelope 25 jaar met sowat 75% afgeneem, volgens ’n nuwe studie gegrond op data wat in natuurreservate dwarsoor Duitsland ingesamel is. Volgens die navorsers het die skokkende bevinding ’n implikasie vir alle wêrelddele wat oorheers word deur die landbou. Die oorsaak van die enorme afname in insekgetalle is tot nou toe onduidelik, hoewel die vernietiging van natuurlike habitatte en die wydverspreide gebruik van plaagdoders, asook klimaatsverandering waarskynlik ’n invloed het. Die navorsers kon die weer en landskapsveranderinge in die natuurreservate uitskakel as oorsake, maar data oor plaagdodervlakke is nie ingesamel nie. Die studie, wat in die joernaal Plos One gepubliseer is, is gegrond op die werk van talle amateur-insekkundiges in Duitsland wat sedert 1989 insekte op ’n gestandaardiseerde manier versamel met feromoonlokvalle. Die…

Noordwes-boere was verlede week op ’n gereedheidsgrondslag nadat openbare geweld die vorige week in dele van die provinsie opgevlam het. Agri Noordwes is egter dankbaar dat kalmte grotendeels geheers het in daardie dorpe – onder meer Lichtenburg, Sannieshof en Delareyville. Mnr. Piet van Heerden, ’n boer en vryskutskrywer, het ’n video saamgestel van hoe boere, die Delareyville-reaksiegroep en die Delareyville-buurtwag die plaaslike polisie, openbare ordepolisie-eenheid en verkeersdienste ondersteun het om die situasie by Delareyville onder beheer te bring. Boere het oor die voorafgaande weke gekoördineerd brande geblus en verkeer herlei verby afgesperde paaie om inwoners te beskerm. Sommige boere het ook onder polisiebeskerming gehelp om versperrings van openbare paaie te verwyder. Boere in daardie omgewing sê hulle deel in betogers se frustrasie met swak dienslewering, maar ondersteun egter nie gewelddadige…

MNR . Malusi Gigaba (foto) se eerste begroting as Minister van Finansies het weinig goeie nuus bevat vir die landbou óf die ekonomie as geheel. Onder die geringe afwykings van mnr. Pravin Gordhan se reeds yl begroting van Februarie, was ’n skamele R40 miljoen bykomende toekenning aan die Departement van Landbou, Bosbou en Visserye vir geldelike “verligting” aan boere wie se besighede deur voëlgriep getref is. Net die hoenderprodusent Quantum Foods se verliese was R30 miljoen. Die program vir die ontwikkeling van waterinfrastruktuur het R500 miljoen bygekry om die Butterworth-noodwaterskema deur te voer en die kapasiteit van die Thukela Goedertrouw-oordragskema te vergroot. Grondhervorming en landelike ontwikkeling het geen bykomende geld gekry nie. Die land se ekonomiese groei is afwaarts hersien van 1,3% tot 0,7%, en die verwagting is dat dit…

DIE nasionale organisasie vir opkomende rooivleisprodusente (Nerpo) steun die beginsel van voorgestelde grondplafonne voorwaardelik. Dié organisasie het op sy jaarvergadering ’n besluit aanvaar dat die inwerkingstelling van grondperke kommoditeite en landbou-ekologiese sones in ag moet neem. Grond wat buite die perke val, moet onteien word, en onteiening moet met billike vergoeding geskied, soos in die Grondwet bepaal word, lui die besluit verder. Afgevaardigdes het hul kommer oor voortgesette veediefstal uitgespreek. Dit kos die sektor meer as R800 miljoen per jaar. “Nog meer kommerwekkend is bewerings dat polisiebeamptes by veediefstalsindikate betrokke is,” lui ’n kongresbesluit daaroor. Die organisasie het ’n beroep op die Departement van Landbou, Bosbou en Visserye, asook die Regering se sekerheidsgroep gedoen om met doeltreffende metodes vorendag te kom om veediefstal te bekamp. “Nerpo herhaal sy versoek dat…

DIE minste wyn in dekades gaan in die volgende jaar wêreldwyd beskikbaar wees, en plaaslike wynboere is optimisties oor pryse wat stadigaan begin klim. Suid-Afrika se totale wynvoorraadvlak sal teen Desember op ’n geraamde 416 miljoen liter lê – die laagste sedert 2014. “Die eerste tekens van verligting wil-wil begin deurslaan,” skryf mnr. Christo Conradie, bestuurder van wynkelders by VinPro, in sy gereelde nuusbrief. Die groothandelprys vir witwyn (vanaf produsentekelder) het op ’n jaargrondslag met 7,07% gestyg tot R4,92 per liter en die prys van rooiwyn het met 9,77% toegeneem tot R6,44 per liter. Die gemiddelde prys van wyn vir brandewyn het die afgelope jaar met 12,77% gestyg tot R3,68 per liter. Conradie raai die bedryf aan om momentum te behou en verkoopstransaksies goed te deurdink. “Daar is nie nou…

Volgens verskeie internasionale liggame is Suid-Afrikaners se lewensverwagting van die laagstes ter wêreld. Trouens, die National Institute on Aging in Amerika het bevind dit is dié laagste ter wêreld teen slegs 49,7 jaar. Indien jy egter daarin slaag om in Suid-Afrika tot die ouderdom van 65 te oorleef, verander die prentjie aansienlik. Sanlam se navorsing wys die lewensverwagting van hierdie groep trek reeds naby aan 90. Dit het natuurlik ’n groot invloed op aftreebeplanning, maar ook op versekering. Momentum se data wys dat 50% van mense in Suid-Afrika wat die ouderdom van 80 bereik, deur die loop van hul lewe met kanker gediagnoseer word. Die moontlikheid om voor hierdie ouderdom ’n hartaanval of beroerte te kry, is ook heelwat groter as wat die meeste van ons verwag. Waar gevreesde siektes…

Boere wat kopkrap oor watter plaag dalk hul volgende oes bedreig, kan hulle nou per WhatsApp tot die insektekundiges van die Universiteit Stellenbosch wend. Dié universiteit se inisiatief vir geïntegreerde plaagbestuur binne die departement bewaringsekologie en entomologie bied reeds ’n insek-identifikasiediens aan vir insekmonsters wat ingedien word. Die snel reagerende WhatsApp-diens, waarmee insekte per foto geïdentifiseer kan word, is die jongste toevoeging. Die mikpunt is dat die diens as basiese inligtingsentrum sal funksioneer, teenoor die omvattender verslae wat die bestaande insek-identifikasiediens verskaf. Verslae word per selfoon teruggestuur in reaksie op ’n identifikasieversoek, mits die gehalte van die gepaardgaande foto’s goed genoeg is. In die selfoonverslag word besonderhede tot op spesievlak gegee, asook meer inligting oor die betrokke insek se basiese biologie. ’n Volledige verslag oor die foto wat per WhatsApp…

Die Nels van Loskopdam het ’n paar basiese sake- en landboubeginsels wat hulle op die plaas toepas en wat tot hul sukses bydra. ■ Hulle het sommer gou al die voorlopers van vandag se hoogloopspuite benut. Mnr. Fanie Nel het in die vroeë 1990’s ’n Ambidex-trekker van Denel gekoop. Hierdie werktuig het hoog oor die grond geloop en Fanie het sy gesaaides bespuit met ’n kousbalkspuit en ’n 150 l-tenk daarop. Hy het die wapenvervaardiger later oortuig om ’n 4x4-weergawe te bou. “Daardie trekker was stadig, maar hy het nie vasgesit nie. Nooit nie,” sê Pieter, Limpopo se Jongboer van die Jaar. Vandag spog die boerdery met ’n John Deere-hoogloopspuit en ’n vloot sitrusspuite. Dit speel ’n sleutelrol in die Nels se vermoë om onkruid, insekte en swamme te bestry.…

WAT IS DIE BESTE RAAD WAT JY NOG GEKRY HET? Konsentreer op die basiese beginsels van graanverbouing en kry dit eers reg om jou bestaande grond ten volle te benut. WAT IS DIE GROOTSTE FOUT WAT JY AL BEGAAN HET? Ek het een keer die sproeierkoppe van ’n spilpunt op Spitzkop verander om ’n fyn sproei te gee. Dit was egter nie geskik vir waterindringing in dié land se kleiagtige grond nie. In die winter het die aanpassing goed gewerk, maar in die somer het die koring plek-plek tot 2 ton per hektaar minder opgelewer omdat die water en voedingstowwe in die winderige Augustus en September weggewaai het. WAT IS JOU GROOTSTE BOERDERYSTRUIKELBLOKKE? Die natuurelemente, soos wisselende weerpatrone en windskade aan gewasse, en die wisselvalligheid van graanbemarking. My wenland het…

La ndbouweekblad het danksy borgskappe van VKB en Pannar ’n toer van Suid-Afrikaanse boere na die Amerikaanse Midde-Weste meegemaak. Die doel van die toer, wat deur mnr. Willie Pretorius, konsultant van die Kaapse firma Soil Health Solutions georganiseer en meegemaak is, was om herlewingslandboupraktyke daar te gaan bekyk. Mnr. Ray Archuleta, bekende Amerikaanse herlewingslandbou-spesialis, was die toerleier. Hy sal volgende jaar in Maart ’n geleentheidspreker op La ndbouweekblad se jaarlikse konferensie by Reitz in die Oos-Vrystaat wees, waar VKB se Riemland-studiegroep as gasheer sal optree. Hou La ndbouweekblad intussen dop vir nog artikels oor dié toer.…

’n Avokadoboom kan tot een miljoen blomme in ’n jaar dra. Vir ’n oes van 20 ton per hektaar hoef elke boom slegs 200 tot 1 000 vrugte te dra, na gelang van die plantdigtheid. Op Twaktuin, waar daar sowat 667 bome per hektaar staan, hoef elke boom slegs 200 vrugte van 150 g elk te dra om by die gemiddelde van 20 t/ha uit te kom. “Om seker te maak die blomme bly aan die boom, is die eerste stap. As die boom te geil groei, sal die terminale aard van die blomtros veroorsaak dat die vegetatiewe groeipunt ( FOTO 1 ) in die middel van die blomtros die blomme oordonder en ál die koolhidrate vir groei gebruik. Die blomme sal afgespeen word,” sê mnr. Robert Paterson. “Om te…

Geregistreerde plaagdoders kan net skade berokken as dit op ’n onverskillige, onvanpaste of uitermatige manier gebruik word. Om die vereiste toestemming of registrasie vir die verkoop van ’n plaagdoder te kry, moet landbouchemiese maatskappye demonstreer dat die risiko vir mense se gesondheid en die omgewing laag is. Risikobepalings word voortdurend tydens die ontwikkeling van ’n produk gedoen om veiligheid te verseker. DIEETMODELLE Die blootstelling aan plaagdoders kan maklik beraam word: Die residu in voedsel/drank vermenigvuldig met die hoeveelheid voedsel/drank wat verbruik is, gedeel deur liggaamsgewig. Die residuwaarde wat gebruik is, is geneem uit die proewe vir plaagdoderresidu wat in toestande van maksimum gebruik uitgevoer is (bekend as die kritiese goeie landboupraktyk). Verskeie nasionale en internasionale dieetmodelle is beskikbaar oor die hoeveelheid kos wat geëet word. Data vir verskeie groepe, soos…

Plaaskombuis word Woensdae om 18:30 op Via (kanaal 147 op DStv) uitgesaai. Die reeks word aangebied met die samewerking van Landbouweekblad. Die Fourie-familie boer in die oopte van die Karoo, ’n ent van Prins Albert af. “Ons boer met skape en mense,” sê Johan tong in die kies, want afgesien van die Meatmaster- en Dorperskape waarmee hy boer, bedryf hulle ook ’n gasteplaas en ’n trou-en-onthaallokaal. Hestie se oupa het Abrahamskraal in 1945 vir 5 000 pond gekoop. Die plaas is sedertdien in haar familie. “Daar lê baie van my kinderspoortjies hier,” sê sy. Die troues wat hulle op Abrahamskraal hou, is baie spesiaal -- onder die oop, blou lug en die onthaal onder die Karoo se sterrehemel. Hul eie kinders het ook op die plaas getrou. Vir Hestie is…

Ons slotsom was dat gebed ’n element van persoonlike behoefte bevat. Toe ek nog baie by jeugwerk betrokke was, het een van die opgeskote kinders vir my gevra: “Oom, bid ou mense anders as kinders?” Ek kon nie dadelik antwoord op die onverwagte vraag nie, want ek het nog nooit voorheen daaroor gedink nie. Ek het ook geleer dat ’n mens altyd eerlik moet wees met jou antwoorde, veral as jy met kinders te doen het. Hulle vergeet nie maklik as hulle vertroue in jou verloor nie. My eerlike antwoord was dat ek nie weet nie, maar dat ons saam daaroor moet dink. Ons slotsom was dat gebed ’n element van persoonlike behoefte bevat en juis daarom kan ’n mens verwag dat die ouderdom en die jeug se behoeftes verskil.…

GOEIE VRAAG NA VLEKKELOSE LELIES Om deur die jaar goeie lelies te voorsien, is die grootste kuns. Die vraag na perfekte lelies duur heeljaar, maar neem toe met Kersfees, Valentynsdag en Moedersdag. Snyblomme word as ’n sierproduk gekweek. Enige afwyking is onaanvaarbaar op die mark. Mnr. Ruhan von Wielligh, mede-eienaar en produksiebestuurder van Flora Jubilee by Swellendam, wat veral lelies aan die voorste supermarkgroepe lewer, sê blomme word daagliks vroegoggend gepluk en in die kwekery in water geplaas. “Die pluksel word spoedig na die pakskuur gebring, waar dit in ’n koelkamer geplaas word as dit nie dadelik verwerk kan word nie. In die blommeskuur word stele gegradeer en deur ’n blomverwerkingslyn tot ’n bemarkbare produk verwerk.” Ná-oesbehandeling word gedoen om blaarvergeling te verhoed en die maksimum leeftyd by die eindverbruiker…

Die volgende ontleding van grondverkope in Suid-Afrika is van transaksies vir grond van meer as 10 ha in die Wes-Kaap vanaf Augustus verlede jaar tot Julie vanjaar. Altesame 631 ooreenkomste is in 27 distrikte gesluit, wat 304 452 ha teen R6,133 miljard behels het. In 12 (44,4%) van die distrikte is dalende prysneigings waargeneem, hoofsaaklik in die wynstreke, die suide en die oostelike deel van die provinsie. Daar was 40 transaksies van kleur – 6% van die totaal. Dié soort transaksies sluit in verhandelings tussen individue (26), regeringsaankope van landbougrond en grond wat vir stedelike ontwikkeling verkry is (2). Dié proses het 13 532 ha (4,4% van die totaal) teen R308 miljoen (5% van die totale waarde) behels. Uit die totaal was 216 (34%) transaksies vir grond van minder as…

LIMOUSIN VRAAG NA RAS STYG SKERP Verskeie Limousinveilings is al vanjaar landwyd gehou en die hoogste prys vir ’n bul was ’n uitstekende R160 000. Daar was ook ’n goeie vraag na dragtige stoetkoeie en -verse, met pryse wat gewissel het van R20 000 tot R190 000. Kopers is bereid om ’n premie te betaal vir goeie diere en teelmateriaal. Mnr. AJ du Toit van La Rhone Limousins by Tulbagh meen die vraag na geregistreerde bulle vir kommersiële gebruik het sterk toegeneem. Talle stoettelers se bulle was vroeg vanjaar reeds uitverkoop. Pryse vir dié bulle het gewissel van R28 000 tot R60 000. Dit kan grootliks toegeskryf word aan die premieprys wat voerkrale vir Limousin-kruiskalwers, met hul hoë speengewig, betaal. Du Toit sê veilings in Suid-Afrika word ook goed ondersteun…

BOEREDAE 3-4 NOVEMBER: GWK se Oewerfees. Soon le Roux-jeugkamp, Prieska. Frikkie, e-pos: oewerfees@gmail.com; sel 082 808 5349. 18 NOVEMBER: Opedag. Rooikoppies-boerdery, Frankfort. Praatjies: Toekoms van rooivleisboerdery, suksesvolle sinchronisasie (skape en beeste), fasevoeding-navorsingsresultate, belastingimplikasie t.o.v. jou vee by afsterwe, praktiese keuring van ramme, ens.; uitstallings en besigtiging van skape en dragtige verse. Dawid Botha, sel 082 371 6761. E-pos: dawid.botha@telkomsa.net 25 NOVEMBER: Vaalwaterboeredag. Bergfietswedren, kindervermaak, skietkompetisie, vee- en eiendomsveiling, kaas-enwynproe, eetkompetisie, kosstalletjies, boeresport, biertent, vlugbal en meer. Eiendomsveiling en vermaak: Natalie du Toit, sel 083 591 0597. Veeveiling en kos: Annie Vermaak, sel 060 974 7482. 17 JANUARIE 2018: Balfour-hooidag. Balfour, Mpumalanga. Nuutste toerusting en demonstrasies. Gert, sel 083 455 1587; Carel, sel 083 627 1354, Wouter, sel 083 390 2346. 4 JULIE 2018: Val-boeredag, toerusting en demonstrasies, aangebied deur Waterval-boerevereniging.…

2% Die dieselprys sal waarskynlik met ’n verdere 2% styg in November, wat die opwaartse neiging sedert Augustus voortsit. Die styging word toegeskryf aan hoër Brent-ruoliepryse en ’n swakker rand. ’n Prysstyging van nagenoeg 21c is te wagte. Die prysstyging sal druk plaas op boere in somerreëngebiede wat dan plant, en ook op landbou-vervoerbesighede omdat meer as 80% van die mielies padlangs vervoer word. – Agbiz R200/kg Die hoogste vetwolprys tot dusver dié bemarkingseisoen, R200/kg, is verlede week behaal deur mnr. Mathew Morgan van die plaas Ventnor in die distrik Ta rkastad. Die twee bale AH van 17 mikron met ’n skoonopbrengs van 73,8% is deur verteenwoordigers van Standard Wool gekoop. Mnr. Basie Claassen van BKB was die afslaer. Mededinging was goed in die veilinglokaal danksy die wol se goeie…

‘Hierdie dinge pas nie in by ’n beskaafde wêreld nie.’ MNR. KOBUS BREYTEN-BACH, voorsitter van Agri SA se komitee vir landelike veiligheid, oor die skokkende styging in plaasmoorde. Bl. 14 ‘Ons moet hom nou net ’n bietjie diesel gee om seker te maak hy begin spoed optel.’ DR. PIETER VERVOORT, hoof van die Nasionale Dieregesondheidsforum, oor Onderstepoort Biologiese Produkte se vordering. Hy het die instelling vergelyk met ’n skip wat ná groot storms nou in stille waters vaar. Bl. 17 ‘Dit is baie bemoedigend.’ DR. ZIYANDA MAJOKWENI, direkteur van die agentskap vir die bestuur van pluimveesiektes (PDMA), oor die daling wat bespeur is in die getal uitbrekings van H5N8-voëlgriep op kommersiële pluimveeplase. Bl. 16 ‘ Ons kan nie toelaat dat statistieke as politieke gereedskap gebruik word nie.’ MNR. FIKILE MBALULA,…

MNR. PIETER NEL , Limpopo se Jongboer van die Jaar wat naby Groblersdal boer, karring nie aan met vertakkings wat nie werk nie. As hy tafeldruiwe ná vier jaar moet uithaal, doen hy dit sonder sentiment. Vandag vaar hy uitstekend met sagtesitrus en nawels. Hy blink ook uit met saadmielies en katoen. Lees die artikel op bl. 34. VERTEL ONS VAN JOU GESIN. Ek is getroud met Bernedene. Ons het drie kinders — Steven (11), Jacques (9) en Mekyla (6). WAAR HOU JULLE VAKANSIE? Ons hou meestal by die Badplaas-vakansieoord vakansie. Die kinders geniet die warm swembaddens en oordaktiwiteite. Die kere as ons see toe gaan, gaan ons Mosselbaai of George toe. WAT IS JOU STOKPERDJIES? Ons vang lekker vis. Ek vang graag tiervis in Zambië en sien daarna uit…

DIE komende seisoen gaan fyn finansiële voetwerk van somersaaiboere verg wat oeste moet lewer, met die wete dat mieliepryse waarskynlik vir die grootste deel van die jaar op of naby uitvoerpariteit gaan bly. Kontantvloei gaan uiters belangrik wees, sê dr. Dirk Strydom, ekonoom van Graan SA. Boere moet ook nie op die wisselkoers staatmaak om tot hul redding te kom nie, waarsku hy. “Die wisselkoers bly ons (plaaslike pryse) ondersteun, maar is só wisselvallig dat dit moeilik is om dit as faktor in ag te neem as jy oor ’n bemarkingstrategie moet besluit.” Die eerste belangrike stap is om dié lande te identifiseer waarop die opbrengspotensiaal hoog genoeg is om plant te regverdig. “Kortom, opbrengs moet vergoed vir die (heersende lae) prys. Gebruik dus die beste grond wat beplant kan…

Die genoteerde pluimveeprodusent Quantum Foods het in ’n handelsverklaring op die JSE-nuusdiens Sens gesê sy resultate vir die jaar tot einde September kan baie beter wees. Dit is ondanks die sowat R30 miljoen wat voëlgriep hom gekos het in die waarde van lêhenne wat hy verloor het en die gepaardgaande opruimingskoste. Die maatskappy verwag dat sy wesensverdienste per aandeel 65% tot 85% hoër kan wees as in die vorige vergelykende tydperk. Quantum sê voerkoste was in die tweede helfte van vanjaar baie laer as in die eerste helfte, asook in die vorige jaar. Dit is danksy die rekordmielie-oes en ’n relatief sterker rand. Laer voerkoste het veral die verdienste van sy eierafdeling geraak, waar die herstel in marge in die tweede helfte van die jaar ook deur hoër verkoopspryse ondersteun…

Die Kabinet het aanbeveel dat grondhervorming, landbouontwikkeling, kleinboere én die stryd teen misdaad van die voorrangsake moet wees in die Regering se mediumtermynbestedingraamwerk (MTEF). Onder die sewe hoofprioriteite vir die MTEF is die uitbreiding van landelike infrastruktuur, onder meer agriparke, en voorkeur aan die onderhoud van landelike paaie en waterinfrastruktuur. Onder grondhervorming en landbou-ontwikkeling word die afhandeling van restitusie-eise en die herverdeling van grond as voorrangsake beskou, tesame met ondersteuning aan boere, transformasie in die wildbedryf, en ooreenkomste vir klein ondernemings en koöperasies. ’n Geïntegreerde misdaadbekampingsplan word ook in die vooruitsig gestel. Na verwagting sal die Departement van Water en Sanitasie sy waterprys-strategie in die 2018-’19-boekjaar voltooi. Dit sal waterpryse bepaal en hoeveel daarvan gesubsidieer sal word vir industriële gebruik, kommersiële landbou en huishoudelike gebruik. Die stigting van ’n nasionale…

DIE Openbare Beleggingskorporasie (OBK) het beheer geneem oor Suid-Afrika se eerste groot pluimvee-onderneming in swart hande nadat dié onderneming nie die mas opgekom het nie. Die OBK het Afpo, ’n konsortium vir swart ekonomiese bemagtiging (SEB), in 2015 gefinansier om ’n beherende belang in Afgri se pluimvee-afdeling te koop. Afpo het ’n belang van 54% gekry, werknemers en bestuur 10%, en die OBK 36% namens kliënte – 12% elk namens onderskeidelik die staatspensioenfonds (GEPF), die Werkloosheidsversekeringsfonds (WVF) en die Vergoedingsfonds. Die onderneming, met bedrywighede in Bela-Bela, Limpopo, en Delmas, Mpumalanga, het daarna as Daybreak Farms handel gedryf het. Mnr. Deon Botha, hoof van korporatiewe sake by die OBK, sê Daybreak het onder sy vorige bestuur onderpresteer en nie finansiële ooreenkomste met die OBK nagekom nie. Om die waarde van sy…

Die hoenderbedryf was tot so ’n jaar of twee gelede die grootste landboubedryf in Suid-Afrika. Dit was ook die belangrikste mark vir mielies in veevoer. Die totale waarde van produksie in die plaaslike hoenderbedryf word geraam op sowat R51 miljard per jaar en dit neem sowat twee derdes van die 6,5 miljoen ton veevoer per jaar op. Die agteruitgang in die hoenderbedryf het wye ongunstige rimpelings en benadeel graanboere se mark regstreeks. Die groei in die binnelandse braaihoenderbedryf het al so ’n jaar of drie gelede begin agteruitgaan. ’n Sameloop van faktore het bygedra tot druk op winsgewendheid en ’n inkrimping in produksie. Die maatskappy Rainbow Chickens het jare lank die braaihoendermark oorheers. Dit was een van die grootste genoteerde landboumaatskappye in Suid-Afrika. Nou het die maatskappy se naam verander…

Mnr. Conrad Coetzee se wenblok mielies het twee keer erge windskade ervaar. Op FOTO 1 is die aanplanting te sien sowat 7-10 dae ná opkoms. ’n Week later (FOTO 2) is nog windskade ondervind. Toe hy moedeloos vir pa Connie oor die skade raadpleeg, was die aanbeveling dat hy die aanplanting doodspuit en oorplant. “Koring kan jy van die begin af afskeep en dit sal herstel, maar mielies wat swak begin, is gedoem,” sê Conrad. “Dit is waarom ons die pop-up toedien om sake vir die mielie-ontwikkeling lekker te maak.” Hy en sy pa het toe ooreengekom om die mielies ’n week kans te gee om te herstel, met ’n vervroegde spilpuntdoediening van kunsmis met bykomende sink en stikstof. Conrad het ’n bykomende stresmengsel, Alexin van Nulandis, die Spaanse Codamin…

PINZGAUERS 1 Senior en grootkampioenbul, Lucroy Mr Cowey EGC13-01. Eienaar: Mnr. Eugene Cilliers (sel 082 333 7559), Lucroy-stoetery, Fochville. Hanteerder: Mnr. Johannes Mona. 2 Senior en grootkampioenkoei, Lucroy Diedel REN 10-04. Eienaar: Mnr. Eugene Cilliers, Lucroy-stoetery, Fochville. Hanteerder: Mnr. Johannes Mona.…

Maaskaastert ’n Yskaskaaskoek is altyd gewild. Krummelkors ■ 1 pakkie (300 g) karamelkoekies, fyngemaak ■ 100-140 g botter, gesmelt Vulsel ■ 1 blik kondensmelk ■ 60 ml suurlemoensap ■ 2 houers (500 g) geroomde maaskaas ■ 20 ml gelatien ■ 60 ml koue water ■ 60 ml kookwater ■ Halwe vanieljepeul ■ 250 ml room ■ 125 ml strooisuiker Kors: Meng die koekiekrummels en botter tot die mengsel klam genoeg is dat die krummels aan mekaar kleef. Voer die boom en kante van ’n gesmeerde losboomkoekpan van 23 cm met die krummelmengsel uit. Verkoel tot benodig. Vulsel: Klits die kondensmelk en suurlemoensap saam tot glad en dik. Voeg die geroomde maaskaas by en meng goed tot glad. Sprinkel die gelatien oor die koue water en laat staan vir 5 minute.…

Suid-Afrikaanse brandstofpryse is sedert Augustus vanjaar besig om te styg, oorwegend weens ’n styging in die prys van Brent-ruolie en ’n verswakking in die waarde van die rand teenoor die Amerikaanse dollar. Dié neiging, sê mnr. Wandile Sihlobo, landbou-ekonoom en hoof van landbounavorsing by die landbousakekamer Agbiz, behoort in November voort te duur wanneer die dieselprys na verwagting met sowat 2% teenoor die prys in Oktober sal styg. Die petrolprys behoort met slegs sowat 0,1% te styg. “Dit gaan bykomende druk op boere plaas, aangesien die styging met die planttyd in die somerreëngebied saamval. Vir graan- en oliesaadproduksie maak brandstof sowat 11% van die produksiekoste uit, waarvan ’n noemenswaardige deel in die planttyd gebruik word,” sê hy. Diesel (0,05% groot maat, binnelands) en petrol (95 oktaan, binnelands) se pryse kan…

TROTS Wat sê ’n mens oor die Delareyville-boere se betrokkenheid by die onluste wat hul dorp twee weke gelede getref het, en toe weer laas Donderdag gedreig het om op te vlam? Dit was ’n diensleweringsbetoging. Baie boere simpatiseer met die betogers, want dienslewering is skokkend, veral op die klein dorpies in Noordwes. Geld verdwyn voor die voet, terwyl die townships uit hul nate bars. Dis ’n groot, onnodige gemors. Vir jare nou al. Maar hoe protes aangeteken word, staan boere eenvoudig nie aan nie — die brandery, plundery en eiendomsbeskadiging. Iemand moet ’n streep in die sand trek. En dis ons boere wat dit doen. Met die vlaag plaasmoorde wat Noordwes vroeër vanjaar getref het, is almal ook ’n bietjie meer georganiseerd — genoeg dat hulle die polisie kan…

Ons het lesers gevra wat hulle van Boerbokvleis dink na aanleiding van die berig “Rolmerk vir Boerbokvleis ’n voorrangsaak” (Landbou.com, 17 Oktober). Hier is ’n paar van die reaksies. NIEKIE VAN ASWEGEN skryf: Ek het seker al twintig mense met Boerbokvleis uitgevang. Hulle eet hulself trommeldik aan boktjoppies en wil my agterna nie glo as ek hulle sê dis Boerbok nie. ’n Boerbok-staanrib met ’n bietjie Six Gun-speserye en kerrie is tops. Al my bokke gaan Durban toe (vanaf die Noord-Kaap). BETSIE BESTER skryf: Ek woon op ’n plaas. Daar is ’n groot verskil tussen Boerbok- en skaapvleis. Boerbokvleis se grein is baie growwer en, jammer om te sê, ek ruik hom. Skaapvleis is baie lekkerder! JACOBUS HENDRIKSE skryf: Ek is in die Kaap. My familie love Boerbokvleis. Ons kom…

DIE sitrusbedryf het op ’n spesiale vergadering van die Suid-Afrikaanse Sitruskwekersvereniging (CGA) se swartvlek-rampbestuurskomitee besluit om ’n verbod in te stel op alle uitvoer van lemoene, suurlemoene en pomelo’s na die Europese Unie (EU). Dit geld uitvoer vanuit alle provinsies behalwe die Noord- en Wes-Kaap. Dié besluit tref voorsorg om te keer dat swartvlek laat in die uitvoerseisoen, wanneer die risiko hoër is, op Suid-Afrikaanse vrugte in Europa gekry word. Die huidige seisoen is so te sê verby en uitvoervolumes in hierdie seisoen het reeds die vorige seisoen s’n oorskry. Die verbod, wat ook in die vorige twee seisoene op dieselfde tyd ingestel is, geld slegs vir die 2017-seisoen en sal nie die komende seisoen beïnvloed nie. Die CGA het die Departement van Landbou, Bosbou en Visserye versoek om geen…

’N Uitbreking van bek-en-klouseer in Botswana is nog nie ’n bron van kommer in Suid-Afrika nie, maar die land moet dringend sy kapasiteit herstel om ’n entstof daarteen te vervaardig. Dr. Pieter Vervoort (foto), hoof van die Nasionale Dieregesondheidsforum, het by navraag aan Landbouweekblad gesê hoewel daar altyd ’n bek-en-klouseer-risiko bestaan, word dit tans reg bestuur. “Dit het wel kop uitgesteek in Botswana, en Zambië het dit ook sowat drie maande gelede gehad. Suid-Afrika is egter nog in hierdie stadium redelik gesond. “Dit help egter nie ons wag totdat die siekte hier buite die rooi- en beskermingsones uitbreek voordat ons probeer om entstowwe te vervaardig nie. Die Landbounavorsingsraad (LNR) se pogings is dus prysenswaardig.” Hy het verwys na die LNR se plan om weer bek-en-klouseer-entstof te vervaardig, wat tans deur…

1 EGIPTE| Bondgenote voer weer landbouprodukte in Landbouprodukte uit Egipte is nou weer welkom in Bahrein, Koeweit en die Verenigde Arabiese Emirate. Dit is nadat dié drie lande in Mei ’n verbod op sulke produkte ingestel het, glo weens kommer oor plaagdoderresidu op peper, blaarslaai en uie. Die verbod het saamgeval met ’n groeiende vraag na Egiptiese landbouprodukte, wat gepaardgegaan het met ’n verswakking in die waarde van die Egiptiese pond. ’n Verbod op Egiptiese aarbeie in Saoedi-Arabië, ook weens kommer oor plaagdoderresidu, is ’n maand gelede beëindig, maar ’n verbod op alle Egiptiese landbouprodukte geld steeds in die Soedan. Egipte se landbou-uitvoer het in die eerste nege maande van vanjaar met 13,9% gegroei tot 4,1 miljoen ton, teenoor verlede jaar se 3,6 miljoen ton. — Reuters 2 GUINEE |…

Die Wes-Kaapse hoenderbedr yf is lamgelê deur voëlgriep en veral lêhenne is geraak. Maar hoe lyk dit elders in die pluimveebedryf? Hier volg ’n vooruitskouing vir die volstruisbedryf en faktore wat dié bedryf se toekoms bepaal. VOËLGRIEP (H5N8-VIRUS) Die uitbreking van voëlgriep wat die pluimveebedryf sedert Junie teister, het ook na volstruisplase in die Suid-Kaap versprei. Teen einde September was daar 12 uitbrekings op volstruisplase naby Heidelberg en tussen Oudtshoorn en Calitzdorp. Die bedryf is hoopvol dat vanjaar se uitbreking nie dieselfde afmetings gaan aanneem as in 2011 nie en dat die bedryf vinniger gaan herstel. Eerstens blyk dit dat volstruise die genetiese vermoë het om weerstand teen die betrokke H5N8-virusstam te ontwikkel. Tweedens is genoeg regeringsgeld nie beskikbaar om boere volledig te vergoed as ’n trop volstruise onder kwarantyn…

DA AR is hernieude belangstelling in handskeer omdat dit “vriendeliker” vir skape is. Gevolglik is daar ’n sterk vraag na handskeerders oor die wêreld heen, sê mnr. Allan Oldfield, ’n handskeerder van Nieu-Seeland. Hy sê ongelukkig is daar ’n tekort aan handskeerders. Oldfield behoort te weet waarvan hy praat, want hy het die afgelope drie jaar skape in Australasië, Europa en Suid-Amerika geskeer. Hy skeer ook skape op die Falkland-eilande wat ’n skaapbevolking van 500 000 het. Hy sê handskeer is ’n “skaapvriendeliker” manier van skeer en laat ’n bietjie meer wol op die vel agter, wat in veral kouer omgewings belangrik is. Dit plaas ook minder stres op skape en is ’n rustiger proses as masjienskeer, wat voordelig vir die diere se welstand is. “Dieresorg is deesdae ’n belangrike…

’n Pas afgehandelde nasionale grondoudit bied volledige en feitelike inligting oor die besit en gebruik van grond deur mense van kleur in Suid-Afrika. Die oudit is spesifiek oor die tydperk van 1994 tot 2016, maar bied ook ’n historiese beskouing van grondbesit en -gebruik sedert die vroegste tye in Suid-Afrika. Mnr. Johann Bornman, voorsitter van Agri Development Solutions (ADS), het dié omvattende projek die afgelope 18 maande uitgevoer met die samewerking van Landbouweekblad, Landbou.com en Agri SA, wat R1 miljoen bewillig het om die data van die aktekantoor (van 1994 tot 2010) te koop om die projek te voltooi. Van die belangrike bevindings is dat kommersiële landbougrond buiten die tuislande in die besit van wit boere sedert 1993 van 67% van die totale oppervlakte in Suid-Afrika afgeneem het tot 55%…

’n Groeiende beweging in die Europese Unie (EU) wil hê dit moet verpligtend wees om die land van herkoms op die etikette van melk en ander suiwelprodukte aan te dui. Spanje is die vierde land wat die Europese Kommissie in kennis gestel het dat hy dié nuwe wet wil instel. Frankryk, Italië en Griekeland verplig reeds hul verwerkers om die oorsprong van melk en suiwelprodukte op etikette vir ’n proeftydperk van twee jaar aan te dui. Kragtens hierdie regulasies moet nie net die land van oorsprong van die melk aangedui word nie, maar ook waar dit verwerk is, as dit elders sou wees. As dit buite die land van oorsprong is, kan dit op die etiket as “EU” of “Buite die EU” aangedui word. Daarby kan streeksprodusente, bykomend tot die…

WIE IS JOU LANDBOUMENTOR? My pa, mnr. Fanie Nel. Hy is die man wat van een 25,7 ha-perseel gevorder het tot waar ek saam met hom begin het. Hy het eers die plaas wat hy gehuur het, gekoop en later my oupa se grond gehuur en hom toe uitgekoop. Met die verloop van tyd het hy nog persele bygekoop. Die vierde perseel het hy kontant gekoop nadat hy al sy beeste verkoop het. Ek hou van die manier waarop hy dink. WAT IS JOU GROOTSTE LANDBOU-FOUT? Ek het al baie foute gemaak. Verlede jaar het ek ammoniakgas by my saadmielies gebruik en om die een of ander rede wou die saadmielies nie groei nie en het hulle onegalige pluime gestoot. Dit het die vorige jaar goed by kommersiële mielies gewerk,…

SOU JY IETS ANDERS WOU DOEN? Ek sal beslis die grond op-erd en bankies maak vir die bome. Dreinering is uiters belangrik en Phytophthora is ’n avokadoboom se doodsteek. Ek sal ook seker maak ek kies die regte kultivars. Dit is sinloos om ’n kultivar te kies wat vroeg dra, soos Hass, en dit dan aan die boom moet laat hang om ’n beter prys te kry. OM AVO’S TE VESTIG, IS DUUR. JY HET GEEN BEWYS GEHAD DAT DIT IN JOU GEBIED GAAN AARD EN WINSGEWENDE OESTE KAN LEWER NIE. HOE HET JY HIERDIE RISIKO GEREGVERDIG? Die internasionale mark vir avo’s groei teen 10% per jaar, en in Brittanje groei die vraag die afgelope drie jaar teen 30% per jaar. Die mark vir die produk is dus reeds daar.…

1920 ’S: VALLE EN STRIKKE Kinderrokkies met krae, kouse wat tot net onderkant die knieë rek, valletjies van kant en gebreide handskoentjies verskyn gereeld in die tydskrif. “Ons het nog nie die ent van kant, mousseline, organdy en boordjies van ander materiaal gesien nie,” bevestig ’n artikel uit 1924. Moue met fyn lintjies wat met lang ente gestrik word, is veral gewild. “As die moeder lus is en tyd het daarvoor, kan sy iets fraai maak met ’n kinderrokkie se moue en kraag.” Landbouweekblad se Huisblad bevat knippatrone vir baba- en peuterklere, veral tuniek-pakkies (links bo) en eenvoudige slaappakkies (regs). “ ’n Slaappakkie is noodsaaklik vir ’n kind wat baie woel in die nag en altyd die naghemp om die lyf het of die komberse afskop. As die voete oop…

PERSKE-UITVOER DAAL Perskes (hoofsaaklik dessertperskes) se totale uitvoervolume het in 2016-’17 met 2% gedaal. Volgens ’n woordvoerder van Hortgro behoort die uitvoervolume van vroeë kultivars in die huidige produksiejaar met 4% toe te neem. Die uitvoervolume van medium- tot laat kultivars sal tot 7% laer wees. Die totale uitvoerskatting vir alle vars uitvoerperskes in 2017-’18 is egter 3% laer teenoor die vorige produksiejaar. Danksy jong Spring Princess-en Temptation-boorde wat in drag gekom het, sal die uitvoer van dié kultivars effens toeneem. Die belangrikste inmaakkultivars is Keisie, Kakamas en Sandvliet, wat 40% van die totale aanplantings verteenwoordig. Volgens die boomsensus van verlede jaar is daar tans 7 339 ha perskeboorde, waarvan 5 632 ha taaipitperskes en 1 707 ha dessertperskes is. Die totale aanplantings het die afgelope 15 jaar skerp gedaal.…

GAUTENG CARLETONVILLE BLESBOKFONTEIN (580) 32 ha, aan M. Nienaber, van F. Fourie, R1 500 000. HAASKRAAL (463) 194 ha, aanTrompieFarmingDivision (Edms.) Bpk., van Drie ABD Eiendomme, R12 150 000. HAASKRAAL (490) 178 ha, aan C.P. de Beer, van Ben Linde Boerdery (Edms.) Bpk., R5 220 000. KLIPDRIFT (422) 206 ha, aan TNG Stormwater Specialist Consultants (Edms.) Bpk., van J.L.Taggart,R11750000. LEEUWPAN (58) 21 ha, aan N.E. Selemela en P.D. Senyane, van J.N.A. van Zyl, R300 000. RIETFONTEIN (427) 843 ha, aan E.C. Grobler, van Plotwise (Edms.) Bpk., R9 000 000. VENTERSPOST (284) 110 ha, aan Johan Coetzee Boerdery (Edms.) Bpk., van C.S. Barendse en J.F.R. Berendse, R900 000. VYFHOEK (428) 75 ha, aan Ben Linde Boerdery (Edms.) Bpk., van L. Groenewald, R3 500 000. VYFHOEK (428) 185 ha, aan J.L. Taggart,…