Indholdsfortegnelse for 07-Sep-18 i Landbouweekblad

DA AR is heelwat goeie nuus, maar ook vrae, oor die Geintegreerde Hulpbronplan – Suid-Afrika se langtermyn-energieplan – wat mnr. Jeff Radebe, Minister van Energie, verlede week vir kommentaar gepubliseer het. Die goeie nuus is dat ons vir die eerste keer sedert 2011 ’n plan het wat deursigtig en geloofwaardig is. Dit sit die relatiewe koste uiteen: Kernkrag is die duurste en hernubare krag die goedkoopste. Tydens die Zuma-jare is die plan verwring deur politiek en Zuma se begeerte om kernkrag op die land af te dwing. Die plan geld tot 2030 en voorsien geen nodigheid vir nuwe kernkragsentrales nie. Dit aanvaar dat alle opwekkingsprojekte waarvoor die Regering tot 2024 opdrag gegee het – steenkool én hernubaar – sal voortgaan soos beplan. Dus sal nog 5 732 MW steenkoolkrag van…

ARTIKELS & RUBRIEKE ■ Dít is private sektor se rol in grondhervorming ■ Eertydse buffeljagter nou passievolle wild- en beesteler ■ Weistelsels sleutel tot vleisproduksie ■ Gradeer kudde-ooie só op na stoetery ■ Waterberg in wieg gelê vir pekanneute ■ Werktuie vir die rooibosboer SPESIAAL ■ Vee & wild, Groente & vrugte, Wiele GESIN ■ Boerekos: Kom ons bak brood WILD Dit bekommer die passievolle buffelteler en bewaringsboer mnr. Lindsay Hunt dat bulle vir trofeejag “rotte met horings” kan raak. Op sy plaas Zeekoegat in die Suid-Kaap teel hy veel meer as siektevrye buffels. Hier maak hy ook snelle vordering met die teling van ’n unieke dubbeldoelbeesras en grondbewaringspraktyke.…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik. Vandeesweek se wenbrief is deur CALLIE SNYMAN geskryf.…

BESONDERSE AFRIKANERBEESTE Een van die oudste Afrikanerbeesstoeterye loop in die distrik De Aar op die plaas Smouspoort van mnr. Jurie van Zyl. Die beeste het veral twee eienskappe, naamlik ’n swaar agterlyf en diepte, wat hulle onderskei van baie ander Afrikanerbeeste. Mnr. Van Zyl se oupa het die stoetery in die tweede helfte van die 19de eeu op hierdie plaas begin. In die 1920’s het hy ’n bul van Gradwell gekoop om beeste met ’n swaar agterlyf te teel. Hierdie bul se erfdwang is vandag nog sigbaar in sy nasate. Die fynheid van die kop, wat so ’n besonderse kenmerk van die Afrikanerbees is, het as gevolg van hierdie teelrigting skade gely (foto), maar daarteenoor loop daar vandag beeste met ’n groot romp en ’n uitstekende kurwe. Die koeie het…

‘Dit help nie julle wil dit (’n titelakte) vir my gee as ek 50 jaar oud is nie.’ DIT is vir swart boere ’n opdraande stryd om voldoende finansiering te kry. Verskeie swart boere het op Landbouweekblad en Agri SA se grondberaad op Bela-Bela van hul ervarings in dié verband vertel. Mnr. Whiskey Kgabo van Limpopo het vertel hoe sy sakeplan gewys het dat hy R1,2 miljoen vir sy boerdery nodig het, maar die Land Bank wou hom net R55 000 leen om mee te begin. Mnr. Ralph Swart, graan-, vleisen wolboer van Caledon, sê hy en sy voorgeslagte het 113 jaar lank ’n sukkelbestaan as boere gevoer totdat hulle in 2012 die eerste keer staatshulp gekry het. Dié R700 000, wat hulle vir produksiemiddele gebruik het, “was soos manna…

DIE staat se toepassing van grondhervorming is soos ’n misdaad, meen mnr. Patrick Sekwatlakwatla, bestuurder van Sernick se maatskaplike beleggingsprojek. Sedert hulle die program in 2015 begin het, het Sekwatlakwatla eerstehands ervaar deur watter “hel opkomende boere in Suid-Afrika gaan”. “Vir 24 jaar is hierdie mense wat opregte, eerlike en ernstige voornemens en drome het om te boer, deur die stelsel in die steek gelaat,” volgens hom weens onder meer korrupsie, ’n gebrek aan leierskap en ’n gebrek aan die politieke wil om die situasie te verbeter. “Jy kan nie vir iemand grond gee sonder toegang tot finansiering en met geen ondervinding, opleiding, mentorskap of ondersteuning nie. Dis omtrent ’n misdaad.” Opkomende boere het vertroue in die staat verloor. Hulle voel teleurgesteld, kwaad, ontnugter en sinies. Verder voel die wit…

DA AR is hoop vir die mielieprys vir ten minste die voorseisoen, het die landbou-ekonoom prof. Johan Willemse op sy jongste kwartaallikse landboubemarking-werksessie gesê. Hy het gesê die meeste ontleders voorspel dat die mielieprys volgende seisoen min of meer by R2 500/ton behoort te bly, wat teen die heersende insetkoste nie ’n swak prys is nie. “Ek glo ons is deur die mielieprys se onderste draaipunt.” Dit lyk of veral die verbruik van geel mielies (vir veevoer) gaan styg. Mnr. Thys Grobbelaar, graanmarkontleder van die landboumaatskappy Senwes, stem saam dat daar ’n stadige neiging na hoër vlakke in mieliepryse in minstens die voorjaar is. Hy het gesê die meeste fundamentele faktore in die komende jaar dui op beter mieliepryse. KLEINER OES Grobbelaar vermoed ook dat die mielie-oes vanjaar 13,2 miljoen…

OP die Heidelbergvlakte in die Suid-Kaap is dit nou tyd om moeilike besluite te neem, sê mnr. Pieter Gildenhuys van die plaas Kleinbosheuwel. “Waar daar vroeg gesaai is, gaan ons oes, maar as ons nie gou weer reën kry nie, sal daar van die laat graan nie veel kom nie. “Dit gaan baie slegter as verlede jaar. Hier gaan ’n paar bomme bars. Ons is nou op ’n punt wat ons begin wonder of ons die vee in die lande moet injaag. Ek huiwer, want dalk reën dit gou weer.” Gildenhuys sê as jy met die N2 van Caledon af in ’n oostelike rigting ry, sien jy hoe die toestande swakker word. “Die vlakte lyk soos ’n woestyn. Hier is nie sprake van weiding nie.” Hy sê hy het vroeg…

Watter benadering volg banke ten opsigte van landbourisiko? Banke neem ’n rasionele besluit oor hoeveel kapitaal aan die landbousektor en ander sektore vir uitleen toegedeel kan word. Banke besluit ook aan watter bedryfstakke en in watter streke meer kapitaal aan boere vir uitleen toegedeel gaan word as in ander. Banke bepaal ook hoe die bank se blootstellingsrisiko verminder kan word deur die doeltreffende bestuur van die geleende kapitaal. ’n Bank wil nie al sy eiers in een mandjie hê nie. Dus is dit vir banke belangrik om vertakkings oor die hele spektrum van landbouprodukte en -kommoditeite te finansier, pleks daarvan om op die finansiering van een produk of kommoditeit klem te lê. Om risiko te vermy is dit nodig om ’n siening oor die langer termyn oor elke bedryf te…

’n Stille oorlog vind onder ons voete plaas, met swamme en bakterieë wat in ’n stryd om oorlewing gewikkel is, sê navorsers. Volgens resultate van ’n internasionale navorsingspan, gelei deur die Europese molekulêre biologiese laboratorium en die Universiteit van Tartu in Estland, ding bakterieë en swamme heeltyd met mekaar mee om voedingstowwe en produseer albei verskeie tipes antibiotika om die ander te troef. Die span het die eerste wêreldwye studie oor bakterieë en swamme in grond uitgevoer en hul resultate in die vaktydskrif Nature gepubliseer. Die resultate kan die impak van klimaatsverandering op grond help bestudeer en die mens help om die natuurlike komponente in grond beter in die landbou te kan gebruik. Navorsers het gevind dat slegs ’n half persent van die miljoene gene wat in die studie gevind…

Minstens 60% van dragtige koeie moet gedurende die eerste 30 dae van die kalftyd kalf. Dit beteken dat bykans 60% van die koeie ná die eerste 21 dae van die dektyd dragtig moet wees, want die persentasie dragtigheid se ekonomiese impak is vier keer groter as enige ander eienskap, met groeitempo in die tweede plek. Dít was die boodskap van dr. Cliff Lamb van die universiteit van Texas A&M op die Federasie vir Vleisbeesverbetering se kongres in Amerika wat jaarliks gehou word; elke jaar in ’n ander staat met ’n universiteit met ’n departement dierkunde wat dan die gasheer is. Vanjaar se geleentheid was die 50ste kongres en is by die Colorado-staatsuniversiteit in Loveland gehou. Die formaat is soortgelyk aan Suid-Afrika se Aldam-veeskool, maar is baie groter en is deur…

■ Toe mnr. Johan Reyneke destyds van biodinamika uitvind, was hy self maar skepties oor die stelsel wat vir oningeligte mense vreeslik esoteries kan klink. ■ Intussen het die resultate hom oor en oor van die waarde van ’n biodinamiese stelsel oortuig. Sy produksiemiddele is ’n fraksie van wat dit eens was en sy plaas is winsgewender as toe hy konvensioneel geboer het. ■ Hy het die afgelope 18 jaar sy grondkoolstofvlakke van 0,9% tot 4,3% opgebou. Hy meen dis een van die redes waarom sy druiwe-opbrengs nie tydens die droogte gedaal het nie.…

WAT WAS JOU BESTE BESLUIT NOG? Om ’n spilpunt op te rig om die saaiery se opbrengste te verhoog. WIE WAS JOU MENTOR? Barry Hertzog, Danny Botha en Neil Smit van Agron wat my baie met die beplanning van bemesting en plaagbestryding help. WAT IS DIE GROOTSTE BOERDERYFOUT WAT JY GEMAAK HET? Om te wag vir die staat se landbouvoorligters om my met my besluite in die saaiery te help. WAT IS JOU GROOTSTE DROOM? Om so goed te vorder dat ons eendag ons eie plaas kan koop. WATTER TEGNOLOGIE IS ONMISBAAR? Die spilpunt wat ons nou hoër opbrengste gee.…

■ Die vraag na biologiese produkte styg skerp vanweë die doeltreffendheid daarvan in geïntegreerde programme vir plaagbestryding, maar weens die uitgerekte registrasieproses is die verskaffing van die produkte nie altyd na wens nie. ■ Die twee belangrikste aspekte van enige produk wat boere gebruik, is doeltreffendheid en veiligheid en daarom is regulering noodsaaklik, al is dit ’n frustrasie. ■ Om die goue middeweg te vind tussen veilige, doeltreffende produkte en ’n florerende bedryf vir biologiese produkte probeer die hele bedryf tans om al die probleme uit die weg te ruim.…

BOOMUITHALER HAAL BOME IN ’N JAPTRAP UIT Viking Agri van Johannesburg is die verspreider van die Italiaanse Holmac-boomuithaler. Daar is ’n verskeidenheid keuses van boomuithalers om wortelballe met ’n deursnee van tot 1,4 m uit te haal. Die wortelbal op die foto het ’n deursnee van 90 cm. Die Tree-digger HZC 30 se hysvermoë is hoogstens 3,5 ton. Die toestel kan ’n spoed van 6,5 km/h behaal en het rubberrusperbande. Dit het ’n vertikale ophysstelsel en kan 3 grade na links en regs draai. PRYS: Treedigger HZC 30 Turbo, R1,61 miljoen. NAVRAE: Ruan Bernard, tel. 082 432 0526. MISBLASER SKOON HOENDERHOKKE Mnr. Donald Peake van Beestekraal in Noordwes is al die afgelope 12 jaar ’n bekende gesig op Nampo. Sy Peake Buggymisblaser is geskik vir die skoonmaak en sterilisering van…

All Power het landwyd al sowat 36 000 sonkragpompstelsels van alle groottes geïnstalleer. Die stelsels word ook na Zambië, Botswana, Mosambiek, Australië, Spanje en Amerika uitgevoer. Mnr. Terry Moss, besturende direkteur, sê die maatskappy verskaf ’n volledige reeks sonkragwaterpompe vanaf gelykstroom tot 3-fase-wisselstroom om enige besproeiingstelsels tot 12 uur lank per dag suksesvol met sonkrag aan te dryf. “Ons is nie die goedkoopste op die mark nie, maar ons produkte is duursaam en betaal hulself gewoonlik binne vyf jaar af. Ons lê ons ook toe op plaaslike werkverskaffing. “Die WaterMax-formule, waarvolgens pompstelsels ontwerp is, verseker dat dit onder lae bestralingsvlakke uitstekende werkverrigting lewer. “Die Watermax 3-fase outomatiese MPPT-omsetters (Maximum Power Point Tracking) maksimaliseer vloei op alle bestralingsvlakke. Frekwensiebeheer verseker presisievloei. Daarom is dit ’n plesier om te sien hoe damme…

Die eienaars van Algar, mnr. Hannes en me. Carin Nortjé, doen self al die navorsing en ontwerpe van Algar se toerusting. Hannes is ’n bees- en saaiboer en benut sy eie ondervinding van veehantering om die unieke produkte te ontwerp. Al die produkte word eers deeglik getoets voordat dit bekend gestel word. Algar lewer eg Suid-Afrikaans ontwerpte produkte wat betroubaar en sterk is. “Die nuwe, verstelbare drukgang vir skape is enig in sy ontwerp en nuut in Algar se stal. Dit maak skaaphantering soveel doeltreffender. Die boer kan sy lammers gemaklik hanteer sonder dat hulle omdraai deurdat die drukgang van 500 mm tot 200 mm kan verstel met ’n maklike patent,” sê Carin. Algar stel voor dat die drukganglengte vir kleinvee van 9 m tot 12 m is. Dan kombineer…

Die afgelope ses jaar boer mnr. Johan le Roux op die plaas Kransfontein in die omgewing van die Gariepdam, Vrystaat. Hy is verbonde aan Kroon Boerdery, wat deur mnre. Leboeuf Bloem en sy seun, Hendrik, besit word. Die Bloems het eers by Luckhoff geboer en die afgelope twee tot drie jaar op die plase Was-bank en Kransfontein in die omgewing van die Gariepdam. Hulle plant ongeveer 100 ha mielies en springmielies as somergewasse. Die afgelope produksiejaar het hulle die Monsanto-kultivar DKC 65-54 BR met goeie resultate gebruik. Hulle plant ook koring en voererte. Alles word onder spilpunt verbou en stresverdraagsame mieliekultivars presteer goed in toestande wat eintlik nie ideaal is nie. PLANTPROGRAM In die afgelope produksiejaar het hulle vroeë aanplantings van 105 ha gehad. Le Roux het op 8 November…

Dié beraad, Die Grond-Oplossing, is deur Landbouweekblad en Agri SA aangebied. Die gees van versoening was oorweldigend en die gehoor en sprekers was dit eens dat die verrigtinge grondverskuiwend was. Altesame 65 sprekers het hul planne en stories van swaarkry én sukses oorvertel. Die gehoor het geluister na oplossings, voorbeelde van suksesse op klein en groot skaal, sowel as lesse geleer uit mislukte pogings. Mnr. David Mabuza, adjunkpresident, en mnr. Mike Mlengana, direkteur-generaal van landbou, het vanaf die verhoog hul steun vir die beraad en die landbousektor beaam.…

Drie nuwe Spaanse granaatkultivars, naamlik MR100, Purple Queen en Kingdom, word geëvalueer. Tans word die kultivar Wonderful die meeste in Suid-Afrika verbou (64%), terwyl die kultivars Hershkowitz en Acco onderskeidelik 14% en 15% van die aanplantings in die land beslaan, sê me. Andriëtte de Jager van Hortgro in die Paarl. Sy sê verlede jaar is 1 421 065 kartonhouers van 3,8 kg elk in Suid-Afrika geoes vanaf sowat 830 ha. In 2016 was die oes 1 338 000 kartonhouers. Die meeste granate word uitgevoer, meestal na die Europese Unie (EU) – 68% – en die Midde-Ooste (16%). Ander uitvoerbestemmings is die Verre-Ooste, die res van Afrika en Rusland. “Die Wes-Kaap lewer sowat 65% van die land se granate, waarvan 29% uit die Bergrivierstreek kom. Ander dele waar granaatboorde gevestig is,…

Die volgende ontleding van grondverkope in Suid-Afrika is van transaksies vir grond van meer as 10 ha in die Wes-Kaap vanaf Junie verlede jaar tot Mei vanjaar. In 48% van die distrikte is dalende prysneigings waargeneem, hoofsaaklik in die Bo-land, die Weskus, die Karoo en die Suid-Kaap. Die grootste daling was by George (-21,8%) en die grootste styging by Bredasdorp (11%). Altesame 601 ooreenkomste is in 27 distrikte gesluit, wat 283 714 ha teen R4,951 miljard behels het. Daar was 43 transaksies van kleur – 7% van die totaal. Dié soort transaksies sluit in verhandelings tussen individue (31), regeringsaankope van landbougrond (4) en grond wat vir stedelike ontwikkeling verkry is (1). Dié proses het 12 856 ha (4,5% van die totaal) teen R393 miljoen (7,9% van die totale waarde) behels.…

BOEREDAE 8-9 SEPTEMBER: Olifantsrivierveteraneklub se ploegdag. Augsburg-landbougrond. Facebook: Olifantsrivier Veterane 12-14 SEPTEMBER: Nampo Kaap. Bredasdorp. Web: www.grainsa.co.za 11-13 OKTOBER: Agri-Expo Livestock: Plaasfees oor drie dae. Tentoonstelling van die SA vee- en suiwelbedryf, asook Die Groot Plaasproe – van bok tot bier! Sandringham, Stellenbosch. Web: www.livestock.org.za ; e-pos: admin@agriexpo.co.za EKSPO’S EN ANDER 20-21 SEPTEMBER: AGRI 5 se kommoditeite-werkswinkel en ekspo. Oos-Londen. Tel. 011 056 6856, e-pos: info@atoneworks.co.za 21-24 SEPTEMBER: Dewetsdorp-veldfees. Plesierrit, pretstap, ghongskiet, skaap- en beesskou, bekende sangers, Vrystaatse bergfietskampioenskap. Hansie Swanepoel, sel 082 821 2909. Johan Fourie, sel 082 878 3147. 22-24 SEPTEMBER: Driedagtrekkerrit, aangebied deur die Suid-Kaap-tak van die SA Federasie van Veteraantrekker-en-enjinklubs. E-pos: sekr.wk@telkomsa.net 29-30 SEPTEMBER: Tafelbergerfgoedversamelaars se veteraneekspo. Delvera, Stellenbosch. Uitstallings van veteraantrekkers, enjins, motors en militêre toerusting. Land Rover se 70ste verjaardagviering. Mariëtte, sel 082 670…

1,3% Kort ná adj.pres. David Mabuza se versekering op Landbouweekblad en Agri SA se grondberaad dat die ANC-regering nie grondgrype sal duld nie, het die rand met 1,3% versterk van R14,41 tot R14,22 teenoor die dollar. Dit volg ná pres. Donald Trump se twiet dat hy die “grond- en plaasbesettings en die grootskaalse moorde van boere in Suid-Afrika” gaan laat ondersoek. Mnr. Wessel Lemmer, Absa-landbou-ekonoom, het ná Mabuza se toespraak getwiet die beraad dra by tot beleidsekerheid. 1,6m. ton Suid-Afrika se koringinvoerbehoefte kan in die huidige bemarkingsjaar tot 1,6 miljoen ton daal vanaf 1,9 miljoen ton in die vorige jaar. Dit is danksy groter aanplantings en verbeterde opbrengsverwagtinge, veral in die Wes-Kaap. Koringproduksie kan op ’n jaargrondslag 18% hoër wees danksy die herstel in produksietoestande ná die knellende droogte van…

‘Vir 24 jaar is hierdie mense wat opregte, eerlike en ernstige voornemens en drome het om te boer, deur die stelsel in die steek gelaat.’ MNR. PATRICK SEKWATLAKWATLA van Sernick, oor opkomende boere se stryd om volhoubare boerderye te vestig. Bl. 17 ‘Boere kan nie vroegoggend by die huis ses bottels entstof aanmaak, dit kraal toe neem en dan van die entstof eers teen die namiddag gebruik nie.’ DR. GEORGE DE KOCK, veearts en voorsitter van Cape Wools Suid-Afrika, oor belangrikheid daarvan om slenkdalkoorsentstof korrek te hanteer. Bl. 20 ‘Die daling in produsentepryse kan nie aan die hand van die beweging in fabriekspryse geregverdig word nie.’ DR. CHRIS VAN DIJK, uitvoerende hoof van die Melkprodusente-organisasie, oor hoe prysneigings die bedryf se volhoubaarheid bedreig. Bl. 23…

ME. TERRY HERHOLDT  boer intensief met Livingstone-elande by Dwaalboom in Limpopo. Sy span die wetenskap deeglik in as dit by teling kom. Dit help haar om die daling in die prys van wild met puik eienskappe te bowe te kom. Sy vertel op bl. 36 hoe sy haar stoetery vrou-alleen bedryf. VERTEL ONS VAN JOU GESIN. Ek is geskei en het vier kinders. HET JY NÁ SKOOL GESTUDEER? Ek het nie gaan studeer nie, maar het baie by ander boere en veral veeartse geleer. Ek lees baie om inligting te bekom. HET JY ’N STOKPERDJIE? Ek doen navorsing oor my siektetoestand en skryf artikels vir wildtydskrifte. WAAR HOU JY VAKANSIE? Ek kan vanweë al die elande, takbokke en grootmaakvlakvarke op my plaas nooit met vakansie gaan nie. Veral Ludi, die…

In die artikel “Boer sit met hande in hare oor flou sonkrag” (L BW , 24 Augustus 2018, bl. 46) is die naam van die onderneming wat die sonkragstelsel geïnstalleer het, nie genoem nie. Sekere lesers het aangeneem dit is All Power, ’n gevestigde onderneming met sy hoofkantoor in Port Elizabeth. Die onderneming wat by die bewerings betrek word, is egter nie All Power nie. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en verkieslik skriftelik aan Jan Bosman, Landbouweekblad, Posbus 1802, Kaapstad 8000; e-pos: jan.bosman@landbou.com; faks 021 406 2940; tel. 021 406 3183. Verskaf ook u telefoon- of selnommer.…

DIE Parlement se portefeuljekomitee vir openbare werke het besluit om die wysigingswetsontwerp op onteiening uit te gooi, omdat dit nie voorsiening maak vir die moontlikheid van onteiening sonder vergoeding nie. Die wysiging van die Wet op Onteiening (Wet 63 van 1975) sloer al langer as ’n dekade. Die Regering voer aan die wet moet gewysig word om dit in pas met die Grondwet te bring en om mikpunte vir grondhervorming vinniger te bereik. Verlede jaar het oud-pres. Jacob Zuma nie die wysigings bekragtig nie en die wetsontwerp na die Parlement teruggestuur. Sy rede was dat die wetsontwerp weens onvoldoende openbare deelname nie die toets van grondwetlikheid geslaag het nie. Intussen is met die hersiening van artikel 25 van die Grondwet begin om te bepaal of dit gewysig moet word om…

AS staatsamptenaar wou hy soms gaan wegkruip terwyl hy op Landbouweekblad en Agri SA se grondberaad gehoor het hoe swak boere behandel word, het mnr. Mike Mlengana, direkteur-generaal van die Departement van Landbou, Bosbou en Visserye, aan kongresgangers gesê. In reaksie op die probleme wat mnr. Whiskey Kgabo van Limpopo met grondbesetters gehad het, het Mlengana sy skok uitgespreek, en gesê hy gaan die insig wat hy op die beraad gekry het, aan die amptenare in sy departement oordra en hulle verplig om dringend aandag te gee aan die probleme wat die boere op die beraad geopper het. Mlengana het gesê die Regering het ooreenkomste met Ghana, Uganda en Angola onderteken sodat Suid-Afrikaanse boere produkte wat nie plaaslik geproduseer kan word nie, daar kan produseer. Dit kan egter net gebeur…

Pak landbouherlewing op streeksvlak Die Regering moet spoedig aandui hoeveel plase gerehabiliteer moet word én wat sy beleid oor onteiende grond is, sê mnr. Milaan Thalwitzer, boer en uitvoerende hoof van Komati Fruit in Limpopo. Hy wens ook dat boere wat grondhervorming ondersteun, behoorlike erkenning in die media kry. Wit boere se bereidheid om aan grondhervorming deel te neem, moet erken word, en so ook die bereidwilligheid van swart gemeenskappe om hul vennote in ’n gesamentlike toekoms te wees. Hy stel voor dat ’n onafhanklike entiteit in elke gebied tot stand gebring word om grondhervorming in daardie gebied te koördineer. Hy meen sakesentrums vir grondhervorming kan ’n goeie plan wees. “Die sentrums kan deur landboubesighede en boere georganiseer en bygestaan word.” Die doel van sulke sentrums is om inligting oor…

VANJAAR se mielie-oes haal nie verlede jaar se rekordhoeveelheid van 17,6 miljoen ton nie, maar is steeds genoeg om pryse nog geruime tyd op uitvoerpariteitsvlak te hou. Die Nasionale Oesskattingskomitee het in sy jongste raming, die sewende en voorlaaste van die seisoen, die verwagte totale oes onveranderd gelaat op 13,2 miljoen ton. Die verwagte 13,2 miljoen ton is steeds heelwat meer as Suid-Afrika se gemiddelde produksie op lang termyn, naamlik 12,5 miljoen ton. Dit is ook ver bokant die plaaslike verbruik van 10 miljoen ton tot 11 miljoen ton, sê mnr. Wandile Sihlobo, ekonoom van die landbousakekamer Agbiz. Saam met verlede seisoen se oordragvoorraad bring vanjaar se oes Suid-Afrika se verwagte mielie-voorraad op 16,7 miljoen ton te staan vir die bemarkingsjaar 2018-’19 – van 6 miljoen ton tot 7 miljoen…

MELKBOERE se produsentepryse het sedert Maart vanjaar met 5,5% gedaal, maar melkprodukte se fabriekspryse het in die ooreenstemmende tyd met 2,2% gestyg. Dr. Chris van Dijk, uitvoerende hoof van die Melkprodusente-organisasie, sê in ’n verklaring Statistieke Suid-Afrika se syfers toon dié prysbewegings, terwyl die kleinhandelpryse van melk, kaas en eiers in dieselfde tyd bykans bestendig gebly het. Hy spreek sy kommer uit oor die nadelige gevolge wat die skerp daling in produsentepryse op die volhoubaarheid van melkproduksie kan hê en doen ’n beroep op melkverwerkers en -verspreiders om produsentepryse verantwoordelik te bestuur. Die skerp prysverlagings het volgens hom reeds ’n ernstige kosteknyptang vir melkboere veroorsaak — in so ’n mate dat verskeie reeds die bedryf verlaat het. “Die daling in produsentepryse kan nie aan die hand van die beweging in…

Vandeesweek wil ek praat oor wat in die algemeen bekend is as boedelbeplanning, meer spesifiek oor hoe jy vir jouself voorsiening moet maak wanneer jy nie meer vir jouself kan sorg nie. Baie mense meen boedelbeplanning is om ’n testament op te stel. Nog mense soek daarin ’n geleentheid om ’n polis of twee te smous. Ander is toegespits op maniere om belasting te vermy (en ongelukkig skep hulle dan dikwels nuwe probleme). Boedelbeplanning is finansiële risikobeplanning. Kyk na die risiko’s en die finansiële gevolge wat dit op jou of jou naasbestaandes kan hê en beplan dan daarvolgens. Ek kyk vandag na die “op jou”-deel van dié stelling. Om dit kortweg te stel, jy kan spaar tot jy blou in die gesig is en baie geld hê, maar die risiko…

Die Australiese varsprodukte-verspreidingsmaatskappy i-Procure het die gaping in die mark vir volledig herwinbare verpakkings aangepak. Die Fruitpack-verpakkings, wat van volledig herwinbare karton gemaak is, is die oplossing vir die gebruik van plastiek in die varsproduktebedryf, wat nie altyd herwinbaar is nie. Só sê mnr. Rob Beshay, die besturende direkteur van i-Procure. In ’n onderhoud met Freshplaza sê Rob Fruit-pack stel die kliënt in staat om handelsmerke, produkinligting en kommunikasie op die verpakking aan te bring sonder om die herwinbaarheid daarvan in die gedrang te bring. “Die produk word reeds suksesvol in Europa gebruik, veral vir sitrus. Ons het reeds talle raklewe-toetse gedoen. Die uitslag is baie gunstig en die kettingwinkels is opgewonde oor die produk. “Daar sal altyd ’n plek vir nie-herwinbare plastiek in die waardeketting wees, maar met Fruitpack…

Slakke was destyds op Uitzicht een van sy grootste probleme. Hy wou dit sonder gif aanpak. “Die pennie het gedrop toe ek besef slakke is niks anders nie as ‘escargot’ – dieselfde slakke as wat hulle in Europa eet! Daardie eerste paar jaar het ons dus slakke geoes en hulle deur ’n middelman Europa toe gestuur en ’n klompie euro verdien. Later het ek gaan nadink oor wat in die natuur gebeur en besef eende vreet slakke. Ek het sowat 200 eende gaan koop. Hulle het in die wingerde geloop en nou, ná 18 jaar, is daar geen slakke oor nie, maar ook geen eende nie. Hulle het hulself wonderlik van hul taak gekwyt.” Reyneke sê hy beskou swamsiektes as die Achilles-hiel van die organiese beweging. Hoewel die meeste sertifiseringsliggame…

’n Nuwe projek, Neem ’n Boer Aan, is deur die Schoeman Boerdery begin om opkomende droëboonboere op die pad na kommersiële boerdery te lei. Mnr. Kallie Schoeman, besturende direkteur van die boerdery, sê hulle noem die projek Zamukele wat in Zoeloe “aanneem” beteken. Die doelwit is om opkomende boere te vestig en hulle by te staan om met ’n uitgebreide, uitvoerbare projekplan volhoubare, kommersiële droëboonprodusente te word. Daarvoor het hy ’n toegewyde afdeling binne die Schoeman-groep gevestig wat uitsluitlik op die identifisering en bystand aan opkomende boere toegespits is sodat hulle droëbone op ’n kontrakgrondslag aan die boerdery se droëboonaanleg op Delmas kan lewer, terwyl hulle hul terselfdertyd as volhoubare, winsgewende boerderyondernemings vestig. “Ons het ’n toegewyde tegniese en bedryfspan wat die deelnemende boere bystaan. Elkeen boer onder die leiding…

Mnr. Jaco Marais, voorsitter van die Suid-Afrikaanse Bioproduk-organisasie (Sabo) en tegniese projekleier by Arysta Lifescience, sê benewens die mite dat biologiese produkte skadelik vir die mens is, moet ander wanopvattings ook uit die weg geruim word. Biologie is slegs vir organiese boere. “Baie boere meen biologiese produkte is slegs vir organiese boere geskik. Biologiese en chemiese produkte kan doeltreffend saam aangewend word en word reeds met groot sukses in landboupraktyke toegepas. Met voortdurende vernuwende tegnologie aan albei kante, gaan die gebruik van biologiese en chemiese produkte net aanhou waarde bied tot produktiwiteit en dus voedselsekerheid.” Biologiese produkte is ondoeltreffend. “ ’n Algemene opvatting is dat biologiese produkte ondoeltreffend is of te lank duur om doeltreffende vlakke te bereik. Dit hang af van die soort biologiese produk, gewas en aanwending van…

1 Beste wit Sussex-hen. Eienaar: Me. Gaylen Bettiol (sel 083 251 7550), Wakkerstroom. 2 Beste silwer Wyandottehaan. Eienaar: Me. Suzi Anderson (sel 082 894 7875), Howick. 3 Beste Pekin-hen. Eienaars: Mnr. Tim en me. Elbe Nixon (sel 082 450 4046), Hilton. 4 Beste goue Seabright-haan. Eienaar: Mnr. Jon Alison (sel 083 660 0602), Howick. 5 Beste Barbu d’Anvershennetjie. Eienaars: Mnr. Tim en me. Elbe Nixon, Hilton. 6 Beste rooi-en-swart ou Engelse veghennetjie. Eienaar: Mnr. Brent Smith (sel 084 205 9997), Ashwood. 7 Beste Maleisiese haan. Eienaar: Me. Lishalin Govender (sel 082 870 6576), Howick-Wes. 8 Beste Rhode Island Redhennetjie. Eienaar: Mnr. Colin Geddes (sel 084 300 3079), Pietermaritzburg.…

Piket Implemente het in 1933 tot stand gekom, met die naam Van Niekerk & Krupp. Deesdae staan die maatskappy én die handelsnaam as Piket Implemente bekend. Mnr. Carel van Niekerk sr. en sy twee seuns se produkontwikkeling bied reeds jare lank ’n sakpasoplossing aan veral saaiboere wat fynsaadplanters soek. Piket Implemente ondersteun die geenbewerkingboerderymetode, want die maatskappy meen dit is Suid-Afrika se toekoms met die aanhoudende waterskaarste, stygende inflasiekoste en ander uitgawes. ’n Gepaste planter vir geenbewerking is Piket se dekgewas-fynsaadplanter. Met hierdie planter kan fynsaad, soos tef, lusern en raaigras, asook sade, soos koring en hawer, gelyktydig saam met kunsmis geplant word. Piket Implemente spog met ’n nuwe 16-ry-toevoeging tot die bestaande reeks planters vir 6 rye, 8 rye, 10 rye, 14 rye en 20 rye. Nóg ’n gepaste…

Benewens wol was die afgelope seisoen ook uitsonderlik wat lam-en vleispryse betref, het mnr. Wolf Edmayr, besturende direkteur van BKB, tydens ’n onlangse jongooi-interskou op Philipstown in die Noord-Kaap gesê. Die Cape Wools-Merino-aanwyser het tydens die eerste veiling van die 2018-’19-seisoen reeds op ’n rekordvlak van R238,29/kg vir skoonwol geopen, ’n styging van 12,4% sedert die laaste veiling van die vorige seisoen. Mnr. Heinrich Victor, OVK se bedryfsbestuurder van vesel, sê die verswakking van die rand sedert die laaste veiling van die vorige seisoen is die hoofrede vir die styging, tesame met die vraag na goeie wol. Die rand het sedert die vorige veiling met 13,5% verswak. “Die uitstekende vertoning kan egter ook toegeskryf word aan die sterk vraag na Suid-Afrikaanse Merinowol, wat strek oor alle lengtes en mikrongroepe.” Victor…

Suurlemoenklapperblokkies ■ 2 eiers ■ 250 g botter, gesmelt ■ 750 ml versiersuiker, gesif ■ 700 ml klapper ■ Fyngerasperde skil en sap van 2 groot suurlemoene ■ 1 pak (200 g) Mariekoekies, baie fyn gekrummel Smeer ’n vierkantige oondpan van 24 cm en voer dit uit met bakpapier. Klits die eiers en meng dit met die warm botter, versiersuiker, klapper, suurlemoenskil en -sap en koekiekrummels. Meng alles baie goed saam. Skep die mengsel in die voorbereide pan en druk dit stewig en gelyk vas. Verkoel tot ferm, keer uit en sny in blokkies. Bêre die blokkies in die yskas. Lewer sowat 45 blokkies. KOMBUISWENK Vir ’n lekker variasie, vervang die suurlemoenskil- en sap met 3 ml amandelgeursel en 100 g gesnipperde rooi glanskersies. Dadelvingers Niemand wat al ooit die…

Ons as boere moet altyd die lug suiwer. Ons kan dit nie bekostig om griewe te laat broei en groei nie. Jesus sê in Joh. 6:43: “Moenie so onder mekaar mor nie.” As ons ’n probleem met die baas of ’n geskil met die personeel het, moet ons die waarheid in liefde praat, enige twyfel uit die weg ruim en agter die kap van die byl kom. As ons nie ’n einde aan gerugte en misverstande maak nie, sal die bose mense gebruik om die klein vuurtjie tot ’n groot bosbrand aan te blaas wat buite beheer woed. Die tong kan ’n baie sterk vyand wees. Ons lees in Jak. 3:6: “Die tong is ook ’n vuur, ’n wêreld vol ongeregtigheid, die deel van die liggaam wat die hele mens…

Die afname in die handel van lewende wild het ’n noemenswaardige impak op die verkope van verdowingspyle, sê, me. Mariska van Wyk van Professional Wildlife Equipment, ’n vervaardiger en verskaffer van pylgewere en pyle vir die wildbedryf. Sy sê hoewel die rand tans sukkel teen ander geldeenhede, het dit nie ’n noemenswaardige impak op die prys van hul produkte gehad nie. “Ons vervaardig ons produkte self. Ons het dus meer beheer oor pryse as ondernemings wat moet invoer.” Van Wyk sê daar word tans baie min pyle verkoop. Sy skryf dit toe aan die finansiële afplatting van die wildbedryf. Die afgelope maand word daar egter baie pylgewere verkoop – meer as pyle, sê sy. “Ons weet nie regtig hoekom daar skielik so ’n vraag na pylgewere is nie,” sê sy.…

Jy kan jou lewe op net twee maniere lei, het Albert Einstein opgemerk. Die een is asof niks ’n wonderwerk is nie, en die ander een is asof alles ’n wonderwerk is. Komende van een van die slimste mense nóg, dink ek ons almal moet elke dag hierdie keuse maak. Ja, baie dinge is sleg. Daarvoor hoef ons net na die nuus te kyk. Maar wanneer ’n mens verby die nuus kyk, kom jy soms op dinge af wat selfs die mees swartgallige filosoof om die vleisbraaivuur sal dwing om in wonderwerke te glo. Een voorbeeld is die groep pêlle van Bonnievale — ’n jong, wit wynboer, ’n bruin ingenieur van die plaaslike township en ’n boontjieteller. Hulle was diep bekommerd oor die toekoms van die township se kinders. Toe…

Baie geluk aan die volgende drie Landbouweekblad-lesers wat R1 000 elk gewen het in die eerste drie weke van ons agt week lange leserskompetisie. Johanna Herselman van Humansdorp, Yasmina Baulackey van Rustivia en Elize van Zyl van Wolseley se geld is op pad. In die kompetisie moet lesers die 100-jaar-logo in die tydskrif soek en die regte antwoord per SMS stuur (sien die advertensie op bl. 10). In die uitgawe van 31 Augustus, tans op rak, was die drukkersduiwel egter listig en het die logo weggeval. Gelukkig word die kompetisie ’n week langer gehou. Hou weer dié uitgawe dop en benut jou kans om R1 000 te wen.…

Soek die 100 jaar-logo in dié uitgawe en SMS die volgende na 33677: Landbou, jou antwoord (die bladsynommer waarop die 100 jaar-logo verskyn), en jou naam, van en tuisdorp. Week 5: SMS jou antwoord van 3-9 Sept. 2018. BEPALINGS EN VOORWAARDES: Die kompetisie duur van 6 Augustus tot 30 September 2018 om middernag. Wenners sal lukraak gekies word. Die trekking van wenners is finaal. Die wenners sal telefonies in kennis gestel word. Ons sal ’n wenner tot drie keer tydens werkure kontak. Indien ons die wenner nie binne drie probeerslae kan bereik nie, sal ’n nuwe wenner getrek word. Personeellede van Media24 en hul gesin mag nie deelneem nie. Media24 aanvaar geen verantwoordelikheid vir skade wat uit deelname aan die kompetisie spruit nie. Die prys is…

‘Ek dink nou anders – oor myself en oor die mense om my. Ek gaan dinge van nou af anders doen.’ “ IN ons boerdery en omgewing gaan ek alles doen wat ek kan om die mense om my deel te laat hê in die voordeel wat ek as blanke Suid-Afrikaner geniet het.” Dít was die boodskap van mnr. Kallie Schoeman, van die bekende Schoeman Boerdery, op Agri Limpopo se onlangse kongres. Schoeman het tydens ’n paneelbespreking in die gehoor opgestaan en vertel hoe die pas voltooide reeks openbare vergaderings oor die voorstel vir onteiening sonder vergoeding hom geraak het. “Dit is nie lekker om te hoor hoe mense aan die ander kant van die ‘rivier’ aan ons as blanke boere dink en hoe hulle oor ons eiendom dink nie.”…

IS jy bereid om jou werkers soos jou eie kinders te beskou? Dít is die vraag wat enige boer homself moet afvra voor hy of sy ’n bemagtigingsvennootskap met sy werkers aangaan, sê mnr. Tobias Fourie, besturende direkteur van Limpopo-melkery. “Jy moet jou hart toets. Maak seker jy het vrede met die besluit voordat jy op hierdie reis gaan.” Sy onderneming het sowat 18 maande gelede sy eie bemagtigingsprojek begin deur naburige grond met finansiering deur die Land Bank te koop en ’n werkerstrust te stig, wat 51% van die nuwe grond besit. Hy sê boere in sulke vennootskappe moet onder meer aan hul werkers raad gee soos aan hul eie kinders en seker maak hul vertrouensverhouding is gesond. Plaaswerkers en gemeenskappe wat by sulke projekte betrokke raak, moet op…

SUID -AFRIK A staan op die drumpel van ’n amptelike en snel ontwikkelende El Niño. Dit beteken egter nie noodwendig ondergemiddelde reënval nie, sê mnr. Johan van den Berg, ’n klimatoloog van die versekeringsmaatskappy Santam. Hy was ’n spreker op die landbou-ekonoom prof. Johan Willemse se kwartaallikse landboubemarking-werksessie in Bloemfontein. “Daar is ’n kans van 70% of hoër dat ’n El Niño gaan ontwikkel. Die Niño-gebiede (in die Stille Oseaan) is nou neutraal tot effens warmer, maar daar is tans nog nie ’n regtig sterk El Niño-ontwikkeling nie.” Hy het gesê alle El Niño’s is nie dieselfde nie, en ander faktore speel ook ’n rol. “Selfs al ontwikkel ’n werklike El Niño, is daar steeds ’n goeie kans op gunstige produksietoestande.” El Niño se huidige ontwikkeling is baie later as…

HOOP en bid vir reën is nou al opsie vir boere in dele van die Suid- en Oos-Kaap wat steeds gebuk gaan onder ’n kwaai droogte. In sommige gebiede voer boere hul vee al vir drie jaar aaneen. Mnr. Peter Knoesen, voorsitter van die Steytlerville-boerevereniging, sê van die boere in sy omgewing het nou al hul laaste voer gegee en kan nou nie meer bekostig om hul diere te voer nie. Hy voer sy skape al sedert 2016. “Ek is egter baie dankbaar vir die hulp wat ons tot nou kon kry; dit het baie mense gehelp. Daar sou al baie meer vee gevrek het en boere van hulle plase af gewees het as dit nie vir die hulp was nie, want die mense is nou al arm gevoer.” Knoesen…

HUURARBEIDERS het hul saak oor die aanstelling van ’n spesiale meester vir hul grondeise in die Appèlhof verloor. Volgens Afra, ’n vereniging vir landelike bevordering wat die huurarbeiders help met die saak waarmee hulle die staat wil dwing om hul eise af te handel, is daar nog sowat 10 900 uitstaande eise. Mnr. Bhekindlela Mwelase en nog drie huurarbeiders wat op die landgoed van die Hilton-kollege in KwaZulu-Natal woon, het Afra in 2013 om hulp genader. Die werkers en Afra, verteenwoordig deur die Regshulpbronsentrum (LRC), het ’n aansoek in die Grondeisehof gebring dat die eise aandag moet kry. Dié hof het in Desember 2016 beslis dat ’n spesiale meester aangestel moet word om die afhandeling van die eise te bespoedig. Die hof het die departement opdrag gegee om ’n inwerkingstellingsplan…

BOUWERK aan die Clanwilliamdam hervat in die tweede week van Oktober. Die damwal word met 13 meter verhoog om voorsiening aan huishoudelike en landboubehoeftes (gevestigde én opkomende boere) te vergroot. Die stap is veral goeie nuus vir opkomende boere wat 25 000 ha in die Ebenezer-grondeis gekry het. Die Departement van Water en Sanitasie se eie bou-eenheid het die werk om die damwal te verhoog in September 2016 gestaak omdat me. Nomvula Mokonyane, vorige Minister van Water en Sanitasie, aangedring het op ’n tenderproses. Die gesloer met die projek het onder meer tot gevolg gehad dat landbou-uitbreidings nie kan voortgaan nie weens ’n tekort aan water. Mnr. Gugile Nkwinti, die nuwe minister, het in April aangekondig bouwerk sal her-vat word, maar op ’n onlangse vergadering met Nkwinti het amptenare hom…

Daar is toenemende debatte in landboubedrywe oor die verpligte heffings wat in sommige bedrywe ingestel is om spesifieke aspekte, soos dienste en die byhou van statistieke, ingevolge die Nasionale Bemarkingswet te finansier. Sommige mense sien dit as net nóg ’n belasting wat deur die staat en bedryfsorganisasies verkwis word, en as ’n manier om die staat bykomende inspraak in die landbou te gee. Ander meen dit is noodsaaklik dat landboubedrywe geld vir die finansiering van sekere dienste en navorsing ter wille van vooruitgang moet bekom en dat daar nie plek vir “rugryers” is nie. Dit is egter nodig dat ’n mens die doel en moontlikhede van die verpligte heffings eers in perspektief moet sien. Dan moet die volgende vraag ook beantwoord word: Hoe gaan navorsing en ontwikkeling in die toekoms…

• 2017 Tax Statistics (’n gesamentlike publikasie deur die Nasionale Tesourie en die SAID). Desember 2017. • Africa Economic Development Institute. Africa: Communalism, Barriers and Economics. • Bureau of Marketing Research. Income and Expenditure of Households in South Africa, 2011. November 2012 • Neil Meyer. Introduction to Property Rights: A Historical Perspective. Agricultural economics and rural sociology, University of Idaho. • Tushar Seth. Capital: Meaning, Characteristics, Function and Importance of Capital. • Greg Mills. Why is Africa poor? Center for global liberty & prosperity. 6 Desember 2010. • Tzvetkova, S. & Hepburn, C. The missing economic measure: Wealth. 26 Maart 2018. • The Creation of Wealth and Economic Growth. http://www.digitaleconomist.org/wth_4020.html…

Die wêreldwye vraag na biologiese produkte het in 2017 met 18% gestyg. Die soeke na gesonder grond, asook die druk van die verbruiker op die voedselketting om minder chemiese produkte te gebruik, is die groot dryfkragte van hierdie groei. Die biologiese bedryf is egter terselfdertyd besig om volgehou doeltreffender produkte vir voorheen onopgeloste boerderyprobleme te ontwikkel. Mnr. Jared Murphy, plaasbestuurder van Wittedrift net buite Redelinghuys in die Sandveld, gebruik tans die biologiese produk CalSap (reg.nr. B4543) in sy sitrusboorde. “CalSap reguleer die pH en is ’n vloeibare kalsiumproduk. Dit word gemaak deur kalsitiese kalk met mikrobes en melasse te fermenteer en verhoog die doeltreffendheid van die kalk om die pH te reguleer. Die produk se betroubaarheid is met jare se navorsing bevestig, en ek gebruik dit dus met ’n geruste…

Om ’n skaap in ’n kraal te vang en plat te trek sodat die boer met hom kan werk, is weliswaar nie ’n moeilike taak vir ’n ervare skaapwagter nie, maar as hy dit honderde kere moet doen sodat die kloutjies aan al vier pote korter geknip kan word, raak dit ’n gróót werk. Mnr. Lion du Plessis, wat onlangs as Mpumalanga se Jongboer van die Jaar vir 2018 aangewys is, besef dit maar té goed. (Sien ook “Pak só legkaart vir risikoverspreiding’’, LBW, 3 Augustus 2018.) Hy boer saam met sy pa, Hennie, op die plaas Kranspan oos van Ermelo. Benewens mielies, sojabone en droëbone boer hulle ook met wolskape en vleisbeeste. Die skaapafdeling bestaan uit die Cachet-Merinostoetery en ’n kommersiële kudde vir slaglamproduksie. “Ons grond is erg sanderig…

Alternatiewe kombinasies en nuwe teelmateriaal is boere se beste opsies om op bestaande weidingstelsels te verbeter, sê mnr. Jaco Kellerman, ’n portefeuljebestuurder van die saadmaatskappy Barenbrug. Grasmengsels is lankal nie meer ’n nuwe gier by aangeplante weidings nie, maar daar was lanklaas soveel suksesverhale soos met die mengsel van meerjarige Arrow-raaigras en Shogun-basterraaigras. Arrow is ’n diploïede raaigras wat spesifiek vir vroeë lenteproduksie geteel is. Dit bied uitmuntende volhoubaarheid in strawwe toestande. Shogun is ’n tetraploïede basterraaigras en is ’n kruising tussen Italiaanse en meerjarige raaigras. Shogun se Italiaanse teelmateriaal dra by tot sy geil groeiwyse in die herfs en winter. Saam met Arrow se vroeë lenteproduksie bly die boer se grasplatform in maksimum produksie deur die meeste seisoene. TERUGVOERING ’n Onlangse opname onder boere het getoon hoë seisoenale produksie,…

Die bruto binnelandse produk (BBP) het in die eerste kwartaal van die jaar met sowat 2,2% gedaal weens ’n daling van sowat 25% in die landboubedryf. Na verwagting sal die bedryf egter vinnig herstel namate finansiering, vernuwing en uitbreiding in die res van die jaar aangepak word. Mnr. Nico Groenewald, hoof van Agribesigheid by Standard Bank, sê die afname in die landboubedryf wek nie kommer nie omdat dit grootliks was omdat die bedryf ’n uitsonderlike vierde kwartaal in 2017 beleef het. “Die bedryf was die ster van die ekonomie in die vierde kwartaal nadat dit 37,5% bereik het,” sê Groenewald. Die langtermynneigings skets ook ’n belowende prentjie. Nadat dit in elke kwartaal van 2015 en 2016 gekrimp het weens droogtetoestande in Suid-Afrika, het die landbou-, bosbou- en visserybedryf weer vir…

AlphaAlfa verhandel topgehalte lusern vir die plaaslike en uitvoermark en is deel van BKB se graanafdeling, GrainCo Holdings. AlphaAlfa se hoofkantoor is in Kimberley. Met minstens twintig jaar ondervinding in die lusernbedryf is AlphaAlfa ’n staatmakervennoot vir kopers en verkopers. Sowat 500 kliënte maak deel uit van dié maatskappy, een van die belangrikste lusernhandelaars en uitvoerders in Suid-Afrika. Mnr. Fanie Brunette, Alpha-Alfa se bestuurder in Kimberley, verduidelik die maatskappy se rol in die landboubedryf. “Aan die produksiekant spoor ons produsente aan om ’n gehalteproduk te lewer wat vir hulle regstreeks meer geld in die sak beteken. Aan die koperskant ontvang die koper deurlopend produkte van goeie gehalte, wat dan weer help met die formulering van ransoene. “AlphaAlfa het homself só geposisioneer met verskeie produkte om in alle behoeftes van veeboere…

A FGRI het ’n paar jaar gelede besef boere wil hul risiko’s op ’n e-platform bestuur. Die eAccountsplatform is in ooreenstemming met die maatskappy se visie om stelsels te ontwikkel wat die kliënt se vennootskap met AFGRI verbeter, vergemaklik en waarde toevoeg. eAccounts vergemaklik die transaksionele proses, is gebruikersvriendelik en bied toe-gang tot verskeie dienste uit die AFGRI-stal, sê mnr. Ross Simmonds, die besturende direkteur van UNIGRO Finansiële Dienste. Hoewel die eAccounts-stelsel aanvanklik op lenings toegespits was, bied AFGRI Landboudienste ’n wyer reeks produkte. Klante sal binnekort toegang kry tot die eAccounts-platform se reënvalmeting deur ’n reënvaltoepassing op hul slimfoon of tablet af te laai. Hierdie nuwe funksie bring ’n groot voordeel vir klante en vergemaklik die besigtiging van inligting oor reënval in die omgewing. Dit dra verder by tot…

ETIKET MET SKOP Met so baie wynetikette op die rak moet kelders slim dink om die oog te vang. Dis juis wat Overhex Wines International onlangs reggekry het toe sy reeks Mensawyne met Suid-Afrika se eerste AR-etikette verskyn het. AR staan vir verrykte werklikheid (augmented reality). As jy die Mensa-selfoontoepassing gratis aflaai en die innoverende etiket met jou slimfoon skandeer, ontpop die etiket as ’n boek waarin die wyn se storie onthul word. “Almal praat van innovasie, maar hoe doen ’n mens dit?” het Gerhard van der Wath by die Mensa-bekendstelling in Kaapstad gevra. Ná ’n gesprek met iemand van die Australiese Treasury Wine Estate, wie se wynreeks 19 Crimes baanbrekerswerk met AR verrig het, het Gerhard besef dis waar die toekoms van wynbemarking lê. “Met ’n beperkte begroting het…

Van Januarie tot einde Junie vanjaar is 1% meer aartappels op plaaslike markte verkoop as in die ooreenstemmende tyd verlede jaar. As in ag geneem word dat die meeste aartappels in die geskiedenis verlede jaar verhandel is, dan kan die rekordboeke vanjaar wéér herskryf word. Die goeie nuus vir die bedryf is dat die prys van alle grade en klasse waarteen dié rekordhoeveelheid aartappels vanjaar verkoop is, 12% hoër is as in die ooreenstemmende tyd verlede jaar. Luidens Aartappels SA se verslag vir Junie dui dit daarop dat die verbruiker bereid is om dieselfde volume aartappels teen ’n hoër prys te koop. In die eerste twee maande van verlede jaar is gemiddelde volumes op die nasionale varsproduktemarkte verkoop, maar in die vyf maande wat daarop gevolg het, was die verkope…

GAUTENG CARLETONVILLE VYFHOEK (428), 45 ha, aan Hemelboom Beleggings (Edms.) Bpk., van Dalevest (Edms.) Bpk., R2 500 000. NIGEL UITKYK (327), 46 ha, aan Novy Produce (Edms.) Bpk., van P.B. en S. Erasmus, R2 600 000. LANGZEEKOEGAT (323) 497 ha, aan Iyay’phandela Farming, van H.S. Moore, R7 500 000. PRETORIA BOEKENHOUTSKLOOFDRIFT (286), 21 ha, aan C.L. Hulme, van Juka Breeders-trust, R800 000. OOG VAN BOEKENHOUTSKLOOF OF TWEEFONTEIN (288), 71 ha, aan Abaphumeleli Trading 344 (Edms.) Bpk., van P.F. Cilliers, R2 000 000. KWAZULU-NATAL HARDING BOSCH HOEK (3294), 298 ha, aan Mount Hermon-familietrust, van S.J. Kelly, R5 500 000. SEVEN FONTEIN (240), 20 ha, aan Mbona-familietrust, vanPresentValueTechnics, R1 525 254. UTRECHT GROOTFONTEIN (437), 225 ha, aan Zaaimara-trust, van Vermar Properties, R7 500 000. LIMPOPO DENDRON GOEDVERTROUWEN (1015), 26 ha, aan Mahela…

Boerbokvleis gaan eersdaags op winkelrakke in die Wes-Kaap beskikbaar wees – die eerste keer in die geskiedenis. Verbruikersbelangstelling groei landwyd in dié vleis, waarskynlik vanweë die goeie gesondheidswaarde daarvan, sê mnr. Hennie Booysen, voorsitter van die Suid-Afrikaanse Boerboktelersvereniging. Ook aan die produksiekant groei belangstelling in bokboerdery, hoofsaaklik omdat Boerbokke, in teenstelling met beeste, vinnig goeie opbrengste op die boer se belegging bied. Tans is daar sowat 6,6 miljoen Boerbokke, Kalahari Reds en Savannabokke in die land. Die meeste is in die Oos-Kaap (46%), met 14,6% in Limpopo en 13,1% in KwaZulu-Natal. Die SA Boerboktelersvereniging het tans sowat 450 lede, van wie 380 met Boerbokke boer, 49 met Kalahari Reds en 21 met Savannas. Talle Boerbokke word uitgevoer na Namibië, Botswana, Zambië en Zimbabwe, asook na die Midde-Ooste, Brasilië, Argentinië en…