Landbouweekblad 01-Jun-18

TERUG SKOOL TOE Die Landbougimnasium Augsburg, Clanwilliam, gooi van vandeesmaand af sy deure oop vir boere, oudskoliere en plaasbestuurders om saam met die skool se landboutegnologie-leerders kursusse in onder meer draadspan en skaapskeer, asook spesifieke kursusse gemik op Dorper- en Boerbokboerdery, by te woon. Die kursusse word met die samewerking van die Wes-Kaapse Boerbokklub (wat van sy bokke daarvoor beskikbaar stel), die Dorpertelersvereniging, Landbouweekblad, BKB, Elsenburg, die Suid-Afrikaanse Besproeiingsinstituut en die Nasionale Wolkwekersvereniging saamgestel om geakkrediteerde opleiding aan Clanwilliam se boeregemeenskap te bied. Die eerste kursusse was teen druktyd reeds vol bespreek. Besoek bit.ly/2x2bD35 vir meer inligting. BELASTINGPYNE Suid-Afrika se verbruikersinflasiekoers het in April tot 4,5% gestyg nadat dit in Maart ’n sewejaarlaagtepunt van 3,8% bereik het. Volgens Statistieke SA was die meeste van die styging weens prysstygings in pryskategorieë…

53 uit 63 Suid-Afrika beklee die 53ste plek uit 63 lande op die internasionale instituut vir bestuursmededingendheid (IMD) se ranglys vir vanjaar. Suid-Afrika beklee die laaste plek in die kategorie vir die werkloosheidskoers, die 57ste plek vir sy verbruikersprysinflasie en die 51ste plek vir buitelandse belegging as ’n persentasie van bruto binnelandse produk. Vol-gens die indeks is Suid-Afrika se doeltreffende regsomgewing sy aantreklikste aspek. — Fin24 400 Vir die afgelope 400 agtereenvolgende maande was die temperatuur wêreldwyd warmer as normaalweg. Die laaste keer wat dit koeler as die gemiddelde was, was in Desember 1984, volgens nuwe data van die Amerikaanse nasionale oseaniese en atmosferiese administrasie (NOAA). April vanjaar was die warmste April in Europa in menseheugenis en in uiterste hittegolwe in Pakistan het temperature tot hoër as 50 °C gestyg…

WEGKRUIPERTJIE. Dié gevlekte ooruil (Bubo africanus) is onlangs helder oordag in ’n mielieland langs ’n grondpad buite Viljoenskroon in die Vrystaat opgemerk. Dr. Gerhard Verdoorn van die Griffon-gifinligtingsentrum sê uile is boere se bondgenote in die stryd teen rotte, wat groot skade aan weiveld kan aanrig en in een nag duisende rande se saad kan verorber. Dit is betreklik maklik om uile na jou landerye te lok deur ’n uilplatform van sowat 2,4 meter hoog vir hulle staan te maak. Me. Ronelle Visagie, koördineerder van die Platberg Karoo Roofvoëlprojek, waarsku dat ’n mens nooit gif in landerye moet uitplaas om knaagdiere te bestry nie, want die uile vreet rotte wat besig is om te vrek weens gif, en dan vrek hulle ook. Volgens navorsers by die Percy FitzPatrick-instituut aan die…

BRUINBROOD was in Maart 65c goedkoper as verlede Julie en witbrood 46c. Volgens statistiek van die maatskaplike organisasie Pacsa (Pietermaritzburg Agency for Community Social Action), wat data saamstel oor kos vir armes, is bruinbrood tans goedkoper as in 2014. Pioneer Foods, wat Sasko-brood bak, het met die aankondiging van sy tussentydse resultate verlede week gesê winsmarges vir brood het gedaal weens ’n laer vraag en ’n mededingender markomgewing. Daar is tans ’n surplus broodbakvermoë, met baie meer mededinging van kleiner spelers, sê mnr. Geoff Penny, die uitvoerende direkteur van die Suid-Afrikaanse Kamer van Bakwese. Tydens die droogte in Suid-Afrika se noordelike provinsies het mieliepryse drasties gestyg en Suid-Afrikaners het minder pap en meer brood geëet. Sedert die einde van die droogte het hierdie situasie weer genormaliseer en die vraag na…

‘Toe ons op die plaas begin het, het almal gedink ons sal net soos ander (transformasie-) plase misluk.’ MNR. KHAYA KATOO, raadslid van die sitrusplaas Entabeni, wat as een van die Oos-Kaap se topprodusente aangewys is. Bl. 18 ‘In sommige kampe is dit so droog dat die kunsmis nog nie geblus het nie.’ MNR. KOBUS HORNE, Overbergse boer, oor voortgesette droë toestande. Bl. 18 ‘Die departement (kan) nie halfpad deur die jaar sê hul geld is op en dat die werk nie kan voortgaan nie.’ MNR. DOUG STERN, voorsitter van Agri Oos-Kaap, oor die skikking in ’n lang hofgeding oor die instandhouding van paaie. Bl. 19 ‘Ons wonder hoekom Peta nie dadelik die mishandeling aan ons bekend gemaak het sodat ons dit kon ondersoek nie.’ ME. GRACE DE LANGE, inspekteur…

Vanweë die aard van hul werk het boere nie die luukse om té lank oor ’n probleem te besin nie. ’n Boer maak mos ’n plan. Boere het ’n diepe besef van die onmiddellikheid waarmee probleme opgelos moet word, anders word daar binnekort op die dorp werk gesoek. Die mielies moet af, die koring moet in, ou boorde moet vervang word, bulle moet gekoop word en ou ooie moet uitgeskot word. As daar ’n probleem met die stroper of in die bulkamp is, help ’n pratery net mooi niks nie, want die probleem moet opgelos word. Twak praat word gelos vir oom Gielie se swaar hand met die brandewyn en Coke laat Saterdagaand by die gholfklub. Dit voel egter of oom Gielie nooit opgehou het om doppe te gooi nie,…