Indholdsfortegnelse for 30-Mar-18 i Landbouweekblad

Die feit dat die vakbonde onlangs op die nippertjie ’n stokkie gesteek het voor Eskom se langverwagte ondertekening van ooreenkomste met nuwe onafhanklike elektrisiteitsprodusente, is taamlik ironies. Die ondertekening met die 27 onafhanklike produsente, wat na verwagting oor die volgende twee tot drie jaar tot beleggings van nagenoeg R56miljard sou lei en 61 000 werksgeleenthede sou skep, is nou (weer) tot stilstand gebring deur die Minister van Energie, mnr. Jeff Radebe. En al is dit taamlik laat vir die Nasionale Unie van Metaalwerkers en Cosatu om nou op waarborge vir werkskepping aan te dring, kan ’n mens hulle in ’n mate nie kwalik neem nie. Suid-Afrika moes lankal ’n behoorlike debat gehad het oor hernubare energie en die gepaardgaande kompromieë, want hoewel die nuwe wind- en sonkragaanlegte werk kan skep,…

Ons almal weet dat grond as ’n politieke speelbal gebruik word. Die manne wat dit speel, weet hulle vertel leuens. Hulle weet ook wat die waarheid is. Dit gaan dus nie help om hulle van die waarheid te probeer oortuig nie. Ons moenie terugbaklei nie, ons het ’n strategie nodig. Daar is in elk geval nie genoeg grond om aan elkeen ’n stukkie te gee nie. My strategie rus slegs op twee onveranderlike faktore. Eerstens, mense moet eet, en twee-dens, mense het verhoudings met ander mense. Dit is nog deur al die eeue dieselfde. Veranderlike faktore sluit in die metodes van kosproduksie (van pik en graaf tot osse, perde, trekkers, organies, anorganies en tegnologie) en die eienaarskap van grond (privaat of staat). My strategie behels ook dat jy die situasie…

Die Noord-Kaapse besproeiingsboer en Voermol en Landbouweekblad se Skaapboer van die Jaar, MNR. FRANS WIID, skryf die sukses van sy kleinveevertakking op bl. 36 toe aan onder meer sy uiters streng seleksiemaatstawwe vir vrugbaarheid én aanpasbaarheid. VERTEL VAN JOU GESIN. Ek en my vrou, Reinette, het twee seuns, Francois (19) en Jacques (12) en ’n dogter Nicola (16). My ouers, Fransie en Retha Wiid, woon op Hopetown waar hulle afgetree het. Reinette se ouers, Pieter en Nicolette Naudé, boer tussen Clocolan en Ladybrand. WAAR HET JY GESTUDEER? B.Sc. Agric. met landbouekonomie as hoofrigting aan die Vrystaatse Universiteit. HET JY ’N STOKPERDJIE? Ek is bevoorreg om my stokperdjie, boerdery, as ’n werk te kan doen. Ek en my gesin jag ook graag en ons hengel in die Oranjerivier.…

DIE Regering se programme om die produksie by kleinboere te stimuleer het geen beduidende impak om van nuwe toetreders suksesvolle boere te maak nie. Boonop bring die staat se hulpprogramme afhanklikheid mee, het die Departement van Monitering en Evaluering in die Presidensie bevind. Die Regering het oor sy mediumtermyn-bestedingsraamwerk, wat strek vanaf 2014 tot 2019, die doelwit gestel om volhoubare grondhervorming te bereik. Dit sou tot die transformasie van die landbou bydra en voedselsekerheid versterk. Dit is egter nou reeds duidelik dat die Regering nie eens sy mikpunt vir die oordrag van 2 miljoen ha grond teen 2019 aan voorheen benadeelde individue sal haal nie, het die Parlement se portefeuljekomitee vir landbou, bosbou en visserye verlede week gehoor. SKIET TEKORT Mnr. Zakhele Mdlalose, hoofsektorale kenner vir landelike ontwikkeling by die…

DIE hoër temperature wat reeds voorkom, het reeds ’n groot impak op die vee- en saaibedryf en dit gaan nóg groter word, voorspel prof. Francois Engelbrecht van die WNNR. Volgens sommige model-le gaan Suider-Afrika in die algemeen droër word, maar Oos-Afrika natter. Ook Limpopo kan méér reën verwag weens toenemende tropiese siklone. Hy sê weens die hoër temperature gaan die verdamping van oppervlakwater (damme) en grondvog ook styg, wat boerdery baie gaan raak. Die tipiese hoeveelheid grondvog in die somersaaidele in Oktober (die droogste tyd) kan in die toekoms terugskuif na Mei of Junie, wat die veldbrandtyd sal verleng. As ’n boer gewoonlik in November plant, sal die grondvog só laag wees dat planttyd eers ’n maand later gaan wees, wat ’n korter groeityd beteken. MIELIES NIE BESTAND Boere in…

‘Ondersoek dus nou al ál die alternatiewe oplossings en vind een wat jul ekonomie en toestande die beste pas.’ DIE Regering het nie ’n keuse nie as om die hand diep in die sak te steek om oplossings op die kort termyn vir die waterkrisis in die Wes-Kaap te vind. Die volgende stap is egter om verbruikers bewus te maak van die waarde van water deur hulle daarvoor te laat betaal. Dít is die mening van prof. Eilon Adar, waterwetenskaplike van Israel. Adar, voorsitter vir hidro-geologie en droë sones by die Mark Zuckerberg-instituut vir waternavorsing en die Ben Gurion-universiteit van die Negev-woestyn, was die spreker op waterseminare in die Paarl en Robertson. Die seminare is deur die Israeliese handelskantoor en Legacy Water Solutions aangebied. “Politici is verplig om drink-water aan…

DIE Regering wil glo buffelboere bykom met die verskoning dat buffels siektes kan oordra, terwyl dit eintlik die wildsoort met die minste siektes is. Dr. Alex Lewis, ’n wildkonsultant, het op die Aldamwildskool, wat deur die Lewendehawe Registrerende Federasie en Landbouweekblad aangebied is, gesê Indië is 2,7 keer groter as Suid-Afrika, met 83 miljoen buffels en ’n groot mark vir buffelmelk. Ofskoon groot dele van die Indiese bevolking dus aan siektes blootgestel is wat deur buffels oorgedra kan word, bekamp buffelboere daar hul siektes egter baie doeltreffend. Die Indiese regering laat die verantwoordelikheid ook aan die boere oor om siektes te monitor. Hulle kry eenvoudige toerusting waarmee hulle buffels kan toets nadat hulle geslag is of gevrek het. Lewis sê die Suid-Afrikaanse Regering moet ook die plaaslike boere vertrou om…

‘Daar is dus uitstekende geleenthede vir plaaslike produsente indien ons oor die komende dekade ’n groter uitvoermark kan bewerkstellig.’ OPSKUD, Suid-Afrika, jou buurlande is besig om teen ’n flukse pas te groei. Dit was een van die boodskappe van prof. Ferdi Meyer, direkteur van die Buro vir Voedsel- en Landboubeleid, op die Suid-Afrikaanse Voerkraalvereniging se onlangse konferensie by Kievits Kroon in Pretoria. Meyer het tydens sy voorlegging – oor landboubeleggings in onsekere tye – gesê in teenstelling met die wanindruk dat Afrikalande se ekonomieë grootliks uit arm, plattelandse markte bestaan, groei Suider-Afrikaanse lande teen ’n snelle tempo. “Die ekonomieë van Kenia, Zambië, Tanzanië en Malawi behoort almal oor die volgende 10 jaar met meer as 5% te groei, terwyl hul stedelike sentra toenemend die vraag na voedsel opdruk. Dit sal…

KLAS A-bokvleis – lammers – word vanaf 1 Mei vanjaar met blou ink gemerk, en nie meer met oranje ink soos tot dusver voorgeskryf was nie. Mnr. Pip Nieuwoudt, voorsitter van die Wes-Kaapse Boerbokklub, sê dit is uitstekende nuus vir die bokbedryf. Sy reaksie volg op die onlangse aankondiging van die Departement van Landbou, Bosbou en Visserye in dié verband, wat gevolg het op ’n versoek van die Rooivleisprodusente-organisasie (RPO) en die SA Boktelersvereniging. Die besluit is egter onderhewig aan voorwaardes. Produsente moet aan al die ander voorskrifte van die betrokke regulasies voldoen. Die besluit kan enige tyd teruggetrek word weens ’n geldige klagte en alle abattoirs wat kleinvee slag, onthef die departement van enige blaam weens nadele wat weens die toestemming kan ontstaan. Die regulasies sal binnekort in die…

DIE hoofrede waarom die Ingonyama-trust bestaande grondregte van bewoners na huurpag wil omskakel, is sodat hy die inkomste van die trust kan verhoog, het parlementêre navorsers bevind. Verlede jaar het die trust die nagenoeg vyf miljoen inwoners deur middel van advertensies aangesê om hul wetlik erkende bewoningsreg (PTO) na huurooreenkomste om te skakel. Die parlementêre komitee vir landelike ontwikkeling en grondhervorming het egter onlangs die omskakelings tydelik gekeer. Die komitee en die trust sit gereeld vas omdat die trust soms weier om gehoor te gee aan aanbevelings van die ouditeur-generaal en ook nie vir munisipale dienste wil betaal nie. Onder die redes wat die trust voorhou om PTO’s na huurooreenkomste te wil omskakel, is weens regskwessies, onderonsies tussen inwoners oor eienaarskap en grense en omdat die kontrakte aan inwoners meer…

DIE landbou-afdeling van die nuut saamgesmelte DowDuPont gaan ’n afsonderlike, genoteerde maatskappy met die naam Corteva Agriscience word. Die multinasionale maatskappye Dow en DuPont, wat saad en landbouchemikalieë verskaf, het hul samesmelting verlede September bekend gemaak. Dit is reeds met voorwaardes deur die Suid-Afrikaanse Mededingingstribunaal goedgekeur. Die nuwe maatskappy het vanuit die staanspoor gesê dat hy onder meer sy landbou-afdeling, bestaande uit DuPont-oesbeskerming, DuPont Pioneer en Dow AgroSciences, in ’n afsonderlike maatskappy gaan omskep. Mnr. James Collins, bedryfshoof van die landbou-afdeling, het op besoek aan Suid-Afrika en Kenia gesê die naam is onlangs bekend gemaak en die datum vir totstandkoming is Junie 2019. DowDuPont is op die New Yorkse aandelebeurs genoteer, waar Corteva waarskynlik ook genoteer sal word, hoewel die besluit nog nie bekend gemaak is nie. Collins het Suid-Afrika…

Die Australiërs doen nogal baie moeite en navorsing om die verwagte landboumarkneigings in die wêreld te verstaan, te ontleed en vooruitskouings te gee sodat hul boere en landboubesighede ingeligte besluite kan neem. Die Australiese landboubedryf is in groot mate aangewese op uitvoermarkte – 80% van die Australiese landbouproduksie word uitgevoer teenoor sowat 33% van die plaaslike produksie. Daarby is Australië een van die lande wat die minste subsidies aan die landbou gee. Begin Maart het Australië weer ’n konferensie gehou waarop vooruitsigte vir die volgende vyf jaar bespreek is. Veral vier aspekte waaraan die Australiërs baie aandag gee en waaroor hulle navorsing van wêreldgehalte doen, is in die kollig geplaas. Die vier aspekte is: ■ Verwagte markneigings vir landboubedrywe; ■ Aanpassing by klimaatsverandering; ■ Tegnologie om internasionaal mededingend te bly;…

Mnr. Frans Wiid se seleksie vir die vrugbaarheid van sy meer as 8000 kommersiële Dohne-Merinoen Dorperteelooie is onverbiddelik. Danksy sy omvangryke kudde selekteer hy maklik diere wat by sy hulpbronne aangepas is. Frans en sy vrou, Reinette, is as Suid-Afrika se Skaapboer van die Jaar vir 2017 aangewys. Hul kleinveekomponent word in ’n goed gediversifiseerde boerdery in die distrik Hopetown bedryf. “Ek slag my ooie bang, soos wat Rikus van der Merwe (Dorperboer van Britstown) my beskuldig,” sê hy grappenderwys oor die uitskotbeleid wat hom in staat gestel het om in die afgelope jare ’n hoogs vrugbare kudde op te bou. Hy het aan die vrugbaarheid van sy ooie begin aandag gee toe die speenpersentasie van ingekoopte “stoet”-ooie en -ramme net meer as 100 was, terwyl dié van die ekstensiewe…

Die wedloop is aan die gang om koringkultivars vir Suid-Afrika te teel wat in die afsienbare toekoms hopelik ’n ton koring per hektaar meer kan lewer. Teling vir opbrengs moes die afgelope 20 jaar tweede viool speel, terwyl telers deur die sogenoemde vrystellingsnorme verplig is om eerder maal- en bakeienskappe in plaaslike kultivars te versterk. Mnr. Willem Botes, hoof van die plantteellaboratorium aan die Universiteit Stellenbosch (US-PBL), vergelyk die wedloop om beter opbrengspotensiaal te ontwikkel met ’n lotery. Hoe beter hul tegnologie, hoe meer kruisings kan hulle maak, hoe meer lyne kan hulle plant en hoe meer “nommers” het hulle in die genetiese lotery. Die universiteit het in 1998 ’n manier begin ontwikkel om kruisings te maak wat basies bastersaad lewer deur ’n steriliteitsgeen te gebruik. “Ons wen die lotto…

Dit is nodig dat alle boerdery- en veldbestuursvernuwing deur die wetenskap, wetenskaplikes en gepubliseerde wetenskaplike skripsies gerugsteun word. Die doel is sodat dit die aandag van die akademiese gemeenskap kan kry en deur instellings vir hoër onderwys erken kan word. Prof. Timm Hoffman van die plantbewaringseenheid in die departement van biologiese wetenskappe aan die Universiteit van Kaapstad, is een van die min wetenskaplikes wat, nes mnr. John Acocks, op alternatiewe weidingsmetodes in teenstelling met die konvensionele benadering klem gelê het. Timm het talle artikels daaroor geskryf, soos “Die natuur se weidingsmetode: nieselektiewe beweiding as ’n manier om grond in Suid-Afrika te herwin”. Hy het sy klem veral laat rus op hoe praktyke die afgelope eeu die biodiversiteit en landskap van die Karoo en fynbosbiome beïnvloed het. Hy het die landskap…

Agritech Staalwerke vervaardig duursame skaaphanteringstoerusting, onder meer kruiphekkies, selfvoerders, klashekke en baalringe. Die nuutste toerusting van dié Kaapse maatskappy is ’n omdraai-keerhek, wat op ’n Europese ontwerp gegrond is. Wanneer dit uitkeertyd is, soos wanneer skape geklas word, kan die hek danksy ’n slim deurgly-skarnier teruggestoot word om heeltyd agter die diere te bly wat inkom. So beweeg die hek om die diere pleks daarvan dat die diere om die hek moet beweeg. Die hek word uit gegalvaniseerde staal met ’n wanddikte van 2 mm vervaardig. ’n Gewone geverfde weergawe is egter ook beskikbaar. Die hek pas in by standaardkrale en kan aan enige vorm van mobiele hokke of klas- of drukeenhede gekoppel word. Dit is landwyd beskikbaar. PRYS: R4 995 NAVRAE: Mnr. Corné Serfontein, e-pos: corne@agritechsteel works. co.za, web:…

1 Senior kampioenram 6030 JAR (regs) en reserwe senior kampioenram 6236 JAR. Eienaar: Mnr. Johan Rautenbach (middel, sel 082 780 1 1 89), Blesbokfontein, Lindley. Hanteerders: Mnre. Oupa Makoena (links) en John Makoena. 2 Senior kampioenram (wol) 6647 JAR. Eienaar: Mnr. Johan Rautenbach, Blesbokfontein, Lindley. Hanteerder: Mnr. John Makoena. 3 Kampioenramlam 7138 JAR (wol, regs) en reserwekampioenramlam 7139 JER (wol). Eienaar: Mnr. Johan Rautenbach (middel), Blesbokfontein, Lindley. Hanteerders: Mnre. Ronald Sehanka (links) en David Letseleha. 4 Junior kampioenram (wol) 6134 KLP. Eienaar: Mnr. Piet Strydom (links, sel 072 486 3944), Klipkop, Dordrecht. Hanteerders: Mnr. Piet Mtaung (middel) en Januwarie Matubelo. 5 Junior kampioenram 6040 GM. Eienaar: Mnr. André Malherbe (links, sel 084 645 9335), Gert Malherbe-boerdery, Hertzogville. Langs hom is me. Michelle Malherbe en klein Mielan. Hanteerder: Mnr. Ugas Mogorosi.…

Die Syngenta Grain Academy bied jaarliks ’n slypskool vir toekomstige leierboere aan. Dit word aangebied met die samewerking van Graan SA en die Universiteit van die Vrystaat se sakeskool. Die akademie bied aan jong Suid-Afrikaanse boere die geskikte opleiding om suksesvol en volhoubaar te boer. Die program is gemik daarop om jong boere daarvan bewus te maak dat die landbou uit méér bestaan as plant en oes. LEIERS VAN MÔRE Jong boere word toegerus om leiding op hul plase te neem, asook in landboubesprekings en -forums en tydens onderhandelinge met die Regering. Mnr. Thabo van Zyl, besturende direkteur van Thuso Holdings, sê sy studie het nie net sy leierskapsvaardighede bevorder nie, maar ook sy selfvertroue. “Die kursusleiers was uitstekend, waarskynlik die beste in hul vakgebied. Danksy die kursus verbeter jy…

Paasbolletjies met marmeladewhiskyglaseersel Die bekendste van alle Paasgebak is baie maklik om self te maak. Die aroma as jy die oonddeur oopmaak om die gaar bolletjies uit te haal, is hemels. Ook die eerste hap, met botter wat daarop smelt. 4x250ml(4 k) witbroodmeel 1 pakkie (10 g) kitsgis 5 ml kaneel 10 ml gemengde speserye 3 ml neutmuskaat 3 ml fyn kardemom 45 ml strooisuiker 5 ml sout 100 g rosyne of sultanas, vir 10 minute in kookwater geweek Fyngerasperde skil van 2 lemoene 250 ml warm melk 1 ekstragroot eier 3 ml vanieljegeursel 60 ml gesmelte botter Kruis 60 ml koekmeel Koue water Glaseersel 100 ml marmelade 30 ml kookwater 45 ml whisky Meng die meel, gis, speserye, suiker en sout in ’n groot mengbak en voeg die…

Ná drie opeenvolgende verlagings in brandstofpryse gaan die pryse van petrol én diesel in April weer styg – al toon die middel van die maand se syfers dat daar ’n oorverhaling is. Mnr. Dawie Maree, hoof van landbou-inligting en bemarking by FNB, sê die syfers het verlede week ’n oorverhaling van sowat 15c/ℓ vir diesel en 8c/ℓ tot 10c/ℓ vir petrol getoon. “Die wisselkoers was relatief stabiel en het sywaarts beweeg, terwyl die internasionale prys van produkte effens afgeneem het en dus tot die oorverhaling bygedra het.” ’n Styging van sowat 40c/ℓ word egter vir petrol en sowat 35c/ℓ vir diesel verwag weens die bykomende 52c/ℓ in die vorm van brandstofheffings wat deur mnr. Malusi Gigaba, die vorige Minister van Finansies, in die begrotingsrede aangekondig is. “Die algemene brandstofheffing sal…

’N TROFEE-SPRINGBOK was die duurste stuk wild op die jaarlikse veiling van me. Tina de Jager se Valley Venture en genooide verkopers wat by Bela-Bela aangebied is. Die R1,5 miljoen wat mnr. Hennie Barnard, bekroonde wildboer van Skietfontein by Aberdeen vir die ram opgedok het, bewys dat gehaltediere altyd kopers lok wat groot bedrae betaal, ten spyte van ’n bedryf wat tans nie buitensporig hoë pryse behaal nie. Die verkoper was mnr. Julian Theron van Jules of the Karoo in die distrik Richmond, wat verlede jaar ’n rekordprys van R1,55 miljoen vir nóg ’n spogram behaal het. Barnard se aanwins het ho-rings van 18¾" (links) en 18⅛" (regs). Die omtrek van die basis aan albei kante is 6¼". Volgens Theron is die ram die springbok met die grootste horings wat…

BOEREDAE 3 APRIL: Oudtshoorn se lugdroogtabakboeredag. Schoemanshoek NG Kerk. Temas: Aalwurmbeheer, kultivarseleksies en plantteelkunde, grondgesondheid en meer. Jan-no Koen. Sel 082 703 2470. E-pos: koenj@ulsa.co.za 5 MEI: Swartlandse Veteraan-trekker-en-enjinklub se saaidag (afhangend van weer). Bredasdorp. Hennie Richter. E-pos: sekr.wk@telkomsa.net 25 - 26 MEI: Swartlandse Veteraan-trekker-en-enjinklub se ploegdag. Swartland. Hennie Richter. E-pos: sekr.wk@telkomsa.net 26 MEI: Swartlandse Veteraan-trekker-en-enjinklub se hersteldag. Bredasdorp. Hennie Richter. E-pos: sekr.wk@telkomsa.net 14 JUNIE: Vleisbees genomikaboeredag. Irene. E-pos: admin@wagyu-sa.co.za 4 JULIE: Val-boeredag, toerusting en demonstrasies, aangebied deur Waterval-boerevereniging. Buite Standerton. Hardus, sel 083 230 2721; Frederik, sel 072 160 4824; Elizna, sel 082 455 5636. 22 AUGUSTUS: Noord-Vrystaatse SAVM-klub bied ‘n “mega-boeredag” en veiling aan met die samewerking van die boerevereniging van die Rooi Skool in Kroonstad. Kroon-Boma, Kroonstad. Neline Pienaar; sel 082 440 4492; e-pos: Bennieneline@eleo.co.za EKSPO’S EN…

83% Meer as 80% van die ekonomiese verliese weens droogte in ontwikkelende lande word deur die landbousektor gely, luidens ’n nuwe verslag van die Verenigde Nasies se Voedsel- en Landbou-organisasie (VLO). In Afrika, Latyns-Amerika en die Karibiese Eilande was droogte van 2005 tot 2015 verantwoordelik vir $10,7 miljard se gewasverliese en $13 miljard se verlies aan lewende hawe. Boere in Afrika het $6 miljard in daardie tydperk verloor. – VLO 2,9% Amerika se uitvoer van hoendervleis het verlede jaar met 2,9% tot 3 263 675 ton gegroei. Dit is ’n styging van 11,9% in waarde tot $3,421 miljard. Die Amerikaanse raad vir die uitvoer van pluimvee en eiers (USAPEEC) het gesê Amerikaners en Suid-Afrikaners eet toenemend meer hoendervleis. Suid-Afrikaners eet nou volgens USAPEEC sowat 33 kg hoendervleis per persoon per…

‘As jy meer koolstof vrystel as wat jy vaslê, gaan jou kinders nie die boerdery kan oorneem nie.’ MNR. JAY FUHRER, Amerikaanse herlewingslandbouspesialis, oor die noodsaaklikheid om koolstof-neutraal te boer. Bl. 14 ‘Ons mense word afgemaai.’ MNR. IAN CAMERON, Afri­Forum se hoof van veiligheid, oor die veiligheidsituasie in landelike gebiede. Bl. 15 ‘ ’n Ongekende proteksionistiese veldtog.’ DIE EU-AFVAARDIGING oor Suid-Afrika se verbod op hoendervleis uit EU-lande waar voëlgriep uitgebreek het. Bl. 22 ‘Al lyk dit of ons ’n oormaat water beskikbaar het, is dit noodsaaklik om nou reeds beperkings in te stel.’ MNR. JOHANN BOONZAAIER, uitvoerende hoof van die Impala-watergebruikersvereniging, oor die besluit om nou al waterperke in te stel. Bl. 25 ‘Daar behoort vanjaar aanvulling van damme te wees, maar dit gaan nie skielik die droogte breek nie.’…

Dink jy hoendervleis behoort van BTW vrygestel te wees? Die hoenderprodusent Astral voer aan hoendervleis behoort ook in die mandjie van basiese voedselprodukte te wees waarop geen BTW gehef word nie. Anna Venter skryf: Nee. Wat maak ’n hoenderboer beter as ’n bees-/skaap-/vark-/melkboer. Dan moet rooivleis ook vrygestel word, want net soos hoenderboere meen enige ander boer ook dat sy produk in die verbruiker se mandjie hoort. Sophia Lüscher-Geldenhuys skryf: Ja, daar is baie gesinne wat onder die broodlyn lewe. Wat met ’n maandelikse inkomste van R3000 ’n gesin moet voed en skoolonkoste het benewens dinge, soos kos, klere en skoene. Johann Horn skryf: Koop minder slaai en goedjies, dan wen jy op die BTW vir meer brannas. Jakobus Myburgh skryf: Alle regeringsbelasting op voedsel is diefstal, ’n misdaad teen…

‘Dit is byna twee plaasaanvalle per dag en twee plaasmoorde per week oor ’n tydperk van 18 jaar.’ IN minder as 100 dae vanjaar het reeds 109 plaasaanvalle en 15 plaasmoorde voorgekom. Dít is deel van die feite waaroor die Regering nie kan stry nie en wat wys landelike gebiede is in ’n misdaadoorlog vasgevang, sê die burgerregte-organisasie AfriForum. AfriForum het op ’n nuuskonferensie in Pretoria gesê inligting wat na die internasionale gemeenskap versprei word, is gegrond op feite wat bevestig dat daar wél ’n ernstige bedreiging van eiendomsreg en menselewens in Suid-Afrika bestaan. AfriForum glo hierdie bedreiging geld veral minderheidsgemeenskappe in die algemeen en veral wit boere in die besonder. Die organisasie wil sy internasionale veldtog teen plaasmoorde en die miskenning van eiendomsreg in Suid-Afrika verskerp. Die nuuskonferensie volg…

BOERE grypaltedikwels, te vinnig én onnodig na chemiese plaagdoders, waarsku prof. Johnnie van den Berg, insektekundige van die Noordwes-Universiteit. Die bydrae wat roofinsekte gratis en natuurlik lewer, word heeltemal onderskat, het hy op Landbouweekblad se konferensie op Reitz gesê. “Ons vergeet enige bevolking, of dit nou mense of insekte is, word groter en kleiner. Wanneer dit by plantbeskerming kom, wil ons keer dat ’n insekbevolking in plante ’n ekonomiese drempelwaarde oorsteek. Eers dán moet opgetree word. “As biodiversiteit in plante en insekte met bewaringslandboupraktyke verhoog word, word plaagbevolkings gratis op ’n land onderdruk en beheer. “Ons besef nie die groot hoeveelheid insekte op een hektaar mielies nie. Waar bewerking tot die minimum beperk word, leef daar tienduisende liewenheersbesies, waarvan een tot so veel as 70 plantluise per dag vreet, om…

HENGELAARS, boere en toerismebesighede wat hul inkomste uit forelhengel verdien, is op die oorlogspad nadat die Departement van Landbou en Omgewingsake vroeër aangekondig het dat hy reënboog- en bruin forel as indringersoorte tot die Biodiversiteitswet se lys van uitheemse en indringersoorte gaan voeg. Belanghebbendes is bekommerd dat hierdie stap die einde van die bedryf kan beteken. Mense wat by die bedryf betrokke is, het só heftig gereageer dat die departement vroeg in Maart ’n verklaring uitgereik het om sy standpunt te verdedig. “Forelle is indringers in geskikte water in Suid-Afrika en daar is geen wetenskaplike bewyse tot die teendeel nie,” sê die departement. Die departement het verduidelik dat dít is waarom verskeie staatsdepartemente en instellings, waaronder die Departement van Landbou, Bosbou en Visserye, almal aanbeveel dat forel as indringer op…

BUFFELEIENAARS het hulle bereid verklaar om saam met die Regering ’n werkbare dokument op te stel vir die bekamping van dieresiektes. Dit was nadat die Departement van Landbou, Bosbou en Visserye se veterinêre prosedurele kennisgewing (VPN) vir die risikobekamping van buffelsiektes in Suid-Afrika onlangs voorlopig in die Noord-Gautengse Hooggeregshof in Pretoria tersyde gestel is. Dit volg op ’n dringende hofaansoek van mnr. Jaco Troskie, ’n sakeman van Bloemfontein, wat die aansoek om die opskorting van dié voorskrifte vir die wildbedryf gedoen het. Dit was sodat ’n aanvaarbare voorstel vir ’n nuwe regulasie met die samewerking van boere, veeartse en die staat opgestel kan word. Troskie se regspan het aangevoer dat die helfte van Suid-Afrika se buffelbevolking kragtens die departement se oorversigtige VPN positief vir tuberkulose sou toets. Hy het aangevoer…

U NITED Exports, ’n vername bloubessieprodusent en -uitvoerder, het Wellington in die Wes-Kaap geoormerk as Suid-Afrika se bloubessietuiste. Dié maatskappy, wat die gesogte OZblu-kultivars in Suid-Afrika verbou, verpak en uitvoer, en ook sagte- en steenvrugte uitvoer, se hoofkantoor is in die Paarl, maar hul nuwe projek, Indigo Berries, is in Wellington. Daar is ’n aantal faktore, volgens mnr. Jon Salters, die uitvoerende hoof van United Exports, wat van Wellington die perfekte ligging maak vir bloubessieverbouing. “Die afgelope paar jaar het die Wes-Kaap aansienlike mededinging in wyndruifproduksie ervaar. Bloubessies bied ’n gulde geleentheid aan boere in die Wes-Kaap om te diversifiseer en voordeel te trek uit ’n groeiende, volhoubare wêreldmark.” WERKSKEPPING Indigo Berries word op reeds bestaande, maar tot onlangs nog onderbenutte, landbougrond aan die buitewyke van Wellington gevestig. Die projek…

TABAK | Oudtshoorn-studiegroep stel navorsing bekend Die Oudtshoornse lugdroogtabak-studiegroep bied op 3 April ’n inligtingsdag by Schoemanshoek aan. Die groep bespreek onder meer die resultate van hul aalwurmproewe, demonstreer verskillende kultivars en bespreek verblyfreg, grondgesondheid, die toekoms van die gewas in Suid-Afrika en die grootste bedreigings wat die bedryf in die gesig staar. Die dag sluit ook ’n besoek aan twee proefpersele in. Plaaslike landboubesighede woon ook die dag by vir netwerkgeleenthede. US LANDBOU-EEUFEES | Min dae vir viering Alumni van die Universiteit Stellenbosch wat die fakulteit landbou se eeufees-galadinee wil bywoon, het nog tot 31 Maart tyd om te bespreek. Die geleentheid vind op 4 Mei plaas by die Spier-landgoed. Dit sluit ’n kunsuitstalling deur me. Diane Johnson, ’n driegangmaaltyd en uitvoering deur die bekende Afrikaanse sanger Coenie de…

Jou testament is een van die belangrikste dokumente wat jy sal onderteken. Tog blyk dit uit hofverslae dat testamente, of dokumente wat voorgee om testamente te wees, gereeld betwis word. Sommige van die meer algemene gronde waarop testamentêre geskrifte aangeval word, is die nienakoming van formele vereistes, onbehoorlike beïnvloeding en bedrog, en testamentêre kapasiteit. In die Suid-Afrikaanse reg moet die persoon wat die ongeldigheid van ’n testament beweer, dit op ’n oorwig van waarskynlikhede bewys. FORMELE VEREISTES Die Wet op Testamente (Wet 7 van 1953) stel sekere formele vereistes vir ’n geldige testament, byvoorbeeld hoe die dokument onderteken moet word en wie as getuies mag teken. Die wet is in 1992 gewysig om aan die hof ’n diskresie te gee om die Meester te kan gelas om ’n dokument as…

BY WIE HET JY DIE WAARDEVOLSTE LES OOR SKAAPBOERDERY GELEER? By my pa, Fransie, het ek die waarde van reproduksie geleer. By my werknemers en plaasbestuurders: Die belangrikheid om behoorlik sorg te dra met die instandhouding van die geëlektrifiseerde grensheinings om hoë speenpersentasies te verseker. Ons kan dikwels by mense leer wat nie kan lees of skryf nie. WAARAAN SKRYF JY JOU SUKSES TOE? Ek het gelukkig vroegtydig besef dat die toekoms van veeboerdery van die bekamping van roofdiere afhang en het gevolglik die grensdrade geëlektrifiseer. Jy kan alles 100% korrek doen, maar dit help niks as jou diere gevang word nie. Die bekamping van roofdiere is die belangrikste faktor wat die veeboer se winsgewendheid bepaal. Dit kan die verskil tussen ’n suksesvolle en onsuksesvolle boer beteken. WAT IS DIE…

Sowat ’n halfeeu gelede is mnr. John Acocks se navorsing as radikaal bestempel. Vandag loop sy bevindings soos ’n refrein deur voorstanders van bewaringslandbou en navorsers wat probeer sin maak van wêreldwye klimaatsverandering. In the Footsteps of Acocks is die voorlopige titel van ’n boek oor die bydraes van John tot die kennis van Suid-Afrikaanse veldtipes en veldbestuur. Dié boek word tans deur prof. Timm Hoffman van die plantbewaringseenheid in die departement van biologiese wetenskappe aan die Universiteit van Kaapstad geskryf. “Ek nader die einde van my eie loopbaan en ek is terug by Acocks,” sê Timm. “Ek word gedryf deur sy visie oor wat veroorsaak het dat Suid-Afrika se veld en landskappe in die toestand is waarin dit vandag is, en waarheen ons in die toekoms op pad is.…

V er in die ou Kalahari boer dr. Joggie Briedenhann (inlas regs bo) met Bonsmaras, op ’n plaas waar die sandduine elke paar honderd meter rooi strepe trek. Tussenin is daar danksy hierdie boer se versigtige beweidingsbeleid pragtige, wuiwende grasvelde. Joggie, eienaar van die Hartebeestloop-boerdery by Stampriet, is in 2017 as Pick n Pay, Landbouweekblad en Breedplan se Suider-Afrikaanse Stoetteler van die Jaar bekroon. Hy lê klem op die waarheid dat ’n boer ’n goeie dier kan koop, mét ’n goeie stamboom, maar hoe daardie dier dan op sy plaas presteer, is suiwer sy eie verantwoordelikheid, wat nie gekoop kan word nie. Die Bonsmarakoei wat as Namibië se finalis vir dié ras aangewys is, VBB 07/0302, se stamboom aan vaderskant gaan al die pad terug na die bekende Arcadia Bonsmarabulle,…

Die MPO-opleidingsinstituut bied verskeie kursusse aan. Sommige daarvan maak deel uit van Melk SA se projekte en is gerig op werkers, toesighouers en bestuurders op melkplase. Van die kursusmateriaal is ook geskik vir werknemers en bestuurders by beesplase en voerkrale, en sluit in: Melkproduksie – Dié program gee aandag aan alle aspekte wat belangrik is vir melkplaaswerkers om goed te kan funksioneer. Diereversorging – Basiese diereversorgingpraktyke en praktiese demonstrasies. Kunsmatige inseminasie – Basiese teelpraktyke vir plaasdiere en basiese KI-praktyke. Sosiaal-ekonomiese bemagtiging – Basiese kennis van die ekonomies en landbouproduksie-bestuurspraktyke in die vryemarkomgewing word gegee. Trekkeronderhoud – Wanneer leerders dié program voltooi het, sal hulle ’n trekker kan bestuur, daaglikse onderhoud uitvoer en voldoen aan die wetlike vereistes vir die hantering van ’n trekker. Beginsels vir gesondheid en veiligheid by melk-…

Jul onderneming het ’n beskeie begin gehad – as ’n stokperdjie in die garage. Hoe het die idee ontstaan? Ek het destyds op Hermanus gewoon, maar in Johannesburg gewerk en moes Maandae en Vrydae tussen die twee plekke pendel. In die week het ek gewerk, naweke het ek probeer wyn maak of brood bak, tot ek een dag op ’n vliegtuig ’n artikel oor sjokolade en wyn, en die raakpunte tussen die twee, gelees het. Albei kry hul geur uit die natuur — van die temperatuur, die grondtipe en die klimaat. Ek was glad nie bewus van die verbintenis met die landbou nie en dit het my regtig gefassineer. So het ek met verskillende kakaoboontjies van oor die wêreld heen en ’n speserymeul en koffieroostertjie in my garage begin speel.…

Op my lessenaar lê ’n koerant met ’n berig en ’n foto wat my erg ontstel. ’n Ontydige en onverwagte koue het sy tol geëis en etlike veeboere diep in die moeilikheid laat beland. Dis skokkend hoeveel vee in die slag gebly het. Party boere het tot ’n duisend skape in een nag verloor. Die berig in die koerant is goed geskryf – saaklik, met die nodige feite, maar ook met groot deernis. Vir my, wat op ’n plaas grootgeword het, was dit asof ’n stemmetjie my vra: “Veronderstel jy het nou langs een van daardie boere by die klomp dooie skape gestaan. Wat sou jy vir hom sê?” My eerste gedagte was: “Ek sou niks sê nie, net saam met hom huil.” Ek dink God verstaan die taal van…

Melkboere het verlede jaar sowat 2,6% meer melk as in 2016 gelewer. Dié herstel het gekom nadat produksie in 2016 met 0,5% gekrimp het. Verlede jaar se groei was danksy groter produksie in die tweede helfte van die jaar. In Januarie vanjaar was produksie 5,6% meer as ’n jaar gelede en die groeineiging is nog baie duidelik. Dr. Koos Coetzee, ekonoom van die Melkprodusente-organisasie (MPO), sê in die organisasie se Februarie-verslag oor markneigings verlede jaar se groei was danksy die gunstige melk-tot-voerprysverhouding, asook beter klimaatstoestande. Sedert verlede Junie tot begin vanjaar was die melk-tot-voerprysverhouding meestal nagenoeg 1,8:1. Baie goedkoper voer danksy die reuse-mielie-oes het ’n groot rol gespeel, asook die feit dat die gemiddelde produsenteprys sedert Augustus 2017 sowat R5/liter was. Volgens Coetzee het verwerkers gesê die hoër produksie, tesame…

Die volgende ontleding van grondverkope in Suid-Afrika is van transaksies vir grond van meer as 10 ha in Limpopo, Gauteng en KwaZulu-Natal vanaf Januarie tot Desember verlede jaar. Ses distrikte in Limpopo toon ’n beduidende verbetering in grondprysneigings. In dié provinsie was daar 489 ooreenkomste in 12 distrikte. Dit het 188 087 ha teen R2,5 miljard behels. Daarvan was 18,8% transaksies van kleur. Dié soort transaksies sluit in verhandelings tussen individue, regeringsaankope van landbougrond en grond wat vir stedelike ontwikkeling verkry is. Dit het 17,4% van al die verhandelde hektare in Limpopo behels, teen ’n koste van R479 miljoen (19,2% van die totale waarde). In Gauteng was daar 466 transaksies wat 46 542 ha teen R3,409 miljard behels het. Daarvan was 120 (26%) ooreenkomste van kleur. Sowat 63% van die…

Die vraag na vroulike diere van gehalte wat in die beesbedryf ondervind word, is op die nasionale veiling van Bonsmara SA op Parys voortgesit met hoë gemiddelde pryse van R29 000 tot R80 100 vir stoetdiere. Die duurste dragtige koei met ’n kalf het R140 000 behaal. Die verkoper was mnr. Arthur de Villiers van Arcadia-Bonsmara by Vrede, en die koper mnr. Henri Pieterse van Sebadja-Bonsmaras, Groblersdal. Nóg ’n duur koei met ’n kalf (R75 000) van Arcadia is vir Sebadja aangeskaf. Dragtige koeie het gemiddeld R29 000 stuk behaal met die hoogste prys R42 000. Dragtige verse se gemiddelde prys was R40 947 stuk. Mnr. Hennie Snyman, ’n veekundige van Paradigm-adviseurs op Parys, sê die veiling het aangepaste diere van ’n puik gehalte aangebied. Hy het vanjaar verskeie veilings…

HY het op beter pryse gehoop, sê mnr. Dries Visser, ’n bekende wildboer van Thabazimbi. Tog is hy nie ontevrede met die pryse wat hy vir sy wild op die Vyfster-veiling by Bela-Bela gekry het nie. Met ’n omset van nagenoeg R26 miljoen sê Visser ’n mens kan sien daar is nog onsekerheid in die mark. Van sy genooide verkopers het byvoorbeeld besluit om hul die-re terug te hou nadat baie mooi Zambiese Matetsi-swartwitpens-kruisdiere skaars R35 000 stuk gehaal het. “Ek neem hulle nie kwalik nie,” sê Visser."Dit is die eerste kalwers van ’n topbul wat baie meer werd sal wees in die verkoper se eie teelprogramme.” Visser se Wes-Zambiese swartwitpense wat bekend is om hul swart maskers het egter goeie pryse behaal. Carla (met horings van 35"), ’n dogter…

DIT WÉRK! Mnr. Jay Fuhrer, Amerikaanse herlewingslandbouspesialis, verduidelik in die land hoe gesonde grond, glomalien, aggregate, swamme, bakterieë, wortels en hul afskeidings lyk en werk om koolstof uit die atmosfeer vas te lê sodat hoër opbrengste met minder insette behaal kan word. Dié sojaboonland van mnr. Danie Slabbert op die plaas Vanrooyenswoning buite Reitz is nege jaar laas bewerk. Slabbert en sy mede-lede van die Riemlandstudiegroep het saam met Landbouweekblad ’n herlewingslandboukonferensie oor twee dae op dié dorp aangebied. Fuhrer was een van die genooide sprekers. Fuhrer, van die Amerikaanse deelstaat Noord-Dakota, werk vir die hulpbronbewaringsagentskap van dié land se departement van landbou, en is internasionaal bekend vir sy praktiese kennis van bewaringslandboupraktyke in graanverbouing. Sien berigte op bl. 14 en bl. 16.…

Die landbou is die hoeksteen waarop ons beskawing gebou is. Dit was immers die landbou wat ons toegelaat het om van nomadiese jagters en versamelaars tot Beethoven en ruimtevaarders te vorder. Die landbou het ons toegelaat om gereeld genoeg kossurplusse te produseer om “onproduktiewe” mense, soos konings, soldate en later ook Nasa-wetenskaplikes en operasangers, te onderhou. Boere het eeue lank die wolke dopgehou en op ’n goeie oes gehoop. Maar vandag, duisende jare nadat daardie eerste saad geplant is, moet ons amper onmoontlike uitdagings die hoof bied. Dit lyk of die klimaat teen ons gedraai het. ’n Mens wil nie die bobbejaan agter die bult gaan haal nie, maar ons kan ook nie met ons koppe in die sand leef nie. Volgens die WNNR wys ’n gemiddelde van die bestaande…

‘As jy meer koolstof vrystel as wat jy vaslê, gaan jou kinders nie die boerdery kan oorneem nie.’ HY hou nie daarvan om vir ’n volgende geslag te boer nie; hy wil graag boerdery nóú laat werk, sê mnr. Jay Fuhrer, ’n Amerikaanse herlewingslandbouspesialis. Hy was die openingspreker op Landbouweekblad se jaarlikse konferensie wat buite Reitz met die samewerking van die Riemland-studiegroep en Graan SA aangebied word, met VKB, Standard Bank en Dekalb as die hoofborge. Chris Burgess, Landbouweekblad se redakteur, het benadruk dat die tydskrif die konferensie vanjaar met die klem op bewaringslandbou aanbied omdat die publikasie herlewingslandbou as ’n saak van die allergrootste belang beskou. Fuhrer het gesê elke boer moet vir homself uitwerk hoe hy in sy boerdery meer koolstof tot die grond kan toevoeg, pleks daarvan…

INDIEN die vrylating van skadelike kweekhuisgasse nie beeindig of minstens beteuel word nie, wag skrikwekkende weer op Suider-Afrika. Hoër temperature (tot agt grade Celsius) is dan oor ’n paar dekades die voorland, sê prof. Francois Engelbrecht, verbonde aan natuurlike hulpbronne en die omgewing by die Wetenskaplike en Nywerheids-navorsingsraad (WNNR). Hy het op Landbouweekblad se herlewingslandbou-konferensie op Reitz gesê die hele Afrika word warmer, veral Suider-Afrika, waar die temperatuur teen 2 °C per eeu toeneem – twee keer die tempo van temperatuurstyging in die res van die wêreld. Hy voorsien stygings van 4-7 °C oor die binneland van Suider-Afrika teen die einde van die eeu, maar dat stygings van 3-4 °C reeds teen die laat 2040’s moontlik is. DROËR EN WARMER ’n Groot deel van die skuld vir klimaatsverwarming moet voor…

BOERE moet eerder hul sakeplan agtermekaar kry as om bekommerd en bedruk te raak oor die huidige politiekery oor onteiening sonder vergoeding. Boere se sakeplan moet reg wees sodat hulle weet waarheen hulle in die volgende 15 tot 20 jaar op pad is met hul boerdery. Dit was die boodskap van prof. Johan Willemse, bewese landbou-ekonoom en gerekende rubriekskrywer, op die onlangse Glenconnor-boeredag by Kirkwoord in die Oos-Kaap. Hy het gesê boere moenie te veel tyd daaraan bestee om hulself oor kwessies soos grondhervorming te kwel nie. “ ’n Besigheid is gebou om vorentoe te gaan. Ek weet van boere wie se besighede tot niet gegaan het omdat hulle hulle te veel met drama, detail en probleme bemoei het. “As jy wil vorentoe gaan in die landbou, met oop landsgrense,…

DIE plaaslike hoenderbedryf kán sy produksie verhoog om ingevoerde hoender te vervang, maar hy het tyd en ’n gunstige omgewing daarvoor nodig. Só sê mnr. Marthinus Stander, voorsitter van die SA Pluimveevereniging (SAPV) se braaihoenderorganisasie, in reaksie op stellings deur die Europese Unie-afvaardiging in Suid-Afrika. Die afvaardiging sê in ’n dokument op sy webblad die invoer van Europese hoenderstukke aan die been het verlede jaar met 71,9% gedaal, maar dit is deur invoer uit Amerika en Brasilië vervang en nie Suid-Afrikaanse produkte nie. Die afvaardiging sê daar is verskeie onwaar bewerings oor ingevoerde Europese hoender in Suid-Afrika. “Daar is geen saak daarvoor uit te maak dat pluimveeprodusente van die EU die plaaslike mark ondergrawe of oorstroom nie,” luidens die dokument. Stander sê die plaaslike bedryf produseer hoender goedkoper as EU-produsente,…

TOETSE deur ’n vooraanstaande Franse laboratorium het bewys het dat RCL Foods se Wolwehoek-aanleg vry is van die listeriose-stam ST6. Rainbow se polonieprodukte van hierdie aanleg is op 4 Maart as ’n voorsorgmaatreël aan die mark onttrek en die aanleg is tydelik gesluit. Dit was nadat dr. Aaron Motsoaledi, Minister van Gesondheid, aangekondig het dat die ST6-stam, wat tot die dood van meer as 180 mense gelei het, by ’n Enterprise-aanleg van die Tiger Brands-voedselgroep in Polokwane gevind is. Motsoaledi het in dieselfde aankondiging ook verwys na listeriose wat by Rainbow-polonieprodukte gevind is. Mnr. Stephen Heath, hoofregsbeampte van RCL Foods, het in ’n verklaring opnuut die maatskappy se simpatie betuig met almal wat deur listeriose geraak is. Listeriose kan volgens RCL voedseloorgedraagde siektes veroorsaak wanneer dit in hoë konsentrasies teenwoordig…

SUID -AFRIK A het reeds een van die hoogste werkloosheidsyfers ter wêreld en die owerhede kan dit net nie regkry om dit te laat daal nie. Navorsers het bevind van die grootste oorsake vir veediefstal is werkloosheid en die droogte (bestaansboere wat byvoorbeeld nie ’n oes kan insamel nie). Volgens ’n onlangse droogtestudie deur die Rooivleisprodusente-organisasie word daar geskat dat die nasionale beeskudde met sowat 15% verklein het en die skaapkudde met sowat 14%. Verlede Desember is reeds 30% minder vee as ’n jaar vantevore geslag, wat aandui dat boere hul kuddes opbou. Die daling in die aanbod van vee het veroorsaak dat die waarde van vee verder styg. Dit beteken dit is ook nou winsgewender om ’n veedief te wees. Veediefstalsyfers in 2016-’17 wys die grootste getal skape is…

“In die mid-1980’s het ek my doktorsgraad oor woestynagtige en halfwoestynagtige landskappe voltooi. Dit was onder toesig van prof. Richard Cowling van die departement van plantkunde by wat nou die Nelson Mandela Universiteit is,” verduidelik prof. Timm Hoffmann van die plantbewaringseenheid in die departement van biologiese wetenskappe aan die Universiteit van Kaapstad. “Dit het my na die Karoo gebring. Sodra jy die Karoo invaar, is dit onafwendbaar dat John Acocks se idees en bydraes oor jou pad sal kom. Sy boek Veld Types of South Africa was destyds Richard se ekologiese ‘Bybel’ en hy het sy passie en geesdrif vir John se werk aan my oorgedra. Ongelukkig het John net ses jaar vroeër, in 1979, gesterf, maar ek kon sy weduwee, Ellaline, ontmoet en ’n onderhoud met haar voer. “John…

Die noukeurige byhou van aantekeninge is die grondslag van enige besigheid. RFID Experts Africa bied die betroubare, papiervrye byhou van aantekeninge, met onder meer akkurate, arbeidslim radiofrekwensie-identifikasietegnologie. Die Auto Drafter 5 is ’n outomatiese vyfrigting-skaapsorteerder wat die uitkeer van skape ’n plesier maak. Voerkraalsagteware en ’n Tru-Test Indicator XR5000-reke-naar is by die kopie ingesluit. Die XR5000 kan sowat 1 miljoen individue se data met tot 100 aantekeninge oor elke dier bewaar. Diere se prestasie kan individueel of in groepe uitgedruk word. Al die funksies wat deur die sorteerder uitgevoer word, is op die rekenaar gelaai. Opdrag kan aan die XR5000 gegee word om skape in groepe van gewig, wolproduksie of mikron uit te keer, of bloedlyne te skei waarvolgens paring gedoen moet word. Die voerkraalsagteware kan baie geld bespaar deur…

Vitamiene wat moontlik ekstra vir beeste toegedien of voorsien moet word, word gewoonlik beperk tot vitamiene A, D en E. Beeste het die vermoë om vitamiene K en B in die normale, gesonde grootpens en derms te “vervaardig”. Vitamien A word normaalweg by die meeste rantsoene of lekblokke ingesluit. Die probleem is dat benewens hierdie aanvulling daar ook nog inspuitbare vorms van vitamien A op aanbeveling toegedien word of omdat die buurman dit doen. Die meeste van ons is bekend met die simptome wat geassosieer word met ’n tekort aan vitamien A, naamlik: nagblindheid, verlies aan eetlus, ’n growwe haarkleed, dowwe oë en verlaagde gemiddelde daaglikse toenames. Dan is daar ook kliniese simptome, soos diarree en longontsteking veral by kalwers en baarmoederinfeksies by koeie. In meer gevorderde gevalle sien ’n…

Jy en jou man, Winett, bedryf ’n bokmelkboerdery op die plaas Willow Bend in die distrik Reddersburg. Hoe pas dit by jou bederfprodukte? Aanvanklik wou ons net ’n verskeidenheid plaasdiere aanhou sodat ons en ons kinders die plaaslewe kon geniet. Winett het geweet Brits-Alpynse melkbokke is vir my baie mooi. Eendag, ná ’n veiling, het hy met drie bokke op die plaas aangekom. Mettertyd het ons nog bokke aangekoop, maar dié keer van ’n geregistreerde teler. Die bokke het op die plaas aangeland met uiers vol melk, en skielik het ons met liters melk gesit wat ons moes verwerk. Ons moes omtrent bontstaan. Ek het iewers gehoor van lyfseep wat uit bokmelk gemaak word, en het begin navorsing doen op die internet. Só is Cleo’s Milch gebore. Die naam is…

LBW | ONS WAS DAAR ’n Groep van sowat 70 lede van Landbouskrywers SA, voormalige wenners van die Boer van die Jaar-kompetisie, borge en gaste het mnr. Charles Back, Landbouskrywers SA se Boer van die Jaar vir 2017, se plase Fairview en Spice Route naby die Paarl besoek. ALANI JANEKE was daar.…

Klimaatsverandering en weerstandigheid teen swamdoders het Brasilië sy posisie as die wêreld se grootste koffieprodusent gekos. Mnr. Tim Buckland van Sabie Valley Coffee op Witrivier, Mpumalanga, sê koffieboere oor die wêreld heen moet na koeler wêrelddele soek om koffie te verbou. In dié opsig hou die boere van Viëtnam en Kambodja nou die troefkaart en het boere in dié lande hul koffieplantasies sodanig uitgebrei dat hulle nou meer koffie as Brasilië lewer. Die prys van koffie word op die wêreld se groot effektebeurse bepaal – nes ander kommoditeite, soos goud en platinum. In Suid-Afrika is koffie egter ’n nisbedryf. Koffieboere, soos Buckland en sy vrou, Kim, is geneig om vertikaal in die waardeketting geïntegreer te wees. Sabie Valley lewer tien ton koffie per jaar en droog, verwerk en verpak hul…