Indholdsfortegnelse for 04-May-18 i Landbouweekblad

SÓ BOER JY MET ALPAKKAS Dr. Jane Vaughan, ’n bekende Australiese alpakkakenner, is een van die sprekers op die alpakka-telersgenootskap se tweede gesondheidsforum, wat eersdaags in Franschhoek aangebied word. Vaughan sal onder meer inligtingsessies oor alpakkas se gesondheid, herkouervoeding en voortplanting (ook embrio-inplanting) aanbied, en ook veeartsenykunde-studente toespreek oor dié diere. Me. Alison Notley, voorsitter van die genootskap, sê min inligting oor alpakka-gesondheid is tans in Suid-Afrika beskikbaar. Dié diere se gesondheidsbehandeling verskil van ander kleinvee s’n. Die konferensie vind van 31 Julie tot 2 Augustus plaas. Vir meer inligting, stuur ’n e-pos aan alpacas@helderstroom.co.za of skakel 082 662 9670. FOTO: HELDERSTROOM ALPAKKAS SOJAMEESTER Die kunsmismaatskappy Elim bring later vandeesmaand die rekord-graanboer mnr. Randy Dowdy van die Amerikaanse deelstaat Georgia na Suid-Afrika vir ’n reeks boeredae, waar hy meer oor…

Mnr. JP van den Berg (hier saam met sy vrou, Linné) van die plaas Buttermere in die Tosca-Vergeleë-omgewing is vanjaar Agri Noordwes se Jongboer van die Jaar. Hy is reeds verskeie kere as Aartappels Suid-Afrika se Moerkweker van die Jaar aangewys. Benewens die kweek van aartappelmoere, wat 70% van sy boerdery uitmaak, boer Van den Berg ook met Brahman-stoetbeeste, wild en kweek borseltjie-, bloubuffel- en witbuffelgrassaad. Hy bedryf ook ’n hoenderabattoir. Hy is die ondervoorsitter van Agri Moloporivier, Noordwes se Moerkwekersvereniging en die Tosca-Molopo-watergebruikerskomitee, asook lid van Agri Noordwes se jongboerkomitee. “Jong boere moet op die hoogte bly van die snelveranderende tegnologie in die landbou en dit in hul boerderye gebruik,” sê hy.…

KO MMERSIËLE boere in Suid-Afrika het ’n reusetaak om opkomende en minder ervare boere op te lei ter wille van volhoubaarheid en voedselsekerheid. Dít was die boodskap van dr. Riaan du Preez, hoofbestuurder van nuwesake-ontwikkeling by Afrivet, op die onlangse bekendstelling van ’n reeks nuwe dieregesondheidsprodukte in Magaliesburg. Hy sê ’n vyfde van Afrika se bevolking gaan slaap steeds daagliks honger, al het die informele sektor baie vee. In Suid-Afrika is daar byna net soveel beeste in die informele sektor as in die formele sektor, maar net 10% van die land se vleisproduksie kom van die informele sektor. “Ons het ’n enorme taak om mense op te lei om meer volhoubaar te boer. Die huidige speenpersentasie by beeste in die informele sektor is omtrent 30. “Om dit te verbeter, sal…

1 RUSLAND| Bayer paai meeding-owerhede Die Russiese mededingingsowerheid het onlangs Bayer se oorname van Monsanto goedgekeur en sodoende dié twee maatskappye se eenwording in die pylvak geplaas. Rusland was een van enkele lande wat nog die samesmelting moes goedkeur nadat die Europese Kommissie en die Amerikaanse departement van justisie vroeër hul goedkeuring gegee het. Bayer sê in ’n verklaring hy het ingestem tot die oordrag van sekere tegnologie aan Russiese partye vir ’n tydperk van vyf jaar. As deel van die toegewings sal hy van sy kennis oor mielies, koring, raapoliesaad, sojabone en groentesaad oordra en “niediskriminerende” toegang tot digitale boerderytegnologie toestaan sodra dit in Rusland beskikbaar is. — Reuters 2 FRANKRYK| Le veggie burger is nou teen die wet Dit is nou onwettig om ’n…

Stikstofbemestingsproewe wat die afgelope twee jaar by koring in die Wes-Kaap gedoen is en vanjaar voortgaan, toon dat boere dalk minder stikstof kan toedien sonder dat graanopbrengs of proteïeninhoud benadeel word. Navorsing wat mnr. PJ Neethling in 2016 en verlede jaar vir sy meestersgraad in agronomie aan die Universiteit Stellenbosch (US) gedoen het, wys dat boere wat al lank bewaringsboerdery toepas deur verminderde bewerking, ’n deklaag van oesreste op die grond te hou en gewasse af te wissel, dalk met minder stikstof kan wegkom. PJ se studieleiers is drr. Johan Labuschagne en Pieter Swanepoel. Die navorsing word met die samewerking van die Wes-Kaapse departement van landbou gedoen. PJ het verskillende aspekte van stikstoftoediening op opbrengs ondersoek. Hy het ook gekyk wat die invloed van ’n stikstofblaartoediening laat in die produksiejaar…

In ’n betreklik kort tyd het Hurwitz Farming by Davel in Mpumalanga een van die groot boerderyname in Suid-Afrika geword. Die syferbreine van die broers Simeon en Jarren, albei deeltydse sakemanne in Johannesburg, het die saaiboerdery van dr. Barney Hurwitz, hul oupa, tot ’n gediversifiseerde onderneming uitgebou. Toe dr. Barney Hurwitz, stigter van Hurwitz Farming, die plase Hamelfontein en Uitzicht in die middel 1980’s oorgeneem het, was dit hoofsaaklik ’n saaiboerdery met mielies, aartappels en sojabone. Simeon en Jarren het die Boranmark as beginners betree en het vandag een van die grootste Boranstoeterye ter wêreld danksy dié ras se hoë produktiwiteit en wins per hektaar. Hulle bedryf ook ’n voerkraal met 3 000 tot 8 000 speenkalwers en ’n kommersiële kudde wat as embriodraers vir die stoetery dien. Hulle verbou…

Genetiese verbetering is een van die groot skakels in die ratwerk van veeboerdery – en die gebrek aan goeie teelmateriaal pootjie opkomende boere dikwels. Danksy ’n bulprojek, soortgelyk aan ’n inisiatief wat ’n eeu gelede tot noemenswaardige kuddeverbetering gelei het, word ’n dertigtal bulle en uitstekende teelmateriaal gebruik om die kuddes van nuwe boere in verskeie dele van die Wes-Kaap te verbeter. Gevolglike prysverdubbelings op veilings is nie ongewoon nie. Prof. Tertius (Ters) Brand, spesialiswetenskaplike by die direktoraat navorsing en tegnologiese ontwikkelingsdienste van die Wes-Kaapse departement van landbou op Elsenburg, sê met dié projek word wegbeweeg van die patroon dat nuwe en opkomende beesboere hul kalwers van melkerye koop en dié teelmateriaal vir vleisproduksie gebruik. “Dit is dikwels die enigste teelmateriaal wat die boere kan bekostig, maar dit is nie…

KORTOM ■ Die nuwe spykerhalsband wat mnr. Eddie Steenkamp ontwikkel het, skrik probleemdiere af wat nie deur ander metodes, soos klokkiehalsbande, verwilder word nie. ■ Dit is versoenbaar met die bestaande lam-en-skaaphalsbande wat hy reeds oor die jare ontwikkel het. As jy langs die Karoo Nasionale Park boer en met roofdiere te doen kry wat by die dag meer uitgeslape raak, kan jou arsenaal planne nooit opdroog nie. Mnr. Eddie Steenkamp van die plaas Doornboomsfontein by Beaufort-Wes het al talle halsbandtoestelle ontwerp om skape en lammers teen rooijakkalse en rooikatte te beskerm. Hy sê jy moet jou strategie afwissel om die roofdiere uit te oorlê. Die spykerhalsband, sy nuutste wapen, is daarop gerig om selfs die halsstarrigste lamvangers na ander prooi te laat soek. Die halsband, gemaak van ’n dubbele…

SA BOERBOK 1 Senior en grootkampioenooi en opperste kampioenbok. Eienaar: Mnr. Bertie Aucamp (links, sel 082 772 8821), Bertie Aucamp-stoetery, Vryburg. Hanteerder: Mnr. Lukas Tieties. 2 Senior en grootkampioenram. Eienaar: Mnr. Stafford Collen (regs, sel 079 621 5594), Collen-stoetery, Vryburg. Links is mnr. Simon Kock. 3 Junior en reserwegrootkampioenooi. Eienaar: Mnr. Hennie le Roux (links, sel 083 757 1079), Witsand-boerdery, Witsand. Hanteerder: Mnr. Mallie Witbooi. Le Roux het ook die junior en reserwegrootkampioenram vertoon. KALAHARI RED 4 Senior en grootkampioenram. Eienaar: Mnr. Albie Horn (links, sel 083 440 1355), Albian-stoetery, Kuruman. Regs is mnr. Brendon Wilson. Horn het ook die junior en reserwegrootkampioenram ingeskryf. 5 Senior en grootkampioenooi. Eienaar: Mnr. Albie Horn (links), Albian-stoetery, Kuruman. Regs is mnr. Brendon Wilson. Horn het ook die reserwe senior kampioenooi vertoon. 6 Junior…

VREDE / BONSMARA R340 000 ’n Allemintige R340 000 is op mnr. Arthur de Villiers se produksieveiling vir ’n bul (nr. AG12-720, op foto) uit sy Bonsmarastoetery Arcadia by Vrede betaal. Mnr. Christoff Smit van Groblersdal het die bul gekoop. Stoetbulle het gemiddeld R78 449 stuk op die veiling behaal. Mnr. Johan Goosen van Burgersdorp het die naasduurste bul (nr. AG15-769) teen R220 000 gekoop. Hy het ook twee koeie met kalwers teen R62 000 per paar gekoop. Die gemiddelde prys vir koeie met kalwers was R33 490. Vleissentraal Ermelo het die veiling aangebied. KROONSTAD / BORAN / R48 000 Die Borankoei FN11943 (op foto) is met ’n kalf (BAR17470) teen die hoogste prys van R48 000 op die Showcase Boran-veiling op Kroonstad verkoop. Die koper was mnr. Sean de…

Met hierdie spesiale bylae gee Landbouweekblad jou ’n voorskou van ’n paar van die Nampo-uitstallers se produkte en dienste waarmee jy op die skou kan kennis maak. ’n Opname wat verlede jaar onder skougangers gedoen is, het aangedui 46% van hulle het ’n graanvertakking op hul plase, maar daar is ook ’n groot belangstelling in vee omdat talle saaiboere diversifiseer. Boere met gemengde boerderye of ’n skaap- of beesvertakking is vol-op op die Oesdag en daarom is die uitstallers net so divers as die boere wat dié skou besoek. Verreweg die meeste besoekers aan die Nampo-Oesdag is by graanverbouing betrokke. Bothaville is die nie-amptelike mieliehoofstad van Suid-Afrika en dus is dit geen wonder nie dat soveel boere dié skou bywoon om na nuwe produkte en oplossings vir hul boerdery te…

Maschio Gaspardo is al byna 30 jaar in Suid-Afrika teenwoordig en sedert die laat 1980’s bekend om sy uitstekende groente-, mielie- en kleingraanplanters. Sedert die maatskappy se ontstaan in 1964 het hy talle verskaffers bekom wat daartoe bygedra het dat Maschio Gaspardo die wêreld se derde grootste verskaffer is van ’n volledige reeks landbouwerktuie. Die twee Maschio-broers het klein begin en aanvanklik draaiskoffels (rotary tillers) ontwerp en vervaardig. Binne ’n paar jaar het hulle ’n volwaardige nywerheidsproduksielyn gehad. In 1994 het hulle Gaspardo bekom, wat sedert 1834 bekend is om die vervaardiging van kleinsaad- en fynsaadplanters, en die gekombineerde handelsmerk Maschio Gaspardo gevestig. VOORDELE Wat beteken Northmec se oorname van die Maschio Gaspar-do-reeks vir die Suid-Afrikaanse produsent? ■ Northmec se reeks werktuie is nou meer divers as ooit tevore. Dit…

Plaaswerk verg doeltreffendheid om winsgewend te wees. Boere vereis daarom masjiene met gevorderde tegnologie wat krag en betroubaarheid bied. Daarvoor het Babcock, verspreiders van SDLG en Volvo in Suid-Afrika, net die antwoord. “Nampo het die afgelope paar jaar uitstekende geleenthede aan Babcock gebied. Ons sien uit daarna om weer bestaande en toekomstige kliënte op dié landbouskou te ontmoet,” sê mnr. Grant Sheppard. Hy is die streekbestuurder vir Babcock Internasionaal se uitvoer van toerusting na Afrika, en sien toe dat Zambië, Namibië, Botswana, Zimbabwe, Mosambiek, Malawi en Suid-Afrika die beste m m asjiene uit die Babcock-stal ontvang. “Babcock is opgewonde om sy masjiene op die skou bekend te stel. Die uitstalling sal die SDLG-laaigraaf, SDLG TLB en SDLG-padskraper, asook die Volvolaaigraafreeks en Volvo-graafmasjiene insluit.” Grant het ook ’n bykomende portefeulje as…

Massey Ferguson se reeks bestaan uit trekkers met kraglewering van 27 kW tot 266 kW. Verskeie werktuie kan daaraan gekoppel word, soos breedwerkplanters van tot 24 rye, en ’n volledige reeks hooimaaktoerusting. Nuwe toevoegings aan die trekkerkant is vier MF 7700-mo-delle van 136 kW tot 177 kW. Dié trekkers, ’n opgradering van die hoërkilowatt-modelle in die beproefde MF 7600-reeks, is toegerus met AGCO Power-enjins en Dyna 6-transmissies met 24 vorentoe- en truratte wat sonder ’n koppelaar kan wissel. Die trekkers het ’n hysvermoë van tot 9,95 ton – dit is bo die gemiddelde vir dié mark. Mnr. Johan Joubert, hoofbestuurder van Massey Ferguson by BHBW (voorheen Barloworld Agriculture), sê die trekkers is ontwerp vir maksimum kraglewering en wringkrag, en ook brandstofekonomie. Massey Ferguson se vlagskip-MF 8700-reeks, wat uit twee modelle…

Falcon Agricultural Equipment (Edms.) Bpk. se primêre doel is om ’n groot reeks implemente wat deur trekkers gesleep kan word, aan die landboubedryf beskikbaar te stel, waaronder Falcon se eie reeks werktuie. Falcon is ’n leier in grassnywerktuie met ’n wye reeks masjinerie vir groot en klein boere, werktuie wat spesifiek nuttig is op kleinhoewes, en opsies vir prysgevoelige kopers en opkomende boere. Die ingevoerde Amazonereeks strooiers, spuite en grondbewerkingswerktuie is ook by Falcon beskikbaar. AFRIKA-LEIER Falcon is een van die grootste vervaardiger van wentelsnyers in Afrika. Die maatskappy het sy deure in 1985 oopgemaak op sy perseel in Howick, KwaZulu-Natal. Sy produkte word landwyd versprei deur meer as 350 gemagtigde handelaars, asook oor die grens na 12 ander Afrikalande. Die Falcon-reeks sluit in wentelsnyers, Haymakers® , materiaalhanteringswerktuie, vermolmers (mulchers),…

Terrapro se reeks Fan Jet-, Micro Meter- en Rotor Meter-masjiene werk met 12 V-batterykrag, onafhanklik van enige kragaftakker of driepunt, en kan maklik voor op ’n trekker se neus, agter op ’n bakkie of op ’n vierwielmotorfiets gemonteer word. Of installeer dit in ’n ligte vliegtuig! Die operateur kan die verstellings sommer in die ry doen met ’n kabel-gekoppelde kontrole. Fan Jet-strooiers is ontwerp vir die toediening van fyn saad, slakpille en onkruiddoders. Boere gebruik ook Fan Jets op hul spuite om springhaasmuise, insekte en onkruid vas te vat. Dié strooiers, met bakgroottes van 50 kg en 100 kg, kan van 2 meter tot 28 meter wyd strooi. Die Micro Meter is ’n modulêre presisieplanter vir die akkurate uitmeting en plasing van fyn saad en mikrokorrels uit ’n bak van…

Maatskappye, soos Bearings International, BPW Axles en Components for Africa, staan in hierdie afdeling van Landbouweekblad se Nampo-bylae gereed met advies en die regte produkte vir onderhouds- en herstelwerk. Die daaglikse demonstrasies op die 4x4-terrein op Nampopark is net die plek om te sien hoe verskillende voertuie teen mekaar opweeg. Besoekers kan kies en keur tussen ’n groot aanbod plaasbakkies en gesinsvoertuie wat ’n plaaspad sal kan baasraak. Kyk gerus by die uitstallings van Kia Motors, Toyota en Isuzu vir wiele wat jou en jou gesin veilige reise beloof. Lees meer oor die ROSE-stigting en die goeie werk wat hy doen om omgewingsbesoedeling met enjinolie in die kiem te smoor. As jy nog nie van die stigting gehoor het nie, is dit ’n goeie geleentheid om meer te wete te…

Hetsy jy na die nuutste werkesel, die kragtigste viertrekvoertuig of ’n nuwe sportnutsvoertuig vir die gesin wil kyk, Nampo bied voertuie vir alles en almal. As jy op soek is na ’n voertuig wat jou sommer baie voordele bied – meer waarde vir geld, meer gemoedsrus, meer gehalte en meer plesier – is dit tyd om standplaas C24 te besoek en met KIA kennis te maak. Hoewel dit jou eerste ontmoeting met KIA kan wees, is KIA nie ’n nuwe handelsmerk in die motorbedryf nie. Trouens, sy oorsprong dateer terug na 1944, wat dit Suid-Korea se oudste motorvervaardiger maak. Die handelsmerk is ook al langer as 20 jaar in Suid-Afrika beskikbaar onder die vaandel van die Imperial-groep. KIA is ook al etlike jare een van die top-10 verkopers in Suid-Afrika.…

BEWERINGS dat boere in die Wes-Kaap onwettige keerwalle in die Bergrivier opgerig het om water te onderskep wat vir droogtegeteisterde munisipaliteite aan die Weskus bestem was, het opnuut gebreke in die land se waterbestuurmeganismes uitgelig. Mnr. Johann Boonzaaier, uitvoerende hoof van die Impala-watergebruikersvereniging in Pongola, KwaZulu-Natal, meen dis nie ’n verrassing dat boere in die huidige nood in die Wes-Kaap enige water wat tot hul beskikking is, wettig of onwettig, gebruik nie. “Die boere baklei vir oorlewing, maar dit beteken nie dat dit aanvaarbaar is om water te steel nie. By enige watergebruikersvereniging of besproeiingsraad is dit die vereniging en raad self wat vir monitering en regulering verantwoordelik is. “By die verenigings waar sigbare polisiëring, monitering en doeltreffende optrede teen oortreders nie volgehou word nie, gaan daar nooit aan beperkings…

Twee van die wêreld se grootste gewasplae het gekruisteel en kan ’n nuwe megaplaag gevorm, het navorsers aan Australië se wetenskaplike en nywerheidsnavorsingsorganisasie (CSIRO) bevestig. Hoewel die navorsingsbevindinge skrikwekkend is, beteken dit dat hulle nou ’n tree voor dié potensiële megaplaag kan wees in die stryd om dit te bekamp, sê die navorsers. Volgens die artikel wat in die Amerikaanse vaktydskrif Proceedings of the National Academy of Sciences verskyn het, is kruisteling tussen twee soorte wurms, naamlik die Afrika-bolwurm (Helicoverpa armigera), wat reeds in Suid-Afrika voorkom, en Helicoverpa zea (corn earworm), wat tot nou toe nog nie op die Afrika-vasteland gevind is nie. Die kruisteling is in Brasilië gevind. Die Afrika-bolwurm en subspesies daarvan is ’n plaag wat verspreid in Afrika, Asië, Australasië, Amerika en Europa voorkom en skade aan…

Min mense weet dit, maar tot en met 1985, voor sanksies en toe die Europese kommissies se regulasies daarna in werking getree het, het die Skotte mielies uit Suid-Afrika ingevoer waarmee hulle graanwhisky gestook het. “Ek kan nie help om te wonder wat gaan gebeur as Brexit voortgaan nie; dalk soek hulle dan weer ons mielies,” sê Andy Watts, voormalige Engelse beroepskrieketspeler, wat onlangs ’n gesogte internasionale eerbewys as ikoniese whisky-versnitmeester gewen het. Bain’s Cape Mountain Whisky, die breinkind waaraan hy sedert die eeuwisseling werk, is as die wêreld se beste graanwhisky aangewys by dieselfde geleentheid, die Wêreldwhisky-toekenningsgeleentheid in Londen. Boonop het dié whisky in 2013 dieselfde prys gewen. Wat maak die produk so uitsonderlik? Plaaslike geel mielies en Suid-Afrika se sonnige klimaat, natuurlik. “Dis die enigste whisky wat slegs…

Kos gaan nie oor jouself nie. Ek wil iets van die omgewing vir mense gee, iets wat hulle met hulle kan saamneem. Daarom ‘borduur’ ek altyd op my borde,” sê Beate Joubert by Alfresco Deli, haar restaurant in ’n ou trekkerskuur op die plaas Joubert-Tradauw waar sy Karoo-tapas, spesiale burgers en verleidelike soetgebak voorsit. Beate is passievol oor die plaaslike produkte van die Klein-Karoo en Overberg en maak ruim daarvan gebruik in al haar kos. Haar man, Meyer, wat met sagtevrugte en wyndruiwe boer, vertel: “Dit is die terroir wat hierdie gebied so spesiaal maak. Ons volg ook tradisionele wynmaakmetodes. “Die gesonde druiwe word met die hand uitgesoek en gepluk. Ons meng in die kelder so min moontlik daarmee in.” Sy en Meyer het ná hul troue die visie gehad…

 Dis eintlik jammer meer klubs het nie genoeg plek vir ’n ekstra negeputjiebaan nie. By The Country Club in Johannesburg is die kleiner baan gewild as ’n opwarmingsronde of wanneer daar aptyt is vir nóg ’n paar gate ná 18 putjies. Die negeputjiebaan, met putjies wat wissel in lengte van 70 m tot 120 m, is ook ideaal vir beginners of juniors. Vir die gewone speler is dit baie speelbaar, maar spelers wat lang houe slaan, het heelwat kanse om voëltjies aan te teken. Die klub se hoofbaan is die Woodmead-uitleg, waar die PGA-kampioenskapsbyeenkoms al aangebied is. Die baan beklee tans die 23ste plek op die Golf Digest se ranglys vir Suid-Afrikaanse gholfbane. Die ander baan, Rock-lands, beklee die 52ste plek. BOOMRYK OF BOSVELD? Woodmead is ’n tipiese Hoëveldse “teiken”-baan…

SKAPE 1 Grootkampioenram. Eienaars: Mnr. Stefan (sel 072 639 2185) en me. Marie Naudé, Skuilhoek, Hanover. Van links is mnre. Pierre Vlok en Piet Venter (BKB), me. Marie en mnre. Stefan Naudé en Thembela Sigonyela (hanteerder). 2 Grootkampioenooi. Eienaar: Mnr. R.P. (Roelo) van Heerden (middel, sel 082 413 3929), Onderstetuin-Merino’s, Murraysburg. Links is mnr. Pierre Olckers (OVK) en regs is mnr. Hermaans Galant (hanteerder). 3 Kampioenram (lang wol). Eienaar: Mnr. R.P. van Heerden, Onderstetuin-Merino’s, Murraysburg. Van links is mnre. Niel Jordaan (BKB), Stefanus van Heerden (vertoner) en Okkie Galant (hanteerder). 4 Kampioenooi (lang wol). Eienaar: Mnr. R.P. van Heerden, Onderstetuin-Merino’s, Murraysburg. Van links is mnre. Johan de Wet (OVK), Stefanus van Heerden (vertoner) en Danie Hoffman (hanteerder). 5 Kampioenram (kort wol). Eienaar: Mnr. R.P. van Heerden, Onderstetuin-Merino’s, Murraysburg. Van links…

INTERNASIONAAL: Die Chicagoprys het met 1,5%, of $2,36/t, tot $150,69/t (R1 810/t) teenoor die vorige week gedaal. Op ’n jaargrondslag is dit 5,8%, of $8,25/t, hoër. Verwagte pryse: Mei –$148,89/t (R1 788/t), Jul. – $152,43/t (R1 831/t), Sept. – $155,50/t (R1 868/t), Des. – $159,13/t (R1 911/t). PLAASLIK: Die Safexprys van wit mielies het met 0,7%, of R13/t, tot R1 980/t teenoor die vorige week gestyg. Die prys van geel mielies het met 0,1%, of R1/t, tot R2 071/t teenoor die vorige week gestyg. Op ’n jaargrondslag is wit mielies 7%, of R130/t, hoër, terwyl geel mielies 6,4%, of R125/t, hoër is. Verwagte witmieliepryse: Mei – R1 997/t, Julie – R2 048/t, September – R2 092/t, Desember – R2 168/t. Verwagte geelmieliepryse: Mei – R2 094/t, Julie – R2 133/t,…

Landbouweekblad is vanjaar ’n volle 99 jaar deel van die Suid-Afrikaanse medialandskap. Met sy open-wakker redaksie en ander personeel is die land se grootste landboutydskrif gereed vir ’n nuwe era van nuus, artikels en onderhoude met interessante boere wat altyd reg staan met ’n plan en wat produksiegrense verskuif. Van planne gepraat, as jy wonder wat om vir jou geliefdes vir hul verjaarsdag of Kersfees te koop, gaan kyk wat die Landbouweekblad-stalletjie alles op die rak het – van knipmesse en pette tot speelgoed en klere vir oud en jonk. Die Landbou-skapies is in verskillende groottes beskikbaar en vanjaar is daar ook ’n koei-lappop op stal. Die jongste uitgawes van ons tydskrifte en handboeke is te koop, asook klere en speelgoed met die Landbouweekblad- handelsmerk. Vind die winkel in die…

John Deere se Waterloo Boy-trekker is toentertyd by die nasionale trekkerdemonstrasie in Salina in die Amerikaanse deelstaat Kansas bekend gestel, nes John Deere vandag steeds doen met sy baanbrekermasjinerie op die Nampo-Oesdag. Die bekende groen-engeel masjinerie van die John Deere-handelsmerk is juis vanjaar weer op dié skou te sien in een van Nampo-park se grootste vrystaande uitstallings. Die storie van die John Deere-maatskappy, seker die bekendste vervaardiger van landboumasjinerie, kan teruggevoer word na die suksesvolle skaarploeg wat die ystersmid John Deere in 1837 gemaak het. Deere se onderneming, Deere & Company, het gou gegroei en het 80 jaar later die trekker-mark betree. Dit was egter die maatskappy se eerste trekker wat die grootste sprong vir die Deerenaam én die landbou gebring het. BEGIN VAN ’N ERA Een van Deere se…

Monotec se Quad-Max is ’n koppelseksie-planter, wat beskikbaar is as ’n geenbewerking- of konvensionele werktuig. Die Quad-Max word spesifiek vir ’n groot verskeidenheid rywydtes gebou. Dit is veelsydig genoeg om in los, diep grond te werk, selfs waar dit normaalweg moeilik is om te plant, sonder om grootte prys te gee. Nog ’n voordeel is dat daar geen swaar raamwerk is wat op of vorentoe vou om dit te vervoer nie. Korrelkunsmis en saad vloei met swaartekrag en dit skakel waaiers, hidrouliese motors en horisontale afvoerpype uit. Model A is ontwerp vir nouer rye van 45-60 cm en kan 10-32 rye plant. Dié model is die swaarder, meer robuuste model vir geenbewerking in nou rye. Model B kan rye van 60-152 cm plant en kan as 8-ry- tot 36-ry-planters gebou…

Vanjaar se Nampo-Oesdag is New Holland Landbou se eerste uitstalling sedert die bestuursoorname deur die CNH Industrial-groep om toerusting regstreeks in Suid-Afrika te versprei. New Holland gaan sy reeks trekkers vertoon, wat strek vanaf 26 kW tot 447 kW. Die trekkers is beskikbaar in verskeie spesifikasievlakke met die oog op verskillende toepassings. NUWE TREKKERS Verskeie trekkers sal deel vorm van die uitstalling, soos die nuwe T4LP-reeks (Low Profile) wat die ideale oplossing bied aan wingerd- en sitrusboere wat teen steil hange moet werk. Die tweede generasie TDFtrekkerreeks word die eerste keer uitgestal. Die nuwe weergawe het ’n herontwerpte platform en kontrole-uitleg, die opsie van ’n spoelkas en nuwe stilering. Die groter TD90F- model lewer 65 kW. Die beproefde en alombekende 7610 keer terug, terwyl die TS6.120-hooglooptrekker die eerste keer te…

Fendt se vlagskip, die Fendt 1000 Varioreeks van 291kW tot 380kW, het opslae gemaak sedert sy bekendstelling. Die Fendt 1000 Vario is ’n konvensionele reeks wieltrekkers, maar daar is niks gewoon aan dié trekker nie. Daarvoor sorg baanbrekertegnologie, sê mnr. Cornie Tosen, nasionale verkoopsbestuurder vir Fendt by BHBW Suid-Afrika (voorheen Barloworld Agriculture). Die hart van dié trekkers is VarioDrive, die eerste trekkertransmissie ter wêreld wat onafhanklike vierwielaandrywing moontlik maak. Dit sorg vir die ideale wringkragverspreiding na die voor- en agterasse sodat die trekker sy volle 380 kW op die grond neersit. Ses massiewe wiele (die Fendt 1050 Vario se agterbande is amper 2,35 m in deursnee) dra daartoe by. Die Fendt 1000 Vario is die eerste trekker waarvan alle komponente wat krag verbruik (van die 12,4 liter MAN-sessilinderenjin en VarioDrivetransmissie…

Die juweel in Razorback Equipment se versameling is die BCS-tweerigtingtrekkers, soos die Volcan V950 wat ideaal is vir gebruik in boorde en wingerde waar daar min omdraaiplek is. Die Volcan V950 het verskillende toebehore vir allerlei take. Spesialistoerusting bied praktiese oplossings vir instandhoudingswerk, veral die onderhoud van boorde en wingerde, maar ook veldbestuur en ontbossing. By Razorback Equipment is toerusting, soos Serrat- en Seppi-vermolmers (mulchers) beskikbaar, asook skraaplemme, swaardiensgrassnyers en ’n opkapmasjien om hout, bosse en takke te versnipper. Wees op die uitkyk vir die Seppi-vermolmers wat bossies, gras en jong struike sonder probleme opsny en gelyk kap tydens ontbossing en veldbestuur. Dié Italiaanse handelsnaam bestaan sedert 1939 en bou sedert 1971 die wêreld se taaiste vermolmers. Razorback Equipment is ’n regstreekse invoerder van Seppi en Serrat se toerusting. TWEERIGTINGTREKKER…

AquaDUTY se reeks boorgatpompstelle bevat al die nodige onderdele om water uit boorgate te pomp vir huishoudelike gebruik, op kleinhoewes en by wild- en veesuipings. Die pompstel bevat ’n pomp, motor, beheerpaneel, sonkragpanele en ’n bedradingsharnas. Die stelsel is gegrond op 300V en gebruik standaardboorgatmotors en -pompe. Kortom, professionele toerusting kan nou saam met AquaDUTY-produkte benut word vir sonkragaangedrewe pompe, selfs waar klein stelsels nodig is. Die stelsels is modulêr en kan uitgebrei word om byvoorbeeld van 5 000 liter per dag tot 20 000 liter per dag te lewer – voeg net meer sonkragpanele by. Geen verstellings is met die AquaDUTY-reeks nodig nie. Dit skakel aan sodra alles bedraad en opgekoppel is. Dieptes van 120m en daaglikse lewering van tot 35 000 liter is moontlik. SWEMBADPOMPE Dit is deesdae…

Die maatskappy bied kundige advies oor hoe om toe-rusting optimaal te laat funksioneer en verskaf inligting oor proaktiewe instandhouding. Bearings International se verskeidenheid produkte sluit alles in van die verskaffing van laers en kettings tot koppelings en transmissieprodukte vir boerdery-aktiwiteite, soos ploeg, plant, oes en baal. “Ons sien uit daarna om bande te verstewig met kliënte en belanghebbendes en om produkte en oplossings uit ons omvattende reeks ten toon te stel,” sê mnr. Burtie Roberts, uitvoerende hoof van Bearings International. Die maatskappy bied ook kundige advies oor hoe om boerderytoerusting optimaal te laat funksioneer en verskaf inligting oor proaktiewe prosedures vir instandhouding om die toerusting se gebruiksduur te verleng. Benewens ketting- en V-band-aandrywingstelsels het Bearings International ook ’n omvattende reeks noodsaaklike onderdele in voorraad wat op kort kennisgewing na die…

Die VX-L het al die eienskappe van die VX, maar dit het ook ’n elektries beheerde kantel-en-skuif-dakluik en ’n omvattende aktiewe veiligheidshulppakket. Die nuwe Prado pronk met nuwe vooraansigelemente, soos die enjinkap, sierrooster, kopligte, buffer en wielnisse, wat op die strukturele elemente van die model se ontwerperfenis dui. In pas met die Land Cruiser Prado se erfenis pronk die sierrooster met breë vertikale stawe met verchroomde gleufopenings vir verkoeling. NUWIGHEDE Die grondvryhoogte is 215 mm en die invalshoek 31 grade. Die vertrekhoek is 25 grade en die oorbruggingshoek is 22 grade. Die voertuig se kantaansig word verder deur stylvolle nuwe wiele verbeter – 17”-allooisierwiele vir die TX en geverfde hoëglans-18”-vellings vir die VX- en VX-L-weergawes. Nuwighede aan die agterkant sluit in ’n herontwerpte stertlighulsel (met twee gestapelde C-vorms) en ligdiode-remligte,…

Nampo is nie net ’n geleentheid waar AFGRI tyd saam met sy kliënte kan deurbring en AFGRI se produkte en dienste ten toon kan stel nie. Dit is ook ’n geleentheid om aktief aan Nasie in Gesprek deel te neem. Dié platform beeld die hart van landbousake reg oor Suid-Afrika uit, sê mnr. Tinus Prinsloo, uitvoerende hoof van AFGRI Landboudienste. NUWE STANDPLAAS AFGRI Landboudienste het die afgelope vyf jaar met kliënte geskakel. Hy het sy produkte en dienste in die Nampo-saal uitgestal, maar vanjaar beweeg hy na ’n groter standplaas, H2, wat tussen hek 1 en hek 2 is. “Danksy die groter standplaas sal ons beter met ons kliënte kan skakel en netwerk. Kom besoek ons op Nampo en kom kyk na die gevorderde tegnologie en aanpassings wat ons aangebring…

SUPERSTROPERS. Die vyf stropers wat op 21 April in die klas 6-kategorie van die immer gewilde jaarlikse stroperkompetisie op Grootpan, Noordwes, meegeding het, was, van links die Challenger (vierde plek), Claas (tweede plek), John Deere (vyfde plek), Case (eerste plek) en New Holland (derde plek). Die Grootpan-stroperdag is vanjaar 14 jaar oud. Dit het begin toe mnre. André en Kobus du Preez, twee broers van Grootpan, tussen Lichtenburg en Koster, in 2005 elkeen ’n stroper gekoop het en toe op die stroperdag wou beslis wie s’n is die beste – André se Case 2388 of Kobus se John Deere 965 STS. Die doel van die kompetisie is om te bepaal watter vervaardiger se stroper is die vinnigste én stroop die skoonste. Die kriteria vir die beoordeling is spoed (35%), vermorsing…

MNRE. JARREN (LINKS) EN SIMEON HURWITZ boer op die plase Hamelfontein en Uitzicht in die Davel-omgewing. Hurwitz Farming het oor die afgelope ses jaar ontwikkel in ’n toonaangewende landboubesigheid wat ’n leidende rol gespeel het in die ontwikkeling van die Boranbeesras in Suid-Afrika. Die boerdery het ook verlede jaar ’n volwaardige kontrakteringsafdeling gevestig wat landboumeganisasiedienste aan boere verskaf. Lees die artikel op bl.38. VERTEL ONS VAN JUL GESIN. Simeon: Ek is getroud met Lara en ons het nie kinders nie. Jarren: Ek is getroud met Mandy en ons het ’n tweeling, David en Ella (4). WAT IS JUL STOKPERDJIES? Die boerdery neem ’n groot deel van ons stokperdjietyd in beslag, maar ons het albei grootgeword as groot sportgeesdriftiges. Ons speel graag gholf en muurbal. WAAR HOU JULLE GRAAG VAKANSIE? Simeon:…

SENZENI Zokwana, Minister van Landbou, Bosbou en Visserye, se probleme wil klaarblyklik nie minder raak nie. Onlangs het die Valke aangedui dat beweringe ondersoek word dat ’n perlemoenhandelaar oudpres. Jacob Zuma glo omkoopgeld betaal het om Zokwana as landbouminister in sy Kabinet te behou. Nou het Zokwana sy saak verloor in sy pogings om Mike Mlengana, direkteur-generaal, uit die departement geskop te kry. Die hooggeregshof het beveel dat Mlengana onmiddellik in sy pos herstel moet word. ’n Goeie landbouvriend van Manie vertel dat Zokwana glo Mlengana gevra het of hy nie daarin belang stel om eerder die DG by die Departement van Landelike Ontwikkeling en Grondhervorming te word nie. Dié pos is vakant nadat Mdu Shabane geskors en later ontslaan is. Asof dié gebeure nie reeds die hooi swaarder op…

‘Ons het vordering gemaak en moet nou verder oor die detail onderhandel.’ DIE soja- en koringbedryf se planne om produksie ’n hupstoot te gee met ’n spesiale heffing vir teling en tegnologie het weer tot stilstand geknars nadat dit ’n week gelede gelyk het of daar wel ’n ooreenkoms met mnr. Senzeni Zokwana, Minster van Landbou, Bosbou en Visserye, daaroor bereik is. Die nuutste voorgestelde dokument vir die afkondiging van die heffing in die Staatskoerant het weer opnuut voorwaardes bevat waaroor nie onderhandel is nie, en wat nie vir die bedrywe aanvaarbaar is nie. Mnr. Gerhard Keun, uitvoerende hoof van die Olie-en-proteïensade-ontwikkelingstrust, sê die verbasing was groot oor die verdere voorwaardes wat nie in die minister se brief vervat was nie. “Die rolspelers in die bedryf sal dit eers moet…

‘Ons moet die benuttingspraktyke wat ons hier sien, eerder in ’n wêreldkonteks plaas.’ WILDGETALLE daal só kwaai in dele van Oos-Afrika dat dit neusie verby gaan wees indien lande in dié streek nie vinnig ’n wildekonomie op die been kry nie. Dr. Francis Vorhies, uitvoerende hoof van die Switserse bewaringsorganisasie Earth Mind, was ’n spreker op Wildbedryf Suid-Afrika (WRSA) se onlangse kongres in Polokwane. Hy het gesê lande in Oos-Afrika, soos Kenia en Tanzanië, se wildgetalle is nou aan die daal. Bewaringsinstansies moet verleë erken dat die toerisme-gebaseerde bewaringsmodel misluk het. “ ’n Mens kan nie olifante red deur net na hulle te kyk nie,” sê Vorhies. Deur sy organisasie se natuurlewe-ekonomieprogram probeer hy en sy span kundiges Afrikalande help om hul natuurerfenis volhoubaar te bewaar en te benut. Die…

DIE ommekeer in die Argentynse landbou het al byna ses dekades gelede begin toe ’n groep leierboere daar vergader het om ’n oplossing teen erosie te probeer vind. “Iets moes verander,” skryf mnr. Roberto Peiretti in die vaktydskrif International Soil and Water Conservation Research oor die transformasie van die Argentynse landbou na eers geenbewerking en toe volle bewarings- en herlewingslandbou. Die eerste Argentynse geenbewerkingsproewe het in die vroeë 1970’s begin, maar dit het nog twintig jaar geduur om die praktyk algemeen te vestig. Dit was in ’n tyd toe Amerikaanse boere geenbewerking nog maar begin beproef het. Vandag plant byna alle Argentynse kontantgewassaaiboere dekgewasse en doen geenbewerking. Dit het die norm geword. Die vraag daar is lankal nie meer hoekom nie, maar hoe die stelsel verbeter kan word. Hulle het…

Saaiboere kan die koolstof in hul grond met slegs plante opbou, maar met diere kan hierdie proses soveel vinniger plaasvind, sê prof. Chris Dannhauser, ’n veld-en-weidingbestuurspesialis. Hy het op die Ottosdal-geenbewerkingsklub se jaarlikse bewaringslandboukonferensie gesê die dubbeldoelwaarde wat weidinggewasse tot ’n kontantgewassaaiery kan toevoeg, word nog te veel onderskat. Dis as ’t waarde so goed soos pap en vleis. Weidingdekgewasse wat op ’n rusland tussen kontantoeste deur geplant word, verbeter grond deurdat dit organiese materiaal voorsien, stikstof in die grond verhoog, voedingstowwe vinniger sirkuleer en erosie en verdigting verminder. En met die regte keuse van plantsoorte kan dit bowenal weiding van ’n hoë gehalte bied. Sorghum kan byvoorbeeld op droëland 3-12 ton per ha lewer, waarop een tot drie grootvee-eenhede (GVE) per hektaar 100 dae lank kan wei. Onder besproeiing…

Aalwurms raak ’n ál ernstiger probleem, wys ontledings van laboratoriums by Klapmuts, die Noordwes-Universiteit en die Landbounavorsingsraad (LNR) se Instituut vir Graangewasse. Dr. Sonia Steenkamp van die instituut het tabakboere op ’n inligtingdag by Schoemanshoek in die Klein-Karoo toegespreek. Sy het daarop gewys dat plantparasitiese aalwurms by tabak in uiters droë of nat toestande geneig is om ’n groter probleem te wees. Hoewel hulle in die winter betreklik onaktief is, lê die eiertjies en wag vir die somer en nuwe aanplantings om uit te broei. “Ons sal nooit ontslae raak van aalwurms nie. Al wat ons kan doen, is om die aalwurmbevolking in ’n land se getalle só te verlaag dat die skade wat hulle aanrig, nie die oes benadeel en gevolglik die boer se sak raak nie.” Sy het…

Bloubessies, neute, avokado’s en . . . kiwivrugte. Dís die vier kommoditeite in die vrugtewêreld wat tans teen ’n stywe pas groei, glo mnr. Roelof du Toit, van TopFruit se kiwiafdeling. “En kiwi’s het die meeste potensiaal as gevolg van die lae hoeveelhede wat tans wêreldwyd gelewer word.” Oor die vraag – plaaslik en internasionaal – na kiwivrugte bestaan daar geen twyfel nie: Dis gewild van China tot Afrika. Danksy nuwe kultivars wat die plaaslike klimaat beter pas en ook lekkerder smaak, verbeterde produksietegnieke, gesonde plante en ’n aantreklike gaping in die mark is daar baie min wat in Suid-Afrika se pad staan om ’n gerekende kiwiproduserende land te raak. Daarom, sê mnr. Tilis Moggee, eenheidsbestuurder vir kiwivrugte by TopFruit in Simondium, wil die maatskappy graag die kiwibedryf in Suid-Afrika…

KOMPAKTE WERKTUIG WINGERDTREKKER VIR ENIGE GEBRUIK Die reeks Cluster-trekkers van die maatskappy Goldoni, wat in wingerdtrekkers spesialiseer, sluit ’n trekkertjie van 49 kW met ’n skerp draaisirkel van sowat 2,3 m in. Die reeks trekkers se turbo-aangejaagde driesilinderenjins is spesiaal ontwerp om brandstofdoeltreffend te wees en ’n lae geraasvlak te hê. Terselfdertyd lewer die enjins sterk wringkrag teen lae omwentelinge. Die Cluster-trekkers is slegs 1,3 m breed by hul wielbasis, maar weeg 1 170 kg, wat dit ’n kompakte trekker maak met die regte gewig om stabiliteit en krag te verseker. Dit is ideaal vir bewerkings in nou rye, terwyl die vierwielaandrywing wielglip voorkom. Die trekker kan ook teen steil hellings gebruik word danksy die voorste as wat 15 grade kan swaai, en dus die trekker stewig op die grond…

Nasie in Gesprek is ’n gespreksforum wat ses jaar gelede deur Senwes en ander vennote in die landbou op die Nampo-Oesdag begin is. Sedertdien het die paneelbesprekings tydens Nampo gegroei tot ’n gewilde televisiereeks met ’n wyer gehoor as net die landbousektor. Nasie in Gesprek is ’n platform waarop toonaangewende mense uit verskillende sektore byeenkom om oor landbousake te gesels. Die TV-reeks op kykNET is daarop toegespits om die impak van die landbou op veral landelike gemeenskappe met ’n wye gehoor te bespreek, terwyl die paneel op Nampo meer na knellende landbouvrae kyk. Nasie in Gesprek se nuwe TV-reeks het op 4 April begin. Die aanbieders, Rozanne McKenzie en Theo Vorster, verken verskillende Suid-Afrikaanse landboubedrywe en volg die produk van die plaashek tot in die kombuis. Hulle gesels ook oor…

As die voorbladadverteerder van Landbouweekblad se Nampo-bylae berei John Deere jou voor op ’n indrukwekkende Nampo-uitstalling. Sedert daardie eerste groot demonstrasiedag in Kansas waar John Deere se Waterloo Boy Model N in 1918 bekend gestel is, het die maatskappy die kuns vervolmaak om aan skougangers ’n onvergeetlike ervaring te bied. Landboumasjinerie was ’n belangrike afdeling van die Oesdag sedert dit in die laat 1960’s die eerste keer aangebied is. John Deere is natuurlik deel van dié geskiedenis en stal reeds dekades lank uit op Nampo-park, wat in 1974 ingewy is. Dié uitstalling bied elke jaar iets nuuts en opwindend en daar is ook ’n winkel met klere, geskenke en speelgoed. Of dit nou tegnologie vir presisieboerdery, ’n nuwe stroper of ’n speelgoedtrekker is, daar is iets vir elke boer en…

Rovic Africa, die uitvoerafdeling van Rovic Leers, het onlangs groot deurbrake gemaak by klein en mediumgroot boerderye in Kenia deur die ontwikkeling en daarstelling van die Rovic Wajanja-gronddeurlugter vir trekkers van tot 70 kW. Op groter skaal is die tegnologie van Rovic se toerusting vir gronddeurlugting in die DLB12/SUPER19/25/32-kategorieë beskikbaar vir trekkers van tot 450kW. Presies dieselfde tegnologieë word by albei gebruik en die resultate vir klein- en grootboere is dus dieselfde. Rovic is trots op sy nuwe Syncroplant® Rovic LGP- (large grain planter) reeks vir mielies, sojabone, sonneblom en bone. Modelle is beskikbaar van 12-ry tot 31-ry en is geskik vir konvensionele, minimumbewerking en geenbewerking. Nadat die boer sy behoeftes bepaal het, kan Rovic ’n werktuig aanbeveel wat die geskikste vir die taak sal wees. Die Rovic LGP-reeks is…

LEMKEN se kenmerkende blou werktuie is al ’n bekende gesig op Suid-Afrikaanse bodem. Mnr. Karel Munnik, besturende direkteur, en sy span in Suid-Afrika bestuur dié Duitse maatskappy se verspreidingsnetwerk in Afrika suid van die Sahara. “Boere wat ons masjinerie koop, kom terug om nog van hul toerusting met LEMKEN se werktuie te vervang. Met minder bewerkings kan die grond doeltreffender bewerk word om ’n ferm saadbed voor te berei,” sê Karel. LEMKEN is verantwoordelik vir die bemarking, verskaffing van onderdele en die opleiding van handelaars in Suider-Afrika vir LEMKEN-landboutoerusting wat in Duitsland vervaardig word. LEMKEN SA is ’n dogtersmaatskappy van LEMKEN GmBh in Duitsland. “LEMKEN doen al sedert 1 Januarie 2012 in Suid-Afrika sake, maar LEMKEN in Duitsland bestaan al sedert 1780. Ons doen nie regstreeks met klante sake nie,…

Boere kan vanjaar by Case IH se Nampouitstalling gaan kyk hoe die Patriot 250 Extreme-spuit se groter spuitarea en aanpasbaarheid tot groter opbrengste kan lei. Die Patriot se uitleg, met die kajuit aan die voorkant en die enjin aan die agterkant, plaas die statiese gewig van die kajuit en enjin oor die voor- en agteras, met die dinamiese gewig van die chemiese tenks in die middel van die werktuig. Die Patriot 250 Extreme-spuit het puik stabiliteit, wat veiligheid en gerief verbeter, en ’n ligter voetspoor, wat wielspoor- en grondverdigting verminder. Die sleepkoppelingsuspensie absorbeer vertikale en laterale skokke op ’n manier wat geen ander spuitsuspensie in die mark kan ewenaar nie. Bykomende beskerming teen veldladings word gebied deur die werktuig se swaardienstipe lae-afwykingsraamwerk wat uit ’n enkele, vaste reghoekstaalpyp vervaardig word…

Hoë krag het ’n nuwe naam by McCormick, naamlik X8. En met 200 kW en meer kombineer die X8-trekkerreeks ware krag met gerief en styl. Met die ontwerp van die X8-reeks was McCormick se primêre doel om ’n trekker te bou wat gevorderde funksies kombineer met ongeëwenaarde styl en gemak vir veeleisende boerderytake. Die X8-reeks bied verskeie kenmerke aan die operateur, soos ’n volledig herontwerpte kajuit met ergonomies geplaaste kontroles, ’n vierstadium­“VT-Drive”-transmissie met kontroles wat maklik is om te gebruik, ’n helder DSM-raakskermmonitor, ’n hidrouliese stelsel met ’n vloeisnelheid van 212 liter/min. en vyf elektrohidrouliese afstandbeheerkleppe, en kragtige, brandstofdoeltreffende Betapower-enjins wat 200 kW en meer kan lewer. Danksy die buitengewone ontwerp is boere trots om ’n McCormick X8 te bestuur. Die enjinkap met sy skerp, dinamiese lyne gee aan die…

As jy nog nie met dié kompakte toerusting se groot krag kennis gemaak het nie, kan jy gerus glo wat boere oor Kubota se trekkers te sê het. Kubota word by die Synag-boerdery by Randvaal ingespan en tot die uiterste beproef. “Ons onderwerp die toerusting voorwaar aan ’n strawwe toets,” sê mnr. Tony Teerink, onderhoudsbestuurder van die Synag-melkboerdery. Met sowat 4000 koeie in melk in die groep se vyf melkerye moet elke stukkie toerusting elke dag heeldag gereed wees, want dinge staan nooit stil nie. Tony sê die Kubota-trekkers se tegnologie is werklik besonders. Voer moet vir al die beeste gemaak word en ’n trekker wat vir Synag wil werk, moet grondbewerking kan verrig, asook plant-, strooi-, sny-, baal-, sleep- en mengwerk. Kubota het onlangs vir diens aangetree en die…

Suid-Afrika ervaar ’n toenemende waterkrisis. Klimaatsverandering en stygende temperature veroorsaak dat droogtes gereelder voorkom, met potensieel verwoestende gevolge vir die landbou, die land se watervoorraad en mense se gesondheid. Die Kaapse provinsies gaan gebuk onder een van die ergste droogtes in die geskiedenis. Die provinsies is tot nasionale rampgebiede verklaar. Sommige stede en dorpe is al by tye heeltemal sonder water en in Kaapstad veroorsaak ’n moontlike Dag Zero groot paniek. BESOEDELING Infrastruktuur is oud of bestaan nie en ’n agterstand in dienslewering vererger die probleem deurdat waardevolle waterbronne met rioolvullis en ander afval besoedel word. Een tipe afval wat in Suid-Afrika se waterbronne beland, is gebruikte smeerolie. Dit is ’n algemene afvalproduk van gemeganiseerde prosesse in alle bedrywe, maar veral in die landboubedryf wat groot hoeveelhede gebruikte olie lewer.…