Indholdsfortegnelse for 14-Dec-18 i Landbouweekblad

’N SWARE LAS Ondanks die welkome R1,45/liter daling in die prys van diesel met ’n swaelinhoud van 0,05% op 5 Desember, is dié brandstof op ’n jaargrondslag steeds R1,72/liter, oftewel 13%, duurder as verlede Desember – R14,67 teenoor R12,95 (binnelandse prys), volgens mnr. Dawie Maree, hoof van landbou-inligting en -bemarking by FNB. Petrol is R1,84/liter goedkoper, en diesel met ’n swaelinhoud van 0,005% is R1,47/liter goedkoper. ’n Liter diesel het in Maart R12,09 gekos en verlede maand R16,12 – ’n styging van R4,03/ liter. Sedert Maart tot verlede maand het die petrolprys van R13,76/liter tot R17,08/liter gestyg. Verlede week se prysdaling is dus amper die helfte van die stygings sedert Maart. Lees meer by bit.ly/2QDw4fA. KLASAKSIE ’n Klasaksie teen Tiger Brands is verlede week in die hooggeregshof in Johannesburg bekragtig.…

Soos ek hier skryf, het die wydverspreide reën nog nie gekom nie. Op ál meer plekke, veral in die weste, raak die probleem nou ’n krisis. Jare se moeilikheid kom op een slag. Maar steeds bly die reën weg. Elke dag begin warm en onverbiddelik. Maar ’n mens bly hoop, meestal op jou knieë. Iets moet gedoen word. Dit is vanselfsprekend. Jy kan tog nie sit en hulpeloos toekyk hoe so ’n tragedie voor jou afspeel nie. Maar waar begin jy? By die staat? Is hy ooit bewus van die omvang van die probleem? Seker nie. En al was hy, wat sou dit help? Ons is innig dankbaar teenoor almal wat op eie inisiatief voer karwei, weiding skenk of bale stuur. Ongelukkig is dit nie altyd so maklik om ons…

Het jy iets op die hart? Skryf gerus aan ons. Die wenbrief ontvang elke week R150 met die komplimente van BKB, asook ’n versamelaarswyn van Beyerskloof. Beyerskloof se Pinotage is ’n ikoniese Suid-Afrikaanse wyn. Die bonuswenbriefprys, ’n Magnumbottel van Beyerskloof se 2016-oes, is deur die eienaar en wynpionier mnr. Beyers Truter geteken. Die droë oesjaar van dié gewilde, klassieke Pinotage het gelei tot ’n goed gestruktureerde, gebalanseerde wyn. Sê jou sê in hoogstens 300 woorde. Stuur dit aan: Die Redakteur, Brieweblad, Landbouweekblad, Posbus 1802, Kaapstad 8000. Of faks dit na 021 406 2940 of gebruik e-pos: lbw@landbou.com. Verskaf jou naam en adres, al wil jy ’n skuilnaam gebruik. Vandeesweek se wenbrief is deur WILLEM geskryf.…

AL het die landbou ’n groot rol gespeel om Suid-Afrika in die derde kwartaal uit ’n resessie te help, is landbousakelui se vertroue op die laagste vlak die afgelope nege jaar. Volgens StatsSA se syfers het die landboubedryf in die jongste kwartaal met 6,5% gegroei. Mnr. Wandile Sihlobo, hoof van navorsing by Agbiz, sê hoewel beter groei verwag is, is die mate waartoe die landbou-ekonomie herstel het steeds ’n verrassing. Die herstel is grootliks te danke aan ’n toename in produksie van tuinbou- en diereprodukte. Binne die tuinboubedryf het die sitrusbedryf die beste gevaar, met rekorduitvoer van 2 miljoen ton tot dusver vanjaar. Volgens hom weerspieël die verhoogde produksie van diereprodukte die herstel wat in die veebedryf ervaar word ná die droogte van 2015 en 2016. Die landbousakekamer Agbiz en…

Die Suid-Afrikaanse Polisiediens se eenheid vir veediefstal en bedreigde wildspesies het die volgende polisiekantore reg oor die land uitgewys waar veediefstal ’n uitsonderlik groot probleem geword het. ■ Noordwes – Ventersdorp, Mogwase ■ Mpumalanga – Amersfoort, Dirkiesdorp ■ Gauteng – Bronkhorstspruit, Fochville ■ Limpopo – Lebowakgomo, Matlala/Dennilton ■ Vrystaat – Harrismith, Selosesha ■ KZN – Estcourt, Dannhauser, Bergville, Amangwe, Ntabamhlophe, Utrecht ■ Oos-Kaap – Sulenkama, Bityi, Mthata, Mount Frere, Qumbu ■ Wes-Kaap – Caledon, Beaufort-Wes ■ Noord-Kaap – Hanover, Groblershoop.…

DIE genoteerde boerderymaatskappy Crookes Brothers se aandeelprys het verlede week met 6,7% tot R42 geval nadat hy besluit het om nie ’n tussentydse dividend vir die eerste helfte van sy 2019-boekjaar te betaal nie. Die groep sê hy herstel nog van die vorige boekjaar se verliese weens lae suikerpryse en die droogte in die Wes-Kaap. Die maatskappy, wat suiker, sagtevrugte, piesangs en makadamias produseer, wys in ’n verklaring daarop dat die tussentydse resultate nie ’n aanduiding van die volle jaar se prestasie is nie. Dit is vanweë seisoenale faktore, veral in die sagtevrugte- en makadamiabedryf waar uitgawes in sekere tye van die jaar meer as die inkomste is. “In die tussentydse tydperk is kontant wat deur bedrywighede verdien is, ’n betroubaarder maatstaf van prestasie, want dit sluit die wisselvalligheid van…

1 KENIA| Kommer oor China se makadamias Te midde van ’n oplewing in makadamiaaanplantings in Kenia om munt te slaan uit goeie plaashekpryse en ’n winsgewende uitvoermark na China, was die bedryf verontrus toe daar op vanjaar se makadamiasimposium in China verneem is die Chinese regering het begin met ’n aanplantingsprojek van 10 miljoen bome, ten einde die wêreld se grootste produsent te word. Belanghebbers in die Keniaanse bedryf wil nou produksie verhoog en na ander markte soek. Om dié doel te bereik, het die Keniaanse neutprodusentevereniging met ’n bewusmakingsveldtog begin om produksie te verbeter. — Daily Nation 2 NIGERIË | Dangote-groep belê steeds groot in landbou Mnr. Aliko Dangote van Nigerië, voorsitter van die Dangote-groep en een van Afrika se rykste sakelui, sê hy steun die Nigeriese regering se…

Suid-Afrika se hersiene bruto binnelandse produksyfers (BBP) vir die eerste twee kwartale van vanjaar dui aan Suid-Afrika het in die tweede kwartaal op ’n kwartaallikse grondslag ’n groeikoers van -0,4% behaal, en nie -0,7% nie. Die seisoenaal aangepaste en geannualiseerde BBP-syfers vir die landbou het egter nóg swakker vertoon. Die kwartaallikse groei in die landbousektor was -31,9%, en nie -29,2 soos voorheen aangetoon nie. Die syfers vir die landbou is egter seisoenaal aangepas en geannualiseer. Die landbou se werklike bydrae vanjaar sal eers later in volgende jaar met die publisering van die bruto binnelandse produksyfer vir die vierde kwartaal van 2018 bekend wees. Die landboubedrywe wat normaalweg ’n groot bydrae tot die bruto binnelandse produk lewer, het vanjaar gebuk gegaan onder ’n sameloop van faktore wat produksie beperk het. Dit…

In ’n onlangse verslag aan die Parlement sê die komitee wat moes vasstel of die jag van leeus wat in aanhouding geteel word Suid-Afrika se bewaringsbeeld skade doen, dat dié soort jag en die uitvoer van leeubene na China die land se toeristebedryf miljoene kan kos. Ná afloop van die sitting van die parlementêre komitee in Augustus, waar bewarings- en jagorganisasies saam met leeutelers voorleggings gemaak het, het die portefeuljekomitee vir omgewingsake vroeg in November ’n sterk bewoorde verslag uitgereik waarin hy aanbeveel dat die teel van leeus in aanhouding stopgesit word. Volgens die portefeuljekomitee se statistieke is daar sowat 3 000 “wilde” leeus in Suid-Afrika. Die meeste van hulle is in nasionale parke waar jag nie toegelaat word nie. Daar is sowat 8 000 leeus in aanhouding in teelprogramme,…

Herlewingslandbou is op almal se lippe en word voorgehou as die oplossing vir bykans elke denkbare probleem. Sekere boere sit die spin op die winsbal, lewer produkte regstreeks aan die verbruiker en vestig ’n bemarkingsplan waardeur hulle self pryse vasstel. Ander rig hul benadering op waterbesparing en behaal tot 75% waterbesparings danksy die voordele van herlewingslandboubeginsels. Nog ’n skool wil afstand doen van kunsmatige insette om met ’n lae-insetkosteboerdery ’n gemiddelde opbrengs met hoër winste te vestig.* Dr. Dwayne Beck, ’n ervare agronoom, bestuurder van die Dakota Lakes-navorsingsplaas in Pierre, Suid-Dakota, en navorsingsleier aan die Suid-Dakota-staatsuniversiteit, moedig boere aan om by boere en navorsers soos Gabe Brown, Scott Gonnerman en dr. Jonathan Lundgren te gaan aanklop vir raad. “Onthou egter dat net omdat ’n sekere produksiepraktyk op jou buurman se…

Vinnige bessie-ensjokoladekoekstruif Dié dekadente sjokoladelekkerte slaan jy sommer vinnig aanmekaar. Dis ideaal vir diegene wat nie van tradisionele koekstruif hou nie. Jy kan die koekstruif ’n dag voor die Kersete maak. ■ 100 g donkersjokolade, gekap ■ 125 ml room ■ 1 sjokoladesponskoek van 20 cm ■ 250 g mascarpone ■ 250 ml room ■ 10 ml vanieljegeursel ■ 30 ml versiersuiker, gesif ■ 500 g aarbeie, die helfte daarvan gesnipper en die res gehalveer Smelt die sjokolade en die 125 ml room oor lae hitte tot glad. Laat afkoel tot kamertemperatuur en verkoel tot yskoud. Klits die mengsel tot lig en donsig. Halveer die sjokoladekoek sodat jy twee dunner koeklae het. Verdeel die sjokolademengsel tussen die twee koeke en smeer op elkeen. Sny die koeke in blokkies en hou…

Die somervakansie is om die draai, wanneer baie van ons by die see gaan uitspan. Talle mense is bekommerd oor die invloed wat plastiek en ander mariene besoedeling op ons oseane en kuslyn het, en neem gereeld aan georganiseerde skoonmaakaksies deel. Ja, jou hande kan ’n bietjie vuil word, maar die bevrediging om ’n bydrae tot die bewaring van die skepping te lewer, vergoed daarvoor. Dis ook ’n ideale geleentheid om kinders meer oor omgewingsbewaring te leer. Op ’n individuele vlak kan jy aan ’n internasionale veldtog deelneem wat mense aanmoedig om net vyf stukke plastiek op te tel elke keer wanneer hulle die strand besoek. Dit het ’n beduidende impak by strande waar dit toegepas word. Elkeen van ons kan dit doen – die boodskap versprei vinnig. GEBRUIK WEER…

OKTOBER is nie net die mooiste maand nie, maar ook die tyd wanneer boere noukeurig na in- en uitwendige parasiete moet oplet, want tradisioneel het dit dan al begin warm word en reën het in die somerreëngebied begin uitsak. Veeartse begin van oral af aanmeld dat parasiete by vee voorkom. Dr. Faffa Malan, bestuurder van die Herkouerveterinêre Vereniging van Suid-Afrika (RuVASA), sê in sy Oktoberverslag oor siektes wat deur veeartse in Suid-Afrika aangemeld is, dit is belangrik om lammers, dragtige ooie en kalwers vir tekens van besmetting met inwendige parasiete na te gaan. Die tekens is ’n pienkerige oogslymvlies, kwakkeel, maagwerking en gewigverlies. Vra ’n veearts om met die neem van mismonsters te help om die eiertelling te bepaal en ’n parasietmiddel aan te beveel waarteen die parasiete nie weerstand…

Met Suid-Afrika se onlangse marktoegang tot Indië en uitvoeraansoeke na China en Amerika wat in ’n gevorderde stadium is, kan dit lyk asof dié lande voor die hand liggende bestemmings vir uitvoermango’s is. Mnr. Pieter Buys, voorsitter van die Suid-Afrikaanse Mangokwekersvereniging (SAMKV), sê egter boere moet mooi besin voor hulle die uitvoermark betree. Amerika verskaf skaars 2 000 ton van sy eie mango’s, en is die wêreld se grootste invoerder met omtrent 480 000 ton per jaar. Mexiko is Amerika se grootste verskaffer en voorsien omtrent 66% van die land se mango’s. In 2017 het China 260 000 ton mango’s ingevoer. Buys sê geel en groen mangoes vaar goed in China. As Suid-Afrikaanse boere daarheen wil uitvoer, sal hulle mooi moet dink oor die kultivars wat hulle aanplant. “Indië lewer…

GAUTENG CARLETONVILLE FAROASFONTEIN (372), 65 ha, aan Midvaal- plaaslike munisipaliteit, van Realty Corp of SA, R2 725 819. GOLDEN VALLEY (621), 22 ha, aan Lenistep (Edms.) Bpk., van C.M. Haage, R750 000. ILLMASDALE (70), 600 ha, aan Almoro-landgoed, van Cinlo Thirty Eight, R6 500 000. WILDEBEESTLAAGTE (72), 766 ha, aan Doornplaat-trust, van Almoro-landgoed, R6 124 318. NIGEL WELVERDIEND (379), 22 ha, aan Bemazi Holdings (Edms.) Bpk., van D.L. Burrows, R2 100 000. PRETORIA KLIPFONTEIN (429), 22 ha, aan Hope Nutritional Business Consultant (Edms.) Bpk., van Scott 183-trust, R2 650 000. LEEUWKLOOF (285), 22 ha, aan Eggbert Eggs (Edms.) Bpk., van Brookfield Inv. No. 38 (Edms.) Bpk., R1 500 000. RONDAVEL ALIAS SCHOONGEZICHT (109), 22 ha, aan Z. Ndbele, van C. Venter en R.J.B. Venter, R1 100 000. WELGEDACHT (130), 21…

EKSPO’S EN ANDER DESEMBER - 28 FEBRUARIE  2019: Fizz & Fudge-proeervaring, Stellenbosch Hills. Tel. 021 881 3828/9, e-pos: info@stellenbosch-hills.co.za 17 JANUARIE 2019: Vinproinligtingsdag, Kaapstadse Internasionale Konvensiesentrum. Tel. 021 276 0460, e-pos: info@vinpro.co.za, web: www.vinpro.co.za 23-24 JANUARIE 2019: Cape Premier-volbloedjaarlingveiling. Kaapstadse Internasionale Konvensiesentrum. Tel. 021 873 0734 , web: www.tba.co.za, www.capethoroughbredsales.com 29-30 JANUARIE 2019: Senwes se 110-jaar-integrasie-ekspo, Nampopark, Bothaville. Tel. 018 464 7568, web: www.senwes.co.za 14-17 FEBRUARIE 2019: Bieliemieliefees, Reitz, Vrystaat. Tel. 058 863 2307, web: www.bieliemielie.co.za 19-20 FEBRUARIE 2019: Africa Energy Indaba, Sandton-konvensiesentrum, Johannesburg.Web: www.africaenergyindaba.com, tel. 011 463 9184. 28 FEBRUARIE-2 MAART  2019: Clocolan-plaaskultuurfees, Clocolan. Johann Dreyer, sel 083 462 4447, web: www.clocolanplaaskultuurfees.co.za 1-10 MAART 2019: Landbouweekblad se Eeufees-voorbladuitstalling by die Woordfees. Adam Small-teater, Stellenbosch. E-pos: jacolette.kloppers@landbou.com 1-10 MAART 2019: Agri-Expo Landboureeks — kom proe waar jou kos vandaan…

5x Indien die mensdom wil keer dat die gemiddelde internasionale temperatuur teen 2030 met meer as 1,5 °C styg, moet hulle hul doelstellings om kweekhuisgasvrystellings te verminder, vyfvoudig vermeerder. Indien hulle wil voorkom dat die gemiddelde wêreldwye temperatuur met meer as 2 °C styg, moet dié doelstellings drievoudig verdubbel, aldus die Verenigde Nasies se Environment Emissions Gap Report 2018, wat die gaping tussen doelstellings en werklike aksie uiteensit. — VN 12 000 Die multinasionale chemiese- en farmaseutiese maatskappy Bayer wil teen einde 2021 sy werksmag met 12 000 poste verminder. Daarvan sal ’n beduidende aantal afleggings in Duitsland wees. Meer as ’n derde van dié poste sal in sy oeswetenskap-afdeling wees. Dit volg op Bayer se verkryging vanjaar van sy Amerikaanse mededinger Monsanto. Een van die voorwaardes was dat Bayer…

HOEWEL die grondwetlike vereiste van openbare deelname in nuwe wetgewing nie beteken almal kan tevrede gestel word nie, moet só ’n proses aan die vereistes van redelikheid voldoen. Só skryf die regskenner prof. Elmien du Plessis oor die omstredenheid rondom die grondwetlike hersieningskomitee se aanbeveling ten gunste van ’n grondwetwysiging om onteiening sonder vergoeding moontlik te maak. (Die volledige artikel is by bit.ly/2SxV7hv.) Sy sê die komitee se bevindings en aanbevelings is op sigself nie ’n vereiste vir ’n grondwetwysigingswetsontwerp ingevolge artikel 74 van die Grondwet nie, maar dit is steeds verkieslik en behoort ideaal gesproke die Parlement by te staan om ingeligte, getuienisgegronde besluite te neem. Al is die bevinding nie regsbindend nie, sê sy dit is belangrik dat die navorsing behoorlik gedoen word, die verskeidenheid sienings weerspieël, dat…

ARTIKELS & RUBRIEKE ■ Min tyd vir planne met klimaat ■ Grondlewe: Meet om te weet én te bestuur ■ Pinotage-koning ná 30 jaar nou éérs op dreef ■ Die beste artikels van 2018 ■ 2018 se legendariese boereplanne GESIN ■ Boerekos: ’n Stoepkuier op Kersdag ■ Kersvader huil (Jou verhaal) SPESIAAL ■ Uitblinkers PROFIEL Mnr. Beyers Truter (links), die Pinota-gekoning van Suid-Afrika, het dié kultivar behoorlik op die wêreldverhoog geplaas. Met ’n nuwe plaas, ’n lang rits pryse en ’n mylpaal van 30 jaar het hy skeptici teen alle verwagtinge in verkeerd bewys nadat hy ’n verwaarloosde plaas bekom het. Saam met hom op die foto is sy seun, Anri.…

SOWAT 200 Suid-Afrikaanse boere en ondernemings het al formeel met die proses begin om hulle in Rusland te vestig, sê mnr. Wladimir Poloebojarenko, leier van ’n Russiese afvaardiging wat Suid-Afrika onlangs besoek het. Poloebojarenko is die adjunkmenseregtekommissaris van die Stawropolstreek suid van Moskou, wat met die StavroBoerprojek begin het om geleenthede vir Suid-Afrikaanse boere in Rusland te bied. Dit is ’n private inisiatief wat boere bystaan met verskeie opsies om in Rusland te boer. Mnr. Johan du Toit, ’n Suid-Afrikaanse sendeling in Rusland wat as tolk opgetree het, sê daar is eerstens die moontlikheid om Rusland as ’n halfwegstasie te benut om die Oosterse markte te ontgin, soortgelyk aan wat Jan van Riebeeck in 1652 in Suid-Afrika gedoen het. “Rusland, Indië en China bied binne die Brics-vennootskap ’n groot mark…

Die aankondiging van die Reserwebank se monetêre beleidskomitee (MBK) einde verlede maand dat die rentekoers met 0,25 persentasiepunte verhoog word, is gegrond op ’n paar aannames. Dit is eerstens dat die wisselkoers swak sal bly neig, in die lig van Amerika wat sy rentekoerse verhoog (wat Suid-Afrika dwing om te volg).Tweedens is dit dat die swak wisselkoers inflasie in die komende jaar tot 18 maande hoër gaan laat neig, en dat daar nou voorkomend opgetree moet word. Derdens word verwag dat oliepryse relatief hoog gaan bly, en dat internasionale voedselpryse in die komende twee jaar gaan styg. Die Reserwebank mik na ’n inflasiekoers wat binne die vlak van 3% tot 6% per jaar moet beweeg, en verkieslik na aan die 4,5%- merk bly. Die jongste inflasiekoers, soos gemeet deur die…

Die verskil tussen 750 kg mielies per hektaar en 7,8 ton per hektaar is groot. Dié verskil in gemiddelde opbrengs weerspieël vir mnr. George Steyn van die plaas Humanskraal by Ottosdal in Noordwes die voordele van dekgewasse. ’n Proef waarin geenbewerkingstoerusting gebruik is, is in 2013 die eerste keer op een van sy eertydse konvensionele saailande geplant. Die reënval in die 2014-’15-seisoen was soortgelyk aan die neerslagtotaal van die afgelope seisoen (2017-’18). Die groot verskil was in opbrengs: 7,8 ton/ha in die jongste oes teenoor 750 kg/ha in 2014-’15. Mnr. Gerrie Trytsman, onafhanklike navorser wat die uitgebreide herlewingslandbouproewe op Ottosdal-plase vir hul plaaslike geenbewerkingsklub behartig, meen reënvalverspreiding oor die twee seisoene kon ’n rol gespeel het, maar dit alleenlik verklaar sekerlik nie dié groot opbrengsverskil nie. Steyn, wat sowat ’n…

Dr. Dwayne Beck voer aan dat herlewingslandbou ’n oplossing bring vir die neiging van die moderne landbou om groot hoeveelhede mikro-elemente, soos fosfate, vir die plaas verlore te laat gaan as deel van die onverwerkte produk wat verkoop word. Hy voer aan dat mikro-elemente baie doeltreffend op die plaas hersirkuleer kan word wanneer produkte op die plaas verwerk en die afvalmateriaal, waarin die mikroelemente dikwels vasgevang is, as veevoer gebruik word. “Vir elke treinvrag van 5 000 ton mielies wat ons van Suid-Dakota uitvoer na China vir verwerking, of selfs net na ’n ander staat in Amerika, is daar tot 250 ton fosfate wat saam ons streek verlaat. “Hierdie fosfate is verlore vir ons boerderystelsels. Om dit terug te kry, moet ons duur insette aankoop en boonop geld bestee om…

GELDSAKE PHILLIP THEUNISSEN DIE VERHOUDING TUSSEN STOORLAM- EN SLAGLAMPRYSE Hoe kry voerkrale dit reg om stoorlammers teen R44/kg te koop met die slaglamprys op R74/kg? Nie te lank gelede nie was daar ’n verhouding tussen stoorlam- en slaglampryse. Die slaglamprys was sowat 2,1 maal die stoorlamprys. Met vandag se pryse maak dit nie meer sin om ’n lam af te rond nie. Ek kan nie regtig namens voerkrale praat nie. My antwoord is dus bloot dié van ’n skaapboer en omdat ek self die afgelope twee maande lammers verkoop het. Dit hang baie af van die gewig van die lammers. Stoorlammers wat 35 kg en minder geweeg het, het die afgelope tyd teen ’n premieprys verkoop (R44/kg). Met die lae mielieprys kon ’n voerkraal teen ’n taamlike wins nog 15…

OP ’N JAAR WAT SPRANKEL Benguela Cove Cuvee58 As jy jou in die vakansietyd in die Overberg-distrik bevind, gaan loer gerus by die wynlandgoed Benguela Cove Lagoon in. Dié kelder het onlangs Cuvee58, ’n nuwe vonkelwyn (gemaak volgens die klassieke metode), bekend gestel. Walkerbaai se koel klimaat is uiters geskik vir Sauvignon blanc, waarvan dié borrels gemaak word. Die wyn se naam dui op die 58 fasette van ’n diamant, want net soos met diamante word die perfekte MCC-vonkelwyn onder druk geproduseer. Cuvee58 is ideaal vir iemand se Kerskous. Jy kan ’n sakkie, handgemaak deur die vroue van die Themba-opleidingsgroep in die Helderberg, teen R220 bykoop vir ’n besonderse geskenk. Jy kan ook spesiale sjokolade aanskaf, wat die lekkerste pasmaat saam met die wyn is. Prys: R150 per bottel. ROOSKLEURIGE…

Rufus sukkel moeisaam uit sy skuiling. Sy liggaam is uitgeteer, sy klere is verslete, sy voete kaal en geswel. Hy voel lighoofdig en sy tong stoot oor sy gebarste lippe. Hy lê en wag tot dagbreek. Sy krag is min, maar hy beur regop. ’n Entjie verder hoor hy dofweg die stemme van die nege Joodse melaatses. Hulle is al weer aan’t stry. Toe die son vir Rufus kom loer, hoor hy Dora se sagte roep. Dit vul hom met hernude krag, en hy strompel teen die wal uit na haar. Sy staan bokant die wind, so ver van hom af as wat ’n vrou met ’n klip kan gooi. Sy lag en babbel sonder om na sy groet te luister. “Ek het goeie nuus. Rabbi Jesus besoek vandag ons…

1 Junior en grootkampioenram. Eienaar: Mnr. Piet Coetzee (links, sel +264 81 124 2242), Piet Coetzee-boerdery, Rehoboth. Hanteerder: Mnr. Gerson Nero. Coetzee het die prys vir teler van kampioene en die meeste punte ontvang. 2 Junior en grootkampioenooi. Eienaar: Mnr. Mbaroro Katjiuanjo (sel +264 81 283 6269), Mbaroro Katjiuanjo-stoetery, Aminuis-Okombepera. Van links is mnre. Kausehue Marenga en Ims Khoekhoe. 3 Senior en reserwegrootkampioen-ooi. Eienaar: Mnr. Piet Coetzee (links), Piet Coetzee-boerdery, Rehoboth. Hanteerder: Mnr. Erastus Kasanga. 4 Reserwe junior kampioenooi. Eienaar: Mnr. Piet Coetzee (links), Piet Coetzee-boerdery, Rehoboth. Hanteerder: Mnr. Gerson Nero. 5 Reserwe junior en reserwegrootkampioen-ram. Eienaar: Mnr. Piet Coetzee (links), Piet Coetzee-boerdery, Rehoboth. Hanteerder: Mnr. Erastus Kasanga. 6 Senior en reserwegrootkampioen-ram, Meneer. Eienaar en hanteerder: Mnr. Francois van Rensburg (sel +264 81 129 3553), Francois van Rensburg-stoetery, Uhlenhorst. 7…

’N DEEL van die historiese en bekende Vergelegen-landgoed by Somerset-Wes is tot ’n private natuurreservaat verklaar. Altesaam 1 900 ha van 2 200 ha wat voorheen totaal oortrek was met indringerplante, is deur mnr. Anton Bredell, minister vir omgewingsake in die Wes-Kaap, tot ’n private natuurreservaat verklaar tydens ’n seremonie waar die laaste twee bloekombome simbolies afgesaag is. Die gebied sal voortaan deur wetgewing beskerm word. Die seremonie is bygewoon deur mnr. Norman Mbazima, adjunk-voorsitter van Anglo American SA, asook ander gaste en lede van die pers. Die 2 200 ha uit die landgoed se totaal van 3 000 ha, is die afgelope 23 jaar verlos van digte akasia- en bloekomwoude wat die inheemse fynbos en Swartlandse renosterveld feitlik verdring het. Die landgoed, wat sy ontstaan in 1700 gehad het,…

INTERNASIONAAL: Die Chicagoprys het met 1,3%, of $1,83/t, tot $140,78/t (R1 947/t) teenoor die vorige week gedaal. Op ’n jaargrondslag is dit 5,6%, of $7,40/t (R102,35/t), hoër. Verwagte pryse: Desember – $145,82/t (R2 017/t), Maart 2019 – $150,15/t (R2 077/t), Mei – $153,14/t (R2 118/t), Julie – $155,90/t (R2 156/t). PLAASLIK: Die Safexprys van wit mielies het met 6,3%, of R145/t, tot R2 429/t teenoor die vorige week gestyg. Die prys van geel mielies het met 3,1%, of R71/t, tot R2 360/t gestyg. Op ’n jaargrondslag is wit mielies 29,2%, of R549/t, duurder, terwyl geel mielies 18,7%, of R372/t, duurder is. Verwagte witmieliepryse: Des. – R2 455/t, Mrt. 2019 – R2 513/t, Mei – R2 545/t, Jul. – R2 615/t. Verwagte geelmieliepryse: Des. – R2 378/t, Mrt. 2019 – R2…

Die SA Plantverbeteringsorganisasie (Sapo) is ingenome met ’n nuwe, laat droogdruifkultivar uit Amerika, Sunmuscat, vir die komende produksiejaar. Vroeë aanduidings is dat dit goeie vrugteset het. Dit kan baie trosse met groot korrels per stok dra en het dus ’n goeie oespotensiaal, sê mnr. Divan Venter, plantverbeteringstegnikus vir tafel- en droogdruiwe by Sapo. ’n Groot voordeel van die nuweling is dat dit veral weerstand bied teen te veel reën in somerreënstreke. Die eerste sowat 400 stokke Sunmuscat is reeds by Vanrhynsdorp en in die Benede-Oranjeriviergebied gevestig. Die eerste Sunmuscat-stokke sal in 2020 kommersieel beskikbaar wees. Venter sê bykans ’n hektaar Merbein-Seedless-bostokke is vanjaar reeds op die nuwe Amerikaanse RS-3-onderstokke in die Oranjerivierstreek geënt. Volgens vroeë aanduidings vaar dit belowend. “Belangstelling in hierdie onderstok neem veral toe in die Breederivierstreek, waar…

Twee Brahmanbulle is elk teen meer as R200 000 op Kroon Vee se jaarlikse produksieveiling op die plaas Buckshee, Vryburg, verkoop. Die hoogste prys van R220 000 was vir ’n rooi bul, JVZ15/56, wat aan J.D. Tonkinboerdery van Standerton verkoop is. Die naashoogste prys van R210 000 was vir die wit Brahmanbul JVZ15/336 wat deur mnr. Fritz Visser van Keetmanshoop in Namibië aangeskaf is. Drie ander bulle is vir méér as R100 000 elk verkoop. Mnr. Rudi Lemcke van Botswana het ’n rooi bul, JVZ15/104, vir R160 000 gekoop, Zwarthoek-boerdery het ’n wit bul, JVZ15/215, vir R140 000 gekoop en mnr. W. de Graaff, ook van Botswana, het die rooi bul JVZ15/492 vir R120 000 bekom. Tonkin het ook die bul JVZ15/229 vir R95 000 gekoop. Altesaam 54 Manso Brahmanbulle…

‘Ek hoop die Regering sal in die toekoms die landbou-produksiesiklusse in gedagte hou met staatsprojekte.’ MNR. LEON DE BEER, hoofbestuurder van die Nasionale Wolkwekersvereniging,oor die lang gewag vir die goedkeuring van staatsgeld vir die genetiese verbetering van kommunale skape. Bl. 20 ‘Die onverklaarbare dood van ’n waghond moet as ’n waarskuwingsteken gesien word.’ DR. JANE BUYS, veiligheidsrisiko-ontleder by Vrystaat Landbou, oor gevaartekens en veiligheidsmaatreëls op jou plaas. Bl. 16 ‘Hierdie skenking het ons grafieke van die papier af laat spring!’ MNR. PERRY FELDMAN, bestuurder van die Vryemarkstigting se Khaya Lam-projek, oor dr. Johann Rupert en sy vrou, Gaynor, se borgskap van 10 000 titelaktes. Bl. 24 ‘Maak seker jy verkoop dit wat gunstig en sosiaal aanvaarbaar is.’ MNR. WIAAN VAN DER LINDE, ondervoorsitter van Wildbedryf SA, oor bemarking in die…

DIEWE PALM MEER AS R800 000 SE SAAD IN Boere in Noordwes wag tans nie net in spanning op broodnodige reën om te kan plant nie, maar moet ook die saad wat hulle reeds gekoop het, met paraatheid beskerm tot hulle dit kan plant. Saaddiewe het Sondagaand 25 November by Gerdau en Migdol toegeslaan en altesaam 269 sakke mielie- en sonneblomsaad by drie boere gesteel. MARINA OTTO skryf: Ek dink as oeste gelewer word, moet bewys van saadaankope eers gelewer word by die koöperasie of instelling. HANNES ERWEE skryf: Dis deel van die groter plan. Hulle bekom nou die saad om op die grond te plant wat hulle dink hulle gaan kry in die onteieningproses. VERA J VAN VUUREN skryf: Nee kyk, ek het nie woorde nie. Hulle kan wragtig…

DIE Oos-Kaap se veediefstalvoorkomingsforum het onlangs bekend gemaak dat ’n kommerwekkende toename in die diefstal van jong vee reg oor die streek aangemeld word. Mnr. Willie Clack, voorsitter van die nasionale veediefstalvoorkomingsforum, benadruk egter dat dit ’n landwye verskynsel is. Hy sê die probleem bestaan hoofsaaklik by beeste, aangesien kalwers volgens wetgewing eers op 6 maande gemerk hoef te word. Hy sê baie mense tatoeëer of brandmerk ook nie jonger diere nie, wat hulle makliker teikens maak. Die jong diere word op veilings vir kon-tant verkoop. Boere word aangemoedig om ál hul diere te merk, selfs al is hulle jonger as ses maande. “Dit is nie verpligtend om jonger diere te merk nie, maar ons beveel dit sterk aan om onnodige misverstande met die SAPD te voorkom wanneer voertuie by…

DA AR is ’n groot en groeiende vraag uit China en ander markte in Asië na Suid-Afrikaanse beesvleis. Dit plaas groot druk op Karan Beef, Afrika se grootste beesvoerkraal. Karan Beef het in die jaar tot November reeds 4,3 miljoen kg beesvleis na China uitgevoer, en dié land het ná net ’n jaar die onderneming se grootste buitelandse mark geword. “Suid-Afrikaanse beesvleis se vetinhoud is laer as dié van onder meer Amerikaanse beesvleis en voldoen beter aan die Chinese se vereistes,” sê me. Anso Bracken, bemarkingsbestuurder van die onderneming. Ondanks ’n aanbod van R6 miljard vir Karan Beef uit China het dié Suid-Afrikaanse voerkraalonderneming besluit om eerder ’n meerderheidsaandeel aan die Suid-Afrikaanse Openbare Beleggingskorporasie (OBK) en die beleggingsmaatskappy Pelo Agricultural Investments vir R5,2 miljard te verkoop. “Karan Beef word as…

’N BOER van die Swartland het ’n rekordkanola-opbrengs van 3,437 ton per hektaar behaal en die Proteïennavorsingstigting (PNS) se opbrengskompetisie vir dié streek gewen. Mnr. Melt van der Westhuizen van die plaas Klipheuwel by Moorreesburg het die opbrengs met die kultivar Diamond in ’n kamp van 34 ha behaal. Hy het op 21 April 3 kg saad per hektaar geplant. Prof. André Agenbag, sameroeper van die kompetisie, sê voor die 2018-produksiejaar was ’n opbrengs van 2,664 t/ha die hoogste nóg in die PNS se jaarlikse kanola-opbrengskompetisie. “Vanjaar het sewe van die 15 deelnemers dié rekord oortref, en drie van hulle het meer as 3 t/ha geoes.” In die Suid-Kaap het ongunstige klimaatstoestande in veral die oostelike deel van die produksiegebied veroorsaak dat die kompetisie slegs ses inskrywings gelok het. Nogtans…

DANKSY goeie reënval in die winter het die Departement van Water en Sanitasie besluit om waterbeperkings in dele van die Wes-Kaap aansienlik te verslap. Die Wes-Kaapse watervoorsieningstelsel het vanjaar goed herstel met damvlakke wat, volgens die departement, op ’n jaargrondslag van 34,74% tot 69,68% toegeneem het. Mnr. Rhasid Khan, Wes-Kaapse bestuurder van die departement, sê die beskikbaarheid van water is tans baie beter as wat dit weens die droogte ’n jaar of twee gelede was. Damvlakke in die provinsie as geheel staan tans op 59,6%, vergeleke met 33,5% verlede jaar. Die Regering het besluit om waterbeperkings te verslap sodat slegs 10% minder water aan huishoudings en die landbou beskikbaar gestel word vergeleke met die verbruik in 2015. Die waterbeperkings het voorheen bepaal dat waterverbruik in huishoudings met 45% verminder moes…

DIE grootste oorhandiging van titelaktes aan mense wat nie bewys van eienaarskap van hul huise gehad het nie, het verlede week op Stellenbosch plaasgevind. Altesaam 326 inwoners van Klapmuts, Kayamandi en Kylemore rondom Stellenbosch het titelaktes ontvang danksy ’n borgskap van die sakeman dr. Johann Rupert en sy vrou, Gaynor. Die egpaar het ingewillig om altesaam 10 000 titelaktes aan Suid-Afrikaners te borg. Mnr. Jannie du Randt, Rupert se vriend en uitvoerende hoof van Remgro, het onlangs aangekondig dat hy ook die oordrag van 10 000 titelaktes gaan borg. Volgens mnr. Perry Feldman, bestuurder van Khaya Lam (wat “my huis” beteken), ’n projek deur die Vryemarkstigting, kos dit R2 250 om ’n titelakte te borg. Sedert September 2014 is ongeveer 3 360 titelaktes aan Suid-Afrikaners oorgedra. “Hierdie skenking het ons…

Die meeste beleggers verstaan nie risiko’s of waarborge nie. ’n Waarborg is iemand se woord dat hy iets sal doen. ’n Waarborg is dus afhanklik van hoe sterk daardie persoon of instansie is. Waarborge geld gewoonlik drie of vyf jaar of selfs langer. Jy moet dus seker wees die maatskappy sal oor vyf jaar steeds die waarborg kan nakom. Nuwe internasionale bankreëls bepaal byvoorbeeld dat sekere waarborge wat banke uitreik, deur ’n land se reserwebank gekanselleer kan word as die bank beskerm moet word. Om vir dié groter risiko te vergoed, betaal hierdie “waarborge” dus die hoogste rentekoers. ’n Basiese reël geld: Hoe hoër die rentekoers, hoe minder veilig glo die mark is die waarborg. Waarborge kos geld vir die maatskappye wat dit uitreik, omdat hulle dikwels kapitaal daarvoor moet…

Die bevindinge van ’n ondersoek oor die ernstigste Escherichia coli-besmetting in Amerika sedert 2006 deur die Amerikaanse voedsel-en-medisyne-agentskap en die sentrums vir siektebeheer wys die gevaar wat kwesbare waardekettings vir verbruikers kan inhou. Die besmetting van romaine-blaarslaai in die distrik Yuma het 210 mense in 36 deelstate siek gemaak. Byna 100 moes gehospitaliseer word, en vyf is dood. Die verslag deur die twee instellings het bevind 36 landerye op 23 verskillende plase by Yuma was potensieel besmet met ’n skaars stam van E. coli, naamlik 0157:H7. Die gemene deler in die besmetting was ’n 56 km lange besproeiingskanaal naby Wellton, Arizona, waaruit die plase water onttrek het. Die besoedeling was van dierlike oorsprong. Die agentskappe het bevind besmette water is waarskynlik regstreeks op die blaarslaai aangewend, of die water is…

Die partikels van die sedimentgrond op die Dakota Lakes-navorsingsplaas is almal min of meer dieselfde grootte en dus geneig om verdigtingslae te vorm (sien FOTO 1 ), volgens dr. Dwayne Beck, plaasbestuurder en bekende agronoom van die Suid-Dakota-staatsuniversiteit. “Dit is die geval met grond wat ’n hoë silt- of klei-inhoud het. Dit bring mee dat hierdie grond baie vinniger verdigtingslae vorm as grond waarvan die partikelgroottes verskil (Sien FOTO 2 ). Ons uitdaging die afgelope 25 jaar is om hierdie verdigtingslae permanent op te hef. Die enigste manier om dit reg te kry is deur die werking van grondorganismes, wat deur biologiese prosesse (die uitskeiding van glomalien en vorming van grondaggregate) ’n goeie grondstruktuur verseker, asook wortelstelsels wat die lae deurdring. Nou, ná meer as twee dekades, begin ons die…

NWK se kernbedrywe het in die 2018-boekjaar R137 miljoen ná belasting uit voortgesette bedrywighede opgelewer. In die proses om aan verliesmakende entiteite te onttrek, is ’n nabelaste verlies van R117 miljoen uit beëindigde bedrywighede gely. Sy wins ná belasting was R20 miljoen. Mnr. Theo Rabe, uitvoerende hoof van NWK, sê ’n aantal moeilike besluite is die afgelope tyd geneem. Die herstel van die NWK-groep se finansiële posisie is gouer as verwag bereik. Waaraan skryf jy dit toe? Die NWK-groep het aansienlike verliese gely weens verskeie diversifikasiestrategieë wat veral die afgelope vyf jaar ’n wesenlike nadelige uitwerking gehad het. Beleggings in Zambië en Botswana, ’n mieliemeule op Lichtenburg, ’n alternatiewe boerderymodel met regstreekse betrokkenheid by saai- en veeboerdery deur die filiale NWK Boerdery en Kalahari Beef, betrokkenheid by die afronding en…

LIGGING Tulbagh, Wes-Kaap 1 Senior kampioen (enkeltuig), Tokkelos. Eienaar en vertoner: Mnr. Pienaar Steenkamp (sel 072 735 5656), Okonjima-stoetery, Durbanville. 2 Kampioen (siertuig), Noordhoek Toks. Eienaar: Noordhoek-stoetery (sel 073 068 8212), Calvinia. Vertoner: Me. Marlize Louw. 3 Kampioen (tandem), Eager en Tokkelos. Eienaar: Mnr. Pienaar Steenkamp, Okonjima-stoetery, Durbanville. Vertoner: Mnr. Marius Kemp. 4 Kampioen (dubbeltuig), Imhof Thor en Imhof Lorenz. Eienaar: Imhof-stoetery (sel 082 368 9856), Malmesbury. Vertoner: Mnr. Pieter Loubser jr. 5 Senior kampioenmerrie, Noordhoek Bianca. Eienaar: Noordhoek-stoetery, Calvinia. Vertoner: Mnr. Uys Steenkamp. 6 Senior kampioenhings, Jense. Eienaar: Me. Erika Wernich (sel 082 873 3536), Ikahan Quistador-stoetery, Glentana. Vertoner: Mnr. Amos Charles. 7 Kampioen (enkeltuig), Vlakfontein Jotham. Eienaar: Imhof-stoetery, Malmesbury. Vertoner: Mnr. Pieter Loubser jr. 8 Kampioen (driegangryperd), Noordhoek Toks. Eienaar: Noordhoek-stoetery, Calvinia. Vertoner: Me. Marlize Louw. Saalperd-streekkampioene 9…

HOEKOM JUIS DIÉ BOEK OOR GEBEURE RONDOM COLESBERG EN NORVALSPONT? Ten spyte van die honderde boeke wat al oor die Anglo-Boereoorlog (ABO) geskryf is, is daar deurlopend ’n onderbeklemtoning van die gewone mense, die nie-vegtendes, wat deur die oorlog geraak is en ook daarin verwikkel geraak het. Dieselfde geld die ervarings van die gewone, en dikwels nog jeugdige manskappe. Al was Colesberg op een van die hoofspoorverbindings na die noorde, is die oorlog aan dié front uiters onderbeklemtoon in die geskiedskrywing van die ABO. Dit is eintlik uit die oorlog “uitgeskryf”’, veral deur die Britte, wat bekend was as noulettende en sistematiese optekenaars van belangwekkende gebeure in enige oorlog waarin hulle betrokke was. Tog het hierdie front ’n sleutelrol gespeel in die verloop van die oorlog – veral ten opsigte…

Iemand het my onlangs probeer uitvang deur sy stemtoon te verander. Hy het byna daarin geslaag, maar tog nie heeltemal nie. Nadat die gesprek ’n ent gevorder het, kon ek agterkom die man en die stem pas nie so lekker bymekaar nie. Dis toe dat ek vir hom sê: “Man, jy kan maar na normaal terugkeer, want jou ‘sjibbolet’ gee jou weg.” Vir ’n paar oomblikke was daar stilte, toe bely hy dat hy nie mooi weet waarvan ek praat nie. Dit was my beurt om hom by te kom: “O, ek sien jou Bybelkennis is nie so goed nie. Gaan lees weer ’n slag Rigters 12 en jy sal sien waar sjibbolet ter sprake kom. Dit was ’n manier om die manne uit te ken wat aan die geveg…

MERINO 1 Kampioen-bouvorm/Beste geboude ram. Eienaar: Andrew Jordaan en seuns. Van links is mnre. Andrew Jordaan en Pele Diamond (hanteerder). 2 Opperste kampioenooi. Eienaar: Rooipoort-poenskoppe. Van links is mnre. Sandré Erasmus, Pierre Vlok (BKB) en Simon Maart (hanteerder). 3 Opperste kampioenram Eienaar: Fairworld-Merinostoetery. Van links is mnre. Acton van Aardt, Pierre Vlok (BKB) en Hans Thomas (hanteerder). SA VLEISMERINO 4 Kampioenramlam, 8047 GZ. Eienaar: Mnr. Faan Greyling (links, sel 076 111 9575), Dordrecht. Hanteerder: Mnr. Laurence Kahlipo (hanteerder). 5 Junior kampioenram, 7154 VAG. Eienaar: Mnr. Van Aardt Greyling (links, sel 082 782 7674) van Lady Grey. Hanteerder: Mnr. Pietman Lande (hanteerder). 6 Senior kampioenram, 7039 IAN. Eienaar: Mnr. Hugh Smith (links, sel 072 729 8553) van Dordrecht. Hanteerder: Mnr. Kitso Mkhangeli. 7 Junior kampioenwolram, 8002 VAG. Eienaar: Mnr. Van Aardt…

1 Senior en grootkampioenbul, Günzel Wally TG 12 22. Eienaar: Mnr. Kaspar (sel +264 81 129 0273) en mev. Stephanie Günzel, Günzel-stoetery, Grootfontein. Hanteerder: Mnr. Raphael Siwogebi. 2 Senior en grootkampioenkoei, Günzel Parris TG 10 44. Eienaar: Mnr. Kaspar en mev. Stephanie Günzel, Günzel-stoetery, Grootfontein. Hanteerder: Mnr. Haingura Taleni. 3 Kampioenbulkalf en reserwegrootkampioen-bul, Walsim Kade WAL 17 17. Eienaar: Mnre. Bertus (sel +274 81 127 0300), Dewald en Buks Walters, Walsim-stoetery, Windhoek. Hanteerder: Mnr. Thomas Apolonasius. 4 Reserwe senior en reserwegrootkampioenkoei, Günzel Pritty TG 13 38. Eienaar: Mnr. Kaspar en mev. Stephanie Günzel, Günzelstoetery, Grootfontein. Hanteerder: Mnr. Dennis Ndjou. 5 Reserwe senior kampioenbul, Dorsim Difflock WEH 12 7. Eienaar: Mnr. Sidney Martin (sel +264 61 239 831), Promatria Bushbrunn-stoetery, Windhoek. Hanteerder: Mnr. Aron Hikumbura. Martin het ook die superkoei, Bushbrunn…

’N NETELIGE kwessie in die graan- en mieliebedryf is dat produsentpryse nie tred hou met produksiekoste nie. “Ons sit vandag met ’n mielieprys soortgelyk aan tien jaar gelede, maar met veel hoër produksiekoste. Dieselfde geld in die sojabedryf,” het dr. Dirk Strydom van Graan SA op ’n manne-ontbyt by die Swartlandskou op Moorreesburg gesê. Die ontbyt is deur Landbouweekblad, Kaap Agri en Nedbank aangebied. ’n Groot voorraad mielies van 3,5 miljoen ton is oorgedra van die vorige oes van 16,7 miljoen ton. Hoewel Suid-Afrika mielies uitvoer, gebeur dit nie vinnig genoeg nie. “Die 3,5 miljoen ton is gelykstaande aan vier maande se voorraad – wat druk plaas op die prys.” Dit lyk asof die mielie-uitvoerpariteitsvlakke ’n ruk lank so gaan bly. Boere sit vasgevang in ’n kosteknyptang en die grootste…

Nadat die Listeria-uitbreking vroeër vanjaar die plaaslike varkbedryf swaar getref het, is daar nou weer rede tot optimisme, sê mnr. Johann Kotzé, hoofbestuurder van die SA Varkvleisprodusente-organisasie (Savpo). “Nadat dr. Aaron Motsoaledi, Minister van Gesondheid, met die uitbreking Suid-Afrikaners aangeraai het om verwerkte vleis te vermy, het die varkvleisprys in reële terme tot die vlak van 2014 geval. “In talle gevalle het pryse met tot 80% gedaal. Sommige kleinboere het tot so min as R10 per kilogram vir hul produk gekry,” sê Kotzé. Vir ’n klein bedryf, soos die varkbedryf wat uit sowat 125 kommersiële varkboere en 400 kleinboere bestaan, kon dit ’n nekslag gewees het. Kotzé sê die bedryf het egter besluit om die probleem te pak en die beskikbare varkvleis te bemark. “Daar was tog ’n gunstige uitvloeisel.…

Die volgende ontleding van grondverkope in Suid-Afrika is van transaksies in die Oos-Kaap vir die 12 maande tot September vanjaar vir grond van meer as 10 ha. Dit lyk asof die daling in grondpryse verlangsaam – net 41,2% distrikte het dalings aangeteken teenoor 47% in Oktober vanjaar. Altesame 354 ooreenkomste is in dié tyd in 34 distrikte gesluit en 253 375 ha is teen R2,037 miljard verhandel. Daarvan was 19% transaksies van kleur. Dit behels 28 507 ha, oftewel 11,2% van die totaal, teen R281 miljoen. Een van die transaksies was staatsaankope vir grond wat vir landboudoeleindes bekom is, en 57 tussen individue. Sewe transaksies val buite die landbou. Uit die totaal was 96 (27%) van die transaksies vir grond van minder as 50 ha met die meeste (183, oftewel…

Die sewende Oos-Kaapse bul-en-ramverkoping op die plaas Blackpool naby Cathcart is vanjaar uitgebrei en het meer rasse ingesluit. Altesame 30 bulle is aangebied. Twee bulle is teen die hoogste prys van R44 000 stuk verkoop. ’n Shorthornbul, Xcellence 353, van die stoetery Blackstone Beef is aan mnr. Robbie Blaine van Wauldby, Stutterheim, verkoop. ’n Santa Gertrudisbull van die stoetery Santadale is aan mnr. Attie Steyl van die Acacia-boerdery, Stutterheim, verkoop. Shorthorns het gemiddeld R35 900 behaal, Brangusbulle gemiddeld R26 800, Senepolbulle gemiddeld R31 900, Brahmanbulle gemiddeld R32 000 en Angusbulle gemiddeld R20 000. Twaalf Ile de Franceramme van mnr. Brian Miles, Adelaide, is teen gemiddeld R7 700 verkoop. Sheard Afslaers het die veiling aangebied en mnr. Ian Sheard was die afslaer.…

Ile de France- en Meatmasterramme is op die Legend 2-interrasveiling op die plaas Witfontein by Randfontein teen goeie pryse opgeraap. Die Ile de France-stoetery Fleur de Liers en die Meatmaster-stoeterye Chocolat, Biandi en Kern was die verkopers. Die duurste dier was ’n Meatmasterram wat teen R12 000 aan mnr. S. Zulu van Edenglen verkoop is. Meatmasterramme het gemiddeld R6 636 behaal, ooie met lammers gemiddeld R6 125 en ooie gemiddeld R4 210. Tien Ile de Franceramme is teen gemiddeld R8 000 verkoop. Die duurste ram is teen R11 000 aan mnr. S. Joubert van Bothaville verkoop. Ile de France-ooie het gemiddeld R4 490 behaal, terwyl twee kudderamme gemiddeld R6 000 behaal het. Altesame 33 kudde-ooie het gemiddeld R3 125 behaal. Die veiling is deur BKB Louwid Vereeniging aangebied en die…