Indholdsfortegnelse for 21-Sep-18 i Landbouweekblad

LAAT DIE KHOI SY SÊ SÊ Onteiening sonder vergoeding sal waarskynlik erge skade aan die ekonomie en Suid-Afrika aanrig en in die proses die armes net meer skade as goed doen. Dit moet egter nie die wit boere die idee gee dat alles net so kan aanploeter soos voorheen nie. Ek stem saam dat ons nie almal ’n behoefte aan groot plase het nie. Wat egter soos ’n paal bo water staan, is dat ons almal ’n stukkie grond wil hê, hetsy vir ’n woonhuis, ’n kleinhoewe, ’n plaas of genoeg vir weiding vir ’n paar beeste. As landsburgers is ons daarop geregtig. Ons voorvaders het hul tekeninge oral gelos as ’n bewys dat ons ’n regmatige eis op die grond het. Waaraan daar ook ’n groot behoefte is, is…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik. Vandeesweek se wenbrief is deur ADV. JOHN JACOBS geskryf.…

SAKEVERTROUE in die landbou is so laag as wat dit tydens die 2016-droogte was, en het volgens die landbousakekamer Agbiz en die Nywerheidsontwikkelingskorporasie (IDC) se sakevertroue-indeks in die derde kwartaal tot onder die neutrale 50 puntmerk gedaal. Die opname is in Augustus gedoen, die meeste daarvan voor dit bekend geword het dat Suid-Afrika in ’n tegniese resessie is. Volgens mnr. Wandile Sihlobo, hoof van landbousakenavorsing by Agbiz, is daar laer vertroue rakende omset, werkskepping, kapitaalbelegging, volume van uitvoer en ekonomiese groei. In die verlede het ’n daling in vertroue gewoonlik met ongunstige weerstoestande verband gehou. Dié keer is die wortels van die pessimisme egter onder meer beleidsonsekerheid en swak ekonomiese groei. “Die gebrek aan duidelikheid oor die beleidsvoorstel vir grondhervorming, in besonder onteiening sonder vergoeding, bly ’n sleutelrisiko wat belegging…

DIE afskaffing van tariewe op ingevoerde produksiemiddele vir hoendervoer word bekyk om die plaaslike hoenderbedryf mededingender teen ingevoerde produkte te maak. Mnr. Loutjie Dunn, uittredende voorsitter van die Vereniging van Veevoervervaardigers (Afma), sê in sy voorsittersverslag op Afma se onlangse jaarvergadering in Port Elizabeth dit spruit uit die werk van die Regering se taakspan wat oplossings vir die hoenderbedryf se probleme moet vind. Die taakspan het aanbeveel dat goedkoper voer beskikbaar moet wees en gesê die invoertarief op soja-oliekoek moet aandag kry, om produksiemiddele vir pluimveevoer goedkoper te maak. Die taakspan se handelskomitee het besluit dat nie net dié tarief nie, maar ook die tariewe op sojabone, sonneblom en sonneblom-oliekoek afgeskaf behoort te word. “Afma sal die leiding neem om aan die saak aandag te gee, maar met die samewerking…

DIE grootste struikelblok vir Suid-Afrika om ’n gerekende internasionale betrokkene op die internasionale rooivleismark te word, is die land se relatief onbekendheid op die groot markte. Dít is die mening van me. Estelle van Reenen, besturende direkteur van Sparta. “Ons moet onthou, ons kom uit Afrika, en die wêreld is nie bekend met vleis wat hiervandaan kom nie. Suid-Amerika, byvoorbeeld, het dieselfde hoeveelheid hindernisse vir rooivleisproduksie as ons, maar tog is lande daar wêreldbekend vir hul vleis.” SWAK INDRUK Die uitbreking van listeriose vanjaar het die bedryf ook geen guns bewys nie. “Dit was ’n gebeurtenis wat wêreldwyd dekking gekry het. Die grootste listeriose-uitbreking nóg trek baie aandag. Ons het die bedryf in ’n moeilike posisie geplaas wat uitvoer betref. Daarom is dit so belangrik om verantwoordelike bestuurspraktyke te hê.”…

GROND is ’n emosionele saak, maar boere moenie enigiemand toelaat om hulle te dwing om iets teen hul sin te doen nie, was hoofregter Mogoeng Mogoeng se boodskap aan boere op die Afrika-Brahmankongres op Parys in die Vrystaat. Mogoeng, wat ook ’n deeltydse Brahmanboer is, het na aanleiding van die gronddebat gesê boere moenie luister na mense wat hulle diewe noem nie. Pleks daarvan om oor te gee, moet boere oplossings vind vir die grondkwessie en dit deel maak van boere-organisasies se doen en late. Boere moet ook die oplossings en suksesse wêreldkundig maak sodat almal kan weet boere is nie teen verandering gekant nie. “Ek is verbyster oor jul vermoë om te groei selfs te midde van al die dinge wat teen julle tel,” het Mogoeng gesê. “Ons kan…

TYDENS die onlangse parlementêre verhore het die meeste instellings en kundiges wat getuig het, hulle uitgespreek teen die verandering van artikel 25 van die Grondwet, die sogenoemde eiendomsklousule, om onteiening sonder vergoeding te wettig. Die komitee het meer as 700 000 geskrewe kommentare gekry, waarvan ’n paar aangedui het dat hulle ook die geleentheid wil hê om mondelinge kommentaar te lewer. Organisasies wat gekant is teen die wysiging van artikel 25: Agri Besigheid; Graan SA; Alliance for Rural Development; prof. Elmien du Plessis van die fakulteit regte aan die Noordwes-Universiteit; Land Accountability and Research Centre van die Universiteit van Kaapstad; Departement van Openbare Reg aan die Universiteit Stellenbosch; Phuhlisani NPC; die instituut vir armoede-, grond- en landboustudies (Plaas); Agri SA; In Transformation Initiative; die SA Instituut vir Rasseverhoudinge; SA Institute…

DIE Knoffelkwekersvereniging woeker tans om die plaaslike bedryf te versterk deur onder meer ’n nuwe benadering tot plant- en grondbestuur vir ’n optimale oes te bewerkstellig en om virus- en plantsiektes te verminder. Byna twee derdes van die knoffel wat in Suid-Afrika verbruik word, word ingevoer. Die kwekers wil graag dié situasie omkeer. Suid-Afrika se knoffelverbruik was verlede jaar sowat 4 500 ton (waarvan 1 905 ton van Spanje ingevoer is). Die doeanewaarde van die ingevoerde knoffel was R70 miljoen, of gemiddeld R37,15 per kilogram. Op Suid-Afrikaanse varsproduktemarkte is in 2017 altesame 1 728 ton knoffel verhandel, met ’n waarde van R72 miljoen en gemiddelde prys van R42,23/kg. Dié en ander kwessies oor knoffelverbouing word op 27 September op die kwekers se konferensie buite Pretoria bespreek. Enige knoffelboer of voornemende…

Wanneer ’n private maatskappy gestig word, keur die Kommissie vir Maatskappye en Intellektuele Eiendom (CIPC) gewoonlik ’n sekere aantal (bv. 1 000) gewone aandele goed. Dit word in die Memorandum van Inkorporasie (MOI) verwoord. Die eienaar(s) of aandeelhouers van die maatskappy kry aanvanklik 100 gewone aandele. Die eienaar(s) van die maatskappy betaal ’n bedrag geld per aandeel (pari-waarde of ’n ander waarde) vir die uitgereikte aandele. Ingevolge die nuwe Maatskappywet (Wet 71 van 2008) is pari-waarde nie ’n vereiste nie. Om in die begin kontant in die onderneming te kry of wanneer uitgebrei moet word, gebeur een of meer van die volgende: ■ Die eienaar(s) van gewone aandele leen geld aan die maatskappy. ■ Die eienaar(s) van gewone aandele gee ’n kapitaalbedrag (wat daar bly tot likwidasie as Kapitaal van…

■ ’n Oormaat suurheid in die bo- en ondergrond stuit optimale gewasproduksie deurdat dit die opname van water en sekere plantvoedingstowwe aan bande lê. ■ Nuwe tegnologie, soos verkorrelde, mikrofyn kalk, stel saaiboere in staat om probleme met ondergrondsuurheid vinniger op te los sodat hulle groter opbrengste kan kry. ■ Om te kan besluit waar en hoe elke soort produk voordelig aangewend moet word, moet die grond se probleem, die produk se eienskappe, die chemiese werking en elke tipe praktyk se voor- en nadele verstaan word.…

WAT WAS JOU BESTE BESLUIT NÓG? Om Tulibulle te gebruik en ’n deel van die boerdery intensief te bedryf om waarde tot die grond toe te voeg, naamlik die voerkraal en besproeiing. Wanneer jy besluit om iets te doen, doen dit vandag en moenie tot môre wag om byvoorbeeld ’n belangrike aankoop te doen nie. WIE WAS JOU MENTOR? My pa was my grootste inspirasie. Hy het my baie van boerdery geleer, maar ook dat verhoudings met jou mense, hetsy bure, plaaswerkers of verteenwoordigers, altyd 100% reg moet wees, anders kan die boerdery nie vooruit gaan nie. WAT IS DIE BESTE RAAD WAT JY NÓG GEKRY HET? Dit kom terug na die Tuli. Oom Daan Cloete, ’n buurman, het my op sy beskeie manier meer van die Tuli en sy…

Die gewasrotasies in elk van die stelsels was soos volg: 1 =Stelsel H verskil van stelsel F in dié opsig dat skape op afsonderlike weivelde gehou is om op oumansoutbos te wei tot die medics volgroei is. 2 = ’n Mengsel van verskillende medics- en klawerspesies. * = Dié gewasse is bewei. Onkruidoorvloed en -verskeidenheid is op ’n logaritmiese skaal gestip. Dus word eenhede nie in die GRAFIEKE gewys nie. Die gemiddelde saaddigtheid in die 12 jaar in stelsel A was 151 ontkiembare sade per vierkante meter in die boonste 5 cm grond. In stelsel G was dit slegs vyf ontkiembare sade per vierkante meter. Wat verskeidenheid betref, is stelsel A oorweldigend deur raaigras (Lolium spp.) en koperdraad of voëlduisendknoop (Polygonum aviculare) oorheers, terwyl in stelsels E tot H gousblom…

Een van die belangrikste bestanddele vir die sukses van die projek is deurlopende kommunikasie tussen Wiphold en die span wat die boerdery behartig, en die gemeenskap. Die projekbestuurder, me. Pinky Matanzima, en haar assistent, mnr. Andile Ntukushe, is die skakel en moet seker maak elke boerderystap – van die neem van ’n grondmonster tot die gebruik van ’n sekere soort saad – word oorgedra en verduidelik. Matanzima kom uit die kommersiële sektor waar sy by groot maatskappye as handelsmerkbestuurder gewerk het, en sy was ook by beplanning in die finansiële sektor betrokke. Aanvanklik is sy by die finansiële afdeling van Wiphold ingespan, maar het gou besef die gemeenskapswerk trek haar eintlik aan. Sy studeer ook in dié rigting en is besig met ’n graad in gemeenskapsontwikkeling aan Unisa. “Die opleiding…

1 Senior en grootkampioenhings, Derora Dodger. Eienaar: Mnr. Gerrie van Heerden (sel 083 264 2748), Migdol. Vertoner: Mnr. Stoffel van Wyk. 2 Senior en grootkampioenmerrie, Morocco Sweet Smile. Eienaar: Mnr. Waleed Dirk (sel 082 556 9673), Dirk Broers-stal, Kaapstad. Vertoner: Mnr. Kasiem Jacobs. 3 Senior en grootkampioene (dubbeltuig), Morocco Miss World en Maarfleet Juliet. Eienaar: Mnr. Abdullah Davids (sel 082 957 2502), Morocco-stoetery, Kaapstad. Vertoner: Me. Aqeela Davids. 4 Grootkampioen (siertuig), Great Ideas. Eienaar en vertoner: Mnr. Fuad Brenner (sel 084 400 2149), Earlswood-stal, Kaapstad. 5 Senior en grootkampioen (enkeltuig), Black Prince. Eienaar: O. Davids & Seuns en mnr. Noogh & me. Darewesa Gani (sel 081 511 2709), Retchanis-stoetery, Kaapstad. Vertoner: Mnr. Ali Davids. 6 Senior kampioen (enkeltuig vir vroue), My Desire. Eienaar: Mnr. Waleed Dirk, Dirk Broersstal, Kaapstad. Vertoner:…

Gebakte laventelkaaskoek Ek gebruik laventelsuiker in hierdie resep. Dit gee ’n sagte laventelnasmaak aan die romerige kaaskoek. Kors ■ 200 g Cream Crackers, fyn gemaak ■ 100 ml gesmelte botter ■ 15 ml heuning ■ Knippie fyn kaneel Vulsel ■ 2 houers (200 g elk) ongegeurde roomkaas ■ 2 houers (230 g elk) gladde maaskaas ■ 125 ml laventelsuiker (sien kombuiswenk) ■ 100 ml vars suurlemoensap ■ 10 ml vanieljegeursel ■ 3 ekstragroot eiers ■ 30 ml koekmeel ■ Geklopte room, om voor te sit Voorverhit die oond tot 170 °C en smeer ’n veerklamppan van 23 cm met botter. Meng die fyn Cream Crackers met die gesmelte botter, heuning en kaneel tot klam krummels vorm wat aan mekaar vassit. Voer die boom en kante van die pan met die…

IS BRAAI MAAR DIESELFDE, OF JY NOU IN SUID-AFRIKA OF FRANKRYK IS? Glad nie. Ons het grootgeword in ’n vuurkultuur en ons verwag ’n maaltyd van hoë gehalte wanneer ons braai. Vir die Franse is braai oor die algemeen ’n gewilde peuselmaaltyd; ’n klein vuurtjie met ’n paar dun merguez-worsies. Ek het dit (per geluk!) reggekry om braai te neem tot op die hoogste vlak vir die elites van Europa, met groot sukses. WAT VERBAAS EN/OF VERRAS MENSE DIE MEESTE AS JY VIR HULLE BRAAIKLASSE AANBIED? Die feit dat ek ’n vuur gebruik om die hele maaltyd gaar te maak – van brood tot groente, vleis en nagereg. En dit in ’n heerlike atmosfeer! ’N HOUTVUUR OF KOLE? ’n Houtvuur wat brand, met kole langsaan. ’n Brandende vuur is ’n…

Party jagters meen looplengte beïnvloed ook akkuraatheid en op ’n klein skaal is dit so, juis omdat langer lope gewoonlik dunner gemaak word om gewig te bespaar – en dikte het ’n invloed op akkuraatheid. Ander glo weer ’n loop moet lank genoeg wees sodat die koeël, vanweë die groefdraai, minstens twee rotasies moet kan maak om genoeg vlugstabiliteit te verkry, want stabiliteit is noodsaaklik vir akkuraatheid. Maar dit is nie so nie. Lope met ’n groefdraai van 1:12 wat net 18 duim lank is en dus net een en ’n half rotasies het, stabiliseer die koeël met die regte gewig gewoonlik heeltemal voldoende. Daar is twee hoofredes waarom dikker lope akkurater is: vibrasies en temperatuur. BEPERK VIBRASIES As ’n koeël deur die geweerloop beweeg, veroorsaak dit vibrasies. Die amplitude…

Ek weet nie of ouer mense meer dikwels bid as jong mense nie. Ek het nog nie ’n studie daaroor gedoen nie. Party mense meen tog hoe nader ’n mens aan jou laaste uitspanplek kom, hoe groter is die behoefte om met die Beskikker van jou lewe te praat oor die “afskeid” wat op hande is. Dit kan ook wees dat die afbreek van ons aardse tentwoning, soos die apostel Paulus dit in sy twee-de brief aan die Korintiërs beskryf (vgl. 2 Kor. 5:1-18), kan meewerk om jou te laat roep na die Een wat jou kan help om daardie neerdrukkende fase van jou lewe te bestuur. Ek meen dat nie die jeug of die ouderdom bepalend is vir ’n gebedslewe nie, maar die diepte van die verhouding waarin jy…

Die daling in die reële bruto binnelandse produk van onderskeidelik 2,6% en 0,7% in die eerste en tweede kwartaal vanjaar raak ook die bemarking van nismarkprodukte waarvan die vraag gewoonlik regstreeks weens ’n inkrimping van die ekonomie daal. Mnr. Dawie Maree, hoof van inligting en bemarking by Eerste Nasionale Bank (FNB) se landbou-afdeling, sê die vraag na onder meer lamsvleis as ’n nismarkproduk het verder ingekrimp. “Lams- en skaapvleis is die duurste rooivleis. Derhalwe bly ’n verbruikersweerstand weens dié hoë nismarkpryse ’n risiko,” sê hy. “Goedkoper proteïenbronne, soos vark- en hoendervleis, is geredelik beskikbaar as plaasvervangende produkte.” Op die internasionale markte het skaapvleis verlede week teen ’n hoër vlak as die vorige week verhandel. In Nieu-Seeland was die prys van lammers 0,8% hoër tot sowat NZ$138/kg (ongeveer R1 355/kg). Op…

Die volgende ontleding van grondverkope in Suid-Afrika is van transaksies in die Oos-Kaap vir die 12 maande tot Julie vanjaar vir grond van meer as 10 ha. In dié tyd is dalende grondpryse in byna die helfte van die distrikte (44,1%) aangeteken – ’n duidelike teken van die moeilike boerderytoestande in dié provinsie. Altesame 358 ooreenkomste is in die tyd in 34 distrikte gesluit en 252 903 ha is teen R2,105 miljard verhandel. Daarvan was 19% transaksies van kleur. Dit behels 31 235 ha, oftewel 12,4% van die totaal, teen R304 miljoen. Twee van die transaksies was staatsaankope vir grond wat vir landboudoeleindes bekom is, en 57 tussen individue. Sewe transaksies val buite die landbou. Uit die totaal was 97 (27%) van die transaksies vir grond van minder as 50…

BOEREDAE 18-19 SEPTEMBER: Overbergse Renosterveldbewaringstrust se renostervelddae, aangebied met die samewerking van Landbouweekblad, WWF-SA en die Universiteit van Kaapstad. Voorstekop, Heidelberg. Dr. Odette Curtis-Scott, tel. 083 551 3341, web: www.overbergrenosterveld.org.za, e-pos: info@overbergrenosterveld.org.za 11 OKTOBER: Melkbokinligtingsdag. (Gratis.) Agri-Expo Livestock, Sandringham, Stellenbosch. Breyton Milford, tel. 021 975 4440, web: www.livestock.org.za, e-pos: admin@agriexpo.co.za 12 OKTOBER: Vleisbeesinligtingsdag. (Gratis.) Agri-Expo Livestock, Sandringham, Stellenbosch. Breyton Milford, tel. 021 975 4440, web: www.livestock.org.za, e-pos: admin@agriexpo.co.za EKSPO’S EN ANDER 21-24 SEPTEMBER: Dewetsdorp-veldfees. Plesierrit, pretstap, ghongskiet, skaap- en beesskou, bekende sangers, Vrystaatse bergfietskampioenskap. Hansie Swanepoel, sel 082 821 2909. Johan Fourie, sel 082 878 3147. 22-24 SEPTEMBER: Driedagtrekkerrit, aangebied deur die Suid-Kaap-tak van die SA Federasie van Veteraantrekker-en-enjinklubs. E-pos: sekr.wk@telkomsa.net 29-30 SEPTEMBER: Tafelbergerfgoedversamelaars se veteraneekspo. Delvera, Stellenbosch. Uitstallings van veteraantrekkers, enjins, motors en militêre toerusting. Land Rover se 70ste…

R1,4 triljoen Die kontantreserwes van die JSE se 50 grootste maatskappye het gegroei van R242 miljard in 2005 tot R1,4 triljoen in 2016, volgens navorsing van die Universiteit van Johannesburg se Sentrum vir Mededinging, Regulering en Ekonomiese Ontwikkeling. Die sentrum se senior ekonoom, mnr. Thando Vilakazi, sê die Regering moet beleid ontwerp wat maatskappye sal aanspoor om plaaslik te belê. Uit die 20 top-maatskappye op die JSE in 2000, was 12 steeds onder die top-20 in 2016. – Business Day 70 Daar was 70 plaasmoorde in die boekjaar 2017-’18 en nie 62 soos wat die Suid-Afrikaanse Polisiediens verlede week aangekondig het nie, sê TLU SA, wat sy eie databasis van moorde op landbou-eiendomme byhou. Die organisasie sê hy het etlike pogings aangewend om ’n afspraak met mnr. Bheki Cele, Minister…

‘Daar is nog tyd om groenteplantjies te bestel en in die grond te kry.’ MNR. PIERRE JOUBERT, uitvoerende direkteur van die Gamtoosbesproeiingsraad, oor die belangrikheid dat die kwotas van boere wat uit die Kougadam besproei, so gou moontlik verhoog word. Bl. 16 ‘Die probleem is dat hulle niks van boerdery weet nie en totaal onpraktiese inligting wil hê.’ MNR. FRANS MALAN, boer van Schweizer-Reneke, oor die soms onmoontlike vereistes wat die Suid-Afrikaanse Inkomstediens aan boere stel om hul dieselrabat-eise te regverdig. Bl. 15 ‘R160 miljard van grondskuld, waarvan R40 miljard by die Land Bank lê, word deur bankinstellings gehou. Ons kan nie enige risiko’s vir hierdie sektor skep nie.’ MNR. ENOCH GODONGWANA, voorsitter van die ANC se ekonomiese transformasiekomitee, oor die feit dat onteiening sonder vergoeding nie die banksektor moet…

Soek die 100 jaar-logo in dié uitgawe en SMS die volgende na 33677: Landbou, jou antwoord (die bladsynommer waarop die 100 jaar-logo verskyn), en jou naam, van en tuisdorp. Week 7: SMS jou antwoord van 17-23 Sept. 2018. BEPALINGS EN VOORWAARDES: Die kompetisie duur van 6 Augustus tot 7 Oktober 2018 om middernag. Wenners sal lukraak gekies word. Die trekking van wenners is finaal. Die wenners sal telefonies in kennis gestel word. Ons sal ’n wenner tot drie keer tydens werkure kontak. Indien ons die wenner nie binne drie probeerslae kan bereik nie, sal ’n nuwe wenner getrek word. Personeellede van Media24 en hul gesin mag nie deelneem nie. Media24 aanvaar geen verantwoordelikheid vir skade wat uit deelname aan die kompetisie spruit nie. Die prys is…

Hy glo die ANC het kennis geneem van boere se kwellinge en sal dit in ag neem op die pad vorentoe, het mnr. Dan Kriek, voorsitter van Agri SA, gesê ná ’n gespreksbyeenkoms in Centurion met senior leiers van die ANC. “Die gesprek met die ANC was van onmeetbare waarde en ons is optimisties oor die toekoms van volhoubare landbou in die land. Almal moet saamwerk om voedselsekerheid vir die land te verseker,” het hy gesê ná die gesprek op 7 September. FANUS GERBER skryf: Wat nou gaan gebeur, is dat Agri SA namens ál die boere ’n dokument gaan onderteken wat sê dat Agri SA gelukkig is met wat die ANC sê. Bona fide-boere gaan ongelukkig wees, en Agri SA gaan sê dat dit die normale gang van sake…

SWAAR reën en uiterste weerverskynsels oor dele van die Oos-Kaap in September is nie ongewoon nie, sê mnr. Johan van den Berg, klimatoloog van Santam Landbou. Hy sê die afgelope 36 jaar is reënval van meer as 100 mm in September al sewe keer in die streek aangeteken: 130 mm in 1982, 185 mm in 1993, 166 mm in 1999, 144 mm in 2000, 145 mm 2001, 156 mm in 2015 en 153 mm in 2016. Hy lig ook ander gevalle van uiterste weer in dié gebied uit: ■ Swaar hael en reën het dele van die Oos- en Suid-Kaap op 16 September 1964 getref, waarvan die ergste reën rondom Uitenhage geval het. By George is 132 mm in een dag gemeet. ■ Tydens ’n swaar reënstorm by Port Elizabeth…

DIE strafregtelike saak wat mnr. Piet Wolmarans van Swartruggens teen vier van sy bure aanhangig gemaak het, is deur die Mmabatho-streekhof vir arbitrasie verwys. Wolmarans, ’n vooraanstaande Simmentalerteler, het sedert sy bure in 2011 blouwildebeeste op hul plase gevestig het, meer as 100 stoetdiere verloor. Kort voor die strafregtelike saak voorgekom het, het hy met drie van sy bure geskik vir een van die grootste kontantbedrae nóg in ’n snotsiektesaak. Hoewel die bedrag nie bekend gemaak mag word nie, sê Wolmarans hy is tevrede. Sy bure moes ook sy regskoste betaal. Wolmarans het sy bure ook strafregtelik aangekla vir die oortreding van artikel 11(1)a van die Wet op Dieresiektes (Wet 35 van 1984). Ingevolge dié wet mag ’n mens nie goedsmoeds toelaat dat dieresiektes van jou grond na jou bure…

DIE ad hoc-groep vir die beskerming van eiendomsreg wil organisasies aan ’n “breë front” be-trek vir die beskerming en uitbou van eiendomsreg. “Die stryd om die beskerming van eiendomsreg gaan nie gewen word as Afrikaners, Afrikaanses of wit mense dit alleen stry nie,” het dr. Theo de Jager, voorsitter van die Wêreldboere-organisasie, op ’n beraad van dié groep by die TLU SA-kantoor in Pretoria gesê. Hy hoop dat minstens 60 van die 74 swart organisasies waarmee hulle gepraat het, met hulle sal saamwerk. De Jager sê swart boere kan vennote in die stryd wees en hulle hoop om ook steun uit die sakesektor te werf. Daar moet ook gepraat word met swart stedelinge “wat huil omdat hulle nie titelaktes kry nie”. “Die mense wat skree dat die artikel (artikel 25…

’N AFVAARDIGING uit Lesotho het onlangs ’n feitesending na Port Elizabeth onderneem. Dit is te midde van ’n krisis in dié land se veselbedryf nadat die Lesotho-regering ’n verbod op die uitvoer van wol en bokhaar geplaas het. Die afvaardiging, bestaande uit lede van die Lesotho-koningshuis, parlementslede, bedryfsbelanghebbers en joernaliste, het eerstehands ondersoek kom instel na hoe BKB se wol-waardeketting funksioneer om ’n soortgelyke stelsel vir Lesotho in te stel. In Mei vanjaar is in Lesotho se Staatskoerant regulasies afgekondig wat bepaal dat alle wol en bokhaar in Lesotho self verkoop moet word. Die produkte kan slegs met die regte permit van Lesotho se ministerie van kleinsake, koöperasies en be-marking uitgevoer word. Ingevolge die regulasies sal boere alle vesel regstreeks aan die plaaslike koper moet verkoop, wat die middelman, soos…

AGRI-EXPO het ná meer as twee dekades sy finansiële betrokkenheid by Veritas, Suid-Afrika se voorste wynkompetisie, beëindig. Volgens mnr. Johan Ehlers, hoof- besturende beampte van Agri-Expo, het hulle reeds drie jaar gelede die SA Nasionale Wynskouvereniging in kennis gestel van hul besluit dat verlede jaar die laaste jaar sou wees wat hulle finansieel daarby betrokke is. “As landbougenootskap en organisasie sonder winsbejag moes ons die finansiële belegging heroorweeg. Dit is veral omdat daar ander geleenthede en platforms is wat ons graag wil ondersoek en by betrokke wil raak. “Ons het nie vir Veritas in die koue water gelos nie, maar ons borgskap oor drie jaar uitgefaseer sodat hulle betyds ander planne kon beraam.” Ehlers sê Agri-Expo se verbintenis met die wynbedryf is steeds vir hom belangrik en hy sal voortaan…

Statistieke Suid-Afrika meld dat Suid-Afrika se reële bruto binnelandse produk (BBP) in die eerste kwartaal vanjaar met 2,6% gedaal het. In die tweede kwartaal het die reële BBP met nog 0,7% gedaal. As ’n land se reële BBP in twee opeenvolgende kwartale daal, word aanvaar dat die land in ’n resessie is. ’n Resessie het wye gevolge vir ’n land soos Suid-Afrika, wat reeds deur beleidsonsekerheid oor grond en eiendomsreg geteister word. Swakker ekonomiese groei, wat saamloop met hoër regeringsuitgawes en ’n toename in skuld, kan tot kredietafgraderings lei. Die gevolg is ’n verdere verswakking van die rand. Invoerkoste styg. Aangesien Suid-Afrika se invoer uitvoer oorskry, het dit ’n nadelige uitwerking op die lopende rekening. Kapitaal vloei uit die land, want beleggers disinvesteer. Die Reserwebank moet rentekoerse verhoog om nie…

Die blitsige genotipering van beeste langs die drukgang met ’n genoomvolgordebepaler wat in die palm van jou hand pas, klink soos ’n futuristiese fantasie, maar dis nader as wat mense dink. Só sê prof. Ben Hayes van die Universiteit van Queensland in Australië. In praktyk beteken dit dat jy net daar ’n goeie aanduiding kan kry van ’n dier se genetiese potensiaal en dadelik en betroubaar kan bepaal of jy ’n koei wil hou as teeldier of wil laat slag. Hayes het tydens ’n konferensie van die Australiese telersvereniging vir geregistreerde beeste in Brisbane ook gesê genetiese teelwaardes vir nuwe eienskappe, soos hitteverdraagsaamheid, by vleisbeeste is beslis moontlik. Hy het Australië se suiwelbedryf as voorbeeld voorgehou, waar wetenskaplikes datastelle gebruik het om te bepaal of koeie hitteverdraagsaam is of nie.…

Die integrering van skape by diverse wisselbou is ’n doeltreffende manier om onkruid in bewaringsboerderystelsels te bestuur. Dít was een van die onlangse bevindings in ’n langtermynproef by die Langgewens-navorsingsplaas van die Wes-Kaapse departement van landbou. Die proef het die onkruidsaadbank in agt verskillende wisselboustelsels oor twaalf jaar vergelyk (sien die KASSIE ). Vier van die stelsels het peulgewasse ingesluit wat deur skape as voergewasse bewei word, en vier stelsels het net uit kontant- en/of dekgewasse bestaan. In die stelsels met skape was daar minder onkruidsade in die grond aanwesig. Daar is ook aansienlik minder onkruiddoders en kunsmis gebruik as in die stelsels met slegs gewasse. Dit dui daarop dat die integrering van skape by gewasstelsels uitgawes kan verminder en tot omgewingsbeskerming bydra. Die navorsing toon ook dat gewasverskeidenheid in…

Verskerpte weidingbestuur is ’n slim manier waarop ’n veeboer sy winsgrens kan vergroot, en toonaangewende Amerikaanse veeboere selekteer deesdae vir doeltreffende terreinbenutting. Die vyftigste jaarkongres van die Federasie vir Vleisbeesverbetering (BIF) is vanjaar by die Colorado-staatsuniversiteit in Lovedale, Colorado, deur meer as 500 afgevaardigdes bygewoon. Die kongres het op posisionering vir die toekoms van beesvleisproduksie gekonsentreer. Hierdie artikel neem een van die ontluikende tegnologieë – die ontwikkeling van fenotipes volgens weidingsbenutting – en ’n werksessie oor besluitneming tydens seleksie en paring onder oë. Mnr. Derek Bailey van die staatsuniversiteit New Mexiko het gesê daar is aansienlike variasie tussen beeste se weipatrone. Dit is nie, soos aanvanklik aanvaar is, verwant aan produksie-eienskappe nie, byvoorbeeld dat diere wat in laaggeleë gebiede wei dalk swaarder speenkalwers lewer danksy die beter gehalte van die…

Sugargraze is K2 Saad se koning van staande hooi, Nutrifeed die prins van somerweidings en Sentop die staatmaker vir vinnige weiding. Met Sugargraze, ’n kruising tussen ’n soet sorghum en ’n soet sorghumbaster, kan die boer genoeg ruvoer van gehalte in die vorm van staande hooi in die natuurlike reënvalmaande vir die droë wintermaande produseer. Dit is goed teen droogte bestand. Met droogtestremming bereik Sugargraze ’n groeistilstand. Wanneer dit weer reën, vorm die Sugargraze spruite, begin weer groei en herstel vinnig. Die buigbaarheid van benutting bied keuses aan die boer, want Sugargraze hoef nie in die groeityd benut te word nie. Die boer kan dit suksesvol laat oorstaan tot wanneer dit nodig is. In normale toestande, wanneer Sugargraze kan uitgroei, word ’n redelike hoeveelheid graan geproduseer. Diere kan aanpas by…

Ida en Martyn Gryseels van Lavender SA het ’n geleentheid raakgesien om met geurige laventel te boer. Die onderneming het op die plaas Wild Lavender in die Bronberg-bewaringsgebied begin en in 2012 het hulle ook laventellande op die plaas Le Domaine de la Vare aangelê. Ida vertel meer. Hoe het Lavender SA ontstaan? Ons het ’n paar Franse laventelplante om die huis geplant. Een verjaardag het Martyn ’n bossie van die stingels vir my bymekaargesit as geskenk. Ek was gaande daaroor en die gedagte het by Martyn ontstaan dat talle vroue van so ’n bossie blomme sal hou. Hy het plante landerye uit te brei. Die besigheid het begin kweek om die elke jaar gegroei. Watter kultivars verbou julle? Ons kweek vyf soorte, naamlik Franse laventel, Margaret Roberts-laventel, Hollandse laventel,…

Ná bykans 60 jaar sedert ek daardie eerste keer ’n groot geweer gesien en gehoor het, het my liefde vir skietgoed nog niks minder geword nie. Ek beskou myself glad nie as so ’n danige kenner nie, maar ek het met die jare ’n hoeveelheid kennis versamel waarvan ek julle graag wil vertel. Ek sal graag in hierdie rubriek lesers se vrae beantwoord as ’n vraag van algemene belang is en vir almal interessant kan wees. Dit beteken nie dat ek nie jou vraag ook individueel sal beantwoord nie. Stuur die vrae aan Lucille Botha by lbotha@landbou.com. Sy sal dit aan my besorg.…

DIE ellendige stand van Suid-Afrika se grondhervormingsproses blyk duidelik uit die geskiedenis. Grondoordrag het geval van ’n hoogtepunt van 500 000 ha in 2007-’08 onder pres. Thabo Mbeki tot net 150 000 ha in 2015-’16 en feitlik niks in 2016-’17. In 2008-’09 was die begroting vir grondhervorming 0,45% van die nasionale begroting, en in 2015-’16 net 0,2%. Die Regering ag selfs die persoonlike veiligheid van sy leiers belangriker as grondhervorming, want meer is vir eersgenoemde begroot op mediumtermyn – 8% meer in die huidige boekjaar, 8,35% meer in die komende boekjaar en 9,91% in 2020-’21. Voorverlede week het die Regering R500 miljoen ‘‘gevind’’ om die brandstofprys in September te verlaag. Dit is 18% van grondhervormingsbegroting vir die 2018. Dan is daar Eskom se loonskikking met vakbonde van meer as 7%,…

Vir ons by Landbouweekblad kon die tydsberekening kwalik slegter gewees het! Net toe ons voorverlede Donderdag die tydskrif drukkers toe stuur, kompleet met ’n breedvoerige storie oor die droogte se wurggreep op dele van die Oos-Kaap, begin ons die eerste gerugte van groot reën ontvang. Teen die Sondag het tot 355 mm reën net in die Langkloof geval — aansienlik meer as laas jaar se totaal van 230 mm en bemoedigend na aan die jaarlikse gemiddelde van sowat 450 mm. Nadat goeie reën laas in 2015 uitgesak het, styg die Kougadam van ’n skamele 6% tot ’n bemoedigende 30,9%. En skielik haal almal ’n bietjie makliker asem. Toe ons Bokkie Kritzinger, voorsitter van die Langkloof-landbougenootskap, later die week bel, is dit lekker vir die joernalis om met hom te praat.…

Die broers MNRE. JAN (LINKS) EN GERHARD POTGIETER bedryf ’n gemengde boerdery met rooi vleisbeeste, Letelleskape, Dormers, ’n voerkraal en graan by Volksrust in Mpumalanga. Hulle het hul eie rooi tipe vleisbees ontwikkel waarby Tulibulle met groot vrug gebruik word om swaar speenkalwers op te lewer. Lees die artikel op bl. 40. VERTEL ONS VAN JOU GESIN. Jan: Ek en my vrou, Annelie, het ’n seun, Stefan (25) en ’n dogter, Jeanelda (22). Gerhard: Ek en Myra het twee kinders — Amelia (4) en Johanco (2). WAAR HET JY GESTUDEER? Jan: Ek het direk ná my weermagopleiding begin boer. Gerhard: Ek het ’n ambag as motormasjinis by Lindeque’s Ingenieurswerke op Standerton voltooi, maar is nou ’n onafhanklike makelaar by ’n firma op Standerton. HET JULLE ’N STOKPERDJIE? Jag, hengel by…

SOVEEL boere het probleme met hul eise-betalings, soos dieselrabatte, dat die Kantoor van die Belastingombud oorweeg om te vra dat dit as ’n sistemiese probleem verklaar moet word wat volledig ondersoek moet word. Dit sal dan ’n soortgelyke ondersoek wees as die een wat regter Bernard Ngoepe, die Belastingombud, onlangs oor persoonlike belastingbetalers se laat terugbetalings gedoen het. Adv. Eric Mkhawane, uitvoerende hoof van die Belastingombud se kantoor, het boere genooi om met hul klagtes na die ombud te kom. “Dit kan ons hand sterk om ’n volledige ondersoek aan te vra,” sê hy. Me. Erika de Villiers, hoof van belastingbeleid by die SA Instituut vir Belastingkundiges (SAIT), sê daar is onlangs op ’n belastingindaba van die instituut juis na terugbetalings van dieselrabatte as ’n probleem verwys. ’n Proses is…

DIE Suid-Afrikaanse rooivleisbedryf sal na verwagting in die volgende dekade met sowat 24% uitbrei, volgens beramings wat die Buro vir Voedsel- en Landboubeleid (BFAP) op die Rooivleisprodusente-organisasie (RPO) se kongres in Centurion voorgelê het. Prof. Ferdi Meyer, hoofbestuurder van die BFAP, het gesê die beesvleisbedryf lewer tans sowat 700 000 ton vleis per jaar, maar dit behoort tot 900 000 ton in die volgende tien jaar te groei. “Die uitvoer van rooivleis sal ook na verwagting skerp toeneem, veral na Jordanië, Koeweit, Viëtnam en die Verenigde Arabiese Emirate. “Suid-Afrika moet egter sy siektebekamping regkry, anders kan die land hierdie markte, met ’n waarde van $140 miljoen (sowat R2,1 miljard), verloor. “Dit is dus uiters belangrik dat die land ’n doeltreffende, holistiese veeartsenykundige stelsel vestig om sy uitvoer te beskerm,” her…

Dr. Michael Bradfield, direkteur van Breedplan, sê aspekte soos embrio’s, selverdeling en die geslagsbepaling van semen word bespreek. Dr. Cliff Lamb is ’n Amerikaanse kenner van metodes om die doeltreffendheid van produksie in beesboerderye te verhoog. Hy is tans hoof van die departement dierkunde aan die Texas A&M-universiteit en was voorheen aan die Universiteit van Florida verbonde. Sy navorsingsterrein is toegepaste reproduktiewe fisiologie. Hy het strategieë vir die verbetering van reproduksiebestuur in baie lande ingestel, waaronder Suid-Afrika, Australië, Argentinië, Brasilië, Ethiopië, Hongarye, Kenia, Malawi, Mexiko, Rusland en Uruguay. Prof. Michael McGowan is ’n hoogleraar in veemedisyne aan die skool vir veeartsenykunde aan die Universiteit van Queensland in Australië, ereprofessor in plaasdiermiddels en -snykunde aan die Royal-veeartsenykollege van die Universiteit van Londen in Brittanje en ’n diplomaat van die Europese kollege…

DIE varsproduktebemarkingsvereniging (PMA) werk hard om deur sy kantoor in China markte vir Suid-Afrikaanse produkte oop te stel. Dit was die boodskap op ’n toer van plase in Limpopo wat me. Lindie Stroebel, algemene bestuurder van PMA Suider-Afrika, saam met vooraanstaande internasionale handelsverteenwoordigers onderneem het. “Lemoene oorheers die waarde van produkte wat na China verskeep word. Pomelo’s is op een na die grootste produk. “Die Chinese hou baie van Suid-Afrikaanse lemoene en sowat 10% van hul ingevoerde lemoene kom uit Suid-Afrika; 11% van hul ingevoerde pomelo’s kom uit Suid-Afrika,” het sy gesê. “Hoewel die uitvoer van druiwe na China en die mark daarvoor moeiliker is, is dit steeds ’n produk met groot groeipotensiaal. Suid-Afrika het ’n skrale 1,3%-aandeel in China se totale druiwe-invoer. Ons het onlangs eers toegang tot die…

KORTOM ■ Die landbou se bydrae tot ekonomiese groei in die tweede kwartaal van vanjaar het met 29,2% gedaal. ■ Weens swakker ekonomiese groei gaan mense minder geld hê om aan kos te bestee, wat die landbou regstreeks sal raak. ■ Krediet in die ekonomie en in die landbou gaan moeilik bekombaar wees. Die Suid-Afrikaanse ekonomie is verbruikersgedrewe, met besteding wat tot meer as 60% van die ekonomiese aktiwiteit bydra. Die salarisstyging van die meeste verbruikers wat buite die staatsdiens en sy organisasies staan, het egter nie tred gehou met kostestygings nie. Die hoër belastings (brandstof, tolgeld, BTW, elektrisiteitstariewe en eiendomsbelasting, om net ’n paar te noem) het verbruikers se beursies platter gemaak. Dit gebeur namate geld uit die verbruiker se hande na die staat vloei, wat dit uiters ondoeltreffend…

Verbruikers het meestal wanopvattings oor hoe gesond produkte is wat in die plek van bees- en bokmelk gedrink word. Dr. Tuschka Reynders, onafhanklike dieetkundige van Pretoria, sê beesmelk op winkelrakke kry ál meer mededinging van veral plantgebaseerde alternatiewe. Sy het ’n voorlegging hieroor by die Suid-Afrikaanse Vereniging vir Suiweltegnologie (SAVST) gelewer. Die voorlegging, wat saam met me. Maretha Vermaak, dieetkundige van Melk SA se verbruikersopvoedingsprojek, opgestel is, is ook in ’n meestersklas vir dieetkundiges in Sandton aangebied. Mense wat laktose-intolerant is, hetsy dit deur ’n dokter gediagnoseer of net ’n aanname is, besef volgens Reynders nie dat hulle steeds ’n sekere hoeveelheid laktose vanaf suiwelprodukte kan inneem nie. ’n Neiging wat veral deur glanspersoonlikhede bevorder word, is om “skoon” te eet of om te kies om hele voedselgroepe, soos stysel…

LIGGING: Volksrust, Mpumalanga NAAM: Rustfontein en Rusthoek EIENAARSK AP: Maatskappy VERTAKKINGS: Vleisbeeste, dubbeldoel- en wolskape, voerkraal en graan (mielies en sojabone) GRONDTIPE: Sand tot swaar turf VELDTIPE: Suurveld op die vlaktes en effens soeter veld in die rante en berge GEMIDDELDE REËNVAL: 650-750 mm per jaar KORTOM ■ Die boerdery het ’n rooi vleisbees ontwikkel wat goed aangepas is en danksy kruisteling met die Tuli swaar speenkalwers lewer. ■ ’n Intensiewe lamstelsel met Dormers en ’n ekstensiewe boerdery met Letelle versprei die boerdery se risiko’s. ■ Die speenkalwers en speenlammers word met die boerdery se mielies afgerond om waarde tot vleis en graan toe te voeg.…

■ Beweiding deur skape kan help om onkruid in bewaringsboerderystelsels te bekamp. ■ Navorsing op die Langgewens-navorsingsplaas toon dat wisselboustelsels met ’n kombinasie van beweiding, onkruiddoders en ’n groot gewasverskeidenheid die minste onkruid gehad het. ■ Vir boere wat nie vee in hul stelsels wil integreer nie, toon die navorsing dat gewasverskeidenheid steeds onkruid beter onderdruk deur die verandering van die mededingende druk wat onkruide elke jaar ondervind.…

Die landskap in die Transkei maak nie maklik sin as jy aan die stads- of selfs plaasbeplanning van die Wes-Kaap, Vrystaat of Noordwes gewoond is nie. Huise staan te ver uit mekaar om ’n dorp te wees en te na aan mekaar om plase te wees, versprei op Transkeise heuwels, met klein plotte sukkelende mielies en ’n mengelmoes van skape, bokke en beeste in die stukke oop, kommunale veld tussenin. En dit is in dié ongewone landskap waar die bemagtigingsmaatskappy Wiphold reeds sedert 2012 kommersieel mielies en soja aanplant oor ’n gebied van 2 600 ha, wat verdeel lê tussen 37 gemeenskappe en oor twee munisipaliteite. Die afstand tussen die verste dele is 100 km, en die kronkelende grondpaaie tussen die heuwels is in baie gevalle onbegaanbaar vir ’n gewone…

PERDESORG OPGESAAL VIR HARDE PLAASWERK Die Horse Shoe Company van Bloemfontein het ’n spesiale aanbod op sy plaaslik vervaardigde boeresaals van egte leer wat vir harde plaaswerk geskik is. Die saal is van metaalstiebeuels voorsien, kantflappe en ’n geweefde buikgord. Mnr. Gerhard du Plessis, die eienaar, sê ’n geskikte saalkleed, die regstreekse kontak tussen die saal en die perd se rug, is noodsaaklik. Die materiaal van die saalkleed moet sonder knoppies of harde plekke wees wat die perd se rug kan skawe. Hy het ook ’n verskeidenheid saalkleedjies in sy winkel beskikbaar. PRYS: R2 200. NAVRAE: Mnr. Gerhard du Plessis, sel 082 391 1447; me. Lyndall Serfontein, tel. 051 448 9656; e-pos: sales@horseshoeco.co.za DIEREGESONDHEID ENTSTOF VIR WYE BESKERMING Agrivet in Bloemfontein be-mark nou Ovi-Clos P, ’n entstof wat breëspektrum-beskerming teen…

WATTER TEGNOLOGIE IS ONONTBEERLIK OP JUL PLASE? Presisietoerusting, soos selfstuur, opbrengskartering en al die toerusting om veranderlike toediening moontlik te maak. WAT IS DIE BESTE RAAD WAT JY NÓG ONTVANG EN TOEGEPAS HET? Ek het iewers gelees as jy nie genoeg tyd het om iets reg te doen nie, gaan jy nooit die tyd hê om dit oor te doen nie. Daarom bestee ek baie tyd om iets te beplan voor ek dit doen. WAT IS DIE GROOT BOERDERYFOUT WAT JY NOG GEMAAK HET? In boerdery is jy uitgelewer aan baie veranderlikes buite jou beheer. Dus gaan jy besluite neem wat op daardie tydstip met die inligting beskikbaar, na die regte besluit lyk, net om later te besef dit was nie. Leer uit jou foute en gaan voort met jou…

Le Braai deur Kobus Botha. Uitgewer: Penguin Random House. Prys: R250 Kobus Botha is ’n Suid-Afrikaner in murg en been; een wat sommer baie hou van braai. Tydens sy kinderjare in die Klein-Karoo is daar ’n paar keer per week op die plaas gebraai. En wanneer hulle see toe gegaan het, kon min dinge kers vashou by ’n vars vissie oor die kole. Toe sy beroep as rolprentvervaardiger hom in Frankryk laat wortel skiet het, het hy nie die vreugde van die vuur vergeet nie. Deesdae leer hy die Franse – ’n nasie wat bekend is vir hul kos – hoe om ’n rooster te swaai en almal is dol daaroor. As hy sy vure oor Frankryk heen aansteek om braaiklasse aan te bied, wys hy die Franse…

Met die sitrusseisoen wat nou einde se kant toe staan, het Suid-Afrika se pomelo-uitvoer nóg ’n jaar van groei beleef. Luidens die jongste verpakkingsverslag van die Suider-Afrikaanse Sitruskwekersvereiging (SASKV) word verwag dat nagenoeg 18,6 miljoen kartonhouers pomelo’s van 15 kg gepluk gaan word teenoor 15,7 miljoen kartonhouers in 2017. Volgens die SASKV se pomelowerkgroep onder leiding van mnr. Jan-Louis Pretorius het vanjaar se pomeloseisoen ongeveer drie weke later as gewoonlik begin. Altesame 40% van vanjaar se uitvoersitrus is na Europa gestuur, 24% na Suidoos-Asië en 18% na Asië. Die uitvoer na Suidoos-Asië het met 10 persentasiepunte aansienlik toegeneem sedert 2017. Ander groot markte sluit in die Russiese Federasie, Noord-Amerika en Brittanje. Suid-Afrika se hoofproduksiestreek wat pomelo’s betref, is hoofsaaklik Limpopo met ’n verwagte 5,4 miljoen kartonhouers van 17 kg van…

GAUTENG PRETORIA BOVENEIND GROENFONTEIN (126), 23 ha, aan L.M. en P.C. Stricker, van V. Wepener, R1 550 000. GROOTVLEI (272), 32 ha, aan A.L. Nemato, van G.S. en M.J.S. Maré, R1 880 000. HAAKDOORNBOOM (267), 43 ha, aan Safdev SSDC (Edms.) Bpk., van R.E. Solomon, R13 000 000. HARTBEESTFONTEIN (240), 21 ha, aan LJ Personnel Management Services, van Ziphi Nkomo One Labour Hire (Edms.) Bpk., R4 250 000. KNOPPIESFONTEIN (549), 133 ha, aan C & S Kantore, van Golden Dividend 35 (Edms.) Bpk., R3 100 000. RENSBURG (623), 25 ha, aan Gyro Prop (Edms.) Bpk., van Telkom SA, R25 800 000. RONDAVEL ALIAS SCHOONGEZICHT (109), 21 ha, aan Linloo BK, van I.C.T. Maboe, R775 000. WELGEDACHT (130), 21 ha, aan B. en S.J. Williams, van G. Louwrens, R2 100 000.…

Die Oos-Kaapse droogte, beleidsonsekerheid oor grondonteiening en ’n vol veilingkalender blyk weinig impak op die gewildheid en prys van die Beefmaster te hê. Mnr. Andries van Niekerk van Heritage Beefmasters sê dié stoetery het gemiddeld R42 000 per bul verdien op sy onlangse veiling op Grahamstad. Koeie en verse het R15 000 tot R20 000 behaal. Altesame 25 bulle en net minder as 90 vroulike diere is verkoop. “Die vraag na Beefmasters is baie sterk,” sê Van Niekerk. “Ons laaste ses tot sewe veilings het almal uitverkoop en verkopers het landwyd goeie pryse verdien. Op ’n onlangse multirasveiling in KwaZulu-Natal was die Beefmaster die enigste ras waarvan al die lotte verkoop is.” Hy skryf die ras se gewildheid aan sy goeie koei-tot-kalfgewigsverhouding en groot genepoel toe. “Omdat ons ras so…