Indholdsfortegnelse for 22-Feb-19 i Landbouweekblad

DIE afgelope 14 weke het die beskikbaarheid van Eskom se vloot kragsentrales gewissel van 67,63% tot 61,86%, volgens dié kragmaatskappy se weeklikse statusverslag. Dit is teenoor Eskom se teiken van 80%, en die 78% wat hy aangeneem het in sy aanvanklike tariefaansoek vir die volgende drie jaar. Die Nasionale Energiereguleerder het hom aangeraai om dié syfer aan te pas tot rondom 72%. Lede van Nersa was tydens openbare verhore oor die tariefverhogings egter van mening dat selfs dié syfer onbereikbaar kan wees, gesien teen die huidige 60% beskikbaarheid. In die statusverslag wys Eskom ook daarop dat die spitsaanvraag vir elektrisiteit in die vyfde week van 2019 om en by 28 880 MW was, teenoor 34 242 MW in 2018, 35 361 MW in 2017 en 34 157 MW in 2016.…

ARTIKELS & RUBRIEKE ■ Kan skuldvaardigheid help om welvaart te skep? ■ Benut krisis met bek-en-klouseer reg ■ Plantkweker wys dié gewas is geen draak ■ Hoenderhemel in die Sondagsriviervallei ■ Herlewingslandbou: SA boer wys die Yanks hoe ■ Goedkoop groenvoer verlig droogte GESIN ■ Een plaatkoek, baie planne PLUIMVEE As jy organiese boerdery op die regte skaal aanpak, hoef jou winsmarge nie ten koste van jouself of die verbruiker te wees nie. Mnr. Eddie Ferreira van die plaas Moedskepvlakte in die Sondagsrivievallei laat geen steen onaangeroer om GM-vrye voer vir sy 5 000 Lohman Brown-hoenders, wat 100 000 eiers per maand lê, te bekom nie.…

Landbouweekblad word op 21 Mei vanjaar 100. As deel van die viering plaas ons ’n keur van stories op ’n splinternuwe webwerf (www.netwerk24.com/landbou/eeufees). Lees meer oor die groot geeste in die Suid-Afrikaanse landbou, ontwikkelings wat ’n impak op die bedryf gehad het, asook gunstelinge, soos Opsitkers en spotprente. Jy kan ook op ’n gratis nuusbrief oor die eeufees inteken. Stuur e-pos aan cornelia.vdmerwe@24.com met die woord “eeufees” in die onderwerplyn.…

MET veediewe wat daagliks sowat 178 beeste, 250 skape en 115 bokke buit, verloor Suid-Afrika gemiddeld die ekwivalent van een plaaseenheid per dag. “Ons verloor 90 000 skape, 63 000 beeste en 35 000 bokke per jaar in Suid-Afrika weens veediefstal,” sê mnr. Willie Clack, nasionale ondervoorsitter van die Rooivleisprodusente-organisasie (RPO) en nasionale voorsitter van die Veediefstalvoorkomingsforum. Hy was ’n spreker op die RPO in KwaZulu-Natal se streekvergadering op Dundee. Volgens hom is Suid-Afrikaanse boere boonop baie traag om misdaad by die polisie aan te meld. “Ons het ongeveer 159 000 gevalle per jaar, maar net 28 000 tot 29 000 daarvan word aangemeld. Wanneer dit kom by veediefstal in die land, is ons nie-aanmeldingskoers sowat 80%. Ons weet dus nie regtig wat aangaan nie en kan daarom nie die…

SKAAPBOERE is gewaarsku om die toestande in hul skeerhokke op te knap en seker te maak dat skeerders voldoende vergoed word om strafmaatreëls in die nabye toekoms te vermy. ’n Ouditstelsel om te verseker dat boere aan die beste skeerpraktyke voldoen, is die wolbedryf se voorland, het mnr. Guillau du Toit, voorsitter van die Nasionale Wolkwekersvereniging (NWKV), op die streekvergadering van die KwaZulu-Natalse NWKV op Dundee gesê. Wolkopers is ook te vinde vir die plan en het reeds aangedui hulle sal nie wol koop van boere wat nie aan die standaarde voldoen nie. Die doelwit is om met ’n spesiale stempel op veilingskatalogusse aan te dui of verkopers aan standaarde voldoen. Du Toit het na ’n video verwys wat verlede jaar die ronde gedoen het en sogenaamde wreedheid en mishandeling…

SPEENKALFPRYSE het verlede week in sommige dele van Suid-Afrika effens gedaal, en in ander gebiede effens gestyg. “Namate reën in party streke voorkom, styg speenkalfpryse in sekere gebiede,” sê mnr. Dawie Maree, hoof van landbou-inligting en bemarking by FNB. Volgens www.vleispryse.co.za het speenkalfpryse in die Noord-Vrystaat die afgelope week gedaal nadat prysstygings die vorige twee weke aangeteken is. ’n Prysdaling van R2,41/kg is vir speenkalwers wat minder as 200 kg lewende gewig is, aangeteken. Die prys was op verlede week se veilings R32,55/kg, teenoor R34,96/kg die week vantevore. Speenkalwers tussen 200 kg en 250 kg lewende gewig, en kalwers van meer as 250 kg lewende gewig se pryse het met onderskeidelik 30c/kg en 65c/kg gedaal tot R31,21/kg en R27,12/kg. Van 15 Desember verlede jaar tot 15 Januarie vanjaar het speenkalfpryse…

DAGGA IN DIE WERKPLEK Wetgewing oor die gebruik van dagga vir persoonlike doeleindes het einde verlede jaar verander. Boere moet hulself afvra wat hul verantwoordelikheid is indien hulle bewus is daarvan dat hul werknemers dagga gebruik. Die werkgewer moet die volgende vrae beantwoord: ■ Is die werknemer in staat om sy of haar take te verrig? ■ Wat is die aard van die werknemer se werk? ■ Is daar ’n beleid in die werkplek ten opsigte van die besit en/of gebruik van dagga? ■ Watter bewyse het die werkgewer om te staaf dat die werknemer wel dagga in die werkplek gebruik? “Indien die werknemer ná werktyd dagga gebruik, maar aanmeld vir diens en in staat is om werk te verrig, behoort jy hom te monitor. Die veiligheid van jou werksmag…

Die dilemma wat ’n uiters suksesvolle boer van die Laeveld (soos baie ander) het, is dat sy persele in ’n maatskappy geregistreer is. Hy wil graag in sy testament die persele met die sitrus aan die een seun nalaat, en dié met die lewende hawe en suikermielies aan die ander seun. Die probleem is dat die vaste eiendom aan ’n maatskappy behoort waarvan die boedeleienaar die volle belang hou. Spesifieke bates kan nie vererf word nie, want die boer besit dit nie. Die maatskappy besit die bates of, nóg moeiliker, die maatskappy se aandele lê in ’n trust! Kom ons kyk eers na die geval waar die boer die aandele in die maatskappy hou. Soos reeds gesê, die maatskappy is die eienaar van die grond. Die boer kan dus nie…

Koringboere het nie juis beheer oor die prys wat hulle vir hul produk ontvang nie. Om dus die verskil tussen die prys en produksiekoste te verhoog, moet hulle doen wat hulle kan om koste laag te hou en opbrengs te verhoog. Beter kultivars en boerderypraktyke soos bewaringsboerdery het die afgelope paar dekades gehelp dat die gemiddelde koringopbrengs van 0,92 t/ha in die 1970’s tot 3,03 t/ha in die huidige dekade verbeter het (sien TABEL 1 ). Dr. Francois Koekemoer, navorsingsdirekteur by die saadteelmaatskappy Sensako, het op Graan SA se onlangse streekvergaderings op Riversdal en Rietpoel gesê Suid-Afrika se vordering vergelyk goed met die van Australië (selfs beter) en Suid-Amerikaanse lande. Sekere van Sensako se kultivars het goed gevaar toe dit in Engeland en Frankryk geplant is (sien KASSIE ), maar…

Moringa is ’n vinnig groeiende, bladwisselende boom wat 10-12 m hoog kan word. Die bome groei van saad af. In warm weer ontkiem sade binne sowat tien dae, en as dit koeler is, kan dit tot 18 dae duur. In optimale toestande bot die boom binne ses maande nadat dit geplant is vir die eerste keer. Dit dra dan saad in lang, boontjieagtige peule. Moringa is taamlik bestand teen droogte, maar vir kommersiële verbouing moet dit liefs besproei word. Die blare is die voedsaamste deel van die plant en is ’n noemenswaardige bron van vitamien B, vitamien C, provitamien A, vitamien K en proteïene. Moringa oleifera is die algemeenste soort. Dit groei vinnig in tropiese en subtropiese klimaatstreke en is gehard teen droogte. Dit kom oorspronklik uit die suide van…

Hy wil sommer langs ’n drukgang sterf wanneer dit sy tyd is om te gaan, sê dr. Japie Jackson (87) van Bulawayo in Zimbabwe, geliefde veearts wat veral onder beesboere bekend is. “Ek is nog baie gesond en was 60 jaar laas in ’n hospitaal, waarvoor ek die Here dank,” vertel die vriendelike gryskopman. Landbouweekblad het hom raakgeloop op ’n beesskool wat deur die Zimbabwiese stamboekliggaam Zimbabwe Herd Book in Bulawayo aangebied is. Hy het sy studie om veearts te word in 1954 by Onderstepoort in Pretoria voltooi. Daarna het hy na Zimbabwe teruggekeer en op Liebig’s Ranch in die Beitbrugdistrik in die suide begin werk. Dit was toe die naasgrootste beesplaas in die land en het sowat 400 000 ha beslaan. “Daar het ek ’n skema vir hartwater-immunisering begin…

WATTER TEGNOLOGIE IS ONMISBAAR? Buiten ons pulpmasjien, trekker en wa is ons werkers ons boerdery se belangrikste bate. Sonder hulle sou ons niks kon verrig nie. WAT IS DIE BESTE RAAD WAT JY AL GEKRY HET? WJ: Luister na ouer mense se raad en planne. Moenie net jou eie kop volg nie. MICHIEL: My pa, Willie, het gesê: “Maak nie saak wat jy in die lewe doen nie, doen dit na die beste van jou vermoë. Só sal jy altyd werk hê.” WAT IS JUL GROOT STRUIKELBLOK? Die turksvye hier by ons word oor Kersfees en Nuwejaar ryp. Eensklaps, binne twee weke, is alles gelyk ryp. As ons nie vinnig oes nie, verloor ons ’n gedeelte daarvan. RAAD VIR ANDER ENTREPRENEURS? As daar ’n geleentheid op jou pad kom, maak…

Hoeveel boere het hulself voorgeneem om vanjaar meer gholf te speel, en hoeveel het dit die afgelope maand of wat reggekry? Of dit nou gholf, fietsry of fotografie is, kenners stel graag voor dat ’n mens in ’n nuwe stuk toerusting belê om nuwe lewe te blaas in die sport of stokperdjie wat jy begin afskeep. Die gholfwebwerf Golf Assessor se redakteurskeuse vir ’n nuwe stel vir 2019 is Taylor-Made se M4-ysters en -drywers. Volgens Taylor-Made bied dié ysters beter afstand en ’n beter gevoel. Dit is te danke aan TaylorMade se nuwe Ribcor-struktuur, ’n interne ribstruktuur wat die yster verstewig, terwyl dit by impak optimale energie aan die bal oordra. TaylorMade sê die vermindering van spelersblapse is ’n belangrike fokus van die M4-ysters se vervaardigingsproses. Ekstra gewig in die…

Suid-Afrika is ’n halfdorre, waterskaars land met ’n gemiddelde reënval van sowat 450 mm per jaar. Dit is ver onder die wêreldgemiddelde van sowat 860 mm. Boere moet dus baie doeltreffender met die beskikbare water omgaan. Die landbou gebruik sowat 60% van die beskikbare water. Byna 70% van Suid-Afrika se bruto binnelandse produk word ondersteun deur water uit slegs vier riviere (die Limpopo-, Inkomati-, Pongola- en Oranjerivier), wat gesamentlik twee derdes van die grondgebied dreineer. Goeie bestuur van besproeiingswater beteken die hoeveelheid en verspreiding daarvan, asook die tydsduur van die besproeiing, word so doeltreffend moontlik aangepas volgens die gewas se spesifieke waterbehoeftes. Dit hang nie net af van die korrekte tegniese en landbou-ontwerp nie, maar ook van die bestuurstandaard en instandhouding van die stelsel. Goeie bestuur is ook noodsaaklik vir…

Namibië het ratse boere nodig wat op net twee dinge konsentreer, naamlik groei en vooruitgang, het dr. Helmke Sartorius von Bach, ’n raadgewende ekonoom, onlangs gesê. Dit is presies wat mnr. Dirk van Wyk van Gobabis doen, want hy het ook etlike ander inkomstebronne. ’n Melkwins van 30% klink merkwaardig, en dít is presies wat hy regkry danksy ’n stelsel om sy koeie van die veld af te melk en die melkrantsoen se bestanddele self aan te ry. Van Wyk (47) en sy vrou, Melanie, en hul kinders, Cobus (23) en René (20), boer saam op die plaas Mombolo met kruisings van Braunvieh-, Simmentaleren Brahmanbeeste. Hulle produseer ook speenkalwers en houtskool. ’n Klein boerderyvertakking met varke, skape en bokke vir eie gebruik is deel van sy plaas. Hulle het verder…

Hoenderlewers in romerige tamatierissiesous ■ 1 ui, in dun wiggies gesny ■ 2 knoffelhuisies, fyn gekap ■ 2 klein brandrissies, ontpit en gekap ■ Olie, vir braai ■ 60 ml droë witwyn ■ 30 ml botter ■ 1 blik (410 g) gekapte tamaties ■ Sout, swartpeper en ’n knippie suiker, vir geur ■ 250 ml room ■ 15 ml rissiesous ■ 500 g hoenderlewers, skoongemaak ■ Vars pietersielie, gekap ■ Fyngerasperde parmesaankaas, om oor te sprinkel (opsioneel) Braai die ui, knoffel en rissies stadig in die olie tot sag. Voeg die wyn by en laat met die helfte afkook. Voeg die botter en tamaties by, geur goed met sout, peper en suiker, en laat opkook. Voeg die room en rissiesous by, verhit tot kookpunt en laat prut die sous tot…

Ek wil praat, ek wil vertroos, maar ek weet nie wat om te sê nie. As aan my gevra word watter faset van my herderlike bediening vir my die moeilikste was, is my antwoord die bediening van vertroosting. Dit was nie net moeilik nie, maar was heel waarskynlik ook nie baie suksesvol nie. Wat sê jy aan iemand as jy hom of haar moet vertroos as iets sleg gebeur het – iets waarvan hulle nie die rede verstaan nie, en jy net so min? Voeg hierby dat jy uit eie ervaring nog nooit so iets moes verwerk nie, en jou taak om te vertroos raak onmoontlik. Wat sê jy vir iemand wat sy of haar lewensmaat op ’n jeugdige ouderdom verloor het – miskien deur ’n ongeluk of ’n noodlottige…

Me. Wendy Petersen, voormalige bestuurder van internasionale projekte by Wines of South Africa, is as bedryfsbestuurder van die transformasie-eenheid by die Suid-Afrikaanse Wynbedryf aangestel. Luidens ’n persverklaring is die eenheid ’n onafhanklike en verteenwoordigende forum van wynbedryfstrukture wat transformasie in die sektor koördineer in ooreenstemming met die riglyne van die Nasionale Landboubemarkingsraad. Die eenheid bevorder transformasie deur vaardigheids-, ekonomiese en maatskaplike ontwikkeling. Die belangrikste doelwit van die organisasie is om gelyke toegang en deelname van swart ondernemings in die wynwaardeketting te bevorder.…

HENNEP: KOMMERSIËLE PROEWE BEOOG Hennep het groot potensiaal om ’n nisproduk vir klein- én kommersiële boere in Suid-Afrika te wees, sê mnr. Kwena Makgohloa, navorser van die Landbounavorsingsraad (LNR) se Instituut vir Nywerheidsgewasse. Die instituut doen al langer as 20 jaar lank navorsing oor dié gewas, ’n familielid van dagga en ook bekend as “kommersiële dagga”, wat tans net met ’n permit gekweek mag word. Die registrasieproses vir die LNR se twee nywerheidslyne – SA Hemp1 en SA Hemp2 – sal hopelik einde vanjaar afgehandel wees. Makgohloa sê die instituut onderhandel nou met kommersiële boere om proewe op kommersiële skaal te doen, wat na verwagting oor meer as een jaar sal strek. “Finansiering gaan ’n groot rol speel om ons in staat te stel om die kommersiële navorsing te doen.…

Die volgende ontleding van grondverkope in Suid-Afrika is van transaksies vir grond van meer as 10 ha in Mpumalanga, die Noord-Kaap en Noordwes van Desember 2017 tot verlede November. Altesame 586 transaksies het in 13 distrikte in Noordwes plaasgevind. Beter pryse is in sewe distrikte (50%) aangeteken. Altesame 176 228 ha is teen R2,959 miljard verhandel. Daarvan was 137 (23%) ooreenkomste van kleur, wat R814 miljoen (27,5% van die totale waarde) behels het. Altesame 37% van die transaksies was vir grond van minder as 50 ha. In Mpumalanga was daar ’n dalende neiging in vier distrikte (66,7%). Altesame 425 transaksies het 103 799 ha teen R3,357 miljard behels. Daarvan was 116 (27%) ooreenkomste van kleur, wat 31 937 ha (30,8%) teen R913 miljoen behels het. Die meeste transaksies (36%) was…

Die Bosvelderram Klipdrift (op die foto bo) het die hoogste prys op vanjaar se Bosvelderveiling op Bela-Bela behaal. Mnr. Morris Ramatlakala van Hammanskraal het R34 500 vir dié ram van mnr. Theo Hoffman van Loskopdam betaal, sê me. Rudette Nel, voorsitter van die Bosvelderstudiegroep, voorheen bekend as die Limpopo-Pedi-en-Bosvelderstudiegroep. Dit is meer as dubbel verlede jaar se topprys van R16 500, ook vir ’n ram van Hoffman. Ramatlakala en Hoffman was onderskeidelik ook die koper en verkoper van die dragtige ooi wat die hoogste prys behaal het, naamlik R8 100. Die studiegroep het die veiling soos vorige jare by die Bela-Belakleinveesentrum in Limpopo aangebied. Bosvelder- én Pedi-/Bapediskape het onder die hamer gekom, waarvan sowat twee derdes Bosvelders was. Die Bosvelder is ’n veredelde Pediskaap. Al 184 diere wat aangebied is,…

171 800 Meer as 171 800 stuks vee sou vir 30 dae gevoer kon word met die R220 miljoen se droogtehulp wat in KwaZulu-Natal verlore gegaan het. Mnr. Naudé Pienaar, assistent-hoofbestuurder van Agri Noordwes, sê teen ’n gemiddelde koste van sowat R32 000 per vrag voer wat vir droogtehulp aangery word (met vervoerkoste van R20 000 en voerkoste van R12 000 per vrag), sou die vermiste R220 miljoen 6 875 vragte voer kon betaal. Lees meer by: bit.ly/2S0Gi6r. – Alani Janeke 7% Die waarde van Suid-Afrika se landbou-uitvoer was in 2018 op ’n jaargrondslag 7% hoër. Dié sektor het goedere van $10,6 miljard (R148 miljard) uitgevoer – ’n nuwe rekord. Sitrus, tafeldruiwe, wyn, appels, pere, mielies en suiker het die meeste bygedra tot dié syfer. Oor dieselfde tyd het invoere…

‘Dit wil voorkom of rampbestuur in ál sy fasette nie die vermoë en kundigheid het om landbourampe te bestuur nie.’ MNR. NICOL JANSEN, voorsitter van Agri Noord-Kaap, oor die trae pas van droogterampverklarings. Bl. 20 ‘Dit gaan my verstand te bowe.’ MNR. WILLIE CLACK, adjunkvoorsitter van die Rooivleisprodusente-organisasie, oor die feit dat Suid-Afrika die enigste Afrikaland sonder ’n naspeurbaarheidstelsel vir rooivleis is. Bl. 15 ‘Die omgewing lyk bitter aardig vir hierdie tyd van die jaar.’ MNR. JIM BREDENKAMP, oor die gevolge van die min reën wat die Postmasburgomgewing gekry het. Bl. 17 ‘Bona fide-boere het in die meeste gevalle min of geen hulp gekry nie.’ ME. SANDY LA MARQUE, uitvoerende hoof van Kwanalu, oor die misbruik van droogtegeld in KwaZulu-Natal. Bl. 20 ‘Daar is ten minste reeds ’n aansienlike verbetering…

Die artikels “Het BLUP nog bestaansreg?” (LBW, 8 Februarie 2019), “BLUP: Albei kante van die munt” (LBW, 15 Februarie 2019) en “Uitlatings nie uit lug gegryp” (LBW, 15 Februarie 2019) het betrekking. Die bestaansreg van enige stelsel hang af van sy werklike waarde en korrekte aanwending. Die waarde van enige debat lê sekerlik daarin dat standpunte wat gestel word, in die eerste plek weldeurdag moet wees. Verder sal dit min sin maak om feite by die deur uit te gooi. Alles moet in konteks bekyk en verstaan word. BLUP is ’n weldeurdagte manier om seleksiekandidate in ’n rangorde te plaas op grond van die verwagte relatiewe uitdrukking van die betrokke eienskap wat gemeet word by die nageslag. Die gebruiker van die eienskap doen die metings om ’n bepaalde rede, naamlik…

GOEIE reën oor die baie droë Suid- en Wes-Vrystaat, groot dele van die Oos-Kaap en suidelike dele van die Noord-Kaap die afgelope twee weke het boere wyd laat asemskep. Goeie neerslae het ook in groot dele van Namibië geval. In die Oos-Kaap, waar sommige dele al vir vier tot vyf jaar onder droogte gebuk gaan, het goeie reën talle boere weer ’n mate van moed gegee. Die meeste van hulle is dit egter eens dat die droogte nog nie gebreek is nie. Goeie opvolgreën is nodig vir veldherstel. By Steytlerville het daar op die plaas Rietfontein altesaam 46 mm in die eerste naweek van Februarie geval. “Al ons damme is vol,” sê mnr. Heinie Dorfling, boer van Rietfontein. Saam met die reën het daar egter ook hael so groot soos…

1 ZIMBABWE| Gaan wit boere plase kry? Wit boere in Zimbabwe kan plase kry in ’n herstrukturering van grondbesit wat sal volg ná ’n grondoudit wat tans onderweg is. Mnr. Douglas Karoro, die land se adjunkminister van grond, landbou, landelike herverstiging, water en klimaat, het onlangs in die parlement gesê die oudit sal na verwagting in Maart vanjaar voltooi wees. Hy sê die regering wil nie kyk na die ras, godsdiens of politieke affiliasie wanneer nuwe plaaseienaars oorweeg word nie, maar na ervaring en vaardigheid. Zimbabwe se rampspoedige grondhervormingsprogram in die vroeë 2000’s het 6 000 wit boere sonder heenkome gelaat en sowat 300 000 swart families gebaat, maar daaronder was ook topamptenare in die regerende Zanu-PF-party. – Business Day 2 ETHIOPIË | Holland kry slae oor tef-patent Die Internasionale…

’N KONSEP om lewende vee van oral in Suid-Afrika op die internet te verhandel, is met welslae aangebied toe 1 000 speenkalwers verlede week in minder as 20 minute verkoop is. Kopers het die aanbod van agt lotte speenkalwers op Beeswinkel, ’n digitale platform vir aanlyn veilings in Suid-Afrika, opgeraap. Mnr. Petrus van Heerden, direkteur van Beeswinkel, sê die uitslag was verstommend. “Daar was groot belangstelling, en die veilingproses is nou baie eenvoudiger. “Boonop was dit vir die voerkraaleienaars wat vee op die veiling verhandel het, nie eens nodig om hul kantoor of huis te verlaat nie.” GRATIS EN VEILIG Die gemiddelde prys waarteen die lotte verkoop is, was R31,80/kg, en die hoogste prys was R34/kg. Volgens Van Heerden is die platform gratis, veilig en almal kan dit gebruik. Belangstellendes…

MET die sitrusseisoen op hande is daar steeds geen vooruitsig dat Suid-Afrikaanse produsente verlos kan word van die peperduur stappe om die moontlike verspreiding van swartvlek na die Europese Unie (EU) te voorkom nie. Mnr. Deon Joubert, die Suid-Afrikaanse Sitruskwekersvereniging (SKV) se gesant vir handelsbetrekkinge met die EU, het dié slegte nuus pas op die Fruit Logistica-handelskou in Berlyn, Duitsland, aan Suid-Afrikaners oorgedra. Joubert sê hoewel daar verlede jaar net twee onderskeppings van vrugte met tekens van die swartvlekswam was, het die SKV se pleidooie vir vrystelling van Suid-Afrikaanse sitrus uit swartvlekgebiede op dowe ore geval. “Ons eerste strategie was om te versoek dat daar ’n uitsondering gemaak word, soos vir vrugte wat tot sap verwerk word. Die versappingsaanleg vernietig mos die swam. “Toe dit nie werk nie, het ons…

DIE situasie waarin die rooivleisbedryf hom tans bevind, herinner sterk aan die fliek The Perfect Storm. Net soos die bemanning op die boot in die fliek, stuur die bedryf in Suid-Afrika op ’n kategorie 5-storm af. Die Rooivleisprodusente-organisasie (RPO) en kenners is dit eens dat die voortslepende droogte, die uitbreking van bek-enklouseer en die hoë prys van mielies tot die situasie bydra. Volgens mnr. Gerhard Schutte, hoofbestuurder van die RPO, is van die voorspellings vir die jaar dat die rand sal versterk teenoor die dollar, maar in die maande ná die verkiesing kan onstuimige toestande verwag word. Boonop word die begrotingsrede op 20 Februarie gelewer. “Inflasie is redelik onder beheer en in pas met die Suid-Afrikaanse Reserwebank se mikpunt van 6%. Na verwagting sal die rentekoers vanjaar redelik stabiel bly.…

WAAR HET JY GELEER BOER? As plaaskind het ek my pa, Pat, en oupa, Charles, as mentors gehad. Ná skool het ek landboubestuur in Brittanje aan die landboukollege in Cirencester, sowat 130 km noordwes van Londen, studeer. Dit het my ’n nuwe perspektief gegee oor hoe om ’n plaas as onderneming te bestuur. Ek het ook op verskeie ander plase gewerk voordat ek teruggekeer het. Ek leer nog voortdurend by dié boere. HOE WERK DIE SAMEWERKING OP JUL PLAAS? My pa het die fynere kunsies van boerdery by sý pa geleer, en ek het die voorreg om dieselfde opleiding by hom te kry. My pa ondersteun die strewe na vooruitgang en stel ’n wonderlike voorbeeld deur sy werksetiek, toewyding en kennis. Die ander steunpilare is my ma, Sandy, en my…

■ Kaapse koringboere moet harder werk omdat die wisselwerking tussen omgewingstoestande en kultivars so groot is. ■ Koringkultivars wat in Suid-Afrika geteel word, het die potensiaal om hoër opbrengste te behaal, maar die korter Kaapse winter, met sy relatief lae reënval en korter dagliglengte en die algemene swak grond, verhinder dit. ■ Boere moet bedag wees op die prosesse wat tydens die verskillende ontwikkelingsfases van koring plaasvind, en hul produksiepraktyke daarby aanpas.…

Reën is ’n boer se lewensaar, en wanneer dit val, is die gemoedere sommer ontspanne en lig. Maar as dit wegbly, word jy gekonfronteer met ’n klomp emosies en, belangriker nog, keuses. Vir die saaiboer is die spertye baie meer problematies as vir ’n veeboer. Om dié rede is veeboere waarskynlik swakker beplanners as saaiboere. Ons dink mos altyd ons het nog baie tyd om die aanpassings te maak . . . tot dit op ’n dag te laat is. Vir die kleinste impak op veegetalle moet die aanpassings altyd so gou moontlik gemaak word. Groot dele van die somerreëngebiede het tot nou toe nie baie reën gehad nie. Daarom is dit tyd om jou droogteplan te aktiveer. Dit is nou as jy een het. Ek voel sterk daaroor om…

Zimbabwe is betreklik vry van dieresiektes danksy goeie dieresorg onder die ou politieke bedeling en beheer van siektes, soos trigomonose, Johne se siekte, longsiekte, brucellose en tering, sê dr. Doug Bruce, private veearts van Harare en derdegenerasie-Zimbabwiër. Bruce het by Onderstepoort in Pretoria as veearts gekwalifiseer. Hy sê weens die Zimbabwiese regering se grondhervormingsbeleid om plase te onteien, is daar nou baie klein plase, wat dit moeilik maak om diere se beweging te beheer en ernstige siektes, soos bek-en-klouseer, te keer. Nogtans is die situasie nie buite beheer nie. Baie min veemiddels word plaaslik vervaardig en ruim 90% word van Suid-Afrika ingevoer. Bruce probeer altyd ’n groot voorraad aanhou, maar met die jongste ekonomiese krisis weens ’n tekort aan geld is dit nie so maklik nie. Die meeste van sy…

Vir doeltreffender besproeiingsbestuur moet boere dalk wyer kyk na metodes wat in ander lande werk. Om waterverdamping teen te werk, het mnr. Dick de Villiers, ’n afgetrede koffie-, tee-en-suikerrietboer van die Oribivlakte in KwaZulu-Natal, met ’n ondergrondse drukbesproeiingstelsel vorendag gekom om water en voedingstowwe regstreeks in die wortelsone van gewasse te plaas. “Ná ek afgetree het, het ek in Australië gaan woon en daar ál meer bewus geword van die belangrikheid van doeltreffende besproeiing. My boerdery-agtergrond het gehelp met die ontwikkeling van die stelsel,” het hy in Landbouweekblad van 18 Januarie 2019 gesê (“Ondergrondse besproeiing bespaar water en krag”). Die eerste paar proewe is in gemeenskapstuine rondom Perth gedoen. Die besproeiingspype wat hy gebruik, word deur ’n fabriek in Alberton gemaak. Die USIS-stelsel (Unique Subsurface Irrigation System) wat De Villiers…

Watter klimaatsvoordele geniet julle? Die gebied is bekend om warm somers en koue winters met matige reënval. Die inheemse wildeolyfboom (Olea europaea africana) kom natuurlik op die plaas voor. Dit spreek vanself dat olyfbome hier sal aard en goed sal dra. Die Langeberg is ook ons voedingsaar vir besproeiingswater wat ons in opgaardamme opgaar. Watter kultivars verbou julle? Ons maak hoofsaaklik olie van FS17, Frantoio, Leccino en Coratina. Calamata, Mission en Nocellarra del Belice word vir tafelolywe gebruik. Laasgenoemde twee kan ook vir olyfolie gebruik word as dit op die regte tyd geoes en verwerk word. Hul olieverhaling is egter laag – net sowat 13-14%. Hoe lyk goeie oliekultivars se verhaling? Frantoio se verhaling is sowat 17% (dus 17 liter olie uit 100 kg olywe). Waarom kan julle die begrip…

Ek moes R1,21 betaal vir elke kwacha wat ek in Zambië bestee. Die rede daarvoor was gou duidelik: Dié land se regering is nie skaam om die regte besluite te neem nie, en Zambië se mynbou, landbou en toerisme is ekonomiese treine wat voortstoom sonder om terug te kyk. Mnr. Akinwumi Adesina, hoof van die Afrika-ontwikkelingsbank en voormalige minister van landbou in Nigerië, het gesê: “Die landbou is nie ’n manier van lewe nie. Dit is ’n besigheid.” Die Zambiese regering het dié boodskap ter harte geneem en wyd toegepas. Daar is nog baie landbougrond in die land beskikbaar – van die 58% van Zambië se grondgebied (sowat 43 miljoen hektaar) wat vir die landbou beskikbaar is, word vandag nog net 15% gebruik. Tans word meer as 100 000 ha…

DIE naam van die Dohne-Merino-telersgenootskap van Suid-Afrika is nou ’n geregistreerde handelsmerk wat vir die volgende dekade sal geld, waarna die registrasie hernu kan word. Volgens dr. Kobus Delport, rasdirekteur, beteken dit die woorde Dohne-Merino, die genootskap se logo en sy slagspreuk, Dohne-Merino – die veelsydige ras, en die Engelse vertalings daarvan word wetlik teen misbruik beskerm. “’n Handelsmerk word hoofsaaklik geregistreer om die gehalte en eiesoortigheid van ’n produk te beskerm,” sê Delport. “Die produsent van dié produk word verantwoordelik gehou om die gehaltestandaard daarvan te onderhou én dit terselfdertyd teen vervalsing te beskerm.” Dit bied die bedryf ook die geleentheid om sy produk op ’n eerlike en doeltreffende manier te bemark, sê hy. Met verwysing na die Dohne-Merinobedryf, is alle geregistreerde telers genoodsaak om die standaard van die…

INTERNASIONAAL: Die Chicagoprys het met $0,03 (R0,41/t) tot $149,16/t (R2 015/t) teenoor die vorige week gestyg. Op ’n jaargrondslag is dit 4,4%, of $6,32/t, hoër. Verwagte pryse: Mrt. – $147,08/t (R1 987/t), Mei – $150,15/t (R2 028/t), Jul. – $153,30/t (R2 071/t), Sept. – $154,56/t (R2 088/t). PLAASLIK: Die Safexprys van wit mielies het met 5,6%, of R149/t, tot R2 800/t teenoor die vorige week gestyg. Die prys van geel mielies het met 1,3%, of R35/t, tot R2 663/t teenoor die vorige week gestyg. Op ’n jaargrondslag is wit mielies 53,2%, of R972/t, duurder, terwyl geel mielies 38,3%, of R738/t, duurder is. Verwagte witmieliepryse: Mrt. – R2 776/t, Mei – R2 855/t, Jul. – R2 885/t, Sept. – R2 972/t. Verwagte geelmieliepryse: Mrt. – R2 675/t, Mei – R2 712/t,…

Ná maande se taamlik goeie verkope was trekkerverkope in Januarie 29% laer as die 546 eenhede wat verlede Januarie verkoop is, sê die Suid-Afrikaanse Landboumasjinerie-assosiasie (Salma) in sy nuutste verslag oor werktuigverkope. In die 12 opeenvolgende maande was trekkerverkope effens (0,4%) laer as in die vorige ooreenstemmende tydperk. Die stroperverkope van vier eenhede in Januarie was ook aansienlik minder as die agt eenhede wat verlede Januarie verkoop is. In die opeenvolgende 12 maande was stroperverkope egter steeds byna 6% meer as in die vorige jaar. Die teleurstellende verkope in Januarie weerspieël waarskynlik ’n mate van pessimisme in die mark. Sekere somergewasgebiede, veral in die westelike dele, het nie reën gehad nie, en waar reën wel geval het, was dit baie laat, sê mnr. Greg Cadman, voorsitter van Salma. Dit het…

BOEREDAE 12 MAART: Overberg Agri se voorsaai-inligtingsdag by Rietpoel. Ruan Schutte, tel. 028 214 3826, e-pos: rschutte@overbergagri.co.za 13 MAART: Swartlandse Kleingraanontwikkelingsgroep (Skog) se voorsaai-inligtingsdag, Langgewens-navorsingsplaas. E-pos: GertC@elsenburg.com 16 MAART: Onderstepoortboeredag. Lizemari de Klerk, tel. 072 380 0846, e-pos: lizemari.ter@gmail.com 10 APRIL: Plaasbesoek aan John Eustace, Voermol se Beesboer van die Jaar, Underberg, KwaZulu-Natal. C.T. du Plessis, sel 072 441 5663, e-pos: ctdup@vodamail.co.za; Mark Scott, sel 082 771 6659, e-pos: majscott@webafrica.org.za 11 APRIL: Marlo-kwekery se boeredag. Lena Strydom, tel. 015 285 5004, e-pos: kwekery@marlofarms.co.za, web: www.marlofarms.co.za FEESTE, EKSPO’S 28 FEBRUARIE-3 MAART: Clocolan-plaaskultuurfees. Johann Dreyer, e-pos: ojtdreyer@gmail.com, sel 083 462 4447, web: clocolanplaaskultuurfees.co.za 1-10 MAART: Landbouweekblad se Eeufees-voorbladuitstalling by die Woordfees. Adam Small-teater, Stellenbosch. E-pos: jacolette.kloppers@landbou.com 1-10 MAART: Agri-Expo Landboureeks — kom proe waar jou kos vandaan kom. Woordfees, Stellenbosch. E-pos:…

Op baie plekke is die reën wat nou uitsak, ver onder die jaarlikse gemiddelde, maar dit maak nie saak nie. Dit is reën en dit val in skaflike hoeveelhede. ’n Mens is maar net te dankbaar! Vir veeboere is dit ’n openbaring om te sien hoe vergewensgesind die natuur kan wees. Die wêreld begin plek-plek regtig mooi lyk, ondanks die lelike droogte wat elders sy kloue nog diep inslaan. Vir graanboere, veral in die weste, is dit ongelukkig ’n verhaal van twee oeste — vroeë en laat mielies. Die eerste sarsie het meestal lelik seergekry. Die tweede sarsie lyk aansienlik beter, maar die ryp wag nog. Mense besef nie altyd watter merkwaardige bate Suid-Afrika se boere is nie. In 2016, toe die reën eers vroeg in die nuwe jaar geval…

RAMAPHOSA BELOOF STAATSGROND VIR GRONDHERVORMING Staatsgrond gaan vir herverdeling beskikbaar gestel word as deel van die Regering se pogings om grondhervorming te bespoedig. Pres. Cyril Ramaphosa het in sy tweede staatsrede in die Parlement gesê die grond hiervoor is reeds geïdentifiseer. “Strategies geleë grond sal beskikbaar gestel word om in behuisingsbehoeftes in stedelike en buitestedelike gebiede te voorsien.” WILLEM DE KLERK skryf: Die staatsgrond behoort aan almal. Alle kleure en rasse in Suid Afrika moet voordeel trek. Kom ons sien hoe rassisties dit binne die Regering is. RONEL LOUW PFISTER skryf: Dien jul aansoeke in. Ek wil ook met groente in tonnels boer. Gaan ook grond demand! ADRI FERREIRA-WERNICH skryf: Nes die Oos-Kaap in duisende stukkies opgedeel is. Dit lewer geen bydrae tot die ekonomie nie. Nou sit ons met…

MNR. ZAIN HALLE boer buite Nelspruit met die vinnig groeiende moringaboom, waarvan veral die blare vir medisinale gebruik reg oor die wêreld hoog in aanvraag is. Lees die artikel op bl. 46. VERTEL ONS VAN JOU GESIN. Ek is ’n enkelouer. My dogter, Jade, is 13 en woon saam met my op die plaas. Sy ontvang tuisonderrig van ’n private onderwyseres wat elke dag plaas toe kom. HET JY ’N STOKPERDJIE? Ek bou legkaarte en lees graag. Ek verslind enige biografie waarop ek my hande kan lê. WAAR HOU JULLE VAKANSIE? Ek gaan hou vakansie in die Ooste. Ek was al meer as tien keer in Indië en is baie beïndruk met lande soos Viëtnam en Kambodja. Aanvanklik was ek geskok deur die armoede in Indië, maar later het die…

DAAR staan vanjaar twee verskillende oeste in die westelike somersaaigebied, sê mnr. Jannie de Villiers, uitvoerende hoof van Graan SA. “Die vroeë mielies het nie baie hoog gegroei nie en hulle het nou net begin saad skiet. Ons sal waarskynlik ’n ondergemiddelde oes daarvan kry.” Die mielies wat in die nuwe jaar geplant is, het vroeg in Februarie reën gekry. Volgens De Villiers lyk dié mielies op die oomblik mooier as die vroeë aanplantings. Hy sê op die meeste plekke in die weste het daar darem minstens 20 mm geval. Daar is sekere streke wat twee of drie goeie opeenvolgende buie gehad het wat selfs tot 80 mm op ’n slag gelewer het. “Die boere is net regtig bekommerd oor die waarskynlikheid van rypskade. Daar was twee baie warm weke…

MEER as 1 400 mm reën het sedert begin Februarie oor dele van Australië se noordoostelike deelstaat Queensland geval ná sewe jaar van knellende droogte. Boere beskou die oorstromings as erger as dié van 1974. Sowat 20 miljoen ha is glo oorstroom, en daar word gevrees dat 500 000 beeste gevrek het. Talle noodlenigingsoperasies is aan die gang om voer by boere te probeer kry om hulle te help om hul vee – wat reeds weens die droogte swak is – aan die lewe te hou. Wêreldwyd kom uiterste weertoestande tans voor, met droogtes in Brasilië en oorstromings in Argentinië, Uruguay en Paraguay, terwyl uiterste koue oor dele van Noord-Amerika en Europa voorkom, sê mnr. Johan van den Berg, klimatoloog by Santam Landbou. Hy sê dis moontlik dat die droogtetoestande…

’N AFDELING wat boere op die hoogte hou van die nuutste handelsooreenkomste en residuvereistes wêreldwyd is een van Corteva Agriscience se planne om homself as ’n hoofspeler onder landbou-insetverskaffers te vestig. Dié maatskappy is gebore uit die samesmelting van die landbouchemikalieëmaatskappy Dow en die Amerikaanse landboureus DuPont. Dit funksioneer tans as ’n afdeling binne die nuwe, gekonsolideerde maatskappy, maar sal later vanjaar as ’n onafhanklike maatskappy geregistreer word. Mnr. Igor Teslenko, Europese streekhoof by Corteva Agriscience, het op ’n bekendstellingsgeleentheid van die maatskappy by Fruit Logistica in Berlyn, Duitsland, gesê die maatskappy sal hom toelê op saad en landbouchemikalieë. Hy het reeds groot handelsmerke, soos Pannar en Pioneer, onder sy vaandel. “Ons lewe in ’n tyd van oorvloed, maar tog het een uit elke nege mense op aarde nie genoeg…

IN sy staatsrede het pres. Cyril Ramaphosa herhaaldelik verwys na dialoog en samewerking oor die afgelope sowat ses maande tussen die Regering, die sake- en arbeidsektor, en gemeenskappe op velerlei vlakke. Hierdie groeperings is ook die sogenoemde maatskaplike vennote binne die Nasionale Ekonomiese, Ontwikkelings- en Arbeidsraad (Nedlac), wat onder die Nedlac-wet (Wet 35 van 1994) funksioneer. Op die presidensiële werkberaad verlede Oktober is daar reeds op sekere uitkomste tussen die partye ooreengekom. Ramaphosa het in sy staatsrede spesifiek verwys na die openbare-private-groei-inisiatief (PPGI), onder die gesamentlike leiding van dr. Nkosazana Dlamini-Zuma, Minister in die Presidensie vir Beplanning, Monitering en Evaluering, dr. Johan van Zyl van Toyota International, en mnr. Roelf Meyer van In Transformation Initiative (ITI), om sektorplanne te ontwikkel om ekonomiese groei te bewerkstellig. SLEUTELPROBLEME Ramaphosa het gesê Suid-Afrika…

VAN die inmaakvrugtebedryf se hoop om ’n U-draai te maak en die afgelope drie jaar se krimpende oeste om te keer, het dadels gekom. Die appelkoosoes was die swakste in drie dekades en die vooruitsigte vir taaipitperskes en inmaakpere lyk ook droewig. “Met die droogte, die laer vrugtepryse, onsekerheid oor langtermynkontrakte en die wisselvallige, sterk rand, bly die bedryf in ’n blik gedruk,” skryf mnr. Wiehahn Victor, uitvoerende hoof van die Inmaakvrugteprodusentevereniging (IPV), in die jongste uitgawe van Die Krat. “Daar was soveel hoop dat die bedryf deur die drif is ná goeie reënval in sommige gebiede, asook die verswakking van die rand laat verlede jaar, maar helaas, beter dae ontwyk ons.” SWAKSTE OES IN 30 JAAR ‘Helaas, beter dae ontwyk ons.’ Die appelkoosoes was vanjaar die swakste in meer…

Die afgelope dekade het die landbousake-omgewing al meer riskant geword, met risiko’s wat insluit klimaatsverandering, wisselvallige markte en pryse, ’n onstabiele wisselkoers, en regeringsbeleid en -optrede (of gebrek aan optrede). In die korporatiewe wêreld is die beoordeling van risiko’s en die opstel van ’n risikobestuursplan een van die take van die bestuur of direksie. ’n Ondernemer beskik oor kapitaal en ondernemerskap wat hy moet benut om met die minste risiko die grootste moontlike opbrengs op sy kapitaal te kry. Die minimum maatstaf vir ’n redelik risikovrye opbrengs is gewoonlik ’n deposito in ’n betroubare bank (tans met rente van sowat 8-9%), of ’n belegging in Suid-Afrikaanse staatseffekte, met rente van ongeveer 8,6%. Daar is geen risiko’s hieraan verbonde nie en ook nie ’n ondernemersloon nie. Indien die risiko’s verbonde aan…

Inligtingsdae word op die wenners van Voermol se Bees- en Skaapboer van die Jaar aangebied. Vir die beesboerdag op die Eustaces se plaas op 10 April, rig navrae aan mnre. C.T. du Plessis (sel 072 441 5663; e-pos: ctdup@vodamail.co.za) en Mark Scott (sel 082 771 6659 of e-pos: majscott@webafrica.org.za). Die skaapboerdag op mnr. Andrew Jordaan se plaas Spekboomberg in die distrik Cradock, is op Woensdag, 29 Mei. Navrae: Mnre. Leon de Klerk (sel 082 901 1073; e-pos: leondeklerk@vodamail.co.za) en Raymond Rudman (sel 082 571 2944 of e-pos: raymond.r@tiscali.co.za). Die kompetisie is met die samewerking van Landbouweekblad, BKB, FNB, die Nasionale Wolkwekersvereniging, die Rooivleisprodusente-organisasie en Landbou-radio aangebied.…

Mielie-opbrengste in Suid-Afrika het van 1950 to 2015 sewevoudig toegeneem, met die aanvaarding van bastermielies wat ’n groot bydrae hiertoe gelewer het. Maar wat is die herkoms van dié tegnologie en waarheen is dit op pad? Na raming is die mielie sowat 5 000 jaar tot 10 000 jaar gelede deur die Indiaanse stamme van Mexiko en Sentraal-Amerika uit die gras teosinte (wildemielies) geteel en verbeter. Teen die tyd dat Europese setlaars met hulle kontak gemaak het, is mielies wydverspreid in Noord- en Suid-Amerika verbou en het dit ’n belangrike rol in verskeie kulture gespeel. Die mielie is daarna oor die wêreld heen deur die nuwe aankomelinge versprei. Gedurende die 15de eeu het die gewas ook sy weg na Suider-Afrika gevind saam met die Portugese ontdekkingsreisigers onderweg na Indië. Die…

Daar is darem min dinge soos daardie eerste koppie koffie om die dag op koers te kry. Kitskoffie, stofkoffie, aanmaakkoffie – noem dit wat jy wil – is eenvoudig nie goed genoeg vir dié doel nie. ’n Mens kan dit later in die dag gebruik om die keel nat te maak, maar dit is belangrik dat die eerste koppie boeretroos met goeie Arabica op ’n skaflike manier gebrou word. KitchenAid se Siphonkoffiemaker is nét die ding. Dit lyk dalk soos ’n stuk laboratoriumtoerusting, maar dit bied ’n outomatiese vakuumbrouproses deur temperatuurpresisie. Danksy die ketel en filterpot van glas kan ’n mens die hele brouproses sien. Die filters van vlekvrye staal kan oor en oor gebruik word. Die eenheid se deksel en staander is van polipropileen gemaak. Saam met die stelsel…

BRAHMAN 1 Senior en grootkampioenbul, GNF 14 4. Eienaars: Mnre. Gerrie Roos (regs, sel 083 324 0989) en Derrick Louw, Gerniclandgoed, Delmas. Hanteerder: Mnr. William Matwera. 2 Senior en grootkampioenkoei, asook opperste kampioen-Brahman, VDM 14 3 Sugar. Eienaar: Mnr. Willie Jacobs (sel 083 631 6373), WJ-boerdery, Rustenburg Hanteerder: Mnr. Jomo Modisane. 3 Junior en reserwegrootkampioenkoei, ELT 16 29. Eienaars: Mnr. Hans (links, sel 072 380 0846) en me. Lizemari Terblanche, De Blanque-Brahmanstoetery, Pretoria. Hanteerder: Mnr. Koos Matibe. 4 Kampioen-bulkalf en reserwegrootkampioenbul, AJS 17 675 Magic. Eienaar en hanteerder: Mnr. Willie Jacobs. LIMOUSIN 5 Senior en grootkampioenbul, Devlan Hearsay DL 12 66. Eienaars: Mnr. John (sel 083 454 3095) en me. Tracey Devonport, Devlan-stoetery, Johannesburg. Hanteerder: Mnr. Petros Mofokeng. 6 Senior en grootkampioenkoei, Devlan Effervescent DK 09 35. Eienaars: Mnr. John…

Mnr. Jaco Strauss, Toyota SA en Agri SA se Jongboer van die Jaar vir 2017, sê sy boerdery is baie doeltreffender danksy presisieboerdery en beter besproeiingsbestuur. Strauss boer met verskeie graangewasse, soos koring, mielies en hawer, asook grondbone, sojabone, lusern, katoen en pekanneute onder die vaandel van die McStrauss-boerdery. Hy boer al byna 20 jaar lank op sy plaas, Lekkerkry, in die distrik Vaalharts in die Noord-Kaap, en hy glo aan deurlopende verbetering en die toepassing van die voorste tegnologie. “Ek gebruik Lindsay Africa se Zimmatic-spilpunte en vind dit is die ideale besproeiingsoplossing. Dit is aan die voorpunt van tegnologie. Ek kan die besproeiing op my plaas van enige plek ter wêreld af monitor. Tegnologiese vernuwing laat my toe om my bewerkingspraktyke en produkte te verbeter,” sê hy. Strauss is…

Elke twee jaar word ’n opname oor plaaswerkers se vergoeding op kommersiële plase deur die Landbouwerkgewersvereniging, ’n filiaal van die Namibiese Landbou-unie, gedoen. Die jongste verslag oor die tydperk 2017-’18 is pas bekend gemaak. Inligting van 3 288 werkers is dié keer gebruik. Boere se deelname is vrywillig. Die gemiddelde maandelikse basiese salaris van heeltydse werkers beloop R2 138, byvoordele uitgesluit. Die totale vergoedingspakket beloop gemiddeld R3 413. Dit bestaan uit ’n kontantsalaris, kontanttoelaag, rantsoene en ander kos wat op die plaas geproduseer word (wat die basiese vergoeding uitmaak), asook huisvesting, weiding vir vee en gratis vervoer. Die maandelikse vergoeding sluit nie bonusse, klere, medisyne, skool- en koshuisgeld, bydraes tot ’n maatskaplike voorsorgfonds en water en energiekoste (hout en elektrisiteit) in nie. Dit is dus ’n bykomende koste vir die…

Löwen, lees die padbordjie daar waar jy hom tussen Grünau en Keetmanshoop in Namibië kry. In die wandel praat ons sommer van Leeurivier. In Desember, toe ek daar was, het my gedagtes ver teruggegaan na die dag toe ek en Frikkie van der Merwe die Leeurivier met ’n bobbejaankop-Cruiser bestorm het. Die storie het ’n aanloop gehad. Die groot droogte in die vroeë 1980’s het die suide van Suidwes (die naam destyds) erg getref. Die regering het selfs die Sperrgebiet oopgestel vir weiding. Swaer Koot is met ’n deel van die Karakoeltrop en ’n woonwa Sperrgebiet toe en pa Willie, met die res, het staanplek op Schwartzseck naby Warmbad gekry. Op Pronksberg was daar net ’n bietjie wild wat nog oorleef het. Van Pa se troppie gemsbokke wat teen Oberndorf…

DIE Wagyu-genootskap van Suid-Afrika (WSA) en Gesertifiseerde Wagyu Beef (GWB) het ’n ooreenkoms met die Morgan Beef-groep gesluit om dié ras se speenkalwers teen ’n premie te koop of in die wins te deel. Die ooreenkoms bestaan uit drie opsies vir Suid-Afrikaanse produsente. Die eerste is dat die voerkraal die speenkalwers namens die produsent voer, en die produsent kry die volle waarde van die karkas. Die tweede is winsdeling, waar die voerkraal die produsent die helfte van die huidige speenkalfprys betaal, die kalf voer en die produsent kry dan die helfte van die wins op die karkas nadat die koste afgetrek en die karkas gegradeer is. Die derde is ’n pryspremie op die speenkalwers. Mnr. Jan Morgan, eienaar van die Morgan-groep, sê hy het vertroue in die ras. Dié vleis…

SWARTMARK KAN TABAKBEDRYF DOODDRUK Die toekoms van Suid-Afrika se tabakbedryf is op ’n naaldpunt. Wetstoepassing (of ’n gebrek daaraan) in die volgende paar maande kan die bedryf maak of breek. British American Tobacco (BATSA) het Limpopo Tobacco Processors (LTP), die land se enigste verwerker, onlangs gewaarsku dat hy ingevoerde tabak sal moet koop pleks van plaaslike tabak as die markaandeel van onwettige sigarette in Suid-Afrika aanhou groei. Die jongste syfers wat deur Ipsos vrygestel is, toon dat die onwettige sigarethandel gegroei het tot 42% van die handel. Dit kos die fiskus meer as R8 miljard in verlore inkomste en het ’n regstreekse ongunstige impak op die wettige bedryf wie se mark weggekalwe word deur goedkoop sigarette op die mark. Die tabakoes van 2018-’19 is op 15 360 ton (11 300…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG CARLETONVILLE HOLFONTEIN (49), 713 ha, aan C Nel Boerdery, van A. Appelgryn, R5 973 600. PATRIOTSFONTEIN (558), 74ha,aanZumbaniFarming (Edms.) Bpk., van Eugene Bieldt-familietrust, R905 531. PRETORIA JAKHALSFONTEIN (528), 118 ha, aan Nzinzani Prop. (Edms.) Bpk., van P.Z. en Z.G. Skhosana, R2 500 000. KWAZULU-NATAL UTRECHT ALMANSNEK (114), 265 ha en WELGEVONDEN (287), 623 ha, aan Nyembe Development-trust, van Blue Horison Properties, R23 469 480. ARRARAT (368), 573 ha en LUSTHOF (309), 1 300 ha, aan Wetlands Country Retreat (Edms.) Bpk., van Green Flash Trading 6 (Edms.) Bpk., R14 957 000. BRANDKRAAL (505), 681 ha, aan A.D. Lotter en M. van Wyk, van Tommie Bouwer-familietrust, R535 000. BRANDKRAAL (505), 681 ha, aan Opperman Boerderytrust, van A.D. Lotter en…