Indholdsfortegnelse for 04-Jan-19 i Landbouweekblad

KRAG EN ROSYNTJIES Dieselfde helder son wat die lug naby Keimoes oor die rosyntjiewingerde by Kanoneiland laat bewe, is die rede vir die 205 meter hoë Khi Solar Onesonkragtoring se oprigting in 2016. Die toring gebruik 4 000 heliostat-spieëls en konsentreer sonlig op die spesiaal ontwerpte watertoring om elektrisiteit deur termiese hitte op te wek. Dié sonplaas beslaan 140 hektaar en lewer sowat 50 megawatt. Dit is die eerste toring in sy soort in Afrika, en is een van drie sulke sonplase wat in vennootskap met die Spaanse maatskappy Abengoa in die Noord-Kaap opgerig is. Die ander is Kaxu Solar One (100 MW) en Xina Solar One (100 MW) naby Pofadder. FOTO: LIZA BOHLMANN HULP VIR BULTFONTEIN Etlike landbou-ondernemings het in Desember skenkings gemaak aan Bultfontein-boere wat nie vanjaar produksielenings…

AGRI SA en Eskom sal na verwagting vroeg in Januarie vergader om maniere te bespreek wat die negatiewe uitwerking van beurtkrag op die landbou kan beperk. Dr. Requier Wait, hoof van ekonomie en handel by Agri SA, sê die vergadering sou aanvanklik in Desember plaasvind, maar ná Eskom se versekering dat die moontlikheid van beurtkrag tot middel Januarie gering sal wees, is daar besluit om dit uit te stel. “Agri SA het insette van al sy lede gevra met die oog op die vergadering en is besig om die inligting in een dokument saam te vat.” Die SA Tafeldruifbedryf (Sati) was een van verskeie bedryfsorganisasies wat insette in dié verband gelewer het. Met die oes wat in Desember goed op dreef was, het beurtkrag baie ontwrigting gesaai, en Sati wou…

As jy jou bestaan van die grond af maak, is jy noodwendig in die energiebedryf. Dít is die mening van mnr. Ian Mitchell-Innes, boer van Ladysmith in KwaZulu-Natal, wat op die Oppenheimer-De Beers-navorsingskonferensie in Johannesburg gepraat het. Hy word beskou as een van die pioniers van holistiese boerderybeginsels. In sy voorlegging het Mitchell-Innes gesê energie is die ontwykende deel van die som tot volhoubare diereprestasie. “Grond is eenvoudig ’n sonpaneel wat energie vasvang. Ons het egter in die verlede hierdie sonpaneel verwoes deur die CO2 (koolstofdioksied) in die grond in die lug te laat opgaan. Verkeerde praktyke het grond se vermoë om CO2 vas te vang, ook drasties verminder.” Volgens hom is mense baie goed met die oplos van liniêre probleme. “Ons kan mense op die maan kry en meganiese…

Ondanks ’n sterk wind van voor was die afgelope bokhaarseisoen een van die bestes tot nog toe. Die voortslepende droogte en nuwe wetgewing rakende bokhaarbemarking in Lesotho is egter tameletjies vir vanjaar. Volgens mnr. Pierre van der Vyver, bestuurder van die sybokhaarafdeling by CMW/OVK, was die afgelope winterverkoopseisoen uitsonderlik. Hy sê weens die diereregte-aktivistegroep Peta se mediaveldtog oor beweerde dieremishandeling in die Suid-Afrikaanse bokhaarbedryf was die mark aanvanklik huiwerig. “Min is daar besef dat dit in randwaarde die beste winterseisoen nóg sou wees.” Die OVK-markaanwyser op die eerste vyf veilings was gemiddeld R291,31/kg. Volgens hom is dit ’n allemintige 43,2% beter as ’n jaar gelede. Die tweede veiling van die seisoen was die een met die grootste omset, en ’n rekord- gemiddelde prys is aangeteken. OOSTE SKU, WISSELKOERS IS BEPALEND…

Suid-Afrikaanse supermarkte en kettingwinkels het in Desember ’n groei in verhandelingsvolumes van vars produkte van tussen 2% en 4% verwag oor die vakansietydperk. Vol-gens mnr. Ian Grimmbacher, ’n direkteur by Dew-Crisp, die landwye groente- en slaaiverbouer en -verpakker, sal die Kersinkopiestormloop van korter duur as vorige jare wees. “Die verbruiker het eenvoudig nie soveel kontant soos vorige jare nie.” Die volume verkope sal oor ’n korter tyd plaasvind en na verwagting sal dit ná die draai van die jaar aansienlik afneem. Grimmbacher is egter nie te bekommerd hieroor nie. “Die produksie sal goed wees, maar met die droogte wat weer kop uitsteek en die uitermatige hitte in die noorde, is dit moontlik dat die produksie van gewasse wat met saad verbou moet word soos uie, kropslaai, wortels en so meer,…

Landboukundiges is dit eens dat boere vanjaar grootliks met hul gewone wisselboustelsels sal voortgaan, hoewel sommige mettertyd kan probeer om na minder riskante stelsels oor te slaan. Mnr. Henk de Beer, hoofbestuurder van bedrywe by Sentraal-Suid Koöperasie, sê dit sal meestal sake soos gewoonlik wees in daardie deel van die Suid-Kaap. “Die gewone praktyke sal voortgaan, behalwe in die oostelike dele waar boere meer risikovermydend gaan wees en dalk minder kontant- en meer weidingsgewasse sal plant. “Koringproduksie kan dalk onder druk kom en die neiging is waarskynlik eerder na meer gars en kanola ten koste van koring, gegewe dié gewasse se beter opbrengsgeskiedenis die afgelope tyd.” Volgens hom sal oorlaatskuld en voldoende produksiekapitaal vir vanjaar se oes in party gevalle ’n probleem wees. “In die konteks van die huidige moeilike…

Die rooibosoes gaan na verwagting vanjaar groter wees as die 12 500 ton wat verlede jaar geoes is. Teen einde November was dit moeilik om te skat wat die omvang van die 2019-oes gaan wees, sê mnr. Martin Bergh, besturende direkteur van Rooibos Beperk. Hy sê die rooibosproduksiegebiede het verlede jaar meer reën as in 2017 gekry. Hoewel die totale hoeveelheid reën wat hulle gekry het, nie baie laer as die langtermyngemiddelde reënval vir die gebiede was nie, was die verspreiding swak. Die gebiede is boonop geteister deur ongewoon warm en droë weer in die deurslaggewende maande van Julie en Oktober. “Julie moet ons belangrikste plantmaand wees, maar dit was geweldig droog en warm met sterk wind. Ons het twee weke lank ’n oostewind gehad, en dit was 30 °C.…

Melkboere,veral in die binneland, gaan ’n ernstigekosteknyptang tegemoet:Voerkoste het in 2018 gestyg, en produsentepryse het gedaal. Volgens dr. Chris van Dijk, uitvoerende hoof van die Melkprodusente-organisasie (MPO), toon die berekende geweegde voerprys ’n styging van 9,6% van Januarie tot Oktober 2018. Gemiddelde produsentepryse het met byna 20% gedaal. Voerkoste kan vanjaar beïnvloed word deur die grootte van die somergraanoes, wat teen druktyd nog baie onseker was en afgehang het van reën in die planttyd in die westelike gebiede en opvolgreën in die oostelike gebiede; die rand-dollar-wisselkoers, wat na verwagting kan verswak; internasionale graanpryse, wat grootliks sal afhang van die Amerikaanse oes en die olieprys; en klimaatstoestande. Van Dijk sê hoewel besproeiingswater in 2018 vir die meeste melkboere op weiding nie ’n probleem was nie, kan die droogte in die Suid-Kaap…

Hier in die Sandveld, waar ons woon, is alle water brak of pekelsout. Die boere wat nie in die rivier ’n put het nie, moes desjare met die stamper-boormasjien na water soek. Van die boorgate is meer as honderd meter diep, soos op ons plaas, waarvandaan al ons water kom. Ons vars en drinkwater word vanaf die dak in tenke opgevang. Toe ons as kinders grootgeword het, het ons huisie nog nie ’n tenk gehad nie en moes my ma elke oggend by my ouma ’n emmertjie vars water vir ons gesin gaan haal. Dit was hopeloos te min vir ons gesin, want Pa met sy groot maag het ampertjies die emmer alleen uitgedrink. As jy per ongeluk ’n bietjie drink-water laat stort het, het Pa jou aangeskrou asof jy…

1 Senior en grootkampioenkoei, Trish GB 15 690. Eienaar: Groenewaldt-familie (navrae: mnr. Hueston Groenewaldt, sel +264 81 129 8812), Groenewaldt-stoetery, Okahandja en Gobabis. Hanteerder: Mnr. Anthony Bikeur. Links is mnr. Ernst Groenewaldt. 2 Senior en grootkampioenbul, Okabra Admor OKB 15 1. Eienaar: Mnr. Mecki (sel +264 81 129 2623) en me. Brigitte Schneider, Okabra-stoetery, Grootfontein. Van links is mnre. Alex de Koning (bestuurder), Schneider en Lorentius Linus (hanteerder). 3 Reserwe senior en reserwegrootkampioen-koei, St. Blaize Miss Riskey SBB11 79. Eienaar: Mnr. Kobus van der Merwe (sel +264 81 272 3540), St. Blaize-stoetery, Gobabis. Hanteerder: Mnr. Willie Epinge. 4 Reserwe senior en reserwegrootkampioen-bul, Okabra Banco OKB 15 3. Eienaar: Mnr. Mecki en me. Brigitte Schneider, Okabra-stoetery, Grootfontein. Van links is mnre. Alex de Koning, Schneider en Willem Esterhuizen (hanteerder). 5 Bul…

DIE Slanghoek-wynkelder in die Breedekloofvallei het die legendes van die vallei op ’n galageleentheid in Worcester vereer. Lede van die gemeenskap is be-dank vir hul bydrae tot die wynkelder se sukses en ook dié van die breër Breedekloofvallei. Mnr. Pieter Carstens, keldermeester van Slanghoek, het op die geleentheid gesê dié staatmakers is reeds vereer met die wynkelder se vlagskipwyn, die Legends Barrel Fermented Chenin Blanc, maar dit was vir die kelderbestuur ook belangrik om aan hulle erkenning te gee vir die plek wat hulle in die bedryf vol staan. Die legendes wat vereer is, is: Mnr. Bill Pretorius, wat 41 jaar (en 2 maande) lank by die wynkelder betrokke was as bestuurder, vanaf die kelder se stigting in 1951. Hy het ook in 1952 dié kelder se eerste oes as…

NASIONALE VEILING TOP-MELKBEESTE OPGERAAP Altesaam tien genomies getoetste bulle, nege van die topverse in die land en drie embrio’s van die Avondgloed-stoetery van die Van Rensburg-gesin, George, is op die nasionale veiling van Jersey SA op George aangebied. Die hoogste prys van R60 000 is vir die bul Rubicon Knight Winter-fell (foto) van mnr. Arno Theron, Howick, betaal. Die hanteerder is mnr. Skumbuzo Thusi. Die bul Puttergill Legend 17062 van mnr. Grant Puttergill, Thornhill, het R40 000 behaal. Die gemiddelde prys vir verse was R17 000. Bulle het gemiddeld R27 500 behaal. Die embrio’s uit die bekende Trieks-koei van Avondgloed is teen R6 000 elk opgeraap. LADYSMITH / DOHNE-MERINO R34 000 Twee Dohne-Merino-ramme van mnr. Julius Beukes se stoetery Bessiesfontein is op sy tiende produksieveiling naby Ladysmith teen die hoogste…

Laeveld Agrochem se Seil-Safari van 1 tot 5 April is ideaal vir boere wat uitsien na ’n bekostigbare gesinsvakansie op ’n luukse boot en ’n program propvol goeie vermaak en waardevolle inligting vir boerdery. Die program kombineer aspekte van ’n landbouskou, werksessies, ’n boeredag en vermaak, en bied ook genoeg vrye tyd vir ontspanning. Die boot vertrek op Maandag 1 April vanaf Durban na Pomene in Mosambiek. “Ons wil ’n spesiale platform skep waar produsente kan ontspan, kennis inwin, lesse uitruil en skakelgeleenthede ontgin – sonder die gejaag van die alledaagse lewe. ’n Produsent staan nooit alleen nie, en op die Seil-Safari kan hy ál die bogenoemde saam met sy gesin beleef, asem skep, batterye herlaai en hoop kry vir die toekoms,” sê mnr. Corné Liebenberg van Laeveld Agrochem. Die…

GERIEWE van R50 miljoen vir voermeule-opleiding en -navorsing gaan danksy ’n ooreenkoms tussen die Vereniging van Veevoervervaardigers (Afma) en die Universiteit van Pretoria (UP) by dié universiteit tot stand gebring word. Prof. Cheryl de la Rey, uittredende UP-rektor, en mnr. De Wet Boshoff, uitvoerende direkteur van Afma, het op 11 Desember 2018 ’n ooreenkoms onderteken, wat volg op beplanning van ses jaar. Die opleidings- en navorsingsvoermeule is ’n inisiatief van Afma se direksie, en is aangevoor deur dr. Hinner Köster, uitvoerende hoof van Kaonne Investments en adjunkfakulteitsprofessor aan die Kansas State University in Manhattan, Amerika. Boshoff het by die ondertekening gesê voerveiligheid en dierevoeding is uiters belangrik vir die voerbedryf en moet deur behoorlike opvoeding, opleiding en navorsing ondersteun word. GESPESIALISEERD Volgens De la Rey sal die nuwe geriewe aangewend…

Bewaringslandbou is ekologies produktief, winsgewend en herlewend. Dit is boonop klimaatslim en besig om die manier waarop landbou beoefen word, wêreldwyd te verander. Ernstige pogings word aangewend om landbouproduksie in Afrika deur bewaringsboerdery te transformeer. Dít was die boodskap op die tweede Afrikakongres oor bewaringslandbou wat onlangs in Gauteng gehou is. Die vasteland se potensiaal om organiese koolstof in die grond vas te lê is drie keer groter as dié van Europa, het prof. Emilio Gonzalez-Sanchez van die Universiteit van Cordoba in Argentinië gesê. Dit kan meebring dat 533 miljoen ton koolsuurgas per jaar uit die atmosfeer verwyder word. Die oppervlakte waarop bewaringslandbou in Afrika toegepas word, het die afgelope tien jaar verdubbel tot 1,5 miljoen hektaar. Daar is ál meer lande en private en openbare organisasies in Afrika wat…

Die Departement van Water en Sanitasie (DWS) se verbod op die oordrag van watergebruiksregte sedert Januarie verlede jaar het tot minstens vier hooggeregshofaansoeke teen die staat gelei. Mnr. Adriaan Groenewald, ’n prokureur wat in waterreg spesialiseer, sê die verbod het tot gevolg gehad dat alle aansoeke vir die oordrag van water na grond wat nie aan die lisensiehouer behoort nie, voor die voet afgekeur is. Die Wittewater-boerdery in die Wes-Kaap, die Doornkraal-besigheidstrust in die Oos-Kaap, die Suid-Afrikaanse Vereniging van Watergebruikersverenigings (SAAFWUA), en die Joubert-familietrust in die Oos-Kaap het in reaksie daarop hofaansoeke gebring. In November het die staat in die Wittewater-saak bloedneus gekry toe die hof bepaal het dat 227 ha se watergebruiksregte tydelik van een plaas na ’n ander oorgedra kon word. Groenewald sê dié saak het hoofsaaklik oor…

Ondanks oorwegend rooskleurige vooruitsigte vir rooivleis sê mnr. Gerhard Schutte, uitvoerende hoof van die Rooivleisprodusente-organisasie (RPO), die bedryf het verlede jaar met talle knelpunte te doen gekry. Grondonteiening sonder vergoeding is die grootste brandpunt. Die AgriSEB-handves is só problematies dat die Rooivleisbedryfsforum besluit het om die regsroete te volg. Die listeriose-uitbreking verlede jaar het die noodsaaklikheid van voedselveiligheid beklemtoon. Dit het ’n groot impak op die varkbedryf gehad, hoewel die bees- en skaapvleisbedryf taamlik lig daarvan afgekom het. Dit het gewys selfregulering, en nie net regulering nie, is belangrik. Die rooivleisbedryf is steeds in ’n kuddeboufase ná die 2016-droogte, en nasionale slaggetalle was gemiddeld 7% laer as in 2017. Boere se kontantvloeiprobleme kan kuddebou verleng. Die droogte in groot dele van die land het ook ’n nadelige uitwerking. Hoewel medium-…

Die vraag wat Europese supermarkte die graagste vra is: “Wat is nuut?” Só vertel mnr. Jacques du Preez, hoofbestuurder van handel en markte by Hortgro, tydens Kaap Agri se eerste jaarlikse In2Agri-seminaar in die Paarl. “Maar ek het ’n bietjie van ’n probleem daarmee. As iets werk en daar is nie probleme nie, hoekom voortdurend agter nuwe goed aanjaag? Natuurlik moet jy vernuwe, maar hou by jou basis … die goed wat jy ken en wat vir jou geld maak. Moet net nie ten koste van die oue agter nuwes aanfoeter nie.” Oor die afgelope 24 jaar het die hoeveelheid beskikbare kultivars ontplof. Baie boere het hul vingers verbrand met nuwe kultivars wat nie hul sout werd was nie. Veral by appels en pere is dit dikwels nie nuwe kultivars…

Die seisoen is begin met ’n oordragvoorraad van 3,2 miljoen ton mielies, en vogens dr. Dirk Strydom, bestuuder van graan-ekonomie en -bemarking by Graan SA, kan daar in die 2018-’19-produk-siejaar ook heelwat oordragvoorraad wees indien dit weer ’n goeie produksiejaar is wat ’n gemiddelde opbrengs van 5,3 ton per hektaar lewer. Dít kan druk op plaaslike mieliepryse plaas, wat dan op die laer uitvoerpariteitsvlak eerder as hoër sal verhandel. Omdat reën in sowel die oostelike as westelike somersaaigebiede laat gekom het, bemoeilik dit besluite oor prysverskansing en kan boere dalk nie die oes kry waarop hulle gereken het nie. “Teen die huidige prys moet jy ’n bogemiddelde oes afhaal. Jy kan nie net op ’n gemiddelde oes reken nie,” verduidelik Strydom. Hy glo die weer gaan vanjaar ’n wesenlike faktor…

Teen die einde van vanjaar sal ’n mens ongetwyfeld dankbaar wees dat algemene verkiesings slegs elke vyf jaar plaasvind. Soos wat altyd die geval is, sal die Parlement vroegtydig verdaag om LP’s die kans te gee om hul partye se verkiesingsveldtogte te lei. Enigeen wat strategiese besluite in ’n onderneming neem, sal in dié tyd die unieke omstandighede en politieke klimaat in ag moet neem, sê mnr. Theo Boshoff, bestuurder van regsintelligensie by die landbousakekamer Agbiz. “Kwessies soos onteiening sonder vergoeding sal beslis na vore kom. Ondernemings sal omsigtig moet wees en nie openbare uitlatings verwar met die voorstelle wat werklik op skrif is nie.” Oor dié omstrede beleidsvoorstel moet ’n mens in gedagte hou dat ’n lang parlementêre proses, sonder kortpaaie, voorlê om dit ’n werklikheid te maak. Boshoff…

Die suikerbedryf probeer steeds herstel van die massiewe knou wat hy in 2017 toegedien is toe reusehoeveelhede goedkoop, ingevoerde suiker sy markaandeel weggekalwe het. Boonop is ’n gesondheidsheffing (algemeen bekend as suikerbelasting) in April 2018 ingestel, wat meebring dat koeldrankvervaardigers maniere vind om minder van die produk te gebruik. Mnr. Trix Trikam, uitvoerende direkteur van die Suid-Afrikaanse Suikervereniging, sê ná al die struwelinge van die vorige jaar vaar die bedryf goed. Die reën het gekom, maar die pryse is steeds ietwat gedemp, want die bedryf het nie die tariefbeskerming gekry waarom hy aansoek gedoen het nie. Die verwysingsprys is in die derde kwartaal van verlede jaar vanaf VS$566 per ton verhoog tot $680 per ton. Die bedryf het versoek dat dit tot $856 per ton verhoog word. Die vervaardiging van…

Hoe het jou belangstelling in vonkelwyn ontstaan? Ek was nog altyd lief vir die Franse wynstreke Boergondië en Champagne. Ek het die Hemel-en-Aardevallei ontdek toe ek ’n opname oor Suid-Afrika se wynaanbod vir ’n uitvoermaatskappy moes maak. My droom was om uitstekende Pinot noir en Chardonnay te maak, en aangesien albei kultivars die hartklop van Champagne is, het ons besluit om die tuiste van MCC in die Hemel-en-Aardevallei te word. Wat maak die vallei geskik vir Cap Classique-produksie? Ons wingerd groei in een van die koelste plekke in die Suid-Afrikaanse wynland. Ons lê hoog bo seevlak (sowat 320 m tot 350 m) en geniet die see-invloed van Walkerbaai. Ons is ook geseën met ryk kleigrond wat ’n invloed op ons druiwe se gehalte en die profiel van ons wyn het.…

Langebaan se gholfbaan is mooi, veral tydens die Weskus se blommetyd in Augustus en September. Dan sukkel jy om enige kleur bal te vind op die tapyt van wit, geel, pienk en oranje blommetjies. Naas die blomme is Langebaan ook bekend vir wind (dis eintlik wêreldbekend onder vlieërplankryers). Die wind skep die indruk dat die baan taamlik lank speel, al is dit net 6 070 m vanaf die klubbowwe af. Die syfer vyfs is egter taamlik kort. Bill Kerr het die oorspronklike uitleg gedoen, maar om finansiële probleme die hoof te bied, het die Langebaan Country Estate tot stand gekom as ’n Black Knight-ontwikkeling. Gary Player se hand is nou duidelik te sien, veral in die aantal sandkuile wat met sand en gebreekte skulpe gevul is. In die blommetyd sukkel…

HULP VIR SUTHERLAND. Boere van Klipdale en Bredasdorp in die Overberg het op 15 Desember altesaam 33 vragte voer aan die gemeenskap van Sutherland gaan aflaai, waar boere reeds sedert 2013 ondergemiddelde reënval meet. Volgens mnr. Gideon Albertyn van Bredasdorp is die projek, wat deur mnr. Jean-Louis Fourie gereël is, uniek omdat die boere self hul eie voertuie bestuur het en hulle persoonlik die voer gaan aflaai het. Dit is reeds die tweede skenking uit dié streek, nadat 12 vragmotors begin Desember na boere in die Mosselbaai/Gouritsmondgebied gestuur is. Mnr. Abra van Wyk, voorsitter van die Sutherlandse landbou-unie, sê dit is wonderlik dat die boere uit die Overberg, wat self nie weet hoe hulle jaar vorentoe gaan lyk nie, hul harte so vir die boere van Sutherland oopmaak.…

MANIE het die afgelope paar jaar ’n hele paar keer die politiek so van ’n kant af bekyk, veral die betreurenswaardige spulletjie waarin die Parlement ontaard het. Hy kan maar net sy kop skud, soos hy wonder waarheen al die volwasse mense in ons land verdwyn het. Waar is die grootmense as ons hulle nodig het? Suid-Afrika se nasionale diskoers vervlak aanhoudend met die kortpaaie van grootbekpopuliste terwyl ons yslike nasionale probleme, soos werkloosheid en ’n genadelose klimaat, al hoe erger raak. Dit was dus met ’n groot verligting dat Manie die onlangse toetrede kon verwelkom van ’n paar grootmense wat deel geword het van die nasionale poging om die land weer op dreef te kry. Dit is nou die soort ouens wat min sê en baie doen. Een van…

NIE net het voorvalle van veediefstal sedert vroeg Desember in veral die Noord-Vrystaat en binne ’n 300 km-radius om Johannesburg skerp gestyg nie, maar die gepaardgaande wreedheid en mishandeling raak skynbaar ook al hoe erger. “Kapbendes word meer algemeen; ek sien dit al hoe meer op WhatsApp-groepe. Dit is so ’n wrede manier om ’n dier dood te maak. Die beeste wat oorleef moet deur die boere van kant gemaak word,” sê mnr. Johan Stadler, ondervoorsitter van die nasionale veediefstalvoorkomingsforum, wat boer in die distrik Edenville. Hy sê veediewe prop soveel skape op sleepwaens dat talle skape vrek voordat hulle by die eindbestemming aankom. Hulle word ook soms onder seile vervoer, wat versmoring veroorsaak. Afleweringsvoertuie word ook al hoe meer gebruik omdat ’n mens nie kan sien wat vervoer word…

MEER as 10 000 skape is aan die begin van Desember op ’n unieke “mega”-veiling op die plaas Roosterhoek buite Burgersdorp verkoop tydens een van die grootste vetveeveilings nóg in Suid-Afrika. Volgens mnr. Steyn Steenekamp, wat met die idee van die veiling vorendag gekom het én op wie se plaas dit aangebied is, maak dié unieke veiling dinge vir sowel die koper as verkoper makliker. “Jy voer jou diere vir Kerstyd met die hoop om ’n premie te kry. Dis baie stresvol om jou skape afgerond te kry vir hierdie tyd van die jaar en jy kry nie slagplek by ’n slagpale nie,” verduidelik Steenekamp. Tien boerderye, waarvan ongeveer die helfte pa-en-seun-vennootskappe rondom Burgersdorp en Venterstad is, het hul skape te koop aangebied. Altesaam 11 600 skape is aangebied, en…

’N NOORD-AMERIKAANSE knopmyt wat reuse-verliese aan bloubessie-opbrengste kan veroorsaak, is onlangs op bloubessies in Mpumalanga geïdentifiseer. Dit is sover bekend die eerste keer dat dié myt buite Noord-Amerika aangetref word. Acalitus vaccinii kom reeds voor in die omgewing van Amsterdam, Lydenburg en Dullstroom in Mpumalanga. Die myte leef binne-in die blomknoppe en is te klein om met die blote oog te sien. Dit veroorsaak abnormale groei. Die besmette blomknoppe vorm rooierige, roset-agtige galle pleks van bessies, en laat die knoppe vrek. By ernstige besmetting mag blomknoppe verlep en vrek selfs nog voor hulle blomme begin vorm. ‘Die isolasie of kwarantyn van dié knopmyt is in dié stadium onmoontlik.’ Die navorsing wat dr. Charnie Craemer van die Landbou-Navorsingsraad by Roodeplaat in Pretoria oor die plaag gedoen het, is onlangs in die…

1 SPANJE | Sitrus-uitvoer krimp met 14% Spanje se sitrus-uitvoer na lande buite die Europese Unie (EU) het teen einde November 2018 met 14% gedaal. Kanada is nou die grootste bestemming vir Spaanse sitrus buite die EU. Teen einde November 2018 was uitvoer na Kanada 26,7% hoër as die vorige jaar. Uitvoer na Amerika het met 52% gedaal, na Switserland met 8,7% en na Noorweë met 7,2%. Volgens mnr. Charles Peris, algemene sekretaris van die produsente-organisasie La Unió, is die dalings te wyte aan mededinging uit Marokko. Die teenwoordigheid van Suid-Afrikaanse sitrus, veral mandaryne, het ook die Spaanse bedryf in Europa seergemaak. — El Mundo 2 AMERIKA | McDonald’s wil antibiotika beperk Die multinasionale kitskosrestaurantgroep McDonald’s wil van 2020 af teikens instel om die gebruik van antibiotika wat belangrik vir…

Weerkundiges wat seisoenale voorspellings vir Suid-Afrika doen, se modelle dui op ’n swakkerige El Niño-gebeurtenis, wat nie gewoonlik met nat toestande verbind word nie. Die moontlikheid vir ’n El Niño-weergebeurtenis is baie hoog, maar dis nie ’n sterk El Niño nie, sê prof. Willem Landman van die Universiteit van Pretoria. “Hoe sterker die El Niño is, hoe beter is die kans vir droogte. Die enigste sprankie hoop is dat dit ’n swak El Niño is.” Die ander grashalm wat hy kan aanbied, is dat hul modelle se vaardigheid om droë seisoene te voorspel, nie so goed is soos die vaardigheid om nat seisoene te voorspel nie. Hy gebruik ’n voorbeeld uit Namibië. “Dinge lyk nie goed vir Namibië nie. Die data van boere by Grootfontein wat ons onlangs met hul…

Op keldervlak kan die wynprys vanjaar met 11-13% styg, en volgende jaar met nóg 6-8%. Dié styging kom ná verlede jaar se toename van 17-19% in die wynprys. “Die wynboere sal vir jou sê hulle kom deur nege baie lang, maer en taai jare. Die goeie nuus is dat ons die keerpunt bereik het en wins besig is om terug te keer,” het mnr. Rico Basson, besturende direkteur van VinPro, tydens Kaap-Agri se eerste jaarlikse In2Agri-seminaar in die Paarl gesê. In 2017 het die wynprys met ongeveer 12% toegeneem. “Waar die vloerprys R4,50 per liter was, is dit nou R6,00-R6,50 per liter. Dis ’n 30%-aanpassing in prys (in 2017 en 2018), en dit sal die opbrengs op jou belegging terugbring tot op die vlak wat boere nodig het.” Ook in…

As die klimaat saamspeel, kan Suid-Afrika na verwagting vanjaar 144 miljoen kartonhouers sitrus vir die uitvoermark pak, teenoor 135 miljoen in 2018, sê mnr. Hannes Bester van die Sitrusnavorsingsinstituut. Hy sê dit raak ál belangriker dat die land sy uitvoermark uitbrei deur nuwe markte te ontwikkel, maar bestaande markte moet ook onderhou word. Hoewel Suid-Afrika verlede jaar ’n baie goeie uitvoerseisoen na Europa gehad het, waarsku mnr. Deon Joubert, die Sitruskwekersvereniging se gesant vir markaangeleenthede in die Europese Unie (EU), dat boere nie op hul louere moet rus nie. “Daar is altyd ’n risiko dat die Europese mark sy grense vir Suid-Afrika kan sluit. Suid-Afrika verdien sowat 41% van sy inkomste uit sitrusuitvoer na die EU.” Volgens Joubert misbruik lande deesdae fitosanitêre maatreëls om mededingende produkte uit ander lande te…

Sojabone is die Suid-Afrikaanse gewas wat die afgelope dekade die vinnigste veld gewen het, met sy oppervlakte-aanplantings en produksie wat onderskeidelik met ’n gemiddelde van 15% en 20% jaarliks toegeneem het, volgens ’n vooruitskouing deur die Buro vir Voedsel- en Landboubeleid (BFAP) vir die tydperk 2018 tot 2027. WÊRELDPRENTJIE Ná ’n vyfjaarperiode van betreklik stabiele globale produksie van graan en oliesade, het die pryse in 2017 tot die lae vlakke van 2010 gedaal. Die nominale produsentepryse sal na verwagting in die oesjare 2018-’19 en 2019-’20 slegs geringe stygings toon, onder meer weens ’n wêreldwye toename in vraag, veral in China, en ’n toename in veeteelt in opkomende ekonomieë. Die produsenteprys van sojabone, sonneblomme en kanola sal oor die volgende jaar met gemiddeld of minder as 0,5% styg. Die wêreldwye produksie…

Verlede jaar het die Suid-Afrikaanse olyfbedryf sowat 1,5 miljoen liter olyfolie gemaak. Dit was 10% meer as in die vorige jaar, maar heelwat minder as in 2016, toe meer as 2 miljoen liter olie gepars is. “Die droogte se invloed was dus die afgelope twee produksiejare duidelik, maar dinge lyk nou beter as verlede jaar toe die reën laat en min was voor die oestyd in Maart. Later in die jaar het ons goeie reënval op die regte tyd gehad, wat dinge gunstiger laat lyk vir vanjaar se oes,” sê me. Karien Bezuidenhout, bestuurder van SA Olive. Dit is goeie nuus gegewe ’n groeiende vraag uit die buiteland na plaaslike olies, asook ’n plaaslike mark wat nog groot potensiaal inhou. In klimaatonseker tye geniet die olyfbedryf een voordeel, naamlik dat…

Stygende insetkoste, die voortslepende droogte en wispelturige weerstoestande plaas tans groot druk op tabakboere wat in spanning wag op reën om waterbronne dringend aan te vul. Ten spyte daarvan bly boere optimisties en werk onverpoos om ’n goeie tabakoes met goeie rookgehalte en die regte chemiese samestelling by die waardasiepunt te lewer, sê mnr. Francois van der Merwe, voorsitter van die Tabakinstituut van Suid-Afrika (Tisa). Die tabakoes in die 2018-’19-oesjaar word tans op 15 360 ton geskat (11 300 ton oondgedroogte tabak en 4 060 ton donker, luggedroogde tabak). Nog 300 000 kg tabak word vanaf die kleinboerprojekte verwag. Die selektering van die bes aangepaste kultivars vir spesifieke produksiegebiede bly van deurslaggewende belang. Tisa finansier navorsing wat behels kultivarontwikkeling en -aanpassing, bewerkingspraktyke, die optimale gebruik van misstof en chemiese middels,…

DIEREVOEDING ONDERBEWEIDING ÓÓK GEVAARLIK VIR DIE VELD Ek lees tans oor die grootvee-eenheid (GVE)/ha en die gevolge van oorbeweiding. Ek dink min mense is bewus daarvan dat onderbeweiding net so gevaarlik kan wees. Ek het my veld oor die jare onderbenut en “gespaar”, en vandag sit ek met ’n tamboekieprobleem. Die tamboekiegras is besig om my weiveld oor te neem. My buurman, daarenteen, wat omtrent die hele jaar lank vee in die kamp laat loop, het geen probleem nie. Ja, onderbenutting kan net so nadelig wees. Die Departement van Landbou het destyds op die Athole-proefplaas (oos van Ermelo) ’n proefperseel van 1 ha afgeskort en dit onttrek van beweiding en nooit gebrand nie. Die perseel is in vaste grasveld, en na ongeveer 35 jaar van geen brande of beweiding nie,…

MNR. BILLY BOURBON-LEFTLEY, voorsitter van die Hoof-Bergrivierbesproeiingsraad, is deur die raad in die Paarl vereer vir die werk wat hy vir die besproeiingsboere teen die rivier verrig. “As dit nie vir Billy was nie, het ons boere lankal onder mekaar begin baklei,” het mnr. Danie Malan, eienaar van die wynlandgoed Allesverloren en lid van die besproeiingsraad, op die geleentheid gesê. Bourbon-Leftley is al ses jaar lank voorsitter van die raad wat 12 streeksbesproeiingsrade binne die Bergrivierstelsel insluit, en het die afgelope droogte baie doeltreffend met die owerhede geskakel. Sy diplomatieke onderhandelingsvermoë het verseker dat die Stad Kaapstad ingestem het dat die beperking vir boere wat van die Bergrivierbesproeiingskema afhanklik is, vir 2018-’19 van die beoogde 60% tot 10% verlaag word. “Dié soort verering word gewoonlik net postuum oorhandig, maar ek…

Die wenner van ’n kompetisie wat onder die vaandel van die Bayer Dankie-veldtog en met die samewerking van Obaro aangebied is, is mnr. C.P. van der Walt van Polokwane. Boere van hoofsaaklik Limpopo en die noordelike deel van Noordwes is outomaties ingeskryf as hulle twee Drastic Deadline-produkte van 20 liter elk gekoop het. Op die prysoorhandiging by die Obaro-tak op Polokwane is, van links, mnre. Tommie Geyser van Taltec, Theunis Hietbrink, bestuurder van Obaro op Mokopane, Jurgens Potgieter, wat die prys namens Van der Walt ontvang het, me. Natasha de Swardt, bestuurder van dieregesondheidsprodukte by Obaro, Hein Meyer, verkoopsbestuurder by Bayer, en Gerrie Van Jaarsveld, Bayer-agent. FOTO: VERSKAF…